នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
TOP STORY | សម្ដេចធិបតី បានចាត់វិធានការចាំបាច់​ជាបន្ត​បន្ទា​ប់ចំ​ពោះកា​រ​វិល​ត្រឡប់​ទ្រង់ទ្រាយ​ធំរ​បស់​ពលករ​ខ្មែរ និងជនភៀសសឹក
TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់
TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំ​​កោះប្រជុំក្រុមប្រឹក្សាសន្តិសុខជាបន្ទាន់ ដើម្បី​សុំ​ការ​អន្ត​រាគមន៍​បញ្ចប់​ការ​ឈ្លាន​ពាន​របស់​កង​ទ័ព​ថៃមក​លើដែនអធិបតេយ្យភាពរបស់កម្ពុជា
TOP STORY | សម្ដេចធិបតី៖ កងទ័ពថៃបានបើកការ​វាយប្រហារ​មក​លើ​ទីតាំង​ឈរ​ជើង​របស់​កង​ទ័ព​កម្ពុជា​ នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី

នយោបាយ​ និង ការអភិវឌ្ឍន៍

បង់ក្លាដែស តែងតាំងលោកស្រី Sheikh Hasina ជានាយករដ្ឋមន្ត្រីថ្មី និងបានអញ្ជើញលោកស្រីឱ្យបង្កើតរដ្ឋាភិបាលថ្មី

2024/01/11 12:42:07 pm        127
Facebook Telegram Linkin
ប្រធានាធិបតីបង់ក្លាដែស លោក ម៉ូហាម៉េដ ស្សាហាប៊ូឌីន(Mohammed Shahabuddin) កាលពីថ្ងៃពុធ បានតែងតាំងមេដឹកនាំគណបក្សសម្ព័ន្ធ អាវ៉ាមី លីគ (Awami League) របស់ប្រទេសបង់ក្លាដែស ដែលកំពុងកាន់អំណាច ជានាយករដ្ឋមន្ត្រីថ្មីរបស់ប្រទេសនៅអាស៊ីខាងត្បូងមួយនេះ។ នេះគឺជាអាណត្តិទីបួនជាប់ៗគ្នារបស់លោកស្រី Hasina ជានាយករដ្ឋមន្ត្រីរបស់ប្រទេស។គណៈរដ្ឋមន្ត្រីរបស់ប្រទេស បាននិយាយនៅក្នុងសេចក្តីជូនដំណឹងថា ប្រធានាធិបតី ក៏បានអញ្ជើញលោកស្រី ឱ្យបង្កើតរដ្ឋាភិបាលថ្មីផងដែរខណៈគណបក្សរបស់លោកស្រី ទទួលបានទំនុកចិត្តពីសមាជិកសភាភាគច្រើន។ លោកស្រី Hasina រួមជាមួយសមាជិកសភាផ្សេងទៀតមកពីគណបក្សរបស់លោកស្រី បានស្បថចូលកាន់តំណែងជាសមាជិកសភាកាលពីថ្ងៃពុធ បន្ទាប់ពីជ័យជម្នះរបស់គណបក្សលោកស្រី ក្នុងការបោះឆ្នោតសកលកាលពីថ្ងៃអាទិត្យ។យោងតាមការជូនដំណឹងរបស់សារព័ត៌មាន Gazette ចេញផ្សាយដោយគណៈកម្មាធិការរៀបចំការបោះឆ្នោតកាលពីរសៀលថ្ងៃអង្គារបានឲ្យដឹងថា គណបក្សសម្ព័ន្ធ អាវ៉ាមី លីគ (Awami League) ដឹកនាំដោយលោកស្រី Hasina បានទទួលអាសនៈចំនួន ២២២ ក្នុងចំណោមអាសនៈចំនួន ២៩៨ របស់សភា។ សម្ព័ន្ធដឹកនាំដោយគណបក្សសម្ព័ន្ធ អាវ៉ាមី លីគ (Awami League) បានទទួលជ័យជម្នះភ្លូកទឹកភ្លូកដី ដោយទទួលបានអាសនៈចំនួន២២៥អសនៈ។

រាជរដ្ឋាភិបាល កែសម្រួលថវិកាឧបត្ថម្ភប្រចាំខែជូនគ្រួសារក្រីក្រ និងងាយរងគ្រោះ

2024/01/11 12:27:32 pm        343
Facebook Telegram Linkin
រាជរដ្ឋាភិបាលកម្ពុជា បានសម្រេចកែសម្រួលថវិកាឧបត្ថម្ភជូនគ្រួសារក្រីក្រ និង​ងាយរង​គ្រោះ​កំឡុង​ពេលប្រយុទ្ធប្រឆាំងកូវីដ-១៩។ នេះបើយោងតាមអនុក្រឹត្យ ដែលបានចុះកាលពីថ្ងៃទី ២៩ ខែធ្នូ ឆ្នាំ២០២៣។ ការកែប្រែនេះ គឺចាប់ផ្ដើមអនុវត្តនៅខែ មករា ខែកុម្ភៈ និងខែ មីនា ឆ្នាំ ២០២៤។រាជរដ្ឋាភិបាលកម្ពុជា បានសម្រេចកែសម្រួលថវិកា ឧបត្ថម្ភជូនគ្រួសារក្រីក្រ និង​ងាយរង​គ្រោះ​កំឡុង​ពេល​ប្រយុទ្ធប្រឆាំងកូវីដ-១៩ ដែលបានអនុវត្តតាំងពីឆ្នាំ ២០២០មកម្លេះ។ ការកែសម្រួល គឺ​អនុវត្តរយៈពេល ៣ ខែ ដោយចាប់ផ្ដើមពីខែ មករា ដល់ខែ មីនា ឆ្នាំ ២០២៤ ដើម្បី​ឈាន​ទៅ​អនុវត្ត​កម្ម​វិធីជំនួយសង្គមក្នុងក្របខណ្ឌកញ្ចប់គ្រួសារ ចាប់ពីខែមេសា ខាងមុខតទៅ។ ការ​កែ​សម្រួលថវិកាឧបត្ថម្ភនេះ បែងចែកជា ៣ផ្នែកធំៗ ដោយផ្អែកលើទីតំបន់ដែល គ្រួសារ​ក្រីក្រ​គោល​ដៅរ​ស់នៅ។ ផ្នែកទី ១ គឺសំដៅលើគ្រួសារក្រីក្រ និងងាយរង​គ្រោះ​រស់​នៅទីប្រជុំ​ជន​ក្នុង​រាជ​ធានី​ភ្នំពេញ។ ក្នុងចំណុចនេះ បានកំណត់ថា គ្រួសារមានបណ្ណក្រីក្រ ប្រភេទ១ និងប្រភេទ ២ ទទួល​បាន ១២ម៉ឺនរៀលដូចគ្នា។ ចំពោះ​កុមារអាយុ ០-៥ឆ្នាំ ជនមានពិការភាព មនុស្សចាស់អាយុចាប់ពី ៦០ឆ្នាំឡើងទៅ និង​សមាជិក​ដែល​មានផ្ទុកមេរោគអេដស៍ ទទួលបាន ៤ម៉ឺនរៀលក្នុងមួយនាក់ សម្រាប់ក្រីក្រ ១។ រីឯ កុមារ​អាយុ ០-៥ឆ្នាំ ជនមានពិការភាព មនុស្សចាស់អាយុចាប់ពី ៦០ឆ្នាំឡើងទៅ និង​សមាជិក​ដែល​មាន​ផ្ទុក​មេរោគអេដស៍ ដែលរស់នៅក្នុងគ្រួសារក្រីក្រ ២វិញ ទទួលបាន ២៨ ០០០រៀល ក្នុង​មួយនាក់។ផ្នែកទី ២ គឺសំដៅលើគ្រួសារក្រីក្រ និងងាយរងគ្រោះរស់នៅទីប្រជុំជនក្រៅរាជធានីភ្នំពេញ។ សម្រាប់​គ្រួសារ​មានបណ្ណសមធម៌ ទាំងកម្រិត ១ និងកម្រិត ២ទទួលបាន ១២ម៉ឺនរៀលដូចគ្នា។ កុមារអាយុ ០-៥ឆ្នាំ ជនមានពិការភាព មនុស្សចាស់អាយុចាប់ពី ៦០ឆ្នាំឡើងទៅ និងសមាជិក​ដែល​មាន​ផ្ទុកមេរោគអេដស៍ ដែលរស់នៅក្នុងគ្រួសារក្រីក្រកម្រិត ១ ទទួលបាន ៤ម៉ឺនរៀលក្នុង ១នាក់​។ រីឯ កុមារអាយុ ០-៥ឆ្នាំ ជនមានពិការភាព មនុស្សចាស់អាយុចាប់ពី ៦០ឆ្នាំឡើងទៅ និង​សមាជិក​ដែល​មានផ្ទុកមេរោគអេដស៍ ដែលរស់នៅក្នុងគ្រួសារក្រីក្រកម្រិត ២ ទទួលបាន ២៨ ០០០​រៀល​ក្នុង១នាក់។ផ្នែកទី ៣សំដៅលលើគ្រួសារក្រីក្រ និងងាយរងគ្រោះនៅជនបទ។ គ្រួសារក្រីក្រ ដែលមាន​បណ្ណ​សម​ធម៌ ទាំងកម្រិត ១ និងកម្រិត ២ ទទួលបាន ៨ម៉ឺនរៀលដូចគ្នា។ កុមារអាយុ ០-៥ឆ្នាំ ជន​មាន​ពិការភាព មនុស្សចាស់អាយុចាប់ពី ៦០ឆ្នាំឡើងទៅ និង​សមាជិក​ដែល​មាន​ផ្ទុក​មេរោគ​អេដស៍ ទទួលបាន ២៤ ០០០រៀលក្នុង ១នាក់ សម្រាប់គ្រួសារក្រីក្រកម្រិត ១។ ចំពោះ​កុមារ​អាយុ ០-៥ឆ្នាំ ជនមានពិការភាព មនុស្សចាស់អាយុចាប់ពី ៦០ឆ្នាំឡើងទៅ និង​សមាជិក​ដែល​មាន​ផ្ទុក​មេរោគអេដស៍រស់នៅក្នុងគ្រួសារកម្រិត ២វិញ ទទួលបាន ១៦ ០០០រៀលក្នុង១នាក់៕ អត្ថបទ៖ គឹម ហុក

តម្រូវការជ្រើសរើសកម្លាំងពលកម្មនៅតែបន្តមាន ខណៈអ្នកដាក់ពាក្យធ្វើការងារនៅមានកម្រិត

2024/01/11 12:18:26 pm        83
Facebook Telegram Linkin
បច្ចុប្បន្ន ទីផ្សារការងារក្នុងប្រទេសកម្ពុជា ត្រូវបានមើលឃើញថា នៅតែមាន​តម្រូវ​ការ​ជា​ច្រើន​មុខ​តំណែង​ និងគ្រប់វិស័យ ខណៈអ្នកដាក់ពាក្យស្វែងរកការងារធ្វើ ហាក់នៅមានកម្រិត និង​មិន​ទាន់​ស៊ី​ចង្វាក់​គ្នាច្រើ​ននៅឡើយ រវាងអ្នកដាក់ពាក្យ និងក្រុមហ៊ុនជ្រើសរើសកម្លាំងពលកម្ម។នៅក្នុងកិច្ចសម្ភាសន៍ រវាងទូរទស្សន៍ព័ត៌មាន ប៊ីធីវី នៅមជ្ឈមណ្ឌលការងាររាជធានីភ្នំពេញ នៅ​ព្រឹក​ថ្ងៃទី១១ ខែមករា ឆ្នាំ២០២៤នេះ កញ្ញា តាំង សុខឡេង បុគ្គលិក​ផ្នែក​ធនធាន​មនុស្ស​ក្រុមហ៊ុន មេគង្គណេត បានប្រាប់ឲ្យដឹងថា រហូតមកដល់ពេលនេះ ក្រុមហ៊ុន​បាន​សហការ​ជាមួយ​ភ្នាក់ងារ​ជាតិមុខរបរ និងការងារ ដើម្បីជ្រើសរើសកម្លាំងពលកម្មមានចំនួនច្រើនលើកមកហើយ និង​កត់សម្គាល់ឃើញថា ចំនួនអ្នកចូលរួមដាក់ពាក្យសម្ភាសន៍ការងារ ហាក់​មិន​ទាន់​ឆ្លើយ​តប​គ្នា​បាន​ល្អ​នៅឡើយ ដោយសារខុសមុខជំនាញ និងខ្វះបទពិសោធន៍ការងារជាដើម។ កញ្ញា​បាន​ឲ្យ​ដឹង​ទៀត​ថា គិតក្នុងរយៈប៉ុន្មានខែក្រោយនេះ អ្នកមកដាក់ពាក្យ មានការយល់ដឹងច្រើន អំពី​របៀប​របប​ដាក់​ពាក្យឲ្យត្រូវនឹងជំនាញ និងការចង់បានរបស់ពួកគេ។ជាមួយគ្នានេះ លោក អាត ផល្លា មន្រ្តីផ្នែកកម្មវិធី នៃវិទ្យាស្ថាន​បណ្តុះបណ្តាល​វិស័យ​កាត់​ដេរ​នៅ​កម្ពុជា (CGTI) បានចូលរួមចែករំលែកនូវគន្លឹះសំខាន់ៗមួយចំនួនជូនដល់អ្នកស្វែងរកការងារ ថា ការងារ​ដែលមិនត្រូវរូវគ្នា រវាងក្រុមហ៊ុន និងអ្នកដាក់ពាក្យ ដោយមូលហេតុថា ការដាក់​ពាក្យ​របស់​អ្នក​ស្វែង​រកការងារធ្វើ អត់ត្រូវនឹងទីផ្សារចង់បាន ឬក៏មិនត្រូវ​នឹង​ចំណង់​ចំណូល​ចិត្ត​របស់​អ្នក​ដាក់​ពាក្យ​។ លោកបានបន្តថា មូលហេតុផ្សេងទៀត គឺខុសជំនាញ និងខ្វះសមត្ថភាព ដោយសារ​ការ​សិក្សា​មុខវិជ្ជា ខុសគ្នាទៅនិងទីផ្សារចង់បាន។សូមជម្រាបជូនថា នៅថ្ងៃទី១១ ខែមករានេះ ទីភ្នាក់ងារជាតិមុខរបរ និងការងារ (NEA) នៃ​ក្រសួង​ការងារ និងបណ្តុះបណ្តាលវិជ្ជាជីវៈ សហការជាមួយ ស.ស.យ.ក វិស័យការងារ និង​បណ្តុះ​បណ្តាល​វិជ្ជាជីវៈ បានរៀបចំវេទិកាការងារ និងកម្មសិក្សាការងារ ដោយនាំយកឱកាសការងារចំនួន ៩៩​ក​ន្លែង ពីក្រុមហ៊ុនធំៗចំនួន៣ រួមមាន៖ ក្រុមហ៊ុន CBS , ក្រុមហ៊ុន មេគង្គណេត (MEKONGNET) និងវិទ្យាស្ថានបណ្តុះបណ្តាលវិស័យកាត់ដេរនៅកម្ពុជា(CGTI) ចាប់ពីម៉ោង ៨ព្រឹក ដល់ម៉ោង ៥ល្ងាច នៅក្នុងបរិវេណក្រសួងការងារ និងបណ្តុះបណ្តាលវិជ្ជាជីវៈ៕ អត្ថបទ៖ ឈិត បូរ៉ាវី

លោក Trump បានប្រាប់សហភាពអឺរ៉ុប ថាអាមេរិក នឹងមិនជួយអឺរ៉ុបទេបើប្លុកនេះស្ថិតក្រោមការវាយប្រហារ

2024/01/11 12:06:09 pm        71
Facebook Telegram Linkin
លោក ដូណាល់ ត្រាំ (Donald Trump) បានប្រាប់ក្រុមមន្ត្រីជាន់ខ្ពស់របស់អឺរ៉ុប ក្នុងពេលដែលលោកធ្វើជាប្រធានាធិបតីអាមេរិក ថាសហរដ្ឋអាមេរិកនឹងមិនជួយអឺរ៉ុបឡើយ ប្រសិនបើប្លុកនេះរងការវាយប្រហារ នេះបើយោងតាមមន្ត្រីជាន់ខ្ពស់សហភាពអឺរ៉ុបមួយរូប។លោក ធើរី ប្រេតុន (Thierry Breton) ស្នងការបារាំងដែលទទួលខុសត្រូវលើទីផ្សារផ្ទៃក្នុងរបស់សហភាពអឺរ៉ុបបាននិយាយថា លោក ត្រាំ បានធ្វើការលើកឡើងបែបនេះទៅកាន់ប្រធានគណៈកម្មការអឺរ៉ុប លោកស្រី អឺសុឡា វ៉ុនដឺ ឡេយ៉េន (Ursula von der Leyen) ក្នុងវេទិកាសេដ្ឋកិច្ចពិភពលោកនៅទីក្រុង ដេវ៉ូស (Davos) ក្នុងខែមករា ឆ្នាំ២០២០។លោក ប្រេតុន បានរំលឹកឡើងវិញនូវការចងចាំរបស់ខ្លួនអំពីកិច្ចប្រជុំដែលលោកបានចូលរួមផងដែរនៅក្នុងកិច្ចពិភាក្សាជាក្រុមនៅទីក្រុងព្រុចសែល កាលពីថ្ងៃអង្គារ (០៩ មករា)។ ការអត្ថាធិប្បាយរបស់លោកប្រេតុន បានជំរុញឱ្យមានការរិះគន់យ៉ាងខ្លាំងលើលោក ត្រាំ កាលពីថ្ងៃពុធ (១០ មករា) ពីយុទ្ធនាការរបស់ប្រធានាធិបតីសហរដ្ឋអាមេរិក លោក ចូ បៃដិន (Joe Biden) សម្រាប់ការបោះឆ្នោតឡើងវិញ។នៅពេលត្រូវសាកសួរថាតើការរំលឹករបស់លោកស្រី អឺសុឡា វ៉ុនដឺ ឡេយ៉េន ចំពោះការលើកឡើងរបស់លោក ត្រាំ ត្រូវគ្នានឹងលោក ប្រេតុន និយាយដែរឬទេ អ្នកនាំពាក្យរបស់ប្រធានគណៈកម្មការអឺរ៉ុបបានបដិសេធមិនធ្វើអត្ថាធិប្បាយឡើយ៕

ប្រទេសចិន ព្រមានថាបេក្ខជនមេដឹកនាំបក្សកាន់អំណាចកោះតៃវ៉ាន់ ជាមនុស្សគ្រោះថ្នាក់ណាស់

2024/01/11 12:02:57 pm        45
Facebook Telegram Linkin
ប្រទេសចិនបាននិយាយនៅថ្ងៃព្រហស្បតិ៍ (១១ មករា) នេះថា ខ្លួនសង្ឃឹមថាប្រជាជនតៃវ៉ាន់ភាគច្រើន «ជ្រើសយកជម្រើសត្រឹមត្រូវ» នៅមុនការបោះឆ្នោតដ៏សំខាន់ ដោយព្រមានថាបេក្ខជនមេដឹកនាំនៃគណបក្សកាន់អំណាចរបស់កោះតៃវ៉ាន់ លោក ឡៃ ឈីងតឺ (Lai Ching-te) ជាមនុស្សមាន «គ្រោះថ្នាក់ខ្លាំងណាស់» ក្នុងការបង្កឱ្យមានជម្លោះឆ្លងច្រកសមុទ្រ។កោះតៃវ៉ាន់កំពុងរៀបចំការបោះឆ្នោតមេដឹកនាំ និងសភាសំខាន់មួយនៅថ្ងៃសៅរ៍ (១៣ មករា) ខាងមុខនេះដែលត្រូវបានអន្តរជាតិឃ្លាំមើលយ៉ាងជិតស្និទ្ធស្របពេលមានភាពតានតឹងផ្នែកភូមិសាស្ត្រនយោបាយ។ ប្រទេសចិនមិនបានដាក់ឈ្មោះបេក្ខជនដែលខ្លួនពេញចិត្តឬបញ្ជាក់ពីអ្វីដែលជាជម្រើសត្រឹមត្រូវជាសាធារណៈនោះទេ។លោក ឈិន ពីនហួរ (Chen Binhua) អ្នកនាំពាក្យការិយាល័យកិច្ចការកោះតៃវ៉ាន់របស់ប្រទេសចិន ក្រោមក្រុមប្រឹក្សារដ្ឋ បាននិយាយនៅក្នុងសេចក្តីថ្លែងការណ៍មួយថា លោក ឡៃ ដែលជាបេក្ខជនមេដឹកនាំរបស់គណបក្សជឿនលឿនប្រជាធិបតេយ្យ (DPP) ដែលកំពុងកាន់អំណាច គឺជា «អ្នកទាមទារឯករាជ្យរបស់តៃវ៉ាន់» ហើយថា ប្រសិនបើលោកឡើងកាន់អំណាច បេក្ខជនមេដឹកនាំរូបនេះនឹងជំរុញសកម្មភាពផ្ដាច់ខ្លួនបន្ថែមទៀត។ទីក្រុងប៉េកាំង បានអះអាងសិទ្ធលើកោះតៃវ៉ាន់ថាជាទឹកដីរបស់ខ្លួន ហើយបានបញ្ជាក់ថាការបោះឆ្នោតជ្រើសរើសមេដឹកនាំ និងសភារបស់កោះនេះនៅថ្ងៃសៅរ៍ ខាងមុខគឺជាជម្រើសរវាងសន្តិភាព និងសង្រ្គាមនៅទូទាំងច្រកសមុទ្រតៃវ៉ាន់។ ទីក្រុងប៉េកាំង បានព្រមានម្តងហើយម្តងទៀតថារាល់ការប៉ុនប៉ងដើម្បីជំរុញឱ្យមានឯករាជ្យភាពជាផ្លូវការរបស់កោះតៃវ៉ាន់ គឺមានន័យថាជម្លោះនឹងកើតឡើង ប៉ុន្តែរដ្ឋាភិបាលតៃវ៉ាន់ ច្រានចោលការអះអាងអធិបតេយ្យភាពរបស់ចិន៕

អង្គការណាតូ សន្យាផ្តល់ជំនួយផ្នែកយោធា និងសេដ្ឋកិច្ចសំខាន់បន្ថែមទៀតដល់អ៊ុយក្រែន

2024/01/11 11:39:35 am        153
Facebook Telegram Linkin
អង្គការណាតូ (NATO) បាននិយាយកាលពីថ្ងៃពុធ (១០ មករា) ថាសម្ព័ន្ធមិត្តរបស់អង្គការណាតូ នៅក្នុងកិច្ចប្រជុំជាមួយអ៊ុយក្រែន បានបញ្ជាក់យ៉ាងច្បាស់ថាពួកគេនឹងបន្តផ្តល់ឱ្យប្រទេសនូវជំនួយផ្នែកយោធា សេដ្ឋកិច្ច និងមនុស្សធម៌ដ៏សំខាន់ក្នុងការប្រឈមមុខនឹងការឈ្លានពានជិតពីរឆ្នាំរបស់រុស្ស៊ី។អគ្គលេខាធិការអង្គការណាតូ លោក ចេនស៍ ស្តុលថេនប៊ឺក (Jens Stoltenberg) បាននិយាយថា «អង្គការណាតូ ថ្កោលទោសយ៉ាងខ្លាំងចំពោះការវាយប្រហារដោយមីស៊ីល និងយានដ្រូនរបស់រុស្ស៊ី ទៅលើជនស៊ីវិលអ៊ុយក្រែន រួមទាំងអាវុធពីកូរ៉េខាងជើង និងអ៊ីរ៉ង់។ នៅពេលដែលទីក្រុងមូស្គូ បង្កើនការវាយប្រហាររបស់ខ្លួនទៅលើទីក្រុងនានា និងជនស៊ីវិលរបស់អ៊ុយក្រែន សម្ព័ន្ធមិត្តណាតូ កំពុងបង្កើនការការពារដែនអាកាសរបស់អ៊ុយក្រែន»។នៅក្នុងសេចក្តីថ្លែងការណ៍មួយបន្ទាប់ពីសន្និសីទតាមវីដេអូ អង្គការណាតូបានបន្ថែមថា រដ្ឋជាសមាជិកបានគូសបញ្ជាក់ពីផែនការក្នុងការផ្តល់ «សមត្ថភាពបន្ថែមរាប់ពាន់លានអឺរ៉ូ» នៅឆ្នាំ២០២៤ ដល់អ៊ុយក្រែន។ រុស្ស៊ីបានបង្កើនការវាយប្រហារកាន់តែខ្លាំងក្នុងអំឡុងពេលចូលឆ្នាំថ្មី ហើយបានវាយលុកទីក្រុងធំជាងគេចំនួនពីររបស់អ៊ុយក្រែន គឺទីក្រុងគីវ និងទីក្រុងខាគីវ (Kharkiv) កាលពីដើមខែនេះក្នុងការវាយប្រហារផ្លូវអាកាសយ៉ាងខ្លាំងក្លាជាថ្មី៕

ចិនប្រាប់អាមេរិកថា ខ្លួននឹងមិនមានការសម្របសម្រួលណាមួយជាមួយកោះតៃវ៉ាន់ឡើយ ខណៈកិច្ចចរចាការពារជាតិបន្ត

2024/01/11 11:35:16 am        112
Facebook Telegram Linkin
ប្រទេសចិន បានប្រាប់សហរដ្ឋអាមេរិកថា ខ្លួននឹងមិនធ្វើសម្បទាន ឬការសម្របសម្រួលណាមួយលើកោះស្វ័យគ្រប់គ្រងតៃវ៉ាន់នោះទេ ខណៈក្រុមមន្ត្រីចិន និងអាមេរិក បានជួបពិភាក្សាផ្នែកយោធាក្នុងសប្តាហ៍នេះ ជាលើកដំបូងចាប់តាំងពីបណ្តាញនានាត្រូវបានផ្អាកកាលពីក្នុង ឆ្នាំ ២០២២។ មន្ត្រីជាន់ខ្ពស់របស់មន្ទីរបញ្ចកោណ ទទួលបន្ទុកកិច្ចការប្រទេសចិនលោក ម៉ៃឃើល ឆេស (Michael Chase) បានបញ្ចប់ការពិភាក្សារយៈពេលពីរថ្ងៃកាលពីថ្ងៃអង្គារជាមួយឧត្តមសេនីយចិន លោក សុង យ៉ានឆាវ (Song Yanchao) ខណៈកោះតៃវ៉ាន់ខិតជិតដល់ថ្ងៃបោះឆ្នោត ដែលនឹងប្រព្រឹត្តិទៅនៅថ្ងៃសៅរ៍សប្ដាហ៍នេះ ហើយភាពតានតឹងនៅឥណ្ឌូប៉ាស៊ីហ្វិកបានកើនឡើងយ៉ាងខ្លាំងបន្ទាប់ពីការប៉ះទង្គិចគ្នារវាងចិន ជាមួយហ្វីលីពីន។ យោងតាមការអានពីក្រសួងការពារជាតិចិន លោក សុង អនុប្រធានការិយាល័យគណៈកម្មាធិការយោធាមជ្ឈិមសម្រាប់កិច្ចសហប្រតិបត្តិការយោធាអន្តរជាតិ របស់ប្រទេសចិន បានប្រាប់លោក ឆេស ថាទីក្រុងប៉េកាំងមានឆន្ទៈ អភិវឌ្ឍទំនាក់ទំនងយោធានិងយោធាប្រកបដោយស្ថិរភាព ។ ប៉ុន្តែលោក សុង បាននិយាយថា សហរដ្ឋអាមេរិក ត្រូវតែគិតគូរពីប្រទេសចិនឱ្យបានហ្មត់ចត់ ហើយដាក់ចេញនូវខ្សែបន្ទាត់រ៉ឹងមួយលើកោះតៃវ៉ាន់ ដោយជំរុញឱ្យក្រុងវ៉ាស៊ីនតោនបញ្ឈប់ការផ្ដល់អាវុធដល់ក្រុងតៃប៉ិ និងគាំទ្រឯករាជ្យភាពរបស់កោះនេះ។ នៅក្នុងកិច្ចប្រជុំនោះ លោក សុង បានសង្កត់ធ្ងន់ថា ប្រទេសចិននឹងមិនធ្វើសម្បទាន ឬការសម្របសម្រួលណាមួយលើបញ្ហាកោះតៃវ៉ាន់ឡើយ៕

ប្រធានសមាគមជប៉ុន-កម្ពុជា ជម្រាបសម្ដេចតេជោថា​នឹងបើកការិយាល័យរបស់ខ្លួន​នៅកម្ពុជានាពេលឆាប់ៗខាងមុខនេះ

2024/01/11 11:31:23 am        164
Facebook Telegram Linkin
កាលពីល្ងាចថ្ងៃទី១០ ខែមករា ឆ្នាំ ២០២៤ សម្តេចតេជោ បានអនុញ្ញាតឱ្យឯកឧត្តម តាកាហាសី ហ៊្វូមីអាគី (Takahashi Fumiaki) ប្រធានសមាគមជប៉ុន-កម្ពុជា ចូលជួប​សំដែង​ការគួរសម​ក្នុង​ពិធី​ពិសារ​អាហារពេលល្ងាចនៅសណ្ឋាគារ New Otani Tokyo ប្រទេសជប៉ុន។ឯកឧត្តម​ឯកអគ្គរាជទូតបានគោរពថ្លែងអំណរគុណសម្តេចតេជោ ដែលបានចំណាយ​ពេល​ទទួល​ជួប​ឯកឧត្តម និងគណៈប្រតិភូបន្ទាប់ពីការធ្វើដំណើរនឿយហត់ពីកម្ពុជា។ ឯកឧត្តម​បាន​សំដែង​នូវ​ការ​កោតសរសើរពីតួនាទីដ៏សំខាន់របស់ សម្ដេចតេជោ ដែលជាស្ថាបនិក​ក្នុង​ការ​ស្វែង​រក​សន្ដិភាព និងការអភិវឌ្ឍប្រទេសកម្ពុជា ជាពិសេស ក្នុងការពង្រឹង​ និង​ពង្រីក​ទំនាក់​ទំនង​ទ្វេភាគី​កម្ពុជា-ជប៉ុន ក្នុងពេលជាងបីទសវត្សកន្លងមកនេះ។ជំនួបនេះ​ផ្តោត​ជាសំខាន់លើការទាក់ទាញវិនិយោគថែមទៀតពីជប៉ុនមកកម្ពុជា ដោយមាន​ការ​ចូលរួម​ខិតខំប្រឹងប្រែងរបស់សមាគមជប៉ុន-កម្ពុជា។ ជាក់ស្តែង ឯកឧត្តម​ឯកអគ្គរាជ​ទូត​បាន​បញ្ជាក់​ថា សមាគមនឹងបើកការិយាល័យរបស់ខ្លួននៅព្រះរាជាណាចក្រកម្ពុជា នាពេល​ឆាប់​ៗ​ខាង​មុខ​នេះ ដែលការិយាល័យនេះ​នឹងដើរតួនាទី​យ៉ាង​សំខាន់​ក្នុង​ការ​ទាក់ទាញ​វិនិយោគិន​ជប៉ុន​មក​កាន់​កម្ពុជា តាមរយៈការជួយផ្សព្វផ្សាយអំពីសក្ដានុ-ពលវិនិយោគនៅកម្ពុជាដល់ក្រុមហ៊ុនជប៉ុន ជា​ពិសេសសហគ្រាសធុនតូចនិងមធ្យម (SMEs) ដែលមានចំនួន ប្រមាណ ៤លាន​ក្រុម​ហ៊ុន​នៅ​ប្រទេស​ជប៉ុន។ឯកឧត្តមមានប្រសាសន៍ថា ហេតុនេះប្រសិនបើយើងអាចទាក់ទាញបានត្រឹមតែ ០.១% នោះ ក៏​មាន​ប្រហែល ៤.០០០ក្រុមហ៊ុន SMEs របស់ជប៉ុនដែរ ដែលអាចនឹងមកវិនិ-យោគនៅកម្ពុជា។ នៅ​ក្នុង​ជំនួបនេះដែរ ក៏មានការចូលរួមពីតំណាងក្រុមហ៊ុនខ្លះ ដែល​កំពុង​មាន​ដំណើរ​ការ​ផលិតកម្ម​នៅ​កម្ពុជារួចហើយ និងមានក្រុមហ៊ុន​ខ្លះ​ទៀត​ក៏​បាន​បង្ហា​ញ​ឆន្ទៈ​ក្នុង​ការ​បើក​សាលា​បណ្ដុះ​បណ្ដាល​ជួសជុលរថយន្ដ និងសាលាបណ្ដុះបណ្ដាលអំពីសហគ្រិនភាពសម្រាប់ធុរជនស្រ្ដី នៅ​ប្រទេសកម្ពុជាផងដែរ។ជាការឆ្លើយតប សម្ដេចតេជោ បានវាយតម្លៃខ្ពស់ចំពោះកិច្ចខិតខំប្រឹងប្រែងរបស់សមាគមជប៉ុន-កម្ពុជា និងរីករាយស្វាគមន៍ចំពោះការបើកការិយាល័យរបស់សមាគមនៅកម្ពុជា។ សម្ដេចតេជោ សង្ឃឹមថា SMEs ជប៉ុននឹងដើរតួនាទីសំខាន់ក្នុងការបង្កើតឱកាសការងារជូនដល់ប្រជាជនកម្ពុជា ក៏​ដូចជាលទ្ធភាពនៃការផ្ទេរចំណេះដឹងតាមរយៈការវិនិយោគនៅកម្ពុជា។ ជាងនេះទៀត ក្រុមហ៊ុន​ក៏​អាច​ស្វែងរកសក្ដានុពលវិនិយោគនៅកម្ពុជាដោយមានការជួយសម្របសម្រួលពីសមាគមជប៉ុន-កម្ពុជា ក៏ដូចជាការទទួលបាននូវអត្ថប្រយោជន៍នានាពី គោល​នយោបាយ​របស់​រាជ​រដ្ឋាភិបាល​កម្ពុជា​ អាណត្តិទី៧ ក្នុងការអភិវឌ្ឍតំបន់សេដ្ឋកិច្ចពិសេស សម្រាប់តែវិនិយោគិនជប៉ុន ដែល​សម្ដេច​មហាបវរធិបតីនាយករដ្ឋមន្រ្ដី បានលើកឡើងក្នុងកិច្ចពិភាក្សាជាមួយឯកឧត្តម គីស៊ីដា ហ្វូមីអូ (Kishida Fumio) នាយករដ្ឋមន្រ្ដីជប៉ុន ក្នុងឱកាស​នៃ​កិច្ច​ប្រជុំ​កំពូល​រំលឹក​ខួប​អនុស្សាវរីយ៍ អាស៊ាន-ជប៉ុន លើកទី៥០ នៅទីក្រុងតូក្យូ កាលពីខែធ្នូ ឆ្នាំ២០២៣ កន្លងទៅ៕

សម្ដេចតេជោ ថ្លែងអំណរគុណរដ្ឋាភិបាលជប៉ុន បានយកចិត្តទុកដាក់សុខទុក្ខពលរដ្ឋខ្មែរ នៅជប៉ុន ពិសេសអំឡុងគ្រោះរញ្ជួយដី

2024/01/11 11:23:48 am        163
Facebook Telegram Linkin
កាលពីរសៀលថ្ងៃទី១០ ខែមករា ឆ្នាំ ២០២៤ សម្តេចតេជោបានអនុញ្ញាតឱ្យឯកឧត្តម កូមួរ៉ា ម៉ាសាហ៊ិកូ (Komura Masahiko) អតីតរដ្ឋមន្ត្រីការបរទេសជប៉ុន ចូលជួបសំដែងការគួរសមនៅសណ្ឋាគារ New Otani Tokyo ប្រទេសជប៉ុន។ សម្តេចតេជោ បានថ្លែងនូវការចូលរួមរំលែកទុក្ខជាមួយរដ្ឋាភិបាល និងប្រជាជនជប៉ុនចំពោះគ្រោះមហន្តរាយរញ្ជួយដីថ្មីៗនេះនៅប្រទេសជប៉ុន និងឧបទ្ទវហេតុនៃការប៉ះទង្គិចយន្តហោះ ដែលបានបណ្តាលឱ្យមានការបាត់បង់អាយុជីវិតមនុស្ស និងទ្រព្យសម្បត្តិយ៉ាងច្រើន។សម្តេចតេជោ ក៏បានថ្លែងអំណរគុណរដ្ឋាភិបាលជប៉ុនដែលបានជួយយកចិត្តទុកដាក់ដល់សុខទុក្ខ និងសុវត្ថិភាពរបស់និស្សិត កម្មសិក្សាការី និងពលករកម្ពុជាដែលកំពុងសិក្សា និងធ្វើការនៅតំបន់រងគ្រោះដោយសារការរញ្ជួយផែនដីផងដែរ។ឯកឧត្តម កូមួរ៉ា ម៉ាសាហ៊ិកូ បានគោរពថ្លែងអំណរគុណសម្តេចតេជោ ដែលបានឆ្លៀតពេលមមាញឹក ​ទទួលជួប ឯកឧត្តម និងមានក្តីរំភើបរីករាយដោយមានឱកាសរំលឹកដល់​អនុស្សាវរីយ​ល្អៗកាល​ពីអតីតកាលក្នុងនាមមិត្តភក្តិចាស់ ជាពិសេសក្នុងដំណាក់កាលចរចាស្វែងរកសន្តិភាព ការចូលរួម​ចំណែក​របស់ជប៉ុនក្នុងការបង្កើតឧត្តមក្រុមប្រឹក្សាជាតិ (SNC) និងដំណើរការស្តារប្រទេសកម្ពុជា​ឡើងវិញបន្ទាប់ពីសង្រ្គាមស៊ីវិលជាដើម។ក្នុងនោះឯកឧត្តមបានសំដែងនូវការកោតសរសើរចំពោះតួនាទីស្នូលរបស់សម្តេចតេជោ ក្នុងការសម្រេចបាននូវសន្តិភាពពេញលេញក្នុងដំណាក់កាលបន្តបន្ទាប់ និងការអភិវឌ្ឍសង្គម-សេដ្ឋកិច្ចកម្ពុជាយ៉ាងឆាប់រហ័ស ព្រមទាំងការការពង្រឹងនិងលើកកម្ពស់ទំនាក់ទំនងទ្វេភាគីកម្ពុជា-ជប៉ុនមកទល់សព្វថ្ងៃនេះ។ទន្ទឹមនេះ ឯកឧត្តមបានបង្ហាញនូវជំនឿទុកចិត្តលើរាជរដ្ឋាភិបាលថ្មី ដែលមាន សម្តេចធិបតី ហ៊ុន ម៉ាណែត ជាប្រមុខដឹកនាំប្រកបដោយភាពជឿជាក់ ក្នុងការបន្តថែរក្សាសមិទ្ធផលដែលមានស្រាប់ និង​មានចក្ខុវិស័យវែងឆ្ងាយក្នុងការបន្តដឹកនាំប្រទេសកាន់តែរីកចម្រើនថែមទៀត ព្រមទាំង​បន្តពង្រឹងពង្រីកទំនាក់ទំនងទ្វេភាគី កម្ពុជា-ជប៉ុនឱ្យកាន់តែស៊ីជម្រៅ ក៏ដូចជាកិច្ច​សហប្រតិបត្តិការជាមួយបណ្តាប្រទេសក្នុងតំបន់ និងពិភពលោក។នៅចុងបញ្ចប់ សម្តេចតេជោ និងឯកឧត្តមអតីតរដ្ឋមន្ត្រីការបរទេស ក៏បានយកឱកាស​នេះពិភាក្សាផ្លាស់ប្តូរ ទស្សនៈគ្នាជុំវិញបញ្ហាភូមិសាស្ត្រនយោបាយនៅក្នុងតំបន់ ដែលក្នុងនោះមាន​ទាំងស្ថានការណ៍នៅមីយ៉ាន់ម៉ាផងដែរ៕ 

ប្រធានសម្ព័ន្ធមិត្តភាពសភាជប៉ុន-កម្ពុជា កោតសរសើរសម្តេចតេជោ ជាស្ថាបនិកសន្តិភាព របស់កម្ពុជា

2024/01/11 11:22:37 am        131
Facebook Telegram Linkin
កាលពីរសៀលថ្ងៃទី១០ ខែមករា ឆ្នាំ២០២៤ សម្តេចតេជោ ហ៊ុន សែន បានអនុញ្ញាតឱ្យ ឯកឧត្តម អ៊ីម៉ាមួរ៉ា ម៉ាសាហ៊ីរ៉ូ (Imamura Masahiro) ប្រធានសម្ព័ន្ធមិត្តភាពសភាជប៉ុន-កម្ពុជា ចូល​ជួបសំដែងការគួរសម នៅសណ្ឋាគារ New Otani Tokyo ប្រទសជប៉ុន។សម្តេចតេជោ បានថ្លែងនូវការចូលរួមរំលែកទុក្ខជាមួយរដ្ឋាភិបាល និងប្រជាជនជប៉ុន ចំពោះ​គ្រោះ​មហន្តរាយ​រញ្ជួយដីថ្មីៗនេះនៅខេត្ត Ishizawa ភាគខាងលិចជប៉ុន និង​ឧបទ្ទវហេតុ​យន្តហោះ​ប៉ះ​ទង្គិច​គ្នា​នៅព្រលានយន្តហោះទីក្រុងតូក្យូ ដែលបានបណ្តាលឱ្យមានការបាត់បង់អាយុជីវិតមនុស្ស និងទ្រព្យសម្បត្តិយ៉ាងច្រើន។ឯកឧត្តម អ៊ីម៉ាមួរ៉ា ម៉ាសាហ៊ីរ៉ូ បានសម្តែងការគោរពកោតសរសើរចំពោះ សម្តេចតេជោ ដែល​ជា​ស្ថាបនិក​សន្តិភាព និងសមិទ្ធផល​ដ៏​ច្រើន​សន្ធឹកសន្ធាប់​ជាផ្លែផ្កា​នៃ​សន្តិភាព​នៅកម្ពុជា​ព្រម​ទាំង​តួនាទី​ដ៏សំខាន់របស់សម្តេចតេជោ ក្នុងការពង្រឹង និងពង្រីកនូវទំនាក់ទំនងទ្វេរភាគីកម្ពុជា-ជប៉ុន នា​ពេលកន្លងមក និងតទៅអនាគត។ ឯកឧត្តមបានបញ្ជាក់ពីការប្តេជ្ញាចិត្តរបស់សម្ព័ន្ធមិត្តភាពសភាជប៉ុន-កម្ពុជា ក្នុងការ​បន្ត​ទំនាក់​ទំនង​ល្អជាមួយរាជរដ្ឋាភិបាលថ្មីដែលមាន សម្តេចធិបតី ហ៊ុន ម៉ាណែត ជានាយករដ្ឋមន្ត្រី និង​បន្ត​សហការ​ជិត​ស្និទ្ធជាមួយស្ថាប័ននីតិបញ្ញត្តិរបស់កម្ពុជា ពោលគឺ ទាំងរដ្ឋសភាជាតិ និងព្រឹទ្ធសភា។ ភាគីមិត្ត​ក៏បានរំលឹកអំពីតួនាទីដ៏សំខាន់របស់ សម្តេចតេជោ ក្នុងកិច្ចការ​បោស​សម្អាត​មីន​នៅ​កម្ពុជា និងបានគាំទ្រដល់ការចូលរួមរបស់សម្ព័ន្ធមិត្តភាពសភាជប៉ុន-កម្ពុជា​ក្នុង​បេសកកម្ម​ដ៏ថ្លៃថ្លា​នេះ ដែលជាការបន្តនូវការខិតខំរួមចំណែកដោយផ្ទាល់ពីសំណាក់ឯកឧត្តមនាយករដ្ឋមន្ត្រីជប៉ុន ខេអ៊ីហ្សូ អូប៊ូឈី (Keizo Obuchi) តាំងពីឆ្នាំ ២០០០ ម៉្លេះ។ក្នុង​ឱកាសនេះ សម្តេចតេជោ បានថ្លែងអំណរគុណ និងវាយតម្លៃ​ខ្ពស់​ចំពោះ​តួនាទី​ និង​ការ​ចូលរួម​ចំណែក​ដ៏សំខាន់​របស់សម្ព័ន្ធមិត្តភាពសភាជប៉ុន-កម្ពុជា ក្នុងការជំរុញ​ទំនាក់ទំនង​ទ្វេភាគី​ឱ្យ​កាន់​តែ​ស៊ីជម្រៅ ក៏ដូចជាការសហការគ្នាជិតស្និទ្ធរវាងប្រទេសយើងទាំងពីរលើឆាកអន្តរជាតិ។ ជាង​នេះ​ទៀត សម្តេចតេជោ បានលើក​ទឹកចិត្ត និង​ស្នើ​ឱ្យ​ភាគីជប៉ុន​បន្ត​ជួយ​កម្ពុជា​ក្នុង​វិស័យ​ដោះ​មីន​ត​ទៅ​ទៀត ជាពិសេសចូលរួមចំណែកក្នុងការសម្រេចបាននូវគោលដៅ “កម្ពុជា​គ្មានមីន​ឆ្នាំ២០២៥”​ ឱ្យបានជោគជ័យ៕

បណ្ដាញសង្គម

ព័ត៌មានថ្មីៗ

លោកជំទាវ ហ៊ុន ម៉ាណា អញ្ជើញនាំយកទេយ្យវត្ថុប្រគេនព្រះសង្ឃនៅវត្តគោកត្របែក ក្នុងខេត្តកំពង់ធំ និងចែកអំណោយជូនប្រជាពលរដ្ឋ៣៤៩គ្រួសារ
08/03/2025 05:08 PM
Facebook Telegram Linkin
អ្នកនាំពាក្យរាជរដ្ឋាភិបាល៖រាជរដ្ឋាភិបាលកំពុងយកចិត្តទុកដាក់យ៉ាងខ្លាំងចំពោះយោធិន ពិសេសយោធិនពលី និងពលរដ្ឋភៀសសឹក
08/03/2025 04:08 PM
Facebook Telegram Linkin
ព្រះសង្ឃ និងប្រជាពលរដ្ឋខេត្តពោធិ៍សាត់ច្រើនពាន់នាក់ចូលរួម ក្បួនដង្ហែទង់ជាតិខ្មែរ រួមគ្នាថែរក្សាការពារជាតិមាតុភូមិ
08/03/2025 04:08 PM
Facebook Telegram Linkin
សហគមន៍ខ្មែរនៅកូរ៉េប្រមាណជិត២ពាន់នាក់ ប្រមូលផ្តុំអំណរគុណ និងគាំទ្រប្រធានាធិបតីអាមេរិកទទួលពានរង្វាន់សន្តិភាព និងអំពាវនាវឱ្យថៃយល់ព្រមទៅតុលារការអន្តរជាតិ
08/03/2025 03:08 PM
Facebook Telegram Linkin
មនុស្សរាប់ម៉ឺននាក់ប្រមូលផ្ដុំគ្នាទូទាំងពិភពលោកតវ៉ាប្រឆាំងការវាយប្រហាររបស់អ៊ីស្រាអែលនៅហ្កាហ្សា
08/03/2025 03:08 PM
Facebook Telegram Linkin
ប្រតិភូខេត្តកណ្ដាល ចុះសួរសុខទុក្ខ និងនាំយកគ្រឿងឧបភោគបរិភោគដែលទទួលបានពីសប្បជនផ្ដល់ជូនវីរកងទ័ពជួរមុខក្នុងខេត្តព្រះវិហារ
08/03/2025 03:08 PM
Facebook Telegram Linkin
[UPDATE] ចំនួនអ្នកស្លាប់ដោយសារទឹកជំនន់ភ្លៀងមូសុងនៅប្រទេសឥណ្ឌា បានកើនឡើងដល់ជិត១៨០នាក់
08/03/2025 03:08 PM
Facebook Telegram Linkin
ក្រសួងការងារ៖ រាជធានីភ្នំពេញមានឱកាសការងារជិត ៤ ម៉ឺនកន្លែង (មានលេខទូរសព្ទ និងទីតាំងរោងចក្រ)
08/03/2025 03:08 PM
Facebook Telegram Linkin
ក្នុងថ្ងៃទីមួយនៃយុទ្ធនាការផ្សព្វផ្សាយការងារជូនពលករ៖ ក្រសួងការងារបានផ្សព្វផ្សាយដល់ពលរដ្ឋជិត១ម៉ឺននាក់ ខណៈជិត២ពាន់នាក់ទទួលបានការងារភ្លាមៗ
08/03/2025 03:08 PM
Facebook Telegram Linkin
ក្រុមបាតុករប្រមូលផ្ដុំគ្នាទាមទារឲ្យបញ្ជូនចំណាប់ខ្មាំងមកវិញ ខណៈបារម្ភកាន់តែខ្លាំងពីសុវត្ថិភាពពួកគេ
08/03/2025 02:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.