BTV NEWS

សម្ដេចធិបតី៖គិតត្រឹមខែមេសាឆ្នាំនេះយុវជនមកពីគ្រួសារក្រីក្រ និងងាយរងហានិភ័យចំនួន ២៧,១ម៉ឺននាក់ទទួលបានការបណ្ដុះបណ្ដាលជំនាញវិជ្ជាជីវៈ

សម្ដេចតេជោ ហ៊ុន សែន៖«២០ មិថុនា ១៩៧៧ ជីវិតរបស់ខ្ញុំ និងភរិយាពេលនោះជួបជាមួយគ្រោះថ្នាក់ និងលំបាកវេទនាខ្លាំងណាស់»

សម្តេចតេជោ ហ៊ុន សែន ថ្លែងថា អាវក្រោះ និងសម្ភារយោធាម៉ាក DSS សុទ្ធតែមានគុណភាពហើយអាវការពារនេះនាយករដ្ឋមន្រ្តីបានសាករួចហើយ

សម្ដេចតេជោ ហ៊ុន សែន អញ្ជើញពិនិត្យមើលរោងចក្រ ផលិតសម្ភារៈយោធា DSS និងសំណេះសំណាលជាមួយកម្មករ កម្មការិនី

នយោបាយ និង ការអភិវឌ្ឍន៍

ពលរដ្ឋជឿជាក់ថា ជ័យជម្នះបោះឆ្នោតនឹងបានទៅបក្សប្រជាជន ដើម្បីបន្តដឹកនាំប្រទេសបន្តការអភិវឌ្ឍ

ភ្នំពេញ៖ ពលរដ្ឋបានសម្ដែងនូវការអបអរសាទរចំពោះលទ្ធផលក្រៅផ្លូវការ នៃការបោះឆ្នោតជ្រើសតាំងតំណាងរាស្ត្រ នីតិកាលទី៧ ដោយពួកគេជឿជាក់ថា គណបក្សប្រជាជនកម្ពុជា នឹងទទួលបានជ័យជម្នះ ដើម្បីបន្ត ដឹកនាំប្រទេសឱ្យកាន់តែមានការអភិវឌ្ឍរីកចម្រើនបន្ថែមទៀត ។ប្រជាពលរដ្ឋ រស់នៅក្នុងមូលដ្ឋានខេត្តកណ្ដាល បានលើកឡើងថា ការបោះឆ្នោតពីមួយអាណត្តិ ទៅមួយអាណត្តិ មានកំណើនប្រជាពលរដ្ឋទៅចូលរួម ជាពិសេសនៅអាណត្តិនេះ មានចំនួនរហូតដល់ ជាង៨៤ភាគរយ ដែលចំនួននេះ បានបង្ហាញថា ពលរដ្ឋមានការយល់ដឹងច្រើនជាងមុន ក្នុងការសម្រេចនូវ ជោគវាសនារបស់ខ្លួន ពោលគឺមិនធ្វើអ្វីតាមការញុះញង់របស់ជនអគតិឡើយ ។ពលរដ្ឋ បានបន្តថា សម្រាប់អាណត្តិថ្មីនេះ ឃើញថាគណបក្សប្រជាជនកម្ពុជា បានទទួលការគាំទ្រ ដ៏ច្រើនលើសលុប ពីសំណាក់ប្រជាពលរដ្ឋ ព្រោះតែស្រឡាញ់ ពេញចិត្ត និងជឿជាក់ ចំពោះការដឹកនាំរបស់ គណបក្សប្រជាជនកម្ពុជា ដែលមានសម្ដេចតេជោ ហ៊ុន សែន ជាប្រធាន និងជាបេក្ខភាពនាយករដ្ឋមន្ត្រី ។ប្រជាពលរដ្ឋ ក៏បានបង្ហាញនូវការបន្តគាំទ្រចំពោះគណបក្សប្រជាជនកម្ពុជា ហើយសង្ឃឹមថា នៅ អាណត្តិក្រោយទៀត គណបក្សប្រជាជនកម្ពុជា បានជាប់ឆ្នោតដឹកនាំប្រទេសបន្តទៀត ហើយពួកគេគាំទ្រ ចំពោះឯកឧត្តមបណ្ឌិត ហ៊ុន ម៉ាណែត ជាបេក្ខភាពនាយករដ្ឋមន្ត្រី នាពេលអនាគត ។គួរបញ្ជាក់ថា ការបោះឆ្នោតជ្រើសតាំងតំណាងរាស្ត្រ នីតិកាលទី៧ ដែលធ្វើឡើងនៅថ្ងៃទី២៣ ខែកក្កដានេះ បើតាមលទ្ធគណៈកម្មាធិការជាតិរៀបចំការបោះឆ្នោត (គ.ជ.ប) គឺមានអ្នកទៅបោះឆ្នោត មានជាង៨លាន ២សែននាក់ ដែលស្មើនឹង៨៤,៥៨ភាគរយ និងមានគណបក្សនយោបាយចំនួន១៨ បានចូលរួមប្រកួតប្រជែង ៕អត្ថបទ៖ បាន សុខរិទ្ធិ

ស្លាករបស់ Twitter ចាប់ផ្ដើមទម្លាក់ចុះ នៅទីស្នាក់ការកណ្តាល ដោយប្តូរឡូហ្គោ X ជំនួសវិញ

អាមេរិក៖ ស្លាក ដែលគេស្គាល់ជាទូទៅរបស់បណ្ដាញសង្គម Twitter ចាប់ផ្តើមទម្លាក់ចុះហើយ នៅឯទីស្នាក់ការកណ្តាលរបស់ក្រុមហ៊ុន ក្នុងទីក្រុងសាន់ហ្វ្រាន់ស៊ីស្កូ (San Francisco) សហរដ្ឋអាមេរិក កាលពីថ្ងៃចន្ទ (ទី២៤ ខែកក្កដា) ដែលការទម្លាក់ចុះនេះ គឺជាផ្នែកនៃការប្តូរស្លាកសញ្ញាពាណិជ្ជកម្មថ្មី។បន្ទាប់ពីប្រើប្រាស់រយៈពេល ១៧ឆ្នាំជាមួយនឹងនិមិត្តសញ្ញាបក្សីពណ៌ខៀវ ដែលតំណាងឲ្យការផ្សព្វផ្សាយគំនិតទៅកាន់ពិភពលោក មហាសេដ្ឋីលោក Elon Musk បានសម្រេចប្តូរឈ្មោះពីអក្សរ Twitter ជាអក្សរ X វិញ ហើយបានបង្ហាញឡូហ្គោថ្មី ដែលផ្ដោតការយកចិត្តទុកដាក់លើការបង្កើត «កម្មវិធីគ្រប់ប្រភេទ»។ចាប់តាំងពីចូលមកគ្រប់គ្រងក្រុមហ៊ុនបណ្ដាញសង្គម Twitter ក្នុងខែតុលា លោក Musk បាននិយាយថា លោកស្រមៃដល់ការបង្កើតកម្មវិធីមួយ ដែលអាចផ្តល់សេវាកម្មជាច្រើនដល់អ្នកប្រើប្រាស់លើសពីបណ្ដាញទំនាក់ទំនងសង្គម ដូចជាការបង់ប្រាក់តាមប្រព័ន្ធកុំព្យូទ័រជាដើម ពោលគឺជាគំនិតមួយ ដែលឆ្លុះបញ្ចាំងពីបណ្ដាញសង្គម WeChat ដ៏ពេញនិយម នៅប្រទេសចិន។តែយ៉ាងណាក្ដី ចាប់តាំងពីមានការកាន់កាប់របស់លោក Musk ក្រុមហ៊ុនបណ្ដាញសង្គមមួយនេះ បានប្រឈមនឹងពេលវេលាច្របូកច្របល់មិនចេះចប់ ដោយមានការបញ្ឈប់បុគ្គលិក ការធ្លាក់ចុះយ៉ាងខ្លាំងនៃអ្នកផ្សាយពាណិជ្ជកម្ម និងការកើនឡើងយ៉ាងឆាប់រហ័សនៃប្រើប្រាស់កម្មវិធីថ្មី Threads ដែលជាការឆ្លើយតបយ៉ាងមានប្រសិទ្ធភាពរបស់ក្រុមហ៊ុន Meta ចំពោះក្រុមហ៊ុន Twitter៕

អ្នកការទូតកំពូលចិន និងប្រធានសន្តិសុខរុស្ស៊ី សន្យាសាមគ្គីភាព

ចិន៖ អ្នកការទូតជាន់ខ្ពស់របស់ប្រទេសចិន លោក Wang Yi និងលេខាធិការក្រុមប្រឹក្សាសន្តិសុខជាតិរុស្ស៊ី លោក Nikolai Patrushev បានជួបគ្នានៅក្រៅកិច្ចប្រជុំក្រុមប្រទេសមានសេដ្ឋកិច្ចទើបលូតលាស់ឬក្រុមប្រទេស BRICS នៅប្រទេសអាហ្វ្រិកខាងត្បូង។ អំឡុងកិច្ចប្រជុំកាលពីថ្ងៃចន្ទ ក្នុងទីក្រុង Johannesburg លោក Wang បានប្រាប់លោក Patrushev ដែលជាមនុស្សជំនិតជិតបំផុតរបស់ប្រធានាធិបតីលោក Vladimir Putin ថា ប្រទេសចិន មានបំណងពង្រឹងទំនាក់ទំនងជាយុទ្ធសាស្ត្រជាមួយប្រទេសរុស្ស៊ី។ លោក Wang បង្ហើបថា ប្រទេសចិនព្យាយាមបង្កើតសណ្តាប់ធ្នាប់អន្តរជាតិពហុប៉ូល ដើម្បីប្រយុទ្ធប្រឆាំងជាមួយបណ្តាប្រទេសលោកខាងលិច។ លោកនិយាយថា ប្រទេសចិន មានឆន្ទះធ្វើការយ៉ាងជិតស្និទ្ធជាមួយប្រទេសរុស្ស៊ី និងក្រុមប្រទេសBRICS ដ៏ទៃទៀត ដើម្បីការពារផលប្រយោជន៍រួមរបស់ប្រទេសកំពុងអភិវឌ្ឍន៍។ ជាក់ស្តែង ក្នុងស្ថានភាពនៅក្នុងប្រទេសអ៊ុយក្រែន និងការប្រឈមមុខដាក់គ្នាចិន-អាមេរិក លោក Patrushev និយាយថារុស្ស៊ីនិងចិន ប្រឆាំងនឹងផ្នត់គំនិតសង្គ្រាមត្រជាក់ ដែលធ្វើឲ្យមានភាពតានតឹងស្ថានភាពក្នុងតំបន់និងអន្តរជាតិ។ក្រុមអ្នកសង្កេតការណ៍បាននិយាយថា ជំនួបនេះបង្កើតបានជាឱកាសមួយសម្រាប់ប្រទេសចិន និងរុស្ស៊ី ដើម្បីបញ្ជាក់ឡើងវិញថា ពួកគេប្តេជ្ជាចិត្តធ្វើការរួមគ្នា និងបង្ហាញពីសារៈសំខាន់នៃក្របខណ្ឌប្រទេស BRICS ខណៈពួកគេប្រឈមមុខជាមួយសហរដ្ឋអាមេរិក៕

នាយករដ្ឋមន្ត្រីអ៊ីស្រាអែល មានបំណងឲ្យមានកិច្ចព្រមព្រៀងប្រព័ន្ធតុលាការ នៅចុងខែវិច្ឆិកា

ចិន៖ នាយករដ្ឋមន្ត្រីអ៊ីស្រាអែល លោក Benjamin Netanyahu បាននិយាយកាលពីថ្ងៃចន្ទថា លោកសង្ឃឹមថាគណបក្សចម្រុះជាតិនិយមសាសនារបស់លោក នឹងឈានដល់កិច្ចព្រមព្រៀងមួយជាមួយគណបក្សប្រឆាំងលើផែនការផ្លាស់ប្តូរប្រព័ន្ធតុលាការដែលមានការជំទាស់តវ៉ានេះ នៅចុងខែវិច្ឆិកា។សុន្ទរកថាផ្សាយតាមតាមទូស្សន៍ ប៉ុន្មានម៉ោងបន្ទាប់ពីសភាបានអនុម័តច្បាប់ដែលទប់ស្កាត់អំណាចតុលាការកំពូលមួយចំនួន ដែលលោក Netanyahu និយាយថា តុលាការនឹងនៅតែឯករាជ្យ។សភារបស់ប្រទេសអ៊ីស្រាអែល កាលពីព្រឹកថ្ងៃចន្ទ បានអនុម័តច្បាប់ដំបូង នៃការផ្លាស់ប្តូរប្រព័ន្ធតុលាការ ដែលបានស្នើឡើងដោយនាយករដ្ឋមន្ត្រីលោក Benjamin Netanyahu បន្ទាប់ពីកិច្ចប្រឹងប្រែងសម្របសម្រួលកាលពីពេលមុន បានដួលរលំ និងពុំបានធ្វើឲ្យធូរស្រាលវិបត្តិរដ្ឋធម្មនុញ្ញ ដែលធ្វើឲ្យរង្គោះរង្គើរប្រទេសរយៈពេលជាច្រើនខែ។ វិបត្តិបានបណ្តាលឲ្យមានការបែកបាក់ដ៏ជ្រៅនៅក្នុងសង្គមអ៊ីស្រាអែល ដែលបានរំកិលចូលដល់យោធា ដោយមេដឹកនាំការតវ៉ានិយាយថាទាហានបម្រុងស្ម័គ្រចិត្តរាប់ពាន់នាក់ នឹងមិនរាយការណ៍សម្រាប់កាតព្វកិច្ចនោះទេ ប្រសិនបើរដ្ឋាភិបាលបន្តផែនការទាំងនេះ៕

ក្រុមឧទ្ទាម៖រុស្ស៊ីផ្លាស់ប្តូរកងទ័ព និងឧបករណ៍ពីទីក្រុងMelitopol ទៅកាន់តំបន់គ្រីម៉េ

អ៊ុយក្រែន៖ ចលនាគាំទ្រក្រុមប្រដាប់អាវុធ Atesh បានរាយការណ៍នៅលើ Telegram កាលពីថ្ងៃទី២៤ ខែកក្កដាថា យោធារុស្ស៊ី ត្រូវបានគេសង្កេតឃើញថា បានផ្លាស់ប្តូរទីតាំងគ្រឿងយុទ្ធោករណ៍ទៅកាន់តំបន់គ្រីម៉េដែលកាន់កាប់ជាបណ្តោះអាសន្ន ដើម្បីឆ្លើយតបទៅនឹងប្រតិបត្តិការដ៏ជោគជ័យនាពេលថ្មីៗនេះរបស់កងកម្លាំងការពារអ៊ុយក្រែនប្រឆាំងនឹងអ្នកកាន់កាប់នៅទីក្រុងមេលីតូប៉ូល(Melitopol)។ក្រុមភ្នាក់ងារ Atesh បានរាយការណ៍ពីចលនានៃរថយន្តយោធា ត្រាក់ទ័រ និងឧបករណ៍ផ្សេងទៀត ពីទីក្រុងមេលីតូប៉ូល ទៅកាន់តំបន់គ្រីម៉េ។ ជនជាតិរុស្ស៊ី កំពុងបន្តផ្គត់ផ្គង់កងទ័ពរបស់ពួកគេនៅខ្សែត្រៀមជួរ មុខ។ ទោះជាយ៉ាងណាក៏ដោយ ក្រុមប្រដាប់អាវុធ បានកត់សម្គាល់ថា កម្រិតនៃការគាំទ្រនេះ ប្រហែលជាមិនមាននិរន្តរភាពយូរទេ។កាលពីថ្ងៃទី៩ ខែកក្កដា អភិបាលក្រុងមេលីតូប៉ូល លោក Ivan Fedorov បានរាយការណ៍ពីការផ្ទុះដ៏ខ្លាំងក្លាមួយនៅភាគខាងជើងនៃទីក្រុងគ្រប់គ្រងនេះ ដោយបង្ហាញថា មូលដ្ឋានយោធារុស្ស៊ីទំនងជាត្រូវបានកំណត់ជាគោលដៅ។ក្រោយមក លោកFedorov បាននិយាយថា ប្រទេសឈ្លានពានគឺរុស្ស៊ី កំពុងបង្កើនវត្តមានយោធារបស់ខ្លួននៅក្នុងទឹកដីកាន់កាប់បណ្តោះអាសន្ននៃតំបន់ Zaporizhzhya ដើម្បីរក្សាច្រករបៀងដីគោកមួយទៅតំបន់គ្រីម៉េរបស់អ៊ុយក្រែន៕

គ.ជ.ប៖ ការប្រកាសលទ្ធផលបោះឆ្នោតបណ្ដោះអាសន្ន នឹងធ្វើនៅថ្ងៃទី០៥ ខែសីហា

ភ្នំពេញ៖ តាមប្រតិទិននៃការបោះឆ្នោតជ្រើសតាំងតំណាងរាស្រ្ត នីតិកាលទី៧ ឆ្នាំ២០២៣ គណៈកម្មាធិការជាតិរៀបចំការបោះឆ្នោត (គ.ជ.ប) នឹងប្រកាសលទ្ធផលបណ្ដោះអាសន្ន ក្នុងករណីគ្មានការបោះឆ្នោតសាជាថ្មី នៅថ្ងៃទី៥ខែសីហា ខាងមុខនេះ។នេះបើតាមប្រសាសន៍ឯកឧត្តម ហង្ស ពុទ្ធា អ្នកពាក្យគ.ជ.ប បានផ្តល់បទសម្ភាសជាមួយBTVនៅថ្ងៃទី២៥ខែកក្កដានេះ។នៅក្នុងកិច្ចសម្ភាសនោះ ឯកឧត្តម ហង្ស ពុទ្ធា បានបន្តថា បន្ទាប់ពីប្រកាសលទ្ធផលបណ្តោះអាសន្នរួច គ.ជ.ប នឹងទុករយៈពេលមួយចំនួនសម្រាប់គ្រប់ភាគីពាក់ព័ន្ធអាចដាក់ពាក្យប្តឹងទៅគ.ជ.ប ឫក្រុមប្រឹក្សារដ្ឋធម្មនុញ្ញ ប្រសិនបើមាន គ.ជ.ប ឫក្រុមប្រឹក្សារដ្ឋធម្មនុញ្ញនឹងដោះស្រាយតាមនីតិវិធីច្បាប់។ សម្រាប់លទ្ធផលផ្លូវការ ការបែងចែកអាសនៈ និងកំណត់ចំនួនបេក្ខជនជាប់ឆ្នោត (តាមករណីគ្មាន ឫមានបណ្តឹង និងករណីគ្មានការបោះឆ្នោតសាជាថ្មី) នឹងធ្វើឡើងនៅថ្ងៃទី៩ ខែសីហា រហូតដល់ថ្ងៃទី៤ ខែកញ្ញា ឆ្នាំ២០២៣។ លើសពីនេះ ឯកឧត្តមបន្តថា បច្ចុប្បន្ន គ.ជ.ប កំពុងមមាញឹក ទទួល និងបូកតួលេខលទ្ធផលបោះឆ្នោត នៅតាមរាល់ការិយាយល័យទូទាំងប្រទេសកម្ពុជា ដែលបានផ្ញើរមកកាន់គ.ជ.ប។បើតាមគ.ជ.ប ចំនួនអ្នកបានទៅបោះឆ្នោតជ្រើសតាំងតំណាងរាស្រ្ត នីតិកាលទី៧ ឆ្នាំ២០២៣ មានចំនួនសរុប ជាង៨លាននាក់ ស្មើនឹង៨៤.៥៨ភាគរយ នៃប្រជាពលរដ្ឋមានឈ្មោះក្នុងបញ្ជីបោះឆ្នោតជាង ៩លាននាក់។ ផ្អែកតាមលទ្ធផលក្រៅផ្លូវ ការបោះឆ្នោតក្នុងអាណត្តិនេះ គណបក្សប្រជាជនកម្ពុជា ទទួលបាន១២០អាសនៈ និងគណបក្សហ៊្វុនស៊ិនប៉ិចទទួលបាន៥អាសនៈ៕អត្ថបទ៖ទូច សោភ័ណ

គណបក្សនយោបាយមួយចំនួន ប្រកាសគាំទ្រលទ្ធផលបោះឆ្នោតបណ្ដោះអាសន្ន

ភ្នំពេញ៖ បន្ទាប់ពីគណៈកម្មាធិការជាតិរៀចំការបោះឆ្នោត (គ.ជ.ប) បានប្រកាសលទ្ធផលបណ្ដោះអាសន្ន នៃការបោះឆ្នោតជ្រើសតាំងតំណាងរាស្រ្ដ នីតិកាលទី៧ ឆ្នាំ២០២៣ កាលពីថ្ងៃទី ២៣ ខែកក្កដា ឆ្នាំ២០២៣ ដែលប្រជាពលរដ្ឋជាង ៨ លាន ២ សែននាក់បានចេញទៅបោះឆ្នោត ក្នុងនោះគណបក្សប្រជាជនកម្ពុជាទទួលបាន ១២០ អាសនៈ ចំណែកគណបក្សហ៊្វុនស៊ិនប៉ិចទទួលបាន ៥ អាសនៈនៅក្នុងរដ្ឋសភាបណ្ដាគណបក្សមួយចំនួនបានប្រកាសគាំទ្រចំពោះលទ្ធផលនេះ។គណបក្សហ៊្វុនស៊ិនប៉ិចដែលទទួលបាន ៥ អាសនៈនៅក្នុងរដ្ឋសភានៃការបោះឆ្នោតជ្រើសតាំងតំណាងរាស្រ្តនីតិកាលទី៧ ឆ្នាំ២០២៣នេះ គឺទទួលបានការគាំទ្រពីប្រជាពលរដ្ឋក្នុងខេត្តកណ្ដាល កំពង់ចាម កំពង់ធំ ព្រៃវែង និងរាជធានីភ្នំពេញ។ ខណៈដែលគណបក្សនេះ បានចាត់ទុកលទ្ធផលនេះជាការបោះឆ្នោតស្របតាមបែបលទ្ធិប្រជាធិបតេយ្យពេញលេញនៅកម្ពុជា។ លោក ញឿន រ៉ាដែន អ្នកនាំពាក្យគណបក្សហ៊្វុនស៊ិនប៉ិច ថ្លែងប្រាប់ BTV ថា តាមរយៈលទ្ធផលបឋមនេះគណបក្សហ៊្វុនស៊ិនប៉ិច ចាត់ទុកជាសមិទ្ធផលផ្លែផ្កាថ្មីមួយសម្រាប់បក្ស ក្រោមការដឹកនាំរបស់ព្រះអង្គម្ចាស់ នរោត្តម ចក្រាវុធ ដែលបានយាងមកពីប្រទេសបារាំង មកបំពេញកិច្ចការនយោបាយជាង១ឆ្នាំ ជំនួសព្រះបិតា នរោត្តម រណឫទ្ធិ ដែលយាងសោយទិវង្គត កាលពីចុងឆ្នាំ២០២១។ចំណែកលោក គុជ លី ប្រធានគណបក្សខ្មែរតែមួយ បានលើកឡើងថា ក្នុងនាមលោកជាប្រធានគណបក្សបានគត់សម្គាល់ឃើញថា ទាំងការឃោសនាបោះឆ្នោត និងការបោះឆ្នោតជ្រើសតាំងតំណាងរាស្រ្ដនីនីតិកាលទី៧ ឆ្នាំ២០២៣ កាលពីថ្ងៃទី ២៣ ខែកក្កដា ឆ្នាំ ២០២៣ កន្លងទៅនេះ គឺធ្វើឡើងដោយគ្មានអំពើហិង្សាមួយកើតមានឡើងឡើយ ហើយដំណើរការបោះឆ្នោតអាចប្រព្រឹត្តិទៅបានដោយរលូនជាពិសេសការរៀបចំដោយ គ.ជ.ប គឺត្រឹមត្រូវ និងយុត្តិធម៌។សូមជម្រាបថា អត្រាខ្ពស់នៃអ្នកចូលរួមបោះឆ្នោតនៅកម្ពុជា សម្រាប់អាណត្តិទី៧ ឆ្នាំ២០២៣នេះ បានបង្ហាញពីប្រជាធិបតេយ្យដ៏រស់រវើក ខណៈមានអ្នកបោះឆ្នោតជាង ៨,២ លាននាក់ បានប្រើប្រាស់សិទ្ធិ ស្របតាមរដ្ឋធម្មនុញ្ញ ក្នុងការជ្រើសរើសគណបក្សនយោបាយ និងអ្នកដឹកនាំនាពេលអនាគត ដែលពលរដ្ឋជឿថាអាចដឹកនាំប្រទេសជាតិបានប្រសើរបំផុត នៅលើមាគ៌ាសន្តិភាព ស្ថិរភាព និងការអភិវឌ្ឍសង្គម-សេដ្ឋកិច្ច៕អត្ថបទ៖ វ៉ន ដារ៉ា

គណបក្សបោះជំហានទៅមុខ ត្រូវបានប្រាប់កុំឲ្យជ្រៀតជ្រែតក្នុងកិច្ចការរបស់គណបក្សភឿថៃសម្រាប់ការជ្រើសរើសបេក្ខជននាយករដ្ឋមន្ត្រី

ថៃ៖ មេដឹកនាំគណបក្ស សេរី រួមថៃ (Seri Ruam Thai) លោក សេរីពីស៊ុត តេមីយ៉ាវ៉េស(Sereepisuth Temeeyaves) ចេញការព្រមានដល់គណបក្សបោះជំហានទៅមុខ Move Forward Party (MFP) និងបក្សផ្សេងទៀត ក្នុងក្រុមចម្រុះរបស់ខ្លួនកុំឲ្យជ្រៀតជ្រែតកិច្ចខិតខំប្រឹងប្រែងរបស់គណបក្សភឿថៃ (Pheu Thai) ក្នុងការគាំទ្របេក្ខភាពនាយករដ្ឋមន្ត្រីរបស់ខ្លួន។ លោកឧត្តមសេនីយ៍ សេរីពិស៊ុត បាននិយាយថា គណបក្សបោះជំហានទៅមុខ និងគណបក្សចំនួន៦ផ្សេងទៀត ក្នុងសម្ព័ន្ធភាពរបស់ខ្លួន គួរតែបើកផ្លូវឲ្យគណបក្សភឿថៃ ធ្វើកិច្ចការនេះ ដោយនិយាយថា ពេលនេះសិទ្ធិជាអាទិភាពគឺ ត្រូវធានាឲ្យបានបេក្ខភាពរបស់ប្លុកនេះ មានការគាំទ្រដែលក្លាយជានាយករដ្ឋមន្ត្រីបន្ទាប់របស់ប្រទេសថៃ មិនមែនការបង្កើតរដ្ឋាភិបាលទេ ។ គណបក្ស សេរី រួមថៃ គឺជាបក្សមួយក្នុងចំណោមគណបក្សទាំង៨ដែលបានចងសម្ព័ន្ធភាពជាមួយគណបក្សបោះជំហានទៅមុខ MFP។ លោកបាននិយាយថា លោកធ្លាប់បាននិយាយរួចមកហើយថា គណបក្សបោះជំហានទៅមុខ ត្រូវតែលះបង់ លោក ចង់បានន័យថា គណបក្សបោះជំហានទៅមុខ គួរតែបើកផ្លូវ ឲ្យបក្សផ្សេងទៀត រ៉ាប់រងដំណើរការងារនេះ។ លោកថា លោកពុំមែនមានន័យថា គណបក្សបោះជំហានទៅមុខគួរតែធ្វើជាបក្សប្រឆាំងនោះទេ ។ ប្រសនិបើពួកគេមិនជួយមិត្តរបស់ខ្លួន ពួកគេក៏ត្រូវតែឈនៅពីក្រោយខ្នងមិត្តរបស់ខ្លួនដែរ មែនទេ?។ លោកថា ដកខ្លួនចេញ និងទុកឲ្យគណបក្សភឿថៃ ជ្រើសរើសបេក្ខភាពរបស់ខ្លួនដែលបានជ្រើសរើសជានាយករដ្ឋមន្ត្រី ។ ប្រសិនបើបក្សភឿថៃបរាជ័យ អញ្ចឹងគឺស្រេចតែពួកគេទៅ ។ កុំជ្រៀតជ្រែកការខិតខំប្រឹងប្រែងរបស់ពួកគេអី ៕

មន្ត្រីជាន់ខ្ពស់ក្រសួងរតនាគារអាមេរិក នឹងលើកឡើងអំពីកិច្ចព្រមព្រៀងគ្រាប់ធញ្ញជាតិរុស្ស៊ី ក្នុងដំណើរទស្សនកិច្ចទៅកាន់ប្រទេសកេនយ៉ា និងសូម៉ាលី

អាមេរិក៖ អ្នកនាំពាក្យម្នាក់ បាននិយាយកាលពីថ្ងៃចន្ទថា មន្ត្រីជាន់ខ្ពស់នៃក្រសួងរតនាគារសហរដ្ឋអាមេរិក នឹងគូសបញ្ជាក់ពីកិច្ចខិតខំប្រឹងប្រែងរបស់ទីក្រុងវ៉ាស៊ីនតោន ក្នុងការសម្រួលដល់ការនាំចេញគ្រាប់ធញ្ញជាតិ និងជីរបស់រុស្ស៊ី ក្នុងអំឡុងដំណើរទស្សនកិច្ចទៅកាន់ប្រទេសកេនយ៉ា និងសូម៉ាលី ហើយសង្កត់ធ្ងន់ថា ការចាកចេញរបស់ទីក្រុងម៉ូស្គូពីកិច្ចព្រមព្រៀងគ្រាប់ធញ្ញជាតិសមុទ្រខ្មៅ នឹងធ្វើឲ្យប៉ះពាល់ដល់រដ្ឋជាច្រើនរបស់អាហ្វ្រិក។ដំណើរទស្សនកិច្ចក្នុងសប្តាហ៍នេះរបស់លោក Brian Nelson អនុរដ្ឋមន្ត្រីរតនាគារទទួលបន្ទុកស៊ើបអង្កេតភេរវកម្ម និងចារកម្មហិរញ្ញវត្ថុ បានកើតឡើង នៅពេលដែលប្រធានាធិបតីរុស្ស៊ីលោក វ្ល៉ាឌីមៀរ ពូទីន រៀបចំធ្វើជាម្ចាស់ផ្ទះទទួលមេដឹកនាំអាហ្វ្រិកនៅទីក្រុង St. Petersburg នៅថ្ងៃព្រហស្បតិ៍ និងថ្ងៃសុក្រ ហើយសន្យាផ្តល់ឲ្យពួកគេនូវគ្រាប់ធញ្ញជាតិ រុស្ស៊ីដោយគិតថ្លៃ «ដើម្បីជំនួសគ្រាប់ធញ្ញជាតិអ៊ុយក្រែន» ។អ្នកនាំពាក្យក្រសួងរតនាគារ បានបន្ថែមពីលើការដំណើររបស់លោក Nelson ដែលត្រូវបានរាយការណ៍ដំបូងដោយសារព័ត៌មាន Reutersថា គាត់នឹងបញ្ជាក់ពីការលើកលែងទណ្ឌកម្មរបស់សហរដ្ឋអាមេរិក ដែលតែងតែអនុញ្ញាតឲ្យមានការបន្តលំហូរនៃប្រតិបត្តិការម្ហូបអាហារ និងកសិកម្ម»៕

ការបោះឆ្នោតជ្រើសរើសនាយករដ្ឋមន្ត្រីថៃជុំទី២ ប្រឈមនឹងការពន្យារពេល ក្រោយការស្នើពីមន្ត្រីទទួលពាក្យបណ្តឹងពលរដ្ឋរបស់ប្រទេសថៃ

ថៃ៖ ការបោះឆ្នោតនាយករដ្ឋមន្រ្ដីបន្ទាប់ដែលគ្រោងធ្វើនៅថ្ងៃព្រហស្បតិ៍ទី២៧ខែកក្កដាសប្ដាហ៍នេះ អាចនឹងត្រូវបានគេពន្យារពេល បន្ទាប់ពី មន្ត្រីទទួលពាក្យបណ្តឹងពលរដ្ឋរបស់ប្រទេសថៃ(Ombudsman) បានសម្រេចថា ការបោះឆ្នោតគួរតែត្រូវបានផ្អាកដោយរង់ចាំការសម្រេចរបស់តុលាការធម្មនុញ្ញលើការបដិសេធការតែងតាំងបេក្ខជននាយករដ្ឋមន្ត្រីរបស់មេដឹកនាំគណបក្ស បោះជំហានទៅមុខ Move Forward លោក Pita Limjaroenrat។មន្ត្រីទទួលពាក្យបណ្តឹងពលរដ្ឋ កាលពីថ្ងៃច័ន្ទបានស្នើតុលាការធម្មនុញ្ញបញ្ជាឲ្យសភាពន្យារពេលការបោះឆ្នោតនាយករដ្ឋមន្ត្រីបន្ទាប់ និងការសម្រេចលើការតែងតាំងសមាសភាពជាថ្មីរបស់លោក Pita ដែលត្រូវបានច្រានចោល។ លោក គៀរ៉ុប គ្រីធៀរ៉ាណុន្ទ (Keerop Kritteeranont) អគ្គលេខាធិការនៃការិយាល័យទទួលពាក្យបណ្តឹងពលរដ្ឋរបស់ប្រទេសថៃ បាននិយាយថា ពាក្យបណ្តឹងចំនួន ១៧ ត្រូវបានប្តឹងជំទាស់នឹងការសម្រេចរបស់សភា ដែលមិនព្រមតែងតាំងលោក Pita ជាបេក្ខជននាយករដ្ឋមន្ត្រីជាថ្មី និងបានប្រកាសថា ជាការរំលោភសិទ្ធិរដ្ឋធម្មនុញ្ញរបស់ខ្លួន។ លោកបាននិយាយថា បណ្ដឹងទាំងនេះត្រូវបញ្ជូនពីសមាជិកសាធារណៈផង ពីសមាជិកសភាផង ដោយ អ្នកដាក់ពាក្យបណ្ដឹងមួយចំនួន ស្នើឲ្យតុលាការពន្យារពេលបោះឆ្នោតសភាបន្ទាប់ សម្រាប់ការជ្រើសរើស នាយករដ្ឋមន្ត្រី ដោយរង់ចាំការសម្រេចរបស់តុលាការ៕

បណ្ដាញសង្គម

ព័ត៌មានថ្មីៗ

សង្រ្គាមបានលួចពហុកីឡដ្ឋានតំបន់ហ្កាហ្សា ប៉ុន្តែមិនអាចលួចក្តីស្រលាញ់ការប្រកួតបាល់ទាត់បានទេ

ក្រុមមេដឹកនាំ G7ជួបជុំគ្នានៅថ្ងៃចុងក្រោយកិច្ចប្រជុំកំពូលក្នុងប្រទេសបារាំង

មេដឹកនាំ G7ពិភាក្សាលើការគ្រប់គ្រងប្រព័ន្ធ AI ជាមួយប្រធានបច្ចេកវិទ្យា ក្នុងកិច្ចប្រជុំកំពូលនៅបារាំង

លោកប្រធានាធិបតី Aoun និយាយថា លីបង់មាន «ផ្លូវឯករាជ្យ» ក្នុងការចរចាជាមួយអ៊ីស្រាអែល

មេដឹកនាំអាស៊ានធ្វើដំណើរទៅដល់ទីក្រុង Kazan ដើម្បីចូលរួមកិច្ចប្រជុំកំពូលរុស្ស៊ី-អាស៊ាន

បារាំងប្រកាសហាមឃាត់ការប្រើប្រាស់ទូរស័ព្ទដៃ នៅក្នុងសាលាវិទ្យាល័យ ចាប់ពីខែកញ្ញា

លោក Trump ៖ គ្មាននរណាម្នាក់ រួមទាំងលោក Obama មិនអាចបង្កើតកិច្ចព្រមព្រៀងជាមួយអ៊ីរ៉ង់បានទេ

ក្រុមឧទ្ទាមកូឡុំប៊ីស្វាគមន៍កិច្ចប្រជុំជាមួយប្រធានាធិបតីថ្មី តែពួកគេក៏អាចរស់រានពីការវាយប្រហារយោធាដែរ

កោះតៃវ៉ាន់អះអាងថា កេនយ៉ាងរារាំងខ្លួនមិនឲ្យចូលរួមសន្និសីទដោយសារសម្ពាធពីចិន

សំណុំផ្សែងនៅតែបន្តឃើញមាននៅតំបន់ភាគខាងត្បូងលីបង់ បើទោះបីជាមានកិច្ចព្រមព្រៀងអាមេរិក-អ៊ីរ៉ង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ពលរដ្ឋជឿជាក់ថា ជ័យជម្នះបោះឆ្នោតនឹងបានទៅបក្សប្រជាជន ដើម្បីបន្តដឹកនាំប្រទេសបន្តការអភិវឌ្ឍ

ស្លាករបស់ Twitter ចាប់ផ្ដើមទម្លាក់ចុះ នៅទីស្នាក់ការកណ្តាល ដោយប្តូរឡូហ្គោ X ជំនួសវិញ

អ្នកការទូតកំពូលចិន និងប្រធានសន្តិសុខរុស្ស៊ី សន្យាសាមគ្គីភាព

នាយករដ្ឋមន្ត្រីអ៊ីស្រាអែល មានបំណងឲ្យមានកិច្ចព្រមព្រៀងប្រព័ន្ធតុលាការ នៅចុងខែវិច្ឆិកា

ក្រុមឧទ្ទាម៖រុស្ស៊ីផ្លាស់ប្តូរកងទ័ព និងឧបករណ៍ពីទីក្រុងMelitopol ទៅកាន់តំបន់គ្រីម៉េ

គ.ជ.ប៖ ការប្រកាសលទ្ធផលបោះឆ្នោតបណ្ដោះអាសន្ន នឹងធ្វើនៅថ្ងៃទី០៥ ខែសីហា

គណបក្សនយោបាយមួយចំនួន ប្រកាសគាំទ្រលទ្ធផលបោះឆ្នោតបណ្ដោះអាសន្ន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ពលរដ្ឋជឿជាក់ថា ជ័យជម្នះបោះឆ្នោតនឹងបានទៅបក្សប្រជាជន ដើម្បីបន្តដឹកនាំប្រទេសបន្តការអភិវឌ្ឍ

ស្លាករបស់ Twitter ចាប់ផ្ដើមទម្លាក់ចុះ នៅទីស្នាក់ការកណ្តាល ដោយប្តូរឡូហ្គោ X ជំនួសវិញ

អ្នកការទូតកំពូលចិន និងប្រធានសន្តិសុខរុស្ស៊ី សន្យាសាមគ្គីភាព

នាយករដ្ឋមន្ត្រីអ៊ីស្រាអែល មានបំណងឲ្យមានកិច្ចព្រមព្រៀងប្រព័ន្ធតុលាការ នៅចុងខែវិច្ឆិកា

ក្រុមឧទ្ទាម៖រុស្ស៊ីផ្លាស់ប្តូរកងទ័ព និងឧបករណ៍ពីទីក្រុងMelitopol ទៅកាន់តំបន់គ្រីម៉េ

គ.ជ.ប៖ ការប្រកាសលទ្ធផលបោះឆ្នោតបណ្ដោះអាសន្ន នឹងធ្វើនៅថ្ងៃទី០៥ ខែសីហា

គណបក្សនយោបាយមួយចំនួន ប្រកាសគាំទ្រលទ្ធផលបោះឆ្នោតបណ្ដោះអាសន្ន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍