នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចអគ្គមហាសេនាបតីតេជោ ហ៊ុន សែន អញ្ជើញដង្ហែព្រះមហាក្សត្រ ក្នុងព្រះរាជពិធីពន្លត់ទៀនជ័យ នៃទិវាបុណ្យឯករាជ្យជាតិ ៩ វិច្ឆិកា ខួបលើកទី៧៣
នាយកប្រតិបត្តិអង្គការ HFHI កោតសរសើរគោលនយោបាយ​អភិវឌ្ឍលំនៅដ្ឋានរបស់កម្ពុជា​
ឯកអគ្គរាជទូតជប៉ុនថ្មី ប្តេជ្ញាបន្តពង្រឹង និងពង្រីកកិច្ចសហប្រតិបត្តិការទ្វេភាគីឱ្យកាន់តែរឹងមាំ និងស៊ីជម្រៅ
សម្ដេចតេជោផ្ដល់អនុសាសន៍ដល់គុនខ្មែរ និងសមាគមខ្មែរនៅជប៉ុនឱ្យខិតខំបន្ថែម ដើម្បីនិរន្តរភាពស្ថាប័ន

នយោបាយ​ និង ការអភិវឌ្ឍន៍

សម្ដេចនាយករដ្ឋមន្រ្តី ប្រាប់ពលរដ្ឋកុំព្រួយបារម្ភ ចំពោះគម្រោងព្រែកជីកហ្វូណនតេជោថា ប៉ះពាល់ធនធានធម្មជាតិ និងបរិស្ថាន

2024/04/11 05:14:41 pm        353
Facebook Telegram Linkin
សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ប្រកាសប្រាប់ដល់បងប្អូនប្រជាពលរដ្ឋ​ខ្មែរទាំងអស់ កុំព្រួយបារម្ភចំពោះគម្រោងនៃការសាងសង់នូវ «ព្រែកជីកហ្វូណនតេជោ» ខណៈគម្រោងនេះ វាមិនប៉ះពាល់ដល់ប្រព័ន្ធទឹកទន្លេមេគង ធនធានធម្មជាតិ និងបរិស្ថាន រួមទាំងផលប្រយោជន៍របស់បងប្អូនប្រជាពលរដ្ឋនោះឡើយ ផ្ទុយទៅវិញមានតែផ្តល់ផល​ប្រយោជន៍ជូនជាតិ និងប្រជាជនកម្ពុជាកាន់តែច្រើនបន្ថែមទៀត។ក្នុងឱកាសសម្ពោធកសិដ្ឋានចិញ្ចឹមគោយកទឹកដោះគិរីសួគ៌ របស់ក្រុមហ៊ុនខ្មែរហ្វ្រេសមីលឯ.ក ស្ថិតនៅស្រុកបាទី ខេត្តតាកែវ នាថ្ងៃ១១ ខែមេសា ឆ្នាំ២០២៤នេះ សម្តេចធិបតី ហ៊ុន ម៉ាណែត បានលើកឡើងថា គម្រោង«ព្រែកជីកហ្វូណនតេជោ» មិនប៉ះពាល់អ្វីទាំងអស់ ពីព្រោះរាជរដ្ឋាភិបាល​កម្ពុជាបានធ្វើ ការសិក្សាជាច្រើនខែ ឆ្នាំ ជាមួយអ្នកជំនាញគ្រប់ក្រសួង ស្ថាប័ន ជាពិសេសនោះ​រាជរដ្ឋាភិបាល​ក៏បានជូនដំណឹងដល់គណៈកម្មាធិការទន្លេមេគង្គ ដែលជាអ្នកជំនាញការផងដែរ។សម្តេចធិបតី នាយករដ្ឋមន្រ្តី ក៏បានឆ្លើយតប និងពន្យល់ផងដែរថា នាវាចម្បាំងធំៗមិនអាចចូលចត់​នៅព្រែកជីកនេះ បានទេ ព្រោះតែនាវាចម្បាំងមានទំហំធំ លើសពីទំហំព្រែក​ដែលមាន​មុខកាត់​ប្រមាណមួយរយម៉ែត្រ និងជម្រៅទឹកប្រមាណ ៥ម៉ែត្រនោះ។យ៉ាងណាក៏ដោយសម្តេចធិបតី នាយករដ្ឋមន្រ្តី ក៏បានប្រកាសអគុណចំពោះបងប្អូនប្រជាពលរដ្ឋ ខ្មែរដែលបានបង្ហាញការគាំទ្រចំពោះគម្រោងព្រែកជីកហ្វូណនតេជោនេះ ខណៈព្រែកនេះ នឹងផ្តល់នូវផល ប្រយោជន៍ជូនសង្គម-សេដ្ឋកិច្ចទាំងមូល មិនថាបងប្អូនដែលរស់នៅ​តាមដងព្រែក​នេះ ឬបងប្អូននៅទិស និរតីនោះទេ ពោលគឺបានផលរួមទូទាំងប្រទេសតែម្តង៕អត្ថបទបាន ចក់

សម្តេចធិបតី អះអាងជាថ្មីថា កម្ពុជាមិនអនុញ្ញាតឲ្យមានមូលដ្ឋានកងទ័ពបរទេសលើទឹកដីខ្លួនឡើយ

2024/04/11 04:58:15 pm        362
Facebook Telegram Linkin
សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានអះអាងជាថ្មីម្តងទៀតថា កម្ពុជាគ្នានហេតុផល ណាមួយអនុញ្ញាតឲ្យមានមូលដ្ឋានកងទ័ពបរទេសលើទឹកដីរបស់ខ្លួន ដូចការលើកឡើងរបស់បរទេស និងប្រព័ន្ធផ្សព្វផ្សាយមួយចំនួននោះឡើយ ដូច្នេះសូមកុំព្រួយបារម្ភចំពោះបញ្ហានេះបន្តទៀត។ក្នុងឱកាសសម្ពោធកសិដ្ឋានចិញ្ចឹមគោយកទឹកដោះគិរីសួគ៌ របស់ក្រុមហ៊ុនខ្មែរហ្វ្រេសមីលឯ.ក ស្ថិតនៅស្រុកបាទី ខេត្តតាកែវ នាថ្ងៃ១១ ខែមេសា ឆ្នាំ២០២៤នេះ សម្តេចធិបតី ហ៊ុន ម៉ាណែត នាយករដ្ឋ មន្រ្តីបានសង្កត់ធ្ងន់ថា រាជរដ្ឋាភិបាលមិនធ្វើអ្វីដែលវានាំឲ្យផ្ទុយជាមួយរដ្ឋធម្មនុញ្ញ​របស់ខ្លួន​នោះទេជាពិ សេសគឺបញ្ហាមូលដ្ឋានកងទ័ពបរទេសនេះតែម្តង ខណៈមានការចោទ​ប្រកាន់ម្តងហើយម្តងទៀតថា កម្ពុជា បានអនុញ្ញាតឲ្យមានមូលដ្ឋានកងទ័ពជើងទឹកចិន។ ដោយករណីនេះគឺជារឿងមិនពិតនោះឡើយ។ជាមួយគ្នានោះដែរសម្តេចធិបតី នាយករដ្ឋមន្ត្រី ក៏បានបញ្ជាក់ផងដែរថា កម្ពុជាពុំមានពេល​វេលា​ទៅឈ្លោះជាមួយប្រទេសណានោះទេព្រោះកម្ពុជាជាប់ដៃរក្សាសន្តិភាពប្រទេសរបស់ខ្លួន ហើយមួយវិញទៀត កម្ពុជាមិនយកប្រទេសណាធ្វើជាសត្រូវខ្លួននោះដែរ មានតែព្យាយាម​រាប់អាន​គ្រប់ប្រទេសទាំងអស់ដោយគ្មានការរើសអើងតាំងពីដើមរហូតដល់សព្វថ្ងៃ ​និងទៅអនាគត៕អត្ថបទបាន ចក់

ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត អញ្ជើញសម្ពោធកសិដ្ឋានចិញ្ចឹមគោយកទឹកដោះគិរីសួគ៌ ខេត្តតាកែវ

2024/04/11 03:29:55 pm        564
Facebook Telegram Linkin
តាកែវ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នៅព្រឹកថ្ងៃទី១១ ខែមេសា ឆ្នាំ២០២៤នេះ បានអញ្ជើញជាអធិបតី “ សម្ពោធកសិដ្ឋានចិញ្ចឹមគោយកទឹកដោះ គិរីសួគ៌ របស់ក្រុមហ៊ុន ខ្មែរ ហ្វ្រេស មីល ឯ.ក ” ។ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ដែលមានខ្លឹមសារដូចខាងក្រោម៖-សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី បានថ្លែងអំណរគុណចំពោះប្រជាពលរដ្ឋនៅខេត្ត តាកែវ ដែលបានផ្ដល់ទំនុកចិត្តលើគណបក្សប្រជាជនកម្ពុជា តាមរយៈការទៅបោះឆ្នោតជូនគណបក្ស ប្រជាជនកម្ពុជាជិត ៩០ ភាគរយដើម្បីឱ្យបក្សប្រជាជនកម្ពុជាបន្តដឹកនាំប្រទេស។-សម្តេចធិបតី ហ៊ុន ម៉ាណែត បានថ្លែងថា រាជរដ្ឋាភិបាលដែលដឹកនាំ ដោយគណបក្សប្រជាជនកម្ពុជា នឹងខិតខំប្តេជ្ញាបម្រើដល់បងប្អូនប្រជាពលរដ្ឋឲ្យកាន់តែល្អប្រសើរ បន្ថែមទៀត ដើម្បីជាការតបស្នងសងគុណ ដែលបងប្អូនបានបន្តបោះឆ្នោតជូនដល់គណបក្សប្រជាជនកម្ពុជា។-សម្ដេចធិបតី ហ៊ុន ម៉ាណែត នាយករដ្ឋមន្ត្រី៖ កម្ពុជាមិនត្រឹមតែមានសមត្ថភាពកសាងនូវអ្វី ដែលកាន់តែធំ កាន់តែប្រសើរប៉ុណ្ណោះទេ ប៉ុន្តែកម្ពុជាបានផលិតនូវផលិតផលជាច្រើនដែលចេញពីទឹក ដៃរបស់កូនខ្មែរថែមទៀត។-សម្ដេចធិបតី ហ៊ុន ម៉ាណែត៖ កម្ពុជាបាននាំចូលទំនិញពាក់ព័ន្ធនឹងផលិតផល ទឹកដោះគោ ប្រមាណកៅសិបប្រាំបីពាន់តោន គិតជាទឹកប្រាក់ប្រមាណប្រាំពីររយសាមសិបបួនលាន ដុល្លារក្នុងមួយឆ្នាំ។-សម្តេចធិបតី ហ៊ុន ម៉ាណែត បានថ្លែងថា ឪពុកម្តាយមួយចំនួនបានទិញអាហារ ដែលមានជាតិស្ករខ្ពស់ឲ្យកូន ដែលជាកត្តាបណ្តាលឲ្យក្មេងៗជំនាន់ក្រោយ កើតជំងឺទឹកនោមផ្អែមនៅត្រឹមអាយុ៣០ឆ្នាំ។-សម្ដេចធិបតី ហ៊ុន ម៉ាណែត នាយករដ្ឋមន្ត្រី៖ រាជរដ្ឋាភិបាលតែងចាត់ទុកវិស័យឯកជនជាដៃ គូសំខាន់នៅក្នុងការជំរុញកំណើនសេដ្ឋកិច្ចជាតិ។-សម្ដេចធិបតី៖ រយៈពេល៣ខែថ្មីៗកន្លងមកនេះ CDC បាន អនុម័តសម្រេចឱ្យមានការបោះទុនវិនិយោគនៅកម្ពុជា បានជាង ១០៦ គម្រោង គិតជាទឹកប្រាក់មាន ចំនួនជាងពីរពាន់លានដុល្លារ និងផ្ដល់ឱកាសការងារជាងដប់ម៉ឺនកន្លែង។-សម្ដេចធិបតី ហ៊ុន ម៉ាណែត នាយករដ្ឋមន្ត្រី៖ ការអភិវឌ្ឍសេដ្ឋកិច្ច ជាឃ្លាប្រយោគសាមញ្ញ គឺធ្វើឱ្យប្រជាជនមានបាន មានជីវភាពធូរធារ ភូមិឃុំកាន់តែរីកចម្រើនពីមួយថ្ងៃ ទៅមួយថ្ងៃ។-សម្តេចធិបតី បានថ្លែងថា ដោយសារកត្តារីកចម្រើននូវប្រព័ន្ធ ហេដ្ឋារចនាសម្ព័ន្ធ អគ្គិសនី ទើបមានឱកាសកសាងនូវកសិដ្ឋានចិញ្ចឹមគោយកទឹកដោះគិរីសួគ៌ របស់ក្រុម ហ៊ុនខ្មែរ ហ្វ្រេសមីលឯ.ក ដែលស្ថិតនៅស្រុកបាទី ខេត្តតាកែវ នេះ។-សម្ដេចធិបតី ហ៊ុន ម៉ាណែត បានបញ្ជាក់ជាថ្មីទៀតថា គម្រោងព្រែកជីកហ្វូណនតេជោ នឹងបង្កើនសេដ្ឋកិច្ចដល់កម្ពុជាឲ្យកាន់តែល្អប្រសើរបន្ថែមទៀត នៅពេលអនាគត ជាពិសេសគឺបងប្អូនដែលរស់នៅតាមព្រែកនេះតែម្តង រួមទាំងប្អូនខេត្តតាកែវផងដែរ។-សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី៖ ព្រែកជីកហ្វូណនតេជោមានមុខកាត់(ទទឹង) ១០០ ម៉ែត្រ ជម្រៅប្រមាណ ៤ ម៉ែត្រ ដែលអនុញ្ញាតឱ្យនាវា ឬ សាឡង់ដឹកទំនិញឆ្លងកាត់បានចំណុះប្រមាណ ៣០០០ តោននៅរដូវប្រាំង និងប្រមាណ ៥០០០ តោននៅរដូវវស្សា។-សម្ដេចធិបតី ហ៊ុន ម៉ាណែត៖ ព្រែកជីកហ្វូណនតេជោ មានការសិក្សាពីអ្នក ជំនាញលំដាប់ពិភពលោក និងគ្រប់ជំនាញពាក់ព័ន្ធជាង ៤០ នាក់ និងប្រើពេលសិក្សាប្រមាណ ២៦ ខែ មុននឹងសម្រេចឱ្យមានគម្រោងនេះ។-សម្ដេចធិបតី ហ៊ុន ម៉ាណែត នាយករដ្ឋមន្ត្រី៖ ព្រែកជីកហ្វូណនតេជោ ដែលមានជម្រៅប្រមា ណ ៤ ម៉ែត្រកន្លះ មិនអាចអនុញ្ញាតឱ្យនាវាចម្បាំងផ្ទុកយន្តហោះបើកឆ្លងកាត់បាននោះទេ។ នាវា ចម្បាំងប្រភេទនោះ គឺត្រូវការជម្រៅទឹកជ្រៅជាងនេះ ទើបអាចបើកឆ្លងកាត់បាន។-សម្ដេចធិបតី ហ៊ុន ម៉ាណែត៖ កម្ពុជាពុំមានពេលវេលាទៅឈ្លោះជាមួយប្រទេសណានោះទេ ព្រោះកម្ពុជាជាប់ដៃរក្សាសន្តិភាពប្រទេសរបស់ខ្លួន ហើយមួយវិញទៀតកម្ពុជា មិនយកប្រទេសណា​ធ្វើជាសត្រូវខ្លួននោះដែរ មានតែព្យាយាមរាប់អានគ្រប់ប្រទេសទាំងអស់ដោយគ្មាន​ការរើសអើងតាំងពីដើមរហូតដល់សព្វថ្ងៃនេះ និងទៅអនាគត។-សម្តេចធិបតី៖ រាជរដ្ឋាភិបាលមិនដេកអេសពោះទេ គឺបានកំពុងខិតខំ ដោះស្រាយរាល់បញ្ហាជូនបងប្អូនជានិច្ច ជាពិសេសបញ្ហារវាងពលរដ្ឋ និងម្ចាស់បុរីនានា ដែលបានកំពុងកើតឡើងនាពេលសព្វថ្ងៃនេះ។-សម្ដេចធិបតី ហ៊ុន ម៉ាណែត៖ នៅពេលខាងមុខវិស័យអចលនទ្រព្យ(ការទិញ-លក់ ដី ធ្លី ផ្ទះសម្បែង) នឹងងើបឡើងវិញ។

ហ្វីលីពីន៖ កិច្ចប្រជុំកំពូលត្រីភាគីជាមួយអាមេរិក និងជប៉ុន នឹងរួមបញ្ចូលកិច្ចសហប្រតិបត្តិការសមុទ្រចិនខាងត្បូង

2024/04/10 09:39:18 pm        171
Facebook Telegram Linkin
ប្រធានាធិបតីហ្វីលីពីន លោក ហ្វឺឌីណាន ម៉ាកូស ជូនៀ (Ferdinand Marcos Jr) បាននិយាយនៅថ្ងៃពុធ (១០ មេសា) នេះថា កិច្ចប្រជុំកំពូលត្រីភាគីនាពេលខាងមុខរវាងសហរដ្ឋអាមេរិក ហ្វីលីពីន និងជប៉ុន នឹងរួមបញ្ចូលកិច្ចព្រមព្រៀងមួយដើម្បីរក្សាសន្តិសុខ និងសេរីភាពនៃការធ្វើនាវាចរណ៍នៅក្នុងសមុទ្រចិនខាងត្បូង។លោក ម៉ាកូស គ្រោងនឹងចាកចេញទៅទីក្រុងវ៉ាស៊ីនតោន នៅរសៀលថ្ងៃពុធនេះ ដើម្បីពិភាក្សាជាមួយប្រធានាធិបតីសហរដ្ឋអាមេរិក លោក ចូ បៃដិន (Joe Biden) និងនាយករដ្ឋមន្ត្រីជប៉ុន ហ្វ៊ូមីអូ គីស៊ីដា (Fumio Kishida)។ លោក ម៉ាកូស ក៏គ្រោងនឹងរៀបចំកិច្ចប្រជុំទ្វេភាគីជាមួយលោក បៃដិន មុនពេលកិច្ចប្រជុំក្នុងចំណោមមេដឹកនាំទាំងបីផងដែរ។ប្រទេសហ្វីលីពីន ក្រោមការដឹកនាំរបស់លោក ម៉ាកូស បានពង្រឹងទំនាក់ទំនងយោធាជាមួយសហរដ្ឋអាមេរិក និងជប៉ុនកាន់តែស៊ីជម្រៅ ខណៈដែលការប៉ះទង្កិចដែនសមុទ្រជាមួយចិន នៅសមុទ្រចិនខាងត្បូងមានការកើនឡើង។ លោក ម៉ាកូស បានអនុញ្ញាតឱ្យមានមូលដ្ឋានទ័ពហ្វីលីពីនទំហំជិតពីរដងធៀបនឹងកាលពីមុន ដែលទាហានអាមេរិកអាចចូលបាន ហើយកិច្ចពិភាក្សាកំពុងដំណើរការជាមួយប្រទេសជប៉ុនសម្រាប់កិច្ចព្រមព្រៀងចូលដំណើរការទៅវិញទៅមកដែលនឹងអនុញ្ញាតឱ្យមានវត្តមានរបស់កងកម្លាំងជប៉ុននៅលើទឹកដីហ្វីលីពីន។ទន្ទឹមនឹងនេះដែរ លោក ម៉ាកូស ក៏បានបដិសេធនូវអត្ថិភាព (វត្តមាន) នៃអ្វីដែលគេហៅថា «កិច្ចព្រមព្រៀងសុភាពបុរស» ដែលត្រូវបានរាយការណ៍ថា ស្ថិតនៅក្រោមការដឹកនាំរបស់អតីតប្រធានាធិបតីហ្វីលីពីន លោក រ៉ូទ្រីហ្គោ ឌូតឺតេ (Rodrigo Duterte) ជាមួយទីក្រុងប៉េកាំង ដើម្បីរក្សាស្ថានភាពដដែលនៅក្នុងតំបន់ថ្មប៉ប្រះទឹក សេខិន ថូម៉ាស ស្ហូល (Second Thomas Shoal) ដែលជាដែនសមុទ្រមានជម្លោះនៅសមុទ្រចិនខាងត្បូង៕

ប្រមុខមន្ទីរបញ្ចកោណ៖ គ្មានភ័ស្តុតាងណាដែលបញ្ជាក់ថា អ៊ីស្រាអែល បានប្រព្រឹត្តអំពើប្រល័យពូជសាសន៍ទេ

2024/04/10 09:36:02 pm        143
Facebook Telegram Linkin
រដ្ឋមន្ត្រីការពារជាតិលោក Lloyd Austin កាលពីថ្ងៃអង្គារ បាននិយាយថា ពុំមានភ័ស្តុតាងណាមួយដែលបញ្ជាក់ថា អ៊ីស្រាអែលកំពុងប្រព្រឹត្តអំពើប្រល័យពូជសាសន៍ នៅក្នុងតំបន់ហ្កាហ្សា ចំពេលមានសង្រ្គាមប្រឆាំងនឹងក្រុមសកម្មប្រយុទ្ធប៉ាឡេស្ទីនហាម៉ាសនោះទេ។លោក Austin បាននិយាយក្នុងអំឡុងពេលសវនាការនៃគណៈកម្មាធិការសេវាប្រដាប់អាវុធព្រឹទ្ធសភា នៅវិមាន Capitol Hill បានបដិសេធថា អ៊ីស្រាអែល មិនបានប្រព្រឹត្តអំពើប្រល័យពូជសាសន៍ បន្ទាប់ពីក្រុមអ្នកតវ៉ា បានរំខានដល់គណៈកម្មាធិការ ហើយបានអំពាវនាវឲ្យសហរដ្ឋអាមេរិកបញ្ឈប់ការផ្តល់មូលនិធិដល់សង្រ្គាមដែលពួកគេហៅថា ជាអំពើប្រល័យពូជសាសន៍។លោក Austin បាននិយាយបន្ទាប់ពីមានសំណួររបស់សមាជិកព្រឹទ្ធសភាលោក Tom Cotton ដើម្បីឆ្លើយតបទៅក្រុមបាតុករថា៖«យើងមិនមានភ័ស្តុតាងនៃអំពើប្រល័យពូជសាសន៍ទេ»។លោកក៏បានជៀសវាងការនិយាយសំដៅទៅលើការវាយប្រហាររបស់ក្រុមហាម៉ាសកាលពីថ្ងៃទី៧ ខែតុលា ទៅលើអ៊ីស្រាអែលភាគខាងត្បូងថា ជាអំពើប្រល័យពូជសាសន៍ បន្ទាប់ពីការសាកសួរពីសមាជិកព្រឹទ្ធសភា លោកRoger Wicker ដែលជាសមាជិកក្នុងគណៈកម្មាធិការ។លោក Austin បានលើកឡើងអំពីការវាយប្រហារថ្ងៃទី៧ ខែតុលា បន្ទាប់ពីលោកWicker បានដាក់សម្ពាធលើខ្លួនម្តងហើយម្តងទៀត ដោយសំដៅលើការវាយប្រហារនោះថា ជាអំពើប្រល័យពូជសាសន៍។ក្រុមហាម៉ាស បានសម្លាប់មនុស្សជាង ១.១០០នាក់ នៅក្នុងការវាយប្រហារ និងចាប់ចំណាប់ថ្នូរចំនួន ២៤០នាក់។ ចំណាប់ថ្នូរប្រហែល ១០០នាក់ ត្រូវបានគេជឿថា នៅរស់រានមានជីវិត នៅក្នុងតំបន់ហ្កា ហ្សា និងត្រូវបានឃុំខ្លួនដោយក្រុមហាម៉ាស។

ចិន លើកឡើងថា ការអត្ថាធិប្បាយរបស់អាមេរិក លើកោះតៃវ៉ាន់ និង AUKUS ជារឿងគ្រោះខ្លាំងណាស់

2024/04/10 09:27:14 pm        146
Facebook Telegram Linkin
ការិយាល័យសម្រាប់កិច្ចការកោះតៃវ៉ាន់របស់ប្រទេសចិន នៅថ្ងៃពុធនេះ បានហៅការអត្ថាធិប្បាយធ្វើឡើងដោយអនុរដ្ឋមន្ត្រីការបរទេសអាមេរិក លោក ឃើត ខេមបេល ( Kurt Campbell) ថាជារឿងគ្រោះថ្នាក់ខ្លាំងណាស់ បន្ទាប់ពីលោកបានលើកឡើងថាគម្រោងនាវាមុជទឹករបស់ក្រុមប្រទេសសមាជិក AUKUS រវាង អូស្ត្រាលី ចក្រភពអង់គ្លេស និងសហរដ្ឋអាមេរិក អាចជួយរារាំងសកម្មភាពរបស់ចិនប្រឆាំងកោះតៃវ៉ាន់ ។ ក្នុងអំឡុងការថ្លែង ឆ្លើយតបទៅនឹងសំណួរនេះនៅឯសន្និសីទសារព័ត៌មានប្រចាំសប្ដាហ៍ អ្នកនាំពាក្យ របស់ការិយាល័យរបស់ចិន លោកស្រី ជូ ហ្វឹងលៀន (Zhu Fenglian) បាននិយាយថា ការអត្ថាធិប្បាយរបស់លោកគឺជារឿងគ្រោះថ្នាក់ខ្លាំងណាស់។ ការបង្កើតអ្វីដែលហៅថា ភាពជាដៃគូសន្តិសុខត្រីភាគី រវាងអាមេរិក អង់គ្លេស និងអូស្ត្រាលី នឹងរុញឲ្យមានការប្រឈមដាក់គ្នាខាងយោធានៅក្នុងតំបន់ ទោះបីកិច្ចសហប្រតិបត្តិការយោធានេះមានទំហំតូចក៏ដោយ។ លោកខេមបេល ដែលបានលើកឡើងការជាប់ពាក់ព័ន្ធដ៏កម្ររវាងកោះតៃវ៉ាន់ និងក្រុមប្រទេស AUKUS បានប្រាប់មជ្ឈមណ្ឌលស្រាវជ្រាវសម្រាប់ផ្នែកសន្តិសុខអាមេរិកថ្មី ថា សមត្ថភាពរបស់នាវាមុជទឹកថ្មី នឹង ជួយពង្រឹងសន្តិសុខ និងស្ថិរភាព រួមទាំងច្រកសមុទ្រដែលខណ្ឌចែកប្រទេសចិន និងកោះតៃវ៉ាន់ ។ លោកស្រី ជូ បានលើកឡើងថា រាល់ការប៉ុនប៉ងប្រើប្រាស់កិច្ចសហប្រតិបត្តិការយោធាជាប់ពាក់ព័ន្ធណាមួយ ដើម្បីធ្វើអន្តរាគមន៍នៅក្នុងបញ្ហាកោះតៃវ៉ាន់ គឺជាការជ្រៀតជ្រែក ចូលក្នុងកិច្ចការផ្ទៃក្នុងរបស់ប្រទេសចិន រំលោភគោលនយោបាយចិនតែមួយ និងបង្កគ្រោះថ្នាក់ដល់សន្តិភាព និងស្ថិរភាពក្នុងច្រកសមុទ្រតៃវ៉ាន់ ហើយចិន ប្រឆាំងដាច់ខាតចំពោះសកម្មភាពទាំងនោះ។ ប្រទេសចិន បានពង្រីកឃ្លាំងមីស៊ីល និងនាវាចម្បាំងយ៉ាងធំនៅក្នុងរយៈពេលប៉ុន្មានឆ្នាំថ្មីៗនេះ និងបានពង្រីកការអះអាងសិទ្ធិគ្រប់គ្រងលើប្រជុំកោះនៅក្នុងសមុទ្រចិនខាងត្បូង កសាងមូលដ្ឋានទ័ពអាកាស និងយោធាសំខាន់ៗ ដែលនាំឲ្យទីក្រុងវ៉ាស៊ីនតោន និងជុំវិញតំបន់នេះ បង្ហាញការព្រួយបារម្ភកាន់តែខ្លាំង៕

ប្រទេសកូរ៉េខាងត្បូង ចាប់ផ្តើមការបោះឆ្នោតសកលនៅថ្ងៃពុធនេះ

2024/04/10 09:23:07 pm        103
Facebook Telegram Linkin
ប្រជាជនកូរ៉េខាងត្បូង ចេញបោះឆ្នោតជ្រើសរើសសភាថ្មីនៅថ្ងៃពុធ ទី១០ ខែមេសានេះ នៅក្នុងការប្រកួតប្រជែងដ៏ស្វិតស្វាញ ដែលត្រូវបានអ្នកវិភាគមើលឃើញថាជាការបោះឆ្នោតប្រជាមតិ សម្រាប់ប្រធានាធិបតី លោក Yoon Suk Yeol ដែលប្រជាប្រិយភាពរបស់លោករងការលំបាក ក្នុងពេលមានវិបត្តិជីវភាពរស់នៅ និងការរាលដាលនៃរឿងអាស្រូវនយោបាយ។អ្នកបោះឆ្នោតកូរ៉េខាងត្បូង បោះឆ្នោតដើម្បីជ្រើសរើសតំណាងរបស់ពួកគេទៅកាន់រដ្ឋសភា។ ប្រទេសនេះ រៀបចំការបោះឆ្នោតសកលរៀងរាល់បួនឆ្នាំម្តង។ ការបោះឆ្នោតនៅឆ្នាំនេះ ត្រូវបានគេមើលឃើញថាជាការវាយតម្លៃពាក់កណ្តាលអាណត្តិ នៃការគ្រប់គ្រងរបស់ប្រធានាធិបតី លោក Yoon Suk-yeol ដែល លោកនឹងចូលដល់ឆ្នាំទីបីនៃអាណត្តិរយៈពេលប្រាំឆ្នាំរបស់លោកនៅខែក្រោយ។ការបោះឆ្នោតត្រូវបានកំណត់ចាប់ផ្តើមនៅវេលាម៉ោង៦ព្រឹក នៅការិយាល័យបោះឆ្នោតជាង១៤.០០០កន្លែង។ សមាជិក ៣០០រូបនៃប្រព័ន្ធឯកសភា នឹងត្រូវបានបោះឆ្នោតជ្រើសរើសដោយការបោះឆ្នោតថ្នាក់ស្រុកឬសង្កាត់ និងតាមរយៈប្រព័ន្ធតំណាងសមាមាត្រ។ ការបោះឆ្នោតនេះ ត្រូវបានគេរំពឹងថានឹងក្លាយជាការប្រកួតប្រជែងរវាងគណបក្សអំណាចប្រជាជនដែលកំពុងកាន់អំណាច និងគណបក្សប្រជាធិបតេយ្យ ជាគណបក្សប្រឆាំងធំ។គណបក្សអំណាចប្រជាជន(PPP) ស្វែងរកការទទួលបានសំឡេងភាគច្រើន ដើម្បីជួយដំណើរការ រដ្ឋាភិបាលដែលមានស្ថិរភាព។ ការិយាល័យបោះឆ្នោត នឹងបិទនៅម៉ោង ៦ ល្ងាច ដោយលទ្ធផលបឋមត្រូវបានរំពឹងទុកនៅព្រឹកថ្ងៃព្រហស្បតិ៍ស្អែកនេះ។

រណសិរ្សកម្ពុជា ឡាវ វៀតណាម ចុះហត្ថលេខាលើអនុស្សារណៈយោគយល់គ្នា ដើម្បី​បន្តពង្រឹងពង្រីកនូវចំណងមិត្តភាព និងកិច្ចសហប្រតិបត្តិការ

2024/04/10 08:55:28 pm        226
Facebook Telegram Linkin
សម្តេចកិត្តិសង្គហបណ្ឌិត ម៉ែន សំអន ប្រធានក្រុមប្រឹក្សាជាតិរណសិរ្សសាមគ្គី អភិវឌ្ឍន៍ មាតុ​ភូមិ​កម្ពុជា បានអញ្ជើញចូលរួមក្នុងកិច្ចប្រជុំរណសិរ្ស ៣ប្រទេស កម្ពុជា-ឡាវ-វៀតណាម នៅ​រដ្ឋធានី​វៀង​ចន្ទន៍ នៃសាធារណរដ្ឋប្រជាធិបតេយ្យប្រជាមានិតឡាវ កាលពីរសៀលថ្ងៃអង្គារ ១កើត ខែ​ចេត្រ ឆ្នាំថោះ បញ្ចស័ក ព.ស. ២៥៦៧ ត្រូវនឹង ថ្ងៃទី៩ ខែមេសា ឆ្នាំ២០២៤។សម្តេចកិត្តិសង្គហបណ្ឌិត បានមានប្រសាសន៍លើកឡើងថា ឆ្នាំនេះគឺជាកិច្ចប្រជុំលើកទី ៥ រវាង​ក្រុម​ប្រឹក្សា​ជាតិរណសិរ្សសាមគ្គី អភិវឌ្ឍន៍មាតុភូមិកម្ពុជា, គណ:កម្មាធិការមជ្ឈិម រណសិរ្ស​អភិវឌ្ឍន​ជាតិ​ឡាវ និងគណ:កម្មាធិការមជ្ឈិមរណសិរ្ស មាតុភូមិវៀតណាម នៃ ដំណាក់កាល ២០២៤-២០២៧។ នៅក្នុងកិច្ចប្រជុំនោះប្រទសទាំង៣ បានលើកឡើងអំពីវឌ្ឍន:ភាពរបស់រណសិរ្សនីមួយៗ និង បាន​ចែករំលែកនូវបទពិសោធន៍ទៅវិញទៅមកក្នុងបរិយាកាសយ៉ាងស្និទ្ធស្នាលជាទីបំផុត។បន្ទាប់មកទៀតរណសិរ្សនៃប្រទសទាំង ៣ ក៏មានឯកភាពគ្នា និងចុះហត្ថលេខា លើ អនុស្ស​រណៈ​នៃ​យោគយល់គ្នាដំណាក់កាល ២០២៤ ២០២៧ ដើម្បីបន្តកិច្ចសហប្រតិបត្តិការ​ នៃ​ប្រទេស​ទាំង​៣ ដើម្បីជម្រុញការពង្រឹង និងពង្រីក សាមគ្គីភាព មិត្តភាព និងកិច្ចសហ ប្រតិបត្តិ​ការ​របស់​ប្រទេស​ទាំង៣ កាន់តែទូលំទូលាយ រឹងមាំ ស្ថិតស្ថេរ គង់វង្សយូរអង្វែង ៕

សហភាពអឺរ៉ុប ប្រកាសស៊ើបអង្កេតលើអាជីវកម្មថាមពលខ្យល់របស់ប្រទេសចិននៅក្នុងប្លុកអឺរ៉ុប

2024/04/10 06:51:08 pm        239
Facebook Telegram Linkin
សហភាពអឺរ៉ុប បានប្រកាសពីការស៊ើបអង្កេតលើក្រុមហ៊ុនផ្គត់ផ្គង់ទុរប៊ិនខ្យល់របស់ប្រទេសចិន ដែលមានសកម្មភាពនៅក្នុងប្លុកអឺរ៉ុប។ ចំណាត់ការនេះ ធ្វើឡើងក្នុងពេលដែលការស៊ើបអង្កេតជាបន្តលើថាតើ រថយន្តអគ្គិសនីរបស់ប្រទេសចិន ដែលនាំចូលមកប្លុកអឺរ៉ុប បានទទួលអត្ថប្រយោជន៍មិនយុត្តិធម៌ដោយសារការឧបត្ថម្ភធនពីទីក្រុងប៉េកាំងឬយ៉ាងណា។លោកស្រី ម៉ាហ្គារេត វ៉េសស្តាជឺ(Margrethe Vestager) អនុប្រធានប្រតិបត្តិនៃគណៈកម្មាធិការអឺរ៉ុបបានធ្វើសេចក្តីប្រកាស កាលពីថ្ងៃអង្គារក្នុងអំឡុងពេលសុន្ទរកថានៅសហរដ្ឋអាមេរិក។ លោកស្រី បានបង្ហាញការព្រួយបារម្ភរបស់សហភាពអឺរ៉ុប ទាក់ទងទៅនឹងការផលិតលើសបរិមាណរបស់ប្រទេសចិននៅក្នុងថាមពលកកើតឡើងវិញ និងទីផ្សារផ្សេងៗទៀត។ លោកស្រី និយាយថា វាមិនត្រឹមតែមានគ្រោះថ្នាក់សម្រាប់ការប្រកួតប្រជែងរបស់យើងប៉ុណ្ណោះទេ វាថែមទាំងធ្វើឱ្យប៉ះពាល់ដល់សន្តិសុខសេដ្ឋកិច្ចរបស់យើងផងដែរ។លោកស្រី Vestager និយាយថា សហភាពអឺរ៉ុបកំពុងស៊ើបអង្កេតលក្ខខណ្ឌជាច្រើនសម្រាប់ការអភិវឌ្ឍឧទ្យានខ្យល់ នៅក្នុងប្រទេសអេស្ប៉ាញ ក្រិក និងប្រទេសជាសមាជិកផ្សេងទៀត។ជាការឆ្លើយតបទៅនឹងការស៊ើបអង្កេតរបស់ប្រព័ន្ធផ្សព្វផ្សាយ NHK គណៈកម្មការអឺរ៉ុប បានបង្ហាញថាក្រុមហ៊ុនផលិតថាមពលខ្យល់របស់ប្រទេសចិនមួយចំនួនដែលមានភាពសកម្មនៅលើទីផ្សារសហភាពអឺរ៉ុប អាច ទទួលអត្ថប្រយោជន៍ប្រកួតប្រជែងមិនយុត្តិធម៌តាមរយៈការឧបត្ថម្ភធនរបស់រដ្ឋ ដែលនាំឱ្យមានការប្រកួតប្រជែងមិនសមស្រប។សហភាពអឺរ៉ុប បានចាប់ផ្តើមការស៊ើបអង្កេតស្រដៀងគ្នាលើក្រុមហ៊ុនផលិតរថយន្តអគ្គិសនីរបស់ប្រទេសចិន កាលពីខែតុលា បន្ទាប់ពីមានការសង្ស័យថាការឧបត្ថម្ភធនរបស់រដ្ឋ កំពុងជួយពួកគេឲ្យរក្សាតម្លៃទាបនៅក្នុងប្លុកអឺរ៉ុប។ ប្រទេសចិន បានច្រានចោលដោយរិះគន់សហភាពអឺរ៉ុប ចំពោះការចាប់ផ្តើម ការស៊ើបអង្កេតដោយគ្មានភស្តុតាងគ្រប់គ្រាន់។

ចក្រភពអង់គ្លេស និងរ្វាន់ដា ទន្ទឹងរង់ចាំការនិរទេសជនអន្តោប្រវេសន៍

2024/04/10 06:45:07 pm        232
Facebook Telegram Linkin
នាយករដ្ឋមន្រ្តីអង់គ្លេស លោក Rishi Sunak និងប្រធានាធិបតីរបស់ប្រទេសរ្វាន់ដា លោក Paul Kagame បានជួបគ្នា កាលពីថ្ងៃអង្គារ ដើម្បីពិភាក្សាអំពីផែនការរបស់ចក្រភពអង់គ្លេស ដើម្បីនិរទេសអ្នកស្វែងរកសិទ្ធិជ្រកកោនទៅកាន់ប្រទេសរ្វាន់ដា។បន្ទាប់ពីជំនួបនៅទីក្រុងឡុងដ៍ ការិយាល័យរបស់ លោក Sunak បាននិយាយថា មេដឹកនាំទាំងពីរ ទន្ទឹងរង់ចាំជើងហោះហើរ ដែលចេញដំណើរទៅកាន់ប្រទេសរ្វាន់ដា នៅនិទាឃរដូវ។លោក Sunak មានបំណងផ្លាស់ប្តូរទីតាំងអ្នកស្វែងរកសិទ្ធិជ្រកកោនរាប់ពាន់នាក់ដែលបានមកដល់ ចក្រភពអង់គ្លេសដោយគ្មានការអនុញ្ញាតក្នុងមួយឆ្នាំៗ ទៅកាន់ប្រទេសអាហ្វ្រិកខាងកើត។ ប៉ុន្តែរហូតមកដល់ពេលនេះ បញ្ហាប្រឈមផ្លូវច្បាប់ បានរារាំងអ្នកដែលនឹងត្រូវបានបញ្ជូនទៅទីនោះ ហើយដំបូងរដ្ឋាភិបាលរបស់ចក្រភពអង់គ្លេស ចាំបាច់ត្រូវអនុម័តច្បាប់ថ្មី។លោក Sunak សង្ឃឹមថា នឹងត្រួសត្រាយផ្លូវសម្រាប់រដ្ឋាភិបាលដើម្បីចាប់ផ្តើមដំណើរការនិរទេសជនអន្តោប្រវេសន៍ទៅកាន់ប្រទេសរ្វាន់ដា។ លោក Sunak ធ្លាប់បាននិយាយថា លោករំពឹងថាជើងហោះហើរដំបូងនឹងចាកចេញនៅនិទាឃរដូវ មុនពេលការបោះឆ្នោតរបស់ប្រទេស ដែលត្រូវបានរំពឹងទុកនៅឆមាសទីពីរនៃឆ្នាំនេះ។ច្បាប់ដែលព្យាយាមរារាំងបញ្ហាប្រឈមនានារបស់តុលាការចំពោះផែនការនេះ នឹងត្រូវបានលើកយកមកពិភាក្សាដេញដោល ក្នុងសភា នៅថ្ងៃទី ១៥ ខែមេសា។

បណ្ដាញសង្គម

ព័ត៌មានថ្មីៗ

ប្រាសាទព្រះវិហារ ប្រាសាទតាមាន់ និងប្រាសាទតាក្របី ត្រូវបានរៀបចំដាក់តាំងបង្ហាញនៅ «ភូមិហ្រ្វង់កូហ្វូនី» ដើម្បីបង្ហាញឱ្យថ្នាក់ដឹកនាំ និងភ្ញៀវអន្តរជាតិទស្សនា
11/12/2026 04:11 PM
Facebook Telegram Linkin
លោក Xi បញ្ជាក់​ថា ការបង្រួបបង្រួមតៃវ៉ាន់វិញ​ ត្រូវតែកើត​ឡើង​ ដ្បិត​ប្រវត្តិសាស្ត្រមិនអាចបញ្ឈប់បាន​ឡើយ
11/12/2026 04:11 PM
Facebook Telegram Linkin
កូរ៉េខាងត្បូងឃើញលទ្ធភាពតិចតួចនៃការ​មាន​ទំនាក់ទំនង រវាងអាមេរិក និងកូរ៉េខាងជើង នៅ​ APEC
11/12/2026 04:11 PM
Facebook Telegram Linkin
អង្គការ MSF៖ ការផ្ទុះ​ជំងឺអេបូឡា នៅកុងហ្គោ នៅតែមិនអាចគ្រប់គ្រងបាន​ ក្រោយ​រយៈពេល ៦ខែ
11/12/2026 04:11 PM
Facebook Telegram Linkin
ក្រុមលោក Eisenkot គ្រោងលុបចោលច្បាប់ចំនួន ៥ សម័យលោក Netanyahu មុនបង្កើត​រដ្ឋាភិបាលអ៊ីស្រាអែលថ្មី​
11/12/2026 03:11 PM
Facebook Telegram Linkin
ប្រមុខ​សន្តិសុខអ៊ីរ៉ង់ គំរាមវាយប្រហារមូលដ្ឋានទ័ពអាមេរិក នៅអឺរ៉ុប បើត្រូវបានប្រើសម្រាប់ប្រតិបត្តិ​ការ
11/12/2026 03:11 PM
Facebook Telegram Linkin
នគរបាលចាប់អនុវត្តបញ្ចៀសចរាចរណ៍រថយន្តធុនធ្ងន់ លើកំណាត់ផ្លូវ៦០ម៉ែត្រ ដើម្បី​ធានា​សន្តិសុខ ជូនគណៈប្រតិភូអន្តរជាតិ
11/12/2026 03:11 PM
Facebook Telegram Linkin
U17 កម្ពុជា បន្ដចាញ់អាហ្វហ្គានីស្ថាន ក្នុងវគ្គជម្រុះពាន AFC U17 Asian Cup 2027 នៅមីយ៉ាន់ម៉ា
11/12/2026 03:11 PM
Facebook Telegram Linkin
វិសាខា អាចផ្លាស់ប្ដូរគ្រូថ្មី ក្រោយតាំងតែលោក Scott Cooper ជានាយកផ្នែកកីឡា
11/12/2026 03:11 PM
Facebook Telegram Linkin
គណៈប្រតិភូមកពីទ្វីបនានាជុំវិញពិភពលោកបន្តមកដល់កម្ពុជាចូលរួមកិច្ចប្រជុំកំពូលហ្រ្វង់កូហ្វូនីលើកទី២០
11/12/2026 03:11 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.