នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី៖គិតត្រឹមខែមេសាឆ្នាំនេះយុវជនមកពីគ្រួសារក្រីក្រ និងងាយរងហានិភ័យចំនួន ២៧,១ម៉ឺននាក់ទទួលបានការបណ្ដុះបណ្ដាលជំនាញវិជ្ជាជីវៈ
សម្ដេ​ចតេជោ ហ៊ុន សែន៖«២០ មិថុនា ១៩៧៧ ជីវិតរបស់ខ្ញុំ និងភរិយាពេលនោះជួបជាមួយគ្រោះថ្នាក់ និងលំបាកវេទនាខ្លាំងណាស់»
សម្តេចតេជោ ហ៊ុន សែន ថ្លែងថា អាវក្រោះ និងសម្ភារយោធាម៉ាក DSS សុទ្ធតែមានគុណភាពហើយអាវការពារនេះនាយករដ្ឋមន្រ្តីបានសាករួចហើយ
សម្ដេចតេជោ ហ៊ុន សែន អញ្ជើញពិនិត្យមើលរោងចក្រ ផលិតសម្ភារៈយោធា DSS និងសំណេះសំណាលជាមួយកម្មករ កម្មការិនី

នយោបាយ​ និង ការអភិវឌ្ឍន៍

អារ៉ាប៊ីសាអ៊ូឌីត៖​ ខ្លួននឹងធ្វើជាម្ចាស់ផ្ទះកិច្ចប្រជុំកំពូលអារ៉ាប់ និងឥស្លាម ដើម្បីពិភាក្សាអំពីជម្លោះហ្កាហ្សា

2023/11/08 12:55:48 pm        130
Facebook Telegram Linkin
រដ្ឋមន្ត្រីវិនិយោគរបស់ប្រទេសអារ៉ាប៊ីសាអ៊ូឌីត បាននិយាយនៅថ្ងៃពុធនេះថា អារ៉ាប៊ីសាអ៊ូឌីត នឹងធ្វើជាម្ចាស់ផ្ទះនៃកិច្ចប្រជុំកំពូលនៃប្រទេសអារ៉ាប់ និងឥស្លាម នៅប៉ុន្មានថ្ងៃខាងមុខ ដើម្បីពិភាក្សាអំពីជម្លោះអ៊ីស្រាអែល និងប៉ាឡេស្ទីន។ លោក Khalid Al-Falih រដ្ឋមន្ត្រីក្រសួងវិនិយោគអារ៉ាប៊ីសាអ៊ូឌីត លោក Khalid Al-Falih បានថ្លែងនៅឯវេទិកាសេដ្ឋកិច្ចថ្មីរបស់សារព័ត៌មាន Bloomberg ក្នុងប្រទេសសិង្ហបុរីថា៖«នៅសប្តាហ៍នេះ ក្នុងរយៈពេលប៉ុន្មានថ្ងៃខាងមុខ យើងនឹងឃើញអារ៉ាប៊ីសាអ៊ូឌីត នឹងរៀបចំកិច្ចប្រជុំកំពូលអារ៉ាប់ជាបន្ទាន់ នៅទីក្រុងរីយ៉ាដ»។លោកបាននិយាយថា៖«នៅប៉ុន្មានថ្ងៃទៀត អ្នកនឹងឃើញអារ៉ាប៊ីសាអ៊ូឌីត រៀបចំកិច្ចប្រជុំកំពូលឥស្លាមមួយ»។«ក្នុងរយៈពេលខ្លី គោលបំណងនៃការរៀបចំកិច្ចប្រជុំកំពូលទាំងបីនេះ និងកិច្ចប្រជុំផ្សេងទៀត ក្រោមការដឹកនាំរបស់ប្រទេសអារ៉ាប៊ីសាអ៊ូឌីត នឹងជំរុញឆ្ពោះទៅរកដំណោះស្រាយជម្លោះដោយសន្តិវិធី»។សារព័ត៌មាន Etemadonline បានរាយការណ៍ថា ប្រធានាធិបតីអ៊ីរ៉ង់ លោកអ៊ីប្រាហ៊ីម រ៉េស៊ី ( Ebrahim Raisi) នឹងធ្វើដំណើរទៅកាន់ប្រទេសអារ៉ាប៊ីសាអ៊ូឌីត នៅថ្ងៃអាទិត្យ ដើម្បីចូលរួមកិច្ចប្រជុំកំពូលនៃអង្គការកិច្ចសហប្រតិបត្តិការឥស្លាម ជាដំណើរទស្សនកិច្ចលើកដំបូងរបស់ប្រមុខរដ្ឋអ៊ីរ៉ង់ ចាប់តាំងពីទីក្រុងតេអេរ៉ង់ និងទីក្រុងរីយ៉ាដ បានបញ្ចប់ភាពអរិភាពជាច្រើនឆ្នាំ ក្រោមកិច្ចព្រមព្រៀងដែលសម្របសម្រួលដោយប្រទេសចិន កាលពីខែមីនា។

លោក Biden ស្នើឱ្យលោក Netanyahu យល់ព្រមចំពោះការផ្អាកសង្គ្រាមរយៈពេល៣ថ្ងៃ

2023/11/08 12:45:41 pm        87
Facebook Telegram Linkin
ការរាយការណ៍របស់ប្រព័ន្ធផ្សព្វផ្សាយ បាននិយាយថា ប្រធានាធិបតីសហរដ្ឋអាមេរិក លោក Joe Biden បានទទូចឱ្យនាយករដ្ឋមន្ត្រីអ៊ីស្រាអែល លោក Benjamin Netanyahu ព្រមព្រៀងចំពោះការផ្អាកសង្គ្រាមរយៈពេលបីថ្ងៃនៅក្នុងការប្រយុទ្ធគ្នានៅតំបន់ហ្កាហ្សា។ គេហទំព័រព័ត៌មានអាមេរិក Axios បានចេញរបាយការណ៍មួយកាលពីថ្ងៃអង្គារ ដែលគេហទំព័រនេះ បានដកស្រង់សម្តីមន្ត្រីអាមេរិក និងអ៊ីស្រាអែល និយាយថា លោក Biden បានធ្វើសំណើនេះ នៅពេលមេដឹកនាំទាំងពីរសន្ទនាគ្នាតាមទូរស័ព្ទកាលពីថ្ងៃ ចន្ទ។ ការផ្អាកសង្គ្រាមត្រូវបានគេនិយាយថា ត្រូវការដើម្បីអនុញ្ញាតឱ្យមានវឌ្ឍនភាពបន្ថែមទៀតក្នុងកិច្ចខិតខំប្រឹងប្រែងដើម្បីទទួលបានការដោះលែងចំណាប់ថ្នូរ ដែលកំពុងត្រូវបានឃុំខ្លួនដោយក្រុមហាម៉ាស។របាយការណ៍បាននិយាយថា សហរដ្ឋអាមេរិក អ៊ីស្រាអែល និងប្រទេសកាតា បាននឹងកំពុងពិភាក្សាលើសំណើមួយទាក់ទងទៅនឹងការដោះលែងចំណាប់ថ្នូរ។ ប្រទេសកាតា កំពុងធ្វើការជាអ្នកសម្របសម្រួលរវាងក្រុមហាម៉ាស់ និងភាគីផ្សេងទៀត។ យោងតាមសំណើនេះបានឲ្យដឹងថា ក្រុមហាម៉ាស់នឹងដោះលែងចំណាប់ថ្នូរពី ១០ ទៅ ១៥ នាក់ ហើយប្រើប្រាស់ការផ្អាកសង្គ្រាមរយៈពេល ៣ ថ្ងៃដើម្បីផ្ទៀងផ្ទាត់អត្តសញ្ញាណនៃចំណាប់ថ្នូរទាំងអស់ដែលនៅសល់។ ក្រុមនេះក៏នឹងផ្តល់បញ្ជីឈ្មោះអ្នកដែលត្រូវបានឃុំខ្លួនផងដែរ។ គេហទំព័រ Axios បាននិយាយថា ខ្លួនបានទទួលព័ត៌មាននេះពីមន្ត្រីអាមេរិក។របាយការណ៍ បានដកស្រង់សម្តីមន្ត្រីអាមេរិក និងអ៊ីស្រាអែលថា លោក Netanyahu បានប្រាប់លោក Biden ថា លោកមិនជឿជាក់លើបំណងរបស់ក្រុមហាម៉ាសនោះទេ។ មេដឹកនាំអ៊ីស្រាអែលរូបនេះ បាននិយាយថា លោកមិនជឿថាក្រុមហាម៉ាសបានត្រៀមខ្លួនដើម្បីយល់ព្រមលើកិច្ចព្រមព្រៀងនេះទេ។ លោក Netanyahu ត្រូវបានគេរាយការណ៍ថា បានប្រាប់លោក Biden ថា អ៊ីស្រាអែលអាចបាត់បង់ការគាំទ្រជាអន្តរជាតិដែលខ្លួនមាន សម្រាប់ប្រតិបត្តិការនាពេលបច្ចុប្បន្ន ប្រសិនបើការប្រយុទ្ធត្រូវផ្អាករយៈពេលបីថ្ងៃ។

អ្នកជំនាញ៖ កិច្ចប្រជុំរវាងលោកស៊ី និងលោកបៃដិន គឺជាចំណុចសំខាន់នៃកិច្ចប្រជុំកំពូល APEC នៅសាន់ហ្វ្រាន់ស៊ីស្កូ

2023/11/08 12:22:40 pm        76
Facebook Telegram Linkin
បណ្ដាមេដឹកនាំមកពីវេទិកាសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក (APEC) ដែលមានសមាជិក ២១ប្រទេស នឹងជួបប្រជុំគ្នានៅទីក្រុងសាន់ហ្វ្រាន់ស៊ីស្កូ របស់សហរដ្ឋអាមេរិក ក្នុងខែនេះសម្រាប់កិច្ចប្រជុំកំពូល APEC លើកទី៣០ ដែលសហរដ្ឋអាមេរិក ធ្វើជាម្ចាស់ផ្ទះលើកដំបូងចាប់តាំងពីឆ្នាំ២០១១ មក។ដូចការជួបជុំអន្តរជាតិភាគច្រើនដែរ កិច្ចប្រជុំកំពូល APEC បានក្លាយជាវេទិកាមួយសម្រាប់ការប្រកួតប្រជែងជាយុទ្ធសាស្ត្ររវាងសហរដ្ឋអាមេរិក និងចិន ដែលជាមហាអំណាចសេដ្ឋកិច្ចទាំងពីររបស់ពិភពលោក ហើយភ្នែកអន្តរជាតិទាំងអស់ នឹងផ្តោតលើកិច្ចប្រជុំកំពូលទ្វេភាគីដែលរំពឹងទុកនៅខាងក្រៅវេទិកានេះ រវាងប្រធានាធិបតីសហរដ្ឋអាមេរិក លោក ចូ បៃដិន (Joe Biden) និងប្រធានាធិបតីចិន លោក ស៊ី ជីនពីង (Xi Jinping)។លោកសាស្ត្រាចារ្យ វ៉ីននី អាហ្កាវ៉ាល (Vinnie Aggarwal) ផ្នែកវិទ្យាសាស្ត្រនយោបាយ និងជានាយកមជ្ឈមណ្ឌលសិក្សា ប៊ឺកខឺឡេ អេពិក (Berkeley APEC) នៅសាកលវិទ្យាល័យកាលីហ្វ័រនីញ៉ា ប៊ឺកខឺឡេ បាននិយាយថា វាមានសារៈសំខាន់ជាពិសេសនៅឆ្នាំនេះ ដោយសារតែភាពតានតឹងរវាងសហរដ្ឋអាមេរិក និងចិន ហើយឱកាសដើម្បីឲ្យលោកប្រធានាធិបតី ស៊ី ជួបជាមួយលោកប្រធានាធិបតី បៃដិន គឺជារឿងដ៏សំខាន់មួយ ហើយជំនួបនោះទំនងជាក្លាយជាចំណុចសំខាន់នៃកិច្ចប្រជុំកំពូលមួយនេះ។លោក ស៊ី មិនទាន់បានបញ្ជាក់ពីការចូលរួមក្នុងកិច្ចប្រជុំ APEC របស់ខ្លួននៅឡើយទេ ប៉ុន្តែជំនួបរវាងប្រធានាធិបតីទាំងពីរ នឹងក្លាយជាជំនួបលើកទីពីររបស់ពួកគេ ចាប់តាំងពីលោក បៃដិន ចូលកាន់តំណែងក្នុងខែមករា ឆ្នាំ២០២១ មក។ មេដឹកនាំទាំងពីររូបនេះ បានជួបគ្នាជាលើកដំបូងនៅក្នុងកិច្ចប្រជុំកំពូលក្រុមប្រទេសទាំង២០ (G20) នៅកោះបាលី កាលពីមួយឆ្នាំមុន៕

កម្ពុជា-អាមេរិក នឹងបង្កើនកិច្ចសហប្រតិបត្តិការបន្ថែមទៀត លើការទប់ស្កាត់បទល្មើសបច្ចេកវិទ្យា និងឧក្រិដ្ឋកម្មឆ្លងដែន

2023/11/08 11:59:44 am        200
Facebook Telegram Linkin
ភ្នំពេញ៖ រាជរដ្ឋាភិបាលកម្ពុជា និងសហរដ្ឋអាមេរិក បានសន្យាបង្កើនកិច្ចសហប្រតិបត្តិការ​ទ្វេភាគី​បន្ថែមទៀត លើការងារទប់ស្កាត់បទល្មើសបច្ចេកវិទ្យា ​បទឧក្រិដ្ឋកម្មឆ្លងដែន និងបទល្មើសឧក្រិដ្ឋផ្សេងៗទៀត ដែលនាំឲ្យប៉ះពាល់សន្តិសុខដល់ប្រជាជន និងប្រទេសទាំងពីរ។នៅក្នុងកិច្ចជំនួបជាច្រើនម៉ោងរវាងឯកឧត្តមសន្ដិបណ្ឌិត នេត សាវឿន ឧបនាយករដ្ឋមន្ដ្រី និងជាប្រធានអាជ្ញាធរជាតិប្រយុទ្ធប្រឆាំងគ្រឿងញៀន ​ជាមួយលោក W.Patrick Murphy ឯកអគ្គរដ្ឋទូតសហរដ្ឋអាមេរិកប្រចាំនៅកម្ពុជា នាល្ងាចថ្ងៃទី៧ ខែវិច្ឆិកា ឆ្នាំ២០២៣ម្សិលមិញនេះ នៅវិមានសន្តិភាព ភាគីទាំងពីរបានលើកឡើងអំពី ការប្តេជ្ញាចិត្តរួមគ្នាពង្រឹងកិច្ចសហប្រតិបត្តិការលើ​ការងារ​សន្ដិសុខ​ ផ្លាស់ប្ដូរព័ត៌មាន ​ដើម្បីទប់ស្កាត់អំពើភេរវកម្ម ​បទល្មើសបច្ចេកវិទ្យា និង​បទឧក្រិដ្ឋឆ្លងដែនគ្រប់ប្រភេទ ព្រមទាំងបន្ដលើការងារបណ្ដុះបណ្ដាល ពិសេសជំនាញ​បទល្មើសបច្ចេកវិទ្យា បទល្មើសប្រឆាំងការសម្អាតប្រាក់ និងប្រឆាំងគ្រឿងញៀនជាដើម។បន្ថែមពីនេះទៀត ​ភាគីទាំងពីរក៏បានពិភាក្សាគ្នា អំពីកិច្ចសហប្រតិបត្តិការ «លើការងារប្រឆាំង​ការជួញដូរមនុស្ស លុបបំបាត់អំពើ​កេងប្រវ័ញ្ច​ផ្លូវភេទលើកុមារ ​ក៏ដូចជាចូលរួមចំណែក ក្នុងការដាក់ទោសឲ្យបានធ្ងន់ធ្ងរលើជនដែលប្រព្រឹត្តបទល្មើសនេះផងដែរ»។នៅក្នុងកិច្ចជំនួបនោះលោកឯកអគ្គរដ្ឋទូត W.Patrick Murphy បាន​សម្ដែង​នូវ​ការកោតសរសើរ និង​វាយតម្លៃខ្ពស់ ចំពោះកិច្ចខិតខំប្រឹងប្រែង ​លើការងារការពារ​សន្ដិសុខ សណ្ដាប់ធ្នាប់ និងសុវត្ថិភាព​នាពេលកន្លងមក ក្រោមការដឹកនាំ​បញ្ជាផ្ទាល់​របស់​ឯកឧត្តម ឧបនាយករដ្ឋមន្ដ្រី នេត សាវឿន កាលនៅជាអគ្គស្នងការនគរបាលជាតិ។ ពិសេសការពារព្រឹត្តិការណ៍សំខាន់នានា ក្នុងនោះ​មានទាំងដំណើរចូលរួមកិច្ចប្រជុំរបស់ប្រធានាធិបតីអាមេរិក​នៅកម្ពុជា ហើយក៏ទទួលបាន​នូវការកោតសរសើរ ពីស្ថាប័នការពារផ្ទាល់របស់ប្រធានាធិបតី។ជាមួយគ្នានោះដែរលោក ឯកអគ្គរដ្ឋទូតក៏បានសំណូមពរដល់ ​ឯកឧត្តមឧបនាយករដ្ឋមន្ដ្រី នេត សាវឿន​ បន្ដជួយគាំទ្រដល់ក្រុមការងារ Task Force ​ដែលបានបង្កើតឡើងរួមគ្នារវាង អគ្គស្នង ការដ្ឋាន​នគរបាលជាតិ និង FBI របស់សហរដ្ឋអាមេរិក។ ​ទាក់ទងនឹងកិច្ចការងារនេះ ឯកឯកអគ្គរដ្ឋទូត បានអះអាងថា ​កន្លងមកក្រុមការងារនេះ Task Force បានជួយធ្វើការងារជាច្រើន ក្នុងការបង្ការបទល្មើស​ដែលបង្កដោយពលរដ្ឋអាមេរិក ​ដើម្បីចាប់ជនបង្កទាំងនោះ បញ្ជូនទៅ​ផ្ដន្ទាទោស​នៅអាមេរិកវិញ ​ហើយបម្រើដល់ប្រយោជន៍រដ្ឋាភិបាលអាមេរិកជាច្រើនផងដែរ។ថ្លែងនៅក្នុងកិច្ចជំនួបនោះដែរ ​ឯកឧត្តមឧបនាយករដ្ឋមន្ដ្រី នេត សាវឿន បានឯកភាពទាំងស្រុង​ចំពោះសំណូមពររបស់ឯកអគ្គរដ្ឋទូតអាមេរិក ​និងបានសំណូមពរទៅកាន់ភាគីអាមេរិកវិញ ឲ្យបន្ដជួយលើការងារបណ្ដុះបណ្ដាលមន្ដ្រីជំនាញ ​មន្ដ្រីបច្ចេកទេស ​ក៏ដូចជាសម្ភារៈនានា ដែលបម្រើ​ដល់ការងារប្រយុទ្ធប្រឆាំងបទល្មើស ​បទឧក្រិដ្ឋឆ្លងដែនគ្រប់ប្រភេទ ​បទល្មើសប្រឆាំងភេរវកម្ម និង​បទល្មើសគ្រឿងញៀនជាដើម៕អត្ថបទ៖ បាន ចក់

គណបក្សប្រជាធិបតេយ្យអាមេរិក ឈ្នះការបោះឆ្នោតស្ដីពីសិទ្ធិរម្លូតកូន នៅរដ្ឋឃិនថាក់គីនិងរដ្ឋ អូហៃយ៉ូ

2023/11/08 11:34:41 am        88
Facebook Telegram Linkin
គណបក្សរបស់លោក Joe Biden បានទទួលជ័យជម្នះក្នុងការបោះឆ្នោតដ៏ធំចំនួនពីរកាលពីថ្ងៃអង្គារ ខណៈអភិបាលរដ្ឋមកពីគណបក្សប្រជាធិបតេយ្យ លោក អែនឌី បេស៊ៀ (Andy Beshear)ត្រូវបានជាប់ឆ្នោតជាថ្មី នៅក្នុងរដ្ឋឃិនថាក់គី (Kentucky) ហើយក្រុមអ្នកបោះឆ្នោតរដ្ឋ អូហៃយ៉ូ (Ohio) បានគាំទ្រវិធានការបោះឆ្នោតដែលបញ្ជាក់ពីសិទ្ធិរម្លូតកូននៅក្នុងរដ្ឋធម្មនុញ្ញរបស់រដ្ឋនេះ ។ លោក Beshear ទទួលបានអាណត្តិទីពីរនៅក្នុងរដ្ឋធ្លាប់គ្រប់គ្រងដោយគណបក្សសាធារណៈរដ្ឋមួយជាទីដែលអតីតប្រធានាធិបតី លោក Donald Trump បានផ្តួល Biden ចំនួន២៦ ពិន្ទុកាលពីឆ្នាំ ២០២០ ។ សារព័ត៌មាន AP បានព្យាករណ៍ថា លោកBeshear បានយកឈ្នះគូប្រជែងខាងគណបក្សសាធារណរដ្ឋដែលទើបជាប់ថ្មីៗ គឺ លោកដានីញែលកាម៉េរ៉ុន (Daniel Cameron) ដែលត្រូវបានគាំទ្រដោយលោក Trump ពីរម៉ោងបន្ទាប់ពីការបោះឆ្នោតបានបិទនៅរដ្ឋ Kentucky។ក្រោយមកសេតវិមានបាននិយាយថា លោក Biden បានទូរស័ព្ទទៅលោក Beshear ដើម្បីអបអរសាទរលោកចំពោះជ័យជម្នះរបស់លោក។ក្រុមអ្នកបោះឆ្នោតក្នុងរដ្ឋ Ohio ជារដ្ឋគ្រប់គ្រងដោយគណបក្សសាធារណរដ្ឋ ដែល Trump បានឈ្នះចំនួន៨ពិន្ទុក្នុងឆ្នាំ កាលពីឆ្នាំ២០២០ ទំនងជាគាំទ្រយ៉ាងច្រើនលើសលប់ចំពោះវិធានការបោះឆ្នោតដែលបានកំណត់សិទ្ធិក្នុងការរំលូតកូននៅក្នុងរដ្ឋធម្មនុញ្ញរបស់រដ្ឋនេះ ។ វិធានការបោះឆ្នោតនេះបានធ្វើឡើងបន្ទាប់ពីអភិបាលរដ្ឋ Ohio លោកម៉ៃដេវ៉ាញ (Mike DeWine) បានចុះហត្ថលេខាលើច្បាប់មួយ ដែលគេហៅថា ពង្រាងច្បាប់ដ៏រន្ធត់ចិត្ត ដែលហាមឃាត់ការរម្លូតកូន បន្ទាប់ពីមានផ្ទៃពោះប្រាំមួយសប្តាហ៍ នៅពេលដែលស្ត្រីជាច្រើនមិនទាន់ដឹងថាពួកគេមានផ្ទៃពោះ។លទ្ធផលនៅក្នុងរដ្ឋ Ohio គឺជាឧទាហរណ៍ចុងក្រោយបំផុតនៃអ្នកបោះឆ្នោតដែលច្រានចោលគោលនយោបាយរំលូតកូនដោយកំហិត បន្ទាប់ពីតុលាការកំពូលកាលពីឆ្នាំមុនបានបដិសេធសេចក្ដីសម្រេចជាប្រវត្តិសាស្ត្រស្ដីពីសិទ្ធិរម្លូតកូន(Roe vs Wade) ដែលកំណត់សិទ្ធិស្របច្បាប់ចំពោះនីតិវិធីនៅកម្រិតសហព័ន្ធ៕

អាមេរិក និងចិន បើកកិច្ចចរចាគ្រប់គ្រងអាវុធក្នុងន័យ«ស្ថាបនា»

2023/11/08 11:30:35 am        104
Facebook Telegram Linkin
សហរដ្ឋអាមេរិក បាននិយាយកាលពីថ្ងៃអង្គារទី៧ ខែវិច្ឆិកាថា ខ្លួនបានបើកកិច្ចពិភាក្សាក្នុងន័យស្ថាបនាជាមួយប្រទេសចិនក្នុងសប្តាហ៍នេះ ស្តីពីការគ្រប់គ្រងអាវុធ និងការមិនរីកសាយភាយជាផ្នែកនៃកិច្ចខិតខំប្រឹងប្រែង ដើម្បីរក្សាទំនាក់ទំនងបើកចំហ មុនពេលលទ្ធភាពកិច្ចប្រជុំរបស់ប្រធានាធិបតីអាមេរិក និងចិននៅក្នុងខែនេះ។កិច្ចពិភាក្សាស្តីពីការគ្រប់គ្រងអាវុធ នៅទីក្រុងវ៉ាស៊ីនតោន កាលពីថ្ងៃចន្ទ ដែលមន្ត្រីអាមេរិក បានពិពណ៌នាថាជាលើកដំបូង ចាប់តាំងពីរដ្ឋបាលលោក អូបាម៉ា ត្រូវបានដឹកនាំដោយឧបការីរដ្ឋមន្ត្រីការបរទេសអាមេរិក អ្នកស្រីMallory Stewart និងលោក Sun Xiaobo អគ្គនាយកនៃក្រសួងការបរទេសចិន។អាទិភាពមួយក្នុងចំណោមអាទិភាពចម្បងៗរបស់សហរដ្ឋអាមេរិក គឺដើម្បីធានាថា ការប្រកួតប្រជែងខ្លាំងរវាងប្រទេសដែលមានសេដ្ឋកិច្ចធំជាងគេទាំងពីរ ហើយការខ្វែងគំនិតគ្នារបស់ពួកគេជុំវិញបញ្ហាជាច្រើនពីពាណិជ្ជកម្មទៅកោះតៃវ៉ាន់ និងសមុទ្រចិនខាងត្បូង មិនក្លាយទៅជាជម្លោះ។ទីក្រុងវ៉ាស៊ីនតោន ក៏មានការព្រួយបារម្ភផងដែរអំពីការពង្រីកការផលិតអាវុធនុយក្លេអ៊ែររបស់ចិន ដែលតាមការប៉ាន់ប្រមាណ មាន៥០០ក្បាលគ្រាប់ យោងតាមមន្ទីរបញ្ចកោណ នៅតែតិចជាងអាវុធរបស់អាមេរិក និង រុស្ស៊ី ប៉ុន្តែអ្នកវិភាគខ្លះជឿថា អាចបង្កើនហានិភ័យនៃជម្លោះ។ក្រសួងការបរទេសសហរដ្ឋអាមេរិក បាននិយាយថា៖ «ភាគីទាំងពីរ បានធ្វើការពិភាក្សាយ៉ាងច្បាស់លាស់ និងស៊ីជម្រៅលើបញ្ហាដែលទាក់ទងនឹងការគ្រប់គ្រងអាវុធ និងការមិនរីកសាយភាយជាផ្នែកនៃកិច្ចខិតខំប្រឹងប្រែងបន្ត ដើម្បីរក្សាទំនាក់ទំនងបើកចំហរ និងទទួលខុសត្រូវក្នុងការគ្រប់គ្រងទំនាក់ទំនងរវាងសហរដ្ឋអាមេ រិក-សាធារណរដ្ឋប្រជាមានិតចិន(PRC)។

ក្រសួងវប្បធម៌ ផ្តល់ឱកាសសិក្សាវគ្គបណ្តុះបណ្តាលភាពយន្តខ្លីកម្ពុជា ដោយឥតគិតថ្លៃ

2023/11/08 11:08:44 am        318
Facebook Telegram Linkin
ភ្នំពេញ៖ ក្រសួងវប្បធម៌ និងវិចិត្រសិល្បៈ បានប្រកាសផ្តល់ឱកាសសិក្សាវគ្គបណ្តុះបណ្តាលភាពយន្តខ្លីកម្ពុជា ដោយឥតគិតថ្លៃ នឹងផ្តោតសំខាន់លើការសរសេរអត្ថបទភាពយន្ត (Script) ការដឹកនាំរឿង (Directing) ការថត (Cinematography) ព្រមទាំងជំនាញមួយចំនួនទៀត ដូចជា៖ ការតុបតែងលំអរឆាក(Arts and Prop) ការកាត់ត-ផ្តុំរូបភាព (Editing) ការផ្តុំសំឡេង (Sound mixing) សិក្ខាកាមមិនតម្រូវឲ្យបង់ប្រាក់កម្រៃអ្វីទាំងអស់ សម្រាប់ការបណ្តុះបណ្តាលនេះ។លោក ប៉ុក បូរក្ស ប្រធាននាយកដ្ឋានសិល្បៈភាពយន្ត និងផ្សព្វផ្សាយវប្បធម៌ បានថ្លែងប្រាប់BTV ព័ត៌មាន នាព្រឹកថ្ងៃទី៨ ខែវិចិ្ឆកា ឆ្នាំ២០២៣នេះថា ដោយមានការគាំទ្រពីក្រសួងវប្បធម៌ និងវិចិត្រ​សិល្បៈ នាយកដ្ឋានសិល្បៈភាពយន្ត ​និងផ្សព្វផ្សាយវប្បធម៍ រួមជាមួយមជ្ឈមណ្ឌល​បណ្តុះបណ្តាល​ជំនាញ និងទទួលការថតភាពយន្តនៅកម្ពុជា និង Cine Hub នឹងបើកវគ្គបណ្តុះបណ្ដាល​ភាពយន្តខ្លីកម្ពុជា (Cambodia Film Lab) ​ក្នុងគោលបំណងផ្ដល់ឱកាសដល់អ្នកមានទេពកោសល្យ និងឧបនិស្ស័យក្នុងការផលិតភាពយន្ត ចូលរួមពង្រឹងសមត្ថភាព និងបង្កើតធនធានមនុស្សថ្មីៗ​ក្នុងវិស័យភាពយន្ត។លោក ប៉ុក បូរក្ស បានបញ្ជាក់ទៀតថា យើងទាំងអស់គ្នាបានដឹងហើយថា ដើម្បីលើកកម្ពស់គុណភាពផលិតផលភាពយន្តក្នុងស្រុកមួយបាន យើងត្រូវការបណ្តុះបណ្តាលធនធានមនុស្ស មូលធនមនុស្ស គឺជាកត្តាសត្យានុម័តក្នុងការផលិតភាពយន្តមួយឲ្យមានកម្រិតស្តង់ដា។ ក៏ប៉ុន្តែទន្ទឹមនឹងមានធនធានមនុស្សហើយនោះ យើងនៅត្រូវការហេដ្ឋារចនាសម្ព័ន្ធ និងការជួយលើកទឹកចិត្តដទៃទៀត ពីសំណាក់ក្រសួង ស្ថាប័នពាក់ព័ន្ធ ដើម្បីធ្វើឲ្យការផលិតភាពយន្តនោះ មានគុណភាពមួយ ដែលអាចប្រកួតប្រជែង នឹងខ្សែភាពយន្តហូរចូលពីក្រៅប្រទេស ជាពិសេសក៏ជាឱកាសមួយឲ្យផលិតកររបស់យើង ឈានជើងចូលទៅប្រកួតប្រជែងនៅលើឆាកអន្តរជាតិ។ យើងអាចដណ្តើមទីផ្សារគេបាន​នៅក្រៅប្រទេស លុះត្រាតែយើងមានគុណភាពមួយ ​គេទទួលយកបាន។ កន្លងមក​តាមការ​ខិតខំជួយ​សម្របសម្រួល​របស់ក្រសួងវប្បធម៌​ និង​វិចិត្រសិល្បៈ គឺមានផលិតករ មានស្នាដៃភាព​យន្តខ្មែរជាច្រើន ​ក៏បានចេញទៅក្រៅប្រទេស យកទៅ​ដាក់​បញ្ចាំង​ប្រកួតប្រជែង​លើ​ទីផ្សារអន្តរជាតិ ស្មើមុខ ​ស្មើមាត់ នេះជាចំណុចមួយនៃ​ការវិវត្តន៍​ថ្មីលើវិស័យសិល្បៈភាពយន្ត៕អត្ថបទ រដ្ឋា

ជប៉ុនជាម្ចាស់ផ្ទះជំនួបកំពូល G7 អំពាវនាវឲ្យមានកិច្ចសហប្រតិបត្តិការសម្រាប់ការផ្អាកប្រយុទ្ធមនុស្សធម៌នៅហ្កាហ្សា

2023/11/08 10:46:44 am        103
Facebook Telegram Linkin
រដ្ឋមន្ត្រីការបរទេសជប៉ុន លោកស្រីយ៉ូកូកាមិកាវ៉ា (Yoko Kamikawa) បាននិយាយកាលពីថ្ងៃអង្គារថា សហគមន៍អន្តរជាតិត្រូវការកិច្ចសហប្រតិបត្តិការឆ្ពោះទៅរកការផ្អាកការប្រយុទ្ធដើម្បីមនុស្សធម៌ក្នុងសង្គ្រាមអ៊ីស្រាអែល និងក្រុមហាម៉ាស ដើម្បីផ្តល់ការផ្គត់ផ្គង់សំខាន់ៗដល់ជនស៊ីវិលនៅតំបន់ហ្កាហ្សា ក្នុងកិច្ចប្រជុំក្រុមរដ្ឋមន្ត្រីការបរទេសប្រទេសជាសមាជិកទាំង៧ រួមមាន ចក្រភពអង់គ្លេស កាណាដា បារាំង អាល្លឺម៉ង់ អ៊ីតាលី ជប៉ុន និងសហរដ្ឋអាមេរិក។ បន្ទាប់ពីកិច្ចប្រជុំទទួលទានអាហារថ្ងៃត្រង់ថ្ងៃដំបូងនៃការជួបជុំគ្នារយៈពេលពីរថ្ងៃ គឺថ្ងៃទី៧និង៨ វិច្ឆិកា នៅទីក្រុងតូក្យូ លោកស្រី Kamikawa ក៏បានប្រាប់អ្នកសារព័ត៌មានថា ប្រទេសជាសមាជិកទាំង៧ នឹងបង្ហាញជំហររួបរួម ចំពោះស្ថានភាពចុងក្រោយបំផុតនៅតំបន់មជ្ឈិមបូព៌ា ក្នុងសេចក្តីថ្លែងការណ៍មួយនៅថ្ងៃពុធនេះ ។ប្រមុខការទូតជប៉ុន រូបនេះ បាននិយាយថា អ៊ីស្រាអែលបានសម្រុកទម្លាក់គ្រាប់បែកដ៏សន្ធាប់ទៅលើទឹកដីប៉ាឡេស្ទីន គ្រប់គ្រងដោយក្រុមហាម៉ាស ជាការឆ្លើយតបទៅនឹង ការវាយប្រហារភេរវកម្ម ដោយក្រុមសកម្មប្រយុទ្ធប៉ាឡេស្ទីនកាលពីខែមុន។ការអត្ថាធិប្បាយរបស់លោកស្រីធ្វើឡើងស្របពេលមានការរិះគន់កាន់តែខ្លាំងឡើងលើវិសាលភាពនៃការវាយប្រហារតាមផ្លូវអាកាស និងថ្មើរជើង របស់អ៊ីស្រាអែល ដែលមួយចំនួននិយាយថាបំពានច្បាប់អន្តរជាតិ ក្នុងការសងសឹកចំពោះការវាយប្រហារឆ្លងព្រំដែនដ៏គួរឱ្យភ្ញាក់ផ្អើលរបស់ក្រុមហាម៉ាសកាលពីថ្ងៃទី ៧ខែតុលា។ប្រភពរដ្ឋាភិបាលបាននិយាយថា ប្រទេសប្រជាធិបតេយ្យធំៗទាំងនោះ គ្រោងថ្កោលទោសក្រុមហាម៉ាសនៅក្នុងសេចក្តីថ្លែងការណ៍សម្រាប់ការវាយប្រហារដ៏គួរឱ្យភ្ញាក់ផ្អើលរបស់ខ្លួនទៅលើអ៊ីស្រាអែលដែលបានបង្កឱ្យមានការវាយបកពីអ៊ីស្រាអែលដែលនៅតែបន្តក្នុងតំបន់ហ្កាហ្សារហូតដល់សព្វថ្ងៃនេះ៕

ខេត្តព្រះវិហារ ប្រារព្ធទិវាបុណ្យឯករាជ្យជាតិ៩វិច្ឆិកា និងខួបលើកទី១៩ឆ្នាំ នៃការគ្រងព្រះបរមរាជសម្បត្តិព្រះមហាក្សត្រ

2023/11/07 04:02:17 pm        222
Facebook Telegram Linkin
ព្រះវិហារ៖ នៅព្រឹកថ្ងៃទី០៧ ខែវិច្ឆិកា ឆ្នាំ២០២៣ រដ្ឋបាលខេត្តព្រះវិហារ ប្រារព្ធមីទ្ទីងអបអរសាទរខួបអនុស្សាវរីយ៍លើកទី៧០ ទិវាបុណ្យឯករាជ្យជាតិ៩វិច្ឆិកា (៩ វិច្ឆិកា ១៩៥៣-២០២៣) និងខួបលើកទី១៩ឆ្នាំ នៃការគ្រងព្រះបរមរាជសម្បត្តិ របស់ព្រះករុណា ព្រះបាទសម្ដេច ព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា។ ពិធីនេះប្រារព្ធធ្វើឡើងនៅស្ដូបវិមានឯករាជ្យ ស្ថិតក្នុងក្រុងព្រះវិហារ ខេត្តព្រះវិហារ ក្រោមអធិបតីភាពឯកឧត្តម គីម រិទ្ធី អភិបាលនៃគណៈអភិបាលខេត្តព្រះវិហារ មានចូលរួមពីសំណាក់ឯកឧត្តម លោកជំទាវ ជាសមាជិកក្រុមប្រឹក្សាខេត្ត អភិបាលរងខេត្ត កងកម្លាំងប្រដាប់អាវុធ មន្ត្រីរាជការ​ បងប្អូនប្រជាពលរដ្ឋ ​លោកគ្រូអ្នកគ្រូ សិស្សានុសិស្ស យុវជនកាកបាទក្រហម ​កាយរឹទ្ធិ និងយុវជនស.ស.យ.ក ខេត្ត ​ជាច្រើនរូបទៀត។នាឱកាសនោះ ឯកឧត្តម គីម រិទ្ធី បានមានប្រសាសន៍ថា ថ្ងៃនេះជាថ្ងៃ​ឧត្ដុង្គឧត្ដម​ដែលខេត្តព្រះវិហារ បានប្រារព្ធពិធីអបអរសាទរខួបអនុស្សាវរីយ៍លើកទី៧០​ នៃទិវាបុណ្យឯករាជ្យជាតិ ​៩វិច្ឆិកា និងផ្សាភ្ជាប់ជាមួយព្រះរាជពិធីគ្រងព្រះបរមរាជសម្បត្តិខួបលើកទី ១៩ឆ្នាំ របស់ព្រះករុណាព្រះបាទ សម្ដេចព្រះបរមនាថ នរោត្ដម សីហមុនី ​ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈរបស់យើងផងដែរ។ពិធីនេះធ្វើឡើងក្នុងន័យដើម្បីសម្តែងនូវ​មនោសញ្ចេតនា​សោមនស្ស​រីករាយ ​អបអរសាទរ នៃការ​គ្រងរាជសម្បត្តិរបស់ព្រះអង្គ ​ក៏ដូចជាការដឹងគុណនូវទិវាជាប្រវត្តិសាស្ត្រ និង​ស្នា​ព្រះហស្ថ​ដ៏​ឧត្ដុង្គឧត្ដម​ថ្លៃថ្លារបស់ ​ព្រះករុណា ព្រះបាទសម្តេច ​ព្រះនរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ ព្រះបរមរតនកោដ្ឋ ដែលព្រះអង្គទ្រង់​បានលះបង់នូវព្រះកាយពល​ និង​ព្រះ​បញ្ញាញាណ​យ៉ាង​ក្លៀវក្លា​បំផុត​ ធ្វើការតស៊ូ​ក្នុងក្របខ័ណ្ឌ​ព្រះរាជបូជនីយកិច្ច ​ដើម្បី​ទាមទារឯករាជ្យ​នៅប្រទេសកម្ពុជា ឲ្យរួចចាកផុត​ពី​អាណានិគម​និយម​បារាំង ដើម្បីមាតុភូមិ និងប្រជាពលរដ្ឋខ្មែរគ្រប់រូប ​រហូតដណ្តើមបានទាំងស្រុងមកវិញនូវ ឯករាជ្យជាតិជូនជាតិមាតុភូមិពេញ​បរិបូរណ៍​ នាថ្ងៃទី០៩ ខែវិច្ឆិកា ឆ្នាំ១៩៥៣។ឯកឧត្តម បានបន្ដថា រាជរដ្ឋាភិបាលកម្ពុជាចាប់ពីអាណត្តិទី១ រហូត ដល់អាណត្តិទី៦ ដឹកនាំដោយ សម្តេចអគ្គមហាសេនាបតីតេជោ​ ហ៊ុន សែន ក្រោមម្លប់ដ៏ត្រជាក់របស់​ព្រះបរមរតនកោដ្ឋ និង ព្រះករុណា​ ព្រះបាទ​សម្តេចព្រះបរមនាថ ​នរោត្តម សីហមុនី តែងតែ​ដង្ហែរតាមព្រះរាជតម្រិះដ៏ថ្លៃថ្លា​របស់ព្រះអង្គ​ និងបានសម្តែងនូវ​មនោសញ្ចេតនា​គោរព​ស្រលាញ់​ ក្នុងទឹកចិត្តប្រកបដោយ កតញ្ញុតាធម៌​ដ៏ជ្រាលជ្រៅ ​និងស្មោះត្រង់​ចំពោះ​ព្រះអង្គ ​ជា​ព្រះបិតា ​ឯករាជ្យជាតិ ​បង្រួបបង្រួម​ជាតិ និង​ផ្សះផ្សាជាតិ ក្រោមបាវចនា ជាតិ សាសនា ព្រះមហាក្សត្រ ​ក្នុងទិសដៅថែរក្សា ការពាររដ្ឋ​ធម្មនុញ្ញ ពង្រឹងសន្តិភាព ស្ថេរភាពនយោបាយ ការបង្រួបបង្រួមជាតិ​ ផ្សះផ្សាជាតិ និងអភិវឌ្ឍន៍​ប្រទេសជាតិឲ្យមានការការរីកចម្រើនដូចសព្វថ្ងៃ ​និងបន្តដល់រាជរដ្ឋាភិបាលកម្ពុជា​ អាណត្តិទី៧ នៃរដ្ឋសភា​ ដឹកនាំដោយសម្តេចមហាបរវរធិបតី ហ៊ុន​ ម៉ាណែត ​នាយករដ្ឋមន្ត្រី។ សមិទ្ធផល ទាំងនេះ​ គឺផ្តើមចេញពីកម្លាំង​សាមគ្គី​ដ៏​មុតស្រួច​របស់ប្រជាជាតិយើង ​ដែលមានតម្លៃជ្រាលជ្រៅ ជា​ប្រវត្តិសាស្រ្ត ដោយបានបង្កើតជា​មូលដ្ឋានគ្រឹះ​រឹងមាំ​លើគ្រប់​វិស័យ ដើម្បីធានា​ដល់​ការស្ថិតស្ថេរគង់វង្ស និងរីកចម្រើនរបស់កម្ពុជា៕ 

គណៈប្រតិភូដ៏ធំបំផុតនៅពិព័រណ៍នាំចូលអន្តរជាតិ CIIE បង្ហាញពីការប្តេជ្ញាចិត្តរបស់អាមេរិក ចំពោះប្រទេសចិន

2023/11/07 02:19:25 pm        143
Facebook Telegram Linkin
លោក នីកូឡាស បឺនស៍ (Nicholas Burns) ឯកអគ្គរដ្ឋទូតសហរដ្ឋអាមេរិក ប្រចាំនៅប្រទេសចិន បាននិយាយថា សហរដ្ឋអាមេរិក កំពុងបង្ហាញការប្តេជ្ញាចិត្តរបស់ខ្លួនចំពោះទំនាក់ទំនងទ្វេភាគីជាមួយប្រទេសចិន តាមរយៈការបញ្ជូនគណៈប្រតិភូដ៏ធំបំផុតទៅកាន់ពិព័រណ៍នាំចូលអន្តរជាតិចិន (CIIE) នៅទីក្រុងសៀងហៃ។សហរដ្ឋអាមេរិក បានបញ្ជូនគណៈប្រតិភូដ៏ធំបំផុតរបស់ខ្លួនទៅកាន់ព្រឹត្តិការណ៍ពិព័រណ៍នាំចូលអន្តរជាតិចិន CIIE ដែលប្រព្រឹត្តទៅពីថ្ងៃទី៥ ដល់ថ្ងៃទី១០ ខែវិច្ឆិកា។ ក្រសួងកសិកម្មសហរដ្ឋអាមេរិក (USDA) កាលពីថ្ងៃច័ន្ទ បានរៀបចំស្តង់អាហារ និងកសិកម្មជាច្រើននៅក្នុងពិព័រណ៍នេះជាលើកដំបូងរបស់ខ្លួន។ឯកអគ្គរដ្ឋទូតសហរដ្ឋអាមេរិក ប្រចាំប្រទេសចិន រូបនេះ បានថ្លែងសុន្ទរកថាក្នុងពិធីបើកនៅក្នុងព្រឹត្តិការណ៍នេះ ដោយបញ្ជាក់សារជាថ្មីអំពីទំនាក់ទំនងសេដ្ឋកិច្ច និងពាណិជ្ជកម្ម «សំខាន់ពិសេស» របស់សហរដ្ឋអាមេរិក ជាមួយប្រទេសចិន។លោក Nicholas Burns បាននិយាយថា «ក្នុងនាមរដ្ឋាភិបាលសហរដ្ឋអាមេរិក យើងមានសេចក្តីសោមនស្សរីករាយណាស់ដែលបានមានវត្តមាននៅព្រឹត្តិការណ៍ពិព័រណ៍នាំចូលអន្តរជាតិចិន CIIE នេះ។ យើងមានអាជីវកម្ម និងអ្នកតាំងពិព័រណ៍ច្រើនជាងគេនៅឆ្នាំនេះ ហើយបានបង្ហាញពីការប្តេជ្ញាចិត្តរបស់សហរដ្ឋអាមេរិក ចំពោះទំនាក់ទំនងមួយនេះ។ ទំនាក់ទំនងសេដ្ឋកិច្ច និងពាណិជ្ជកម្មរបស់យើងមានសារៈសំខាន់ណាស់ជាមួយប្រទេសចិន ដែលទទួលបានទំហំទឹកប្រាក់ចំនួន ៦៩០ពាន់លានដុល្លារ ក្នុងពាណិជ្ជកម្មទ្វេភាគីក្នុងឆ្នាំ២០២២ ហើយនោះគឺជាកម្រិតខ្ពស់បំផុតដែលមិនធ្លាប់មានពីមុនមក»៕

បណ្ដាញសង្គម

ព័ត៌មានថ្មីៗ

ថាមពលកកើតឡើងវិញ កំពុងរីកចម្រើនយ៉ាងឆាប់រហ័សនៅតំបន់ម៉ុងហ្គោលីខាងក្នុងរបស់ចិន
06/15/2026 08:06 PM
Facebook Telegram Linkin
អនុប្រធានាធិបតី លោក Vance៖ អាមេរិករំពឹងថា ច្រកសមុទ្រ Hormuz នឹងបើកឲ្យចរាចរដោយមិនបង់​ថ្លៃ​
06/15/2026 08:06 PM
Facebook Telegram Linkin
តម្លៃឧស្ម័នអឺរ៉ុប ធ្លាក់ចុះជាង ៦% ខណៈកិច្ចព្រមព្រៀងរវាងអាមេរិក និងអ៊ីរ៉ង់ សម្រាលកង្វល់​ពី​ការផ្គត់ផ្គង់ LNG
06/15/2026 08:06 PM
Facebook Telegram Linkin
លោក Lavrov ៖ ទីក្រុងមូស្គូប្តេជ្ញាចិត្តចំពោះតែសំណើសន្តិភាពរបស់អាមេរិក និងច្រានចោលឱសានវាទរបស់អឺរ៉ុប
06/15/2026 08:06 PM
Facebook Telegram Linkin
ឥណ្ឌា និងស្លូវ៉ាគី ឯកភាពបង្កើនទំនាក់ទំនងដល់កម្រិតភាពជាដៃគូយុទ្ធសាស្រ្ត
06/15/2026 08:06 PM
Facebook Telegram Linkin
ចិនជំរុញឲ្យ​មានការសន្ទនា ខណៈរុស្ស៊ី និងអ៊ុយក្រែន វាយប្រហារគ្នា​​ដោយមីស៊ីល និងយាន​ដ្រូន​ទ្រង់​ទ្រាយ​ធំ
06/15/2026 08:06 PM
Facebook Telegram Linkin
អភិបាលខេត្តកណ្ដាលបានអំពាវនាវឱ្យបញ្ឈប់ការប្រេីប្រាស់​ ឬ​បញ្ឈប់​លក់បន្ត​ប្រហិតហតដករបស់ក្រុមហ៊ុន​ TSP
06/15/2026 07:06 PM
Facebook Telegram Linkin
រយៈពេល៣ថ្ងៃ ក.ប.ប. រាជធានីភ្នំពេញនិងសមត្ថកិច្ចចម្រុះរកឃើញទំនិញមានប្រភពដើមពីប្រទេសថៃ ចំនួន ១១២មុខ មានទម្ងន់ជាង ២៦តោន
06/15/2026 07:06 PM
Facebook Telegram Linkin
ប្រធានាធិបតីកូរ៉េខាងត្បូង អំពាវនាវឲ្យ​អត់ធ្មត់ អំឡុង​ការតវ៉ា ទាក់​ទងនឹង​ការខ្វះ​ខាត​សន្លឹក​ឆ្នោត​
06/15/2026 07:06 PM
Facebook Telegram Linkin
ចិនបញ្ជាក់​ថា ការពង្រីកយោធារបស់ខ្លួន ជួយដល់សន្តិភាពពិភពលោក
06/15/2026 07:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.