នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
តំណាងអង្គការយូណេស្កូប្រចាំកម្ពុជាប្ដេជ្ញាបន្តពង្រឹងនិងពង្រីកភាពជាដៃគូជាមួយកម្ពុជា ឱ្យកាន់តែរីកចម្រើនថែមទៀត
ឯកអគ្គរដ្ឋទូតឡាវថ្មី ប្រចាំកម្ពុជា ប្ដេជ្ញាពង្រឹងនិងពង្រីកទំនាក់ទំនងជាមួយកម្ពុជាថែមទៀត
កម្ពុជា និងអាស៊ែបៃហ្សង់ ឯកភាពជំរុញ​ ទំនាក់ទំនង​ និងកិច្ចសហប្រតិបត្តិការទ្វេភាគីឱ្យកាន់តែរីកចម្រេីន
ប្រធានក្រុមការងារគណបក្សប្រជាជនចុះមូលដ្ឋាន ប្រកាសបញ្ចូល​សមាជិក​គណបក្ស​ថ្មីជាង ១៥០០នាក់នៃឃុំចំនួន៥ ក្នុងស្រុកកំពង់សៀម ខេត្តកំពង់ចាម

នយោបាយ​ និង ការអភិវឌ្ឍន៍

ឆ្មាំសមុទ្រជប៉ុន៖ កូរ៉េខាងជើងគ្រោងបាញ់បង្ហោះរ៉ុក្កែតផ្កាយរណប ចន្លោះថ្ងៃទី២៧ ខែឧសភា និងថ្ងៃទី៤ ខែមិថុនា

2024/05/27 02:53:39 pm        146
Facebook Telegram Linkin
ឆ្មាំសមុទ្រជប៉ុន នៅថ្ងៃចន្ទ (ទី២៧ ខែឧសភា) នេះ បានប្រាប់ឲ្យដឹងថា កូរ៉េខាងជើងបានជូនដំណឹងដល់ប្រទេសជប៉ុនអំពីគម្រោងផែនការរបស់ខ្លួន ក្នុងការបាញ់បង្ហោះរ៉ុក្កែតដឹកផ្កាយរណបអវកាសឆ្ពោះទៅសមុទ្រលឿង និងភាគខាងកើតនៃកោះ Luzon ចន្លោះថ្ងៃទី២៧ ខែឧសភា និងថ្ងៃទី៤ ខែមិថុនា។ការជូនដំណឹងនេះធ្វើឡើងនៅមុនកិច្ចប្រជុំកំពូលត្រីភាគី រវាងជប៉ុន កូរ៉េខាងត្បូង និងចិន ដែលគ្រោងនឹងធ្វើនៅយប់ថ្ងៃទី២៧ ខែឧសភានេះ។គួរបញ្ជាក់ថា ក្រសួងការបរទេសជប៉ុនបានប្រាប់ថា មន្ត្រីមកពីសហរដ្ឋអាមេរិក ជប៉ុន និងកូរ៉េខាងត្បូង បានពិភាក្សាគ្នាតាមទូរសព្ទ ជាការឆ្លើយតបទៅនឹងការជូនដំណឹងនេះ ហើយបានចែករំលែកទស្សនៈថា ការបាញ់បង្ហោះផ្កាយរណបរបស់កូរ៉េខាងជើងដោយប្រើបច្ចេកវិទ្យាមីស៊ីលបាលីស្ទិក នឹងបំពានលើសេចក្ដីសម្រេចរបស់អង្គការសហប្រជាជាតិ។តាមរយៈសារអេឡិកត្រូនិក (អ៊ីម៉ែល) ក្រសួងបានឲ្យដឹងថា ក្រុមមន្ត្រីបានព្រមព្រៀងគ្នាទាមទារឲ្យកូរ៉េខាងជើងលុបចោលការបាញ់បង្ហោះដែលបានគ្រោងទុកនេះ៕

ឯកឧត្តម Wang Wentian បង្ហាញមោទនភាពបានធ្វើជាឯកអគ្គរដ្ឋទូតប្រចាំនៅកម្ពុជា និងបានចូលរួមលើកកម្ពស់ទំនាក់ទំនងចិន-កម្ពុជា

2024/05/27 02:41:44 pm        120
Facebook Telegram Linkin
ភ្នំពេញ៖ នៅព្រឹកថ្ងៃទី២៧ ខែឧសភា ឆ្នាំ២០២៤ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជាបានអនុញ្ញាតឱ្យ ឯកឧត្តម Wang Wentian ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋប្រជាមានិតចិនប្រចាំនៅកម្ពុជា ចូលជួបសម្តែងការគួរសម និងជម្រាបលា នៅវិមានព្រឹទ្ធសភា។ជាកិច្ចចាប់ផ្តើមសម្ដេចតេជោ ហ៊ុន សែន បានសម្តែងនូវក្ដីរីករាយដែលបានជួបឯកឧត្តម ឯកអគ្គរដ្ឋទូត ប៉ុន្តែក៏មានអារម្មណ៍សោកស្តាយ ដោយឯកឧត្តមចប់បេសកកម្ម និងត្រូវចាកចេញពីកម្ពុជា។សម្តេចតេជោ បានថ្លែងអំណរគុណយ៉ាងជ្រាលជ្រៅដល់ឯកឧត្តមឯកអគ្គរដ្ឋទូត ដែលបានចូលរួមចំណែកពង្រឹង និងពង្រីកទំនាក់ទំនងកម្ពុជា-ចិន ក្នុងពេលកាន់តំណែងជាឯកអគ្គរដ្ឋទូតប្រចាំនៅកម្ពុជាជិត៦ឆ្នាំ ដែលជាអំឡុងពេលរវល់ខ្លាំង និងបានធ្វើកិច្ចការរួមគ្នាជាច្រើនប្រកបដោយជោគជ័យដ៏ត្រចះត្រចង់ ​ជាពិសេស នៅក្នុងដំណាក់កាលនៃជំងឺកូវីដ-១៩ ដែលសម្តេច បានធ្វើការយ៉ាងស្អិតរមួតជាមួយគ្នាក្នុងការខិតខំ​ទប់ស្កាត់ការរីករាលដាលជំងឺឆ្លងនេះ ។ឯកឧត្តម Wang Wentian បានលើកឡើងថា ឯកឧត្តមពិតជាសោកស្តាយដែលត្រូវមកជម្រាបលា សម្តេច និងសូមថ្លែងអំណរគុណដែលសម្តេច ឆ្លៀតពេលដ៏មមាញឹកទទួលជួបឯកឧត្តមនៅថ្ងៃនេះ។ ឯកឧត្តមសង្កត់ បញ្ជាក់ថា ចិន និងកម្ពុជា គឺជាមិត្តប្រពៃណី និងមិត្តដែកថែប។ ឯកឧត្តម មានកិត្តិយសបំផុត ក្នុងជីវិតរបស់ឯកឧត្តម ដែលបានធ្វើជា ឯកអគ្គរដ្ឋទូតប្រចាំនៅកម្ពុជា និងត្រូវ​បានផ្តល់ឱកាសឱ្យចូលរួមលើកកម្ពស់ទំនាក់ទំនង ចិន-កម្ពុជា និងចូលរួមព្រឹត្តិការណ៍​ជា​ប្រវត្តិសាស្ត្រជាច្រើននៅកម្ពុជា។ ឯកឧត្តមមានការពេញចិត្តបំផុតដែលបានធ្វើការជាមួយរាជរដ្ឋាភិបាលកម្ពុជា ក្រោមការដឹកនាំ​របស់សម្តេចតេជោ ក្នុងនីតិកាលទី៦ និងក្រោមការដឹកនាំរបស់សម្តេចធិបតី ក្នុងនីតិកាលទី៧ នៃរដ្ឋសភា ដែលបាននាំមកនូវការអភិវឌ្ឍសង្គម-សេដ្ឋកិច្ច និង​សុខុមាលភាព​ជូនប្រជាជនកម្ពុជា។ ឯកឧត្តម បានអបអរសារកម្ពុជា ដែលមានការផ្ទេរអំណាចដោយរលូនដល់ថ្នាក់ដឹកនាំជំនាន់ក្រោយ និងអបអរសាទរសម្តេច ​ដែលបានជាប់ឆ្នោតជាប្រធានព្រឹទ្ធសភានៃព្រះរាជាណាចក្រកម្ពុជា។ឯកឧត្តម​ មានមោទកភាពបំផុត ដែលនៅឆ្នាំ២០១៩​ ចិន និងកម្ពុជា​ បានចុះហត្ថលេខា មុនគេបង្អស់ លើអនុស្សរណយោគយល់គ្នា ស្តីពីកិច្ចព្រមព្រៀងជាឯកច្ឆន្ទក្នុងការកសាងសហគមន៍ជោគវាសនា​រួមចិន-កម្ពុជា ក្នុងយុគសម័យថ្មីប្រកបដោយគុណភាពខ្ពស់ កម្រិតខ្ពស់ និងស្តង់ដារខ្ពស់ ។ ឯកឧត្តម ចាត់ទុកថាទំនងចិន-កម្ពុជា គឺជាគម្រូនៃទំនាក់ទំនងអន្តរជាតិបែបថ្មី ។ ចិនចាត់ទុកកម្ពុជា ជាប្រទេសអាទិភាព ក៏បានប្តេជ្ញាសហការក្នុងកិច្ចសហប្រតិបត្តិការត្បូងពេជ្រ និងខិតខំជំរុញច្រករបៀងមច្ឆា និងអង្ករ ឧស្សាហកម្ម និងបច្ចេកវិទ្យា ឱ្យមានការរីកចម្រើនដើម្បីផលប្រយោជន៍ទៅវិញទៅមក។ ក្រោមគំនិតផ្តួចផ្តើមខ្សែក្រវាត់ និងផ្លូវ (BRI) ចិន និងកម្ពុជា បានសហការប្រែក្លាយក្រុងព្រះសីហនុ ទៅជាតំបន់សេដ្ឋកិច្ចពិសេសគំរូពហុបំណង និងកសាងហេដ្ឋរចនាសម្ព័ន្ធជាច្រើន ជាពិសេស តំបន់សេដ្ឋកិច្ចពិសេសខេត្តព្រះសីហនុ ផ្លូវល្បឿនលឿនរាជធានីភ្នំពេញ-ក្រុងព្រះសីហនុ និងអាកាសយានដ្ឋានអន្តរជាតិសៀមរាប ពហុកីឡាដ្ឋានមរតតេជោ ... ។ល។ ជាលទ្ធផលនៃការចុះហត្ថលេខាលើកិច្ចព្រមព្រៀងពាណិជ្ជកម្មសេរី (FTA) ចិន-កម្ពុជា ទំហំពាណិជ្ជកម្មនៃប្រទេសទាំងពីរបានកើនឡើងសន្ធឹកសន្ធាប់។ឯកឧត្តម ក៏បានរំលឹកផងដែរអំពីភាពជោគជ័យរបស់កម្ពុជាក្នុងការរៀបចំកិច្ចប្រជុំកំពូលអាស៊ី-អឺរ៉ុប ជាប្រធានអាស៊ាន និង ការរៀបចំការប្រកួតកីឡា ស៊ីហ្គេម ដែលបានលើកកម្ពស់កម្ពុជា​នៅក្នុង​ឆាកអន្តរជាតិ ព្រមទាំង ភាពជោគជ័យរបស់កម្ពុជា ក្នុងការប្រយុទ្ធប្រឆាំងនឹងជំងឺកូវីដ១៩ ដោយមានការចូលរួមចំណែករបស់ប្រទេសនិងប្រជាជនចិន។ នេះគឺសក្ខីភាព​បញ្ជាក់ពីការរួមសុខ​រួមទុក្ខរបស់ចិន ជាមួយកម្ពុជា។ ឯកឧត្តម បានថ្លែងអំណរគុណសម្តេច និងរាជរដ្ឋាភិបាលកម្ពុជាដែលរក្សា​ជំហរយុត្តិធម៌ស្តីពី​សមុទ្រចិន​ខាងត្បូង បញ្ហាកោះតៃវ៉ាន់ និងតំបន់ស៊ីងជាំង សំដៅការពារផលប្រយោជន៍ចិន-កម្ពុជា និងផលប្រយោជន៍អាស៊ាន-ចិន។ ស្ថានការណ៍ពិភពលោកប្រែប្រួល​ ទំនាក់ទំនងចិន-កម្ពុជា មិន​ប្រែប្រួលទេ ។ ឯកឧត្តម បានលើកឡើងថា ប្រជាជនចិននឹងមានក្តីរំភើបទទួលទស្សនកិច្ចរបស់​សម្តេច តេជោ នៅប្រទេសចិននាពេលខាងមុខ ។ ជាការឆ្លើយតប សម្ដេចតេជោ បានអរគុណចំពោះ ឯកឧត្តម Wang Wentian ដែលបានពាំនាំនូវ​ការផ្ដើមផ្ញើសួរសុខទុក្ខពីសំណាក់ ឯកឧត្តមប្រធានាធិបតីចិន ស៊ី ជីនពីង និង​ឯកឧត្តមនាយករដ្ឋមន្ត្រី លី ឈាង។ សម្តេច​ បានមានប្រសាសន៍ថា ការបែកគ្នា គឺជាពេលដែល​ពិបាក ក៏ប៉ុន្តែ គឺជាកាតព្វកិច្ចការទូតដែលចៀសមិនផុត។សម្ដេចតេជោ បានគូសបញ្ជាក់ថា ​ទំនាក់ទំនងកម្ពុជា-ចិន ដែលជាទំនាក់ទំនងប្រវត្តិសាស្ត្រ​យូរអង្វែង បានរីកចម្រើនរហូតដល់កម្រិតដែលមិនអាចបំបែកបាន។ ទំនាក់ទំនងនេះ ស័ក្តិសម​នឹងគុណតម្លៃនៃការជឿទុកចិត្តគ្នា ជាពិសេសទំនុកចិត្តខាងនយោបាយ ។ ​ ជំនួយរបស់ប្រទេសចិន ដល់ប្រទេសកម្ពុជា​ មិនត្រឹមតែជួយអភិវឌុ្ឍន៍​សង្គម-សេដ្ឋកិច្ចប៉ុណ្ណោះទេ តែថែមទាំង ជួយពង្រឹង​ឯករាជ្យភាពខាងនយោបាយរបស់កម្ពុជាទៀតផង។ សម្ដេចបានបញ្ជាក់សាជាថ្មីថា ទោះមានការផ្លាស់ប្ដូរនាយករដ្ឋមន្ត្រី និងគណៈរដ្ឋមន្ត្រីនៅកម្ពុជា​ក៏ដោយ ក៏ពុំមានការផ្លាស់ប្ដូរគោលជំហរក្នុងទំនាក់ទំនង​កម្ពុជាជាមួយចិននោះឡើយ និង ជូនពរមិត្តភាព កម្ពុជា-ចិន​ ស្ថិតស្ថេរជាអមតៈ ។ ទាក់ទងទៅនឹងកិច្ចសហប្រតិបត្តិការទប់ស្កាត់ជំងឺកូវីដ១៩ សម្ដេចតេជោ បានសម្ដែងនូវការអរគុណ​ចំពោះមិត្តចិន ដែលធ្វើឱ្យកម្ពុជាអាចទប់ទល់នឹងជំងឺនេះបានប្រកប​ដោយភាពជោគជ័យ។ សម្ដេចតេជោ ក៏បានកោតសរសើរ ឯកឧត្តម ឯកអគ្គរដ្ឋទូត ដែលបានជួយដល់កម្ពុជា ក្នុងការប្រយុទ្ធប្រឆាំងកូវីដ១៩ កន្លងទៅនេះ។ ជាចុងក្រោយសម្ដេចតេជោប្រធានព្រឹទ្ធសភា បានសុំឱ្យ​ឯកឧត្តមពាំនាំនូវការផ្ដាំផ្ញើសួរសុខទុក្ខ​ពី​សំណាក់សម្ដេច ទៅកាន់ ឯកឧត្តមប្រធានាធិបតីចិន ស៊ី ជីនពីង​ ឯកឧត្តមនាយករដ្ឋមន្ត្រី លី ឈាង និងថ្នាក់ដឹកនាំចិនដទៃទៀត ​និងសូមជូនពរ ឯកឧត្តមឱ្យមានសុខភាពល្អ បន្តនូវភាពជោគជ័យ​ជាបន្តបន្ទាប់ទៀត និងសង្ឃឹមថា ឯកឧត្តមនឹងត្រឡប់មកប្រទេសកម្ពុជា និងមានវត្តមាននៅកម្ពុជា នាពេលខាងមុខ ៕

លោក ពូទីន បង្ហាញសញ្ញាថាខ្លួនបើកចំហចំពោះកិច្ចចរចាសន្តិភាព ប៉ុន្តែអ៊ុយក្រែន ហាក់មិនជឿជាក់

2024/05/27 11:26:09 am        271
Facebook Telegram Linkin
ការផ្តល់សញ្ញារបស់ប្រធានាធិបតីរុស្ស៊ី លោក វ្ល៉ាឌីមៀ ពូទីន (Vladimir Putin) នៅសប្តាហ៍នេះ ដែលថាលោកបើកចំហចំពោះកិច្ចចរចាសន្តិភាព ត្រូវបានមើលដោយមានការព្រមានដ៏ច្រើនលើសលុប និងការថ្លឹងថ្លែងនៃបទពិសោធន៍អតីតកាលរបស់អ៊ុយក្រែន និងលោកខាងលិចនៃទំនាក់ទំនងការទូតរុស្ស៊ី ខណៈអ៊ុយក្រែន ហាក់ស្ទាក់ស្ទើមិនទុកចិត្តចំពោះសញ្ញាសន្តិភាពមួយនោះ។ទីភ្នាក់ងារសារព័ត៌មានរ៉យទ័រ បានដកស្រង់ប្រភពចំនួនបួន នៅក្នុងរបាយការណ៍មួយពីអ្នកយកព័ត៌មានរុស្ស៊ីថា ទីក្រុងមូស្គូ មានឆន្ទៈពិចារណាលើការចរចាសន្តិភាព ដែលនឹងបញ្ឈប់សង្រ្គាមត្រឹមទឹកដីកាន់កាប់របស់រុស្ស៊ី បច្ចុប្បន្នប្រហែលមួយភាគប្រាំនៃប្រទេសអ៊ុយក្រែន។លោក ពូទីន បានឆ្លើយតបទៅនឹងរបាយការណ៍នោះដោយលើកឡើងថា រុស្ស៊ីមានឆន្ទៈក្នុងការពិភាក្សាសន្តិភាពដោយផ្អែកលើកិច្ចព្រមព្រៀងពីមុន។ លោកបានសំដៅដល់កិច្ចព្រមព្រៀងមួយនៅក្នុងទីក្រុងអ៊ីស្តង់ប៊ុល បន្ទាប់ពីសង្រ្គាមបានចាប់ផ្តើមនៅឆ្នាំ២០២២ ដែលបានបរាជ័យ ដោយសារតែកងកម្លាំងរបស់ទីក្រុងមូស្គូ នៅតែវាយលុកពាសពេញទឹកដីអ៊ុយក្រែន ហើយការសម្លាប់រង្គាលនៅជុំវិញទីក្រុងគីវ ត្រូវបានលាតត្រដាង។លោក ពូទីន បានចោទសួរពីភាពស្របច្បាប់របស់ប្រធានាធិបតីអ៊ុយក្រែន លោក វ្ល៉ូឌីមី ហ៊្សេឡិនស្គី (Volodymyr Zelensky) ដែលទីក្រុងមូស្គូ បានរិះគន់ម្តងហើយម្តងទៀត បន្ទាប់ពីទីក្រុងគីវ ពន្យាពេលការបោះឆ្នោត ដោយសារតែសង្គ្រាម។ គោលដៅដ៏មហិមារបស់វិមានក្រឹមឡាំង នៅអ៊ុយក្រែន គឺចង់ឱ្យទីក្រុងគីវ មានភាពស្មោះត្រង់បញ្ឈប់ដំណើរការរបស់ប្រទេសនេះឆ្ពោះទៅកាន់សមាជិកភាពសហភាពអឺរ៉ុប និងការចូលរួមក្នុងសម្ព័ន្ធយោធាណាតូ៕

អ្នកគាំទ្រគណបក្សប្រឆាំងអាហ្វ្រិកខាងត្បូង បង្ហាញក្តីសង្ឃឹមសម្រាប់ការផ្លាស់ប្តូរ នៅក្នុងការជួបជុំមួយ

2024/05/27 11:12:43 am        177
Facebook Telegram Linkin
គណបក្សប្រឆាំងធំរបស់ប្រទេសអាហ្រ្វិកខាងត្បូង គឺគណបក្សសម្ព័ន្ធលទ្ធិប្រជាធិបតេយ្យ (DA) បានធ្វើការប្រមូលផ្តុំគ្នាចុងក្រោយរបស់ខ្លួន នៅទីក្រុង Benoni ភាគខាងកើតទីក្រុង ចូហានណេសប៊ឺក(Johannesburg) កាលពីថ្ងៃអាទិត្យ នៅមុនការបោះឆ្នោតសកល។ អ្នកគាំទ្រគណបក្សសម្ព័ន្ធប្រជាធិបតេយ្យ (DA) បានប្រាប់សារព័ត៌មាន Reuters ថា ពួកគេកំពុងសង្ឃឹមសម្រាប់ការផ្លាស់ប្តូរ។ប្រជាជនអាហ្រ្វិកខាងត្បូង នឹងទៅបោះឆ្នោតនៅថ្ងៃពុធ ទី២៩ ខែឧសភា ដោយមានកំហឹងរាលដាលជុំវិញការកាត់ផ្តាច់ថាមពល ភាពអត់ការងារធ្វើ និងអំពើពុករលួយ ដែលកំពុងគំរាមកំហែងដល់ការបញ្ចប់ការគ្រប់គ្រងរបស់គណបក្ស African National Congress (ANC)រយៈពេល៣០ ឆ្នាំ បន្ទាប់ពី លោក Nelson Mandela បានដឹកនាំគណបក្សនេះ ឡើងកាន់អំណាច។ក្រុមអ្នកវិភាគនិយាយថា វាពិបាកក្នុងការស្រមៃមើលការរៀបចំស្ថិរភាពនៅក្រោមសេណារីយ៉ូនេះ ហើយប្រទេសអាហ្រ្វិកខាងត្បូង អាចនឹងប្រឈមមុខទៅនឹងអំឡុងពេលនៃភាពប្រែប្រួលរបស់រដ្ឋាភិបាលដែលមិនធ្លាប់មានពីមុនមក។ ថ្លែងទៅកាន់ប្រជាជាតិ កាលពីថ្ងៃអាទិត្យ ទី២៦ ខែឧសភា មុនការបោះឆ្នោតសកល ប្រធានាធិបតីដែលកំពុងកាន់អំណាចរបស់អាហ្រ្វិកខាងត្បូង លោក Cyril Ramaphosa បានបង្ហាញពីការអនុវត្តរបស់លោក នៅក្នុងតំណែង នៅពេលលោក បានចូលកាន់តំណែងនៅក្នុងឆ្នាំ២០១៩ ។នៅក្នុងសុន្ទរកថា លោក Ramaphosa បាននិយាយថតាមទូរទស្សន៍ថា យើងបានដាក់ប្រទេសអាហ្វ្រិកខាងត្បូងលើគន្លងថ្មីនៃការងើបឡើងវិញ និងបានចាក់គ្រឹះដ៏រឹងមាំសម្រាប់ភាពរីកចម្រើននាពេលអនាគត។ លោកនិយាយថា រដ្ឋបាលរបស់លោក មានវិធានការសំខាន់ៗដើម្បីធ្វើកំណែទម្រង់សេដ្ឋកិច្ច ដោយអនុវត្តកំណែទម្រង់ជាច្រើននៅទូទាំងវិស័យផ្សេងៗ ហើយក៏កំពុងដោះស្រាយបញ្ហាឧក្រិដ្ឋកម្ម និងអំពើពុករលួយផងដែរ។

ប្រធានាធិបតីអ៊ុយក្រែន ជំរុញឱ្យលោក Biden និងលោក Xi ចូលរួមកិច្ចប្រជុំកំពូលសន្តិភាព

2024/05/27 10:40:41 am        127
Facebook Telegram Linkin
លោកប្រធានាធិបតី វ្ល៉ូឌីមី ហ៊្សេឡិនស្គី (Volodymyr Zelenskiy) កាលពីថ្ងៃអាទិត្យ (២៦ ឧសភា) បានអំពាវនាវដល់ប្រធានាធិបតីអាមេរិក លោក ចូ បៃដិន (Joe Biden) និងមេដឹកនាំចិន លោក ស៊ី ជីនពីង (Xi Jinping) ឱ្យចូលរួមកិច្ចប្រជុំកំពូលសន្តិភាពរបស់ខ្លួន ខណៈអ៊ុយក្រែន កំពុងតស៊ូដើម្បីទប់ទល់នឹងការវាយប្រហារដោយឥតឈប់ឈរដោយរុស្ស៊ី ក្នុងការវាយលុករយៈពេល ២៧ ខែរបស់ខ្លួន។អ៊ុយក្រែន សង្ឃឹមថានឹងធ្វើជាទទួលបណ្ដាប្រទេសឱ្យបានច្រើនតាមដែលអាចធ្វើទៅបាននៅក្នុងកិច្ចពិភាក្សាដឹកនាំដោយទីក្រុងគីវ នៅក្នុងប្រទេសស្វីស នៅខែក្រោយនេះ ក្នុងគោលបំណងបង្រួបបង្រួមមតិជាសកលស្តីពីវិធីបញ្ឈប់សង្រ្គាម និងការដាក់សម្ពាធលើប្រធានាធិបតីរុស្ស៊ី លោក វ្ល៉ាឌីមៀ ពូទីន (Vladimir Putin) ដែលមិនត្រូវបានគេអញ្ជើញ។លោក ហ៊្សេឡិនស្គី ក្នុងវីដេអូជាភាសាអង់គ្លេសដែលថតនៅក្នុងទីក្រុង ខាគីវ (Kharkiv) ភាគឦសាន បាននិយាយថា ប្រទេសជាង ៨០ នឹងចូលរួមកិច្ចប្រជុំនេះ ប៉ុន្តែគេមិនច្បាស់ទេថាតើនឹងមានវត្តមានលោក បៃដិន ឬក៏មានទីក្រុងប៉េកាំង ដែលរក្សាទំនាក់ទំនងជិតស្និទ្ធជាមួយទីក្រុងមូស្គូ នឹងចូលរួមដែរឬយ៉ាងណា។មន្ត្រីអាមេរិកម្នាក់បាននិយាយកាលពីថ្ងៃអាទិត្យថា សហរដ្ឋអាមេរិក នឹងចូលរួមក្នុងកិច្ចប្រជុំកំពូលនេះ ប៉ុន្តែបានបដិសេធមិននិយាយថាជាអ្នកណា ឬឋានៈកម្រិតណានោះទេ។ ទីក្រុងគីវ នៅក្នុងផែនការសន្តិភាពរបស់ខ្លួន អំពាវនាវឱ្យមានការដកកងទ័ពរុស្ស៊ីទាំងស្រុង និងការស្ដារឡើងវិញនូវព្រំដែនដែលត្រូវបានទទួលស្គាល់ជាអន្តរជាតិរបស់ខ្លួន ដោយនោះជាអ្វីដែលទីក្រុងមូស្គូ ចាត់ទុកថាមិនអាចទៅរួច៕

សម្ដេចតេជោ ហ៊ុន សែន អនុញ្ញាតឱ្យឯកអគ្គរដ្ឋទូតបង់ក្លាដែសប្រចាំកម្ពុជាជួប សម្ដែងការគួរសម និងពិភាក្សាការងារ

2024/05/27 10:31:20 am        183
Facebook Telegram Linkin
ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា នៅព្រឹកថ្ងៃទី២៧ ខែឧសភា ឆ្នាំ ២០២៤នេះ បានអនុញ្ញាតឱ្យ ឯកឧត្តម ម៉ូហាមេដ អាប់ឌុល ហៃ (Mohammed Abdul Hye) ឯកអគ្គរដ្ឋទូតបង់ក្លាដែស ប្រចាំព្រះរាជាណាចក្រកម្ពុជា ចូលជួបសម្ដែងការគួរសម និង ពិភាក្សាការងារ នៅវិមានព្រឹទ្ធសភា រាជធានីភ្នំពេញ។

នាយឧត្តមសេនីយ៍ ឥត សារ៉ាត់៖ សមយុទ្ធកងទ័ពជើងទឹកកម្ពុជា និងចិនមិនមានការគំរាមកំហែងដល់ប្រទេសណាឡើយ

2024/05/27 09:44:07 am        330
Facebook Telegram Linkin
នាយឧត្តមសេនីយ៍ ឥត សារ៉ាត់ អគ្គមេបញ្ជាការរង នាយសេនាធិការចម្រុះ នៃកងយោធពលខេមរភូមិន្ទ បានអះអាងថា សមយុទ្ធកងទ័ពជើងទឹករវាងកម្ពុជា និងចិននាពេលនេះមិនមែនជាការគំរាមកំហែងដល់ប្រទេសណានោះឡើយ ដែលការធ្វើនេះគឺដើម្បីជាការផ្លាស់ប្តូរបទពិសោធន៍ពីរគ្នាទៅវិញទៅមក ក្នុងគោលបំណងបង្កើនសមត្ថភាពកងទាំងពីរឲ្យកាន់តែល្អប្រសើរបន្ថែមទៀត ជាពិសេសគឺការប្រយុទ្ធប្រឆាំងភេរវកម្មតាមលំហរសមុទ្រ។ការលើកឡើងរបស់នាយឧត្តមសេនីយ៍ ឥត សារ៉ាត់នេះ គឺបានធ្វើឡើង ក្នុងពិធីបិទសមយុទ្ធជើងទឹក «នាគមាស-ឆ្នាំ២០២៤» ក្រោយធ្វើសមយុទ្ធរួមគ្នានៅលើលំហរសមុទ្រកម្ពុជារវាងកងទ័ពជើងទឹកកម្ពុជា និងកងទ័ពជើងទឹករបស់ចិន អស់រយៈពេល១២ថ្ងៃ ក្រោមប្រធានបទ«ប្រតិបត្តិការរំដោះចំណាប់ខ្មាំងពីក្រុមភេរវករដែលចាប់ជំរឹតនាវាដឹកទំនិញ» នៅថ្ងៃទី២៧ ខែឧសភា ឆ្នាំ២០២៤នេះ។នាយឧត្តមសេនីយ៍ ឥត សារ៉ាត់ បានបញ្ជាក់ថា«សមយុទ្ធជើងទឹកនាគមាសឆ្នាំ២០២៤នេះ ធ្វើឡើងក្នុងគោលបំណងពង្រីកការទំនាក់ទំនងគ្នា ការពង្រឹងសមត្ថភាពយោធា និងផ្លាស់ប្តូរបទពិសោធន៍គ្នាទៅវិញទៅមក ហើយសមយុទ្ធជើងទឹកនាគមាសឆ្នាំ២០២៤នេះ ដែរមិនមានការគំរាមកំហែងដល់ប្រទេសណាឡើយ»។ជាមួយគ្នានោះដែរ នាយឧត្តមសេនីយ៍ ឥត សារ៉ាត់ ក៏បានផ្តល់ការណែនាំមួយចំនួនដល់នាវឹកកម្ពុជា និងចិន ដែលជាសិក្ខាកាមត្រូវបន្តយកចិត្តទុកដាក់សហការគ្នាលើគ្រប់វិស័យ និងផ្លាស់ប្តូរបទ​ពិសោធន៍​ពីរគ្នាទៅវិញទៅមក ដើម្បីបង្កើនសមត្ថភាពជំនាញជាពិសេស​បច្ចេកវិទ្យាយោធា​ដែលមានការវិវត្តយ៉ាង លឿននាពេលបច្ចុប្បន្ននេះ។ ត្រូវប្រជុំផ្លាស់ប្តូរបទពិសោធន៍​ក្នុងការធ្វើ​សមយុទ្ធជើងទឹកនាគមាសឆ្នាំ២០២៤លើកទី១នេះ ដើម្បីដកពិសោធន៍ និងដាក់ចេញទិសដៅបន្តទៀត។ និងមួយវិញទៀតត្រូវបន្តលើកកម្ពស់សាមគ្គីភាពមិត្តភាព និងសហប្រតិបត្តិការតាមយុទ្ធសាស្ត្ររបស់ថ្នាក់ដឹកនាំនៃប្រទេសទាំងពីរ និងកងទ័ពទាំងពីរដែលបានដាក់ចេញ ដើម្បីកសាងសហការតែមួយ និងជោគវាសនាតែមួយ។នៅក្នុងឱកាសបិទសមយុទ្ធជើងទឹកនាគមាសឆ្នាំ២០២៤នោះដែរ នាយឧត្តមសេនីយ៍ ឥត សារ៉ាត់ ក៏បានលើកឡើងផងដែរថា ក្នុងនាមក្រសួងការពារជាតិ អគ្គបញ្ជាការនៃកងយោធពលខេមរភូមិន្ទ និងគណៈកម្មការដឹកនាំសមយុទ្ធ និងលំហាត់របស់កងយោធពលខេមរភូមិន្ទ សូមកោតសរសើរ​ចំពោះកងទ័ពទាំងពីរ ដែលចូលរួមធ្វើសមយុទ្ធនាគមាសឆ្នាំ២០២៤ និងក្រុមការងារដឹកនាំ​សមយុទ្ធរបស់កងទ័ពប្រទេសទាំងពីរកម្ពុជា-ចិន ដែលបានខិតខំរៀបចំនិងដឹកនាំសមយុទ្ធកងទ័ព​ជើងទឹកនៃប្រទេសទាំងពីររហូតទទួលបានជោគជ័យតាមផែនការ។ នាយឧត្តមសេនីយ៍ ក៏បានថ្លែងអំណរគុណនិងកោតសរសើរចំពោះបញ្ជាការដ្ឋានកងទ័ពជើងទឹក បញ្ជាការដ្ឋានការពារកោះឆ្នេរ មូលដ្ឋានសមុទ្ររាម និងនាយនាវី នាយនាវីរង និងពលនាវិកទាំងអស់ ដែលបានខិតខំអនុវត្តតាមតួនាទីភារៈកិច្ចក្នុងពេលសមយុទ្ធនាគមាសឆ្នាំ២០២៤នេះ ដែលធ្វើឲ្យ​សមយុទ្ធជើងទឹកនាគមាសឆ្នាំ២០២៤លើកទី១ ទទួលបានជោគជ័យ និងធានាសុវត្តិភាព។ ឯកឧត្តម នាយឧត្តមសេនីយ៍ ក៏បានថ្លែងអំណរគុណចំពោះរដ្ឋបាលខេត្តព្រះសីហនុ អាជ្ញាធរ​ផែនដីគ្រប់ លំដាប់ថ្នាក់ និងសមត្ថកិច្ចទាំងអស់ដែលបានសហការ និងបង្កលក្ខណៈគ្រប់​បែបយ៉ាង​ដែលធ្វើឲ្យសមយុទ្ធ នាគមាសឆ្នាំ២០២៤ សម្រេចបានជោគជ័យតាមកម្មវិធីផងដែរ៕អត្ថបទបាន ចក់

សម្ដេចតេជោ ហ៊ុន សែន អនុញ្ញាតឱ្យឯកអគ្គរដ្ឋទូតចិន ចប់អាណត្តិប្រចាំកម្ពុជា ចូលសម្ដែងការគួរសម និងជម្រាបលា

2024/05/27 09:21:57 am        235
Facebook Telegram Linkin
ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា អនុញ្ញាតឱ្យឯកឧត្តម Wang Wentian ឯកអគ្គរដ្ឋទូតសាធារណរដ្ឋប្រជាមានិតចិន ចប់អាណត្តិប្រចាំព្រះរាជាណាចក្រកម្ពុជា ចូលជួបសម្តែងការគួរសម និងជម្រាបលា នៅវិមានព្រឹទ្ធសភា រាជធានីភ្នំពេញ នាព្រឹកថ្ងៃទី២៧ ខែឧសភា ឆ្នាំ២០២៤។

ការបោះឆ្នោតក្រុមប្រឹក្សាក្នុងខេត្តកំពង់ធំបានដំណើរការយ៉ាងរលូន

2024/05/26 12:05:34 pm        230
Facebook Telegram Linkin
ការបោះឆ្នោតជ្រើសរើសសមាជិកក្រុមប្រឹក្សាខេត្ត ក្រុង ស្រុក អាណត្តិទី៤ ឆ្នាំ២០២៤ ក្នុងខេត្តកំពង់ ធំ បានដំណើរការយ៉ាងរលូននៅគ្រប់ការិយាល័យបោះឆ្នោតទាំងអស់ ខណៈដែលអ្នកបោះឆ្នោតទាំងអស់ បានមានវត្តមានចូលរួមបោះឆ្នោត ។ការបោះឆ្នោតក្រុមប្រឹក្សាអាណត្តិទី៤ ដែលបានដំណើរការចាប់ពីម៉ោង៧ព្រឹកថ្ងៃទី២៦ ខែឧសភា នេះមក សម្រាប់ខេត្តកំពង់ធំ គឺបានប្រព្រឹត្តិទៅដោយសេរី យុត្តិធម៌ តម្លាភាព ពោលគឺប្រកបដោយលទ្ធិប្រ ជាធិបតេយ្យ ។ គណៈកម្មការការិយាល័យរៀបចំការបោះឆ្នោត បានរៀបចំការងាររបស់ខ្លួនទៅតាមនីតិវិធី ខណៈអ្នកបោះឆ្នោតទាំងអស់ ក៏បានចូលរួមបំពេញកាតព្វកិច្ចរបស់ខ្លួនផងដែរ ។លោក ព្រុំ សៅឌី ប្រធានគណៈកម្មការការិយាល័យរៀបចំការបោះឆ្នោត បានបង្ហាញថា ក្នុងខេត្តកំ ពង់ធំ មានអ្នកបោះឆ្នោត ចំនួន៥៨៥នាក់ ។ មានគណបក្សនយោបាយចំនួន៥ បានចុះឈ្មោះប្រកួតប្រ ជែង រួមមាន ១. គណបក្សប្រជាជនកម្ពុជា ២. គណបក្សឆន្ទៈខ្មែរ ៣. គណបក្សហ្វុនស៊ិនប៉ិច ៤.គណបក្ស កម្លាំងជាតិ និងគណបក្សរួបរួមជាតិ ៕អត្ថបទ៖ លី សាងស៊ីន  

ការបោះឆ្នោតក្រុមប្រឹក្សារអាណត្តិទី៤ក្នុងខេត្តកំពត បញ្ចប់ដោយភាពល្អប្រសើរ

2024/05/26 11:58:01 am        242
Facebook Telegram Linkin
អ្នកសង្កេតការណ៍ និងប្រធានគណៈកម្មការរៀបចំការបោះឆ្នោតខេត្តកំពត បានបញ្ជាក់ថា ដំណើរ ការបោះឆ្នោតជ្រើសក្រុមប្រឹក្សារាជធានីខេត្តក្រុងស្រុកខណ្ឌអាណត្តិទី៤ខេត្តកំពត ប្រព្រឹត្តទៅ ដោយ​រលូន មានតម្លាភាព ត្រឹមត្រូវ យុត្តិធម៌ និងរក្សាការសម្ងាត់ គ្មានការបង្ខិតបង្ខំ ហើយ​ចំពោះ​ស​ន្តិសុខសណ្តាប់ល្អ អង្គបោះឆ្នោតចូលរួមបានគ្រប់គ្នា ធ្វើឲ្យការបោះឆ្នោតទូទាំងខេត្ត បិទ​បញ្ច​ប់ត្រឹម​ម៉ោង៩ព្រឹក ។ អ្នកសង្កេតការណ៍មកពីសហភាពសហព័ន្ធយុវជនកម្ពុជា និងគណបក្សប្រជាជនកម្ពុជា បាន បង្ហាញ​ការ​មើលឃើញរបស់ខ្លួនថា តាមការពិនិត្យជាក់ស្តែង ដំណើរការ​នៃ​ការ​បោះឆ្នោត​ជ្រើសរើស​ក្រុមប្រឹក្សារាជធានីខេត្តក្រុងស្រុកខណ្ឌអាណត្តិទី៤ នៅខេត្តកំពត ប្រព្រឹត្តិទៅ​បាន​ល្អ​ប្រសើរ ទាំងមុនពេល និង អំឡុងពេលបោះ និងរាប់សន្លឹកឆ្នោត គឺគោរពតា​មគោ​លការណ៍​ប្រជាធិបតេយ្យ​បាន​ល្អ។ អ្នកសង្កេត ការណ៍យល់ថា ការបោះឆ្នោតក្រុមប្រឹក្សានេះ ពិតជាមាន​តម្លាភាព ត្រឹមត្រូវ យុត្តិធម៌ និងរក្សាការសម្ងាត់ គ្មានការបង្ខិតបង្ខំ កំរាមគំហែង ។ប្រធានគណៈកម្មាការរៀបចំការបោះឆ្នោតខេត្តកំពត លោក អ៊ុង វិសាល បានបញ្ជាក់ថា ការបោះ ឆ្នោត​លើកនេះកាន់តែមានភាពល្អប្រសើរ ដោយសារមន្ត្រី គ.ជ.បបានខិតខំ និងធ្វើការផ្សព្វ​ផ្សាយ​បាន​ទូលំ ទូលាយ ធ្វើឲ្យសាធារណៈជន គណបក្សនយោបាយ និងអង្គបោះឆ្នោតយល់ច្បាស់ និង​ចូល​រួម​ការបោះ ឆ្នោតបានរួសរាន់ និងឆាប់ហ័ស។លោកបានបញ្ជាក់ថា គិតត្រឹមម៉ោង១០ព្រឹកនេះ គ.ខ.ប ទទួលបានរបាយការណ៍ រាប់សន្លឹកឆ្នោត ចំនួន​២ការិយាល័យប៉ុណ្ណោះ ហើយចំពោះពាក្យបណ្តឹងផ្សេងៗក៏គ្មានដែរ។ខេត្តកំពត មានការិយាល័យបោះឆ្នោតចំនួន៩ការិយាល័យ លេខកូដមណ្ឌលខេត្ត០៧ អ្នកបោះ ឆ្នោត មានចំនួន៥៦១នាក់ មាន៥ គណបក្សនយោបាយចូលរួម ១- គណបក្សប្រជាជនកម្ពុជា, ២-គណបក្សកម្លាំងជាតិ, ៣- គណបក្សខ្មែររួបរួមជាតិ, ៤- គណបក្សហ៊្វុនស៊ីនប៉ិច, ៥-គណបក្ស​ឆន្ទៈខ្មែរ និងមាន អ្នកសង្កេតការណ៍មកពីគណបក្សនយោបាយពេញសិទ្ធិ ចំនួន១៣នាក់ បម្រុង​ចំនួន​១២​នាក់ អ្នក សង្កេតការណ៍ជាតិ សមាគម អង្គការ មានចំនួន៧៤នាក់៕ អត្ថបទ៖ អន សារឹម  

បណ្ដាញសង្គម

ព័ត៌មានថ្មីៗ

មន្រ្តីជាន់ខ្ពស់ក្រសួងអភិវឌ្ឍន៍ កោតសរសើរកងវិស្វកម្មអង្គរក្ស សម្តេចតេជោ ហ៊ុន សែន ជួសជុលផ្លូវបានល្អជូនប្រជាពលរដ្ឋស្រុកជាំក្សាន្ត
05/12/2026 11:05 AM
Facebook Telegram Linkin
អតីតយុទ្ធជន៖ កត្តាសុខសន្តិភាព គឺមានសារៈសំខាន់ណាស់ចំពោះប្រជាជន និងការអភិវឌ្ឍន៍
05/12/2026 10:05 AM
Facebook Telegram Linkin
លោក Trump ៖ លោកនឹងពិភាក្សាពីការលក់អាវុធឱ្យកោះតៃវ៉ាន់ និងករណីមហាសេដ្ឋី Jimmy Lai ​ជាមួយលោក Xi ​​​
05/12/2026 10:05 AM
Facebook Telegram Linkin
រាជរដ្ឋាភិបាលជំរុញគោលនយោបាយលំនៅឋានសង្គម និងលំនៅឋានតម្លៃសមរម្យ ដើម្បីលើកកម្ពស់សុខុមាលភាពប្រជាជន
05/12/2026 10:05 AM
Facebook Telegram Linkin
តម្លៃប្រេងកើនឡើង ខណៈការចរចាដ៏ផុយស្រួយអាមេរិក-អ៊ីរ៉ង់នៅតែបង្ក​​​ការព្រួយបារម្ភអំពីការផ្គត់ផ្គង់សកល​​​​​
05/12/2026 09:05 AM
Facebook Telegram Linkin
សម្ពាធកើនឡើងលើនាយករដ្ឋមន្ត្រីអង់គ្លេស លោក Starmer ឲ្យលាលែងពីតំណែង
05/12/2026 09:05 AM
Facebook Telegram Linkin
សហភាពអឺរ៉ុប ព្រមព្រៀងលើទណ្ឌកម្មដែលជាប់គាំងជាយូរមក លើអ្នកតាំងលំនៅអ៊ីស្រាអែល
05/12/2026 09:05 AM
Facebook Telegram Linkin
សម្តេចតេជោ ហ៊ុន សែន អនុញ្ញាតឱ្យតំណាងប្រធានាធិបតីទទួលបន្ទុកកិច្ចការពិសេស នៃសាធារណរដ្ឋអាស៊ែបៃហ្សង់ ចូលជួបសម្តែងការគួរសម
05/12/2026 09:05 AM
Facebook Telegram Linkin
បទឈប់បាញ់រយៈពេល៣ ថ្ងៃរវាងរុស្ស៊ី-អ៊ុយក្រែន សម្របសម្រួលដោយលោក Trump បានបញ្ចប់​ហើយ​​​
05/12/2026 09:05 AM
Facebook Telegram Linkin
BREAKING NEWS| រដ្ឋសភាកម្ពុជា បានសម្រេចអនុម័តច្បាប់ស្តីពី «កាតព្វកិច្ចយោធា»ហើយ ដោយសំឡេងគាំទ្រ១១៤ លើ១១៤ សំឡេង
05/12/2026 09:05 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.