នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេច​ធិបតីណែនាំអាជ្ញាធរពាក់ព័ន្ធគ្រប់លំដាប់ថ្នាក់ ត្រួតពិនិត្យ និងគ្រប់គ្រងឱ្យបានចំពោះទំនិញគេចពន្ធ និងខូចគុណភាព ហើយត្រូវសហការគ្នាចាត់វិធានការឱ្យបានច្បាស់លាស់
សម្ដេច​ធិបតីក្រើនរំឭកអាជ្ញាធរពាក់ព័ន្ធគ្រប់លំដាប់ថ្នាក់ត្រូវបន្តបង្ក្រាប Online Scams មិនត្រូវបន្ធូរដៃឡើយ
សម្ដេចតេជោ ហ៊ុន សែន អញ្ជើញជួបពិភាក្សាទ្វេភាគីជាមួយ ឯកឧត្តម លី ឈាង នាយករដ្ឋមន្ត្រីចិន
សម្ដេចតេជោ ហ៊ុន សែន អញ្ជើញចូលក្រាបថ្វាយបង្គុំគាល់ព្រះករុណាព្រះមហាក្សត្រ និងសម្តេចព្រះមហាក្សត្រី

នយោបាយ​ និង ការអភិវឌ្ឍន៍

ឯកឧត្តម អ៊ិន ចន្ថា ចុះផ្សព្វផ្សាយ​កម្មវិធី​អាទិភាពរបស់ក្រសួង ដល់មន្ត្រី នៃ​មន្ទីរ​អភិវឌ្ឍន៍​ជនបទ​ ខេត្តពោធិ៍សាត់

2024/03/06 01:35:26 pm        75
Facebook Telegram Linkin
ខេត្តពោធិ៍សាត់ ៖ មន្ទីរអភិវឌ្ឍន៍ជនបទខេត្តពោធិ៍សាត់ បានរៀបចំ​កិច្ច​ប្រជុំ​ផ្សព្វផ្សាយ​កម្ម​វិធី​អាទិភាព​ទាំង​បួន របស់ក្រសួងអភិវឌ្ឍន៍ជនបទ ជូនដល់ថ្នាក់ដឹកនាំ និ​ង​មន្ត្រី​រាជការ នៃ​មន្ទីរ​អភិវឌ្ឍន៍​ជន​បទខេត្តពោធិ៍សាត់ ក្រោមអធិបតីភាព ឯកឧត្តម អ៊ិន ចន្ថា រដ្ឋលេខាធិការ តំណាង​ដ៏ខ្ពង់ខ្ពស់ ឯកឧត្តម ឆាយ ប្ញទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ។លោក ធីម សុធារ៉ា ប្រធានមន្ទីរ បានឡើងមានមតិស្វាគមន៍ និងថ្លែងអំណរគុណ ជូន​ចំពោះ ឯកឧត្តម​រដ្ឋមន្ត្រី តាមរយៈឯកឧត្តម រដ្ឋលេខាធិការ ដែលកន្លងមក តែងតែយកចិត្តទុកដាក់ខ្ពស់ ដល់​មន្ត្រីរាជការរបស់មន្ទីរ តាមរយៈការចុះមកសំណេៈសំណាលដោយផ្ទាល់ និងបើក​កិច្ច​ប្រជុំ​ផ្សព្វផ្សាយ​កម្មវិធីនានារបស់ក្រសួង ដល់មន្ត្រីរាជការ ពិសេសការផ្សព្វ​ផ្សាយ​កម្ម​វិធី​អាទិភាព​ទាំង​បួន​របស់ក្រសួងនាពេលនេះ។ចំពោះខ្លឹមសារស្តីពីកម្មវិធីអាទិភាពទាំងបួន របស់ក្រសួងអភិវឌ្ឍន៍ជនបទរួមមាន៖ ១-ការ​អភិវឌ្ឍ​ហេដ្ឋា​រចនាសម្ព័ន្ធរូបវន្ត និងគមនាគមន៍ ២-ការកែលម្អ​លក្ខខណ្ឌ​នៃ​ការ​រស់​នៅ​របស់​សហគមន៍​ជន​បទ ៣-ការធ្វើពិពិធកម្មសកម្មភាពសេដ្ឋកិច្ចជនបទ និង៤-ពង្រឹងសេវាគាំទ្ររដ្ឋបាល និង​កិច្ចការ​ទូទៅ និងផែនការសកម្មភាពរបស់មន្ទីរអភិវឌ្ឍន៍ជនបទខេត្ត សម្រាប់ឆ្នាំ២០២៤ ។ ឯកឧត្តម អ៊ិន ចន្ថា បានវាយតម្លៃខ្ពស់ចំពោះថ្នាក់ដឹកនាំ និងមន្ត្រីរាជការរបស់មន្ទីរ ដែល​បាន​ខិតខំ​យក​ចិត្តទុកដាក់ស្តាប់ និងចូលរួមជាមតិយោបល់យ៉ាងផុសផុល ដែលអាច​ស​បញ្ជាក់​ថា​មន្ត្រី​ជំនាញ​តាម​ការិយាល័យនីមួយៗ កាន់តែបានយល់ច្បាស់អំពី ផែនការ​សកម្មភាព​របស់​ខ្លួន​ដែល​ត្រូវ​អនុវត្ត​ក្នុងឆ្នាំ២០២៤នេះតទៅ។ ជាមួយគ្នានោះដែរ ឯកឧត្តម បានបន្តលើក​ឡើង​អំពី​យុទ្ធ​សាស្ត្រ​បញ្ចកោណ ដំណាក់កាលទី១ របស់រាជរដ្ឋាភិបាល អាណត្តិទី៧ ក្រោមការដឹកនាំ​ប្រកប​ដោយ​កិត្តិ​បណ្ឌិត របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជា​ណា​ចក្រ​កម្ពុជា​ ដែលបានដាក់ចេញនូវបេសកកម្មជាប្រវត្តិសាស្ត្រ ដើម្បីពន្លឿន​ការ​អភិវឌ្ឍ​ឈាន​ឆ្ពោះ​ទៅ​កាន់​ចក្ខុ​វិស័យកម្ពុជា ជាប្រទេសមានចំណូលកម្រិតខ្ពស់នៅឆ្នាំ២០៥០ តាមរយៈ​ការ​ដាក់​ចេញ​នូវ​យុទ្ធសាស្រ្ត​បញ្ចកោណដំណាក់កាលទី១ ដែលមានបាវចនា ៥ គឺ កំណើន ការងារ សមធម៌ ប្រសិទ្ធ​ភាព និងចីរភាព ដោយផ្អែកលើអាទិភាពគន្លឹះចំនួន ៥ មនុស្ស ផ្លូវ ទឹក ភ្លើង និងបច្ចេក​វិទ្យា​ឌីជីថល។ ក្នុងនោះដែរឯកឧត្តម អ៊ិន ចន្ថា សូមឲ្យមន្ត្រីរាជ​ការ​គ្រប់​ជាន់​ថ្នាក់​នៃ​មន្ទីរ​អភិវឌ្ឍន៍​ជន​បទ​ខេត្ត​ពោធិ៍សាត់ ត្រូវបំពេញការងារតួនាទីប្រកបដោយភាពប្តូរផ្តាច់ សាមគ្គិភាព វិន័យ ឆន្ទះ បូករួម និងការលើកទឹកចិត្ត ដើម្បីបម្រើផលប្រយោជន៍ជូនជាតិមាតុភូមិនិងប្រជាជន ។ក្រោយបញ្ចប់កិច្ចប្រជុំ ឯកឧត្តម អ៊ិន ចន្ថា រួមនិងលោក ធីម សុធារ៉ា និងមន្ត្រីជំនាញ បាន​អញ្ជើញ​ចុះ​ទៅ​ពិនិត្យការដ្ឋានស្ថាបនាផ្លូវបេតុងប្រវែង១២០០ម៉ែត្រ និងលូកាត់ផ្លូវប្រវែង៨ម៉ែត្រ១កន្លែង ដែល​កំពុង​ស្ថាបនានៅលើកំណាត់ផ្លូវត្រពាំងជង-បត់រំដួល ក្នុងស្រុកបាកាន ដែល​ស្ថិត​ក្នុង​គម្រោង​គ្រោះ​ទឹកជំនន់ឆ្នាំ២០២៣ ដោយបច្ចុប្បន្នសម្រេចបាន៧៥ភាគរយ៕ អត្ថបទ៖ ភិរុណ ពៅ 

នាយករដ្ឋមន្ត្រីលីបង់៖ ការចរចាបញ្ចប់ការប្រយុទ្ធគ្នាតាមព្រំដែនលីបង់និងអ៊ីស្រាអែល នឹងចាប់ផ្តើមក្នុងខែរ៉ាម៉ាដាន

2024/03/06 01:33:09 pm        91
Facebook Telegram Linkin
នាយករដ្ឋមន្ត្រីចាំផ្ទះរបស់ប្រទេសលីបង់ លោក ណាជីព មីកាទី (Najib Mikati) បាននិយាយកាលពីថ្ងៃអង្គារថា កិច្ចចរចាដោយប្រយោល ដើម្បីបញ្ចប់អរិភាពនៅតាមព្រំដែនប្រទេសលីបង់ និងអ៊ីស្រាអែល នឹងចាប់ផ្តើមក្នុងអំឡុងខែដ៏បរិសុទ្ធរបស់ពលរដ្ឋមូស្លីមនៃខែបុណ្យរ៉ាម៉ាដាន ដែលចាប់ផ្តើមនៅសប្តាហ៍ក្រោយ។ លោក Mikati បាននិយាយថា ប្រធានសភារបស់ប្រទេសលីបង់ លោក Nabih Berri ដែលស្និទ្ធស្នាលជាមួយក្រុម ហេសបូឡា កំពុងសិក្សាពីសំណើ ដែលស្នើដោយបេសកជនពិសេសសហរដ្ឋអាមេរិក លោក អាម៉ូស ហូចស្តេន(Amos Hochstein) ដែលបានទៅដល់ទីក្រុងបេរូត កាលពីថ្ងៃ ចន្ទ។ ប្រទេសលីបង់ បានចោទប្រកាន់អ៊ីស្រាអែល ពីបទ រំលោភលើសេចក្តីសម្រេចជាង ៣០.០០០ដង និងបាននិយាយថា ប្រទេសលីបង់ត្រៀមខ្លួនជាស្រេចដើម្បីអនុវត្តសេចក្តីសម្រេចឱ្យបានពេញលេញ។ លោក Mikati បាននិយាយថា សំណើរបស់លោក Hochstein ក៏រួមបញ្ចូលផងដែរនូវ ផែនការអភិវឌ្ឍន៍សម្រាប់ប្រទេសលីបង់ភាគខាងត្បូង ដែលនឹងត្រូវបានគាំទ្រដោយរដ្ឋអារ៉ាប់ និងប្រទេសផ្សេងទៀតនៅខាងក្រៅតំបន់។ ក្រុមប្រដាប់អាវុធហេសបូឡា ដ៏មានឥទ្ធិពលនៅប្រទេសលីបង់ និងអ៊ីស្រាអែល បាននិងកំពុងប្រយុទ្ធគ្នា រយៈពេលជិត ៥ ខែមកហើយ ស្របគ្នាជាមួយសង្រ្គាមនៅតំបន់ហ្កាហ្សា ដែលជំរុញឱ្យមានកិច្ចខិតខំប្រឹងប្រែងផ្នែកការទូត ក្នុងគោលបំណងទប់ស្កាត់ការរីកជម្លោះកាន់តែធំ។ក្រុមហេសបូឡា ដែលជាសម្ព័ន្ធមិត្តរបស់ក្រុមហាម៉ាស គឺជាក្រុមមួយក្នុងចំណោមក្រុមសម្ព័ន្ធមិត្តអ៊ីរ៉ង់ ជាច្រើន នៅជុំវិញតំបន់មជ្ឈិមបូព៌ា ដែលបានឈានចូលដល់ការប្រយុទ្ធគ្នាចាប់តាំងពីថ្ងៃទី ៧ ខែតុលា នៅពេលដែលក្រុមសកម្មប្រយុទ្ធហាម៉ាស បានវាយលុកអ៊ីស្រាអែលពីតំបន់ហ្កាហ្សាស្ទ្រីប ដោយបង្កឱ្យមានការវាយលុកជើងគោក ដែនអាកាស និងតាមសមុទ្រ យ៉ាងខ្លាំងក្លារបស់អ៊ីស្រាអែល លើតំបន់ហ្កាហ្សា។

លោក Trump និងលោកBidenត្រូវបានកំណត់ថាឈ្នះការបោះឆ្នោតបឋមនៅរដ្ឋវីជីនៀ និងរដ្ឋណស ខារ៉ូឡាយណា

2024/03/06 01:22:36 pm        102
Facebook Telegram Linkin
លោកប្រធានាធិបតី Joe Biden អតីតប្រធានាធិបតីលោក Donald Trump ត្រូវបានកំណត់ថាបានឈ្នះការប្រកួតប្រជែងរបស់គណបក្សខ្លួននៅក្នុងរដ្ឋវីជីនៀ (Virginia) និងរដ្ឋណស ខារ៉ូឡាយណា (North Carolina) ខណៈការរាប់សន្លឹកឆ្នោតបានចាប់ផ្ដើមនៅថ្ងៃបោះឆ្នោតដ៏ខាន់ដែលគេឲ្យឈ្មោះថា Super Tuesdayរបស់សហរដ្ឋអាមេរិក។ ពលរដ្ឋអាមេរិករាប់លាននាក់នៅទូទាំងរដ្ឋ១៥ និងដែនដីមួយកំពុងបោះឆ្នោតសម្រេច ថា អ្នកណាគួរទទួលបានការតែងតាំងជាបេក្ខភាពប្រធានានាធិបតី។ លោក Trump កំពុងព្យាយាមទម្លាក់លោកស្រីនីគីហាលី(Nikki Haley)ចេញពីការប្រកួតប្រជែងក្នុងជួរគណបក្សសាធារណរដ្ឋ។ នៅពេលនេះគេជឿជាក់ថា លោក Trump និងលោក Biden នឹងប្រកួតប្រជែងគ្នាជាថ្មីទៀតក្នុងការបោះឆ្នោតជ្រើសរើសប្រធានាធិបតីនៅចុងឆ្នាំ២០២៤ខាងមុខនេះ។ ទូរទស្សន៍ CBS News បានកំណត់ថា លោក Biden និងលោក Trump នឹងឈ្នះការបោះឆ្នោតបឋមនៅរដ្ឋ វីជីនៀ និងរដ្ឋណស ខារ៉ូឡាយណា ។យោងតាមការព្យាករណ៍ លោក Joe Biden បានឈ្នះការបោះឆ្នោតបឋមរបស់គណបក្សប្រជាធិបតេយ្យនៅរដ្ឋវ៉ើម៉ុនមួយទៀត។ រដ្ឋចំនួន៥បន្ថែមទៀត មានរដ្ឋ Alabama, Maine, Massachusetts, Oklahoma និងរដ្ឋ Tennessee ត្រូវបិទបញ្ចប់ការបោះឆ្នោតនៅម៉ាង២០ម៉ោងនៅសហរដ្ឋអាមេរិក ។ ចំណែករដ្ឋចំនួន៧ផ្សេងទៀត និងដែនដីសាម័រ (Samoa)ក៏នឹងបញ្ចប់ការបោះឆ្នោតនៅពេលយប់ថ្ងៃអង្គារនោះដែរ៕

កម្មវិធី Facebook និង Instagram របស់ Meta ដំណើរការឡើងវិញ បន្ទាប់ពីការដាច់បណ្ដាញជាសកល

2024/03/06 01:19:59 pm        123
Facebook Telegram Linkin
កម្មវិធីបណ្ដាញសង្គម ហ្វេសប៊ុក (Facebook) និង អ៊ីនស្តាក្រាម (Instagram) ដែលគ្រប់គ្រងដោយក្រុមហ៊ុនមេតា (Meta) បានដំណើរការឡើងវិញកាលពីថ្ងៃអង្គារ (០៥ មីនា) បន្ទាប់ពីការដាច់បណ្ដាញជាងពីរម៉ោង ដែលបណ្តាលមកពីបញ្ហាបច្ចេកទេស និងធ្វើឱ្យប៉ះពាល់ដល់អ្នកប្រើប្រាស់រាប់លាននាក់នៅទូទាំងពិភពលោក។ បញ្ហារំខាននេះបានចាប់ផ្តើមនៅម៉ោងប្រហែល ១០ ព្រឹក (ម៉ោងក្នុងស្រុក)។អ្នកនាំពាក្យក្រុមហ៊ុនមេតា លោក អាន់ឌី ស្តូន (Andy Stone) បាននិយាយនៅក្នុងការបង្ហោះនៅលើបណ្ដាញសង្គម X ដោយមិនបានបញ្ជាក់លម្អិតអំពីបញ្ហានេះថា «នៅមុននេះ បញ្ហាបច្ចេកទេសបានធ្វើឱ្យអ្នកប្រើប្រាស់ពិបាកក្នុងការចូលប្រើសេវាកម្មមួយចំនួនរបស់យើង ហើយយើងបានដោះស្រាយបញ្ហានេះសម្រាប់មនុស្សគ្រប់គ្នាដែលរងផលប៉ះពាល់រួចហើយ»។អ្នកនាំពាក្យក្រុមប្រឹក្សាសន្តិសុខជាតិសេតវិមានបាននិយាយថា ក្រុមប្រឹក្សាកំពុងតាមដានករណីនេះ ហើយមិនបានរកឃើញសកម្មភាពវាយប្រហារតាមអ៊ីនធឺណិតណាមួយនៅពេលនេះទេ។ការដាច់បណ្ដាញនេះគឺស្ថិតក្នុងចំណោមប្រធានបទពេញនិយមបំផុតនៅលើបណ្ដាញសង្គម X ដែលពីមុនជា Twitter ដោយម្ចាស់វេទិកានេះលោក អ៊ីឡុន ម៉ាស (Elon Musk) បានចំអកក្រុមហ៊ុនមេតា ជាមួយនឹងសារបង្ហោះដែលនិយាយថា «ប្រសិនបើអ្នកកំពុងអានការបង្ហោះនេះ នោះគឺដោយសារតែម៉ាស៊ីនមេរបស់យើងកំពុងដំណើរការជាធម្មតាមិនមានបញ្ហាអ្វីដូចគេឡើយ»៕

ក្រុមអ្នកជំនាញ៖ ថវិកាការពារជាតិរបស់ចិន បង្ហាញពីការត្រៀមខ្លួនខាងយោធា មិនមែនសង្រ្គាមជិតមកដល់ទេ

2024/03/06 01:17:05 pm        89
Facebook Telegram Linkin
ក្រុមអ្នកវិភាគបាននិយាយថា កំណើន ៧,២ភាគរយ ដែលបានកំណត់សម្រាប់ថវិកាយោធារបស់ប្រទេសចិននៅឆ្នាំនេះ គឺដូចគ្នាទៅនឹងឆ្នាំ២០២៣ ហើយបង្ហាញថាទីក្រុងប៉េកាំងពុំបានត្រៀមខ្លួនសម្រាប់សង្រ្គាមដែលជិតមកដល់នោះទេ ប៉ុន្តែកំពុងចាត់វិធានការប្រុងប្រយ័ត្នជាយុទ្ធសាស្រ្តដើម្បីការពារផលប្រយោជន៍របស់ខ្លួន។ ថវិកានេះត្រូវបានបញ្ចេញដោយក្រសួងហិរញ្ញវត្ថុកាលពីថ្ងៃអង្គារ ខណៈលោកនាយករដ្ឋមន្ត្រីលី ឈាង(Li Qiang) ថ្លែងសុន្ទរកថាបើកសម័យប្រជុំសភាប្រជាជន។ អ្នកជំនាញនិយាយថាការផ្តោតលើកម្លាំងបម្រុងឆ្លុះបញ្ចាំងពីមេរៀនដែលបានរៀនសូត្រពីសង្គ្រាមអ៊ុយក្រែន។ នៅក្នុងរបាយការណ៍ការងាររបស់លោក លោក Li បានគូសបញ្ជាក់អំពីការបង្កើនការគាំទ្រសម្រាប់ការត្រៀមខ្លួនធ្វើសង្គ្រាមតាមរយៈការពង្រីកកងកម្លាំងបម្រុង។ លោកក៏បានសង្កត់ធ្ងន់ផងដែរអំពីតម្រូវការសម្រាប់ភាពស្មោះត្រង់ខាងយោធា បន្ទាប់ពីមានការបោសសម្អាតដ៏ធំបំផុតមួយនៅក្នុងក្រសួងការពារជាតិក្នុងប៉ុន្មានឆ្នាំថ្មីៗនេះ។ យោងតាមក្រសួងខាងលើ កញ្ចប់ថវិកាយោធាដ៏ធំបំផុតរបស់មហាអំណាចទីពីររបស់ពិភពលោក ដែលនឹងកើនឡើងដល់១,៦៧ សែនកោដិយ័នស្មើ ២៣២ពាន់លានដុល្លារ ត្រូវបានឃ្លាំមើលយ៉ាងដិតដល់ ខណៈប្រទេសចិនប្រឈមភាពតានតឹងជាច្រើននៅក្នុងសមុទ្រចិនខាងត្បូង និងច្រកសមុទ្រតៃវ៉ាន់ព្រមទាំងជម្លោះក្នុងការប្រកួតប្រជែងសណ្ដើមឥទ្ធិពលរបស់ខ្លួនជាមួយសហរដ្ឋអាមេរិក។លោក យ៉េ កាង (Yue Gang)វរសេនីយឯកចូលនិវត្តន៍មកពីកងទ័ពរំដោះប្រជាជនចិន (PLA) បាននិយាយថា កំណើននៃការចំណាយយោធារបស់ប្រទេសចិនគឺស្របជាមួយនឹងកំណើននៃផលិតផលក្នុងស្រុកសរុប GDP ដោយបន្ថែមថា ការចំណាយនេះគឺជាមូលដ្ឋានគ្រឹះដ៏រឹងមាំសម្រាប់ការអភិវឌ្ឍន៍ ស្ថិរភាពនៃវិស័យការពារជាតិ និងការពង្រីកវិស័យយោធា៕

លោក Trump ឈ្នះការបោះឆ្នោតបឋម ដែលមានឈ្មោះថា Super Tuesday ចំនួន១១ រដ្ឋលើកដំបូង

2024/03/06 01:12:23 pm        99
Facebook Telegram Linkin
លោកTrump បានឈ្នះការបោះឆ្នោតបឋមចំនួន១១រដ្ឋដំបូងរួមទាំងរដ្ឋតិចសាស់ ។ការបោះឆ្នោតទាំងនេះ ត្រូវបានហៅដោយបណ្ដាញសហរដ្ឋអាមេរិក ខណៈលទ្ធផលបានបង្ហាញពីបណ្ដារដ្ឋ១៥ដែលគេឲ្យឈ្មោះថា Super Tuesday ក្នុងការប្រកួតប្រជែងដើម្បីតែងតាំងបេក្ខជនប្រធានាធិបតីរបស់គណបក្សសាធារណរដ្ឋ។ អតីតប្រធានាធិបតី ដែលមានបំណងដណ្ដើមកៅអីសេតវិមានជាថ្មី បន្ទាប់ពីចាញ់លោក Joe Biden មកពីគណបក្សប្រជាធិបតេយ្យ កាលពីឆ្នាំ២០២០ រូបនេះអាចប្រកាសពីជ័យជម្នះក្នុងរដ្ឋទាំងនោះនៅថ្ងៃអង្គារពេលវេលានៅសហរដ្ឋអាមេរិក ឆ្ពោះទៅរកការទទួលបានការតែងតាំងជាបេក្ខភាពប្រជាធានាធិបតីរបស់គណបក្សសាធារណរដ្ឋ។ រដ្ឋ Alabama, Arkansas, Colorado, Maine, Massachusetts, Minnesota, North Carolina, Oklahoma, Tennessee, Texas និងរដ្ឋ Virginia ត្រូវបានកំណត់ជ័យជម្នះសម្រាប់លោក Trump ដែលលោកបានផ្ញើសារអគុណអ្នកបោះឆ្នោតនៅលើបណ្ដាញសង្គម Truth Social របស់លោក ខណៈការរាប់សន្លឹកឆ្នោតនៅតែបន្តក្នុងការបោះឆ្នោតដ៏ធំដែលគេឲ្យឈ្មោះថា Super Tuesday នៅទូទាំងប្រទេស។ នៅក្នុងការប្រកួតប្រជែងការតែងតាំងបេក្ខជនក្នុងគណបក្សប្រជាធិបតេយ្យ ដូចការរំពឹង លោក Biden បានឈ្នះ ចំនួន១៣រដ្ឋ ដែលត្រូវបានហៅដោយបណ្ដាញសហរដ្ឋអាមេរិក ទោះបីលោកត្រូវបានព្យាករថានឹងចាញ់សំឡេងបន្តិចបំតួចលើគូរប្រជែងមកពីគណបក្សប្រជាធិបតេយ្យដូចគ្នា គឺលោក Jason Palmer នៅក្នុងតំបន់សមុទ្រប៉ាស៊ីហ្វិកតូចមួយនៃដែនដីសាម័រ(Samoa) របស់សហរដ្ឋអាមេរិក ក្ដី៕

បក្សនយោបាយ៖ លទ្ធផលបោះឆ្នោតព្រឹទ្ធសភាបង្ហាញពីដំណើរការលទ្ធិប្រជាធិបតេយ្យ សេរីពហុបក្ស

2024/03/06 12:11:57 pm        185
Facebook Telegram Linkin
គណបក្សនយោបាយនានា លើកឡើងថា លទ្ធផលផ្លូវការ នៃការបោះឆ្នោត​ជ្រើសតាំង​សមាជិក​ព្រឹទ្ធសភា គឺបានបង្ហាញពីចរន្តលទ្ធិប្រជាធិបតេយ្យ និងសេរីពហុបក្ស បន្ទាប់​ពីមាន​គណបក្ស​នយោបាយ​ចំនួនពីរ​ទទួលបានអាសនៈ ក្នុងការបោះឆ្នោតនីតិកាលទី៥ ឆ្នាំ ២០២៤នេះ។បន្ទាប់ពីគណៈកម្មាធិការជាតិរៀបចំការបោះឆ្នោត (គ.ជ.ប) បាន​បញ្ចប់​ការ​ប្រកាស​លទ្ធផល​ផ្លូវការ នៃ​ការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ កាលពីម្សិលមិញ។ លោក អ៊ុន ជឹម ប្រធានគណបក្សឯកភាពជាតិខ្មែរ ថ្លែងប្រាប់ BTV នៅថ្ងៃទី៦ ខែមីនា ឆ្នាំ២០២៤ ដោយ​បាន​សម្តែង​ការគាំទ្រចំពោះលទ្ធផលរបស់ គ.ជ.ប។ លោកបានបញ្ជាក់ថាលទ្ធផលនោះមានគណបក្សនយោបាយចំនួនពីរទទួលបានអាសនៈក្នុងព្រឹទ្ធសភា នីតិកាលទី៥នេះ ដែលធ្វើដំណើរការក្នុងស្ថាប័នកំពូលនេះកាន់តែសកម្ម ក្នុងការ​បំពេញ​តួនាទី និងភារកិច្ចរួមគ្នាជាប្រយោជន៍សម្រាប់សង្គមជាតិ។ចំណែកលោក គុជ លី ប្រធានគណបក្សខ្មែរតែមួយ ក៏បាន​បង្ហាញ​ការ​គាំទ្រ​ចំពោះ​លទ្ធផល​ផ្លូវការ​ នៃ​ការ​បោះឆ្នោ​ត​ព្រឹទ្ធសភានេះដូចគ្នាដែរ។ លោកលើកឡើងថា កម្ពុជាកាន់តែ​ចាក់ឫស​​លទ្ធិប្រជា​ធិប​តេយ្យ​ថែមទៀត បន្ទាប់ពីស្ថាប័ននីតិបញ្ញត្តិ ឬហៅថាសភាជាន់ខ្ពស់ មាន​គណបក្ស​នយោបាយ​ពីរ​ផ្សេងគ្នាក្នុងស្ថាប័នកំពូលតែមួយ។សូមជម្រាបថា យោងតាមលទ្ធផលផ្លូវការនៃការបោះឆ្នោតជ្រើសតាំងសមាជិកព្រឹទ្ធសភារបស់ គ.ជ.ប បង្ហាញថា គណបក្សប្រជាជនកម្ពុជាទទួលបានឆ្នោតគាំទ្រច្រើនជាងគេ ដោយ​ទទួល​បាន​សំឡេង​គាំទ្រ​ជិត ៩៥% ស្មើនឹង៥៥អាសនៈ ខណៈគណបក្សឆន្ទៈខ្មែរទទួលបាន៣អាសនៈ៕ អត្ថបទ សេក ឧត្តម 

ប្រធានចារកម្មរុស្ស៊ី ចាត់ទុកការអត្ថាធិប្បាយរបស់លោកម៉ាក្រុងអំពីទាហានណាតូ នៅអ៊ុយក្រែនថា ជារឿងគ្រោះថ្នាក់

2024/03/06 10:35:30 am        181
Facebook Telegram Linkin
ប្រធានសេវាចារកម្មបរទេស (SVR) របស់រុស្ស៊ី បាននិយាយកាលពីថ្ងៃអង្គារថា ការអត្ថាធិប្បាយរបស់ប្រធានាធិបតីបារាំង អេម៉ានុយអែល ម៉ាក្រុង(Emmanuel Macron)អំពីការបញ្ជូនទាហានណាតូ ទៅកាន់អ៊ុយក្រែន កំពុងជំរុញពិភពលោកឲ្យឈានទៅដល់ដំណាក់កាលនៃសង្គ្រាមនុយក្លេអ៊ែរ។កាលពីសប្តាហ៍មុន លោកម៉ាក្រុង បានបើកឱកាសឲ្យបណ្តាប្រទេសអឺរ៉ុបបញ្ជូនកងទ័ពទៅកាន់អ៊ុយក្រែន ទោះបីជាលោក បានព្រមានថា មិនមានការឯកភាពគ្នាក្នុងដំណាក់កាលនេះក៏ដោយ។ សហរដ្ឋអាមេរិក និងសម្ព័ន្ធមិត្តសំខាន់ៗរបស់អឺរ៉ុប បាននិយាយជាបន្តបន្ទាប់ថា ពួកគេមិនមានគម្រោងបញ្ជូនកងទ័ពជើងគោកទៅកាន់អ៊ុយក្រែនទេ។ទីភ្នាក់ងារសារព័ត៌មានរុស្ស៊ី បានដកស្រង់សម្តីប្រធានសេវាចារកម្មបរទេស លោក Sergei Naryshkin ប្រាប់អ្នកសម្ភាសន៍ទូរទស្សន៍រុស្ស៊ីថា៖«នេះបង្ហាញពីភាពមិនទទួលខុសត្រូវខ្ពស់របស់ក្រុមមេដឹកនាំអឺរ៉ុបនាពេលបច្ចុប្បន្ននេះ ក្នុងករណីនេះ គឺលោកប្រធានាធិបតីបារាំង»។«ជាការពិតណាស់ នេះគឺជារឿងគួរឲ្យសោកស្តាយដោយបានឃើញ សង្កេត និងយល់ថា សមត្ថភាពរបស់ឥស្សរជនបច្ចុប្បន្ននៅអឺរ៉ុប និងអាត្លង់ទិកខាងជើងក្នុងការចរចា គឺនៅកម្រិតទាបបំផុត។«នេះ គឺជាការអធិប្បាយដ៏កម្រ ដែលពួកគេបានបង្ហាញពីសុភវិនិច្ឆ័យទាំងអស់។ ប៉ុន្តែសេចក្តីថ្លែងការណ៍ទាំងនេះ គឺមានគ្រោះថ្នាក់ខ្លាំងណាស់។ ពួកគេកំពុងនាំយើងទៅដល់ដំណាក់កាលនៃសង្រ្គាមនុយក្លេអ៊ែរ រួចហើយ»។

លោកប្ល៊ីនខិន ប្រាប់អ៊ីស្រាអែលថា ខ្លួនត្រូវតែធ្វើសកម្មភាពជាបន្ទាន់ ដើម្បីជំរុញជំនួយចូលដល់តំបន់ហ្កាហ្សា

2024/03/06 10:29:45 am        199
Facebook Telegram Linkin
អ្នកនាំពាក្យក្រសួងការបរទេសអាមេរិក លោក Matthew Miller បាននិយាយថា រដ្ឋមន្ត្រីការបរទេសអាមេរិក លោកអង់តូនី ប្ល៊ីនខិន ( Antony Blinken) បានប្រាប់រដ្ឋមន្ត្រីទទួលបន្ទុកកិច្ចការសង្រ្គាមនៃគណៈរដ្ឋមន្ត្រីអ៊ីស្រាអែល លោក Benny Gantz នៅឯកិច្ចប្រជុំរបស់ពួកគេកាលពីថ្ងៃអង្គារ តាមរបៀប «ស្មោះត្រង់» ថា អ៊ីស្រាអែលចាំបាច់ត្រូវចាត់វិធានការជាបន្ទាន់ ដើម្បីអនុញ្ញាតឲ្យមានជំនួយបន្ថែមទៀតចូលទៅក្នុងតំបន់ហ្កាហ្សា។ថ្លែងនៅក្នុងសន្និសីទសារព័ត៌មានមួយ លោក Miller បានបញ្ជាក់ថា ទីក្រុងវ៉ាស៊ីនតោន បានឃើញរដ្ឋមន្ត្រីអ៊ីស្រាអែលមួយចំនួន នៅក្នុងរដ្ឋាភិបាល រារាំងការដឹកជញ្ជូនម្សៅទៅកាន់តំបន់ហ្កាហ្សា និងគាំទ្រក្រុមបាតុករដែលរារាំងជំនួយមិនឲ្យចូលទៅក្នុងដែនដីដែលមានប្រជាជនច្រើន ហើយលោកបានបន្ថែមថា សហរដ្ឋអាមេរិក បានអំពាវនាវឲ្យបញ្ចប់សកម្មភាពបែបនេះ។លោក Miller បានថ្លែងថា បច្ចុប្បន្ន ទីក្រុងវ៉ាស៊ីនតោន ចង់ឃើញច្រកឆ្លងកាត់ព្រំដែនមួយផ្សេងទៀតចូលទៅក្នុងតំបន់ហ្គាហ្សាត្រូវបានបើកដោយអ៊ីស្រាអែល ហើយត្រូវបានចូលរួមជាមួយសមភាគីអ៊ីស្រាអែលដោយផ្ទាល់ ដើម្បីធ្វើឲ្យរឿងនោះកើតឡើង ហើយការចូលរួមទាំងនោះរួមមានកិច្ចប្រជុំរបស់លោកប្ល៊ីនខិន ជាមួយលោក Gantz ។លោក Miller បានបញ្ជាក់ថា៖ «គាត់ (Blinken) បាននិយាយដោយផ្ទាល់ និងស្មោះត្រង់ចំពោះភាពធ្ងន់ធ្ងរនៃស្ថានភាពជាក់ស្តែង និងការពិតដែលថា អ្នកដែលពាក់ព័ន្ធទាំងអស់ ត្រូវធ្វើការបន្ថែមទៀត ដើម្បីទទួលបានជំនួយជាបន្ទាន់ឲ្យបានឆាប់តាមដែលអាចធ្វើទៅបាន»។ ស្ថានការណ៍មនុស្សធម៌ នៅតំបន់ហ្កាហ្សាថា «គួរឲ្យភ័យខ្លាច»។លោក Gantz បានថ្លែងទៅកាន់អ្នកសារព័ត៌មាននៅខាងក្រៅក្រសួងការបរទេស បន្ទាប់ពីកិច្ចប្រជុំរបស់លោកជាមួយលោកប៊្លីនខិនថា៖«កិច្ចប្រជុំនេះ គឺល្អណាស់»។ លោកមិនបានឆ្លើយតបនឹងសំណួរដែលបានលើកឡើងថាតើអ៊ីស្រាអែល នឹងបើកច្រកព្រំដែនមួយទៀត ដើម្បីអនុញ្ញាតឲ្យមានជំនួយបន្ថែមទៀតឬអត់?

រុស្ស៊ីនិយាយថា ខ្លួនកំពុងពិចារណាដាក់រោងចក្រថាមពលនុយក្លេអ៊ែរនៅលើឋានព្រះចន្ទជាមួយចិន

2024/03/06 10:18:00 am        177
Facebook Telegram Linkin
លោក យ៉ូរី បូរីសូវ (Yuri Borisov) ប្រធានទីភ្នាក់ងារអវកាស ស៉ូសខូស្មូស (Roscosmos) របស់រុស្ស៊ី បាននិយាយកាលពីថ្ងៃអង្គារ (០៥ មីនា) ថាប្រទេសរុស្ស៊ី និងប្រទេសចិន កំពុងពិចារណាដាក់រោងចក្រថាមពលនុយក្លេអ៊ែរនៅលើឋានព្រះចន្ទក្នុងឆ្នាំ២០៣៣ ទៅឆ្នាំ២០៣៥។លោក បូរីសូវ អតីតអនុរដ្ឋមន្ត្រីការពារជាតិ បាននិយាយថា រុស្ស៊ី និងចិន បាននឹងកំពុងធ្វើការរួមគ្នាលើកម្មវិធីបេសកកម្មព្រះចន្ទ ហើយថាទីក្រុងមូស្គូ អាចចូលរួមចំណែកជាមួយអ្នកជំនាញរបស់ខ្លួនលើគម្រោង «ថាមពលនុយក្លេអ៊ែរអវកាស»។ប្រធានទីភ្នាក់ងារអវកាសរុស្ស៊ីរូបនេះក៏បាននិយាយផងដែរអំពីផែនការរបស់រុស្ស៊ី ក្នុងការសាងសង់យានអវកាសដឹកទំនិញដើរដោយថាមពលនុយក្លេអ៊ែរ។ លោកបានបន្ថែមថា សំណួរបច្ចេកទេសទាំងអស់ទាក់ទងនឹងគម្រោងនេះត្រូវបានដោះស្រាយ ក្រៅពីការស្វែងរកដំណោះស្រាយអំពីមធ្យោបាយធ្វើឱ្យម៉ាស៊ីនរ៉េអាក់ទ័រនុយក្លេអ៊ែរត្រជាក់ ដើម្បីឆ្ពោះទៅមុខលើដែនការនេះ។ក្រុមមន្ត្រីរុស្ស៊ី បាននិយាយជាយូរមកហើយពីផែនការដ៏មហិច្ឆិតារបស់ខ្លួនថាថ្ងៃណាមួយនឹងធ្វើការបង្កើតថ្មីមួយនៅលើឋានព្រះចន្ទ ប៉ុន្តែកម្មវិធីអវកាសរុស្ស៊ី បានទទួលរងនូវការបរាជ័យជាបន្តបន្ទាប់ក្នុងប៉ុន្មានឆ្នាំថ្មីៗនេះ៕

បណ្ដាញសង្គម

ព័ត៌មានថ្មីៗ

រុស្ស៊ីនឹងពង្រីកការនាំចេញបច្ចេកវិទ្យាថាមពលទៅកាន់ប្រទេស BRICS
06/26/2026 06:06 PM
Facebook Telegram Linkin
ក្រុមជំនួយពិភពលោកចូលរួមប្រតិបត្តិការសង្រ្គោះនៅវេណេស៊ុយអេឡា ក្រោយការរញ្ជួយដីសម្លាប់មនុស្ស ២៣៥នាក់
06/26/2026 06:06 PM
Facebook Telegram Linkin
ផ្លូវជនបទជាសរសៃឈាមជំរុញដល់ដំណើរអន្តរកម្មសេដ្ឋកិច្ចនៅមូលដ្ឋាន
06/26/2026 06:06 PM
Facebook Telegram Linkin
មេដឹកនាំអាមេរិកឡាទីន រួបរួមគ្នាគាំទ្រប្រទេសវ៉េណេស៊ុយអេឡា ក្រោយការរញ្ជួយដីដ៏មហន្តរាយ
06/26/2026 06:06 PM
Facebook Telegram Linkin
អូស្ត្រាលី ពិចារណាលើការអនុវត្តបម្រាមបណ្តាញផ្សព្វផ្សាយសង្គមសម្រាប់ក្មេងជំទង់កាន់តែតឹងរ៉ឹង
06/26/2026 06:06 PM
Facebook Telegram Linkin
ក្រសួងការងារ ផ្ដល់ឱកាសការងារ ៥ពាន់កន្លែង និងផ្សព្វផ្សាយការបណ្តុះបណ្តាលជំនាញបច្ចេកទេស ដល់អតីតពលករ និងយុវជននៅស្រុកអូររាំងឪ ខេត្តត្បូងឃ្មុំ
06/26/2026 06:06 PM
Facebook Telegram Linkin
អង្គការលើកលែងទោសអន្តរជាតិ ជំរុញឱ្យសហគមន៍អន្តរជាតិប្រមូលជំនួយបន្ទាន់សម្រាប់វ៉េណេស៊ុយអេឡា
06/26/2026 06:06 PM
Facebook Telegram Linkin
អារ៉ាប៊ីសាអ៊ូឌីត ផ្អាកការធ្វើដំណើរទៅប្រទេសអាហ្វ្រិកចំនួន៣ ដោយសារក្តីបារម្ភពីជំងឺអេបូឡា
06/26/2026 06:06 PM
Facebook Telegram Linkin
សម្តេចធិបតី ណែនាំឱ្យក្រសួងស្ថាប័នពាក់ព័ន្ធត្រៀមឆ្លើយតបជាមួយបាតុភូតធម្មជាតិ El Niño ដែលកម្ពុជា​កំពុងទទួលរងឥទ្ធិពល
06/26/2026 06:06 PM
Facebook Telegram Linkin
គម្រោងអភិវឌ្ឍន៍ធនធានទឹកស្ទឹងឃ្លៀច ស្ថិតនៅផ្នែកខាងលើនៃស្ទឹងព្រែកត្នោត ក្នុងភូមិសាស្ត្រខេត្តកំពង់ស្ពឺ អាចស្តុកទឹកបានប្រមាណ ១១៥​លាន​ម៉ែត្រ​គូប ជួយធានាសន្តិសុខទឹក និងកាត់បន្ថយគ្រោះទឹកជំនន់
06/26/2026 06:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.