នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រធាន​ក្រុមការងារ​ចុះមូលដ្ឋាន ប្រកាស​បញ្ចូលសមាជិកថ្មី​​គណបក្សប្រជាជនកម្ពុជាចំនួន ៦៩០០នាក់ ក្នុងស្រុកប្រាសាទបល្ល័ង្ក ខេត្តកំពង់ធំ
សម្ដេច​តេជោ៖ការពង្រឹងខឿនការពារជាតិមិនសំដៅតែនៅសមរភូមិមុខទេ ត្រូវយកចិត្តទុកដាក់ទំនុកបម្រុងអ្នកសមរភូមិក្រោយជាគ្រួសារយុទ្ធជនជួរមុខ និងអតីតយុទ្ធជន
ឯកអគ្គរដ្ឋទូតហុងគ្រីចប់អាណត្តិមើលឃើញថាកម្ពុជាគឺជាដៃគូដ៏ជិតស្និទ្ធរបស់ហុងគ្រី
ឯកអគ្គរដ្ឋទូតបញ្ចប់អាណត្តិស្វីស៖ រដ្ឋាភិបាលស្វីសនឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ​ និង ការអភិវឌ្ឍន៍

មនុស្សរាប់ពាន់នាក់ ត្រូវបានជម្លៀសនៅលើកោះ ធេណេរីហ្វរបស់អេស្ប៉ាញ ខណៈចំហេះព្រៃរាលដាលខ្លាំង

2023/08/18 11:09:26 am        382
Facebook Telegram Linkin
អេស្ប៉ាញ៖ អ្នកស្រុក ឡា អេស្ពើរ៉ានហ្សា (La Esperanza )នៅ លើកោះ ធេណេរីហ្វ (Tenerife )បានមើលឃើញចំហេះព្រៃដែលបានឆាបឆេះនៅក្នុងឧទ្យានជាតិតំបន់ភ្នំមួយនៅលើកោះរបស់អេស្ប៉ាញក្នុងតំបន់មហាសមុទ្រអាត្លង់ទិក ដោយបង្ខំឲ្យពួកគេស្ថិតនៅក្រោមវិធានការការបិទខ្ទប់ប្រុងប្រយ័ត្នកាលពីថ្ងៃព្រហស្បតិ៍ ១៧ សីហា ស្របពេលប្រជាពលរដ្ឋនៅបណ្ដាទីក្រុងផ្សេងទៀតត្រូវជម្លៀសចេញដោយបន្សល់ទុកមនុស្សរាប់ពាន់នាក់បាត់បង់ផ្ទះសម្បែង។ចំហេះព្រៃបានឆេះរាលដាលទំហំ៣១ គីឡូម៉ែត្រ ទូទាំងតំបន់ព្រៃឈើស្ងួតគ្របដណ្តប់លើគែមទាំងពីរនៃជ្រលងភ្នំដ៏ចោតនៅជិតភ្នំភ្លើងថេដេ (Mount Teide) ជាកំពូលខ្ពស់បំផុតរបស់ប្រទេសអេស្ប៉ាញ ដែលរារាំងការចូលទៅកាន់តំបន់នេះ និងគ្របដណ្តប់លើកោះជាច្រើនដោយផ្សែង និងផេះ។ភ្លើងឆេះព្រៃដែលបានឆាបឆេះឡើងកាលពីថ្ងៃពុធ បានឆេះបំផ្លាញផ្ទៃដីទំហំ ២.៦០០ ហិចតា ហើយខណៈក្រុមអ្នកស្រុកក្នុងភូមិមួយចំនួនត្រូវបានជម្លៀសចេញដើម្បីបញ្ជៀសពីគ្រោះថ្នាក់ អ្នកស្រុកមួយចំនួនផ្សេងទៀតត្រូវបានបញ្ជាឲ្យស្នាក់នៅក្នុងផ្ទះ ដែលប៉ះពាល់ដល់មនុស្សចំនួន ៣.៥០០នាក់ បន្ថែមទៀត។អង្គភាពការពារស៊ីវិលបាជម្លៀសមនុស្ស ១.២៩៤ នាក់ ចេញពីផ្ទះរបស់ពួកគេនៅក្នុងក្រុង អេល រ៉ូសារីយ៉ូ ( El Rosario) និង មនុស្សចំនួន១.៥២៥នាក់ពីតំបន់នៃទីក្រុង ឡា អូរ៉ូតាវ៉ា( La Orotava) កាលពីថ្ងៃព្រហស្បតិ៍ ដោយមានការជម្លៀសប្រជាជនសរុបបាន ជាង៣. ៨០០នាក់ និងមនុស្សជាច្រើននាក់ទៀតនៅតែត្រូវបានអនុវត្ត ការជម្លៀស ៕

មន្ត្រីតាលីបង់៖ ស្ត្រីទាំងឡាយបាត់បង់តម្លៃ ប្រសិនបើបុរសអាចមើលឃើញមុខរបស់ពួកគេនៅទីសាធារណៈ

2023/08/18 11:00:08 am        82
Facebook Telegram Linkin
តាលីបង់៖ អ្នកនាំពាក្យរបស់ក្រសួងសំខាន់មួយនៃរដ្ឋាភិបាលតាលីបង់របស់ប្រទេសអាហ្វហ្គានីស្ថាន បាននិយាយកាលពីថ្ងៃព្រហស្បតិ៍ថា ស្ត្រីបាត់បង់តម្លៃ ប្រសិនបើបុរសអាចមើលឃើញមុខរបស់ពួកគេនៅទីសាធារណៈ ដោយបន្ថែមថា ក្រុមអ្នកប្រាជ្ញផ្នែកសាសនា នៅក្នុងប្រទេសនេះ យល់ស្របថា ស្ត្រីត្រូវតែបិទមុខ នៅពេលនៅខាងក្រៅផ្ទះ។ពួកតាលីបង់ដែលបានចូលកាន់កាប់ប្រទេសនេះក្នុងខែសីហា ឆ្នាំ ២០២១ បានលើកឡើងពីការបរាជ័យរបស់ស្ត្រីក្នុងការសង្កេតមើលវិធីត្រឹមត្រូវ ក្នុងការពាក់ហ៊ីចាប ឬ ស្បៃឥស្លាម ដែលជាហេតុផលសម្រាប់ការរារាំងពួកគេពីកន្លែងសាធារណៈភាគច្រើន ក្នុងនោះមានសួនឧទ្យាន កន្លែងការងារ និងសាកលវិទ្យាល័យ។ .លោកម៉ូល ម៉ូហាមេដ សាឌីក អាគីហ្វ (Molvi Mohammad Sadiq Akif) អ្នកនាំពាក្យរបស់ក្រសួងបាបធម៌ និងគុណធម៌របស់តាលីបង់ បាននិយាយនៅក្នុងបទសម្ភាសន៍មួយកាលពីថ្ងៃព្រហស្បតិ៍ជាមួយសារព័ត៌មាន APថា ប្រសិនបើមុខរបស់ស្ត្រីអាចមើលឃើញ នៅទីសាធារណៈ នោះនាំឲ្យមានលទ្ធភាពនៃការបែកបាក់ ( Fitnah) ឬ ធ្លាក់ចូលទៅក្នុងអំពើបាប។លោកអាគីហ្វ បាននិយាយថា៖«វាពិតជាអាក្រក់ណាស់ ដែលឃើញស្ត្រី (ដោយគ្មានពាក់ហ៊ីចាប) នៅក្នុងតំបន់មួយចំនួន (ទីក្រុងធំ) ហើយអ្នកប្រាជ្ញរបស់យើង ក៏យល់ស្របថា មុខរបស់ស្ត្រីគួរតែត្រូវបានលាក់បាំង។ វាមិនមែនថា មុខរបស់នាង អាក្រក់ ឬមានរបួសស្នាមអ្វីទេ។ មនុស្សស្រីមានតម្លៃខ្លួនឯង ហើយតម្លៃនោះ ធ្លាក់ចុះដោយសារបុរសសំឡឹងមើលមុខនាង។ ព្រះអាឡោះ ផ្តល់ការគោរពចំពោះស្ត្រីដែលពាក់ហ៊ីចាប ហើយតម្លៃ គឺស្ថិតនៅត្រង់នេះ៕

វិភាគ៖ ការមិនទទួលស្គាល់លោកហ៊ុន ម៉ាណែតជានាយករដ្ឋមន្ត្រី ជាការិរះគន់មិនស្គាល់ច្បាប់ ឬជាវប្បធម៌ឡាំប៉ាចាស់គំរិល?

2023/08/18 09:58:22 am        520
Facebook Telegram Linkin
ភ្នំពេញ៖ តាំងពីលោកនាយករដ្ឋមន្ត្រីហ៊ុន សែនប្រធានគណបក្សប្រជាជនកម្ពុជា ប្រកាសចុះចេញពីតំណែងនាយករដ្ឋមន្ត្រី និងប្រគល់ឱ្យទៅលោក ហ៊ុន ម៉ាណែតជាអ្នកដឹកនាំបន្ត ក្រុមនិន្នាការឆ្វេងនិយមបានចេញសារនយោបាយជាច្រើនលើកច្រើនសារដោយលើកឡើងថា ពីភាពមិនស្របច្បាប់នៃការឡើងកាន់តំណែងជានាយករដ្ឋមន្ត្រីរបស់លោកហ៊ុន ម៉ាណែតនៅអាណត្តិទី៧នេះដោយសារគណបក្សប្រជាជនកម្ពុជាមិនបានដាក់បេក្ខភាពលោក ហ៊ុន ម៉ាណែត ជាបេក្ខភាពនាយករដ្ឋមន្ត្រីសម្រាប់នីតិកាលទី៧។ តើការលើកឡើងនេះ ត្រឹមត្រូវដែររទេ? តាមពិត សម្រាប់អ្នកតាមដានស្ថានការបោះឆ្នោត និងនយោបាយនៅកម្ពុជាដែលមិនលំអៀង សារនយោបាយ របស់គណបក្សប្រជាជនកម្ពុជា និងការប្រកាសរបស់លោកនាយករដ្ឋមន្ត្រី ហ៊ុន សែន គឺច្បាស់ណាស់ថា គណបក្សប្រជាជនកម្ពុជា មានបេក្ខភាពនាយករដ្ឋមន្ត្រីចំនួន២រូបសម្រាប់ការបោះឆ្នោតអាណត្តិទី៧។ ទី១ លោកនាយករដ្ឋមន្ត្រីហ៊ុន សែន និងទី២លោកបណ្ឌិត ហ៊ុន ម៉ាណែត។ សារនេះ ត្រូវបានបញ្ជាក់ក្នុងវេទិការជាសាធារណៈតាំងពីមុនយុទ្ធនាការឃោសនា​បោះឆ្នោតមកម្លេះ។ បន្ថែមពីនេះ មនុស្សទាំងអស់នៅកម្ពុជាមើលឃើញ និងឮពាក្យ “គាំទ្រសម្តេចតេជោហ៊ុន សែនបេក្ខភាពនាយករដ្ឋមន្ត្រី និងគាំទ្រឯកឧត្តមបណ្ឌិត ហ៊ុន ម៉ាណែត ជាអនាគតនាយករដ្ឋមន្ត្រី” ដែលជាសារនយោបាយច្បាស់ៗពីគណបក្សប្រជាជនកម្ពុជា​ក្នុងពេលយុទ្ធនាការឃោសនាបោះឆ្នោត ហើយអ្នកគាំទ្រគណបក្សប្រជាជនកម្ពុជាវិញបានយកសារទាំងនេះ ចេញឃោសនាតាំងពីយុទ្ធនាការឃោសនាថ្ងៃដំបូងរហូតដល់ថ្ងៃបញ្ចប់យុទ្ធនាការឃោសនាបោះឆ្នោត។ គិតមកដល់ពេលនេះ ព្រះមហាក្សត្របានចេញព្រះរាជសារតែងតាំងឯកឧត្តមបណ្ឌិត ហ៊ុន ម៉ាណែត ហើយគណរដ្ឋមន្ត្រីថ្មី នឹងត្រូវស្នើសុំសេចក្តីទុកចិត្តពីរដ្ឋសភានៅថ្ងៃទី២២ ខែសីហាខាងមុខនេះ ហើយល្ងាចថ្ងៃទី២២ គណៈរដ្ឋមន្ត្រីថ្មីនឹងចូលបំពេញតួនាទីរបស់ខ្លួន។ តើហេតុអ្វីមកដល់ពេលនេះហើយនៅតែមានសារនយោបាយដែលធ្វើឱ្យពលរដ្ឋក្នុងស្រុកមានភាពច្របូកច្របល់វិលវល់យ៉ាងដូចនេះ? ហើយហេតុអ្វីបានជាគ្រប់គូភាគីមិនព្រមទទួលស្គាល់ពីការឈ្នះចាញ់ដែលពលរដ្ឋខ្មែរជាអ្នកគូស?គណបក្សប្រជាជនកម្ពុជា​បានប្រកាសតាំងពីថ្ងៃទី២៤ ធ្នូ ឆ្នាំ២០២១មកម្លេះថា លោកបណ្ឌិត ហ៊ុន ម៉ាណែត គឺជាបេក្ខភាពនាយករដ្ឋមន្ត្រីនៅថ្ងៃអនាគតដែលសម្រេចដោយមហាសន្និបាតគណបក្សប្រជាជនកម្ពុជា។ មួយវិញទៀតនៅក្នុងយុទ្ធនាការឃោសនាបោះឆ្នោតគណបក្សប្រជាជនកម្ពុជា ក៏បានប្រកាសពីបេក្ខភាពនាយករ្ឋមន្ត្រីចំនួន២រូប​គឺលោកនាយករដ្ឋមន្ត្រី ហ៊ុន សែន និងលោកបណ្ឌិត ហ៊ុន ម៉ាណែត។ បន្ថែមពីនេះ លោកបណ្ឌិត ហ៊ុន ម៉ាណែតក៏បានឈរឈ្មោះជាតំណាងរាស្ត្រមណ្ឌលរាជធានីភ្នំពេញផងដែរ។ យោងតាមច្បាប់ និងនីតិវិធីនៃការបង្កើតរដ្ឋាភិបាល គណបក្សឈ្នះឆ្នោតនឹងជ្រើសរើសឥស្សរជននយោបាយ១រូបដើម្បីថ្វាយឱ្យព្រះមហាក្សត្រតែងតាំងជានាយករដ្ឋមន្ត្រី។ មាត្រា១១៩ថ្មី២ បានចែងថា “ តាមសេចក្តីស្នើពីគណបក្សដែលមានអាសនៈច្រើនជាងគេនៅក្នុងរដ្ឋសភា ព្រះមហាក្សត្រទ្រង់ ចាត់តាំងវីរជនមួយរូបជានាយករដ្ឋមន្ត្រីឱ្យបង្កើតរដ្ឋាភិបាល។ សេចក្តីស្នើពីគណបក្សដែលមានអាសនៈច្រើនជាងគេនៅក្នុងសភានេះ ត្រូវចម្លងជូនប្រធានរដ្ឋសភា។ វីរជនដែលនឹងត្រូវទទួលបានការចាត់តាំងជានាយករដ្ឋមន្ត្រី ត្រូវតែជាតំណាងរាស្ត្រដែលមានសញ្ជាតិខ្មែរទៅមួយគត់ និងដែលត្រូវបានជ្រើសរើសចេញពីគណបក្សដែលមានអាសនៈច្រើនជាងគេនៅក្នុងរដ្ឋសភា។ វីរៈជនដែលត្រូវបានចាត់តាំងនេះ នាំសហការីដែលជាតំណាងរាស្ត្រ ឬជាសមាជិកគណបក្សតំណាងនៅក្នុងរដ្ឋសភាដែលផ្គូរផ្គងឱ្យកាន់តំណែងផ្សេងៗនៅក្នុងរដ្ឋាភិបាល ទៅសុំសេចក្តីទុកចិត្តពីរដ្ឋសភា។ ការបោះឆ្នោតសេចក្តីទុកចិត្តត្រូវធ្វើលើសមាជិកគណៈរដ្ឋមន្ត្រីទាំងមូល។ កាលបើករដ្ឋសភាបានបោះឆ្នោតទុកចិត្តហើយ នោះព្រះមហាក្សត្រទ្រង់ចេញព្រះរាជក្រឹត្យតែងតាំងគណៈរដ្ឋមន្ត្រីទាំងមូល...”។​  នេះគឺជាទិដ្ឋភាពច្បាប់របស់កម្ពុជាក្នុងការតែងតាំងនាយករដ្ឋមន្ត្រី។ បើតាមការអង្កេត ការចេញព្រះរាជសារតែងតាំងកាលពីពេលកន្លងមកគឺធ្វើឡើងត្រឹមត្រូវតាមផ្លូវច្បាប់។ ហេតុដូចនេះ ការរិះគន់ដែលមិនមានមូលដ្ឋានច្បាប់ជាក់លាក់ច្បាស់លាស់ នឹងនាំបង្ហាញឱ្យឃើញពីកំសោយរបស់អ្នករិះគន់តែប៉ុណ្ណោះ។ បើតាម​មតិរិះគន់មួយ និងសាររិះគន់ គេអាចយល់បានថា ជាការឡាំប៉ាក្រោយការបោះឆ្នោតពីសំណាក់ក្រុមគណបក្សភ្លើងទានទៅវិញទេច្រើនជាងការលើកឡើងថាមិនត្រូវតាមផ្លូវច្បាប់។ ត្បិតអីបក្សដែលចាស់វស្សាមួយនេះ ត្រូវបានផាត់ចេញពីការបោះឆ្នោតដោយគណៈកម្មាធិការជាតិរៀបចំការបោះឆ្នោត(គ.ជ.ប.)ព្រោះតែខ្វះឯកសារផ្លូវការដើម។ សម្រាប់កម្ពុជាគិតត្រឹមឆ្នាំ២០២៣នេះ កម្ពុជាឆ្លងកាត់ការបោះឆ្នោតចំនួន៧លើកជាប់ៗគ្នាឥតដាច់តាំពីឆ្នាំ១៩៩៣មក។ ការនេះ ល្មមឱ្យប្រជាពលរដ្ឋកម្ពុជា និងគណបក្សនយោបាយក្នុងប្រទេសទាំងអស់ចាស់ចិត្ត ចាស់គំនិត ហ៊ានទទួលស្គាល់លទ្ធផលផ្លូវការណ៍ដែលពលរដ្ឋខ្មែរ បានសម្រេចចិត្តជ្រើសរើសបក្សដែលពួកគាត់បានពេញចិត្ត និងចង់ឱ្យដឹកនាំបន្ត។ ក្នុងការបោះឆ្នោតលើកទី៧នេះ ម្ចាស់ឆ្នោតជាង ៨លាន២សែននាក់​បានបញ្ចេញមតិដែលស្មើជាង៨៤% នៃបញ្ជីឈ្មោះអ្នកបោះឆ្នោតដែលមាន៩លាន៧សែននាក់។ ចំនួននេះ ច្រើនជាងការបោះឆ្នោត២០២២ជាង១លាននាក់ ហើយបើទោះបីជាមានការញុះញុងមិនឱ្យពលរដ្ឋទៅបោះឆ្នោតពីសំណាក់អ្នកនយោបាយ​​ខ្មែរនៅក្រៅប្រទេសរបស់ក្រុមអតីតគណបក្សសង្គ្រោះជាតិ ឬជាមេកើយចាស់របស់គណបក្សភ្លើងទៀនក្តី។ តាមរយៈព្រឹត្តិការណ៍នេះ យើងអាចយល់បានថា ពលរដ្ឋខ្មែរមានភាពចាស់ទុំនយោបាយដោយពលរដ្ឋ បានជ្រើសរើសវិធីប្រើប្រាស់សិទ្ធិនយោបាយតាមសន្លឹកឆ្នោត ជាជាងការធ្វើបាតុកម្មតវ៉ាតាមដងផ្លូវដូចកាលពីមុន។ ដូចនេះ ការបន្តធ្វើសកម្មភាពរិះគន់​លើកឡើងពីភាពមិនស្របច្បាប់របស់នាយករដ្ឋមន្ត្រីថ្មី លោកបណ្ឌិត ហ៊ុន ម៉ាណែត វាគ្រាន់តែជារឿងនយោបាយពីសំណាក់ក្រុមប្រឆាំងនៅកម្ពុជាដែលគ្មានក្រឡាដើរតែប៉ុណ្នោះ។ ក្នុងនាមជាអ្នកនយោបាយគួរតែកម្កល់ប្រយោជន៍ជាតិជាធំ សុខដុមរមនាសង្គមជាអាទិភាព ទោះនរណាឡើងកាន់អំណាច បក្សណាឡើងកាន់អំណាច ក្រុមណាឡើងកាន់អំណាច ក៏នៅតែជាខ្មែរដដែល។ ឆ្លងកាត់ការបោះឆ្នោតជាង៣០ឆ្នាំមកនេះ ពលរដ្ឋខ្មែរស្នើឱ្យអ្នកនយោបាយដែលមិនទាន់ទទួលបានការគាំទ្រគួរប្តូរវិធីសាស្ត្រស្វែងរកសំឡងឆ្នោត បង្ហាញពីចំណុចខ្លាំងលើគោលនយោបាយរបស់ខ្លួនដើម្បីឱ្យពលរដ្ឋពេញចិត្តជាជាងការឡាំប៉ាក្រោយការបោះឆ្នោត។ វប្បធម៌នេះ ត្រូវបានអនុវត្តច្រើនអាណត្តិរួចមកហើយដែលមិនមានភាពចំណេញដល់សង្គមម្តងណាឡើយ មានតែបង្ហាញពីភាពអាប់អួរក្នុងសង្គមបែងចែងបក្សពួក ហើយបរទេសមើលងាយតែប៉ុណ្ណោះ។  ពលរដ្ឋខ្មែរដែលធ្លាប់ឆ្លងកាត់សម័យសង្គ្រាម ការបែកបាក់គ្នា​ ការហែកហួរផ្ទៃក្នុងពិតណាស់ចង់បានស្ថេរភាព ចង់បានការបន្តអភិវឌ្ឍ និងចង់បានសង្គមនីតិរដ្ឋ។ ពោលគឺ​ចាញ់ដឹង ចាញ់ ឈ្នះដឹងឈ្នះ មិនមែនប្រើប្រាស់សារបំភ្លៃនិយាយគ្មានហេតុផល និងផ្លូវច្បាប់សំអាងច្បាស់លាស់ ហើយអ្វីដែលធ្វើនេះវាហាក់ដូចជាលំអានចាស់ហួសឌឺឡេសម្រាប់ពលរដ្ឋខ្មែរសម័យទំនើបនេះទៅហើយ៕ ដោយ៖ ចៅមាស

ចិនបដិសេធយ៉ាងម៉ឺងម៉ាត់ចំពោះការចោទប្រកាន់របស់អាមេរិក លើការផ្ទេរបច្ចេកវិទ្យាដោយបង្ខំ

2023/08/18 08:51:31 am        316
Facebook Telegram Linkin
ចិន៖ អ្នកនាំពាក្យក្រសួងពាណិជ្ជកម្មចិន លោកស្រី Shu Jueting (ស៊ូ ជៀកធីង) បាននិយាយនៅក្នុងសន្និសីទសារព័ត៌មានមួយក្នុងទីក្រុងប៉េកាំង កាលពីថ្ងៃព្រហស្បតិ៍ថា ប្រទេសចិនប្រឆាំងដាច់ខាតចំពោះការចោទប្រកាន់របស់សហរដ្ឋអាមេរិក ចំពោះការផ្ទេរបច្ចេកវិទ្យាដោយបង្ខំ ដោយសារខ្លួនខិតខំសម្រាប់ទីផ្សារតម្រង់ទិស ផ្អែកលើច្បាប់ និងបរិយាកាសធុរកិច្ចអន្តរជាតិសម្រាប់ក្រុមហ៊ុនទាំងអស់។នៅក្នុងសវនាការនាពេលថ្មីៗនេះ ដែលធ្វើឡើងដោយសភាតំណាងសហរដ្ឋអាមេរិក សវនាការនោះត្រូវបានគេណែនាំថា ប្រទេសចិនបាននិងកំពុងទទួលបានបច្ចេកវិទ្យា ទិន្នន័យ និងកម្មសិទ្ធិបញ្ញារបស់សហរដ្ឋអាមេរិកដោយបង្ខំ ឬតាមរយៈការរួមបញ្ចូលគ្នា ដើម្បីជួយក្រុមហ៊ុនចិនជំនួសសមភាគីសហរដ្ឋអាមេរិករបស់ពួកគេ។លោកស្រី Shu បាននិយាយ «សេចក្តីថ្លែងការណ៍ដែលធ្វើឡើងដោយភាគីអាមេរិក គឺផ្ទុយស្រឡះពីការពិត។ ខ្លឹមសារនៃកិច្ចសហប្រតិបត្តិការសេដ្ឋកិច្ច និងពាណិជ្ជកម្មរវាងចិន-អាមេរិក គឺជាផលប្រយោជន៍ទៅវិញទៅមក និងវិធានការឈ្នះ-ឈ្នះ។ ប្រទេសចិនស្វាគមន៍ក្រុមហ៊ុនមកពីគ្រប់ប្រទេស រួមទាំងក្រុមហ៊ុនមកពីសហរដ្ឋអាមេរិក ដើម្បីអភិវឌ្ឍ និងទទួលបានជោគជ័យនៅក្នុងប្រទេសចិន ហើយខិតខំបង្កើតបរិយាកាសធុរកិច្ចដែលផ្តោតលើទីផ្សារ ផ្អែកលើច្បាប់ និងអន្តរជាតិសម្រាប់ក្រុមហ៊ុនគ្រប់ប្រភេទ»។អ្នកនាំពាក្យរូបនេះ បានជំរុញឱ្យសហរដ្ឋអាមេរិក ប្រព្រឹត្តចំពោះក្រុមហ៊ុនចិននៅសហរដ្ឋអាមេរិក ដោយយុត្តិធម៌ក្នុងកិច្ចខិតខំប្រឹងប្រែងដើម្បីជំរុញកិច្ចសហប្រតិបត្តិការពាណិជ្ជកម្ម និងវិនិយោគ៕

អាជ្ញាធរកាណាដា ជម្លៀសមនុស្សរាប់ម៉ឺននាក់ចេញពីទីក្រុងក្នុងភាគខាងជើងខណៈចំហេះព្រៃរាលដាលខ្លាំង

2023/08/18 08:34:27 am        265
Facebook Telegram Linkin
កាណាដា៖ ក្រុមពន្លត់អគ្គិភ័យរបស់ប្រទេសកាណាដាកាលពីថ្ងៃព្រហស្បតិ៍ទី ១៧ ខែសីហាបានព្យាយាមទប់ស្កាត់អណ្ដាតភ្លើងពីចំហេះព្រៃ កុំឲ្យរាលដាលដល់ទីក្រុង Yellowknife ភាគខាងជើង ជាទីដែលអ្នកស្រុកទាំងអស់ចំនួន ២០.០០០ នាក់ កំពុងចាកចេញតាមរថយន្ត និងយន្តហោះបន្ទាប់ពីបញ្ជាជម្លៀសត្រូវបានប្រកាស។ យន្តហោះទម្លាក់ទឹក បានហោះទាបពីលើទីក្រុងYellowknife ខណៈផ្សែងក្រាស់បានគ្របដណ្តប់រដ្ឋធានីនៃដែនដីភាគពាយ័ព្យដ៏ធំ និងមានប្រជាជនតិច។ ក្រុមមន្ត្រីបាននិយាយថា ភ្លើងដែលកំពុងរំកិលបន្តិចម្តងៗ ពេលនេះស្ថិតនៅចម្ងាយ ១៥ គីឡូម៉ែត្រភាគពាយ័ព្យនៃទីក្រុងនេះ ហើយអាចទៅដល់ជាយក្រុងនៅថ្ងៃសៅរ៍ ប្រសិនបើមិនមានភ្លៀងធ្លាក់។សេវាកម្មពន្លត់អគ្គិភ័យក្នុងតំបន់បាននិយាយនៅក្នុងសេចក្តីថ្លែងការណ៍មួយនៅលើបណ្ដាញសង្គម Facebook ថា រយៈពេលដ៏លំបាកបំផុតនៅប៉ុន្មានថ្ងៃនៅខាងមុខ ដែលនឹងមានខ្យល់ខ្លាំងរយៈពេលពីរថ្ងៃពីភាគពាយ័ព្យទៅខាងលិច នៅថ្ងៃសុក្រ និងថ្ងៃសៅរ៍សប្ដាហ៍នេះ។   នៅក្នុងខេត្ត British Columbia ស្ថិតនៅប៉ាស៊ីហ្វិក ដែលបានទទួលរងចំហេះព្រៃដ៏ខ្លាំងខុសពីធម្មតាក្នុងឆ្នាំនេះ ដោយក្រុមមន្ត្រីបានព្រមានអ្នកស្រុកឲ្យត្រៀមខ្លួនសម្រាប់ស្ថានភាពចំហេះព្រៃដ៏ធ្ងន់ធ្ងរ ។លោកនាយករដ្ឋមន្ត្រី ចាស្ទីន ទ្រូដូ (Justin Trudeau)បានរៀបចំកិច្ចប្រជុំមួយនៃក្រុមឆ្លើយតបឧបទ្ទវហេតុ ដើម្បីពិភាក្សាពីភ្លើងឆេះព្រៃ៕

នាវានៅកំពង់ផែអ៊ុយក្រែន ទៅដល់ប្រទេសទួរគី ទោះបីជាមានការរារាំងពីរុស្ស៊ី

2023/08/18 08:13:48 am        430
Facebook Telegram Linkin
រុស្ស៊ី៖ នាវាដឹកទំនិញស៊ីវិល មួយគ្រឿងដែលធ្វើដំណើរពីប្រទេសអ៊ុយក្រែន បានទៅដល់ដែនទឹករបស់ប្រទេសទួរគី កាលពីថ្ងៃព្រហស្បតិ៍ ក្នុងការមានៈចំពោះការរារាំងរបស់ទីក្រុងមូស្គូ ដែលបានបង្ហាញថានាវាមួយគ្រឿងផ្សេងទៀត ស្ថិតនៅក្រោមការវាយប្រហារពីបុគ្គលិកយោធារុស្ស៊ី។ នាវា Joseph Schulte ដោតទង់ជាតិទីក្រុងហុងកុង បានចាកចេញពីកំពង់ផែទីក្រុង Odesa កាលពីថ្ងៃពុធ ជានាវាដំបូងគេដែលប្រឈមដោយផ្ទាល់ចំពោះបំណងថ្មីរបស់រុស្ស៊ីដើម្បីបិទដំណើរការរបស់អ៊ុយក្រែនទៅកាន់សមុទ្រខ្មៅ។ ទីតាំងចរាចារណ៍ដែនសមុទ្រ បានបង្ហាញថា នាវាកំពុងចូលមកដែនដីរបស់ទួរគី បន្ទាប់ពីធ្វើដំណើរតាមផ្លូវប្រទេសលោកខាងលិច ដែលបញ្ចៀសដែនទឹកអន្តរជាតិ ក្នុងការគាំទ្ររបស់ប្រទេសទាំងឡាយ ដែលគ្រប់គ្រងដោយសមាជិកសម្ព័ន្ធយោធាណាតូ មានប្រទេសរ៉ូម៉ានី និងប៊ុលហ្គារី។ ក្រុមហ៊ុនអាល្លឺម៉ង់ ដែលជាសហម្ចាស់កម្មសិទ្ធិនាវាដឹកទូទំនិញ បាននិយាយថានាវានេះនឹងប្រហែលជាទៅដល់គោលដៅរបស់ខ្លួន នៅទីក្រុងអ៊ីស្តង់ប៊ុល នៅល្ងាចថ្ងៃព្រហស្បតិ៍។ ប្រធានាធិបតីអ៊ុយក្រែន លោក Volodymyr Zelenskyy បាននិយាយថា នាវានេះកំពុងប្រើប្រាស់ច្រករបៀងមនុស្សធម៌ថ្មី ដែលទីក្រុងគីវបានបង្កើតឡើងបន្ទាប់ពីរុស្ស៊ី បានបោះបង់ចោលកិច្ចព្រមព្រៀងដ៏សំខាន់កាលពីមុនដែលអនុញ្ញាតឲ្យអ៊ុយក្រែននាំចេញគ្រាប់ធញ្ញជាតិ និងស្បៀងអាហារ ឆ្លងកាត់សមុទ្រខ្មៅ។ បេសកកម្មរបស់នាវា Joseph Schulte ធ្វើឡើងប៉ុន្មានថ្ងៃបន្ទាប់ពីកងទ័ពជើងទឹករុស្ស៊ី បានបាញ់ព្រមាន និងឡើងទៅលើនាវាដឹកទំនិញមានបុគ្គលិកទួរគីធុនតូចមួយគ្រឿង ដែលកំពុងធ្វើដំណើរទៅកាន់កំពង់ផែ Izmail ប្រទេសអ៊ុយក្រែន។រុស្ស៊ី បានបង្កើន ការវាយប្រហារលើសមុទ្រខ្មៅរបស់អ៊ុយក្រែន និងហេដ្ឋារចនាសម្ព័ន្ធកំពង់ផែទន្លេ Danube ចាប់តាំងពីការដកខ្លួនចេញពីកិច្ចព្រមព្រៀងព្រៀងគ្រាប់ធញ្ញជាតិសម្របសម្រួលដោយប្រទេសទួរគី និងអង្គការសហប្រជាជាតិ៕

សហរដ្ឋអាមេរិក អនុម័តការបញ្ជូនយន្តហោះ F-16 ទៅកាន់ប្រទេសអ៊ុយក្រែន ពីដាណឺម៉ាក និងហូឡង់

2023/08/18 08:06:19 am        502
Facebook Telegram Linkin
អាមេរិក៖ មន្ត្រីសហរដ្ឋអាមេរិក បាននិយាយកាលពីថ្ងៃព្រហស្បតិ៍ថា សហរដ្ឋអាមេរិក បានអនុម័ត ការបញ្ជូនយន្តហោះប្រយុទ្ធ F-16 ទៅកាន់ប្រទេសអ៊ុយក្រែនពីប្រទេសដាណឺម៉ាក និងប្រទេសហូឡង់ ដើម្បីការពារប្រឆាំងអ្នកឈ្លានពានរុស្ស៊ី ភ្លាមៗបន្ទាប់ពីការបណ្តុះបណ្តាលអាកាសយានិកបានបញ្ចប់។មន្ត្រីនិយាយថា រដ្ឋមន្ត្រីការបរទេស លោក Antony Blinken បានផ្ញើរលិខិតទៅកាន់ភាគីដាណឺម៉ាក និងហូឡង់ដោយផ្តល់ការធានាថាសហរដ្ឋអាមេរិក នឹងរួសរាន់អនុម័តការផ្ទេរនូវសំណើរសុំយន្តហោះF-16 ទៅកាន់ប្រទេសអ៊ុយក្រែន នៅពេលដែលអាកាសយានិកត្រូវបានបណ្តុះបណ្តាល។ ប្រទេសដាណឺម៉ាក និងប្រទេសហូឡង់ កាលពីពេលថ្មីៗនេះបានស្នើសុំសម្រាប់ការធានាទាំងនោះ។ សហរដ្ឋអាមេរិកត្រូវតែអនុម័តការផ្ទេរយន្តហោះយោធាពីសម្ព័ន្ធមិត្តរបស់ខ្លួនទៅឲ្យអ៊ុយក្រែន។លោក Bliken បាននិយាយនៅក្នុងលិខិតមួយច្បាប់ទៅកាន់មន្ត្រីប្រទេសទាំងពីរថា ខ្ញុំសរសេរលិខិតនេះដើម្បីបញ្ជាក់ថា សហរដ្ឋអាមេរិក គាំទ្រពេញទំហឹងសម្រាប់ប្រទេសទាំងពីរក្នុងការផ្ទេរយន្តហោះប្រយុទ្ធ F-16 ទៅឲ្យប្រទេសអ៊ុយក្រែន សម្រាប់ការបណ្តុះបណ្តាលអាកាសយានិកអ៊ុយក្រែនតាមរយៈគ្រូបណ្តុះបណ្តាល យន្តហោះ F-16 ដែលមានសមត្ថភាព៕

រដ្ឋាភិបាលថ្មីបន្តបង្កើនការអនុវត្តគោលនយោបាយឧបត្ថម្ភសាច់ប្រាក់ជូនស្ត្រីមានផ្ទៃពោះ

2023/08/17 03:38:36 pm        1115
Facebook Telegram Linkin
ភ្នំពេញ៖ នៅពេលអនាគត ទោះបីជាត្រូវមានការផ្លាស់ប្តូរនាយករដ្ឋមន្រ្តីថ្មីក៏ដោយ គោលនយោបាយផ្តល់ប្រាក់​ឧបត្ថម្ភ​ជូនដល់ស្រ្តីមានផ្ទៃពោះ រហូតកូនអាយុក្រោម ២ឆ្នាំ រាជរដ្ឋាភិបាលថ្មីនៅតែបន្តអនុវត្ត ​ដើម្បីលើក​កម្ពស់​សុខុមាលភាពមាតា​ និងកុមារតូច។ឯកឧត្តម ហេង សុផាន់ណារិទ្ធ អគ្គនាយករង និងជាអ្នកនាំពាក្យបេឡាជាតិសន្តិសុខសង្គម (ប.ស.ស) នៃក្រសួងការងារ និងបណ្តុះបណ្តាលវិជ្ជាជីវៈ ​បានមានប្រសាសន៍ថា ការផ្តល់ប្រាក់​ឧបត្ថម្ភដល់ស្ត្រីមានផ្ទៃពោះ​ និងកូន​អាយុក្រោម​ ២ឆ្នាំនេះ ​គឺជាគោល​នយោបាយ​របស់​រាជរដ្ឋា​ភិបាល​ ដែលកើតចេញពីកម្មវិធីគោលនយោបាយ​របស់​គណបក្សប្រជាជនកម្ពុជា​ ក្នុងការចូលរួម​លើកកម្ពស់​សុខុមាលភាពមាតា​ និងទារក រួមចំណែកដោះស្រាយកង្វះអាហារូបត្ថម្ភ ព្រមទាំង​ជំរុញការលូតលាស់ទាំងកាយសម្បទា​ និងបញ្ញាស្មារតី។ ឯកឧត្តម បានបន្តថា កម្មវិធីនេះ នឹងបន្តអនុវត្ត ក៏ដូចជាគោលនយោបាយផ្សេងទៀតពិសេសកសាង​ប្រព័ន្ធ​សន្តិសុខសង្គមដ៏រឹងមាំមួយដែលនឹងធានាបាននូវសន្តិសុខប្រាក់ចំណូល រួមចំណែកកាត់​បន្ថយ​ភាពក្រីក្រ ​និងលើកកម្ពស់ស្ថិរភាពសង្គម។ពាក់ព័ន្ធគោលនយោបាយនេះដែរ ប្រជាពលរដ្ឋដែលកំពុងពពោះ និងមួយចំនួនផ្សេងទៀត​ទើប​សម្រាលកូនរួច​ កំពុងរងចាំបើកប្រាក់​ឧបត្ថម្ភ​នៅទីស្នាក់ការកណ្តាលបេឡាជាតិសន្តិសុខសង្គម បានថ្លែង​អំណរគុណដល់រាជរដ្ឋាភិបាលដែលតែងតែយកចិត្តទុកដាក់ខ្ពស់ចំពោះស្ដ្រីមានផ្ទៃពោះ។ សូមជម្រាបថា ​ស្រី្តដែលអាចទទួលបានប្រាក់ឧបត្ថម្ភទាំងនេះ​ត្រូវ​តែ​ជា​កម្មកនិយោជិតជាស្រ្តី ដែល​ស្ថិតនៅក្រោមបទប្បញ្ញត្តិនៃច្បាប់ស្តីពីការងារ ​និងមានសញ្ញាតិខ្មែរ, ជាមន្រ្តីរាជការ​ក្នុងក្របខណ្ឌ​មុខងារសាធារណៈ ដែលបម្រើការងារតាមក្រសួង​ ស្ថាប័ននៅថ្នាក់ជាតិ ​និងថ្នាក់ក្រោមជាតិ ដែលស្ថិត​ក្រោមបទប្បញ្ញត្តិនៃច្បាប់ស្តីពីសហលក្ខន្តិកៈមន្រ្តីរាជការស៊ីវិល ​និងជាមន្រ្តីកម្មសិក្សា និង​មន្រ្តីជាប់កិច្ចសន្យាដែលបម្រើការងារនៅ​តាម​ក្រសួង ​ស្ថាប័ន ​អង្គភាព ​និង​ថ្នាក់​ក្រោម​ជាតិដែល​មាន​ការ​ទទួលស្គាល់​ដោយ​ក្រសួងមុខងារសាធារណៈ៕អត្ថបទ៖ ឈិត បូរ៉ាវី

អ្នកដំណើររត់ដើម្បីសង្គ្រោះជីវិត បន្ទាប់ពីរថយន្តក្រុងមួយគ្រឿងឆាបឆេះក្នុងប្រទេសអាហ្សង់ទីន

2023/08/17 02:15:01 pm        291
Facebook Telegram Linkin
អាហ្សង់ទីន៖ ភាពតានតឹងបានកើតឡើងនៅលើផ្លូវហាយវេមួយក្នុងទីក្រុង ប៊ុយណូ ស៊ែរ (Buenos Aires) ប្រទេសអាហ្សង់ទីន នៅពេលដែលរថយន្តក្រុងមួយគ្រឿងបានផ្ទុះឆេះដោយមិននឹកស្មានដល់ បណ្តាលឲ្យអ្នកដំណើររត់គេចទាំងភ័យស្លន់ស្លោ កាលពីថ្ងៃពុធ (១៦ សីហា)។ អគ្គិភ័យបានកើតឡើងនៅលើផ្លូវហាយវេ General Paz ហើយត្រូវបានថតដោយកាមេរ៉ាសុវត្ថិភាពរបស់នគរបាលក្រុង ប៊ុយណូ ស៊ែរ ផងដែរ។ អគ្គិភ័យនោះបានឆាបឆេះរថយន្តក្រុងទាំងមូលយ៉ាងសន្ធោសន្ធៅ និងរាលដាលពាសពេញផ្លូវកៅស៊ូ ដោយសារតែការធ្លាយប្រេង ធ្វើឲ្យប៉ះពាល់ដល់ការធ្វើដំណើររបស់យានយន្តជាច្រើន។ប្រភពព័ត៌មានក្នុងស្រុកបានរាយការណ៍ថា មូលហេតុនៃអគ្គិភ័យគឺបណ្តាលមកពីទុស្សេចរន្តអគ្គិសនី ហើយអគ្គិភ័យនោះត្រូវបានពន្លត់ដោយរថយន្តពន្លត់អគ្គិភ័យក្នុងស្រុក។ មិនមានមនុស្សណាម្នាក់ត្រូវបាន រងរបួសក្នុងឧបទ្ទវហេតុនោះទេ៕

រដ្ឋធានីមូស្គូ ដាក់បង្ហាញគ្រឿងយុទ្ធោបករណ៍យោធារបស់លោកខាងលិចដែលរឹបអូសបាន

2023/08/17 02:10:32 pm        332
Facebook Telegram Linkin
រុស្ស៊ី៖ នៅឧទ្យាន Patriot ក្នុងតំបន់រដ្ឋធានីមូស្គូ ដែលឧទ្ទិសដល់សមិទ្ធផលរបស់កងទ័ពរុស្ស៊ី មានមន្ត្រីម្នាក់ពាក់មួកពណ៌បៃតងបានឈរនៅពីមុខរថពាសដែកឈ្មោះ MaxxPro របស់អាមេរិកដែលរឹបអូសបាន។ ជុំវិញមន្ត្រីម្នាក់នោះ មានគ្រឿងយុទ្ធោបករណ៍យោធាលោកខាងលិចជាច្រើនទៀតត្រូវបានដាក់តាំងបង្ហាញ ដែលជាឱកាសមួយសម្រាប់កងទ័ពរុស្ស៊ី ក្នុងការបង្ហាញពីសមិទ្ធផលរបស់ខ្លួន និងចំអកដល់ការវាយបកដែលអ៊ុយក្រែនបានចាប់ផ្តើមកាលពីខែមិថុនា។អតីតប្រធានាធិបតីរុស្ស៊ី លោក ឌីមីទ្រី មេដវេដេវ ដែលឥឡូវនេះកំពុងដោះស្រាយបញ្ហានានាទាក់ទងនឹងឧស្សាហកម្មយោធារបស់ប្រទេសក្នុងនាមជាអនុប្រធានក្រុមប្រឹក្សាសន្តិសុខរុស្ស៊ី បានទៅទស្សនាការតាំងពិពណ៌នោះកាលពីថ្ងៃពុធ។ការតាំងពិព័រណ៍នេះ ក៏មានបង្ហាញនូវសព្វាវុធផលិតដោយអ៊ុយក្រែន ដែលត្រូវចោទប្រកាន់ថាបានរឹបអូសតាំងពីការចាប់ផ្តើមយុទ្ធនាការយោធាក្នុងខែកុម្ភៈឆ្នាំ២០២២មក។ កាលពីរដូវក្តៅមុន កងទ័ពរុស្ស៊ីបានបង្ហាញគ្រឿងយុទ្ធោបករណ៍ទាំងនោះរួចហើយ ដែលខ្លួនបាននិយាយថាវានាំយកមកវិញពីអ៊ុយក្រែន។ការតាំងបង្ហាញនេះគឺជាការទាក់ទាញមួយនៅក្នុងវេទិកាកងទ័ពឆ្នាំ២០២៣ ដែលដំណើរការរហូតដល់ថ្ងៃទី២០ ខែសីហា ហើយត្រូវបានចូលរួមដោយក្រុមគណៈប្រតិភូយោធាមកពីបណ្តាប្រទេសដែលចាត់ទុកថាជា "មិត្តភក្តិ"ដោយទីក្រុងម៉ូស្គូ។ អស់រយៈពេលជាង១៧ខែក្នុងការវាយលុកមក សមត្ថភាពការពារនៃបរិវេណឧស្សាហកម្មយោធារបស់រុស្ស៊ី គឺជាបញ្ហាប្រឈមដ៏សំខាន់មួយសម្រាប់វិមានក្រឹមឡាំង៕

បណ្ដាញសង្គម

ព័ត៌មានថ្មីៗ

UNICEF ៖ សង្រ្គាមអ៊ីរ៉ង់គំរាមកំហែងដល់ការចែកចាយគ្រឿងផ្គត់ផ្គង់សង្រ្គោះជីវិតកុមារ
06/02/2026 08:06 PM
Facebook Telegram Linkin
ក្រុមហ៊ុន Moderna និងក្រុមហ៊ុនផ្សេងទៀត ទទួលបានប្រាក់ ៦០លានដុល្លារ ដើម្បីផលិតវ៉ាក់សាំងបង្ការជំងឺអេបូឡា
06/02/2026 08:06 PM
Facebook Telegram Linkin
កូដកម្មរថភ្លើងក្រោមដីធ្វើឲ្យប៉ះពាល់ដល់អ្នកដំណើរនៅទីក្រុងឡុងដ្រ៍ ចក្រភពអង់គ្លេស
06/02/2026 08:06 PM
Facebook Telegram Linkin
របាយការណ៍៖ EU ពិចារណាដាក់ទណ្ឌកម្មរដ្ឋមន្ត្រីអ៊ីស្រាអែល ជុំវិញ​​ការប្រព្រឹត្តិ ចំពោះ​នាវាមនុស្ស​ធម៌ឆ្ពោះ​ទៅ​ហ្កាហ្សា
06/02/2026 08:06 PM
Facebook Telegram Linkin
WHO៖ ករណីសង្ស័យជំងឺ Ebola ធ្លាក់ចុះ ក្រោយ​មនុស្សរាប់រយនាក់​ត្រូវបាន​ដក​ចេញ
06/02/2026 08:06 PM
Facebook Telegram Linkin
ប្រធានគ្លីនិករងការខូចខាតដោយសារការវាយប្រហាររុស្ស៊ីនិយាយថា ទីក្រុងមូស្គូ មិនចង់បញ្ចប់សង្រ្គាមនោះទេ
06/02/2026 08:06 PM
Facebook Telegram Linkin
អគ្គិភ័យដ៏ធំមួយ បានឆាបឆេះផ្សារមួយកន្លែងស្ថិតក្នុងទីក្រុងហ្សាកាតា ប្រទេសឥណ្ឌូនេស៊ី
06/02/2026 07:06 PM
Facebook Telegram Linkin
មនុស្សយ៉ាង​តិច​ ១៥នាក់រងរបួស ដោយសារ​ព្យុះនៅជប៉ុន ខណៈ​មាន​ការអំពាវនាវឲ្យ​ជម្លៀស
06/02/2026 07:06 PM
Facebook Telegram Linkin
លោក Trump ថាលោកបាននិយាយជាមួយក្រុមហេសបូឡា តាមរយៈអន្តរការី
06/02/2026 07:06 PM
Facebook Telegram Linkin
លោក Netanyahu ប្រាប់លោក Trump ថា អ៊ីស្រាអែលនឹងវាយប្រហារទីក្រុងបេរូត បើសិនការវាយប្រហាររបស់ក្រុមហេសបូឡានៅតែបន្ត
06/02/2026 07:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.