BTV NEWS

ឧបនាយករដ្ឋមន្រ្តី កើត រិទ្ធ៖យប់នេះក្រសួងយុត្តិធម៌មានភាពចាំបាច់ផ្អាកជាបណ្តោះអាសន្នមុខងាររបស់ព្រះរាជអាជ្ញារងឈ្មោះ គ្រី សីហា ដែលដោះលែងដោយរំលោភអំណាចនូវជនល្មើស

កម្លាំងចម្រុះរដ្ឋបាលរាជធានីភ្នំពេញចុះបង្រ្កាបទីតាំងលួចលាក់បង្កប់បទល្មើស Online Scams ឃាត់ជនសង្ស័យ១០០នាក់

ខេត្តព្រះស៊ីហនុ៖ ប្រតិបត្តិការបង្រ្កាបការឆបោកតាមប្រព័ន្ធបច្ចេកវិទ្យាបានឃាត់ខ្លួនមនុស្សស្រីប្រុសជនជាតិវៀតណាមសរុបចំនួន៦៣នាក់

ស្នងការរាជធានី ដាក់ចេញនូវគោលការណ៍បង្ការ ទប់ស្កាត់រាល់បទល្មើស និង អនុវត្តប្រកបដោយក្រមសីលធម៌វិជ្ជាជីវៈនគរបាល

សន្តិសុខ និង សង្គម

កងរាជអាវុធហត្ថខេត្តក្រចេះ ដុតកម្ទេចរថយន្ដដឹកឈើពីរគ្រឿង

ក្រចេះ៖ កម្លាំងកងរាជអាវុធហត្ថខេត្តក្រចេះ កាលពីថ្ងៃទី០៦ ខែធ្នម្សិលមិញ បានដុតកម្ទេចរថយន្តពីរគ្រឿងដឹកឈើខុសច្បាប់ បន្ទាប់ពីធ្វើប្រតិបត្តិការឃាត់ចាប់បានកាលពីខែមុន។ឧត្តមសេនីយ៍ត្រី សាន្ត ប៊ុនថាន មេបញ្ជាការកងរាជអាវុធហត្ថខេត្តក្រចេះ បានឲ្យដឹងថា ដោយ អនុវត្តតាមបទបញ្ជានាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស និងជាប្រធានគណៈកម្មការជាតិ ដើម្បីទប់ស្កាត់ និងបង្ក្រាបបទល្មើសធនធានធម្មជាតិ ដឹកនាំបញ្ជាដោយឧត្តមសេនីយ៍ទោ សាន ប៊ុនធឿន នាយរងសេនាធិការកងរាជអាវុធហត្ថលើផ្ទៃប្រទេស និងកងរាជអាវុធហត្ថ ខេត្តក្រចេះ បានធ្វើការបំផ្ទុះ និងដុតកម្ទេច រថយន្ដសាំយ៉ុងកែច្នៃពីរគ្រឿង ដែលជាមធ្យោបាយដឹកជញ្ជូន បទល្មើសព្រៃឈើផ្ទាល់តែម្តង ។ឧត្ដមសេនីយ៍ត្រី បានបញ្ជាក់ថា ឡានពីរគ្រឿងនេះ បានដឹកឈើខុសច្បាប់ចេញពីតំបន់ព្រៃឡង់ ក្នុងភូមិសាស្ត្រស្រុកសំបូរ ខេត្តក្រចេះ ឆ្ពោះទៅខេត្តកំពង់ចាម ត្រូវបានកម្លាំងកងរាជអាវុធហត្ថខេត្តក្រចេះ សហការជាមួយកម្លាំងកងរាជអាវុធហត្ថខេត្តកំពង់ចាម ធ្វើការបង្ក្រាបបាន កាលពីដើមខែវិច្ឆិកា ឆ្នាំ២០២២ ក្នុងភូមិសាស្ត្រស្រុកស្ទឹងត្រង់ ខេត្តកំពង់ចាម ។ឧត្ដមសេនីយ៍ត្រី បានបញ្ជាក់ថា ការបង្ក្រាបលើកនេះ គឺខុសពីមុន ដែលប្រគល់ឈើជូនទៅសមត្ថ កិច្ចជំនាញរក្សាទុក ប៉ុន្តែរថយន្តត្រូវយកទៅកម្ទេចចោលតែម្តង។ បច្ចុប្បន្ន សមត្ថកិច្ច កំពុងបន្តស្រាវជ្រាវ អត្តសញ្ញាណអ្នកប្រព្រឹត្ត ដើម្បីកសាងសំណុំរឿងបញ្ជូនទៅតុលាកាខេត្តបន្តទៀត។ នៅរសៀលថ្ងៃម្សិលមិញដែរ ឧត្តមសេនីយ៍ត្រី សាន្ត ប៊ុនថាន មេបញ្ជាការកងរាជអាវុធហត្ថខេត្ត ក្រចេះ ក៏បានបញ្ជាកម្លាំងអាវុធហត្ថស្រុកសំបូរ និងស្រុកព្រែកប្រសព្វ សហការជាមួយកម្លាំងកងរាជ អាវុធ ហត្ថផ្ទៃប្រទេស ចុះធ្វើការស្រាវជ្រាវ និងទប់ស្កាត់បទល្មើសនៅតំបន់ព្រៃឡង់ ក្រោយពីទទួលបានដំណឹងថា មានក្រុមឈ្មួញធំៗ កំពុងតែធ្វើសកម្មភាពកៀរគរឱ្យមានការកាប់ឈើ និងប្រមូលទិញមកជាឈើស្របច្បាប់ ៕អត្ថបទ៖ សេង ម័រ

អាជ្ញាធរផ្អាកការចរាចរណ៍ស្ពានបេឡេឬស្សីកែវ ដើម្បីទាញយកសាឡង់ចេញ

ភ្នំពេញ៖ លោក សាំង ពិសិដ្ឋប្រធានមន្ទីរសាធារណការ និងដឹកជញ្ជូន រាជធានីភ្នំពេញប្រាប់ថា នៅព្រឹកថ្ងៃទី០៧ ខែធ្នូ ឆ្នាំ២០២២នេះ អាជ្ញាធរបានផ្អាកការចរាចរណ៍លើស្ពានបេឡេឬស្សីកែវជាថ្មី ដើម្បីទាញយកសាឡង់ដឹកខ្សាច់ ដែលជាប់គាំងចេញ ។សូមរំលឹកថា ស្ពានដែកបេឡេនេះ ត្រូវបានផ្អាកឱ្យចរាចរណ៍តាំងពីល្ងាចថ្ងៃទី២០ ខែវិច្ឆិកា ឆ្នាំ២០២២ មកម្លេះ ដោយសាឡង់បូមខ្សាច់មួយគ្រឿងបុកគល់សសរស្ពាននោះ៕

ទីតាំងល្បែងស៊ីសងដ៏ធំមួយ ក្នុងខណ្ឌពោធិ៍សែនជ័យ ត្រូវអាជ្ញាធរចុះបង្ក្រាប

ភ្នំពេញ ៖ កម្លាំងអាជ្ញាធរចម្រុះខណ្ឌពោធិ៍សែនជ័យ ដឹកនាំដោយលោក សក់ ច័ន្ទកញ្ញារិទ្ធិ អភិបាលខណ្ឌ បានបើកការឆ្មក់ចុះបង្ក្រាបទីតាំងល្បែងស៊ីសងដ៏ធំមួយ ស្ថិតក្នុងភូមិព្រៃទា១ សង្កាត់ចោមចៅ៣ ខណ្ឌពោធិ៍សែនជយ័ នាវេលារសៀលថ្ងៃទី ០៦ ខែធ្នូ ឆ្នាំ២០២២។ ការចុះបង្ក្រាបនេះ មិនបានឃាត់មនុស្សណាម្នាក់ឡើយ ដោយរកឃើញតែវត្ថុតាងមួយចំនួនជាប្រភេទម៉ាស៊ីនជាច្រើនគ្រឿង ពាក់ព័ន្ធនឹងល្បែងស៊ីសងប៉ុណ្ណោះ៕

ទីតាំងល្បែងជល់មាន់មួយកន្លែង ស្ថិតនៅក្នុងដីឡូត៍របស់លោក ពោច សួរ ត្រូវបានបង្ក្រាបទើបមានកិច្ចសន្យាជួលដី

កណ្ដាល៖ ទីតាំងល្បែងជល់មាន់មួយកន្លែង ស្ថិតនៅក្នុងដីឡូត៍របស់ លោក ពោច សួរ ក្បែរផ្លូវជាតិលេខ៨ ត្រង់ចំណុចភូមិអន្លង់ ឃុំព្រែកតាមាក់ ស្រុកខ្សាច់កណ្តាល ខេត្តកណ្ដាល ត្រូវបានសមត្ថកិច្ចចុះបង្ក្រាប ទើបមានកិច្ចសន្យាជួលដីទៅឱ្យបុគ្គល ឈឿន សារុំ ជាជនសង្ស័យទទួលទោស។សូមបញ្ជាក់ថា ក្រោយពីល្បីរឿងទីតាំងល្បែងជល់មាន់ បើកដំណើរស្ថិតនៅក្នុងដីឡូត៍របស់ លោក ពោច សួរ គឺមានភាពមិនប្រក្រតីមួយរវាងកិច្ចសន្យាជួលដីដោយសង្ស័យម្ចាស់ដី ធ្វើលិខិតដើម្បីដោះខ្លួន រួចទម្លាក់កំហុសឱ្យអ្នកផ្សេងទទួលទោសជំនួសរូបគាត់ ក្រោមហេតុផលជួលដី។បើយោងតាមការបញ្ជាក់ឲ្យដឹងពី លោក ឆាយ សេន មេឃុំព្រែកតាមាក់ បានបញ្ជាក់ប្រាប់ឱ្យដឹងនៅព្រឹកទី០៥ ខែធ្នូ២០២២ថា លិខិតជួលដីរវាងលោក ពោច សួរ នឹងឈ្មោះ ឈឿន សារុំ រួមនិងឈ្មោះ ពោច ឈុននី ភេទស្រី គឺទើបនឹងធ្វើនៅថ្ងៃទី០៤ ខែធ្នូ ២០២២ ម្សិលមិញទេ ព្រោះលោកជាអ្នកចុះហត្ថលេខាផ្ទាល់ដៃ ហើយនៅក្នុងកិច្ចសន្យាជួលដីនោះគឺដាក់តាំងពីខែមករា ឆ្នាំ២០២២មកម្ល៉េះ។ជុំវិញករណីនេះសមត្ថកិច្ចប៉ូលិសស្រុកខ្សាច់កណ្ដាល នៅល្ងាចម្សិលមិញនេះ បានឃាត់ខ្លួនជនសង្ស័យម្នាក់ ខណៈពេលហៅមកបំភ្លឺ ពាក់ព័ន្ធការផ្ដល់ទីតាំងសម្រាប់"បនល្បែង"។ ជនសង្ស័យដែលត្រូវឃាត់ខ្លួនឈ្មោះ ឈឿន សារុំ ភេទប្រុសអាយុ៤២ឆ្នាំ នៅភូមិអន្លង់ ឃុំព្រែកតាមាក់ ស្រុកខ្សាច់កណ្តាល ខេត្តកណ្ដាល។ ក្នុងនោះ សមត្ថកិច្ចដកហូតបានវត្ថុតាង មួយចំនួនផងដែរ។ ការឃាត់ខ្លួននេះ ធ្វើឡើងបន្ទាប់ពីករណីបើក"បនល្បែង"ដដែលៗ នៅលើដីឡូត៍របស់ លោក ពោច សួរ ហើយកន្លងទៅលោក ពោច សួរ ក៏ធ្លាប់មានធ្វើកិច្ចសន្យាឱ្យបញ្ឈប់សកម្មភាព បើកល្បែង កាលពីខែកុម្ភៈ ឆ្នាំ២០២២ កន្លងទៅដែរ។ ក្រោយពីសមត្ថកិច្ចបានធ្វើការចុះបង្ក្រាបបានបន្សល់ទុក មាន់ជល់ងាប់១ក្បាល និងរស់១ក្បាល សម្រាប់ឱ្យសមត្ថកិច្ចយកមកធ្វើកំណត់ហេតុ។លុះព្រលប់ថ្ងៃដដែល "ផ្អែកតាមកិច្ចសន្យាជួលដី រវាងលោក ពោច សួរ និងឈ្មោះ ឈឿន សារុំ រួមនិងឈ្មោះ ពោច ឈុននី ភេទស្រី ទើបសមត្ថកិច្ចហៅឈ្មោះ ឈឿន សារុំ មកសួរនាំធ្វើកំណត់ហេតុ និងឈានដល់ឃាត់ខ្លួនឈ្មោះ ឈឿន សារុំ តែម្ដងទៅ។ ជុំវិញការឃាត់ខ្លួន ឈ្មោះ ឈឿន សារុំនេះដែរ ត្រូវបានគេមើលឃើញថា លោក ពោច សួរ ហាក់កំពុងរៀបចំផែនការសម្ដែងល្ខោន កុហក់សមត្ថកិច្ច ដើម្បីដោះខ្លួន ដោយយកអ្នកផ្សេងមកទទួលកំហុសជំនួសរូបលោក។នៅថ្ងៃទី០៤.១២.២០២២ បែរជាមានការអះអាង និងបង្ហាញលិខិតជួលដីរវាងលោក ពោច សួរ និងឈ្មោះ ឈឿន សារុំ រួមនិងឈ្មោះ ពោច ឈុននី ភេទស្រី តាំងពី ខែមករា ឆ្នាំ២០២២ ទៅវិញ។ ខណៈដែរលោក ពោច សួរ ធ្លាប់ធ្វើកិច្ចសន្យាជាមួយសមត្ថកិច្ច ឱ្យឈប់បើកល្បែងស៊ីសង នៅឯខែកុម្ភៈ ឆ្នាំ២០២២ វិញ ។ពោលគឺ កំណត់ហេតុ កិច្ចសន្យាជាមួយសមត្ថកិច្ច នៅខែកុម្ភៈ ឆ្នាំ២០២២ ទាំងដែលលោក ពោច សួរ ជួលដីឱ្យឈ្មោះ ឈឿន សារុំ តាំងពី ខែមករា ឆ្នាំ២០២២ មុនកិច្ចសន្យា១ខែ។ទាក់ទងទៅនឹងករណីខាងលើនេះ លោក ពោច សួរ ក៏បានបញ្ជាក់ប្រាប់ភ្នាក់ងារទូរទស្សន៍ BTV ប្រចាំខេត្តកណ្ដាលផងដែរថា កន្លងមកទីតាំងដីមួយកន្លែងនេះធ្លាប់បានជួលទៅឲ្យប្អូនជីដូនមួយធ្វើអាជីវកម្ម ដោយពុំបានធ្វើកិច្ចសន្យាជួលត្រឹមត្រូវ ហើយគាត់យកទីតាំងដីនេះបើកល្បែងស៊ីសងជល់មាន់ខុសច្បាប់ ទើបសមត្ថកិច្ចហៅ លោក ពោច សួរ ដែលជាម្ចាស់ទីតាំងធ្វើកិច្ចសន្យាម្ដងរួចមកហើយ។ ទាក់ទងទៅនឹងកិច្ចសន្យាថ្មីដែលលោកទើបតែធ្វើនៅថ្ងៃទី០៤ ខែធ្នូ ឆ្នាំ២០២២ នេះ លោកក៏បានបញ្ជាក់ថា ដោយសារតែលោកបានបាត់នៅឯកសារកិច្ចសន្យាចាស់៕អត្ថបទ៖ ម៉ង់

ស្ពានបេឡេឫស្សីកែវបើកចរាចរណ៍ឡើងវិញហើយ ខណៈសាឡង់ដែលលិចជាប់ក្រោមស្ពាននៅមិនទាន់ស្ទូចចេញ

ភ្នំពេញ៖ ស្ពានដែកបេឡេឫស្សីកែវឆ្លងកាត់ទន្លេសាបរវាងខណ្ឌឫស្សីកែវ និងខណ្ឌជ្រោយចង្វារ រាជធានីភ្នំពេញ ត្រូវបានបើកចរាចរណ៍ឡើងវិញហើយ ក្រោយពីផ្អាកការធ្វើដំណើរមួយរយៈ។ ដោយឡែកសាឡង់ដែលមានបញ្ហានោះ គឺនៅដដែលមិនទាន់ស្ទូចយកចេញនៅឡើយនោះទេ។យោងតាមផេកហ្វេសប៊ុកផ្លូវការរបស់មន្ទីរសាធារណៈការ និងដឹកជញ្ជូនរាជធានីភ្នំពេញប្រាប់អោយដឹងថា បន្ទាប់ពីបានជួសជុលស្ពានដែកបេឡេឫស្សីកែវឆ្លងកាត់ទន្លេសាបបានបញ្ចប់ និងបានធ្វើតេស្តិ៍សុវត្ថិភាពរួចរាល់ ចាប់ពីថ្ងៃទី៤ ខែធ្នូ ឆ្នាំ២០២២ វេលាម៉ោង ១៧:០០ តទៅស្ពានដែកបេឡេនឹងដាក់អោយយានយន្តធ្វើចរាចរជាធម្មតាឡើងវិញ។សូមរំលឹកអោយដឹងថា ស្ពានដែកបេឡេនេះត្រូវបានផ្អាកឱ្យចរាចរតាំងពីល្ងាចថ្ងៃទី២០ ខែវិច្ឆិកា ឆ្នាំ២០២២ មកម្ល៉េះ មូលហេតុដោយសារមានសាឡង់បូមខ្សាច់មួយគ្រឿង បានធ្វើដំណើរមកពីខាងមាត់ទន្លេ (ព្រះបរមរាជវាំង) រហូតមកដល់ស្ពានបេឡេ សាឡង់នោះបានបើកផុតស្ពានប្រហែលជាង ២០០ម៉ែត្រហើយ ប៉ុន្តែដោយសារទឹកហូរខ្លាំង ហើយគាប់ជួនមានបញ្ហាម៉ាស៊ីនខូចទៀត ទើបបណ្តាលឱ្យសាឡង់រេប៉ះសសរស្ពានបេឡេបណ្តាលឱ្យទ្រេតសសរស្ពាន៕ អត្ថបទ៖ តារាវុទ្ធី

រថយន្តទំនើប Lamborghini Urus សាកល្បឿនហោះ បុកសួនច្បារ ជ្រុលប៉ះជាមួយ Rang Rover រងការខូចខាត

ភ្នំពេញ៖ រថយន្តសេរីទំនើបម៉ាក Lamborghini Urus តម្លៃរាប សែនដុល្លា បានរងការខូចខាត បន្ទាប់ពីបុរសម្នាក់ សង្ស័យបើក សាកល្បឿន ជ្រុលទៅ បុកសួនច្បារពុះចែកទ្រូងផ្លូវពេញទំហឹង។ ហេតុការណ៍នេះបានកើតឡើងនៅវេលាម៉ោង ១០និង៣០នាទីព្រឹក ថ្ងៃទី០៣ ខែធ្នូ ឆ្នាំ២០២២ ចំណុចផ្លូវលេខR5 ក្នុងតំបន់បឹងកក់ ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។ តាមប្រភពព័ត៌មានព័ត៌មានពីកន្លែងកើតហេតុ បានប្រាប់ឲ្យដឹងថានៅមុនពេលកើតហេតុ គេឃើញរថយន្តស៊េរីទំនើប ម៉ាក Lamborghini Urus ថ្មីស្រឡាង ពណ៌ក្រហម គ្មានស្លាកលេខ ដែលបើកបរដោយបុរសម្នាក់ សង្ស័យបើកបររថយន្តសាកល្បឿន ដោយធ្វើដំណើរតាមបណ្ដោយផ្លូវលេខR5 ទិសដៅពីកើតទៅលិច លុះមកដល់ចំណុចកើតហេតុ ដែលជាផ្លូវកោងស្រាប់តែ រថយន្ត បួងចង្កូតមិនទាន់បានជ្រុលទៅបុក សួនច្បារពុះចែកទ្រូងផ្លូវ បណ្ដាលឲ្យខូចខាតរថយន្តមួយកំណាត់មុខ ហើយ ប៉ើងថ្មទៅប៉ះរថយន្ត Ranger Rover សេរីទំនើបមួយគ្រឿងបណ្ដាលឲ្យរងការខូចខាត។ក្រោយពេលកើតហេតុ ម្ចាស់រថយន្ត មិនចង់វែងឆ្ងាយបានព្រមសងសំណង ជួសជុល ជូនរថយន្ត Rang Rover និង ចេញថ្លៃខូចខាតសួនច្បារពុះចែកទ្រូងផ្លូវ បញ្ចប់រឿងតែម្តង៕ អត្ថបទ៖ កុម្ភៈ

ក្រុមជនសង្ស័យកាច់.ក ម៉ូតូ និងប្លន់ មួយក្រុមធំ ត្រូវនគរបាលព្រហ្មទណ្ឌក្រសួងមហាផ្ទៃ បង្ក្រាបបាន

ភ្នំពេញ៖ កម្លាំងនគរបាល នៃនាយកដ្ឋាននគរបាលព្រហ្មទណ្ឌក្រសួងមហាផ្ទៃ បានបើកប្រតិបត្តិការ ក្នុងការស្រាវជ្រាវ តាមចាប់ឃាត់ខ្លួនជាបន្តបន្ទាប់ នូវក្រុមជនសង្ស័យ ពាក់ព័ន្ធនិងករណី កាច់.ក ម៉ូតូ និងប្លន់ ក្នុងភូមិសាស្ត្ររាជធានីភ្នំពេញ ដោយការស្រាវជ្រាវបង្ក្រាបនេះ ធ្វើឡើង ក្នុងភូមិសាស្ត្រជាច្រើនខណ្ឌ នៅថ្ងៃទី០២ ខែធ្នូ ឆ្នាំ២០២២នេះ ។ប្រតិបត្តិការខាងលើនេះ ធ្វើឡើងដោយមានការដឹកនាំកម្លាំង និងបញ្ជារផ្ទាល់ ដោយលោក ឧត្តមសេនីយ៍ទោ ជាវ វិបុល អនុប្រធាននាយកដ្ឋាននគរបាលព្រហ្មទណ្ឌ នៃក្រសួងមហាផ្ទៃ ។ លទ្ធិផល បណ្តោះអាសន្នសមត្ថកិច្ច បានឃាត់ខ្លួនជនសង្ស័យសរុបបាន៤នាក់ និងបានដកហូតម៉ូតូជាច្រើនគ្រឿង និងរថយន្តមួយគ្រឿង និងវត្ថុតាងពាក់ព័ន្ធមួយចំនួនផងដែរ ។បច្ចុប្បន្នក្រុមជនសង្ស័យ ត្រូវបានបញ្ជូនខ្លួនបន្តទៅ កាន់នាយកដ្ឋាននគរបាល ព្រហ្មទណ្ឌក្រសួងមហាផ្ទៃ ដើម្បីសាកសួរនាំ បន្តនីតិវិធីច្បាប់ ។តាមប្រភពមន្ត្រីសមត្ថកិច្ចក្រុមទាំងនេះ គឺជាក្រុមជំនាញ និងសកម្មបំផុត ក្នុងការធ្វើសកម្មភាព លួចឆក់ប្លន់ ក្នុងភូមិសាស្ត្ររាជធានីភ្នំពេញ ។សមត្ថកិច្ចបានបន្តទៅឆែកឆេរ ផ្ទះជនសង្ស័យ រកឃើញសម្ភារៈកាច់.កម៉ូតូមួយចំនួនធំ និងស្លាកលេខម៉ូតូ រួមទាំងរថយន្តផងដែរ៕ អត្ថបទ៖ លីហេង និង កុម្ភះ

អាជ្ញាធរខណ្ឌទួលគោកចុះចងខ្សែហ៊ុមព័ទ្ធមិនអនុញ្ញាតឲ្យអាជីវកលក់ដូរ បង្កការកកស្ទះចរាចរណ៍

ភ្នំពេញ៖ កម្លាំងគណៈបញ្ជាការឯកភាពខណ្ឌទួលគោក បានចុះរៀបចំសណ្ដាប់ធ្នាប់ និងចងខ្សែហ៊ុមព័ទ្ធ នៅចិញ្ចើមផ្លូវលេខ២៣០ របងមជ្ឈមណ្ឌលម៉ុងឌីយ៉ាល់ មិនអនុញ្ញាតឲ្យអាជីវករលក់ដូរ ឬរម៉ក ជួលដឹកបន្លែផ្លែឈើចតលើផ្លូវបន្តទៀតឡើយ កាត់បន្ថយការកក់ស្ទះចរាចរណ៍ដល់អ្នកធ្វើដំណើរ ដើម្បីសោភ័ណភាព សណ្ដាប់ធ្នាប់ តាមដងផ្លូវនៅតំបន់នោះផងដែរ។ជាក់ស្ដែងនៅព្រឹកថ្ងៃទី០១ ខែធ្នូ ឆ្នាំ ២០២២ នេះ កម្លាំងគណៈបញ្ជាការឯកភាពខណ្ឌទួលគោក មានបញ្ជាដោយលោក ជា ពិសី អភិបាលនៃគណៈអភិបាលខណ្ឌទួលគោក បានចុះចាត់វិធានការដល់អាជីវករលក់ដូរដែលរំលោភលើចិញ្ចើមផ្លូវ និង រម៉កជួលដឹកបន្លែផ្លែឈើចតលើផ្លូវលេខ២៣០ ស្ថិតនៅមូលដ្ឋានសង្កាត់ផ្សារដើមគរ ខណ្ឌទួលគោក រាជធានីភ្នំពេញ។មន្រ្តីសាលាខណ្ឌទួលគោក បានឱ្យដឹងថា ចំពោះកំណាត់ផ្លូវលេខ២៣០ ដែលអាជ្ញាធរបានហ៊ុមព័ទ្ធខ្សែ គឺ ពេលថ្ងៃ មិនអនុញ្ញាតឲ្យអាជីវករលក់ដូរ ឬចតរម៉កដឹកបន្លែផ្លែឈើ នៅលើផ្លូវបន្តទៀតឡើយ។ ដោយឡែកនៅយប់អាជ្ញាធរអនុញ្ញាតឲ្យអាជីវករលក់ដូរបន្លែផ្លែឈើ ជាបណ្ដោះអាសន្នតែធ្វើយ៉ាងណានៅវេលាម៉ោង៦ព្រឹក សម្អាតនិងរើឲ្យស្អាតវិញ រហូតដល់ផ្សារបន្លែនៅលើប្រឡាយបឹងសាឡាងសាងសង់រួច បងប្អូនអាជីវកនឹងផ្លាស់ទៅលក់នៅទីនោះ។បន្ថែមទៀតនោះកម្លាំងសន្តិសុខសណ្ដាប់ធ្នាប់ខណ្ឌក៏នៅប្រចាំការជាប់នៅគោល ដៅកំណាត់ផ្លូវនេះផងដែរ ដើម្បីរក្សាសណ្ដាប់ធ្នាប់ ក្នុងករណី មានអាជីវក ឬរម៉ក នៅតែបន្តចត អាជ្ញាធរនិងដកហូតយកទៅសាលាខណ្ឌដើម្បីរក្សាទុក ចាត់ការតាមនីតិវិធី។គួរំលឹកផងដែរ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ ធ្លាប់បានលើកឡើងក្នុងកិច្ចប្រជុំស្ដីពីការត្រួតពិនិត្យវឌ្ឍនភាពការងាររៀបចំសណ្ដាប់ធ្នាប់សាធារណៈតាមដងផ្លូវ និងការប្រើប្រាស់ចិញ្ចើមផ្លូវសាធារណៈទាំងអស់ក្នុងភូមិសាស្ត្ររាជធានីភ្នំពេញ គឺដើម្បីសម្រួលដល់ការធ្វើចរាចរណ៍របស់ប្រជាពលរដ្ឋ និងលើកកម្ពស់សោភណភាពរាជធានីភ្នំពេញ ឱ្យកាន់តែមានភាពស្រស់ស្អាត និងទាក់ទាញផងនោះ អាជ្ញាធរខណ្ឌទាំង១៤ និងកម្លាំងមានសមត្ថកិច្ចទាំងអស់ ត្រូវយកចិត្តទុកដាក់ខ្ពស់ និងម៉ឺងម៉ាត់លើការងាររៀបចំសណ្តាប់ធ្នាប់សាធារណៈតាមដងផ្លូវ និងការប្រើប្រាស់ចិញ្ចើមផ្លូវសាធារណៈទាំងអស់ក្នុងភូមិសាស្រ្តរាជធានីភ្នំពេញ៕ អត្ថបទ៖ កុម្ភៈ

ចាប់ខ្លួនមនុស្ស២នាក់ ដកហូតគ្រឿងញៀនជាង ៥គីឡូក្រាម

ភ្នំពេញ៖ សមត្ថកិច្ចជំនាញ នៃមន្ទីរប្រឆាំងបទល្មើសគ្រឿងញៀន បានបង្ក្រាបករណីជួញដូរគ្រឿងញៀន ដោយចាប់ខ្លួនជនសង្ស័យ ២នាក់ និងរឹបអូសគ្រឿងញៀនជាង ៥ គីឡូក្រាម ។នគរបាលបានឲ្យដឹងថា កាលពីថ្ងៃទី ២៤ ខែវិច្ឆិកា ឆ្នាំ២០២២ វេលាម៉ោង ១០ និង៣០នាទី កម្លាំងជំនាញការិយាល័យ ក.១១ នៃមន្ទីរប្រឆាំងគ្រឿងញៀន អគ្គស្នងការដ្ឋាននគរបាលជាតិ បានសហការជាមួយកម្លាំងជំនាញរបស់ស្នងការដ្ឋាននគរបាលរាជធានីភ្នំពេញ និងក្រោមការសម្របសម្រួលពីលោក លឹម ប៊ុនហេង ព្រះរាជអាជ្ញារង នៃអយ្យការអមសាលាដំរាជធានីភ្នំពេញ បានធ្វើការស្រាវជ្រាវ ស៊ើបអង្កេត និងឈានដល់ការបង្រ្កាបករណីជួញដូរគ្រឿងញៀន នៅចំណុចផ្ទះជួលមួយកន្លែង ក្នុងភូមិបឹងខ្ទុំ សង្កាត់ពន្សាំង ខណ្ឌព្រែកព្នៅ រាជធានីភ្នំពេញ ដោយឃាត់ខ្លួនជនសង្ស័យ ០២នាក់ ។នគរបាលបន្ថែមថា ជនសង្ស័យទាំង ២នាក់ដែលត្រូវចាប់ខ្លួន មាន១-ឈ្មោះ ស៊ិន សារ៉ា ភេទស្រី អាយុ៣៨ឆ្នាំ ជាជនជាតិ ខ្មែរ ។ ២-ឈ្មោះ នាក់ ស្រីអូន ភេទស្រី អាយុ៣០ឆ្នាំ ជាជនជាតិ ខ្មែរ ដោយដកហូតវត្ថុតាងជាសារធាតុញៀន ប្រភេទ មេតំហ្វេតាមីន ICE ចំនួន ៥ដុំធំ ស្មើទម្ងន់ជាង ៥ គីឡូក្រាម ។ចំពោះជនសង្ស័យ និងវត្ថុតាងសមត្ថកិច្ចជំនាញបានកសាងសំណុំរឿងបញ្ជូនទៅកាន់សាលាដំបូង រាជធានីភ្នំពេញ ដើម្បីចាត់បន្តតាមនីតិវិធី ៕ អត្ថបទ៖ តារាវុទ្ធី

ក្រសួងធនធានទឹក និងឧតុនិយម៖ ពីថ្ងៃទី១៩-២២ ខែវិច្ឆិកា នឹងមានភ្លៀងធ្លាក់ជាបន្តបន្ទាប់ ក្នុងកម្រិតបង្គួរ និងច្រើន

ភ្នំពេញ៖ ក្រសួងធនធានទឹក និងឧតុនិយម ប្រកាសថា ពីថ្ងៃទី១៩-២២ ខែវិច្ឆិកា ឆ្នាំ២០២២ នឹងមានភ្លៀងធ្លាក់ជាបន្តបន្ទាប់ ។ក្នុងនោះផ្នែកមួយចំនួន នៃរាជធានី-ខេត្ត នៅតំបន់ទំនាបកណ្តាលភាគខាងក្រោម ភាគពាយ័ព្យ និងតំបន់សមុទ្រ នឹងអាចមានភ្លៀងធ្លាក់កម្រិតបង្គួរ និងច្រើន លាយឡំបាតុភូតផ្គរ រន្ទះ និងខ្យល់កន្ត្រាក់។

បណ្ដាញសង្គម

ព័ត៌មានថ្មីៗ

អ៊ីស្រាអែល បើកការវាយប្រហារផ្លូវអាកាសដ៏ខ្លាំងក្លាលើរដ្ឋធានីស៊ីរី ដោយប្តេជ្ញាការពារជនជាតិ Druze

ក្រុមផ្តល់ជំនួយហ្កាហ្សាបន្ទោសក្រុមប្រដាប់អាវុធហាម៉ាសថាជាដើមហេតុបណ្ដាលឲ្យមនុស្ស២០នាក់ ស្លាប់ក្នុងការប្រជ្រៀតជាន់គ្នា

សម្តេចរដ្ឋសភាធិបតី ឃួន សុដារី ៖ កិច្ចប្រជុំក្រុមអ្នកនយោបាយអន្តរសភាអាស៊ានលើកទី១៦បានផ្លាស់ប្តូរនូវទស្សនៈយ៉ាងសកម្មក្នុងការជំរុញការទូតសភា កិច្ចសហប្រតិបត្តិការ និងភាពជាដៃគូដើម្បីប្រជាពលរដ្ឋ

កុមារជួបកង្វះអាហារូបត្ថម្ភទទួលការព្យាបាលនៅមន្ទីរពេទ្យ Nasser ស្ថិតក្នុងតំបន់ហ្កាហ្សា

តើហេតុអ្វីបានជាអឺរ៉ុបប្រឈមនឹងរលកកម្តៅបំបែកកំណត់ត្រា?

កងកម្លាំងសន្តិសុខស៊ីរី ត្រូវបានដាក់ពង្រាយទៅកាន់ទីក្រុង Sweida របស់ជនជាតិភាគតិច Druze

សភាអ៊ុយក្រែនគាំទ្រការបង្កើនជិត ១០ពាន់លានដុល្លារដល់ការចំណាយលើវិស័យការពារជាតិ ខណៈសង្រ្គាមបន្តមាន

អ៊ីតាលីអាចនឹងដោះលែងអ្នកទោស ១០.០០០នាក់ ដើម្បីសម្រាលភាពចង្អៀត ក្នុងពន្ធនាគារ

អង់គ្លេសដកចេញការរឹតត្បិតលើក្រុមហ៊ុនអាកាសចរណ៍ប៉ាគីស្ថាន ក្រោយបំរាមរយៈពេល ៥ឆ្នាំ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

កងរាជអាវុធហត្ថខេត្តក្រចេះ ដុតកម្ទេចរថយន្ដដឹកឈើពីរគ្រឿង

អាជ្ញាធរផ្អាកការចរាចរណ៍ស្ពានបេឡេឬស្សីកែវ ដើម្បីទាញយកសាឡង់ចេញ

ទីតាំងល្បែងស៊ីសងដ៏ធំមួយ ក្នុងខណ្ឌពោធិ៍សែនជ័យ ត្រូវអាជ្ញាធរចុះបង្ក្រាប

ទីតាំងល្បែងជល់មាន់មួយកន្លែង ស្ថិតនៅក្នុងដីឡូត៍របស់លោក ពោច សួរ ត្រូវបានបង្ក្រាបទើបមានកិច្ចសន្យាជួលដី

ស្ពានបេឡេឫស្សីកែវបើកចរាចរណ៍ឡើងវិញហើយ ខណៈសាឡង់ដែលលិចជាប់ក្រោមស្ពាននៅមិនទាន់ស្ទូចចេញ

រថយន្តទំនើប Lamborghini Urus សាកល្បឿនហោះ បុកសួនច្បារ ជ្រុលប៉ះជាមួយ Rang Rover រងការខូចខាត

ក្រុមជនសង្ស័យកាច់.ក ម៉ូតូ និងប្លន់ មួយក្រុមធំ ត្រូវនគរបាលព្រហ្មទណ្ឌក្រសួងមហាផ្ទៃ បង្ក្រាបបាន

អាជ្ញាធរខណ្ឌទួលគោកចុះចងខ្សែហ៊ុមព័ទ្ធមិនអនុញ្ញាតឲ្យអាជីវកលក់ដូរ បង្កការកកស្ទះចរាចរណ៍

ចាប់ខ្លួនមនុស្ស២នាក់ ដកហូតគ្រឿងញៀនជាង ៥គីឡូក្រាម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

កងរាជអាវុធហត្ថខេត្តក្រចេះ ដុតកម្ទេចរថយន្ដដឹកឈើពីរគ្រឿង

អាជ្ញាធរផ្អាកការចរាចរណ៍ស្ពានបេឡេឬស្សីកែវ ដើម្បីទាញយកសាឡង់ចេញ

ទីតាំងល្បែងស៊ីសងដ៏ធំមួយ ក្នុងខណ្ឌពោធិ៍សែនជ័យ ត្រូវអាជ្ញាធរចុះបង្ក្រាប

ទីតាំងល្បែងជល់មាន់មួយកន្លែង ស្ថិតនៅក្នុងដីឡូត៍របស់លោក ពោច សួរ ត្រូវបានបង្ក្រាបទើបមានកិច្ចសន្យាជួលដី

ស្ពានបេឡេ​ឫស្សីកែវ​បើកចរាចរណ៍ឡើងវិញហើយ ខណៈសាឡង់ដែលលិចជាប់ក្រោមស្ពាននៅមិនទាន់ស្ទូចចេញ​

រថយន្តទំនើប Lamborghini Urus សាកល្បឿនហោះ បុកសួនច្បារ ជ្រុលប៉ះជាមួយ Rang Rover រងការខូចខាត

ក្រុមជនសង្ស័យកាច់.ក ម៉ូតូ និងប្លន់ មួយក្រុមធំ ត្រូវនគរបាលព្រហ្មទណ្ឌក្រសួងមហាផ្ទៃ បង្ក្រាបបាន

អាជ្ញាធរខណ្ឌទួលគោកចុះចងខ្សែហ៊ុមព័ទ្ធមិនអនុញ្ញាតឲ្យអាជីវកលក់ដូរ បង្កការកកស្ទះចរាចរណ៍

ចាប់ខ្លួនមនុស្ស២នាក់ ដកហូតគ្រឿងញៀនជាង ៥គីឡូក្រាម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ស្ពានបេឡេឫស្សីកែវបើកចរាចរណ៍ឡើងវិញហើយ ខណៈសាឡង់ដែលលិចជាប់ក្រោមស្ពាននៅមិនទាន់ស្ទូចចេញ