នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់
សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់
ឯកឧត្តម ចាន់ ដារ៉ុង ដឹកនាំគណៈកម្មការ​អន្តរ​ក្រសួង​ចុះ​ពិនិត្យ​វាយ​តម្លៃ​បញ្ចប់​សុពល​ភាព​ការងារ​ថែ​ទាំ​ផ្លូវ​ខួបចំនួន ៣កំណាត់ ក្នុងខេត្តពោធិ៍សាត់
BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យ​នូវ​កិច្ច​ប្រជុំ​​វិសាមញ្ញ នៃ​គណៈកម្មាធិកា​រ​ព្រំដែន​ទូទៅកម្ពុជា-ថៃ

នយោបាយ​ និង ការអភិវឌ្ឍន៍

រាជរដ្ឋាភិបាលអំពាវនាវឲ្យភាគីពាក់ព័ន្ធបង្កើនល្បឿនទប់ស្កាត់ជំងឺរបេង បើទោះបីបច្ចុប្បន្នជំងឺនេះ មានការធ្លាក់ចុះក្តី

2024/03/23 11:25:51 am        132
Facebook Telegram Linkin
សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានអំពាវនាវដល់ភាគីពាក់ព័ន្ធទាំងអស់ គប្បីត្រូវបន្តយកចិត្តទុកដាក់បន្ថែមទៀត ក្នុងការបង្កើនល្បឿនប្រយុទ្ធនឹងជំងឺរបេង បើទោះបីបច្ចុប្បន្នកម្ពុជា មានការធ្លាក់ចុះច្រើននូវជំងឺនេះក៏ដោយ ប៉ុន្តែការងារប្រយុទ្ធប្រឆាំងនឹងជំងឺរបេងនេះនៅតែមានបញ្ហា ប្រឈមមួយចំនួនដដែល។តាមរយៈសារលិខិត ក្នុងឱកាសប្រារព្ធទិវាពិភពលោក កំចាត់រោគរបេង ក្រោមប្រធានបទ«មែន ហើយ!យើងអាចបញ្ចប់ជំងឺរបេងបាន» ដែលនឹងប្រព្រឹត្តទៅនាថ្ងៃទី២៤ ខែមីនា ឆ្នាំ២០២៤នេះ សម្តេចធិបតី ហ៊ុន ម៉ាណែត នាយករដ្ឋមន្រ្តី បានលើកឡើងថា កម្ពុជាបានសម្រេចសមិទ្ធផល​គួរជាទីមោទនៈក្នុង ការប្រយុទ្ធប្រឆាំងនឹងជំងឺរបេងអស់រយៈពេលប៉ុន្មានឆ្នាំកន្លងមកនេះ ខណៈ២០ឆ្នាំមុនកម្ពុជាស្ថិតនៅ ក្នុងចំណោមប្រទេសដែលមានអត្រាអ្នកកើតជំងឺរបេងខ្ពស់ជាងគេ នៅលើពិភពលោក តែក្នុងរយៈពេល យ៉ាងខ្លីកម្ពុជាបានក្លាយជាប្រទេសគំរូមួយ លើពិភពលោកចំពោះការងារកំចាត់ជំងឺរបេង យ៉ាងសកម្ម និង ប្រកបដោយប្រសិទ្ធភាព ដោយលទ្ធផលគាប់ប្រសើរនេះ គឺបានកើតចេញពីកិច្ចខិតខំប្រឹងប្រែងរួមគ្នារបស់ ប្រជាជាតិកម្ពុជា ដែលក្នុងនោះតាមរយៈការពង្រីកសេវាពិនិត្យ និងព្យាបាលពីរាជរដ្ឋាភិបាល។យ៉ាងណាក៏ដោយសម្តេចធិបតី នាយករដ្ឋមន្រ្តី បានលើកឡើងថា បើទោះបីជាកម្ពុជាទទួលបាន ជោគជ័យយ៉ាងនេះក៏ដោយ ក៏សម្តេចនៅតែយល់ថា ការងារប្រយុទ្ធប្រឆាំងនឹងជំងឺរបេងនេះនៅតែមាន បញ្ហាប្រឈមមួយចំនួន ដែលតម្រូវឲ្យភាគីទាំងអស់បង្កើនល្បឿននៃកិច្ចខិតខំប្រឹងប្រែងបំពេញកិច្ចការ បន្ថែមទៀត ដើម្បីកាត់បន្ថយជាអតិបរមានូវអត្រាឈឺ និងស្លាប់ដោយសារជំងឺរបេងស្របតាមគោលដៅអភិវឌ្ឍន៍ប្រកបដោយចីរភាពកម្ពុជា និងសកលលោក។សម្តេចបានបន្ថែមថា«ក្នុងស្មារតីនេះ យើងទាំងអស់គ្នាចាំបាច់ត្រូវបន្តជំរុញការយកចិត្តទុកដាក់ ដោះស្រាយបញ្ហាពាក់ព័ន្ធនឹងជំងឺរបេង ប្រកបដោយស័ក្តិសិទ្ធភាពនិងប្រសិទ្ធភាពខ្ពស់ ដើម្បីលើកកម្ពស់ សុខភាព និងគុណភាពនៃការរស់នៅរបស់ប្រជាពលរដ្ឋ ដែលជាអាទិភាពដ៏សំខាន់មួយក្នុងយុទ្ធសាស្រ្ត បច្ចកោណ ដំណាក់កាលទី១ របស់រាជរដ្ឋាភិបាលនីតិកាលទី៧ សំដៅរួមចំណែកក្នុងការអភិវឌ្ឍមូលធន មនុស្ស ដែលជាកត្តាចាំបាច់មិនអាចខ្វះបានក្នុងការអភិវឌ្ឍសង្គម-សេដ្ឋកិច្ចទាំងមូល»។ក្នុងសារលិខិតដដែលនេះដែរ សម្តេចធិបតី នាយករដ្ឋមន្រ្តីក៏បានអំពាវនាវឲ្យមានការខិតខំ ប្រឹងប្រែងបន្ថែមទៀត ក្នុងការស្រាវជ្រាវស្វែងរកជំងឺរបេងប្រកបដោយស្មារតីបុរេសកម្ម នៅតាមសហគមន៍ និងវត្តអារាម និងបន្តថែរក្សាឲ្យបានខ្ពស់នូវអត្រាព្យាបាលជោគជ័យនៃជំងឺឲ្យបានលើ៩០ភាគរយ និងខិត ខំកៀរគធនធានមនុស្សបន្ថែមទៀតសម្រាប់បម្រើឲ្យការងារប្រយុទ្ធជំងឺរបេងជាដើម។តាមរយៈសារលិខិតនេះដែរសម្តេចធិបតី ហ៊ុន ម៉ាណែត នាយករដ្ឋមន្រ្តី ក៏បានប្រកាសថ្លែងអំណរ គុណដល់ភាគីពាក់ព័ន្ធទាំងអស់ ទាំងក្នុងនិងក្រៅប្រទេស រួមទាំងមន្រ្តី បុគ្គលិកសុខាភិបាលនៅទូទាំងប្រ ទេសគ្រប់រូប ដែលបានចូលរួមចំណែកធ្វើឲ្យការងារកំចាត់ជំងឺរបេងទទួលបានជោគជ័យក្នុងពេលកន្លងមក និងសូមសម្តែងការគាំទ្រ ជាថ្មីម្តងទៀតដល់សកម្មភាពប្រយុទ្ធនឹងជំងឺរបេង នៅកម្ពុជាក៏ដូចជានៅ ទូទាំងពិភពលោកផងដែរ៕ អត្ថបទបាន ចក់

ក្លិបអ្នកកាសែត បើកវគ្គបណ្តុះបណ្តាលស្តីពី ”សារព័ត៌មាន និងសំណេរអត្ថបទ” ដល់អ្នកសារព័ត៌មាន

2024/03/23 10:52:32 am        151
Facebook Telegram Linkin
នៅថ្ងៃទី២៣ ខែមីនា ឆ្នាំ២០២៤នេះ ក្លិបអ្នកកាសែតកម្ពុជា (ក.អ.ក) បានបើកវគ្គបណ្តុះបណ្តាលស្តីពី ”សារព័ត៌មាន និងសំណេរអត្ថបទ” ដល់អ្នកសារព័ត៌មាន និងមន្រ្តីរាជការផ្នែកកិច្ចការព័ត៌មានចំនួន ៨០រូប មកពីស្ថាប័នផ្សេងគ្នា។វាគ្មិននៅថ្ងៃទី១ នៃវគ្គបណ្តុះបណ្តាលនេះ ទី១ លោក ពុយ គា ប្រធានក្លិបអ្នកកាសែតកម្ពុជា ធ្វើបទបង្ហាញពីរបៀបសរសេរព័ត៌មានបែបវិជ្ជាជីវៈប្រកបដោយក្រមសីលធម៌ វាគ្មិនទី២ លោក គី សុខលីម សហស្ថាបនិកសារព័ត៌មានឌីជីថលថ្មីៗ ធ្វើបទបង្ហាញអំពីការចាប់ «មុម» សរសេរព័ត៌មានខ្លីហើយខ្លឹម និងវាគ្មិនទី៣លោក Pierre Gillette អ្នកសារព័ត៌មានជើងចាស់បារាំង ធ្វើ​បទបង្ហាញពីការផលិតព័ត៌មានសម័យឌីជីថល។វគ្គបណ្តុះបណ្តាលខាងលើនេះធ្វើឡើងរយៈពេល២ថ្ងៃ គឺថ្ងៃទី២២-២៣ ខែមីនា ឆ្នាំ២០២៤ នៅ​សកល​វិទ្យាល័យ​អាមេរិកាំងភ្នំពេញ AUPP ក្នុងគោលបំណង ដើម្បីជួយពង្រឹងសមត្ថភាព​ដល់​អ្នកសារព័ត៌មាន និងមន្រ្តីរាជការផ្នែកកិច្ចការព័ត៌មានក្នុងការសរសេរព័ត៌មានឲ្យបានកាន់តែល្អ ទាក់ទាញ និងតាមវិជ្ជាជីវៈ។

រដ្ឋបាលខេត្តសៀមរាប ធ្វើតេស្តរកសារធាតុញៀនទៅលើមន្ត្រីក្នុងខេត្ត ទទួលបានលទ្ធផលអវិជ្ជមានទាំងអស់

2024/03/23 09:27:09 am        129
Facebook Telegram Linkin
រដ្ឋបាលខេត្តសៀមរាប បានសហការជាមួយការិយាល័យនគរបាលប្រយុទ្ធប្រឆាំងគ្រឿងញៀន នៃស្នងការនគរបាលខេត្ត បានរៀបចំធ្វើតេស្តទឹកនោមរកសារធាតុញៀនទៅលើថ្នាក់ដឹកនាំខេត្ត មន្ត្រីរាជការ មន្ត្រីកិច្ចសន្យា និងមន្ត្រីស្ម័គ្រចិត្ត ព្រមទាំងអ្នកអនាម័យដែលបម្រើការងារ នៅសាលាខេត្តសៀមរាប ចំនួន២៩៤នាក់ ស្រី១១៣នាក់ ដោយទទួលបានលទ្ធផលអវិជ្ជមានទាំងអស់។ សម្ដេចធិបតី ហ៊ុន ម៉ាណែត សម្ដែងការកោតសរសើរ ព្រមទាំងវាយតម្លៃខ្ពស់ដល់មន្ត្រីរាជការ និងមន្ត្រីកិច្ចសន្យានៃរដ្ឋបាលខេត្តសៀមរាប ​ដែលជាខេត្តទី៦ ដែលបានចូលរួមអនុវត្តបទបញ្ជា​របស់​រាជរដ្ឋាភិបាល ដោយស្ម័គ្រចិត្តធ្វើតេស្តរកសារធាតុញៀនខុសច្បាប់ និងទទួលបានលទ្ធផល​អវិជ្ជមាន។ សម្ដេចបញ្ជាក់ថា ការណ៍នេះ បានបង្ហាញពីភាពស្អាតស្អំ និងគំរូដ៏ល្អប្រសើរសម្រាប់សង្គម ដើម្បីរួមគ្នាប្រយុទ្ធប្រឆាំងនឹងគ្រឿងញៀនខុសច្បាប់ ឱ្យអស់ចេញពីកម្ពុជា ។

ក្រុមប្រឹក្សាភិបាលរបស់ IMF យល់ព្រមលើការទូទាត់ប្រាក់កម្ចីចំនួន ៨៨០លានដុល្លារ សម្រាប់អ៊ុយក្រែន

2024/03/22 02:29:36 pm        133
Facebook Telegram Linkin
មូលនិធិរូបិយវត្ថុអន្តរជាតិ (IMF) បាននិយាយថា ក្រុមប្រឹក្សាប្រតិបត្តិរបស់ខ្លួន កាលពីថ្ងៃព្រហស្បតិ៍ (២១ មីនា) បានអនុម័តការត្រួតពិនិត្យលើកទីបីនៃកម្មវិធីប្រាក់កម្ចីចំនួន ១៥,៦ ពាន់លានដុល្លាររបស់អ៊ុយក្រែន ដែលអនុញ្ញាតឱ្យបញ្ចេញទឹកប្រាក់ចំនួន ៨៨០ លានដុល្លារសម្រាប់ជំនួយថវិកា ហើយនាំមកនូវការបញ្ចេញសរុបដល់ចំនួន ៥,៤ ពាន់លានដុល្លារ។ស្ថាប័នផ្តល់ប្រាក់កម្ចីសកលមួយនេះបាននិយាយថា ហានិភ័យដែលប្រឈមមុខនឹងអ៊ុយក្រែននៅតែមានកម្រិតខ្ពស់ ជាពិសេសភាពមិនប្រាកដប្រជាជុំវិញសង្រ្គាមជាមួយរុស្ស៊ី និងការរំពឹងទុកសម្រាប់ហិរញ្ញវត្ថុពីខាងក្រៅ ខណៈប្រធានបេសកកម្មអ៊ុយក្រែន លោក ហ្កាវីន ហ្រ្កេ (Gavin Gray) បាននិយាយថា មូលនិធិនេះនៅតែរំពឹងថាសង្រ្គាមនៅអ៊ុយក្រែន នឹងចុះខ្សោយនៅចុងឆ្នាំ២០២៤ នេះ។លោក ហ្រ្កេ បានប្រាប់អ្នកយកព័ត៌មានថា លទ្ធផលការងារជារួមរបស់អ៊ុយក្រែន លើកម្មវិធី «មូលនិធិពង្រីកបន្ថែម» របស់ខ្លួនជាមួយ IMF នៅតែរឹងមាំជាងឆ្នាំដំបូងរបស់ខ្លួន ហើយទីក្រុងគីវ បានបំពេញតាមលក្ខណៈវិនិច្ឆ័យនៃការអនុវត្តបរិមាណទាំងអស់ លើកលែងតែការខកខានទាក់ទងនឹងចំណូលពន្ធ ប៉ុន្តែពាក់ព័ន្ធនឹងចំនួនទឹកប្រាក់តិចតួចប៉ុណ្ណោះ។IMF បាននិយាយថាកម្មវិធីប្រាក់កម្ចីរបស់ខ្លួនបានបន្តផ្តល់យុថ្កាដ៏រឹងមាំសម្រាប់កម្មវិធីសេដ្ឋកិច្ចរបស់អ៊ុយក្រែន ដែលនៅតែដើរទៅមុខ ទោះបីជាមានស្ថានភាពលំបាកខ្លាំងដោយសារតែសង្គ្រាមរបស់រុស្ស៊ី នៅអ៊ុយក្រែន ដែលឥឡូវនេះស្ថិតនៅក្នុងឆ្នាំទីបីរបស់ខ្លួនក៏ដោយ៕

កាណាដា គ្រោងនឹងកាត់បន្ថយចំនួនអ្នកស្នាក់នៅបណ្តោះអាសន្ន និងទប់ស្កាត់លំហូរចូលនៃអន្តោប្រវេសន៍

2024/03/22 02:26:05 pm        135
Facebook Telegram Linkin
រដ្ឋមន្ត្រីក្រសួងអន្តោប្រវេសន៍ លោក ម៉ាក មីលឡឺ (Marc Miller) បាននិយាយកាលពីថ្ងៃព្រហស្បតិ៍ (២ មីនា) ថា ប្រទេសកាណាដា គ្រោងនឹងកាត់បន្ថយចំនួនអ្នកស្នាក់នៅបណ្តោះអាសន្នរបស់ខ្លួន និងដាក់កម្រិតលើការធ្វើអន្តោប្រវេសន៍បណ្តោះអាសន្នជាលើកដំបូងដែលមិនធ្លាប់មាន។ក្នុងរយៈពេលប៉ុន្មានឆ្នាំចុងក្រោយនេះ ប្រទេសកាណាដា បានមើលឃើញកំណើនយ៉ាងខ្លាំងនៃនិស្សិតអន្តរជាតិ ពលករបរទេស និងអ្នកស្នាក់នៅបណ្តោះអាសន្នផ្សេងទៀត ដែលចូលក្នុងប្រទេសនេះដោយទិដ្ឋាការដែលមានកំណត់ពេលវេលា ខណៈដែលរដ្ឋាភិបាលរបស់លោកនាយករដ្ឋមន្ត្រី ចាស្ទីន ទ្រូដូ (Justin Trudeau) ពឹងផ្អែកលើការធ្វើអន្តោប្រវេសន៍ដើម្បីជំរុញកំណើនសេដ្ឋកិច្ច និងបំពេញកង្វះខាតពលកម្ម។ប៉ុន្តែរដ្ឋាភិបាលសេរីនិយមនេះ ក៏បានស្ថិតក្រោមសម្ពាធនយោបាយសម្រាប់គោលនយោបាយអន្តោប្រវេសន៍របស់ខ្លួនផងដែរ ជាមួយនឹងការរិះគន់ថា ពួកគេបានធ្វើឱ្យមានវិបត្តិលំនៅដ្ឋានកាន់តែធ្ងន់ធ្ងរ។ សេវាមួយចំនួនដែលផ្តល់ដោយខេត្ត ដូចជាការអប់រំ និងការថែទាំសុខភាព ក៏កំពុងជួបការលំបាកផងដែរ ដើម្បីទប់ទល់នឹងកំណើនប្រជាជនដ៏លើសលប់នេះ។លោក មីលឡឺ បាននិយាយថា រដ្ឋាភិបាលចង់កាត់បន្ថយចំនួនអ្នកស្នាក់នៅបណ្តោះអាសន្នមកត្រឹម ៥ ភាគរយនៃចំនួនប្រជាជនសរុបក្នុងរយៈពេល ៣ ឆ្នាំខាងមុខ ពីចំនួន ៦,៥ ភាគរយក្នុងឆ្នាំ២០២៣។ នោះនឹងជាការកាត់បន្ថយប្រហែល ២០ ភាគរយពីអ្នកស្នាក់នៅបណ្តោះអាសន្នចំនួន ២,៥ លាននាក់របស់ប្រទេសកាណាដា ក្នុងឆ្នាំ២០២៣៕

មេដឹកនាំសហភាពអឺរ៉ុប អញ្ជើញប្រទេសបូស្នី ឱ្យចូលរួមកិច្ចចរចាសមាជិកភាព ក្នុងជំហានប្រវត្តិសាស្ត្រ

2024/03/22 01:56:22 pm        75
Facebook Telegram Linkin
បណ្ដាមេដឹកនាំសហភាពអឺរ៉ុប បានព្រមព្រៀងគ្នាកាលពីថ្ងៃព្រហស្បតិ៍ (២១ មីនា) ក្នុងការអញ្ជើញប្រទេសបូស្នី ឱ្យចូលរួមការចរចាសមាជិកភាពបើកចំហសហភាពអឺរ៉ុប ខណៈពេលដែលបានសង្កត់ធ្ងន់ផងដែរថាប្រទេសតំបន់បាល់កង់មួយនេះ នឹងត្រូវធ្វើកំណែទម្រង់បន្ថែមទៀតមុនពេលកិច្ចចរចាអាចចាប់ផ្តើម។លោក ឆាលស៍ មីឆែល (Charles Michel) ប្រធានក្រុមប្រឹក្សាអឺរ៉ុបនៃមេដឹកនាំសហភាពអឺរ៉ុប បានប្រាប់បូស្នី នៅក្នុងការបង្ហោះលើបណ្ដាញសង្គម X បន្ទាប់ពីបានប្រកាសការសម្រេចដែលបានធ្វើឡើងនៅក្នុងកិច្ចប្រជុំកំពូលនៅទីក្រុងព្រុចសែល ថា «សូមអបអរសាទរ! តំណែងរបស់អ្នកគឺស្ថិតនៅក្នុងគ្រួសារអ៊ឺរ៉ុបរបស់យើង»។ការសម្រេចនេះត្រូវបានគេមើលឃើញយ៉ាងទូលំទូលាយថាជាជំហានប្រវត្តិសាស្ត្រសម្រាប់បូស្នី ដោយបង្កើនក្តីសង្ឃឹមថាប្រទេសនេះអាចដើរហួសពីអស្ថិរភាព ដែលត្រូវបានបង្កើតឡើងដោយគូប្រជែងជនជាតិភាគតិច និងការគំរាមកំហែងផ្នែកអបគមន៍ ជិត ៣ ទសវត្សរ៍បន្ទាប់ពីការបញ្ចប់នៃសង្រ្គាមដ៏មហន្តរាយមួយ។បូស្នី បានចាប់យកឱកាសពីការបើកចំហថ្មីសម្រាប់ការពង្រីកសហភាពអឺរ៉ុប ក្នុងចំណោមមន្ត្រីសហភាពអឺរ៉ុប ដែលបាននិយាយថា ការលុកលុយរបស់រុស្ស៊ីនៅឆ្នាំ២០២២ លើអ៊ុយក្រែន បានបង្ហាញពីគ្រោះថ្នាក់នៃការមាន «តំបន់ពណ៌ប្រផេះ» ដែលអស្ថិរភាព ដោយមហាអំណាចបរទេសនៅតាមព្រំដែនរបស់សហភាពអឺរ៉ុប៕

ប្រជាជនហ្កាហ្សា កាន់តែគាំទ្រដំណោះស្រាយរដ្ឋពីរ ខណៈដែលការគាំទ្រសម្រាប់ក្រុមហាម៉ាស កំពុងធ្លាក់ចុះ

2024/03/22 01:47:05 pm        105
Facebook Telegram Linkin
ការគាំទ្រសម្រាប់ក្រុមហាម៉ាសជាគណបក្សនយោបាយមួយ បានធ្លាក់ចុះដល់ ៣៤ភាគរយ ក្នុងចំណោមប្រជាជនប៉ាឡេស្ទីន នៅតំបន់ហ្កាហ្សា និងតំបន់វេសបែងដែលគ្រប់គ្រងដោយអ៊ីស្រាអែល ជាការធ្លាក់ចុះ ១២ពិន្ទុ ពីខែធ្នូ ឆ្នាំ២០២៣ នេះបើយោងតាមការស្ទង់មតិដែលចេញផ្សាយកាលពីថ្ងៃពុធ ដោយវិទ្យាស្ថានស្រាវជ្រាវប៉ាឡេស្ទីនឈានមុខគេមួយ។ខណៈពេលដែលសង្រ្គាម កំពុងបំផ្លាញទស្សនៈរបស់ជនជាតិប៉ាឡេស្ទីនចំពោះក្រុមហាម៉ាស ជាស្ថាប័នគ្រប់គ្រងនៅតំបន់ហ្កាហ្សា ការគាំទ្រជាក់ស្តែងនៅតែមានកម្រិតខ្ពស់សម្រាប់តួនាទីរបស់ក្រុមសកម្មប្រយុទ្ធ នៅក្នុងសង្គ្រាម។ ចំនួន៧០ភាគរយនៃប្រជាជនប៉ាឡេស្ទីន បាននិយាយថា ពួកគេ «ពេញចិត្ត»នឹងការធ្វើសង្រ្គាមរបស់ហាម៉ាស បើប្រៀបធៀបទៅនឹងអង្គភាពប៉ាឡេស្ទីនផ្សេងទៀត ដូចជាគូប្រជែងនយោបាយរបស់ខ្លួនគឺFatah ដែលមេដឹកនាំដែលពុំមានប្រជាប្រិយភាពគឺ លោកម៉ាខ្មូដ អាបាស(Mahmoud Abbas) គ្រប់គ្រងតំបន់វេសបែង។ ការវាយប្រហារកាលពីថ្ងៃទី៧ ខែតុលារបស់ក្រុមហាម៉ាស បានបង្កឲ្យមានសង្គ្រាមជាមួយអ៊ីស្រាអែល ដែលរហូតមកទល់ពេលនេះ បានសម្លាប់មនុស្សជាង ៣១.000នាក់ នៅតំបន់ហ្កាហ្សា នេះបើយោងតាមក្រសួងសុខាភិបាលនៃដែនដីនេះ។ការស្ទង់មតិ ត្រូវបានធ្វើឡើងដោយផ្ទាល់ពីថ្ងៃទី៥ ខែមីនាដល់ថ្ងៃទី១០ ខែមីនា នៅដើមខែទី៥ នៃសង្គ្រាមដែលមានទំហំគំរូអ្នកបោះឆ្នោតសរុប១៥៨០នាក់ គឺ៨៣០នាក់នៃអ្នកដែលបានបោះឆ្នោត រស់នៅក្នុងតំបន់វេសបែង និង៧៥០នាក់ នៅតំបន់ហ្កាហ្សាស្ទ្រីប ដោយមជ្ឈមណ្ឌលស្រាវជ្រាវគោលនយោបាយ និងស្រាវជ្រាវស្ទង់មតិប៉ាឡេស្ទីន (PSR) ជាអង្គការស្ទង់មតិឯករាជ្យ ដែលមានមូលដ្ឋាននៅទីក្រុងរ៉ាម៉ាឡា ដែលមានអ្នកស្ទង់មតិជាច្រើនន នៅទូទាំងតំបន់ហ្កាហ្សា។ មជ្ឈមណ្ឌលនេះ បានធ្វើការស្ទង់មតិសាធារណៈ នៅក្នុងទឹកដីប៉ាឡេស្ទីនរៀងរាល់ត្រីមាស ចាប់តាំងពីទសវត្សរ៍ឆ្នាំ១៩៩០។ក្នុងអំឡុងពេលឈានទៅដល់ការស្ទង់មតិនេះ កងកម្លាំងអ៊ីស្រាអែល បានឈានទៅដល់កណ្តាលតំបន់ហ្កា ហ្សា ការភ័យខ្លាចមានកម្រិតខ្ពស់នៃការលុកលុយយោធាចូលទៅក្នុងទីក្រុងរ៉ាហ្វាភាគខាងត្បូង ដែលមានប្រជាជនប្រហែល១,៥លាននាក់ កំពុងជ្រកកោន ហើយវិបត្តិមនុស្សធម៌ បានឈានដល់កម្រិតទាបថ្មី ខណៈដែលអ្នកដែលងាយរងគ្រោះបំផុត បានចាប់ផ្តើមស្លាប់ដោយការស្រេកឃ្លាន និងការចរចាសុំបទឈប់បាញ់មួយមុនខែរ៉ាម៉ាដាន កំពុងផ្ទុះឡើង ប៉ុន្តែនៅតែផ្តល់នូវក្តីសង្ឃឹមមិនច្បាស់លាស់។

ប្រធានរដ្ឋសភាថៃ កោតសរសើរភាពរីកចម្រើនរបស់កម្ពុជា​បើប្រៀបធៀបពីមុន គឺខុសគ្នាដូចមេឃ និងដី

2024/03/22 12:32:31 pm        113
Facebook Telegram Linkin
ឯកឧត្តម វ៉ាន់មូហាម៉ាត់ណមៈថា (Wan Muhamad Noor Matha) ប្រធានរដ្ឋសភា​នៃ​ព្រះរាជា​ណា​ច​ក្រថៃ បានថ្លែងកោសរសើរភាពរីកចម្រើនរបស់ប្រទេសកម្ពុជា ដោយលោកមើលឃើញថា បើ​ប្រៀប​ធៀបពី មុនគឺខុសគ្នាដូចមេឃ និងដី។ការលើកឡើងរបស់ប្រធានរដ្ឋសភាថៃរូបនេះគឺបានធ្វើឡើង នៅក្នុងកិច្ច​ជំនួបជាមួយ​សម្តេច​វិបុល​សេនា​ភក្តី សាយ ឈុំ ប្រមុខរដ្ឋស្តីទី នាព្រឹកថ្ងៃទី២២ ខែមីនា ឆ្នាំ២០២៤នេះ នៅវិមាន​ព្រឹទ្ធសភា​។ ឯកឧត្តម បានថ្លែងថា ការវិនិយោគទុនរវាងប្រទេសទាំងពីរ(កម្ពុជា-ថៃ)​មាន​ការ​កើន​ឡើង​ជា​លំដាប់ ព្រមទាំងមានទំនាក់ទំនងនិងកិច្ចសហប្រតិបត្តិការកាន់តែល្អប្រសើរឡើងលើគ្រប់វិស័យ ហើយ​ឯកឧត្តម «បានវាយតម្លៃខ្ពស់ចំពោះការរីកចម្រើនរបស់ប្រទេសកម្ពុជា ចាប់តាំងពីពេលមុន និ​ង​ក្រោយវិបត្តិកូវីដ-១៩ ធ្វើឱ្យប្រទេស​កម្ពុជា​មាន​ការ​រីក​ចម្រើន​ជា​ខ្លាំង​ខុស​ពី​មុន​ប្រៀប​ដូច​មេឃ​និងដី​»។ឯកឧត្ដមប្រធានរដ្ឋសភាថៃ បានគូសបញ្ចាក់ទៀតថា សភានៃប្រទេសទាំងពីរ មានក្រុមមិត្តភាព និង​ទំនាក់ទំនង និងកិច្ចសហប្រតិបត្តិការយ៉ាងល្អប្រសើរជាមួយគ្នា និងសូមឱ្យទំនាក់​ទំនង​ស្ថាប័ន​នីតិប្បញ្ញត្តិ​នៃ​ប្រទេសទាំងពីរ បន្តពង្រឹងពង្រីកទំនាក់ទំនង និងកិច្ចសហប្រតិបត្តិការ​គ្នា​ឱ្យកាន់​តែ​សកម្ម​ថែម​ទៀត ដើម្បីបុព្វហេតុរួមនៃប្រទេស និងប្រជាជនទាំងពីរ។ ឯកឧត្ដម​បាន​ចាត់​ទុក​ប្រទេស​ថៃ និងប្រទេសកម្ពុជា គឺជាបងប្អូន ជាអ្នកជិតខាងល្អ ជាមិត្តល្អ ដូចសុភា​សិត​ថៃ​លើក​ឡើង​ថា មានមិត្តល្អម្នាក់នៅជិត ប្រសើរជាងមានមិត្តល្អ១០នាក់នៅឆ្ងាយ។ថ្លែងនៅ​ក្នុងកិច្ចជំនួបនោះដែរ សម្តេចវិបុលសេនាភក្តី សាយ ឈុំ បានលើកឡើង​ថា​ដំណើរ​ទស្សន​កិច្ច​រប​ស់គណៈប្រតិភូ នៅកម្ពុជានាឱកាសនេះ ពិតជាបានរួមចំណែកថែរក្សាពូនជ្រំចំណង មិត្តភាព សាមគ្គីភាព និងកិច្ចសហប្រតិបត្តិការជាប្រពៃណីដ៏ល្អដែលមានស្រាប់រវាងប្រជាជន និង​ប្រទេស​ទាំង​ពីរឱ្យកាន់តែរឹងមាំ និងស៊ីជម្រៅ នាំមកនូវផលប្រយោជន៍ដ៏ធំធេងទៅវិញទៅមក ទាំង​ពេលបច្ចុប្បន្ន និងពេលអនាគត។សម្តេច​ប្រមុខរដ្ឋស្តីទី បានបន្ថែមទៀតថា កម្ពុជា និងថៃ មានទំនាក់ទំនងគ្នាល្អជាបន្តបន្ទាប់ និង​បាន​ដំឡើង​កម្រិតទៅជា “ភាពជាដៃគូយុទ្ធសាស្រ្ត” ដើម្បីបម្រើផល​ប្រយោជន៍​ទៅ​វិញ​ទៅ​មក​សម្រាប់​ប្រជាជន​ទាំងពីរ។ ប្រទេសទាំងពីរប្រកាន់របបនយោបាយរាជានិយម មានព្រះមហាក្សត្រ​គ្រង​ព្រះបរមសិរីរាជ្យសម្បត្តិ មានប្រពៃណី វប្បធម៌ មានព្រំដែនជាប់គ្នា និងប្រើប្រាស់​ប្រភព​ទឹក​ទន្លេ​មេគង្គ​ដូចគ្នា។ ភាពដូចគ្នាទាំងនេះ ធ្វើឱ្យប្រជាជនទាំងពីរ មានមនោស​ញ្ចេត​នា​ស្រឡាញ់​រាប់​អាន​គ្នា​ដ៏ជ្រាលជ្រៅ។ជាមួយគ្នានោះដែរសម្តេចប្រមុខរដ្ឋស្តីទីបានថ្លែងនូវអំណរព្រះគុណដ៏ជ្រាលជ្រៅចំពោះព្រះរាជហឫទ័យ ដ៏ទូលំទូលាយ របស់ព្រះអង្គម្ចាស់ក្សត្រីមហាចក្រី សិរិនថន ដែលបាន​ជួយ​បង្កើតវិ​ទ្យាស្ថាន​បច្ចេក​វិទ្យាកំពង់ឈើទាល និងវិទ្យាស្ថានបច្ចេកវិទ្យាកំពង់ស្ពឺ និងបានផ្តល់អាហារូបករ​ណ៍​ជា​បន្ត​បន្ទាប់ដល់និស្សិតកម្ពុជា ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងបណ្ឌិត ប្រមាណជាង៣ពាន់នាក់។សម្តេចប្រមុខរដ្ឋស្តីទីបានអបអរសារចំពោះរដ្ឋាភិបាលទាំងពីរ និងគាំទ្រគំនិតផ្តួចផ្តើម “ព្រះ​រាជា​ណា​ចក្រ​ពីរ គោលដៅតែមួយ” ហើយខិតខំជំរុញឱ្យអាជ្ញាធរខេត្តនៃប្រទេសទាំងពីរ បន្តសម្រួល​ការ​ធ្វើ​ដំណើរឆ្លងដែនរវាងប្រទេសទាំងពីរ និងអ្នកទេសចរមកពីប្រទេសទី៣ ហើយ​លើក​កម្ពស់​ទេសចរណ៍ តាមផ្លូវសមុទ្ររវាងប្រទេសទាំងពីរ។ សម្តេចបានវាយតម្លៃខ្ពស់ និងគាំទ្រចំពោះគំនិត​ផ្តួច​ផ្តើម​របស់​នាយករដ្ឋមន្រ្តីថៃ “ប្រទេស៥ គោលដៅតែមួយ” រួមមាន៖ ប្រទេសថៃ កម្ពុជា ឡាវ វៀតណាម និងម៉ាឡេស៊ី ដើម្បីលើកកម្ពស់ទេសចរណ៍ និងការតភ្ជាប់ប្រជាជននិងប្រជាជន៕ អត្ថបទ៖ បាន ចក់ 

មហាសន្និបាតអង្គការសហប្រជាជាតិ ប្រកាសឆ្នាំ២០២៥ ជាឆ្នាំសន្តិភាពនិងទំនុកចិត្ត អន្តរជាតិ

2024/03/22 11:43:01 am        87
Facebook Telegram Linkin
មហាសន្និបាតអង្គការសហប្រជាជាតិ កាលពីថ្ងៃព្រហស្បតិ៍ បានអនុម័តសេចក្តីសម្រេចមួយ ដើម្បីប្រកាសឆ្នាំ ២០២៥ ជាឆ្នាំនៃសន្តិភាព និងទំនុកចិត្ត អន្តរជាតិ។សេចក្តីសម្រេចនេះ អំពាវនាវឱ្យសហគមន៍អន្តរជាតិដោះស្រាយជម្លោះតាមរយៈកិច្ចសន្ទនា និងការចរចារួម ដើម្បីធានាបានការពង្រឹងសន្តិភាព និងទំនុកចិត្ត លើទំនាក់ទំនងរវាងរដ្ឋសមាជិកអង្គការសហប្រជាជាតិ ជាតម្លៃមួយដែលជំរុញការអភិវឌ្ឍប្រកបដោយចីរភាព សន្តិភាព និងសន្តិសុខ និងសិទ្ធិមនុស្ស។វាក៏ជំរុញទឹកចិត្តដល់រដ្ឋសមាជិកទាំងអស់ អង្គការនៃប្រព័ន្ធអង្គការសហប្រជាជាតិ និងអង្គការអន្តរជាតិ តំបន់ និងអនុតំបន់ ព្រមទាំងភាគីពាក់ព័ន្ធដទៃទៀត ឱ្យអនុវត្តឆ្នាំអន្តរជាតិនេះក្នុងលក្ខណៈសមស្រប និងផ្សព្វផ្សាយពីអត្ថប្រយោជន៍នៃសន្តិភាព និងទំនុកចិត្ត។មហាសន្និបាត បានអញ្ជើញអង្គការអប់រំ វិទ្យាសាស្ត្រ និងវប្បធម៌របស់អង្គការសហប្រជាជាតិ និងផ្នែកកិច្ចការនយោបាយ និងការកសាងសន្តិភាពនៃលេខាធិការដ្ឋានអង្គការសហប្រជាជាតិ ដើម្បីជួយសម្រួលដល់ការអនុវត្តឆ្នាំអន្តរជាតិ។នៅក្នុងសេចក្តីសម្រេចដាច់ដោយឡែកមួយ មហាសន្និបាតបានប្រកាសថ្ងៃទី ១៥ ខែវិច្ឆិកា ជាទិវាអន្តរជាតិសម្រាប់ការទប់ស្កាត់ និងប្រយុទ្ធប្រឆាំង រាល់ទម្រង់នៃឧក្រិដ្ឋកម្មឆ្លងដែន។មហាសន្និបាត បានអញ្ជើញការិយាល័យអង្គការសហប្រជាជាតិទទួលបន្ទុកគ្រឿងញៀន និងឧក្រិដ្ឋកម្ម ក្នុងការសហការជាមួយអង្គភាពពាក់ព័ន្ធផ្សេងទៀត ដើម្បីជួយសម្រួលដល់ការអនុវត្តទិវាអន្តរជាតិ។

អាមេរិក៖ ចិនកំពុងកសាងកម្លាំងយោធាក្នុងកម្រិតមិនធ្លាប់ឃើញតាំងពីសង្គ្រាមលោកលើកទី២ និងអាចវាយប្រហារកោះតៃវ៉ាន់នៅឆ្នាំ២០២៧

2024/03/22 11:39:25 am        147
Facebook Telegram Linkin
ឧត្តមនាវីឯកអាមេរិក លោក ចន អាគីលីណូ (John Aquilino) បាននិយាយថា ឥទ្ធិពលយោធារបស់ចិនកំពុងកើនឡើងក្នុងកម្រិតមួយដែលមិនធ្លាប់បានឃើញ ចាប់តាំងពីសង្គ្រាមលោកលើកទីពីរមក។ លោកបាននិយាយថា កត្តានោះធ្វើឱ្យចិនដើរនៅលើផ្លូវឆ្ពោះទៅរកគោលដៅរបស់ខ្លួនក្នុងការត្រៀមខ្លួន វាយលុកក្រសោបយកកោះតៃវ៉ាន់នៅត្រឹមឆ្នាំ២០២៧ ។ លោក អាគីលីណូ ប្រធានទីបញ្ជាការឥណ្ឌូ-ប៉ាស៊ីហ្វិករបស់សហរដ្ឋអាមេរិក ដែលជិតអស់ណត្តិ បានជំរុញឱ្យទីក្រុងវ៉ាស៊ីនតោន ពន្លឿនការអភិវឌ្ឍន៍យោធា។ ឧត្តមនាវីទោ លោក ចន អាគីលីណូ មកពីអង្គភាពកងទ័ពជើងទឹកអាមេរិក បាននិយាយថា ការកសាងកម្លាំងយោធាយ៉ាងឆាប់រហ័សរបស់ចិន គឺមានទំហំធំជាងអ្វីដែលធ្លាប់បានឃើញចាប់តាំងពីសង្គ្រាមលោកលើកទី ២ ដែលមានន័យថា ប្រទេសនេះស្ថិតនៅលើផ្លូវគោលដៅ វាយក្រសោបយកកោះតៃវ៉ាន់ នៅឆ្នាំ ២០២៧ ។លោក អាគីលីណូ បានសរសេរនៅក្នុងសក្ខីកម្មមួយទៅកាន់គណៈកម្មាធិការសភាសេវាកម្មសព្វាវុធរបស់សហរដ្ឋអាមេរិកថា ការចង្អុលបង្ហាញទាំងអស់ ចង្អុលទៅកាន់កិច្ចប្រជុំរបស់កងទ័ពរំដោះប្រជាជនចិន( PLA)ក្រោមការណែនាំរបស់លោកប្រធានាធិបតីចិន Xi Jinping ដើម្បីត្រៀមខ្លួនវាយលុកកោះតៃវ៉ាន់នៅឆ្នាំ ២០២៧ ។ លោក អាគីណូ បានប្រាប់សមាជិកសភាក្នុងសវនាការកាលពីថ្ងៃពុធថា លោកក៏ជឿជាក់ផងដែរថា ប្រទេសចិននៅតែសង្ឃឹមថានឹងក្របួចយកកោះតៃវ៉ាន់ដោយគ្មានសង្គ្រាម បើទោះបីជាទីក្រុងប៉េកាំងកំពុងខិតជិតយ៉ាងលឿនឆ្ពោះទៅរកលទ្ធភាពសម្រាប់ការវាយលុកលើកោះនេះក៏ដោយ៕

បណ្ដាញសង្គម

ព័ត៌មានថ្មីៗ

ព្រះសង្ឃ និងពុទ្ធបរិសទ្ធនៅសៀមរាប រួមគ្នាយកអំណោយចែកជូនវីរកងទ័ពនៅព្រំដែនកម្ពុជា-ថៃ
08/17/2025 05:08 PM
Facebook Telegram Linkin
សម្ដេច ម៉ែន សំអន អញ្ជើញចូលថ្វាយបង្គំ ថ្វាយភួងផ្កា ថ្វាយរបាំ ដល់ព្រះប្រតិមាទើបប្រទះឃើញ នៅសារមន្ទីរខេត្តកំពង់ធំ
08/17/2025 04:08 PM
Facebook Telegram Linkin
សម្តេច ម៉ែន សំអន អញ្ជើញបួងសួងសុំសេចក្តីសុខ សេចក្តីចម្រើនជូនជាតិ និងប្រជាពលរដ្ឋ នៅប្រាសាទសំបូរព្រៃគុក
08/17/2025 04:08 PM
Facebook Telegram Linkin
លោក Trump នឹងជួបលោកZelensky នៅអាមេរិក បន្ទាប់ពីកិច្ចពិភាក្សាដោយជោគជ័យ ជាមួយលោក Putin
08/17/2025 03:08 PM
Facebook Telegram Linkin
ចំនួនអ្នកស្លាប់កើនឡើង ខណៈចំហេះព្រៃនៅតែបន្តឆាបឆេះពាសពេញអឺរ៉ុបភាគខាងត្បូង
08/17/2025 03:08 PM
Facebook Telegram Linkin
ទឹកជំនន់នៅភាគខាងជើងប្រទេសចិន សម្លាប់មនុស្ស៨នាក់ និងបាត់ខ្លួន៤នាក់
08/17/2025 02:08 PM
Facebook Telegram Linkin
បណ្ដាប្រទេសអារ៉ាប់ និងឥស្លាម ថ្កោលទោសការលើកឡើងរបស់លោក Netanyahu ដែលចង់ពង្រីកអ៊ីស្រាអែលកាន់តែអស្ចារ្យ
08/17/2025 01:08 PM
Facebook Telegram Linkin
BREAKING NEWS! រញ្ជួយដីដ៏ខ្លាំងក្លាវាយប្រហារឥណ្ឌូនេស៊ី បានបណ្តាលឲ្យមនុស្សរាប់សិបនាក់រងរបួស និងពីរនាក់របួសធ្ងន់
08/17/2025 01:08 PM
Facebook Telegram Linkin
ពលរដ្ឋខ្មែរនិងព្រះសង្ឃ ជាង ១០០០អង្គ/នាក់ ជួបជុំគ្នាបាតុកម្ម សុំឱ្យសហគមន៍អន្តរជាតិ អន្តរាគមន៍ឱ្យប្រទេសថៃ គោរពបទឈប់បាញ់ និងដោះលែងកងទ័ពកម្ពុជាដោយឥតលក្ខខណ្ឌ
08/17/2025 01:08 PM
Facebook Telegram Linkin
មន្ត្រីសង្ឃខេត្តសៀមរាប នាំយកជំនួយសប្បុរសជននៅអាមេរិក ជូនកងទ័ពជួរមុខ ក្នុងខេត្តឧត្តរមានជ័យ
08/17/2025 01:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.