BTV NEWS

ចៅក្រមស៊ើបសួរសាលាដំបូងរាជធានីភ្នំពេញសម្រេចឃុំខ្លួនជនត្រូវចោទ៨នាក់ជាបណ្តោះអាសន្នពាក់ព័ន្ធអំពើឆបោកតាមឆបោកតាមប្រព័ន្ធអនឡាញ

ត្រឹមថ្ងៃទី១៩កក្កដា សមត្ថកិច្ចរាជធានី-ខេត្ត បង្រ្កាបករណីឆបោកតាមប្រព័ន្ធបច្ចេកវិទ្យា ៥២ទីតាំង ឃាត់ខ្លួនជនសង្ស័យ ២.៧៦៧ នាក់ មានជនជាតិចិនចំនួន ៨៤៣នាក់

កម្លាំងចម្រុះ រកឃើញជនជាតិចិន ៩០នាក់, ជនជាតិវៀតណាម ៣៥នាក់, ជនជាតិមីយ៉ាន់ម៉ា១៥នាក់, ឡាវម្នាក់ ក្នុងប្រតិបត្តិការចុះត្រួតពិនិត្យទីតាំងសង្ស័យលួចលាក់ប្រព្រឹត្តបទល្មើស Online Scam នៅក្រុងបាវិត

អាជ្ញាធរខេត្តកោះកុង បំភ្លឺថាមិនមានការបង្រ្កាបទីតាំងល្បែងអនឡាញទេ មានការស្រាវជ្រាវករណីឃាតកម្ម

សន្តិសុខ និង សង្គម

ខ្មាន់កាំភ្លើង ដែលបាញ់ជនបរទេសម្នាក់ស្លាប់ កាលពីចុងឆ្នាំ២០២២ ត្រូវសមត្ថកិច្ចចាប់ខ្លួនបានហើយ

ភ្នំពេញ ៖ ជនសង្ស័យម្នាក់ដែលជាខ្មាន់កាំភ្លើងបាញ់ប្រហារជនបរទេសម្នាក់ទៀត បណ្ដាលអោយស្លាប់ កាលពីចុងខែធ្នូ ឆ្នាំ២០២២ នៅក្នុងខណ្ឌចំការមន ត្រូវបានកម្លាំងសមត្ថកិច្ចចម្រុះ ស្រាវជ្រាវធ្វើការឃាត់ខ្លួនបានហើយ កាលពីវេលាម៉ោង២២ និង៣០នាទីយប់ថ្ងៃទី១៤ ខែកុម្ភៈ ឆ្នាំ២០២៣ ដោយដកហូតបានកាំភ្លើងខ្លីមួយដើម ម៉ាក ruger ពណ៌ខ្មៅ និងកាំបិតបត់០១ដេីមផងដែរ ។ ជនសង្ស័យមានឈ្មោះ SWARTZ JOSEPH ហៅ VERNAZZA JASON ហៅ WILSON ALAN BRADLY ហៅ SPADER JAMES ភេទប្រុស អាយុ៣១ឆ្នាំ ជនជាតិអង់គ្លេស ទីលំនៅ និងមុខរបរមិនទាន់ដឹង ។ ចំណែកជនរងគ្រោះ មានឈ្មោះ DACKOVI STRAHIJAI ភេទប្រុស អាយុ៣៧ឆ្នាំ ជាជនជាតិស៊ែកបី ជនទាំង២នាក់គឺជាមនុស្សរាប់អានគ្នា ។ ប្រតិបត្តិការស្រាវជ្រាវតាមចាប់ខ្លួនជនសង្ស័យជាខ្មាន់កាំភ្លើង ធ្វើឡើងដោយកម្លាំងនគរបាល នៃនាយកដ្ឋាននគរបាលព្រហ្មទណ្ឌក្រសួងមហាផ្ទៃ សហការគ្នាជាមួយ កម្លាំងនគរបាលការិយាល័យព្រហ្មទណ្ឌកម្រិតធ្ងន់ នៃស្នងការដ្ឋាននគរបាលរាជធានីភ្នំពេញ និងកម្លាំងនគរបាលខណ្ឌចំការមនផងដែរ ។ មន្ត្រីសមត្ថកិច្ចអោយដឹងថា ផ្អែកតាមចម្លើយឆ្លើយសារភាពរបស់ជនសង្ស័យ បានបញ្ជាក់ថា មូលហេតុ ដែលរូបគេបាញ់សម្លាប់ជនរងគ្រោះ គឺដោយសារតែកន្លងមក ជនរងគ្រោះតែងតែធ្វើការគំរាមបាញ់ទៅលើរូបខ្លួនជាច្រើនលើកច្រើនសារ ទើបនៅថ្ងៃកើតហេតុរូបគេមានឱកាសល្អក៏សម្រេចចិត្តបាញ់ទៅលើជនរង គ្រោះឈ្មោះ DACKOVI STRA HIJAI តែម្ដង ។ គួររំលឹកថា អំពើបាញ់ប្រហារខាងលើកើតឡើង កាលពីវេលាម៉ោង២៣ និង៤០នាទីយប់ថ្ងៃទី២៤ ខែធ្នូ ឆ្នាំ២០២២ នៅចំណុច មុខអាគារ The Peak ផ្លូវក្រសួងការបរទេសក្នុងក្រុម៧៨ ភូមិ១៤ សង្កាត់ទន្លេបាសាក់ ខណ្ឌចំការមន ។ តាមប្រភព នៅមុនពេលកើតហេតុ រូបខ្លួន និងជនរងគ្រោះព្រមទាំងសង្សារជនរងគ្រោះឈ្មោះ ផាន់ សុផាត ភេទស្រី អាយុ៤៤ឆ្នាំ ជនជាតិខ្មែរ បានទៅផឹកស៊ីជាមួយគ្នានៅហាង អាមែន នៅម្ដុំផ្សារចាស់ ស្ថិតក្នុងខណ្ឌដូនពេញ ។ បន្ទាប់មកពួកក៏បានចាកចេញពីកន្លែងផឹកស៊ី ដោយឡើងជិះរថយន្ត០១គ្រឿង ម៉ាកឡង់គ្រីស័រ ពណ៌ស ពាក់ស្លាកលេខភ្នំពេញ 2BS-8021 ដើម្បីជូនជនរងគ្រោះទៅសំរាក ។ លុះពេលទៅដល់មុខសណ្ឋាគា ដឺភិច ( ចំណុចកើតហេតុ ) ជនរងគ្រោះក៏បានចុះពីលើរថយន្តមួយភ្លេត ដោយទុកកាំភ្លើងខ្លីនៅប្រអប់ដាក់ទឹកក្បែចង្កឹះលេខរថយន្ត ហើយដើរសំដៅ ទៅមុខសណ្ឋាគា ដឺភិច រួចក៏ដើរត្រលប់មកបើកទ្វារថយន្តបំរុងចូលរថយន្តវិញ ក៏ត្រូវជនសង្ស័យបានប្រើកាំភ្លើងរបស់ជនរងគ្រោះ បាញ់ប្រហារទៅលើរូបគេចំនួន៣គ្រាប់ បណ្តាលអោយរងរបួសធ្ងន់ធ្ងរ ហើយត្រូវបានស្លាប់ពេលបញ្ចូនទៅសង្គ្រោះដល់មន្ទីរពេទ្យ ។ ភ្លាមៗនោះ ជនសង្ស័យក៏បានបើករថយន្តចេញពីកន្លែងកើតហេតុ ដោយបាដឹកឈ្មោះ ផាន់ សុផាត ដែលសង្សារជនរងគ្រោះ ចុះពីលើរថយន្តនៅមុខផ្សារអីអន២ ហើយរូបខ្លួនក៏ជិះ រថយន្តបន្តគេចខ្លួនបាត់តែម្ដងទៅ ៕ អត្ថបទ ៖ លីហេង

BREAKING NEWS៖ ការបាញ់បោះសេរីសម្លាប់មនុស្ស ៣នាក់ ជំរុញឲ្យបិទសាកលវិទ្យាល័យរដ្ឋ Michigan នៅសហរដ្ឋអាមេរិក

អាមេរិក៖ សាកលវិទ្យាល័យរដ្ឋ Michigan របស់សហរដ្ឋអាមេរិកត្រូវបានបិទ ក្រោយការបាញ់ប្រហារដោយសេរីនៅក្នុងទីតាំងមួយចំនួននៃបរិវេណសាកលវិទ្យាល័យនេះ។ នគរបាលនិយាយថា ខ្មាន់កាំភ្លើងដែលបានបាញ់សម្លាប់មនុស្ស ៣នាក់ និងបណ្ដាលឲ្យមនុស្ស ៥នាក់ផ្សេងទៀតរងរបួស បានស្លាប់ដោយសារតែបាញ់សម្លាប់ខ្លួនឯង។ នគរបាលបានរាយការណ៍ពីការបាញ់ប្រហារនៅសាល Berkey Hall និងអគារ IM East building របស់សាកលវិទ្យាល័យរដ្ឋ Michigan កាលពីយប់ថ្ងៃចន្ទដោយបញ្ជាក់ថា អង្គភាពអនុវត្តន៍ច្បាប់កំពុងធ្វើការយ៉ាងសកម្មនៅកន្លែងកើតហេតុ។ ដំបូងក្រុមមន្ត្រីបាននិយាយថា មានមនុស្សជាច្រើនរងរបួស ហើយថាជនសង្ស័យទំនងជាមានតែម្នាក់ឯងទេ។ ក្រោយមកនគរបាលបានបញ្ជាក់ថា មនុស្ស ៣នាក់ត្រូវបានបាញ់សម្លាប់អំឡុងបាញ់ដោយសេរីនោះ ហើយមនុស្ស ៥នាក់ត្រូវបានដឹកទៅកាន់មន្ទីរពេទ្យ Sparrow ក្បែរកន្លែងកើតហេតុ ខ្លះមានរបួសធ្ងន់ដល់អាយុជីវិត។ ស្នងការរងនគរបាលបណ្ដោះអាសន្នលោក Chris Rozman បានពណ៌នាជនសង្ស័យថា ជាបុរសស្បែកខ្មៅ ទាប ពាក់ស្បែកជើងពណ៌ក្រហម អាវក្រៅខាប៊យ និងពាក់មួកកន្តិប៕ អត្ថបទ៖ សុខមាន

អគ្គិភ័យឆាប់ឆេះផ្ទះ និងហាងលក់ដូរអស់មួយចំនួន នៅក្រុងប៉ោយប៉ែត អាជ្ញាធរមិនទាន់បញ្ជាក់ពីមូលហេតុ

បន្ទាយមានជ័យ៖ មានករណីអគ្គិភ័យ បានឆាប់ឆេះផ្ទះ ហាងលក់ដូរ និងទីតាំងធ្វើអាជីវកម្មផ្សេងៗ ចំនួន៥ខ្នង ហេតុការណ៍នេះ បានបង្កឲ្យមានការភ្ញាក់ផ្អើល នៅព្រឹកថ្ងៃទី១៣ ខែកុម្ភៈ ឆ្នាំ២០២៣ នៅចំណុចមុខសណ្ឋាគាអូរមាស ស្ថិតក្នុងភូមិអូរជ្រៅ សង្កាត់អូរជ្រៅ ក្រុងប៉ោយប៉ែត ។យោងតាមរបាយការណ៍របស់អាជ្ញាធរខេត្តបន្ទាយមានជ័យ បានឲ្យដឹងថា សម្រាប់ផ្ទះ ដែលបានឆេះនោះ មានម្ចាស់ទី១. ហាងម៉ាត BPA 24h ម្ចាស់ឈ្មោះ យ៉ាំ សីវលីន (ខូចខាតផ្ទះមួយកំណាត់ខាងក្រោយ), ទី២. ហាងលក់សំបកកង់រថយន្ត ម្ចាស់ឈ្មោះ អ៊ុង ស៊ីមាណាត ភេទប្រុស អាយុ៣៦ឆ្នាំ (ខូចខាងផ្ទះទាំងស្រុង), ទី៣. ហាងលក់សម្ភារគ្រឿងអគ្គិសនី ម្ចាស់ឈ្មោះ លី សៀងផេង (ខូចខាតទាំងស្រុង), ទី៤. ហាងលក់គ្រឿងអេឡិចត្រូនិច ម្ចាស់ឈ្មោះ សារ៉ាយ ទី៥. ហាងអិនធីស៊ីកំទ្យូទ័រ មានម្ចាស់ឈ្មោះ ឈី សូវៀត (ការខូចខាតក្តាប់មិនទាន់បាន) ។ក្នុងកិច្ចប្រតិបត្តិការនេះប្រើប្រាស់កម្លាំងដឹកនាំដោយឯកឧត្តម អ៊ុ រាត្រី ប្រើប្រាស់រថយន្តពន្លត់អគ្គីភ័យ និងរថយន្តសង្គ្រោះ ជាង១០គ្រឿង និងប្រើប្រាស់កម្លាំងជាង ១ពាន់នាក់ ហើយក្នុងពេលពន្លត់អគ្គិភ័យនោះ មានកម្លាំងម្នាក់បានរងរបួស ។ តែយ៉ាងណាក៏ដោយ រហូតមកដល់ពេលនេះ អាជ្ញាធរខេត្តបន្ទាយមានជ័យ មិនទាន់បញ្ជាក់ពីមូលហេតុ ដែលនាំឲ្យមានអគ្គិភ័យនេះ ហើយរងការខូចខាតអស់ប៉ុន្មានោះទេ ។ឯកឧត្តម អ៊ុ រាត្រី អភិបាលខេត្តបន្ទាយមានជ័យ មានប្រសាសន៍ថា ករណីអគ្គិភ័យនេះ គ្រប់គ្រងបានទាំងស្រុង នៅជាង៩ព្រឹក ថ្ងៃកើតហេតុ បន្ទាប់ពីមានការអន្តរគមន៍ពីសមត្ថកិច្ច ក្នុងការនាំយកនូវរថយន្តពន្លត់អគ្គិភ័យ មកបាញ់ពន្លត់ ។គួរបញ្ជាក់ថា កាលពីចុងឆ្នាំ២០២កន្លងទៅនេះ មានករណីអគ្គិភ័យឆាប់ឆេះអគារកាស៊ីណូមួយ នៅក្នុងក្រុងប៉ោយប៉ែត បណ្ដាលឲ្យមានមនុស្សស្លាប់ជាង ២០នាក់ និងរបួសជាង ១០០នាក់ ហើយអាជ្ញាធរកម្ពុជា សហការជាមួយភាគីថៃ រួមគ្នាជួយអន្តរាគមន៍ពន្លត់អគ្គិភ័យ និងរុករកជនរងគ្រោះផងដែរ ៕

សមត្ថកិច្ចចុះពិនិត្យទីតាំងតារាងបាល់មួយកន្លែង នៅសង្កាត់បឹងត្របែក សង្ស័យមានបង្កប់ល្បែងស៊ីសង

ភ្នំពេញ ៖ នៅវេលាម៉ោង១៨ និង៣០នាទីយប់ថ្ងៃ០៩ ខែកុម្ភៈ ឆ្នាំ២០២៣ កម្លាំងអាជ្ញាធរចម្រុះខណ្ឌចំការមន ដឹកនាំដោយលោក ម៉ៅ បូណែត អភិបាលរងខណ្ឌ បានបើកការឆ្មក់ចុះពិនិត្យទីតាំងតារាងបាល់ទះមួយកន្លែង ស្ថិតនៅចំណុចផ្ទះលេខ១៨ ផ្លូវលេខ៤៧៤ ក្នុងសង្កាត់បឹងត្របែក ខណ្ឌចំការមន រាជធានីភ្នំពេញ ដោយសង្ស័យមានបង្កប់ល្បែងស៊ីសង ។លោក ម៉ៅ បូណែត អភិបាលរងខណ្ឌ បានបញ្ជាក់អោយដឹងថា ការចុះពិនិត្យខាងលើនេះ ធ្វើឡើងបន្ទាប់ពីមានបងប្អូនពលរដ្ឋ ក៏ដូចជាអ្នកសារព័ត៌មាន រាយការណ៍ទៅកាន់អាជ្ញាធរអំពីទីតាំងតារាងបាល់ខាងលើ ថាមានលួចលាក់លេងនូវល្បែងស៊ីសងខុសច្បាប់ជាច្រើនប្រភេទ ដោយជ្រកក្រោមអាជីវកម្មតារាងបាល់ទះ និងបោះបូលកម្សាន្ត ។បន្ទាប់ពីមានការចុះពិនិត្យរួចមក ក្រុមអាជ្ញាធរចម្រុះ មិនបានរកឃើញមានការលេងល្បែងស៊ីសង ក៏ដូចជាការលេងភ្នាល់ខុសច្បាប់ណាមួយឡើយ ហើយកម្លាំងអាជ្ញាធរ ក៏បានធ្វើកិច្ចសន្យាជាមួយម្ចាស់ទីតាំង ដោយមិនត្រូវអោយមានការលេងល្បែងស៊ីសងនោះទេ បើពុំនោះទេ ក្រុមមន្ត្រី នឹងមានវិធានការផ្លូវច្បាប់។សូមបញ្ជាក់ថា កន្លងទៅទីតាំងខាងលើនេះដែរ ធ្លាប់ត្រូវបានបងប្អូនប្រជាពលរដ្ឋ រិះគន់ចំៗថា មានការបើកលួចលាក់លេងល្បែងភ្នាល់មួយចំនួនដូចជា បៀ អាប៉ោងជាដើម ដោយការលួចលេងនោះ តែងតែមានការភ្នាល់ក្នុងទំហំសាច់ប្រាក់ជាច្រើនសន្ធប់ សូម្បីតែកីឡាបាល់ទះ និងបោះបូលផងដែរ។ ហើយជាប្រចាំថ្ងៃគេក៏តែងសង្គេតឃើញមាន ក្រុមមនុស្សជាច្រើន នាំជិះម៉ូតូ ក៏ដូចជាបើករថយន្តស៊េរីទំនើបជាច្រើនគ្រឿង តែងទៅឈប់ចតសងខាងផ្លូវនៅមុខទីតាំងតារាងបាល់ដូចការដង្ហែរក្បួន ដើម្បីទៅលេងការភ្នាល់នៅទីនោះ។ ទន្ទឹមនឹងនោះកន្លងទៅ ក៏ធ្លាប់មានបងប្អូនអ្នកសារព័ត៌មានជាច្រើន តែងចុះផ្សាយជាបន្តបន្ទាប់ តាមការសំណូមពរពីពលរដ្ឋអោយមានការចុះបង្ក្រាបពីសំណាក់ក្រុមអាជ្ញាធរខណ្ឌ។ប៉ុន្តែ អ្វីជាការកត់សម្គាល់ គឺបើទោះជាមានការរាយការណ៍ពីពលរដ្ឋ មានការចុះផ្សាយព័ត៌មានយ៉ាងណាក៏ដោយ ក៏កន្លងទៅ និងជាបន្តបន្ទាប់ទីតាំងខាងលើនេះ នៅដំណើរការបានធម្មតា ហើយនៅពេលដែលក្រុមមន្ត្រីអាជ្ញាធរ បានត្រឹមចុះដល់មិនឃើញអ្វីទាំងអស់ ពោលហាក់ដូចជាមានការរៀបចំយ៉ាងស្អាត មុនពេលអាជ្ញាធរ ចុះទៅពិនិត្យម្តងៗ ហើយការចុះពិនិត្យពីសំណាក់ក្រុមអាជ្ញាធរខាងលើនេះ ក៏ពុំមែនជាលើកទី១នោះឡើយ៕ ដោយ ៖ លីហេង

រថយន្តដឹករបងដែកលួស បើកលឿនបួងចង្កូតមិនប្រយ័ត្ន បណ្តាលអោយក្រឡាប់ផ្ញារជើង នៅស្តុបវត្តនិរោធ

ភ្នំពេញ ៖ រថយន្តដឹករបងដែកលួស មួយគ្រឿង បានបើកបរក្នុងល្បឿនលឿន ខណៈដល់ចំណុចផ្លូវប្រសព្វភ្លើងស្តុប ដោយមិនបង្អង់ល្បឿន បណ្តាលអោយបួងចង្កូតរថយន្តជ្រុលរេក្រឡាប់ផ្ញារជើងច្រងាង បង្កអោយមានការភ្ញាក់ផ្អើល កាលពីវេលាម៉ោង១៣ និង៤០នាទីថ្ងៃទី០៩ ខែកុម្ភះ ឆ្នាំ២០២៣ នៅតាមបណ្តោយផ្លូវជាតិលេខ១ ចំណុចស្តុបវត្តនិរោធ ក្នុងសង្កាត់និរោធ ខណ្ឌច្បារអំពៅ ។ រថយន្តខាងលើ ជារថយន្តកូរ៉េដឹកទំនិញ ពណ៌ស ពាក់ស្លាកលេខ ភ្នំពេញ 3D-7947 បើកបរដោយបុរសម្នាក់ រួមដំណើរដោយព្រូល២នាក់ផ្សេងទៀត ។ យោងតាមប្រភពព័ត៌មាន នៅកន្លែងកើតហេតុ អោយដឹងថា ដំបូងឡើយគេសង្គេតឃើញរថយន្តបង្កបើកបរធ្វើដំណើរចេញពីផ្លូវប៉េតុងដែលនោជាប់នឹងរបងវត្តនិរោធ សំដៅឡើងទៅលើផ្លូវជាតិលេខ១ ពោលក្នុងទិសដៅពីជើងទៅទិសខាងកើតវិញ ដោយបត់ទៅខាងឆ្វេងដៃ បំណងសំដៅឡើងទៅស្ពានព្រះមុន្នីវង្ស ។ លុះកំឡុងពេលនោះ ដោយរថយន្តបើកលឿន ហើយបានបួងចង្កូតទាំងប្រញ៉ាប់មិនបានប្រយ័ត្ន បណ្តាលអោយរេចង្កូតរថយន្ត ហើយដួលបោកទៅនឹងផ្លូវក្រឡាប់ផ្ញារជើងទាំងកំរោលតែម្តងទៅ ។ ភ្លាមៗនោះ តៃកុងរថយន្តបង្ក បានបើកទ្វាររថយន្តចេញទៅហើយ ហើយរត់គេចបាត់ស្រមោលសូន្យ នៅសល់តែព្រូលរថយន្ត២នាក់ប៉ុណ្ណោះ ត្រូវសមត្ថកិច្ចឃាត់សួរនាំ ដើម្បីទំនាក់ទំនងទៅខាងក្រុមហ៊ុន អោយចូលដោះស្រាយ ស្ទូចរថយន្តរបស់ខ្លួនចេញវិញ ។ សូមបញ្ជាក់ថា ក្នុងហេតុការណ៍នេះ មិនមានប៉ះពាល់អ្វីដល់ទ្រព្យសម្បត្តិសាធារណះឡើយ ហើយក៏មិនបានបណ្តាលអោយមនុស្សណាម្នាក់រងរបួសឡើយ ព្រោះកំឡុងពេលក្រឡាប់ គឺមិនមានពលរដ្ឋអ្នកដំណើរដទៃ ធ្វើដំណើរស្របគ្នាជាមួយនោះ ប៉ុន្តែប្រសិនបើមានអ្នកធ្វើដំណើរស្របវិញ ក៏អាចនឹងបង្កជាហនិភ័យធ្ងន់ធ្ងរផងដែរ ព្រោះរថយន្តដឹកស្តុកពេញទៅដោយរបងដែកដែលមុតស្រួច ៕ អត្ថបទ ៖ លីហេង

ពលរដ្ឋសំណូមពរអាជ្ញាធរខណ្ឌ៧មករា ជួយរំដោះចិញ្ចើមផ្លូវជាប់របងវត្តមង្គលវ័ន

ភ្នំពេញ៖ ពលរដ្ឋដែលធ្វើដំណើរតាមដងផ្លូវក្នុងមូលដ្ឋានខណ្ឌ ៧មករា ជាពិសេសចំណុចផ្លូវលេខ ១២៤ជាប់របងវត្តមង្គលវ័ន ឃើញថា មានការចតរថយន្តអមសងខាងផ្លូវតែម្ដងបង្កឲ្យលំបាកក្នុងការធ្វើដំណើរ និងសម្រាប់អ្នកថ្មើជើងដើរលើផ្លូវអាទិភាពសម្រាប់យានយន្ត ដែលអាចបង្កគ្រោះថ្នាក់បានជាយថាហេតុ។សូមជម្រាបជូនថា ទីតាំងដែលមានការចតរថយន្តអមសងខាងផ្លូវនេះស្ថិតនៅតាមបណ្ដោយផ្លូវលេខ១២៤ កែងនឹងផ្លូវសុកហុក(១០៧) ជាប់របងវត្តបង្គោលវ័នផ្នែកខាងត្បូងវត្ត មូលដ្ឋានសង្កាត់មនោរម្យ ខណ្ឌ៧មករា រាជធានីភ្នំពេញ។ប្រជាពលរដ្ឋ បានសំណូមពរដល់អាជ្ញាធរសង្កាត់ និងអាជ្ញាធរផ្នែកសណ្ដាប់ធ្នាប់ខណ្ឌ៧មករា ជួយចុះធ្វើការអប់រំណែនាំដើម្បីរំដោះចិញ្ចើមផ្លូវរក្សាទុកសម្រាប់អ្នកថ្មើជើងធ្វើដំណើរផង និងដើម្បីរក្សារបរិស្ថាន អនាម័យ សណ្ដាប់ធ្នាប់សាធារណៈ តាមដងផ្លូវផងដែរ។គួរបញ្ជាក់ផងដែរ បញ្ហាបរិស្ថាន អនាម័យ សណ្ដាប់ធ្នាប់ នេះអាជ្ញាធរខណ្ឌ៧ មករា ក៏បានចុះធ្វើការងារនេះជាប្រចាំផងដែរ ជាក់ស្ដែងកាលពីរសៀលថ្ងៃអង្គារទី០៧ ខែ កុម្ភៈ ឆ្នាំ២០២៣ ម្សិលមិញ គណៈបញ្ជាការឯកភាពរដ្ឋបាលខណ្ឌ៧មករា បានដឹកនាំកម្លាំងចុះរៀបចំសណ្ដាប់ធ្នាប់តាមបណ្ដោយផ្លូវមួយចំនួន ក្នុងមូលដ្ឋានផងដែរ រួមមានផ្លូវលេខ១១៨. ផ្លូវលេខ១០៧ ផ្លូវលេខ ១០៥ ផ្លូវលេខ១៨២ និងផ្លូវលេខ៩៣៕ អត្ថបទ៖ កុម្ភៈ

អគ្គិភ័យឆេះផ្ទះមួយខ្នងណ្តាលឲ្យស្លាប់មនុស្ស៣នាក់ និងរបួស២នាក់ នៅស្រុកកងមាស

កំពង់ចាម៖ យ៉ាងហោចណាស់មានមនុស្ស៣នាក់បានស្លាប់ និង២នាក់រងរបួស ដោយគ្រោះអគ្គីភ័យអស់ផ្ទះមួយខ្នង នៅថ្ងៃទី០៧ ខែកុម្ភៈ ឆ្នាំ២០២៣ វេលាម៉ោង ៤:៤៥នាទី ទាបភ្លឺ នៅចំណុចភូមិអង្គរបាន ឃុំអង្គរបាន ស្រុកកងមាស ។ បើតាមសមត្ថកិច្ចប៉ុស្តិ៍នគរបាលរដ្ឋបាលឃុំអង្គរបាន បានឲ្យដឹងថា នៅវេលាកើតហេតុ សមត្ថកិច្ចបានទទួលព័ត៌មានពីប្រជាពលរដ្ឋរាយការណ៍ថា មានករណីនៅចំណុចដូចខាងលើ ។ ក្រោយពីទទួលព័ត៌មានភ្លាមកម្លាំងអធិការដ្ឋាននគរបាលកងមាស បានសហការជាមួយកម្លាំងប៉ុស្តិ៍នគរបាលរដ្ឋបាលអង្គរ ចុះជួយពន្លត់ម្ចាស់ផ្ទះ ឈ្មោះ យ៉ា អ៊ែល ភេទប្រុស អាយុ ៥៦ឆ្នាំ នៅភូមិឃុំខាងលើ។សមត្ថកិច្ចឲ្យដឹងទៀតថា ករណីនេះ បណ្តាលអោយស្លាប់មនុស្ស ៣នាក់ ប្រុស ១ នាក់ និងរងរបួសមនុស្ស ២នាក់ ទៀត ស្រី១ នាក់ បញ្ជូនទៅសង្គ្រោះនៅមន្ទីរពេទ្យ។ប្រភពពីប្រជាពលរដ្ឋ បានឲ្យដឹងថា នៅ ករណីខាងលើនោះមានការខូចខាតផ្ទះសង់អំពីឈើ ដំបូលប្រក់ក្បឿង រៀបបន្ទប់សង្ក័សីក្រោមទំហំ (៦មែត្រ ×៨ម៉ែត្រ) ឆេះអស់ទាំងស្រុង ។ជាមួយគ្នានោះដែរ សមត្ថកិច្ច បានអន្តរាគមន៍ ពន្លត់អគ្គីភ័យរលត់អស់ ១០០% នៅវេលាម៉ោង ៦:៣០នាទីព្រឹក ដោយក្នុងកិច្ចប្រតិបត្តិការនេះ សមត្ថកិច្ចបានប្រើប្រាស់រថយន្តពន្លត់អគ្គីភ័យ ចំនួន ០៤ គ្រឿង និងប្រើប្រាស់អស់ទឹក ០៦ រថយន្ត ក្នុងនោះរថយន្តពន្លត់អគ្គីភ័យរថយន្តខេត្ត ២គ្រឿង ស្រុកព្រៃឈរ ១គ្រឿង ស្រុកកងមាស ១គ្រឿង ។មូលហេតុនៃករណីខាងលើ សមត្ថកិច្ចជំនាញកំពុងធ្វើការស្រាវជ្រាវ ៕

រយៈពេល៣ថ្ងៃសិស្សវិទ្យាល័យ ហ៊ុន សែន ប្រម៉ោយ បានដួលសន្លប់ជាបន្តបន្ទាប់ ដោយពុំមានមូលហេតុ

ពោធិ៍សាត់៖ នៅវិទ្យាល័យ ហ៊ុន សែន ប្រម៉ោយ ស្ថិតក្នុងឃុំប្រម៉ោយ ស្រុកវាលវែង មានករណីសិស្សានុសិស្ស បានដួលសន្លប់ក្នុងម៉ោងសិក្សាជាបន្តបន្ទាប់ ក្នុងរយៈពេល០៣ថ្ងៃ ដោយពុំដឹងពីមូលហេតុ។ចំនួន៣លើក សរុបចំនួន៨២នាក់ដោយ៖ -លើកទី១នៅថ្ងៃទី៣ ខែកុម្ភៈ មានសិស្សស្រីដួលសន្លប់ចំនួន១៣នាក់ ។-លើកទី២នៅថ្ងៃទី៤ ខែកុម្ភៈ មានសិស្សស្រីដួលសន្លប់ចំនួន១៨នាក់ ។-លើកទី៣នៅថ្ងៃទី៥ ខែកុម្ភៈ មានសិស្សដួលសន្លប់ចំនួន៥១នាក់ ក្នុងនោះសិស្សប្រុស០១ម្នាក់ ។នេះបើយោងតាមតួលេខដែលទទួលបានពីរដ្ឋបាលស្រុកវាលវែង ។ឯកឧត្តម ទី ថានី ប្រធានក្រុមការងាររាជរដ្ឋាភិបាលចុះជួយស្រុកវាលវែង រួមនិងអាជ្ញាធរស្រុក និងមន្ទីរពាក់ព័ន្ធបានចុះធ្វើការស្រាវជ្រាវរកមូលហេតុ និងអន្តរាគមន៍ជួយសង្គ្រោះភ្លាមៗ ដល់ទីតាំងកើតហេតុ ហើយបញ្ជូនសិស្សរងគ្រោះមកព្យាលបាលនៅមណ្ឌលសុខភាពប្រម៉ោយ ហើយបញ្ជូនទៅមន្ទីរពេទ្យបង្អែកខេត្តសម្រាប់អ្នកមានសភាពធ្ងន់ធ្ងរ។ ក្នុងនោះដែរ ឯកឧត្តម ខូយ រីដា អភិបាលខេត្តពោធិ៍សាត់ បានអញ្ជើញទាំងយប់ដើម្បីចុះជួបសួរសុខទុក្ខ ចំពោះសិស្សរងគ្រោះមានសភាពធ្ងន់ធ្ងរ កំពុងសម្រាក់ព្យាលបាល នៅមន្ទីរពេទ្យបង្អែកខេត្តពោធិ៍សាត់ផងដែរ ។ចំពោះសិស្សរងគ្រោះគឺមានអាយុ ចាប់ពី ១៣ឆ្នាំ ដល់ ១៩ឆ្នាំ រោគសញ្ញាដែលសង្កេតឃើញពេលបញ្ជូនមក មណ្ឌលសុខភាព និងមន្ទីរពេទ្យខេត្ត រួមមាន៖ -ឈឺក្បាលវិលមុខ -ត្រជាក់ចុងដៃចុងជើង -ថប់ៗដង្ហើម-សន្លប់ -ហ៊ឹងត្រចៀក -សម្ពាធឈមប្រហាក់ប្រហែលធម្មតា -និងមិនមានរោគសញ្ញាទាក់ទងនិងជំងឺប្រចាំកាយគួរឱ្យកត់សម្គាល់នោះទេ ។ចំពោះសិស្សដែលមានសភាពល្អប្រសើរវិញក្រោយសម្រាក់ព្យាលបាលត្រូវបានអនុញ្ញាតអោយត្រឡប់ទៅផ្ទះវិញជាបន្តបន្ទាប់ ។ ក្នុងនោះដែរវិទ្យាល័យ ហ៊ុន សែន ប្រម៉ោយ ត្រូវបានដាក់អោយឈប់សម្រាក រយៈពេល៣ថ្ងៃ ពីថ្ងៃទី០៦ ដល់ថ្ងៃទី០៨ កុម្ភៈ រង់ចាំស្ថានការណ៍ស្ងប់ស្ងាត់ឡើងវិញ ។រហូតមកដល់ព្រឹកថ្ងៃទី៦ ខែកុម្ភៈ ឆ្នាំ២០២៣នេះ សិស្សភាគច្រើនត្រូវបានជួយសង្គ្រោះដោយពុំមានប៉ះពាលដល់អាយុជីវិតនោះទេ ហើយនៅមានសិស្សរងគ្រោះចំនួន០៨នាក់កំពុងសម្រាកព្យាលបាលនៅឡើង ក្នុងនោះសិស្សចំនួន០៣នាក់មានសភាពធ្ងន់ធ្ងរកំពុងសម្រាកព្យាលបាលនៅមន្ទីរពេទ្យបង្អែកខេត្តពោធិ៍សាត់ ក្រុងពោធិ៍សាត់ និងសិស្ស០៥នាក់ទៀត កំពុងសម្រាក់ព្យាបាលនៅមណ្ឌលសុខភាពប្រម៉ោយ ក្នុងស្រុកវាលវែង ចាប់ផ្តើមធូរស្រាលជាបណ្តើរៗហើយ ៕

សមត្ថកិច្ចឃាត់ខ្លួនមនុស្ស៣នាក់ ក្រោយបង្កឱ្យមានអគ្គីភ័យឆេះផ្ទះ និងហាងស្លាប់មនុស្ស៣នាក់

ភ្នំពេញ៖ ពាក់ព័ន្ធនឹងករណីអគ្គិភ័យឆាបឆេះផ្ទះនិងហាងបណ្ដាលឲ្យមនុស្សស្លាប់០៣នាក់ស្លាប់ នៅខណ្ឌទួលគោក លោកវរសេនីយ៍ឯក ស៊ឹម ពិសិដ្ឋអធិការ នៃអធិការរដ្ឋាននគរបាលខណ្ឌទួលគោក បានឱ្យដឹងនៅព្រឹកថ្ងៃទី០៣ ខែកុម្ភៈ នេះថា កម្លាំងសមត្ថកិច្ចនៃអធិការរដ្ឋាននគរបាលខណ្ឌទួលគោកបានឃាត់ខ្លួនមនុស្ស០៣ នាក់ ដែលជាមេការម្នាក់ និងកូនជាងចំនួនពីរនាក់ បានកសាងសំណុំរឿងបញ្ជូនខ្លួនទៅអយ្យការអមសាលាដំបូងរាជធានីភ្នំពេញដើម្បីចាត់ការតាមនីតិវិធី។ គួរបញ្ជាក់ផងដែរ កាលពីវេលាម៉ោង១០ និង៣០នាទីព្រឹកថ្ងៃទី៣១ ខែមករា ឆ្នាំ២០២៣ មានហេតុការណ៍អគ្គីភ័យមួយបានឆាបឆេះទីតាំងហាងកំពុងជួសជុលមួយកន្លែង ស្ថិតតាមបណ្តោយផ្លូវលេខ១៣៨ កែងនឹងផ្លូវលេខ២៣៣ ស្ថិតក្នុងសង្កាត់ផ្សារដេប៉ូ២ ខណ្ឌទួលគោក រាជធានីភ្នំពេញ បង្កឲ្យមានមនុស្សប្រុសស្រី០៣នាក់ បានរងរបួស និងស្លាប់៕

អាជ្ញាធរទុកពេល៣ខែ ឱ្យអ្នកលក់ដូរ និងចែកចាយគ្រឿងសមុទ្រ នៅតាមបណ្តោយផ្លូវ៥៩៨ រើចេញឱ្យអស់

ភ្នំពេញ៖ អាជ្ញាធរខណ្ឌសែន ជូនដំណឹងក្នុងការរៀបចំសណ្តាប់ធ្នាប់សាធារណៈតាមបណ្ដោយផ្លូវលេខ៥៩៨ ជាពិសេសកន្លែងលក់ដូរ និងចែកចាយគ្រឿងសមុទ្រ ភូមិសេប៉េសេ សង្កាត់ទឹកថ្លា ខណ្ឌសែនសុខ រាជធានីភ្នំពេញ ដោយទុកកំណត់រយៈពេល ៣ខែ ត្រូវរុះរើរកកន្លែងថ្មីឱ្យអស់ ។យោងតាមសេចក្តីជូនដំណឹងរបស់អាជ្ញាធរខណ្ឌសែនសុខ ដែល BTV ទទួលបាននាព្រឹកថ្ងៃទី៣១ មករា បានឱ្យដឹងថា កន្លងមកនេះរដ្ឋបាលខណ្ឌសែនសុខ បានពិនិត្យឃើញថា លោក-លោកស្រី ដែលជាម្ចាស់អាជីវកម្មលក់ដូរ និងចែកចាយគ្រឿងសមុទ្រ នៅតាមបណ្តោយផ្លូវលេខ៥៩៨ ភូមិសេរប៉េសេ សង្កាត់ទឹកថ្លា ខណ្ឌសែនសុខ បានយកផ្លូវ និងចិញ្ចើមផ្លូវសាធារណៈ ធ្វើជាចំណតរថយន្ត ដើម្បីទម្លាក់ ផ្ទេរទំនិញ និងចែកចាយគ្រឿងសមុទ្រ ដែលធ្វើឱ្យប៉ះពាល់ដល់សណ្តាប់ធ្នាប់ និងអនាម័យសាធារណៈ បង្កឱ្យមានការកកស្ទះចរាចរណ៍ និងមានក្លិនស្អុយដល់អ្នកធ្វើ ដំណើរឆ្លងកាត់ និងប្រជាពលរដ្ឋដែលរស់នៅជុំវិញ ។ដូចនេះ រដ្ឋបាលខណ្ឌសែនសុខ សូមជូនដំណឹងដល់លោក-លោកស្រី ដែលជាម្ចាស់អាជីវកម្មខាងលើ ឱ្យបានជ្រាបថា ដើម្បីរក្សាបាននូវសណ្តាប់ធ្នាប់ អនាម័យ និងរបៀបរៀបរយ ដែលជាប្រយោជន៍សាធារណៈ រដ្ឋបាលខណ្ឌសែនសុខ ទុករយៈពេល ០៣ខែ គិតចាប់ពីថ្ងៃជូនដំណឹងនេះ ដើម្បីឱ្យលោក-លោកស្រីរកទីតាំងថ្មី ដើម្បីប្រកបអាជីវកម្មលក់ដូរ និងចែកចាយគ្រឿងសមុទ្រ ដែលមិនប៉ះពាល់ដល់សណ្តាប់ធ្នាប់សាធារណៈ និងរំខានដល់អ្នកធ្វើ ដំណើរ និងអ្នករស់នៅជិតខាង ។ ក្នុងករណីលោក-លោកស្រីមិនអនុវត្តតាមសេចក្តីជូនដំណឹង ក៏ដូចជាការណែនាំរបស់រដ្ឋបាលខណ្ឌសែនសុខនោះ រដ្ឋបាលខណ្ឌនឹងចុះអនុវត្តវិធានការរដ្ឋបាល ដោយមិនទទួលខុសត្រូវរាល់ការខូចខាតទ្រព្យសម្បត្តិ និងសម្ភាររបស់លោក-លោកស្រីឡើយ ៕តារាវុទ្ធី

បណ្ដាញសង្គម

ព័ត៌មានថ្មីៗ

ឯកឧត្តម ហេង រតនា៖ កម្ពុជាមិនមែនកំពុងតែដាក់គ្រាប់មីន PMN-2 ថ្មីនៅលើទឹកដីខេត្តសៀមរាបនោះទេ ប៉ុន្តែកំពុងសាងសង់អគាររាងគ្រាប់មីនធំជាងគេក្នុងពិភពលោកដោយហិរញ្ញប្បទានឥតសំណងពីជប៉ុន

ស្នងការនគរបាលរាជធានីភ្នំពេញ ដាក់ផែនការពង្រឹងសន្តិសុខសុវត្ថិភាព បង្ការ បង្ក្រាបបទល្មើសគ្រប់ប្រភេទ ជូនដល់ពលរដ្ឋ

សម្តេច ប៉ាប ជំរុញឲ្យបញ្ចប់ជាបន្ទាន់នូវ «ភាពឃោរឃៅ» នៃសង្រ្គាមហ្កាហ្សា ក្រោយវិហារបានរងការខូចខាត

អ៊ីស្រាអែលអះអាងថា បានវាយប្រហារកំពង់ផែ Hodeida ដែលកាន់កាប់ដោយក្រុមឧទ្ទាមយេម៉ែន

ប្រជាប្រិយភាពរបស់លោក Trump ធ្លាក់ចុះ ខណៈប្រជាជនអាមេរិកច្រើនឡើងប្រឆាំងគោលនយោបាយអន្តោប្រវេសន៍

Bloomberg៖ កិច្ចព្រមព្រៀងពាណិជ្ជកម្មជាមួយលោក Trump ស្ថិតក្នុងហានិភ័យ ខណៈ EU រៀបចំផែនការឆ្លើយតប

ចិនបញ្ជាក់ពីកិច្ចប្រជុំរបស់លោក Xi ជាមួយលោកស្រី von der Leyen និងង Costa របស់ EU

មនុស្សយ៉ាងតិច ១៨នាក់ បានរងរបួស នៅក្នុងការផ្ទុះឧស្ម័ន នៅអគារពាណិជ្ជកម្ម នៅភាគខាងជើងអ៊ីរ៉ង់

យោធាអ៊ីស្រាអែលបំផ្លាញផ្លូវរូងក្រោមដីប្រវែង ២,៧ គីឡូម៉ែត្ររបស់ក្រុមភេរវករ នៅភាគខាងជើងហ្កាហ្សា

[BREAKING NEWS] អ៊ីស្រាអែលបើកការវាយលុកផ្លូវគោកជាលើកដំបូង ក្នុងទីក្រុង Deir al-Balah នៅភាគកណ្តាលហ្កាហ្សា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

ខ្មាន់កាំភ្លើង ដែលបាញ់ជនបរទេសម្នាក់ស្លាប់ កាលពីចុងឆ្នាំ២០២២ ត្រូវសមត្ថកិច្ចចាប់ខ្លួនបានហើយ

BREAKING NEWS៖ ការបាញ់បោះសេរីសម្លាប់មនុស្ស ៣នាក់ ជំរុញឲ្យបិទសាកលវិទ្យាល័យរដ្ឋ Michigan នៅសហរដ្ឋអាមេរិក

អគ្គិភ័យឆាប់ឆេះផ្ទះ និងហាងលក់ដូរអស់មួយចំនួន នៅក្រុងប៉ោយប៉ែត អាជ្ញាធរមិនទាន់បញ្ជាក់ពីមូលហេតុ

សមត្ថកិច្ចចុះពិនិត្យទីតាំងតារាងបាល់មួយកន្លែង នៅសង្កាត់បឹងត្របែក សង្ស័យមានបង្កប់ល្បែងស៊ីសង

រថយន្តដឹករបងដែកលួស បើកលឿនបួងចង្កូតមិនប្រយ័ត្ន បណ្តាលអោយក្រឡាប់ផ្ញារជើង នៅស្តុបវត្តនិរោធ

ពលរដ្ឋសំណូមពរអាជ្ញាធរខណ្ឌ៧មករា ជួយរំដោះចិញ្ចើមផ្លូវជាប់របងវត្តមង្គលវ័ន

អគ្គិភ័យឆេះផ្ទះមួយខ្នងណ្តាលឲ្យស្លាប់មនុស្ស៣នាក់ និងរបួស២នាក់ នៅស្រុកកងមាស

រយៈពេល៣ថ្ងៃសិស្សវិទ្យាល័យ ហ៊ុន សែន ប្រម៉ោយ បានដួលសន្លប់ជាបន្តបន្ទាប់ ដោយពុំមានមូលហេតុ

សមត្ថកិច្ចឃាត់ខ្លួនមនុស្ស៣នាក់ ក្រោយបង្កឱ្យមានអគ្គីភ័យឆេះផ្ទះ និងហាងស្លាប់មនុស្ស៣នាក់

អាជ្ញាធរទុកពេល៣ខែ ឱ្យអ្នកលក់ដូរ និងចែកចាយគ្រឿងសមុទ្រ នៅតាមបណ្តោយផ្លូវ៥៩៨ រើចេញឱ្យអស់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

ខ្មាន់កាំភ្លើង ដែលបាញ់ជនបរទេសម្នាក់ស្លាប់ កាលពីចុងឆ្នាំ២០២២ ត្រូវសមត្ថកិច្ចចាប់ខ្លួនបានហើយ

BREAKING NEWS៖ ការ​បាញ់​បោះ​សេរី​សម្លាប់​មនុស្ស​ ៣​នាក់ ជំរុញ​ឲ្យ​បិទ​សាកលវិទ្យាល័យ​រដ្ឋ Michigan នៅ​សហរដ្ឋអាមេរិក

អគ្គិភ័យឆាប់ឆេះផ្ទះ និងហាងលក់ដូរអស់មួយចំនួន នៅក្រុងប៉ោយប៉ែត អាជ្ញាធរមិនទាន់បញ្ជាក់ពីមូលហេតុ

សមត្ថកិច្ចចុះពិនិត្យទីតាំងតារាងបាល់មួយកន្លែង នៅសង្កាត់បឹងត្របែក សង្ស័យមានបង្កប់ល្បែងស៊ីសង

រថយន្តដឹករបងដែកលួស បើកលឿនបួងចង្កូតមិនប្រយ័ត្ន បណ្តាលអោយក្រឡាប់ផ្ញារជើង នៅស្តុបវត្តនិរោធ

ពលរដ្ឋសំណូមពរអាជ្ញាធរខណ្ឌ៧មករា ជួយរំដោះចិញ្ចើមផ្លូវជាប់របងវត្តមង្គលវ័ន

អគ្គិភ័យឆេះផ្ទះមួយខ្នងណ្តាលឲ្យស្លាប់មនុស្ស៣នាក់ និងរបួស២នាក់ នៅស្រុកកងមាស

រយៈពេល៣ថ្ងៃសិស្សវិទ្យាល័យ ហ៊ុន សែន ប្រម៉ោយ បានដួលសន្លប់ជាបន្តបន្ទាប់ ដោយពុំមានមូលហេតុ

សមត្ថកិច្ចឃាត់ខ្លួនមនុស្ស៣នាក់ ក្រោយបង្កឱ្យមានអគ្គីភ័យឆេះផ្ទះ និងហាងស្លាប់មនុស្ស៣នាក់

អាជ្ញាធរទុកពេល៣ខែ ឱ្យអ្នកលក់ដូរ និងចែកចាយគ្រឿងសមុទ្រ នៅតាមបណ្តោយផ្លូវ៥៩៨ រើចេញឱ្យអស់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

BREAKING NEWS៖ ការបាញ់បោះសេរីសម្លាប់មនុស្ស ៣នាក់ ជំរុញឲ្យបិទសាកលវិទ្យាល័យរដ្ឋ Michigan នៅសហរដ្ឋអាមេរិក