នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រធាន​ក្រុមការងារ​ចុះមូលដ្ឋាន ប្រកាស​បញ្ចូលសមាជិកថ្មី​​គណបក្សប្រជាជនកម្ពុជាចំនួន ៦៩០០នាក់ ក្នុងស្រុកប្រាសាទបល្ល័ង្ក ខេត្តកំពង់ធំ
សម្ដេច​តេជោ៖ការពង្រឹងខឿនការពារជាតិមិនសំដៅតែនៅសមរភូមិមុខទេ ត្រូវយកចិត្តទុកដាក់ទំនុកបម្រុងអ្នកសមរភូមិក្រោយជាគ្រួសារយុទ្ធជនជួរមុខ និងអតីតយុទ្ធជន
ឯកអគ្គរដ្ឋទូតហុងគ្រីចប់អាណត្តិមើលឃើញថាកម្ពុជាគឺជាដៃគូដ៏ជិតស្និទ្ធរបស់ហុងគ្រី
ឯកអគ្គរដ្ឋទូតបញ្ចប់អាណត្តិស្វីស៖ រដ្ឋាភិបាលស្វីសនឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ​ និង ការអភិវឌ្ឍន៍

សហគមន៍ខ្មែរនៅជប៉ុន៖ នាយករដ្ឋមន្ត្រីនិងគណៈរដ្ឋមន្ត្រីថ្មីមានសមត្ថភាពក្នុងការកាន់ចង្កូតនាវាកម្ពុជា

2023/08/22 07:40:07 pm        563
Facebook Telegram Linkin
ភ្នំពេញ៖ សមាគមពលរដ្ឋខ្មែរនៅប្រទេសជប៉ុន បានចេញមកសាទរចំពោះកាន់តំណែងជាផ្លូវការចំពោះគណៈរដ្ឋមន្ត្រីកម្ពុជាថ្មីដែលដឹកនាំដោយលោកបណ្ឌិត ហ៊ុន ម៉ណែត។ ក្នុងនោះពលរដ្ឋទាំងអស់បានអបអរសាទរ និងសប្បាយចិត្តជាខ្លាំងចំពោះរដ្ឋាភិបាលអាណត្តិទី៧នេះដែលមានថ្នាក់ដឹកនាំសុទ្ធតែវ័យក្មេងមានបទពិសោធន៍ និងសមត្ថភាពពេញលេញ។ លោកស្រី ស៊ន់ ដាណេ ពលរដ្ឋខ្មែររស់នៅប្រទេសជប៉ុននៅថ្ងៃទី២២ ខែសីហានេះ បានគូសបញ្ជាក់ពីសមត្ថភាពរបស់លោកបណ្ឌិតហ៊ុន ម៉ាណែតដែលមេដឹកនាំអាណត្តិទី៧នេះ។ លោកស្រីថា នាយករដ្ឋមន្ត្រីកម្ពុជារូបនេះ នឹងអាចដឹកនាំកម្ពុជាទៅកាន់ភាពរីកចម្រើន និងសុខសន្តិភាពដូចបណ្តាអារយ្យប្រទេសជឿនលឿន។ ទន្ទឹមនឹងនេះ និស្សិតខ្មែរដែលកំពុងសិក្សានៅជប៉ុនក៏បានចេញមកគាំទ្រ និងអបអរសាទរផងដែរ។ លោក ឃុត សុខា និស្សិតនៅសកលវិទ្យាល័យHiroshima ក៏បានកត់សម្គាល់ពីសមត្ថភាព និងចំណេះដឹងរបស់នាយករដ្ឋមន្ត្រីវ័យក្មេងដែលលោកប្រៀបទៅនឹងកម្លាំងថ្មីដែលស្វាហាប់។ សម្រាប់លោកវត្តមានរបស់នាយករដ្ឋមន្ត្រីថ្មីរូបនេះ គឺជាអ្វីដែលពលរដ្ឋចង់បានមកដឹកនាំបន្តថែរក្សា និងអភិវឌ្ឍនកម្ពុជាឱ្យកាន់តែខ្លាំងបន្ថែមទៀត។សិក្ខាកាមធ្វើការនៅប្រទេសជប៉ុន១រូបទៀត លោក ភុន ផាន់ណា បានជឿជាក់លើនាយករដ្ឋមន្ត្រីថ្មីថា នឹងអាចនាំនាវាកម្ពុជាទៅកាន់ការអភិវឌ្ឍន៍យ៉ាងពិតប្រាកដព្រោះតែសមត្ថភាព លទ្ធភាព និងឥរិយាមាយាទរបស់ឥស្សរជននយោបាយរូបនេះ។ ក្រៅពីនេះក៏នៅមានពលរដ្ឋកម្ពុជាផ្សេងៗទៀតដែលបង្ហាញពីសមាណចិត្តគាំទ្រ និងសប្បាយចិត្តនៅពេលកម្ពុជាផ្លាស់ប្តូរនាយករដ្ឋមន្ត្រីថ្មីដែលជាអ្នកស្នងមរតកជាអ្នកការពារសន្តិភាព ស្ថេរភាព និងការអភិវឌ្ឍន៍ដែលពលរដ្ឋគ្រប់រូបចង់បាន។ ក្នុងព្រឹត្តិការណ៍ប្រវត្តិសាស្ត្រមួយនេះ ពលរដ្ឋគ្រប់គ្នាមានក្តីសោមន្សនិងសប្បាយចិត្តក្រៃលែងដោយសារតែកម្ពុជារើសបាននាយករដ្ឋមន្ត្រីដ៏ល្អ។ នេះជាការបញ្ជាក់ពីសហគមន៍ខ្មែរនៅជប៉ុន។ការប្រកាសគាំទ្រពីសំណាក់សហគមន៍ខ្មែរនៅជប៉ុននេះ គឺធ្វើឡើងនៅចំពេលដែលរដ្ឋសភាជាតិអាណ្តតិទី៧ បានប្រកាសផ្តល់សុពលភាពជូនគណៈរដ្ឋមន្ត្រីថ្មីដែលដឹកនាំដោយកិត្តិទេសាភិបាលបណ្ឌិត ហ៊ុន ម៉ាណែតជាប្រមុខ។ ពិធីប្រកាសនេះ គឺធ្វើឡើងនៅវិមានរដ្ឋសភានាព្រឹកថ្ងៃទី២២ ខែសីហា។ ក្នុងពិធីផ្តល់សុពលភាពដល់គណៈរដ្ឋមន្ត្រីថ្មីនេះ សម្តេចហ៊ុន សែនដែលជានាយករដ្ឋមន្ត្រីអាណត្តិទី៦ បានគូសបញ្ជាក់ថា ការរុះរើគណៈរដ្ឋមន្ត្រីចាស់ដាក់គណៈរដ្ឋមន្ត្រីភាគច្រើនសុទ្ធតែថ្មីមួយរយភាគរយនេះ គឺការផ្លាស់ប្តូរជាយុទ្ធសាស្ត្រក្នុងការដឹកនាំប្រទេសកម្ពុជាឱ្យបន្តរីកចម្រើនបន្ថែមទៀតព្រោះតែសមាជិកគណៈរដ្ឋមន្ត្រីមានការអប់រំខ្ពស់ លទ្ធភាពការងារខ្ពស់ និងសមត្ថភាព រួមទាំងមានបទពិសោធន៍ច្រើន។ ប្រការនេះ កម្ពុជានឹងអាចសម្រេចបាននូវគោលដៅក្នុងការកាត់បន្ថយភាពក្រីក្រឱ្យដល់ក្បែរសូន្យ និងប្រែក្លាយកម្ពុជាទៅជាប្រទេសដែលមានចំណូលមធ្យមកម្រិតខ្ពស់នៅឆ្នាំ២០៣០ និងប្រទេសដែលមានចំនូលខ្ពស់នៅឆ្នាំ២០៥០ដែលជាគោលបំណងដ៏ពិសិដ្ឋរបស់ប្រជាជាតិកម្ពុជាទាំងមូល៕ 

អតីតយុទ្ធជនជឿថា នាយករដ្ឋមន្រ្ដីថ្មី នឹងតម្កល់សន្តិភាពកាន់តែយូរអង្វែង

2023/08/22 03:14:23 pm        126
Facebook Telegram Linkin
ភ្នំពេញ៖ អតីតយុទ្ធជន ជឿជាក់ថា ​ឯកឧត្តមបណ្ឌិត ហ៊ុន ម៉ាណែត ​នាយករដ្ឋមន្រ្ដីថ្មី នឹង​តម្កល់សន្តិភាព​ និងស្ថិរភាពក្នុងពេលបច្ចុប្បន្នកាន់តែយូរអង្វែង។ស្របពេលថ្ងៃនេះ រដ្ឋសភាបានបោះឆ្នោតផ្តល់សេចក្តីទុកចិត្តនៃក្បាលម៉ាស៊ីនថ្មីរបស់រាជរដ្ឋាភិបាល នីតិកាលទី៧ ដឹកនាំដោយឯកឧត្តមបណ្ឌិត ហ៊ុន ម៉ាណែត ​ជានាយករដ្ឋមន្រ្តី ​មានអតីតយុទ្ធជន បាន​លើកឡើងថា ពួកគាត់សម្តែងការពេញចិត្តចំពោះអ្នកដឹកនាំជំនាន់ថ្មី ជាពិសេស​ឯកឧត្តមបណ្ឌិត ហ៊ុន ម៉ាណែត ​ដែលសាកសមជាអ្នកបន្តវេនប្រកបដោយថាមពល និងសមត្ថភាព។ អតីតយុទ្ធជន បានបង្ហាញជំនឿលើឯកឧត្តមបណ្ឌិត ហ៊ុន ម៉ាណែត នឹងដឹកប្រទេសតាមលំនៅ​របស់សម្តេចតេជោ ហ៊ុន សែន ដោយតម្កល់សន្តិភាព ស្ថិរភាព និងការអភិវឌ្ឍយូរអង្វែង។ ជាមួយគ្នា អតីតយុទ្ធជន បន្តថា ក្រោមការដឹកនាំរបស់ឯកឧត្តមបណ្ឌិត ហ៊ុន ម៉ាណែត នឹង​បន្ត​គោលនយោបាយរបស់សម្តេចតេជោ ​ហ៊ុន សែន នាយករដ្ឋមន្រ្តី និងជាប្រធានសមាគមអតីត​យុទ្ធជនកម្ពុជា ​គិតគូរចំពោះការលះបង់ ​និងវីរភាពរបស់អតីតយុទ្ធជនគ្រប់រូប ដែលអតីតយុទ្ធជនខ្លះទទួលនូវពិការភាព។ សូមជម្រាបថា ជារៀងរាល់ឆ្នាំ រាជរដ្ឋាភិបាលបានគិតគូរដំឡើង​ប្រាក់បៀរវត្សន៍​ជូនអតីតយុទ្ធជន​ជានិច្ច និងឧបត្ថម្ភរាល់តម្រូវការចាំបាច់ ក៏ដូចជាធានាដល់ការកាត់បន្ថយ​ការចំណាយពីជីវភាព​របស់ពួកគាត់លើសុខុមាលភាពតាមរយៈប័ណ្ណសមធម៌ជាដើម​ ខណៈសមាគមអតីតយុទ្ធជនកម្ពុជា តែងតែជួបសំណេះសំណាលជាមួយអតីតយុទ្ធជនប្រភេទក១ ​និងក២ ​ដែលជួបការលំបាក ដើម្បីផ្តល់​អំណោយដី និងផ្ទះ ក្នុងគោលបំណងឆ្លើយតបចំពោះការលះបង់ និងការលំបាករបស់​អតីត​យុទ្ធជនដែលបានពលីចំពោះជាតិមាតុភូមិ ៕ អត្ថបទ៖ ឧត្តម

សម្តេចតេជោ ហ៊ុន សែន អំពាវនាវឱ្យពលរដ្ឋ មន្ត្រីរាជការ កងកម្លាំងប្រដាប់អាវុធបន្តគាំទ្ររាជរដ្ឋាភិបាលថ្មី

2023/08/22 03:00:08 pm        258
Facebook Telegram Linkin
ភ្នំពេញ៖ សម្តេចតេជោ ហ៊ុន សែន អំពាវនាវឱ្យពលរដ្ឋ មន្ត្រីរាជការ កងកម្លាំងប្រដាប់អាវុធ បន្តគាំទ្ររាជរដ្ឋាភិបាលថ្មី ដើម្បីឱ្យកិច្ចការដឹកនាំរាជរដ្ឋាភិបាលរីកចម្រើនជឿនលឿនទៅមុខ ។សម្តេចតេជោ ហ៊ុន សែន ខណៈអញ្ជើញធ្វើសន្និសីទសារព័ត៌មាន​នៅឯវិមានរដ្ឋសភា នាព្រឹកថ្ងៃ ទី២២ ខែសីហា នេះ បន្ទាប់ពីសម្តេចបានអញ្ជើញចូលរួមបើកសម័យប្រជុំរដ្ឋសភា លើកទី១ សម្រាប់នីតិកាលទី៧ នៃរដ្ឋសភា ។ក្នុង​សន្និសីទសារព័ត៌មាន​សម្ដេចតេជោ ជឿជាក់ថា គណៈរដ្ឋមន្រ្ដីថ្មី គឺមានលទ្ធភាពក្នុងការ​ដឹកនាំ​ប្រទេស​កម្ពុជា ជាមួយនឹងកិច្ចការដែលនៅសេសសល់​ និងកិច្ចការងារថ្មីៗ​បន្ថែមទៀត ដែលនេះ​គឺជាអម្រែក របស់ថ្នាក់ដឹកនាំ សម្រាប់អាណត្តិទី៧នេះ។ សម្ដេចតេជោ ជឿជាក់ថា រាជរដ្ឋាភិបាលថ្មី នឹងមានភាពរហ័សរហួនទៅដល់ ​គោលដៅ ដែល​ក្នុងឆ្នាំ២០៣០ កម្ពុជានឹងក្លាយជាប្រទេស ដែលមានចំណូល មធ្យមកម្រិតខ្ពស់ និងឆ្នាំ ២០៥០ កម្ពុជានឹងក្លាយទៅជាប្រទេសមានចំណូលកម្រិតខ្ពស់តែម្ដង ។សូមបញ្ជាក់ថា ​រាជរដ្ឋាភិបាលថ្មីសម្រាប់នីតិកាលទី៧ ​នៃរដ្ឋសភា ដែលដឹកនាំដោយឯកឧត្តមកិត្តិ ទេសាភិបាលបណ្ឌិត ហ៊ុន ម៉ាណែត ត្រូវបានសម័យប្រជុំ នៃរដ្ឋសភាលើកទី១ សម្រាប់នីតិកាលទី៧ បោះ ឆ្នោតជាកញ្ចប់ផ្តល់សេចក្តីទុកចិត្ត ​ដោយសំឡេងច្រើនដាច់ខាតនៃសមាជិករដ្ឋសភាទាំងមូល ៕អត្ថបទ៖ មុត សុទ្ធ 

លោក ហេង សួរ៖ មុនក្លាយជារដ្ឋមន្ត្រី បានឆ្លងកាត់ការងារតាំងពីកូនមន្ត្រីថ្នាក់តូច

2023/08/22 02:59:11 pm        1096
Facebook Telegram Linkin
  ភ្នំពេញ៖ លោក ហេង សួរ ត្រូវបានរាជរដ្ឋាភិបាលអាណត្តិទី៧ដែលដឹកនាំដោយគណបក្សប្រជាជនកម្ពុជា ផ្តល់សេចក្តីទុកចិត្តឱ្យកាន់តំណែងក្រសួងការងារ និងបណ្តុះបណ្តាលវិជ្ជាជីវៈដែលជាក្រសួងអាណាព្យាបាលកម្មករ ពលករដែលមានបញ្ហារស៊ើបខ្លាំងគ្រាន់បើដែរ។ តើលោកគឺជានរណា? ហើយផ្តើមការងារចេញពីណាមកទើបរដ្ឋាភិបាលឱ្យកាន់តំណែងកំពូលនេះ? ប្រវត្តិគ្រួសារជាកូនអ្នកទីក្រុងភ្នំពេញមានឈាមជ័រជាអ្នករកស៊ីតាំងពីដូនតា លោកគឺជាកូនច្បងក្នុងចំណោមបងប្អូនចំនួន៥នាក់ដែលភាគច្រើនជាពាណិជ្ជករ។ លោកកើតនៅថ្ងៃទី១ ខែកញ្ញាឆ្នាំ១៩៧៥ ប៉ុន្តែប្រភពមួយចំនួនថាកើតនៅឆ្នាំ១៩៧៤។ បច្ចុប្បន្ននេះ លោកគឺជាឪពុកដែលមានកូនចំនួន៣នាក់ក្នុងបន្ទុក ខណៈដែលភរិយាលោកគឺជាម្ចាស់ជំនួញអចលនទ្រព្យ និងសណ្ឋាគារ។ ហើយលោកក៏មានម្តាយនៅមានប្រជននៅឡើយ។ ជីវិតការងារដែលផ្តើមចេញពីអ្នកតូចតាចឥស្សរជននយោបាយសម្បុរស សក់ត្រង់ស្លូតរូបនេះ ដែលកំពុងអង្គុយតំណែងរដ្ឋមន្ត្រីក្រសួងការងារនេះ តាមពិតក៏ចាប់ផ្តើមចេញពីតំណែងកូនមន្ត្រីផងដែរ។ តាមឯកសារដែលរកបានពីគណបក្សប្រជាជនកម្ពុជា រដ្ឋមន្ត្រីរូបនេះ បានផ្តើមធ្វើការដំបូងជាមន្ត្រីនៃក្រសួងសេដ្ឋកិច្ច និងហិរញ្ញវត្ថុតាំងពីឆ្នាំ១៩៩៩ធ្វើការបាន៦ឆ្នាំលោកបានផ្លាស់ទៅកាន់តួនាទីជាអគ្គនាយកនៃអគ្គនាយកដ្ឋានរដ្ឋបាលនិងហិរញ្ញវត្ថុនៃក្រសួងការងារនិងបណ្តុះបណ្តាលវិជ្ជាជីវៈដែលជាទីធ្វើឱ្យលោកក្លាយជានាហ្មឺនផុតលេខក្នុងក្រសួងដល់សព្វថ្ងៃ។ ៣ក្រោយការផ្លាស់ប្តូរពោលគឺនៅឆ្នាំ២០០៨ លោកត្រូវបានព្រះមហាក្សត្រត្រាស់បង្គាប់តែងតាំងជាអគ្គនាយកនៃអគ្គនាយកដ្ឋានរដ្ឋបាល និងហិរញ្ញវត្ថុរបស់ក្រសួងការងារក្នុងសម័យលោក អ៊ិត សំហេងជារដ្ឋមន្ត្រី។ ក្រោយបំពេញការងារបាន៨ឆ្នាំលោក ក៏ត្រូវបានព្រះមហាក្សត្រត្រាស់បង្គាប់តែងតាំងជាប្រតិភូរាជរដ្ឋាភិបាលទទួលបន្ទុកជាអគ្គនាយកដ្ឋានរដ្ឋបាល និងហិរញ្ញវត្ថុ ហើយ១ឆ្នាំក្រោយមកនៅឆ្នាំ២០១៨ លោកក៏ត្រូវបានតែងតាំងជារដ្ឋលេខាធិការ និងជានាយខុទ្ទកាល័យឯកឧត្តមរដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ មុនក្លាយជារដ្ឋមន្ត្រីក្រសួងនៅអាណត្តិទី៧នេះ។ប្រវត្តិការសិក្សាឯកសាររបស់គណបក្សប្រជាជនដដែលបានគូសបញ្ជាក់ថា លោកហេង សួរ ជាអតីតសិស្សវិទ្យាល័យទូលទំពូងនៅរាជធានីភ្នំពេញ ហើយនៅឆ្នាំ១៩៩៤ លោកជានិស្សិតបានទទួលអាហាររូបករណ៍ផ្នែកគណនេយ្យពាណិជ្ជកម្ម ពីវិទ្យាស្ថានជាតិគ្រប់គ្រងដែលបច្ចុប្បន្នគឺជាសាកលវិទ្យាល័យជាតិគ្រប់គ្រង។ រដ្ឋមន្ត្រីរូបនេះ ក៏ជានិស្សិតអាហារូបករណ៍ថ្នាក់អនុបណ្ឌិតមកពីជប៉ុនផ្នែកគោលនយោបាយពន្ធដារដែលបានទៅសិក្សារយៈពេល២ឆ្នាំនៅជប៉ុនក្នុងឆ្នាំ២០០០ ដល់ឆ្នាំ២០០២។ កិច្ចការងារក្នុងជួរដ្ឋាភិបាល និងកិច្ចការគណបក្សនៅមុនការតែងតាំងជារដ្ឋមន្ត្រី លោកហេង សួរ ត្រូវបានគេដឹងថាមានតួនាទីជាច្រើនក្នុងស្ថាប័នរដ្ឋដែលបម្រើការងារជូនរាជរដ្ឋាភិបាលកម្ពុជាជាច្រើនឆ្នាំមកហើយតាំងពីមុនមកម្លេះ។ ក្នុងលោកគឺជាជំនួយការសម្តេចហ៊ុន សែន, ជាសមាជិកឧត្តមក្រុមប្រឹក្សាសេដ្ឋកិច្ចជាតិ, ជាប្រធានអង្គភាពរដ្ឋបាល និងហិរញ្ញវត្ថុនៃគណៈកម្មកាធិការបណ្តុះបណ្តាលនិងបញ្ជូនពលករទៅបរទេស, និងជាអនុប្រធានលេខាធិការដ្ឋានគណៈកម្មការប្រឹក្សាការងារជាដើម។ ដោយឡែកការងារនយោបាយក្នុងបក្សវិញ លោកមានតួនាទីចំនួន១២ផ្សេងគ្នាដូចជាសមាជិកគណៈកម្មាធិការកណ្តាលគណបក្សប្រជាជនកម្ពុជា សមាជិកគណៈអចិន្ត្រៃយ៍យុវជនគណបក្សប្រជាជនកម្ពុជាថ្នាក់កណ្តាល ប្រធានផ្នែករាជធានី-ខេត្តនៃយុវជនគណបក្សប្រជាជនកម្ពុជា ជាប្រធានក្រុមការងាររៀបចំអង្គការចាត់តាំងយុវជនគណបក្សប្រជាជនកម្ពុជានៅសាធារណរដ្ឋកូរ៉េ ជប៉ុន និងម៉ាឡេស៊ី និងអនុប្រធានក្រុមការងារកសាងពង្រឹងគណបក្សប្រចាំសាធារណរដ្ឋកូរ៉េ ថៃម៉ាឡេស៊ី និងជប៉ុនជាដើម។ យ៉ាងណាក៏ដោយ នៅក្នុងអាណត្តិទី៧នេះដែលដឹកនាំដោយកិត្តិទេសាភិបាលបណ្ឌិត ហ៊ុន ម៉ាណែត អ្នកកាន់តំណែងកៅអីកំពូលៗរបស់រដ្ឋាភិបាល គេសង្កេតឃើញមានប្រភពចេញពីកូនអ្នកសាមញ្ញដែលជាអាជីវករ និងមន្ត្រីមួយចំនួន បានក្លាយជាឥស្សរជននយោបាយកាន់តំណែងជារដ្ឋមន្ត្រី៕

សម្ដេចតេជោ ប្រកាសបន្តពង្រឹងការរៀបចំមេធាវីស្ម័គ្រចិត្តដើម្បីជួយដល់ប្រជាជន

2023/08/22 02:50:11 pm        181
Facebook Telegram Linkin
ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា បានប្រកាសបន្តពង្រឹង ​និងរៀបចំការផ្ដល់មេធាវីស្ម័គ្រចិត្ត ដើម្បីជួយដល់ប្រជាពលរដ្ឋក្រីក្រ​នៅក្នុងប្រទេសកម្ពុជា។ សម្ដេចតេជោ ហ៊ុន សែន បានមានប្រសាសន៍ក្នុងពេលសន្និសីទសារព័ត៌មាន ក្រោយបញ្ចប់កិច្ច​ប្រជុំរដ្ឋសភា ​លើកទី១ នីតិកាលទី៧ នាថ្ងៃទី ២២ ខែសីហា ឆ្នាំ ២០២៣នេះ ​នៅវិមានរដ្ឋសភាថា សម្ដចនឹង​បន្តពង្រឹង និងរៀបចំមេធាវីស្ម័គ្រចិត្តរបស់សម្ដេច ដើម្បីបន្តការពារក្ដីជូនដល់ប្រជាពលរដ្ឋ​ក្រីក្រ ខ្វះខាតនូវទូទាំងប្រទេសកម្ពុជា ​បើទោះបីជាសម្ដេច​លែងកាន់តំណែងជានាយករដ្ឋមន្រ្ដី​ទៀតក៏ដោយ។សម្ដេចបានថ្លែងអំណរគុណដល់សហការី ​និងមន្រ្ដីរាជការគ្រប់លំដាប់ថ្នាក់ ដែលខិតខំយក​ចិត្តទុក​ដាក់​អនុវត្តនូវគោលនយោបាយដែលរាជរដ្ឋាភិបានដាក់ចេញនាពេលកន្លង​មួយជាពិសេស​ក្នុងឱកាសសម្ដេចកាន់តំណែងជា​នាយករដ្ឋមន្រ្ដី។សម្ដេចតេជោ ក៏ថ្លែងអំណរគុណដល់បងប្អូនប្រជាពលរដ្ឋដែលតែងតែ​គាំទ្រ គណបក្សប្រជាជន​កម្ពុជា​គ្រប់ៗ​អាណត្តិ ​ក្នុងការដឹកនាំរាជរដ្ឋាភិបាល ​ដើម្បីរក្សាបាននូវការអភិវឌ្ឍ និង​សុខសន្ដិភាព​របស់ប្រទេសកម្ពុជា៕អត្ថបទ៖ វ៉ន ដារ៉ា

សម្ដេចតេជោជឿជាក់ថា រាជរដ្ឋាភិបាលថ្មីមានភាពរហ័សរហួនក្នុងការដឹកនាំកំណើនសេច្ចកិច្ចកម្ពុជា

2023/08/22 02:44:44 pm        316
Facebook Telegram Linkin
ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា បាន​បង្ហាញការជឿជាក់ថា ​រាជរដ្ឋាភិបាលថ្មីនឹងមានភាពរហ័សរហួនក្នុងការដឹកនាំសេដ្ឋកិច្ចរបស់​ប្រទេសកម្ពុជា ​ឈានទៅដល់គោលដៅឆ្នាំ ២០៣០ កម្ពុជានឹងក្លាយជាប្រទេសចំណូល​មធ្យម​កម្រិតខ្ពស់ និងឆ្នាំ ២០៥០កម្ពុជានឹងក្លាយទៅជាប្រទេសមានចំណូលកម្រិតខ្ពស់តែម្ដង។សម្ដេចតេជោ ​ហ៊ុន សែន បានមានប្រសាសន៍​ក្នុងពេលសន្និសីទសារព័ត៌មាន ក្រោយបញ្ចប់​កិច្ចប្រជុំរដ្ឋសភា លើកទី១ នីតិកាលទី៧ នាថ្ងៃទី ២២ ​ខែសីហា ឆ្នាំ ២០២៣នេះ ​នៅវិមានរដ្ឋសភាថា រាជរដ្ឋាភិបាលថ្មីដែលមានគណៈរដ្ឋមន្រ្ដីដែលជាថ្នាក់ដឹកនាំវ័យក្មេង ​និងមានសមត្ថភាព គឺមាន​លទ្ធភាពក្នុងការដឹកនាំប្រទេសកម្ពុជាសម្រេចបានចំពោះកិច្ចការដែលនៅសេសសល់ និងបន្ត​បំពេញកិច្ចការងារថ្មីៗ​បន្ថែមទៀត ​ដែលនេះគឺជាអម្រែករបស់ថ្នាក់ដឹកនាំសម្រាប់អាណត្តិទី៧នេះ។ សម្ដេចតេជោ ហ៊ុន សែន បញ្ជាក់ថា ​ការយល់ដឹងរបស់គណៈរដ្ឋមន្រ្ដីថ្មី ​គឺមានចំណេះដឹងខ្ពស់ ដែល​អាចដឹកនាំគោនយោបាយសេដ្ឋកិច្ចឌីជីថលរបស់ប្រទេសកម្ពុជា​ឱ្យមានល្បឿនលឿនឈានទៅមុខ​សម្រេចដល់គោលដៅដែលជាយុទ្ធសាស្រ្ដ​ និងគោលនយោបាយជាតិដែលបានកំណត់៕អត្ថបទ៖វ៉ន ដារ៉ា

ប្រជាជនជប៉ុន មានប្រតិកម្មផ្សេងគ្នាចំពោះផែនការបញ្ចេញសំណល់ទឹក ហ្វ៊ូគូស៊ីម៉ា

2023/08/22 02:42:31 pm        86
Facebook Telegram Linkin
ជប៉ុន៖ ប្រជាជននៅទីក្រុងតូក្យូមានប្រតិកម្មផ្សេងគ្នា ដោយអ្នកខ្លះបានសម្តែងការគាំទ្រ បន្ទាប់ពីប្រទេសជប៉ុនបាននិយាយនៅថ្ងៃអង្គារ (២២ សីហា) នេះថា ខ្លួននឹងចាប់ផ្តើមបញ្ចេញទឹកវិទ្យុសកម្មជាងមួយលានតោន ពីរោងចក្រថាមពលនុយក្លេអ៊ែរ ហ្វ៊ូគូស៊ីម៉ា ដែលត្រូវបានបំផ្លាញ នៅក្នុងប៉ុន្មានថ្ងៃខាងមុខនេះ ដោយដាក់ចូលទៅក្នុងផែនការដែលបានទាក់ទាញការរិះគន់យ៉ាងខ្លាំងពីប្រទេសចិន។ការបង្ហូរទឹក ដែលបានគ្រោងទុកនៅថ្ងៃព្រហស្បតិ៍ (២៤ សីហា) ខាងមុខនេះ ដោយប្រទេសជប៉ុននិយាយថាមានសុវត្ថិភាព ក៏បានប្រឈមមុខនឹងការរិះគន់ពីក្រុមនេសាទក្នុងស្រុកដែលភ័យខ្លាចការបំពុលសមុទ្រ និងការគំរាមកំហែងដល់ជីវភាពរបស់ពួកគេ។ ទន្ទឹមនឹងនេះដែរ ក្រុមបាតុកររាប់សិបនាក់បានឈរនៅមុខការិយាល័យរបស់នាយករដ្ឋមន្ត្រីជប៉ុន លោក Fumio Kishida នៅថ្ងៃអង្គារនេះ ដើម្បីតវ៉ាប្រឆាំងនឹងផែនការបញ្ចេញទឹកមួយនេះផងដែរ។ទីភ្នាក់ងារថាមពលអាតូមិកអន្តរជាតិ (IAEA) ដែលជាអង្គភាពឃ្លាំមើលនុយក្លេអ៊ែររបស់អង្គការសហប្រជាជាតិ បានបំភ្លឺផែនការនេះកាលពីខែកក្កដា ដោយនិយាយថា វាបានបំពេញតាមស្តង់ដារអន្តរជាតិ ហើយថាផលប៉ះពាល់ដែលវានឹងមានលើមនុស្ស និងបរិស្ថាន គឺមានតិចតួចប៉ុណ្ណោះ៕

សម្ដេចតេជោ ប្រកាសបន្តឧបត្ថម្ភដល់កន្លែងកុមារកំព្រា និងសាកលវិទ្យាល័យនានាដដែល

2023/08/22 02:40:06 pm        122
Facebook Telegram Linkin
ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា បាន​ប្រកាសបន្តឧបត្ថម្ភដល់កន្លែងកុមារកំព្រា និងសាកលវិទ្យាល័យនានា ដែលសម្ដេចធ្លាប់​បានឧបត្ថម្ភដដែល បើទោះបីជាសម្ដេចលែងកាន់តំណែងជានាយករដ្ឋមន្រ្ដីរបស់​ប្រទេសកម្ពុជាទៀតក៏ដោយ។សម្ដេចតេជោ ហ៊ុន សែន បានមានប្រសាសន៍ក្នុងពេលសន្និសីទសារព័ត៌មាន ក្រោយបញ្ចប់កិច្ច​ប្រជុំរដ្ឋសភា លើកទី១ នីតិកាលទី៧ នាថ្ងៃទី ២២ ខែសីហា ឆ្នាំ ២០២៣នេះ​ នៅវិមានរដ្ឋសភាថា បើទោះបី​ជាសម្ដេច​លែងកាន់តំណែងជានាយករដ្ឋមន្រ្ដី ​ក៏ប៉ុន្ដែសម្ដេចនៅតែធ្វើជាប្រធាន​គណបក្ស​ប្រជាជនកម្ពុជា ​និងបន្តធ្វើកិច្ចការងារផ្នែកនយោបាយដដែល ​ជាមួយគ្នានេះភរិយារបស់សម្ដេច គឺ​សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ​ប្រធាន​កាក​បាទក្រហមកម្ពុជាដែរ។សូមរម្លឹកថា ​ក្រោមការដឹកនាំ​របស់​សម្ដេចតេជោ ហ៊ុន សែន ក្នុងនាម​ជានាយករដ្ឋមន្រ្ដីនៃប្រទេស​កម្ពុជា​ក្នុង​អាណត្តិកន្លងមក ​សម្ដេចតែងតែ​យកចិត្តទុកដាក់ដល់ប្រជាពលរដ្ឋនូវ​ទូទាំង​ប្រទេស ជា​ពិសេសប្រជាពលរដ្ឋក្រីក្រ​ និងកុមារកំព្រា ​ដើម្បីផ្ដល់ការបត្ថម្ភ ​គាំទ្រដល់ជីវភាពរស់នៅ និង​ការសិក្សារៀនសូត្រ​របស់ពួកគេ​ ក្នុងនោះមាន​យុវជនមួយចំនួនក៏កំពុងក្លាយ​ជាថ្នាក់​ដឹកនាំ​ក្នុង​ជួររាជរដ្ឋាភិបាលផងដែរ៕អត្ថបទ៖ វ៉ន ដារ៉ា

ការប្រយុទ្ធគ្នាយ៉ាងខ្លាំងនៅតែបន្ត ជុំវិញជំរំយុទ្ធសាស្ត្រក្នុងរដ្ឋធានីស៊ូដង់ ភាគខាងត្បូង

2023/08/22 02:39:18 pm        94
Facebook Telegram Linkin
ស៊ូដង់៖ ការប៉ះទង្គិចគ្នាយ៉ាងខ្លាំងក្លារវាងកងកម្លាំងប្រដាប់អាវុធស៊ូដង់ (SAF) និងកងកម្លាំងគាំទ្ររហ័សយោធាប៉ារ៉ា (RSF) បានបន្តកាលពីថ្ងៃចន្ទ ជុំវិញជំរំកងរថពាសដែកយុទ្ធសាស្ត្រ នៅភាគខាងត្បូងនៃរដ្ឋធានី Khartoum។កងកម្លាំង RSF បាននិយាយនៅក្នុងសេចក្តីថ្លែងការណ៍មួយកាលពីថ្ងៃចន្ទថា ខ្លួនបានគ្រប់គ្រងជំរុំរថពាសដែក និងបានរឹបអូសយកគ្រឿងយុទ្ធោបករណ៍យោធា អាវុធ និងហាងលក់គ្រាប់រំសេវធំៗ។ ចំណែកកងទ័ព SAF បានបដិសេធដោយនិយាយថា កងកម្លាំងរបស់ខ្លួនបានបដិសេធការវាយប្រហារនេះ ហើយនៅតែរក្សាជំហរដដែល។កាលពីថ្ងៃចន្ទផងដែរនោះ ការប៉ះទង្គិចគ្នារវាងភាគីជម្លោះទាំងពីរបានបន្តនៅក្នុងសមរភូមិសំខាន់មួយទៀតក្នុងទីក្រុង Nyala រដ្ឋធានីនៃរដ្ឋ South Darfur នៅភាគខាងលិចប្រទេសស៊ូដង់។ អង្គការមនុស្សធម៌ក្នុងតំបន់បានព្រមានកាលពីថ្ងៃចន្ទថា ការប៉ះទង្គិចគ្នានេះបានបណ្តាលឱ្យមានការរំលោភលើមនុស្សធម៌ធ្ងន់ធ្ងរ ជាមួយនឹងកង្វះខាតស្បៀងអាហារ ឱសថ និងសម្ភារៈប្រើប្រាស់ប្រចាំថ្ងៃផ្សេងៗទៀតផងដែរ។ប្រទេសស៊ូដង់ បាននិងកំពុងមើលឃើញការប៉ះទង្គិចគ្នាយ៉ាងសាហាវរវាងកងទ័ព SAF និងកងកម្លាំង RSF នៅរដ្ឋធានី Khartoum និងតំបន់ផ្សេងទៀតចាប់តាំងពីថ្ងៃទី១៥ ខែមេសា មក ដែលបានបណ្តាលឱ្យមនុស្សយ៉ាងហោចណាស់៣.០០០នាក់បានស្លាប់ និងជាង៦.០០០នាក់រងរបួស នេះបើយោងតាមតួលេខដែលចេញផ្សាយដោយក្រសួងសុខាភិបាលប្រទេសស៊ូដង់៕

មេដឹកនាំកូរ៉េខាងជើង រិះគន់បណ្ដាមន្ត្រីជាន់ខ្ពស់ ដែលគ្មានភាពទទួលខុសត្រូវ ចំពោះការខូចខាតដោយទឹកជំនន់

2023/08/22 02:34:23 pm        80
Facebook Telegram Linkin
កូរ៉េខាងជើង៖ ទូរទស្សន៍រដ្ឋ KRT បានរាយការណ៍នៅថ្ងៃអង្គារ (២២ សីហា) នេះថា មេដឹកនាំកូរ៉េខាងជើងលោក គីម ជុងអ៊ុន បានទៅពិនិត្យតំបន់ដែលរងការខូចខាតដោយទឹកជំនន់ក្នុងទីក្រុងកំពង់ផែ Nampho និងបានរិះគន់បណ្ដាមន្ត្រីជាន់ខ្ពស់ ជុំវិញកង្វះការត្រៀមខ្លួន និងការឆ្លើយតបមិនល្អ ចំពោះការខូចខាតទឹកជំនន់។ មានការព្រួយបារម្ភកាន់តែខ្លាំងឡើងអំពីវិបត្តិស្បៀងអាហារនៅក្នុងប្រទេសផ្តាច់ខ្លួនពីគេមួយនេះ។នៅក្នុងវីដេអូដែលបានចាក់ផ្សាយនៅលើកញ្ចក់ទូរទស្សន៍ KRT លោក Kim និងមន្ត្រីត្រូវបានគេមើលឃើញថាកំពុងសម្លឹងមើលជុំវិញទំនប់ដែលបាក់រលំ និងវាលស្រែដែលលិចទឹកកាលពីថ្ងៃចន្ទ (ថ្ងៃទី 21 ខែសីហា)។យោងតាមទីភ្នាក់ងារសារព័ត៌មានរដ្ឋ KCNA បានឱ្យដឹងថា ផ្ទៃដីជាង៥៦០ហិចតា រួមទាំងផ្ទៃដីដាំស្រូវជាង២៧០ហិចតា ត្រូវបានជន់លិច បន្ទាប់ពីទំនប់ទឹកមួយត្រូវបានបាក់ដោយទឹកសមុទ្រ ដោយសារតែការស្ថាបនារចនាសម្ព័ន្ធលូនៅតំបន់ Ansok មិនល្អ។ទីភ្នាក់ងារ KCNA បានបន្ថែមថា ក្នុងអំឡុងដំណើរចុះពិនិត្យនោះ លោក គីម បានស្តីបន្ទោសគណៈរដ្ឋមន្ត្រីរបស់នាយករដ្ឋមន្ត្រីកូរ៉េខាងជើង លោក គីម តុកហ៊ុន (Kim Tok Hun) ហើយបាននិយាយថា ការខូចខាតនេះមិនមែនជាគ្រោះមហន្តរាយធម្មជាតិទេ ប៉ុន្តែជាគ្រោះមហន្តរាយរបស់មនុស្ស ដែលបណ្តាលមកពីការមិនទទួលខុសត្រូវ និងការមិនគោរពវិន័យ៕

បណ្ដាញសង្គម

ព័ត៌មានថ្មីៗ

អ៊ីរ៉ង់ កំពុងសិក្សាកិច្ចព្រមព្រៀងផ្អាកសង្គ្រាម ខណៈភាពជាប់គាំងនៅតែបន្ត
06/03/2026 08:06 AM
Facebook Telegram Linkin
សម្តេចតេជោ ហ៊ុន សែន ជួបសំណេះសំណាលជាមួយក្រុមប្រឹក្សា មន្ត្រីនៃមន្ទីរអង្គភាពនានាជុំវិញខេត្តកំពង់ធំ
06/03/2026 07:06 AM
Facebook Telegram Linkin
UNICEF ៖ សង្រ្គាមអ៊ីរ៉ង់គំរាមកំហែងដល់ការចែកចាយគ្រឿងផ្គត់ផ្គង់សង្រ្គោះជីវិតកុមារ
06/02/2026 08:06 PM
Facebook Telegram Linkin
ក្រុមហ៊ុន Moderna និងក្រុមហ៊ុនផ្សេងទៀត ទទួលបានប្រាក់ ៦០លានដុល្លារ ដើម្បីផលិតវ៉ាក់សាំងបង្ការជំងឺអេបូឡា
06/02/2026 08:06 PM
Facebook Telegram Linkin
កូដកម្មរថភ្លើងក្រោមដីធ្វើឲ្យប៉ះពាល់ដល់អ្នកដំណើរនៅទីក្រុងឡុងដ្រ៍ ចក្រភពអង់គ្លេស
06/02/2026 08:06 PM
Facebook Telegram Linkin
របាយការណ៍៖ EU ពិចារណាដាក់ទណ្ឌកម្មរដ្ឋមន្ត្រីអ៊ីស្រាអែល ជុំវិញ​​ការប្រព្រឹត្តិ ចំពោះ​នាវាមនុស្ស​ធម៌ឆ្ពោះ​ទៅ​ហ្កាហ្សា
06/02/2026 08:06 PM
Facebook Telegram Linkin
WHO៖ ករណីសង្ស័យជំងឺ Ebola ធ្លាក់ចុះ ក្រោយ​មនុស្សរាប់រយនាក់​ត្រូវបាន​ដក​ចេញ
06/02/2026 08:06 PM
Facebook Telegram Linkin
ប្រធានគ្លីនិករងការខូចខាតដោយសារការវាយប្រហាររុស្ស៊ីនិយាយថា ទីក្រុងមូស្គូ មិនចង់បញ្ចប់សង្រ្គាមនោះទេ
06/02/2026 08:06 PM
Facebook Telegram Linkin
អគ្គិភ័យដ៏ធំមួយ បានឆាបឆេះផ្សារមួយកន្លែងស្ថិតក្នុងទីក្រុងហ្សាកាតា ប្រទេសឥណ្ឌូនេស៊ី
06/02/2026 07:06 PM
Facebook Telegram Linkin
មនុស្សយ៉ាង​តិច​ ១៥នាក់រងរបួស ដោយសារ​ព្យុះនៅជប៉ុន ខណៈ​មាន​ការអំពាវនាវឲ្យ​ជម្លៀស
06/02/2026 07:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.