នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី ដឹកនាំគណៈប្រតិភូចូលក្រាបបង្គំគាល់ព្រះករុណា ព្រះមហាក្សត្រ ទូលថ្វាយលទ្ធផលចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក
សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្ត​ពីព្រះបរម​រតនកោដ្ឋ​ក្នុង​ការ​ពូន​ជ្រំ​ទំនាក់ទំនងរវាងកម្ពុជា និងចិន
សម្តេចតេជោអនុញ្ញាតឱ្យសមាជិកគណៈកម្មាធិការអចិន្ត្រៃយ៍សភាប្រជាជនចិនជួបសម្តែងការគួរសម
ក្រុមការងារបច្ចេកទេសអន្តរក្រសួងបន្តចុះកំណត់និយាមកា និងបោះបង្គោលព្រំដីតាមបណ្តោយព្រែកជីកហ្វូណនតេជោ សម្រាប់កំណាត់ទី២ ក្នុងភូមិសាស្រ្តខេត្តកំពត

នយោបាយ​ និង ការអភិវឌ្ឍន៍

ប្រធាន IAEA និយាយថា សកម្មភាពពង្រឹងនុយក្លេអ៊ែររបស់អ៊ីរ៉ង់ នៅតែមានកម្រិតខ្ពស់

2024/02/20 10:00:06 am        125
Facebook Telegram Linkin
ប្រទេសអ៊ីរ៉ង់ នៅតែបន្តបង្កើនសារធាតុអ៊ុយរ៉ានីញ៉ូមលើសពីតម្រូវការសម្រាប់ការប្រើប្រាស់នុយក្លេអ៊ែរពាណិជ្ជកម្ម បើទោះបីជាមានសម្ពាធពីអង្គការសហប្រជាជាតិឱ្យបញ្ឈប់ក៏ដោយ នេះបើយោងតាមប្រធានទីភ្នាក់ងារអាតូមិកអន្តរជាតិ IAEA លោក រ៉ាហ្វាអែល ហ្គ្រូសស៊ី (Rafael Grossi) បាននិយាយកាលពីថ្ងៃចន្ទ (១៩ កុម្ភៈ) ដោយបន្ថែមថាលោកចង់ទៅកាន់ទីក្រុងតេអេរ៉ង់ នៅខែក្រោយនេះជាលើកទីមួយក្នុងរយៈពេលមួយឆ្នាំ ដើម្បីបញ្ចប់សកម្មភាពនោះ។ថ្លែងទៅកាន់សារព័ត៌មានរ៉យទ័រ បន្ទាប់ពីលោកបានពន្យល់សង្ខេបរដ្ឋមន្ត្រីការបរទេសសហភាពអឺរ៉ុបអំពីប្រធានបទនេះ ប្រធានអង្គការឃ្លាំមើលនុយក្លេអ៊ែររបស់អង្គការសហប្រជាជាតិរូនេះបាននិយាយថា ខណៈដែលល្បឿននៃការចម្រាញ់សារធាតុអ៊ុយរ៉ានីញ៉ូមបានថយចុះបន្តិចចាប់តាំងពីចុងឆ្នាំមុនមក អ៊ីរ៉ង់នៅតែកំពុងបង្កើនការចម្រាញ់ក្នុងអត្រាកើនឡើងនៅជុំវិញចំនួន ៧ គីឡូក្រាមនៃសារធាតុអ៊ុយរ៉ានីញ៉ូម ក្នុងមួយខែទៅកម្រិត ៦០% នៃភាពបរិសុទ្ធ។ការពង្រឹងដល់កម្រិត ៦០% នៃភាពបរិសុទ្ធ ធ្វើឱ្យសារធាតុអ៊ុយរ៉ានីញ៉ូម ជិតឈានដល់ថ្នាក់អាវុធ ហើយកម្រិតនោះគឺមិនចាំបាច់ទេសម្រាប់ការប្រើប្រាស់ពាណិជ្ជកម្មក្នុងការផលិតថាមពលនុយក្លេអ៊ែរ។ អ៊ីរ៉ង់បដិសេធការបង្កើតអាវុធនុយក្លេអែរ ប៉ុន្តែមិនមានរដ្ឋណាមួយដែលពន្លឿនសារធាតុអ៊ុយរ៉ានីញ៉ូមដល់កម្រិតនោះដោយមិនផលិតអាវុធទេ៕

លោកណេតាន់យ៉ាហ៊ូ៖ អ៊ីស្រាអែល នឹងរក្សាការគ្រប់គ្រងផ្នែកយោធា ប្រសិនបើមានដំណោះស្រាយរដ្ឋពីរ កើតឡើង

2024/02/20 09:51:10 am        105
Facebook Telegram Linkin
លោកនាយករដ្ឋមន្ត្រី បេនចាមីន ណេតាន់យ៉ាហ៊ូ (Benjamin Netanyahu) បានថ្លែងកាលពីថ្ងៃចន្ទថា ទោះបីជាក្នុងករណីដំណោះស្រាយរដ្ឋពីររវាងអ៊ីស្រាអែល និងប៉ាឡេស្ទីនក៏ដោយ អ៊ីស្រាអែល នឹងរក្សាការគ្រប់គ្រងយោធាលើទឹកដីប៉ាឡេស្ទីនទាំងអស់។លោកណេតាន់យ៉ាហ៊ូ បាននិយាយនៅក្នុងសារវីដេអូមួយថា៖«ក្នុងករណីណាក៏ដោយ ដោយមានឬគ្មានការតាំងទីលំនៅអចិន្ត្រៃយ៍ អ៊ីស្រាអែលនឹងរក្សាការគ្រប់គ្រងសន្តិសុខពេញលេញលើគ្រប់តំបន់នៅភាគខាងលិចនៃទន្លេហ្ស៊កដង់ (Jordan) រួមទាំងតំបន់វេសបែង( West Bank) និងហ្កាហ្សាស្ទ្រីប (Gaza Strip) ។សហរដ្ឋអាមេរិក ដែលជាសម្ព័ន្ធមិត្តដ៏សំខាន់បំផុតរបស់អ៊ីស្រាអែល បាននិងកំពុងអំពាវនាវកាន់តែខ្លាំងឡើងសម្រាប់ដំណោះស្រាយរដ្ឋពីរ ដែលមើលឃើញការរួមរស់ដោយសន្តិភាពរបស់អ៊ីស្រាអែល និងរដ្ឋប៉ាឡេស្ទីន ដោយផ្អែកលើព្រំដែននៃទឹកដីប៉ាឡេស្ទីន ដែលអ៊ីស្រាអែលកាន់កាប់តាំងពីឆ្នាំ ១៩៦៧ គឺតំបន់វេសបែង ទីក្រុងហ្ស៊េរុយសាឡឹមខាងកើត និងតំបន់ហ្កាហ្សា។ទីក្រុងវ៉ាស៊ីនតោន ក៏កំពុងជំរុញឲ្យមានដំណោះស្រាយរដ្ឋពីរដែលជាមធ្យោបាយមួយ ដើម្បីបញ្ចប់ទាំងសង្រ្គាមហ្កាហ្សាបច្ចុប្បន្ន និងជម្លោះមជ្ឈិមបូព៌ាដែលមានអាយុកាលរាប់ទសវត្សរ៍ហើយនោះ។ម៉្យាងវិញទៀត លោកណេតាន់យ៉ាហ៊ូ ដែលជាអ្នកនយោបាយអ៊ីស្រាអែលស្តាំនិយម បានកសាងអាជីពនយោបាយដ៏យូរអង្វែងរបស់ខ្លួនក្នុងកម្រិតធំមួយ លើការប្រកាសប្រឆាំងរបស់លោកចំពោះដំណោះស្រាយរដ្ឋទាំងពីរ ហើយលោកក៏បានរំលឹកឡើងវិញនូវជំហរមានអាយុកាលច្រើនទសវត្សរ៍ កាលពីថ្ងៃចន្ទផងដែរ។

អាមេរិក ជំរុញឱ្យ UN គាំទ្របទឈប់បាញ់បណ្តោះអាសន្នហ្កាហ្សា ខណៈប្រឆាំងការវាយលុកក្រុងរ៉ាហ្វា

2024/02/20 08:58:11 am        95
Facebook Telegram Linkin
សហរដ្ឋអាមេរិក បានស្នើឡើងនូវពង្រាងសេចក្តីសម្រេចថ្មីរបស់ក្រុមប្រឹក្សាសន្តិសុខអង្គការសហប្រជាជាតិ ដោយអំពាវនាវឱ្យមានបទឈប់បាញ់បណ្តោះអាសន្នក្នុងសង្គ្រាមអ៊ីស្រាអែល និងក្រុមហាម៉ាស ព្រមទាំងប្រឆាំងនឹងការវាយលុកថ្មើរជើងដ៏ធំដោយសម្ព័ន្ធមិត្តរបស់ខ្លួននៅទីក្រុងរ៉ាហ្វា (Rafah) នេះបើយោងតាមអត្ថបទពង្រាងដែលបានមើលឃើញដោយសារព័ត៌មានរ៉យទ័រ។វិធានការនេះកើតឡើងបន្ទាប់ពីសហរដ្ឋអាមេរិក បានផ្តល់សញ្ញាថាខ្លួននឹងវេតូ នៅថ្ងៃអង្គារ (២០ កុម្ភៈ) នេះលើពង្រាងសេចក្ដីសម្រេចមានស្រាប់មួយរបស់អាល់ហ្សេរី ដែលទាមទារឱ្យមានបទឈប់បាញ់មនុស្សធម៌ជាបន្ទាន់ ជុំវិញការព្រួយបារម្ភថាជំហាននោះអាចប៉ះពាល់ដល់កិច្ចចរចារវាងសហរដ្ឋអាមេរិក អេហ្ស៊ីប អ៊ីស្រាអែល និងកាតា ដែលសម្របសម្រួលការផ្អាកនៅក្នុងសង្គ្រាម និងការដោះលែងចំណាប់ថ្នូរ។រហូតមកដល់ពេលនេះ ទីក្រុងវ៉ាស៊ីនតោន មិនពេញចិត្តនឹងបទឈប់បាញ់នៅក្នុងវិធានការណាមួយរបស់អង្គការសហប្រជាជាតិលើសង្គ្រាមអ៊ីស្រាអែល និងក្រុមហាម៉ាសឡើយ ប៉ុន្តែពង្រាងច្បាប់ថ្មីរបស់សហរដ្ឋអាមេរិកនេះបានឆ្លុះបញ្ចាំងពីកិច្ចខិតខំប្រឹងប្រែងក្នុងការសន្ទនារវាងប្រធានាធិបតី ចូ បៃដិន (Joe Biden) កាលពីសប្តាហ៍មុនជាមួយលោកនាយករដ្ឋមន្រ្តីអ៊ីស្រាអែល បេនចាមីន ណេតាន់យ៉ាហ៊ូ (Benjamin Netanyahu)។សេចក្តីព្រាងអត្ថបទរបស់សហរដ្ឋអាមេរិកនេះ «កំណត់ថានៅក្រោមកាលៈទេសៈបច្ចុប្បន្ន ការវាយលុកជើងគោកដ៏ធំមួយទៅលើទីក្រុង រ៉ាហ្វា នឹងបណ្តាលឱ្យមានគ្រោះថ្នាក់បន្ថែមទៀតដល់ជនស៊ីវិល និងការផ្លាស់ទីលំនៅបន្ថែមទៀតរបស់ប្រជាជន រួមទាំងលទ្ធភាពនៃការរាលដាលចូលទៅកាន់ប្រទេសជិតខាងផងដែរ»៕

ឧបនាយករដ្ឋមន្រ្តី ទៀ សីហា វាយតម្លៃខ្ពស់ចំពោះការរួមចំណែករបស់មិត្តហ្វូនដល់ប្រទេសកម្ពុជា

2024/02/20 08:23:56 am        187
Facebook Telegram Linkin
ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិកម្ពុជា ឯកឧត្តម ទៀ សីហា បានវាយតម្លៃខ្ពស់ចំពោះការរួម ចំណែករបស់ក្រុមហ៊ុន វៀតធេលគ្រុប (Viettel Group)ក្រោមស្លាកយីហោ មិត្តហ្វូន ដែលបានរួមចំណែកក្នុងការអភិវឌ្ឍ ដល់ប្រទេសកម្ពុជា ខណៈក្រុមហ៊ុន បាននាំយកសេវាទូរគមនាគមន៍ បច្ចេកវិទ្យាព័ត៌មានទៅកាន់គ្រប់ទីកន្លែង និងបានជួយ លើកកម្ពស់ជីវភាពរស់នៅរបស់ប្រជាជនកម្ពុជាផងដែរនោះ។ក្នុងឱកាសខួប១៥ឆ្នាំ នៃវត្តមានរបស់ក្រុមហ៊ុនទូរស័ព្ទមិត្តហ្វូនជាមួយ នឹងការបើកសម្ពោធបណ្តាញសេវាមិត្តហ្វូន ក្រោមគំនិត «The Met's Sonata» នាល្ងាចថ្ងៃទី ១៩ ខែកុម្ភៈ ឆ្នាំ២០២៤នេះនៅសណ្ឋាគារសុខាភ្នំពេញ ឯកឧត្តម ទៀ សីហា បានវាយតម្លៃខ្ពស់ចំពោះការរួមចំណែករបស់ Viettel Groupចំពោះប្រទេសកម្ពុជានិងបង្ហាញពីបំណងចង់បន្តអភិវឌ្ឍន៍ទំនាក់ទំនងល្អរវាងរដ្ឋាភិបាលកម្ពុជា និងViettel Group ផងដែរ។ ឯកឧត្តមឧបនាយករដ្ឋមន្រ្តី បានបន្ថែមទៀតថាឯកឧត្តម សូមថ្លែងអំណរគុណយ៉ាងស្មោះស្ម័គ្រចំពោះថ្នាក់ដឹកនាំនៃក្រុមហ៊ុនViettel Group ដែលបានដឹកនាំក្រុមហ៊ុនមិត្តហ្វូន បាននាំមកនូវអត្ថប្រយោជន៍ជាច្រើន រួមចំណែកដល់ការអភិវឌ្ឍសេដ្ឋកិច្ច និងសង្គមរបស់ប្រទេសកម្ពុជា។ មិត្តហ្វូន បាននាំយកសេវាទូរគមនាគមន៍ បច្ចេកវិទ្យាព័ត៌មានទៅកាន់គ្រប់ទីកន្លែង និងបានជួយ លើកកម្ពស់ជីវភាពរស់នៅរបស់ប្រជាជនកម្ពុជា។ក្នុងឱកាសនោះដែរ ឯកឧត្តមឧបក៏បានលើកឡើងផងដែរថា នាថ្ងៃអនាគត ឯកឧត្តមសង្ឃឹមថា​ ទំនាក់ទំនងកិច្ចសហប្រតិបត្តិការរវាងរដ្ឋាភិបាលកម្ពុជា និងសមាជិកនៃក្រុមហ៊ុន Viettel Group នឹងបន្តអភិវឌ្ឍយ៉ាងខ្លាំងក្លា និងស៊ីជម្រៅដោយនាំមកនូវផលប្រយោជន៍​កាន់តែច្រើនដល់​ភាគីទាំងពីរ​ និងរួមចំណែកដល់ការអភិវឌ្ឍ​ប្រកបដោយចីរភាពរបស់កម្ពុជាផងដែរ។ ថ្លែងនៅក្នុងពិធីនោះដែរ លោក Tao Duc Thangប្រធាន និងជានាយកប្រតិបត្តិក្រុមហ៊ុន Viettel Group និងមិត្តហ្វូនបានសម្តែងនូវបំណងចង់បន្តរួមដំណើរជាមួយរដ្ឋាភិបាល និង​ប្រជាជនកម្ពុជា​ដើម្បីនាំមកនូវសុភមង្គល និងវិបុលភាពដល់កម្ពុជា។លោកថ្លែងថា«ដោយមានបំណងចង់បន្តរួមចំណែក និងកសាងប្រទេសកម្ពុជា ជួយប្រជាជនកម្ពុជាឱ្យមានជីវភាពកាន់តែប្រសើរឡើង មិត្តហ្វូននឹងចូលរួមយ៉ាងសកម្មក្នុងការអនុវត្តយុទ្ធសាស្ត្របញ្ចកោណរបស់រាជរដ្ឋាភិបាលកម្ពុជា ដែលការសន្យារបស់យើងចាប់ពី១៥ឆ្នាំមុន និងទៅអនាគតនឹងតែងតែមាន។ ដូចជាទស្សនៈវិស័យរបស់យើងតាំងពីដើមគឺ «អ្នកច្នៃប្រឌិត និងយកចិត្តទុកដាក់»។ រាល់ដំណោះស្រាយ រាល់ផលិតផល រាល់សកម្មភាពរបស់មិត្តហ្វូននឹងខិតខំធានាថា គ្មានប្រជាជនកម្ពុជាណាដែលមិនទទួលបានប្រព័ន្ធបច្ចេកវិទ្យាឡើយ។លោកប្រធានក្រុមហ៊ុន បានលើកឡើងទៀតថា ចាប់តាំងពីការបង្កើតឡើងនៅថ្ងៃទី ១៩ ខែកុម្ភៈ ឆ្នាំ ២០០៩ មិត្តហ្វូនបានបន្តយុទ្ធសាស្រ្ត «ហេដ្ឋារចនាសម្ព័ន្ធដំបូង អាជីវកម្មតាមក្រោយ» នាំយកសេវាទូរគមនាគមន៍ទៅកាន់តំបន់ឆ្ងាយបំផុត និងដាច់ស្រយាលបំផុតនៅក្នុងប្រទេសកម្ពុជា។ ការប្រារព្ធពិធីនេះបានបង្ហាញពីដំណើរការរបស់មិត្តហ្វូនដែលបានរួមចំណែកកសាងសេវាទូរគមនាគមន៍របស់ខ្លួននៅទូទាំងប្រទេសកម្ពុជា ដោយផ្តល់សេវាទូរស័ព្ទដល់ទៅ ៩៨% នៃចំនួនប្រជាជន។ក្នុងរយៈពេល១៥ឆ្នាំមកនេះ ព្រះមហាក្សត្រនៃព្រះរាជាណាចក្រកម្ពុជា បានប្រោសព្រះរាជទាន​ព្រះរាជគ្រឿងឥស្សរិយយសមុនីសារាភ័ណ្ឌ មហាសេរីវឌ្ឍន៍ ដល់បុគ្គល និងសមូហភាពដល់ក្រុមហ៊ុន Viettel Groupនិងមិត្តហ្វូនជាការទទួលស្គាល់អំពីការរួមចំណែករបស់​ពួកគេ​ក្នុងរយៈពេល១៥ឆ្នាំកន្លងមក។ បន្ទាប់ពីការអភិវឌ្ឍ​អស់រយៈពេល១៥ឆ្នាំ​មិត្តហ្វូនក៏បានចូលរួមចំណែកយ៉ាងសំខាន់ដល់ ការអភិវឌ្ឍប្រទេសកម្ពុជា និងប្រជាជនរបស់ខ្លួន ដោយជាង១ពាន់លានដុល្លារបានចូលរួមចំណែកក្នុងថវិកាជាតិ និងជាង ១២០ លានដុល្លារអាមេរិក ឧទ្ទិសដល់គំនិតផ្តួចផ្តើមគាំទ្រសហគមន៍ និងសង្គម៕ អត្ថបទបាន ចក់

ប្រទេស២៦របស់សហភាពអឺរ៉ុប ព្រមានអ៊ីស្រាអែល ពីគ្រោះមហន្តរាយ បើវាយលុកក្រុងរ៉ាហ្វា

2024/02/20 07:56:38 am        206
Facebook Telegram Linkin
ប្រទេសក្នុងប្លុកសហភាពអឺរ៉ុបទាំងអស់ លើកលែងតែប្រទេសហុងគ្រី បានព្រមានអ៊ីស្រាអែល កាលពីថ្ងៃចន្ទកុំឲ្យបើកការវាយលុកចូលទៅក្នុងទីក្រុងរ៉ាហ្វា ដែលពួកគេនិយាយថា នឹងរុញទម្លាក់ចូលទៅក្នុងគ្រោះមហបន្តរាយកាន់តែជ្រៅសម្រាប់ជនភៀសខ្លួនចំនួន១,៥លាននាក់ ដែលបានជ្រកកោននៅក្នុងទីក្រុងជាយភាគខាងត្បូងមួយរនេះរបស់តំបន់ហ្កាហ្សា។ រដ្ឋមន្ត្រីក្រសួងការបរទេសអៀរឡង់ លោក មីឈែល ម៉ាទីន បាននិយាយ មុនកិច្ចប្រជុំ ថ្នាក់រដ្ឋមន្ត្រីក្រសួងការបរទេសមកពីប្រទេសជាសមាជិកសហភាពអឺរ៉ុបទាំងអស់ចំនួន២៧ប្រទេស នៅក្នុងទីក្រុងព្រុចសែលថា ការវាយប្រហារលើទីក្រុងរ៉ាហ្វា នឹងបង្កឲ្យមានគ្រោះមហន្តរាយកាន់តែធ្ងន់ធ្ងរ ហើយជារឿងមិនសមហេតុ។ បន្ទាប់ពីការពិភាក្សា បានបញ្ចប់ លើកលែងតែមួយក្នុងចំណោមប្រទេសទាំងអស់ បានអំពាវនាវក្នុងសេចក្ដីថ្លែងការណ៍រួមមួយឲ្យមានការផ្អាកសម្រាប់បទឈប់បាញ់មនុស្សធម៌ ដែលនឹងនាំឲ្យមានបទឈប់បាញ់យូរអង្វែងមួយ ការដោះលែងចំណាប់ថ្នូរទាំងអស់ដោយគ្មានលក្ខខណ្ឌ និងការផ្ដល់ជំនួយមនុស្សធម៌។សេចក្ដីថ្លែងការណ៍នេះត្រូវបានបញ្ចេញក្នុងនាមជាបណ្ដាប្រមុខការទូតមកពីរដ្ឋជាសមាជិក២៦ប្រទេស របស់សហភាពអឺរ៉ុប  ហើយអ្នកការទូតទាំងអស់និយាយថា ប្រទេសហុងគ្រី ដែលជាសម្ព័ន្ធមិត្តដ៏ជិតស្និទរបស់រដ្ឋាភិបាលអ៊ីស្រាអែល គឺជាប្រទេសតែមួយគត់ដែលពុំបានចុះហត្ថលេខា។  ក្រុមរដ្ឋមន្ត្រីការបរទេសទាំងអស់បាននិយាយថា យើងបានស្នើរដ្ឋាភិបាលអ៊ីស្រាអែល កុំឲ្យចាត់វិធានការយោធាក្នុងទីក្រុងរ៉ាហ្វា ដែលនឹងដាក់បន្ទុកបន្ថែមលើស្ថានភាពមនុស្សធម៌ធ្ងន់ធ្ងរស្រាប់ និងកុំរារាំងការផ្ដល់សេវាជាមូលដ្ឋាន ក៏ដូចជាជំនួយមនុស្សធម៌ដែលជាតម្រូវការចាំបាច់បន្ទាន់៕

លោក Wang៖ អ្នកគាំទ្រគោលការណ៍ចិន តែមួយគួរតែគាំទ្រការបង្រួបបង្រួមកោះតៃវ៉ាន់ ដោយសន្តិវិធីរបស់ចិន

2024/02/19 03:21:56 pm        99
Facebook Telegram Linkin
រដ្ឋមន្ត្រីការបរទេសចិនលោក វ៉ាង យី (Wang Yi) បាននិយាយកាលពីថ្ងៃសៅរ៍ (១៧ កុម្ភៈ) នៅឯសន្និសីទសន្តិសុខទីក្រុងមូនីច (Munich) លើកទី៦០ ថាអ្នកដែលប្រកាន់គោលការណ៍ចិនតែមួយគួរតែគាំទ្រការបង្រួបបង្រួមដោយសន្តិវិធីរបស់ចិន ហើយដើម្បីរក្សាសន្តិភាព និងស្ថិរភាពនៅទូទាំងច្រកសមុទ្រកោះតៃវ៉ាន់ ត្រូវតែប្រឆាំងនឹង «ឯករាជ្យភាពតៃវ៉ាន់»។ លោក វ៉ាង ដែលជាសមាជិកនៃការិយាល័យនយោបាយនៃគណៈកម្មាធិការមជ្ឈិមបក្សកុម្មុយនិស្តចិនបានធ្វើការលើកឡើងនេះក្នុងការឆ្លើយតបទៅនឹងសំណួរដែលទាក់ទងនឹងកោះតៃវ៉ាន់ បន្ទាប់ពីបានថ្លែងសុន្ទរកថាសំខាន់នៅក្នុងសម័យប្រជុំ «ទេសចិននៅក្នុងពិភពលោក» នៅក្នុងសន្និសីទ។លោក វ៉ាង បាននិយាយថា ឯកសាររបស់អង្គការសហប្រជាជាតិ បានពិពណ៌នាយ៉ាងច្បាស់ថាកោះតៃវ៉ាន់ជាខេត្តមួយរបស់ប្រទេសចិន ហើយការពិតទាំងអស់នេះបានបង្ហាញយ៉ាងពេញលេញថាបញ្ហាកោះតៃវ៉ាន់ គឺជាបញ្ហាផ្ទៃក្នុងរបស់ចិនមួយរយភាគរយ។រដ្ឋមន្ត្រីការបរទេសចិនរូបនេះបានបន្ថែមថា វាជាការពិតមានមូលដ្ឋានប្រវត្តិសាស្ត្រ និងការយល់ព្រមរបស់សហគមន៍អន្តរជាតិដែលថាកោះតៃវ៉ាន់ មិនដែលជាប្រទេស ហើយមិនអាចក្លាយជាប្រទេសបានឡើយ។ លោកបានសង្កត់ធ្ងន់ថា «ឯករាជ្យតៃវ៉ាន់« គឺមិនស៊ីគ្នានឹងសន្តិភាពឆ្លងច្រកសមុទ្រនោះទេ៕

មេដឹកនាំកំពូលអ៊ីរ៉ង់ ជំរុញឱ្យប្រជាជនអ៊ីរ៉ង់ទៅបោះឆ្នោត នៅក្នុងការបោះឆ្នោតដ៏សំខាន់

2024/02/19 02:55:05 pm        96
Facebook Telegram Linkin
មេដឹកនាំកំពូលរបស់ប្រទេសអ៊ីរ៉ង់ លោក អាលី កាំមីណេ (Ali Khamenei) កាលពីថ្ងៃអាទិត្យ បានអំពាវនាវឱ្យអ្នកបោះឆ្នោតទៅបោះឆ្នោតឲ្យបានច្រើន នៅក្នុងការបោះឆ្នោតសភា និងក្រុមប្រឹក្សាមេដឹកនាំសាសនា ដែលបានកំណត់កាលបរិច្ឆេទ នៅថ្ងៃទី ១ ខែមីនា។គេហទំព័ររបស់លោក បានរាយការណ៍ថា លោក Khamenei បានធ្វើការអំពាវនាវដូច្នេះ នៅក្នុងពេលជួបជាមួយប្រជាជនមកពីខេត្ត អ៊ីស អាហ្សាបៃហ្សង់(East Azarbaijan) ភាគពាយ័ព្យ ក្នុងទីក្រុង តេអេរ៉ង់ ។ លោកបាននិយាយថា ការបោះឆ្នោតគឺជាសសរស្តម្ភដ៏សំខាន់ របស់សាធារណរដ្ឋឥស្លាម និងជាមាគ៌ា ឆ្ពោះទៅរកកំណែទម្រង់របស់ប្រទេស។លោក បាននិយាយបន្តថា «អ្នកគ្រប់គ្នា គួរតែទៅចូលរួមក្នុងការបោះឆ្នោត ហើយអ្នកទាំងឡាយណាដែលមានបំណងដោះស្រាយបញ្ហា គួរប្រើការបោះឆ្នោតជាវិធីសាស្ត្រដ៏ត្រឹមត្រូវ។ប្រទេសអ៊ីរ៉ង់ នឹងរៀបចំការបោះឆ្នោតសភាលើកទី១២ និងសភាអ្នកជំនាញលើកទី៦ នៅថ្ងៃទី ១ ខែមីនា។ សភា ដែលមាន ២៩០ អាសនៈ មានអំណាចអនុម័តច្បាប់ និងពិនិត្យរដ្ឋាភិបាល ខណៈសភាអ្នកជំនាញមានសមាជិក ៨៨ រូប ត្រូវបានផ្តល់អំណាចដើម្បីតែងតាំងមេដឹកនាំកំពូល។ទីភ្នាក់ងារសារព័ត៌មានផ្លូវការ IRNA បានរាយការណ៍ថា អ្នកនាំពាក្យក្រុមប្រឹក្សាធម្មនុញ្ញរបស់ប្រទេសអ៊ីរ៉ង់ លោក ហាឌី តាហាន ណាហ្ស៊ីហ្វ(Hadi Tahan Nazif) បាននិយាយថា បេក្ខជនចំនួន ១៤.៩១២រូប ត្រូវបានអនុម័តឱ្យឈរឈ្មោះសម្រាប់ការបោះឆ្នោតសភា បន្ទាប់ពីដំណើរការពិនិត្យច្បាស់លាស់ ហើយ បេក្ខជនសរុបចំនួន ១៤៤ រូប នឹងប្រកួតប្រជែងសម្រាប់សភាអ្នកជំនាញ ដែលនឹងត្រូវជ្រើសរើសសម្រាប់អាណត្តិរយៈពេល៨ឆ្នាំ។

ឧត្តមនាវីឯកអាមេរិក៖ ការប្រយុទ្ធជាមួយក្រុមហ៊ួទី នៅសមុទ្រក្រហម គឺជាសមរភូមិដ៏ធំបំផុត ចាប់តាំងពីសង្គ្រាមលោកលើកទី២

2024/02/19 02:43:34 pm        99
Facebook Telegram Linkin
ឧត្តមនាវីឯកទ័ពជើងទឹកអាមេរិកម្នាក់ និយាយថា ជម្លោះប្រឆាំងនឹងក្រុមហ៊ួទីនៅសមុទ្រក្រហម គឺជាសមរភូមិជើងទឹកដ៏ធំបំផុតមួយ ដែលអាមេរិក បានប្រយុទ្ធក្នុងរយៈពេលជាច្រើនទសវត្សរ៍មកហើយ។លោកឧត្តមនាវីទោ ប្រាដ កូពឺ (Brad Cooper) បានប្រាប់ពិធីករទូរទស្សន៍ក្នុងកម្មវិធី «60 Minutes» អ្នកស្រី ណូរ៉ា អូដុណែល (Norah O'Donnell) នៅក្នុងបទសម្ភាសន៍ ដែលបានចាក់ផ្សាយកាលពីថ្ងៃអាទិត្យថា៖« ខ្ញុំគិតថា អ្នកនឹងត្រូវត្រឡប់ទៅសង្គ្រាមលោកលើកទី២ ដែលជាកន្លែងដែលអ្នកមាននាវាដែលចូលរួមក្នុងការប្រយុទ្ធ»។ លោកបានបន្តថា៖«នៅពេលខ្ញុំ និយាយថា ចូលរួមក្នុងការប្រយុទ្ធនៅកន្លែងដែលគេត្រូវគេបាញ់ យើងត្រូវគេបាញ់ ហើយយើងនឹងបាញ់តបវិញ»។លោកកូពឺ ដែលជាមេបញ្ជាការរងនៃបញ្ជាការកណ្តាលរបស់សហរដ្ឋអាមេរិក បានប្រាប់កម្មវិធី «60 Minutes» ថា កងទ័ពជើងទឹក បានដាក់ពង្រាយនាវិកប្រហែល ៧.០០០នាក់ទៅកាន់សមុទ្រក្រហម។ កងទ័ពជើងទឹក បានបាញ់មីស៊ីលពីដីទៅលើអាកាសស្តង់ដាប្រហែល ១០០ប្រឆាំងនឹងមីស៊ីល និងយានដ្រូនរបស់ក្រុមហ៊ួទី។ចាប់តាំងពីពាក់កណ្តាលខែវិច្ឆិកាមក ក្រុមឧទ្ទាមហ៊ួទី ដែលគាំទ្រដោយអ៊ីរ៉ង់ បាននិងកំពុងវាយប្រហារលើនាវាដឹកជញ្ជូន ដែលធ្វើដំណើរឆ្លងកាត់សមុទ្រក្រហម។ ក្រុមឧទ្ទាមនេះ បាននិយាយថា ការវាយប្រហារទាំងនេះ គឺជាការឆ្លើយតបទៅនឹងសង្គ្រាមអ៊ីស្រាអែល និងក្រុមហាម៉ាស។ លោកកូពឺ បានប្រាប់កម្មវិធី 60 Minutes ថា វាច្បាស់ណាស់ថា ក្រុមហ៊ួទី មិនអាចធ្វើការវាយប្រហារទាំងនេះបានទេ បើគ្មានការគាំទ្រពីអ៊ីរ៉ង់។លោក បានប្រាប់អ្នកស្រី អូដុនណែលថា៖«អស់មួយទសវត្សរ៍មកហើយ ដែលប្រជាជនអ៊ីរ៉ង់ បានផ្គត់ផ្គង់ក្រុមហ៊ួទី។ អ៊ីរ៉ង់ បានផ្គត់ផ្គង់ដល់ក្រុមនេះឡើងវិញ។ យើងដឹងថា រឿងនេះកំពុងកើតឡើង។ ពួកគេកំពុងណែនាំដល់ក្រុមហ៊ួទី ហើយពួកគេកំពុងផ្តល់ព័ត៌មានកំណត់គោលដៅ»។

នាយករដ្ឋមន្ត្រីប៉ាឡេស្ទីន៖ អេហ្ស៊ីប នឹងមិនអនុញ្ញាតឲ្យនរណាម្នាក់ចូលមកពីតំបន់ហ្កាហ្សាឡើយ

2024/02/19 02:34:19 pm        95
Facebook Telegram Linkin
នាយករដ្ឋមន្ត្រីនៃអាជ្ញាធរប៉ាឡេស្ទីន លោក ម៉ូហាម៉េដ ស្ទេយ៉េ (Mohammad Shtayyeh) បានអំពាវនាវឲ្យអាជ្ញាធរអ៊ីស្រាអែលអនុញ្ញាតឲ្យប្រជាជនដែលប្រមូលផ្តុំគ្នានៅភាគខាងត្បូងនៃតំបន់ហ្កាហ្សាស្ទ្រីប ត្រឡប់ទៅផ្ទះរបស់ពួកគេនៅភាគខាងជើងបន្ថែមទៀត។ថ្លែងនៅក្នុងសន្និសិទសន្តិសុខទីក្រុងមុយនិក( Munich) លោក ស្ទេយីយ៉េ បានចេញការព្រមានដល់នាយករដ្ឋមន្ត្រីអ៊ីស្រាអែលលោក បេនចាមីន ណេតាន់យ៉ាហ៊ូ (Benjamin Netanyahu) កុំឲ្យព្យាយាម បង្ខំប្រជាជនប៉ាឡេស្ទីនឆ្លងកាត់ព្រំដែនចូលទៅក្នុងប្រទេសអេហ្ស៊ីប។លោកបាននិយាយថា៖«ខ្ញុំដឹង ហើយយើងដឹងហើយថា វាជាកម្មវិធីរបស់អ៊ីស្រាអែល ដើម្បីរុញច្រានប្រជាជនចេញពីតំបន់ហ្កាហ្សា។ យើង និងប្រជាជនអេហ្ស៊ីប បានធ្វើការយ៉ាងលំបាក ដើម្បីកុំឲ្យវាកើតឡើង»។លោកស្ទេយ៉េ បានបញ្ជាក់ថា៖«អេហ្ស៊ីបនឹងមិនអនុញ្ញាតឲ្យនរណាម្នាក់ឆ្លងកាត់ព្រំដែននោះទេ។ មានរបាយការណ៍នៅក្នុងសារព័ត៌មានអន្តរជាតិថា អេហ្ស៊ីប កំពុងសាងសង់ជំរំទទួលភ្ញៀវមួយនៅម្ខាងព្រំដែនរបស់ខ្លួន ដើម្បីទទួលជនភៀសខ្លួនប៉ាឡេស្ទីន។លោកបានបន្ថែមទៀតថា អាជ្ញាធរប៉ាឡេស្ទីនដែលគ្រប់គ្រងដោយចលនាហ្វាតា (Fatah) ដែលមានមូលដ្ឋាននៅទីក្រុងរ៉ាហ្វា (Ramallah) ក្នុងវេសបែង មិនរក្សាទំនាក់ទំនងជាមួយក្រុមហាម៉ាស ដែលគ្រប់គ្រងតំបន់ ហ្កាហ្សាស្ទ្រីប តាំងពីឆ្នាំ ២០០៧មក។

គ.ជ.ប រៀបចំពង្រឹងសន្តិសុខម៉ត់ចត់តាមការិយាល័យបោះឆ្នោតព្រឹទ្ធសភា

2024/02/19 02:03:21 pm        158
Facebook Telegram Linkin
អ្នកនាំពាក្យគណៈកម្មាធិការជាតិរៀបចំការបោះឆ្នោត បានឱ្យដឹងថា គ.ជ.ប បានរៀបចំពង្រឹង​សន្តិសុខ​យ៉ាងម៉ត់ចត់​តាម​ការិយាល័យ​បោះឆ្នោត​ទាំង​អស់​សម្រាប់​ការ​បោះឆ្នោត​ជ្រើស​តាំង​សមាជិក​ព្រឹទ្ធសភាដែ​លនឹងប្រព្រឹត្តនាថ្ងៃទី២៥ ខែកុម្ភៈខាងមុខនេះ។ខណៈនៅសល់រយៈពេល៦ថ្ងៃទៀតប៉ុណ្ណោះ ការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៧ នឹងចាប់ផ្តើមដំណើរការតាមការិយាល័យនៅទូទាំងរាជធានី-ខេត្ត ឯកឧត្តម ហង្ស ពុទ្ធា សមាជិក និងជាអ្នកនាំពាក្យ គ.ជ.ប បានប្រាប់ BTV នៅថ្ងៃទី១៩ ខែកុម្ភៈនេះថា ដើម្បី​ឱ្យ​ដំណើរ​ការ​បោះឆ្នោតជ្រើសតាំងសមាជិកព្រឹទ្ធសភាប្រព្រឹត្តទៅដោយរលូន និងធានា​បាន​នូវ​សន្តិសុខ សុវត្ថិភាព សណ្ដាប់ធ្នាប់ របៀបរៀបរយ និងបរិយាកាសស្ងប់ស្ងាត់ល្អ គ.ជ.ប បាន​ចេញ​នូវ​សេចក្តីណែនាំដល់ប្រធានគណៈកម្មការរាជធានី-ខេត្តរៀបចំការបោះឆ្នោត និង​ប្រធាន​គណៈកម្មការ​ការិយាល័យបោះឆ្នោត និងរាប់សន្លឹកឆ្នោត ស្តីពីអ្នកដែលមាន​សិទ្ធិ​ចូល​ក្នុង​ការិយាល័យ​បោះឆ្នោត និងការិយាល័យរាប់សន្លឹកឆ្នោត រួមទាំងអ្នកដែល​មិន​មាន​សិទ្ធិ​ចូល​ក្នុង​ការិយាល័​យ​បោះឆ្នោត និងការិយាល័យរាប់សន្លឹកឆ្នោត និងរួមទាំងអំពីកិច្ចសហការ និង​ការ​អនុវត្ត​របស់គណៈបញ្ជាការអចិន្រ្តៃយ៍សន្តិសុខសម្រាប់ការបោះឆ្នោតកាលពីថ្មីៗនេះ។ក្នុង​នោះឯកឧត្តម បញ្ជាក់ថា គណៈបញ្ជាការ​អចិន្រ្តៃយ៍​សន្តិសុខ សម្រាប់​ការ​បោះឆ្នោត​បាន​ដាក់​ពង្រាយ​ភ្នាក់​ងារតាមការិយាល័យបោះឆ្នោតនីមួយៗ ដើម្បីធានាថា​ចាប់​តាំង​ពីដំណើរ​ការ​បើក​ទ្វារ​ការិយាល័យ​បោះឆ្នោតរហូតដល់រាប់សន្លឹកឆ្នោតមានសុខសន្តិភាព និងសុវត្ថិភាព។ ជាមួយគ្នានេះក្នុងករណីមានបាតុភាព ឬភាពមិនប្រក្រតីកើតឡើងអំឡុងការបោះឆ្នោត ឯកឧត្តម បញ្ជាក់​ទៀតថា គ.ជ.ប មានយន្តការសម្របសម្រួល និងយន្តការទប់ស្កាត់បាតុភាព ខណៈ​ក្រៅ​ពី​នេះ ​គ.ជ.ប ក៏រង់ចាំទទួលពាក្យបណ្តឹង ដើម្បីដោះស្រាយផ្តល់យុត្តិធម៌ជូនភាគីពាក់ព័ន្ធទាំងអស់។យ៉ាងណាមិញ ឯកឧត្តម ហង្ស ពុទ្ធា មានជំនឿយ៉ាងមុតមាំថា ក្នុងថ្ងៃ​បោះឆ្នោត​ជ្រើស​តាំង​សមាជិក​ព្រឹទ្ធសភាខាងមុខ ភាគីពាក់ព័ន្ធទាំងអស់នឹងចូលរួមសហការដោយអនុវត្តតាមបទបញ្ជា នីតិវិធី និងគោលការណ៍ច្បាប់បោះឆ្នោត ក្នុងគោល​ដៅ​ធ្វើ​យ៉ាង​ណា​ឱ្យ​ដំណើរ​ការ​បោះឆ្នោត​មាន​ភាព​រលូន យុត្តិធម៌ និងទទួលយកបានពីគ្រប់គណបក្សនយោបាយទាំងអស់។សូមជម្រាបថា ការបោះឆ្នោតជ្រើសតាំងសមាជិកព្រឹទ្ធសភាខាងមុខនឹងប្រព្រឹត្តទៅនាថ្ងៃទី២៥ ខែ​កុម្ភៈ ឆ្នាំ២០២៤ ដោយមានការិយាល័យសរុបចំនួន ៣៣ ការិយាល័យ និង​អង្គ​បោះឆ្នោត​សរុប​ចំនួន ១១,៧៤៧នាក់ ក្នុងនោះអ្នកតំណាងរាស្ត្រក្នុងតំណែងមានចំនួន ១២៥ នាក់ និង​ក្រុម​ប្រឹក្សា​ឃុំ-សង្កាត់នៅទូទាំងប្រទេសចំនួន ១១,៦២២ នាក់។ ខណៈគណបក្សនយោបាយចំនួន ៤ ដែលចូលរួមប្រកួតប្រជែងរួមមាន គណបក្សប្រជាជនកម្ពុជា គណបក្សហ្វ៊ុនស៊ិនប៉ិច គណបក្សកម្លាំងជាតិ និងគណបក្សឆន្ទៈខ្មែរ៕ អត្ថបទ៖ សេក ឧត្តម

បណ្ដាញសង្គម

ព័ត៌មានថ្មីៗ

ប្រធានការិយាល័យសិទ្ធិមនុស្ស UN ជំរុញឲ្យមានការទទួលខុសត្រូវ ចំពោះការសម្លាប់ នៅទីក្រុង Sweida របស់ស៊ីរី
07/18/2025 07:07 PM
Facebook Telegram Linkin
រុស្ស៊ីចាប់ខ្លួនស្ត្រីសញ្ជាតិអាមេរិក-រុស្ស៊ី នៅអាកាសយានដ្ឋាន ពីបទរត់ពន្ធកាំភ្លើង
07/18/2025 07:07 PM
Facebook Telegram Linkin
ផ្លូវជនបទបញ្ចប់សុពលភាពនៅខេត្តពោធិ៍សាត់ បានរក្សាគុណភាពល្អសម្រាប់ការរស់នៅរបស់ប្រជាជន
07/18/2025 06:07 PM
Facebook Telegram Linkin
សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ​ និងលោកជំទាវ អញ្ជើញចូលរួមអបអរសាទរព្រឹត្តិការណ៍នៃការចុះ “បូជនីយដ្ឋានចងចាំនៃកម្ពុជា៖ ពីទីតាំងឧក្រិដ្ឋកម្មមកជាមណ្ឌលផ្សះផ្សានិងសន្តិភាព” ក្នុងបញ្ជីបេតិកភណ្ឌពិភពលោក​
07/18/2025 06:07 PM
Facebook Telegram Linkin
មេដឹកនាំហ្វីលីពីន នឹងពិភាក្សាអំពីពាណិជ្ជកម្ម និងសន្តិសុខ អំឡុងទស្សនកិច្ចនៅអាមេរិក ខណៈពន្ធគយលេចឡើងស្ទុងៗ
07/18/2025 06:07 PM
Facebook Telegram Linkin
អ៊ីរ៉ង់ច្រានចោលការអះអាងរបស់អាមេរិកដែលថា ខ្លួនបញ្ជូនអាវុធទៅឲ្យក្រុមហ៊ួទី នៅប្រទេសយេម៉ែន
07/18/2025 06:07 PM
Facebook Telegram Linkin
អ៊ីស្រាអែល បដិសេធរបាយការណ៍អំពីការវាយប្រហារពេលយប់ នៅស៊ីរី
07/18/2025 06:07 PM
Facebook Telegram Linkin
សេចក្ដីព្រាងចំនួន ៤ ត្រូវបានកិច្ចប្រជុំពេញអង្គគណៈរដ្ឋមន្ត្រីអនុម័តនៅថ្ងៃនេះ
07/18/2025 06:07 PM
Facebook Telegram Linkin
អាជ្ញាធរខេត្តកោះកុង បំភ្លឺថាមិនមានការបង្រ្កាបទីតាំងល្បែងអនឡាញទេ មានការស្រាវជ្រាវករណីឃាតកម្ម
07/18/2025 05:07 PM
Facebook Telegram Linkin
សម្ដេចធិបតី៖បូជនីយដ្ឋានចងចាំនៃកម្ពុជានឹងក្លាយជាការចងចាំជាសាកល និងជាមជ្ឈមណ្ឌលអន្តរជាតិ
07/18/2025 05:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.