នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី៖គិតត្រឹមខែមេសាឆ្នាំនេះយុវជនមកពីគ្រួសារក្រីក្រ និងងាយរងហានិភ័យចំនួន ២៧,១ម៉ឺននាក់ទទួលបានការបណ្ដុះបណ្ដាលជំនាញវិជ្ជាជីវៈ
សម្ដេ​ចតេជោ ហ៊ុន សែន៖«២០ មិថុនា ១៩៧៧ ជីវិតរបស់ខ្ញុំ និងភរិយាពេលនោះជួបជាមួយគ្រោះថ្នាក់ និងលំបាកវេទនាខ្លាំងណាស់»
សម្តេចតេជោ ហ៊ុន សែន ថ្លែងថា អាវក្រោះ និងសម្ភារយោធាម៉ាក DSS សុទ្ធតែមានគុណភាពហើយអាវការពារនេះនាយករដ្ឋមន្រ្តីបានសាករួចហើយ
សម្ដេចតេជោ ហ៊ុន សែន អញ្ជើញពិនិត្យមើលរោងចក្រ ផលិតសម្ភារៈយោធា DSS និងសំណេះសំណាលជាមួយកម្មករ កម្មការិនី

នយោបាយ​ និង ការអភិវឌ្ឍន៍

លោក Biden និយាយថា គណបក្សសាធារណៈរដ្ឋ កំពុងធ្វើឲ្យអន្តរាយដល់យោធារបស់ប្រទេស

2023/07/28 12:26:19 pm        139
Facebook Telegram Linkin
អាមេរិក៖ ប្រធានាធិបតីសហរដ្ឋអាមេរិក លោក Joe Biden កាលពីថ្ងៃព្រហស្បតិ៍ បានចោទប្រកាន់គណបក្សសាធារណៈរដ្ឋពីការបង្កអន្តរាយដល់យោធាសហរដ្ឋអាមេរិក ដោយអនុញ្ញាតឲ្យសមាជិកព្រឹទ្ធសភាអាមេរិក លោក Tommy Tuberville រារាំងការតែងតាំងយោធាសហរដ្ឋអាមេរិក៣០០នាក់ ជុំវិញគោលនយោបាយរម្លូតកូនរបស់មន្ទីរបញ្ចកោណ។ លោក Tuberville មកពីគណបក្សសាធារណរដ្ឋ ជាអ្នកអភិរក្សសង្គមមកពីរដ្ឋអាឡាបាម៉ា បានចាប់ផ្តើមរារាំង ការអនុម័តចំពោះមុខតំណែងជាន់ខ្ពស់នៅមន្ទីរបញ្ចកោណក្នុងខែមីនា ដើម្បីតវ៉ាគោលនយោបាយក្រសួងការពារជាតិ ដែលបានអនុម័តកាលពីឆ្នាំមុន ដែលបានផ្តល់ឲ្យមានការអនុញ្ញាតច្បាប់ និងបង់ប្រាក់លើការចំណាយសម្រាប់សមាជិកបម្រើសេវាកម្ម ដែលធ្វើដំណើរទៅរម្លូតកូន៕

ជប៉ុនស្វាគមន៍ការទំនាក់ទំនងជាមួយកូរ៉េខាងត្បូងក្នុងការវាយតម្លៃសន្តិសុខប្រចាំឆ្នាំដ៏អាប់អួរ

2023/07/28 12:23:12 pm        89
Facebook Telegram Linkin
ជប៉ុន៖ ប្រទេសជប៉ុន បានស្វាគមន៍ចំពោះភាពល្អកកករក្នុងទំនាក់ទំនងជាមួយកូរ៉េខាងត្បូង នៅក្នុងរបាយការណ៍ ការពារជាតិប្រចាំឆ្នាំរបស់ខ្លួន កាលពីថ្ងៃសុក្រ ប៉ុន្តែបើមិនដូច្នេះទេ បានផ្តល់ការវាយតម្លៃដ៏អាប់អួរចំពោះការគំរាមកំហែងនៃមហិច្ឆតាទឹកដីរបស់ប្រទេសចិន ភាពជាដៃគូសន្តិសុខរបស់ខ្លួនជាមួយរុស្ស៊ី និងកូរ៉េខាងជើងដែលចូលចិត្តបង្ករឿង។ក្រសួងការពារជាតិ បាននិយាយនៅក្នុងរបាយការណ៍ការពារជាតិឆ្នាំ២០២៣ថា ចំពេលមានការកើនឡើងនៃភាពធ្ងន់ធ្ងរ និងការលំបាកដែលយើងប្រឈមមុខ តម្រូវការសម្រាប់ប្រទេសជប៉ុន និងកូរ៉េខាងត្បូងត្រូវចងសម្ព័ន្ធនឹងគ្នា កាន់តែមានសារៈសំខាន់។ ដោយហ៊ុមព័ទ្ធជុំវិញដោយគូប្រជែងប្រដាប់អាវុធនុយក្លេអ៊ែរ ជប៉ុនត្រូវប្រឈមមុខនឹងសមយុទ្ធយោធាចិនដែលកាន់តែខ្លាំងឡើងនៅជុំវិញកោះតៃវ៉ាន់ និងកោះមានជម្លោះនៅសមុទ្រចិនខាងកើត ដែលជាការគំរាមកំហែងកាន់តែខ្លាំងឡើងពីកម្មវិធីមីស៊ីលបាលិស្ទិករបស់កូរ៉េខាងជើង និងធ្វើឲ្យសន្តិសុខក្នុងតំបន់កាន់តែយ៉ាប់យ៉ឺន បន្ទាប់ពីការវាយប្រហាររបស់រុស្ស៊ីលើអ៊ុយក្រែន។បញ្ហាប្រឈមផ្នែកសន្តិសុខរួម បានជួយសម្ព័ន្ធមិត្តរបស់សហរដ្ឋអាមេរិក ជប៉ុន និងកូរ៉េខាងត្បូង ជួសជុលទំនាក់ទំនង ដែលមានភាពរង្គោះរង្គើជុំវិញជម្លោះអំពីសំណងសម្រាប់ស្ត្រី ដែលត្រូវបានបង្ខំឲ្យធ្វើការនៅក្នុងផ្ទះបនយោធាជប៉ុន និងជនជាតិកូរ៉េផ្សេងទៀត ដែលត្រូវបានចាក់ថាជាកម្មករក្នុងសម័យសង្គ្រាម។នៅក្នុងកិច្ចប្រជុំមួយកាលពីខែឧសភាជាមួយនាយករដ្ឋមន្ត្រីជប៉ុន លោក ហ្វូមីអូ គីស៊ីដា (Fumio Kishida) នៅក្រៅសង្វៀនកិច្ចប្រជុំកំពូលក្រុមប្រទេសG7 នៅប្រទេសជប៉ុន ប្រធានាធិបតីកូរ៉េខាងត្បូង យូន ស៊ុក យ៉ូល (Yoon Suk Yeol) បានសរសើរសមភាគីរបស់លោក ដែលបានសម្តែងការអាណិតអាសូរចំពោះអ្នកដែលរងទុក្ខ នៅក្រោមការគ្រប់គ្រងអាណានិគមរបស់ជប៉ុន។

សហគមន៍ឥស្លាមគាំទ្រឯកឧត្ដម ហ៊ុន ម៉ាណែត ជានាយករដ្ឋមន្ត្រីថ្មី និងថែរក្សាភាពសុខដុមនៃសាសនា

2023/07/28 12:21:52 pm        159
Facebook Telegram Linkin
ភ្នំពេញ៖ សហគមន៍ខ្មែរឥស្លាម បានបង្ហាញការគាំទ្រយ៉ាងពេញទំហឹងចំពោះឯកឧត្តមបណ្ឌិត ហ៊ុន ម៉ាណែត ជានាយករដ្ឋមន្ត្រីថ្មី នៃកម្ពុជា និងប្ដេជ្ញាចូលរួមថែរក្សាភាពសុខដុមនៃសាសនា ដូចក្នុងអាណត្តិមុនៗ ដែល ដឹកនាំដោយសម្ដេចតេជោ ហ៊ុន សែន ដែរ ។តំណាងសហគមន៍ខ្មែរឥស្លាម នៅក្នុងសង្កាត់ព្រែកប្រា ខណ្ឌច្បារអំពៅ រាជធានីភ្នំពេញ បានលើកឡើងថា ពួកគេពិតជាពេញចិត្តយ៉ាងខ្លាំង ​ដែលគណបក្សប្រជាជនកម្ពុជា បានជ្រើសតាំង​ឯកឧត្តមបណ្ឌិត ហ៊ុន ម៉ាណែត ជានាយករដ្ឋមន្ត្រីបន្តវេន ពីសម្ដេចតេជោ ហ៊ុន សែន ​ព្រោះឯកឧត្តម ពិតជាមានសមត្ថភាព ​ចំណេះដឹងគ្រប់គ្រាន់ក្នុងការដឹកនាំប្រទេស ។ពលរដ្ឋខ្មែរឥស្លាម បានអះអាងថា ការគាំទ្ររបស់ពួកគេ ធ្វើឡើងតាមរយៈសន្លឹកឆ្នោត ​ដែលបាន បោះជូនគណបក្សប្រជាជនកម្ពុជា រួមទាំងមានសេចក្តីសង្ឃឹម គឺនៅពេលឯកឧត្តមឡើងកាន់​តំណែង នឹង បន្តខិតខំអភិវឌ្ឍន៍​ប្រទេសឲ្យមានការរីកចម្រើន និងប្រឹងប្រែងរក្សាសុខសន្តិភាព ដែលកម្ពុជាកំពុងមាន ។ពលរដ្ឋខ្មែរឥស្លាម ​ក៏បានថ្លែងអំណរគុណយ៉ាងខ្លាំងចំពោះសម្ដេចតេជោ​ ហ៊ុន សែន និងរាជរដ្ឋាភិ បាលគ្រប់លំដាប់ថ្នាក់​ ដែលបានផ្ដល់សិទ្ធិដល់សហគមន៍ខ្មែរឥស្លាមនៅកម្ពុជា បានរស់នៅប្រកប​ដោយ ភាពសុខដុម អាចគោរប្រតិបត្តិសាសនាឥស្លាមដោយសេរីភាព​ មិនមានការរារាំង រួមទាំង​អនុញ្ញាតឲ្យបម្រើ កិច្ចការក្នុងក្រសួងស្ថាប័នរដ្ឋ ​ជាពិសេសផ្ដល់ក្របខណ្ឌដល់គ្រូបង្រៀនខ្មែរឥស្លាម ។គួរបញ្ជាក់ថា នៅសល់តែប៉ុន្មានសប្ដាហ៍ទៀតប៉ុណ្ណោះ​ កម្ពុជា​ នឹងប្រកាសនាយករដ្ឋមន្ត្រី និង គណៈរដ្ឋមន្ត្រីថ្មី ​ដែលនឹងដឹកនាំប្រទេស ក្នុងអាណត្តិទី៧ រួមជាមួយនឹងការរំពឹងរបស់ពលរដ្ឋថា រាជរដ្ឋាភិបាល ក្នុងនីតិកាលទី៧នេះ ​នឹងបន្តខិតខំអភិវឌ្ឍន៍​ប្រទេសជាតិ ឲ្យកាន់តែមានការរីកចម្រើន ៕ អត្ថបទ៖ បាន សុខរិទ្ធិ

អាមេរិកនិយាយថា លោកត្រាំ បានបញ្ជាឲ្យគេលុបវីដេអូ និងចោទប្រកាន់បុគ្គលិកទី២ក្នុងករណីឯកសារ

2023/07/28 12:10:02 pm        139
Facebook Telegram Linkin
អាមេរិក៖ លោក ដូ ណាល់ត្រាំ បានចេញបញ្ជាឲ្យបុគ្គលិកនៅរមណីយដ្ឋានរដ្ឋ Florida របស់លោកលុបវីដេអូសុវត្ថិភាព ខណៈលោកកំពុងស្ថិតក្រោមការស៊ើបអង្កេតសម្រាប់ការរក្សាទុកឯកសារសម្ងាត់ ដែលរដ្ឋអាជ្ញាសហរដ្ឋអាមេរិក បាននិយាយកាលពីថ្ងៃព្រហស្បតិ៍ ខណៈពួកគេពង្រីកបន្ថែមករណីស៊ើបអង្កេតមកលើអតីតប្រធានាធិបតី ដូ ណាល់ត្រាំ និងបានចោទប្រកាន់សមាជិកទី២នៃបុគ្គលិករបស់លោកក្នុងការជួយលាក់ឯកសារ។រដ្ឋអាជ្ញាពិសេសសហរដ្ឋអាមេរិក លោក Jack Smith បានដាក់បណ្តឹងបទឧក្រិដ្ឋថ្មីចំនួន៣ករណីលើលោកត្រាំ ដែលនាំឲ្យបណ្តឹងសរុបមានចំនួន៤០ករណី និងបានចោទប្រកាន់បុគ្គលិកថែទាំនៅរមណីយដ្ឋាន Mar-a-Lago របស់លោកត្រាំ គឺលោក Carlos De Oliveira ពីបទឃុបឃិតដើម្បីរារាំងតុលាការ ដោយចោទប្រកាន់លោកពីបទជួយលោក ត្រាំ លាក់ទុកឯកសារ។ លោក De Oliveira អាយុ៥៦ឆ្នាំ បានប្រាប់បុគ្គលិកម្នាក់ផ្សេងទៀតនៅរមនីយដ្ឋានជាកន្លែងដែលលោកត្រាំរស់នៅ ថា លោកប្រធាន ចង់ឲ្យវីដេអូសុវត្ថិភាពនៅក្នុងបរិវេណភូមិគ្រឹះនៅរដ្ឋ Florida ត្រូវបានលុបចោល បន្ទាប់ពីក្រសួងយុត្តិធម៌បានកោះហៅពួកគេ។ ក្រុមរដ្ឋអាជ្ញា បានចោទប្រកាន់លោក De Oliveira ពីបទនិយាយកុហក់មកកាន់ភ្នាក់ស៊ើបអង្កេត FBI អំឡុងការសាកសួរដោយស្ម័គ្រចិត្ត ជាការអះអាងភូតកុហក់ថាលោកពុំបានពាក់ព័ន្ធក្នុងការយកចេញទូរឯកសារសម្ងាត់នៅរមនីយដ្ឋាន Mar-a-Lago នោះទេ។  លោកត្រាំបានបង្ហាញពីភាពគ្មានទោស នៅទីក្រុង Moami កាលពីខែមុនចំពោះការចោទប្រកាន់សហព័ន្ធ ពីការរក្សាទុកដោយខុសច្បាប់នូវឯកសារសម្ងាត់របស់រដ្ឋាភិបាល បន្ទាប់ពីចាកចេញពីតំណែងក្នុងឆ្នាំ២០២១ និងបានរារាំងតុលាការ។ រដ្ឋអាជ្ញា បានចោទប្រកាន់លោកពីបទបង្កហានីភ័យដល់ភាពរសើបបំផុតមួយចំនួននៃភាពសម្ងាត់ផ្នែកសន្តិសុខជាតិរបស់សហរដ្ឋអាមេរិក៕

ផ្លូវបេតុងថ្មីមួយខ្សែកំពុងត្រូវបានកសាងក្នុងខណ្ឌសែនសុខ ធ្វើឱ្យពលរដ្ឋសប្បាយចិត្ត

2023/07/28 12:03:28 pm        169
Facebook Telegram Linkin
ភ្នំពេញ៖ ប្រជាពលរដ្ឋរស់នៅប្របសងខាងផ្លូវលេខ១៩៦២ ស្ថិតក្នុងសង្កាត់ក្រាំងធ្នង់ ខណ្ឌសែនសុខ បានសម្តែងក្តីសប្បាយរីករាយ​ ព្រោះនឹងជិតជិតទទួលបានផ្លូវបេតុងថ្មីមួយខ្សែ សម្រាប់ការប្រើប្រាស់ ក្នុងពេល ឆាប់ៗខាងមុខ ។ផ្លូវបេតុងនេះ កំពុងត្រូវបានកសាងជិតរួចរាល់ហើយ ដែលមានប្រវែងជិតបីពាន់ម៉ែត្រ ភ្ជាប់ពីផ្លូវលេខ២០១១ ដល់វត្តក្រាំងធ្នង់ ។ពលរដ្ឋ បានលើកឡើងថា ត្បិតតែផ្លូវមិនទាន់ជួសជុលរួចរាល់ក៏ដោយ ​ប៉ុន្តែពួកគេសប្បាយចិត្តចំ ពោះសម្មិទ្ធផលថ្មីនេះ ​ព្រោះផ្លូវបេតុងមួយខ្សែស្អាតនេះ នឹងដើរតួនាទីសំខាន់ក្នុងការជួយសម្រួល​ដល់រំហូរ ​ចរាចរណ៍ប្រចាំថ្ងៃរបស់ពលរដ្ឋ ​ដោយលែងបង្កការកកស្ទះទៀត ។ ​កាន់តែពិសេស រំពឹងថា​ ពលរដ្ឋនៅក្នុង តំបន់ ​ក៏អាចប្រកបរបរអាជីវកម្មបានកាន់តែប្រសើរ និងរីកចម្រើនជាងមុន​ផងដែរ ។លោក ធាម ច័ន្ទសេរីវុឌ្ឍ ប្រធានការិយាល័យសាធារណការ ​ខណ្ឌសែនសុខ បានប្រាប់BTVថា ផ្លូវ បេតុងមួយខ្សែនេះ ​បានបើកការដ្ឋានជួសជុល ​កាលពីថ្ងៃ១០ ខែមិនា ឆ្នាំ២០២៣ ។ ​ហើយបច្ចុប្បន្ន ផ្លូវមួយខ្សែនេះ ​បានស្ថាបនាជិតរួចរាល់ហើយផងដែរ ។ ​បើតាមផែនការគម្រោងជួសជុល ផ្លូវបេតុងនេះ អាចនឹងជួសជុលរួចរាល់ជាស្ថាពរនៅកំលុងខែកញ្ញា ឆ្នាំ២០២៣ ។ប្រជាពលរដ្ឋ បានសម្ដែងនូវក្ដីសង្ឃឹមថា រាជរដ្ឋាភិបាលថ្មី អាណត្តិទី៧ ដែលនឹងស្ថិតក្រោមការ ដឹកនាំរបស់ឯកឧត្ដម ហ៊ុន ម៉ាណែត នឹងខិតខំធ្វើការអភិវឌ្ឍហេដ្ឋារចនាសម្ព័ន្ធនានាបន្ថែមទៀត ដើម្បី បម្រើសេចក្ដីត្រូវការរបស់ប្រជាពលរដ្ឋ ដែលកំពុងតែមានកំណើនពីមួយឆ្នាំទៅមួយឆ្នាំ ៕អត្ថបទ៖ លីហេង

គ្រួសារមានបណ្ណសមធម៌ជឿជាក់ថា រដ្ឋាភិបាលថ្មីនៅតែបន្តគិតគូរជួយឧបត្ថម្ភគាំពារពលរដ្ឋជីវភាពក្រីក្រ

2023/07/28 11:48:46 am        228
Facebook Telegram Linkin
ភ្នំពេញ៖ ក្រុមគ្រួសារក្រីក្រ មានបណ្ណសមធម៌ បច្ចុប្បន្នកំពុងទទួលបាននូវអត្ថប្រយោជន៍ជាច្រើនពីរាជរដ្ឋាភិបាលកម្ពុជា។ អត្ថប្រយោជន៍ទាំងនោះបូករួមទាំងការព្យាបាលនៅគ្រប់មន្ទីរពេទ្យរដ្ឋដោយមិនគិតថ្លៃ និងបូករួមទាំងការទទួលបានថវិកាឧបត្ថម្ភជាប្រចាំខែផងដែរ។ស្របពេលការទទួលបានការជួយជាច្រើនពីរាជរដ្ឋាភិបាល​ ក្រុមគ្រួសារក្រីក្រនៅតែជឿជាក់ថា រាជរដ្ឋាភិបាលថ្មី ​ក្រោមការដឹកនាំរបស់ថ្នាក់ដឹកនាំថ្មី គឺនៅតែបន្តអ្វីដែលរាជរដ្ឋាភិបាលចាស់​បាននឹង​កំពុងជួយដល់ពួកគេ និងបង្កើនការយកចិត្តទុកដាក់បន្ថែមផងដែរ។រយៈពេលប្រមាណ១ខែខាងមុខទៀតនេះ ​កម្ពុជានឹងមានរាជរដ្ឋាភិបាលថ្មីកើតឡើង ជាមួយនឹង​នាយករដ្ឋមន្រ្តីថ្មីផងដែរ។ នាយករដ្ឋមន្រ្តីថ្មី គឺឯកឧត្តម ហ៊ុន ម៉ាណែត ​កូនប្រុសច្បងរបស់ សម្ដេចតេជោ ហ៊ុន សែន។ សម្រាប់រាជរដ្ឋាភិបាលថ្មីដែលត្រៀមនឹងបង្កើតឡើងនេះ ត្រូវបានប្រជាពលរដ្ឋគ្រប់មជ្ឈដ្ឋានជឿជាក់ និងផ្ដល់ទំនុកចិត្តចំពោះការដឹកនាំប្រទេស ដែលអាចបន្តរក្សាសុខសន្តិភាព ការរីកចម្រើន និងការគិតគូដល់ប្រជាពលរដ្ឋគ្រប់រូប។សម្រាប់ប្រជាពលរដ្ឋក្រីក្រមានបណ្ណសមធម៌ ដែលអាចចាត់ទុកថាជាក្រុមងាយរងគ្រោះ បង្ហាញការជឿជាក់ថា រាជរដ្ឋាភិបាលថ្មី ថ្នាក់ដឹកនាំថ្មី នឹងបន្តគាំទ្រយកចិត្តទុកដាក់ ជួយឧបត្ថម្ភដល់ពួកគេ ​ដូចអ្វីដែលពួកគេកំពុងទទួលបានក្នុងពេលបច្ចុប្បន្ន។ អត្ថប្រយោជន៍ដែលពួកគេទទួលបាននៅពេលនេះ គឺទទួលបានសេវាព្យាបាលដោយមិនគិតថ្លៃ និងការទទួលបានថវិកាជាប្រចាំខែផងដែរ។រាជរដ្ឋាភិបាលថ្មីនេះ កើតចេញពីគណបក្សប្រជាជនកម្ពុជា ដែលទទួលបានជ័យជំនះ​ក្នុង​ការបោះឆ្នោតជ្រើសតាំងតំណាងរាស្រ្តនីតិកាលទី ៧។ ទោះមានការផ្លាស់ប្ដូរ សមាសភាព​នាយករដ្ឋមន្រ្តីថ្មីក្ដី សម្ដេចតេជោ ហ៊ុន សែន ក្នុងនាមជាប្រធានគណបក្សប្រជាជនកម្ពុជា បានលើកឡើងក្នុងការបើកយុទ្ធនាការឃោសនាបោះឆ្នោតថា​ គណបក្សប្រជាជនកម្ពុជា ដាក់​ចេញកម្មវិធីគោលនយោបាយជាអាទិភាពចំនួន ៦ ចំណុច ក្នុងកម្មវិធីនយោបាយរបស់រាជ​រដ្ឋាភិបាល​នីតិកាលទី ៧។ ចំណុចអាទិភាពទាំង ៦នេះ ក៏មានចំណុចមួយចំនួនផ្តោតលើ ក្រុមពលរដ្ឋងាយរងហានិភ័យផងដែរ។ ជាក់ស្ដែង នឹងមានការបណ្តុះបណ្តាលជំនាញវិជ្ជាជីវៈ និងបច្ចេកទេស ជូនដល់យុវជនមកពីគ្រួសារក្រីក្រ និងគ្រួសារងាយរងហានិភ័យ ប្រមាណជាង ១,៥លាននាក់ ក្នុងកម្រិតសញ្ញាបត្របច្ចេកទេស និងវិជ្ជាជីវៈកម្រិត១ ដោយមិនបង់ថ្លៃសិក្សានិងទទួលបាននូវប្រាក់ឧបត្ថម្ភប្រចាំខែ។ រីឯចំណុចសំខាន់មួយទៀត គឺបញ្ជាក់ពី ការធ្វើ​ស្ថាបនូបនីយកម្មកម្មវិធីជាតិជំនួយសង្គមសម្រាប់គ្រួសារក្រីក្រ, ក្រុមជនងាយរងគ្រោះ​នៅក្នុងគ្រួសារក្រីក្រ និងគ្រួសារងាយរងហានិភ័យនៅក្នុងគ្រាមានវិបត្តិសេដ្ឋកិច្ច និងគ្រាមាន​គ្រោះអាសន្ន ដើម្បីជួយទ្រទ្រង់ និងផ្ដល់ការគាំពារទាន់ពេល និងក្នុងលក្ខណៈជាប្រព័ន្ធជូន​ប្រជាពលរដ្ឋ ជាពិសេសគ្រួសារក្រីក្រ និងងាយរងគ្រោះ និងគ្រួសារងាយរងហានិភ័យ​ទៅតាមស្ថានភាពជាក់ស្តែងនៃវិបត្តិ ឬគ្រោះអាសន្ន ទូទាំងប្រទេស ដែលនឹងគ្របដណ្តប់លើប្រជាជនសរុបប្រមាណ ៤,៣លាននាក់។ ចំពោះផ្នែកសុខាភិបាលវិញ ក៏នៅបន្តផ្ដល់ការព្យាបាលជូនគ្រួសារក្រីក្រក្រីក្រ ងាយរងហានិភ័យ តាមរយៈការប្រើប្រាស់មូលនិធិសមធម៌សុខាភិបាល៕ អត្ថបទ៖ គឹមហុក 

អ្នកវិភាគបង្ហាញសុទិដ្ឋិនិយម និងគាំទ្របណ្ឌិត ហ៊ុន ម៉ាណែត ជានាយករដ្ឋមន្រ្ដីថ្មីនៃកម្ពុជា

2023/07/28 11:40:48 am        258
Facebook Telegram Linkin
ភ្នំពេញ៖ ក្រុមអ្នកវិភាគចាស់វស្សានៅក្នុងប្រទេសកម្ពុជា បានបង្ហាញសុទិដ្ឋិនិយម និងការគាំទ្រ​ឯកឧត្ដមបណ្ឌិត ហ៊ុន ម៉ាណែត ជានាយករដ្ឋមន្រ្ដីនៃប្រទេសកម្ពុជា នាពេលខាង​មុខនេះ ដោយ​ក្រុមអ្នកវិភាគមើលឃើញថា ប្រទេសកម្ពុជាពោរពេញទៅដោយធនធាន​មនុស្សវ័យក្មេង ដូច្នេះការរៀបចំរាជរដ្ឋាភិបាលមួយ​ដែលមានថ្នាក់ដឹកនាំវ័យក្មេង គឺបានបង្ហាញតុល្យភាព​ជាមួយប្រជាពលដ្ឋរបស់ខ្លួន។លោកបណ្ឌិត គិន ភា ក្នុងនាមជាប្រធានវិទ្យាស្ថានទំនាក់ទំនងអន្តរជាតិកម្ពុជា និងជាអ្នកវិភាគ​បញ្ហាសង្គម នយោបាយមើលឃើញថា «ការបន្តវេនរបស់ឯកឧត្តមបណ្ឌិត ហ៊ុន ម៉ាណែត ជាការផ្ទេរដំណាក់កាលប្រវត្តិសាស្ត្រដ៏សំខាន់បំផុតនៃប្រទេសកម្ពុជា​នាសតវត្សរ៍ទី២១»។លោកលើកឡើងថា ការប្រកាសដ៏គួរឱ្យភ្ញាក់ផ្អើលរបស់សម្តេចតេជោ ហ៊ុន សែន នារសៀល​ថ្ងៃទី២៦ ខែកក្កដានេះ បានបង្កើតនូវភាពច្បាស់លាស់មួយនៃផែនការបន្តវេន​ដែលរៀបចំឡើង​យ៉ាងល្អឥតខ្ចោះរបស់គណបក្សប្រជាជនកម្ពុជា ​ដោយគោរពទៅតាមលក្ខន្តិកៈ និងបទបញ្ជាផ្ទៃក្នុង​របស់គណបក្ស និងគោលការណ៍ច្បាប់នៃព្រះរាជាណាចក្រកម្ពុជា ព្រមទាំងស្របតាមគោលការណ៍​លទ្ធិប្រជាធិបតេយ្យផងដែរ។លោក អ៊ូ វីរៈ ប្រធានវេទិកាអនាគត ​និងជាអ្នកវិភាគសង្គមនយោបាយ បានស្វាគមន៍នៅការបន្តវេន​ថ្នាក់ដឹកនាំ ដែលបានជ្រើសរើសឯកឧត្ដម ហ៊ុន ម៉ាណែត ជានាយករដ្ឋមន្រ្ដីថ្មីនៅក្នុងអាណត្តិថ្មីនេះ។ លោកមានមានសុទិដ្ឋិនិយមថា ប្រទេសកម្ពុជា​ពោរពេញទៅដោយធនធានមនុស្សវ័យក្មេង ដូច្នេះ​ការរៀបចំ​រដ្ឋាភិបាលមួយដែលមានថ្នាក់ដឹកនាំវ័យក្មេង គឺជាបង្ហាញតុល្យភាព​ជាមួយប្រជាពលដ្ឋរបស់ខ្លួន។ ចំណែលោក ឡៅ ម៉ុងហៃ ដែលជាអ្នកវិភាគឯករាជ្យ បានមើលឃើញថា ​បើគិតថា ទំពាំងស្នង​ឬស្សីនោះ ប្រទេសកម្ពុជានឹងទទួលបានឬស្សីមកទៀត ដែលនេះបង្ហាញថា ឯកឧត្ដមបណ្ឌិត ហ៊ុន ម៉ាណែត អាចដឹកនាំប្រទេសកម្ពុជា​មិនចាញ់សម្ដេចតេជោ ហ៊ុន សែន ដែរ។ សូមជម្រាបថា នៅសល់រយៈពេលប្រមាណ ៣ សប្ដាហ៍ទៀតប៉ុណ្ណោះ ក្រោយកិច្ចប្រជុំរដ្ឋសភាជាតិ នៅថ្ងៃទី ២២ ខែសីហា ឆ្នាំ ២០២៣នេះ គណៈរដ្ឋមន្រ្ដីថ្មីនឹងត្រូវប្រកាសចូលកាន់​តំណែងហើយ​ពេលនោះ​ឯកឧត្ដម បណ្ឌិត ហ៊ុន ម៉ាណែត នឹងក្លាយជានាយករដ្ឋមន្រ្ដីរបស់​ប្រទេសកម្ពុជា​ជា​ផ្លូវការផងដែរ៕អត្ថបទ៖ វ៉ន ដារ៉ា

ប្រទេសរុស្ស៊ីកំពុងទន្ទឹងរង់ចាំធ្វើការជាមួយនឹងរដ្ឋាភិបាលថ្មីនាពេលខាងមុខ ដែលដឹកនាំដោយឯកឧត្ដម ហ៊ុន ម៉ាណែត

2023/07/28 11:29:35 am        83
Facebook Telegram Linkin
ភ្នំពេញ៖ ស្ថានទូតទូតរុស្ស៊ីប្រចាំកម្ពុជា បានបង្ហាញការស្វាគមន៍ ចំពោះកិច្ចសហប្រតិបត្តិការ​ជា​មួយរាជរដ្ឋាភិបាលថ្មី ដែលនឹងត្រូវបន្តដឹកនាំដោយឯកឧត្តមបណ្ឌិត ហ៊ុន ម៉ាណែត ក្នុងនាម​ជា​នាយករដ្ឋមន្រ្ដីថ្មី​នៃប្រទេសកម្ពុជា​នាពេលខាងមុខនេះ។បន្ទាប់ពីសម្តេចតេជោ ហ៊ុន សែន នាយករដ្ឋមន្រ្តី បានប្រកាសលាលែងពីតំណែងនាយករដ្ឋមន្រ្តី ហើយ​ឯកឧត្ដមបណ្ឌិត ហ៊ុន ម៉ាណែត ត្រូវបានជ្រើសរើសជានាយករដ្ឋមន្ត្រីថ្មីសម្រាប់អាណត្តិ​ទី៧​នេះ តំណាងស្ថានរុស្ស៊ីប្រចាំកម្ពុជា ថ្លែងប្រាប់ BTV News ឲ្យដឹងថា រុស្ស៊ី និងកម្ពុជាមានទំនាក់ទំនង​មិត្តភាពយូរអង្វែងណាស់មកហើយ ដែលភាគីទាំងពីរបាននឹងកំពុងបន្តការអភិវឌ្ឍលើគ្រប់វិស័យ។ ស្ថានទូតរុស្ស៊ីបន្តថា​ ក្នុងពេលរាជរដ្ឋាភិបាលកម្ពុជាដែលដឹកនាំ​ដោយ​សម្តេច​តេជោ ហ៊ុន សែន នាយករដ្ឋមន្រ្តីប្រទេសរុស្ស៊ីមើលឃើញថាបាន​ឆ្លុះបញ្ចាំង​ការបន្តជំរុញ​កិច្ច​សន្ទនា​ជាពហុភាគី។ ជាមួយនឹងការត្រៀមឡើងកាន់តំណែងជានាយករដ្ឋមន្រ្តីរបស់ឯកឧត្តម ហ៊ុន ម៉ាណែតនេះ ស្ថានទូតរុស្ស៊ី បានបញ្ជាក់ថា៖ «ប្រទេសរុស្ស៊ី កំពុងទន្ទឹងរង់ចាំធ្វើការយ៉ាងជិតស្និទ្ធ​ជាមួយ​រាជរដ្ឋាភិបាលថ្មី ​ដែលត្រូវបានរំពឹងថា នឹងបង្កើតនៅខែក្រោយ​ ក្រោមការដឹកនាំ​របស់ឯកឧត្តម ហ៊ុន ម៉ាណែត ​ដើម្បីជំរុញទំនាក់ទំនងទ្វេភាគីឱ្យកាន់តែស៊ីជម្រៅ ​មិនថា​ជាទំនាក់ទំនងរវាងជំនាន់ផ្សេងគ្នា និងសម្រាប់ជាផល​ប្រយោជន៍នៃប្រទេសទាំងពីរ»។ លើសពីនេះស្ថានទូតរុស្ស៊ី ​បន្ថែមថា​ បន្ទាប់ពីការបោះឆ្នោតរដ្ឋសភា ​ប្រទេសរុស្ស៊ី​បានអះអាងជាថ្មីនូវ​ចេតនា​របស់ខ្លួនក្នុងការពង្រឹងបន្ថែមទៀតនូវចំណងមិត្តភាព​ដែលមានស្រាប់ ក្នុងការគោរពគ្នា​ទៅវិញទៅមក ​និងកិច្ចសហប្រតិបត្តិការជាមួយគ្នាផងដែរ។ សូមជម្រាបថា ក្រោយការប្រកាសជាផ្លូវការរបស់សម្ដេចតេជោ ហ៊ុន សែន អំពីការលាលែង​ពី​តំណែង​នាយករដ្ឋមន្រ្ដី ​និងឯកឧត្តមបណ្ឌិត ហ៊ុន ម៉ាណែត នឹងត្រូវចូលកាន់តំណែង​នាពេល​ដ៏ខ្លីខាងមុខនេះ មហាជនជាតិ ​និងអន្តរជាតិ​ បានប្រកាសគាំទ្រយ៉ាង​ពេញ​ទំហឹងចំពោះ ឯកឧត្តមបណ្ឌិត ហ៊ុន ម៉ាណែត សម្រាប់ការកាន់តំណែង​ជា​នាយករដ្ឋមន្រ្តីថ្មីសម្រាប់​អាណត្តិ​ទី៧នេះ ​ដើម្បីបន្តដឹកនាំប្រទេសកម្ពុជា​ ពង្រឹងសុខសន្តិភាពកាន់តែ​រឹងមាំ​បន្តទៅមុខទៀត៕អត្ថបទ សេក ឧត្តម

របាយការណ៍ចារកម្មរបស់អាមេរិកនិយាយថា ចិនទំនងជាផ្គត់ផ្គង់បច្ចេកវិទ្យាដល់យោធារុស្ស៊ី

2023/07/28 11:04:37 am        108
Facebook Telegram Linkin
ចិន៖ ប្រទេសចិន កំពុងជួយរុស្ស៊ីគេចពីទណ្ឌកម្មលោកខាងលិច ហើយទំនងជាផ្តល់ឲ្យទីក្រុងម៉ូស្គូនូវបច្ចេកវិទ្យាយោធា និងការប្រើប្រាស់មុខងារពីរសម្រាប់ប្រើប្រាស់ក្នុងប្រទេសអ៊ុយក្រែន នេះបើយោងតាមរបាយការណ៍ស៊ើបការណ៍សម្ងាត់របស់សហរដ្ឋអាមេរិក ដែលមិនជាក់លាក់ចេញផ្សាយកាលពីថ្ងៃព្រហស្បតិ៍(ទី២៧ ខែកក្កដា)។ការវាយតម្លៃរបស់ការិយាល័យនាយកស៊ើបការណ៍ជាតិ (ODNI) ត្រូវបានបោះពុម្ពផ្សាយដោយគណៈកម្មាធិការជ្រើសរើសអចិន្ត្រៃយ៍របស់សភាតំណាងសហរដ្ឋអាមេរិកស្តីពីការស៊ើបការណ៍សម្ងាត់។ប្រទេសចិន បានបដិសេធម្តងហើយម្តងទៀតនូវការបញ្ជូនយុទ្ធោបករណ៍ទៅឲ្យរុស្ស៊ី ចាប់តាំងពីមានការឈ្លានពានពេញទំហឹងរបស់ទីក្រុងមូស្គូលើអ៊ុយក្រែន ក្នុងខែកុម្ភៈ ឆ្នាំ២០២២។ របាយការណ៍របស់ODNI បាននិយាយថា គណៈកម្មការបទប្បញ្ញត្តិវិជ្ជាជីវៈ(PRC) កំពុងផ្តល់បច្ចេកវិទ្យាមុខងារប្រើប្រាស់ពីរមួយចំនួន ដែលយោធារបស់ទីក្រុងមូស្គូប្រើ ដើម្បីបន្តសង្រ្គាមក្នុងប្រទេសអ៊ុយក្រែន ទោះ បីជាមានការរឹតបន្តឹងអន្តរជាតិនៃទណ្ឌកម្ម និងការត្រួតពិនិត្យការនាំចេញក៏ដោយ៕

កូរ៉េខាងជើងធ្វើព្យុហយាត្រាពេលយប់ដ៏ធំបំផុតដោយបង្ហាញពីយានដ្រូន និងមីស៊ីលបាលី្ទកអន្តរទ្វីប

2023/07/28 10:53:55 am        117
Facebook Telegram Linkin
កូរ៉េខាងជើង៖ កូរ៉េខាងជើងបានបង្ហាញមីស៊ីលដែលមានសមត្ថភាពបំពាក់ក្បាលគ្រាប់នុយក្លេអ៊ែរ និងយានដ្រូនវាយប្រហារថ្មីនៅឯក្បួនព្យុហយាត្រាយោធាដ៏ធំមួយដែលបានប្រារព្ធឡើងនៅទីក្រុងព្យុងយ៉ាង។ ព្រឹត្តិការណ៍នេះ បានកើតឡើងក្រោមអធិបតីភាពរបស់មេដឹកនាំលោក Kim Jong Un និងគណៈប្រតិភូមកពីប្រទេសចិន និងរុស្ស៊ី។ ក្បួនដង្ហែដែលបានប្រារព្ធឡើងក្នុងខួបលើកទី ៧០ នៃការបញ្ចប់សង្គ្រាមកូរ៉េ រំឭកដល់ ទិវាជ័យជម្នះ នៅក្នុងប្រទេសកូរ៉េខាងជើង។  នេះជាដំណើរទស្សនកិច្ចលើកដំបូងរបស់គណៈប្រតិភូចិន និងរុស្ស៊ីទៅកាន់កូរ៉េខាងជើង ចាប់តាំងពីការចាប់ផ្តើមផ្ទុះជំងឺរាតត្បាតសលើCOVID-19។វត្តមានរបស់គណៈប្រតិភូអមដោយមីស៊ីលបំពាក់ក្បាលគ្រាប់នុយក្លេអ៊ែររបស់កូរ៉េខាងជើង ដែលត្រូវបានដាក់ទណ្ឌកម្មដោយក្រុមប្រឹក្សាសន្តិសុខអង្គការសហប្រជាជាតិ ដោយមានការគាំទ្រពីប្រទេសចិន និងរុស្ស៊ី ខុសពីឆ្នាំមុនៗ នៅពេលដែលប្រទេសទាំងពីរបានឃ្លាតឆ្ងាយពីការអភិវឌ្ឍន៍អាវុធនុយក្លេអ៊ែរ និងមីស៊ីលអន្តរទ្វីបរបស់កូរ៉េខាងជើង។ យោងតាមទីភ្នាក់ងារសារព័ត៌មានរដ្ឋកូរ៉េខាងជើង KCNA ក្បួនព្យុហយាត្រានេះ បានបង្ហាញមីស៊ីលអន្តរទ្វីបចុងក្រោយបង្អស់របស់ប្រទេស គឺ វ៉ាសុង -១៧ (Hwasong-17)និង វ៉ាសុង -១៨ (Hwasong-18)។ គេជឿថាមីស៊ីលទាំងនេះមានសមត្ថភាពវាយប្រហារគោលដៅគ្រប់ទីកន្លែងក្នុងសហរដ្ឋអាមេរិក។ ព្រឹត្តិការណ៍នេះក៏មានការបង្ហាញការហោះហើរពីលើអាកាសទាបៗ និងយានដ្រូនចារកម្មថ្មីៗ។ ការតាំងបង្ហាញទាំងនេះស្ដែងឲ្យឃើញពីការរីកចម្រើនផ្នែកយោធាដែលនៅតែបន្តរបស់កូរ៉េខាងជើង និងការប្តេជ្ញាចិត្តក្នុងការពង្រឹងឃ្លាំងអាវុធរបស់ខ្លួន។ ក្រុមអ្នកសង្កេតការណ៍អន្តរជាតិតាមដានយ៉ាងយកចិត្តទុកដាក់បំផុតចំពោះក្បួនព្យុហយាត្រាបែបនេះ ដើម្បីវាស់ស្ទង់សមត្ថភាព និងចេតនាយោធារបស់ប្រទេសឯកាមួយនេះ ៕

បណ្ដាញសង្គម

ព័ត៌មានថ្មីៗ

តំណាងអយ្យការចោទប្រកាន់មនុស្សចំនួន៩នាក់ ករណីនាំសាច់បង្កក និងទំនិញមកពីថៃ
06/17/2026 01:06 PM
Facebook Telegram Linkin
ក្រសួងរៀបចំដែនដី៖គិតត្រឹមថ្ងៃទី១៦ មិថុនានេះបានទទួលសំណើសុំអន្តរាគមន៍ពីអតិថិជនរបស់គម្រោង បុរី ម៉ន ដានី ចំនួន ១៨៨គម្រោង, ដោះស្រាយបញ្ចប់ចំនួន ១៥០គម្រោង និងកំពុងបន្តដោះស្រាយចំនួន ៣៨គម្រោង
06/17/2026 01:06 PM
Facebook Telegram Linkin
រដ្ឋបាលខេត្តបន្ទាយមានជ័យ រៀបចំព្រះរាជពិធីបុណ្យចម្រើនព្រះជន្មថ្វាយសម្ដេចម៉ែ យាងចូល៩១ព្រះវស្សា
06/17/2026 12:06 PM
Facebook Telegram Linkin
អាជ្ញាធរស្រុកឈូក ចុះត្រួតពិនិត្យ និងទប់ស្កាត់ការលក់ដូរទំនិញនាំចូលខុសច្បាប់ពីប្រទេសថៃ
06/17/2026 12:06 PM
Facebook Telegram Linkin
មន្ត្រីជំនាញពាក់ព័ន្ធប្រជុំពិភាក្សាលើសេចក្តីព្រាងនីតិវិធីប្រតិបត្តិការអនុវត្តច្បាប់ស្តីពីចរាចរណ៍ផ្លូវគោក
06/17/2026 12:06 PM
Facebook Telegram Linkin
ស៊ីមកាត និងគណនីធនាគារដែលមិនបានផ្ទៀងផ្ទាត់ត្រឹមត្រូវ អាចផ្អាក លុបចោល ឬបង្កកនៅត្រឹមចុងឆ្នាំ២០២៦
06/17/2026 12:06 PM
Facebook Telegram Linkin
គណៈកម្មការទី៨ នៃរដ្ឋសភា កោតសរសើរការអភិវឌ្ឍ និងវឌ្ឍនភាពវិស័យសុខាភិបាលក្នុងខេត្តស្វាយរៀង
06/17/2026 12:06 PM
Facebook Telegram Linkin
សហជីពបូលីវី គំរាមពង្រីកការបិទផ្លូវ ខណៈលោក Paz ប្រឈមនឹងសម្ពាធកាន់តែខ្លាំងឡើង
06/17/2026 12:06 PM
Facebook Telegram Linkin
សាក្សីនិយាយថា យោធាអ៊ីស្រាអែលដណ្តើមយកដែនដីបន្ថែមទៀតនៅក្នុងតំបន់ហ្កាហ្សា
06/17/2026 12:06 PM
Facebook Telegram Linkin
កីឡាការិនីជម្រើសជាតិ ទន់ គឹមហុង វះកាត់ជង្គង់ដោយជោគជ័យ ក្រោយរបួសកំឡុងកម្ពុជា ឈ្នះសិង្ហបុរី ៥-០
06/17/2026 12:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.