នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី៖គិតត្រឹមខែមេសាឆ្នាំនេះយុវជនមកពីគ្រួសារក្រីក្រ និងងាយរងហានិភ័យចំនួន ២៧,១ម៉ឺននាក់ទទួលបានការបណ្ដុះបណ្ដាលជំនាញវិជ្ជាជីវៈ
សម្ដេ​ចតេជោ ហ៊ុន សែន៖«២០ មិថុនា ១៩៧៧ ជីវិតរបស់ខ្ញុំ និងភរិយាពេលនោះជួបជាមួយគ្រោះថ្នាក់ និងលំបាកវេទនាខ្លាំងណាស់»
សម្តេចតេជោ ហ៊ុន សែន ថ្លែងថា អាវក្រោះ និងសម្ភារយោធាម៉ាក DSS សុទ្ធតែមានគុណភាពហើយអាវការពារនេះនាយករដ្ឋមន្រ្តីបានសាករួចហើយ
សម្ដេចតេជោ ហ៊ុន សែន អញ្ជើញពិនិត្យមើលរោងចក្រ ផលិតសម្ភារៈយោធា DSS និងសំណេះសំណាលជាមួយកម្មករ កម្មការិនី

នយោបាយ​ និង ការអភិវឌ្ឍន៍

ឯកឧត្តម ម៉ម ប៊ុនហេង ចុះពន្យល់អំពីគោលនយោបាយ និងបង្រៀនគូសសន្លឹកឆ្នោត ដល់ពលរដ្ឋសង្កាត់គោកឃ្លាង

2023/07/20 11:54:36 am        122
Facebook Telegram Linkin
ភ្នំពេញ៖ ឯកឧត្តម ម៉ម ប៊ុនហេង សមាជិកគណៈកម្មាធិការកណ្ដាលគណបក្សប្រជាជនកម្ពុជា និងជាប្រធានក្រុមការងារគណបក្សប្រជាជនកម្ពុជា​ ចុះមូលដ្ឋានខណ្ឌសែនសុខ អមដំណើរដោយ​លោកជំទាវ យក់ សម្បតិ្ត និងឯកឧត្តម សាផុន វឌ្ឍនៈ នៅព្រឹកថ្ងៃទី២០ ខែកក្កដា ឆ្នាំ២០២៣នេះ បានដឹកនាំសមាជិក សមាជិកា ចុះពន្យល់អំពីគោលនយោបាយ និងបង្រៀនគូសសន្លឹកឆ្នោត ជូនដល់បងប្អូនប្រជាពលរដ្ឋ នៅតាមខ្នងផ្ទះ និងអាជីវករលក់ដូរតាមផ្ទះ ក្នុងសង្កាត់គោកឃ្លាង ខណ្ឌសែនសុខ។ក្នុងថ្ងៃទី២០នៃយុទ្ធនាការឃោសនាបោះឆ្នោតជ្រើសតាំងតំណាងរាស្រ្ត នីតិកាលទី៧ ឆ្នាំ២០២៣ ឯកឧត្តម ម៉ម ប៊ុនហេង បានជួបសំណេះសំណាលសួរទុក្ខបងប្អូនប្រជាពលរដ្ឋ ព្រមទាំងពន្យល់​អំពីគោលនយោបាយរបស់គណបក្សប្រជាជនកម្ពុជា ទាំង៨ចំណុចដើម្បីការពារ និងលើកស្ទួយផល​ប្រយោជន៍របស់ប្រជាជន។ ទន្ទឹមនឹងនោះ ក៏សូមអំពាវនាវដល់បងប្អូនប្រជាពលរដ្ឋទាំងអស់ អញ្ជើញទៅបោះឆ្នោតឲ្យបាន​គ្រប់ៗគ្នា នាថ្ងៃទី២៣ ខែកក្កដា ឆ្នាំ២០២៣ខាងមុខនេះ ពិសេសបោះឆ្នោតជូនគណបក្ស​ប្រជាជន​កម្ពុជា ដែលមានលេខរៀងទី១៨ ព្រោះសំឡេងឆ្នោតរស់បងប្អូន​ប្រជាពលរដ្ឋម្នាក់ៗ ជាអ្នកសម្រេចនូវជោគវាសនាខ្លួនយើងផ្ទាល់ ក្រុមគ្រួសារ និងប្រទេសជាតិ។ចំណែកបងប្អូនប្រជាពលរដ្ឋ និងអាជីវករលក់ដូរតាមផ្ទះ រស់នៅក្នុងភូមិគោកឃ្លាង បានទទួលស្វាគមន៍ឯកឧត្តម ម៉ម ប៊ុនហេង រួមនឹងក្រុមការងារ ដែលបានអញ្ជើញមកផ្ទាល់ ពិសេសបងប្អូនប្រជាពលរដ្ឋ ក៏បានរៀបចំឯកសារពាក់ព័ន្ធសម្រាប់ប្រើប្រាស់ក្នុងពេលបោះឆ្នោត នាថ្ងៃទី២៣ ខែកក្កដា ឆ្នាំ២០២៣ខាងមុខនេះ ​ដើម្បីទៅបោះឆ្នោតជូនគណបក្សប្រជាជនកម្ពុជា នៅ​លេខរៀងទី១៨ ព្រោះសន្លឹកឆ្នោតរបស់គាត់មួយសន្លឹក ​មានសារសំខាន់ខ្លាំងណាស់ កុំបោះបង់ចោល ត្រូវតែរួបរួមគ្នាបោះឆ្នោតជូនសម្តេចតេជោ ហ៊ុន សែន ជាដាច់ខាត។នាឱកាសនោះក្នុងនាមគណបក្សប្រជាជនកម្ពុជា ឯកឧត្តម ម៉ម ប៊ុនហេង សូមសម្តែងការគោរព​ដឹងគុណយ៉ាងជ្រាលជ្រៅបំផុត ជូនបងប្អូនជនរួមជាតិ នៅគ្រប់ទិសទីដែលបានផ្តល់ការគាំទ្រពេញ​ទំហឹង​ចំពោះការដឹកនាំរបស់គណបក្សប្រជាជនកម្ពុជា​ នៅគ្រប់កាលៈទេសៈ ធ្វើឲ្យសម្រេចបាន​ជោគជ័យ​ដ៏ត្រចះត្រចង់ ក្នុងការបម្រើប្រទេសជាតិ តាំងពីដំណាក់កាល សង្រ្គោះជាតិ ពីរបបប្រល័យពូជសាសន៍រហូតមកដល់បច្ចុប្បន្ន។ ជាក់ស្តែងសកម្មភាពថ្ងៃនេះ ក្រុមការងារនៅបន្តធ្វើចុះទៅតាមខ្នងផ្ទះ ទីសាធារណៈ និងអប់រំផ្សព្វផ្សាយអំពីគោល​នយោបាយបក្ស និងបង្រៀនគូសសន្លឹកឆ្នោតឲ្យបានត្រឹមត្រូវ ទៅតាមការណែនាំរបស់​គណៈកម្មាធិការជាតិរៀបចំការបោះឆ្នោត ( គ.ជ.ប) ជាហូរហែដល់បងប្អូនប្រជាពលរដ្ឋ ដើម្បីគ្របដណ្តប់​អស់ប្រជាជនក្នុងមូលដ្ឋានភូមិ សង្កាត់ ខណ្ឌសែនសុខ រាជធានីភ្នំពេញ៕អត្ថបទ រដ្ឋា

សកម្មជនអតីតគណបក្សប្រឆាំង២៧៩រូប ស្ម័គ្រចូលរួមជីវភាពនយោបាយជាមួយគណបក្សប្រជាជនកម្ពុជា

2023/07/20 11:45:15 am        157
Facebook Telegram Linkin
ភ្នំពេញ៖ សកម្មជនអតីតគណបក្សប្រឆាំងចំនួន ២៧៩រូប បានស័្មគ្រចិត្តចូលមករួមជីវភាពនយោបាយជាមួយគណបក្សប្រជាជនកម្ពុជា ក្រោយពីបានយល់ និងមើលឃើញពីវីរៈភាព និងការលះបង់ដ៏ធំធេងរបស់សម្តេចតេជោ ហ៊ុន សែន។ក្រោយពីបានយល់ និងមើលឃើញពីវីរៈភាព និងការលះបង់ដ៏ធំធេងរបស់សម្តេចតេជោ ហ៊ុន សែន ប្រធានគណបក្សប្រជាជនកម្ពុជា ក្នុងបុព្វហេតុស្វែងរកសន្តិភាព និងការអភិវឌ្ឍប្រទេសជាតិឱ្យរីក​ចម្រើន​ជឿនលឿន​ឥតឈប់ឈរដូចពេលសព្វថ្ងៃនេះ ​សកម្មជនអតីតគណបក្សប្រឆាំង​ចំនួន ២៧៩រូប​ បានស័្មគ្រចិត្តចូលមករួមជីវភាពនយោបាយជាមួយគណបក្សប្រជាជនកម្ពុជា និងប្ដេជ្ញារួមចំណែក​កសាងជាតិមាតុភូមិឱ្យមានសន្តិភាព និងការអភិវឌ្ឍរីកចម្រើនបន្ថែមទៀត។ សមាជិកថ្មីទាំង២៧៩រូបត្រូវប្រកាសបញ្ចូលជាសមាជិកគណបក្សប្រជាជនកម្ពុជា នាព្រឹកថ្ងៃទី២០ ខែកក្កដា ឆ្នាំ២០២៣ ក្រោមអធិបតីភាពឯកឧត្ដម ឃួង ស្រេង សមាជិក​គណៈកម្មាធិការកណ្តាល​គណបក្សប្រជាជនកម្ពុជា​ និងជាប្រធានគណៈកម្មាធិការគណបក្សរាជធានីភ្នំពេញ នៅមន្ទីរគណបក្ស​រាជធានីភ្នំពេញ។ឯកឧត្តម ឃួង ស្រេង បានលើកឡើងពីវីរៈភាពរបស់សម្តេចតេជោ ​ហ៊ុន សែន ដែលបានលះបង់​គ្រប់​បែបយ៉ាង ទាំងយុវភាព ​និងអាយុជីវិត ​ដើម្បីរំដោះប្រទេសជាតិ ​ចេញពីរបបដ៏ខ្មៅងងិត ប៉ុល ពត​ និងបានស្តារប្រទេសជាតិចេញពីចំណុចសូន្យ ​រហូតមានការអភិវឌ្ឍរីកចម្រើន​ដូចបច្ចុប្បន្ន។ឯកឧត្តម ឃួង ស្រេង បានបញ្ជាក់ថា សន្តិភាព ​បានមកពីនយោបាយឈ្នះ-ឈ្នះ ​របស់សម្តេចតេជោ ហ៊ុន សែន ​ដែលកម្ពុជាមិនធ្លាប់មានក្នុងប្រវត្តិសាស្ត្រជាង ​៥០០ ឆ្នាំហើយ ដូច្នេះយុវជន​ទាំងអស់​ត្រូវការពារ ​សន្តិភាព ដែលរកបានដោយកម្រនេះឱ្យបានគង់វង់។ សម្តេចតេជោ ​ហ៊ុន សែន​ ប្រធានគណបក្សប្រជាជនកម្ពុជា គឺជាអ្នកស្វែងរកសន្តិភាព និងការ​អភិវឌ្ឍ​ជូនជាតិ។ ដូច្នេះសូមបងប្អូនទាំងអស់គ្នារួមគ្នាការពារសន្តិភាពឱ្យបាន​ តាមរយៈនាំគ្នាទៅ​បោះឆ្នោតជូនគណបក្សប្រជាជនកម្ពុជានៅថ្ងៃទី២៣ ​ខែកក្កដាឆ្នាំ២០២៣ខាងមុខនេះ នោះគឺគាំទ្រ​សម្តេចតេជោ ហ៊ុន សែន ​ជានាយករដ្ឋមន្ត្រី និងគាំទ្រ ឯកឧត្តម ហ៊ុន ម៉ាណែត​ ជា​បេក្ខភាពនា​យករដ្ឋ​មន្ត្រីនាពេលអនាគត ​ដើម្បីមានឱកាសកសាងអភិវឌ្ឍន៍​ប្រទេសឱ្យរីកចម្រើន​រុងរឿង​បន្ថែមទៀត ពិសេសគឺការប្រែក្លាយប្រទេសកម្ពុជា ទៅជាប្រទេសដែលមានចំណូល​មធ្យមកម្រិតខ្ពស់នៅឆ្នាំ២០៣០ និងក្លាយជាប្រទេសមានចំណូលខ្ពស់នៅឆ្នាំ ២០៥០៕អត្ថបទ ៖ប្រាក់ វ៉ាន់ដា

បណ្តាគណបក្សនយោបាយមួយចំនួននៅខេត្តកណ្តាល ហែក្បួនបិទយុទ្ធនាការឃោសនាបោះឆ្នោត

2023/07/20 11:33:39 am        70
Facebook Telegram Linkin
កណ្ដាល៖ មានគណបក្សនយោបាយចំនួនបី បានជូនដំណឹងទៅគណៈកម្មាធិការរៀបចំការ​បោះឆ្នោត​ខេត្តកណ្តាល រៀបចំហែក្បួនបិទយុទ្ធនាការឃោសនាបោះឆ្នោតនៅថ្ងៃទី២០ ខែកក្កដានេះ ខណៈគណបក្សប្រជាជនកម្ពុជា ​បានជូនដំណឹងដឹងដែរថា នឹងរៀបចំហែក្បួនបិទយុទ្ធនាការឃោសនាបោះឆ្នោតទ្រង់ទ្រាយធំ នៅតាមបណ្តាស្រុកក្រុងទាំង១៣នៅក្នុងខេត្តកណ្តាល នៅថ្ងៃស្អែកនេះ។បើតាមបណ្តាគណបក្សនយោបាយដែលបានធ្វើសកម្មភាពហែបិទយុទ្ធនាការឃោសនាបោះឆ្នោតនៅថ្ងៃនេះ និងត្រៀមហែរបិទនៅថ្ងៃស្អែក បានថ្លែងប្រាប់​BTV ថា នៅការហែក្បួនឃោសនារបស់​គណបក្សខ្លួនបិទយុទ្ធនាការឃោសនាបោះឆ្នោតនេះ បណ្តាសមាជិក​សមាជិកា​របស់​គណបក្ស​នយោបាយ ​បានអរគុណរាជរដ្ឋាភិបាលបច្ចុប្បន្ន ​ដែលបានដឹកនាំប្រទេសជាតិមានសុខសន្តិភាព និង​បានអភិវឌ្ឍន៍ ស្ថាបនាផ្លូវស្អាតៗ ស្រួលធ្វើដំណើរ ​ហើយអាចហែគណបក្ស បានច្រើន​ភូមិឃុំស្រុក ។បើតាមលោក ផាន់ រិទ្ធិពល ប្រធានលេខាធិការដ្ឋានគណៈកម្មាធិការរៀបចំការបោះឆ្នោត​ខេត្តកណ្តាល ​បានថ្លែងថា នៅក្នុងរយៈពេល២០ថ្ងៃកន្លងមកនេះ​ គឺមានគណបក្សនយោបាយ​ចំនួន៦គណបក្ស បានជូនដំណឹង​មក​លេខាធិការដ្ឋាន​គណៈកម្មាធិការរៀបចំការ​បោះឆ្នោត​ខេត្តកណ្តាល ដើម្បីធ្វើសកម្មភាពហែគណបក្សឃោសនារកសំឡេងឆ្នោត ខណៈយុទ្ធនាការ​ឃោសនា​បោះឆ្នោត​ជ្រើសតាំងតំណាងរាស្ត្រនីតិកាលទី៧​ នឹងត្រូវបិទបញ្ចប់នៅថ្ងៃទី២១ ខែកក្តដាស្អែកនេះ៕អត្ថបទ ស៊ុមសុខជា

ត្រាំ មិនទទួលបានការកាត់ក្ដីថ្មី ជុំវិញករណីបំពានផ្លូវភេទលើអ្នកនិពន្ធ E. Jean Carroll

2023/07/20 11:28:17 am        111
Facebook Telegram Linkin
អាមេរិក៖ ចៅក្រមសហព័ន្ធ កាលពីថ្ងៃពុធ (ទី២០ ខែកក្កដា) បានច្រានចោលសំណើរបស់លោក ដូណាល់ ត្រាំ (Donald Trump) ដែលចង់ឲ្យមានការកាត់ក្តីថ្មី បន្ទាប់ពីគណៈវិនិច្ឆ័យបានប្រកាសថា អតីតប្រធានាធិបតីសហរដ្ឋអាមេរិករូបនេះ ត្រូវទទួលខុសត្រូវ ចំពោះបទល្មើសបំពានផ្លូវភេទ និងបង្ខូចកេរ្តិ៍ឈ្មោះអ្នកនិពន្ធ លោកស្រី E. Jean Carroll ហើយបានផ្ដល់សំណង ៥លានដុល្លារដល់ជនរងគ្រោះ។នៅក្នុងឯកសារវិនិឆ្ឆ័យដែលមានកម្រាស់ ៥៩ទំព័រ ចៅក្រមសហព័ន្ធសហអាមេរិក លោក Lewis Kaplan នៅសង្កាត់ Manhattan ក៏បានច្រានចោលការតវ៉ារបស់លោក ត្រាំ (Trump) ចំពោះការសុំបន្ថយសំណងឲ្យតិចជាង ១លានដុល្លារ។ លោក Kaplan បាននិយាយថា សាលក្រមស្ថាពរនៅថ្ងៃទី៩ ខែឧសភា គឺ «ស្ទើរតែទាំងស្រុងសម្រេចឲ្យលោកស្រី Carroll ឈ្នះ» ហើយការសម្រេចនោះ ក៏មិនមែនជា «លទ្ធផលខុសឆ្គងធ្ងន់ធ្ងរ» និងក៏មិនមែន«ការភ័ន្តច្រឡំផ្នែកយុត្តិធម៌» នោះដែរ។លោក ត្រាំ (Trump) ដែលកំពុងស្វះស្វែងរកតំណែងប្រធានាធិបតីម្តងទៀត បានប្តឹងឧទ្ធរណ៍ ចំពោះការសម្រេចនោះ ដោយបន្ថែមការប្ដឹងនេះលើបណ្តឹងឧទ្ធរណ៍ពីមុនរបស់លោក ចំពោះសាលក្រមរបស់គណៈវិនិច្ឆ័យ។ ពាក់ព័ន្ធនឹងការច្រានចោលនេះ មេធាវីរបស់លោក ត្រាំ មិនបានឆ្លើយតបនឹងសំណើសុំការអត្ថាធិប្បាយនោះទេ។លោកស្រី Carroll វ័យ ៧៩ឆ្នាំ បានចោទប្រកាន់លោក ត្រាំ វ័យ ៧៧ឆ្នាំ ពីបទរំលោភលោកស្រី នៅក្នុងបន្ទប់សំលៀកបំពាក់ ក្នុងហាងលក់ទំនិញ នៅសង្កាត់ Manhattan នាពាក់កណ្តាលទសវត្សរ៍ឆ្នាំ១៩៩០ និងពីបទបង្ខូចកេរ្តិ៍ឈ្មោះលោកស្រី នៅក្នុងការបង្ហោះសារតាមបណ្ដាញសង្គម កាលពីខែតុលា ឆ្នាំ២០២២ នៅពេលដែលលោក ត្រាំ បានដាក់ឈ្មោះរឿងរ៉ាវនេះថា ជា «ការបោកប្រាស់ និងកុហក» ហើយបាននិយាយថា លោកស្រី Carroll មិនមែនជាប្រភេទមនុស្សស្រី ដែលស្ថិតក្នុងអារម្មណ៍របស់លោកនោះទេ៕

ក្រុមអ្នកតវ៉ាវាយសម្រុកចូលស្ថានទូតស៊ុយអែតក្នុងក្រុងបាកដាដ ជុំវិញការដុតគម្ពីរកូរ៉ាន

2023/07/20 11:24:30 am        94
Facebook Telegram Linkin
ស៊ុយអែត៖ ក្រុមអ្នកតវ៉ាដែលខឹងសម្បានឹងការដុតច្បាប់ចម្លងនៃគម្ពីរកូរ៉ានក្នុងប្រទេសស៊ុយអែត បានសម្រុកចូលស្ថានទូតស៊ុយអែតក្នុងរដ្ឋធានីបាកដាដរបស់ប្រទេសអ៊ីរ៉ាក់ ដោយទម្លុះចូលទៅក្នុងបរិវេណ និងដុតភ្លើង។វីដេអូអនឡាញជាច្រើន បានបង្ហាញឲ្យឃើញក្រុមបាតុករនៅឯបរិវេណអគារការទូតនៅព្រឹកថ្ងៃព្រហស្បតិ៍នេះ ដោយគ្រវីទង់ជាតិ និងសញ្ញាបង្ហាញមេដឹកនាំនយោបាយនិងសាសនានិកាយស៊ីអ៊ីត អ៊ីរ៉ាក់ដ៏មានឥទ្ធិពលគឺ លោកMuqtada Sadr( ម៉ុកតាដា អាល់សាត)។ទីភ្នាក់ងារសារព័ត៌មាន Reuters បានរាយការណ៍ថា ក្រសួងការបរទេសអ៊ីរ៉ាក់ បានថ្កោលទោសយ៉ាងដាច់អហង្ការចំពោះការវាយប្រហារលើស្ថានទូតនេះ។ក្រសួងការបរទេសអ៊ីរ៉ាក់ បាននិយាយនៅក្នុងសេចក្តីថ្លែងការណ៍មួយថា៖«រដ្ឋាភិបាលអ៊ីរ៉ាក់ បានណែនាំដល់អាជ្ញាធរសន្តិសុខមានសមត្ថកិច្ចឲ្យធ្វើការស៊ើបអង្កេតជាបន្ទាន់ និងចាត់វិធានការសន្តិសុខចាំបាច់ ដើម្បីបង្ហាញពីកាលៈទេសៈនៃឧបទ្ទវហេតុនេះ និងកំណត់ភិនភាគជនល្មើសនៃទង្វើនេះ និងឲ្យពួកគេទទួលខុសត្រូវតាមច្បាប់»។ក្រសួងការបរទេសស៊ុយអែត បាននិយាយថា បុគ្គលិកនៅស្ថានទូត «ស្ថិតក្នុងសុវត្ថិភាព» បន្ទាប់ពីស្ថានទូត ត្រូវបានវាយលុក និងដុតបំផ្លាញ៕

កសិករអ៊ុយក្រែន ព្រួយបារម្ភភាពកាន់តែខ្លាំងបន្ទាប់ពីកិច្ចព្រមព្រៀងគ្រាប់ធញ្ញជាតិដួលរលំ

2023/07/20 11:21:13 am        103
Facebook Telegram Linkin
អ៊ុយក្រែន៖ កសិករជាច្រើនដែលធ្វើការលើដីដ៏មានជីជាតិ ដែលមានសារសំខាន់ជាយូរមកហើយចំពោះសេដ្ឋកិច្ចរបស់ខ្លួន មានការព្រួយបារម្ភផ្នែកសេដ្ឋកិច្ចរបស់ខ្លួនដែលខាតបង់ចំពោះជីវភាពរស់នៅរបស់ពួកគេ បន្ទាប់ពីរុស្ស៊ីនៅសប្តាហ៍នេះ បានបោះបង់ចោលកិច្ចព្រមព្រៀងអំឡុងពេលសង្គ្រាម ដែលអនុញ្ញាតឲ្យមានការនាំចេញគ្រាប់ធញ្ញជាតិនៅសមុទ្រខ្មៅ។ សម្រាប់លោក Kees Huizinga ដែលបានផ្លាស់លំនៅពីប្រទេសកំណើត ហូឡង់របស់លោក ទៅកាន់កសិដ្ឋាននៅប្រទេសអ៊ុយក្រែនភាគកណ្តាល ក្នុងឆ្នាំ២០០៣ ដែលការបដិសេធរបស់ទីក្រុងមូស្គូក្នុងបន្ថែមពេលកិច្ចព្រមព្រៀង បានធ្វើឲ្យហិរញ្ញវត្ថុរបស់លោកជួបការលំបាករួចទៅហើយដោយសារតែការវាយលុករបស់រុស្ស៊ីកាលពីឆ្នាំមុន ដែលបានបង្ហាញពីមហន្តរាយ។ លោកបាននិយាយទៅកាន់សារព័ត៌មានរ៉យទ័រ នៅកសិដ្ឋានលើផ្ទៃដី១៥.០០០ ហិចតានៅក្នុងភូមិមួយ នៃតំបន់ Cherkasy ប្រទេសអ៊ុយក្រែនភាគកណ្តាលថាយើងមានទុនបម្រុងមួយចំនួន ដែលយើងអាចរស់រានរយៈពេល១ខែ ប៉ុន្តែប្រសិនបើយើងមិនអាចលក់បាន វានឹងជាមហន្តរាយមួយ។ អ៊ុយក្រែនគឺជាប្រទេសនាំចេញគ្រាប់ធញ្ញជាតិ ប្រេងផ្កាឈូករ័ត្នធំមួយរួមទាំងទៅកាន់ប្រទេសនៅអាហ្វ្រិក និងនៅមជ្ឈឹមបូព៌ា។ កិច្ចព្រមព្រៀងត្រូវបានសម្របសម្រួលដោយអង្គការសហប្រជាជាតិ និងប្រទេសទួរគី កាលពីខែកក្កដា ឆ្នាំ២០២២ ដែលត្រូវបានរៀបចំដើម្បីផ្តល់លទ្ធភាពដល់អ៊ុយក្រែននាំចេញគ្រាប់ធញ្ញជាតិតាមរយៈសមុទ្រខ្មៅទោះបីជាមានការបិទផ្លូវរបស់រុស្ស៊ីក៏ដោយ និងដើម្បីទប់ទល់វិបត្តិស្បៀងអាហារសកល។ ការនាំចេញផ្នែកសកិកម្ម មានសារៈសំខាន់សម្រាប់សេដ្ឋកិច្ចប្រទេសអ៊ុយក្រែន ដែលបង្កើតឡើងប្រមាណ១២ភាគរយនៃផលិតផលសរុបក្នុងស្រុក មុនពេលការវាយលុករបស់រុស្ស៊ី ក្នុងខែកុម្ភៈ ឆ្នាំ២០២២ និងប្រមាណ៦០ភាគរយនៃការនាំចេញទាំងអស់៕

ឯកឧត្តម ចាយ បូរិន ៖ ភ្នាក់ងារគណបក្សគឺជាអ្នកការពារភាពស្របច្បាប់ និងផលប្រយោជន៍របស់គណបក្សនៅតាមការិយាល័យបោះឆ្នោត

2023/07/20 11:09:58 am        92
Facebook Telegram Linkin
ត្បូងឃ្មុំ៖ នៅព្រឹកថ្ងៃទី២០ ខែកក្កដា ឆ្នាំ២០២៣ ឯកឧត្តម ចាយ បូរិន ប្រធានគណៈកម្មការច្បាប់គណបក្សប្រជាជនកម្ពុជា ខេត្តត្បូងឃ្មុំ បានជួបប្រជុំ ពង្រឹងបន្ថែមពីនីតិវិធី ពាក់ព័ន្ធ ដំណើរការបោះឆ្នោតដល់ភ្នាក់ងារគណបក្សពេញសិទ្ធិ និងបម្រុងចំនួន២៦៦នាក់ ទាំង១៣៣ការិយាល័យបោះឆ្នោតនៅទីស្នាក់ការគណបក្សស្រុកតំបែរ ខេត្តត្បូងឃ្មុំ។ឯកឧត្តម ចាយ បូរិន មានប្រសាសន៍ថា៖ភ្នាក់ងារគណបក្ស គឺជាតំណាងឲ្យគណបក្ស នៅតាមការិយាល័យបោះឆ្នោតនីមួយៗ ជាអ្នកការពារផលប្រយោជន៍ឲ្យគណបក្ស ឈរលើគោលការណ៍នៃភាពត្រឹមត្រូវ ស្របតាមការណែនាំរបស់គណៈកម្មាធិការជាតិរៀបចំការបោះឆ្នោត (គ.ជ.ប) ។ឯកឧត្ដមក៏បានជម្រុញលើកទឹកចិត្តនិងផ្តាំផ្ញើដល់ភ្នាក់ងារគណបក្សទាំង១៣៣ការិយាល័យបោះឆ្នោតត្រូវយកចិត្តទុកដាក់អនុវត្ត តួនាទី និងភារកិច្ចរបស់ខ្លួនឲ្យបានគ្រប់ជ្រុងជ្រោយនៅក្នុងថ្ងៃដំណើរការបោះឆ្នោត ជាអាទិ៍ ពិនិត្យមើលហិបឆ្នោត សន្លឹកឆ្នោត សង្កេតមើលការបោះឆ្នោត ការរាប់សន្លឹកឆ្នោត ការបូកសរុបលទ្ធផលបោះឆ្នោត ការប្តឹងជំទាស់ឬប្តឹងតវ៉ាទៅលើភាពមិនប្រក្រតីដោយផ្ទាល់មាត់ឬតាមរយៈលាយលក្ខណ៍អក្សរ (ទ.១២០២) និងកំណត់ហេតុនៃលទ្ធផលនៃការរាប់សន្លឹកឆ្នោត (ទ.១១០២) ព្រមទាំងសិទ្ធិទទួលបានកំណត់ហេតុនៃការរាប់សន្លឹកឆ្នោតពី គឃ.សប ហេីយត្រូវស្របតាមក្រមសីលធម៌របស់ភ្នាក់ងារសង្កេតការណ៍៕

សម្ដេចតេជោ ប្រកាសស្វាគមន៍អ្នកសង្កេតការណ៍បោះឆ្នោតអន្តរជាតិ ៣៣៣នាក់ មកពី៦៥ប្រទេស និងស្ថាប័ន

2023/07/20 11:01:58 am        269
Facebook Telegram Linkin
ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្ដីនៃកម្ពុជា នាព្រឹកថ្ងៃទី២០ ខែកក្កដា ឆ្នាំ២០២៣នេះ បានប្រកាសស្វាគមន៍អ្នកសង្កេតការណ៍អន្តរជាតិចំនួន ៣៣៣ នាក់ ដែលបានអញ្ជើញមកពី៦៥ ប្រទេស និងស្ថាប័ន ដើម្បីចូលរួមសង្កេតការណ៍សម្រាប់ការបោះឆ្នោត​សកល​ជ្រើសរើសតំណាងរាស្ត្រ និតិកាលទី៧ នាថ្ងៃអាទិត្យ ទី២៣ ខែកក្កដា ឆ្នាំ២០២៣ ខាងមុខនេះ។សម្ដេចតេជោ ហ៊ុន សែន បាន​សរសេរ​នៅលើបណ្ដាញធ្វីតធឺ​ និងតេឡេក្រាមផ្លូវការថា ក្នុងនាមរាជរដ្ឋាភិបាល សម្ដេចសូមស្វាគមន៍យ៉ាងកក់ក្តៅចំពោះឯកឧត្តម លោកជំទាវ ទាំង ៣៣៣ នាក់ មកពី៦៥ ប្រទេសនិងស្ថាបន័អន្តរជាតិ ដែលបាន​និងកំពុង​អញ្ជើញមកកាន់​ព្រះរាជាណាចក្រ​កម្ពុជា ​ដើម្បីចូលរួមសង្កេតការណ៍សម្រាប់ការបោះឆ្នោតសកលជ្រើសរើស​តំណាងរាស្ត្រ និតិកាលទី៧​ នាថ្ងៃអាទិត្យ ទី២៣ ខែកក្កដា ឆ្នាំ២០២៣ ខាងមុខនេះ។ សម្ដេចតេជោ បានថ្លែងអំណរគុណ ចំពោះឯកឧត្ដម​ប្រធានសភា ​ប្រទេសម៉ាឡេស៊ី និង​ឯកឧត្តមនាយករដ្ឋមន្ត្រី ​នៃសាធារណរដ្ឋហ្គីណេប៊ីស្សូ ​ដែលអញ្ជើញមកដើម្បី សង្កេតការណ៍ដោយផ្ទាល់។ សម្ដេចតេជោ បញ្ជាក់ថា៖‍ «ខ្ញុំក៏សូមថ្លែងអំណរគុណ ឯកឧត្តមអតីតប្រមុខរដ្ឋ ប្រមុខរដ្ឋាភិបាល អតីតប្រធាន អនុប្រធានរដ្ឋសភាទាំង១១រូប ដែលបានចំណាយពេលវេលា ធ្វើដំណើរមកកាន់កម្ពុជា ដើម្បីធ្វើជាសាក្សីនៃដំណើរការប្រជាធិបតេយ្យនៅកម្ពុជា។ យើងធ្លាប់​បាន​បោះឆ្នោត​សកល​ជ្រើសរើសតំណាងរាស្ត្រ ​៦លើករួចមកហើយ ​និងលើកទី៧ ​ឆ្នាំ២០២៣នេះ មាន​អ្នកសង្កេតការណ៍​មកពីក្រៅប្រទេសច្រើនបំផុត ​និងមាន​ឥស្សរជន​ជាន់ខ្ពស់​ច្រើន​បំផុត​មក​ចូលរួម​សង្កេតការណ៍»៕

ទីក្រុងញូវយ៉កនឹងចែកចាយខិត្តប័ណ្ណដែលប្រាប់ជនអន្តោប្រវេសន៍នៅព្រំដែនអាមេរិក- ម៉ិកស៊ិកឱ្យពិចារណាស្វែងរកទីក្រុងមួយផ្សេងទៀត

2023/07/20 10:59:43 am        124
Facebook Telegram Linkin
អាមេរិក៖ ទីក្រុងញូវយ៉ក នឹងចែកចាយខិតប័ណ្ណនៅព្រំដែនអាមេរិក-ម៉ិកស៊ិក ដោយប្រាប់ក្រុមជនអន្តោប្រវេសន៍ខុសច្បាប់ ឲ្យពិចារណាស្វែងរកទីក្រុងមួយផ្សេងទៀត។នៅក្នុងសេចក្តីប្រកាសមួយកាលពីថ្ងៃពុធ ការិយាល័យរបស់លោកអភិបាលក្រុង Eric Adams បានឲ្យដឹងថា ខិតប័ណ្ណនឹងស្វែងរកការប្រយុទ្ធប្រឆាំងនឹងព័ត៌មានមិនពិតនៅព្រំដែននេះ។ស្ថានភាព ឬសកម្មភាពនេះ ហាក់ដូចជាចម្លែក ឬពិបាកនឹងជឿបាន។ វាមិនច្បាស់ទេថាតើព័ត៌មានមិនពិតរួមបញ្ចូលការលើកឡើងដែលថាទីក្រុងញូវយ៉ក ជាទីក្រុងដែលទីជម្រក បានផ្តល់ប្រាក់រាប់ម៉ឺនដុល្លារដល់ជនអន្តោប្រវេសន៍ម្នាក់ៗទៅលើការផ្តល់ទីស្នាក់អាស្រ័យ អាហារ ការអប់រំ និងការថែទាំសុខភាព។ទោះជាយ៉ាងណាក៏ដោយ ខិតប័ណ្ណនេះ ពិតជាបានបញ្ជាក់ពីតម្លៃថ្លៃហួសហេតុនៃការផ្តល់ទីស្នាក់អាស្រ័យ អាហារ និងតម្រូវការដទៃទៀតដែលក្រុមជនអន្តោប្រវេសន៍ខុសច្បាប់ នឹងជួបប្រទះ ប្រសិនបើពួកគេធ្វើដំណើរទៅកាន់ទីក្រុងញូវយ៉កនោះ។ខិតប័ណ្ណនោះសរសេរជាភាសាអេស្ប៉ាញថា៖«សូមពិចារណាទីក្រុងមួយផ្សេងទៀត នៅពេលអ្នកធ្វើការសម្រេចចិត្តរបស់អ្នកអំពីកន្លែងដែលត្រូវតាំងទីលំនៅនៅសហរដ្ឋអាមេរិក»។ (វាក៏សរសេរជាភាសាអង់គ្លេសផងដែរសម្រាប់ជនអន្តោប្រវេសន៍ដែលមិនចេះភាសាអេស្ប៉ាញ)៕

កងកម្លាំងបម្រុងអ៊ីស្រាអែលរាប់រយនាក់ ប្តេជ្ញានឹងបដិសេធការផ្ដល់សេវា ប្រសិនការកែប្រែច្បាប់តុលាការទទួលបានការអនុម័ត

2023/07/20 10:22:12 am        95
Facebook Telegram Linkin
អ៊ីស្រាអែល៖ កងកម្លាំងបម្រុងអ៊ីស្រាអែលរាប់រយនាក់ បានដើរដង្ហែក្នុងទីក្រុងតែលអាវីវ (Tel Aviv) កាលពីថ្ងៃពុធ (ទី១៩ ខែកក្កដា) ដោយគំរាមមិនព្រមផ្ដល់សេវាកម្មស្ម័គ្រចិត្តរបស់ខ្លួន ប្រសិនបើរដ្ឋាភិបាលជំរុញឲ្យដំណើរការទៅមុខ ចំពោះផែនការដ៏ចម្រូងចម្រាសរបស់ខ្លួន ក្នុងគោលបំណងរារាំងអំណាចរបស់តុលាការកំពូល។ការជំរុញដោយរដ្ឋាភិបាលចម្រុះជាតិនិយមសាសនារបស់នាយករដ្ឋមន្ត្រី លោក Benjamin Netanyahu ដើម្បីដកហូតអំណាចត្រួតពិនិត្យមួយចំនួន បានបង្កឲ្យមានការតវ៉ាទ្រង់ទ្រាយធំ នៅទូទាំងប្រទេសអ៊ីស្រាអែល និងបានបង្កើនការបារម្ភយ៉ាងខ្លាំង ក្នុងចំណោមប្រទេសសម្ព័ន្ធមិត្ត ក្នុងនោះរួមទាំងសហរដ្ឋអាមេរិកផងដែរ។ការតវ៉ាមានកាន់តែខ្លាំងឡើងៗ នៅពេលដែលការផ្តល់សច្ចាប័ន កាន់តែជិតកើតឡើង ខណៈដែលរដ្ឋមន្ត្រីមួយរូបក្នុងគណៈរដ្ឋមន្ត្រី បាននិយាយថា រដ្ឋាភិបាលអាចពិចារណាឡើងវិញនូវផែនការរបស់ខ្លួន ក្នុងការសើរើប្រព័ន្ធតុលាការ ប្រសិនបើការតវ៉ាកើនឡើងឥតឈប់ឈរ។យោធាអ៊ីស្រាអែល បានបដិសេធមិនធ្វើអត្ថាធិប្បាយនោះទេ ពាក់ព័ន្ធនឹងបញ្ហានេះ។ រដ្ឋាភិបាល និងអ្នកគាំទ្ររដ្ឋាភិបាល និយាយថា ការកែប្រែដែលបានស្នើឡើងនេះ គឺចាំបាច់ដើម្បីពង្រឹងនូវអ្វីដែលពួកគេមើលឃើញថា សកម្មជនចៅក្រម កំពុងលូកដៃចូលក្នុងវិស័យនយោបាយ។ប៉ុន្តែសម្រាប់អ្នកដែលជំទាស់វិញ មិនយល់បែបនេះឡើយ។ ជាក់ស្ដែង អ្នកតវ៉ាម្នាក់ គឺលោកវរសេនីយ៍ឯក Ron Scherf វ័យ ៥១ឆ្នាំ នៅក្នុងអង្គភាពត្រួតពិនិត្យបុគ្គលិកទូទៅ ដែលបម្រើជាកងកម្លាំងយោធាបម្រុងអស់រយៈពេល ២៣ឆ្នាំ បាននិយាយថា សំណើទាំងនោះធ្វើឲ្យខូចតម្លៃប្រជាធិបតេយ្យរបស់អ៊ីស្រាអែល និងរំលោភលើ «កិច្ចសន្យាមិនមានលាយលក្ខអក្សរ» ដែលរដ្ឋាភិបាលមានជាមួយកងកម្លាំងប្រដាប់អាវុធរបស់ខ្លួន៕

បណ្ដាញសង្គម

ព័ត៌មានថ្មីៗ

ស្នាដៃបច្ចេកទេសរបស់សិស្សនិស្សិតចំនួន ៥ ដែលលេចធ្លោ ត្រូវបានដាក់តាំងបង្ហាញក្នុងទិវា TVET Day លើទី៩ ក្នុងវិទ្យាស្ថាន PCCFPI ខេត្ដព្រះសីហានុ
06/18/2026 04:06 PM
Facebook Telegram Linkin
លោក TRUMP៖ អ៊ីរ៉ង់បានរងការខូចខាតក្នុងជម្លោះចន្លោះពី ១,៥ ទៅ ២ សែនកោដិដុល្លារ
06/18/2026 04:06 PM
Facebook Telegram Linkin
យោធាអ៊ីស្រាអែលនិយាយថា ទាហានម្នាក់ បានស្លាប់ និង ៧នាក់ រងរបួស ក្នុងការប្រយុទ្ធគ្នានៅលីបង់
06/18/2026 04:06 PM
Facebook Telegram Linkin
លោក TRUMP និយាយថា សហរដ្ឋអាមេរិកនៅតែស៊ើបអង្កេតលើការវាយប្រហារសាលារៀននៅអ៊ីរ៉ង់
06/18/2026 04:06 PM
Facebook Telegram Linkin
លោក TRUMP បដិសេធមិនពន្យល់លម្អិតអំពីការពង្រីកការផ្គត់ផ្គង់អាវុធដល់អ៊ុយក្រែន
06/18/2026 04:06 PM
Facebook Telegram Linkin
វិមានក្រឹមឡាំង៖ រុស្ស៊ីនឹងបន្តប្រតិបត្តិការពិសេសឆ្លើយតបទៅនឹងការវាយប្រហារលើរថយន្តក្រុងដឹកកុមារ
06/18/2026 04:06 PM
Facebook Telegram Linkin
រដ្ឋមន្ត្រីក្រសួងវប្បធម៌កម្ពុជា អញ្ជើញជួបពិភាក្សាការងារជាមួយអគ្គនាយកអង្គការយូណេស្កូ
06/18/2026 03:06 PM
Facebook Telegram Linkin
គណៈប្រតិភូអគ្គលេខាធិការដ្ឋានរដ្ឋសភា អញ្ជើញគោរពវិញ្ញាណក្ខន្ធ និងដាក់កម្រងផ្ការំលឹកគុណជូនដល់វីរយុទ្ធជន វីរយុទ្ធនារី នៅតំបន់ប្រវត្តិសាស្ត្រយោធាតេជោកោះថ្ម X16
06/18/2026 03:06 PM
Facebook Telegram Linkin
កម្ពុជាត្រៀមរៀបចំភូមិហ្វ្រង់កូហ្វូនី និងហ្វ្រង់កូតិច ឱ្យមានភាពទាក់ទាញ នៅក្នុងព្រឹត្តិការណ៍ជាប្រវត្តិសាស្រ្ត
06/18/2026 03:06 PM
Facebook Telegram Linkin
លោក TRUMP៖ អាមេរិកចង់ធ្វើកិច្ចព្រមព្រៀងជាមួយរុស្ស៊ី និងចិនដើម្បីកាត់បន្ថយអាវុធនុយក្លេអ៊ែរ
06/18/2026 02:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.