នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់
សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់
ឯកឧត្តម ចាន់ ដារ៉ុង ដឹកនាំគណៈកម្មការ​អន្តរ​ក្រសួង​ចុះ​ពិនិត្យ​វាយ​តម្លៃ​បញ្ចប់​សុពល​ភាព​ការងារ​ថែ​ទាំ​ផ្លូវ​ខួបចំនួន ៣កំណាត់ ក្នុងខេត្តពោធិ៍សាត់
BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យ​នូវ​កិច្ច​ប្រជុំ​​វិសាមញ្ញ នៃ​គណៈកម្មាធិកា​រ​ព្រំដែន​ទូទៅកម្ពុជា-ថៃ

នយោបាយ​ និង ការអភិវឌ្ឍន៍

ការបាញ់មីស៊ីលដោយមិនប្រុងប្រយ័ត្នរបស់កូរ៉េខាងជើង ត្រូវការការឆ្លើយតបជាសាកលដ៏ម៉ឺងម៉ាត់

2023/12/20 10:23:37 am        142
Facebook Telegram Linkin
បណ្ដាប្រទេសមហាអំណាចពិភពលោកបាននិយាយកាលពីថ្ងៃអង្គារទី១៩ ខែធ្នូថា សហគមន៍អន្តរជាតិត្រូវការការឆ្លើយតបយ៉ាងម៉ឺងម៉ាត់និងឯកភាពគ្នា ចំពោះការផលិតអាវុធនុយក្លេអ៊ែរ និងការបាញ់មីស៊ីល ដោយខ្វះការប្រុងប្រយ័ត្ន របស់កូរ៉េខាងជើង។ ក្រុមរដ្ឋមន្ត្រីការបរទេស G7 បាននិយាយនៅក្នុងសេចក្តីថ្លែងការណ៍មួយបន្ទាប់ពីការបាញ់មីស៊ីលអន្តរទ្វីបដ៏មានឥទ្ធិពលបំផុតរបស់ទីក្រុងព្យុងយ៉ាងថា សកម្មភាពដែលគ្មានការប្រុងប្រយ័ត្នម្តងហើយម្តងទៀតរបស់កូរ៉េខាងជើង ត្រូវតែឆ្លើយតបយ៉ាងរហ័ស រួបរួម និងម៉ឺងម៉ាត់ ជាពិសេសពីសំណាក់ក្រុមប្រឹក្សាសន្តិសុខអង្គការសហប្រជាជាតិ ។ ប្រទេសកូរ៉េខាងជើងកាលពីថ្ងៃចន្ទដើមសប្ដាហ៍នេះ បានបាញ់សាកល្បងមីស៊ីលផ្លោងអន្តរទ្វីបទំនើបនិងមានសមត្ថភាពខ្លាំបំផុត ដែលអាចបាញ់ទៅដល់សហរដ្ឋអាមេរិក។ កូរ៉េខាងជើង បាននិយាយថា មេដឹកនាំរបស់ខ្លួន លោក គីម ជុងអ៊ុន (Kim Jong Un) បានត្រួតពិនិត្យការបាញ់នេះ ដោយផ្ទាល់ ហើយបានព្រមានទីក្រុងវ៉ាស៊ីនតោន ដែលបានពង្រឹងទំនាក់ទំនង ជាមួយកូរ៉េខាងត្បូង ប្រឆាំងនឹងការធ្វើការសម្រេចចិត្តខុស។ នៅក្នុងទង្វើចុងក្រោយបំផុត ដើម្បីជំរុញកិច្ចសហប្រតិបត្តិការត្រីភាគី រវាងប្រទេសជប៉ុន កូរ៉េខាងត្បូង និងសហរដ្ឋអាមេរិក កាលពីថ្ងៃអង្គារ បានធ្វើឱ្យសកម្មនៃប្រព័ន្ធមួយដើម្បីចែករំលែកទិន្នន័យពេលវេលាជាក់ស្តែងស្តីពីការបាញ់អាវុធរបស់កូរ៉េខាងជើងដែលត្រូវបានព្រមព្រៀងនៅក្នុងកិច្ចប្រជុំកំពូលក្នុងចំណោមមេដឹកនាំប្រទេសទាំងបីកាលពីខែសីហា៕

លោក Zelenskiy ជឿជាក់ថាសហរដ្ឋអាមេរិក នឹងមិនក្បត់អ៊ុយក្រែន ជុំវិញជំនួយហិរញ្ញវត្ថុនោះទេ

2023/12/20 10:18:25 am        116
Facebook Telegram Linkin
ប្រធានាធិបតីអ៊ុយក្រែន លោក វ៉្លូឌីមី ហ្ស៊េលែនស្គី (Volodymyr Zelenskiy) បាននិយាយកាលពីថ្ងៃអង្គារ (១៩ ធ្នូ) ថាលោកមានទំនុកចិត្តថា សហរដ្ឋអាមេរិកនឹងមិន «ក្បត់» ប្រទេសអ៊ុយក្រែន ដោយការពន្យារពេលមូលនិធិដ៏សំខាន់ក្នុងសម័យសង្គ្រាម ខណៈដែលខ្លួនប្រយុទ្ធប្រឆាំងនឹងការឈ្លានពានរបស់រុស្ស៊ី។ ជំនួយសម្រាប់អ៊ុយក្រែន ត្រូវបានពន្យារដោយគណបក្សសាធារណរដ្ឋនៅក្នុងសភាសហរដ្ឋអាមេរិក ហើយសេតវិមានបានព្រមានថាជំនួយនឹងអស់នៅចុងឆ្នាំ ប្រសិនបើមិនបន្ត។លោក Zelenskiy បាននិយាយក្នុងអំឡុងសន្និសីទសារព័ត៌មានតាមទូរទស្សន៍នៅទីក្រុងគីវ ថា «យើងកំពុងធ្វើការយ៉ាងមមាញឹកលើបញ្ហានេះ ហើយខ្ញុំប្រាកដថាសហរដ្ឋអាមេរិកនឹងមិនក្បត់យើងទេ ហើយអ្វីដែលយើងបានព្រមព្រៀងគ្នានៅក្នុងសហរដ្ឋអាមេរិក នឹងត្រូវបានសម្រេចទាំងស្រុង»។ លោកបានបន្ថែមថា ជំនួយផ្នែកហិរញ្ញវត្ថុគឺជាគន្លឹះសំខាន់ក្នុងការការពារអ៊ុយក្រែន ពីការវាយប្រហាររបស់ទីក្រុងមូស្គូ ដែលជិតឈានដល់រយៈពេលពីរឆ្នាំ ហើយមិនមានសញ្ញាណាមួយនៃការធូរស្រាលនោះទេ។អ៊ុយក្រែនសង្ឃឹមថា នឹងទទួលបានថវិកាចំនួន ៤៣ពាន់លានដុល្លារនៅឆ្នាំក្រោយ ដែលភាគច្រើនរួមជាមួយជំនួយបរទេស ព្រមទាំងថវិកា ១៨,៥ពាន់លានអឺរ៉ូពីសហភាពអឺរ៉ុប និងជាង ៨ពាន់លានដុល្លារពីកញ្ចប់ថវិការបស់សហរដ្ឋអាមេរិក ដែលមានជំនួយយោធាដ៏សំខាន់ផងដែរ៕

លោក Trump ត្រូវបានរារាំងមិនឲ្យមានឈ្មោះក្នុងសន្លឹកឆ្នោតនៅរដ្ឋ Colorado សហរដ្ឋអាមេរិក

2023/12/20 10:09:44 am        121
Facebook Telegram Linkin
តុលាការកំពូលនៃរដ្ឋ ខូឡូរ៉ាដូ (Colorado) របស់សហរដ្ឋអាមេរិក កាលពីថ្ងៃអង្គារ (១៩ ធ្នូ) បានដកសិទ្ធិអតីតប្រធានាធិបតី លោក ដូណាល់ ត្រាំ (Donald Trump) មិនឲ្យមានឈ្មោះក្នុងសន្លឹកឆ្នោតក្នុងការបោះឆ្នោតប្រធានាធិបតីរបស់រដ្ឋនេះនៅឆ្នាំក្រោយ ជុំវិញតួនាទីរបស់លោកកាលពីថ្ងៃទី០៦ ខែមករា ឆ្នាំ២០២១ ក្នុងការវាយប្រហារលើវិមានកាពីតូល របស់សហរដ្ឋអាមេរិក ដោយអ្នកគាំទ្ររបស់ខ្លួន។សេចក្តីសម្រេចនេះ ធ្វើឱ្យលោក ត្រាំ ក្លាយជាបេក្ខជនប្រធានាធិបតីដំបូងគេក្នុងប្រវត្តិសាស្ត្រសហរដ្ឋអាមេរិក ដែលត្រូវបានចាត់ទុកថាមិនមានសិទ្ធិសម្រាប់គ្រប់គ្រងសេតវិមាន ក្រោមបទប្បញ្ញត្តិដ៏កម្រប្រើនៃរដ្ឋធម្មនុញ្ញសហរដ្ឋអាមេរិក ដែលរារាំងមន្ត្រីដែលបានចូលរួមក្នុង «ការបះបោរ ឬការប្រឆាំង» មិនឲ្យកាន់តំណែង។តុលាការបានសម្រេចថា រដ្ឋធម្មនុញ្ញរបស់សហរដ្ឋអាមេរិក រារាំងបេក្ខជនប្រធានាធិបតីនាំមុខគេសម្រាប់ការតែងតាំងពីគណបក្សសាធារណរដ្ឋនៅឆ្នាំ២០២៤ រូបនេះ ពីការមានឈ្មោះនៅលើសន្លឹកឆ្នោតដោយសារតែតួនាទីរបស់លោកក្នុងការជំរុញឱ្យមានអំពើហិង្សាប្រឆាំងនឹងរដ្ឋាភិបាលសហរដ្ឋអាមេរិក។បណ្ដឹងនេះត្រូវបានបញ្ជូនដោយក្រុមអ្នកបោះឆ្នោតរដ្ឋ ខូឡូរ៉ាដូ ជំរុញដោយក្រុមពលរដ្ឋសម្រាប់ទំនួលខុសត្រូវ និងសីលធម៌នៅទីក្រុងវ៉ាស៊ីនតោន ដែលបានប្រកែកថា លោក ត្រាំ គួរតែត្រូវបានដកសិទ្ធិពីការបោះឈ្នោតជុំវិញការញុះញង់អ្នកគាំទ្ររបស់ខ្លួនឱ្យវាយប្រហារវិមានកាពីតូល ក្នុងការប៉ុនប៉ងដែលបរាជ័យរបស់ខ្លួន ដើម្បីរារាំងការផ្ទេរអំណាចប្រធានាធិបតីទៅលោក ចូ បៃដិន ក្រោយការបោះឆ្នោតឆ្នាំ២០២០៕

ឯកឧត្តម គីម រិទ្ធី ណែនាំឱ្យពង្រឹងអនុវត្តន៍តួនាទីភារកិច្ចជំនាញ លើការផ្តល់សេវាជូនប្រជាពលរដ្ឋឲ្យកាន់តែប្រសើរថែមទៀត

2023/12/20 10:04:12 am        117
Facebook Telegram Linkin
ព្រះវិហារ៖ រដ្ឋបាលខេត្តព្រះវិហារ នៅព្រឹកថ្ងៃទី១៩ ខែធ្នូ ម្សិលមិញនេះ បានបើកកិច្ចប្រជុំគណៈបញ្ជាការឯកភាពរដ្ឋបាលខេត្ត ឯកឧត្តម គីម រិទ្ធី អភិបាលនៃគណៈអភិបាលខេត្តព្រះវិហារ បានធ្វើការណែនាំដល់ គណៈបញ្ជាការឯកភាពរដ្ឋបាលខេត្ត-ក្រុង-ស្រុកត្រូវពង្រឹងអនុវត្តន៍តួនាទីភារកិច្ចជំនាញ លើការផ្តល់សេវាជូនប្រជាពលរដ្ឋឲ្យកាន់តែប្រសើរថែមទៀត ។កិច្ចប្រជុំនាពេលនេះ បានលើកឡើងអំពីរបាយការណ៍ បញ្ហាប្រឈម ការងារសន្តិសុខ សណ្តាប់ធ្នាប់សាធារណៈប្រចាំឆ្នាំ២០២៣ សន្តិសុខសណ្តាប់ធ្នាប់តាមបណ្តោយព្រំដែន ការ ទប់ស្កាត់ និងបង្ក្រាបបទល្មើសគ្រឿងញៀន បទល្មើសធនធានធម្មជាតិ ការជួញដូរមនុស្ស និង បទល្មើសផ្សេងៗ។ក្នុងឱកាសនោះដែរឯកឧត្តម ក៏បានណែនាំឲ្យមានមន្រ្តីប្រចាំការទទួលខុសត្រូវ ដើម្បីដោះស្រាយការស្នើសុំសេវាផ្សេងៗ ពីប្រជាពលរដ្ឋឲ្យបានឆាប់រហ័ស ពង្រឹងយន្តការតាមដាន ត្រួតពិនិត្យបញ្ហាដឹកនាំការអនុវត្ត របស់គណៈបញ្ជាការឯកភាពរដ្ឋបាលខេត្ត-ក្រុង-ស្រុក ដើម្បីទប់ស្កាត់បទល្មើសគ្រប់ប្រភេទ និងស្រាវជ្រាវបង្ក្រាបបទល្មើស ឲ្យមានប្រសិទ្ធភាព លើកកម្ពស់គុណភាព និងសមត្ថភាពរបស់ មន្ត្រីនគរបាលយុត្តិធម៌ និងប៉ុសិ៍តនគរបាលរដ្ឋបាលឃុំ-សង្កាត់ ពង្រឹង និងពង្រីកប្រជាការពារ ​បន្ថែមឲ្យសមស្របតាមតម្រូវការ និងភូមិសាស្រ្តជាក់ស្តែង​របស់មូលដ្ឋាន បង្កើនការអប់រំ ផ្សព្វផ្សាយអំពីច្បាប់ពាក់ព័ន្ធ និងច្បាប់ចរាចរណ៍ផ្លូវគោកថ្មី និង​បង្កើនការផ្លាស់ប្តូរព័ត៌មានជា​ មួយដៃគូជាតិ និងអន្តរជាតិ ដើម្បីស្រាវជ្រាវទប់ស្កាត់បទល្មើសផ្សេងដែលកើតមានឡើង។ឯកឧត្តម គីម រិទ្ធី បានកោតសរសើរដល់ គណៈបញ្ជាការឯកភាព រដ្ឋបាលខេត្ត ក្រុង ស្រុក ដែលបាន​ខិតខំបំពេញការងារនាពេលកន្លងមក សម្រេចបានលទ្ធផល ល្អប្រសើរ និងបានទប់ស្កាត់​បានយ៉ាងល្អប្រសើរនូវអំពើឆក់ប្លន់ ការជួញដូរគ្រឿងញៀន និងបទ ល្មើសផ្សេងៗ នៅក្នុងភូមិសាស្រ្តខេត្ត ​ជាពិសេសនៅតាមបន្ទាត់ព្រំដែននាពេលកន្លងមក និង បន្ដខិតខំប្រឹងប្រែង​បំពេញការងារ ដើម្បីរក្សាបាននូវសុខសុវត្ថិភាព និងភាព​សុខុដុមរម្យ​ជូន ប្រជាពលរដ្ឋគ្រប់មូលដ្ឋាន៕ 

កោះតៃវ៉ាន់ ផ្តល់ជំនួយដល់ប្រទេសចិនបន្ទាប់ពីរញ្ជួយដីដ៏មហន្តរាយ ដោយទុកភាពតានតឹងមួយឡែក

2023/12/20 09:41:51 am        107
Facebook Telegram Linkin
មេដឹកនាំកោះតៃវ៉ាន់ លោកស្រី សៃ អ៊ីងវិន (Tsai Ing-wen) បានសម្តែងការរំលែកទុក្ខដល់ប្រទេសចិនកាលពីថ្ងៃអង្គារ (១៩ ធ្នូ) និងបានប្រកាសផ្តល់ជំនួយពីរដ្ឋាភិបាលលោកស្រី បន្ទាប់ពីគ្រោះរញ្ជួយដីបានសម្លាប់មនុស្សជាង ១២០នាក់ នៅចុងភាគខាងជើងនៃតំបន់ខ្ពង់រាប ឈីងហៃ-ទីបេ។ភាពតានតឹងរវាងទីក្រុងតៃប៉ិ និងទីក្រុងប៉េកាំង ដែលចាត់ទុកកោះគ្រប់គ្រងតាមបែបប្រជាធិបតេយ្យនេះជាទឹកដីរបស់ខ្លួន បានកើនឡើងខ្លាំងក្នុងរយៈពេល ៤ឆ្នាំចុងក្រោយនេះ ខណៈដែលប្រទេសចិន ព្យាយាមអះអាងការទាមទារអធិបតេយ្យភាពរបស់ខ្លួនជាមួយនឹងការដាក់សម្ពាធនយោបាយ និងយោធា។ដោយទុកចោលភាពតានតឹងនៅមួយឡែក លោកស្រី សៃ បានននិយាយនៅលើវេទិកាប្រព័ន្ធផ្សព្វផ្សាយសង្គម X របស់ខ្លួនថា «យើងសូមចូលរួមរំលែកទុក្ខដោយស្មោះអស់ពីចិត្ត» ចំពោះអ្នកដែលបានបាត់បង់មនុស្សជាទីស្រឡាញ់។ នាយកដ្ឋានពន្លត់អគ្គិភ័យរបស់កោះតៃវ៉ាន់បាននិយាយថា ខ្លួនបានប្រមូលផ្តុំក្រុមស្វែងរក និងជួយសង្គ្រោះមនុស្សចំនួន ១៦០នាក់ សត្វសុខនចំនួន ៤ក្បាល និងការផ្គត់ផ្គង់ចំនួន ១៣តោន ដែលត្រៀមរួចជាស្រេចដើម្បីទៅកាន់ប្រទេសចិន ប្រសិនបើមានការស្នើសុំ។ ប្រទេសចិនមិនបាននិយាយថាតើខ្លួននឹងអនុញ្ញាតឲ្យក្រុមសង្គ្រោះនៅបរទេសណាមួយចូលរួមប្រតិបត្តិការនោះទេ។លោកស្រី សៃ បានចូលរួមរំលែកទុក្ខដល់ប្រទេសចិនចំពោះគ្រោះមហន្តរាយនានា រួមទាំងឆ្នាំមុនបន្ទាប់ពីការរញ្ជួយដីក្នុងខេត្ត ស៊ីឈួន (Sichuan) ផងដែរ។ កោះតៃវ៉ាន់ ដែលជារឿយៗក៏ទទួលរងគ្រោះពីការរញ្ជួយដីដល់ខ្លួនផងដែរនោះ បានបញ្ជូនក្រុមជួយសង្គ្រោះទៅកាន់ប្រទេសចិនក្នុងឆ្នាំ២០០៨ បន្ទាប់ពីគ្រោះរញ្ជួយដីដ៏ធំមួយបានវាយប្រហារខេត្តស៊ីឈួន ដែលបានសម្លាប់មនុស្សជិត ៧០.០០០នាក់ និងបណ្តាលឱ្យមានការខូចខាតយ៉ាងទូលំទូលាយក្នុងប្រទេសចិន៕

លោក ពូទីន និយាយថា រុស្ស៊ីត្រៀមខ្លួនរួចជាស្រេច ដើម្បីពិភាក្សាអំពីអ៊ុយក្រែន

2023/12/20 09:38:24 am        119
Facebook Telegram Linkin
ប្រធានាធិបតីរុស្ស៊ី លោក វ្ល៉ាឌីមៀ ពូទីន បាននិយាយកាលពីថ្ងៃអង្គារ (១៩ ធ្នូ) ថារុស្ស៊ី នឹងត្រៀមខ្លួនដើម្បីពិភាក្សាជាមួយអ៊ុយក្រែន សហរដ្ឋអាមេរិក និងអឺរ៉ុប អំពីអនាគតរបស់អ៊ុយក្រែន ប្រសិនបើពួកគេចង់ពិភាក្សា ប៉ុន្តែថាទីក្រុងមូស្គូ នឹងការពារផលប្រយោជន៍ជាតិរបស់ខ្លួន។លោកពូទីន ដែលបានបញ្ជូនទាហានទៅអ៊ុយក្រែនក្នុងឆ្នាំ២០២២ បាននិយាយម្តងហើយម្តងទៀតថាលលោកនឹងត្រៀមខ្លួនដើម្បីពិភាក្សាអំពីសន្តិភាពទោះបីជាក្រុមមន្រ្តីលោកខាងលិច និយាយថាលោកកំពុងរង់ចាំការបោះឆ្នោតប្រធានាធិបតីអាមេរិក នៅខែវិច្ឆិកា មុនពេលធ្វើការខិតខំប្រឹងប្រែងពិតប្រាកដក៏ដោយ។លោកពូទីន បានប្រាប់កិច្ចប្រជុំនៃថ្នាក់ដឹកនាំការពារជាតិនៅទីក្រុងមូស្គូថា «ប្រសិនបើអ៊ុយក្រែន អឺរ៉ុប និងសហរដ្ឋអាមេរិក ជាពិសេសអ្នកដែលស្អប់រុស្ស៊ី ចង់ចរចានោះ យើងអនុញ្ញាតឱ្យពួកគេធ្វើបែបនោះ ប៉ុន្តែយើងនឹងធ្វើវាដោយផ្អែកលើផលប្រយោជន៍ជាតិរបស់យើង។ យើងនឹងមិនបោះបង់អ្វីដែលជារបស់យើងទេ»។ប្រទេសរុស្ស៊ី គ្រប់គ្រងប្រហែល១៧,៥% នៃទឹកដីដែលត្រូវបានទទួលស្គាល់ជាអន្តរជាតិថាជាផ្នែកមួយនៃអ៊ុយក្រែន នៅពេលដែលសហភាពសូវៀតដួលរលំនៅឆ្នាំ១៩៩១។ ប្រទេសរុស្ស៊ី បានដាក់បញ្ចូលឧបទ្វីបគ្រីមេក្នុងឆ្នាំ២០១៤ ហើយកាលពីឆ្នាំមុនបាននិយាយថាតំបន់ចំនួនបួនបន្ថែមទៀតរបស់អ៊ុយក្រែនដែលកងទ័ពរបស់ខ្លួនគ្រប់គ្រងដោយផ្នែក គឺជាផ្នែកមួយនៃប្រទេសរុស្ស៊ី។ ទីក្រុងគីវ និយាយថា ខ្លួននឹងមិនឈប់នោះទេ រហូតដល់ទាហានរុស្ស៊ីទាំងអស់ ត្រូវបានបណ្តេញចេញពីអ៊ុយក្រែន៕

កូរ៉េខាងជើង៖ ការបាញ់សាកល្បងមីស៊ីល Hwasong-18 ICBM គឺជាការឆ្លើយតបទៅនឹងអរិភាពរបស់អាមេរិក

2023/12/20 09:33:40 am        74
Facebook Telegram Linkin
ក្រុមប្រឹក្សាសន្តិសុខអង្គការសហប្រជាជាតិ បានបើកកិច្ចប្រជុំមួយស្តីពីប្រទេសកូរ៉េខាងជើង កាលពីថ្ងៃអង្គារ បន្ទាប់ពីការសាកល្បងមីស៊ីលបាលីស្ទីកអន្តរទ្វីបមួយផ្សេងទៀត ដែលបានធ្លាក់នៅភាគខាងលិច កោះហុកកៃដូ របស់ប្រទេសជប៉ុន។ប្រទេសកូរ៉េខាងជើងបាននិយាយថា ខ្លួនបានសាកល្បងមីស៊ីលបាលីស្ទីកអន្តរទ្វីប(ICBM) ថ្មីបំផុតរបស់រដ្ឋឯកោមួយនេះកាលពីថ្ងៃចន្ទ ទី១៨ខែ ធ្នូ ដើម្បីវាស់ស្ទង់ការត្រៀមខ្លួនសម្រាប់សង្រ្គាមរបស់កម្លាំងនុយក្លេអ៊ែរ ប្រឆាំងចំពោះការបង្កើនអរិភាពរបស់សហរដ្ឋអាមេរិក ខណៈទីក្រុងវ៉ាស៊ីនតោន និងសម្ព័ន្ធមិត្តរបស់ខ្លួន បានចាប់ផ្តើមប្រតិបត្តិការប្រព័ន្ធចែករំលែកទិន្នន័យមីស៊ីលតាមពេលវេលាជាក់ស្តែង។សហរដ្ឋអាមេរិក និងប្រទេសកូរ៉េខាងត្បូង បានបង្កើនកម្លាំងសមយុទ្ធយោធារួមគ្នាប្រឆាំងការគំរាមកំហែងពីប្រទេសកូរ៉េខាងជើង ដែលបានសាកល្បងមីស៊ីលបាលីស្ទីកច្រើនគ្រាប់ជាបន្តបន្ទាប់ ហើយកាលពីខែវិច្ឆិកា បានបាញ់បង្ហោះផ្កាយរណបចារកម្មយោធាដំបូងរបស់ខ្លួន។

ក្រសួងប្រកាសថា ប្រជានេសាទដែលមានម៉ាស៊ីនទូកលើសពី៩០សេះ អាចមកដាក់ពាក្យសុំចុះបញ្ជីនៅអង្គភាពច្រកចេញចូលតែមួយខេត្តហើយសម្រេចត្រឹមមន្ទីរប៉ុណ្ណោះ!

2023/12/19 03:15:12 pm        234
Facebook Telegram Linkin
ភ្នំពេញ៖ នៅថ្ងៃទី ១៩ធ្នូ២០២៣នេះ ឯកឧត្តម គួច ចំរើន អភិបាលខេត្តព្រះសីហនុ បានបង្ហោះសារក្នុងហ្វេសប៊ុកផ្លូវការរបស់ឯកឧត្តម ដោយបានបញ្ជាក់ថា៖«សូមបងប្អូន ប្រជានេសាទ ដែលមានម៉ាស៊ីនទូក លើសពី៩០សេះ មកដាក់ពាក្យសុំចុះបញ្ជីនៅអង្គភាពច្រកចេញចូលតែមួយខេត្តហើយសម្រេចត្រឹមមន្ទីរប៉ុណ្ណោះ»។ឯកឧត្តមអភិបាលខេត្ត បានថ្លែងថា«ក្នុងនាមប្រជានេសាទ ខ្ញុំសូមគោរពអរគុណឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ ដែលសម្រេចផ្ទេរកិច្ចការនេះ »៕

កម្ពុជា និងដៃគូអភិវឌ្ឍន៍រួមគ្នាពិគ្រោះយោបល់រៀបចំយុទ្ធសាស្រ្តជាតិ ស្តីពីសន្តិសុខស្បៀង និងអាហារូបត្ថម្ភ លើកទី៣ ឆ្នាំ២០២៤-២០២៨

2023/12/19 02:55:04 pm        224
Facebook Telegram Linkin
ភ្នំពេញ៖ ឯកឧត្តមបណ្ឌិតសភាចារ្យទេសរដ្ឋមន្ត្រី អ៊ុក រ៉ាប៊ុន ប្រធានក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ និងជាប្រធានគណៈកម្មាធិការជាតិជំរុញចលនាភូមិមួយផលិតផលមួយ ថ្ងៃទី១៩ ខែធ្នូ ឆ្នាំ២០២៣ បានអញ្ជើញ ចូលរួមជាអធិបតីបើកសិក្ខាសាលាពិគ្រោះយោបល់លើការរៀបចំយុទ្ធសាស្រ្តជាតិ ស្តីពីសន្តិសុខស្បៀង និងអាហារូបត្ថម្ភ លើកទី៣ ឆ្នាំ២០២៤-២០២៨។សិក្ខាសាលាពិគ្រោះយោបល់នេះមានការចូលរួមពីសមាជិកនៃក្រុមការងារបច្ចេកទេសចម្រុះ លើវិស័យសន្តិសុខស្បៀង និងអាហារូបត្ថម្ភ ក្រុមការងារដឹកនាំ សម្របសម្រួលវិស័យសន្តិសុខស្បៀង និងអាហារូបត្ថម្ភរាជធានី-ខេត្ត និងតំណាងក្រសួង ស្ថាប័នពាក់ព័ន្ធផ្សេងទៀត ដើម្បីបង្ហាញពីក្របខ័ណ្ឌការងារ ដែលត្រូវដាក់បញ្ចូលទៅក្នុងការបង្កើតយុទ្ធសាស្រ្តជាតិ ស្តីពីសន្តិសុខស្បៀង និងអាហារូបត្ថម្ភ លើកទី៣ ឆ្នាំ២០២៤-២០២៨។ការរៀបចំសិក្ខាសាលាពិគ្រោះយោបល់នេះឡើង គឺដើម្បីដាក់ចេញនូវយុទ្ធសាស្ត្រអាទិភាព ការទទួលខុសត្រូវតាមវិស័យ បញ្ហាអន្ដរវិស័យ និងអាទិភាពសម្រាប់ការសម្របសម្រួលពហុវិស័យ និងដើម្បីផ្តួចផ្តើមដំណើរការគោលនយោបាយប្រកបដោយបរិយាបន្ន។សិក្ខាសាលាមានគោលបំណងបញ្ជាក់អំពីតួនាទី និងការទទួលខុសត្រូវនៅថ្នាក់ក្រោមជាតិ និងប្រមូលធាតុចូល របស់អ្នកចូលរួមអំពីសកម្មភាពអនុវត្តល្អៗ និងមានប្រសិទ្ធភាពដែលបានអនុវត្តនៅថ្នាក់ជាតិ និងថ្នាក់ក្រោមជាតិ។ ទិសដៅរបស់យុទ្ធសាស្រ្តជាតិ ស្តីពីសន្តិសុខស្បៀង និងអាហារូបត្ថម្ភ លើកទី៣ ឆ្នាំ២០២៤-២០២៨ គឺសម្រេចឱ្យបាននូវយុទ្ធសាស្រ្តបញ្ចកោណ ដំណាក់កាលទី១ របស់រាជរដ្ឋាភិបាល និងរួមចំណែកដល់គោលនយោបាយ និងយុទ្ធសាស្ត្រតាមវិស័យដទៃទៀត។សិក្ខាសាលានេះនឹងផ្សារភ្ជាប់ជាមួយកិច្ចពិគ្រោះយោបល់ដទៃទៀតនៅថ្នាក់ជាតិ និងថ្នាក់ក្រោមជាតិ ដើម្បីឈានទៅដល់ការសម្រេចបាន នូវការកសាងយុទ្ធសាស្រ្តជាតិ ស្តីពីសន្តិសុខស្បៀង និងអាហារូបត្ថម្ភ លើកទី៣ ឆ្នាំ២០២៤-២០២៨។ដំណើរការនៃការពិគ្រោះយោបល់ និងការរៀបចំយុទ្ធសាស្ត្រថ្មីនេះ នឹងត្រូវដឹកនាំដោយក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ និងគាំទ្រដោយក្រសួងស្ថាប័នពាក់ព័ន្ធ ដៃគូអភិវឌ្ឍ អង្គការសង្គមស៊ីវិល វិស័យឯកជន និងយុវជន។ សិក្ខាសាលាពិគ្រោះយោបល់ជាលើកដំបូងនេះ មានទំនាក់ទំនងនឹងលទ្ធផល នៃការពិនិត្យឡើងវិញនៃការអនុវត្តយុទ្ធសាស្រ្តជាតិ ស្តីពីសន្តិសុខស្បៀង និងអាហារូបត្ថម្ភ លើកទី២ ឆ្នាំ២០១៩-២០២៣ ដោយទាញយកអនុសាសន៍ពីការពិនិត្យឡើងវិញ និងរួមបញ្ចូលការផ្ដល់យោបល់ទាំងនេះ ទៅក្នុងការបង្កើតយុទ្ធសាស្រ្តជាតិ ស្តីពីសន្តិសុខស្បៀង និងអាហារូបត្ថម្ភ លើកទី៣ ឆ្នាំ២០២៤-២០២៨។ការពិនិត្យឡើងវិញយុទ្ធសាស្រ្តជាតិ ស្តីពីសន្តិសុខស្បៀង និងអាហារូបត្ថម្ភ លើកទី២ ឆ្នាំ២០១៩-២០២៣ បានបង្ហាញពីអភិក្រមប្រតិបត្តិបន្ថែមទៀត នៅក្នុងការអនុវត្តយុទ្ធសាស្រ្តជាតិ ស្តីពីសន្តិសុខស្បៀង និងអាហារូបត្ថម្ភ លើកទី៣ ឆ្នាំ២០២៤-២០២៨។អនុសាសន៍សំខាន់ៗ ពីការពិនិត្យឡើងវិញទាក់ទងនឹងថ្នាក់ក្រោមជាតិ ត្រូវបានរៀបរាប់លម្អិតដូចខាងក្រោម៖១. ចាប់ផ្តើមរៀបចំយុទ្ធសាស្រ្តថ្មី ទៅក្នុងការទទួលខុសត្រូវតាមវិស័យ និងក្របខ័ណ្ឌត្រួតពិនិត្យតាមដាន និងវាយតម្លៃ និងកែលម្អដំណើរការរៀបចំរបាយការណ៍ តាមការទទួលខុសត្រូវតាមវិស័យ និងកាត់បន្ថយរបាយការណ៍ជាន់គ្នា។២. ពិនិត្យអាទិភាព សម្រាប់ការសម្របសម្រួលពហុវិស័យ និងកាត់បន្ថយសកម្មភាពត្រួតស៊ីគ្នា។ ពិនិត្យឡើងវិញនូវការទទួលខុសត្រូវ សម្រាប់ការសម្របសម្រួល និងរបាយការណ៍ អាទិភាពសម្រាប់ការសម្របសម្រួលពហុវិស័យ និងតម្រឹមអាទិភាពទាំងនេះឱ្យកាន់តែជិតស្និទ្ធទៅក្នុងស្ថាប័នពាក់ព័ន្ធ ដែលបានអនុវត្តស្រាប់។៣. កៀរគរ និងតាមដានការផ្តល់មូលនិធិ សម្រាប់ការទទួលខុសត្រូវតាមវិស័យ និងអាទិភាពសម្រាប់ការសម្របសម្រួលពហុវិស័យ និងការគាំទ្រចំពោះសកម្មភាពអន្តរវិស័យ នៅថ្នាក់ឃុំ សង្កាត់ តាមរយៈ CDP និងCIP៤. បង្កើតក្របខណ្ឌត្រួតពិនិត្យ និងវាយតម្លៃដ៏រឹងមាំ ស្របតាមគោលដៅក្នុងផែនការតាមវិស័យ និងក្របខណ្ឌធំមួយសម្រាប់ការតម្រឹមចំណុចសកម្មភាពសំខាន់ៗ គោលដៅ និងសូចនាករ សម្រាប់ផែនការថ្នាក់ក្រោមជាតិ ថ្នាក់ជាតិ និងអន្តរជាតិ ដែលពាក់ព័ន្ធវិស័យសន្តិសុខស្បៀង និងអាហារូបត្ថម្ភ។៥. បង្កើតប្រព័ន្ធព័ត៌មានសន្តិសុខស្បៀង និងអាហារូបត្ថម្ភ ច្បាស់លាស់ដោយធានាថា ថ្នាក់ក្រោមជាតិ ទទួលបានព័ត៌មានពាក់ព័ន្ធពីការៀបចំផែនការ និងពង្រឹងការអនុវត្តប្រកបដោយបរិយាបន្ន។៦. ពិនិត្យវឌ្ឍនភាពក្នុងការពង្រឹងសមត្ថភាពអនុវត្តន៍នៅថ្នាក់ក្រោមជាតិ រួមទាំងការឆ្លុះបញ្ចាំងបន្ថែម ទៀតអំពីប្រសិទ្ធភាព និងការរៀបចំនៅថ្នាក់ក្រោមជាតិ។ពិនិត្យវឌ្ឍនភាពក្នុងការពង្រឹងសមត្ថភាពអនុវត្តន៍នៅថ្នាក់ក្រោមជាតិ រួមទាំងការឆ្លុះបញ្ចាំងបន្ថែមទៀតអំពីប្រសិទ្ធភាព និងការរៀបចំនៅថ្នាក់ក្រោមជាតិ។៧. សម្របសម្រួលដំណើរការគោលនយោបាយប្រកបដោយបរិយាបន្ន ដោយផ្អែកលើមេរៀនបទពិសោធន៍ ក្នុងអំឡុងពេលកិច្ចសន្ទនាស្តីពីប្រព័ន្ធស្បៀង និងប្រើប្រាស់ការប្រាស្រ័យទាក់ទងដើម្បីផ្លាស់ប្តូរឥរិយាបថបុគ្គល និងសង្គម នៅក្នុងសហគមន៍ឱ្យបានទូលំទូលាយ។សិក្ខាសាលានេះ នឹងមានបទបង្ហាញដោយសង្ខេបស្តីពីការពិនិត្យឡើងវិញយុទ្ធសាស្រ្តជាតិស្តីពីសន្តិសុខ ស្បៀង និងអាហារូបត្ថម្ភ លើកទី២ ២០១៩-២០២៣ និងទិសដៅសម្រាប់យុទ្ធសាស្រ្តជាតិស្តីពីសន្តិសុខ ស្បៀង និងអាហារូបត្ថម្ភ លើកទី៣ ២០២៤-២០២៨ ដោយផ្តោតលើទិដ្ឋភាពពាក់ព័ន្ធនឹងថ្នាក់ក្រោមជាតិ និងវិស័យសំខាន់ៗ (សុខភាព កសិកម្ម ទឹកស្អាតនិងអនាម័យ)។សូមជម្រាបជូនថា សិក្ខាសាលានេះ មានការអញ្ជើញចូលរួម ពីលោកស្រី REBEKAH BELL នាយិកាអង្គការស្បៀង និងកសិកម្មសហប្រជាជាតិ លោក JOST KADEL អនុប្រធានបេសកកម្ម និងជាប្រធានកិច្ចសហប្រតិបត្តិការនៃស្ថានទូតសាធារណរដ្ឋអាល្លឺម៉ង់ប្រចាំកម្ពុជា និងអនុប្រធានក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ ព្រមទាំង តំណាងក្រសួងស្ថាប័នពាក់ព័ន្ធ ដៃគូអភិវឌ្ឍន៍ អង្គការសង្គមស៊ីវិល វិស័យឯកជន៕

សម្ដេចធិបតីរំឭកពីគំរូវីរភាពរបស់សម្តេចតេជោ ហ៊ុន សែន ក្នុងការកសាងធនធានមនុស្សនៅកម្ពុជា

2023/12/19 02:15:17 pm        281
Facebook Telegram Linkin
នាព្រឹកថ្ងៃទី១៩ ខែធ្នូ ឆ្នាំ២០២៣ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានអនុញ្ញាតឱ្យលោក អូកាដា ម៉ូតូយ៉ា (Okada Motoya) ប្រធាន និងជានាយកប្រតិបត្តិក្រុមហ៊ុន AEON MALL ចូលជួបសម្តែងការគួរសម ក្នុងឱកាសនៃការចូលរួមកិច្ចប្រជុំកំពូលរំឭកខួបអនុស្សាវរីយ៍អាស៊ាន-ជប៉ុន លើកទី៥០ ចាប់ពីថ្ងៃទី១៥-១៩ ខែធ្នូ ឆ្នាំ២០២៣ នៅទីក្រុងតូក្យូ ប្រទេសជប៉ុន ។ក្នុងឱកាសនៃជំនួបនេះ លោក អូកាដា ម៉ូតូយ៉ា បានថ្លែងអំណរគុណចំពោះ សម្តេចធិបតី ដែលបានឆ្លៀតពេលវេលាដ៏មមាញឹកអនុញ្ញាតឱ្យរូបលោក និងសហការីចូលជួបសម្តែងការគួរសម ព្រមទាំងបានជម្រាបអំពីវឌ្ឍនភាពរីកចម្រើននៃសកម្មភាពអាជីវកម្មរបស់ក្រុមហ៊ុន និងអំពីគម្រោងនៃការពង្រីកវិនិយោគរបស់ខ្លួនបន្ថែមទៀតនៅក្នុងប្រទេសកម្ពុជា ។ ទន្ទឹមនេះ លោកប្រធានក្រុមហ៊ុន AEON MALL ក៏បានជម្រាបជូន សម្តេចនាយករដ្ឋមន្ត្រី អំពីការចូលរួមរបស់ក្រុមហ៊ុនក្នុងវិស័យអប់រំ តាមរយៈការកសាងសាលាបឋមសិក្សានៅតាមបណ្តាខេត្ត និងការផ្តល់អាហារូបករណ៍ជូនដល់សិស្សានុសិស្សកម្ពុជា ដើម្បីបន្តឱកាសសិក្សាឱ្យកាន់តែខ្ពង់ខ្ពស់ថែមទៀត ។ នៅក្នុងជំនួបនេះផងដែរ លោកប្រធានក្រុមហ៊ុន ក៏បានសម្តែងនូវការអរគុណចំពោះរាជរដ្ឋាភិបាលកម្ពុជា ដែលបានបង្កលក្ខណៈគ្រប់បែបយ៉ាងចំពោះដំណើរការអាជីវកម្មរបស់ក្រុមហ៊ុនឱ្យដំណើរការដោយរលូន។ជាការឆ្លើយតបសម្តេចធិបតី បានស្វាគមន៍ចំពោះជំនួបជាមួយលោក អូកាដា ម៉ូតូយ៉ា និងសហការី ព្រមទាំងបានសម្តែងនូវការអរគុណចំពោះក្រុមហ៊ុន AEON MALL ដែលបានសម្រេចចិត្តបោះទុនវិនិយោគ និងគ្រោងវិនិយោគបន្ថែមនៅកម្ពុជា ព្រមទាំងអរគុណចំពោះការចូលរួមចំណែកក្នុងការបណ្តុះបណ្តាលធនធានមនុស្សកម្ពុជាតាមរយៈការផ្តល់អាហារូបករណ៍ និងការកសាងសាលារៀននៅតាមមូលដ្ឋាន ដែលការណ៍នេះបានរំឭកពីគំរូវីរភាពនៃការយកចិត្តទុកដាក់របស់សម្តេចតេជោ ហ៊ុន សែន ក្នុងការកសាងធនធានមនុស្សនៅកម្ពុជា តាមរយៈការដាក់ចេញនូវគោលនយោបាយកសាងសាលារៀនគ្រប់ដណ្តប់ទូទាំងប្រទេស ដើម្បីបើកឱកាសឱ្យកូនចៅប្រជាពលរដ្ឋគ្រប់គ្នាទទួលបានការអប់រំ។ ទន្ទឹមនេះសម្តេចនាយករដ្ឋមន្ត្រី បានបញ្ជាក់ថា រាជរដ្ឋាភិបាល អាណត្តិទី៧ នៃរដ្ឋសភា នឹងបន្តយកចិត្តទុកដាក់បន្ថែមទៀតក្នុងការពង្រឹងការអប់រំ បណ្ដុះបណ្ដាលជំនាញវិជ្ជាជីវៈ និងបច្ចេកទេស ដល់យុវជនមកពីគ្រួសារក្រីក្រ និងគ្រួសារងាយរងហានិភ័យនៅទូទាំងប្រទេសចំនួន ១លាន ៥សែន នាក់។លើសពីនេះ សម្តេចធិបតី ក៏បានគូសបញ្ជាក់ផងដែរថា រាជរដ្ឋាភិបាលកម្ពុជា បាន និងកំពុងយកចិត្តទុកដាក់នៅក្នុងការធានានិរន្តរភាពនៃបរិយាកាសអំណោយផលសម្រាប់ធុរកិច្ច និងវិនិយោគ តាមរយៈការដាក់ចេញនូវគោលនយោបាយ យន្តការអនុវត្ត និងក្របខ័ណ្ឌគតិយុត្តថ្មីៗ ព្រមជាមួយនឹងការអភិវឌ្ឍហេដ្ឋារចនាសម្ព័ន្ធតភ្ជាប់ និងឡូជីស្ទីកសំខាន់ៗ ដូចជា ផ្លូវល្បឿនលឿន ផ្លូវដែក និងកំពង់ផែ ជាដើម ដើម្បីជួយសម្រួល និងផ្តល់នូវការលើកទឹកចិត្តប្រកបដោយភាពអនុគ្រោះ និងភាពទាក់ទាញដល់វិនិយោគិន ដែលមកវិនិយោគនៅក្នុងប្រទេសកម្ពុជា ៕

បណ្ដាញសង្គម

ព័ត៌មានថ្មីៗ

រុស្ស៊ីធ្វើសមយុទ្ធបាញ់មីស៊ីល នៅសមុទ្រជប៉ុន
08/21/2025 07:08 PM
Facebook Telegram Linkin
​ ផ្នែកខ្លះរបស់រុស្ស៊ី ប្រឈមនឹងកង្វះប្រេងសាំង បន្ទាប់ពីអ៊ុយក្រែនវាយប្រហាររោងចក្រចម្រាញ់ប្រេង
08/21/2025 07:08 PM
Facebook Telegram Linkin
សរទរដូវជិតមកដល់ ប៉ុន្តែកូរ៉េខាងត្បូង នៅតែស្ថិតក្នុងអាកាសធាតុក្តៅហួតហែង
08/21/2025 07:08 PM
Facebook Telegram Linkin
អតីតពលការិនីត្រឡប់មកពីប្រទេសថៃ បីនាក់បងប្អូន ទទួលបានការងារធ្វើភ្លាមៗ នៅក្នុងខេត្តស្វាយរៀង ដោយម្នាក់ៗទទួលបានប្រាក់ឈ្នួលប្រចាំខែជិត ៥០០ដុល្លាអាមេរិក
08/21/2025 06:08 PM
Facebook Telegram Linkin
ឯកឧត្តម ឃឹម ហ្វីណង់៖ទោះបីជាថ្លៃស្រូវបច្ចុប្បន្ននៅតែបន្តជាបញ្ហាប្រឈមតែការចូលរួមប្រមូលទិញស្រូវពីរោងម៉ាស៊ីនដៃគូពិតជាបានជួយកាត់បន្ថយយ៉ាងច្រើនដល់ការកកស្ទះនៅតាមទីវាល
08/21/2025 06:08 PM
Facebook Telegram Linkin
រដ្ឋមន្ត្រីការបរទេស៖ ហុងគ្រីត្រៀមខ្លួនធ្វើជាម្ចាស់ផ្ទះរៀបចំកិច្ចចរចាសន្តិភាពអ៊ុយក្រែន-រុស្ស៊ី
08/21/2025 06:08 PM
Facebook Telegram Linkin
អ៊ូហ្គង់ដា ប្រាប់ថា ខ្លួនបានព្រមព្រៀងជាមួយអាមេរិក ដើម្បីយកអ្នកដែលមិនអាចទទួលបានសិទ្ធិជ្រកកោន
08/21/2025 06:08 PM
Facebook Telegram Linkin
មេដឹកនាំប្រទេសយេម៉ែន ជួបពិភាក្សាជាមួយប្រេសិតUN អំពីការស្តារដំណើរការសន្តិភាពឡើងវិញ
08/21/2025 06:08 PM
Facebook Telegram Linkin
ឯកឧត្តមបណ្ឌិត ជិន ម៉ាលីន ដឹកនាំប្រតិភូក្រសួងយុត្តិធម៌ចូលរួមវេទិកាច្បាប់អាស៊ាន ២០២៥ (ASEAN LAW FORUM 2025) និងការគាំទ្រសេចក្តីថ្លែងការណ៍រួមដោយរដ្ឋមន្រ្តីច្បាប់ និងយុត្តិធម៌អាស៊ាន
08/21/2025 06:08 PM
Facebook Telegram Linkin
កម្ពុជាបន្តកោតសរសើរចំពោះតួនាទីចម្បងរបស់ប្រធានាធិបតី Donald J. Trump ក្នុងការសម្របសម្រួលឱ្យមានកិច្ចព្រមព្រៀងសន្តិភាពរវាងអាមេនី និងអាស៊ែបៃហ្សង់
08/21/2025 06:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.