BTV NEWS

សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាលដែលកំពុងធ្វើកិច្ចការងារយ៉ាងសកម្មស្វែងរកដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស

សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥

សម្ដេចធិបតី៖ រាជរដ្ឋាភិបាលប្តេជ្ញាចិត្តយ៉ាងមុតមាំលើកកម្ពស់ការងារអក្ខរកម្ម និងបំពាក់បំប៉ន ជំនាញ និងឱកាសសិក្សាពេញមួយជីវិត ជាពិសេសជំនាញឌីជីថល

ប្រជាពលរដ្ឋត្រេកអរនឹងសមិទ្ធផលអាកាសយានដ្ឋានថ្មីដែលត្រៀមបើកដំណើរការ

នយោបាយ និង ការអភិវឌ្ឍន៍

សម្ដេចធិបតីនាយករដ្ឋមន្ត្រី៖ សម្ដេចព្រះ នរោត្ដម សីហនុ បានធ្វើឱ្យពិភពលោកស្គាល់កម្ពុជាឡើងវិញ

ភ្នំពេញ៖ មានប្រសាសន៍ក្នុងពិធីមីទ្ទីញរម្លឹកខួបទី៧០ នៃទិវាបុណ្យឯករាជ្យជាតិ និងទិវាកំណើតកងយោធពលខេមរភូមិន្ទ នាថ្ងៃទី៩ ខែវិច្ឆិកា ឆ្នាំ២០២៣ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី បានរម្លឹកឱ្យដឹងថា តាមរយៈការតស៊ូទាមទារយកឯករាជ្យភាពពីបារាំងសម្រាប់កម្ពុជា ព្រះករុណា ព្រះបាទ សម្ដេចព្រះ នរោត្ដម សីហនុ ព្រះអង្គបានធ្វើឱ្យពិភពលោកស្គាល់កម្ពុជាឡើងវិញ តាមរយៈជោគជ័យ នៃការទាមទារឯករាជ្យពេញបរិបូរជូនជាតិមាតុភូមិរបស់ព្រះអង្គ។សម្ដេចធិបតីនាយករដ្ឋមន្ត្រី រម្លឹកឱ្យដឹងបន្ថែមថា ក្រៅពីការទាមទារយកឯករាជ្យភាពពេញបរិបូរជូនជាតិ ព្រះករុណា ព្រះបាទសម្ដេចព្រះ នរោត្ដម សីហនុ ក៏ជាតួអង្គសំខាន់នៅក្នុងការជំរុញឱ្យមានសាមគ្គី ភាពអន្តរជាតិ នៃបណ្ដាប្រទេសមិនចូលបក្សសម្ពន្ធផងដែរ។សម្ដេចធិបតី ហ៊ុន ម៉ាណែត មានប្រសាសន៍បន្តថា ស្នាព្រះហស្តរបស់សម្ដេចព្រះបរមរតនកោដ្ឋ ត្រូវបានអ្នកជំនាន់ក្រោយបន្តថែរក្សាជាប់ជានិច្ច ជាពិសេសព្រះករុណា ព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រ។ក្នុងពិធីនោះដែរ សម្ដេចធិបតីនាយករដ្ឋមន្ត្រី ក៏បានប្ដេជ្ញាចិត្តរក្សាថែឯករាជ្យភាព និងសន្តិភាពសម្រាប់កម្ពុជាឱ្យបានជានិរន្តរ៍ និងអង្វែងយូរតទៅទៀត ដើម្បីកម្ពុជាកាន់តែរីកចម្រើន៕ ដោយ៖ គង់ ឌិន

ឯកឧត្តរដ្ឋមន្ត្រី ជា វ៉ាន់ដេត បានទទួលជួបពិភាក្សាការងារជាមួយសមាគមសហគ្រិនវ័យក្មេងកម្ពុជា

ភ្នំពេញ៖ កាលរសៀលថ្ងៃទី៨ ខែវិច្ឆិកា ឆ្នាំ២០២៣ ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានទទួលជួបពិភាក្សាការងារជាមួយសមាគមសហគ្រិនវ័យក្មេងកម្ពុជា (Young Entrepreneurs Association of Cambodia - YEAC) ដឹកនាំដោយ ឧកញ៉ា ប៉ិច បូឡែន ប្រធានសមាគមសហគ្រិនវ័យក្មេងកម្ពុជា ព្រមទាំងមានការអញ្ជើញចូលរួមពីថ្នាក់ដឹកនាំ និងមន្ត្រីជំនាញក្រសួងប្រៃសណីយ៍និងទូរគមនាគមន៍ រួមជាមួយសមាជិក សមាជិកា នៃ YEAC សរុបប្រមាណ ៤០នាក់។ ថ្លែងក្នុងជំនួបនេះ ឯកឧត្តមរដ្ឋមន្ត្រី បានបញ្ជាក់ពីសារៈសំខាន់ណាស់នៃកិច្ចសហប្រតិបត្តិការល្អរវាងរដ្ឋ និងវិស័យឯកជន ជាពិសេសសមាគមសហគ្រិនវ័យក្មេងកម្ពុជា ដែលប្រមូលផ្ដុំធុរជនឆ្នើមៗ ធ្វើការយ៉ាងសកម្មក្នុងការរួមចំណែកអភិវឌ្ឍសេដ្ឋកិច្ចសង្គមកាន់តែរីកចម្រើនបន្ថែមទៀត។ ស្របជាមួយគ្នានេះ ឯកឧត្តមរដ្ឋមន្ត្រី ប្រកាសបន្តគាំទ្រការអនុវត្តគម្រោងនានា របស់សមាគម ដើម្បីជួយសហគ្រាសធុនមីក្រូ តូច និងមធ្យមទាំងនៅរាជធានីភ្នំពេញ និងខេត្ត ឱ្យបង្កើតតម្លៃបន្ថែមលើផលិតផល និងសេវាកម្មរបស់ពួកគេមានការរីកចម្រើន ជាពិសេសការប្រើប្រព័ន្ធបច្ចេកវិទ្យា សម្រាប់ជួយសកម្មភាពអាជីវកម្ម។សូមជម្រាបជូនថា សមាគមសហគ្រិនវ័យក្មេងកម្ពុជាត្រូវបានបង្កើតឡើងនៅ ខែកញ្ញា ឆ្នាំ២០០៩ ដោយក្រុមសហគ្រិនវ័យក្មេង ដែលមកពីវិស័យអាជីវកម្មផ្សេងៗគ្នា នៅក្នុងប្រទេសកម្ពុជា ដែលមានបេសកកម្មធ្វើការក្នុងភាពជាដៃគូសហការជាមួយអ្នកពាក់ព័ន្ធនានា ដើម្បីធានាឲ្យមានការប្រកួតប្រជែងថ្នាក់តំបន់ លើធុរកិច្ចបែបបច្ចេកវិទ្យាឌីជីថល អាជីវកម្មប្រកបដោយការច្នៃប្រឌិត និងការបង្កើតថ្មីរបស់សហគ្រាសធុនមីក្រូ តូច និងមធ្យម (MSMEs) នៅក្នុងប្រទេសកម្ពុជា៕

ហុងគ្រីបញ្ជាក់ថា សមាជិកភាពអ៊ុយក្រែន នឹងគំរាមកំហែងសន្តិសុខសហភាពអឺរ៉ុប

រដ្ឋមន្ត្រីការបរទេសហុងគ្រី លោក Péter Szijjártó បាននិយាយកាលពីថ្ងៃទី8 ខែវិច្ឆិកាថា អ៊ុយក្រែន ចូលរួមជាមួយសហភាពអឺរ៉ុបនឹង «នាំសង្រ្គាមចូលទៅក្នុងសហភាពអឺរ៉ុប» នេះបើយោងតាមការរាយការណ៍របស់សារព័ត៌មានPortfolio។លោក Szijjártó បានថ្លែងថា៖«គ្មាននរណាម្នាក់ អាចចង់បានសង្គ្រាម ចូលមកសហភាពអឺរ៉ុបទេ ដោយបង្ហាញថា អ៊ុយក្រែនអាចទទួលយកបាន បន្ទាប់ពីសន្តិភាព ត្រូវបានសម្រេច នៅក្នុងប្រទេសនេះ។លោក Szijjártó ក៏ជឿជាក់ថា អ៊ុយក្រែន មិនបានបំពេញលក្ខខណ្ឌទាំងអស់ ដែលបានកំណត់សម្រាប់សមាជិកភាពសហភាពអឺរ៉ុបនោះទេ។ លោកបានគូសបញ្ជាក់ជាពិសេសពីបញ្ហាសិទ្ធិជនជាតិភាគតិចថា ជាបញ្ហា«យ៉ាងខ្លាំងក្លា»។ខណៈពេលដែលប្រទេសហុងគ្រី ពិចារណាអំពីជំហានឆ្ពោះទៅរកការចាប់ផ្តើមការចរចាសមាជិកភាពសម្រាប់អ៊ុយក្រែនឲ្យទាន់ពេលវេលា វាបានទទូចឲ្យមានការពិភាក្សាបន្ថែមទៀត។រដ្ឋមន្ត្រីហុងគ្រីរូបនេះ ក៏បានចោទប្រកាន់ដែរថា ដោយសារតែសង្គ្រាមដែលកំពុងកើតឡើងនោះ គឺគ្មានសេរីភាពសារព័ត៌មាន គ្មានសេរីភាពក្នុងការបញ្ចេញមតិ គ្មានការបោះឆ្នោត នៅអ៊ុយក្រែនទេ។-

ព្រះករុណា ព្រះមហាក្សត្រ៖ ៩ វិច្ឆិកា ១៩៥៣ កម្ពុជាឈរស្មើបារាំង ក្នុងឋានៈជារដ្ឋឯករាជ្យពេញលេញ

ភ្នំពេញ៖ មានព្រះរាជបន្ទួលតាមរយៈព្រះរាជសុន្ទរកថា ក្នុងពិធីមីទ្ទីញរម្លឹកខួបទី៧០ នៃទិវាបុណ្យឯករាជ្យជាតិ និងទិវាកំណើតកងយោធពលខេមរភូមិន្ទ នាថ្ងៃទី៩ ខែវិច្ឆិកា ឆ្នាំ២០២៣ ព្រះករុណា ព្រះបាទសម្ដេច ព្រះបរមនាថ នរោត្ដម សីហមុនី ព្រះមហាក្សត្រ ព្រះអង្គបានមានព្រះរាជបន្ទូលរម្លឹកឱ្យដឹងថា នៅក្នុងការទាមទារឯករាជ្យសម្រាប់ជាតិពីបារាំង ព្រះករុណា ព្រះបរមរតនកោដ្ឋ ព្រះនរោត្ដម សីហនុ ព្រះអង្គ បានប្រមូលកម្លាំងសាមគ្គីខ្មែរ ពីគ្រប់តំបន់ទាំងអស់ ដើម្បីបង្កើតជាចលនាតស៊ូ។ព្រះករុណា ព្រះមហាក្សត្រ ព្រះអង្គបានមានព្រះរាជបន្ទូលបន្តថា ព្រះករុណាព្រះបរមរតនកោដ្ឋ ព្រះអង្គបានប្ដេជ្ញាថា ព្រះអង្គមិនយាងមកកាន់រាជធានីភ្នំពេញជាដាច់ខាត ប្រសិនបើព្រះអង្គមិនបានទទួល ឯករាជ្យពេញបរិបូរជូនជាតិមាតុភូមិ។ព្រះករុណា ព្រះមហាក្សត្រ មានព្រះរាជបន្ទូលរម្លឹកឱ្យដឹងបន្ថែមថា ក្រោយកម្ពុជាទទួលបានឯករាជ្យភាពនៅថ្ងៃ៩ វិច្ឆិកា ១៩៥៣ បានធ្វើឱ្យកម្ពុជាឈរស្មើមុខស្មើមាត់នឹងប្រទេសបារាំង ក្នុងឋានៈជាប្រទេស ដែលមានឯករាជ្យជាតិពេញបរិបូរ។បារាំងបានដាក់កម្ពុជាឱ្យស្ថិតនៅក្រោមអាណាព្យាបាលរបស់ខ្លួនជាលើកដំបូងនៅឆ្នាំ១៨៦៣ ក្រោយមកបារាំងបានកែប្រែសន្ធិសញ្ញាអាណាព្យាបាល ដោយដកសិទ្ធិពីកម្ពុជាជាច្រើន។ សន្ធិសញ្ញាថ្មីនេះ ត្រូវអ្នកសិក្សាស្រាវជ្រាវជាច្រើនយល់ឃើញថា ជាការដាក់អាណានិគមបារាំងលើកម្ពុជា។តាមរយៈការរួបរួមកម្លាំងជាមួយខ្មែរអ្នកតស៊ូជាច្រើន ក្រោមការដឹកនាំរបស់ព្រះករុណា ព្រះបាទសម្ដេច ព្រះនរោត្ដម សីហនុ កម្ពុជាត្រូវបានបារាំងប្រគល់ឯករាជ្យភាពជូនពេញលេញនៅថ្ងៃទី៩ ខែវិច្ឆិកា ឆ្នាំ១៩៥៣៕ ដោយ៖ គង់ ឌិន

សម្តេចប្រធានរដ្ឋសភា ចូលរួមដង្ហែព្រះមហាក្សត្រប្រទានភ្លើងជ័យនិងមិទ្ទិញមហាជន អបអរសាទរទិវាបុណ្យឯករាជ្យជាតិខួបទី៧០ និងថ្ងៃបង្កើតកងយោធពលខេមរភូមិន្ទ

សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា នៅព្រឹកថ្ងៃទី៩ ខែវិច្ឆិកា ឆ្នាំ២០២៣នេះ បានចូលរួមដង្ហែ ព្រះករុណា ព្រះបាទ សម្ដេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា ស្ដេចយាងជាព្រះរាជាធិបតីភាពដ៏ខ្ពង់ខ្ពស់បំផុត ក្នុងព្រះរាជពិធីបុណ្យឯករាជ្យជាតិ ៩ វិច្ឆិកា ខួបទី៧០ និងទិវាថ្ងៃបង្កើតកងយោធពល ខេមរភូមិន្ទ។ពិធីបុណ្យឯករាជ្យជាតិនាឆ្នាំនេះ បានប្រារព្ធធ្វើឡើង យ៉ាងមហោឡារិក អធិកអធមជាទីបំផុត។ បន្ទាប់ពីព្រះករុណាជាអម្ចាស់ជីវិតតម្កល់លើត្បូង ស្តេចយាងប្រទានភ្លើងជ័យ នៅបរិវេណវិមានឯករាជ្យរួចហើយ ព្រះអង្គបានយាងជាព្រះរាជាធិបតីភាពដ៏ខ្ពង់ខ្ពស់បំផុត ក្នុងកម្មវិធីមេទ្ទិញមហាជន នៅមុខព្រះបរមរាជវំាង បន្តទៀត។ទិវាបុណ្យឯករាជ្យជាតិ ៩ វិច្ឆិកា និងខួបកំណើតកងយោធពលខេមរភូមិន្ទ លើកទី៧០ មានព្រះរាជវត្តមាន និងវត្តមានចូលរួមពីសំណាក់ សម្ដេចវិបុលសេនាភក្ដី សាយ ឈុំ ប្រធានព្រឹទ្ធសភា សម្ដេចអគ្គមហាពញាចក្រី ហេង សំរិន ប្រធានកិត្តិយសឧត្តមប្រឹក្សាផ្ទាល់ព្រះមហាក្សត្រ សម្ដេចអគ្គមហាសេនាបតីតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ព្រះមហាក្សត្រ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី សម្ដេច ឯកឧត្តម ជាសមាជិកសមាជិកាឧត្តមប្រឹក្សាផ្ទាល់ព្រះមហាក្សត្រ ឯកឧត្តម លោកជំទាវ សមាជិកសមាជិកា ព្រឹទ្ធសភា រដ្ឋសភា រាជរដ្ឋាភិបាល អង្គទូតនានាប្រចាំនៅព្រះរាជាណាចក្រកម្ពុជា ព្រះរាជវង្សានុវង្ស មន្ត្រីរាជការ កងកម្លាំងប្រដាប់អាវុធ លោកគ្រូអ្នកគ្រូ សិស្សានុសិស្ស និងប្រជាពលរដ្ឋយ៉ាងច្រើនកុះករ៕

អ៊ុយក្រែន សាទរជំហានប្រវត្តិសាស្ត្រ ខណៈទីក្រុងគីវ ជិតក្លាយជាសមាជិកសហភាពអឺរ៉ុប

ប្រធានាធិបតីអ៊ុយក្រែន លោក Volodymyr Zelenskiy បានលើកសរសើរ «ជំហានជាប្រវត្តិសាស្ត្រ» នៃអនុសាសន៍របស់នាយកប្រតិបត្តិសហភាពអឺរ៉ុប កាលពីថ្ងៃពុធ (០៨ វិច្ឆិកា) ក្នុងការអញ្ជើញទីក្រុង គីវ ឱ្យចាប់ផ្តើមកិច្ចចរចាពីសមាជិកភាពភ្លាមៗនៅពេលដែលខ្លួនបំពេញលក្ខខណ្ឌចុងក្រោយ ទោះបីជាប្រទេសនេះកំពុងប្រយុទ្ធយ៉ាងស្វិតស្វាញដើម្បីសងសឹកសង្គ្រាមរបស់រុស្ស៊ីក៏ដោយ។អនុសាសន៍របស់គណៈកម្មាការអឺរ៉ុបនោះ គឺជាព្រឹត្តិការណ៍ដ៏សំខាន់មួយនៅលើផ្លូវរបស់ទីក្រុងគីវ ទៅកាន់សមាហរណកម្មលោកខាងលិច និងជាល្បែងភូមិសាស្ត្រនយោបាយសម្រាប់សហភាពអឺរ៉ុប ខណៈអ៊ុយក្រែន បាននិងកំពុងប្រយុទ្ធប្រឆាំងនឹងការឈ្លានពានទ្រង់ទ្រាយធំរបស់រុស្ស៊ី ចាប់តាំងពីខែកុម្ភៈ ឆ្នាំ២០២២ មក។មេដឹកនាំជាតិទាំង ២៧រូបនៃសហភាពអឺរ៉ុប នឹងត្រូវសម្រេចចិត្តនៅពាក់កណ្តាលខែធ្នូ ថាតើត្រូវទទួលយកអនុសាសន៍របស់គណៈកម្មការជុំវិញសមាជិកភាពអ៊ុយក្រែន ដែរឬទេ។ ការសម្រេចចិត្តបែបនេះតម្រូវឱ្យមានការឯកភាពគ្នាពីសមាជិកទាំង ២៧រូបរបស់ប្លុក ដោយប្រទេសហុងគ្រី ត្រូវបានគេមើលឃើញថាជាឧបសគ្គដ៏សំខាន់ក្នុងជំហាននេះ។ប្រសិនបើសំណើនេះត្រូវបានទទួលយក ក្រុមមន្ត្រីសហភាពអឺរ៉ុបរំពឹងថា កិច្ចពិភាក្សាជាផ្លូវការជាមួយទីក្រុងគីវ នឹងចាប់ផ្តើមនៅឆ្នាំក្រោយ។ ការចរចាបែបនេះត្រូវចំណាយពេលជាច្រើនឆ្នាំមុនពេលបេក្ខជនបំពេញតាមលក្ខណៈវិនិច្ឆ័យផ្នែកច្បាប់ និងសេដ្ឋកិច្ចទូលំទូលាយដើម្បីចូលរួមជាសមាជិក ហើយប្លុកនេះក៏មានការប្រុងប្រយ័ត្នក្នុងការទទួលយកសំណើសមាជិកភាពពីប្រទេសណាមួយដែលកំពុងមានសង្រ្គាមផងដែរ៕

សម្ដេចធិបតី៖ ឯករាជ្យ និងសន្ដិភាពសុទ្ធតែកើតចេញពីការខិតខំប្រឹងប្រែង និងផ្ដួចផ្ដើមដោយខ្មែរខ្លួនឯង

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ថ្លែងក្នុងឱកាសពិធីប្រារព្ធខួបអនុស្សាវរីយ៍ លើកទី៧០ នៃទិវាបុណ្យឯករាជ្យជាតិ ៩វិច្ឆិកា (៩ វិច្ឆិកា១៩៥៣ -៩ វិច្ឆិកា២០២៣) និងខួប៧០ឆ្នាំ នៃការបង្កើតកងយុទ្ធពលខេមរភូមិន្ទថា ឯករាជ្យ និងសន្ដិភាព ពុំមែនកើតឡើងដោយឯកឯងនោះទេ ទាំងការទទួលបានឯករាជ្យ និងសន្ដិភាព សុទ្ធតែកើតចេញពីការខិតខំប្រឹងប្រែង និងផ្ដួចផ្ដើមដោយខ្មែរខ្លួនឯង។ក្នុងឱកាស ខួបអនុស្សាវរីយ៍ លើកទី៧០ នៃទិវាបុណ្យឯករាជ្យជាតិ ៩វិច្ឆិកា (៩ វិច្ឆិកា១៩៥៣ -៩ វិច្ឆិកា២០២៣) និងខួប៧០ឆ្នាំ នៃការបង្កើតកងយុទ្ធពលខេមរភូមិន្ទ សម្តេចធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជាថ្លែងថា ក្នុងនាមជាកុលបុត្យខ្មែរ អ្នកដឹកនាំជំនាន់ក្រោយ និងប្រជាជនខ្មែរទាំងមូល ទាំងអស់គ្នា បានប្ដេជ្ញាយកអស់កម្លាំងកាយចិត្ត ដង្ហែតាមស្ថាមព្រះហត្ថប្រវត្តិសាស្រ្ត និងគំរូវីរភាពរបស់ព្រះមហាវិរក្សត្រ ព្រះវររាជបិតាជាតិខ្មែរ ព្រះបរមរតនកោដ្ឋ និងរួមគ្នាជាធ្លុងមួយ ក្រោយមព្រះរាជកិច្ចដឹកនាំរបស់ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជាបន្តពូនជ្រុំ ថែរក្សា និងការពារឱ្យបានស្ថិតស្ថេរចេរកាលនូវឯករាជ្យភាព អធិបតេយ្យ សន្ដិភាព ការអភិវឌ្ឍន៍ និងអាទិភាពជានិរន្ត នៃជាតិខ្មែរ។សម្ដេចធិបតីបញ្ជាក់ថា «ឯករាជ្យ និងសន្ដិភាព ពុំមែនកើតឡើងដោយឯកឯងនោះទេ ទាំងការទទួលបានឯករាជ្យ និងសន្ដិភាព សុទ្ធតែកើតចេញពីការខិតខំប្រឹងប្រែង និងផ្ដួចផ្ដើមដោយខ្មែរខ្លួនឯងក្នុងន័យនេះ»។ទន្ទឹមនឹងខួបទី៧០ នៃទិវាបុណ្យឯករាជ្យជាតិ ៩ វិច្ឆិកា និងទិវាកំណើតកងយោធពលខេមរភូមិន្ទ សម្ដេចធិបតី នាយករដ្ឋមន្រ្តី បានបញ្ជាក់ថា នាយទាហាន និងពលទាហានគ្រប់រូបនៃកងយោធពលខេរភូមិន្ទ និងបន្តប្ដូរផ្ដាច់ឥតងាករេ ក្នុងការធ្វើពលី0កម្ម បូជាសាច់ស្រស់ ឈាមស្រស់ ដើម្បីការពារទឹកដី ការពារអង្គព្រះមហាក្សត្រ ការពាររដ្ឋធម្មនុញ្ញ ការងាររាជរដ្ឋាភិបាលដែលប្រសូតចេញពីការបោះឆ្នោតផ្អែកតាមរដ្ឋធម្មនុញ្ញ និងលទ្ធិប្រជាធិបតេយ្យ សេរីពហុបក្ស។សម្ដេចធិបតីថ្លែងថា កងយោធពលខេមរភូមិន្ទក៏នឹងបន្តជ្រោងទង់ជាតិខ្មែរឱ្យបានល្បីរន្ទឺពាសពេញពិភពលោក តាមរយៈការចូលរួមជាកម្លាំង នៃសន្ដិភាពនៅបណ្ដាប្រទេសជាច្រើនក្នុងនាមជាវីរកុលបុត្រខ្មែរ ដែលត្រូវបានពិភពលោកទទួលស្គាល់ថា ជាកម្លាំងដែលមានវិន័យ មាន មនសិកា វិជ្ជាជីវៈខ្ពស់ និងសេចក្ដីថ្លៃថ្នូ។សម្ដេចធិបតីថ្លែងថា ប្រជារាស្រ្ដខ្មែរទាំងអស់ក៏មិនអាចបំភ្លេចបាននូវពលិកម្មដ៏ធំធេងរបស់នាយនគរបាល និងពលនគរបាលនៃអគ្គស្នងការនគរបាលជាតិ ដែលបានចូលរួមយ៉ាងសកម្មនូវក្នុងកិច្ចការពារជាតិ មាតុភូមិ សន្ដិសុខផ្ទៃក្នុងប្រទេស និងរក្សាសណ្ដាប់ធ្នាប់សង្គម ហើយតែងតែផ្ដល់ភាពកក់ក្ដៅជូនប្រជាពលរដ្ឋ ក្នុងនាមជាកងកម្លាំងដែលស្ថិតនៅជិត ជាប់ជាមួយនឹងប្រជាជន និងទទួលបាននូវសេចក្ដីស្រឡាញ់ពីប្រជាជន។លើសពីនេះ សម្ដេចធិបតី បានបញ្ជាក់ថា រាជរដ្ឋាភិបាល និងប្រជារាស្រ្ដទាំងអស់ក៏មិនអាចបំភ្លេចបានឡើយនូវការចូលរួមចំណែកយ៉ាងធំធេងរបស់កងកម្លាំងប្រដាប់អាវុធគ្រប់ប្រភេទនៅក្នុងការប្រយុទ្ធប្រឆាំង និងទប់ស្កាត់ជំងឺរាតត្បាតកូវីដ-១៩ នាពេលកន្លងមក៕

សម្តេចធិបតី ហ៊ុន ម៉ាណែត អះអាងថា កងយោធពលខេមរភូមិន្ទប្តូរផ្តាច់ឥតងាករេការពាររដ្ឋធម្មនុញ និងព្រះមហាក្សត្រ

សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជាបានថ្លែងអះអាងថា នាយទាហាន និងពលទាហានទាំងអស់ នៃកងយោធពលខេមរភូមិន្ទនឹងបន្តប្ដូរផ្ដាច់ដោយឥតងាករេក្នុងការបន្តធ្វើពលីកម្ម បូជាសាច់ស្រស់ឈាមស្រស់ការពារទឹកដី, ការពារអង្គព្រះមហាក្សត្រ, ការពាររដ្ឋធម្មនុញ្ញ, ការពាររាជរដ្ឋាភិបាលដែលកើតចេញពីការបោះឆ្នោត ដែលផ្អែកលើរដ្ឋធម្មនុញ្ញ និងលទ្ធិប្រជាធិបតេយ្យសេរីពហុបក្សជាដើម។ថ្លែងទៅកាន់អង្គមិទ្ទិញរំលឹកខួប ៧០ឆ្នាំនៃទិវាបុណ្យឯករាជ្យជាតិ៩វិច្ឆិកា(៩វិច្ឆិកា ១៩៥៣-៩វិច្ឆិកា ២០២៣ ) និងខួប៧០ឆ្នាំ នៃការបង្កើតកងយោធពលខេមរភូមិន្ទនៅមុខព្រះបរ មរាជវាំង ក្រោមព្រះវត្តមានដ៏ខ្ពង់ខ្ពស់បំផុត ពីព្រះករុណាព្រះបាទសម្ដេចព្រះបរមនាថ នរោត្ដមសីហមុនី ព្រះមហាក្សត្រ នៃព្រះរាជាណាចក្រកម្ពុជា សម្តេចធិបតី ហ៊ុន ម៉ាណែត បានសង្កត់ធ្ងន់ថា «នាយទាហាន និងពលទាហានគ្រប់រូប នៃកងយោធពលខេមរភូមិន្ទនឹងបន្តប្ដូរផ្ដាច់ឥតងាករេ ក្នុងការបន្តធ្វើពលីកម្មបូជាសាច់ស្រស់ឈាមស្រស់ការពារទឹកដី, ការពារអង្គព្រះមហាក្សត្រ, ការពាររដ្ឋធម្មនុញ្ញ, ការពាររាជរដ្ឋាភិបាលដែលប្រសូតចេញពីការបោះឆ្នោតដោយ ផ្អែកលើរដ្ឋធម្មនុញ្ញ និងលទ្ធិប្រជាធិបតេយ្យសេរីពហុបក្ស»។សម្តេចធិបតី នាយករដ្ឋមន្រ្តី បានបន្ថែមទៀតថា កងយោធពលខេមរភូមិន្ទក៏នឹងបន្តជ្រោងទង់ជាតិខ្មែរឲ្យល្បីរន្ទឺពេញពិភពលោកតាមរយៈការចូលរួមជាកម្លាំងសន្តិភាពនៅបណ្ដាប្រទេស ជាច្រើនក្នុងនាមជាវីរៈកុលបុត្រខ្មែរ ដែលត្រូវបានពិភពលោកទទួលស្គាល់ថាជាកម្លាំងដែលមានវិន័យមានមនសិការវិជ្ជាជីវៈខ្ពស់និងមានសេចក្តីថ្លៃថ្នូរ។យ៉ាងណាក៏ដោយសម្តេចធិបតីនាយករដ្ឋមន្រ្តី ក៏បានរំលេចផងដែរថា រាជរដ្ឋាភិបាលនឹងមិនអាច បំភ្លេចបាននូវការធ្វើពលីកម្មយ៉ាងធំធេងរបស់នាយនគរបាល និងពលនគរបាល នៃអគ្គស្នងការដ្ឋាននគរបាលជាតិ ដែលបានចូលរួមយ៉ាងសកម្ម ដើម្បីការពារជាតិមាតុភូមិ សន្តិសុខផ្ទៃក្នុងប្រទេស សណ្តាប់ធ្នាប់ សង្គម ហើយតែងតែផ្តល់ភាពកក់ក្តៅជូនដល់ប្រជាពលរដ្ឋ ក្នុងនាមជាកងកម្លាំងដែលស្ថិតនៅជិត និងជាប់ប្រជាជន និងទទួលបានសេចក្តីស្រលាញ់ពីប្រជាជន។ សម្តេចក៏បានថ្លែងកោតសរសើរ និងអគុណដល់កងកម្លាំងគ្រប់ប្រភេទទាំងអស់ ដែលបានចូលរួម យ៉ាងសកម្មក្នុងការទប់ស្កាត់ និងបង្ការនូវមេរោគកូវីដ១៩ នាពេលកន្លងមកផងដែរ៕ អត្ថបទ៖ បាន ចក់

សម្ដេចតេជោ ហ៊ុន សែន បង្ហាញគណនី ជនខិលខូចកំពុងក្លែងបន្លំតេឡេក្រាមរបស់សម្ដេច

ភ្នំពេញ៖ សម្ដេចតេជោ ហ៊ុន សែន នាព្រឹកថ្ងៃទី ៩ ខែវិច្ឆិកា ឆ្នាំ២០២៣នេះ បានបង្ហាញគណនីតេឡេក្រាមជនខិលខូចមួយចំនួន ដែលកំពុងក្លែងបន្លំ តេឡេក្រាមរបស់សម្ដេចផ្ទាល់។ សម្ដចេតេជោថ្លែងថា៖«សូមជូនជាព័ត៌មានបងប្អូនទាំងអស់បានជ្រាបថាពេលនេះមានជនខឹលខូចកំពុងក្លែងបន្លំតេឡេក្រាមខ្ញុំដូចមានរូបរាងខាងក្រោមនេះ»។

ប្រមុខការពារជាតិ រំលេចស្នាដៃ និងសមិទ្ធផលកងទ័ព ក្នុងការចូលរួមថែរក្សាសន្តិភាព និងបូរណភាពទឹកដី

ក្នុងឱកាសខួបអនុស្សាវរីយ៍លើកទី៧០ នៃការបង្កើតកងយោធពលខេមរភូមិន្ទ និងចំថ្ងៃខួបទី៧០ នៃថ្ងៃបុណ្យឯករាជ្យជាតិខ្មែរ ៩វិច្ឆិកា(៩ វិច្ឆិកា ១៩៥៣-៩ វិច្ឆិកា ២០២៣)ផងនោះ នាយឧត្តមសេនីយ៍ ទៀ សីហា ឧបនាយករដ្ឋមន្រ្តីរដ្ឋមន្រ្តីក្រសួងការពារជាតិកម្ពុជា បានរំលេច និងវាយតម្លៃខ្ពស់នូវស្នាដៃ និងសមិទ្ធរបស់កងទ័ពដែលបានចូលរួមថែរក្សាការពារសុខសន្តិភាព ឯករាជ្យអធិបតេយ្យ បូរណភាពទឹកដី និងកិច្ចការមនុស្សធម៌ និងសង្គមជាច្រើនទៀតជាមួយរាជរដ្ឋាភិបាល។តាមរយៈសារជូនពរដល់នាយទាហាន នាយទាហានរង ពលទាហាន ក្នុងឱកាសខួបទី៧០ នៃ ការបង្កើតកងទ័ព នាយឧត្តមឧត្តមសេនីយ៍ ទៀ សីហា បានលើកឡើងថា ឯកឧត្តម «សូមសម្តែងនូវការកោតសរសើរយ៉ាងស្មោះចំពោះរាល់ស្នាដៃ និងសមិទ្ធផលដ៏ថ្លៃថ្លាមិនអាចកាត់ថ្លៃបាន ដែលកងយោធពលខេមរភូមិន្ទខិតខំប្រឹងប្រែង សម្រេចបាននាពេលកន្លងមកទៅក្នុងកិច្ចការពារសន្តិភាព ឯករាជ្យអធិបតេយ្យ បូរភាពទឹកដីយ៉ាងគង់វង្ស ស្ថិតស្ថេរគ្រប់កាលៈទេសៈ ពង្រឹងខឿនការពារជាតិរបស់ប្រជាជន រឹងមាំខ្លាំងក្លា និងធ្វើឲ្យប្រជាជនបានរស់នៅដោយសុខដុមរមនាលើទឹកដីរបស់ខ្លួន និងមានឱកាសពេញលេញសម្រាប់ ការអភិវឌ្ឍសង្គមសេដ្ឋកិច្ច»។នាយឧត្តមសេនីយ៍ ទៀ សីហា បានលើកឡើងទៀតថា ជាមួយនឹងស្នាដៃសមិទ្ធផលលេចធ្លោ សម្រេចបានខាងលើ កងយោធពលខេមរភូមិន្ទបានកសាងហេដ្ឋារចនាសម្ព័ន្ធផ្លូវយុទ្ធសាស្រ្ត ខ្សែព្រំដែន កសាងភូមិ ឃុំ និងអភិវឌ្ឍន៍សហគមន៍ប្រជាពលរដ្ឋនៅតាមព្រំដែន តាមរយៈការបង្កើត និងអភិវឌ្ឍន៍តំបន់ ប្រវត្តិសាស្រ្តយោធានៅតាមព្រំដែន សំដៅលើកកម្ពស់ការពង្រឹងយុទ្ធសាស្រ្តការពារព្រំដែនយូរអង្វែង ដែលជាមូលដ្ឋានរឹងមាំមួយ សម្រាប់កិច្ចការពារបូរណភាពទឹកដី និងកសាងព្រំដែនជាតំបន់សន្តិភាព មិត្ត ភាព សហប្រតិបត្តិការ និងការអភិវឌ្ឍ ព្រមទាំងប្រែក្លាយអតីតសមរភូមិជាតំបន់ផលិតកម្មទីផ្សារ និងទេសចរណ៍ជាដើម។តាមរយៈសារលិខិតជូនពរនេះ ប្រមុខការពារជាតិកម្ពុជា ក៏បានរំលេចផងដែរថា កងយោធពល ខេមរភូមិន្ទ បានសហការជាមួយក្រសួង ស្ថាប័ន សមត្ថកិច្ចពាក់ព័ន្ធ រួមចំណែកយ៉ាងសំខាន់ក្នុងការថែរក្សា សន្តិសុខជាតិ តាមរយៈការអនុវត្តគោលនយោបាយ«ភូមិ ឃុំ សង្កាត់មានសុវត្ថិភាព» ការអភិវឌ្ឍសេដ្ឋកិច្ច -សង្គម ការកសាងហេដ្ឋារចនាសម្ព័ន្ធ ការការពារធនធានធម្មជាតិ ការបោសសម្អាតមីន និងយុទ្ធភ័ណ្ឌមិន ទាន់ផ្ទុះ និងការជួយសង្រ្គោះប្រជាជនពេលកើតមានគ្រោះមហន្តរាយផ្សេងៗ ដូចជាគ្រោះទឹកជំនន់ គ្រោះ រាំងស្ងួត ជំងឺឆ្លងរាតត្បាត និងពង្រឹងកិច្ចសហប្រតិបត្តិការជាមួយបណ្តាប្រទេសក្នុងវិស័យការពារជាតិ ដោយផ្អែកលើរដ្ឋធម្មនុញ្ញ ច្បាប់ជាតិ និងច្បាប់អន្តរជាតិ ដើម្បីពង្រឹងសមត្ថភាពការពារជាតិ ពង្រឹងអធិបតេយ្យជាតិ និងលើកកម្ពស់ការចូលរួមក្នុងបេសសកម្មថែរក្សាសន្តិភាព ក្រោមឆត្រអង្គការសហប្រជាជាតិ នៅបណ្តាប្រទេសដែលកំពុងមានវិបត្តិនៅទ្វីបអាហ្វ្រិក និងតំពន់មជ្ឈមបូព៌ា, ការទប់ស្កាត់ការរីករាលដាល នូវកូវីដ១៩ និងស្នាដៃជាច្រើនទៀត។ យ៉ាងណាក៏ដោយនៅក្នុងឱកាសខួបលើកទី៧០ នៃការបង្កើតកងទ័ពនេះ នាយឧត្តមសេនីយ៍ ទៀ សីហា ក្នុងនាមថ្នាក់ដឹកនាំក្រសួងការពារជាតិ សូមប្រសិទ្ធពរជ័យជូនចំពោះនាយទាហាន នាយទាហានរង និងពលទាហានទាំងអស់នៅគ្រប់ទីកន្លែង មានសុខភាពល្អ និងបន្តទទួលបានជោគជ័យគ្រប់ភារកិច្ច ផងដែរ៕ អត្ថបទ៖ បាន ចក់

បណ្ដាញសង្គម

ព័ត៌មានថ្មីៗ

រដ្ឋមន្រ្តីសុខាភិបាល អនុញ្ញាតឱ្យគណៈកម្មការប្រយុទ្ធប្រឆាំងផលិតផលក្លែងក្លាយ ដែលបង្កគ្រោះថ្នាក់មានហានិភ័យខ្ពស់ដល់សុខភាព និងសុវត្ថិភាពសង្គម ជួបសម្តែងការគួរសម និងពិភាក្សាការងារ

រ៉្វាន់ដា៖ ការអំពាវនាវរបស់កុងហ្គោឲ្យ UN ទទួលស្គាល់មាន «អំពើប្រល័យពូជសាសន៍» គឺជាទង្វើ «ល្ងង់ខ្លៅ»

វិមានក្រឹមឡាំងបដិសេធមិនធ្វើអត្ថាធិប្បាយ ជុំវិញឧប្បត្តិហេតុយានដ្រូន នៅប៉ូឡូញ

ក្រុមបារាំងកៀរគរគ្នាដើម្បីបេតិកភណ្ឌកម្ពុជា

នាយករដ្ឋមន្ត្រីអង់គ្លេស៖ ការរំលោភរបស់រុស្ស៊ីលើដែនអាកាសប៉ូឡូញ គឺជា «ធ្វេសប្រហែសខ្លាំងណាស់»

សមាជិកព្រឹទ្ធសភាអូស្ត្រាលីស្តាំនិយម ត្រូវបណ្តេញចេញពីក្រសួងស្រមោល ជុំវិញការអត្ថាធិប្បាយប្រឆាំងឥណ្ឌា

ក្រុងច្បារមន និងខេត្តកំពង់ស្ពឺ ទទួលបាន ជ័យលាភី “ទីក្រុងទេសចរណ៍គ្មានផ្សែងបារី”

ក្រុមហ៊ុនអាកាសចរណ៍ JAL រងការព្រមានជាលើកទី២ ពាក់ព័ន្ធនឹងអ្នកបើកបរយន្តហោះស្រវឹង

ប្រមុខគណៈកម្មការ EU បញ្ជាក់ថា លោកស្រីនឹងស្នើវិធានការថ្មីផ្ដោតលើអ៊ីស្រាអែល

សំឡេងផ្ទុះបន្លឺឡើង ក្រោយរថយន្តផ្លូវដែកផ្ទុកដោយឥន្ធនៈ មានអគ្គិភ័យ នៅលីទុយអានី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

សម្ដេចធិបតីនាយករដ្ឋមន្ត្រី៖ សម្ដេចព្រះ នរោត្ដម សីហនុ បានធ្វើឱ្យពិភពលោកស្គាល់កម្ពុជាឡើងវិញ

ឯកឧត្តរដ្ឋមន្ត្រី ជា វ៉ាន់ដេត បានទទួលជួបពិភាក្សាការងារជាមួយសមាគមសហគ្រិនវ័យក្មេងកម្ពុជា

ហុងគ្រីបញ្ជាក់ថា សមាជិកភាពអ៊ុយក្រែន នឹងគំរាមកំហែងសន្តិសុខសហភាពអឺរ៉ុប

ព្រះករុណា ព្រះមហាក្សត្រ៖ ៩ វិច្ឆិកា ១៩៥៣ កម្ពុជាឈរស្មើបារាំង ក្នុងឋានៈជារដ្ឋឯករាជ្យពេញលេញ

អ៊ុយក្រែន សាទរជំហានប្រវត្តិសាស្ត្រ ខណៈទីក្រុងគីវ ជិតក្លាយជាសមាជិកសហភាពអឺរ៉ុប

សម្ដេចធិបតី៖ ឯករាជ្យ និងសន្ដិភាពសុទ្ធតែកើតចេញពីការខិតខំប្រឹងប្រែង និងផ្ដួចផ្ដើមដោយខ្មែរខ្លួនឯង

សម្តេចធិបតី ហ៊ុន ម៉ាណែត អះអាងថា កងយោធពលខេមរភូមិន្ទប្តូរផ្តាច់ឥតងាករេការពាររដ្ឋធម្មនុញ និងព្រះមហាក្សត្រ

សម្ដេចតេជោ ហ៊ុន សែន បង្ហាញគណនី ជនខិលខូចកំពុងក្លែងបន្លំតេឡេក្រាមរបស់សម្ដេច

ប្រមុខការពារជាតិ រំលេចស្នាដៃ និងសមិទ្ធផលកងទ័ព ក្នុងការចូលរួមថែរក្សាសន្តិភាព និងបូរណភាពទឹកដី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

សម្ដេចធិបតីនាយករដ្ឋមន្ត្រី៖ សម្ដេចព្រះ នរោត្ដម សីហនុ បានធ្វើឱ្យពិភពលោកស្គាល់កម្ពុជាឡើងវិញ

ឯកឧត្តរដ្ឋមន្ត្រី ជា វ៉ាន់ដេត បានទទួលជួបពិភាក្សាការងារជាមួយ​សមាគមសហគ្រិនវ័យក្មេងកម្ពុជា

ហុងគ្រីបញ្ជាក់ថា សមាជិកភាពអ៊ុយក្រែន នឹងគំរាមកំហែងសន្តិសុខសហភាពអឺរ៉ុប

ព្រះករុណា ព្រះមហាក្សត្រ៖ ៩ វិច្ឆិកា ១៩៥៣ កម្ពុជាឈរស្មើបារាំង ក្នុងឋានៈជារដ្ឋឯករាជ្យ​ពេញលេញ

អ៊ុយក្រែន សាទរជំហានប្រវត្តិសាស្ត្រ ខណៈទីក្រុងគីវ ជិតក្លាយជាសមាជិកសហភាពអឺរ៉ុប

សម្ដេចធិបតី៖ ឯករាជ្យ និងសន្ដិភាពសុទ្ធតែកើតចេញពីការខិតខំប្រឹងប្រែង និងផ្ដួចផ្ដើមដោយខ្មែរខ្លួនឯង

សម្តេចធិបតី ហ៊ុន ម៉ាណែត អះអាងថា កងយោធពលខេមរភូមិន្ទប្តូរផ្តាច់​ឥតងាករេការពាររដ្ឋធម្មនុញ និងព្រះមហាក្សត្រ

សម្ដេចតេជោ ហ៊ុន សែន បង្ហាញគណនី ជនខិលខូចកំពុងក្លែងបន្លំតេឡេក្រាមរបស់សម្ដេច

ប្រមុខការពារជាតិ រំលេចស្នាដៃ និងសមិទ្ធផលកងទ័ព ក្នុងការចូលរួមថែរក្សាសន្តិភាព និងបូរណភាពទឹកដី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ឯកឧត្តរដ្ឋមន្ត្រី ជា វ៉ាន់ដេត បានទទួលជួបពិភាក្សាការងារជាមួយសមាគមសហគ្រិនវ័យក្មេងកម្ពុជា

ព្រះករុណា ព្រះមហាក្សត្រ៖ ៩ វិច្ឆិកា ១៩៥៣ កម្ពុជាឈរស្មើបារាំង ក្នុងឋានៈជារដ្ឋឯករាជ្យពេញលេញ

សម្តេចធិបតី ហ៊ុន ម៉ាណែត អះអាងថា កងយោធពលខេមរភូមិន្ទប្តូរផ្តាច់ឥតងាករេការពាររដ្ឋធម្មនុញ និងព្រះមហាក្សត្រ