នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី៖គិតត្រឹមខែមេសាឆ្នាំនេះយុវជនមកពីគ្រួសារក្រីក្រ និងងាយរងហានិភ័យចំនួន ២៧,១ម៉ឺននាក់ទទួលបានការបណ្ដុះបណ្ដាលជំនាញវិជ្ជាជីវៈ
សម្ដេ​ចតេជោ ហ៊ុន សែន៖«២០ មិថុនា ១៩៧៧ ជីវិតរបស់ខ្ញុំ និងភរិយាពេលនោះជួបជាមួយគ្រោះថ្នាក់ និងលំបាកវេទនាខ្លាំងណាស់»
សម្តេចតេជោ ហ៊ុន សែន ថ្លែងថា អាវក្រោះ និងសម្ភារយោធាម៉ាក DSS សុទ្ធតែមានគុណភាពហើយអាវការពារនេះនាយករដ្ឋមន្រ្តីបានសាករួចហើយ
សម្ដេចតេជោ ហ៊ុន សែន អញ្ជើញពិនិត្យមើលរោងចក្រ ផលិតសម្ភារៈយោធា DSS និងសំណេះសំណាលជាមួយកម្មករ កម្មការិនី

នយោបាយ​ និង ការអភិវឌ្ឍន៍

អ្នកសង្កេតការណ៍សង្គមស៊ីវិល៖ ការបោះឆ្នោតជាតិមានភាពសេរី យុត្តិធម៌ ត្រឹមត្រូវ ស្របតាមឆន្ទៈពលរដ្ឋ

2023/07/25 11:29:27 am        304
Facebook Telegram Linkin
ភ្នំពេញ៖ បណ្តាអង្គការសង្គមស៊ីវិលដែលបានធ្វើសកម្មភាពសង្កេតការណ៍ ​ឃ្លាំមើលការបោះឆ្នោត បានប្រកាសគាំទ្រ​លទ្ធផលការងារបោះឆ្នោត ការរាប់សន្លឹកឆ្នោត ​និងការប្រកាសលទ្ធផលការ​បោះឆ្នោត​ជ្រើសតាំងតំណាងរាស្ត្រ នីតិកាលទី៧ នៅថ្ងៃទី២៣ ​ខែកក្កដានេះ ខណៈនៅក្នុង​ដំណើរការ​បោះឆ្នោតនោះ គ្រប់ភ្នាក់ងារសង្កេតការណ៍សង្គមស៊ីវិល ​បានពិនិត្យឃើញថា គ.ជ.ប រៀបចំបានត្រឹមត្រូវ សេរី យុត្តិធម៌​ ស្របតាមការចង់បានរបស់ពលរដ្ឋ។បើតាម លោក សាខុន ប៉ូរិន អគ្គលេខាធិការរងសហព័ន្ធនិស្សិតបញ្ញវ័ន្តប្រជាធិបតេយ្យកម្ពុជា ឬហៅថា ក្រុមកែវភ្នែកយុត្តិធម៌ ​បានថ្លែងប្រាប់BTV ​នៅថ្ងៃទី២៥ ខែកក្កដានេះ ថា នៅក្នុងដំណើរការ​បោះឆ្នោតជាតិនេះ ក្រុមកែវភ្នែកយុត្តិធម៌​ បានដាក់ពង្រាយអ្នកសង្កេតការណ៍​បោះឆ្នោត​របស់ខ្លួន​ជិត ២៥០០នាក់ នៅតាមការិយាល័យបោះឆ្នោត ដើម្បីធ្វើសកម្មភាពតាមដាន​មុនពេលបោះឆ្នោត ពេល​បោះឆ្នោត ការរាប់សន្លឹកឆ្នោត ​និងការប្រកាសលទ្ធផល ហើយគ្រប់ភ្នាក់​សង្កេតការណ៍ទាំងអស់​រាយការណ៍ថា​ នៅគ្រប់ដំណាក់កាលការបោះឆ្នោតនោះ​មានដំណើរការរលូនល្អប្រសើរ ត្រឹមត្រូវ យុត្តិធម៌ តម្លាភាព ​ហើយពលរដ្ឋសំរុកទៅបោះឆ្នោតនៅពេលព្រឹកក្នុងទឹកមុខសប្បាយរីករាយ ។បើតាមលោក ទុំប៉ែន នរៈវិទូ ​ប្រធានសមាគមបណ្តាញអង្គការ​សង្គមស៊ីវិលកម្ពុជា ដែលមាន​បណ្តាញរបស់ខ្លួន ​ចំនួន១៦៨អង្គការសមាគម បានធ្វើសកម្មភាពចុះ​តាមដាន​សង្កេតការណ៍​បោះឆ្នោត ​ក៏បានរាយការណ៍ពីភាពត្រឹមត្រូវ និងបានប្រកាសគាំទ្រលទ្ធផលការងាររៀបចំ​ការ​បោះឆ្នោត របស់គណៈកម្មាធិការជាតិរៀបចំការបោះឆ្នោត (គ.ជ.ប) ហើយថា ការរៀបចំដំណើរការ​បោះឆ្នោតនោះ ​គឺធ្វើឡើងស្របតាមឆន្ទៈរបស់ពលរដ្ឋ ​ដែលជាម្ចាស់សំលេងឆ្នោត។សូមបញ្ជាក់ថា នៅក្នុងដំណើរការបោះឆ្នោតជាតិឆ្នាំ២០២៣នេះ គ.ជ.ប ​បាន​ទទួលការសុំសិទ្ធ​អនុញ្ញាត​ចូលរួមសង្កេតការណ៍បោះឆ្នោត​ មកពីខាងអង្គការសង្គមស៊ីវិល​ក្នុងស្រុក ចំនួន ​១៣៤​អង្គការ​សមាគម ​ដែលមានអ្នកសង្កេតការណ៍ជាតិប្រមាណជិត​៩ម៉ឺននាក់ ​បានចូលរួម​ដាក់ក្រុមការងារខ្លួនពង្រាយតាមការិយាល័យបោះឆ្នោតចំនួនជាង​២ម៉ឺនការិយាល័យបោះឆ្នោត និង​មានការចូលរួមសង្កេតការណ៍ពីអ្នកសង្កេតការណ៍អន្តរជាតិជាច្រើនរយនាក់ផងដែរ៕ អត្ថបទ ស៊ុម សុខជា

ឯកឧត្តម ស៊ី ជិនពីង ផ្ញើសារអបអរសាទរជូនសម្តេចតេជោ ហ៊ុន សែន នាឱកាសទទួលបានជ័យជំនះជាថ្មីម្តងទៀតរបស់គណបក្សប្រជាជនកម្ពុជា

2023/07/25 11:16:32 am        242
Facebook Telegram Linkin
ភ្នំពេញ៖ ឯកឧត្តម ស៊ី ជិនពីង ប្រធានាធិបតីចិន ផ្ញើសារអបអរសាទរជូនសម្តេចតេជោ ហ៊ុន សែន ឱកាសទទួលបានជ័យជំនះជាថ្មីម្តងទៀតរបស់គណបក្សប្រជាជនកម្ពុជា ក្នុងការបោះឆ្នោតជ្រើសតាំងតំណាងរាស្រ្ត អាណត្តិទី៧។

នាយករដ្ឋមន្ត្រីចិន ផ្ញើសារអបអរសាទរជូនសម្តេចតេជោ ហ៊ុន សែន នាឱកាសទទួលបានជ័យជំនះជាថ្មីម្តងទៀតរបស់គណបក្សប្រជាជនកម្ពុជា

2023/07/25 11:10:28 am        242
Facebook Telegram Linkin
ភ្នំពេញ៖ ឯកឧត្តម លី ឈាង (Li Qiang) បានលើកឡើងថា «ខ្ញុំសូមចូលរួមអបអរសាទរយ៉ាងកក់ក្ដៅ ចំពោះជ័យ​ជម្នះជាថ្មីម្ដង​ទៀត​របស់​គណបក្ស​ប្រជាជនកម្ពុជា នៅក្នុងការបោះឆ្នោត​ជ្រើសរើស​តំណាង​រាស្ត្រ​នីតិកាលទី៧ ​នៅក្រោមការដឹកនាំ​របស់សម្ដេច នាយករដ្ឋមន្ត្រី។នៅក្រោមការដឹកនាំរបស់សម្ដេច នាយករដ្ឋមន្ត្រី ប្រទេសកម្ពុជា​សម្រេច​បាននូវស្ថិរភាពនយោបាយ សេដ្ឋកិច្ច ការអភិវឌ្ឍ ​ជីវភាពស្ដង់ដារ ​និងកេរ្តិ៍ឈ្មោះនៅក្នុងតំបន់»។លិខិតរបស់ឯកឧត្តមនាយករដ្ឋមន្រ្តី បានបន្តថា «ចិន និងកម្ពុជា​ គឺជាមិត្តពិតប្រាកដ និងជា​បងប្អូន​ល្អដែលទុកចិត្តគ្នាទៅវិញទៅមក ​ដែលរួមគ្នាឆ្ពោះទៅមុខនៅក្នុងការកសាងគុណភាពខ្ពស់ កម្រិតខ្ពស់​ និងស្ដង់ដារខ្ពស់ ​នៃសហគមន៍ចិន-កម្ពុជា ​ជាមួយអនាគតរួម​ក្នុងយុគសម័យថ្មី។ ខ្ញុំបានត្រៀមខ្លួនរួចជាស្រេច ​ដើម្បីធ្វើការជាមួយសម្ដេច ​នាយករដ្ឋមន្ត្រី ដើម្បី ជំរុញឱ្យកាន់តែ​ជិតស្និទ្ធ​លើកិច្ចសហប្រតិបត្តិការគ្រប់វិស័យ»។

កោះតៃវ៉ាន់លុបចោលសមយុទ្ធយោធា ខណៈដែលខ្យល់ព្យុះទីហ្វុងធ្វើដំណើរជិតមកដល់

2023/07/25 11:10:10 am        238
Facebook Telegram Linkin
តៃវ៉ាន់៖ កោះតៃវ៉ាន់ បានលុបចោលផ្នែកខ្លះនៃសមយុទ្ធយោធាប្រចាំឆ្នាំរបស់ខ្លួននៅថ្ងៃអង្គារ (ទី២៥ កក្កដា)នេះ ខណៈដែលអាជ្ញាធរបង្កើនការត្រៀមលក្ខណៈសម្រាប់អ្វីដែលពួកគេនិយាយថា អាចជាខ្យល់ព្យុះទីហ្វុងដ៏អាក្រក់បំផុត ដែលបានវាយប្រហារកោះនេះ ក្នុងរយៈពេលជិត៤ឆ្នាំ។ព្យុះទីហ្វុង គឺជារឿងធម្មតា នៅពេលនេះនៃឆ្នាំនេះ នៅជិតកោះតៃវ៉ាន់ ប៉ុន្តែកោះត្រូពិចនេះ មិនត្រូវបានវាយប្រហារដោយផ្ទាល់ដោយព្យុះទីហ្វុង ចាប់តាំងពីឆ្នាំ២០១៩ ដែលជំរុញឲ្យក្រុមមន្ត្រីមានការប្រុងប្រយ័ត្នខ្ពស់។ក្រុមមន្ត្រីអាកាសធាតុ បាននិយាយថា ព្យុះទីហ្វុងDoksuri ដែលត្រូវបានចាត់ថ្នាក់ជាព្យុះទីហ្វុងកម្លាំងខ្លាំង ប្រភេទទី៤ក្នុងមាត្រដ្ឋានពី១ដល់៥នៃហានិភ័យនៃព្យុះត្រូពិច ត្រូវបានគេរំពឹងថា នឹងធ្វើបោកបក់ចូលផ្លូវទឹក Bashi Channel ដែលខណ្ឌចែកកោះតៃវ៉ាន់ និងហ្វីលីពីនក្នុងទិសដៅភាគពាយព្យឈៀងខាងលិច ហើយខិតទៅជិតដែនទឹកនៃឆ្នេរសមុទ្រភាគខាងត្បូងរបស់កោះនេះ មុនពេលបោកបក់ចូលដល់ដីគោកនៅក្នុងប្រទេសចិនភាគខាងត្បូង។ក្រសួងការពារជាតិរបស់តៃវ៉ាន់ បានលុបចោលផ្នែកខ្លះនៃសមយុទ្ធ Han Kuang ប្រចាំឆ្នាំដ៏សំខាន់ដែលគ្រោងធ្វើនៅថ្ងៃអង្គារ ដោយលើកឡើងពីការព្រួយបារម្ភអំពីសុវត្ថិភាពនិងតម្រូវការក្នុងការរៀបចំសម្រាប់ព្យុះនាពេលខាងមុខ។ការិយាល័យអាកាសធាតុរបស់កោះតៃវ៉ាន់ បានចេញការព្រមានតាមសមុទ្រ ហើយបាននិយាយថា ខ្លួននឹងចេញការព្រមាននៅលើដីគោកសម្រាប់តំបន់ភាគខាងត្បូងរបស់ខ្លួននៅល្ងាចថ្ងៃអង្គារ ដោយជំរុញឲ្យប្រជាជននៅទីនោះ ត្រៀមខ្លួនសម្រាប់ពេលភ្លៀងធ្លាក់ខ្លាំង និងខ្យល់បក់បោកខ្លាំង។

សារព័ត៌មាន៖ ដីកាចាប់ខ្លួនថ្មី ត្រូវបានធ្វើឡើងសម្រាប់អតីតនាយករដ្ឋមន្ត្រីប៉ាគីស្ថាន លោក Imran Khan

2023/07/25 10:57:15 am        259
Facebook Telegram Linkin
ប៉ាគីស្ថាន៖ ប្រព័ន្ធផ្សព្វផ្សាយព័ត៌មាន Geo news បានរាយការណ៍ កាលពីថ្ងៃចន្ទ (ទី២៤ ខែកក្កដា) ថា គណៈកម្មាធិការរៀបចំការបោះឆ្នោតរបស់ប្រទេសប៉ាគីស្ថាន បានចេញដីកាចាប់ខ្លួនអតីតនាយករដ្ឋមន្ត្រី លោក Imran Khan ដោយការសម្រេចចុងក្រោយបង្អស់នេះ នឹងធ្វើឲ្យអ្នកនយោបាយក្លាយពីកីឡាករគ្រិកឃីតរូបនេះប្រឈមនឹងឧបសគ្គផ្លូវច្បាប់ជាបន្តបន្ទាប់។លោក Khan ត្រូវបានចាប់ខ្លួនកាលពីខែឧសភា ដោយអាជ្ញាធរប៉ាគីស្ថាន ពាក់ព័ន្ធនឹងករណីពុករលួយ ដែលការចាប់ខ្លួននោះ បានបង្កឲ្យមានចលាចលដែលបណ្ដាលឲ្យមានមនុស្សបាត់បង់ជីវិត នៅទូទាំងប្រទេស។ រូបលោកត្រូវបានដោះលែងឲ្យនៅក្រៅឃុំក្នុងរង្វង់ប៉ុន្មានថ្ងៃ។ភ្លាមៗ គេមិនទាន់ដឹងច្បាស់ទេថា តើការចោទប្រកាន់អ្វីទាក់ទងនឹងបញ្ជារបស់គណៈកម្មាធិការរៀបចំការបោះឆ្នោត ហើយថា តើនគរបាលនឹងចាត់ការតាមដីកា ឬយ៉ាងណា។ លោក Khan បានប្រឈមនឹងការចោទប្រកាន់ជាច្រើនករណីនៅក្នុងស្ថាប័នផ្សេងៗគ្នា និងតុលាការ គិតចាប់តាំងពីលោកត្រូវបានទម្លាក់ចេញពីអំណាច ដោយក្នុងនោះរួមទាំងបទចោទប្រកាន់អំពើពុករលួយ ឃាតកម្ម និងការបង្កចលចលផងដែរ។ ពាក់ព័ន្ធនឹងប្រភពដែលដឹងពីករណីនេះ ប្រព័ន្ធផ្សព្វផ្សាយ Geo News មិនបានបង្ហាញអត្តសញ្ញាណឲ្យដឹងនោះឡើយ។ករណីចុងក្រោយបំផុតនេះ បានកើតឡើងកាលពីសប្តាហ៍មុន នៅពេលដែលរដ្ឋមន្ត្រីមហាផ្ទៃប៉ាគីស្ថាន បាននិយាយថា រដ្ឋាភិបាលនឹងបើកដំណើរការនីតិវិធីព្រហ្មទណ្ឌប្រឆាំងនឹងលោក Khan លើការចោទប្រកាន់ពីបទលាតត្រដាងអាថ៌កំបាំងផ្លូវការ ទាក់ទងនឹងការឆ្លើយឆ្លងការទូត រវាងទីក្រុងវ៉ាស៊ីនតោន និងទីក្រុងអ៊ីស្លាម៉ាបាដ៕

កូរ៉េខាងជើង បាញ់មីស៊ីល២គ្រាប់បន្ថែមទៀត បន្ទាប់ពីនាវាមុជទឹកអាមេរិកទៅដល់កូរ៉េខាងត្បូង

2023/07/25 10:43:02 am        300
Facebook Telegram Linkin
កូរ៉េខាងជើង៖ កូរ៉េខាងត្បូងនិយាយថា កូរ៉េខាងជើងបានបាញ់មីស៊ីលបាលីស្ទីក២គ្រាប់ចូលសមុទ្រក្បែរតំបន់ឆ្នេរសមុទ្ររបស់ខ្លួនកាលពីល្ងាចថ្ងៃចន្ទ ប៉ុន្មានម៉ោង បន្ទាប់ពីនាវាមុជទឹកបំពាក់ដោយនុយក្លេអ៊ែររបស់អាមេរិក បានទៅដល់មូលដ្ឋានអង្គភាពកងទ័ពជើងទឹកក្នុងប្រទេសកូរ៉េខាងត្បូង។  កូរ៉េខាងជើង បានបញ្ចេញប្រតិកម្មយ៉ាងខ្លាំងក្លា ដោយនិយាយថាការដាក់ពង្រាយនាវានេះ អាចជួបប្រទះការឆ្លើយតបយ៉ាងធ្ងន់ធ្ងរដោយការប្រើអាវុធនុយក្លេអ៊ែររបស់ខ្លួន។  នាយសេនាធិការចម្រុះកូរ៉េខាងត្បូង បាននិយាយថា ក្នុងការបាញ់លើកទី៣ ចាប់តាំងពីសប្ដាហ៍មុន កូរ៉េខាងជើង បានបាញ់មីស៊ីលជាបន្តបន្ទាប់កាលពីយប់ថ្ងៃចន្ទ ពីម៉ោង១១និង៥៥នាទីយប់ រហូតដល់យប់ជ្រៅ ពីតំបន់មួយជិតរដ្ឋធានី ព្យុងយ៉ាង របស់ខ្លួន។  ប្រភពខាងលើនិយាយថា មីស៊ីលទាំង២គ្រាប់បានហោះជាង៤០០គីឡូម៉ែត្រ មុនពេលធ្លាក់ក្នុងដែនទឹកក្បែរឆ្នេរភាគខាងកើតរបស់ឧបទ្វីបកូរ៉េ ។  ក្រសួងការពារជាតិជប៉ុនក៏បានរាយការណ៍ផងដែរពីការបាញ់នេះជាអ្វីដែលខ្លួននិយាយថាជាមីស៊ីលបាលីស្ទីកចំនួន២គ្រាប់ដែលបាញ់ដោយកូរ៉េខាងជើង ហើយមីស៊ីលទាំង២គ្រាប់នោះ បានធ្លាក់នៅក្រៅតំបន់សេដ្ឋកិច្ចផ្ដាច់មុខរបស់ខ្លួន។  យោធាកូរ៉េខាងត្បូង បានហៅការបាញ់មីស៊ីលរបស់កូរ៉េខាងជើងថាជាការបង្ករឿងដ៏ធ្ងន់ធ្ងរ ដែលគំរាមកំហែងដល់ស្ថិរភាពនិងសន្តិភាពក្នុងតំបន់។  នៅថ្ងៃអង្គារទី២៥កក្កដានេះដែរ លោកនាយករដ្ឋមន្ត្រី ជប៉ុន ហ្វូមីអូ គីហ្ស៊ីដា (Fumio Kishida ) បានថ្កោលទោសទង្វើនេះ ៕

អាមេរិកប្តឹងរដ្ឋតិចសាស់ ជុំវិញរបាំងនៅព្រំដែនបណ្តែតទឹក

2023/07/25 10:39:09 am        253
Facebook Telegram Linkin
អាមេរិក៖ ក្រសួងយុត្តិធម៌សហរដ្ឋអាមេរិក កាលពីថ្ងៃចន្ទ បានប្តឹងរដ្ឋតិចសាស់ ជុំវិញរបាំងបណ្តែតទឹក ដែលដំឡើងដោយរដ្ឋនេះ នៅលើដងទន្លេ Rio Grande ដើម្បីរារាំងជនអន្តោប្រវេសន៍ដែលឆ្លងកាត់មកពីប្រទេសម៉ិកស៊ិក។ អាជ្ញាធររដ្ឋតិចសាស់ បានចាប់ផ្តើមដំឡើងខ្សែពោងបណ្តែតទឹក នៅកណ្តាលទន្លេ នៅជិតទីក្រុង Eagle Pass រដ្ឋតិចសាស់កាលពីចុងសប្តាហ៍ជាផ្នែកនៃគំនិតផ្តួចផ្តើមរបស់អភិបាលរដ្ឋនេះ លោក Greg Abbott អភិបាលរដ្ឋគណបក្សសាធារណៈរដ្ឋ នៅរដ្ឋតិចសាស់ ដែលបង្កើតជាប្រតិបត្តិការដាច់តែឯង ដើម្បីរារាំងជនអន្តោប្រវេសន៍។ យោងតាមបណ្តឹងនៅតុលាការបានឲ្យដឹងថា ពាក្យបណ្តឹងដែលត្រូវបានដាក់ទៅកាន់តុលាការតំបន់ក្នុងសហរដ្ឋអាមេរិក នៅតំបន់ភាគខាងលិចរដ្ឋតិចសាស់ ព្យាយាមដកចេញរចនាសម្ព័ន្ធនិងការររាំង រួមទាំងរបាំងបណ្តែតទឹក និងហេដ្ឋារចាសម្ព័ន្ធទាក់ទងទៅនឹងរបាំងបណ្តែតទឹក នៅលើទន្លេ Rio Grande ។ក្នុងប៉ុន្មានខែថ្មីៗនេះ កងកម្លាំងឆ្មាំជាតិ បានពង្រាយខ្សែបន្លាលួស ដើម្បីរារាំងជនអន្តោប្រវេសន៍មិនឲ្យឆ្លងកាត់ទន្លេ Rio Grande ។ ចំនួនជនអន្តោប្រវេសន៍ដែលចាប់បានឆ្លងកាត់នៅព្រំដែនម៉ិកស៊ិក-អាមេរិក ដោយខុសច្បាប់ បានធ្លាក់ចុះ ចាប់តាំងពីលោក Biden បានអនុវត្តគោលនយោបាយសុំសិទ្ធិជ្រកកោនថ្មី ដែលមានការរឹតត្បិត កាលពីខែឧសភា។ ទោះជាយ៉ាងណា មនុស្ស១សែននាក់ ត្រូវបានឃុំខ្លួន កាលពីខែមិថុនា៕

អាមេរិកជំរុញប្រទេសហ្គាតេម៉ាឡាឲ្យធានាកុំឲ្យមានការជ្រៀតជ្រែកក្នុងការបោះឆ្នោតក្រោយមានការវាយឆ្មក់

2023/07/25 10:35:31 am        257
Facebook Telegram Linkin
អាមេរិក៖ មន្ត្រីជាន់ខ្ពស់នៃក្រសួងការបរទេសអាមេរិក លោក Brian Nichols បាននិយាយកាលពីថ្ងៃចន្ទ (ទី២៤ ខែកក្កដា)ថា លោកបាននិយាយជាមួយរដ្ឋមន្ត្រីការបរទេសហ្គាតេម៉ាឡា លោក Mario Bucaro ដើម្បីសង្កត់ធ្ងន់លើភាពចាំបាច់ក្នុងការរៀបចំការបោះឆ្នោត ដោយសេរី និងយុត្តិធម៌ ក្នុងការបោះឆ្នោតប្រធានាធិបតីរបស់ប្រទេសអាមេរិកកណ្តាលមួយនេះ នៅខែក្រោយ។លោក Nichols បាននិយាយនៅលើធ្វីធើថា លោកបានគូសបញ្ជាក់ពីតម្រូវការ ដើម្បីបន្តដោយគ្មានការជ្រៀតជ្រែកឬការយាយីលើបេក្ខជន និងគណបក្ស បន្ទាប់ពីការប៉ុនប៉ងដើម្បីព្យួរគណបក្សរបស់បេក្ខជនប្រឆាំងអំពើពុករលួយ លោក Bernardo Arevalo។សហរដ្ឋអាមេរិក បានរិះគន់ការវាយឆ្មក់របស់នគរបាលទៅលើការិយាល័យនៃគណបក្ស Semilla ឆ្វេងនិយមកណ្តាលរបស់លោក Arevalo កាលពីថ្ងៃសុក្រ។មន្ត្រីជាន់ខ្ពស់ម្នាក់នៃរដ្ឋបាលលោកបៃដិនកាលពីសប្តាហ៍មុន បានពណ៌នាការវាយឆ្មក់នោះថា តំណាងឲ្យ «ការអនុវត្តផ្តាច់ការ»និងការរំលោភលើបទដ្ឋានប្រជាធិបតេយ្យដោយក្រសួងសាធារណៈរបស់ប្រទេសហ្គាតេម៉ាឡា។មន្ត្រីរូបនេះ បានបន្ថែមថា សហរដ្ឋអាមេរិកកំពុងតាមដានយ៉ាងដិតដល់នូវការប្រកួតប្រជែងក្នុងការបោះឆ្នោត ហើយនឹងធ្វើជាម្ចាស់ផ្ទះទទួលលោកArevalo និងគូប្រជែងរបស់គាត់ គឺអតីតស្ត្រីទី១ លោកស្រី Sandra Torres សម្រាប់កិច្ចពិភាក្សានៅទីក្រុងវ៉ាស៊ីនតោនក្នុងសប្តាហ៍នេះ ដើម្បីបង្ហាញការគាំទ្រដល់ការបោះឆ្នោតដោយសេរី និងយុត្តិធម៌៕

រុស្ស៊ី គំរាមសងសឹកក្រោយយានដ្រូនអ៊ុយក្រែនវាយប្រហារជិតទីបញ្ជាការកងទ័ពក្នុងក្រុងម៉ូស្គូ

2023/07/25 10:21:19 am        302
Facebook Telegram Linkin
រុស្ស៊ី៖ នៅក្នុងឧបទ្ទវហេតុថ្មីៗនេះ យានដ្រូន២គ្រឿងបានបង្កការខូចខាតដល់អគារមួយចំនួនក្នុងទីក្រុងម៉ូស្គូ (Moscow) រួមទាំងអគារមួយនៅជិតទីបញ្ជាការរបស់ក្រសួងការពារជាតិ ។ ប្រទេសរុស្ស៊ី បានចាត់ទុកជាទង្វើភេរវកម្ម និងបានគំរាមចាត់វិធានការដាក់ទោសយ៉ាងស័ក្ដិសមលើអ៊ុយក្រែនជាការសងសឹក។ ការវាយប្រហារនេះ គឺជាសកម្មភាពធ្ងន់ធ្ងរ ខណៈយានដ្រូនមួយគ្រឿងក្នុងចំណោមយានដ្រូនទាំងនោះ បានវាយប្រហារអគារជិតអគារមូលដ្ឋានក្រសួងការពារជាតិក្រុងម៉ូស្គូ ជាទីតាំងសម្រាប់យោធារុស្ស៊ីផ្ដល់របាយការណ៍អំពីប្រតិបត្តិការសឹកពិសេសរបស់ខ្លួន។  ឧបទ្ទវហេតុនេះ បានបង្ហាញពីការឈានដល់ និងការប៉ះពាល់ធ្ងន់ធ្ងរបណ្ដាលមកពីយានដ្រូន ទោះបីជាគ្មានសេចក្ដីរាយការណ៍ពីមនុស្សស្លាប់ ឬរងរបួសក៏ដោយ ។ មន្ត្រីជាន់ខ្ពស់អ៊ុយក្រែនមួយរូប បានបង្ហាញថា ការវាយប្រហារដោយយានដ្រូនទាំងនេះ នឹងបន្ត ដែលជាការបង្កើនភាពតានតឹងកាន់តែខ្លាំងថែមទៀត រវាងប្រទេសទាំង២។  សង្រ្គាមរវាងរុស្ស៊ីនិងអ៊ុយក្រែន នៅតែបន្ត ដោយភាគីទាំង២ ធ្លាក់ចូលក្នុងអរិភាពកាន់តែខ្លាំង ។ ជម្លោះនេះ បានបណ្ដាល មនុស្សស្លាប់ និងរបួស និងខូចខាចហេដ្ឋារចនាសម្ព័ន្ធ។ខណៈស្ថានភាពយ៉ាប់យ៉ឺនកាន់តែខ្លាំង គេមិនច្បាស់ថាប្រទេសទាំងពីរនឹងបន្តដំណើរការយ៉ាងដូចម្តេចនោះទេ។ ការប្រើប្រាស់យានដ្រូនក្នុងសមរភូមិ បានក្លាយទៅជាកង្វល់ដ៏ធំមួយ ដោយសារបានផ្តល់នូវទិដ្ឋភាពថ្មីដល់យុទ្ធសាស្ត្រយោធា។ ទាំងរុស្ស៊ី ទាំងអ៊ុយក្រែន ទំនងជានឹងបន្តរិះរកយុទ្ធសាស្ត្រ និងវិធានការវាយបក ដើម្បីដោះស្រាយប្រកបដោយប្រសិទ្ធភាព និងការគំរាមកំហែងដែលនៅតែបន្ត៕

ការតវ៉ាធ្វើឲ្យកក្រើកប្រទេសអ៊ីស្រាអែល ក្រោយការអនុម័តច្បាប់ទប់ស្កាត់អំណាចតុលាការកំពូល

2023/07/25 10:16:51 am        288
Facebook Telegram Linkin
អ៊ីស្រាអែល៖ សភាអ៊ីស្រាអែលកាលពីថ្ងៃចន្ទបានអនុម័តសេចក្តីស្នើច្បាប់លើកដំបូងនៃកំណែទម្រង់ប្រព័ន្ធតុលាការបង្កើតឡើងដោយលោកនាយករដ្ឋមន្ត្រី Benjamin Netanyahu បន្ទាប់ពីកិច្ចខិតខំប្រឹងប្រែងដែលត្រូវបានសម្របសម្រួលដ៏ចម្រូងចម្រាសចុងក្រោយ បានដួលរលំ និងបរាជ័យក្នុងការបន្ធូរបន្ថយវិបត្តិរដ្ឋធម្មនុញ្ញ ដែលបានធ្វើឲ្យប្រជាពលរដ្ឋផ្ទុះកំហឹងរយៈពេលជាច្រើនខែមកនេះ ហើយក្រុមអ្នកតវ៉ានៅតែបន្តបេ្ដជ្ញាប្រឆាំងនឹងច្បាប់នេះ។  វិសោធនកម្មនេះ រឹតត្បិតអំណាចរបស់តុលាការកំពូលក្នុងការចាត់ទុកជាមោឃភាពនូវការសម្រេចចិត្តមួយចំនួន របស់រដ្ឋាភិបាល ប្រសិនបើចាត់ទុកថាសេចក្ដីសម្រេចទាំងនោះ "មិនសមហេតុផល" ដែលបានអនុម័តដោយសម្លេងគាំទ្រ ៦៤ ទល់នឹង ០ បន្ទាប់ពីសមាជិកសភារបស់គណបក្សប្រឆាំងបានបោះបង់ចោលសម័យប្រជុំ ជាការតវ៉ាបង្ហាញការមិនពេញចិត្ត ដោយខ្លះបានស្រែកថា"ភាពអាម៉ាស់!"។  បាតុកម្មប្រឆាំងនឹងវិសោធនកម្មនេះ បានចាប់ផ្តើមនៅព្រឹកព្រលឹម ដោយនគរបាលបានអូសក្រុមបាតុករ ដែលបានដាក់ច្រវាក់ខ្លួនឯងទៅកាន់ប៉ុស្តិ៍នគរបាល និងបិទផ្លូវនៅខាងក្រៅសភា។ នៅពេលល្ងាច មនុស្សរាប់ពាន់នាក់បានចេញតវ៉ាតាមផ្លូវទូទាំងប្រទេស ដោយបិទផ្លូវហាយវ៉េនិងប៉ះទង្គិចជាមួយនគរបាល។នគរបាលអ៊ីស្រាអែលនិយាយថា មនុស្ស១៩នាក់ ត្រូវបានចាប់ខ្លួនកាលពីថ្ងៃចន្ទ។ប៉ុន្តែរដ្ឋាភិបាលបានប្រកាន់ខ្ជាប់ជំហរការធ្វើកំណែទម្រង់នេះ។ រដ្ឋមន្ត្រីក្រសួងយុត្តិធម៌ លោកយ៉ារីវ ឡេវីន (Yariv Levin) ដែលជានិម្មាបនករនៃកញ្ចប់នីតិបញ្ញត្តិ ស្នើឡើងដោយលោក Netanyahu ជាការតម្រូវដ៏ចាំបាច់ក្នុងការបង្កើតតុល្យភាពបន្ថែមទៀតក្នុងចំណោមអង្គតុល្យភាពអំណាចនៃរដ្ឋាភិបាល បានហៅការបោះឆ្នោត កាលពីថ្ងៃចន្ទថាជា "ជំហានដំបូង" ។ ក្រុមអ្នករិះគន់និយាយថាការផ្លាស់ប្តូរនេះនឹងបើកទ្វារឲ្យមានការរំលោភបំពានអំណាចដោយដកចេញការត្រួតពិនិត្យតុល្យភាពប្រកបដោយប្រសិទ្ធភាពលើសិទ្ធិអំណាចនិតិប្រតិបត្តិ។ ការផ្លាស់ប្តូរដែលបានគ្រោងទុកបានបណ្តាលឲ្យមានការតវ៉ាទូទាំងប្រទេសដែលមិនធ្លាប់មានជាច្រើនខែ ហើយបានធ្វើឲ្យមានការព្រួយបារម្ភក្នុងចំណោមសម្ព័ន្ធមិត្តនៅបរទេសចំពោះសុខភាពលទ្ធិប្រជាធិបតេយ្យរបស់អ៊ីស្រាអែល៕

បណ្ដាញសង្គម

ព័ត៌មានថ្មីៗ

សង្រ្គាមបានលួចពហុកីឡដ្ឋានតំបន់ហ្កាហ្សា ប៉ុន្តែមិនអាចលួចក្តីស្រលាញ់ការប្រកួតបាល់ទាត់បានទេ
06/17/2026 09:06 PM
Facebook Telegram Linkin
ក្រុមមេដឹកនាំ G7ជួបជុំគ្នានៅថ្ងៃចុងក្រោយកិច្ចប្រជុំកំពូលក្នុងប្រទេសបារាំង
06/17/2026 09:06 PM
Facebook Telegram Linkin
មេដឹកនាំ G7ពិភាក្សាលើការគ្រប់គ្រងប្រព័ន្ធ AI ជាមួយប្រធានបច្ចេកវិទ្យា ក្នុងកិច្ចប្រជុំកំពូលនៅបារាំង
06/17/2026 08:06 PM
Facebook Telegram Linkin
លោក​ប្រធានាធិបតី Aoun និយាយថា លីបង់មាន «ផ្លូវឯករាជ្យ» ក្នុងការចរចាជាមួយ​អ៊ីស្រាអែល
06/17/2026 08:06 PM
Facebook Telegram Linkin
មេដឹកនាំអាស៊ានធ្វើដំណើរទៅដល់ទីក្រុង Kazan ដើម្បីចូលរួមកិច្ចប្រជុំកំពូលរុស្ស៊ី-អាស៊ាន
06/17/2026 08:06 PM
Facebook Telegram Linkin
បារាំងប្រកាសហាមឃាត់ការប្រើប្រាស់ទូរស័ព្ទដៃ នៅក្នុងសាលាវិទ្យាល័យ ចាប់ពីខែកញ្ញា
06/17/2026 08:06 PM
Facebook Telegram Linkin
លោក Trump ៖ គ្មាននរណាម្នាក់ រួមទាំងលោក Obama មិនអាចបង្កើតកិច្ចព្រមព្រៀងជាមួយអ៊ីរ៉ង់បានទេ
06/17/2026 08:06 PM
Facebook Telegram Linkin
ក្រុមឧទ្ទាមកូឡុំប៊ីស្វាគមន៍កិច្ចប្រជុំជាមួយប្រធានាធិបតីថ្មី តែពួកគេក៏អាចរស់រានពីការវាយប្រហារយោធាដែរ
06/17/2026 08:06 PM
Facebook Telegram Linkin
កោះតៃវ៉ាន់អះអាងថា កេនយ៉ាងរារាំងខ្លួនមិនឲ្យចូលរួមសន្និសីទដោយសារសម្ពាធពីចិន
06/17/2026 08:06 PM
Facebook Telegram Linkin
សំណុំផ្សែងនៅតែបន្តឃើញមាននៅតំបន់ភាគខាងត្បូងលីបង់ បើទោះបីជាមានកិច្ចព្រមព្រៀងអាមេរិក-អ៊ីរ៉ង់
06/17/2026 08:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.