នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់
សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់
ឯកឧត្តម ចាន់ ដារ៉ុង ដឹកនាំគណៈកម្មការ​អន្តរ​ក្រសួង​ចុះ​ពិនិត្យ​វាយ​តម្លៃ​បញ្ចប់​សុពល​ភាព​ការងារ​ថែ​ទាំ​ផ្លូវ​ខួបចំនួន ៣កំណាត់ ក្នុងខេត្តពោធិ៍សាត់
BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យ​នូវ​កិច្ច​ប្រជុំ​​វិសាមញ្ញ នៃ​គណៈកម្មាធិកា​រ​ព្រំដែន​ទូទៅកម្ពុជា-ថៃ

នយោបាយ​ និង ការអភិវឌ្ឍន៍

សម្ដេចធិបតី ចាត់ទុកលទ្ធផលបោះឆ្នោតព្រឹទ្ធសភា បង្ហាញពីភាពចាស់ទុំផ្នែកនយោបាយ និងលទ្ធិប្រជាធិបតេយ្យនៅកម្ពុជា

2024/03/15 12:37:01 pm        97
Facebook Telegram Linkin
សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានចាត់ទុកលទ្ធផលផលនៃការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ ឆ្នាំ២០២៤នេះ គឺបានប្រព្រឹត្តទៅប្រកបដោយភាពចាស់ទុំ និងលទ្ធិប្រជាធិបតេយ្យ ដែលនេះបានបង្ហាញយ៉ាងច្បាស់ពីកត្តាសុខសន្ដិភាពរបស់ប្រទេសកម្ពុជា។ សម្ដេចធិបតី នាយករដ្ឋមន្រ្ដី មានប្រសាន៍បញ្ជាក់បែបនេះ ក្នុងឱកាសអញ្ជើញជាអធិបតីដឹកនាំកិច្ចប្រជុំពេញអង្គគណៈរដ្ឋមន្រ្តី នៅព្រឹកថ្ងៃទី១៥ ខែមីនា ឆ្នាំ២០២៤ នៅវិមានសន្តិភាព។ សម្តេចធិបតី ថ្លែងថា ការបោះឆ្នោតព្រឹទ្ធសភា នីតិកាលទី៥ ដែលបានប្រព្រឹត្តទៅដោយ ជោគជ័យកាលពីថ្ងៃទី២៥ ខែកុម្ភៈ ឆ្នាំ២០២៤ ដោយមានគណបក្ស ៤ ចូលរួមប្រកួតប្រជែង និងមានអង្គបោះឆ្នោតចូលរួម រហូតដល់ ៩៩,៨៦%។ សម្តេចធិបតីបន្តថា លទ្ធផលនៃការបោះឆ្នោតព្រឹទ្ធសភា បានបង្ហាញពីភាពចាស់ទុំផ្នែក នយោបាយ និងវឌ្ឍនភាពនៃការអនុវត្តលទ្ធិប្រជាធិបតេយ្យនៅកម្ពុជា។សម្តេចធិបតី ហ៊ុន ម៉ាណែត ក៏បានវាយតម្លៃខ្ពស់ និងអរគុណដល់គ្រប់ភាគីពាក់ព័ន្ធទាំងអស់​ជា​ពិសេស គណៈកម្មាធិការជាតិរៀបចំការបោះឆ្នោត និងអាជ្ញាធរដែនដីគ្រប់លំដាប់ថ្នាក់​ដែលបាន​សហការចូលរួម និងញ៉ាំងឱ្យព្រឹត្តិការណ៍ជាតិដ៏សំខាន់នេះប្រព្រឹត្តទៅដោយរលូន សេរី យុត្តិធម៌ អហិង្សា ត្រឹមត្រូវនិងតម្លាភាព៕

ប្រធានាធិបតីបារាំង និយាយថា អឺរ៉ុបត្រូវតែត្រៀមខ្លួនសម្រាប់សង្គ្រាម ប្រសិនបើចង់បានសន្តិភាព

2024/03/15 12:20:59 pm        92
Facebook Telegram Linkin
ប្រធានាធិបតីបារាំង លោក Emmanuel Macron បាននិយាយកាលពីថ្ងៃព្រហស្បតិ៍ទី ១៤ ខែមីនាថា អឺរ៉ុបគួរតែត្រៀមខ្លួនសម្រាប់សង្រ្គាម ប្រសិនបើខ្លួនចង់បានសន្តិភាព ដោយចាត់ទុកប្រទេសរុស្ស៊ី របស់ប្រធានាធិបតី លោក Vladimir Putin ថាជាសត្រូវ ដែលមិនបានបញ្ឈប់សង្គ្រាមនៅក្នុងប្រទេសអ៊ុយក្រែន ក្នុងជម្លោះដែលមានរយៈពេលពីរឆ្នាំមកនេះ។លោក Macron បានបង្កឱ្យមានភាពចម្រូងចម្រាសកាលពីខែមុន បន្ទាប់ពីលោក បាននិយាយថា លោកមិនអាចច្រានចោលការដាក់ពង្រាយកងទ័ពទៅក្នុងប្រទេសអ៊ុយក្រែននាពេលអនាគតបានទេ ដោយមេដឹកនាំជាច្រើនរូប បានចេញឆ្ងាយពីបញ្ហានោះ ខណៈអ្នកផ្សេងទៀត ជាពិសេសនៅអឺរ៉ុបខាងកើត បានសម្តែងការគាំទ្រ។លោក Macron បាននិយាយនៅក្នុងបទសម្ភាសន៍តាមទូរទស្សន៍ថា ប្រសិនបើរុស្ស៊ីឈ្នះសង្រ្គាមនេះ ភាពជឿជាក់របស់អឺរ៉ុប នឹងត្រូវកាត់បន្ថយដល់សូន្យ។ វាជារឿងសំខាន់សម្រាប់អឺរ៉ុប ក្នុងការមិនគូសបន្ទាត់ក្រហម ដែលនឹងបង្ហាញភាពទន់ខ្សោយដល់វិមានក្រឹមឡាំង និងជំរុញទឹកចិត្តដល់ទីក្រុងនេះ បន្តការឈ្លានពានអ៊ុយក្រែន។ លោក បាននិយាយថា ប្រទេសបារាំង ពុំដែលមានគំនិតវាយលុកប្រឆាំងរុស្ស៊ីទេ ហើយទីក្រុងប៉ារីស ក៏ពុំមានសង្រ្គាមជាមួយទីក្រុងមូស្គូដែរ ទោះបីជាការពិតថា រុស្ស៊ីបានបើកការវាយប្រហារយ៉ាងចាស់ដៃប្រឆាំងផលប្រយោជន៍របស់ប្រទេសបារាំងនៅក្នុង និងក្រៅ ប្រទេសបារាំងក៏ដោយ។ លោក Macron បាននិយាយថា ប្រទេសអ៊ុយក្រែន ស្ថិតក្នុងស្ថានភាពលំបាកនៅលើទឹកដីរបស់ខ្លួន ហើយការគាំទ្រកាន់តែខ្លាំងពីសម្ព័ន្ធមិត្ត គឺចាំបាច់។ លោក សង្ឃឹមថា ពេលវេលានឹងមកដល់នៅថ្ងៃណាមួយ ដើម្បីចរចាសន្តិភាពជាមួយប្រធានាធិបតីរុស្ស៊ី ឬអ្នកណាក៏ដោយដែលអាចធ្វើទៅបាន។

ការជម្រះក្តីក្នុងសំណុំរឿងប្រាក់បំបិទមាត់របស់លោក Trump អាចប្រឈមការនឹងពន្យារពេល

2024/03/15 12:17:15 pm        117
Facebook Telegram Linkin
រដ្ឋអាជ្ញា ក្នុងសំណុំរឿងប្រាក់បំបិទមាត់របស់ លោក ដូណាល់ ត្រាំ បាននិយាយកាលពីថ្ងៃព្រហស្បតិ៍ ថា ពួកគេនឹងមិនប្រឆាំងការពន្យារពេលរយៈពេល ៣០ ថ្ងៃក្នុងការជម្រះក្តី ដែលកំណត់ពេលចាប់ផ្តើម នៅថ្ងៃទី ២៥ ខែមីនា បន្ទាប់ពីបេក្ខជនប្រធានាធិបតីមកពីគណបក្សសាធារណរដ្ឋរូបនេះ បាននិយាយថា ការបង្ហាញភស្តុតាងយឺតយ៉ាវ ធ្វើឱ្យប៉ះពាល់ដល់ការត្រៀមខ្លួនរបស់លោក។ ការពន្យាពេលចំពោះការជម្រះក្តីបទព្រហ្មទណ្ឌមិនធ្លាប់មានលើកដំបូងរបស់អតីតប្រធានាធិបតីសហរដ្ឋអាមេរិក នឹងកំណត់ជ័យជម្នះមួយផ្សេងទៀតសម្រាប់ លោក Trump ដែលបានព្យាយាមពន្យឺតដំណើរការនីតិវិធី នៅក្នុងការជាប់ពាក់ព័ន្ធផ្លូវច្បាប់ផ្សេងៗរបស់លោក ខណៈលោកត្រៀមខ្លួនដើម្បីប្រកួតប្រជែងជាមួយប្រធានាធិបតីគណបក្សប្រជាធិបតេយ្យ លោក Joe Biden ក្នុងការបោះឆ្នោត នៅថ្ងៃទី ៥ ខែវិច្ឆិកា។ សំណុំរឿងផ្តល់ប្រាក់បំបិទមាត់នៅក្នុងតុលាការ រដ្ឋញូវយ៉ក ទីក្រុង Manhattan នឹងក្លាយជាសំណុំរឿងព្រហ្មទណ្ឌដំបូងក្នុងចំណោមសំណុំរឿងព្រហ្មទណ្ឌចំនួន៤ករណីរបស់លោក Trump ដែលឈានដល់ការជម្រះក្តី។ លោក Trump បានផ្តល់ចម្លើយពីភាពគ្មានទោសក្នុងសំណុំរឿងនៅរដ្ឋញូវយ៉ក ចំពោះករណីចំនួន ៣៤ នៃការក្លែងបន្លំឯកសារអាជីវកម្ម ដើម្បីលាក់បាំងការបង់ប្រាក់ចំនួន ១៣០.០០០ ដុល្លាររបស់អតីតមេធាវីរបស់លោក លោក Michael Cohen ដល់តារាភាពយន្តអាសអាភាស នាង ស្តមី ដេនញែល(Stormy Daniels) សម្រាប់ការបំបិទមាត់នាង នៅមុនការបោះឆ្នោតឆ្នាំ ២០១៦ អំពីការជួបប្រាស្រ័យទាក់ទងផ្លូវភេទ ដែលនាងនិយាយថាមានរយៈពេលមួយទសវត្សរ៍មកហើយ។ ប៉ុន្តែ លោក Trump បានបដិសេធការជួបនេះ។ មេធាវីរបស់លោក បានអះអាងថា លោក Cohen បានបង់ប្រាក់ឱ្យនាង Daniels ដើម្បីទុកភាពអាម៉ាស់ក្នុងគ្រួសាររបស់លោក Trump ពុំមែនដើម្បីបង្កើនឱកាសបោះឆ្នោតរបស់លោក ដូចដែលរដ្ឋអាជ្ញានៅក្នុងការិយាល័យមេធាវីទីក្រុង Manhattan លោកអាល់វីន ប្រាក(Alvin Bragg) បានចោទប្រកាន់នោះទេ។

អាមេរិក៖ សមយុទ្ធសម្ព័ន្ធណាតូនៅតំបន់អាកទិក បង្កើនការត្រៀមខ្លួនដើម្បីការពារសម្ព័ន្ធមិត្ត

2024/03/15 11:59:04 am        78
Facebook Telegram Linkin
កងទ័ព នាវា និងយន្តហោះរបស់សម្ព័ន្ធយោធាណាតូ(NATO)ដឹកនាំដោយសហរដ្ឋអាមេរិកកំពុងចូលរួមសកម្មភាពសមយុទ្ធយោធារបស់សម្ព័ន្ធនេះ នៅក្នុងតំបន់ខ្ពង់រាបភាគខាងជើងរបស់អឺរ៉ុប ជាផ្នែកមួយនៃលំហាត់យោធាដ៏ធំបំផុតរបស់អង្គការណាតូ ចាប់តាំងពីសង្រ្គាមត្រជាក់មក។ កងទ័ពប្រមាណ៩ម៉ឺននាក់ មកពីសហរដ្ឋអាមេរិក និងប្រទេសជាសម្ព័ន្ធមិត្តណាតូជាច្រើនទៀតកំពុងចូលរួមក្នុងសមយុទ្ធដែលមានឈ្មោះថា Steadfast Defender 2024 ដែលបានចាប់ផ្ដើមកាលពីចុងខែមករា និងបន្តរហូតដល់ខែឧសភា នៅទូទាំងអឺរ៉ុប។ មេបញ្ជាការរងកងទ័ពជើងទឹកទី ២ របស់សហរដ្ឋអាមេរិក លោកឧត្តមនាវីទោ ដេវីដ ផាតឆេល (David Patchell) បាននិយាយថា ផ្នែកខាងជើងនៃសមយុទ្ធនេះបាននឹងកំពុងផ្តោតលើការពង្រឹងអន្តរអាត្លង់ទិក ជាការដាក់ពង្រាយកងកម្លាំងអាមេរិកនៅខាងជើងឆ្លងកាត់មហាសមុទ្រអាត្លង់ទិកទៅកាន់ទ្វីបអឺរ៉ុប ហើយបានរួមបញ្ចូលសមយុទ្ធបាញ់គ្រាប់ពិតដែនសមុទ្រ និងការហ្វឹកហ្វឺនវាយលុកក្នុងសមុទ្រអាត្លង់ទិកខាងជើង និងអាកទិក។ ស្របពេលនាវាមួយចំនួនដែលបានចូលរួមក្នុងសមយុទ្ធបានធ្វើដំណើរត្រឡប់ទៅប្រទេសវិញ លោក Patchell ក៏បាននិយាយផងដែរថា ដោយស្ថិតនៅជិតប្រទេសរុស្ស៊ី សម្ព័ន្ធនេះបានបន្ថែមធាតុនៃភាពប្រាកដនិយមដល់ការហ្វឹកហាត់។ ផ្នែកទីពីរគឺធ្វើឡើងនៅទ្វីបអឺរ៉ុបក្នុងគោលបំណងបង្ហាញពីបំណងរបស់ណាតូក្នុងការដឹកនាំសមត្ថភាពជាតិក្នុងគ្រប់វិស័យ ទាំង ផ្លូវអាកាស លើដី សមុទ្រ លំហ និងអ៊ីនធឺណេត និងដើម្បីសាកល្បងការដាក់ពង្រាយទ័ព និងឧបករណ៍យ៉ាងលឿនឆ្លងកាត់ព្រំដែនក្នុងសម្ព័ន្ធភាពនេះ។ ជារួម បន្ថែមពីលើកងទ័ព ៩ម៉ឺននាក់ នាវាជាង ៥០ គ្រឿង ចាប់ពីនាវាផ្ទុកយន្តហោះរហូតដល់នាវាពិឃាតនឹងចូលរួម ក៏ដូចជាយន្តហោះចម្បាំងជាង៨០គ្រឿង ឧទ្ធម្ភាគចក្រ និងយានដ្រូន និងរថយន្តប្រយុទ្ធយ៉ាងហោចណាស់ ១.១០០ គ្រឿង រួមទាំងរថក្រោះ ១៣៣ គ្រឿង និងរថយន្តប្រយុទ្ធថ្មើរជើងចំនួន ៥៣៣គ្រឿង៕

ស្ថានទូតរុស្ស៊ី ប្រចាំទីក្រុងវ៉ាស៊ីនតោន បានទទួលការគំរាមកំហែងជុំវិញការបោះឆ្នោតរុស្ស៊ី

2024/03/15 11:54:48 am        96
Facebook Telegram Linkin
ឯកអគ្គរដ្ឋទូតរុស្ស៊ី ប្រចាំនៅសហរដ្ឋអាមេរិក បាននិយាយកាលពីថ្ងៃព្រហស្បតិ៍ (១៤ មីនា) ថាស្ថានទូតរបស់ខ្លួនបានទទួលការគំរាមកំហែងជាច្រើនទាក់ទងនឹងការបោះឆ្នោតប្រធានាធិបតីរុស្ស៊ី ក្នុងសប្តាហ៍នេះ។ទីភ្នាក់ងារព័ត៌មានរុស្ស៊ី បានដកស្រង់សម្តីឯកអគ្គរដ្ឋទូតរុស្ស៊ី លោក អាណាថូលី អាន់ថូនៅ (Anatoly Antonov) ដែលបាននិយាយតាមទូរទស្សន៍រដ្ឋថា «យើងកំពុងទទួលបានការហៅទូរស័ព្ទបង្កហេតុ និងការគំរាមកំហែងជាច្រើន។ យើងដឹងថាមានផែនការសម្រាប់សកម្មភាពប្រឆាំងរុស្ស៊ី នៅជុំវិញស្ថានទូត និងស្ថានកុងស៊ុលរបស់យើង ហើយក៏នឹងមានការប៉ុនប៉ងសម្រុកចូលក្នុងស្ថានទូតផងដែរ»។ប្រជាជនរុស្ស៊ី កំពុងបោះឆ្នោតជ្រើសរើសប្រធានាធិបតីរយៈពេលបីថ្ងៃ ដែលចាប់ផ្តើមពីថ្ងៃសុក្រ (១៥ មីនា) នេះ ដោយប្រធានាធិបតីកំពុងកាន់អំណាច លោក វ្ល៉ាឌីមៀ ពូទីន ប្រាកដណាស់ថានឹងឈ្នះលើគូប្រជែងបីនាក់ ដែលមិនមាននរណាម្នាក់បានរិះគន់លោកទេ។កាលពីព្រឹកថ្ងៃព្រហស្បតិ៍ រដ្ឋមន្ត្រីក្រសួងអភិវឌ្ឍន៍ឌីជីថលរបស់រុស្ស៊ី លោក ម៉ាកសុត សាដាយ៉េវ (Maksut Shadayev) បានប្រាប់ទីភ្នាក់ងារសារព័ត៌មាន ថាស (Tass) ថា លោករំពឹងថានឹងមានការវាយប្រហារពីពួកចោរព័ត៌មានវិទ្យា (Hacker) ទ្រង់ទ្រាយធំទៅលើហេដ្ឋារចនាសម្ព័ន្ធនៃប្រព័ន្ធបោះឆ្នោតរុស្ស៊ីក្នុងអំឡុងពេលបោះឆ្នោត៕

ប្រធានជំនួយ EU៖ ពុំមានភស្តុតាងណាមួយពីអ៊ីស្រាអែល ដើម្បីគាំទ្រការចោទប្រកាន់ UNRWA នោះទេ

2024/03/15 11:51:19 am        79
Facebook Telegram Linkin
ប្រមុខមន្ត្រីជំនួយមនុស្សធម៌របស់សហភាពអឺរ៉ុប បាននិយាយកាលពីថ្ងៃព្រហស្បតិ៍ (១៤ មីនា) ថាខ្លួនមិនបានមើលឃើញភស្តុតាងណាមួយពីអ៊ីស្រាអែល ដើម្បីគាំទ្រការចោទប្រកាន់របស់ខ្លួនប្រឆាំងនឹងបុគ្គលិកមកពីទីភ្នាក់ងារជនភៀសខ្លួនប៉ាឡេស្ទីន (UNRWA) នោះទេ ហើយទីភ្នាក់ងារនេះគួរតែបន្តដើរតួ «សំខាន់» នៅក្នុងតំបន់ហ្កាហ្សា។ទីភ្នាក់ងារ UNRWA ដែលផ្តល់ជំនួយ និងសេវាកម្មដល់ជនភៀសខ្លួនប៉ាឡេស្ទីននៅតំបន់ហ្កាហ្សា និងទូទាំងតំបន់ជិតបូព៌ា បានជួបវិបត្តិចាប់តាំងពីអ៊ីស្រាអែលបានចោទប្រកាន់បុគ្គលិករបស់ខ្លួនរាប់សិបនាក់ថា មានជាប់ពាក់ព័ន្ធក្នុងការវាយប្រហាររបស់ក្រុមហាម៉ាស កាលពីថ្ងៃទី០៧ តុលា ប្រឆាំងនឹងអ៊ីស្រាអែល។លោក យ៉ាណេស លីណាឆីក (Janez Lenarcic) ប្រធានផ្នែកជំនួយមនុស្សធម៌ និងការគ្រប់គ្រងវិបត្តិនៅគណៈកម្មការអឺរ៉ុប បាននិយាយថា ទាំងរូបលោក ឬបើតាមចំណេះដឹងរបស់លោក មិនមាននរណាម្នាក់នៅតំណែងនាយកប្រតិបត្តិសហភាពអឺរ៉ុប ឬម្ចាស់ជំនួយរបស់ទីភ្នាក់ងារ UNRWA ផ្សេងទៀត ទទួលបានការបង្ហាញភ័ស្តុតាងពីអ៊ីស្រាអែលនោះទេ។ ការចោទប្រកាន់នេះបានជំរុញឱ្យម្ចាស់ជំនួយដ៏ធំបំផុតរបស់ទីភ្នាក់ងារជំនួយប៉ាឡេស្ទីន UNRWA គឺសហរដ្ឋអាមេរិក និងអ្នកមួយចំនួនទៀតផ្អាកការផ្តល់មូលនិធិ ដោយធ្វើឱ្យអនាគតរបស់ទីភ្នាក់ងារនេះស្ថិតក្នុងភាពស្រពិចស្រពិល។ ប្រធានផ្នែកជំនួយមនុស្សធម៌រូបនេះបន្ថែមថា ទំនួលខុសត្រូវបុគ្គលនឹងមានសណ្តាប់ធ្នាប់ជាជាងយុត្តិធម៌សង្ខេប ហើយទីភ្នាក់ងារ ដែលមិនមានស្ថាប័នណាអាច «ជំនួសបាន» មួយនេះ នឹងត្រូវបានស្នើសុំឱ្យជម្រះពីរការចោទប្រកាន់ និងបន្តប្រតិបត្តិការរបស់ខ្លួនវិញ៕

ព្រឹទ្ធសភាអាមេរិក អំពាវនាវឱ្យមានការបោះឆ្នោតថ្មីនៅអ៊ីស្រាអែល ខណៈរិះគន់លោក ណេតាន់យ៉ាហ៊ូ

2024/03/15 11:44:02 am        116
Facebook Telegram Linkin
មេដឹកនាំសំឡេងភាគច្រើននៃព្រឹទ្ធសភាអាមេរិក លោក ឆាក់ ស៊ូមឺ (Chuck Schumer) បានអំពាវនាវកាលពីថ្ងៃព្រហស្បតិ៍ (១៤ មីនា) ឱ្យមានការបោះឆ្នោតថ្មីនៅក្នុងប្រទេសអ៊ីស្រាអែល ដោយបានរិះគន់យ៉ាងចាស់ដៃលើលោកនាយករដ្ឋមន្ត្រី បេនចាមីន ណេតាន់យ៉ាហ៊ូ (Benjamin Netanyahu) ថាជាឧបសគ្គចំពោះសន្តិភាព។លោកព្រឹទ្ធសភាបក្សប្រជាធិបតេយ្យ ស៊ូមឺ ដែលជាអ្នកគាំទ្រអ៊ីស្រាអែលជាយូរមកហើយ និងជាមន្ត្រីជាប់ឆ្នោតជនជាតិជ្វីហ្វលំដាប់ខ្ពស់បំផុតរបស់សហរដ្ឋអាមេរិក បានប្រាប់ព្រឹទ្ធសភាថា រដ្ឋាភិបាលរបស់លោក ណេតាន់យ៉ាហ៊ូ «លែងសាកសមនឹងតម្រូវការរបស់អ៊ីស្រាអែលទៀតហើយ» រយៈពេលប្រាំខែនៅក្នុងសង្រ្គាមដែលបានចាប់ផ្តើមជាមួយនឹងការវាយប្រហារលើអ៊ីស្រាអែល ដោយពួកសកម្មប្រយុទ្ធហាម៉ាសកាលពីថ្ងៃ០៧ តុលា។លោក ស៊ូមឺ បាននិយាយថា នេះនឹងក្លាយជា «កំហុសដ៏ធ្ងន់ធ្ងរបំផុត» សម្រាប់អ៊ីស្រាអែល ក្នុងការបដិសេធដំណោះស្រាយរដ្ឋពីរ ហើយបានជំរុញឱ្យក្រុមអ្នកចរចាក្នុងជម្លោះអ៊ីស្រាអែល-ហ្កាហ្សា ធ្វើគ្រប់យ៉ាងដែលអាចធ្វើទៅបានដើម្បីទទួលបានបទឈប់បាញ់ ដោះលែងចំណាប់ថ្នូរ និងទទួលបានជំនួយចូលទៅក្នុងតំបន់សង្រ្គាមហ្កាហ្សា។លោក ស៊ូមឺ និងសមាជិកគណបក្សប្រជាធិបតេយ្យឈានមុខគេផ្សេងទៀត រួមទាំងប្រធានាធិបតី ចូ បៃដិន (Joe Biden) កំពុងប្រឈមមុខនឹងការរិះគន់យ៉ាងខ្លាំងពីក្នុងបក្ស ជុំវិញការគាំទ្រដោយឥតលក្ខខណ្ឌរបស់ក្រុងវ៉ាស៊ីនតោនចំពោះអ៊ីស្រាអែល ដែលផ្តល់ផលប៉ះពាល់ដល់ជនស៊ីវិលប៉ាឡេស្ទីនពីការវាយលុករបស់អ៊ីស្រាអែលលើតំបន់ហ្កាហ្សា៕

អ៊ុយក្រែន និយាយថា ការបោះឆ្នោតរបស់រុស្ស៊ី នៅក្នុងទឹកដីកាន់កាប់ ត្រូវទុកជាមោឃៈ

2024/03/15 11:38:59 am        170
Facebook Telegram Linkin
ក្រសួងការបរទេសអ៊ុយក្រែន បាននិយាយកាលពីថ្ងៃព្រហស្បតិ៍ (១៤ មីនា) ថាការរៀបចំការបោះឆ្នោតរបស់រុស្ស៊ី នៅក្នុងទឹកដីដែលកាន់កាប់របស់អ៊ុយក្រែន គឺជារឿងខុសច្បាប់ និងត្រូវចាត់ទុកជាមោឃៈ ដោយជំរុញឱ្យដៃគូអន្តរជាតិមិនទទួលស្គាល់លទ្ធផល។ប្រធានាធិបតីរុស្ស៊ី លោក វ្ល៉ាឌីមៀ ពូទីន ដែលបានចាប់ផ្តើមការលុកលុយពេញប្រទេសអ៊ុយក្រែនកាលពីពីរឆ្នាំមុន គ្រោងនឹងឈ្នះអាណត្តិថ្មីរយៈពេលប្រាំមួយឆ្នាំទៀតនៅក្នុងការបោះឆ្នោតថ្ងៃទី ១៥-១៧ ខែមីនា នេះ។ ប្រសិនបើលោក ពូទីន ឈ្នះឆ្នោតទៀត នេះអាចឱ្យលោកវ៉ាដាច់អតីតមេដឹកនាំ លោក ចូសែហ្វ ស្តាលីន (Josef Stalin) ហើយក្លាយជាមេដឹកនាំដែលកាន់អំណាចយូរបំផុតរបស់រុស្ស៊ី។ក្រសួងការបរទេសរបស់ទីក្រុងគីវ បាននិយាយថា យុទ្ធនាការបោះឆ្នោតនៅក្នុងតំបន់ ដូណិតស្ក៍ (Donetsk) ទីក្រុង ឡូហានស្ក៍ (Luhansk) តំបន់ទំបន់វារីអគ្គិសនី ហ្សាផូរីសហ្សា (Zaporizhzhia) និងតំបន់ឃើសុន (Kherson) ដែលទាំងអស់ត្រូវបានគ្រប់គ្រងដោយផ្នែកដោយរុស្ស៊ី ក៏ដូចជាតំបន់គ្រីម៉េ (Crimea) ដែលរុស្ស៊ីដាក់បញ្ចូលក្នុងឆ្នាំ២០១៤ គឺជាការបង្ហាញមួយផ្សេងទៀតនៃ «ការបន្តមិនយកចិត្តទុកដាក់ចំពោះបទដ្ឋាន និងគោលការណ៍ច្បាប់អន្តរជាតិរបស់ទីក្រុងមូស្គូ»។ក្រសួងបានបន្ថែមនៅក្នុងសេចក្តីថ្លែងការណ៍មួយថា ការបង្ខំពលរដ្ឋអ៊ុយក្រែនរាប់លាននាក់ ដែលរស់នៅក្នុងទឹកដីកាន់កាប់បណ្តោះអាសន្ន ឬដែលត្រូវបានផ្ទេរដោយបង្ខំទៅកាន់ទឹកដីសហព័ន្ធរុស្ស៊ី ឱ្យចូលរួមនៅក្នុងអ្វីដែលរុស្ស៊ីហៅថា «ការបោះឆ្នោត» នោះ គឺជារឿងខុសច្បាប់ទាំងស្រុង៕

ការបោះឆ្នោតប្រធានាធិបតី បានចាប់ផ្ដើមនៅក្នុងប្រទេសរុស្ស៊ី

2024/03/15 11:35:16 am        77
Facebook Telegram Linkin
ពលរដ្ឋបោះឆ្នោតរុស្ស៊ី បានចាប់ផ្តើមនាំគ្នាទៅបោះឆ្នោតសម្រាប់ការបោះឆ្នោតប្រធានាធិបតីឆ្នាំ ២០២៤ នៅក្នុងតំបន់ចុងបូព៌ា រួមទាំងតំបន់ ខាមឆាតកា (Kamchatka) តំបន់ ឆូគុតតា (Chukotka) និងតំបន់ផ្សេងទៀតនៅម៉ោង ៨ ព្រឹក (ម៉ោងក្នុងស្រុក) នៅថ្ងៃសុក្រ (១៥ មីនា) នេះ។បេក្ខជនចំនួនបួនរូបនឹងប្រជែងយកតំណែងកំពូលមួយនេះ គឺលោក លីអូនីដ ស្លុតស្គី (Leonid Slutsky) នៃគណបក្សប្រជាធិបតេយ្យសេរី លោក នីកូឡៃ ខារីថូនៅ (Nikolai Kharitonov) នៃបក្សកុម្មុយនិស្តរុស្ស៊ី លោក វ្លាឌីស្លាវ ដាវ៉ានខូវ (Vladislav Davankov) នៃគណបក្សប្រជាជនថ្មី និងលោក វ្លាឌីមៀ ពូទីន (Vladimir Putin) ដែលជាប្រធានាធិបតីកំពុងកាន់អំណាច និងជាបេក្ខជនឯករាជ្យ ដែលគេមើលឃើញថាជាអ្នកឈ្នះក្នុងការបោះឆ្នោតនេះ។ប្រទេសរុស្ស៊ី បានបង្កើតការិយាល័យបោះឆ្នោតជាង ៩០.០០០ ទីតាំង ដំណើរការពីម៉ោង ៨ ព្រឹកដល់ម៉ោង ៨ យប់ (ម៉ោងក្នុងស្រុក) រយៈពេលបីថ្ងៃរវាងថ្ងៃទី ១៥ ដល់ថ្ងៃទី ១៧ ខែមីនា។ ដោយសារវិសាលភាពទឹកដីដ៏ធំធេងរបស់រុស្ស៊ីនៅទូទាំងតំបន់ពេលវេលាខុសគ្នាជាច្រើន តំបន់ ខាមឆាតកា និងតំបន់ ឆូគុតតា ដែលស្ថិតនៅក្នុងតំបន់ចុងបូព៌ានេះ គឺជាទីតាំងដំបូងគេដែលចាប់ផ្តើមបោះឆ្នោត។ ការិយាល័យបោះឆ្នោតនៅទំបន់ ខាលីនីងហ្គ្រាដ (Kaliningrad) ដែលមានទីតាំងនៅភាគខាងលិចនៃប្រទេសរុស្ស៊ី នឹងក្លាយជាកន្លែងចុងក្រោយដែលចាប់ផ្តើមការបោះឆ្នោត។យោងតាមទិន្នន័យដែលចេញផ្សាយដោយគណៈកម្មាធិការរៀបចំការបោះឆ្នោតកណ្តាលរបស់រុស្ស៊ី ពលរដ្ឋរុស្ស៊ីប្រហែល ១១០ លាននាក់មានសិទ្ធិបោះឆ្នោត ក្នុងនោះមានជាង ១,៨ លាននាក់រស់នៅបរទេស៕

លោក ពូទីនបញ្ជាក់ថា ការបង្កើតអង្គភាពថាមពលនុយក្លេអ៊ែរ នៅក្នុងលំហអាកាស គឺជាអាទិភាពសម្រាប់ រុស្ស៊ី

2024/03/15 10:57:29 am        91
Facebook Telegram Linkin
ទីភ្នាក់ងារសារព័ត៌មានរដ្ឋTASS បានរាយការណ៍ថា ប្រធានាធិបតីរុស្ស៊ី លោក វ្ល៉ាឌីមៀ ពូទីន បានប្រាប់ មន្ត្រីរដ្ឋាភិបាលកាលពីថ្ងៃព្រហស្បតិ៍ថា គម្រោងអវកាស រួមទាំងការបង្កើតអង្គភាពថាមពលនុយក្លេអ៊ែរ នៅក្នុងលំហ គួរតែជាអាទិភាព និងទទួលបានហិរញ្ញប្បទានត្រឹមត្រូវ។លោកពូទីន បាននិយាយក្នុងអំឡុងពេលកិច្ចប្រជុំជាមួយសមាជិករដ្ឋាភិបាល ដោយចង្អុលទៅឧទាហរណ៍មួយដល់អង្គភាពថាមពលនុយក្លេអែរ ដែលនឹងដំណើរការក្នុងលំហថា រុស្ស៊ី«មានសមត្ថភាពគ្រប់គ្រាន់ ហើយលើសពីនេះទៅទៀត ថែមទាំងមានទុនបំរុងដែលយើងអាចមានមោទនភាព ហើយយើងអាចពឹងផ្អែកបាននាពេលអនាគត»។ លោកពូទីន បាននិយាយថា៖«យើងចាំបាច់ត្រូវផ្តល់ហិរញ្ញប្បទានឲ្យទាន់ពេលវេលា» នេះបើងយោងតាមសារព័ត៌មាន TASS ។ លោកបានបញ្ជាក់ថា៖«យើងគ្រាន់តែត្រូវកំណត់អាទិភាព ដោយបន្ថែមថា «មានបញ្ហាជាច្រើននៅទីនោះដែលត្រូវការការយកចិត្តទុកដាក់បន្ថែមទៀត»។លោកប្រធានាធិបតីរុស្ស៊ីរូបនេះ បានបន្តថា៖«វាហាក់បីដូចជាយើងទាំងអស់គ្នាស៊ាំនឹងការពិតដែលថាយើងមានជំនាញបែបនេះ ដែលប្រទេសផ្សេងទៀតមិនមាន ប៉ុន្តែយើងត្រូវយកចិត្តទុកដាក់ជាពិសេសចំពោះពួកគេ ដើម្បីឲ្យពួកគេអភិវឌ្ឍន៍ និងអាចប្រើប្រាស់បាននាពេលអនាគត ដើម្បីដោះស្រាយកិច្ចការទាំងនោះបាន និង គួរតែត្រូវបានដោះស្រាយដោយមានជំនួយពីបច្ចេកវិទ្យាទាំងអស់នេះ។ប្រធានទីភ្នាក់ងារអវកាសរុស្ស៊ី Roscosmos លោក យូរី បូរីសូវ (Yuri Borisov) បាននិយាយកាលពី សប្តាហ៍មុនថា រុស្ស៊ី និងចិន កំពុងធ្វើការលើគម្រោងដំឡើងរ៉េអាក់ទ័រនុយក្លេអ៊ែរ នៅលើភពព្រះចន្ទ នេះបើយោងតាមសារព័ត៌មានTASS។

បណ្ដាញសង្គម

ព័ត៌មានថ្មីៗ

នេប៉ាលផ្តល់ការឡើងកំពូលភ្នំចំនួន ៩៧ដោយឥតគិតថ្លៃ ពេលដែលវិស័យទេសចរណ៍ហក់ឡើងខ្ពស់នៅភ្នំ Everest
08/12/2025 08:08 PM
Facebook Telegram Linkin
រដ្ឋមន្ត្រីសុខាភិបាល លើកទឹកចិត្តថ្នាក់ដឹកនាំទាំងអស់ មានភាពក្លាហានក្នុងការស្វែងយល់ពីស្ថានភាពជុំវិញខ្លួន និងហ៊ានដាក់ចេញសកម្មភាព ដើម្បីលើកកម្ពស់វិស័យសុខាភិបាល ប្រកបដោយនវានុវត្តន៍
08/12/2025 08:08 PM
Facebook Telegram Linkin
និស្សិតនៅតំបន់ហ្កាហ្សាអះអាងថា សង្រ្គាមរបស់អ៊ីស្រាអែលបានប្លន់ការសិក្សារបស់ពួកគេ
08/12/2025 08:08 PM
Facebook Telegram Linkin
ក្រុមស្ម័គ្រចិត្តអ៊ីរ៉ាក់នៅទីក្រុងបាកដាដ ចែកចាយដើមឈើដោយឥតគិតថ្លៃដើម្បីប្រយុទ្ធប្រឆាំងនឹងវាលរហោដ្ឋាន
08/12/2025 08:08 PM
Facebook Telegram Linkin
ក្រុមអ្នកវិទ្យាសាស្រ្តអាមេរិកនៅសាកលវិទ្យា Emory បង្កើតឧបករណ៍ជីវសាស្រ្ត ដើម្បីការពារកសិករពីរលកកម្តៅ
08/12/2025 08:08 PM
Facebook Telegram Linkin
មន្រ្តីរដ្ឋាភិបាល៖ ក្រុមសកម្មប្រយុទ្ធបានសម្លាប់ទាហានប៉ាគីស្ថាន ៩នាក់ នៅខេត្ត Balochistan
08/12/2025 08:08 PM
Facebook Telegram Linkin
អ៊ីរ៉ង់៖ ជនសង្ស័យ ២១.០០០នាក់ ត្រូវបានចាប់ខ្លួន អំឡុងសង្គ្រាម ១២ថ្ងៃជាមួយអ៊ីស្រាអែល
08/12/2025 08:08 PM
Facebook Telegram Linkin
ហ៊្សកដានីធ្វើជាម្ចាស់កិច្ចប្រជុំដើម្បីពិភាក្សាលើការកសាងប្រទេសស៊ីរីឡើងវិញ
08/12/2025 08:08 PM
Facebook Telegram Linkin
ទាហានគ្រវីទង់ជាតិរុស្ស៊ីនៅភូមិអ៊ុយក្រែនដែលពួកគេអះអាងថាដណ្តើមកាន់កាប់បាន
08/12/2025 08:08 PM
Facebook Telegram Linkin
ក្រុមឃ្លាំមើលសមុទ្រអាល្លឺម៉ង់សង្រ្គោះជនអន្តោប្រវេសន៍ ៧៣នាក់នៅជិតតំបន់ឆ្នេរប្រទេសលីប៊ី
08/12/2025 08:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.