BTV NEWS

សម្ដេចធិបតី ហ៊ុន ម៉ាណែត៖ អាទិភាពរបស់រាជរដ្ឋាភិបាល គឺ ប្រទេសជាតិ,ប្រជាជន, ទឹកដី និង ឯករាជ្យភាពជាតិ

សម្ដេចធិបតី៖ យុទ្ធនាការកម្ចាត់ Online Scams ប៉ុន្មានខែចុងក្រោយនេះ បានស្ដារមុខមាត់កម្ពុជាមកវិញ

សម្ដេចធិបតី៖ កម្ពុជាជាសមាជិក WTO មិនអាចហាមឃាត់ការនាំចូលទំនិញពីប្រទេសដទៃបានទេ

សម្ដេចធិបតី៖ ឆ្នាំ២០២៩ កម្ពុជានឹងចាកចេញពីប្រទេសអភិវឌ្ឍន៍តិចតួចបន្តដំណើរទៅកាន់ប្រទេសអភិវឌ្ឍន៍

នយោបាយ និង ការអភិវឌ្ឍន៍

ក្រុមហ៊ុនជំនាញកសិកម្មឈានមុខនៅអាស៊ី ស្វែងរកឱកាសវិនិយោគលើដំណាំស្រូវ និងអំពៅ នៅកម្ពុជា

នារសៀលថ្ងៃទី១៦ ខែមករា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានអនុញ្ញាតឱ្យលោក Kuok Khoon Hong ប្រធានអគ្គនាយកក្រុមហ៊ុន Wilmar International Group ចូលជួបសម្តែងការគួរសម និងពិភាក្សាការងារ ក្នុងឱកាសចូលរួមវេទិកាសេដ្ឋកិច្ចពិភពលោកឆ្នាំ២០២៤ នៅទីក្រុងដាវ៉ូស ប្រទេសស្វីស ។ក្នុងជំនួបនេះ លោកប្រធានអគ្គនាយក Kuok Khoon Hong បានថ្លែងអំណរគុណចំពោះ សម្តេចធិបតី ដែលបានអនុញ្ញាតឱ្យរូបលោក និងសហការី ចូលជួបសម្តែងការគួរសមនាឱកាសនេះ និងបានជម្រាបជូន សម្តេចធិបតី អំពីគោលបំណងរបស់ក្រុមហ៊ុន ក្នុងការស្វែងរកឱកាសវិនិយោគលើវិស័យកសិកម្មនៅកម្ពុជា ដោយផ្តោតលើដំណាំស្រូវ និងអំពៅ ក្នុងខ្សែច្រវាក់ផលិតកម្មទាំងមូល រាប់ទាំងការដាំដុះ, ការប្រមូលផល, ការកែច្នៃ, ការវេចខ្ចប់ និងការនាំចេញទៅកាន់ទីផ្សារអន្តរជាតិ ។ជាការឆ្លើយតប សម្តេចធិបតី បានសម្តែងនូវក្តីរីករាយចំពោះជំនួបជាមួយលោក ប្រធានអគ្គនាយក និងបានបង្ហាញនូវការស្វាគមន៍ចំពោះបំណងរបស់ក្រុមហ៊ុនក្នុងការបណ្តាក់ទុនវិនិយោគលើវិស័យកសិកម្មនៅកម្ពុជា ដែលជាវិស័យមួយប្រកបដោយសក្តានុពល និងជាវិស័យអាទិភាពរបស់រាជរដ្ឋាភិបាល អាណត្តិទី៧ ដើម្បីលើកកម្ពស់ជីវភាពរស់នៅរបស់ប្រជាជនកម្ពុជាឱ្យកាន់តែប្រសើរឡើង។គួរបញ្ជាក់ថា ក្រុមហ៊ុន Wilmar International Group គឺជាក្រុមហ៊ុនដែលមានធុរកិច្ចចម្បង ក្នុងវិស័យកសិកម្ម និងត្រូវបានបង្កើតឡើងក្នុងឆ្នាំ១៩៩១ នៅប្រទេសសិង្ហបុរី ។ សព្វថ្ងៃ ក្រុមហ៊ុន Wilmar International Group គឺជាក្រុមហ៊ុនឈានមុខគេមួយនៅអាស៊ី ហើយក្រុមហ៊ុនមានបច្ចេកទេសខ្ពស់ក្នុងវិស័យកសិកម្ម រាប់ចាប់ពីការដាំដុះ, ការកែច្នៃ, ការវេចខ្ចប់, ការផ្គត់ផ្គង់ និងការចែកចាយយ៉ាងទូលំទូលាយ ហើយផលិតផលចម្បងរបស់ក្រុមហ៊ុន មានដូចជា៖ ប្រេងដូង ប្រេងធញ្ញជាតិ ម្សៅ និងស្ករ ជាដើម ៕

បច្ចុប្បន្នរាជរដ្ឋាភិបាលប្រគល់បណ្ណកម្មសិទ្ធិដីធ្លីដល់ពលរដ្ឋបានប្រមាណ ៥លានបណ្ណ និងបន្តចែក២លានបណ្ណទៀត

ភ្នំពេញ៖ តាមរយៈបណ្ដាញតេឡេក្រាមរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានឱ្យដឹងថា គិតមកដល់ពេលបច្ចុប្បន្ន រដ្ឋាភិបាល ដែលមានក្រសួងរៀបចំដែនដី នគរូបនីយកម្ម និងសំណង់ ជាសេនាធិការ បានប្រគល់បណ្ណកម្មសិទ្ធិដីធ្លីជូនប្រជាពលរដ្ឋបានប្រមាណ ៥ លានបណ្ណរួចមកហើយ ចំណែកបណ្ណកម្មសិទ្ធិប្រមាណ ២ លានបណ្ណទៀតនឹងត្រូវបន្តចែកជូនប្រជាពលរដ្ឋជាបន្តបន្ទាប់នៅទូទាំងប្រទេស។ការបង្ហាញទិន្នន័យនេះ ស្របពេលដែលក្រសួងរៀបចំដែនដី នគរូបនីយកម្ម និងសំណង់ ចែកបណ្ណ័សម្គាល់ម្ចាស់អចលនៈវត្ថុ (ផ្ទះសំបែង) ចំនួន ២០០ ខ្នងជូនដល់អតីតយុទ្ធជន គ្រួសារយុទ្ធជនរបួសពិការ និងមរណៈ សម្រាប់ប្រើប្រាស់ស្របច្បាប់នៅភូមិជីកដី ឃុំអណ្តូងត្របែក ស្រុករមាសហែក ខេត្តស្វាយរៀង កាលពីថ្ងៃទី១៦ ខែមករា ឆ្នាំ២០២៤។ សូមបញ្ជាក់ថា បុរីជនបទនឹងបន្តពង្រីកទៅតាមតំបន់នានានៅតាមបណ្តាខេត្តនៃព្រះរាជាណាចក្រកម្ពុជា ជាក់ស្តែង នៅថ្ងៃទី១៦ មករា ២០២៤នេះ ប្រជាពលរដ្ឋ ជាពិសេស អតីតយុទ្ធជនចំនួន ២០០ គ្រួសារ ក្នុងខេត្តស្វាយរៀង បានទទួលនូវវិញ្ញាបនបត្រសម្គាល់ម្ចាស់អចលនវត្ថុ។ ក្នុងនោះមាន គ្រួសារពលី ២៤ នាក់ ស្រី ២៣ នាក់។ គ្រួសារទទួលមរណៈភាព ៧នាក់ ស្រី ៧នាក់, គ្រួសារបាត់បង់ ៣នាក់, គ្រួសារពិការ ៧០នាក់ ស្រី ១នាក់, គ្រួសារនិវត្តជន ២៩នាក់ ស្រី ៣នាក់, គ្រួសារយោធា ២៥នាក់ ស្រី ១នាក់, គ្រួសារប៉ូលីស ៣៦នាក់, គ្រួសារកងរាជអាវុធហត្ថ ៦នាក់។ដីឡូត៍ដែលរាជរដ្ឋាភិបាលបានប្រគល់ជូនសម្បទានិកនាពេលនេះ គឺជាទ្រព្យមួយដ៏មានតម្លៃក្នុងការកែច្នៃជីវភាពគ្រួសារឱ្យកាន់តែប្រសើរឡើង។ នេះគឺជាការគិតគូរអំពីសេដ្ឋកិច្ចមូលដ្ឋាន និងផ្តល់មធ្យោបាយងាយស្រួលដល់ប្រជាពលរដ្ឋ អតីតយុទ្ធជន និងគ្រួសារងាយរងគ្រោះ ដែលស្របតាមកម្មវិធីនយោបាយរបស់រាជរដ្ឋាភិបាល នីតិកាលទី៧ សម្រាប់ការកសាង និងការការពារមាតុភូមិ ឆ្នាំ២០២៣-២០២៨ ដែលការចុះបញ្ជី និងផ្តល់បណ្ណកម្មសិទ្ធិដល់ប្រជាពលរដ្ឋ គឺជាកិច្ចការចម្បងដែលត្រូវបន្តអនុវត្តជាចាំបាច់។ «គិតមកដល់ពេលបច្ចុប្បន្ន រដ្ឋាភិបាល ដែលមានក្រសួងរៀបចំដែនដី នគរូបនីយកម្ម និងសំណង់ ជាសេនាធិការ បានប្រគល់បណ្ណកម្មសិទ្ធិដីធ្លីជូនប្រជាពលរដ្ឋបានប្រមាណ ៥លានបណ្ណរួចមកហើយ ចំណែកបណ្ណកម្មសិទ្ធិប្រមាណ ២លានបណ្ណទៀត នឹងត្រូវបន្តចែកជូនប្រជាពលរដ្ឋជាបន្តបន្ទាប់ នៅទូទាំងប្រទេសផងដែរ»។ នេះបើតាមការបញ្ជាក់នៅក្នុងតេឡេក្រាមរបស់សម្ដេចធិបតី។សូមបញ្ជាក់ថា រាជរដ្ឋាភិបាល នីតិកាលទី៧ បានដាក់ចេញនូវ «កម្មវិធីនយោបាយ សម្រាប់ការកសាង និងការការពារមាតុភូមិ ឆ្នាំ២០២៣-២០២៨» ដោយនៅក្នុងគោលនយោបាយអភិវឌ្ឍតាមវិស័យ គឺបានផ្តោតសំខាន់លើការគ្រប់គ្រងដីធ្លី និងសំណង់ ដោយត្រូវបន្តអនុវត្តការកែទម្រង់ឱ្យកាន់តែសកម្ម និងស៊ីជម្រៅលើវិស័យដីធ្លី តាមរយៈការពង្រឹងការគ្រប់គ្រងដីធ្លី ដោយជំរុញបញ្ចប់ការចុះបញ្ជីដីលើកដំបូង, ជំរុញការចុះបញ្ជីដីសហគមន៍ជនជាតិដើមភាគតិច និងជំរុញការចុះបញ្ជីបន្តដីគ្រប់ប្រភេទ ព្រមទាំងផ្តល់ប័ណ្ណកម្មសិទ្ធិជូនអ្នកកាន់កាប់ដែលមានលក្ខណសម្បត្តិគ្រប់គ្រាន់ តាមលក្ខខណ្ឌ។លើសពីនេះ រដ្ឋាភិបាលក៏បន្តអនុវត្តកម្មវិធីសម្បទានដីសង្គមកិច្ច ដើម្បីចែកដីជូនប្រជាពលរដ្ឋស៊ីវិលក្រីក្រ ឬ ផ្ទះជូនដល់កងកម្លាំងកំពុងឈរជើងតាមព្រំដែន, អតីតកងកម្លាំងប្រដាប់អាវុធ, គ្រួសារដែលក្រីក្រ ដែលខ្វះដីប្រើប្រាស់ ប្រកបដោយតម្លាភាព និងសមធម៌៕

ក្រុមហ៊ុន Grab ប្តេជ្ញាធ្វើជាគំរូល្អ ក្នុងការគោរពច្បាប់ចរាចរណ៍ ការផ្តល់សុវត្ថិភាព និងផាសុកភាពដល់អតិថិជនរបស់ខ្លួន ជាប់ជាប្រចាំ

នារសៀលថ្ងៃទី១៦ ខែមករា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានអនុញ្ញាតឱ្យលោក Anthony Tan នាយកប្រតិបត្តិ និងជាសហស្ថាបនិកក្រុមហ៊ុន Grab ចូលជួបសម្តែងការគួរសម និងពិភាក្សាការងារ ក្នុងឱកាសចូលរួមវេទិកាសេដ្ឋកិច្ចពិភពលោកឆ្នាំ២០២៤ នៅទីក្រុងដាវ៉ូស ប្រទេសស្វីស ។ក្នុងជំនួប លោក Anthony Tan បានថ្លែងអំណរគុណជូនចំពោះ សម្តេចធិបតី ដែលបានអនុញ្ញាតឱ្យរូបលោក និងសហការី ចូលជួបសម្តែងការគួរសម និងបានជម្រាបជូនអំពីសកម្មភាពអាជីវកម្មរបស់ក្រុមហ៊ុន Grab ដែលត្រូវបានបង្កើតឡើងក្នុងឆ្នាំ២០១២ ជាក្រុមហ៊ុនបច្ចេកវិទ្យាតាមប្រព័ន្ធទូរស័ព្ទឆ្លាត (Smart phone) ដែលផ្តល់សេវាកម្មដឹកជញ្ជូន និងការទូទាត់តាមប្រព័ន្ធឌីជីថល សម្រាប់អ្នកបើកបរ ដៃគូពាណិជ្ជករ និងអ្នកប្រើប្រាស់។ សព្វថ្ងៃ ក្រុមហ៊ុន Grab មានវត្តមានអាជីវកម្ម នៅក្នុងប្រទេសកម្ពុជា សិង្ហបុរី ម៉ាឡេស៊ី ហ្វីលីពីន ថៃ វៀតណាម និងតំបន់អាស៊ីអាគ្នេយ៍។ ជាការឆ្លើយតបសម្តេចធិបតី បានសម្តែងនូវក្តីរីករាយចំពោះជំនួបជាមួយលោកនាយកប្រតិបត្តិក្រុមហ៊ុន Grab និងបានអរគុណចំពោះការបណ្តាក់ទុនវិនិយោគនៅកម្ពុជា ក្នុងវិស័យដឹកជញ្ជូន ដែលគម្រូអាជីវកម្មរបស់ Grab បានចូលរួមចំណែកយ៉ាងសំខាន់ក្នុងទាក់ទាញ និងប្រមូលផ្តុំប្រតិបត្តិករក្រៅប្រព័ន្ធ ជាពិសេស ផ្នែកដឹកជញ្ជូន ឱ្យចូលមកក្នុងថ្នាលឌីជីថលរបស់ Grab ដែលកំពុងតែមានការអភិវឌ្ឍ និងទំនើបកម្មជាលំដាប់ ។ ក្នុងឱកាសនោះផងដែរ សម្តេចធិបតី បានគាំទ្រចំពោះការប្តេជ្ញារបស់ក្រុមហ៊ុន Grab ក្នុងការជំរុញអ្នកប្រកបអាជីវកម្មដោយប្រើថ្នាលឌីជីថល Grab ធ្វើជាគម្រូក្នុងការគោរពច្បាប់ចរាចរណ៍ ការផ្តល់សុវត្ថិភាព និងផាសុកភាពដល់អតិថិជនរបស់ខ្លួន ជាប់ជាប្រចាំ ៕

សម្តេចធិបតីនាយករដ្ឋមន្រ្តី អនុញ្ញាតឱ្យថ្នាក់ដឹកនាំក្រុមហ៊ុន Shenzhen Power Solution ចូលជួបសម្តែងការគួរសម នៅប្រទេសស្វីស

នារសៀលថ្ងៃទី១៦ ខែមករា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានអនុញ្ញាតឱ្យលោកស្រី Xia Li ស្ថាបនិក និងជាអគ្គនាយិកាក្រុមហ៊ុន Shenzhen Power Solution ចូលជួបសម្តែងការគួរសម និងពិភាក្សាការងារ ក្នុងឱកាសចូលរួមវេទិកាសេដ្ឋកិច្ចពិភពលោកឆ្នាំ២០២៤ នៅទីក្រុងដាវ៉ូស ប្រទេសស្វីស ។ក្នុងជំនួបនេះ លោកស្រី Xia Li បានថ្លែងអំណរគុណជូនចំពោះ សម្តេចធិបតី ដែលបានអនុញ្ញាតឱ្យរូបលោកស្រី និងសហការី ចូលជួបសម្តែងការគួរសម និងបានជម្រាបជូន សម្តេចធិបតី អំពីផលិតផលរបស់ក្រុមហ៊ុន ដែលអាចជួយដល់ការកាត់បន្ថយការចំណាយ និងលើកកម្ពស់ជីវភាពរបស់ប្រជាជននៅតាមតំបន់ជនបទ តាមរយៈការផលិតឧបករណ៍អគ្គិសនីច្រើនប្រភេទដើរដោយថាមពលព្រះអាទិត្យ ដែលមានតម្លៃសមរម្យ និងមានផលប្រយោជន៍ច្រើនសម្រាប់ផាសុកភាព និងតម្រូវការប្រើប្រាស់ក្នុងជីវភាពប្រចាំថ្ងៃ។ជាការឆ្លើយតប សម្តេចធិបតី បានសម្តែងនូវក្តីរីករាយចំពោះជំនួបជាមួយលោកស្រីស្ថាបនិក និង អគ្គនាយិកាក្រុមហ៊ុន និងបានបង្ហាញនូវការស្វាគមន៍ចំពោះបំណងរបស់ក្រុមហ៊ុនក្នុងការបណ្តាក់ទុនវិនិយោគនៅកម្ពុជា ជាពិសេស ការផលិតឧបករណ៍អគ្គិសនីដើរដោយថាមពលព្រះអាទិត្យ ព្រមទាំងបានលើកទឹកចិត្តឱ្យមានការចាប់ដៃគូសហការជាមួយក្រុមហ៊ុនក្នុងស្រុករបស់កម្ពុជា ដែលចាប់អារម្មណ៍លើគម្រូអាជីវកម្មប្រភេទថ្មីនេះ ។គួរបញ្ជាក់ថា ក្រុមហ៊ុន Shenzhen Power Solution គឺជាក្រុមហ៊ុនអភិវឌ្ឍន៍និងផលិតឧបករណ៍អគ្គិសនី ដើរដោយថាមពលព្រះអាទិត្យ ដែលមានតម្លៃសមរម្យលំដាប់ពិភពលោក និងមានមូលដ្ឋាននៅទីក្រុងស៊ិនជិន ប្រទេសចិន ៕

សមត្ថកិច្ចបញ្ជាក់ថា ការចាប់ខ្លួនឈ្មោះ ខឹម ចាន់វណ្ណៈ ដោយសារក្លែងបន្លំឯកសារ ពុំជាប់ពាក់ព័ន្ធនយោបាយនោះទេ

អ្នកនាំពាក្យនៃស្នងការដ្ឋាននគរបាលរាជធានីភ្នំពេញ បញ្ជាក់ថា ការចាប់ខ្លួនបុគ្គលឈ្មោះ ខឹម ចាន់វណ្ណៈ ប្រធានស្តីទីគណៈកម្មាធិការប្រតិបត្តិគណបក្សភ្លើងទៀនរាជធានីភ្នំពេញ គឺដោយសារសមត្ថកិច្ចរកឃើញថា បុគ្គលរូបនេះបានក្លែងបន្លំឯកសារ ស្នាមមេដៃ និងហត្ថលេខាក្លែងក្លាយ។យោងតាមសេចក្តីប្រកាសព័ត៌មានរបស់អ្នកនាំពាក្យ នៃស្នងការដ្ឋាននគរបាលរាជធានីភ្នំពេញ នាថ្ងៃទី១៦ ខែមករា ឆ្នាំ២០២៤នេះ បានបញ្ជាក់ថា ការឃាត់ខ្លួនបុគ្គលឈ្មោះ ខឹម ចាន់វណ្ណៈ ដែលជាប្រធានស្តីទីគណៈកម្មាធិការប្រតិបត្តិគណបក្សភ្លើងទៀនរាជធានីភ្នំពេញ និងជាប្រធានប្រតិបត្តិប្រចាំខណ្ឌពោធិ៍សែនជ័យនោះ គឺសមត្ថកិច្ចអនុវត្តតាមវិធានការច្បាប់ ដោយពុំមានហេតុផលអ្វីផ្សេងពាក់ព័ន្ធដល់ការគំរាមកំហែង ធ្វើទុកបុកម្នេញលើសកម្មជននយោបាយណាមួយ ដូចការចោទប្រកាន់របស់ក្រុមប្រឆាំង ឬពួកអគតិមួយក្តាប់តូចនោះឡើយ។ការឃាត់ខ្លួនចំពោះបុគ្គលខាងលើនេះ គឺធ្វើឡើងបន្ទាប់ពី លោក សេង ហៀង ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ បានចេញដីកាបង្គាប់ឲ្យសមត្ថកិច្ចនាំខ្លួនបុគ្គលរូបនេះមកបង្ហាញខ្លួននៅអយ្យការអមសាលាដំបូងរាជធានីភ្នំពេញឲ្យបានមុនថ្ងៃទី ៣១ ខែមករា ឆ្នាំ ២០២៤ ដើម្បីសាកសួរពីដំណើររឿងក្លែងបន្លំឯកសារ និងប្រើប្រាស់ឯកសារក្លែង។គួររំលឹកថា កាលពីនាថ្ងៃទី១១ ខែមករា ឆ្នាំ ២០២៤ សមត្ថកិច្ចជំនាញ នៃស្នងការដ្ឋាននគរបាលរាជធានីភ្នំពេញបានទទួលពាក្យបណ្ដឹងពីជនរងគ្រោះចំនួន៣នាក់ ប្តឹងឈ្មោះ ខឹម ចាន់វណ្ណៈ ពីបទក្លែងបន្លំឯកសារ ស្នាមមេដៃ និងហត្ថលេខាក្លែងក្លាយរបស់ពួកគាត់ ដើម្បីចុះឈ្មោះចូលបញ្ជីរាយនាមបេក្ខជនបម្រុងក្រុមប្រឹក្សាសង្កាត់ផ្សារថ្មីទី៣ របស់គណបក្សភ្លើងទៀន ដោយគ្មានការអនុញ្ញាតពីសាមីខ្លួន ដែលបានប្រព្រឹត្តនៅរាជធានីភ្នំពេញ កាលពីថ្ងៃទី ៧ ខែវិច្ឆិកា ឆ្នាំ ២០២៣កន្លងទៅ។ផ្អែកតាមលទ្ធផលកោសល្យវិច្ច័យនេះ លោក សេង ហៀង ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានចេញដីកាបញ្ជាឲ្យចូលខ្លួនចុះថ្ងៃទី ១៥ ខែមករា ឆ្នាំ ២០២៤ ពាក់ព័ន្ធសំណុំរឿងក្លែងបន្លំឯកសារ និងប្រើប្រាស់ឯកសារក្លែង ហើយសមត្ថកិច្ចបានឃាត់ខ្លួនជនឈ្មោះ ខឹម ចាន់វណ្ណៈ បញ្ជូនទៅតុលាការ ចាតការតាមនីតិវិធី នាថ្ងៃទី ១៦ ខែមករា ឆ្នាំ ២០២៤នេះ។បើតាមអ្នកនាំពាក្យស្នងការដ្ឋាននគរបាលរាជធានីភ្នំពេញ បានសង្កត់ធ្ងន់ថា ការឃាត់ខ្លួននេះ គឺសមត្ថកិច្ចអនុវត្តតាមវិធានការច្បាប់ ដោយពុំមានហេតុផលអ្វីផ្សេងពាក់ព័ន្ធដល់ការគំរាមកំហែង ធ្វើទុកបុកម្នេញលើសកម្មជននយោបាយណាមួយឡើយ ហើយបដិសេធ និងច្រានចោលទាំងស្រុងការចោទប្រកាន់ទាំងបំពានដោយគ្មានហេតុផល គ្មានមូលដ្ឋានច្បាស់លាស់របស់គណបក្សភ្លើងទៀន ដែលបានផ្សាយ កាលពីថ្ងៃទី ១៥ ខែមករា ឆ្នាំ ២០២៤»៕ អត្ថបទ៖ បាន ចក់

ប្រធានាធិបតីកូរ៉េខាងត្បូង រិះគន់កូរ៉េខាងជើង ចំពោះការកំណត់ប្រទេសលោកថាជាប្រទេសអរិភាព

ប្រធានាធិបតីកូរ៉េខាងត្បូង លោក យ៉ុន សុកយ៉ុល (Yoon Suk Yeol) នៅថ្ងៃអង្គារ (១៦ មករា) នេះបានរិះគន់ចំណាត់ការរបស់កូរ៉េខាងជើង ក្នុងការកំណត់កូរ៉េខាងត្បូងថាជាប្រទេសអរិភាព ដោយនិយាយថា នេះបង្ហាញពីធម្មជាតិ «ប្រឆាំងជាតិ និងប្រវត្តិសាស្ត្រ» របស់ទីក្រុងព្យុងយ៉ាង។លោក យ៉ុន ក៏បាននិយាយផងដែរថា ការបាញ់មីស៊ីល និងកាំភ្លើងធំនាពេលថ្មីៗនេះរបស់កូរ៉េខាងជើង គឺជា «ការបង្កហេតុផ្នែកនយោបាយ» ដើម្បីបង្កចលាចលដល់សាធារណៈជនកូរ៉េខាងត្បូង។នៅព្រឹកថ្ងៃដដែលនោះ ប្រព័ន្ធផ្សព្វផ្សាយរដ្ឋរបស់កូរ៉េខាងជើង បាននិយាយថា មេដឹកនាំកូរ៉េខាងជើង លោក គីម ជុងអ៊ុន កាលពីថ្ងៃចន្ទ (១៥ មករា) បានអំពាវនាវឱ្យមានការកែប្រែរដ្ឋធម្មនុញ្ញ ដើម្បីធានាថា កូរ៉េខាងត្បូង ត្រូវបានគេមើលឃើញថាជា «សត្រូវចម្បង» ហើយបានព្រមានថាកូរ៉េខាងជើង មិនមានចេតនាជៀសវាងសង្រ្គាមដែលគួរតែកើតឡើងនោះទេ។ការអំពាវនាវរបស់លោកគីម សម្រាប់ការផ្លាស់ប្តូររដ្ឋធម្មនុញ្ញនេះបានកើតឡើងនៅពេលដែលភាពតានតឹងបានកាន់តែអាក្រក់នៅក្នុងឧបទ្វីបកូរ៉េនាពេលថ្មីៗនេះ ស្របពេលមានការសាកល្បងមីស៊ីលជាបន្តបន្ទាប់ និងការជំរុញដោយទីក្រុងព្យុងយ៉ាង ដើម្បីបំបែកខ្លួនជាមួយនឹងគោលនយោបាយជាច្រើនទសវត្សរ៍ និងការផ្លាស់ប្តូរមធ្យោបាយដែលខ្លួនជាប់ទាក់ទងនឹងកូរ៉េខាងត្បូង៕

ប្រធានាធិបតី៖ អ៊ីរ៉ាក់មានគោលបំណងចូលរួមជាមួយអង្គការពាណិជ្ជកម្មពិភពលោក ដើម្បីជំរុញពាណិជ្ជកម្ម និងការអភិវឌ្ឍ

ប្រធានាធិបតីអ៊ីរ៉ាក់ លោក អាប់ឌុល ឡាទីហ្វ រ៉ាសហ៊ីដ ( Abdul Latif Rashid) បាននិយាយកាលពីថ្ងៃចន្ទថា ប្រទេសរបស់លោក ចង់ចូលរួមជាមួយអង្គការពាណិជ្ជកម្មពិភពលោក (WTO) ដើម្បីជំរុញប្រព័ន្ធពាណិជ្ជកម្មរបស់ខ្លួន និងសម្រេចបាននូវការអភិវឌ្ឍប្រកបដោយចីរភាព។លោកបាននិយាយក្នុងអំឡុងពេលកិច្ចប្រជុំមួយជាមួយលោក សាករ៉ាល់ មូកបែល (Saqr al-Muqbel) ដែលជាតំណាងអារ៉ាប៊ីសាអ៊ូឌីតប្រចាំអង្គការ WTO ដែលដឹកនាំក្រុមសម្រាប់មួយដោះស្រាយការចូលជាសមាជិករបស់អ៊ីរ៉ាក់ទៅក្នុងអង្គការនេះ នេះបើយោងតាមសេចក្តីថ្លែងការណ៍ពីការិយាល័យរបស់លោករ៉ាសហ៊ីដ។លោករ៉ាសហ៊ីដ បានថ្លែងថា ប្រទេសអ៊ីរ៉ាក់ មានបំណងចង់បំពេញតាមស្តង់ដាពាណិជ្ជកម្ម និងសេដ្ឋកិច្ចដែលត្រូវការ ដើម្បីចូលរួម WTO ហើយបានថ្លែងអំណរគុណដល់ក្រុមអារ៉ាប៊ីសាអ៊ូឌីតសម្រាប់កិច្ចខិតខំប្រឹងប្រែងរបស់ខ្លួន។រដ្ឋមន្ត្រីពាណិជ្ជកម្មអ៊ីរ៉ាក់ លោក អាតហៀ អាល់ហ្គុរ៉ៃរី (Atheer al-Ghurairi) បាននិយាយនៅក្នុងសន្និសីទសារព័ត៌មានរួមគ្នាជាមួយលោក អាល់មូកបែលថា អ៊ីរ៉ាក់មានបំណងក្លាយជា «អ្នកដើរតួដ៏សំខាន់ នៅក្នុងសេដ្ឋកិច្ចពិភពលោក តាមរយៈកំណែទម្រង់នានា។លោកអាល់មូកបែល បាននិយាយថា អារ៉ាប៊ីសាអ៊ូឌីត នឹងគាំទ្រអ៊ីរ៉ាក់ នៅថ្នាក់ជាតិ តំបន់ និងអន្តរជាតិក្នុងកិច្ចប្រឹងប្រែងរបស់ខ្លួនដើម្បីចូលរួមជាមួយ WTO។

ក្រុមហ៊ុន Apple បញ្ចុះតម្លៃដ៏កម្រលើទូរស័ព្ទម៉ាក iPhone 15 នៅចិន ខណៈការប្រកួតប្រជែងកាន់តែខ្លាំង

ក្រុមហ៊ុន អេបផល (Apple) កំពុងផ្តល់ការបញ្ចុះតម្លៃដ៏កម្រលើទូរស័ព្ទអាយហ្វូន (iPhone) របស់ខ្លួននៅក្នុងប្រទេសចិន ដោយកាត់បន្ថយតម្លៃលក់រាយរហូតដល់ ៥០០យ័ន ដែលប្រហែលនឹង ៧០ដុល្លារ ស្របពេលមានសម្ពាធប្រកួតប្រជែងកាន់តែខ្លាំងនៅក្នុងទីផ្សារស្មាតហ្វូនដ៏ធំបំផុតរបស់ពិភពលោក។គេហទំព័រចិនរបស់ក្រុមហ៊ុនអេបផល បានបង្ហាញកាលពីថ្ងៃចន្ទ (១៥ មករា) ថាក្រុមហ៊ុនបច្ចេកវិទ្យាខ្នាតយក្សរបស់អាមេរិកមួយនេះបានទម្លាក់តម្លៃ អាយហ្វូន មួយចំនួនរហូតដល់ ៥ភាគរយ។ ការផ្សព្វផ្សាយកំណត់ពេលវេលា ដែលដាក់ថាជាព្រឹត្តិការណ៍បុណ្យចូលឆ្នាំប្រពៃណីចិននេះ នឹងមានរយៈពេលចាប់ពីថ្ងៃទី១៨ ខែមករា រហូតដល់ថ្ងៃទី២១ ខែមករា ក្នុងការឈានទៅដល់ថ្ងៃឈប់សម្រាកនៅពាក់កណ្តាលខែកុម្ភៈ។ ការលក់ទូរស័ព្ទប្រភេទអាយហ្វូន១៥ (iPhone 15) ស៊េរីចុងក្រោយរបស់ក្រុមហ៊ុន អេបផល គឺមានចំនួនតិចជាងម៉ូដែលមុនៗក្នុងប្រទេសចិន។គូប្រជែងដែលផលិតទូរស័ព្ទក្នុងស្រុក ដូចជាក្រុមហ៊ុន ហ័រវ៉ី តិចណូឡូជីស៍ (Huawei Technologies) និងក្រុមហ៊ុនសាវមី (Xiaomi) ផ្តល់ជូននូវម៉ូដែលប្រកួតប្រជែងជាច្រើន ខណៈដែលប្រភពបាននិយាយថា ក្រុមហ៊ុន និងនាយកដ្ឋានរដ្ឋាភិបាលមួយចំនួនបាននិងកំពុងរឹតបន្តឹងការប្រើប្រាស់ឧបករណ៍របស់ក្រុមហ៊ុន អេបផល របស់បុគ្គលិក ដោយឆ្លុះបញ្ចាំងពីការរឹតបន្តឹងរបស់រដ្ឋាភិបាលសហរដ្ឋអាមេរិកចំពោះកម្មវិធីរបស់ចិន លើហេតុផលសុវត្ថិភាព។ក្រុមអ្នកវិភាគរបស់សម្ព័ន្ធហិរញ្ញវត្ថុ ជេហ្វឺរីស៍ (Jefferies) បាននិយាយនៅក្នុងកំណត់ត្រាអតិថិជនថា ការលក់ទូរស័ព្ទអាយហ្វូនរបស់ចិនបានធ្លាក់ចុះ ៣០% នៅក្នុងសប្តាហ៍ដំបូងនៃឆ្នាំ២០២៤ ធៀបនឹងរយៈពេលដូចគ្នាកាលពីឆ្នាំមុន ហើយបានធ្លាក់ចុះ ៣% សម្រាប់ពេញមួយឆ្នាំ២០២៣។ ក្រុមអ្នកវិភាគរំពឹងថា ទិដ្ឋភាពប្រកួតប្រជែងនឹងកាន់តែតានតឹងនៅឆ្នាំនេះ៕

យុវជនកាកបាទក្រហមកូរ៉េ ផ្លាស់ប្តូរបទពិសោធន៍ជាមួយយុវជនកាកបាទក្រហមកម្ពុជា លើកទី២

លោកជំទាវ ម៉ែន នារីសោភ័គ អគ្គលេខាធិការស្តីទីកាកបាទក្រហមកម្ពុជា នៅថ្ងៃទី១៥ ខែមករា ឆ្នាំ២០២៤ម្សិលមិញ បានទទួលស្វាគមន៍ដំណើរទស្សនកិច្ចផ្លាស់ប្តូរបទពិសោធន៍ ជាលើកទី២ របស់គណៈប្រតិភូយុវជនកាកបាទក្រហម សាធារណរដ្ឋកូរ៉េ សាខាអ៊ូសាន ចំនួន ៤៥រូប ដឹកនាំដោយលោកស្រី LEE MINSEON ជាប្រធានប្រតិភូ ដែលជំនួបនេះប្រព្រឹត្តទៅនៅទីស្នាក់ការកណ្តាលកាកបាទក្រហមកម្ពុជា។ ក្នុងឱកាសនោះលោកជំទាវ អគ្គលេខាធិការស្តីទី បានសម្តែងនូវក្តីសោមនស្សរីករាយ និងស្វាគមន៍យ៉ាងកក់ក្តៅចំពោះដំណើរទស្សនកិច្ចផ្លាស់ប្តូរបទពិសោធន៍ រយៈពេល៦ថ្ងៃ ចាប់ពីថ្ងៃទី១៥ ដល់ថ្ងៃទី២០ ខែមករា ឆ្នាំ២០២៤ របស់គណៈប្រតិភូយុវជនកាកបាទក្រហមសាធារណរដ្ឋកូរ៉េ សាខាអ៊ូសាន ជាមួយកាកបាទក្រហមកម្ពុជា។ លោកជំទាវ អគ្គលេខាធិការស្តីទី បានធ្វើបទបង្ហាញស្តីពីប្រវត្តិរបស់កាកបាទក្រហមកម្ពុជា ដែលបានចាប់បដិសន្ធិនៅថ្ងៃទី១៨ ខែកុម្ភៈ ឆ្នាំ១៩៥៥ និងមានសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ជាព្រះប្រធានកិត្តិយស ចាប់តាំងពីឆ្នាំ១៩៩៤ រៀងដរាបមក និងមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ត្រូវបានជាប់ឆ្នោតជាប្រធាន កាកបាទក្រហមកម្ពុជា ដោយមហាសន្និបាត ចាប់តាំងពីអាណត្តិទី២ ឆ្នាំ១៩៩៨ រហូតដល់អាណត្តិទី៧ នាពេលបច្ចុប្បន្ននេះ។សកម្មភាពការងាររបស់កាកបាទក្រហមកម្ពុជា តាមយុទ្ធសាស្ត្រ២០២១-២០៣០ ដែលធ្វើប្រតិបត្តិការទៅតាមវិស័យអាទិភាពចំនួន៤ រួមមាន៖ ១-ការគ្រប់គ្រងគ្រោះមហន្តរាយ វិបត្តិភ័យ និងការប្រែប្រួលអាកាសធាតុ ២-សុខភាព និងការថែទាំសុខភាពក្នុងសហគមន៍ ៣-ការលើកកម្ពស់គោលការណ៍គ្រឹះ តម្លៃមនុស្សធម៌ និងវប្បធម៌អហិង្សា និង៤-ការអភិវឌ្ឍស្ថាប័ន។ លោកជំទាវ ក៏បានរំលេចដែរពីសកម្មភាពសំខាន់ៗថ្មីៗនេះ ដែលកាកបាទក្រហមកម្ពុជា បានធ្វើជាម្ចាស់ផ្ទះ (ជុំទី៣) នៃកិច្ចប្រជុំថ្នាក់ដឹកនាំលើកទី២០ និងវេទិកាយុវជនលើកទី២ នៃសមាគមជាតិកាកបាទក្រហម និងអឌ្ឍចន្ទក្រហម ភូមិភាពអាស៊ីអាគ្នេយ៍ ក៏ដូចជាសកម្មភាពក្នុងការចូលរួមលើកកម្ពស់បរិស្ថាន ទប់ស្កាត់ការប្រែប្រួលអាកាសធាតុ តាមរយៈ ការចូលរួមដាំដើមឈើ និងយុទ្ធនាការកាត់បន្ថយការប្រើប្រាស់ថង់ប្លាស្ទិកជាដើម។ក្នុងឱកាសនោះដែរ តំណាងយុវជន និងអ្នកស្ម័គ្រចិត្តកាកបាទក្រហមកម្ពុជា ២រូប បានធ្វើបទបង្ហាញស្តីពីបណ្តាញយុវជន និងអ្នកស្ម័គ្រចិត្តកាកបាទក្រហមកម្ពុជា នៅតាមសាខាទាំង២៥រាជធានីខេត្ត និងការចូលរួមរបស់យុវជនកាកបាទក្រហមកម្ពុជា ក្នុងសកម្មភាពកិច្ចសហប្រតិបត្តិការថ្នាក់ជាតិ តំបន់ និងភូមិភាគ ជាពិសេសបានគូសបញ្ជាក់ពីសេចក្តីសម្រេចចិត្ត និងសំណូមពររបស់យុវជន ក្នុងសេចក្តីថ្លែងការណ៍វេទិកាយុវជនលើកទី១ និងលើកទី២ នៃសមាគមជាតិកាកបាទក្រហម និងអឌ្ឍចន្ទក្រហម ភូមិភាគអាស៊ីអាគ្នេយ៍ ជូនដល់គណៈប្រតិភូយុវជនកាកបាទក្រហមសាធារណរដ្ឋកូរ៉េ សាខាអ៊ូសាន ផងដែរ។លោកស្រី LEE MINSEON ប្រធានប្រតិភូយុវជនកាកបាទក្រហមសាធារណរដ្ឋកូរ៉េ សាខាអ៊ូសាន បានថ្លែងអំណរគុណយ៉ាងជ្រាលជ្រៅ ចំពោះការធ្វើបទបង្ហាញរបស់កាកបាទក្រហមកម្ពុជា ដែលឆ្លុះបញ្ចាំងពីសកម្មភាពមនុស្សធម៌ មានលក្ខណៈស្រដៀងគ្នា ទៅនឹងការងាររបស់កាកបាទក្រហមសាធារណរដ្ឋកូរ៉េផងដែរ។ លោកស្រីបានថ្លែងអំណរគុណចំពោះក្រុមការងារកាកបាទក្រហមកម្ពុជា ដែលបានទទួលបដិសណ្ឋារកិច្ចយ៉ាងកក់ក្តៅ ក្នុងកំឡុងពេលស្នាក់នៅព្រះរាជាណាចក្រកម្ពុជា ក៏ដូចជាការសម្របសម្រួលនានា ក្នុងដំណើរទស្សនកិច្ចផ្លាស់ប្តូរបទពិសោធន៍នេះ។ ជាមួយគ្នានេះ លោកស្រី បានគូសបញ្ជាក់ថា កាកបាទក្រហមសាធារណរដ្ឋកូរ៉េ និងកាកបាទក្រហមកម្ពុជា តែងតែមានទំនាក់ទំនង កិច្ចសហប្រតិបត្តិការល្អជាមួយគ្នានាពេលកន្លងមក ហេតុដូច្នេះហើយការផ្លាស់ប្តូរបទពិសោធន៍ជាលើកទី២នេះ នឹងធ្វើឱ្យសមាគមជាតិទាំងពីរ កាន់តែមានភាពជិតស្និទ្ធ សាមគ្គីភាព និងមិត្តភាពយូរអង្វែងតទៅ៕ អត្ថបទ៖ សំ ងីម

រដ្ឋាភិបាលជប៉ុន នឹងបង្កើនមូលនិធិទ្វេដងឆ្នាំសារពើពន្ធ២០២៤ សម្រាប់ការស្តារឡើងវិញការរញ្ជួយដី

រដ្ឋាភិបាលជប៉ុន មានផែនការបង្កើនមូនិធិបម្រុងទ្វេដង ក្នុងសេចក្តីព្រាងថវិកាសារពើពន្ធឆ្នាំ ២០២៤ របស់ខ្លួន សម្រាប់កិច្ចប្រឹងប្រែងស្តារឡើងវិញពីគ្រោះរញ្ជួយដី។ រដ្ឋាភិបាលនិយាយថា គោលដៅ គឺដើម្បីជួយជនរងគ្រោះពីការរញ្ជួយដីនៅឧបទ្វីប Noto កសាងឡើងវិញឱ្យបានឆាប់តាមដែលអាចធ្វើទៅបាន។រដ្ឋាភិបាល ត្រូវបានគេរំពឹងថានឹងអនុម័តការដំឡើងមូលនិធិដល់ ជិត ៧ ពាន់លានដុល្លារសម្រាប់ឆ្នាំសារពើពន្ធដែលចាប់ផ្តើមនៅក្នុងខែមេសា។ សមាជិកសភា មានផែនការអនុម័តសេចក្តីស្នើច្បាប់នេះក្នុងអំឡុងពេលសម័យប្រជុំសាមញ្ញ ដែលនឹងចាប់ផ្តើមនៅចុងខែនេះ។រដ្ឋាភិបាលមានផែនការបរិច្ចាគប្រហែល ៧០០លានដុល្លារពីថវិកាសារពើពន្ធឆ្នាំ ២០២៣ ដល់កិច្ចខិតខំប្រឹងប្រែងស្តារឡើងវិញ។ ការផ្តោតការយកចិត្តទុកដាក់នៅពេលនេះ គឺលើការកែធ្វើឲ្យប្រសើរឡើងលក្ខខណ្ឌនៅកន្លែងជម្លៀសខ្លួន ការទទួលបានលំនៅឋានបណ្តោះអាសន្ន និងការជួសជុលហេដ្ឋារចនាសម្ព័ន្ធដែលរងការបំផ្លាញ។រដ្ឋាភិបាល កំពុងជំរុញឱ្យអ្នកនៅរស់រានមានជីវិត ផ្លាស់ទីទៅកន្លែងស្នាក់នៅខាងក្រៅតំបន់រងគ្រោះ ដើម្បីសុខភាព និងសុវត្ថិភាពរបស់ពួកគេ។ រដ្ឋាភិបាល មានផែនការរៀបចំពេលវេលាសម្រាប់ការជួសជុលហេដ្ឋារចនាសម្ព័ន្ធ និងការសាងសង់លំនៅឋានបណ្តោះអាសន្នឱ្យបានឆាប់តាមដែលអាចធ្វើទៅបាន។

បណ្ដាញសង្គម

ព័ត៌មានថ្មីៗ

ក្រសួងការងារបន្តអំពាវនាវអតីតពលករត្រឡប់មកពីថៃ ងាកមកធ្វើការក្នុងស្រុក ខណៈរោងចក្រ សហគ្រាសមានចំនួនកើនឡើងជាង៦០០

ក្រុមហ៊ុនអាកាសចរណ៍មួយពីឌូបៃ ចាប់អារម្មណ៍ផ្សព្វផ្សាយទេសចរណ៍កម្ពុជា និងពិចារណាភ្ជាប់ជើងហោះហើរមកកម្ពុជា

ម្ចាស់អាជីកម្មកំពុងមានមោទនភាពលើការផលិត និងការលក់ដូរ ក្រោមស្មារតីស្នេហាជាតិកំពុងមានសម្ទុះ

ក្រសួងឧស្សាហកម្មបើកយុទ្ធនាការអភិវឌ្ឍន៍សហគ្រាស និងអនុលោមភាពផលិតផល លើកកម្ពស់ សហគ្រាសក្នុងស្រុក

រដ្ឋមន្ត្រីក្រសួងវប្បធម៌ធ្វើបទបង្ហាញជូនឧត្តមក្រុមប្រឹក្សាពិគ្រោះ និងផ្តល់យោបល់

សមាគមអតីតយុទ្ធជន ប្រគល់ផ្ទះ ៤ខ្នងជាអំណោយរបស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ជូនសមាជិកមានជីវភាពខ្វះខាត ក្នុងខេត្តបាត់ដំបង

ក្រុមការងារសកម្មភាពជនពិការប្រចាំក្រសួងវប្បធម៌ធ្វើសិក្ខាសាលាផ្សព្វផ្សាយ “អនុសញ្ញាស្តីពីសិទ្ធិជនពិការ” ជូនក្រុមការងារសកម្មភាពជនពិការប្រចាំក្រសួង

លោក ណម វិស្សុត ប្រធាននាយកប្រតិបត្តិនៃ អ៊ែរអេស៊ា ខេមបូឌា ត្រូវបានអញ្ជើញឱ្យចូលរួមជាវាគ្មិននៅក្នុងកម្មវិធីវេទិកាសេដ្ឋកិច្ចពិភពលោក ប្រចាំឆ្នាំ២០២៦

កម្ពុជា-ឥណ្ឌា បង្កើនកិច្ចសហប្រតិបត្តិការយោធា! ឥណ្ឌាត្រៀមជួយពង្រឹងសមត្ថភាពកងទ័ពកម្ពុជា និងគាំទ្របច្ចេកវិទ្យាការពារជាតិ

សមត្ថកិច្ចរាជធានីភ្នំពេញកសាងសំណុំរឿងបញ្ចូនបុគ្គល K01 ទៅតុលាការពាក់ព័ន្ធករណីហិង្សាលើយុវជនម្នាក់ហើយថតបង្ហោះចែកចាយលើបណ្តាញសង្គម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ក្រុមហ៊ុនជំនាញកសិកម្មឈានមុខនៅអាស៊ី ស្វែងរកឱកាសវិនិយោគលើដំណាំស្រូវ និងអំពៅ នៅកម្ពុជា

បច្ចុប្បន្នរាជរដ្ឋាភិបាលប្រគល់បណ្ណកម្មសិទ្ធិដីធ្លីដល់ពលរដ្ឋបានប្រមាណ ៥លានបណ្ណ និងបន្តចែក២លានបណ្ណទៀត

សម្តេចធិបតីនាយករដ្ឋមន្រ្តី អនុញ្ញាតឱ្យថ្នាក់ដឹកនាំក្រុមហ៊ុន Shenzhen Power Solution ចូលជួបសម្តែងការគួរសម នៅប្រទេសស្វីស

សមត្ថកិច្ចបញ្ជាក់ថា ការចាប់ខ្លួនឈ្មោះ ខឹម ចាន់វណ្ណៈ ដោយសារក្លែងបន្លំឯកសារ ពុំជាប់ពាក់ព័ន្ធនយោបាយនោះទេ

ប្រធានាធិបតីកូរ៉េខាងត្បូង រិះគន់កូរ៉េខាងជើង ចំពោះការកំណត់ប្រទេសលោកថាជាប្រទេសអរិភាព

ក្រុមហ៊ុន Apple បញ្ចុះតម្លៃដ៏កម្រលើទូរស័ព្ទម៉ាក iPhone 15 នៅចិន ខណៈការប្រកួតប្រជែងកាន់តែខ្លាំង

យុវជនកាកបាទក្រហមកូរ៉េ ផ្លាស់ប្តូរបទពិសោធន៍ជាមួយយុវជនកាកបាទក្រហមកម្ពុជា លើកទី២

រដ្ឋាភិបាលជប៉ុន នឹងបង្កើនមូលនិធិទ្វេដងឆ្នាំសារពើពន្ធ២០២៤ សម្រាប់ការស្តារឡើងវិញការរញ្ជួយដី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ក្រុមហ៊ុនជំនាញកសិកម្មឈានមុខនៅអាស៊ី ស្វែងរកឱកាសវិនិយោគលើដំណាំស្រូវ និងអំពៅ នៅកម្ពុជា

បច្ចុប្បន្នរាជរដ្ឋាភិបាលប្រគល់បណ្ណកម្មសិទ្ធិដីធ្លីដល់ពលរដ្ឋបានប្រមាណ ៥លានបណ្ណ និងបន្តចែក២លានបណ្ណទៀត

សមត្ថកិច្ចបញ្ជាក់ថា ការចាប់ខ្លួនឈ្មោះ ខឹម ចាន់វណ្ណៈ ដោយសារក្លែងបន្លំឯកសារ ពុំជាប់ពាក់ព័ន្ធនយោបាយនោះទេ

ប្រធានាធិបតីកូរ៉េខាងត្បូង រិះគន់កូរ៉េខាងជើង ចំពោះការកំណត់ប្រទេសលោកថាជាប្រទេសអរិភាព

ក្រុមហ៊ុន Apple បញ្ចុះតម្លៃដ៏កម្រលើទូរស័ព្ទម៉ាក iPhone 15 នៅចិន ខណៈការប្រកួតប្រជែងកាន់តែខ្លាំង

យុវជនកាកបាទក្រហមកូរ៉េ ផ្លាស់ប្តូរបទពិសោធន៍ជាមួយយុវជនកាកបាទក្រហមកម្ពុជា លើកទី២

រដ្ឋាភិបាលជប៉ុន នឹងបង្កើនមូលនិធិទ្វេដងឆ្នាំសារពើពន្ធ២០២៤ សម្រាប់ការស្តារឡើងវិញការរញ្ជួយដី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍