នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រធាន​ក្រុមការងារ​ចុះមូលដ្ឋាន ប្រកាស​បញ្ចូលសមាជិកថ្មី​​គណបក្សប្រជាជនកម្ពុជាចំនួន ៦៩០០នាក់ ក្នុងស្រុកប្រាសាទបល្ល័ង្ក ខេត្តកំពង់ធំ
សម្ដេច​តេជោ៖ការពង្រឹងខឿនការពារជាតិមិនសំដៅតែនៅសមរភូមិមុខទេ ត្រូវយកចិត្តទុកដាក់ទំនុកបម្រុងអ្នកសមរភូមិក្រោយជាគ្រួសារយុទ្ធជនជួរមុខ និងអតីតយុទ្ធជន
ឯកអគ្គរដ្ឋទូតហុងគ្រីចប់អាណត្តិមើលឃើញថាកម្ពុជាគឺជាដៃគូដ៏ជិតស្និទ្ធរបស់ហុងគ្រី
ឯកអគ្គរដ្ឋទូតបញ្ចប់អាណត្តិស្វីស៖ រដ្ឋាភិបាលស្វីសនឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ​ និង ការអភិវឌ្ឍន៍

អំពើហិង្សាសហគមន៍ដ៏គ្រោះថ្នាក់ បានផ្ទុះឡើងនៅឥណ្ឌា មួយខែ មុនកិច្ចប្រជុំមេដឹកនាំពិភពលោក

2023/08/03 02:21:18 pm        221
Facebook Telegram Linkin
ឥណ្ឌា៖ ការផ្ទុះឡើងនៃអំពើហិង្សានៅទីកន្លែងផ្សេងៗគ្នា ក្នុងសប្តាហ៍នេះ ក្នុងនោះរួមទាំងការចោទប្រកាន់ ជុំវិញការបាញ់សម្លាប់បុរសម៉ូស្លីម៣នាក់ដោយមន្រ្តីនគរបាល នៅលើរថភ្លើងមួយ បានបង្ហាញឲ្យឃើញពីការប្រេះឆាខ្លាំងឡើងៗ ក្នុងសហគមន៍ នៅប្រទេសឥណ្ឌា ដែលការទាស់ទែងនេះ កើតឡើងប៉ុន្មានសប្តាហ៍ មុនពេលកិច្ចស្វាគមន៍មេដឹកនាំក្រុមប្រទេសទាំង ២០ (G20) មាននៅរដ្ឋធានីរបស់ប្រទេស។អំពើហិង្សា បានផ្ទុះឡើងនៅភាគខាងជើងនៃរដ្ឋ Harayana កាលពីថ្ងៃចន្ទ (ទី៣១ ខែកក្កដា) បន្ទាប់ពីអង្គការហិណ្ឌូស្តាំនិយមមួយ ដែលបានដឹកនាំព្យុហយាត្រាសាសនា នៅតំបន់ Nuh ដែលភាគច្រើនសម្បូរអ្នកកាន់សាសនាម៉ូស្លីម។ការប៉ះទង្គិចគ្នានោះ បានរីករាលដាលដល់តំបន់មួយចំនួន ដែលជាមជ្ឈមណ្ឌលហិរញ្ញវត្ថុ និងបច្ចេកវិទ្យា ក្នុងទីក្រុង Gurugram ឬគេស្គាល់ឈ្មោះថា «Gurgaon»(ហ្គួហ្កោន) ជាទីដែលមនុស្សជាង១,៥លាននាក់ រស់នៅ និងជាទីតាំងរបស់ក្រុមហ៊ុនសកលរាប់រយ ដោយក្រុមមនុស្សបង្កហិង្សាទាំងនោះ ភាគច្រើនបានកំណត់គោលដៅលើទ្រព្យសម្បត្តិ ដែលជាកម្មសិទ្ធិរបស់ពួកម៉ូស្លីម ដោយដុតបំផ្លាញអគារ ព្រមទាំងវាយកម្ទេចហាង និងភោជនីយដ្ឋាននានា។អាជ្ញាធរបាននិយាយថា យ៉ាងហោចណាស់មនុស្ស ៦នាក់ បានស្លាប់ ក្នុងនោះរួមទាំងនគរបាល ២នាក់ និងបព្វជិតម្នាក់ នៅខាងក្នុងវិហារអ៊ីស្លាម ដែលត្រូវបានដុត ហើយមនុស្សជាង ១១០នាក់ ត្រូវបានចាប់ខ្លួន។ ទីប្រឹក្សាតំបន់របស់ទីក្រុង Gurugram បានជំរុញឲ្យអ្នកស្រុក ស្នាក់នៅតែក្នុងផ្ទះ និងបានបញ្ជាឲ្យបិទវិទ្យាស្ថានអប់រំឯកជន និងការិយាល័យរដ្ឋបាលមួយចំនួន៕

ទេសរដ្ឋមន្រ្តី លី ធុជ៖ ឯកឧត្តមបណ្ឌិត ហ៊ុន ម៉ាណែត នឹងក្លាយជានាយករដ្ឋមន្រ្តី​ ក្នុងអាណត្ដិថ្មី ពោរពេញដោយចំណេះដឹង សមត្ថភាព

2023/08/03 02:13:06 pm        252
Facebook Telegram Linkin
ឧត្តរមានជ័យ៖ ឯកឧត្តមបណ្ឌិត ហ៊ុន ម៉ាណែត ដែលនឹងក្លាយជានាយករដ្ឋមន្រ្តីនៃព្រះរាជាណាចក្រកម្ពុជា ចាប់ពីខែសីហា ឆ្នាំ២០២៣ ដ៏ខ្លីខាងមុខនេះ នឹងទទួលកេរមរតកជាប្រវត្តិសាស្រ្តពីសម្តេចតេជោ ហ៊ុន សែន ដើម្បីបន្តដឹកនាំការពារ កសាងជាតិមាតុភូមិ ក្នុងការធានាឲ្យបាននូវសុខសន្តិភាព និងនិរន្តរភាពនៃការអភិវឌ្ឍរយៈពេលវែង។ ការលើកឡើងបែបនេះ ក្នុងខណៈពេលដែល ឯកឧត្តម ទេសរដ្ឋមន្រ្តី លី ធុជ អនុប្រធានទី១ អាជ្ញាធរមីនតំណាងដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្រ្តី និងជាប្រធានអាជ្ញាធរមីន នៅថ្ងៃទី០៣ ខែសីហា ឆ្នាំ២០២៣ អញ្ជើញបើកយុទ្ធនាការអប់រំអំពី​គ្រោះថ្នាក់​ដោយ​សារយុទ្ធភណ្ឌគ្រឿងផ្ទុះ នៅស្រុកអន្លង់វែង ​ខេត្តឧត្តរមានជ័យ ដែលជាតំបន់ប្រវត្តិសាស្ដ្រកាន់កាប់ចុងក្រោយ ​នៃចលនារបបខ្មែរក្រហម។ឯកឧត្តម ទេសរដ្ឋមន្រ្តី បានបន្តទៀតថា សន្តិភាពដែល សម្តេចតេជោ ហ៊ុន សែន បានស្វែងរកមកយ៉ាងលំបាក និងពលីគ្រប់បែបយ៉ាង បានរកឃើញអ្នកបន្តវេនហើយ គឺឯកឧត្តមបណ្ឌិត ហ៊ុន ម៉ាណែត ដែលជាឥស្សរជនជាតិដ៏ឆ្នើម និងជាបញ្ញាវ័ន្តខ្មែរ ពោរពេញដោយចំណេះដឹង សមត្ថភាព និងតែងតែគិតគូរពីឧត្តមប្រយោជន៍ជាតិ និងប្រជាជនកម្ពុជាជាធំ។ក្នុងនាមប្រជាជនកម្ពុជា ឯកឧត្តម ទេសរដ្ឋមន្រ្តី បានសម្តែងនូវការគោរពដឹងគុណ កត្តញ្ញូតាធម៌ និង​ចងចាំជានិច្ចចំពោះស្នាដៃជាប្រវត្តិសាស្រ្ត និងវីរភាព ​ដ៏ឧត្តុង្គឧត្តមរបស់​សម្តេចតេជោ នាយករដ្ឋមន្រ្តី ជារដ្ឋបុរស និងបិតាសន្តិភាព ដែលបានសង្រ្គោះជាតិ និងប្រជាជនពីរបបប្រល័យពូជសាសន៍ និងបានធ្វើឲ្យទឹកដីកម្ពុជាទាំងមូលបាន ​ឯកភាពជាតិ ប្រកបដោយសន្តិភាព ស្ថិរភាព។ សម្តេចតេជោ ហ៊ុន សែន ​បាននាំមកនូវជីវិតថ្មី និងអនាគតថ្មីសម្រាប់ប្រជាជនកម្ពុជាទូទាំងប្រទេស ជាមួយនឹងការតាំងចិត្តខ្ពស់ និងចក្ខុវិស័យដឹកនាំច្បាស់លាស់។ ឆ្លៀតយកឱកាសនោះ ឯកឧត្តម ទេសរដ្ឋមន្រ្តី បានថ្លែងអំណរគុណយ៉ាងជ្រាលជ្រៅជូនចំពោះ​បងប្អូន​ប្រជាពលរដ្ឋស្រុកអន្លង់វែងទាំងអស់ ​ដែលបានចូលរួមជាមួយសម្តេចតេជោ ទម្លាក់អាវុធ​ដើម្បីជ្រើសរើសយកការរួបរួមជាតិខ្មែរតែមួយក្រោមម្លប់សន្តិភាព ​ព្រមទាំងបានផ្តល់នូវការគាំទ្រ និងការជឿទុកចិត្តជូនសម្តេចតេជោ តាមរយៈសន្លឹតឆ្នោតកន្លងទៅនេះ។ សន្លឹកឆ្នោតរបស់បងប្អូន ពិតជាមានតម្លៃណាស់ ​និងបានបង្ហាញពីការតាំងចិត្តខ្ពស់ដើម្បីគាំទ្រសន្តិភាព​ គាំទ្រសម្តេចតេជោ និងគាំទ្រឯកឧត្តមបណ្ឌិត ហ៊ុន ម៉ាណែត ជានាយករដ្ឋមន្រ្តី។ ដោយឡែកពាក់ព័ន្ធនឹងសកម្មភាពមីនដែលជាកេរមរតកសង្រ្គាមនៅកម្ពុជា ​សម្តេចតេជោ ហ៊ុន សែន បានដាក់ចេញនូវចក្ខុវិស័យដឹកនាំច្បាស់លាស់ក្នុងការបញ្ចប់វត្តមានគ្រាប់មីននៅកម្ពុជា ព្រមទាំង បានថ្លែងបញ្ជាក់ថា ទោះបីស្ថិតក្នុងតម្លៃណាដោយ ត្រូវតែបោសសម្អាតមីនឲ្យអស់ពីទឹកដី​កម្ពុជា ដែលឯកឧត្តម បណ្ឌិត ហ៊ុន ម៉ាណែត បន្តគាំទ្រយ៉ាងពេញទំហឹងក្នុងការដោះស្រាយ​បញ្ហាមីន​ ដើម្បីផ្តល់សុខសុវត្ថិភាពដល់ប្រជាជនកម្ពុជាទូទាំងប្រទេស។ក្នុងពិធីបើកយុទ្ធនាការនេះផងដែរ ឯកឧត្តម ទេសរដ្ឋមន្រ្តី បានគូសបញ្ជាក់ថា ខេត្តឧត្តរមានជ័យ គឹជាខេត្តមួយដែលមានជនរងគ្រោះថ្នាក់ដោយសារមីន និងសំណល់ជាតិផ្ទុះពីសង្គ្រាម​ច្រើន​លំដាប់ទី ៤ ក្នុងចំណោមខេត្តដែលមានជនរងគ្រោះច្រើនជាងគេ ​បន្ទាប់ពីខេត្តបន្ទាយមានជ័យ ខេត្តបាត់ដំបង ​និងខេត្តសៀមរាប។ ជាមួយគ្នានោះ ឯកឧត្តម ទេសរដ្ឋមន្រ្តី បានណែនាំឲ្យប្រតិបត្តិករជាតិ អន្តរជាតិទាំងអស់ ផ្តល់​នូវកិច្ចសហការជាមួយអាជ្ញាធរដែនដីគ្រប់លំដាប់ថ្នាក់ បង្កើនការចូលរួមឱ្យបានកាន់តែខ្លាំង​ក្លា​ថែមទៀត ក្នុងការអប់រំ និងផ្សព្វផ្សាយការយល់ដឹងអំពីគ្រោះថ្នាក់​ ដោយសារគ្រាប់មីន និង​សំណល់ជាតិផ្ទុះពីសង្គ្រាមដល់ប្រជាសហគមន៍ ​សិស្សានុសិស្ស និងកុមារា កុមារី ដែលរស់នៅ​ក្បែរតំបន់ដែលមានចម្ការមីន និងតំបន់ដែលមានបន្សល់នូវសំណល់ជាតិ​ផ្ទុះពីសង្គ្រាម៕

ក្រុងញូវយ៉ក ព្យាយាមស្វែងរកទីជម្រកសម្រាប់ជនអន្តោប្រវេសន៍

2023/08/03 02:11:55 pm        70
Facebook Telegram Linkin
អាមេរិក៖មន្ត្រីទីក្រុងញូវយ៉ក បានស្នើសុំរដ្ឋ និងរដ្ឋាភិបាលសហព័ន្ធ ឲ្យជួយគាំទ្រប្រព័ន្ធទីជម្រករបស់ខ្លួន ដែលកំពុងមានច្រើនលើសលប់នូវលំហូរជនអន្តោប្រវសេន៍ ដែលភាគច្រើនមកពីបណ្តាប្រទេសអាមេរិកឡាទីន។ រដ្ឋនានាដឹកនាំដោយគណបក្សសាធារណៈរដ្ឋ ដូចជារដ្ឋ តិចសាស់ និងអារីហ្សូណា កំពុងដឹកជញ្ជូនជនអន្តោប្រវេសន៍តាមរថយន្តក្រុងទៅកាន់ទីក្រុងញូវយ៉ង និងទីក្រុងដ៍ទៃទៀត ក្នុងការតវ៉ាចំពោះគោលនយោបាយអន្តោប្រវរេសន៍របស់រដ្ឋបាលប្រធានាធិបតីលោក Joe Biden។ ជនអន្តោប្រវេសន៍ជាង ១០០នាក់ កំពុងដេកនៅលើចិញ្ចើមផ្លូវក្នុងទីក្រុងញូវយ៉ក ដោយកំពុងរង់ចាំគេផ្តល់កន្លែងស្នាក់នៅ។ មន្ត្រីទីក្រុងម្នាក់ បានប្រាប់អ្នករាយការណ៍ព័ត៌មានកាលពីថ្ងៃពុធថា ពុំមានបន្ទប់នៅសល់នោះទេ។មន្ត្រីនិយាយថា អ្នកស្វែងរកសិទ្ធជ្រកកោនច្រើនជាង៩៥.០០០ នាក់ បានចូលមកទីក្រុងនេះ ចាប់តាំងពីនិទាឃរដូវឆ្នាំមុន ដោយ១៤.០០០នាក់ក្នុងចំណោមពួកគេ បានមកដល់កាលពីខែមុនតែមួយខែ។ ទីក្រុងញូវយ៉ក បានអំពាវដល់ទីក្រុងដែលផ្តល់ទីជម្រកសម្រាប់ចំណាត់ការរបស់ខ្លួនដែលធានាបានទីជម្រកដល់នណាម្នាក់ដែលត្រូវការវា៕

ប្រធានសភាថៃនិយាយថា ការបោះឆ្នោតជ្រើសរើសនាយករដ្ឋមន្ត្រីត្រូវបានពន្យារពេល

2023/08/03 02:06:41 pm        78
Facebook Telegram Linkin
ថៃ៖ ប្រធានសភារបស់ប្រទេសថៃបាននិយាយនៅថ្ងៃព្រហស្បតិ៍ (៣សីហា) នេះថា ការបោះឆ្នោតសភាដើម្បីជ្រើសរើសនាយករដ្ឋមន្ត្រីបន្ទាប់របស់ប្រទេសថៃ ដែលគ្រោងធ្វើឡើងនៅថ្ងៃសុក្រ (៤ សីហា) ខាងមុខនេះ នឹងត្រូវបានពន្យារពេលដោយធ្វើឲ្យភាពជាប់គាំងខាងនយោបាយអូសបន្លាយពេលកាន់តែយូរ ចាប់តាំងពីការបោះឆ្នោតសកលខែឧសភាមក៕

ក្រុមគ្រួសារជនរងគ្រោះធូរស្រាលក្នុងចិត្ត បន្ទាប់ពីឃាតក បាញ់ប្រហារនៅវិហារ ក្នុងក្រុង Pittsburgh ត្រូវបានកាត់ទោសប្រហារជីវិត

2023/08/03 02:02:24 pm        80
Facebook Telegram Linkin
អាមេរិក៖ គ្រួសារជនរងគ្រោះនៃការបាញ់ប្រហារនៅវិហារសាសនារបស់ជនជាតិជ្វីហ្វ នៅទីក្រុង Pittsburgh សហរដ្ឋអាមេរិក ក៏ដូចជាអ្នកនៅរស់រានមានជីវិត បានសម្តែងការធូរស្រាលក្នុងចិត្ត កាលពីថ្ងៃពុធ (ទី២ ខែសីហា) បន្ទាប់ពីបុរស ដែលទទួលខុសត្រូវក្នុងហេតុការណ៍នោះ ត្រូវបានកាត់ទោសប្រហារជីវិត ដោយគណៈវិនិច្ឆ័យសហព័ន្ធ។គណៈវិនិច្ឆ័យបានបោះឆ្នោតកាត់ទោសប្រហារជីវិតលោក Robert Bowers ពីបទសម្លាប់អ្នកចូលវវិហារថ្វាយបង្គំ ១១នាក់ នៅវិហារជនជាតិជ្វីហ្វ Tree of Life របស់ទីក្រុង Pittsburgh ក្នុងឆ្នាំ២០១៨ ដែលជាការវាយប្រហារសម្លាប់មនុស្សស្លាប់ច្រើនបំផុត ប្រឆាំងនឹងពួកជ្វីហ្វ ក្នុងប្រវត្តិសាស្ត្រសហរដ្ឋអាមេរិក។កាលពីខែមិថុនា គណៈវិនិច្ឆ័យបានរកឃើញថា លោក Bowers វ័យ ៥០ឆ្នាំ មានពិរុទ្ធពីបទឧក្រិដ្ឋកម្មស្អប់ខ្ពើមសហព័ន្ធរាប់សិបករណី នៅក្នុងការកាត់ក្តី ដែលធ្វើឡើងនៅតុលាការសហព័ន្ធសហរដ្ឋអាមេរិក ក្នុងទីក្រុង Pittsburgh ភាគខាងលិចរដ្ឋ Pennsylvania (ផិនស៊ីវេនៀ)។ លោក Bowers ត្រូវបានកាត់ទោសពីបទលើ្មសចំនួន ៦៣ករណី ក្នុងនោះរួមទាំង ១១ករណី ពីបទរារាំងការគោរពជំនឿសាសនាដោយសេរី រហូតបណ្តាលឲ្យមានអ្នកបាត់បង់ជិវិត។ការសម្រេចរបស់គណៈវិនិច្ឆ័យ កាលពីថ្ងៃពុធនេះ គឺជាលើកទី១ហើយ ដែលរដ្ឋអាជ្ញាសហព័ន្ធ បានប្រឹងប្រែងដោយជោគជ័យ ដើម្បីទទួលបានការសម្រេចកាត់ទោសប្រហារជីវិត គិតចាប់តាំងពីប្រធានាធិបតីសហរដ្ឋអាមេរិកលោក Joe Biden ដែលមកពីគណបក្សប្រជាធិបតេយ្យ បានចូលកាន់តំណែង ក្នុងខែមករា ឆ្នាំ២០២០៕

អ្នកជំនាញ៖ផែនការរបស់រុស្ស៊ីក្នុងការបញ្ឈប់ការវាយប្រហារដោយយានដ្រូនក្នុងសមុទ្រជាមួយនឹងរបាំងការពារបណ្តែតទឹក មានគុណវិបត្តិជាក់ស្តែង

2023/08/03 01:56:10 pm        79
Facebook Telegram Linkin
រុស្ស៊ី៖ យោងតាមសារព័ត៌មានរុស្ស៊ីឯករាជ្យ Mash បានឲ្យដឹងថា ប្រទេសរុស្ស៊ី បានដាក់ពង្រាយរបាំងការពារអណ្តែតទឹកក្បែរស្ពានគ្រីម៉េ ដើម្បីការពារការវាយប្រហារដោយយានដ្រូនរបស់អ៊ុយក្រែន ប៉ុន្តែពួកគេអាចមានគុណវិបត្តិជាក់ស្តែងមួយ។លោក Stephen Wright អ្នកបង្កើតបច្ចេកវិទ្យាយានដ្រូន បានថ្លែងប្រាប់សារព័ត៌ Insider ថា របាំងការពារបណ្តែតទឹក ដែលមានមកតាំងពីសង្គ្រាមលោកលើកទី២ នឹងបង្ហាញថា គ្មានប្រយោជន៍ ប្រសិនបើអ៊ុយក្រែន សម្រេចចិត្តទប់ទល់នឹងការវាយប្រហារដោយយានដ្រូនជាច្រើនលើក ក្នុងរយៈពេលដ៏ខ្លីនោះ។ស្រដៀងទៅនឹងសំណាញ់ប្រឆាំងនឹងគ្រាប់បែកប្រឆាំងនាវា ( torpedo) របាំងការពារបណ្តែតទឹក គឺជារបាំងការពារដ៏សំខាន់ ឬសំណាញ់ដែលព័ទ្ធជុំវិញគោលដៅដ៏មានសក្តានុពល នៅក្នុងសមុទ្រ ឬឆ្លងកាត់មាត់កំពង់ផែ ឬច្រកសមុទ្រសម្រាប់ការការពារប្រឆាំងនឹងយានដ្រូន។ប្រព័ន្ធការការពារទាំងនេះ ត្រូវបានដាក់ពង្រាយ បន្ទាប់ពីអ៊ុយក្រែន បានបង្ហាញយានដ្រូនសមុទ្រថ្មីដែលត្រូវបានផលិតឡើង ដើម្បីវាយប្រហារកងនាវារបស់រុស្ស៊ីនៅសមុទ្រខ្មៅ៕

សហជីពនៅនីហ្សេរីយ៉ា ធ្វើកូដកម្មប្រឆាំងការកើនឡើងតម្លៃប្រេងឥន្ធនៈ ធ្វើឲ្យកើនឡើងតម្លៃផ្សេងៗ

2023/08/03 01:39:01 pm        113
Facebook Telegram Linkin
នីហ្សេរីយ៉ា៖ ការធ្វើកូដកម្មនៅទូទាំងប្រទេស ដែលបានអំពាវនាវដោយសហជីពការងាររបស់ប្រទេសនីហ្សេរីយ៉ា ដើម្បីធ្វើការតវ៉ា ប្រឆាំងការដកចេញការផ្តល់ការឧបត្ថមធនប្រេង និងទាមទាប្រាក់ឈ្នួលអប្បរមាថ្មី ដែលត្រូវបានដកចេញចំពោះការចាប់ផ្តើមយឺតយ៉ាវ កាលពីថ្ងៃពីថ្ងៃពុធខណៈអាជីវកម្មភាគច្រើននៅតែបើកទ្វារ ទោះបីជាចរាចរណ៍មានការកាត់បន្ថយនៅចំណុចមួយចំនួនក៍ដោយ។ ចាប់តាំងពីការស្បថចូលកាន់តំណែងកាលពីថ្ងៃទី២៩ ខែ ឧសភា ប្រធានាធិបតីលោក Bola Tinubu បានចាប់ផ្តើមកំណែទម្រង់ដ៏ក្លៀវក្លាបំផុតរបស់ប្រទេសក្នុងរយៈពេលជាច្រើនទសវត្សរ៍មកនេះ ដោយបោះបង់ប្រជាប្រិយភាព ប៉ុន្តែមានការឧបត្ថមធន មានតម្លៃថ្លៃ ដែលបានចំណាយ១០ពាន់លានដុល្លារកាលពីឆ្នាំមុន និងបន្ធូរបន្ថយរបបប្តូរប្រាក់បរទេស។  ខណៈកំណែទម្រង់ត្រូវបានស្វាគមន៍ដោយក្រុមអ្នកវិនិយោគ សហជីពជាច្រើននិយាយថា ពួកគេបាននាំទៅរកការកើនឡើងការចំណាយលើជីវភាពប្រចាំថ្ងៃ នៅពេលដែលពលរដ្ឋនីហ្សេរីយ៉ាបានទប់ទល់រួចទៅហើយជាមួយអតិផរណាកើនឡើងខ្ពស់ក្នុងរយៈពេលជិត២ទសវត្សរ៍មកនេះ។ ក្រុមអ្នកតវ៉ាកំពុងកាន់ផ្ទាំងប្រកាសរាប់រយនាក់ ដឹកនាំដោយមេដឹកនាំសហជីព បានបានចេញដើរធ្វើបាតុកម្មនៅក្នុងរដ្ឋធានី Abuja និងរដ្ឋ Bayelsa ដែលផលិតប្រេង ជាកន្លែងដែលមន្ត្រីសហជីព បានផ្តល់ញ្ញតិទៅកាន់រដ្ឋាភិបាលរដ្ឋ ដោយលម្អិតពីការលំបាករបស់ពួកគេ។ ក្រុមអ្នកតវ៉ា បានដើរក្បួននៅទីក្រុងKano និងទីក្រុង Kaduna នៅភាគខាងជើង។ សភាការងាររប្រទេសនីហ្សេរីយ៉ា និយាយថា ការបញ្ចប់ការឧបត្ថមធនប្រេងឥន្ធនៈ កំពុងធ្វើឲ្យប៉ះពាល់ដល់ពលរដ្ឋក្រីក្រយ៉ាងខ្លាំង។ សហជីពជាច្រើន និយាយថា កូដកម្មនឹងមានរយៈពេល១សប្តាហ៍ ប៉ុន្តែពួកគេអាចព្យាយាមគាំទ្រដល់ការតវ៉ាខណៈមនុស្សរាប់លាននាក់ត្រូវបានជួល ក្នុងវិស័យសេដ្ឋកិច្ចក្រៅផ្លូវការធំៗ គ្មានអ្នកតំណាងសហជីព៕

កម្មករសំណង់របស់កូរ៉េខាងត្បូង អំពាវនាវឲ្យមានលក្ខខណ្ឌការងារល្អប្រសើរ ក្នុងពេលអាកាសធាតុក្តៅខ្លាំង

2023/08/03 01:36:07 pm        255
Facebook Telegram Linkin
កូរ៉េខាងត្បូង៖ កម្មករសំណង់របស់ប្រទេសកូរ៉េខាងត្បូង បានប្រមូលផ្តុំគ្នាតវ៉ា នៅមុខការិយាល័យប្រធានាធិបតី ក្នុងទីក្រុងសេអ៊ូល កាលពីថ្ងៃពុធ (ទី២ ខែសីហា) ដើម្បីទាមទារលក្ខខណ្ឌការងារឲ្យកាន់តែប្រសើរឡើងជាងនេះ ខណៈដែលប្រទេសនេះ បានព្រមានកាន់តែខ្លាំងឡើងៗ អំពីអាកាសធាតុក្តៅដល់កម្រិតខ្ពស់បំផុតជាលើកដំបូងក្នុងរយៈពេល ៤ឆ្នាំ។បន្ទាប់ពីចាក់ទឹកកកលើខ្លួនឯងរួចមក លោកស្រី Jeon Jae-hee ដែលជាសមាជិកនៃសហជីពកម្មករសំណង់ បាននិយាយថា៖ «រលកកម្ដៅរបស់កូរ៉េខាងត្បូងកំពុងឈានដល់កម្រិតក្ដៅខ្លាំងបំផុត។ បើទោះជាសីតុណ្ហភាពឡើងលើស ៣៥អង្សារសេក៏ដោយ កម្មករសំណង់មិនអាចសម្រាក នៅកន្លែងសម្រាកបានទេ ហើយវារឹតតែពិបាក ក្នុងការប្រើបន្ទប់សម្រាក»។ រូបភាពវីដេអូពីសហជីព បានបង្ហាញឲ្យឃើញថា កម្មករសំណង់ដេកលើដី នៅឯការដ្ឋានសំណង់ ដើម្បីឲ្យត្រជាក់។ ដោយឡែកនៅឯតំបន់ទេសចរណ៍ Myeongdong គេឃើញប្រជាជនកាន់កង្ហារចល័ត និងបរិភោគការ៉េម ខណៈដែលរបាំងការពារកម្តៅថ្ងៃ និងឧបករណ៍ត្រជាក់ក ត្រូវបានដាក់លក់ នៅតាមហាងនានា។សូមបញ្ចាក់ថា បើតាមភ្នាក់ងារពន្លត់អគ្គិភ័យជាតិ បានឲ្យដឹងថា ប្រទេសកូរ៉េខាងត្បូងបានធ្វើការព្រមានកាន់តែខ្លាំងឡើងៗ អំពីកម្ដៅ នៅក្នុងប្រព័ន្ធ ៤ថ្នាក់របស់ខ្លួនដល់កម្រិតខ្ពស់បំផុត គិតត្រឹមម៉ោង ៦ល្ងាច នៅថ្ងៃអង្គារ (ទី១ ខែសីហា) ជាលើកដំបូង គិតចាប់តាំងពីឆ្នាំ២០១៩។ កម្ដៅដ៏ហួតហែងនេះ ត្រូវបានគេប៉ាន់ប្រមាណថា បានសម្លាប់មនុស្សយ៉ាងហោចណាស់ ២២នាក់ នៅទូទាំងប្រទេស គិតត្រឹមថ្ងៃអង្គារនោះ ពោលគឺច្រើនជាង៣ដងនៃចំនួន ៧នាក់ ក្នុងរយៈពេលដូចគ្នា កាលពីឆ្នាំមុន៕

ការដេញថ្លៃគម្រោងមូលនិធិអភិវឌ្ឍន៍សង្កាត់ទាំង៨ឆ្នាំ២០២៣ របស់ខណ្ឌ៧មករា មាន៩គម្រោង មានតម្លៃជាង១១៧៩ លានរៀល

2023/08/03 01:33:44 pm        350
Facebook Telegram Linkin
ភ្នំពេញ៖ ការដេញថ្លៃគម្រោងមូលនិធិអភិវឌ្ឍន៍សង្កាត់ ឆ្នាំ២០២៣ សម្រាប់៨សង្កាត់ របស់ខណ្ឌ៧មករា មានចំនួន០៩គម្រោង មានតម្លៃប៉ាន់ស្មានប្រមាណជាង ១១៧៩លានរៀល ដែលគម្រោងទាំងនេះ មានទាំងការ ,ការស្តារប្រព័ន្ធលូចាស់ ,អ៊ុតកៅស៊ូបេទីមីណឺ ដាក់បង្គោលភ្លើងសូឡា បំភ្លឺផ្លូវ ដាក់លូររំដោះទឹក និងក្រាលការ៉ូឡាចិញ្ជើមផ្លូវ ។ពិធីដេញថ្លៃគម្រោងមូលនិធិអភិវឌ្ឍន៍សង្កាត់ ក្នុងឆ្នាំ២០២៣នេះ​ បានធ្វើឡើងនាព្រឹកថ្ងៃទី៣ ខែសីហា ឆ្នាំ២០២៣ ក្រោមអធិបតីភាពលោក ហ៊ុន សុរិទ្ធី អភិបាលរងរាជធានីភ្នំពេញ តំណាងឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ និងលោក ថេង សុថុល អភិបាលនៃគណៈអភិបាលខណ្ឌ៧មករា ធ្វើនៅសាលាខណ្ឌ៧មករា។លោក ថេង សុថុល អភិបាលខណ្ឌ៧មករា បានលើកឡើងថា ការដេញថ្លៃគម្រោង​មូលនិធិអភិវឌ្ឍន៍សង្កាត់ ឆ្នាំ២០២៣នេះ​ ក្រុមហ៊ុនដែលដេញថ្លៃទាបជាងគេពេក ដែលមិនអាចទទួល​យកបាន គឺមិន​អនុញ្ញាតឲ្យទទួលយកគម្រោងឡើយ។ លោក ថេង សុថុល អភិបាលខណ្ឌ បានបញ្ជាក់ថា សម្រាប់សង្កាត់ទាំង៨ ​របស់ខណ្ឌ៧មករា មាន​ចំនួន០៩គម្រោង តម្លៃប៉ាន់ប្រមាណជាង១១៧៩លានរៀល ​ក្នុងនោះរួមមាន៖ ​សង្កាត់អូរឬស្សីទី១ មាន១គម្រោង ។ សង្កាត់អូរឬស្សីទី២ មាន១គម្រោង ។សង្កាត់អូរឬស្សីទី៣ មាន១គម្រោង ។សង្កាត់អូរឬស្សីទី៤ មាន១គម្រោង។ សង្កាត់មនោរម្យ ​មាន១គម្រោង ។សង្កាត់មិត្តភាព មាន១គម្រោង ។ សង្កាត់វាលវង់ ២គម្រោង ។ សង្កាត់បឹងព្រលឹត មាន១គម្រោង។ សរុបទាំង០៨សង្កាត់ ក្នុងចំនួន០៩គម្រោងនេះ មានទឹកប្រាក់ប៉ាន់ស្មានប្រមាណជាង ១១៧៩លានរៀល។លោក ហ៊ុន សុរិទ្ធី អភិបាលរងរាជធានីភ្នំពេញ បានលើកឡើងផងដែរថា ការដេញថ្លៃគម្រោងមូល​និធិអភិវឌ្ឍន៍សង្កាត់ វាជាការចូលរួមរបស់វិស័យ​ឯកជនតាមរបៀបប្រកួតប្រជែង​ប្រកបដោយ​យុត្តិធម៌ តម្លាភាព ​គណនេយ្យភាព ​និងអាចជឿទុកចិត្តបាន ​ពីគ្រប់ភាគីពាក់ព័ន្ធទាំងអស់ ដែលជា​មូលដ្ឋានគ្រឹះនៃអភិបាលកិច្ចល្អ ​ក្នុងការចូលរួមអភិវឌ្ឍន៍​មូលដ្ឋាន ដើម្បីឆ្លើយតបតម្រូវការ​ប្រជាពលរដ្ឋ​នៅតាមគោលដៅរបស់គម្រោង។ ដូច្នេះ រាល់ការសាងសង់ ត្រូវធ្វើឱ្យមានគុណភាព ស្របតាមបទដ្ឋានបច្ចេកទេស​ មានសោភ័ណភាព​ និងមានតម្លៃសមស្រប មិនប៉ះពាល់​បរិស្ថានសង្គម ធានាបានសុវត្ថិភាពសាធារណៈ ​និងប្រើប្រាស់បានយូរអង្វែង និងយុតិធម៌។ក្នុងឱកាសនោះ លោក ហ៊ុន សុរិទ្ធី ក៏បានស្នើអោយគណៈកម្មការគ្រប់គ្រងគម្រោងសង្កាត់ មិន​ត្រូវឃុបឃិត​គ្នាជាមុនដូចជាការលួចចចារគ្នាទទួល​សំណូកពីគ្នា ឬការទិញ​ទឹកចិត្តគ្នាដោយ​មាន​ការសន្យាមុនពេលដេញថ្លៃ។ ត្រូវមានការតាមដានត្រួតពិនិត្យការអនុវត្តគម្រោងជាប្រចាំ ជាពិសេស​គឺការពិនិត្យផ្ដល់យោបល់ដោយ​សរសេរចូលក្នុងសៀវភៅការដ្ឋានជាប្រចាំ មានការទទួល​ខុស​ត្រូវចំពោះលទ្ធផលគម្រោង ​ជាពិសេសត្រូវធានាសុវត្ថិភាព ​ទីតាំងការដ្ឋានអនុវត្តគម្រោង។ ផ្តល់យោបល់កែលម្អជាផ្លូវការក្នុងសៀវភៅការដ្ឋាន នៅពេលចុះពិនិត្យការដ្ឋាន​អនុវត្ត​គម្រោង។ លោក បានបន្តទៀតថា អ្នករៀបចំលទ្ធកម្មគម្រោងមូលនិធិសង្កាត់ មិនត្រូវដេញថ្លៃ​បានហើយធានាថាធ្វើបាន ​ហើយធ្វើមិនបាន ​ត្រូវមានការទទួលខុសត្រូវ៕អត្ថបទ៖ កុម្ភះ

ផ្លូវបេតុងថ្មីមួយខ្សែ នឹងស្ថាបនារួចរាល់ជូនពលរដ្ឋប្រើប្រាស់ នៅពេលខាងមុខ

2023/08/03 01:11:50 pm        382
Facebook Telegram Linkin
ភ្នំពេញ៖ សមិទ្ធផលផ្លូវបេតុងថ្មីមួយខ្សែបន្ថែមទៀតហើយ គឺផ្លូវ57BT ដែលបាននឹងកំពុងដំណើរការដាក់ប្រព័ន្ធលូបង្ហូរទឹក និងស្ថាបនាជាផ្លូវបេតុងថ្មី លើផ្លូវចាស់ដែលមានសភាពចាស់ទ្រុតទ្រោម ជូនប្រជាពលរដ្ឋសម្រាប់ប្រើប្រាស់ ស្ថិតក្នុងភូមិត្នោតជ្រុំ សង្កាត់បឹងទំពន់ទី២ ខណ្ឌមានជ័យ រាជធានីភ្នំពេញ ។លោក អ៊ុម ហ៊ុយឈុនហេង ចៅសង្កាត់បឹងទំពន់ទី២ បានប្រាប់ BTV ឱ្យដឹងថា គម្រោងស្ថាបនាផ្លូវមួយខ្សែនេះ មានប្រវែង៣៥៧ម៉ែត្រ ​មានទទឹង០៥ម៉ែត្រ ក្នុងនោះចែកចេញជា២គម្រោង គឺការដាក់ប្រព័ន្ធលូបង្ហូរទឹកដែលមានមុខកាត់៨តឹក ជា​គម្រោងរបស់ថ្នាក់ខណ្ឌ និងគម្រោងទី២ គឺដាក់ចាក់ផ្លូវបេតុង គឺជាមូលនិធិអភិវឌ្ឍន៍របស់សង្កាត់ ។លោកចៅសង្កាត់បន្តថា សមិទ្ធផលនេះ គឺជាការតបស្នងទៅកាន់​ប្រជាពលរដ្ឋដែល​ជា​ម្ចាស់​សំឡេងឆ្នោត ដែលពួកគាត់ បានបោះឆ្នោតគាំទ្រលើគណបក្សប្រជាជនកម្ពុជា ​ដូច្នោះហើយ ក្នុង​នាមអាជ្ញាធរ គឺមិនធ្វើឱ្យពលរដ្ឋខកចិត្ត​ ឬអស់ជំនឿចិត្តនោះឡើយ ​គឺនឹងខិតខំ​ប្រឹងប្រែង​បន្តសកម្មភាពជួយដោះស្រាយទុក្ខលំបាករបស់ពលរដ្ឋ ​និងបន្តសកម្មភាពអភិវឌ្ឍន៍​ឥតឈប់ឈរ នៅក្នុងមូលដ្ឋាន ។ពលរដ្ឋរស់នៅលើបណ្តោយផ្លូវខាងលើ ​ក៏ដូចជាប្រជាអ្នកដំណើរដែលឧស្សាហ៍ឆ្លងកាត់ បាន​បង្ហាញក្តីសប្បាយរីករាយ​ ដែលក្រុមអាជ្ញាធរ ​បានជួយ​គិតគូរ​ជួសជុល​ និងស្ថាបនាផ្លូវឱ្យ​បាន​ស្អាតល្អជូនពលរដ្ឋប្រើប្រាស់ទាំងអស់គ្នា ។ពលរដ្ឋបន្តថា ពួកគាត់រីករាយចំពោះការអភិវឌ្ឍន៍ ព្រោះពួកគាត់បានបោះឆ្នោតគាំទ្រ​ជូន​គណបក្សប្រជាជនកម្ពុជា​ ដើម្បីឱ្យគណបក្សបានដឹកនាំ​ប្រទេសជាតិ បន្តបោះជំហាន​ឈានទៅរកការអភិវឌ្ឍន៍​កាន់តែខ្លាំងខ្លាបន្ថែម ។ពលរដ្ឋបន្តថា ​នៅពេលមានផ្លូវបេតុងថ្មី ​ពួកគាត់ងាយស្រួលក្នុងការចរាចរណ៍ធ្វើដំណើរទៅមក ក៏ដូចជាងាយនឹងប្រកបរបរលក់ដូរ ​និងរកស៊ីទទួលទាន​បានកាន់តែប្រសើរឡើង ព្រោះនៅ​ពេលមាផ្លូវស្អាតល្អ ​ប្រាកដជាមានពលរដ្ឋធ្វើដំណើរទៅមក​ខ្វាត់ខ្វែង​ច្រើនជាក់​ជាមិនខានឡើយ ។ ពលរដ្ឋ បន្ថែមថា អ្វីដែលកាន់តែប្រសើរជាងនេះទៅទៀតនោះ​ គឺផ្លូវមួយខ្សែនេះ បានដាក់​ប្រព័ន្ធបង្ហូរទឹកដែលមានមុខកាត់ធំជាង​ប្រព័ន្ធលូចាស់ ​ដូច្នោះហើយវាអាចធានាបានចំពោះការ​មិនអាចជន់លិចផ្លូវក្នុងរយៈពេលយូរនោះទេ ​នៅរៀងរាល់ពេលមានភ្លៀងធ្លាក់ខ្លាំង ឬរដូវរស្សា ចូលមកដល់នោះ ។សូមបញ្ជាក់ថា ផ្លូវមួយខ្សែខាងលើនេះ ​បានចាប់ផ្តើមដំណើរការដាក់ប្រព័ន្ធលូ ​កាលពីថ្ងៃទី២៩ ខែកក្កដា​ ឆ្នាំ២០២៣ ហើយក្រោយការដាក់ប្រព័ន្ធ​លូ​ត្រូវបានបញ្ចប់ ​ការចាក់ផ្លូវបេតុង នឹង​ចាប់ផ្តើមភ្លាមៗតែម្តង ​ដើម្បីឱ្យផ្លូវនេះឆាប់​បានរួចរាល់​សម្រាប់​ពលរដ្ឋ​ទាំងក្នុង និងក្រៅតំបន់​អាចទទួលបានសម្រាប់ការប្រើប្រាស់​ជាប្រយោជន៍រួមទាំងអស់គ្នា ៕ អត្ថបទ ៖ លីហេង

បណ្ដាញសង្គម

ព័ត៌មានថ្មីៗ

អាមេរិកប្រាប់អឺរ៉ុប និងកាណាដាឱ្យបង្កើនកងកម្លាំងអាកាស និងជើងទឹករបស់ណាតូ ខណៈទីក្រុងវ៉ាស៊ីនតោនកាត់បន្ថយការចំណាយ
06/04/2026 09:06 AM
Facebook Telegram Linkin
ក្រុមហេសបូឡា បាញ់រ៉ុក្កែតទៅលើអ៊ីស្រាអែល ជាការសាកល្បងកិច្ចព្រមព្រៀងសម្របសម្រួលដោយអាមេរិក
06/04/2026 09:06 AM
Facebook Telegram Linkin
លោក Netanyahu និយាយសម្រាលពីជម្លោះជាមួយលោក Trump ដោយមេដឹកនាំទាំងពីរយល់ស្របលើការរំសាយអាវុធក្រុមហេសបូឡា
06/04/2026 09:06 AM
Facebook Telegram Linkin
លោក គីម ជុងអ៊ុន មេដឹកនាំកូរ៉េខាងជើង ប្តេជ្ញាថានឹងបង្កើនទ្វេដងកងកម្លាំងនុយក្លេអ៊ែរ
06/04/2026 09:06 AM
Facebook Telegram Linkin
អ៊ីស្រាអែល និងលីបង់ យល់ព្រមអនុវត្តបទឈប់បាញ់ អាស្រ័យលើការបញ្ឈប់ការវាយប្រហាររបស់ក្រុមហេសបូឡា
06/04/2026 09:06 AM
Facebook Telegram Linkin
ក្នុងរយៈពេល៥ខែដើមឆ្នាំ២០២៦ ក្រសួងបរិស្ថានបានចុះល្បាត និងបង្រ្កាបបទល្មើសធនធានធម្មជាតិបានចំនួន ៨៩៦ករណី និងបានឃាត់ខ្លួនជនល្មើសបញ្ជូនទៅតុលាការចំនួន៤៣នាក់
06/04/2026 09:06 AM
Facebook Telegram Linkin
អ្នកជំនាញការអាដហុកអាយស៊ីស៊ីអង្គរ-សំបូរព្រៃគុក បន្តចុះពិនិត្យការដ្ឋានជួសជុលមួយចំនួន នៅអតីតរាជធានី ក្រុងអង្គរធំ
06/04/2026 08:06 AM
Facebook Telegram Linkin
រដ្ឋមន្ត្រីការបរទេសអ៊ីរ៉ងថាការចរចាគ្មានមានវឌ្ឍនភាព តែលោក Trump ថាកិច្ចព្រមព្រៀងជិតដល់ហើយ
06/04/2026 08:06 AM
Facebook Telegram Linkin
កម្ពុជាប្តេជ្ញាចិត្តក្នុងការធ្វើការជិតស្និទ្ធជាមួយប្រទេសសមាជិកអាស៊ាន និងសហរដ្ឋអាម៉េរិកដើម្បីលើកកម្ពស់ភាពជាដៃគូ និងផលប្រយោជន៍រួម
06/04/2026 08:06 AM
Facebook Telegram Linkin
អាល្លឺម៉ង់គាំទ្រកម្ពុជាលើវិធីសាស្ត្រដោះស្រាយជម្លោះព្រំដែនដោយសន្តិវិធី ខណៈសភាទាំងពីរប្តេជ្ញាពង្រីកកិច្ចសហប្រតិបត្តិការឱ្យកាន់តែស៊ីជម្រៅ តាមរយៈការផ្លាស់ប្ដូរទស្សនកិច្ចទៅវិញទៅមក
06/04/2026 07:06 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.