នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី៖គិតត្រឹមខែមេសាឆ្នាំនេះយុវជនមកពីគ្រួសារក្រីក្រ និងងាយរងហានិភ័យចំនួន ២៧,១ម៉ឺននាក់ទទួលបានការបណ្ដុះបណ្ដាលជំនាញវិជ្ជាជីវៈ
សម្ដេ​ចតេជោ ហ៊ុន សែន៖«២០ មិថុនា ១៩៧៧ ជីវិតរបស់ខ្ញុំ និងភរិយាពេលនោះជួបជាមួយគ្រោះថ្នាក់ និងលំបាកវេទនាខ្លាំងណាស់»
សម្តេចតេជោ ហ៊ុន សែន ថ្លែងថា អាវក្រោះ និងសម្ភារយោធាម៉ាក DSS សុទ្ធតែមានគុណភាពហើយអាវការពារនេះនាយករដ្ឋមន្រ្តីបានសាករួចហើយ
សម្ដេចតេជោ ហ៊ុន សែន អញ្ជើញពិនិត្យមើលរោងចក្រ ផលិតសម្ភារៈយោធា DSS និងសំណេះសំណាលជាមួយកម្មករ កម្មការិនី

នយោបាយ​ និង ការអភិវឌ្ឍន៍

រដ្ឋមន្ត្រីពាណិជ្ជកម្មអាមេរិក៖ការគ្រប់គ្រងការនាំចេញរបស់ចិន នឹងប៉ះពាល់ដល់ប្រាក់ចំណូលរបស់ក្រុមហ៊ុនអាមេរិក

2023/07/27 11:53:32 am        77
Facebook Telegram Linkin
អាមេរិក៖ រដ្ឋមន្ត្រីក្រសួងពាណិជ្ជកម្ម លោកស្រី ហ្គីណា រ៉េម៉ុនដូ (Gina Raimondo) បាននិយាយកាលពីថ្ងៃពុធថា រដ្ឋបាលលោកបៃដិន កំពុងស្វែងរកគោលដៅយ៉ាងប្រុងប្រយ័ត្នលើការគ្រប់គ្រងរបស់សហរដ្ឋអាមេរិកលើការនាំចេញទៅកាន់ប្រទេសចិន ប៉ុន្តែច្បាប់នឹងធ្វើឲ្យបណ្តាក្រុមហ៊ុនខាតបង់ប្រាក់ចំណូលមួយចំនួន។លោកស្រី រ៉េម៉ុនដូ បានថ្លែងនៅក្នុងវេទិកាមួយថា ការរឹតបន្តឹងមិនគួរមានលក្ខណៈទូលំទូលាយទេ ដែលអ្នករារាំងដល់ប្រាក់ចំណូលរបស់ក្រុមហ៊ុនអាមេរិក ហើយចិនអាចទទួលបានផលិតផលនៅកន្លែងផ្សេង ឬចិនអាចទទួលបានផលិតផលពីប្រទេសផ្សេងទៀត។ ច្បាប់នឹងរឹតត្បិតប្រាក់ចំណូលមួយចំនួនដល់ក្រុមហ៊ុនអាមេរិក ប៉ុន្តែយើងគិតថា វាមានតម្លៃ។កាលពីសប្តាហ៍មុន នាយកប្រតិបត្តិក្រុមហ៊ុនបន្ទះឈីបរបស់សហរដ្ឋអាមេរិក បានជួបជាមួយក្រុមមន្ត្រីជាន់ខ្ពស់នៃរដ្ឋបាលរបស់លោកបៃដិនរួមទាំងលោកស្រី រ៉េម៉ុនដូ ដើម្បីពិភាក្សាអំពីគោលនយោបាយរបស់ប្រទេសចិន ខណៈដែលក្រុមអ្នកភ្ញៀវដ៏មានឥទ្ធិពលបំផុតនៃបន្ទះអេឡិចត្រូនិក (semiconductor)បានជំរុញឲ្យបញ្ឈប់ការទប់ស្កាត់បន្ថែមទៀត ដែលកំពុងត្រូវបានពិចារណា។លោកស្រីរ៉េម៉ុនដូ បាននិយាយថា រដ្ឋបាលនេះ កំពុងជួបពិភាក្សាជាមួយក្រុមហ៊ុន ដើម្បីទៅដល់កន្លែងដែលត្រឹមត្រូវ ដូច្នេះយើងមិនធ្វើឲ្យប៉ះពាល់អាជីវកម្មអាមេរិកទេ ប៉ុន្តែការពារសន្តិសុខជាតិអាមេរិកដោយស្មោះត្រង់បំផុត។

អ្នកតវ៉ា ចោទកងទ័ពថា បានរួមគំនិត ក្នុងការសម្លាប់រង្គាលចំពោះនិស្សិតម៉ិកស៊ិក

2023/07/27 11:50:25 am        116
Facebook Telegram Linkin
ម៉ិកស៊ិក៖ ឪពុកម្តាយជាច្រើនរូបរបស់សិស្សានុសិស្សដែលបាត់ខ្លួនចំនួន ៤៣នាក់របស់ប្រទេសម៉ិកស៊ិក បានដឹកនាំការហែក្បួនតវ៉ា កាលពីថ្ងៃពុធ (ទី២៦ ខែកក្កដា) ដើម្បីទាមទារឲ្យមានថ្ងៃផ្ដល់យុត្តិធម៌កើតឡើង បន្ទាប់ពីរបាយការណ៍ឯករាជ្យមួយ បានបង្ហាញថា កងកម្លាំងសន្តិសុខម៉ិកស៊ិក រួមចំណែកធ្វើឲ្យមានភាពស្មុគស្មាញពាក់ព័ន្ធនឹងការបាត់ខ្លួនរបស់សិស្សទាំងនេះ។ឪពុកម្តាយរបស់គរុសិស្ស និងដែលត្រូវបានចាប់ពង្រាត់ក្នុងឆ្នាំ២០១៤ ត្រូវបានចូលរួមដោយអ្នកមានសមានចិត្តអាណិតអាសូររាប់សិបនាក់ ដើម្បីដើរតវ៉ាតាមផ្លូវ Reforma ក្នុងទីក្រុងម៉ិកស៊ិកកូស៊ីធី (Mexico City) ដោយមានគោលបំណងទាមទាររកយុត្តិធម៌ សម្រាប់ការសម្លាប់រង្គាលដែលមិនត្រូវបានដោះស្រាយអ្វីសោះ។ក្រុមអន្តរកម្មាធិការនៃអ្នកជំនាញឯករាជ្យ (GIEI) ជាក្រុមដែលត្រូវបានតែងតាំងដោយគណៈកម្មការអន្តរអាមេរិកស្តីពីសិទ្ធិមនុស្ស ដែលទទួលបន្ទុកស៊ើបអង្កេតលើករណីនេះ បាននិយាយនៅក្នុងរបាយការណ៍មួយដែលបានផ្សព្វផ្សាយជាសាធារណៈ កាលពីថ្ងៃអង្គារ (ទី២៧ ខែកក្កដា) ថា កងទ័ព កងទ័ពជើងទឹក នគរបាល និងទីភ្នាក់ងារស៊ើបការណ៍សម្ងាត់ បានដឹងរៀងរាល់នាទីថា គរុសិស្សទាំងនោះ ស្ថិតនៅទីណា។យុវជនដែលបាត់ខ្លួនចំនួន ៤៣នាក់ គឺជាផ្នែកនៃសិស្សមួយក្រុមធំពីមហាវិទ្យាល័យគ្រូបង្រៀនជនបទ Ayotzinapa ដែលរងការវាយប្រហារ នៅទីក្រុង Iguala រដ្ឋ Guerrero កាលពីយប់ថ្ងៃទី២៦ ខែកញ្ញា ឆ្នាំ២០១៤ ហើយសិស្សក្រុមខ្លះ បានស្លាប់នៅកន្លែងកើតហេតុតែម្ដង៕

សហរដ្ឋអាមេរិកជំរុញឲ្យដោះលែងប្រធានាធិបតីនីហ្សេ ខណៈគ្មានការជម្លៀសប្រជាជនអាមេរិកទេសម្រាប់ពេលនេះ

2023/07/27 11:47:46 am        98
Facebook Telegram Linkin
អាមេរិក៖ ទីប្រឹក្សាសន្តិសុខជាតិរបស់សេតវិមានលោក Jake Sullivan កាលពីថ្ងៃពុធ (ទី២៦ ខែកក្កដា) បាននិយាយថា សហរដ្ឋអាមេរិក សូមថ្កោលទោសចំពោះកិច្ចប្រឹងប្រែង ក្នុងការឃុំឃាំង ឬផ្ដួលរំលំការបំពេញតួនាទីរបស់រដ្ឋាភិបាលជាប់ឆ្នោតតាមបែបប្រជាធិបតេយ្យរបស់ប្រទេសនីហ្សេ ហើយបានជំរុញឲ្យដោះលែងប្រធានាធិបតីលោក Mohamed Bazoum បន្ទាប់ពីរូបលោកត្រូវបានឃុំខ្លួន នៅខាងក្នុងវិមានរបស់ប្រធានាធិបតី។លោក Sullivan បាននិយាយក្នុងសេចក្តីថ្លែងការណ៍មួយថា៖ «យើងជំរុញជាពិសេសអ្នករួមគំនិតជាមួយឆ្មាំការពារប្រធានាធិបតីឲ្យដោះលែងប្រធានាធិបតីលោក Bazoum ពីការឃុំខ្លួន និងជៀសវាងការកើតមានអំពើហិង្សា។ សេតវិមានកំពុងតាមដានស្ថានការណ៍នេះ ដើម្បីធានាសុវត្ថិភាពដល់ពលរដ្ឋអាមេរិក»។តែយ៉ាងណាក្ដី ពាក់ព័ន្ធនឹងស្ថានភាពនេះ អ្នកនាំពាក្យសន្តិសុខជាតិរបស់សេតវិមានលោក John Kirby បានប្រាប់អ្នកសារព័ត៌មានថា នៅពេលនេះមិនទាន់មានការពិភាក្សាអំពីការជម្លៀសពលរដ្ឋអាមេរិកចេញពីប្រទេសនីហ្សេទេ ហើយបាននិយាយថា សហរដ្ឋអាមេរិកនៅតែបន្តប្រមូលព័ត៌មានលម្អិតអំពីការវិវឌ្ឍនៃស្ថានភាពនេះ។ក្រុមអង្គរក្សការពារប្រធានាធិបតី កំពុងឃុំប្រធានាធិបតីនីហ្សេ នៅខាងក្នុងវិមានរបស់លោក ក្នុងរដ្ឋធានីនីញ៉ាម៉េ (Niamey) កាលពីថ្ងៃពុធ (ទី២៦ ខែកក្កដា) ជាអ្វីដែលប្រទេសជិតខាងហៅថា ការប៉ុនប៉ងធ្វើរដ្ឋប្រហារប៉ុន្តែជាអ្វីដែលលោកប្រធានាធិបតី បានពិពណ៌នាថា ជាចលនា «ប្រឆាំងសាធារណរដ្ឋ» ឥតប្រយោជន៍៕

ការវាយបករបស់អ៊ុយក្រែនទៅលើរុស្ស៊ី កំពុងដំណើរការទៅមុខ ខណៈអាមេរិក ប្ដេជ្ញាគាំទ្រ

2023/07/27 11:44:45 am        118
Facebook Telegram Linkin
អាមេរិក៖ អ្នកនាំពាក្យសន្តិសុខជាតិរបស់សេតវិមាន លោក John Kirby បានប្រាប់ក្រុមអ្នកសារព័ត៌មានកាលពីថ្ងៃពុធទី២៦ កក្កដាថា ការវាយបករបស់អ៊ុយក្រែន ទៅលើកងកម្លាំងរបស់រុស្ស៊ី ពុំបានជាប់គាំងនោះទេ ទោះបីជាពុំមានវឌ្ឍនភាពពេញលេញតាមការចង់បានក៏ដោយ ។   លោក Kirby បានអត្ថាធិប្បាយបែបនេះ នៅពេលត្រូវបានសួរពីស្ថានភាពនៃការវាយបករបស់អ៊ុយក្រែននៅក្នុងសន្និសីទសារព័ត៌មានមួយ។  លោក Kirby បាននិយាយថា លោកប្រធានាធិបតី Zelenskyy ខ្លួនឯង បាននិយាយថា ដំណើរការវាយបកមិនមានល្បឿនលឿនដូចការចង់បានរបស់លោកទេ ហើយក៏មិនអាចរុលទៅមុខ រាល់ថ្ងៃតាមការចង់បានដែរ ។ សហរដ្ឋអាមេរិក នឹងមិនពាក់ព័ន្ធក្នុងរឿងនោះទេ។   អ្នកនាំពាក្យរូបនេះ លើកឡើងថាក្រុងវ៉ាស៊ីនតោន នឹងធ្វើឲ្យប្រាកដថា កងកម្លាំងអ៊ុយក្រែន មានគ្រឿងយុទ្ធោបករណ៍គ្រប់ប្រភេទ និងលទ្ធភាពដែលពួកគេត្រូវការចាំបាច់ក្នុងការវាយរុលទៅមុខ។  សហរដ្ឋអាមេរិក បានផ្ដល់ជំនួយផ្នែកយោធាជាង៤៣ពាន់លានដុល្លារអាមេរិកដល់អ៊ុយក្រែន ចាប់តាំងពីការវាយលុករបស់រុស្ស៊ីកាលពីថ្ងៃទី២៤ខែកុម្ភៈឆ្នាំ២០២២។ ក្រសួងការពារជាតិអាមេរិក បានប្រកាស ផ្ដល់ប្រាក់ចំនួន៤០០លានដុល្លារអាមេរិកបន្ថែមទៀតជាជំនួយបន្ថែមផ្នែកសន្តិសុខសម្រាប់ប្រទេសអ៊ុយក្រែន កាលពីដើមសប្ដាហ៍នេះ រួមទាំងមីស៊ីលការពារដែនអាកាស យានប្រយុទ្ធ និងយានដ្រូនខ្នាតតូច ជាច្រើនគ្រឿង៕

ទាហាននីហ្សេ៖ រដ្ឋាភិបាលរបស់ប្រធានាធិបតីលោក Bazoum ត្រូវបានទម្លាក់ចេញពីអំណាចហើយ

2023/07/27 11:41:54 am        74
Facebook Telegram Linkin
នីហ្សេ៖ យោងតាមទាហានមួយក្រុម ដែលបានបង្ហាញខ្លួននៅលើកញ្ចក់ទូរទស្សន៍ជាតិរបស់ប្រទេសនីហ្សេ កាលពីល្ងាចថ្ងៃពុធ (ទី២៦ ខែកក្កដា) បានឲ្យដឹងថា លោក Mohamed Bazoum ប្រធានាធិបតីរបស់ប្រទេសអាហ្វ្រិកខាងលិចមួយនេះ ត្រូវបានដកចេញពីអំណាចហើយ ដែលការប្រកាសបែបនេះ មានឡើងត្រឹមតែប៉ុន្មានម៉ោង បន្ទាប់ពីប្រធានាធិបតី ត្រូវបានឃុំខ្លួននៅឯវិមានប្រធានាធិបតី។ដោយអាននូវសេចក្តីថ្លែងការណ៍មួយ លោកវរសេនីយ៍ឯក Amadou Abdramane ដែលអង្គុយ និងអមដោយមន្រ្តី ៩រូបផ្សេងទៀត បាននិយាយថា កងកម្លាំងការពារ និងសន្តិសុខជាតិ បានសម្រេចចិត្តថា «បញ្ចប់របបមួយដែលយើងស្គាល់ ដោយសារតែស្ថានភាពសន្តិសុខកាន់តែអាក្រក់ឡើងៗ និងអភិបាលកិច្ចមិនល្អ»។លោក Abdramane បាននិយាយថា ព្រំដែនរបស់ប្រទេសនីហ្សេ ត្រូវបានបិទ បម្រាមគោចរទូទាំងប្រទេសត្រូវបានប្រកាស ហើយស្ថាប័នសាធារណរដ្ឋទាំងអស់ត្រូវបានផ្អាក។ ជាមួយគ្នានេះ ទាហានបានព្រមានប្រឆាំងនឹងអន្តរាគមន៍បរទេសណាមួយ ដោយបន្ថែមថា ពួកគេនឹងគោរពដល់សុខុមាលភាពរបស់លោក Bazoum។ការជាប់ឆ្នោតរបស់លោក Bazoum គឺជាការផ្លាស់ប្តូរអំណាចតាមបែបប្រជាធិបតេយ្យលើកដំបូង នៅក្នុងរដ្ឋមួយដែលឃើញមានរដ្ឋប្រហារយោធាចំនួន ៤ដង ចាប់តាំងពីទទួលបានឯករាជ្យពីប្រទេសបារាំង ក្នុងឆ្នាំ១៩៦០។សហភាពអាហ្រ្វិក និងប្លុកតំបន់អាហ្រ្វិកខាងលិច (ECOWAS) នៅថ្ងៃពុធនោះដែរ បានថ្កោលទោសចំពោះអ្វីដែលពួកគេហៅថា ជាការប៉ុនប៉ងធ្វើរដ្ឋប្រហារ។ ប្រធានាធិបតីនៃប្រទេសជិតខាងបេណាំង លោក Patrice Talon បានហោះហើរទៅកាន់ប្រទេសនីហ្សេ កាលពីរសៀលថ្ងៃពុធ ដើម្បីវាយតម្លៃស្ថានការណ៍ បន្ទាប់ពីបានជួបជាមួយប្រធានាធិបតីនីហ្ស៊េរីយ៉ា និងប្រធាន ECOWAS លោក Bola Tinubu៕

សវនាការរបស់លោក Hunter Biden បានបញ្ចប់ក្រោយចៅក្រម ពុំទាន់ត្រៀមទទួលយកកិច្ចព្រមព្រៀងផ្ដល់ចម្លើយពីភាពមានទោស

2023/07/27 11:38:27 am        114
Facebook Telegram Linkin
អាមេរិក៖ កិច្ចព្រមព្រៀងផ្ដល់ចម្លើយពីភាពមានទោសរវាង កូនប្រុសលោកប្រធានាធិបតីអាមេរិក Joe Biden គឺលោក Hunter Biden និងក្រសួងយុត្តិធម៌ ពុំសម្រេចបានឡើយ បន្ទាប់ពីការបើកសវនាការតុលាការកាលពីពុធ។ លោក Hunter Biden បានបរាជ័យ ក្នុងការបង់ប្រាក់ ចន្លោះពី ១,១លានដុល្លារ ទៅ១,៥លានដុល្លារអាមេរិក ឲ្យទៅក្រសួងពន្ធដារសហព័ន្ធមុនពេលកាលបរិច្ឆេទ ខាងផ្លូវច្បាប់ផុតកំណត់ និងត្រូវបានតម្រូវឲ្យផ្ដល់ចម្លើយពីភាពមានទោសចំពោះបទចោទប្រកាន់ការគេចវេះមិនបង់ពន្ធចំនួន២ករណី ដោយក្រុមរដ្ឋអាជ្ញាព្រមព្រៀងផ្ដល់ការផ្ដន្ទាទោស។ ប៉ុន្តែមុនពេលការសារភាពដំបូង អាចត្រូវបានទទួល កិច្ចព្រមព្រៀងនេះ បានចាប់ផ្តើមស៊ើបអង្កេត ហើយកិច្ចព្រមព្រៀងដែលត្រូវបានកែប្រែឡើងវិញ បានសម្រេចក្នុងអំឡុងពេលសវនាការ ដែលមិនត្រូវបានទទួលយកដោយចៅក្រមទេ។ចៅក្រមប្រចាំសង្កាត់លោកស្រី ម៉ាយ៉េឡិន ណូរ៉េកា (Maryellen Noreika) បាននិយាយថា លោកស្រី មិនអាចទទួលយកកិច្ចព្រមព្រៀងនៅថ្ងៃនេះបានទេ។លោកស្រី ណូរ៉េកា បាននិយាយថាលោកស្រីមានការព្រួយបារម្ភ អំពីគូភាគីដែលហាក់ដូចជាភ្ជាប់កិច្ចព្រមព្រៀងស្នើសុំបង់ពន្ធដើម្បីដោះស្រាយការចោទប្រកាន់ពីបទឧក្រិដ្ឋពីបទកាន់កាប់អាវុធខុសច្បាប់។ ក្នុងអំឡុងពេលដំណើរការ ក្រុមអាជ្ញាបានបញ្ជាក់ថា ការស៊ើបអង្កេតលើលោក Hunter Biden កំពុងបន្ត។បន្ទាប់ពីការចរចារួច កូនប្រុសរបស់ប្រធានាធិបតីបានយល់ព្រមផ្ដល់ចម្លើយពីភាពមានទោសចំពោះការចោទប្រកាន់ការគេចវេះមិនបង់ពន្ធចំនួនពីរករណី ក្នុងកិច្ចព្រមព្រៀងដែលមានតែការប្រព្រឹត្តទាក់ទងនឹងបទល្មើសពន្ធដារ ការប្រើប្រាស់គ្រឿងញៀន និងការកាន់កាប់អាវុធគ្មានការអនុញ្ញាត។ ភាគីទាំងពីរបានព្រមព្រៀងគ្នាថា កិច្ចព្រមព្រៀងនេះពុំបានការពាររូបលោកពីការចោទប្រកាន់ដែលអាចកើតមាននាពេលអនាគតនោះទេ។ ប៉ុន្តែចៅក្រមមិនពេញចិត្តចំពោះកិច្ចព្រមព្រៀងនេះឡើយ៕

អង្គការសហប្រជាជាតិ ថ្កោលទោសការប៉ុនប៉ងធ្វើរដ្ឋប្រហារដែល នៅក្នុងប្រទេសនីហ្សេ

2023/07/27 11:16:13 am        76
Facebook Telegram Linkin
នីហ្សេ៖ អ្នកនាំពាក្យអគ្គលេខាធិការ លោក Stephane Dujarric បាននិយាយកាលពីថ្ងៃពុធថា អង្គការសហប្រជាជាតិ បានថ្កោលទោសកិច្ចប្រឹងប្រែងណាមួយដើម្បីដំណ្តើមអំណាចដោយកងកម្លាំង និងធ្វើឲ្យអន្តរាយដល់អភិបាលកិច្ចលទ្ធិប្រជាធិបតេយ្យនៅក្នុងប្រទេសនីហ្សេ ខណៈក្រុមអង្គរក្សប្រធានាធិបតី បានឃុំខ្លួនប្រធានាធិបតីលោក Bazoum នៅក្នុងវិមានរបស់លោក។បណ្តាប្រទេសជិតខាង បានចាត់ទុកព្រឹត្តិការណ៍កាលពីថ្ងៃពុធនៅក្នុងប្រទេសនីហ្សេ ក្នុងការប៉ុនប៉ងរដ្ឋប្រហារ ប៉ុន្តែប្រធានាធិបតីបានចាត់ទុកវាជាចលនាប្រឆាំងសាធារណៈរដ្ឋក្នុងភាពក្រអើតក្រទម នៅក្នុងបណ្តាញ Twitter ដែលពេលនេះត្រូវបានលុបចោល។ សហរដ្ឋអាមេរិក និងសហភាពអឺរ៉ុប បានថ្កោលទោសចំពោះការប៉ុនប៉ងណាមួយដើម្បីដណ្តើមអំណាច នៅក្នុងប្រទេសអាហ្វ្រិកខាងលិច ដែលមានតែព្រំដែនគោក មានប្រជាជនប្រមាណ២៥លាននាក់៕

នាយករដ្ឋមន្រ្តីថ្មី នឹងចុះជួបសំណេះសំណាលមុនគេ ជាមួយកម្មករនិយោជិតរោងចក្រសហគ្រាស

2023/07/27 11:16:09 am        285
Facebook Telegram Linkin
ភ្នំពេញ៖ ឯកឧត្តមបណ្ឌិត ហ៊ុន ម៉ាណែត នៅថ្ងៃទី២២ ខែសីហាខាងមុខនេះ នឹងត្រូវតែងតាំង​ជា​នាយករដ្ឋមន្ត្រី បន្ទាប់ពីសម្តេចតេជោ ហ៊ុន សែន នាយករដ្ឋមន្រ្តី បច្ចុប្បន្នប្រកាសចាកចេញជា​ផ្លូវការ។ ជាមួយការចូលកាន់តួនាទីជា​នាយករដ្ឋមន្រ្តី​ ឯកឧត្តមបណ្ឌិត ហ៊ុន ម៉ាណែត នឹងចុះជួប​សំណេះសំណាលជាមួយកម្មករ កម្មការិនី ​ដែលអាចចាត់ទុកថា ជាវិស័យដំបូង​ដែលលោក​នឹងចាប់ផ្តើម ។ជាមួយដំណឹងដ៏រីករាយនេះ ក្រុមកម្មករ កម្មការិនីរោងចក្រកាត់ដេរ នៅខណ្ឌកំបូល​ រាជធានីភ្នំពេញ នៅព្រឹកថ្ងៃទី២៧ ខែកក្កដា ឆ្នាំ២០២៣នេះ ​បានសម្តែងការគាំទ្រចំពោះ ​ឯកឧត្តមបណ្ឌិត ហ៊ុន ម៉ាណែត សម្រាប់ទទួលបានតួនាទីជានាយករដ្ឋមន្រ្តីថ្មី ​សម្រាប់អាណត្តិទី៧នេះ ដើម្បីបន្តដឹកនាំ​ប្រទេសកម្ពុជា​ឲ្យរីកចម្រើន និងអភិវឌ្ឍន៍​ទៅមុខបន្ថែមទៀត។ ដោយឡែក​លោក គឹម ចាន់សំណាង ប្រធានសហភាពសិទ្ធិកម្មករកម្ពុជាសង្ឃឹម ​និងជឿជាក់ថា ក្រោមការដឹកនាំ​របស់ឯកឧត្តមបណ្ឌិត ហ៊ុន ម៉ាណែត ​នឹងមានការរីកចម្រើនកាន់តែខ្លាំង កម្មករ​មានការងារធ្វើកាន់តែច្រើន ​សេដ្ឋកិច្ចក៏កាន់តែរីកចំរើន ជាពិសេសដឹកនាំកម្ពុជា​ឆ្ពោះទៅសម្រេច​ចក្ខុវិស័យប្រែក្លាយជាប្រទេសមានប្រាក់​ចំណូល​មធ្យមក​ម្រិតខ្ពស់នៅឆ្នាំ២០៣០ និងប្រាក់ចំណូល​កម្រិតខ្ពស់នៅឆ្នាំ២០៥០ផងដែរ៕ អត្ថបទ៖ឈិត បូរ៉ាវី

ប្រទេសអូស្ត្រាលីផ្តល់កិច្ចសន្យាការពារជាតិHanwhaរបស់កូរ៉េខាងត្បូងចំនួន៤,៧ពាន់លានដុល្លារ

2023/07/27 11:13:22 am        73
Facebook Telegram Linkin
អូស្ត្រាលី៖ ក្រុមហ៊ុនការពារជាតិដ៏ធំបំផុតរបស់កូរ៉េខាងត្បូង Hanwha Aerospace នៅថ្ងៃព្រហស្បតិ៍ (ទី២៧កក្កដា)នេះ បានប្រជែងឈ្នះក្រុមហ៊ុនRheinmetall( រ៉ាញមេតាល់) របស់អាល្លឺម៉ង់ ដើម្បីទទួលបានកិច្ចសន្យារបស់អូស្ត្រាលី ដែលមានតម្លៃរហូតដល់ ៧ពាន់លានដុល្លារអូស្ត្រាលី (៤,៧៤ពាន់លានដុល្លារ)សម្រាប់ផលិតយានយន្តប្រយុទ្ធថ្មើរជើងចំនួន ១២៩គ្រឿង។កិច្ចព្រមព្រៀងដែលរដ្ឋមន្ត្រីក្រសួងឧស្សាហកម្មការពារជាតិលោក ប៉ាត កុនរ៉ូយ (Pat Conroy) បានពិពណ៌នាថា ជាគម្រោងដ៏ធំបំផុតមួយក្នុងប្រវត្តិសាស្ត្ររបស់កងទ័ពអូស្ត្រាលី នឹងមានតម្លៃពី ៥ពាន់លានដុល្លារអូស្ត្រាលី (៣,៤ ពាន់លានដុល្លារ) ទៅ ៧ពាន់លានដុល្លារអូស្ត្រាលី (៤,៧៤ ពាន់លានដុល្លារ)។យានយន្តថ្មីដែលនឹងត្រូវផលិតនៅក្នុងប្រទេសអូស្ត្រាលីនៅឯកន្លែងរបស់ក្រុមហ៊ុន Hanwha ក្នុងរដ្ឋវិចតូ រីយ៉ា (Victoria) នឹងជំនួសរថពាសដែកM113 ដែលបានដាក់ឲ្យប្រើប្រាស់ជាលើកដំបូងក្នុងឆ្នាំ១៩៦៤។ប្រទេសអូស្ត្រាលី បាននិងកំពុងធ្វើឲ្យប្រសើរឡើងនូវសមត្ថភាពការពាររបស់ខ្លួន ដោយលើកឡើងពីការផ្លាស់ប្តូរបរិយាកាសយុទ្ធសាស្ត្រ នៅក្នុងតំបន់ប៉ាស៊ីហ្វិក ដែលចិនកំពុងសម្លឹងមើល ដើម្បីបង្កើនឥទ្ធិពលរបស់ខ្លួននោះ។លោកកុនរ៉ូយបាននិយាយថា រដ្ឋាភិបាលនឹងពន្លឿនដំណើរការនេះ ដើម្បីឲ្យយានប្រយុទ្ធដំបូងអាចដឹកជញ្ជូនបាននៅដើមឆ្នាំ ២០២៧ ពោលគឺលឿនជាងការគ្រោងទុកពីរឆ្នាំ និងយានយន្តចុងក្រោយនៅឆ្នាំ២០២៨៕

យុវជនបង្ហាញពីការជឿជាក់និងគាំទ្រ ចំពោះឯកឧត្តម ហ៊ុន ម៉ាណែត ដែលនឹងក្លាយជានាយករដ្ឋមន្រ្តីថ្មី

2023/07/27 11:06:24 am        588
Facebook Telegram Linkin
ភ្នំពេញ៖ យុវជនមើលឃើញថា ឯកឧត្តម ហ៊ុន ម៉ាណែត ដែលនឹងក្លាយជានាយករដ្ឋមន្រ្តីថ្មី ក្នុងអាណត្តិទី៧ ពិតជាសាកសម សម្រាប់ការបន្តដឹកនាំនាវាកម្ពុជា។ ពួកគេជឿជាក់លើសមត្ថភាពចំណេះដឹង ប្រវត្តិសិក្សាក៏ដូចជាសមត្ថភាពការងារ របស់ឯកឧត្តម ដែលអាចបន្តរក្សានូវអ្វីគ្រប់យ៉ាងដែលកម្ពុជាមាន​ និងអាចនាំឱ្យកម្ពុជាកាន់តែរីកចម្រើន។សម្ដេចតេជោ ហ៊ុន សែន បានប្រកាសជាផ្លូវការដោយមិនធ្វើជានាយករដ្ឋមន្រ្តីទៀតទេ សម្រាប់អាណត្តទី ៧។ វត្តមាននាយករដ្ឋមន្រ្តីថ្មីគឺឯកឧត្តម ហ៊ុន ម៉ាណែត ដែលនឹងក្លាយជា​នាយករដ្ឋមន្រ្តី​ដឹកនាំនាវាកម្ពុជា ​ចាប់ពីថ្ងៃទី ២២ ខែសីហា​ ឆ្នាំ ២០២៣។ ​ការនឹងក្លាយជា​នាយករដ្ឋមន្រ្តី​ថ្មីនេះ ​ក៏ទទួលបានការសាទរពីប្រជាពលរដ្ឋផងដែរ។ សម្រាប់យុវជន មើលឃើញថា នេះជារបត់នយោបាយថ្មីសម្រាប់កម្ពុជា​ ដែលផ្លាស់ប្ដូរថ្នាក់ដឹកនាំ​ មកជាអ្នកដឹកនាំវ័យក្មេង។ ពួកគេមើលឃើញដែរថា ​ឯកឧត្តម ហ៊ុន ម៉ាណែត​ ពិតជាសាកសមសម្រាប់ការងារដឹកនាំមួយនេះ។ ពួកគេជឿជាក់លើសមត្ថភាពចំណេះដឹង តាមរយៈប្រវត្តិសិក្សា​ និងជឿជាក់លើសមត្ថភាពការងារ និង​បុគ្គលិកលក្ខណៈ ដ៏ប្រពៃរបស់ ឯកឧត្តម។ ពួកគេបន្តថា ឯកឧត្តម ហ៊ុន ម៉ាណែត អាច​បន្តរក្សានូវ​សុខ​សន្តិភាព​និង​ប្រាកដជាអាចនាំ​ឱ្យ​ជាតិកាន់​តែរីកចំរើន។ទន្ទឹមនឹងការសាទរចំពោះនាយករដ្ឋមន្រ្តីថ្មី ​ពួកគេជាយុវជនក៏សូមអរគុណដល់ ​សម្ដេចតេជោ ហ៊ុន សែន ដែលបានកាន់តួនាទី ​ជានាយករដ្ឋមន្រ្តីរយៈពេល ជាង៣៨ឆ្នាំមកនេះ។ ​ពួកគេថា សម្ដេចតេជោ ជាគម្រូវីរភាព ជាថ្នាក់ដឹកនាំ ដែលបានរំដោះជីវិតប្រជាពលរដ្ឋ និងកសាងកម្ពុជាពី​បាតដៃ​ទទេ​រហូតដល់កម្ពុជា​មានពេលបច្ចុប្បន្ន។គួរបញ្ជាក់ថា ឯកឧត្តម ហ៊ុន ម៉ាណែត ដែលនឹងក្លាយជានាយករដ្ឋថ្មី គិតត្រឹមឆ្នាំ ​២០២៣នេះ គឺមានវ័យ៤៦ឆ្នាំ។ ឯកឧត្តម មានប្រវត្តិសិក្សាខ្ពង់ខ្ពស់​ ដោយមានទាំងចំណេះដឹងលើផ្នែកយោធា បូករួមទាំងចំណេះដឹងផ្នែកសេដ្ឋកិច្ច ​ដោយបានបញ្ចប់ការសិក្សាពីបរទេស។ ជាក់ស្ដែង ឯកឧត្តម ហ៊ុន ម៉ាណែត ជាជនជាតិខ្មែរដំបូងគេដែលបានសិក្សានៅសាលាបណ្ឌិតយោធា West Point នៅសហរដ្ឋអាមេរិក។ ឯកឧត្តមក៏បាន បញ្ចប់ថ្នាក់អនុបណ្ឌិតសេដ្ឋកិច្ច នៅសាកលវិទ្យាល័យ New York និងបញ្ចប់ថ្នាក់បណ្ឌិតសេដ្ឋកិច្ច នៅសាកលវិទ្យាល័យ Bristol ចក្រភពអង់គ្លេសផងដែរ៕ អត្ថបទ៖ គឹមហុក

បណ្ដាញសង្គម

ព័ត៌មានថ្មីៗ

លីទុយអានី និងអាមេរិកចុះហត្ថលេខាលើកិច្ចព្រមព្រៀង ដើម្បីពង្រីកកិច្ចសហប្រតិបត្តិការយាន​ដ្រូន​
06/17/2026 06:06 PM
Facebook Telegram Linkin
ក្រុមហ៊ុន Tesla បើកមជ្ឈមណ្ឌលពិសោធន៍ថ្មីនៅទីក្រុង Hyderabad ប្រទេសឥណ្ឌា
06/17/2026 06:06 PM
Facebook Telegram Linkin
លោក Modi ព្រមានអំពី «កង្វះទំនុកចិត្ត» មុនពេលមានជំនួប​ទ្វេភាគី​ជាមួយលោក Trump
06/17/2026 06:06 PM
Facebook Telegram Linkin
ក្រុមមន្រ្តីរដ្ឋ Texas ចេញការឃ្លាំមើលព្យុះត្រូពិក និងព្រមានពីទឹកជំនន់នៅតាមទីក្រុងតំបន់ឆ្នេរ
06/17/2026 06:06 PM
Facebook Telegram Linkin
នាយករដ្ឋមន្ត្រីអង់គ្លេស៖ ការបាញ់ព្រមានរបស់នាវាចម្បាំងរុស្ស៊ី គឺ «មិនប្រុងប្រយ័ត្ន» មិនមែន «គំរាម​» ទេ
06/17/2026 06:06 PM
Facebook Telegram Linkin
ហុងគ្រីបើកការស៊ើបអង្កេតលើការរឹបអូសសាច់ប្រាក់ និងមាសរបស់អ៊ុយក្រែន
06/17/2026 06:06 PM
Facebook Telegram Linkin
នាយករដ្ឋមន្ត្រីកាណាដាជំរុញឲ្យ​ធ្វើពិពិធកម្មថាមពលសកល ក្រោយ​មាន​វិបត្តិច្រកសមុទ្រ Hormuz
06/17/2026 06:06 PM
Facebook Telegram Linkin
ក្រុមថែរក្សាសន្តិភាព UNIFIL រាយការណ៍ពីការធ្លាក់ចុះអំពើហិង្សានៅតំបន់ភាគខាងត្បូងប្រទេសលីបង់
06/17/2026 06:06 PM
Facebook Telegram Linkin
មន្ត្រីប៉ាឡេស្ទីន៖ អ្នកតាំងលំនៅអ៊ីស្រាអែលបានដុតបំផ្លាញវិហារឥស្លាមនៅតំបន់វេសបែង
06/17/2026 06:06 PM
Facebook Telegram Linkin
ការនាំចេញរបស់ជប៉ុន កើនឡើង​ខ្ពស់​បំផុត ក្នុងរយៈពេលជាង ៣ឆ្នាំ ដោយ​សារតម្រូវការបន្ទះឈីប និងរថយន្ត
06/17/2026 06:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.