នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ចិន គ្រោងនឹងចាប់ផ្តើមបេសកកម្មដ៏គ្រោះថ្នាក់ទៅកាន់ផ្នែក «លាក់ខ្លួន» របស់ព្រះចន្ទ
ប្រធានាធិបតីកូរ៉េខាងត្បូង ពិភាក្សាជាមួយក្រុមប្រឆាំងអំពីការស្តារកិច្ចសហប្រតិបត្តិការទ្វេភាគីឡើងវិញ
ចិន បង្ហាញការព្រួយបារម្ភខ្លាំងចំពោះការគ្រប់គ្រងការនាំចេញតាមផែនការរបស់ប្រទេសជប៉ុន
កងកម្លាំងនាវាមុជទឹករបស់ចិន ត្រូវបានសង្កត់ធ្ងន់ដោយការហ្វឹកហាត់ជាក់ស្តែងបន្ថែមទៀត សម្រាប់ការប្រយុទ្ធ

នយោបាយ​ និង ការអភិវឌ្ឍន៍

ចិន គ្រោងនឹងចាប់ផ្តើមបេសកកម្មដ៏គ្រោះថ្នាក់ទៅកាន់ផ្នែក «លាក់ខ្លួន» របស់ព្រះចន្ទ

2024/04/29 03:04:53 pm        42
Facebook Telegram Linkin
ប្រទេសចិន នឹងបញ្ជូនយានអវកាសរូបយន្ត (រ៉ូបូត) ក្នុងរយៈពេលប៉ុន្មានថ្ងៃខាងមុខនេះនៅក្នុងការធ្វើដំណើរទៅកាន់ផ្នែកលាក់ខ្លួនកាន់តែជ្រៅរបស់ព្រះចន្ទ ក្នុងបេសកកម្មដ៏គ្រោះថ្នាក់ និងចំណាយខ្ពស់ក្នុងបច្ចេកទេសដំបូងរបស់ខ្លួនក្នុងចំណោមបេសកកម្មចំនួនបី ដែលនឹងត្រួសត្រាយផ្លូវសម្រាប់ការចុះចតរបស់នាវិកចិនជាលើកដំបូង និងបង្កើតមូលដ្ឋាននៅលើប៉ូលខាងត្បូងនៃឋានព្រះចន្ទ។ចាប់តាំងពីបេសកកម្ម ឆាងអឺ (Chang'e) លើកដំបូងក្នុងឆ្នាំ២០០៧ ដែលត្រូវបានគេដាក់ឈ្មោះតាមទេពធីតាទេវកថាព្រះច័ន្ទរបស់ចិនមក ប្រទេសចិនបានបោះជំហានទៅមុខក្នុងដំណើររុករកឋានព្រះចន្ទរបស់ខ្លួន ដោយកាត់បន្ថយភាពគម្លាតផ្នែកបច្ចេកវិទ្យាជាមួយសហរដ្ឋអាមេរិក និងរុស្ស៊ី។នៅឆ្នាំ២០២០ ប្រទេសចិនបាននាំយកគំរូមួយចំនួនត្រឡប់មកវិញពីផ្នែកជិតៗរបស់ព្រះចន្ទនៅក្នុងការទាញយកគំរូលើកដំបូងក្នុងរយៈពេលជាង ៤ ទសវត្សរ៍ ដោយបញ្ជាក់ថាជាលើកដំបូងថាខ្លួនអាចបញ្ជូនយានអវកាសដែលមិនមានអាវកាសយានិក ត្រឡប់មកផែនដីវិញដោយសុវត្ថិភាពពីផ្ទៃព្រះចន្ទ។ក្នុងសប្តាហ៍នេះ ប្រទេសចិនត្រូវបានគេរំពឹងថានឹងបាញ់បង្ហោះយាន ឆាងអឺ-៦ (Chang'e-6) ដោយប្រើយានអវកាសបម្រុងពីបេសកកម្មឆ្នាំ២០២០ ហើយប្រមូលគំរូដី និងថ្មពីផ្នែកនៃព្រះចន្ទ ដែលបែរមុខទៅឆ្ងាយខ្លាំងជាអចិន្ត្រៃយ៍ពីផែនដី។ដោយមិនមានខ្សែបន្ទាត់មើលឃើញដោយផ្ទាល់ជាមួយផែនដី យាន ឆាងអឺ-៦ នេះត្រូវតែពឹងផ្អែកលើផ្កាយរណបបញ្ជូនបន្ត ដែលទើបដាក់ពង្រាយនិងដែលកំពុងធ្វើដំណើរជុំវិញព្រះច័ន្ទ ក្នុងអំឡុងពេលបេសកកម្មរយៈពេល ៥៣ ថ្ងៃរបស់ខ្លួន រួមទាំងគម្រោងនៃការហោះក្រវែលដែលមិនធ្លាប់មានពីមុនមកពីផ្នែក «លាក់ខ្លួន» របស់ព្រះចន្ទ នៅពេលត្រឡប់មកផែនដីវិញ៕

ប្រធានាធិបតីកូរ៉េខាងត្បូង ពិភាក្សាជាមួយក្រុមប្រឆាំងអំពីការស្តារកិច្ចសហប្រតិបត្តិការទ្វេភាគីឡើងវិញ

2024/04/29 02:53:40 pm        39
Facebook Telegram Linkin
ប្រធានាធិបតីកូរ៉េខាងត្បូង លោក Yoon Suk Yeol កំពុងពិភាក្សាជាមួយមេដឹកនាំបក្សប្រឆាំងសេរីលោក Lee Jae-myung នៅថ្ងៃចន្ទនេះ អំពីរបៀបស្តារកិច្ចសហប្រតិបត្តិការទ្វេភាគីឡើងវិញ បន្ទាប់ពីគណបក្សអភិរក្សនិយមរបស់ខ្លួន កាលពីពេលថ្មីៗនេះ បានរងបរាជ័យដ៏ធំ នៅក្នុងការបោះឆ្នោតសភា។កិច្ចប្រជុំនេះ គឺជាលើកទី១ របស់ពួកគេ ចាប់តាំងពីលោក Yoon ចូលកាន់តំណែង ក្នុងឆ្នាំ ២០២២ បន្ទាប់ពីបានឈ្នះលោក Lee ក្នុងការបោះឆ្នោតប្រធានាធិបតីរបស់ប្រទេសនេះ។ ក្នុងអំឡុងពេលយុទ្ធនាការរបស់ពួកគេ លោក Yoon និង លោក Lee រួមទាំងអ្នកគាំទ្ររបស់ពួកគេ បានរិះគន់គ្នាទៅវិញទៅមក ហើយបានដាក់ពាក្យប្តឹងគ្នាទៅវិញទៅមក។លោក Yoon បានស្នើកិច្ចប្រជុំនេះ ខណៈដែលខ្លួនប្រឈមមុខនឹងការអំពាវនាវកាន់តែខ្លាំងឡើង ដើម្បីសហការជាមួយគណបក្សប្រជាធិបតេយ្យរបស់លោក Lee ដែលទទួលបានជ័យជម្នះ នៅក្នុងការបោះឆ្នោតសភា កាលពីថ្ងៃទី១០ ខែមេសា អនុញ្ញាតឲ្យគណបក្សនេះ បន្តការគ្រប់គ្រងរបស់ខ្លួន ក្នុងសភាតែម្នាក់ឯង រហូតដល់ក្រោយអាណត្តិ៥ឆ្នាំរបស់លោក Yoon បញ្ចប់ នៅឆ្នាំ ២០២៧។លោក Yoon និង លោក Lee បានជួបគ្នាដោយគ្មានរបៀបវារៈកំណត់។ មន្ត្រីនៅការិយាល័យប្រធានាធិបតីរបស់លោក Yoon និងគណបក្សរបស់លោក Lee បាននិយាយមុននេះថា កិច្ចប្រជុំនេះ នឹងផ្តោតលើវិធីកែលម្អជីវភាពសាធារណៈ និងលើកកម្ពស់កិច្ចសហប្រតិបត្តិការលើកិច្ចការរដ្ឋ។

ចិន បង្ហាញការព្រួយបារម្ភខ្លាំងចំពោះការគ្រប់គ្រងការនាំចេញតាមផែនការរបស់ប្រទេសជប៉ុន

2024/04/29 02:43:15 pm        39
Facebook Telegram Linkin
ប្រទេសចិន នៅថ្ងៃចន្ទនេះ បានបង្ហាញក្តីបារម្ភយ៉ាងខ្លាំងជុំវិញការគ្រប់គ្រងការនាំចេញរបស់ប្រទេសជប៉ុនតាមផែនការ លើមុខទំនិញជាក់លាក់នៃគ្រឿងអេឡិចត្រូនិក និងផ្នែកផ្សេងទៀត។អ្នកនាំពាក្យក្រសួងពាណិជ្ជកម្ម បាននិយាយនៅក្នុងសេចក្តីថ្លែងការណ៍ថា វិធានការណ៍ដែលបានស្នើឡើងរបស់ភាគីជប៉ុននឹងប៉ះពាល់យ៉ាងធ្ងន់ធ្ងរដល់ការធ្វើពាណិជ្ជកម្មធម្មតា រវាងសហគ្រាសចិន និងជប៉ុន និងធ្វើឲ្យប៉ះពាល់ដល់ស្ថិរភាពនៃខ្សែច្រវ៉ាក់ផ្គត់ផ្គង់ពិភពលោក។អ្នកនាំពាក្យ បាននិយាយថា ប្រទេសជប៉ុនគួរតែកែតម្រូវការអនុវត្តខុសរបស់ខ្លួន ឱ្យបានទាន់ពេលវេលា ដោយលើកឡើងថា ប្រទេសចិននឹងចាត់វិធានការចាំបាច់ដើម្បីការពារសិទ្ធិ និងផលប្រយោជន៍ស្របច្បាប់របស់សហគ្រាសខ្លួន។ខណៈឧស្សាហកម្មគ្រឿងអេឡិចត្រូនិក មានលក្ខណៈសកលភាវូបនីយកម្មខ្ពស់ ការផ្លាស់ប្តូររបស់ប្រទេសមួយចំនួនក្នុងការធ្វើឱ្យទូលំទូលាយនូវគោលគំនិតនៃសន្តិសុខជាតិ ដែលការរំលោភលើវិធានការគ្រប់គ្រងការនាំចេញ និងការបែងចែកទីផ្សារពិភពលោក បានងាកចេញយ៉ាងធ្ងន់ធ្ងរពីគោលការណ៍នៃពាណិជ្ជកម្មសេរី និងច្បាប់ពាណិជ្ជកម្មពហុភាគី ហើយបានប៉ះពាល់ដល់ស្ថិរភាពនៃខ្សែច្រវ៉ាក់ផ្គត់ផ្គង់ និងឧស្សាហកម្មសកល។

កងកម្លាំងនាវាមុជទឹករបស់ចិន ត្រូវបានសង្កត់ធ្ងន់ដោយការហ្វឹកហាត់ជាក់ស្តែងបន្ថែមទៀត សម្រាប់ការប្រយុទ្ធ

2024/04/29 12:59:45 pm        112
Facebook Telegram Linkin
ចិន កំពុងជំរុញកងកម្លាំងនាវាមុជទឹករបស់ខ្លួនឱ្យអត់ធ្មត់ និងធ្វើសមយុទ្ធហ្វឹកហាត់កាន់តែខ្លាំងនិងជាក់ស្តែងច្រើនបន្ថែមទៀត។ គោលដៅគឺដើម្បីឱ្យនាវាមុជទឹកអាចធ្វើប្រតិបត្តិការកាន់តែឆ្ងាយពីឆ្នេរសមុទ្រចិន និងកាន់តែជ្រៅទៅក្នុងមហាសមុទ្រប៉ាស៊ីហ្វិកខាងលិច ដែលតម្រូវឱ្យមេបញ្ជាការ និងកងនាវិកមានសមត្ថភាពជាយុទ្ធសាស្ត្រ និងគំនិតផ្តួចផ្តើមដែលអាចបត់បែនបាន ដែលជាបទដ្ឋាននៅក្នុងទីបញ្ជាការកងនាវាចរខាងលិច។ យោងតាមរបាយការណ៍របស់វិទ្យាស្ថានសិក្សាដែនសមុទ្រចិននៅមហាវិទ្យាល័យស្ដីពីសង្រ្គាមកងទ័ពជើងទឹកសហរដ្ឋអាមេរិក ការផ្លាស់ប្តូរនេះកំពុងធ្វើឲ្យប៉ះពាល់ដល់ក្រុមនាវិកនាវាមុជទឹក។ ការហ្វឹកហ្វឺនបានក្លាយទៅជា ភាពប្រាកដនិយម កាន់តែម៉ត់ចត់ និងស្តង់ដារនៅទូទាំងកងនាវា ។ ទោះបីជាមានការតានតឹងលើឧបករណ៍នាវាមុជទឹក និងក្រុមនាវិកក៏ដោយ ការផ្លាស់ប្តូរទាំងនេះចំពោះការហ្វឹកហាត់អាចផ្តល់លទ្ធផលដល់កងនាវាមុជទឹកដែលមានសមត្ថភាពប្រយុទ្ធបន្ថែមទៀតដែលកំពុងប្រតិបត្តិការនៅទូទាំងសមុទ្រប៉ាស៊ីហ្វិកខាងលិច។ការផ្លាស់ប្តូរតាំងពីឆ្នាំ២០១៤ នៅពេលយុទ្ធសាស្រ្តយោធារបស់ប្រទេសចិនបានពង្រីកចាប់ពីការការពារទ្វីបនៅតាមព្រំដែនរបស់ប្រទេសចិន ទៅដល់ប្រតិបត្តិការទឹកខៀវនៅមហាសមុទ្រប៉ាស៊ីហ្វិកខាងលិច។ ដើម្បីសម្រេចបាននូវចំណុចនេះ ក្រុមមេដឹកនាំចិន បានអំពាវនាវឱ្យនាវាមុជទឹកវាយប្រហារទទួលយកការផ្តល់ព័ត៌មាន ជាជាងចំណាយពេលអត់ប្រយោធន៍ ក្នុងនាមជាអ្នកប្រមាញ់ ពួកគេនឹងបញ្ជូន និងទទួលទិន្នន័យគោលដៅពីប្រភពខាងក្រៅដូចជា នាវាប្រយុទ្ធលើដី យន្តហោះ និងទីស្នាក់ការកងនាវា។ លោក Christopher Sharman និង លោក Terry Hess ដែលជាសហនិពន្ធរបាយការណ៍ CMSI បានសរសេរថា ខណៈកងកម្លាំងរំដោះប្រជាជនចិន PLA បានសង្កត់ធ្ងន់តម្រូវការក្នុងសម័យសង្គ្រាមក្នុងការហ្វឹកហាត់អស់ជាច្រើនឆ្នាំ តម្រូវការច្បាស់លាស់លើការហ្វឹកហាត់ក្រោមលក្ខខណ្ឌដែលត្រូវរំពឹងទុកក្នុងការប្រយុទ្ធនឹងបន្ថែមភាពរឹងមាំ និងភាពម៉ត់ចត់ដល់ការហ្វឹកហ្វឺននេះ និងជំរុញឱ្យអង្គភាពហ្វឹកហាត់ប្រៀបបានធ្វើសង្គ្រាមពិតៗ ៕

ទីក្រុងមូស្គូ អាចរឹបអូសទ្រព្យសម្បត្តិឯកជនរបស់អាមេរិកនៅរុស្ស៊ី បើសិនអាមេរិក រឹបអូសយកទុនបម្រុងដែលបង្កករបស់ខ្លួន

2024/04/29 12:52:28 pm        68
Facebook Telegram Linkin
លោក ឌ្មីទ្រី ម៉េដវីដេវ (Dmitry Medvedev) មន្ត្រីសន្តិសុខជាន់ខ្ពស់ បាននិយាយកាលពីថ្ងៃសៅរ៍ថា ប្រទេសរុស្ស៊ី អាចឆ្លើយតបទៅនឹងការរឹបអូសប្រាក់បំរុងរបស់ខ្លួនដែលត្រូវបានបង្កកនៅលោកខាងលិចដោយសហរដ្ឋអាមេរិក គឺដោយការរឹបអូសទ្រព្យសម្បត្តិ រួមទាំងទ្រព្យសម្បត្តិ និងសាច់ប្រាក់របស់ពលរដ្ឋអាមេរិក និងអ្នកវិនិយោគ នៅក្នុងប្រទេសរុស្ស៊ី។សភាតំណាងរាស្រ្តអាមេរិក បានអនុម័តច្បាប់អនុញ្ញាតឲ្យរដ្ឋបាលរបស់លោក បៃដិន ( Biden) រឹបអូសទ្រព្យសម្បត្តិរុស្ស៊ី ដែលត្រូវបានរក្សាទុកនៅក្នុងធនាគារអាមេរិក ហើយផ្ទេរវាទៅអ៊ុយក្រែន ជាអ្វីដែលវិមានក្រឹមឡាំង បាននិយាយថា នឹងខុសច្បាប់ និងបង្កឲ្យមានការសងសឹក។ជាការឆ្លើយតបទៅនឹងសង្គ្រាមរបស់រុស្ស៊ីនៅអ៊ុយក្រែន សហរដ្ឋអាមេរិក និងសម្ព័ន្ធមិត្ត បានហាមឃាត់ការធ្វើប្រតិបត្តិការជាមួយធនាគារកណ្តាល និងក្រសួងហិរញ្ញវត្ថុរបស់រុស្ស៊ី ហើយបានរារាំងទ្រព្យសម្បត្តិរុស្ស៊ីប្រមាណ ៣០០ ពាន់លានដុល្លារ នៅលោកខាងលិច ដែលភាគច្រើន គឺស្ថិតនៅក្នុងស្ថាប័នហិរញ្ញវត្ថុអឺរ៉ុបមិនមែនអាមេរិក។ក្រុមប្រទេសប្រជាធិបតេយ្យធំៗទាំង៧ (G7) ក៏កំពុងសម្លឹងមើលផងដែរនូវអ្វីដែលខ្លួនអាចធ្វើបានជុំវិញទ្រព្យសម្បត្តិរបស់រុស្ស៊ី ដែលត្រូវបានបង្កកនោះ។

ចារកម្មអាមេរិក ជឿថាលោក ពូទីន ប្រហែលមិនបានបញ្ជាឱ្យសម្លាប់លោក Navalny ទេ

2024/04/29 11:41:53 am        54
Facebook Telegram Linkin
ទីភ្នាក់ងារស៊ើបការណ៍ចារកម្មសម្ងាត់សហរដ្ឋអាមេរិក បានកំណត់ថា ប្រធានាធិបតីរុស្ស៊ី លោក វ្ល៉ាឌីមៀ ពូទីន (Vladimir Putin) ប្រហែលជាមិនបានបញ្ជាឱ្យគេសម្លាប់អតីតអ្នកនយោបាយប្រឆាំងរុស្ស៊ីដ៏ល្បី លោក អាឡិចស៊ី ណាវ៉ាល់នី (Alexei Navalny) នៅជំរំពន្ធនាគារតំបន់អាកទិក ក្នុងខែកុម្ភៈ នោះទេ នេះបើតាមសារព័ត៌មាន វ៉លស្ទ្រីត ជើណល (Wall Street Journal) បានរាយការណ៍កាលពីថ្ងៃសៅរ៍ (២៧ មេសា)។លោក ណាវ៉ាល់នី វ័យ ៤៧ ឆ្នាំ គឺជាអ្នករិះគន់ក្នុងស្រុកដ៏សំខាន់បំផុតលើលោក ពូទីន។ សម្ព័ន្ធមិត្តរបស់លោក ដែលអាជ្ញាធរឱ្យឈ្មោះថាជាក្រុមជ្រុលនិយម បានចោទប្រកាន់លោក ពូទីន ថាបានសម្លាប់លោក ណាវ៉ាល់នី ហើយនិយាយថា ពួកគេនឹងផ្តល់ភស្តុតាងដើម្បីគាំទ្រការចោទប្រកាន់នេះ។វិមានក្រឹមឡាំង បានបដិសេធថាមិនមានការជាប់ពាក់ព័ន្ធណាមួយរបស់រដ្ឋលើការស្លាប់នោះឡើយ ហើយថាលោកបានស្លាប់ដោយរោគាពាធ។ កាលពីខែមុន លោក ពូទីន បានហៅការស្លាប់របស់លោក ណាវ៉ាល់នី ថា «ជារឿងដ៏សោកសៅ» ព្រោះលោកបានត្រៀមខ្លួនរួចជាស្រេចដើម្បីប្រគល់អ្នកនយោបាយជាប់ពន្ធនាគាររូបនោះទៅឱ្យលោកខាងលិចក្នុងការផ្លាស់ប្តូរអ្នកទោស។ សម្ព័ន្ធមិត្តរបស់លោក ណាវ៉ាល់នី ក៏បាននិយាយថា ការផ្លាស់ប្ដូរបែបនេះកំពុងដំណើរការនៅពេលនោះ។របាយការណ៍ WSJ ដែលដកស្រង់ប្រភពមិនបញ្ចេញឈ្មោះ បាននិយាយកាលពីថ្ងៃសៅរ៍ថា ទីភ្នាក់ងារស៊ើបការណ៍សម្ងាត់របស់អាមេរិក បានសន្និដ្ឋានថា លោក ពូទីន ប្រហែលជាមិនបានបញ្ជាឱ្យគេសម្លាប់លោក ណាវ៉ាល់នី កាលពីខែកុម្ភៈទេ។ អ្នកនាំពាក្យវិមានក្រឹមឡាំង លោក ឌីមីទ្រី ផេស្កូវ (Dmitry Peskov) បាននិយាយកាលពីថ្ងៃសៅរ៍ថា លោកបានឃើញរបាយការណ៍របស់សារព័ត៌មាននោះ ដែលលោកថាជា «ការទាយទុកដោយគ្មានអំណះអំណាង»៕

កូរ៉េខាងជើង រិះគន់សហរដ្ឋអាមេរិក ចំពោះការផ្គត់ផ្គង់មីស៊ីលរយៈចម្ងាយឆ្ងាយឱ្យអ៊ុយក្រែន

2024/04/29 11:35:10 am        39
Facebook Telegram Linkin
ប្រព័ន្ធផ្សព្វផ្សាយរដ្ឋ KCNA បានរាយការណ៍នៅថ្ងៃចន្ទ (២៩ មេសា) នេះដោយដកស្រង់សេចក្តីថ្លែងការណ៍របស់ក្រសួងការពារជាតិកូរ៉េខាងជើងថា ប្រទេសកូរ៉េខាងជើង បានរិះគន់សហរដ្ឋអាមេរិក ចំពោះការផ្គត់ផ្គង់មីស៊ីលរយៈចម្ងាយឆ្ងាយ ATACMS ដល់ប្រទេសអ៊ុយក្រែន។មន្ត្រីអាមេរិកម្នាក់បាននិយាយកាលពីថ្ងៃទី២៤ ខែមេសាថា សហរដ្ឋអាមេរិកក្នុងរយៈពេលប៉ុន្មានសប្តាហ៍ថ្មីៗនេះបានបញ្ជូនដោយសម្ងាត់នូវប្រព័ន្ធមីស៊ីលតាកទិចកងទ័ព (ATACMS) ទៅកាន់ប្រទេសអ៊ុយក្រែនសម្រាប់ប្រើប្រាស់ក្នុងសមរភូមិរបស់ខ្លួនដើម្បីប្រយុទ្ធប្រឆាំងនឹងការឈ្លានពានរបស់រុស្ស៊ី។កាលពីថ្ងៃអាទិត្យ ប្រធាននាយកដ្ឋានកិច្ចការបរទេសនៃក្រសួងការពារជាតិកូរ៉េខាងជើង ត្រូវបានដកស្រង់សម្តីដែលនិយាយនៅក្នុងសេចក្តីថ្លែងការណ៍មួយថា «សហរដ្ឋអាមេរិក បានផ្គត់ផ្គង់មីស៊ីលរយៈចម្ងាយឆ្ងាយដោយសម្ងាត់ដល់អ៊ុយក្រែន ដែលបង្កឱ្យមានការមិនសប្បាយចិត្ត និងការព្រួយបារម្ភរបស់សហគមន៍អន្តរជាតិ»។ប្រធាននាយកដ្ឋានរូបនោះបាននិយាយថា «សហរដ្ឋអាមេរិក មិនអាចកម្ចាត់វីរភាពរបស់កងទ័ពរុស្ស៊ី និងប្រជាជន ជាមួយនឹងអាវុធទំនើបចុងក្រោយបំផុត ឬជំនួយយោធាណាមួយបានឡើយ»។ ទំនាក់ទំនងយោធារវាងទីក្រុងព្យុងយ៉ាង និងទីក្រុងមូស្គូ កំពុងកើនឡើង ដែលសហរដ្ឋអាមេរិក និងសម្ព័ន្ធមិត្តមើលឃើញថាបង្កជាកំណើនភាពតានតឹងនៅក្នុងឧបទ្វីបកូរ៉េ ខណៈទីក្រុងព្យុងយ៉ាង កំពុងតែមិនសប្បាយចិត្តជាមួយនឹងទំនាក់ទំនងយោធាដ៏ស្អិតរមួតរបស់អាមេរិក និងកូរ៉េខាងត្បូង ជាពិសេសសមយុទ្ធយោធានាពេលថ្មីៗនេះ៕

ប្រទេសចិន នឹងអនុញ្ញាតឲ្យនាំចូល កសិផល និងផលិតផលនេសាទ ពីកោះតៃវ៉ាន់

2024/04/29 11:08:07 am        33
Facebook Telegram Linkin
រដ្ឋបាលទូទៅនៃអង្គភាពគយរបស់ចិន (GAC) បាននិយាយកាលពីថ្ងៃអាទិត្យថា ខ្លួននឹងអនុម័តការនាំចូលផ្លែក្រូចត្លុង ផលិតផលកសិកម្ម និងនេសាទផ្សេងទៀតពីកោះតៃវ៉ាន់ ដោយសារពួកគេបំពេញតាមលក្ខខណ្ឌតម្រូវឱ្យនៅដាច់ដោយឡែកពីចិនដីគោក។ តម្រូវការនេះ នឹងត្រូវធ្វើឡើងដោយផ្អែកលើការវាយតម្លៃបែបវិទ្យាសាស្ត្រ និងស្របតាមច្បាប់ និងបទប្បញ្ញត្តិពាក់ព័ន្ធ។លោកចាវ សឹងលៀន ( Zhao Zenglian) អនុប្រធាន GAC បាននិយាយនៅក្នុងជំនួបជាមួយគណៈប្រតិភូ បក្សគូមីនតាំង ថារដ្ឋបាលទូទៅនៃអង្គភាពគយរបស់ចិន មានឆន្ទៈក្នុងការពង្រឹងទំនាក់ទំនងជាមួយគណបក្សគូមីនតាំង (Kuomintang) (KMT) និងក្រុមអាជ្ញាធរពាក់ព័ន្ធនៅកោះតៃវ៉ាន់ លើការបន្តការនាំចូលផលិតផលកសិកម្ម និងនេសាទរបស់តៃវ៉ាន់ទៅកាន់ចិនដីគោក ដោយផ្អែកលើមូលដ្ឋាននយោបាយរួមនៃការប្រកាន់ខ្ជាប់ការឯកភាពឆ្នាំ១៩៩២ និងការប្រឆាំងនឹងការទាមទារឯករាជ្យភាពកោះតៃវ៉ាន់ ។ គណៈប្រតិភូដឹកនាំដោយ លោក ហ្វ៊ូ គុន ជី ( Fu Kun-chi) បានទៅទស្សនាអង្គភាព GAC នៅទីក្រុងប៉េកាំង កាលពីថ្ងៃអាទិត្យ។លោក Zhao បានបន្ថែមថា GAC មានឆន្ទៈក្នុងការធ្វើការជាមួយគណបក្សគូមីនតាំង( KMT) និងអាជ្ញាធរពាក់ព័ន្ធនៅតៃវ៉ាន់ ដើម្បីលើកទឹកចិត្តអ្នកនៅក្នុងឧស្សាហកម្មនៅតៃវ៉ាន់ ពង្រឹងការគ្រប់គ្រងចំពោះប្រភព និងចាត់វិធានការកែតម្រូវជាក់ស្តែង និងអាចធ្វើទៅបាន៕

រដ្ឋមន្ត្រីការបរទេសថៃ លាលែងពីតំណែង បន្ទាប់ពីការរុះរើគណៈរដ្ឋមន្ត្រី

2024/04/29 10:12:36 am        51
Facebook Telegram Linkin
រដ្ឋាភិបាលថៃ បាននិយាយកាលពីថ្ងៃអាទិត្យ (២៨ មេសា) ថារដ្ឋមន្ត្រីការបរទេសថៃ លោក ផនព្រី បាហីត្ថា នុការ៉ា (Parnpree Bahiddha-Nukara) បានលាលែងពីតំណែង បន្ទាប់ពីត្រូវបានដកចេញពីតំណែងឧបនាយករដ្ឋមន្ត្រី នៅក្នុងការរុះរើគណៈរដ្ឋមន្ត្រីថ្មី ខណៈពេលដែលប្រទេសអាស៊ីអាគ្នេយ៍មួយនេះកំពុងស្វះស្វែងរកការជួយដោះស្រាយជម្លោះមីយ៉ាន់ម៉ា។ការលាលែងពីតំណែងដែលមិននឹកស្មានដល់របស់លោក ផនព្រី បានធ្វើឱ្យក្រសួងការបរទេសមានភាពស្រពេចស្រពិល ខណៈដែលលោកបានដឹកនាំក្រុមកិច្ចការមីយ៉ាន់ម៉ា ហើយកាលពីខែមុនបានចាប់ផ្តើមគំនិតផ្តួចផ្តើមមនុស្សធម៌ដែលស្វះស្វែងរកការត្រួសត្រាយផ្លូវសម្រាប់កិច្ចពិភាក្សារវាងភាគីសង្គ្រាម បន្ទាប់ពីរយៈពេលបីឆ្នាំនៃអស្ថិរភាព និងអំពើហិង្សាដែលបង្កឡើងដោយរដ្ឋប្រហារ។អ្នកនាំពាក្យរដ្ឋាភិបាល លោក ឆៃ វិចឆារុង (Chai Wacharonke) បានប្រាប់សារព័ត៌មានរ៉យទ័រថា លោកនាយករដ្ឋមន្រ្តី សេដ្ឋា ថាវីស៊ីន (Srettha Thavisin) បានទទួលលិខិតលាលែងពីតំណែងរបស់លោក ផនព្រី។ ការលាលែងពីតំណែងរបស់លោក ផនព្រី បានធ្វើឱ្យមនុស្សជាច្រើនភ្ញាក់ផ្អើល រួមទាំងឥស្សរជនជាន់ខ្ពស់របស់រដ្ឋាភិបាលដូចជាលោកឧបនាយករដ្ឋមន្ត្រី ភូមថាំ វ៉េឆាសយ៉ាឆៃ (Phumtham Wechayachai) ដែលបានប្រាប់ប្រព័ន្ធផ្សព្វផ្សាយក្នុងស្រុកថា នេះជារឿងនឹកស្មានមិនដល់ទាល់តែសោះ។គណៈរដ្ឋមន្រ្តីថ្មីរបស់លោក សេដ្ឋា ដែលត្រូវបានរាជានុញ្ញាតដោយព្រះមហាក្សត្ររបស់ប្រទេសថៃ និងបានចុះផ្សាយក្នុងសារព័ត៌មានរាជវង្ស (Royal Gazette) បានបង្ហាញថា លោក ផនព្រី ស្ថិតក្នុងបញ្ជីត្រឹមតែជារដ្ឋមន្ត្រីការបរទេសប៉ុណ្ណោះ និងលែងមានឋានៈបន្ថែមជាឧបនាយករដ្ឋមន្ត្រីទៀតហើយ៕

រដ្ឋាភិបាលអន្តរកាលហៃទី នឹងបោះឆ្នោតជ្រើសរើសប្រធានាធិបតីនៅថ្ងៃអង្គារស្អែកនេះ

2024/04/29 10:09:40 am        34
Facebook Telegram Linkin
ក្រុមប្រឹក្សាអន្តរកាលរបស់ប្រទេសហៃទី កាលពីថ្ងៃសៅរ៍ (២៧ មេសា) បាននិយាយថា ខ្លួននឹងបោះឆ្នោតជ្រើសរើសប្រធានាធិបតីបន្ទាប់របស់ប្រទេសនេះនៅថ្ងៃអង្គារ (៣០ មេសា) ស្អែកនេះ ជាផ្នែកនៃកិច្ចខិតខំប្រឹងប្រែងដើម្បីនាំប្រទេសសមុទ្រការ៉ាអ៊ីបមួយនេះឱ្យស្ថិតនៅក្រោមការគ្រប់គ្រង ស្របពេលមានកំណើនអំពើហិង្សាពីក្រុមជនអន្ធពាល។ក្រុមប្រឹក្សាអន្តរកាលបានចូលកាន់អំណាចនៅក្នុងពិធីមួយកាលពីថ្ងៃព្រហស្បតិ៍ ដោយបានធ្វើឱ្យអតីតនាយករដ្ឋមន្ត្រី អារីយែល ហង់រី (Ariel Henry) លាលែងពីតំណែងជាផ្លូវការ។ អាណត្តិរបស់រដ្ឋាភិបាលអន្តរកាលនេះដំណើរការដល់ខែកុម្ភៈ ឆ្នាំ២០២៦ ឬនៅពេលដែលគេកំណត់ថានឹងមានការបោះឆ្នោត ហើយមិនអាចបន្តទៀតបានទេ។សេចក្តីថ្លែងការណ៍មួយបាននិយាយថា ការបោះឆ្នោតជ្រើសរើសប្រធានាធិបតីនេះនឹងប្រព្រឹត្តទៅនៅការិយាល័យ វីឡា ដាក់គុយ (Villa d'Accueil) របស់នាយករដ្ឋមន្ត្រីនៅព្រឹកថ្ងៃអង្គារ។ការដំឡើងរបស់ក្រុមប្រឹក្សានេះត្រូវបានគេមើលឃើញថាជាជំហានដ៏សំខាន់មួយឆ្ពោះទៅរកការដាក់ពង្រាយបេសកកម្មសន្តិសុខពហុជាតិដែលលោក ហង់រី បានស្នើសុំក្នុងឆ្នាំ២២២ ហើយអង្គការសហប្រជាជាតិបានអនុម័តជាងប្រាំមួយខែមុន៕

បណ្ដាញសង្គម

ព័ត៌មានថ្មីៗ

សម្ដេចតេជោ ហ៊ុន សែន អញ្ជើញទទួល ព្រះចៅស៊ុលតង់ ហាជី ហាសិនណល់ ប៊ូលហ្កះ ព្រះមហាក្សត្រ នៃប្រទេស ប្រ៊ុយណេ ដារូសាឡឹម
04/29/2024 07:04 PM
Facebook Telegram Linkin
រដ្ឋមន្ត្រីទី១ របស់ស្កុតឡែន លោក Humza Yousaf លាលែងពីតំណែង
04/29/2024 07:04 PM
Facebook Telegram Linkin
តុលាការថៃបន្ថែមរយៈពេលជាប់ពន្ធនាគារ ចំពោះមេធាវីសិទ្ធិមនុស្សដែលជំរុញឲ្យមានកំណែទម្រង់រាជាធិបតេយ្យ
04/29/2024 06:04 PM
Facebook Telegram Linkin
យន្តហោះ F-16 ដែលនឹងទៅដល់អ៊ុយក្រែន នៅរដូវក្តៅនេះ នឹងប្រឈមនឹងសមរភូមិដ៏គ្រោះថ្នាក់បំផុតមិនធ្លាប់មាន
04/29/2024 06:04 PM
Facebook Telegram Linkin
ចិនបង្ហាញសញ្ញាសងសឹក បន្ទាប់ពីលោក Biden ចុះហត្ថលេខាលើច្បាប់ TikTok និងកោះតៃវ៉ាន់
04/29/2024 06:04 PM
Facebook Telegram Linkin
មន្ត្រីអ៊ីស្រាអែល ព្រួយបារម្ភអំពីលទ្ធភាពដីកាចាប់ខ្លួនរបស់ ICC ខណៈដែលសម្ពាធ កើនឡើងជុំវិញសង្គ្រាមនៅហ្កាហ្សា
04/29/2024 06:04 PM
Facebook Telegram Linkin
ប្រជាជនហ្កាហ្សា កំពុងបង់ប្រាក់រាប់ម៉ឺនដុល្លារ ដល់ក្រុមហ៊ុនអេហ្ស៊ីប ដើម្បីគេចខ្លួន
04/29/2024 06:04 PM
Facebook Telegram Linkin
ការប្រឡងជ្រើសរើសគ្រូអនុវិទ្យាល័យ សម្រាំងបេក្ខជនលើកទី១ នឹងមកដល់នៅថ្ងៃទី ២ ឧសភា
04/29/2024 05:04 PM
Facebook Telegram Linkin
មេដឹកនាំចិនលោក ស៊ី ជីនពីង នឹងបំពេញទស្សនកិច្ចនៅបារាំង ស៊ែប៊ី និងហុងគ្រី ដើម្បីជំរុញទំនាក់ទំនង នៅ EU
04/29/2024 04:04 PM
Facebook Telegram Linkin
ទីក្រុងគីវ៖ ជនជាតិអ៊ុយក្រែនពីរនាក់ដែលត្រូវបានសម្លាប់ នៅអាល្លឺម៉ង់ភាគខាងត្បូង គឺជាសមាជិកកងទ័ព
04/29/2024 04:04 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.