នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
តំណាងអង្គការយូណេស្កូប្រចាំកម្ពុជាប្ដេជ្ញាបន្តពង្រឹងនិងពង្រីកភាពជាដៃគូជាមួយកម្ពុជា ឱ្យកាន់តែរីកចម្រើនថែមទៀត
ឯកអគ្គរដ្ឋទូតឡាវថ្មី ប្រចាំកម្ពុជា ប្ដេជ្ញាពង្រឹងនិងពង្រីកទំនាក់ទំនងជាមួយកម្ពុជាថែមទៀត
កម្ពុជា និងអាស៊ែបៃហ្សង់ ឯកភាពជំរុញ​ ទំនាក់ទំនង​ និងកិច្ចសហប្រតិបត្តិការទ្វេភាគីឱ្យកាន់តែរីកចម្រេីន
ប្រធានក្រុមការងារគណបក្សប្រជាជនចុះមូលដ្ឋាន ប្រកាសបញ្ចូល​សមាជិក​គណបក្ស​ថ្មីជាង ១៥០០នាក់នៃឃុំចំនួន៥ ក្នុងស្រុកកំពង់សៀម ខេត្តកំពង់ចាម

នយោបាយ​ និង ការអភិវឌ្ឍន៍

ក្រុមប្រឹក្សាអន្តរកាលហៃទី តែងតាំងអតីតនាយករដ្ឋមន្ត្រីលោក Conille មកដឹកនាំប្រទេសម្ដងទៀត

2024/06/04 11:59:05 am        141
Facebook Telegram Linkin
ក្រុមប្រឹក្សាអន្តរកាលរបស់ប្រទេសហៃទី បានតែងតាំងអតីតនាយករដ្ឋមន្ត្រី លោក ហ្ការី ខូនីល(Garry Conille) ដែលបានដឹកនាំប្រទេសក្នុងរយៈពេលខ្លីកាលពីមួយទសវត្សរ៍មុន ឲ្យត្រឡប់ទៅកាន់តួនាទីវិញ ខណៈប្រទេសនៅតំបន់សមុទ្រការ៉ាអ៊ីបមួយនេះ ធ្វើការដើម្បីស្ដារស្ថិរភាព និងគ្រប់គ្រងឡើងវិញ ពីក្រុមជនអន្ធពាលហិង្សា។សមាជិកម្នាក់បានប្រាប់សារព័ត៌មាន Reuters ថា ក្រុមប្រឹក្សាអន្តរកាល បានបោះឆ្នោត ដើម្បីតែងតាំង លោក Conille ជានាយករដ្ឋមន្ត្រីបណ្តោះអាសន្ន។ ប្រវត្តិរូបសង្ខេបក្នុងការអភិវឌ្ឍន៍ដ៏ទូលំទូលាយរបស់ លោក Conille ដែលធ្វើការភាគច្រើនជាមួយអង្គការសហប្រជាជាតិ ត្រូវបានចាត់ទុកថា ជាគន្លឹះក្នុងការប្រមូលការគាំទ្រពីអន្តរជាតិ ខណៈប្រទេសហៃទី ចាប់ផ្តើមបេសកកម្មសន្តិសុខគាំទ្រដោយអង្គការសហប្រជាជាតិ ដឹកនាំដោយប្រទេសកេនយ៉ា ទោះបីជាការដាក់ពង្រាយកងកម្លាំងរបស់ខ្លួន បានប្រឈមទៅនឹងឧបសគ្គក៏ដោយ។លោក Conille បាននិយាយនៅលើបណ្តាញ X ថា លោកគិតថាមានកិត្តិយសខ្លាំង ដែលក្រុមប្រឹក្សាប្រធានាធិបតី បានជ្រើសរើសលោកជានាយករដ្ឋមន្ត្រីជាថ្មីរបស់ប្រទេសហៃទី។ក្រុមប្រឹក្សាអន្តរកាល ដែលកាន់អំណាចការងារប្រធានាធិបតីមួយចំនួន និងជាប្រធានក្រុមប្រឹក្សា លោក អ៊ីដហ្គាដ ឡេប្លង់(Edgard Leblanc) នៅពេលបច្ចុប្បន្ននេះ មានភារកិច្ចរៀបចំការបោះឆ្នោតនៅមុនថ្ងៃទី៧ ខែកុម្ភៈ ឆ្នាំ ២០២៦ ដូចបានចែង ក្នុងរដ្ឋធម្មនុញ្ញរបស់ប្រទេសហៃទី។លោក Leblanc បាននិយាយនៅលើទំព័រ X ថា បន្ទាប់ពីការពិភាក្សានៅក្នុងក្រុមប្រឹក្សាអន្តរកាលក្រោយសវនាការជាមួយបេក្ខជនសម្រាប់នាយករដ្ឋមន្ត្រី បណ្ឌិត Garry Conille ត្រូវបានតែងតាំងជាឯកច្ឆន្ទ ដើម្បីដឹកនាំរដ្ឋាភិបាលក្នុងអំឡុងពេលអន្តរកាលនេះ។ការិយាល័យព័ត៌មានរបស់ប្រធានាធិបតី ក្រោយមក បានចេញផ្សាយសេចក្តីថ្លែងការណ៍មួយដោយនិយាយថា ក្រុមប្រឹក្សាអន្តរកាល រួមជាមួយនឹងនាយករដ្ឋមន្ត្រីថ្មី ពេលនេះនឹងឆ្ពោះទៅមុខជាមួយការជ្រើសរើសមនុស្ស សម្រាប់គណៈរដ្ឋមន្ត្រីនៃរដ្ឋាភិបាលថ្មី។

ក្រុមប្រឹក្សាថ្មី ប្តេជ្ញាចិត្តជំរុញសេវាសាធារណៈ និងតម្រូវការរបស់ពលរដ្ឋឱ្យកាន់តែល្អប្រសើរ

2024/06/04 11:44:18 am        174
Facebook Telegram Linkin
សមាជិកក្រុមប្រឹក្សាខណ្ឌ៧មករាដែលជាប់ក្នុងអាណត្តិទី៤ នៅរាជធានីភ្នំពេញ បាន​ប្តេជ្ញា​ចិត្ត​ជំរុញ​ការផ្តល់សេវាសាធារណៈ និងតម្រូវការរចាំបាច់របស់ប្រជាពលរដ្ឋឱ្យកាន់តែល្អប្រសើរ។ស្របពេលថ្ងៃនេះ គណៈកម្មាធិការជាតិរៀបចំការបោះឆ្នោត (គ.ជ.ប) ធ្វើការប្រកាស​លទ្ធផល​ផ្លូវការ នៃ​ការបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក និងខណ្ឌ អាណត្តិទី៤ មាន​សមាជិកក្រុមប្រឹក្សាថ្មីរបស់ខណ្ឌ៧មករា ក្នុងរាជធានីភ្នំពេញ បានប្រាប់ BTV នៅថ្ងៃទី៤ ខែ​មិថុនា ឆ្នាំ២០២៤ថា ក្នុងនាមសមាជិកក្រុមប្រឹក្សាដែលទទួលបានសំឡេងគាំទ្រពីអ្នកបោះឆ្នោត បាន​បង្ហាញការពេញចិត្តចំពោះលទ្ធផលដែលរៀបចំដោយ គ.ជ.ប និងលើក​ឡើង​ពី​ការ​ត្រៀម​លក្ខណៈ​រួចរាល់​ក្នុងបំពេញតួនាទី និងភារកិច្ចរបស់ខ្លួន ដើម្បីចូលរួម​សហការ​ជាមួយ​អាជ្ញាធរ​ឈរ​លើ​ស្មារតី​រួមគ្នាសំដៅបម្រើផលប្រយោជន៍ដល់ប្រជាពលរដ្ឋ។ សមាជិកក្រុមប្រឹក្សាថ្មីបានលើកឡើងថា ក្នុងពេលទទួល​បាន​ការ​តែង​តាំង​ជាសមាជិក​ក្រុម​ប្រឹក្សា​នាពេល​ខាង​មុខ នឹងចូលរួមចំណែកដល់ការផ្តល់សេវាសាធារណៈ ការពារសន្តិសុខ​សុវត្ថិភាព​សង្គម និងឆ្លើយតប ហើយចូលរួមដោះស្រាយរាល់បញ្ហាទាំងឡាយដែលប្រជាពលរដ្ឋប្រឈម។សមាជិកក្រុមប្រឹក្សាអាណត្តិទី៤នេះ បានប្ដេជ្ញាថា ក្នុងពេលកាន់​តំណែងនឹ​ងចូល​រួម​ឱ្យ​បាន​គ្រប់​កិច្ច​ប្រជុំ​វិសាមញ្ញជាមួយរដ្ឋបាលខណ្ឌ និងវេទិកាសាធារណៈឱ្យបានញឹកញាប់ ដើម្បីស្តាប់ និង​ទទួល​រាល់​ការស្នើសុំ និងសំណើទាំងអស់របស់ប្រជាពលរដ្ឋឱ្យធានាបាននូវគុណប្រយោជន៍ សម្រា​ប់​មូលដ្ឋានប្រកបដោយទៅសុខដុមនីយកម្ម។ សូមជម្រាបថា ការប្រកាសលទ្ធផលផ្លូវការសម្រាប់ការបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក និងខណ្ឌ អាណត្តិទី៤ ត្រូវបានរំកិល​មក​រៀប​ចំ​ប្រកាស​មុន​កាល​បរិច្ឆេទ​កំណត់​ដោយ​ប្តូរ​ពីថ្ងៃទី៨ ខែមិថុនា មកប្រកាសថ្ងៃទី៤ ខែមិថុនា បន្ទាប់ពី គ.ជ.ប បានដោះ​ស្រាយ​បណ្តឹង​រួច​រាល់ជូនគណបក្សនយោបាយដែលបានប្តឹងអំឡុងការបោះឆ្នោត។ការបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក និងខណ្ឌ អាណត្តិទី​៤​ដែល​បាន​ប្រព្រឹត្ត​ទៅ​កាលពីថ្ងៃទី២៦ ខែឧសភាកន្លងទៅ មានគណបក្ស​នយោបាយ​ចូលរួម​ប្រកួត​ប្រជែង​ចំនួន៥ រួមមានគណបក្សប្រជាជនកម្ពុជា, គណបក្សហ្វ៊ុនស៊ិនប៉ិច, គណបក្សខ្មែររួបរួមជាតិ, គណបក្សកម្លាំងជាតិ និងគណបក្សឆន្ទៈខ្មែរ ខណៈអ្នកបោះឆ្នោតបានចូលរួមសរុបចំនួន ១១,៥៩៨ ស្មើ ៩៩,៧៩ ភាគរយ៕ អត្ថបទ សេក ឧត្តម 

ហ្វីលីពីន បដិសេធការចោទប្រកាន់របស់ចិន ដែលថាទាហានបានតម្រង់កាំភ្លើងដាក់ឆ្មាំល្បាតឆ្នេរចិន

2024/06/04 11:17:35 am        158
Facebook Telegram Linkin
យោធាហ្វីលីពីន នៅថ្ងៃអង្គារ (០៤ មិថុនា) នេះ បានច្រានចោលការចោទប្រកាន់របស់ចិន ដែលថាទាហានឈរជើងលើនាវាចម្បាំងមានមូលដ្ឋាននៅដែនទឹក សេខិន ថូម៉ាស ស្ហូល (Second Thomas Shoal) ក្នុងសមុទ្រចិនខាងត្បូង បានប្រើកាំភ្លើងតម្រង់ទៅរកនាវាឆ្មាំល្បាតឆ្នេរចិន។អ្នកនាំពាក្យយោធា លោកស្រី ហ្វ្រង់សែល ម៉ាហ្ការ៉េត ផាឌីឡា (Francel Margareth Padilla) បានប្រាប់សន្និសីទសារព័ត៌មានមួយថា បុគ្គលិកហ្វីលីពីនត្រូវបានគ្រប់គ្រងដោយច្បាប់នៃការចូលរួម និងធ្វើសកម្មភាពយ៉ាងច្បាស់ជាមួយនឹងកម្រិតខ្ពស់បំផុតនៃវិជ្ជាជីវៈ។ប្រព័ន្ធផ្សព្វផ្សាយរដ្ឋរបស់ចិន បាននិយាយកាលពីថ្ងៃអាទិត្យថា បុគ្គលិកនៅលើនាវាហ្វីលីពីនបានតម្រង់កាំភ្លើងទៅកាន់ឆ្មាំល្បាតឆ្នេរចិន នៅក្នុងដែនទឹកជម្លោះនៃសមុទ្រចិនខាងត្បូងកាលពីខែមុន។ ក្រសួងការបរទេសចិន បាននិយាយកាលពីថ្ងៃចន្ទថា ការលើកឡើងនាពេលថ្មីៗនេះរបស់ប្រធានាធិបតីហ្វីលីពីន លោក ហ្វឺឌីណាន ម៉ាកូស ជូនៀ (Ferdinand Marcos Jr.) មានគោលបំណងពង្រីកជំហរខុសរបស់ហ្វីលីពីន លើបញ្ហាទាក់ទងនឹងសមុទ្រចិនខាងត្បូង និងចេតនាបំផ្លើស និងបំភ្លៃស្ថានភាពដែនសមុទ្រ។ការប្រឈមមុខដាក់គ្នារវាងហ្វីលីពីន និងចិន នៅសមុទ្រចិនខាងត្បូងកាន់តែតានតឹង និងញឹកញាប់ក្នុងអំឡុងឆ្នាំកន្លងទៅ រួមទាំងឧបត្តិហេតុដែលឆ្មាំល្បាតឆ្នេររបស់ចិន ប្រើកាណុងបាញ់ទឹកលើនាវាហ្វីលីពីន និងការចោទប្រកាន់ដោយទីក្រុងម៉ានីល ថាឆ្មាំល្បាតឆ្នេរចិន បានធ្វើឱ្យខូចខាតដល់នាវារបស់ខ្លួន៕

សន្តិសុខត្រូវបានរឹតបន្តឹងនៅប្រទេសចិន និងក្រុងហុងកុង ក្នុងថ្ងៃខួបនៃការបង្ក្រាបធានអានម៉ិន

2024/06/04 11:14:02 am        147
Facebook Telegram Linkin
អាជ្ញាធរចិនបាននិយាយថា ពួកគេនឹងបិទទីលានចតុរង្គ ធានអានម៉ិន (Tiananmen) របស់ទីក្រុងប៉េកាំងនៅថ្ងៃអង្គារ (០៤ មិថុនា) នេះ ដែលជាខួបលើកទី៣៥ នៃការបង្ក្រាបថ្ងៃទី០៤ មិថុនា ស្របពេលដែលនគរបាលក្រុងហុងកុង ក៏បានរឹតបន្តឹងសន្តិសុខផងដែរ ខណៈសកម្មជននៅកោះតៃវ៉ាន់ និងកន្លែងផ្សេងទៀតបានរៀបចំដើម្បីប្រារព្ធខួបនេះជាមួយនឹងពិធីរំលឹកវិញ្ញាណក្ខន្ធ។រថក្រោះរបស់ចិន បានរមៀលចូលទៅក្នុងទីលានចតុរង្គនៅព្រឹកព្រលឹមថ្ងៃទី០៤ ខែមិថុនា ឆ្នាំ១៩៨៩ ដើម្បីបញ្ចប់ការតវ៉ារបស់និស្សិត និងកម្មករជាច្រើនសប្តាហ៍។ ជាច្រើនទស្សវត្សរ៍បន្ទាប់ពីការបង្រ្កាបដោយយោធា សកម្មជនសិទ្ធិមនុស្សនិយាយថា គោលដៅដើមរបស់បាតុករ រួមទាំងសេរីភាពសារព័ត៌មាន និងសេរីភាពនៃការបញ្ចេញមតិ នៅមិនទាន់បានសម្រេច ហើយហេតុការណ៍ថ្ងៃទី០៤ ខែមិថុនា នេះនៅតែជាប្រធានបទហាមឃាត់ក្នុងប្រទេសចិន។នៅទីក្រុងប៉េកាំង គេហទំព័រផ្លូវការរបស់ទីលានចតុរង្គធានអានម៉ិន បានបង្ហោះការជូនដំណឹងដោយនិយាយថា ទីតាំងនេះនឹងត្រូវបិទពេញមួយថ្ងៃនៅថ្ងៃទី០៤ ខែមិថុនា ហើយអ្នកដែលបានទិញសំបុត្រចូលទស្សនាអាចទទួលបានប្រាក់ពួកគេវិញ។ គណនីប្រព័ន្ធផ្សព្វផ្សាយសង្គមផ្លូវការនៃបណ្តាញរថភ្លើងក្រោមដីក្រុងប៉េកាំង បានប្រកាសថាច្រកចេញនៃស្ថានីយ៍ ធានអានម៉ិន ខាងកើត នឹងត្រូវបិទចាប់ពីថ្ងៃទី០២ ដល់ថ្ងៃទី០៥ ខែមិថុនា។ បក្សកុម្មុយនិស្តដែលកំពុងកាន់អំណាចរបស់ចិន មិនដែលបញ្ចេញចំនួនអ្នកស្លាប់ពិតប្រាកដក្នុងហេតុការណ៍បង្រ្កាបនោះទេ ទោះបីជាក្រុមសិទ្ធិមនុស្ស និងសាក្សីនិយាយថា តួលេខអាចមានដល់រាប់ពាន់នាក់ក៏ដោយ។ មេដឹកនាំកោះតៃវ៉ាន់ លោក ឡៃ ឆឹងទ័រ (Lai Ching-te) បាននិយាយនៅក្នុងសេចក្តីថ្លែងការណ៍មួយនៅថ្ងៃអង្គារ នេះថា «ការចងចាំនៃថ្ងៃទី០៤ ខែមិថុនា នឹងមិនរលាយបាត់ពីក្នុងប្រវត្តិសាស្ត្រឡើយ»៕

[BREAKING NEWS] ទូរទស្សន៍៖ សម្ព័ន្ធភាពដឹកនាំដោយលោកនាយករដ្ឋមន្ត្រីម៉ូឌី នាំមុខដោយដណ្ដើមបានអាសនៈភាគ ២៧២ ក្នុងការរាប់សន្លឹកឆ្នោតដំបូង

2024/06/04 10:29:22 am        123
Facebook Telegram Linkin
ស្ថានីយទូរទស្សន៍និយាយថា គណបក្ស Bharatiya Janata Party (BJP) របស់លោកនាយករដ្ឋមន្ត្រី Narendra Modi បាននាំមុខក្នុងសំឡេងជាង២៧២អាសនៈ ដែលត្រូវការសំឡេងមិនច្រើនទៀតទេ ដើម្បីឈ្នះសំឡេងភាគច្រើនដាច់ខាតនៅក្នុងសភាពជាន់ទាបដែលមានអាសនៈសរុបចំនួន៥៤៣ នៅក្នុងការរាប់សន្លឹកឆ្នោតដំបូងនៅថ្ងៃអង្គារនេះ។

ការកាត់ក្ដីក្នុងបណ្ដឹងកាន់កាប់អាវុធដោយខុសច្បាប់ របស់កូនប្រុសប្រធានាធិបតីអាមេរិក បានចាប់ផ្ដើម

2024/06/04 10:23:45 am        100
Facebook Telegram Linkin
គណៈវិនិច្ឆ័យនៅតុលាការសហរដ្ឋអាមេរិក កាលពីថ្ងៃចន្ទ (០៣ មិថុនា) បានធ្វើការស្បថសម្រាប់ការកាត់ក្ដីក្នុងសំណុំរឿងលោក ហាន់ធឺ បៃដិន (Hunter Biden) លើបទចោទនៃការកាន់កាប់អាវុធដោយខុសច្បាប់ ដែលជាការកាត់ក្ដីបទព្រហ្មទណ្ឌជាប្រវត្តិសាស្ត្ររបស់កូនប្រុសប្រធានាធិបតីអាមេរិកកំពុងកាន់តំណែង ដែលអាចមានឥទ្ធិពលលើការបោះឆ្នោតប្រធានាធិបតីឆ្នាំ២០២៤។លោក ហាន់ធឺ បៃដិន វ័យ ៥៤ ឆ្នាំ បានចូលរួមការកាត់ក្ដីនៅឯតុលាការសហព័ន្ធនៅទីក្រុង វីលមីងតុន (Wilmington) រដ្ឋ ដេឡាវែរ (Delaware) បួនថ្ងៃបន្ទាប់ពីសមាជិកបក្សសាធារណរដ្ឋ លោក ដូណាល់ ត្រាំ (Donald Trump) ដែលជាគូប្រជែងរបស់លោក បៃដិន សម្រាប់ការបោះឆ្នោតអាមេរិក ថ្ងៃទី០៥ ខែវិច្ឆិកា បានក្លាយជាអតីតប្រធានាធិបតីដំបូងគេ ដែលត្រូវបានរកឃើញថាមានទោសពីបទព្រហ្មទណ្ឌ។កូនប្រុសរបស់លោកប្រធានាធិបតី ចូ បៃដិន (Joe Biden) ត្រូវបានចោទពីបទមិនបានប្រាប់ពីការប្រើប្រាស់គ្រឿងញៀនខុសច្បាប់ នៅពេលខ្លួនទិញកាំភ្លើងខ្លី ខូលត៍ ខូប្រា (Colt Cobra .38-caliber) និងបានកាន់កាប់អាវុធនេះដោយខុសច្បាប់អស់រយៈពេល ១១ ថ្ងៃក្នុងខែតុលា ឆ្នាំ២០១៨ ប៉ុន្តែលោកបានផ្ដល់ចម្លើយពីភាពគ្មានទោសចំពោះបទចោទទាំងនេះ។ សំណុំរឿងដែលដាក់ដោយរដ្ឋអាជ្ញាពិសេសរបស់សហរដ្ឋអាមេរិក លោក ដេវីដ វៃស៍ (David Weiss) ដែលជាអ្នកចាត់តាំងរបស់លោក ត្រាំ គឺជាសំណុំរឿងព្រហ្មទណ្ឌមួយក្នុងចំណោមពីររបស់លោក ហាន់ធឺ បៃដិន ហើយលោកក៏ប្រឈមនឹងការចោទប្រកាន់សហព័ន្ធជុំវិញករណីពន្ធក្នុងអជីវកម្មរបស់ខ្លួននៅរដ្ឋកាលីហ្វ័រនីញ៉ា (California) ផងដែរ។ គណបក្សសាធារណរដ្ឋ បានជីកកកាយយកបញ្ហារបស់លោក ហាន់ធឺ បៃដិន ដើម្បីព្យាយាមបង្វែរការយកចិត្តទុកដាក់ពីបញ្ហាផ្លូវច្បាប់ផ្ទាល់ខ្លួនរបស់លោក ត្រាំ។ ពួកគេបានចំណាយអស់ច្រើនឆ្នាំដោយឥតប្រយោជន៍ក្នុងការព្យាយាមស្វែងរកភស្តុតាងនៃទំនាក់ទំនងពុករលួយរវាងជំនួញបរទេសរបស់លោក ហាន់ធឺ បៃដិន ជាមួយនិងអំណាចនយោបាយរបស់ឪពុកខ្លួនគឺលោកប្រធានាធិបតី ចូ បៃដិន៕

សហរដ្ឋអាមេរិក ស្វះស្វែងរកការគាំទ្រពី UN សម្រាប់កិច្ចព្រមព្រៀងបទឈប់បាញ់ហ្កាហ្សា

2024/06/04 10:20:02 am        164
Facebook Telegram Linkin
សហរដ្ឋអាមេរិក បាននិយាយកាលពីថ្ងៃចន្ទ (០៣ មិថុនា) ថា ខ្លួនចង់ឱ្យក្រុមប្រឹក្សាសន្តិសុខអង្គការសហប្រជាជាតិ អនុម័តសេចក្ដីសម្រេចមួយដែលគាំទ្រសំណើសន្តិភាពលើកឡើងដោយលោកប្រធានាធិបតី ចូ បៃដិន (Joe Biden) ដើម្បីបញ្ចប់ការប្រយុទ្ធគ្នារវាងអ៊ីស្រាអែល និងពួកសកម្មប្រយុទ្ធប៉ាឡេស្ទីន ហាម៉ាស នៅតំបន់ហ្កាហ្សាស្ទ្រីប។សហរដ្ឋអាមេរិក បានបញ្ជូនពង្រាងសេចក្ដីសម្រេចចំនួនមួយទំព័រ ដែលត្រូវបានមើលឃើញដោយសារព័ត៌មានរ៉យទ័រ កាន់ក្រុមប្រឹក្សាដែលមានសមាជិក ១៥ រូបនោះ។ សេចក្ដីសម្រេចមួយត្រូវការសំឡេងគាំទ្រយ៉ាងតិចប្រាំបួន ហើយគ្មានវេតូដោយសហរដ្ឋអាមេរិក បារាំង អង់គ្លេស ចិន ឬរុស្ស៊ី ដើម្បីអនុម័ត។ពង្រាងច្បាប់នេះអំពាវនាវឱ្យក្រុមហាម៉ាស ទទួលយកកិច្ចព្រមព្រៀង ហើយ «អនុវត្តឱ្យបានពេញលេញ និងអនុវត្តលក្ខខណ្ឌរបស់ខ្លួនដោយមិនពន្យារពេល និងដោយគ្មានលក្ខខណ្ឌ«។ វាក៏ «សង្កត់ធ្ងន់លើសារៈសំខាន់នៃភាគីទាំងពីរដែលប្រកាន់ខ្ជាប់នូវលក្ខខណ្ឌដែលបានព្រមព្រៀងគ្នា ដោយមានគោលបំណងនាំមកនូវការបញ្ចប់អរិភាពជាអចិន្ត្រៃយ៍»។លោក បៃដិន កាលពីថ្ងៃសុក្រ សប្ដាហ៍មុន បានដាក់ចេញនូវអ្វីដែលលោកបានពិពណ៌នាថាជាសំណើសន្តិភាពរបស់អ៊ីស្រាអែល ៣ ដំណាក់កាល សម្រាប់បទឈប់បាញ់នៅតំបន់ហ្កាហ្សា ជាថ្នូរនឹងការដោះលែងចំណាប់ថ្នូរអ៊ីស្រាអែល»ដោយនិយាយថា «វាដល់ពេលដែលសង្រ្គាមនេះត្រូវបញ្ចប់ហើយ» ខណៈទទួលបានប្រតិកម្មជាវិជ្ជមានដំបូងពីក្រុមហាម៉ាស និងការគាំទ្រពីក្រុមប្រទេសទាំង៧ (G7)៕

មេដឹកនាំប្រទេស G7 គាំទ្រផែនការសន្តិភាពនៅហ្កាហ្សារបស់លោក Biden និងការដោះលែងចំណាប់ថ្នូរ

2024/06/04 10:09:31 am        166
Facebook Telegram Linkin
មេដឹកនាំនៃក្រុមប្រទេសលទ្ធិប្រជាធិបតេយ្យធំៗទាំងប្រាំពីរ ឬ G7 គាំទ្រយ៉ាងពេញលេញ និងឈរនៅពីក្រោយបទឈប់បាញ់ និងកិច្ចព្រមព្រៀងដោះលែងចំណាប់ថ្នូរ សម្រាប់សង្គ្រាមនៅតំបន់ហ្កាហ្សា ដែលបានបញ្ជាក់ដោយប្រធានាធិបតីសហរដ្ឋអាមេរិក លោក Joe Biden និងអំពាវនាវឱ្យក្រុមហាម៉ាសទទួលយកកិច្ចផែនការនេះ នេះបើតាមសេចក្តីថ្លែងការណ៍ ដែលបាននិយាយកាលពីថ្ងៃចន្ទ។ សេចក្តីថ្លែងការណ៍និយាយថា កិច្ចព្រមព្រៀង នឹងនាំទៅរកបទឈប់បាញ់ភ្លាមៗនៅតំបន់ហ្កាហ្សា ការដោះលែងចំណាប់ថ្នូរទាំងអស់ និងការបង្កើនយ៉ាងសំខាន់និងជានិរន្តរភាពនៃជំនួយមនុស្សធម៌ សម្រាប់ការចែកចាយនៅទូទាំងតំបន់ហ្កាហ្សា ព្រមទាំងការបញ្ចប់វិបត្តិយូរអង្វែង ជាមួយនឹងផលប្រយោជន៍សន្តិសុខសម្រាប់អ៊ីស្រាអែល ហើយសុវត្ថិភាពជនស៊ីវិលតំបន់ហ្កាហ្សា ត្រូវតែបានធានា។ក្រុមប្រទេសG7 ដែលអ៊ីតាលី មានតួនាទីជាប្រធានប្តូរវេនសម្រាប់ឆ្នាំ២០២៤នេះ បានបញ្ជាក់ជាថ្មីនូវការគាំទ្រ សម្រាប់វិធីដែលអាចទុកចិត្តបាន ឆ្ពោះទៅរកសន្តិភាព នាំទៅរកដំណោះស្រាយរដ្ឋពីរ។យោធាអ៊ីស្រាអែល និយាយថា ចំណាប់ថ្នូរបួននាក់ទៀត ដែលក្រុមហាម៉ាសចាប់ពង្រត់កាលពីថ្ងៃទី៧ ខែតុលា បានស្លាប់ក្នុងកន្លែងឃុំឃាំង ។

ប្រជាជនម៉ិកស៊ិក អបអរប្រធានាធិបតីស្ត្រីដំបូង ខណៈមេដឹកនាំពិភពលោកស្វាគមន៍

2024/06/04 10:05:30 am        130
Facebook Telegram Linkin
មនុស្សរាប់ពាន់នាក់បានច្រៀង និងគ្រវីទង់ជាតិ ខណៈមកប្រមូលផ្តុំគ្នានៅទីលានប្រជុំជនមួយកន្លែងដើម្បីអបអរជ័យជម្នះភ្លូកទឹកភ្លូកដីរបស់លោកស្រី ក្លៅឌៀ ស្សេនបូម(Claudia Sheinbaum) ជាប្រធានាធិបតីស្ត្រីដំបូងរបស់ប្រទេសម៉ិកស៊ិក។ នាង Maria អាយុ ៣៧ ឆ្នាំ ជាសមាជិកនៃសហគមន៍ជនជាតិដើមភាគតិចតូចូឡាបល(Tojolabal) បាននិយាយថា នាងរំភើបចិត្តរហូតដល់ស្រក់ទឹកភ្នែកនៅពេលនាងបានស្តាប់ លោកស្រី Sheinbaum និយាយ ហើយនាងមកទីនេះដើម្បីអបអរ ពេលវេលាជាប្រវត្តិសាស្ត្រនេះ សម្រាប់ប្រទេសម៉ិកស៊ិក ជាពិសេសសម្រាប់ស្ត្រី ខណៈប្រទេសនេះត្រូវបានញាំញីដោយក្រុមជួញដូរគ្រឿងញៀន និងអំពើហិង្សាយេនឌ័រ ដែលបានឆក់យកអាយុជីវិតរបស់ស្ត្រី ឬក្មេងស្រី១០ នាក់ជាមធ្យម ជារៀងរាល់ថ្ងៃ។លោកស្រី Sheinbaum ជាអ្នកវិទ្យាសាស្ត្រដោយការបណ្តុះបណ្តាល បានទទួលជ័យជម្នះប្រហែល ៥៨ទៅ៦០ភាគរយនៃសន្លឹកឆ្នោត នេះបើយោងតាមលទ្ធផលផ្លូវការបឋមពីវិទ្យាស្ថានជាតិរៀបចំការបោះឆ្នោត។ ប្រធានាធិបតីប្រេស៊ីល លោក Luiz Inacio Lula da Silva ជាអ្នកឆ្វេងនិយមមួយរូប បានសាទរចំពោះ ជ័យជម្នះសម្រាប់លទ្ធិប្រជាធិបតេយ្យ និងបានប្តេជ្ញាធ្វើឱ្យទំនាក់ទំនងសេដ្ឋកិច្ចកាន់តែស៊ីជម្រៅរវាងប្រទេសដែលមានសេដ្ឋកិច្ចធំបំផុតទាំងពីរនៅអាមេរិកឡាទីន។ ប្រធានគណៈកម្មការអឺរ៉ុប លោកស្រី Ursula Von der Leyen ក៏បានផ្ញើសារអបអរសាទរដោយនិយាយថា ម៉ិកស៊ិក និងសហភាពអឺរ៉ុប មានទំនាក់ទំនងជាប្រវត្តិសាស្ត្រ ទំនាក់ទំនងសេដ្ឋកិច្ច និងវប្បធម៌ដ៏ស៊ីជម្រៅ។ លោកស្រី ទន្ទឹងរង់ចាំការពង្រឹងទំនាក់ទំនងទ្វេភាគី ក្រោមការដឹកនាំរបស់លោកស្រី Sheinbaum ។ជ័យជម្នះរបស់លោកស្រី បានធ្វើឲ្យមានការអបអរមកពីជុំវិញពិភពលោករួមមានទាំងប្រធានាធិបតីសហរដ្ឋអាមេរិក លោក Joe Biden ដែលបានស្វាគមន៍ការបោះឆ្នោតជាប្រវត្តិសាស្ត្ររបស់លោកស្រី Sheinbaum និងបាននិយាយថា លោក ទន្ទឹងរង់ចាំធ្វើការជាមួយលោកស្រី ក្នុងស្មារតីនៃភាពជាដៃគូ និងមិត្តភាព។

ប្រទេសចិន រិះគន់ ហ្វីលីពីន ចំពោះសកម្មភាពកំពុងបង្កើនស្ថានភាពយ៉ាប់យ៉ឺននៅដែនសមុទ្រ

2024/06/04 09:51:22 am        83
Facebook Telegram Linkin
ក្រសួងការបរទេសចិនបាននិយាយកាលពីថ្ងៃចន្ទទី៣មិថុនាសប្ដាហ៍នេះថា ការធ្វើអត្ថាធិប្បាយថ្មីៗនេះរបស់ប្រធានាធិបតីហ្វីលីពីន លោក ហ្វឺឌីណាន ម៉ាកូសជូនៀរ (Ferdinand Marcos Jr) មានគោលបំណងពង្រីកជំហរខុសរបស់ហ្វីលីពីនលើបញ្ហាទាក់ទងនឹងសមុទ្រចិនខាងត្បូង និងចេតនាបំភ្លៃ និងដុតបញ្ឆេះស្ថានភាពដែនសមុទ្រឲ្យកាន់តែយ៉ាប់យ៉ឺនខ្លាំង។ លោក Marcos បានអះអាងថា ទាំងអនុសញ្ញាអង្គការសហប្រជាជាតិស្តីពីច្បាប់សមុទ្រ (UNCLOS) និងសេចក្ដីសម្រេចចុងក្រោយរបស់តុលាតុមជ្ឈត្តកម្មអន្តរជាតិ ឆ្នាំ២០១៦ស្តីពីសមុទ្រចិនខាងត្បូង បានបញ្ជាក់ពីសិទ្ធិស្របច្បាប់របស់ប្រទេសលោក ហើយថាគោលនយោបាយរបស់ពួកគេនៅសមុទ្រចិនខាងត្បូងត្រូវបានបង្កើតឡើងនៅលើចំណុចស្នូលទាំងពីរនេះ។ ជាការឆ្លើយតប ប្រទេសចិនបានរិះគន់ សេចក្ដីសម្រេចចុងក្រោយរបស់តុលាតុមជ្ឈត្តកម្មអន្តរជាតិ ឆ្នាំ២០១៦ ថាជាការអះអាងខុសច្បាប់ និងទុកជាមោឃៈ។ ក្រសួងបាននិយាយថា ដោយគ្មានការយល់ព្រមពីរដ្ឋាភិបាលចិនជាមុន ហ្វីលីពីនបានផ្តួចផ្តើមជាឯកតោភាគីនូវមជ្ឈត្តកម្មអន្តរជាតិ ដែលបំពានច្បាប់អន្តរជាតិ រួមទាំង UNCLOS និងសេចក្តីប្រកាសស្តីពីក្រមប្រតិបត្តិនៃភាគីនានានៅសមុទ្រចិនខាងត្បូង (DOC)។ ក្រសួងរបស់ចិនខាងលើនិយាយថា តុលាការមជ្ឈត្តកម្មនៅក្នុងមជ្ឈត្តកម្មសមុទ្រចិនខាងត្បូងបានដោះស្រាយសំណុំរឿងជ្រុលហួសហេតុ និងចេញសេចក្តីសម្រេចមិនស្របច្បាប់។សេចក្ដីសម្រេចដែលបានបង្ហាញគឺខុសច្បាប់ ទុកជាមោឃៈ។ ប្រទេសចិនក៏មិនទទួលយក ហើយក៏មិនចូលរួមនៅក្នុងមជ្ឈត្តកម្មនោះ ហើយក៏មិនទទួលស្គាល់សេចក្ដីសម្រេចនោះដែរ ហើយខ្លួនក៏គ្មានថ្ងៃទទួលយកការអះអាង ឬសកម្មភាពណាមួយដែលកើតចេញពីសេចក្ដីសម្រេចរបស់តុលាការនោះដែរ ។ សហរដ្ឋអាមេរិកបានដើរតួនាទីដ៏ព្រងើយកន្តើយបំផុត ដោយគាំទ្រ និងជួយហ្វីលីពីន បំពានលើអធិបតេយ្យភាពរបស់ចិន និងដោយការកេងប្រវ័ញ្ចបញ្ហាសមុទ្រចិនខាងត្បូង ដើម្បីជំរុញឱ្យមានជម្លោះរវាងចិន និងប្រទេសក្នុងតំបន់ផ្សេងទៀត៕

បណ្ដាញសង្គម

ព័ត៌មានថ្មីៗ

តំណាងអង្គការយូណេស្កូប្រចាំកម្ពុជាប្ដេជ្ញាបន្តពង្រឹងនិងពង្រីកភាពជាដៃគូជាមួយកម្ពុជា ឱ្យកាន់តែរីកចម្រើនថែមទៀត
05/11/2026 09:05 PM
Facebook Telegram Linkin
ការវាយប្រហារស្លាប់មនុស្សរបស់អ៊ីស្រាអែលនៅតំបន់ហ្កាហ្សា បង្ហាញពីភាពផុយស្រួយនៃបទឈប់បាញ់
05/11/2026 08:05 PM
Facebook Telegram Linkin
ប្រធានាធិបតីអ៊ុយក្រែន៖ ទម្រង់នៃកិច្ចប្រជុំជាមួយលោក Putin ត្រូវបានពិភាក្សាជាមួយអាមេរិក
05/11/2026 08:05 PM
Facebook Telegram Linkin
មីយ៉ាន់ម៉ាបង្ហាញភាពមិនសប្បាយចិត្ត អំពីការប្រព្រឹត្តិកាត់ផ្ដាច់ខ្លួនចេញពីប្លុក នៅក្នុងក្រុមអាស៊ាន
05/11/2026 08:05 PM
Facebook Telegram Linkin
ឯកអគ្គរដ្ឋទូតឡាវថ្មី ប្រចាំកម្ពុជា ប្ដេជ្ញាពង្រឹងនិងពង្រីកទំនាក់ទំនងជាមួយកម្ពុជាថែមទៀត
05/11/2026 08:05 PM
Facebook Telegram Linkin
អ៊ីតាលី៖ គ្មានបេសកកម្មកំពុងដំណើរការ នៅច្រកសមុទ្រ Hormuz ទេ ទោះមានការចល័តកងទ័ពជើងទឹកក្ដី
05/11/2026 08:05 PM
Facebook Telegram Linkin
កម្ពុជា និងអាស៊ែបៃហ្សង់ ឯកភាពជំរុញ​ ទំនាក់ទំនង​ និងកិច្ចសហប្រតិបត្តិការទ្វេភាគីឱ្យកាន់តែរីកចម្រេីន
05/11/2026 08:05 PM
Facebook Telegram Linkin
ទាហានអ៊ីស្រាអែលវាយឆ្មក់ជំរំ Qalandia ស្ថិតក្នុងតំបន់កាន់កាប់វ៉េសប៊ែងបណ្តាលឲ្យយុវជនម្នាក់ស្លាប់
05/11/2026 08:05 PM
Facebook Telegram Linkin
កសិករបារាំងរងផលប៉ះពាល់ខ្លាំង ដោយសារវិបត្តិអ៊ីរ៉ង់ ខណៈតម្លៃជីកសិកម្មហក់ឡើងខ្ពស់
05/11/2026 08:05 PM
Facebook Telegram Linkin
រដ្ឋមន្ត្រីការបរទេសអ៊ីរ៉ង់ និងអារ៉ាប៊ីសាអ៊ូឌីត ពិភាក្សាគ្នាអំពីដំណើរការការទូត រវាងអាមេរិក និងអ៊ីរ៉ង់
05/11/2026 08:05 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.