នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី៖គិតត្រឹមខែមេសាឆ្នាំនេះយុវជនមកពីគ្រួសារក្រីក្រ និងងាយរងហានិភ័យចំនួន ២៧,១ម៉ឺននាក់ទទួលបានការបណ្ដុះបណ្ដាលជំនាញវិជ្ជាជីវៈ
សម្ដេ​ចតេជោ ហ៊ុន សែន៖«២០ មិថុនា ១៩៧៧ ជីវិតរបស់ខ្ញុំ និងភរិយាពេលនោះជួបជាមួយគ្រោះថ្នាក់ និងលំបាកវេទនាខ្លាំងណាស់»
សម្តេចតេជោ ហ៊ុន សែន ថ្លែងថា អាវក្រោះ និងសម្ភារយោធាម៉ាក DSS សុទ្ធតែមានគុណភាពហើយអាវការពារនេះនាយករដ្ឋមន្រ្តីបានសាករួចហើយ
សម្ដេចតេជោ ហ៊ុន សែន អញ្ជើញពិនិត្យមើលរោងចក្រ ផលិតសម្ភារៈយោធា DSS និងសំណេះសំណាលជាមួយកម្មករ កម្មការិនី

នយោបាយ​ និង ការអភិវឌ្ឍន៍

ប្រជាជនប៊ុលហ្គារីរាប់ពាន់នាក់ តវ៉ាជុំវិញអំពើហឹង្សាលើស្ត្រី

2023/08/01 10:26:44 am        223
Facebook Telegram Linkin
ប៊ុលហ្គារី៖ ប្រជាជនប៊ុលហ្គារីរាប់ពាន់នាក់បានតវ៉ានៅខាងក្រៅអគារតុលាការក្នុងទីក្រុងសូហ្វីយ៉ា (Sofia) កាលពីថ្ងៃចន្ទ (៣១ កក្កដា) ដើម្បីអំពាវនាវឱ្យមានវិធានការរឹងមាំជាងមុនដើម្បីដោះស្រាយអំពើហិង្សាលើស្ត្រី។ហ្វូងមនុស្សបានប្រមូលផ្តុំគ្នានៅក្នុងរដ្ឋធានី និងជាង ៤០ ទីក្រុងទូទាំងប្រទេស បន្ទាប់ពីការវាយប្រហារដោយកាំបិតកាលពីពេលថ្មីៗនេះទៅលើនារីវ័យក្មេងម្នាក់នៅក្នុងទីក្រុង ស្តារ៉ា ហ្សាហ្គូរ៉ា (Stara Zagora) បង្កឱ្យប្រជាពលរដ្ឋមានកំហឹងជាខ្លាំង។ប្រជាពលរដ្ឋបានធ្វើដំណើរតាមដងផ្លូវ បន្ទាប់ពីបុរសម្នាក់ដែលត្រូវបានចោទប្រកាន់ថាបានចាក់សម្លាប់មិត្តស្រីរបស់ខ្លួនដោយកាំបិត ហើយបណ្ដាលឲ្យនាងមានរបួសជាង ៤០០ ថ្នេរនោះ ត្រូវបានដោះលែងពីដំបូងដោយមិនមានការចោទប្រកាន់។ ជនសង្ស័យឥឡូវនេះកំពុងស្ថិតក្នុងការឃុំខ្លួនបណ្តោះអាសន្នមុនការជំនុំជម្រះទោស នេះបើយោងតាមប្រព័ន្ធផ្សព្វផ្សាយប៊ុលហ្គារី។ការស្រាវជ្រាវមួយ ដែលត្រូវបានចេញផ្សាយនៅក្នុងខែវិច្ឆិកាដោយវិទ្យាស្ថានស្ថិតិជាតិបានបង្ហាញថា ស្ទើរតែមួយភាគបីនៃក្មេងស្រីនៅក្នុងប្រទេសប៊ុលហ្គារីបានជួបប្រទះការរំលោភបំពានផ្លូវកាយ ឬផ្លូវចិត្ត ដោយឪពុកម្តាយរបស់ពួកគេក្នុងវ័យកុមារភាព ហើយស្ត្រីយ៉ាងហោចណាស់៥នាក់ក្នុងចំណោម១០នាក់ បានជួបប្រទះនូវអំពើហឹង្សាមួយចំនួនពីដៃគូជិតស្និទ្ធ មិនថាជាផ្លូវចិត្ត ផ្លូវភេទ ឬផ្លូវកាយនោះទេ៕

សមាជិកក្រុមប្រឹក្សាសន្តិសុខUN ជំរុញឱ្យរុស្ស៊ីដកទ័ពចេញពីទឹកដីអន្តរជាតិរបស់អ៊ុយក្រែន

2023/08/01 10:14:55 am        127
Facebook Telegram Linkin
UN៖ កាលពីថ្ងៃចន្ទ (៣០ កក្កដា) សមាជិកក្រុមប្រឹក្សាសន្តិសុខអង្គការសហប្រជាជាតិ បានជំរុញឱ្យរុស្ស៊ីដកទ័ពរបស់ខ្លួនចេញពីទឹកដីដែលទទួលស្គាល់ជាអន្តរជាតិរបស់អ៊ុយក្រែន។ តំណាងរបស់ប្រទេសអ៊ុយក្រែន លោកស្រី Khrystyna Hayovyshyn (គ្រីស្ទីណា ហាយ៉ូវីស៊ីន) បាននិយាយថា សកម្មភាពរបស់រុស្ស៊ី បង្កការគំរាមកំហែងយ៉ាងខ្លាំងដល់ស្ថិរភាពក្នុងតំបន់ និងទូទាំងពិភពលោក។ក្រុមមន្ត្រីអ៊ុយក្រែនបាននិយាយថា ការវាយប្រហារដោយមីស៊ីលរបស់រុស្ស៊ីទៅលើទីក្រុង គ្រីវី រី (Kryvyi Rih) ភាគខាងត្បូងប្រទេសអ៊ុយក្រែនកាលពីថ្ងៃចន្ទ បានសម្លាប់មនុស្សយ៉ាងហោចណាស់ ៦នាក់ រួមទាំងក្មេងស្រីអាយុ ១០ឆ្នាំម្នាក់ និងម្តាយរបស់នាង ព្រមទាំងមនុស្សរាប់សិបនាក់ផ្សេងទៀតរងរបួស។រដ្ឋធានី គីវ ដែលបានទទួលគ្រឿងយុទ្ធោបករណ៍ និងការហ្វឹកហ្វឺនមានតម្លៃរាប់ពាន់លានដុល្លារពីប្រទេសលោកខាងលិច ដើម្បីធ្វើការវាយលុកដណ្តើមយកទឹកដីដែលកាន់កាប់ឡើងវិញនៅរដូវក្តៅនេះ បានទទួលស្គាល់ថាយុទ្ធនាការរបស់ខ្លួនកំពុងដំណើរការយឺតជាងការរំពឹងទុក។ ក្រុមមេបញ្ជាការនិយាយថា ល្បឿនវាយលុកដោយចេតនាគឺត្រូវការចាំបាច់ដើម្បីបញ្ចៀសគ្រោះថ្នាក់ខ្ពស់។ទាហានរុស្សីមានពេលជាច្រើនខែដើម្បីរៀបចំពហរងឹងបន្ទាយការពារ និងដាក់ពង្រាយគ្រាប់មីន។ ក្រុមអ្នកវាយប្រហារជនជាតិអ៊ុយក្រែន ខ្វះឧត្តមភាពដែនអាកាស ដែលសម្ព័ន្ធមិត្តណាតូ ជាធម្មតារំពឹងទុកនៅក្នុងសមយុទ្ធហ្វឹកហ្វឺនរបស់ពួកគេ៕

រុស្ស៊ី បានវាយប្រហារដោយមីស៊ីល លើក្រុងកំណើតរបស់លោក Zelensky សម្លាប់មនុស្សចំនួន៦នាក់

2023/08/01 10:08:19 am        195
Facebook Telegram Linkin
រុស្ស៊ី៖ មនុស្សយ៉ាងហោចណាស់៦នាក់ រួមទាំងក្មេងស្រីអាយុ១០ឆ្នាំនិងម្ដាយរបស់នាង បានស្លាប់ដោយសារការវាយប្រហារដោយមីស៊ីលរបស់រុស្ស៊ីលើទីក្រុង គ្រីវីរី (Kryvyi Rih)របស់អ៊ុយក្រែន។  រដ្ឋមន្ត្រីក្រសួងមហាផ្ទៃរបស់អ៊ុយក្រែន បាននិយាយថា មនុស្សចំនួន៦៩នាក់បានរងរបួសនៅពេលមីស៊ីលជាច្រើនគ្រាប់បានវាយប្រហារលើអគារខ្ពស់មួយនិងសាកលវិទ្យាល័យមួយកន្លែងកាលពីថ្ងៃចន្ទ។ អភិបាលតំបន់ លោក ស៊ើហ៊ី លីសាក់(Serhiy Lysak) បានប្រកាសកាន់ទុក្ខរយៈពេលមួយថ្ងៃសម្រាប់អ្នកបាត់បង់ជីវិត។ ក្រុងកំណើតរបស់លោកប្រធានាធិបតី Volodymyr Zelensky ស្ថិតក្នុងទីក្រុង គ្រីវីរី  គឺជាគោលដៅមិនផ្លាស់ប្ដូរសម្រាប់ការវាយប្រហារទាំងឡាយពីសំណាក់កងកម្លាំងរុស្ស៊ី។ កាលពីខែមិថុនា មនុស្ស១១នាក់បានស្លាប់ និង២៨នាក់ផ្សេងទៀតបានរងរបួស នៅក្នុងទីក្រុងមួយនេះ បន្ទាប់ពីរុស្ស៊ី បើកការវាយប្រហារដោយមីស៊ីលដ៏ច្រើនសន្ធាប់លើអគារលំនៅឋានរបស់ជនស៊ីវិល។ការវាយប្រហារចុងក្រោយបំផុត គេបានមើលឃើញមនុស្សជាច្រើនត្រូវបានបញ្ជូនទៅកាន់មន្ទីរពេទ្យ រួមទាំងកុមារ អាយុចាប់ពី៤ឆ្នាំដល់ ដល់១៧ឆ្នាំ។ លោក Zelensky ដែលបានធំធាត់នៅក្នុងទីក្រុងដែលមានប្រជាជនប្រមាណ ៦០ម៉ឺននាក់ រស់នៅ បាននិយាយថាមីស៊ីលចំនួន២គ្រាប់ បានធ្លាក់ចំប្លុកអគារអឹផាតមិនរបស់ប្រជាពលរដ្ឋ និងអគារសាកលវិទ្យាល័យមួយកាលពីព្រឹកថ្ងៃចន្ទ៕

អ្នកវិភាគ៖ រដ្ឋប្រហារនីហ្សេ អាចបើកទ្វារដល់ក្រុមទាហានស៊ីឈ្នួល Wagner និងក្រុមជីហាដ

2023/08/01 10:03:09 am        92
Facebook Telegram Linkin
អាមេរិក៖ អ្នកវិភាគសន្តិសុខអាមេរិកម្នាក់បានព្រមានថា ការទម្លាក់ប្រធានាធិបតីនីហ្សេ លោក Mohamed Bazoum អាចធ្វើឱ្យប្រទេសនេះ មានភាពងាយស្រួលសម្រាប់ក្រុមទាហានស៊ីឈ្នួល The Wagner និងក្រុមជីហាដ ខណៈដែលវិបត្តិនេះបានធ្វើឱ្យអតីតសម្ព័ន្ធមិត្តលោកខាងលិចរបស់នីហ្សេ ប្រឆាំងនឹងរុស្ស៊ី និងមេដឹកនាំរបបយោធាដទៃទៀតនៅក្នុងតំបន់។សហភាពអាហ្រ្វិក អង្គការសហប្រជាជាតិ សហភាពអឺរ៉ុប និងមហាអំណាចផ្សេងទៀតបានថ្កោលទោសការទម្លាក់លោកប្រធានាធិបតី Mohamed Bazoum នេះ ដែលជាការកាន់កាប់ដោយយោធាលើកទី៧ ក្នុងរយៈពេលតិចជាងបីឆ្នាំនៅអាហ្វ្រិកខាងលិច និងកណ្តាល ដែលបានធ្វើឱ្យខូចដល់វឌ្ឍនភាពលទ្ធិប្រជាធិបតេយ្យនៅក្នុងតំបន់ក្រីក្របំផុតរបស់ពិភពលោកមួយនេះ។ ប៉ុន្តែរបបយោធានៃប្រទេសជិតខាងដូចជា ប្រទេសប៊ូគីណា ហ្វាសូ (Burkina Faso), ប្រទេសម៉ាលី (Mali) និងប្រទេសហ្គីនេ (Guinea) សុទ្ធតែបានសម្តែងការគាំទ្ររបស់ពួកគេចំពោះមេដឹកនាំរដ្ឋប្រហារទាំងនោះ។កាលពីសប្តាហ៍មុន លោក Yevgeny Prigozhin ប្រធានក្រុមទាហានស៊ីឈ្នួល Wagner របស់រុស្ស៊ី បានស្វាគមន៍រដ្ឋប្រហារនៅនីហ្សេ ហើយបាននិយាយថា កងកម្លាំងរបស់លោកមានលទ្ធភាពដើម្បីស្តារសណ្តាប់ធ្នាប់ឡើងវិញក្នុងប្រទេសនេះ។ លោកស្រី Analiese Bernard អ្នកវិភាគសន្តិសុខ និងជាអតីតមន្ត្រីក្រសួងការបរទេសសហរដ្ឋអាមេរិក បាននិយាយថា ប្រសិនបើក្រុមទាហាន Wagner ជាប់ពាក់ព័ន្ធក្នុងប្រទេសនីហ្សេ នោះវាទំនងជានឹងប្រព្រឹត្តិការរំលោភសិទ្ធិមនុស្ស ដូចគ្នាដែលក្រុមនោះធ្លាប់បានប្រព្រឹត្តនៅក្នុងប្រទេសម៉ាលីដែលជាប្រទេសជិតខាងនោះ ហើយបើកទ្វារឱ្យក្រុមជីហាដឈរជើងនៅក្នុងប្រទេសនីហ្សេ មិនខាន៕

ឯកឧត្តម វេង សាខុន និងលោកជំទាវ នាំយកទៀនចំណាំព្រះវស្សា និងបច្ច័យមួយចំនួនប្រគេនដល់វត្តចំនួន៧ នៅខេត្តកំពង់ចាម

2023/08/01 09:30:06 am        158
Facebook Telegram Linkin
កំពង់ចាម៖ ឯកឧត្តម វេង សាខុន ប្រធានក្រុមការងារគណបក្សចុះមូលដ្ឋានស្រុកកំពង់សៀម ខេត្តកំពង់ចាម និងស្រុកតំបែរ ខេត្តត្បូងឃ្មុំ និងលោក ជំទាវ រួមជាមួយសហការីដែលជាប្រធាន អនុប្រធាន និងសមាជិកក្រុមការងារចុះឃុំហាន់ជ័យ ឃុំវិហារធំ ឃុំក្រឡា និងឃុំគគរ ស្រុកកំពង់សៀម បាននាំយកទៀនចំណាំព្រះវស្សា ទេយ្យទាន គ្រឿងបរិក្ខារ និងបច្ច័យមួយចំនួនទៀត មកប្រគេនព្រះចៅអធិកាដែលគង់ចាំព្រះវស្សាក្នុងវត្តចំនួន ៧ ក្នុងនោះឃុំវិហាធំមានចំនួន ៤ វត្តមាន ÷ វត្តគងមហា វត្តអណ្តូងស្វាយ វត្តក្តីបឹង វត្តវិហារធំ និងឃុំក្រឡាមានចំនួន ៣ វត្តមាន÷ វត្តអង្គួញដី វត្តភ្នំប្រុស និងវត្តពុទ្ធិការាម ដែលពិធីនេះប្រារព្វក្នុងវត្តភ្នំប្រុស នៅព្រឹកថ្ងៃទី០១ ខែសីហា ឆ្នាំ២០២៣នេះ។ ឯកឧត្តម​វេង សាខុន បានសំណេះសំណាលជាមួយព្រះតេជគុណព្រះសង្ឃ និងប្រជាពលរដ្ឋពុទ្ធិបរិស័តដោយបានពាំនាំនូវការផ្តាំផ្ញើសាកសួរសុខទុក្ខពីសំណាក់ សម្តេចតេជោ នាយករដ្ឋមន្រ្តី សម្តេចកិត្តិព្រឹទ្ធបណ្ឌិត មកប្រគេនព្រះតេជគុណព្រះសង្ឃគ្រប់ព្រះអង្គ និងជូនប្រជាពលរដ្ឋទូទាំងស្រុកកំពង់សៀម សូមទទួលបាននូវពុទ្ធពរទាំបួនប្រការកុំបីឃ្លៀឃ្លាតឡើយ។ក្នុងនាមប្រធាន អនុប្រធានក្រុម ការងារ អាជ្ញាធរមូលដ្ឋាន និងប្រជាពលរដ្ឋទូទាំងស្រុកកំពង់សៀម ឯកឧត្តមបានអបអរសាទរ ថ្លែងអំណរគុណ និងវាយតម្លៃខ្ពស់ចំពោះជោគជ័យដ៏ធំធេងនៃលទ្ធផលបោះឆ្នោតជ្រើសតាំងតំណាងរាស្រ្តនីតិកាលទី៧ ដែលស្រុកកំពង់សៀមទទួលបាន ៨០% (យោងតាមលទ្ធផលបណ្តោះអាសន្នរបស់ គ.ជ.ប)។ ក្នុងនាមប្រធាន-អនុប្រធានក្រុមការងារ ឯកឧត្តមបានថ្លែងអំណរគុណជូនចំពោះលោកប្រធាន អនុប្រធាន និងសមាជិកក្រុមការងារចុះឃុំទាំង១៥ ឃុំ និងក្រុមការងារថ្នាក់ស្រុក ឃុំ និងភូមិទាំងអស់នៅស្រុកកំពង់សៀម និងពុទ្ធិបរិស័តចំណុះជើងវត្តទាំង ៤៨ វត្ត និងសាឡុមមួយ ដែលបានបរិច្ចាគ ចាប់មគ្គផលធ្វើបុណ្យតាមប្រពៃណីព្រះពុទ្ធសាសនានាព្រឹកនេះ។ ឯកឧត្តមបានឧទ្ទិសភាគផលបុណ្យ កុសលទានជូនសប្បុរសជនទាំងអស់ទទួលយកនូវផលា និសង្ឃតាមសទ្ធារៀងៗខ្លួន និងទទួលយកនូវពុទ្ធពរទាំងបួនប្រការកុំបីឃ្លៀងឃ្លាតឡើយ។ ដោយឡែកចំពោះវត្តចំនួន ៤២ ផ្សេងទៀត ដែលស្ថិតក្នុងស្រុកកំពង់សៀម ឯកឧត្តមបានចាត់ឲ្យអនុប្រធានក្រុមការងារគណបក្សចុះជួយស្រុក និងប្រធានក្រុមការងារគណបក្សចុះជួយតាមបណ្តាឃុំនាំយកទៀនចំណាំព្រះវស្សា គ្រឿងបរិក្ខា និងថវិកាមួយចំនួន យកទៅប្រគេនព្រះចៅអធិការនៅតាមបណ្តាវត្ត តាមឃុំទទួលបន្ទុករបស់ក្រុមការងារដើម្បីជៀសវាងកុំឲ្យព្រះតេជគុណចៅអធិការនិមន្តមួយទទួលទៀនចំណាំព្រះវស្សានិងគ្រឿងបរិក្ខារឆ្ងាយពីវត្ត។ បញ្ជាក់ : វត្តទាំង ៧ ខាងលើទទួលបានបច្ច័យ ១ ៥០០ ០០០រៀល ដោយឡែកវត្តភ្នំប្រុស ឯកឧត្តម និងលោកជំទាវបានជួយឧបត្ថមបន្ថែមចំនួន ២,២០០ដុល្លារ ។ ដោយឡែកចំពោះ លោកតា លោកយាយដែលបានចូលរួមពិធីខាងលើ ចំនួន ២០០ នាក់ ម្នាក់ៗទទួលបាន ២០ ០០០រៀល ផងដែរ ៕

រាជរដ្ឋាភិបាល ផ្តើមឧបត្ថម្ភសាច់ប្រាក់ជូនស្រ្តីអំឡុងមានផ្ទៃពោះ និងសម្រាលកូន ចាប់ពីថ្ងៃទី១ ខែសីហានេះទៅ

2023/08/01 09:06:55 am        336
Facebook Telegram Linkin
ដូចតាមការសន្យា រាជរដ្ឋាភិបាលកម្ពុជាតាមរយៈ មូលនិធិជាតិ​ជំនួយ​សង្គម​បាន​សម្រេច​ឧបត្ថម្ភ​សាច់​ប្រាក់​ជូន​ស្រ្តី​មាន​ផ្ទៃពោះ និងសម្រាលកូនជាផ្លូវការចាប់ពីថ្ងៃទី១ ខែសីហា ឆ្នាំ​២០២៣​នេះ​តទៅ ដោយការឧបត្ថម្ភនេះគឺចាប់ពីមានផ្ទៃពោះដំបូងរហូតសម្រាលកូនដល់អាយុ២ឆ្នាំ។ការសម្រេចផ្តល់ប្រាក់ឧបត្ថម្ភបន្ថែមជូនស្រ្តីមានផ្ទៃពោះ និងសម្រាលកូននេះ គឺបានធ្វើឡើងបន្ទាប់ ពី​សម្តេចតេជោ ហ៊ុន សែន នាយករដ្ឋមន្រ្តីជួបសំណេះសំណាលជាមួយបងប្អូនកម្មករ-កម្មការិនី​តាម​រោង​ចក្រ​នានា កាលពីកន្លងទៅ នេះដើម្បីរកដំណោះស្រាយ និង​ពិនិត្យ​អំពី​វឌ្ឍនភាព​របស់​កម្មករ​និយោជិត​នៅតាមរោងចក្រនានា។តាមសេចក្តីជូនដំណឹងរបស់មូលនិធិជំនួយសង្គម ស្តីពី​ការ​ដាក់​ឱ្យ​អនុវត្ត​កម្ម​វិធី​ឧបត្ថម្ភ​សាច់​ប្រាក់​ជូន​ស្ត្រី​មាន​ផ្ទៃពោះ និងកុមារអាយុក្រោម២ឆ្នាំ ក្នុងអត្រាឧបត្ថម្ភថ្មី សម្រាប់​ស្ត្រី​នៃ​គ្រួសារ​មាន​បណ្ណ​សមធម៌ បានបញ្ជាក់ថា មូលនិធិជាតិជំនួយសង្គម នឹងឧបត្ថម្ភសាច់ប្រាក់ជូនស្ត្រីមានផ្ទៃពោះ និង​កុមារ​អាយុ​ក្រោម២ឆ្នាំ ក្នុងអត្រាឧបត្ថម្ភថ្មី សម្រាប់ស្ត្រី និងកុមារក្នុងគ្រួសារមានបណ្ណសមធម៌ នឹង​ដាក់​ឱ្យ​អនុវត្តចាប់ពីថ្ងៃទី១ ខែសីហា ឆ្នាំ២០២៣នេះតទៅ ដោយផ្តល់ជូន​អំឡុង​ពេល​មាន​ផ្ទៃ​ពោះ​ពេល​សម្រាល និងក្រោយសម្រាល រហូតដល់កូន អាយុ២ឆ្នាំ ដើម្បីលើកទឹក​ចិត្ត​ដល់​ស្ត្រី​មាន​ផ្ទៃ​ពោះ ឱ្យទៅទទួលការប្រឹក្សា និងពិនិត្យផ្ទៃពោះ ព្រមទាំងសម្រាលកូន និងការចាក់វ៉ាក់សាំងកូន ឱ្យ​បានសមស្របតាមនិយាមសុខាភិបាល នៅតាមមូលដ្ឋានសុខាភិបាលសាធារណៈជាដើម។បើតាមសេចក្តីជូនដំណឹងនេះបានបញ្ជាក់ទៀតថា កម្មវិធីឧបត្ថម្ភសាច់ប្រាក់ជូនស្ត្រីមានផ្ទៃពោះ និង​កុមារអាយុក្រោម២ឆ្នាំ ក្នុងអត្រាឧបត្ថម្ភថ្មី សម្រាប់ស្ត្រី និងកុមារគ្រួសារមានបណ្ណសមធម៌នេះ មាន​លក្ខខណ្ឌ និងគោលការអនុវត្ត ដូចជា សម្រាប់ស្ត្រីដែលកំពុងទទួលផលពីកម្មវិធី នឹង​បន្ត​អនុវត្ត​លក្ខខ័ណ្ឌពិនិត្យសុខភាព តាមមូលដ្ឋាន សុខាភិបាលសាធារណៈធម្មតា ព្រមទាំង​ទទួល​បាន​ប្រាក់​ឧបត្ថម្ភតាមអត្រាថ្មីនេះ។ កម្មវិធី​ឧបត្ថម្ភសាច់ប្រាក់ជូនស្ត្រីមានផ្ទៃពោះ និងកុមារអាយុក្រោម២ឆ្នាំ ក្នុងអត្រាឧបត្ថម្ភថ្មីនេះ គឺ​ផ្តល់ ជូនស្ត្រីនៃគ្រួសារមានបណ្ណសមធម៌ ក្នុងអំឡុងពេលមានផ្ទៃពោះ រហូតដល់កូនអាយុ២ឆ្នាំ ដោយ​ត្រូវ​ទៅចុះឈ្មោះ ចូលកម្មវិធីដំបូង នៅតាមឃុំ សង្កាត់ និងប្រើប្រាស់​សេវា​ពិនិត្យ​សុខភាព​នៅ​តាម​មូលដ្ឋានសុខាភិបាលសាធារណៈ និងកម្មវិធីឧបត្ថម្ភសាច់ប្រាក់ជូនស្ត្រីមានផ្ទៃពោះ និង​កុមារ​អាយុ​ក្រោម២ឆ្នាំ សម្រាប់ស្ត្រីនៃគ្រួសារមានបណ្ណសមធម៌នេះ ផ្តល់អត្រាឧបត្ថម្ភជូន ដូច​ជា​ផ្តល់​ប្រាក់​ឧបត្ថម្ភសម្រាប់ការពិនិត្យផ្ទៃពោះមុនពេលសម្រាលចំនួន៤ដង និងការពិនិត្យសុខភាព ក្រោយសម្រាល និងយកកូនទៅទទួលថ្នាំបង្ការរហូតដល់អាយុ២ឆ្នាំ ចំនួន១០ដង ដោយ​ទទួល​បាន​ប្រាក់​ឧបត្ថម្ភចំនួន ៨០០០០រៀល (ប៉ែតសិបពាន់រៀលគត់) ក្នុងមួយដង។ ផ្តល់​ប្រាក់​ឧបត្ថម្ភ​សម្រាប់​ពេលសម្រាល ដូចជាសម្រាលកូនទោល ទទួលបាន ៤០០ ០០០រៀល (បួន​រយ​ពាន់​រៀល​គត់) - សម្រាលកូនភ្លោះពីរ ទទួលបាន ៦០០ ០០០រៀល (ប្រាំមួយរយពាន់រៀលគត់) - សម្រាលកូនភ្លោះបី ទទួលបាន ៨០០ ០០០រៀល (ប្រាំបីរយពាន់រៀលគត់)៕ អត្ថបទ៖ បាន ចក់

[BREAKING NEWS] រដ្ឋាភិបាលយោធាមីយ៉ាន់ម៉ា បន្តដាក់រដ្ឋក្នុងគ្រាអាសន្ន ពន្យារពេលការបោះឆ្នោតដែលបានសន្យាក្រោយរដ្ឋប្រហារឆ្នាំ២០២១

2023/08/01 07:51:53 am        176
Facebook Telegram Linkin
មីយ៉ាន់ម៉ា៖ រដ្ឋាភិបាលយោធាមីយ៉ាន់ម៉ា បានបន្ថែមពេលពេលវេលាដាក់រដ្ឋក្នុងគ្រាអាសន្ន ៦ខែបន្ថែមទៀត កាលពីថ្ងៃចន្ទ ទី៣១ខែកក្កដា ដោយផ្ដល់សញ្ញាពន្យារពេលបោះឆ្នោត ដែលបានសន្យាថានឹងរៀបចំឲ្យមានការបោះឆ្នោតថ្មីខណៈរបបសឹកមួយនេះបន្តប្រយុទ្ធប្រឆាំងក្រុមអ្នកប្រយុទ្ធប្រឆាំងរដ្ឋប្រហារទូទាំងប្រទេស។ ប្រទេសនៅអាស៊ីអាគ្នេយ៍មួយនេះ ត្រូវបានរងការបំផ្លិចបំផ្លាញដោយសារអំពើហិង្សាដ៏ធ្ងន់ធ្ងរបំផុតចាប់តាំងពីរដ្ឋប្រហារទម្លាក់រដ្ឋាភិបាលរបស់លោកស្រី អ៊ុង សានស៊ូជី(Aung San Suu Kyi) ជាង២ឆ្នាំមកនេះ ដោយមានការបង្ក្រាបដ៏បង្ហូរឈាមលើក្រុមអ្នកប្រឆាំង ដែលបានបណ្ដាលឲ្យមានការវាយប្រយុទ្ធគ្នាទូទាំងតំបន់ជាច្រើន របស់ប្រទេសនេះ ខណៈបង្កឲ្យមានវិបត្តិសេដ្ឋកិច្ច។  យោងតាមសារព័ត៌មានរដ្ឋ ប្រមុខរបបសឹក លោក មីន អ៊ុងលាំង(Min Aung Hlaing) បានទទួលស្គាល់ថា ភាគច្រើននៃប្រទេសនេះ មិនស្ថិតក្រោមការគ្រប់គ្រងទាំងស្រុងរបស់យោធាទេ។ ក្រុមប្រឹក្សាសន្តិសុខនិងការពារជាតិគ្រប់គ្រងដោយយោធា (NDSC) បានព្រមព្រៀងពន្យារពេលដាក់រដ្ឋក្នុងគ្រាអាសន្នដែលត្រូវបានប្រកាស នៅពេលក្រុមឧត្ដមសេនីយ៍បានផ្ដួលរំលំរដ្ឋាភិបាលរបស់លោកស្រី Aung San Suu Kyi។  សារព័ត៌មានរដ្ឋ បានដកស្រង់សម្ដីរបស់ប្រធានាធិបតីស្ដីទី លោក ម្យិន ស្វេ (Myint Swe )ដោយនិយាយថា ពេលវេលាដាក់រដ្ឋក្នុងគ្រាអាសន្ន នឹងត្រូវបន្តរយៈពេល៦ខែបន្ថែមទៀត ដែលចាប់ផ្ដើមពីថ្ងៃទី១ខែសីហានេះតទៅ៕

ពលរដ្ឋខ្មែររស់នៅបរទេសមានសុទិដ្ឋិនិយមចំពោះឯកឧត្តម ហ៊ុន ម៉ាណែត ធ្វើជានាយករដ្ឋមន្រ្តី

2023/07/31 02:46:52 pm        88
Facebook Telegram Linkin
ភ្នំពេញ៖ ពលរដ្ឋខ្មែររស់នៅឯក្រៅប្រទេស បានបង្ហាញការគាំទ្រ និងមានសុទិដ្ឋិនិយមចំពោះ​ឯកឧត្តមបណ្ឌិត ហ៊ុន ម៉ាណែត ដែលនឹងត្រូវក្លាយជានាយករដ្ឋមន្រ្តីថ្មី ​នៃប្រទេសកម្ពុជា បន្តពីសម្តេចតេជោ ហ៊ុន សែន ។ប្រជាពលរដ្ឋខ្មែរ មកពីសហរដ្ឋអាមេរិក ដែលបានមកទឹកដីកំណើត ដើម្បីចូលរួមការបោះឆ្នោត ជ្រើសតាំងតំណាងរាស្រ្ត នីតិកាលទី៧ និងស្នាក់នៅដើរលេងកម្សាន្តផងនោះ បានប្រាប់BTVនៅថ្ងៃនេះថា ពួកគេមើលឃើញថា ​ឯកឧត្តមបណ្ឌិត ហ៊ុន ម៉ាណែត ពិតជា​ស័ក្ដិសម​ធ្វើជានាយករដ្ឋមន្រ្តីថ្មី ព្រោះឯកឧត្តមបណ្ឌិត រៀនសូត្របានខ្ពង់ខ្ពស់ ដែលនឹងមាន​សមត្ថភាព​គ្រប់គ្រាន់ អាចដឹកនាំប្រទេសជាតិឱ្យរីកចម្រើនទៅមុខ​ និងធានានិរន្តរភាព ការរស់សុខ​ស្រួលរបស់ប្រជាពលរដ្ឋ ក្រោមម្លប់សន្តិភាព។ ពួកគេបាន​ស្ងើច​សរសើរ​ចំពោះការដឹកនាំរបស់រាជរដ្ឋាភិបាល ​នៃគណបក្សប្រជាជនកម្ពុជា ​បាន កសាង​ប្រទេសជាតិរីកចម្រើនលឿនហួសពីការស្មាន ។ ហើយពេលត្រលប់ទៅសហរដ្ឋអាមេរិកវិញ នឹង ប្រាប់ប្រជាពលរដ្ឋខ្មែរនៅទីនោះ ឱ្យបានដឹងពីការអភិវឌ្ឍរីកចម្រើននៅប្រទេសកម្ពុជា និងជំរុញដល់ពួកគេ ឱ្យមកលេងមាតុប្រទេសផងដែរ ។ឯកឧត្តមបណ្ឌិត ហ៊ុន ម៉ាណែត នឹងត្រូវក្លាយជានាយករដ្ឋមន្ត្រី នៃរាជរដ្ឋាភិបាលអាណត្តិទី៧ យ៉ាងយូរ នៅល្ងាចថ្ងៃទី២២ ខែសីហា ឆ្នាំ២០២៣ បន្ទាប់ពីរដ្ឋសភា បើកកិច្ចប្រជុំជាលើកដំបូង។ឯកឧត្តមបណ្ឌិត​ ហ៊ុន ម៉ាណែត ត្រូវគេដឹងថា មានប្រវត្តិសិក្សាខ្ពង់ខ្ពស់ ​មានទាំងចំណេះដឹងលើ ផ្នែកយោធា ​និងផ្នែកសេដ្ឋកិច្ច ដោយបានបញ្ចប់ការសិក្សាមកពីសហរដ្ឋអាមេរិក ៕អត្ថបទ៖ ទូច សោភ័ណ

មន្ត្រីជាន់ខ្ពស់៖ អារ៉ាប៊ីសាអ៊ូឌីត នឹងធ្វើជាម្ចាស់ផ្ទះកិច្ចចរចាសន្តិភាពអ៊ុយក្រែន

2023/07/31 02:45:23 pm        84
Facebook Telegram Linkin
អារ៉ាប៊ីសាអ៊ូឌីត៖ ប្រទេសអារ៉ាប៊ីសាអ៊ូឌីត កំពុងរៀបចំធ្វើជាម្ចាស់ផ្ទះនៃកិច្ចប្រជុំកំពូលមួយ ដើម្បីពិភាក្សាអំពីផែនការរបស់ប្រធានាធិបតីអ៊ុយក្រែនលោក វ៉ូឡូមៀ ហ្សេឡិនស្គី សម្រាប់សន្តិភាពនៅក្នុងប្រទេសរបស់លោក ចំពេលមានការវាយលុករបស់រុស្ស៊ី ដែលកំពុងបន្ត នេះបើយោងតាមមន្ត្រីជាន់ខ្ពស់នៅទីក្រុងគីវ។លោក អានឌ្រី យឺម៉ាក ( Andriy Yermak) ប្រធានបុគ្គលិករបស់លោកប្រធានាធិបតីហ្សេឡិនស្គី បាននិយាយកាលពីថ្ងៃអាទិត្យថា មន្ត្រីមកពីប្រទេសជាច្រើន នឹងចូលរួមក្នុងកិច្ចប្រជុំកំពូលអារ៉ាប៊ីសាអ៊ូឌីត ប៉ុន្តែមិនបានបញ្ជាក់ថា កិច្ចប្រជុំ នឹងត្រូវធ្វើឡើងនៅពេលណា ឬនៅទីក្រុងណានោះទេ។កាសែត Wall Street Journal ដែលបានរាយការណ៍ជាលើកដំបូងនៅលើកិច្ចប្រជុំកំពូល ដោយដកស្រង់សម្តី «អ្នកការទូតចូលរួមក្នុងការពិភាក្សា» បាននិយាយថា កិច្ចពិភាក្សា នឹងប្រព្រឹត្តទៅនៅថ្ងៃទី៥ និង៦ ខែសីហា នៅទីក្រុងជេដដាហ៍ (Jeddah) ដោយមានប្រទេសប្រហែល៣០ចូលរួម។សារព័ត៌មាន The Journal បាននិយាយថា មន្ត្រីអ៊ុយក្រែន និងលោកខាងលិចសង្ឃឹមថា កិច្ចខិតខំប្រឹងប្រែងនេះ អាចបញ្ចប់នៅក្នុងកិច្ចប្រជុំកំពូលសន្តិភាពមួយនៅចុងឆ្នាំនេះ ដែលមេដឹកនាំពិភពលោក នឹងចុះហត្ថលេខាលើគោលការណ៍រួមគ្នាសម្រាប់ការដោះស្រាយសង្រ្គាមនេះ។

ប្រទេសចិន និងហ្គីយ៉ាន បានចុះហត្ថលេខាលើសេចក្តីប្រកាសរួម ដោយព្រមព្រៀងពង្រីកកិច្ចសហប្រតិបត្តិការលើវិស័យផ្សេងៗ

2023/07/31 02:42:33 pm        89
Facebook Telegram Linkin
ចិន៖ ប្រទេសចិន និងហ្គីយ៉ាន បានចុះហត្ថលេខាលើសេចក្តីប្រកាសរួមមួយ នៅថ្ងៃចន្ទ (ទី៣១ ខែកក្កដា) នេះ ដោយមានកិច្ចព្រមព្រៀងពង្រីកកិច្ចសហប្រតិបត្តិការទ្វេភាគីលើវិស័យផ្សេងៗ ដោយក្នុងនោះរួមទាំងពាណិជ្ជកម្ម ការវិនិយោគ ហេដ្ឋារចនាសម្ព័ន្ធ ថាមពល និងកសិកម្មផងដែរ។ក្នុងសេចក្តីប្រកាសដែលត្រូវបានចុះហត្ថលេខា ក្នុងឱកាសនៃដំណើរទស្សនកិច្ចដែលកំពុងតែប្រព្រឹត្តទៅរបស់ប្រធានាធិបតីហ្គីយ៉ាន លោក Irfaan Ali នៅប្រទេសចិននោះ ប្រទេសហ្គីយ៉ាន បានរំលឹកឡើងវិញនូវការគាំទ្ររបស់ខ្លួន ចំពោះគោលការណ៍ចិនតែមួយ ដោយអះអាងពីគំនិតផ្តួចផ្តើម ដែលស្នើឡើងដោយប្រទេសចិន រួមមានគំនិតផ្តួចផ្តើមខ្សែក្រវ៉ាត់ និងផ្លូវ គំនិតផ្តួចផ្តើមអភិវឌ្ឍន៍សកល គំនិតផ្តួចផ្តើមសន្តិសុខសកល និងគំនិតផ្តួចផ្តើមអារ្យធម៌សកល។លើសពីនេះទៀត ភាគីទាំងពីរ ក៏បានឯកភាពជំរុញកិច្ចសហប្រតិបត្តិការលើវិស័យវប្បធម៌ និងអប់រំ ព្រមទាំងបន្តជំរុញកម្មវិធីផ្លាស់ប្តូរនិស្សិតផងដែរ។សូមបញ្ជាក់ថា ប្រធានាធិបតីហ្គីយ៉ាន កំពុងស្នាក់នៅ ក្នុងប្រទេសចិន ចាប់ពីថ្ងៃទី២៥ ខែកក្កដា ដល់ថ្ងៃទី១ ខែសីហា ដែលក្នុងនោះលោកបានចូលរួមក្នុងពិធីបើកការប្រកួតកីឡាសាកលវិទ្យាល័យពិភពលោក FISU រដូវក្តៅលើកទី៣១ នៅថ្ងៃទី២៨ ខែកក្កដា ហើយកំពុងបំពេញទស្សនកិច្ចនៅប្រទេសមហាអំណាចនៅអាស៊ីនេះ៕

បណ្ដាញសង្គម

ព័ត៌មានថ្មីៗ

អភិបាលខេត្តកណ្ដាលបានអំពាវនាវឱ្យបញ្ឈប់ការប្រេីប្រាស់​ ឬ​បញ្ឈប់​លក់បន្ត​ប្រហិតហតដករបស់ក្រុមហ៊ុន​ TSP
06/15/2026 07:06 PM
Facebook Telegram Linkin
រយៈពេល៣ថ្ងៃ ក.ប.ប. រាជធានីភ្នំពេញនិងសមត្ថកិច្ចចម្រុះរកឃើញទំនិញមានប្រភពដើមពីប្រទេសថៃ ចំនួន ១១២មុខ មានទម្ងន់ជាង ២៦តោន
06/15/2026 07:06 PM
Facebook Telegram Linkin
ប្រធានាធិបតីកូរ៉េខាងត្បូង អំពាវនាវឲ្យ​អត់ធ្មត់ អំឡុង​ការតវ៉ា ទាក់​ទងនឹង​ការខ្វះ​ខាត​សន្លឹក​ឆ្នោត​
06/15/2026 07:06 PM
Facebook Telegram Linkin
ចិនបញ្ជាក់​ថា ការពង្រីកយោធារបស់ខ្លួន ជួយដល់សន្តិភាពពិភពលោក
06/15/2026 07:06 PM
Facebook Telegram Linkin
រញ្ជួយដីកម្រិត ៦,៦ រ៉ិចទ័រ កើត​មាន​នៅ​ភាគខាងត្បូងហ្វីលីពីន តែ​មិនរំពឹង​​មាន​ការខូចខាតនោះ​ទេ
06/15/2026 07:06 PM
Facebook Telegram Linkin
លោក Zelenskiy ៖ រុស្ស៊ីពុំអើពើរនឹងការផ្តល់ជូនកិច្ចប្រជុំនៅជំនួបកំពូលរបស់មេដឹកនាំក្រុមប្រទេស G7
06/15/2026 07:06 PM
Facebook Telegram Linkin
ប្រមុខសម្ព័ន្ធអារ៉ាប់ស្វាគមន៍កិច្ចព្រមព្រៀង​ រវាងអាមេរិក និងអ៊ីរ៉ង់ និងជំរុញឲ្យ​គោរពអធិបតេយ្យភាពរដ្ឋ​អារ៉ាប់
06/15/2026 07:06 PM
Facebook Telegram Linkin
នាយករដ្ឋមន្រ្តីអង់គ្លេសប្រកាសបំរាមបណ្តាញព័ត៌មានសង្គមសម្រាប់ក្មេងក្រោមអាយុ ១៦ឆ្នាំ
06/15/2026 07:06 PM
Facebook Telegram Linkin
អ្នកការទូត៖ អាមេរិក និងអ៊ីរ៉ង់ នឹងមាន​កិច្ច​ប្រជុំត្រៀម នៅទីក្រុងដូហា មុនចុះហត្ថលេខា លើកិច្ចព្រមព្រៀង
06/15/2026 07:06 PM
Facebook Telegram Linkin
នាយករដ្ឋមន្រ្តីអ៊ីតាលីលោកស្រី Giorgia Meloni ជួបនាយករដ្ឋមន្រ្តីជប៉ុននៅទីក្រុងរ៉ូម
06/15/2026 07:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.