BTV NEWS

សម្ដេចធិបតី៖ រាជរដ្ឋាភិបាល និងមហាគ្រួសារខ្មែរនៅជាមួយកងទ័ពជួរមុខគាំទ្រគ្រប់មធ្យោបាយទាំងអស់

សម្ដេចធិបតី ដឹកនាំគណៈប្រតិភូចូលក្រាបបង្គំគាល់ព្រះករុណា ព្រះមហាក្សត្រ ទូលថ្វាយលទ្ធផលចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក

សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្តពីព្រះបរមរតនកោដ្ឋក្នុងការពូនជ្រំទំនាក់ទំនងរវាងកម្ពុជា និងចិន

សម្តេចតេជោអនុញ្ញាតឱ្យសមាជិកគណៈកម្មាធិការអចិន្ត្រៃយ៍សភាប្រជាជនចិនជួបសម្តែងការគួរសម

នយោបាយ និង ការអភិវឌ្ឍន៍

ប្រទេសឥណ្ឌា និងជប៉ុន ធ្វើសមយុទ្ធយោធារួមគ្នាប្រចាំឆ្នាំលើកទី៥ នៅទីក្រុងវាលខ្សាច់ភាគពាយព្យ

កងកម្លាំងប្រដាប់អាវុធរបស់ប្រទេសឥណ្ឌា និងជប៉ុន កាលពីថ្ងៃអង្គារ បានធ្វើសមយុទ្ធយោធារួមគ្នាប្រចាំឆ្នាំលើកទី៥ មានឈ្មោះថា ដាម៉ា ហ្គាឌៀន «Dharma Guardian» រវាងប្រទេសទាំងពីរ នៅរដ្ឋ រ៉ាចាឋាន(Rajasthan) ភាគខាងលិច។ សមយុទ្ធនេះ ត្រូវបានធ្វើឡើងប្រចាំឆ្នាំ ក្នុងគោលបំណងជំរុញកិច្ចសហប្រតិបត្តិការយោធា និងធ្វើឲ្យប្រសើរឡើងសមត្ថភាពនៃការអនុវត្តន៍ប្រតិបត្តិការរួមគ្នា។កងទ័ពប្រទេសឥណ្ឌា និងជប៉ុន បានអនុវត្តការធ្វើសមយុទ្ធប្រយុទ្ធ និងសកម្មភាពផ្សេងៗ នៅក្នុងទីក្រុង ប៊ីកាន័រ (Bikaner) ប្រទេសឥណ្ឌា។ សមយុទ្ធយោធារយៈពេលពីរសប្តាហ៍នេះ ត្រូវបានកំណត់កាលបរិច្ឆេទបញ្ចប់នៅថ្ងៃសៅរ៍ ទី៩ ខែមីនា។ប្រភពព័ត៌មានពីក្រសួងការពារជាតិឥណ្ឌា បាននិយាយថា កងទ័ពប្រទេសឥណ្ឌា និងកងទ័ពស្វ័យការពារជប៉ុន បានចាប់ផ្តើមសមយុទ្ធយោធារួមលើកទី ៥ ដែលនឹងមានរយៈពេលរហូតដល់ថ្ងៃទី ៩ ខែមីនា។ សេចក្តីថ្លែងការណ៍របស់ក្រសួងការពារជាតិឥណ្ឌា និយាយថា លំហាត់សមយុទ្ធ «Dharma Guardian» បានចាប់ផ្តើមនៅទីលានបាញ់ Mahajan ក្នុងរដ្ឋវាលខ្សាច់ Rajasthan ប្រទេសឥណ្ឌា។ ការធ្វើផែនការរួមគ្នា សមយុទ្ធតាកទិករួម និងមូលដ្ឋានគ្រឹះនៃជំនាញអាវុធពិសេស គឺជាចំណុចសំខាន់នៃសមយុទ្ធនេះ ហើយសមយុទ្ធតាកទិកនេះ ត្រូវបានអនុវត្តអំឡុងពេលធ្វើធ្វើសមយុទ្ធដែលនឹងរួមមានការបង្កើតទីតាំងប្រតិបត្តិការណ្ដោះអាសន្ន បង្កើតការស៊ើបអង្កេត ស៊ើបការសម្ងាត់ និងបណ្តាញឈ្លបយកការណ៍ ការបង្កើតប៉ុស្តិ៍ត្រួតពិនិត្យយានយន្តចល័ត ការរុករកនៅក្នុងភូមិអរិភាព ប្រតិបត្តិការតាមឧទ្ធម្ភាគចក្រ និងសមយុទ្ធអន្តរាគមន៍នៅតាមលំនៅឋាន។

នាយករដ្ឋមន្ត្រីអេស្តូនី៖ យើងមិនអាចខ្ជះខ្ជាយពេលវេលាទេ ដោយសារអ៊ុយក្រែន ត្រូវការជំនួយជាបន្ទាន់

នាយករដ្ឋមន្ត្រីអេស្តូនី លោកស្រី Kaja Kallas ដែលបានចូលរួមកិច្ចប្រជុំក្រៅផ្លូវការនៃសម្ព័ន្ធមិត្តរបស់អ៊ុយក្រែន នៅទីក្រុងប៉ារីស បានអំពាវនាវឲ្យមានការពន្លឿន ជាបន្ទាន់នូវការផ្គត់ផ្គង់អាវុធដល់ទីក្រុងគីវ។លោកស្រី Kallas បានថ្លែងថា៖«យើងមិនអាចខ្ជះខ្ជាយពេលវេលាបានទេ ពីព្រោះអ៊ុយក្រែនជាដំបូង ត្រូវការជំនួយជាបន្ទាន់ជាមួយនឹងអាវុធ»។លោកស្រី បានសម្តែងក្តីសង្ឃឹមថា ការសម្រេចចិត្តនាពេលថ្មីៗនេះរបស់ប្រទេសដាណឺម៉ាក ក្នុងការបញ្ជូនគ្រាប់រំសេវទាំងអស់របស់ខ្លួនទៅកាន់អ៊ុយក្រែន នឹងជំរុញឲ្យប្រទេសផ្សេងទៀតបង្កើនល្បឿនការផ្គត់ផ្គង់យោធាដល់ទីក្រុងគីវ។លោកស្រីនាយករដ្ឋមន្ត្រី បានបន្ថែមថា៖«យើងក៏ត្រូវមើលថាតើជំនួយអ្វីខ្លះដែលអ្នកអាចទទួលបាននៅក្នុងទីផ្សារពិភពលោក ដូចដែលប្រទេសឆេក បានធ្វើរួចហើយនោះ»។លោកស្រី Kallas ក៏បាននិយាយផងដែរថា ជាមួយនឹងកិច្ចខិតខំប្រឹងប្រែងរួមគ្នា សម្ព័ន្ធមិត្ត អាចជួយអ៊ុយក្រែន ឈ្នះសង្រ្គាមប្រឆាំងនឹងរុស្ស៊ី។លោកស្រី បានបញ្ជាក់ថា៖«យើងមានធនធាន អំណាចសេដ្ឋកិច្ច និងចំណេះដឹង។ កងទ័ពរបស់យើងខ្លាំងជាងរុស្ស៊ី ហើយយើង មិនគួរព្រួយបារម្ភអំពីកម្លាំងរបស់យើងទេ»។លើសពីទៅទៀតនេះ លោកនាយករដ្ឋមន្ត្រី បានធានាថា ការគាំទ្រផ្នែកយោធារយៈពេលវែងរបស់ប្រទេសអេស្តូនី ដល់អ៊ុយក្រែន ក្នុងរយៈពេល ៤ឆ្នាំខាងមុខ នឹងមាន ០,២៥ ភាគរយនៃផលិតផលក្នុងស្រុកសរុបរបស់ខ្លួន។

ដោយប្រឈមអត្រាកំណើតទាបបំផុតរបស់ពិភពលោក កូរ៉េខាងត្បូង បង្កើនកិច្ចខិតខំប្រឹងប្រែងរក្សាចំនួនមនុស្សចាស់

ខណៈប្រទេសកូរ៉េខាងត្បូង ប្រឈមមុខទៅនឹងវិបត្តិប្រជាសាស្រ្តជាមួយ នឹងអត្រាកំណើតទាបបំផុតរបស់ពិភពលោក ប្រទេសនេះកំពុងខិតខំប្រឹងប្រែងដើម្បីរៀបចំផែនការដ៏មានសក្តានុពលចំពោះចំនួនប្រជាជនវ័យចំណាស់របស់ខ្លួន។ ដំណោះស្រាយដោយភាពច្នៃប្រឌិតមួយចំនួន រួមមានការអនុញ្ញាតឱ្យមនុស្សចាស់មួយចំនួន ចុះឈ្មោះចូលរៀនក្នុងឆ្នាំវ័យចំណាស់របស់ពួកគេ ហើយថែមទាំងជួលពួកគេ ធ្វើជាតារាបង្ហាញម៉ូត ដើម្បីដើរលើវិថីម៉ូដ។ប្រទេសកូរ៉េខាងត្បូង ត្រូវបានកំណត់ថានឹងក្លាយជាប្រទេសមានមនុស្សវ័យចំណាស់ច្រើននៅឆ្នាំ ២០២៥ ដែលនៅពេលនោះមនុស្សមានអាយុលើសពី ៦៥ឆ្នាំ នឹងមានចំនួនដល់២០ភាគរយ នៃចំនួនប្រជាជនសរុប៥២លាននាក់។ យោងតាមស្ថិតិរបស់ប្រទេសកូរ៉េ បានឲ្យដឹងថា នៅក្នុងឆ្នាំ ២០៥០ ចំនួននេះអាចកើនឡើងដល់ជិត ៤៤ ភាគរយនៃចំនួនប្រជាជន។ ទោះបីជាយ៉ាងណា ក្នុងចំណោមប្រជាជនកូរ៉េខាងត្បូង វ័យចំណាស់ ១០ នាក់ មាន ៦ នាក់ ឬច្រើនជាងនេះ នឹងប្រឈមប្រាក់ចំណូលមិនគ្រប់គ្រាន់ ហើយចំនួនមនុស្សចាស់ រស់នៅម្នាក់ឯង ក៏នឹងកើនឡើងផងដែរ។អ្នកជំនាញបាននិយាយថា វាជារឿងសំខាន់សម្រាប់រដ្ឋាភិបាលកូរ៉េខាងត្បូង ក្នុងការបង្កើតគោលនយោបាយ ដោះស្រាយការផ្លាស់ប្តូរប្រជាសាស្រ្តរបស់ប្រទេស និងបង្កើតមធ្យោបាយបន្ថែមទៀត សម្រាប់ប្រជាជនវ័យចំណាស់។ យោងតាមរបាយការណ៍ក្នុងស្រុកបានឱ្យដឹងថា សាលាបឋមសិក្សាចំនួនប្រមាណ ៣.៨០០កន្លែង នៅទូទាំងប្រទេស បានបិទក្នុងរយៈពេល ៤០ ឆ្នាំចុងក្រោយនេះ ដោយសារតែការធ្លាក់ចុះនៃការចុះឈ្មោះចូលរៀន ជាពិសេសនៅតាមតំបន់ជនបទ។

លោក Trump និងលោក Biden ឈ្នះការបោះឆ្នោតបឋមនៅរដ្ឋមីជីហ្គែន តែលោក Bidenជួបប្រទះការបោះឆ្នោតតវ៉ាជុំវិញសង្រ្គាមហ្កាហ្សា

លោកប្រធានាធិបតី Joe Biden ត្រូវបានកំណត់ថាបានឈ្នះការបោះឆ្នោតជ្រើសរើសបេក្ខភាពប្រធានាធិបតីបឋមរបស់គណបក្សប្រជាធិបតេយ្យនៅរដ្ឋមីជីហ្គែន ទោះបីជាមនុស្សរាប់ម៉ឺននាក់តវ៉ាប្រឆាំងនឹងរូបលោកជុំវិញសង្រ្គាមនៅតំបន់ហ្កាហ្សាក៏ដោយ។ក្រុមសកម្មជនបានជំរុញម្ចាស់ឆ្នោតបោះឆ្នោតឲ្យតែគណបក្សប្រជាធិបតេយ្យប៉ុណ្ណោះ កុំបោះឆ្នោតសម្រាប់ប្រធានាធិបតីឲ្យសោះ ដោយសារជំហររបស់លោកចំពោះសង្រ្គាមរបស់អ៊ីស្រាអែលក្នុងតំបន់ហ្កាហ្សា។យោងតាមសារព័ត៌មាន CBS News លោក Biden ទទួលបានសំឡេងគាំទ្រចំនួន៨០%។ ចំណែកលោក Donald Trump វិញបានយកឈ្នះអតីតអភិបាលរដ្ឋសោត ខារ៉ូឡាយណា(South Carolina) លោកស្រី នីគីហាលី (Nikki Haley)នៅក្នុងការបោះឆ្នោតបឋមមួយទៀតរបស់គណបក្សសាធារណរដ្ឋនៅក្នុងរដ្ឋ មីជីហ្គែន (Michigan) ជាជ័យជម្នះចុងក្រោយបំផុតក្នុងការបោះឆ្នោតបឋម ខណៈលោកកាន់តែខិតទៅការទទួលបានការតែងតាំងជាបេក្ខជនប្រធានាធិបតីរបស់គណបក្សសាធារណរដ្ឋ។ សារព័ត៌មាន AP បានរាយការណ៍ពីជ័យជម្នះរបស់លោក Trump លើអតីតអភិបាលរដ្ឋសោត ខារ៉ូឡាយណា និងជាឯអគ្គរដ្ឋទូតប្រចាំនៅអង្គការសហប្រជាជាតិក្រោមអាណត្តិរបស់លោក Trump នៅម៉ោង៩យប់ម៉ោងក្នុងសហរដ្ឋអាមេរិក ។ អតីតប្រធានាធិបតីវ័យ៧៧ឆ្នាំរូបនេះ បានទម្លាក់លោកស្រី Haley ម្តងហើយម្តងទៀតនៅក្នុងការបោះឆ្នោតបឋមជាច្រើនរដ្ឋរួចមកហើយ ប៉ុន្តែលោកស្រី បានបន្តយុទ្ធនាការដោយព្យាយាមបង្ហាញពីចំណុចខ្សោយរបស់ Trump និងធ្វើឱ្យគណបក្សសាធារណរដ្ឋមិនសប្បាយចិត្តចំពោះលោក Trump។លោកស្រី Haley បានសន្យាថានឹងបន្តយុទ្ធនាការរហូតដល់ថ្ងៃអង្គារ ទី៥ ខែមិនាខាងមុខ នៅពេលដែលរដ្ឋចំនួន ១៥ នឹងបោះឆ្នោត ហើយលោក Trump អាចឈ្នះក្នុងរដ្ឋទាំងអស់នោះ និងទទួលបានការតែងតាំងជាបេក្ខភាពប្រធានាធិបតី ពីគណបក្សសាធារណរដ្ឋ៕

រដ្ឋមន្ត្រីរតនាគារ៖ រដ្ឋអាមេរិកនិងសម្ព័ន្ធមិត្ត វាយតម្លៃពីជម្រើសលើទ្រព្យបង្កករបស់រុស្ស៊ី ដោយថ្លឹងថ្លែងពីហានិភ័យជម្លោះនៅហ្កាហ្សា

រដ្ឋមន្ត្រីក្រសួងរតនាគារសហរដ្ឋអាមេរិក លោកស្រី Janet Yellen កាលពីថ្ងៃអង្គារ បានបញ្ជាក់អំពីភាពបន្ទាន់ នៃការឈានឆ្ពោះទៅមុខរួមគ្នាជាមួយសម្ព័ន្ធមិត្តប្រទេសមានសេដ្ឋកិច្ចរីកលូតលាស់ទាំង៧ ឬ G7 ដើម្បីដោះស្រាយការវាយតម្លៃនៃទ្រព្យអធិបតេយ្យភាពរបស់រុស្ស៊ីដែលត្រូវបានបង្កក ប៉ុន្តែបាននិយាយថា ទីក្រុងវ៉ាស៊ីនតោន ពុំមានយុទ្ធសាស្ត្រជាទីពេញចិត្តសម្រាប់របៀបបន្តដំណើរការនេះទេ។ លោកស្រី Yellen បាននិយាយនៅក្នុងសន្និសីទសារព័ត៌មាន នៅមុនកិច្ចប្រជុំជាមួយសមភាគីប្រទេស G7 និង G20 ថា សហរដ្ឋអាមេរិក និងសម្ព័ន្ធមិត្ត កំពុងវាយតម្លៃជម្រើសផ្សេងៗគ្នា និងហានិភ័យដែលពាក់ព័ន្ធ ដោយបានបញ្ជាក់ពីសារៈសំខាន់នៃការធានាបានថា វាស្របទៅតាមច្បាប់អន្តរជាតិ។ លោកស្រី និយាយថា មានហានិភ័យពាក់ព័ន្ធ ប៉ុន្តែបាននិយាយសម្រាលពីការព្រួយបារម្ភថា ទ្រព្យរបស់រុស្ស៊ីដែលត្រូវបានរឹបអូស នឹងធ្វើឱ្យអន្តរាយដល់មុខងារប្រាក់ដុល្លារ ប្រាក់អឺរ៉ូ ឬប្រាក់យ៉េនរបស់ជប៉ុន ដែលជារូបិយប័ណ្ណសកលដ៏សំខាន់។ លោកស្រី Yellen បាននិយាយអំពីផលប៉ះពាល់អវិជ្ជមាននូវជម្លោះនៅតំបន់ហ្កាហ្សា កំពុងកើតមានសម្រាប់សេដ្ឋកិច្ចរបស់អ៊ីស្រាអែល និងតំបន់ West Bank ។ នៅក្នុងសុន្ទរកថា លោកស្រី Yellen បាននិយាយថា លោកស្រី បានជំរុញនាយករដ្ឋមន្ត្រីអ៊ីស្រាអែល លោក Benjamin Netanyahu នៅក្នុងលិខិតមួយកាលពីពេលថ្មីៗនេះ សុំឱ្យអនុញ្ញាតការងារឡើងវិញសម្រាប់ប្រជាជនប៉ាឡេស្ទីន និងកាត់បន្ថយរបាំងពាណិជ្ជកម្មនៅក្នុងតំបន់ West Bank ។ លោកស្រី បាននិយាយថា ទីក្រុងវ៉ាស៊ីនតោន ពុំបានមើលឃើញផលប៉ះពាល់ខ្លាំងនៃជម្លោះលើសេដ្ឋកិច្ចសកលនោះទេ ប៉ុន្តែនឹងបន្តតាមដានស្ថានការណ៍យ៉ាងដិតដល់។ ប្រធានាធិបតីសហរដ្ឋអាមេរិក លោក Joe Biden និងរដ្ឋបាលរបស់លោក បានគាំទ្រការវាយប្រហាររបស់អ៊ីស្រាអែលលើតំបន់ហ្កាហ្សា ថាជាការចាំបាច់ដើម្បីកម្ចាត់ក្រុមហាម៉ាស បន្ទាប់ពីការវាយប្រហារកាលពីថ្ងៃទី ៧ ខែតុលា។ មន្ត្រីសហរដ្ឋអាមេរិក បានប្រកាន់ជំហររិះគន់ខ្លាំងបន្ថែមទៀត លើការវាយលុករបស់អ៊ីស្រាអែលក្នុងប៉ុន្មានសប្តាហ៍ថ្មីៗនេះ ខណៈចំនួនអ្នកស្លាប់នៅតំបន់ហ្កាហ្សាកើនឡើងជិត ៣០.០០០នាក់។

កម្ពុជា-ម៉ាឡេស៊ី មានសុទិដ្ឋិនិយមខ្លាំងលើការពង្រីកទំនាក់ទំនងទ្វេភាគីពិសេសលើវិស័យពាណិជ្ជកម្ម និងវិនិយោគ

សម្តេចមហាបរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានដឹកនាំគណៈ ប្រតិភូជាន់ខ្ពស់រាជរដ្ឋាភិបាល ធ្វើមាតុភូមិនិវត្តន៍ នាវេលាយប់ ថ្ងៃទី២៧ ខែកុម្ភៈ ឆ្នាំ២០២៤ នេះ បន្ទាប់ពីបានបំពេញទស្សនកិច្ចផ្លូវការនៅប្រទេសម៉ាឡេស៊ីប្រកបដោយជោគជ័យនាថ្ងៃកាលពីថ្ងៃទី២៧ ខែកុម្ភៈ ឆ្នាំ២០២៤ម្សិលមិញនេះ តបតាមការអញ្ជើញរបស់ ឯកឧត្តម ដាតុ ស៊េរី អាន់វ៉ា ប៊ីន ស៊ីប្រាហ៊ីម នាយករដ្ឋមន្ត្រីនៃប្រទេសម៉ាឡេស៊ី។ ទស្សនកិច្ចនេះបានធ្វើឱ្យប្រទេសទាំងពីរមានសុទិដ្ឋិនិយមកាន់តែខ្ពស់ចំពោះការពង្រឹងទំនាក់ទំនងទ្វេភាគីឱ្យកាន់តែឈានឡើងបន្ថែមទៀត ដើម្បីនាំមកនូវផលប្រយោជន៍ដល់ប្រទេស និងប្រជាជនទាំងពីរ ក៏ដូចជាផលប្រយោជន៍សម្រាប់តំបន់ និងពិភពលោកទាំងមូល។ក្នុងក្របខ័ណ្ឌនយោបាយ និងការទូតសម្តេចធិបតី ត្រូវបានទទួលបដិសណ្ឋារកិច្ចយ៉ាង អធិកអធម ដោយឥស្សរជនជាន់ខ្ពស់ម៉ាឡេស៊ី អមដោយកងកិត្តិយសនៅអាកាសយានដ្ឋានអន្តរជាតិប្រទេសម៉ាឡេស៊ី មុននឹងទទួលការស្វាគមន៍ដោយ ឯកឧត្ដម ជាតុ ស៊េរី អាន់វ៉ា ប៊ីន ស៊ីប្រាហ៊ីម នៅការិយាល័យនាយករដ្ឋមន្ត្រី ដើម្បីដឹកនាំកិច្ចប្រជុំទ្វេភាគី។ ក្នុងកិច្ចប្រជុំនោះនាយករដ្ឋមន្ត្រីទាំងពីរ បានបង្ហាញការស្វាគមន៍ និងពេញចិត្តចំពោះការផ្លាស់ប្តូរទស្សនកិច្ចរវាងមេដឹកនាំប្រទេសទាំងពីរជាបន្តបន្ទាប់។ ក្នុងកិច្ចប្រជុំទ្វេភាគីនោះដែរ នាយករដ្ឋមន្ត្រីទាំងពីរ បានវាយតម្លៃខ្ពស់លើលទ្ធផលនៃកិច្ចសហប្រតិបត្តិការ ទ្វេភាគីកន្លងមក និងបានផ្លាស់ប្តូរយោបល់អំពីការពង្រឹង និងពង្រីកកិច្ចសហប្រតិបត្តិការលើវិស័យជាច្រើន រួមមាន វិស័យនយោបាយ ការពារជាតិ សន្តិសុខ ពាណិជ្ជកម្ម និងវិនិយោគ ទេសចរណ៍ ឧស្សាហកម្មអាហារហាឡាល់ ការងារ ទូរគមនាគមន៍ និងបច្ចេកវិទ្យាព័ត៌មាន បច្ចេកវិទ្យាឌីជីថល និងសន្តិសុខថាមពល។ ភាគីទាំងពីរក៏បាន ពិភាក្សាក្នុងការពិនិត្យលទ្ធភាពពង្រីកជើងហោះហើរផ្ទាល់ពីម៉ាឡេស៊ីទៅកាន់តំបន់ទេសចរណ៍សំខាន់ៗរបស់កម្ពុជា ដូចជាខេត្តសៀមរាបជាដើម។ ជាការកត់សម្គាល់នៅក្នុងវិស័យការពារជាតិភាគីទាំងពីរបានឯកភាពបន្តជំរុញនូវ កិច្ចសហប្រតិបត្តិការរួមមាន ការបណ្តុះបណ្តាលធនធានមនុស្ស ការកសាងសមត្ថភាព ការផ្លាស់ប្តូរព័ត៌មាន និងការធ្វើលំហាត់រួមគ្នាព្រមទាំងបានឯកភាពគាំទ្រការសម្របសម្រួល សម្រាប់គម្រោងខ្សែបញ្ជូនថាមពលក្រោមសមុទ្រ (ឡាវ-កម្ពុជា-សិង្ហបុរី) ឆ្លងកាត់បាតសមុទ្ររបស់ប្រទេសម៉ាឡេស៊ី និងបានឯកភាពពិនិត្យលទ្ធភាពរៀបចំកិច្ចប្រជុំគណៈកម្មការចម្រុះកិច្ចសហប្រតិបត្តិការទ្វេភាគី (JCBC) ដឹកនាំដោយរដ្ឋមន្ត្រីការបរទេសនៃប្រទេសទាំងពីរ។នាឱកាសដ៏វិសេសវិសាលនោះដែរ សម្តេចធិបតី បានអញ្ជើញដឹកនាំគណៈប្រតិភូជាន់ខ្ពស់រាជរដ្ឋាភិបាល ចូលក្រាបថ្វាយបង្គំគាល់ ព្រះចៅ ព្រះមហាក្សត្រទី១៧ នៃប្រទេសម៉ាឡេស៊ី ជាទីគោរពសក្ការៈដ៏ខ្ពង់ខ្ពស់ នៅព្រះបរមរាជវាំង និងបានចូលជួបសម្តែងការគួរសមជាមួយ ឯកឧត្ដម ប្រធានព្រឹទ្ធសភា និង ឯកឧត្ដម ប្រធានរដ្ឋសភាម៉ាឡេស៊ី។ក្នុងក្របខ័ណ្ឌសេដ្ឋកិច្ច ពាណិជ្ជកម្ម និងវិនិយោគ នាយករដ្ឋមន្ត្រីទាំងពីរ បានអញ្ជើញជា អធិបតីក្នុងពិធីចុះហត្ថលេខាលើអនុស្សរណៈយោគយល់រវាងធនាគារជាតិនៃកម្ពុជា និងធនាគារកណ្ដាលម៉ាឡេស៊ី។ អនុស្សរណៈនេះមានវិសាលភាពគ្របដណ្តប់លើទម្រង់ជាច្រើនក្នុងការតភ្ជាប់ប្រព័ន្ធទូទាត់នៃប្រទេសទាំងពីរ រាប់បញ្ចូលទាំងការទូទាត់ក្នុងស្រុករវាងប្រទេសទាំងពីរ ដើម្បីបើកលទ្ធភាពដល់ការទូទាត់ឆ្លងដែនតាម QR Code ក្នុងនោះរួមទាំងការផ្តល់ភាពងាយស្រួលដល់ប្រជាពលរដ្ឋម៉ាឡេស៊ីអាចទូទាត់ដោយស្ទែន QR Code នៅប្រទេសកម្ពុជា ហើយប្រជាពលរដ្ឋកម្ពុជាក៏អាចទូទាត់ដោយស្ទែន QR Code នៅប្រទេសម៉ាឡេស៊ីបានដូចគ្នា ដោយប្រើប្រាស់ រូបិយវត្ថុក្នុងស្រុកសម្រាប់ការទូទាត់។ អនុស្សរណៈនេះ ក៏នឹងជួយគាំទ្រដល់យន្តការនៃកិច្ចសហការត្រួតពិនិត្យការ ទូទាត់ឆ្លងដែនឱ្យកាន់តែមានប្រសិទ្ធភាពនិងសុវត្ថិភាពផងដែរ។ជាមួយវិស័យឯកជនវិញ សម្តេចធិបតី បានអញ្ជើញជាអធិបតីក្នុង វេទិកាធុរកិច្ចកម្ពុជា-ម៉ាឡេស៊ី ដែល រៀបចំឡើងដោយ សភាពាណិជ្ជកម្មកម្ពុជា សភាពាណិជ្ជកម្មម៉ាឡេស៊ីនៅកម្ពុជា និងសភាពាណិជ្ជកម្មនិងឧស្សាហកម្ម ជាតិម៉ាឡេស៊ី។ វេទិកានេះមានការអញ្ជើញចូលរួមពីក្រុមហ៊ុននៃប្រទេសទាំងពីរ និងតំណាងគឺសាប័នពាក់ព័ន្ធសរុប ជាង៤០០នាក់។ សម្តេចធិបតី ក៏បានអញ្ជើញធ្វើជាសាក្សីក្នុងពិធីចុះហត្ថលេខាលើអនុស្សរណៈយោគយល់គ្នារវាង សភា ពាណិជ្ជកម្មនិងឧស្សាហកម្មជាតិម៉ាឡេស៊ី និងសភាពាណិជ្ជកម្មម៉ាឡេស៊ីនៅកម្ពុជា ដើម្បីចូលរួមលើកកម្ពស់ទំនាក់ ទំនងពាណិជ្ជកម្ម សេដ្ឋកិច្ច និងជំរុញកាលានុវត្តភាពធុរកិច្ចរវាងប្រទេសទាំងពីរ។ ក្រៅពីនេះ សម្តេចធិបតី បាន ទទួលជួបប្រធាននិងជានាយកប្រតិបត្តិធនាគារ MAYBANK ដែលជាធនាគារបានចាប់ផ្តើមសកម្មភាពធុរកិច្ចនៅ កម្ពុជាតាំងពីឆ្នាំ១៩៩៣។សូមបញ្ជាក់ជូនថា នេះជាដំណើរទស្សនកិច្ចក្រៅប្រទេសលើកទី១១ របស់ សម្តេចធិបតី ក្នុងនាមជានាយករដ្ឋមន្ត្រី នៃព្រះរាជាណាចក្រកម្ពុជា។ ដំណើរទស្សនកិច្ចពេញមួយថ្ងៃរបស់ប្រមុខរាជរដ្ឋាភិបាលកម្ពុជា និងគណៈប្រតិភូជាន់ខ្ពស់នៅប្រទេសម៉ាឡេស៊ីនាពេលនេះ បានបង្ហាញពីការងារការទូតដ៏សកម្មក្លៀវក្លាមិនខ្លាចនឿយហត់របស់សម្តេចធិបតី ដើម្បីស្វែងរកឧត្តមប្រយោជន៍ជូនជាតិមាតុភូមិ និងប្រជាជន៕

សហគ្រាសអ៊ុយក្រែនជាង ៩០% ចាប់ផ្តើមប្រតិបត្តិការឡើងវិញ ទោះបីជាសង្រ្គាមកំពុងបន្តក៏ដោយ

នាយករដ្ឋមន្ត្រីអ៊ុយក្រែន លោក ដេនីស៍ ស្មីហាល (Denys Shmyhal) បាននិយាយកាលពីថ្ងៃចន្ទ (២៦ កុម្ភៈ) ថាសហគ្រាសអ៊ុយក្រែនជាង ៩០ ភាគរយបានដំណើរការឡើងវិញ បើទោះបីជាកំពុងមានជម្លោះជាមួយរុស្ស៊ីក៏ដោយ។លោក ស្មីហាល បាននិយាយនៅក្នុងវេទិកាធុរកិច្ចក្រោមប្រធានបទ «ផលិតនៅអ៊ុយក្រែន» នៅរដ្ឋធានីគីវ ថា «មកដល់ពេលនេះ សហគ្រាសអ៊ុយក្រែនជាង ៩០ ភាគរយបានបន្តការងារ ហើយកំពុងខិតទៅរកសមត្ថភាពសេវាកម្មមុនសង្រ្គាមរបស់ពួកគេ»។នាយករដ្ឋមន្ត្រីអ៊ុយក្រែនរូបនេះបានបន្ថែមថា វិស័យជាច្រើនដូចជាសំណង់ កសិកម្ម ពាណិជ្ជកម្មក្នុងស្រុក និងឧស្សាហកម្មកែច្នៃ បានមើលឃើញល្បឿននៃការងើបឡើងវិញលឿនបំផុត ហើយកត្តាចំបងដែលជួយរក្សាអាជីវកម្មអ៊ុយក្រែននៅស្របពេលមានជម្លោះគឺការសម្របខ្លួន ការគ្រប់គ្រងវិបត្តិ និងកម្មវិធីគាំទ្រពីរដ្ឋ។គិតត្រឹមខែតុលា ឆ្នាំ២០២៣ សហគ្រាសប្រហែល ៨៤០ ស្ថាប័ននៅអ៊ុយក្រែនត្រូវបានផ្លាស់ប្តូរទីតាំងទៅកាន់តំបន់ដែលមានសុវត្ថិភាពនៅក្នុងប្រទេស។ យោងតាមធនាគារកណ្តាលរបស់អ៊ុយក្រែនបានឱ្យដឹងថា ផលិតផលក្នុងស្រុកសរុបរបស់ខ្លួនបានកើនឡើង ៥ ភាគរយនៅឆ្នាំ២០២៣ បន្ទាប់ពីបានធ្លាក់ចុះ ២៩,២ ភាគរយកាលពីឆ្នាំ២០២២៕

សម្ដេចធិបតី ហ៊ុន ម៉ាណែត អនុញ្ញាតឲ្យនាយកគ្រប់គ្រងក្រុមប្រឹក្សាធុរកិច្ចអាមេរិក-អាស៊ាន រួមនឹងប្រតិភូបណ្ដាក្រុមហ៊ុនវិនិយោគ ១៧ ជួបពិភាក្សាការងារ

នាព្រឹកថ្ងៃទី២៨ ខែកុម្ភៈ ឆ្នាំ២០២៤ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានអនុញ្ញាតឲ្យលោក Brian D. McFeeters អនុប្រធានជាន់ខ្ពស់ និងជានាយកគ្រប់គ្រងក្រុមប្រឹក្សាធុរកិច្ចអាមេរិក-អាស៊ាន រួមជាមួយគណៈប្រតិភូចូលរួមពីបណ្តាក្រុមហ៊ុនវិនិយោគរបស់សហអាមេរិកចំនួន ១៧ ចូលជួបសម្ដែងការគួរសម និងពិភាក្សាការងារ នៅវិមានសន្តិភាព។ ក្រុមហ៊ុនវិនិយោគទាំង១៧ រួមមាន៖១. ក្រុមហ៊ុន Abbott ប្រចាំកម្ពុជា ជាប្រភេទក្រុមហ៊ុនធ្វើអាជីវកម្មលើអាហារូប្ថម្ភ (Nutrition) ២. ក្រុមហ៊ុន ADM ដែលជាក្រុមហ៊ុនឈានមុខលើការផ្គត់ផ្គង់ផលិតផលអាហារ និងភេសជ្ជៈ ៣. ក្រុមហ៊ុន Chevron ដែលជាក្រុមហ៊ុនមេរបស់ក្រុមហ៊ុន Caltex ៤. ក្រុមហ៊ុន ConocoPhilips ដែលជាក្រុមហ៊ុនឈានមុខមួយលើពិភពលោក ក្នុងផ្នែករុករក និងផលិត ប្រេងឥន្ធនៈ និងឧស្ម័នធម្មជាតិ ៥. ក្រុមហ៊ុន Estée Lauder Companies ដែលជាក្រុមហ៊ុនផលិត ធ្វើទីផ្សារ និងចែកចាយផលិតផលគ្រឿងសម្អាង ៦. ក្រុមហ៊ុន FedEx Express គឺជាក្រុមហ៊ុនដែលផ្គត់ផ្គង់លើសេវាកម្មដឹកជញ្ជូន ពាណិជ្ជកម្មអេឡិចត្រូនិក (e-commerce) និងសេវាកម្មធុរកិច្ច៧. ក្រុមហ៊ុន Ford ដែលជាក្រុមហ៊ុនផលិត និងតម្លើងរថយន្តដ៏ល្បីល្បាញរបស់អាមេរិក ៨. ក្រុមហ៊ុន Jhpiego ដែលជាក្រុមហ៊ុនធ្វើអាជីវកម្មលើវិស័យសុខាភិបាល ៩. ក្រុមហ៊ុនធានារ៉ាប់រង Manulife ១០. ក្រុមហ៊ុន Mastercard ដែលជាក្រុមហ៊ុនផ្តល់សេវាទូទាត់ហិរញ្ញវត្ថុទូទាំងសកលលោក ១១. ក្រុមហ៊ុន Meta ដែលជាក្រុមហ៊ុនមេរបស់បណ្តាញសង្គម Facebook និង Instagram ១២. ក្រុមហ៊ុន Pfizer ប្រចាំប្រទេសថៃ និងឧបទ្វីបឥណ្ឌូចិន ។ Pfizer គឺជាក្រុមហ៊ុនផលិតឱសថ និងវ៉ាក់សាំងឈានមុខមួយរបស់អាមេរិក ១៣. ក្រុមហ៊ុន Philip Morris International ១៤. ក្រុមហ៊ុន RMA Group ដែលជាក្រុមហ៊ុនឈានមុខក្នុងការនាំចូល និងតំឡើងរថយន្ត, សម្ភារបរិក្ខារ, សេវាកម្ម និង franchises លើផ្នែកម្ហូបអាហារ ១៥. ក្រុមហ៊ុន Roche ដែលជាក្រុមហ៊ុនផ្តោតលើបរិវត្តកម្មបច្ចេកវិទ្យាលើវិស័យសុខាភិបាល ១៦. ក្រុមហ៊ុន Tilleke & Gibbins ដែលជាក្រុមហ៊ុនផ្តល់សេវាកម្មមេធាវី ១៧. ក្រុមហ៊ុន Visa ដែលជាក្រុមហ៊ុនផ្តល់សេវាទូទាត់ហិរញ្ញវត្ថុទូទាំងសកលលោក ៕

ភាគីជម្លោះហ្កាហ្សា ប្រុងប្រយ័ត្នលើកិច្ចចរចាបទឈប់បាញ់ បន្ទាប់ពីលោក Biden ថាកិច្ចព្រមព្រៀងជិតសម្រេច

អ៊ីស្រាអែល និងក្រុមហាម៉ាស ក៏ដូចជាអ្នកសម្រុះសម្រួលកាតា ទាំងអស់បានកត់សម្គាល់ពីការប្រុងប្រយ័ត្នកាលពីថ្ងៃអង្គារ (២៧ កុម្ភៈ) អំពីវឌ្ឍនភាពឆ្ពោះទៅរកបទឈប់បាញ់នៅហ្កាហ្សា បន្ទាប់ពីប្រធានាធិបតីសហរដ្ឋអាមេរិក លោក ចូ បៃដិន បាននិយាយថា លោកជឿថាបទឈប់បាញ់ អាចសម្រេចបានក្នុងរយៈពេលតិចជាងមួយសប្តាហ៍ ដើម្បីបញ្ឈប់សង្រ្គាមក្នុងពេលបុណ្យរ៉ាម៉ាដាន។ក្រុមហាម៉ាស កំពុងថ្លឹងថ្លែងលើសំណើមួយ ដែលយល់ព្រមដោយអ៊ីស្រាអែល ក្នុងកិច្ចពិភាក្សាជាមួយអ្នកសម្រុះសម្រួលក្នុងទីក្រុងប៉ារីស កាលពីសប្តាហ៍មុន សម្រាប់បទឈប់បាញ់រយៈពេល ៤០ ថ្ងៃ ដែលនឹងក្លាយជាបទឈប់បាញ់រយៈពេលយូរលើកដំបូងនៃសង្រ្គាមរយៈពេលប្រាំខែ ខណៈភាគីទាំងពីរបញ្ជូនគណៈប្រតិភូទៅកាតា ក្នុងសប្តាហ៍នេះដើម្បីសិក្សាព័ត៌មានលម្អិត។យោងតាមប្រភពជិតស្និទ្ធនឹងកិច្ចចរចាបទឈប់បាញ់នេះបានឱ្យដឹងថា សំណើទីក្រុងប៉ារីស នឹងមើលឃើញពួកសកម្មប្រយុទ្ធដោះលែងចំណាប់ថ្នូរមួយចំនួន ជាថ្នូរនឹងការដោះលែងអ្នកជាប់ឃុំប៉ាឡេស្ទីនរាប់រយនាក់នៅអ៊ីស្រាអែល កំណើនជំនួយមនុស្សធម៌សម្រាប់តំបន់ហ្កាហ្សា និងការដកខ្លួនរបស់ទាហានអ៊ីស្រាអែល ពីតំបន់ហ៊ុមព័ទ្ធដែលមានប្រជាជនយ៉ាងក្រាស់ក្រែលនេះ។ប៉ុន្តែសំណើនេះហាក់ដូចជាមិនបំពេញតម្រូវការចម្បងរបស់ក្រុមហាម៉ាស ដែលថាកិច្ចព្រមព្រៀងត្រូវរួមបញ្ចូលផ្លូវច្បាស់លាស់ឆ្ពោះទៅរកការបញ្ចប់ជាអចិន្ត្រៃយ៍នៃសង្គ្រាម និងការដកទ័ពរបស់អ៊ីស្រាអែល៕

ប្រទេសចិន ជំរុញឱ្យរដ្ឋនុយក្លេអ៊ែរធំៗចរចាលើសន្ធិសញ្ញា «មិនប្រើប្រាស់មុន»

នាយកដ្ឋានគ្រប់គ្រងអាវុធរបស់ក្រសួងការបរទេសចិនបាននិយាយថា បណ្ដារដ្ឋដែលមានឃ្លាំងអាវុធនុយក្លេអ៊ែរធំជាងគេគួរតែចរចាលើសន្ធិសញ្ញាស្តីពី «ការមិនប្រើប្រាស់អាវុធនុយក្លេអ៊ែរមុន» ប្រឆាំងនឹងគ្នាទៅវិញទៅមក ឬធ្វើសេចក្តីថ្លែងការណ៍នយោបាយទាក់ទងនឹងបញ្ហានេះ។ទីភ្នាក់ងារព័ត៌មានចិនស៊ិនហួ (Xinhua) បាននិយាយនៅថ្ងៃពុធ (២៨ កុម្ភៈ) នេះថាអគ្គនាយកនៃនាយកដ្ឋាន លោក ស៊ុន សាវប៉ូ (Sun Xiaobo) បានអំពាវនាវឱ្យបណ្ដារដ្ឋនុយក្លេអ៊ែរ បំពេញ «ទំនួលខុសត្រូវជាពិសេស និងជាអាទិភាព» របស់ពួកគេ លើការរំសាយអាវុធនុយក្លេអ៊ែរ យោងតាមសន្និសីទអង្គការសហប្រជាជាតិស្តីពីការរំសាយអាវុធ ដែលស្វះស្វែងរកការទប់ស្កាត់សង្គ្រាមនុយក្លេអ៊ែរ។ក្នុងអំឡុងពេលកិច្ចប្រជុំប្រចាំសប្តាហ៍របស់វេទិកាសន្និសីទនេះនៅទីក្រុងហ្សឺណែវ កាលពីថ្ងៃចន្ទ លោក ស៊ុន បាននិយាយថា ស្ថាប័នគួរតែកំណត់ផែនទីបង្ហាញផ្លូវ ឬកាលវិភាគលើច្បាប់អន្តរជាតិដែលនឹងការពាររដ្ឋដែលមិនមានអាវុធនុយក្លេអ៊ែរ ពីការគំរាមកំហែងនៃអាវុធនុយក្លេអ៊ែរ។បច្ចុប្បន្ន ចិន និងឥណ្ឌា គឺជាមហាអំណាចនុយក្លេអ៊ែរតែពីរគត់ ដែលរក្សាជាផ្លូវការនូវគោលនយោបាយមិនប្រើប្រាស់នុយក្លេអ៊ែរមុន ខណៈរុស្ស៊ី និងសហរដ្ឋអាមេរិក មានឃ្លាំងអាវុធនុយក្លេអ៊ែរដ៏ធំបំផុតក្នុងពិភពលោក៕

បណ្ដាញសង្គម

ព័ត៌មានថ្មីៗ

រលកកម្តៅធ្ងន់ធ្ងរនៅតំបន់បាល់កង់ បណ្តាលឲ្យមានភ្លើងឆេះព្រៃនៅប្រទេសប៊ុលហ្គារី និងអាល់បានី

ប្រេសិតពិសេសសហរដ្ឋអាមេរិកជួបជាមួយប្រធានសភាលីបង់នៅទីក្រុងបេរូត

រដ្ឋមន្រ្តីសុខាភិបាល «យុទ្ធសាស្ត្រមួយល្អ លុះត្រាតែយុទ្ធសាស្រ្តនោះត្រូវបានយកទៅអនុវត្តជាក់ស្តែងបាន ដេីម្បីសម្រេចគោលដៅតាមការគ្រោងទុក»

ទូតឥណ្ឌូនេស៊ីកោតសរសើរកម្ពុជា ចំពោះការគ្រប់គ្រងវិស័យព័ត៌មាន និង សោតទស្សន៍

គម្រោង Golden Dome របស់លោក Trump ស្វែងរកជម្រើសជំនួស SpaceX របស់លោក Musk

ប្រធានាធិបតីកូរ៉េខាងត្បូង លោក Lee ប្រកាសតំបន់គ្រោះមហន្តរាយ ក្រោយទឹកជំនន់

អ៊ីស្រាអែលសម្លាប់មនុស្ស ១២នាក់ក្នុងជំរំសំពត់តង់នៅភាគខាងលិចទីក្រុងហ្កាហ្សា

អគារ និងរថយន្តខូចខាត ត្រូវបានមើលឃើញនៅភូមិ al-Mazra'a ប្រទេសស៊ីរី បន្ទាប់ពីភាពរំជើបរំជួល

ភ្លៀងធ្លាក់ខ្លាំង បង្កការជន់លិចនៅតាមទីក្រុងជាច្រើនក្នុងប្រទេសឥណ្ឌា

ភ្លៀងធ្លាក់ខ្លាំងបង្កការរំខានដល់តំបន់ជនបទ និងជន់លិចដីកសិកម្មនៅចិន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ​ និង ការអភិវឌ្ឍន៍