BTV NEWS

TOP STORY | សម្ដេចធិបតី បានចាត់វិធានការចាំបាច់ជាបន្តបន្ទាប់ចំពោះការវិលត្រឡប់ទ្រង់ទ្រាយធំរបស់ពលករខ្មែរ និងជនភៀសសឹក

TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់

TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំកោះប្រជុំក្រុមប្រឹក្សាសន្តិសុខជាបន្ទាន់ ដើម្បីសុំការអន្តរាគមន៍បញ្ចប់ការឈ្លានពានរបស់កងទ័ពថៃមកលើដែនអធិបតេយ្យភាពរបស់កម្ពុជា

TOP STORY | សម្ដេចធិបតី៖ កងទ័ពថៃបានបើកការវាយប្រហារមកលើទីតាំងឈរជើងរបស់កងទ័ពកម្ពុជា នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី

នយោបាយ និង ការអភិវឌ្ឍន៍

ក្រុមយុវជនសង្គមស៊ីវិល បានលើកពីគុណបំណាច់ដ៏ធំធេងរបស់សម្តេចតេជោ ហ៊ុន សែន ចំពោះកម្ពុជាដែរក្រុមប្រឆាំងគួរតែរៀនសូត្រ

បើនិយាយអំពីសន្តិភាព និងការអភិវឌ្ឍយើងមិនអាចកែខៃប្រវត្តិសាស្រ្តបានទេគឺ សម្តេចអគ្គមហាសេនាបតីតេជោ ហ៊ុន សែន កាន់តែជាសត្យានុម័តបន្ថែមទៀតនោះ គឺការលះបង់សាច់ស្រស់ ឈាមស្រស់ ជាង៤០ឆ្នាំមកនេះរបស់សម្តេចក្នុងការ ការពារទឹកដី សាសនា រាជបល្ល័ង្ក និងប្រជាជនខ្មែរ។ កម្ពុជាមុននឹងមានថ្ងៃនេះ គឺបានឆ្លងកាត់ភាពលំបាកច្រើនស្ទើរតែបាត់បង់ប្រទេស បើគ្មានការដឹកនាំប្រទេសរបស់សម្តេចតេជោទេនោះ ម្លេះកម្ពុជាអាចនឹងបន្តជោគជាំដោយភ្លើងសង្គ្រាម គ្មានថ្ងៃផ្សះផ្សារ និងសមាហរន្តកម្មបាននោះឡើយ។ សក្ខីកម្មមានដូចជា នយោបាយ DIFIT នយោបាយជំហានគីងគក់ នយោបាយអភិក្រម៥ នយោបាយស្តារប្រទេស នយោបាយសេដ្ឋកិច្ចការទូត ពិសេសនយោបាយស្តារឡើងវិញនូវប្រព័ន្ធហេដ្ឋារចនាសម្ព័ន្ធពាក់ព័ន្ធ ទឹក ផ្លូវ ភ្លើង និងការបណ្តុះបណ្តាលធនធានមនុស្ស ក្រោយពីការបំផ្លាញគ្មានសល់ក្នុងរបបប្រល័យពូជសាសន៍ប៉ុលពត។ល។ លោក ហេង សំណាង បានថ្លែងឲ្យដឹងថា សម្តេចតែងតែសំណ្តោះប្រណីដល់ក្រុមប្រឆាំង និងឲ្យមកចូលធ្វើកិច្ចការដើម្បីបម្រើប្រទេសជាតិពិតប្រាកដ នយោបាយខ្មែរតែមួយ គ្មានសត្រូវ គ្មានទឹកឃោចស្រមោចស៊ីត្រី ទឹកលើងត្រស៊ីស្រមោចនោះទេ មាមតែនយោបាតបង្រួបសម្រួម ខុសពីក្រុមប្រឆាំងជ្រុសនិយមភៀសខ្លួនក្រៅប្រទេស គឺនយោបាយបំបែក បំបាក់ លាបពណ៌ ភូតភរ កុហុក ប្រជាភិថុត គឺរាប់សិបឆ្នាំមកនេះ មិនដែរឃើញធ្វើអ្វីជូនមាតុភូមិ ពិតប្រាកដនោះទេ! លោក ហេង សំណាង ប្រធានក្រុមយុវជនសង្គមស៊ីវិល បណ្តុំអង្គការសមាគម សង្គមស៊ីវិល នានា បាន បានបន្តថា (សន្តិភាព ប្រទេសណាក៏ចង់បាន បើគ្មានសន្តិភាពពិតណាស់ក៏ការអភវឌ្ឍន៍ និងអ្វីៗទាំងអស់!)ចំពោះស្នារដៃដ៏ឧត្តុងឧត្តម និងសម្ធិទផលរាប់មិនអស់របស់សម្តេចនៅក្នុងប្រវត្តសាស្រ្តមានច្រើន ប៉ុន្តែអាចអាតថ៌ សូមលើកបីធំៗ: ទី១ ការរំដោះប្រជាជាតិខ្មែរចេញពីរបបប្រល័យពូជសានស៍ខ្មែរក្រហម ថ្ងៃទី៧ មករា ឆ្នាំ១៩៧៩ ទ២ ការបញ្ចប់សង្រ្គាមស៊ីវិលទាំងស្រុងនៅឆ្នាំ១៩៩៨ ទី៣ ការធ្វើសង្រ្គាមប្រយុទ្ធប្រឆាំងជាមួយជំម្ងឺកូវីដ១៩ ដូចនេះសករាជតេជោសែន គឺជាតឹកតាងមួយសម្រាប់កូនខ្មែរគ្រប់ជំនាន់ចងចាំមិនអាចភ្លេចបាននោះទេ ការធ្វើកំណែរទម្រង់គ្រប់សព្វបែបយ៉ាង កម្ពុជាទូទាំងប្រទេស បានស្គាល់នូវសន្តិភាពពេញលេញ និងការអភិវឌ្ឍន៍គ្រប់វិស័យ សម្បូរសប្បាយរហូតមកដល់សព្វថ្ងៃ គឺពិតជាមិនងាយស្រួល នឹងនណាៗអាចធ្វើបាននោះឡើយ។ ពិសេសសម្រាប់នីតិកាលទី៧នេះ គឺបានសបញ្ជាក់ថាកម្ពុជាបានបោះជំហានមួយទៀត គឺបានផ្តល់ឱកាសដល់យុវជនជំនាន់ក្រោយមកអភិឌ្ឍន៍ប្រទេស និងបន្តការពាសន្តិភាពឲ្យខានតែបាន គឺសម្តេចមហាបវរធិបតី ហ៊ុន ម៉ាណែត និងឥស្សរជនវ័យក្មេងប្រកបដោយសម្លាំងថាមពលដដទៃទៀត។កូនខ្មែរទាំងអស់ចងចាំជានិច្ចនូវគុណូបការៈ ដ៏ថ្លៃថ្លា និងការលះបង់មហាធំធេងរបស់ សម្តេចតេជោ ហ៊ុន សែន ចំពោះស្នាដៃដ៏ឧត្តុង្គឧត្តមជាច្រើនដែលឥតគណនាបាន ពិសេសសម្តេចបានលះបង់ទាំងកម្លាំងកាយចិត្ត ប្រកបដោយគត្តិបណ្ឌិត ដើម្បីប្តូរជូនសន្តិភាព និងការអភិវឌ្ឍសម្រាប់ប្រទេសជាតិទាំងមូល និងបន្តធានាបាននូវស្ថិរភាពជារៀងដរាប៕

សម្តេច ម៉ែន សំអន អញ្ជើញប្រកាសក្រុមការងារគណបក្សប្រជាជនកម្ពុជាចុះជួយ ខេត្តស្វាយរៀង

សម្តេចកិត្តិសង្គហបណ្ឌិត ម៉ែន សំអន អនុប្រធានគណបក្សប្រជាជនកម្ពុជា និងជាប្រធានក្រុមការងារគណបក្ស ចុះជួយខេត្តស្វាយរៀង នៅថ្ងៃទី៩ ខែមីនា ឆ្នាំ២០២៤នេះ បានអញ្ជើញប្រកាសក្រុមការងារគណបក្សចុះជួយខេត្ត ដែលពិធីនេះបានប្រព្រឹត្តទៅនៅសាលប្រជុំ របស់គណៈកម្មាធិការគណបក្សប្រជាជនកម្ពុជាខេត្តស្វាយរៀង ដោយមានការអញ្ជើញចូលរួមពី ឯកឧត្តម លោកជំទាវ លោក លោកស្រី នៅក្នុងគណៈកម្មាធិការកណ្តាល និងគណៈកម្មាធិការគណបក្សខេត្ត ស្រុក ក្រុង ឃុំ សង្កាត់ប្រមាណជាង៥០០នាក់ផងដែរ ។មានប្រសាសន៍នាឱកាសនោះ ក្នុងនាមគណបក្សប្រជាជនកម្ពុជា សម្តេចកិត្តិសង្គហបណ្ឌិត បានពាំនាំនូវការផ្តាំផ្ញើរការសាកសួរសុខទុក្ខពីសំណាក់ សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា សម្តេចអគ្គមហាពញ្ញាចក្រី ហេង សំរិន ប្រធានកិត្តិយសគណបក្ស និងសម្តេចមហាបវរធិបតី ហ៊ុន ម៉ាណែត អនុប្រធានគណបក្ស និងជានាយករដ្ឋមន្រ្តី នៃព្រះរាជាណាចក្រកម្ពុជា ជូនចំពោះឯកឧត្តម លោកជំទាវ លោក លោកស្រី នៅក្នុងគណៈកម្មាធិការកណ្តាល មន្ត្រីថ្នាក់ដឹកនាំនៅតាមក្រសួង មន្ទីរ អង្គភាព ថ្នាក់ខេត្ត ស្រុក ក្រុង ឃុំ សង្កាត់ ដែលបានអញ្ជើញមកជួយជុំ ប្រជុំបែកចែកភារៈកិច្ចការងារចុះជួយនៅពេលនេះដោយក្តីនឹករលឹក។ សម្តេចកិត្តិសង្គហបណ្ឌិតបានបន្តទៀតថា យោងតាមសេចក្តីសម្រេចលេខ ៨៣៧/១១២៣/សស.គក ចុះថ្ងៃទី២០ ខែវិច្ឆិកា ឆ្នាំ២០២៣ របស់គណៈអចិន្រ្តៃយ៍គណៈកម្មាធិការកណ្តាល ស្តីពីផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាជធានី ក្រុមប្រឹក្សាខេត្ត ក្រុមប្រឹក្សាក្រុង ក្រុមប្រឹក្សាស្រុក ក្រុមប្រឹក្សាខណ្ឌ អាណត្តិទី៤ ឆ្នាំ២០២៤ ដែលនឹងប្រព្រឹត្តទៅនាថ្ងៃទី២៦ ខែឧសភា ឆ្នាំ២០២៤ខាងមុខ គណបក្សគ្រប់ថ្នាក់ ក្រុមការងារគណបក្សគ្រប់ថ្នាក់ត្រូវត្រៀមអនុវត្ត នូវភារកិច្ចមួយចំនួនបន្តទៀត ដើម្បីគណបក្សខេត្តស្វាយរៀង សម្រេចឲ្យបានតាមផែនការកំណត់របស់គណៈអចិន្រ្តៃយ៍គណបក្ស។សម្តេចកិត្តិសង្គហបណ្ឌិត ក៏បានថ្លែងអំណរគុណ និងថ្លែងនូវការកោតសសើរចំពោះគណបក្សខេត្ត រដ្ឋបាលខេត្ត ក្រុមការងារគណបក្ស ក្រុមការងាររាជរដ្ឋាភិបាលចុះមូលដ្ឋានខេត្តស្វាយរៀង ដែលបានចូលរួមចំណែកដល់កិច្ចអភិវឌ្ឍខេត្តស្វាយរៀងឲ្យមានរីកចម្រើនគួរឲ្យកត់សម្គាល់ និងទទួលបានលទ្ធផលគួរជាទីមោទនៈ។ ជាពិសេស គណបក្សប្រជាជនកម្ពុជាបានទទួលបានការគាំទ្រ និងទទួលបានជោគជ័យក្នុង ការបោះឆ្នោតជ្រើតាំងតំណាងរាស្រ្ត នីតិកាលទី ៧ និងការបោះឆ្នោតជ្រើសតាំងសមាជិកព្រឹទ្ធសភា សម្រាប់ភូមិភាគ៦ នីតិកាលទី៥៕

សន្និសីទសារព័ត៌មាន ស្ដីពីការចុះអនុវត្តន៍វិធានការច្បាប់ចំពោះក្រុមអានាធិបតេយ្យមួយក្រុមដែលបានរុករានទន្ទ្រានយកដីរដ្ឋ ក្នុងភូមិសាស្ដ្រស្រុកគូលែន

អាជ្ញាធរខេត្តព្រះវិហារ នាព្រឹកថ្ងៃទី០៧ ខែមីនា ឆ្នាំ២០២៤ បានបើកសន្និសីទសារព័ត៌ មាន ស្ដីពីការចុះអនុវត្តវិធានការផ្លូវច្បាប់ក្នុងការការពារដីរដ្ឋដែលបានចុះបញ្ជីរួច និងប្រគល់សិទ្ធ វិនិយោគទៅអោយក្រុមហ៊ុន សីលាដាម៉ិច ខូអិលធីឌី ស្ថិតក្នុងភូមិសាស្ដ្រឃុំស្រយង់ និងឃុំភ្នំ ត្បែងពីរ ស្រុកគូលែន ខេត្តព្រះវិហារ នៅថ្ងៃទី០៦ ខែមីនា ឆ្នាំ២០២៤ ក្រោយពីមានជនអនាធិបតេយ្យមួយក្រុមបានចូលទៅរុករានទន្ទ្រានយកដីដោយខុសច្បាប់។សន្និសីទនេះ បានរៀបចំឡើងនៅសាលសន្និសីទសារព័ត៌មាន សាលាខេត្តព្រះវិហារ ក្រោមការអញ្ជើញចូលរួមពីសំណាក់ លោក សួន សុវណ្ណ អនុប្រធានរដ្ឋបាលព្រៃឈើ លោក ណុប វុធ្ធី អភិបាលរងខេត្តព្រះវិហារ លោក ពឹង ទ្រីដា ប្រធានមន្ទីរកសិកម្ម រុក្ខាប្រមាញ់ និង នេសាទខេត្ត លោកស្រី ហែម សុគុណពិសី ប្រធានមន្ទីរព័ត៌មានខេត្ត ព្រមទាំងមានការចូលរួម ពីអ្នកពាក់ព័ន្ធ និងអ្នកសារព័ត៌មានជាច្រើនរូបទៀត។អភិបាលរងខេត្តព្រះវិហារ លោក ណុប វុធ្ធី បានបញ្ជាក់ឱ្យដឹងថា មុននិងការចុះចាត់ វិធានការផ្លូវច្បាប់ចំពោះ ក្រុមអនាធិបតេយ្យដែលរុករានទន្រ្ទានដីរដ្ឋដោយខុសច្បាប់ទាំងនេះ គឺ អាជ្ញាធរខេត្តព្រះវិហារ បានធ្វើវិធានការរដ្ឋបាលជាច្រើនខែរួចមកហើយ ហើយក៏បានហៅក្រុម ទាំងនេះមកធ្វើការប្រជុំ អប់រំណែនាំ ឱ្យចាកចេញដោយសន្ដិវិធីជាច្រើនលើកច្រើនសារ មិនតែ ប៉ុណ្ណោះអាជ្ញាធរក៏បានទុកឱកាសរយៈពេល១០ថ្ងៃ មុនការចុះអនុវត្តច្បាប់ ទាំងរដ្ឋបាលស្រុក គូលែន រួមនិងមន្ទីរកសិកម្មខេត្ត បានធ្វើការផ្សព្វផ្សាយតាមរយៈការចាក់សារជាសម្លេងថែមទៀត ក្នុងនោះមានបងប្អូនមួយចំនួនបានសហការរុះរើចាកចេញ និងនៅមួយចំនួនធំដែលចាញ់បោក តាមការអូសទាញរបស់ក្រុមអនាធិបតេយ្យ ដែលមានមេក្លោង មានរចនាសម្ព័ន្ធត្រឹមត្រូវ និងមាន អង្គការចាត់តាំង នៅតែរឹងទទឹងមិនព្រមចាកចេញ ហាក់បីដូចជាចង់យកតំបន់នោះធ្វើជា តំបន់អបគមន៍។លោកអភិបាលរងខេត្តបានបន្ដថា នៅថ្ងៃទី០៦ ខែមីនា ឆ្នាំ២០២៤ ក្រុមការងារចម្រុះ ដឹកនាំប្រតិបត្តិការដោយ ឯកឧត្តម ទី សុវិនថាល់ ព្រះរាជអាជ្ញា នៃអយ្យការអមសាលាដំបូង ខេត្ត និងដឹកនាំបញ្ជាកម្លាំងដោយឯកឧត្តម កែវ អូម៉ាលីស្ស ប្រតិភូរាជរដ្ឋាភិបាលកម្ពុជា ទទួល បន្ទុកជាប្រធានរដ្ឋបាលព្រៃឈើ និងឯកឧត្តម គីម រិទ្ធី អភិបាល នៃគណៈអភិបាលខេត្ត បានចុះ អនុវត្តវិធានការផ្លូវច្បាប់ ចំពោះក្រុមអនាធិបតេយ្យទាំងនោះ។ ក្នុងប្រតិបត្តិការនេះ មនុស្សចំនួន ៣៦នាក់ ត្រូវបានឃាត់ខ្លួន និងប្រមាណជាង៣០នាក់ទៀត នៅរឹងទទឹង ថែមទាំងធ្វើការតបត ជាមួយកម្លាំងសមត្ថកិច្ច ដោយប្រើប្រាស់មធ្យោបាយផ្សេងៗ មានដូចជា កាំបិត ផ្គាក់ ពូថៅ ចំពាមកៅស៊ូ និងដបសាំងគប់មកលើសមត្ថកិច្ចជាដើម ទើបសមត្ថកិច្ចប្រើសិទ្ធក្នុងការការពារ ខ្លួនគប់គ្រាប់បែកផ្សែងដើម្បីបំបែកក្រុមអនាធិបតេយ្យទាំងនោះ។អនុប្រធានរដ្ឋបាលព្រៃឈើ លោក សួន សុវណ្ណ បានបញ្ជាក់ដែរថា ការចាត់វិធានការផ្លូវ ច្បាប់នៅថ្ងៃទី៦ ខែមីនា ឆ្នាំ២០២៤ ចំពោះក្រុមអនាធិបតេយ្យទាំងនេះ គឺមិនមែនជារឿងថ្មីនោះ ទេ លោកថានេះគឺជាលើកទី២ហើយ នៅក្នុងទីតាំងដដែល ប៉ុន្ដែក្រុមអនាធិបតេយ្យទាំង នេះនៅតែចូលមកកាប់រានទន្ទ្រានដោយខុសច្បាប់។ លោកបានបញ្ជាក់ទៀតថា ដីសម្បទាន សេដ្ឋកិច្ចក្រុមហ៊ុនសីលាដាម៉ិច ខូអិលធីឌី រាជរដ្ឋាភិបាលបានផ្ដល់សិទ្ធទៅអោយក្រុមហ៊ុននៅឆ្នាំ ២០១០ ដែលមានផ្ទៃដី ៩,០០០ហិកតា ប៉ុន្ដែដោយមើលឃើញថា មានប្រជាពលរដ្ឋអាស្រ័យ ផលនៅលើដីនោះ រាជរដ្ឋាភិបាលក៏បានកាត់ឈ្វៀលចំនួន០២លើក ដោយលើកទី១ នៅឆ្នាំ ២០១២ តាមរយៈគោលនយោបាយចាស់សកម្មភាពថ្មី និងលើកទី២ នៅឆ្នាំ២០១៩ មុនពេលដី នេះបានធ្វើការចុះបញ្ជីជាដីរដ្ឋ។លោកបានបន្ដថា ចំពោះក្រុមអនាធិបតេយ្យ ដែលចូលមកកាប់រានដោយខុសច្បាប់ទាំង នេះគឺចូលមកកាន់កាប់ក្រោយការកាត់ឈ្វៀលទាំងពីរលើក និងក្រោយការចុះបញ្ជីដីនេះជាដីរដ្ឋ ពោលគឺចូលមកកាន់កាប់ពុំស្របតាមច្បាប់។

ខេត្តកោះកុង រៀបចំកម្មវិធីសប្បាយនៅឆ្នេរសមុទ្រតំបន់តារាសាគរ

ខេត្តកោះកុងបានសហការជាមួយក្រុមហ៊ុនញូញៀន រៀបចំជាកម្មវិធីសប្បាយៗ បែបទេសចរណ៍នៅតំបន់ឆ្នេរសមុទ្រតារាសាគរ។បើតាមការឲ្យដឹងរបស់លោក ចេង មុនីរិទ្ធ អភិបាលស្រុកគិរីសាគរ លើកឡើងនៅរសៀលថ្ងៃទី ៨ មីនា ឆ្នាំ២០២៤ថា កម្មវិធីនេះ ធ្វើឡើងក្នុងគោលបំនងផ្សព្វផ្សាយពីសក្កានុពលវិស័យទេសចរណ៍ ក្នុងស្រុករយៈពេល២ថ្ងៃចាប់ពីថ្ងៃទី៨ដល់ថ្ងៃទី៩ ខែមីនា។លោកអភិបាលស្រុកគិរីសាគរ បន្ថែមថា កម្មវិធីនេះ មានអ្នកទេសចរបែបលក្ខណៈ ក្រុមហ៊ុនTourism ជាច្រើននាក់មកលេងកម្សាន្តផងដែរ ដោយបោះតង់ជាង៧០០តង់នៅឆ្នេរ ពិព័រណ៌អាហារ ងូតទឹក និងប្រគុំតន្ត្រីជាដើម។គួរជម្រាបថា ក្នុងឱកាសអបអសាទរទិវានារីអន្តរជាតិ ៨ មីនា នេះ រមណីយដ្ឋានទេសចរណ៍សំខាន់នៅតំបន់កោះស្តេច ក៏ភ្ញៀវទេសចរជាច្រើននាក់កំពុងសម្រុកមកលេងកម្សាន្ត។ លុះស្អែកព្រឹក ភ្ញៀវទេសចរមួយចំនួននឹងបន្តចូលរួមកម្មវិធីរត់ប្រណាំងចម្ងាយ៨គីឡូម៉ែត្រ នៅវិថី សាយ ភូថង ស្ថិតក្នុងឃុំអណ្តូងទឹក ស្រុកបូទុមសាគរ។

ប្រជាពលរដ្ឋប៉ាគីស្ថាន ត្រៀមរៀបចំពិធីបុណ្យរ៉ាម៉ាដាន ស្របពេលមានក្តីកង្វល់ពីអតិផរណាកើនឡើងខ្ពស់

កាលពីថ្ងៃព្រហស្បតិ៍ម្សិលមិញ ប្រជាពលរដ្ឋប៉ាគីស្ថាន បានសម្រុកដើរផ្សារដើម្បីទិញអីវ៉ាន់សម្រាប់ខែពិធីបុណ្យរ៉ាម៉ាដាន ស្របពេលកើតមានវិបត្តិអតិផរណា បន្ទាប់ពីការបោះឆ្នោតជម្លោះដែលបណ្តាលឲ្យមានរដ្ឋាភិបាលចម្រុះ ។ លោក Mohammad Faisal ដែលជាអ្នកទិញទំនិញមួយរូបនៅផ្សារផលិតផលលក់ដុំ ស្ថិតក្នុងទីក្រុងធំបំផុត Karachi របស់ប៉ាគីស្ថាន និយាយថា បើធៀបនឹងកាលពីឆ្នាំមុន តម្លៃទំនិញឡើងថ្លៃខ្លាំងជាងមុនក្នុងឆ្នាំនេះ ។ លោកបន្តថា បច្ចុប្បន្នរដ្ឋាភិបាលថ្មី បានឡើងកាន់អំណាច ។ ចាំមើលថាតើពួកគេនឹងធ្វើអ្វីខ្លះ ដើម្បីកាត់បន្ថយអតិផរណា ។ ពួកគេគួរតែធ្វើអ្វីមួយពីវា ។ ប្រជាពលរដ្ឋគ្រាន់តែចង់បានការធូរស្រាលប៉ុណ្ណោះ ។ កាលពីថ្ងៃអាទិត្យកន្លងទៅ សភាទើបបង្កើតថ្មីរបស់ប៉ាគីស្ថាន បានបោះឆ្នោតជ្រើសតាំងលោក Shehbaz Sharif ជានាយករដ្ឋមន្រ្តីជាលើកទី ២ រយៈពេល ៣សប្តាហ៍ក្រោយការបោះឆ្នោតសកលពុំច្បាស់លាស់ បណ្តាលមកពីការពន្យាពេលបង្កើតរដ្ឋាភិបាលចម្រុះ ។ ប៉ាគីស្ថាន បន្តជាប់គាំងក្នុងវិបត្តិសេដ្ឋកិច្ច ខណៈដែអតិផរណានៅតែបន្តស្ថិតក្នុងកម្រិតខ្ពស់ ប្រហែល ៣០ភាគរយ ហើយកំណើនសេដ្ឋកិច្ចមានការយឺតយ៉ាវខ្លាំងប្រហែល ២ភាគរយប៉ុណ្ណោះ ។ កាលពីខែកុម្ភៈ អតិផរណាធ្លាក់ចុះតិចតួចមកនៅកម្រិត ២៣,១ភាគរយ ពីរយៈពេល ១ឆ្នាំមុន មួយផ្នែកដោយសារតែអតិផរណាបន្តស្ថិតក្នុងកម្រិតខ្ពស់ ។ លោក Asad Ali ដែលជាអ្នកដើរទិញអីវ៉ាន់ម្នាក់ទៀត និយាយថា វិក្កយបត្រអគ្គិសនី វិក្កយបត្រហ្គាស និងវិក្កយបត្រទឹក បានកើនឡើងខ្លាំង ។ ពេលដែលមនុស្សម្នាក់មិនអាចទូទាត់វិក្កយបត្រទាំងអស់នេះ តើឲ្យគាត់ត្រូវចំណាយលើទំនិញប្រើប្រាស់ប្រចាំថ្ងៃដោយរបៀបណាកើត?ដោយឡែក លោក Sajid Hameed គឺជាម្ចាស់ហាងមួយរូប និយាយថា ពលរដ្ឋបន្ទោសលោកថាហេតុអ្វីបានជាទំនិញថ្លៃម៉្លេះ ពួកគេមិនយល់ទេ ថាគាត់លក់ថ្លែបែបនេះ ក៏ដោយសារតែទំនិញដែលគាត់ទិញបន្ត បានឡើងថ្លៃរួចទៅហើយ ៕

កូរ៉េខាងជើង ធ្វើសមយុទ្ធកាំភ្លើងធំ ដែលបង្កការគំរាមកំហែងដ៏ខ្លាំងក្លាដល់ប្រទេសកូរ៉េខាងត្បូង

អ្នកជំនាញ បាននិយាយថា ប្រទេសកូរ៉េខាងជើងកាលពីថ្ងៃព្រហស្បតិ៍ បានបង្ហាញប្រព័ន្ធកាំភ្លើងធំរយៈចម្ងាយឆ្ងាយរបស់ខ្លួន អាវុធរាប់ពាន់ដែលខ្លួនអាចប្រើ ដើម្បីវាយប្រហារកូរ៉េខាងត្បូងដោយមានការព្រមានតិចតួច ខណៈពេលដែលបណ្តាលឲ្យមានអ្នកស្លាប់ និងរបួសរាប់ម៉ឺននាក់។ សមយុទ្ធកាំភ្លើងធំរបស់កូរ៉េខាងជើង កើតឡើង ចំពេលដែលភាពតានតឹងកាន់តែខ្លាំងឡើងនៅលើឧបទ្វីបកូរ៉េ នៅពេលដែលសហរដ្ឋអាមេរិក និងកូរ៉េខាងត្បូងធ្វើសមយុទ្ធ Freedom Shield ប្រចាំឆ្នាំរបស់ពួកគេ ដែលយោធាកូរ៉េខាងត្បូង បាននិយាយថា នឹងផ្តោតលើការទប់ស្កាត់ការគំរាមកំហែងនុយក្លេអ៊ែររបស់ កូរ៉េខាងជើង។ទីភ្នាក់ងារសារព័ត៌មានមជ្ឈិមកូរ៉េ (KCNA) បានរាយការណ៍ថា ក្រសួងការពារជាតិរបស់កូរ៉េខាងជើងកាលពីថ្ងៃចន្ទ បានរិះគន់សមយុទ្ធរួមគ្នារវាងសហរដ្ឋអាមេរិក និងកូរ៉េខាងត្បូងរយៈពេល ១១ថ្ងៃថា ជា «ការបង្កហេតុ» និង ខ្វះការទទួលត្រូវ ហើយបានព្រមានកងកម្លាំងកូរ៉េខាងជើង នឹងតាមដាន «សកម្មភាពបង្កគ្រោះថ្នាក់ផ្សេងទៀត» និងធ្វើ «សកម្មភាពយោធាប្រកបដោយការទទួលខុសត្រូវ» ដើម្បីនាំយកនូវអ្វីដែលហៅថា ស្ថានភាពសន្តិសុខគ្មានស្ថិរភាពមកគ្រប់គ្រងឲ្យបាន។សមយុទ្ធកាំភ្លើងធំកាលពីថ្ងៃព្រហស្បតិ៍ គឺជាសមយុទ្ធលើកទី២របស់កូរ៉េខាងជើង ក្នុងសប្តាហ៍នេះ មួយថ្ងៃបន្ទាប់ពីកងកម្លាំងជើងគោករបស់ខ្លួន ហាក់ដូចជាជ្រៀតចូលប៉ុស្តិ៍ការពារព្រំដែន ក្នុងអំឡុងពេលធ្វើសមយុទ្ធ។មេដឹកនាំកូរ៉េខាងជើងលោក គីម ជុងអ៊ុន បានសង្កេតមើលសមយុទ្ធទាំងពីរ ហើយត្រូវបានគេឃើញនៅក្នុងរូបថតដែលផ្តល់ដោយប្រព័ន្ធផ្សព្វផ្សាយរដ្ឋ។

ការប្រកួតប្រជែងគ្នាជាថ្មីរវាងលោកTrump និងលោកBiden លេចចេញកាន់តែច្បាស់

អ្នកធ្វើយុទ្ធនាការទាំងពីរនេះ ត្រូវបានគេមើលឃើញទៅក្នុងសប្តាហ៍នេះ ជាមួយនឹងកម្មវិធី Super Tuesday របស់ទូរទស្សន៍ CNN និងសេចក្តីថ្លែងការណ៍ទៅកាន់ប្រជាជាតិអាមេរិក ជារយៈពេលដ៏សំខាន់ដែលនឹងកំណត់សំឡេង និងកំណត់ទម្រង់នៃការបោះឆ្នោតសកលនាពេលខាងមុខ នៅសហរដ្ឋអាមេរិក។យុទ្ធនាការនេះ គឺជាការលេចចេញនូវការប្រកួតឡើងវិញរបស់លោក Biden និង លោកTrump យ៉ាងច្បាស់។លោកស្រី Nikki Haley បានបោះបង់ចោលការប្រកួតប្រជែងតំណែងប្រធានាធិបតីពីគណបក្សសាធារណរដ្ឋកាលពីថ្ងៃពុធ ប៉ុន្តែមិនបានគាំទ្រលោក Trumpទេ ហើយបាននិយាយថា វាអាស្រ័យលើគាត់ក្នុងការ«ទទួលបានការគាំទ្រពីអ្នកបោះឆ្នោត ដែលមិនគាំទ្រគាត់ពីដំបូង។អ្នកបោះឆ្នោតជិត ៥៧០.00នាក់នៅក្នុងរដ្ឋសមរភូមិសំខាន់ៗចំនួនបីគឺរដ្ឋ Nevada រដ្ឋ North Carolina និង Michigan បានបោះឆ្នោតឲ្យលោកស្រី Haley ក្នុងការប្រកួតប្រជែងជ្រើសរើសគណបក្សសាធារណរដ្ឋ ដែលជាក្រុមតូចមួយ ប៉ុន្តែសំខាន់ក្នុងការប្រណាំងប្រជែងដែលត្រូវបានសម្រេចដោយមានការគាំទ្រ តិចតួច នៅក្នុងការបោះឆ្នោត នាពេលថ្មីៗនេះ។ឧទាហរណ៍ លោកស្រី Haley បានទទួលសំឡេងគាំទ្រចំនួន២៥០.000 សំឡេង នៅក្នុងការបោះឆ្នោតបឋមនៅរដ្ឋ North Carolina ជារដ្ឋមួយដែល Trump ឈ្នះតិចជាង ៧៥.000 សំឡេង ក្នុងឆ្នាំ ២០២០។ទាំងលោកលោក Biden និង លោក Trump បានចេញនូវសេចក្តីថ្លែងការណ៍យ៉ាងឆាប់រហ័ស ដោយអំពាវនាវឲ្យអ្នកបោះឆ្នោត Haley ចូលរួមក្រុមរបស់ពួកគេ ទោះបីជាពួកគេ បានប្រើយុទ្ធសាស្ត្រខុសគ្នាយ៉ាងខ្លាំងក៏ដោយ។ឥឡូវនេះ ជាមួយនឹងការរៀបចំឡើងវិញនៃយុទ្ធនាការដ៏ជូរចត់ឆ្នាំ ២០២០ របស់ពួកគេទាំងអស់ ប៉ុន្តែត្រូវបានកំណត់ជាផ្លូវការបន្ទាប់ពីកម្មវិធី Super Tuesday អ្នកធ្វើយុទ្ធនាការទាំងពីរ កំពុងបង្ហាញពីយុទ្ធសាស្រ្តរបស់ពួកគេសម្រាប់ការផ្គូរផ្គងរវាងប្រធានាធិបតី និងអ្នកស្នងតំណែងមុនរបស់គាត់ភ្លាមៗ។អ្នកធ្វើយុទ្ធនាការទាំងពីរ នឹងប្រកួតប្រជែងយ៉ាងលំបាកបំផុតនៅក្នុងរដ្ឋដែលមានភាពប្រទាញប្រទង់ ចំនួន៧ ដែល៥ក្នុងចំណោមនោះ បានផ្លាស់ប្តូរពីលោកTrump ក្នុងឆ្នាំ ២០១៦ ទៅគាំទ្រលោក Biden កាលពី៤ឆ្នាំមុន។ យុទ្ធនាការបោះឆ្នោតឡើងវិញរបស់លោក Biden ទាមទារឲ្យមានការកើនឡើងលើការជួលបុគ្គលិក និងកំណត់គោលដៅអ្នកបោះឆ្នោតក្នុងរដ្ឋដែលគណបក្សទាំងពីរបានឈ្នះ។ មន្ត្រីយុទ្ធនាការរបស់លោកTrump កំពុងបញ្ចប់ការគ្រប់គ្រងគណៈកម្មាធិការជាតិសាធារណរដ្ឋ នៅសប្តាហ៍នេះ ហើយសម្លឹងមើលការពង្រីកប្រតិបត្តិការខាងក្រៅរបស់ពួកគេ។

ស៊ុយអែតចូលជាសមាជិកណាតូ ខណៈសង្គ្រាមនៅអ៊ុយក្រែន ជំរុញឲ្យគិតពីបញ្ហាសន្តិសុខឡើងវិញ

ស៊ុយអែត បានចូលរួមជាមួយអង្គការណាតូក្នុងទីក្រុងវ៉ាស៊ីនតោន កាលពីថ្ងៃព្រហស្បតិ៍ ពីរឆ្នាំបន្ទាប់ពីការលុកលុយរបស់រុស្ស៊ីលើអ៊ុយក្រែន បានបង្ខំឲ្យខ្លួនគិតឡើងវិញនូវគោលនយោបាយសន្តិសុខជាតិរបស់ខ្លួន ហើយសន្និដ្ឋានថា ការគាំទ្រសម្រាប់សម្ព័ន្ធភាព គឺជាការធានាសុវត្ថិភាពដ៏ល្អបំផុតរបស់ប្រទេសនៅតំបន់ស្កែនឌីវ៉ានៀ។នាយករដ្ឋមន្ត្រីស៊ុយអែត លោក Ulf Kristersson បានប្រគល់ឯកសារចុងក្រោយដល់រដ្ឋាភិបាលសហរដ្ឋអាមេរិកកាលពីថ្ងៃព្រហស្បតិ៍ ដែលជាជំហានចុងក្រោយក្នុងដំណើរការរយៈពេលយូរ ដើម្បីទទួលបានការគាំទ្រពីសមាជិកទាំងអស់ ដើម្បីចូលរួមសម្ព័ន្ធភាពយោធានេះ។លោកអង់តូនី ប្ល៊ីនខិន ( Antony Blinken) រដ្ឋមន្ត្រីការបរទេសសហរដ្ឋអាមេរិក បាននិយាយ ខណៈដែលលោកបានទទួលឯកសារចូលជាសមាជិករបស់ស៊ុយអែតពីលោក Kristersson ថា៖ «រឿងល្អៗ បានមកដល់អ្នកដែលរង់ចាំហើយ»។លោកប្ល៊ីនខិន បានថ្លែងថា៖«អ្វីគ្រប់យ៉ាង បានផ្លាស់ប្តូរ» បន្ទាប់ពីការលុកលុយពេញទំហឹងរបស់រុស្ស៊ីលើអ៊ុយក្រែន ដោយលើកឡើងពីការស្ទង់មតិបង្ហាញពីការផ្លាស់ប្តូរដ៏ធំនៅក្នុងមតិសាធារណៈស៊ុយអែតលើការចូលរួមក្នុងអង្គការណាតូ។«ប្រទេសស៊ុយអែត បានដឹងអ្វីមួយយ៉ាងស៊ីជម្រៅ: ប្រសិនបើលោកពូទីន មានឆន្ទៈព្យាយាមលុបបំបាត់ប្រទេសជិតខាងមួយចេញពីផែនទី នោះលោកប្រហែលជាមិនឈប់នៅទីនោះទេ»។សម្រាប់អង្គការណាតូ ការចូលជាសមាជិករបស់ស៊ុយអែត និងហ្វាំងឡង់ ដែលចែកព្រំដែន ១.៣៤០គីឡូម៉ែត្រ (៨៣០ម៉ាយ) ជាមួយរុស្ស៊ី គឺជាការបន្ថែមដ៏សំខាន់បំផុត ក្នុងរយៈពេលជាច្រើនទសវត្សរ៍។ វាក៏ជាការវាយប្រហារមួយផងដែរសម្រាប់ប្រធានាធិបតីរុស្ស៊ី លោក វ្ល៉ាឌីមៀ ពូទីន ដែលបានព្យាយាមរារាំងការពង្រឹងសម្ព័ន្ធភាពបន្ថែមទៀត។

អភិបាលខេត្តឧត្តរមានជ័យ ដាក់បទបញ្ជាដល់កម្លាំសមត្ថកិច្ចទាំងអស់ ត្រូវបង្រ្កាបល្បែងស៊ីសងក្នុងដែនសមត្ថកិច្ចរបស់ខ្លួនឱ្យអស់

ក្នុងកិច្ចប្រជុំគណៈបញ្ជាការឯកភាពខេត្ត ឯកឧត្តម ប៉ែន កុសល្យ បានដាក់បទបញ្ជាដល់កងកម្លាំងសមត្ថកិច្ចជំនាញពាក់ព័ន្ធទាំងអស់ ត្រូវបង្រ្កាបល្បែងស៊ីសងគ្រប់រូបភាព ពិសេសការលេងល្បែងស៊ីសងឆ្នោតតាមប្រព័ន្ធអនឡាញ ត្រូវបង្រ្កាបឲ្យមានប្រសិទ្ធភាព ប្រសិនបើក្នុងដែនសមត្ថកិច្ចណាមួយហ៊ានលបលួចបើកឲ្យមានករណីលេងល្បែងស៊ីសងនោះ និងត្រូវទទួលខុសត្រូវចំពោះច្បាប់។ឯកឧត្តម ប៉ែន កុសល្យ អភិបាលខេត្តឧត្តរមានជ័យ និងជាប្រធានគណៈបញ្ជាឯកភាពខេត្ត ថ្លែងបែបនេះ ក្នុងកិច្ចប្រជុំគណៈបញ្ជាការឯកភាពខេត្ត និងមានការចូលរួមពីកងកម្លាំងសមត្ថកិច្ចជំនាញស្ថាប័នពាក់ព័ន្ធជាច្រើនរូបផងដែរ នាថ្ងៃទី៨មីនាឆ្នាំ២០២៤នេះ។ឯកឧត្តមប្រធានគណៈបញ្ជាការខេត្ត បានធ្វើការណែនាំជំរុញដល់អាជ្ញាធរ និងមេឃុំ មេភូមិ នៅតាមបណ្តាលក្រុងស្រុកទាំងប្រាំរបស់ខេត្ត ត្រូវអនុវត្តធ្វើការពន្លឿនការដោះស្រាយបញ្ហាទំនាស់វិវាទដីធ្លី ដែលមាននៅសេសសល់ទាំងប៉ុន្មាននៅក្នុងមូលដ្ឋានរបស់ខ្លួនត្រូវធ្វើការដោះស្រាយឲ្យលឿន និងឆាប់បំផុតទៅតាមអ្វីដែលអាចធ្វើបានដើម្បីសម្រួលដល់ការធ្វើប្លង់ជូនប្រជាពលរដ្ឋប្រកបដោយកម្លាភាព និងមានភាពជឿជាក់ ដើម្បីពលរដ្ឋបានអាស្រ័យផលលើដីរបស់គាត់បានស្របច្បាប់ផងដែរ។ឯកឧត្តម ប៉ែន កុសល្យ បានសង្កាត់ធ្ងន់ថា ដោយឡែកចំពោះបញ្ហា នៅតាមបណ្តាលច្រកព្រំដែនកម្ពុជា ថៃ នានាក្នុងភូមិសាស្រ្តខេត្តឧត្តរមានជ័យ កងកម្លាំងជំនាញស្ថាប័នពាក់ព័ន្ធទាំងអស់ត្រូវធ្វើការពង្រឹងការងារភារកិច្ចតួរនាទីស្នូលរបស់ខ្លួនឲ្យមានប្រសិទ្ធភាពក្នុងការក្តាប់ឲ្យបានរាល់សភាពការណ៍ព័ត៌មានផ្សេងៗ និងត្រូវចេះសាមគ្គីភាពគ្នាផ្ទៃក្នុងតែមួយក្នុងការរួមសហការគ្នាដើម្បីបម្រើផលប្រយោជន៍រួម ជូនដល់ប្រជាពលរដ្ឋក្នុងសង្គមឲ្យទទួលភាពកក់ក្តៅផងដែរ៕

ពិភពលោកប្រារព្ធទិវាសិទ្ធិនារីអន្តរជាតិនៅថ្ងៃនេះ

ពិភពលោកប្រារព្ធទិវាសិទ្ធិនារីអន្តរជាតិ៨មីនានៅថ្ងៃសុក្រនេះ ប៉ុន្តែអំឡុងការប្រារព្ធតែងមានសកម្មភាពតវ៉ាផ្សេងៗបានកើតឡើង ។ស្ត្រីនៅទូទាំងពិភពលោកនឹងទាមទារប្រាក់ឈ្នួលស្មើគ្នា សិទ្ធិបន្តពូជ ការអប់រំ យុត្តិធម៌ ការសម្រេចចិត្តលើការងារ និងតម្រូវការចាំបាច់ផ្សេងទៀតក្នុងអំឡុងពេលបាតុកម្មប្រារព្ធទិវាសិទ្ធិនារីអន្តរជាតិ៨មីនានៅថ្ងៃសុក្រសប្ដាហ៍នេះ។ ដោយត្រូវបានទទួលស្គាល់ជាផ្លូវការពីអង្គការសហប្រជាជាតិក្នុងឆ្នាំកាលពីឆ្នាំ១៩៧៧ ទិវានារីអន្តរជាតិត្រូវបានប្រារព្ធឡើងតាមរបៀបផ្សេងៗគ្នា និងទៅតាមកម្រិតផ្សេងៗគ្នានៅតាមប្រទេសនានាជុំវិញពិភពលោក។ ការតវ៉ាជាច្រើនជាញឹកញាប់តែងមានលក្ខណៈនយោបាយ ហើយជួនកាលមានអំពើហិង្សា ចាក់ឫសក្នុងកិច្ចខិតខំប្រឹងប្រែងរបស់ស្ត្រីក្នុងការលើកកម្ពស់សិទ្ធិជាកម្មករ។ ការធ្វើបាតុកម្មត្រូវបានគ្រោងធ្វើចាប់ពីទីក្រុងតូក្យូ ដល់ទីក្រុងម៉ិកស៊ិក ហើយប្រធានបទសកលសម្រាប់ឆ្នាំនេះគឺ ការជំរុញចិត្តក្នុងការផ្ដល់តម្លៃរួម។ ទិវាសិទ្ធិនារីអន្តរជាតិគឺជាការប្រារព្ធពិធីជាសាកល ហើយអំពាវនាវឱ្យចាត់វិធានការ ដែលត្រូវបានកើតឡើងដោយមានបាតុកម្ម ភាគច្រើនជាស្ត្រីនៅជុំវិញពិភពលោក រាប់ចាប់ពីការតវ៉ាប្រឆាំង រហូតដល់ការរត់សប្បុរសធម៌។ខ្លះអបអរសាទរសមិទ្ធិផលសេដ្ឋកិច្ច សង្គម និងនយោបាយរបស់ស្ត្រី ខណៈខ្លះទៀតជំរុញឱ្យរដ្ឋាភិបាលធានានូវប្រាក់ឈ្នួលស្មើគ្នា លទ្ធភាពទទួលបានការថែទាំសុខភាព យុត្តិធម៌សម្រាប់ជនរងគ្រោះនៃអំពើហិង្សាផ្អែកលើយេនឌ័រ និងការអប់រំសម្រាប់ក្មេងស្រី ជាដើម ។ថ្ងៃនេះគឺជាថ្ងៃឈប់សម្រាកផ្លូវការនៅក្នុងប្រទេសជាង២០ រួមទាំងអាហ្វហ្គានីស្ថាន ប៊ួគីណាហ្វាស៊ូ អ៊ុយក្រែន រុស្ស៊ី និងគុយបា និងមានប្រទេសតែមួយគត់នៅក្នុងទ្វីបអាមេរិក។ ដូចនៅក្នុងទិដ្ឋភាពផ្សេងទៀតនៃជីវិត ប្រព័ន្ធផ្សព្វផ្សាយសង្គមដើរតួនាទីយ៉ាងសំខាន់ក្នុងអំឡុងទិវាសិទ្ធិនារីអន្តរជាតិ ជាពិសេសតាមរយៈការពង្រីកការយកចិត្តទុកដាក់ចំពោះបាតុកម្មដែលបានធ្វើឡើងនៅក្នុងប្រទេសដែលមានរដ្ឋាភិបាលគាបសង្កត់ចំពោះស្ត្រី និងការមិនយល់ស្របជាទូទៅ៕

បណ្ដាញសង្គម

ព័ត៌មានថ្មីៗ

ស្លូវេនីក្លាយជាប្រទេស EUលើកដំបូងគេដាក់ទណ្ឌកម្មអាវុធលើអ៊ីស្រាអែល

អំណោយរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ត្រូវបាន ឯកឧត្តម ទេសរដ្ឋមន្រ្តី គន់ គីម នាំយកប្រគល់ជូនគ្រួសារកងទ័ពជួរមុខ

លោក Zelensky ទាមទារឲ្យមានទណ្ឌកម្មកាន់តែតឹងរ៉ឹង ក្រោយការវាយប្រហាររបស់រុស្ស៊ី សម្លាប់មនុស្ស ៣១នាក់ នៅទីក្រុងគីវ

ប្រធានាធិបតីហ្វាំងឡង់ប្រាប់ថា ត្រៀមរួចជាស្រេច ក្នុងការទទួលស្គាល់រដ្ឋប៉ាឡេស្ទីន

ចិន៖ ក្រុមហ៊ុន Nvidia ត្រូវតែផ្តល់ «ភស្តុតាងសុវត្ថិភាព» ដើម្បីទទួលបានទំនុកចិត្តឡើងវិញ

លោក Putin សង្ឃឹមថា កិច្ចចរចាសន្តិភាពរុស្ស៊ី-អ៊ុយក្រែន នឹងបន្តប្រព្រឹត្តទៅ

ព្រះសង្ឃ និងប្រតិភូក្រសួងធម្មការ នាំយកអំណោយជូនប្រជាពលរដ្ឋស្នាក់នៅបណ្តោះអាសន្នពីជម្លោះព្រំដែន

អាហ្វ្រិកខាងត្បូងរងការដំឡើងពន្ធអាមេរិក ៣០ភាគរយ ក្រោយពុំបានឈានដល់កិច្ចព្រមព្រៀងពាណិជ្ជកម្ម

មនុស្សយ៉ាងហោច ៣៣នាក់ ត្រូវបានសម្លាប់នៅទីក្រុងគីវ ស្របពេលរលកនៃការវាយប្រហាររបស់រុស្ស៊ី

បារាំងចាប់ផ្តើមទម្លាក់ជំនួយមនុស្សធម៌ នៅតំបន់ហ្កាហ្សា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ​ និង ការអភិវឌ្ឍន៍

សម្តេច ម៉ែន សំអន អញ្ជើញប្រកាស​ក្រុមការងារ​គណបក្សប្រជាជន​កម្ពុជា​ចុះជួយ​ ខេត្តស្វាយរៀង