នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី ដឹកនាំគណៈប្រតិភូចូលក្រាបបង្គំគាល់ព្រះករុណា ព្រះមហាក្សត្រ ទូលថ្វាយលទ្ធផលចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក
សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្ត​ពីព្រះបរម​រតនកោដ្ឋ​ក្នុង​ការ​ពូន​ជ្រំ​ទំនាក់ទំនងរវាងកម្ពុជា និងចិន
សម្តេចតេជោអនុញ្ញាតឱ្យសមាជិកគណៈកម្មាធិការអចិន្ត្រៃយ៍សភាប្រជាជនចិនជួបសម្តែងការគួរសម
ក្រុមការងារបច្ចេកទេសអន្តរក្រសួងបន្តចុះកំណត់និយាមកា និងបោះបង្គោលព្រំដីតាមបណ្តោយព្រែកជីកហ្វូណនតេជោ សម្រាប់កំណាត់ទី២ ក្នុងភូមិសាស្រ្តខេត្តកំពត

នយោបាយ​ និង ការអភិវឌ្ឍន៍

កងឆ្មាំបដិវត្តន៍អ៊ីរ៉ង់ បំពាក់កងទ័ពជើងគោកជាមួយនឹងយានដ្រូនថ្មីផលិតក្នុងស្រុក

2024/02/21 02:40:42 pm        67
Facebook Telegram Linkin
ទីភ្នាក់ងារសារព័ត៌មាន Tasnim បានរាយការណ៍កាលពីថ្ងៃអង្គារថា កងឆ្មាំបដិវត្តន៍អ៊ីស្លាមអ៊ីរ៉ង់ (IRGC) បានបំពាក់កម្លាំងជើងគោករបស់ខ្លួនជាមួយនឹងយានដ្រូនពីរប្រភេទគឺយានដ្រូនអត្តឃាដ និងប្រយុទ្ធដែលផលិតក្នុងស្រុក។ របាយការណ៍នេះ បានឲ្យដឹងទៀតថា យានដ្រូនអត្តឃាត «Shahed-131» និងយានដ្រូនប្រយុទ្ធ «Ababil-5»ត្រូវបានប្រគល់ទៅឲ្យកងកម្លាំងជើងគោក ដើម្បីជួយពួកគេក្នុងការឃ្លាំមើលសត្រូវ និងក្រុមភេរវករឲ្យកាន់តែប្រសើរឡើង។សារព័ត៌មាន Tasnim បានឲ្យដឹងថា យានដ្រូន Ababil-5 មានប្រវែង២,៦ម៉ែត្រ និង យានដ្រូន Shahed-131 មានប្រវែង២,២ម៉ែត្រ ទម្ងន់១៣៥គីឡូក្រាម និងហោះប្រតិបត្តិការ បានចម្ងាយ៩០០គីឡូម៉ែត្រ។ សារព័ត៌មាននេះ បាននិយាយថា យានដ្រូនAbabil-5 បំពាក់ដោយស្លាបវែង ដែលអាចឲ្យវាផ្ទុកបន្ទុកធ្ងន់ និងឧបករណ៍ចុះចតខាងមុខដែលអាចដកថយបាន និងធ្វើឲ្យប្រសើរឡើងដល់ដំណើរការនៃប្រព័ន្ធកាមេរ៉ារបស់វា។

ឯកឧត្តមកិត្តិសង្គហបណ្ឌិត គន់ គីម ជួបជាមួយសមាជិកអង្គបោះឆ្នោតស្រុកអន្លង់វែង ដើម្បីជ្រើសតាំងសមាជិកព្រឹទ្ធសភា នីតិកាលទី៥ ឆ្នាំ២០២៤

2024/02/21 02:34:38 pm        125
Facebook Telegram Linkin
ឧត្តរមានជ័យ៖ ឯកឧត្តមកិត្តិសង្គហបណ្ឌិត គន់ គីម សមាជិកគណៈអចិន្រ្តៃយ៍គណៈកម្មាធិការកណ្តាល គណបក្សប្រជាជនកម្ពុជា និងជាប្រធានក្រុមការងារគណបក្សប្រជាជនកម្ពុជា ចុះមូលដ្ឋាន​ខេត្តឧត្តរមានជ័យ អញ្ជើញជួបសំណេះសំណាលជាមួយសមាជិកសមាជិការអង្គបោះឆ្នោត មកពីតាមបណ្តាលមូលដ្ឋាន ឃុំសង្កាត់ទាំងប្រាំង ក្នុងស្រុកអន្លង់វែង ដែលជាបេក្ខភាពមានឈ្មោះធ្វើការបោះឆ្នោតជ្រើសតាំង សមាជិកព្រឹទ្ធសភានីតិកាលទី៥ ឆ្នាំ២០២៤នេះ។លោក ងួន ទ្ធីរិទ្ធ ប្រធានគណៈកម្មាធិការបក្សស្រុកអន្លង់វែង បានលើកឡើងពី​របាយការណ៍​សកម្មភាព និងលទ្ធផលការងារដែលសម្រេចបានកន្លងមក របស់គណបក្ស​ស្រុករួចមក ឯកឧត្តមកិត្តិសង្គហបណ្ឌិត គន់ គីម សមាជិកអចិន្រ្តៃយ៍​គណៈកម្មាធិការ​កណ្តាល​គណបក្ស​ប្រជាជនកម្ពុជា និងជាប្រធានក្រុមការងារ​គណបក្សប្រជាជន ចុះមូលដ្ឋានខេត្តឧត្តរមានជ័យ មានប្រសាសន៍វាយតម្លៃ និងកោតសរសើរខ្ពស់ដល់បងប្អូន​ដែលជាសមាជិកសមាជិការ​នៃអង្គបោះឆ្នោត រួមទាំងក្រុមយុវជនបក្សទាំងអស់នៅតាមបណ្តាលឃុំសង្កាត់ ដែលជានិច្ចកាល​តែងតែមានសកម្មភាពមនុស្សធម៌ប្រឹងប្រែងបំពេញការងារ ក្នុងការបម្រើដល់ប្រជាពលរដ្ឋ ក្នុងមូលដ្ឋានរបស់ខ្លួន​ប្រកបដោយ​ក្រម​សីលធម៌​។ ឯកឧត្តមកិត្តិសង្គហបណ្ឌិត គន់ គីម បានឲ្យដឹងទៀតថា សកម្មភាពរបស់បងប្អូនទាំងអស់នេះ​បានរួមចំណែកក្នុងការអភិវឌ្ឍមូលដ្ឋានធ្វើឲ្យប្រជាពលរដ្ឋទទួលបានភាពកក់ក្តៅ។ដូច្នេះ​សម្រាប់ការបោះឆ្នោតជ្រើសតាំងសមាជិកព្រឹទ្ធសភា សម្រាប់នីតិកាលទី៥ មណ្ឌល​ខេត្តឧត្តរមានជ័យ ​ភូមិភាគទី៤ នៅពេលខាងមុខនេះ​យើងសង្ឃឹម​ជឿជាក់​យ៉ាង​មុតមាំ​ថា​គណបក្សប្រជាជន​កម្ពុជា និង​ទទួល​លទ្ធផល​ល្អប្រសើរ​គួរជាទីគាប់ចិត្តអាស្រ័យ​លើ​បងប្អូន​ធ្វើការ​ជ្រើស​បានត្រឹមត្រូវ​ក្នុងការគូសសន្លឹកឆ្នោតផងដែរ។យ៉ាង​ណាម៉ិញ​ឯកឧត្តមកិត្តិសង្គហបណ្ឌិត គន់ គីម ​បាន​ធ្វើ​ការ​ផ្ដាំផ្ញើ​ផងដែរ​ដល់​សមាជិក​សមាជិការ​ដែល​មានឈ្មោះបេក្ខភាពចូលរួមធ្វើការបោះឆ្នោតជ្រើសតាំង​សមាជិកព្រឹទ្ធសភា នីតិកាលទី៥ នៅពេលខាងមុខ ត្រូវថែរក្សាសុខភាព របស់បងប្អូនឲ្យបានល្អប្រសើរ​ និង​ត្រៀម​លក្ខណៈ​ឲ្យ​បានត្រឹមត្រូវ​កុំឲ្យមានបញ្ហាប្រឈមណាមួយ​បានកើតឡើង​ចំពោះបងប្អូនក្នុងពេលធ្វើដំណើរទៅបោះឆ្នោតនោះ។សូមបញ្ជាក់ថា សម្រាប់ការបោះឆ្នោតជ្រើសតាំង​សមាជិកព្រឹទ្ធសភា ​នីតិកាលទី៥ មណ្ឌល​ខេត្តឧត្តរមានជ័យ​ ភូមិភាគទី៤ ​មាន១ការិយាល័យ នៅមណ្ឌលវិឡាល័យតេជោសែនសំរោង មានសមាសភាពបេក្ខភាព​ ដែលជា​សមាជិកមក​ពីក្រុមប្រឹក្សាឃុំសង្កាត់​ចូលរួម​បោះឆ្នោត​ចំនួន១៥៣នាក់ និងមានគណបក្សនយោបាយចំនួន៤ គណបក្ស៕ អត្ថបទ៖ សា​រិទ្ធិ

សម្តេចតេជោ អញ្ជើញកូនស្រីពៅលោក ថាក់ស៊ីន ប្រធានគណបក្សភឿថៃ មកបំពេញទស្សនកិច្ចនៅកម្ពុជា នាពាក់កណ្ដាលខែមីនាខាងមុខ

2024/02/21 01:38:16 pm        317
Facebook Telegram Linkin
ក្នុងឱកាសចុះសួរសុខទុក្ខលោក ថាក់ស៊ីន ស៊ីណាវ៉ាត្រា ដល់គេហដ្ឋានផ្ទាល់នៅទីក្រុងបាកកប្រទេសថៃ នាព្រឹកថ្ងៃទី២១ ខែកុម្ភៈ ឆ្នាំ២០២៤នេះ សម្តេចតេជោ ហ៊ុន សែន ប្រធានគណបក្សប្រជាជនកម្ពុជា បានថ្លែងថា សម្តេចបានអញ្ជើញ លោកស្រី អ៊ួង អ៊ីន ដែលជាកូនស្រីពៅរបស់លោកថាក់ស៊ីន ហើយជាប្រធាន គណបក្សភឿថៃផងនោះ ឲ្យមកបំពេញទស្សនកិច្ចនៅកម្ពុជា នាពាក់កណ្តាលខែមិនា ឆ្នាំ២០២៤នេះ ដើម្បីពង្រឹងចំណងមិត្តភាពនៃគណបក្សទាំងពីរ (គណបក្សប្រជាជនកម្ពុជា -ភឿថៃ)។តាមរយៈផេកហ្វេសបុកផ្ទាល់របស់សម្តេច នារសៀលថ្ងៃទី២១ ខែកុម្ភៈនេះ សម្តេចតេជោ ហ៊ុន សែន បានលើកឡើងថា «ខ្ញុំបានមកសួរសុខទុក្ខបងធម៌ដល់ផ្ទះនៅទីក្រុងបាងកក។ឯកឧត្តមថាក់ ស៊ីនទោះបីមានជម្ងឺ ក៏បានទទួលយើងក្នុងនាមជាបងប្អូន ដោយមានការចូលរួមរបស់ អ៊ួង អ៊ីន កូនស្រីពៅ និងជាប្រធានគណបក្សភឿថៃផងដែរ។សម្តេចតេជោ បានបន្ថែមទៀតថា«ដើម្បីពង្រឺងចំណងមិត្តភាពខ្ញុំបានអញ្ជើញ អ៊ួង អ៊ីង ប្រធានគណបក្សភឿថៃទស្សនកិច្ចនៅកម្ពុជា នៅថ្ងៃ១៤ និង១៥មិនា ២០២៤ខាងមុខ»។ សម្តេចតេជោ បានលើកឡើងទៀតថា អតីតនាយករដ្ឋមន្ត្រី២នាក់ (សម្តេចតេជោ និងលោកថាក់ស៊ីន) ជួបគ្នាមិនបាននិយាយរឿងនយោបាយនោះទេ តែបានរំលឹក​អនុស្សាវរីយ៍​រយៈពេល៣២ឆ្នាំ នៃមិត្តភាពរបស់លោកទាំងពីរតាំងពីឆ្នាំ១៩៩២មក។ «អរគុណបងប្រុស និងក្មួយស្រី ដែលបានទទួលខ្ញុំនៅថ្ងៃនេះ»៕

នាយករដ្ឋមន្រ្តី៖ អ៊ីស្រាអែល នឹងមិនបង់ខាតសម្រាប់ការដោះលែងចំណាប់ថ្នូរហ្កាហ្សា នោះទេ

2024/02/21 01:23:55 pm        137
Facebook Telegram Linkin
នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ (Benjamin Netanyahu) និងរដ្ឋមន្ត្រីហិរញ្ញវត្ថុ លោក បាហ៊្សាលែល ស្មូទ្រីច (Bezalel Smotrich) បាននិយាយកាលពីថ្ងៃអង្គារ (២០ កុម្ភៈ) ថាអ៊ីស្រាអែល នឹងមិនបង់ខាតណាមួយសម្រាប់ការវិលត្រឡប់របស់ចំណាប់ថ្នូរ ដែលនៅតែត្រូវបានឃុំខ្លួននៅក្នុងតំបន់ហ្កាហ្សានោះទេ ស្របពេលការចរចាដែលកំពុងបន្តដើម្បីធានាការដោះលែងអ្នកត្រូវឃុំខ្លួនទាំងនោះ។នៅពេលសាកសួរអំពីចំណាប់ថ្នូរ ១៣៤ នាក់ដែលបន្តជាប់នៅក្នុងតំបន់ហ្កាហ្សា លោក ស្មូទ្រីច បានប្រាប់វិទ្យុ ខាន់ (Kan) ថាការត្រឡប់មកវិញរបស់ពួកគេគឺ «សំខាន់ណាស់» ប៉ុន្តែចំណាប់ថ្នូរមិនអាចត្រូវបានដោះលែង «ដោយការបង់ខាតណាមួយ» នោះទេ។ លោកបាននិយាយថា មធ្យោបាយដើម្បីដោះលែងចំណាប់ថ្នូរគឺដោយការបង្កើនសម្ពាធយោធាលើតំបន់ហ្កាហ្សា និងកម្ចាត់ក្រុមហាម៉ាស ដែលជាក្រុមប្រដាប់អាវុធគ្រប់គ្រងតំបន់ដែលហ៊ុមព័ទ្ធនោះ។សុន្ទរកថារបស់លោកបានទាក់ទាញការស្តីបន្ទោសពីមេដឹកនាំបក្សប្រឆាំងលោក យ៊ែរ ឡាភីត (Yair Lapid) និងលោករដ្ឋមន្ត្រី បេននី ហ្កាន់ស៍ (Benny Gantz) ព្រមទាំងបានបង្កការខឹងសម្បារចំពោះគ្រួសារចំណាប់ថ្នូរមួយចំនួន ដែលបានព្យាយាមដាក់សម្ពាធលើរដ្ឋាភិបាលឱ្យធ្វើកិច្ចព្រមព្រៀងមួយ។ការលើកឡើងនេះបានកើតឡើងនៅពេលដែលសហរដ្ឋអាមេរិក គ្រោងនឹងបញ្ជូនបេសកជនមជ្ឈិមបូព៌ារបស់ខ្លួនទៅកាន់តំបន់នេះសម្រាប់ការបន្តកិច្ចចរចារវាងសហរដ្ឋអាមេរិក អេហ្ស៊ីប អ៊ីស្រាអែល និងកាតា ដែលកំពុងសម្របសម្រួលបទឈប់បាញ់ និងការដោះលែងចំណាប់ថ្នូរ៕

អាមេរិក នឹងដាក់ទណ្ឌកម្មធំៗលើរុស្ស៊ី ជុំវិញការស្លាប់របស់លោក Navalny

2024/02/21 01:20:19 pm        178
Facebook Telegram Linkin
លោកប្រធានាធិបតី ចូ បៃដិន (Joe Biden) បាននិយាយកាលពីថ្ងៃអង្គារ (២០ កុម្ភៈ) ថាសហរដ្ឋអាមេរិក នឹងប្រកាសកញ្ចប់ទណ្ឌកម្មដ៏ធំមួយប្រឆាំងនឹងប្រទេសរុស្ស៊ី នៅថ្ងៃសុក្រ (២៣ កុម្ភៈ) ខាងមុខនេះជុំវិញការស្លាប់របស់មេដឹកនាំបក្សប្រឆាំង លោក អាឡិចស៊ី ណាវ៉ាលនី (Alexei Navalny) និងសង្រ្គាមអ៊ុយក្រែនរយៈពេលពីរឆ្នាំ។លោក បៃដិន បាននិយាយបែបនេះទៅកាន់អ្នកសារព័ត៌មាននៅពេលលោកចេញដំណើរទៅរដ្ឋកាលីហ្វ័រនីញ៉ា ប៉ុន្តែមិនបានផ្តល់ព័ត៌មានលម្អិតលើទណ្ឌកម្មនោះទេ។ទីប្រឹក្សាសន្តិសុខជាតិរបស់សេតវិមានលោក ជេក ស៊ូលីវ៉ាន់ (Jake Sullivan) បាននិយាយថា ការដាក់ទណ្ឌកម្មចុងក្រោយបំផុតលើរុស្ស៊ី នេះនឹងកំណត់គោលដៅជាច្រើន រួមទាំងមូលដ្ឋានការពារជាតិ និងឧស្សាហកម្មរបស់ប្រទេស រួមជាមួយនឹងប្រភពចំណូលសម្រាប់សេដ្ឋកិច្ច។អ្នកនាំពាក្យសន្តិសុខជាតិរបស់សេតវិមានលោក ចន ឃឺបប៊ី (John Kirby) បាននិយាយថា កញ្ចប់ទណ្ឌកម្មនេះនឹង «ដាក់ឱ្យរុស្ស៊ី ទទួលខុសត្រូវចំពោះអ្វីដែលបានកើតឡើងចំពោះលោក ណាវ៉ាលនី» និងសម្រាប់សកម្មភាពរបស់ខ្លួនក្នុងអំឡុងពេលនៃសង្រ្គាមនៅប្រទេសអ៊ុយក្រែន៕

កោះតៃវ៉ាន់ បណ្ដេញទូកឆ្មាំល្បាតឆ្នេរចិនចេញ ខណៈភាពតានតឹងនៅកោះជួរមុខកើនឡើងខ្លាំង

2024/02/21 01:14:29 pm        160
Facebook Telegram Linkin
កោះតៃវ៉ាន់ កាលពីថ្ងៃអង្គារ (២០ កុម្ភៈ) បានបណ្ដេញទូកឆ្មាំល្បាតឆ្នេររបស់ប្រទេសចិន ដែលបានចូលដែនទឹកក្បែរកោះជួរមុខដ៏រសើបរបស់ខ្លួន ក្នុងភាពតានតឹងថ្មីរយៈពេលមួយថ្ងៃបន្ទាប់ពីឆ្មាំល្បាតឆ្នេររបស់ចិន បានឡើងពិនិត្យទូកទេសចរណ៍តៃវ៉ាន់ ដែលរដ្ឋមន្ត្រីកោះតៃវ៉ាន់បាននិយាយថាបានបង្កឱ្យមាន «ការភ័យស្លន់ស្លោ» ក្នុងចំណោមប្រជាជន។ឆ្មាំល្បាតឆ្នេរតៃវ៉ាន់ បាននិយាយថា ទូកឆ្មាំល្បាតរបស់ឆ្នេរចិន លេខ ៨០២៩ បានចូលដែនទឹករបស់តៃវ៉ាន់ នៅជិតកោះ គីនមិន (Kinmen) កាលពីព្រឹកថ្ងៃអង្គារ ដោយបន្ថែមថា ខ្លួនបានបញ្ជូនទូកមួយគ្រឿង និងប្រើប្រាស់វិទ្យុទាក់ទងដើម្បីបណ្តេញសមភាគីចិន ដែលមួយម៉ោងក្រោយមកទើបចាកចេញពីតំបន់នោះ។ឆ្មាំល្បាតឆ្នេរតៃវ៉ាន់ បាននិយាយថា ខ្លួននឹងបន្តប្រើប្រាស់រ៉ាដា ការឃ្លាំមើល និងការល្បាត ដើម្បីធានាបាននូវ «ភាពសុខដុមរមនា និងសុវត្ថិភាព» នៅជិតដែនទឹកនៃកោះ គីនមិន ដែលគ្រប់គ្រងដោយតៃវ៉ាន់ ដែលនៅជិតឆ្នេរសមុទ្ររបស់ប្រទេសចិន។កោះតៃវ៉ាន់ ដែលចិនអះអាងថាជាទឹកដីរបស់ខ្លួនបើទោះបីជាកោះនេះបដិសេធក៏ដោយ បាននិងកំពុងមានការប្រុងប្រយ័ត្នចំពោះកិច្ចខិតខំប្រឹងប្រែងរបស់ទីក្រុងប៉េកាំង ក្នុងការបង្កើនសម្ពាធលើទីក្រុងតៃប៉ិ បន្ទាប់ពីការឈ្នះឆ្នោតមេដឹកនាំថ្មីកាលពីខែមុនរបស់លោក ឡៃ ឈីងតឺ (Lai Ching-te) ជាមនុស្សម្នាក់ដែលទីក្រុងប៉េកាំង ចាត់ទុកថាជាអ្នកផ្ដាច់ខ្លួនដ៏គ្រោះថ្នាក់៕

អេហ្ស៊ីបសោកស្តាយចំពោះការបរាជ័យរបស់ UNSC ក្នុងការអនុម័តសេចក្តីសម្រេចបទឈប់បាញ់ នៅហ្កាហ្សា

2024/02/21 01:03:57 pm        175
Facebook Telegram Linkin
ប្រទេសអេហ្ស៊ីបកាលពីថ្ងៃអង្គារ បានសម្តែងការសោកស្តាយយ៉ាងខ្លាំងចំពោះអសមត្ថភាពរបស់ក្រុមប្រឹក្សាសន្តិសុខអង្គការសហប្រជាជាតិ(UNSC) ក្នុងការអនុម័តសេចក្តីសម្រេចដែលទាមទារឲ្យមានបទឈប់បាញ់ជាបន្ទាន់ នៅតំបន់ហ្កាហ្សាស្ទ្រីប បន្ទាប់ពីសហរដ្ឋអាមេរិកវេតូ។នៅមុនថ្ងៃនេះ សហរដ្ឋអាមេរិក បានវេតូសេចក្តីសម្រេចមួយដែលដាក់ជូនដោយអាល់ហ្សេរីសម្រាប់ក្រុមអារ៉ាប់ នៅទីក្រុងញូវយ៉ក ដែលអំពាវនាវឲ្យមានបទឈប់បាញ់ នៅក្នុងដែនដីប៉ាឡេស្ទីន ដែលមានមនុស្សជាង ២៩.000 នាក់ ត្រូវបានសម្លាប់នៅក្នុងការវាយប្រហាររបស់អ៊ីស្រាអែល ចាប់តាំងពីថ្ងៃទី៧ ខែតុលា។ក្រសួងការបរទេសអេហ្ស៊ីប បាននិយាយនៅក្នុងសេចក្តីថ្លែងការណ៍មួយថា លទ្ធផលបានចោទសួរអំពីភាពជឿជាក់លើច្បាប់ និងយន្តការការងារនៃស្ថាបត្យកម្មអន្តរជាតិបច្ចុប្បន្ន ជាពិសេសក្រុមប្រឹក្សាសន្តិសុខ ដែលត្រូវបានប្រគល់ឲ្យនូវការទទួលខុសត្រូវក្នុងការទប់ស្កាត់ និងដោះស្រាយជម្លោះ និងបញ្ឈប់សង្គ្រាម។ ប្រទេសអេហ្ស៊ីប បានថ្កោលទោសយ៉ាងខ្លាំងចំពោះ «ការជ្រើសរើស និងស្តង់ដាពីរ ក្នុងការដោះស្រាយសង្រ្គាម និងជម្លោះប្រដាប់អាវុធ នៅក្នុងតំបន់ផ្សេងៗនៃពិភពលោក»។សេចក្តីថ្លែងការណ៍នោះ បានរំលឹកឡើងវិញនូវការប្តេជ្ញាចិត្តរបស់ប្រទេសអេហ្ស៊ីប ក្នុងការធានានូវការផ្តល់ជំនួយមនុស្សធម៌ប្រកបដោយនិរន្តរភាព ទៅកាន់តំបន់ហ្កាហ្សា និងការបដិសេធរបស់ខ្លួនចំពោះវិធានការណាមួយដែលនឹងនាំទៅដល់ការផ្លាស់ទីលំនៅរបស់ប្រជាជនប៉ាឡេស្ទីន នៅខាងក្រៅទឹកដីរបស់ពួកគេ។ការវាយប្រហារតាមផ្លូវអាកាស និងជើងគោករបស់អ៊ីស្រាអែល ដែលកំពុងបន្តលើតំបន់ហ្កាហ្សា ជាការសងសឹកចំពោះការវាយប្រហារដ៏គួរឱ្យភ្ញាក់ផ្អើលមួយដោយក្រុមហាម៉ាស ដែលគ្រប់គ្រងតំបន់ហ្កាហ្សា ទៅលើអ៊ីស្រាអែល ដែលបានសម្លាប់មនុស្សប្រហែល ១.២០០នាក់ កាលពីថ្ងៃទី៧ ខែតុលា។

ក្រសួងសុខាភិបាល ប្រារព្ធទិវាជាតិសុខភាពមាតា ទារក និងកុមារ «ពង្រឹងសេវាថែទាំសុខភាពមាតា ទារក និងកុមារ ដើម្បីសម្រេចបានការគ្របដណ្តប់សុខភាពជាសកល»

2024/02/21 12:30:49 pm        259
Facebook Telegram Linkin
ឯកឧត្តមសាស្រ្តាចារ្យ ឈាង រ៉ា រដ្ឋមន្រី្តក្រសួងសុខាភិបាល បានអញ្ជើញប្រារព្ធទិវាជាតិសុខភាពមាតា ទារក និងកុមារ ក្រោមប្រធានបទ«ពង្រឹងសេវាថែទាំសុខភាពមាតា ទារក និងកុមារ ដើម្បីសម្រេចបានការគ្របដណ្តប់សុខភាពជាសកល» នាព្រឹកថ្ងៃទី២១ ខែកុម្ភៈ ឆ្នាំ២០២៤។លោកជំទាវសាស្រ្តាចារ្យ អ៊ឹង សិទី្ធការ្យ រដ្ឋលេខាធិការក្រសួងសុខាភិបាល បានធ្វើរបាយការណ៍ទិដ្ឋភាពទូទៅស្តីអំពីស្ថានភាពសុខភាពមាតា ទារក និងកុមារ ថា រាជរដ្ឋាភិបាលកម្ពុជា បានកំណត់យកថ្ងៃទី២១ ខែកុម្ភៈ រៀងរាល់ឆ្នាំ ជាទិវាជាតិសុខភាព មាតា ទារក និងកុមារ តាមអនុក្រឹត្យ លេខ២៧ អនក្រ.បក, ចុះ ថ្ងៃទី១៤ ខែកុម្ភៈ ឆ្នាំ២០១១។ ការកំណត់នូវទិវាជាតិសុខភាពមាតា ទារក និងកុមារនេះ ធ្វើឡើងបន្ទាប់ពីមានការប្តេជ្ញាចិត្តរួមគ្នាមួយ នៃបណ្តាប្រទេសទាំងអស់ ដែលជាសមាជិកអង្គការសហប្រជាជាតិ ក្នុងការអនុវត្តនូវយុទ្ធសាស្ត្រសកល សម្រាប់សុខភាពស្រ្តី និងកុមារ របស់អគ្គលេខាធិការ បាន គីមួន និងបន្ទាប់ពីអង្គការសហប្រជាជាតិ បានប្រគល់លិខិតបញ្ជាក់ការទទួលស្គាល់ សម្តេចកិត្តិព្រឹទិ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ជាឥស្សរជនឆ្នើមថ្នាក់ជាតិ នៃផែនការសកម្មភាពរួម របស់អគ្គលេខាធិការអង្គការសហប្រជាជាតិ ដើម្បីសុខភាពស្រី និងកុមារ។ ក្រោមការដឹកនាំដ៏ឈ្លាសវៃ របស់រាជរដ្ឋាភិបាល នីតិកាលទី៦ ដែលមានសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី និងបន្តមករាជរដ្ឋាភិបាល នីតិកាលទី៧ ដែលមានសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី សកម្មភាពការងារ សុខភាពមាតា ទារក និងកុមារ ដែលជាសកម្មភាពចំបងមួយក្នុងចំណោមសកម្មភាព ជាអទិភាពជាច្រើន ក្នុងវិស័យសុខាភិបាល ត្រូវបានពង្រឹង ឥតឈប់ឈរ ពីមួយឆ្នាំទៅមួយឆ្នាំ។ ការខិតខំប្រឹងប្រែងនេះ ធ្វើឱ្យប្រទេសកម្ពុជា ទទួលបានសមិទ្ធិផលជាច្រើន រួមទាំងការសម្រេចបាននូវការកាត់បន្ថយអត្រាមរណភាព មាតា ទារក និងអត្រាមរណភាព កុមារ ក្រោមអាយុ៥ឆ្នាំ មុនកាលកំនត់។ជាមួយគ្នានោះលោកជំទាវ ពុំ ចន្ទីនី អគ្គលេខាធិការកាកបាទក្រហមកម្ពុជា បានថ្លែងសាររបស់សម្តេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងជាឥស្សរជនឆ្នើមថ្នាក់ជាតិ នៃផែនការសកម្មភាពរួមអគ្គលេខាធិការអង្គការសហប្រជាជាតិ ដើម្បីសុខភាពស្ត្រី និងកុមារ ថា ក្នុងឱកាសទិវាជាតិ សុខភាពមាតា ទារក និងកុមារ ថ្ងៃទី២១ ខែកុម្ភៈ ឆ្នាំ២០២៤ ក្រោមប្រធានបទ «ពង្រឹងគុណភាពសេវាថែទាំសុខភាពមាតា ទារក និងកុមារ ដើម្បីឆ្ពោះទៅសម្រេចបានការគ្របដណ្តប់សុខភាពជាសកល» ប្រធានបទនេះ មានគោលបំណងរំលេចឱ្យឃើញនូវការប្តេជ្ញាចិត្តរបស់ក្រសួងសុខាភិបាល ក្នុងការអនុវត្តវិធានការគន្លឹះក្នុង វិស័យសុខាភិបាលរបស់រាជរដ្ឋាភិបាលនីតិកាលទី៧ នៃរដ្ឋសភា។ ការដាក់ចុះវិធានការគន្លឹះដើម្បីពង្រឹងសេវាថែទាំសុខភាព ឆ្ពោះទៅការគ្របដណ្តប់សុខភាពជាសកលនេះ ក៏បានគូសបញ្ជាក់ឱ្យឃើញនូវសមិទ្ធផលយ៉ាងធំធេង ដែលរាជរដ្ឋាភិបាលនីតិកាលទី៦ ដឹកនាំដោយសម្តេចអគ្គមហាសេនាបតីតេជោ ហ៊ុន សែន និងរាជរដ្ឋាភិបាលនីតិកាលទី៧ នៃរដ្ឋសភា ដឹកនាំដោយសម្តេចមហាបវរធិបតី ហ៊ុន ម៉ាណែត បាននិងកំពុងបន្តអនុវត្តគោលនយោបាយជាតិគាំពារសង្គមឆ្នាំ២០១៦- ២០២៥ ក្នុងការឆ្លើយតបទៅនឹងវិវត្តន៍ដ៏ស្មុគស្មាញនៃសភាពការណ៍ជាតិ អន្តរជាតិ, ការឆ្លងរាលដាលនៃជំងឺកូវីដ-១៩ និងបញ្ហាដទៃទៀតបានយ៉ាងល្អប្រសើរ តាមរយៈកម្មវិធីឧបត្ថម្ភសាច់ប្រាក់ជូនស្ត្រីមានផ្ទៃពោះ និងកុមារអាយុក្រោម២ឆ្នាំកម្មវិធីផ្តល់អាហារតាមសាលារៀន និងកម្មវិធីផ្តល់អត្ថប្រយោជន៍គាំពារសង្គម មួយចំនួនទៀតដូចជា៖ មូលនិធិសមធម៌សុខាភិបាល, មូលនិធិសមធម៌សម្រាប់កម្មករនិយោជិតក្រៅប្រព័ន្ធ និងក្រុមគោលដៅ, កម្មវិធីផ្តល់ប្រាក់ឧបត្ថម្ភបន្ថែមជូនកម្មករនិយោជិតជាស្រ្តីក្នុង និងក្រៅប្រព័ន្ធ នៅពេលសម្រាលកូន ព្រមជាមួយនឹងការដាក់ឱ្យប្រើប្រាស់នូវរបបសន្តិសុខសង្គមជាបន្តបន្ទាប់ សម្រាប់មន្ត្រីរាជការសាធារណៈ, អតីតមន្ត្រីរាជការ, អតីតយុទ្ធជន, និយោជិតក្នុងផ្នែកថែទាំសុខភាព និងគ្រោះថ្នាក់ការងារ បាននិងកំពុងបន្ត ជួយពង្រឹង និងជួយពង្រីកវិសាលភាពនៃការគ្របដណ្តប់សុខភាពជាសកលនៅកម្ពុជា។ឆ្លៀតក្នុងឱកាសនោះឯកឧត្តមសាស្រ្តាចារ្យ ឈាង រ៉ា រដ្ឋមន្រី្តក្រសួងសុខាភិបាល បានថ្លែងអំណរគុណដ៏ខ្ពង់ខ្ពស់ជូនចំពោះសម្តេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងជាឥស្សរជនឆ្នើមថ្នាក់ជាតិ នៃផែនការសកម្មភាពរួមអគ្គលេខាធិការអង្គការសហប្រជាជាតិ ដើម្បីសុខភាពស្ត្រី និងកុមារ បានផ្តល់កិតិ្តយសជូនលោកជំទាវ អគ្គលេខាធិការកាកបាទក្រហមកម្ពុជា ជាតំណាងចូលរួមផ្ទាល់ ជាពិសេសសម្តេចកិតិ្តព្រឹទ្ធបណ្ឌិត បានផ្តល់នូវខ្លឹមសារសំខាន់ៗ ជូនដល់បងប្អូនជនរួមជាតិទាំងអស់។ ឯកឧត្តម សាស្រ្តាចារ្យ សូមថ្លែងអំណរគុណយ៉ាងជ្រាវជ្រៅចំពោះកិច្ចខិតខំប្រឹងប្រែង និងការដឹកនាំដ៏ក្លាវក្លារបស់សម្តេចកិត្តិព្រឹទ្ធបណ្ឌិត ក្នុងការលើកទឹកចិត្តគាំទ្រនូវសកម្មភាពផ្សព្វផ្សាយអំពាវនាវ ឲ្យអនុវត្តសកម្មភាពគន្លឹះដើម្បីពង្រឹងការថែទាំសុខភាព មាតា ទារក និងកុមារ ពិសេសការកាត់បន្ថយអាត្រាមរណភាពមាតា ទារក និងកុមារ នៅកម្ពុជា ចាប់ពីឆ្នាំ២០១១ រហូតមក។ ក្រសួងសុខាភិបាល សូមគាំទ្រទាំងស្រុងនូវអនុសាសន៍ទាំងអស់របស់សម្តេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន និងសូមគោរពជូនពរសម្តេចកិតិ្តព្រឹទ្ធបណ្ឌិត មានសុខភាពល្អបរិបូរ សម្រេចបានជោគជ័យគ្រប់ភារកិច្ចក្នុងបុព្វហេតុជាតិ មាតុភូមិ៕អត្ថបទ រដ្ឋា

ប្រទេសហុងគ្រី ត្រូវបានគេរំពឹងថា នឹងអនុម័តសមាជិកភាពណាតូរបស់ស៊ុយអែត នៅសប្តាហ៍ក្រោយ

2024/02/21 12:16:58 pm        234
Facebook Telegram Linkin
សភារបស់ប្រទេសហុងគ្រី ត្រូវបានគេរំពឹងថា នឹងអនុម័តបំណងរបស់ប្រទេសស៊ុយអែត សម្រាប់សមាជិកភាពចូលជាសម្ព័ន្ធយោធាណាតូ នៅថ្ងៃចន្ទសប្តាហ៍ក្រោយ។ ប្រទេសហុងគ្រី គឺជាប្រទេសបដិសេធចុងក្រោយគេ លើដំណើរការចូលជាសមាជិករបស់ប្រទេសស៊ុយអែត ទៅក្នុងសម្ព័ន្ធឆ្លងកាត់មហាសមុទ្រអាត្លងទិក បន្ទាប់ពីប្រទេសទួរគី បានបោះបង់ចោលការប្រឆាំងរបស់ខ្លួន និងបានផ្តល់សច្ចាប័នចំពោះបំណងនេះ កាលពីខែមករា។សភាប្រទេសហុងគ្រី តាមសេចក្តីរាយការណ៍ មានការត្អូញត្អែរជុំវិញការព្រួយបារម្ភរបស់ប្រទេសស៊ុយអែត ដែលកើនឡើងអំពីស្ថានភាពនយោបាយរបស់ប្រទេសហុងគ្រី។ ប៉ុន្តែកាលពីថ្ងៃអង្គារ មន្ត្រីជាន់ខ្ពស់របស់គណបក្សកាន់អំណាចប្រទេសហុងគ្រី បាននិយាយថាលោកបានស្នើសុំទៅប្រធានសភា ដើម្បីបោះឆ្នោត លើបំណងរបស់ប្រទេសស៊ុយអែត នៅថ្ងៃចន្ទក្រោយនេះ។ គណបក្សកាន់អំណាចមានសំឡេងភាគច្រើននៅក្នុងសភា និងបានបង្ហាញការគាំទ្រសម្រាប់បំណងរបស់ប្រទេសស៊ុយអែត។ ប្រទេសស៊ុយអែត បានដាក់ពាក្យស្នើសុំជាសមាជិកសម្ព័ន្ធយោធាណាតូ រួមជាមួយប្រទេសហ្វាំងឡង់ កាលពីខែឧសភា ឆ្នាំ២០២២ បន្ទាប់ពីការចាប់ផ្តើម ការវាយលុករបស់រុស្ស៊ី លើអ៊ុយក្រែន។ប្រទេសហ្វាំងឡង់ បានចូលជាសមាជិកផ្លូវការជាមួយសម្ព័ន្ធយោធាណាតូ កាលពីខែមេសា ឆ្នាំមុន។

យោធាធ្វើសមយុទ្ធដោយមានរថក្រោះ និងឧទ្ធម្ភាគចក្រ នៅអ៊ីស្រាអែលភាគខាងជើង និងតំបន់

2024/02/21 12:04:10 pm        138
Facebook Telegram Linkin
កងកម្លាំងយោធាអ៊ីស្រាអែល បានធ្វើសមយុទ្ធបាញ់គ្រាប់ពិតដោយរថក្រោះនៅតំបន់ Golan Heights គ្រប់គ្រងដោយអ៊ីស្រាអែល និងសមយុទ្ធជម្លៀសអ្នករងរបួសច្រើន តាមរយៈឧទ្ធម្ភាគចក្រនៅភាគខាងជើងប្រទេសអ៊ីស្រាអែល កាលពីថ្ងៃអង្គារ។តំបន់ Golan Heights គឺជាផ្នែកមួយរបស់ប្រទេសស៊ីរី រហូតដល់ឆ្នាំ ១៩៦៧ នៅពេលនោះ អ៊ីស្រាអែលបានដណ្តើមយកតំបន់នេះភាគច្រើន នៅក្នុងសង្គ្រាមរយៈពេល៦ថ្ងៃ ដោយបានចូលកាន់កាប់ និងបានដាក់បញ្ចូលជាឧបសម្ព័ន្ធនៅឆ្នាំ ១៩៨១។ការដាក់បញ្ចូលឧបសម្ព័ន្ធជាឯកតោភាគី មិនត្រូវបានទទួលស្គាល់ជាអន្តរជាតិនោះទេ ហើយប្រទេសស៊ីរី បានទាមទារយកទឹកដីមកវិញ។ សមយុទ្ធនេះ បានធ្វើឡើងខណៈសហរដ្ឋអាមេរិកកាលពីថ្ងៃអង្គារ បានប្រើសិទ្ធវ៉េតូម្តងទៀតនូវពង្រៀងសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ ស្តីពីសង្រ្គាមអ៊ីស្រាអែលនិងក្រុមហាម៉ាស ដោយរារាំងការទាមទារឱ្យមានបទឈប់បាញ់មនុស្សធម៌បន្ទាន់។ ផ្ទុយទៅវិញ សហរដ្ឋអាមរិក បានជំរុញឱ្យស្ថាប័នដែលមានសមាជិក ១៥ ប្រទេសមួយនេះ អំពាវនាវឱ្យមានបទឈប់បាញ់បណ្តោះអាសន្នមួយ ទាក់ទងទៅនឹងការដោះលែងចំណាប់ថ្នូរ ដែលបានចាប់ខ្លួនដោយក្រុមហាម៉ាស។

បណ្ដាញសង្គម

ព័ត៌មានថ្មីៗ

សមត្ថកិច្ចរាជធានីភ្នំពេញបង្ក្រាបទីតាំងបទល្មើសឆបោកតាមអនឡាញ២កន្លែងទៀតឃាត់ខ្លួនមនុស្សបាន១៣៣នាក់
07/18/2025 09:07 PM
Facebook Telegram Linkin
នាយករដ្ឋមន្ត្រីបារាំង ប្រឹងប្រែងបន្ទន់ជំហរប្រឆាំង ចំពោះច្បាប់ថវិការបស់លោក ដើម្បីបញ្ចៀសវិបត្តិថ្មី
07/18/2025 08:07 PM
Facebook Telegram Linkin
អ៊ីរ៉ង់៖ ប្រទេសអឺរ៉ុបគ្មានមូលដ្ឋានសីលធម៌ និងផ្លូវច្បាប់ ដើម្បីអនុវត្តទណ្ឌកម្មមានឡើងវិញភ្លាមៗ
07/18/2025 08:07 PM
Facebook Telegram Linkin
វិមានក្រឹមឡាំង ប្រាប់ថា រុស្ស៊ីបានបង្កើតអភ័យឯកសិទ្ធិជាក់លាក់ បន្ទាប់ពី EU ចេញទណ្ឌកម្មថ្មី
07/18/2025 07:07 PM
Facebook Telegram Linkin
បទបញ្ជាបោសសម្អាតការឆបោកតាមប្រព័ន្ធបច្ចេកវិទ្យា នឹងជួយទាក់ទាញអ្នកវិនិយោគកាន់តែច្រើនថែមទៀតមកកាន់កម្ពុជា
07/18/2025 07:07 PM
Facebook Telegram Linkin
កម្ពុជា-ហ្វីលីពីន ឯកភាពបន្តពង្រឹងកិច្ចសហប្រតិបត្តិការលើវិស័យការពារជាតិ ជាពិសេសការបណ្តុះបណ្តាលធនធានមនុស្ស
07/18/2025 07:07 PM
Facebook Telegram Linkin
មន្ត្រីរាជការក្រសួងប្រៃសណីយ៍ ចូលរួមដាំដើមកោងកាងចំនួន៥៥០ ដើម ក្រោមប្រធានបទ “ឌីជីថល ផ្សារភ្ជាប់បរិស្ថាន”
07/18/2025 07:07 PM
Facebook Telegram Linkin
លោក Zelenskyy៖ លោកបានពិភាក្សាអំពីការផ្គត់ផ្គង់មីស៊ីល និងការបណ្តុះបណ្តាលអ្នកបើកយន្តហោះជាមួយលោក Macron
07/18/2025 07:07 PM
Facebook Telegram Linkin
ប្រធានការិយាល័យសិទ្ធិមនុស្ស UN ជំរុញឲ្យមានការទទួលខុសត្រូវ ចំពោះការសម្លាប់ នៅទីក្រុង Sweida របស់ស៊ីរី
07/18/2025 07:07 PM
Facebook Telegram Linkin
រុស្ស៊ីចាប់ខ្លួនស្ត្រីសញ្ជាតិអាមេរិក-រុស្ស៊ី នៅអាកាសយានដ្ឋាន ពីបទរត់ពន្ធកាំភ្លើង
07/18/2025 07:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.