នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី ហ៊ុន ម៉ាណែត៖ អាទិភាពរបស់រាជរដ្ឋាភិបាល​ គឺ ប្រទេសជាតិ​,​ប្រជាជន, ទឹកដី និង​ ឯករាជ្យភាពជាតិ
សម្ដេចធិបតី៖ យុទ្ធនាការកម្ចាត់ Online Scams ប៉ុន្មានខែចុងក្រោយនេះ បានស្ដារមុខមាត់កម្ពុជាមកវិញ
សម្ដេចធិបតី៖ កម្ពុជាជាសមាជិក WTO មិនអាចហាមឃាត់ការនាំចូលទំនិញពីប្រទេសដទៃបានទេ
សម្ដេចធិបតី៖ ឆ្នាំ២០២៩ កម្ពុជានឹងចាកចេញពីប្រទេសអភិវឌ្ឍន៍តិចតួចបន្តដំណើរទៅកាន់ប្រទេសអភិវឌ្ឍន៍

នយោបាយ​ និង ការអភិវឌ្ឍន៍

លោក Bidenបានសម្រេចចិត្តរួចហើយថាត្រូវឆ្លើយតបដោយរបៀបណាចំពោះការវាយប្រហារលើទាហានអាមេរិកនៅហ្ស៊កដានី

2024/01/31 08:14:41 am        177
Facebook Telegram Linkin
លោកប្រធានាធិបតីអាមេរិក Joe Biden បាននិយាយកាលថ្ងៃអង្គារ ទី៣០ ខែមករាថា លោកបានគិតរួចហើយពីរបៀបដែលត្រូវឆ្លើយតបចំពោះការវាយប្រហារដោយយានដ្រូន ដែលបានសម្លាប់សមាជិក ទាហានអាមេរិកក្នុងប្រទេសហ្ស៊កដានី ខណៈលោកថ្លឹងថ្លែងដាក់ទណ្ឌកម្មលើក្រុមជីវពលគាំទ្រដោយអ៊ីរ៉ង់ ដោយមិនបង្កឱ្យមានសង្រ្គាមរីកកាន់តែធំ។ ការថ្លែងបែបនេះរបស់លោក Biden បានកើតមានឡើងនៅពេលលោកនិយាយទៅកាន់ក្រុមអ្នកសារព័ត៌មាន ខណៈចាកចេញពីសេតវិមានក្នុងដំណើរយុទ្ធនាការឃោសនាបោះឆ្នោតទៅកាន់រដ្ឋផ្លរីដា តែពុំបានបញ្ជាក់ពីការសម្រេចចិត្តរបស់លោក ដែលបានកើតឡើងបន្ទាប់ពីការពិគ្រោះយោបល់ជាមួយក្រុមទីប្រឹក្សាជាន់ខ្ពស់នៅសេតវិមាននោះទេ។លោកបាននិយាយថា សហរដ្ឋអាមេរិកមិនត្រូវការឲ្យសង្រ្គាមរីករាលដាលនៅមជ្ឈិមបូព៌ានោះទេ ដោយបានបន្ទរការអត្ថាធិប្បាយពីក្រុមមន្ត្រីផ្សេងទៀតកាលពីថ្ងៃអង្គារថា សហរដ្ឋអាមេរិកមិនចង់ឱ្យមានសង្រ្គាមជាមួយអ៊ីរ៉ង់ឡើយ។ លោក Biden បាននិយាយថា លោកគិតថាយើងមិនចង់ឲ្យមានសង្រ្គាមរ៉ាំរ៉ៃនៅមជ្ឈិមបូព៌ាទេ។ នោះមិនមែនជាអ្វីដែលលោកកំពុងស្វែងរកទេ។ លោក Biden បានឆ្លើយថា មែនហើយ នៅពេលត្រូវបានសួរថា តើរូបលោកបានសម្រេចចិត្តបែបណា ដើម្បីឆ្លើយតបចំពោះការវាយប្រហារនោះ។ នៅពេលសួរថាតើអ៊ីរ៉ង់ទទួលខុសត្រូវឬយ៉ាងណា លោក Biden បានបន្ថែមថា លោកនឹងធ្វើនាំពួកគេឲ្យទទួលខុសត្រូវក្នុងន័យថាពួកគេកំពុងផ្គត់ផ្គង់អាវុធ ដល់អ្នកដែលបើកការវាយប្រហារទាំងនោះ។លោក Biden បានថ្លឹងថ្លែងលើជម្រើសរបស់លោក ហើយមានការរំពឹងទុកថា នឹងមានការវាយប្រហារសងសឹក ប៉ុន្តែពេលវេលានៃការឆ្លើយតបគឺមិនច្បាស់លាស់នៅឡើយ៕

វៀតណាម និងហ្វីលីពីន ចុះកិច្ចព្រមព្រៀងលើសន្តិសុខសមុទ្រចិនខាងត្បូង

2024/01/30 02:36:46 pm        78
Facebook Telegram Linkin
វៀតណាម និងហ្វីលីពីន បានព្រមព្រៀងគ្នានៅថ្ងៃអង្គារ (៣០ មករា) នេះក្នុងការជំរុញកិច្ចសហប្រតិបត្តិការក្នុងចំណោមកងឆ្មាំល្បាតឆ្នេររបស់ពួកគេ និងទប់ស្កាត់ឧប្បត្តិហេតុដែលមិននឹកស្មានដល់ នៅសមុទ្រចិនខាងត្បូង នៅក្នុងសេចក្តីប្រកាសមួយក្នុងអំឡុងពេលដំណើរទស្សនកិច្ចផ្លូវរដ្ឋទៅកាន់ទីក្រុងហាណូយ ដោយប្រធានាធិបតីហ្វីលីពីន លោក ហ្វឺឌីណាន ម៉ាកូស ជូនៀ (Ferdinand Marcos Jr.)។ប្រទេសអាស៊ីអាគ្នេយ៍ទាំងពីរនេះបាននឹងកំពុងប្រជែងគ្នាទាមទារសិទ្ធិលើផ្នែកខ្លះនៃសមុទ្រចិនខាងត្បូង ដែលជាផ្លូវសម្រាប់ពាណិជ្ជកម្មប្រចាំឆ្នាំចំនួន ៣សែនកោដិ៍ដុល្លារ ដែលចិនទាមទារយកស្ទើរតែទាំងស្រុង។អនុស្សរណៈយោគយល់ចំនួនពីរស្តីពីសន្តិសុខបានគ្របដណ្តប់លើ «ការការពារឧប្បត្តិហេតុនៅសមុទ្រចិនខាងត្បូង» និង «កិច្ចសហប្រតិបត្តិការដែនសមុទ្រ» ក្នុងចំណោមឆ្មាំល្បាតឆ្នេរ នេះបើយោងតាមមន្ត្រីវៀតណាមម្នាក់ដែលបានប្រកាសកិច្ចព្រមព្រៀងក្នុងអំឡុងពេលពិធីផ្លូវការមួយនៅក្នុងវិមានប្រធានាធិបតីរបស់ប្រទេសនេះ។កិច្ចព្រមព្រៀងនៅទីក្រុងហាណូយ ដែលព័ត៌មានលម្អិតមិនត្រូវបានបង្ហាញនោះ អាចប្រថុយនឹងការខឹងសម្បាររបស់ទីក្រុងប៉េកាំង ដែលបានពង្រាយកងនាវាឆ្មាំល្បាតឆ្នេរដ៏ធំរបស់ខ្លួននៅទូទាំងសមុទ្រចិនខាងត្បូង ដើម្បីត្រួតពិនិត្យចំពោះការទាមទារទឹកដីដ៏ធំទូលាយរបស់ខ្លួន៕

នាវាចម្បាំងរុស្ស៊ី ធ្វើសមយុទ្ធប្រឆាំងនាវាមុជទឹកនៅសមុទ្រចិនខាងត្បូង

2024/01/30 02:31:55 pm        85
Facebook Telegram Linkin
ទីភ្នាក់ងារសារព័ត៌មានរុស្ស៊ី បានរាយការណ៍កាលពីថ្ងៃចន្ទ (២៩ មករា) ដោយដកស្រង់សេវាសារព័ត៌មានរបស់កងនាវាចររុស្ស៊ីថា កងនាវាចម្បាំងនៃកងនាវាប៉ាស៊ីហ្វិករបស់រុស្ស៊ីឈ្មោះ ម៉ាស្ហាល សាផូសនីខូវ (Marshal Shaposhnikov) បានធ្វើសមយុទ្ធប្រឆាំងនាវាមុជទឹកនៅសមុទ្រចិនខាងត្បូង។ទីភ្នាក់ងារព័ត៌មាន អ៊ីនធើហ្វាក (Interfax) បានរាយការណ៍ថា បន្ទាប់ពីបានពិនិត្យរកឃើញនាវាមុជទឹករបស់សត្រូវសិប្បនិមិត្ត និងបញ្ជាក់ការសំរបសំរួលរបស់ខ្លួនពីក្រុមនាវិកឧទ្ធម្ភាគចក្រ នាវាចម្បាំងនោះបានបាញ់គ្រាប់រ៉ូកែត និងអាវុធប្រឆាំងនាវាមុជទឹកជម្រៅជ្រៅទៅកាន់គោលដៅនៅក្នុងសមយុទ្ធនោះ។សារព័ត៌មានដដែលនេះបានបន្ថែមថា នាវាចម្បាំងកងនាវាចរប៉ាស៊ីហ្វិករបស់រុស្ស៊ី ដែលរួមមាននាវាចម្បាំង វ៉ាយ៉ាក (Varyag) និងនាវាចម្បាំង ស្ហាល សាផូសនីខូវ នោះកំពុងស្ថិតក្នុងបេសកកម្ម «ការធ្វើដំណើរផ្លូវឆ្ងាយ» ដែលរួមមានតំបន់អាស៊ីប៉ាស៊ីហ្វិកផងដែរ៕

លោកអធិការបតីអាល្លឺម៉ង់ និងលោកប្រធានាធិបតីអេហ្ស៊ីប លើកឡើងអំពីស្ថានភាព នៅតំបន់ហ្កាហ្សា

2024/01/30 02:23:49 pm        74
Facebook Telegram Linkin
អធិការបតីអាល្លឺម៉ង់លោកអូឡាហ្វ សូល ( Olaf Scholz) និងប្រធានាធិបតីអេហ្ស៊ីប លោក អាប់ឌែល ហ្វាតាអាល់ស៊ីស៊ី (Abdel-Fattah al-Sissi) បាននិយាយតាមទូរស័ព្ទកាលពីថ្ងៃចន្ទអំពីស្ថានភាព នៅតំបន់ហ្កាហ្សាស្ទ្រីប។អ្នកនាំពាក្យរដ្ឋាភិបាលអាល្លឺម៉ង់ លោក ស្ទេហ្វែន ហេប៊ីស្ទ្រេត (Steffen Hebestreit) បានប្រកាសកាលពីថ្ងៃចន្ទថា ទាំងការទទួលបានជំនួយមនុស្សធម៌ទៅកាន់តំបន់ហ្កាហ្សាស្ទ្រីប និងការផ្គត់ផ្គង់សម្រាប់ប៉ាឡេស្ទីន ត្រូវតែមានភាពប្រសើរឡើង។លើសពីនេះទៀត ជនស៊ីវិលក្នុងជម្លោះរវាងអ៊ីស្រាអែល និងកងជីវពលភេរវកម្មអ៊ីស្លាមហាម៉ាស ត្រូវតែត្រូវបានការពារឲ្យបានល្អប្រសើរ។យោងតាមសេចក្តីថ្លែងការណ៍របស់លោកហេប៊ីស្ទ្រេត លោកសូល ក៏បានសង្កត់ធ្ងន់ថា រដ្ឋាភិបាលអាល្លឺម៉ង់ចាត់ទុកដំណោះស្រាយរដ្ឋពីរចំពោះជម្លោះដែលក្នុងនោះប៉ាឡេស្ទីន នឹងទទួលបានរដ្ឋរៀងៗខ្លួន ជាមធ្យោបាយ ដើម្បីទទួលបានសន្តិភាព និងសន្តិសុខសម្រាប់ភាគីទាំងពីរ។អ្នកនាំពាក្យរូបនេះ បាននិយាយថា លោកសូល បានថ្លែងអំណរគុណដល់លោកអាល់ស៊ីស៊ីចំពោះកិច្ចខិតខំប្រឹងប្រែងរបស់ប្រទេសអេហ្ស៊ីបក្នុងការសម្របសម្រួលជម្លោះនេះ។ ទាំងលោកសូល និង លោកអាល់ស៊ីស៊ី បានព្រមព្រៀងគ្នាថា ការពង្រីកតំបន់នៃសង្រ្គាមហ្កាហ្សា ត្រូវតែត្រូវបានរារាំង។

លោកចន បូលតុន អំពាវនាវឲ្យមានការវាយប្រហារឲ្យ «ខ្លាំងក្លា» នៅខាងក្នុងអ៊ីរ៉ង់ បន្ទាប់ពីការស្លាប់ទាហានអាមេរិក

2024/01/30 02:17:32 pm        97
Facebook Telegram Linkin
អតីតទីប្រឹក្សាសន្តិសុខជាតិ លោក ចន បូលតុន (John Bolton) បានអំពាវនាវឲ្យមានការវាយប្រហារ «សងសឹក» នៅក្នុងប្រទេសអ៊ីរ៉ង់ បន្ទាប់ពីការវាយប្រហារដោយយានដ្រូន បានសម្លាប់ទាហានអាមេរិកបីនាក់ នៅក្នុងប្រទេសហ្ស៊កដានី កាលពីចុងសប្តាហ៍។លោកបូលតុន បាននិយាយកាលពីយប់ថ្ងៃអាទិត្យ នៅលើសារព័ត៌មាន News Nation ថា សហរដ្ឋអាមេ រិកចាំបាច់ត្រូវធ្វើការវាយប្រហារសងសឹក បន្ទាប់ពីការវាយប្រហារដោយយានដ្រូន។ លោកបានបន្តថា សហរដ្ឋអាមេរិក ចាំបាច់ត្រូវ «ធ្វើឲ្យអ៊ីរ៉ង់ឈឺចាប់គ្រប់គ្រាន់ ដើម្បីធានាថា ខ្លួននឹងមិនព្យាយាមវាយប្រហារស្រដៀងគ្នាលើសហរដ្ឋអាមេរិកម្តងទៀតទេ។លោកបាននិយាយទៀតថា៖ «ដើម្បីឲ្យច្បាស់ ខ្ញុំមិនគិតថា វាគួរតែសមាមាត្រទេ។ ខ្ញុំគិតថា វាគួរតែមិនសមាមាត្រទេ។ នោះហើយជារបៀបដែលអ្នកបង្កើតការរារាំងនៅក្នុងចិត្តរបស់សត្រូវរបស់អ្នក ដែលថា ការចំណាយសម្រាប់ពួកគេក្នុងការវាយប្រហារលើកងកម្លាំងរបស់យើង គឺខ្ពស់ណាស់ ពួកគេនឹងមិនធ្វើវាម្តងទៀតទេ»។ទាហានចំនួនបីនាក់ ត្រូវបានសម្លាប់ និង១២នាក់ផ្សេងទៀត បានរងរបួសនៅក្នុងការវាយប្រហារដោយយានដ្រូន នៅក្នុងប្រទេសហ្ស៊កដានី ក្បែរព្រំដែនស៊ីរីកាលពីថ្ងៃសៅរ៍។ លោកប្រធានាធិបតី បៃដិន បាននិយាយថា ការវាយប្រហារនេះ ត្រូវបានធ្វើឡើងដោយ«ក្រុមសកម្មប្រយុទ្ធបដិវត្តន៍គាំទ្រដោយអ៊ីរ៉ង់» ដែលកំពុងប្រតិបត្តិការ នៅក្នុងប្រទេសអ៊ីរ៉ាក់ និងស៊ីរី ប៉ុន្តែអ៊ីរ៉ង់ បានបដិសេធថាពុំមានការជាប់ពាក់ព័ន្ធណាមួយទេ ចាប់តាំងពីពេលនោះមក។នៅក្រោយការវាយប្រហារនោះ សមាជិកសភានៃគណបក្សសាធារណរដ្ឋ បានអំពាវនាវឲ្យលោកបៃដិន សងសឹកអ៊ីរ៉ង់ និងបានរិះគន់លោកចំពោះការឆ្លើយតបបរាជ័យកន្លងមកចំពោះការវាយប្រហារផ្សេងទៀតដែលពាក់ព័ន្ធនឹងអ៊ីរ៉ង់។

វិបត្តិសមុទ្រក្រហម កំពុងធ្វើតេស្តមហិច្ឆតាពិភពលោករបស់ប្រទេសចិន

2024/01/30 02:13:04 pm        87
Facebook Telegram Linkin
នៅពេលដែលក្រុមឧទ្ទាមហ៊ួទី បន្តការវាយលុករបស់ពួកគេលើការដឹកជញ្ជូនពាណិជ្ជកម្ម នៅក្នុងសមុទ្រក្រហម វិបត្តិកាន់តែជ្រៅឡើង កំពុងធ្វើតេស្តថ្មីមួយចំពោះមហិច្ឆតាដ៏គួរឲ្យចាប់អារម្មណ៍របស់ប្រទេសចិនក្នុងការក្លាយជាអ្នកសម្របសម្រួលអំណាចថ្មី នៅមជ្ឈិមបូព៌ា។ការវាយប្រហារលើផ្លូវដឹកជញ្ជូនដ៏សំខាន់បំផុតមួយរបស់ពិភពលោក បានធ្វើឲ្យពាណិជ្ជកម្មសកលលោកកើនឡើង និងបង្កឲ្យមានការភ័យខ្លាចនៃជម្លោះ ក្នុងតំបន់កាន់តែធំឡើង រយៈពេលជិត៤ ខែនៅក្នុងសង្គ្រាមអ៊ីស្រាអែល និងក្រុមហាម៉ាស។រហូតមកទល់ពេលនេះ ការឆ្លើយតបជាសាធារណៈរបស់ចិនចំពោះវិបត្តិសមុទ្រក្រហម ត្រូវបានកំណត់ចំពោះការអំពាវនាវឲ្យបញ្ចប់ការវាយប្រហារលើនាវាស៊ីវិល និងបានបិទបាំងការរិះគន់នៃប្រតិបត្តិការយោធាដែលដឹកនាំដោយសហរដ្ឋអាមេរិកប្រឆាំងនឹងក្រុមហ៊ួទី ដែលក្រុមអ្នកវិភាគនិយាយថា ពុំបានធ្វើឲ្យ សេចក្តីប្រាថ្នាសកលរបស់ទីក្រុងប៉េកាំង ឈានដល់គោលដៅនោះទេ។ លោក ម័រឌីឆៃ ចាហ្ស៊ីហ្សា (Mordechai Chaziza) សាស្ត្រាចារ្យជាន់ខ្ពស់នៅមហាវិទ្យាល័យ Ashkelon Academic College ក្នុងប្រទេសអ៊ីស្រាអែល ដែលមានជំនាញក្នុងទំនាក់ទំនងរបស់ចិនជាមួយមជ្ឈិមបូព៌ា បាននិយាយថា ៖«ការឆ្លើយតបដោយប្រយ័ត្នប្រយែង ឬស្ទាក់ស្ទើររបស់ចិន បានធ្វើឲ្យមានផល់ប៉ះពាល់ធ្ងន់ធ្ងរទៅលើមហិច្ឆតារបស់ខ្លួន ក្នុងការក្លាយជាមហាអំណាចពិភពលោក ដែលមានការទទួលខុសត្រូវ»។ដោយទីក្រុងប៉េកាំងបង្ហាញការមិនចង់ចូលរួមដោយផ្ទាល់នៅក្នុងវិបត្តិ សហរដ្ឋអាមេរិក បានព្យាយាមជំរុញប្រទេសចិនឲ្យដាក់សម្ពាធលើអ៊ីរ៉ង់ ដែលបណ្តុះបណ្តាល ផ្តល់មូលនិធិ និងបំពាក់ឲ្យអាវុធឲ្យឧទ្ទាមហ៊ួទី ដើម្បីបង្កើនការវាយប្រហារ។

នាយករដ្ឋមន្ត្រីអង់គ្លេស ឈ្នះការបោះឆ្នោតលើកដំបូងនៅក្នុងព្រឹទ្ធសភា លើច្បាប់សុំសិទ្ធិជ្រកកោនថ្មីរបស់ពលរដ្ឋរវ៉ាន់ដា

2024/01/30 01:15:11 pm        100
Facebook Telegram Linkin
នាយករដ្ឋមន្ត្រីអង់គ្លេស លោក Rishi Sunak បានឈ្នះការបោះឆ្នោតលើកដំបូងនៅក្នុងព្រឹទ្ធសភា លើច្បាប់របស់លោក ដើម្បីពិនិត្យឡើងវិញផែនការបញ្ជូនអ្នកស្វែងរកសិទ្ធិជ្រកកោន ទៅកាន់ប្រទេសរវ៉ាន់ដា កាលពីថ្ងៃចន្ទ។នៅក្រោមផែនការរបស់ប្រទេសរវ៉ាន់ដា ដែលពុំទាន់ត្រូវបានអនុវត្ត អ្នកស្វែងរកសិទ្ធិជ្រកកោនដែលមកដល់ឆ្នេរសមុទ្រភាគខាងត្បូងប្រទេសអង់គ្លេសតាមទូកតូចៗ នឹងត្រូវបានបញ្ជូនទៅកាន់ប្រទេសរវ៉ាន់ដាដើម្បីរស់នៅ។បន្ទាប់ពីការជជែកដេញដោលអស់រយៈពេលជាង ៦ ម៉ោង កាលពីថ្ងៃចន្ទ សមាជិកដែលមិនបានបោះឆ្នោតនៅព្រឹទ្ធសភា ដែលភាគច្រើនជាអតីតអ្នកនយោបាយ និងមន្ត្រីរដ្ឋាភិបាល មិនបានធ្វើវិសោធនកម្ម ដែលបានលុបចោលច្បាប់ដោយសំឡេង ២០៦ ទល់នឹង ៨៤សំឡេង។ បន្ទាប់មក ច្បាប់នេះ បានអនុម័តនូវអ្វីដែលគេហៅថា អំណានលើកទីពីរដោយគ្មានការបោះឆ្នោតជាផ្លូវការ មានន័យថាពេលនេះ វានឹងប្រឈមមុខរយៈពេលជាច្រើនថ្ងៃទៅនឹងការពិនិត្យយ៉ាងយកចិត្តទុកដាក់។ទោះបីជាមានការថ្កោលទោសយ៉ាងទូលំទូលាយចំពោះផែនការនេះក៏ដោយ ក៏គណបក្សប្រឆាំងធំ មានការស្ទាក់ស្ទើរក្នុងការបោះឆ្នោតប្រឆាំងច្បាប់នេះ នៅដំណាក់កាលនេះ ជុំវិញការព្រួយបារម្ភថា សមាជិកសភាអាចប្រព្រឹត្តហួសពីតួនាទីរបស់រដ្ឋធម្មនុញ្ញ ដោយបោះឆ្នោតបដិសេធសេចក្តីស្នើច្បាប់ អនុម័តដោយរដ្ឋសភាដែលបានបោះឆ្នោត ជាជាងការផ្តោតលើការពិនិត្យពិច័យ។

ប្រទេសកាតា សង្ឃឹមថា ការសងសឹករបស់អាមេរិក នឹងមិនធ្វើឲ្យប៉ះពាល់ដល់ការចរចាចំណាប់ថ្នូរនោះទេ

2024/01/30 01:08:53 pm        111
Facebook Telegram Linkin
នាយករដ្ឋមន្ត្រីប្រទេសកាតាកាលពីថ្ងៃចន្ទ បាននិយាយថា លោកសង្ឃឹមថា ការសងសឹករបស់សហរដ្ឋអាមេរិក ចំពោះការវាយប្រហារដែលបានសម្លាប់ទាហានអាមេរិកបីនាក់ ក្នុងប្រទេសហ្ស៊កដានី នឹងមិនប៉ះពាល់ដល់វឌ្ឍនភាពឆ្ពោះទៅរកកិច្ចព្រមព្រៀងថ្មីដោះលែងចំណាប់ថ្នូរអ៊ីស្រាអែលនិងក្រុមហាម៉ាស នៅក្នុងកិច្ចពិភាក្សានៅចុងសប្តាហ៍នេះនោះទេ។ នាយករដ្ឋមន្ត្រីប្រទេសកាតា លោក Sheikh Mohammed បាននិយាយនៅក្នុងកម្មវិធី Washington Think Tank នៅពេលត្រូវបានសួរថាតើ ការសងសឹករបស់សហរដ្ឋអាមេរិកចំពោះការវាយប្រហារដោយយានដ្រូនដោយក្រុមសកម្មប្រយុទ្ធគាំទ្រដោយអ៊ីរ៉ង់ អាចបំផ្លាញកិច្ចព្រមព្រៀងដែលកំពុងលេចចេញឬទេ លោកនិយាយថា លោកសង្ឃឹមថា គ្មានអ្វីនឹងធ្វើឱ្យខូចដល់កិច្ចខិតខំប្រឹងប្រែងដែលយើងកំពុងធ្វើ ឬធ្វើឱ្យប៉ះពាល់ដល់ដំណើរការនោះទេ។ ប្រធានាធិបតីសហរដ្ឋអាមេរិក លោក Joe Biden បានព្យាយាមជួយសម្រួលដល់ការដោះលែងចំណាប់ថ្នូរជាង ១០០នាក់ ដែលនៅតែចាប់ជាចំណាប់ថ្នូរ បន្ទាប់ពីមានការវាយលុកដ៏ឃោឃៅកាលពីថ្ងៃទី ៧ ខែតុលា ចូលទៅក្នុងភាគខាងត្បូងប្រទេសអ៊ីស្រាអែល ដោយក្រុមសកម្មប្រយុទ្ធមកពីក្រុមហាម៉ាស ដែលគ្រប់គ្រងនៅតំបន់ហ្កាហ្សា។ ភាពតានតឹង បានកើនឡើងនៅជុំវិញមជ្ឈិមបូព៌ា ចាប់តាំងពីអ៊ីស្រាអែលបានចាប់ផ្តើមការវាយប្រហារតាមអាកាស និងតាមជើងគោក ដោយកងកម្លាំងក្រុមឧទ្ទាមហ៊ូទី គាំទ្រដោយអ៊ីរ៉ង់នៅប្រទេសយេម៉ែន បានវាយប្រហារលើគោលដៅសហរដ្ឋអាមេរិក និងគោលដៅផ្សេងទៀត នៅសមុទ្រក្រហម ក្នុងការវាយប្រហារដែលបានបង្អាក់ដល់ការដឹកជញ្ជូននៅទូទាំងពិភពលោក។ មន្ត្រីអាមេរិក បាននិយាយថា នៅក្នុងការកើនឡើងដ៏សំខាន់មួយ សមាជិកអង្គភាពសេវាអាមេរិកបីនាក់ត្រូវបានសម្លាប់ និងយ៉ាងហោចណាស់ ៣៤ នាក់ បានរងរបួសនៅក្នុងការវាយប្រហារដោយយានដ្រូនដោយក្រុមសកម្មប្រយុទ្ធគាំទ្រដោយអ៊ីរ៉ង់ លើកងទ័ពអាមេរិកនៅភាគឦសានប្រទេសហ្ស៊កដានី ក្បែរព្រំដែនប្រទេសស៊ីរី។

ចិនកំពុងតវ៉ាចំពោះការសួរចម្លើយ និងការនិរទេសនិស្សិតរបស់ខ្លួននៅព្រំដែនសហរដ្ឋអាមេរិក

2024/01/30 12:53:39 pm        93
Facebook Telegram Linkin
រដ្ឋាភិបាលចិនបានតវ៉ាចំពោះសហរដ្ឋអាមេរិកជុំវិញការប្រព្រឹត្តលើជនជាតិចិនដែលទៅសិក្សានៅអាមេរិក ដោយនិយាយថា អ្នកខ្លះត្រូវបានសួរចម្លើយអស់ជាច្រើនម៉ោង មានការត្រួតពិនិត្យឧបករណ៍អេឡិចត្រូនិក ហើយក្នុងករណីខ្លះត្រូវបាននិរទេសចេញពីប្រទេសដោយបង្ខំទៀតផង។ យោងតាមការបង្ហោះនៅលើគេហទំព័ររបស់ស្ថានទូតចិន។ លោក ស៊ីហ្វឹង (Xie Feng) ឯកអគ្គរដ្ឋទូតចិនប្រចាំទីក្រុងវ៉ាស៊ីនតោន បាននិយាយថា ជនជាតិចិនរាប់សិបនាក់ដែលកាន់ទិដ្ឋាការត្រឹមត្រូវត្រូវបានបដិសេធមិនឲ្យចូលក្នុងរយៈពេលប៉ុន្មានខែកន្លងមកនេះ នៅពេលត្រឡប់ទៅសាលារៀនវិញបន្ទាប់ពីការធ្វើដំណើរទៅក្រៅប្រទេស ឬទៅសួរសុខទុក្ខសាច់ញាតិក្នុងប្រទេសចិន ។ លោកបាននិយាយកាលពីថ្ងៃអាទិត្យក្នុងព្រឹត្តិការណ៍នៅឯស្ថានទូត ស្តីពីការផ្លាស់ប្តូរនិស្សិត ថា នៅពេលពួកគេចុះចតនៅអាកាសយានដ្ឋាន អ្វីដែលរង់ចាំពួកគេគឺការសួរចម្លើយរយៈពេលប្រាំបីម៉ោងដោយក្រុមមន្ត្រីដែលហាមឃាត់ពួកគេមិនឱ្យទាក់ទងឪពុកម្តាយរបស់ពួកគេ ជាចោទប្រកាន់ដោយគ្មានមូលដ្ឋានលើនិសិត្សទាំងនោះ ហើយថែមទាំងបានបង្ខំពួកគេធ្វើមាតុភូមិនិវត្តន៍ និងហាមឃាត់មិនឲ្យចូលក្នុងអាកាសយានដ្ឋានទៀតផង ។ លោកបាននិយាយថា ទង្វើបែបនេះ ពិតជាមិនអាចទទួលយកបានោឡើយ ។ ការតវ៉ានេះកើតឡើងខណៈសហរដ្ឋអាមេរិក និងចិនព្យាយាមជំរុញនិស្សិត និងការផ្លាស់ប្តូរផ្សេងទៀត ដើម្បីពង្រឹងទំនាក់ទំនងរវាងមហាអំណាចទាំង២ ដែលបានប្រែក្លាយការប្រឈមដាក់គ្នាក្នុងប៉ុន្មានឆ្នាំថ្មីៗនេះ លើ ផ្នែកពាណិជ្ជកម្ម បច្ចេកវិទ្យា សិទ្ធិមនុស្ស និងទិសដៅអនាគតរបស់ពិភពលោកជាដើម។ យោងតាមការផ្សព្វផ្សាយរបស់ស្ថានទូត និស្សិតចិនជិត ២៩ម៉ឺននាក់កំពុងស្ថិតនៅក្នុងសហរដ្ឋអាមេរិក ប្រហែលមួយភាគបីនៃនិស្សិតបរទេសនៅក្នុងប្រទេសនោះ។ ចិនមាននិស្សិតជាង១,៣លាននាក់កំពុងសិក្សានៅបរទេសច្រើនជាងប្រទេសផ្សេងៗ។ នៅក្នុងសេចក្តីថ្លែងការណ៍តាមអ៊ីនធឺណិតដាច់ដោយឡែកមួយ ស្ថានទូតចិនបាននិយាយថា ខ្លួនបានតវ៉ាទៅនឹងរដ្ឋាភិបាលសហរដ្ឋអាមេរិក អំពីការធ្វើទុកបុកម្នេញលើនិសិ្សតដែលបានទៅដល់អាកាសយានដ្ឋាន ឌូឡេស (Dulles) ក្នុងទីក្រុង Washington, DC ។ សេចក្តីថ្លែងការណ៍នេះបានដាស់តឿននិស្សិតចិនឱ្យមានការប្រុងប្រយ័ត្ននៅពេលចូលទៅក្នុងអាកាសយានដ្ឋាននោះ ៕

អ៊ីតាលីកំណត់គោលដៅលើថាមពល និងការធ្វើទេសន្តរប្រវេសន៍ នៅក្នុង«សករាជថ្មី»ជាមួយអាហ្វ្រិក

2024/01/30 12:48:18 pm        140
Facebook Telegram Linkin
ប្រទេសអ៊ីតាលី បានរៀបចំកិច្ចប្រជុំកំពូលនៃមេដឹកនាំអាហ្រ្វិក កាលពីថ្ងៃចន្ទ ដែលនាយករដ្ឋមន្រ្តីលោកស្រី ហ្គីអ័រហ្គៀ មេឡូនី ( Giorgia Meloni) បានអំពាវនាវឲ្យមាន «សករាជថ្មី» នៅក្នុងទំនាក់ទំនងជាមួយទ្វីបដែលផ្តោតលើថាមពល និងបញ្ឈប់ការធ្វើទេសន្តរប្រវេសន៍ឆ្លងកាត់សមុទ្រមេឌីទែរ៉ាណេ។លោកស្រីមេឡូនី ដែលបានឡើងកាន់អំណាចក្នុងឆ្នាំ ២០២២ លើសំណើប្រឆាំងជនអន្តោប្រវេសន៍ បានបង្ហាញផែនការដែលបំផុសគំនិតយ៉ាងខ្លាំងសម្រាប់ទ្វីបអាហ្រ្វិក ផ្តោតលើវិធីសាស្រ្ត «មិនកេងយកប្រយោជន៍» ដែលបំផុសគំនិតដោយលោក អ៊ីនរីកូ ម៉ាតេ (Enrico Mattei) ដែលជាស្ថាបនិកក្រោយ សង្គ្រាមនៃក្រុមហ៊ុនថាមពលរដ្ឋរបស់អ៊ីតាលីគឺEni។អ្វីដែលគេហៅថាផែនការរបស់លោកម៉ាតេ (Mattei) សង្ឃឹមថា នឹងដាក់ប្រទេសអ៊ីតាលីជាស្ពានសំខាន់មួយរវាងទ្វីបអាហ្រ្វិក និងអឺរ៉ុប ដោយបញ្ចូលថាមពលទៅភាគខាងជើង ខណៈពេលដែលការផ្លាស់ប្តូរការវិនិយោគនៅភាគខាងត្បូងសម្រាប់កិច្ចព្រមព្រៀងដែលមានបំណងទប់ស្កាត់ការធ្វើទេសន្តរប្រវេសន៍។លោកស្រីមេឡូនី បានថ្លែងថា ផែនការដំបូង នឹងត្រូវបានផ្តល់មូលនិធិដល់កិច្ចព្រមព្រៀងនេះនូវទឹកប្រាក់ ចំនួន ៥,៥ ពាន់លានអឺរ៉ូ (៥,៩ ពាន់លានដុល្លារ) ដែលមួយចំនួនជាប្រាក់កម្ចីដោយការវិនិយោគផ្តោតលើថាមពល កសិកម្ម ទឹក សុខភាព និងការអប់រំ។តំណាងប្រទេស២៥ បានចូលរួមកិច្ចប្រជុំកំពូលនៅព្រឹទ្ធសភាអ៊ីតាលី ដែលត្រូវបានគេហៅថា «ស្ពានសម្រាប់ការរីកចម្រើនរួម» រួមជាមួយនឹងប្រធានគណៈកម្មការអឺរ៉ុប លោកស្រី អ៊ុស៊ុឡា វ៉ុន ដឺ ឡេយេន (Ursula von der Leyen)និងតំណាងទីភ្នាក់ងារអង្គការសហប្រជាជាតិ និងធនាគារពិភពលោក។

បណ្ដាញសង្គម

ព័ត៌មានថ្មីៗ

ក្រសួងឧស្សាហកម្មបើកយុទ្ធនាការអភិវឌ្ឍន៍សហគ្រាស និងអនុលោមភាពផលិតផល លើកកម្ពស់ សហគ្រាសក្នុងស្រុក
06/29/2026 09:06 PM
Facebook Telegram Linkin
រលករញ្ជួយកម្រិត ៤,៦រ៉ិចទ័រ បានអង្រួនទីក្រុង Caracas ខណៈប្រតិបត្តិការរុករកបន្តសម្រាប់អ្នករស់រាន
06/29/2026 08:06 PM
Facebook Telegram Linkin
ប៉ូឡូញបញ្ជាទិញនាវាមុជទឹក ៣គ្រឿងពីក្រុមហ៊ុន Saab របស់ស៊ុយអែត ក្នុងតម្លៃជាង ៤,៨ពាន់លានដុល្លារ
06/29/2026 08:06 PM
Facebook Telegram Linkin
ទីក្រុងគីវរបស់អ៊ុយក្រែនមើលឃើញសីតុណ្ហភាពកើនឡើងដល់ ៣៤អង្សាសេ ខណៈរលកកម្តៅវាយប្រហារអឺរ៉ុប
06/29/2026 08:06 PM
Facebook Telegram Linkin
កង្វះខាតប្រេងជំរុញឲ្យពលរដ្ឋរស់នៅទីក្រុង Rostov របស់រុស្ស៊ី ដើរទៅធ្វើការ ឬឈប់ធ្វើការ
06/29/2026 08:06 PM
Facebook Telegram Linkin
ពលរដ្ឋហ្កាហ្សារៀបចំពិធីបុណ្យសពសម្រាប់ជនប៉ាឡេស្ទីនត្រូវបានសម្លាប់នៅក្នុងការវាយប្រហាររបស់អ៊ីស្រាអែលជន
06/29/2026 08:06 PM
Facebook Telegram Linkin
មនុស្ស ៣ស្លាប់ ក្រោយជញ្ជាំងស្ថិតក្រោមការសាងសង់បាក់រលំនៅភាគពាយ័ព្យប្រទេសឥណ្ឌា
06/29/2026 08:06 PM
Facebook Telegram Linkin
លោក Macronជួបស្តេចស៊ូតង់អូម៉ង់ នៅទីក្រុងប៉ារីសជាទីដែលរដ្ឋាភិបាលទាំង ២ចុះហត្ថលេខាកិច្ចព្រមព្រៀងសហប្រតិបត្តិការ
06/29/2026 08:06 PM
Facebook Telegram Linkin
វិមានក្រឹមឡាំង៖ គោលជំហររបស់រុស្ស៊ីចំពោះលក្ខខណ្ឌកិច្ចព្រមព្រៀងសន្តិភាពអ៊ុយក្រែនមិនផ្លាស់ប្តូរចាប់តាំងពីឆ្នាំ ២០២៤
06/29/2026 08:06 PM
Facebook Telegram Linkin
តំបន់ភាគអាគ្នេយ៍អឺរ៉ុបមានអារម្មណ៍ថា រងឥទ្ធិពលពីរលកកម្តៅ ខណៈភ្លើងឆេះព្រៃឆាបឆេះឡើង
06/29/2026 08:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.