នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
អតីតសកម្មជនគណបក្សប្រឆាំងចំនួន ៨៧នាក់ ចូលរួមជីវភាព​នយោបាយ​ជាមួយ​គណបក្ស​ប្រជាជន​កម្ពុជា នៅក្នុងស្រុកស្អាង និងស្រុកកោះធំ
ក្រុមការងារគណបក្សចុះមូលដ្ឋានស្រុកលើកដែកណែនាំយុវជនរក្សាជាកម្លាំងសាមគ្គី
ប្រធានក្រុមការងារចុះមូលដ្ឋាន៖ បក្សប្រជាជនប្រកាន់ខ្ជាប់នូវឧត្តមគតិស្នេហាជាតិ និងការអភិវឌ្ឍ
សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក

នយោបាយ​ និង ការអភិវឌ្ឍន៍

អាមេរិក ស្វែងរកកម្មវិធីជនភៀសខ្លួន សម្រាប់អ្នកស្វែងរកសិទ្ធជ្រកកោនពុំមែនជនជាតិម៉ិកស៊ិក នៅប្រទេសម៉ិកស៊ិក

2023/07/03 12:02:48 pm        141
Facebook Telegram Linkin
អាមេរិក៖ ប្រភពចំនួន៤បាននិយាយថា មន្ត្រីសហរដ្ឋអាមេរិក និងម៉ិកស៊ីក កំពុងពិភាក្សា កម្មវិធីជនភៀសខ្លួនសហរដ្ឋអាមេរិកថ្មី សម្រាប់អ្នកស្វែងរកសិទ្ធិជ្រកកោនពុំមែនជាពលរដ្ឋម៉ិកស៊ិក ដែលកំពុងរង់ចាំនៅក្នុងប្រទេសម៉ិកស៊ិក ជាផ្នែកមួយនៃបំណងរបស់ប្រធានាធិបតី លោក Joe Biden ដើម្បីបង្កើតវិធីសាស្ត្រស្របច្បាប់សម្រាប់ការធ្វើអន្តប្រវេសន៍។កម្មវិធីនេះ ទំនងជានឹងបើកចំពោះជនភៀសខ្លួនគុយបា ហៃទី នីហ្គារ៉ាហ្គ័រ និងជនភៀសខ្លួនវ៉េណេហ្ស៊ុយអេឡា នៅក្នុងប្រទេសម៉ិកស៊ីក។ ជនអន្តោប្រវេសន៍នឹងចំបាច់ត្រូវបង្ហាញថាពួកគេស្ថិតនៅក្នុងប្រទេសម៉ិកស៊ិក នៅមុនថ្ងៃទី៦ ខែមិថុនា ដើម្បីផ្តល់សិទ្ធិ។ មន្ត្រីអាមេរិកនិងម៉ិកស៊ីក ដែលដឹងច្បាស់អំពីបញ្ហានេះ បាននិយាយថា បញ្ហានេះនៅតែស្ថិតក្រោមការពិភាក្សា ហើយគ្មានសេចក្តីសម្រេចត្រូវបានធ្វើឡើងឡើយ។នៅពុំច្បាស់នោះទេថាតើមនុស្សប៉ុន្មាននាក់ អាចទទួលបានប្រយោជន៍ពីកម្មវិធីបែបនេះ។ជនអន្តោប្រវេសន៍រាប់ម៉ឺននាក់ មកពីប្រទេសចំនួន៤ទាំងនេះ បានឆ្លងកាត់ប្រទេសម៉ិកស៊ិក ក្នុងផ្លូវធ្វើដំណើរទៅកាន់សហរដ្ឋអាមេរិក ក្នុងអំឡុងពេលភាពចលាចលខ្លាំងផ្នែកសេដ្ឋកិច្ចនិងនយោបាយក្នុងប៉ុន្មានឆ្នាំថ្មីៗនេះ ដែលកំពុងធ្វើឲ្យមានភាពតានតឹងនូវធនធាននៅក្នុងប្រទេសទាំងពីរ និងកំពុងដាក់សម្ពាធផ្នែកនយោបាយលើប្រធានាធិបតី Joe Biden មកពីគណបក្សប្រជាធិបតេយ្យ ដែលកំពុងស្វែងរកការបោះឆ្នោតឡើងវិញ នៅក្នុងឆ្នាំ២០២៤។ ប្រភពព័ត៌មាន និយាយថា ផែនការកំពុងស្ថិតក្រោមកិច្ចពិភាក្សា ដែលនឹងអនុញ្ញាតផ្តល់សិទ្ធិដល់ជនអន្តោប្រវេសន៍ ដែលត្រូវបានយល់ព្រមសម្រាប់ស្ថានភាពជនភៀសខ្លួន ចូលទៅរតាមរយៈកម្មវិធីការតាំងលំនៅថ្មីជនភៀសខ្លួននៅអាមេរិក ដែលអាចធ្វើទៅបានចំពោះតែអ្នកដាក់ពាក្យស្នើសុំនៅបរទេស។ មិនដូចជាជនអន្តោប្រវេសន៍ភាគច្រើនដែលបានអះអាងសិទ្ធិជ្រកកោនបន្ទាប់ពីចូលមកដល់សហរដ្ឋអាមេរិកនោះទេ ជនភៀសខ្លួនទទួលបានការអនុញ្ញាតការងារភ្លាមៗ ហើយរដ្ឋាភិបាលផ្តល់ប្រយោជន៍ដូចជាផ្តល់លំនៅឋាន និងជំនួយការងារ៕

ទីក្រុងមូស្គូ និយាយថា កុមារប្រមាណ៧សែននាក់ មកពីតំបន់ជម្លោះនៅអ៊ុយក្រែន ពេលនេះ កំពុងរស់នៅក្នុងប្រទេសរុស្ស៊ី

2023/07/03 11:50:12 am        124
Facebook Telegram Linkin
រុស្ស៊ី៖ លោក គ្រីហ្គូរី ការ៉ាស៊ីន (Grigory Karasin) ប្រធានគណៈកម្មការអន្តរជាតិក្នុងក្រុមប្រឹក្សា សហព័ន្ធ ដែលជាសភា ជាន់ខ្ពស់របស់រុស្ស៊ី បាននិយាយកាលពីល្ងាចថ្ងៃអាទិត្យថា ប្រទេសរុស្ស៊ី បាននាំកុមារប្រមាណ ៧សែននាក់ ពីតំបន់ជម្លោះនានាក្នុងប្រទេសអ៊ុយក្រែន ចូលមកក្នុងដែនដីរបស់រុស្ស៊ី ។  លោក ការ៉ាស៊ីន បានសរសេរលើបណ្ដាញតេឡេក្រាមរបស់លោកថា ក្នុងពេលប៉ុន្មានឆ្នាំថ្មីៗនេះ កុមារប្រមាណ៧សែននាក់ ត្រូវបានរកឃើញស្នាក់នៅជាមួយយើង ដែលរត់គេចចេញពីការទម្លាក់គ្រាប់បែក និងការបាញ់ផ្លោងចេញពីតំបន់ជម្លោះទាំងឡាយនៅក្នុងប្រទេសអ៊ុយក្រែន ។  ទីក្រុងមូស្គូ និយាយថាកម្មវិធីរបស់ខ្លួនក្នុងការនាំយកកុមារចេញពីអ៊ុយក្រែន ចូលមកក្នុងទឹកដីរុស្ស៊ី គឺដើម្បីការពារកុមារកំព្រា និងកុមារដែលត្រូវគេបោះបង់ចោលក្នុងតំបន់ជម្លោះ ។  ទោះយ៉ាងណាក៏ដោយ អ៊ុយក្រែន និយាយថា កុមារជាច្រើន ត្រូវបាននិរទេសដោយខុសច្បាប់ ហើយសហរដ្ឋអាមេរិក និយាយថា កុមាររាប់ពាន់នាក់ ត្រូវបានជម្លៀសទាំងបង្ខំចេញពីលំនៅឋានរបស់ពួកគេ។កាលពីខែកក្កដាឆ្នាំ២០២២ សហរដ្ឋអាមេរិក បានប៉ាន់ប្រមាណថា ប្រទេសរុស្ស៊ី បាននិរទេសកុមារជាង២៦ម៉ឺននាក់ ដោយបង្ខំខណៈក្រសួងសមាហរណកម្មនៃដែនដីរបស់អ៊ុយក្រែន និយាយថា កុមារអ៊ុយក្រែនចំនួន១៩.៤៩២នាក់ បច្ចុប្បន្ន ត្រូវបានចាត់ទុកថា ត្រូវបាននិរទេសដោយខុសច្បាប់៕

ក្រុមហ៊ុនចម្រាញ់ប្រេងអាស៊ី រឹពឹងថា អារ៉ាប៊ីសាអ៊ូឌីត នឹងកាត់បន្ថយតម្លៃប្រេងឆៅ នៅខែសីហា

2023/07/03 11:45:51 am        122
Facebook Telegram Linkin
 អារ៉ាប៊ីសាអ៊ូឌីត៖ ការស្ទង់មតិរបស់ទីភ្នាក់ងារព័ត៌មាន Reuters បានបង្ហាញថា ក្រុមហ៊ុនចម្រាញ់ប្រេងអាស៊ី រំពឹងថា អារ៉ាប៊ីសាអ៊ូឌីត នឹងកាត់បន្ថយតម្លៃសម្រាប់ការផ្គត់ផ្គត់ប្រេងឆៅរបស់ខ្លួនទៅដល់តំបន់នេះនៅខែសីហា ទោះបីជាប្រទេសនាំប្រេងចេញដ៏ធំបំផុតនេះ បានសន្យាកាត់បន្ថយបរិមាណផលិតដ៏ច្រើននៅក្នុងខែកក្កដា ជាផ្នែកនៃកិច្ចព្រមព្រៀង របស់ក្រុមអូប៉ិចបូក(OPEC+) ដ៏ទូលំទូលាយក៏ដោយ។ ប្រទេសអារ៉ាប៊ីសាអ៊ូឌីតក្នុងខែមិថុនា បានដំឡើងថ្លៃដោយមិននឹកស្មានដល់សម្រាប់ទំនិញនានាប្រចាំខែកក្កដា ដោយបញ្ចូលទាំងចំណែកតិចតួចរបស់ក្រុមហ៊ុនចម្រាញ់ប្រេងអាស៊ី។ដើម្បីទ្រទ្រង់តម្លៃសកលដែលបានធ្លាក់ចុះដោយសារតែការដំឡើងអត្រាការប្រាក់និងការព្រួយបារម្ភពីឱនភាព អ្នកផលិតប្រេងមួយនេះបានស្ម័គ្រកាត់បន្ថយទិន្នផលត្រឹម១លានបារ៉ែក្នុង១ថ្ងៃ នៅក្នុងខែកក្កដា នៅលើកិច្ចព្រមព្រៀងរបស់ក្រុម OPEC+ទូលំទូលាយ ដើម្បីកំណត់ការផ្គត់ផ្គង់ក្នុងឆ្នាំ២០២៤។ ក្រុមហ៊ុនប្រេងរដ្ឋ Saudi Aramco ត្រូវបានគេរឹពឹងថា នឹងកាត់បន្ថយតម្លៃលក់ផ្លូវការ ( OSP) សម្រាប់ប្រេងឆៅអារ៉ាប់នៅក្នុងខែសីហា ត្រឹមប្រហែល៥០សេនក្នុង១បារ៉ែលមុនឈានដល់ខែកំណត់ នេះបើយោងតាមការស្ទង់មតិរបស់ទីភ្នាក់ងារព័ត៌មានReuters។OSP ខែកក្កដាសម្រាប់ចំណាត់ដឹកជញ្ជូនបានឡើងដល់កម្រិតខ្ពស់រយៈពេល៦ខែ គឺ៣ដុល្លារក្នុង១បារ៉ែល លើសពីតម្លៃមធ្យមរបស់ទីក្រុងឌូបៃ និងអូម៉ង់។អ្នកឆ្លើយតបក្នុងការស្ទង់មតិម្នាក់ បាននិយាយថា៖«អារ៉ាប៊ីសាអ៊ូឌីត ចាំបាច់ត្រូវកាត់បន្ថយតម្លៃ ដើម្បីឆ្លុះបញ្ជាំងពីចលនាទីផ្សារ។ ពួកគេ បានបោះជំហានទៅមុខហួសបន្តិចពីការពិត កាលពី២-៣ខែកន្លងទៅនេះ»៕

ក្រុមប្រឹក្សាធម្មនុញ្ញ៖ វិសោធនកម្មច្បាប់ ស្តីពីបោះឆ្នោតស្របតាមរដ្ឋធម្មនុញ្ញ

2023/07/03 11:39:44 am        575
Facebook Telegram Linkin
ភ្នំពេញ៖ នៅថ្ងៃទី៣ ខែកក្កដា ឆ្នាំ២០២៣ ឯកឧត្តមកិត្តិនីតិកោសលបណ្ឌិត អ៊ឹម ឈុនលឹម ប្រធានក្រុមប្រឹក្សាធម្មនុញ្ញ បានដឹកនាំកិច្ចប្រជុំពេញអង្គជាមួយសមាជិក -សមាជិកា ដើម្បីពិនិត្យ និងសម្រេចសំណើរបស់សម្តេចពញាចក្រី ហេង សំរិន ប្រធានរដ្ឋសភា ជុំវិញការស្នើសុំពិនិត្យធម្មនុញ្ញភាពច្បាប់ស្តីពីវិសោធនកម្មច្បាប់បោះឆ្នោត។ ក្រោយពីកិច្ចពិភាក្សា និងពិនិត្យរួចរាល់ ក្រុមប្រឹក្សាធម្មនុញ្ញ ប្រកាសថា វិសោធនកម្មច្បាប់​ស្តីពីបោះឆ្នោតស្របតាមរដ្ឋធម្មនុញ្ញ។ ទាក់ទងនឹងការធ្វើកែទម្រង់សិទ្ធិក្នុងការឈរឈ្មោះឱ្យគេបោះឆ្នោតនេះ ត្រូវបានក្រសួងយុត្តិធម៌ និងក្រសួងមហាផ្ទៃ កាលពីពេលកន្លងទៅ លើកឡើងថា ចំពោះការរៀបចំធ្វើការកែទម្រង់ «សិទ្ធិឈរឈ្មោះឱ្យគេបោះឆ្នោត» គឺធ្វើឡើងក្នុងគោលបំណងដើម្បីពង្រឹង និងលើកកម្ពស់ការ​ទទួល​ខុសត្រូវរបស់មេដឹកនាំទាំងនៅថ្នាក់ជាតិ​ ទាំងនៅថ្នាក់ក្រោមជាតិ ។ ការធ្វើវិសោធនកម្មច្បាប់នេះ ​ក៏ជាផ្នែកមួយនៃការកែទម្រង់ «សិទ្ធិក្នុងការឈរឈ្មោះឱ្យគេ​បោះឆ្នោត» ​នៅក្នុងដំណើរការប្រជាធិបតេយ្យ ​ដើម្បីឱ្យអនាគតមេដឹកនាំ ដែលត្រូវជ្រើសរើស​តាមរបបបោះឆ្នោត ​ទាំងនៅថ្នាក់ជាតិ ​ទាំងនៅថ្នាក់ក្រោមជាតិ មានការទទួលខុសត្រូវជាង​មុន​ក្នុងនាមជាពលរដ្ឋល្អរបស់ជាតិនៅក្នុងសង្គមប្រជាធិបតេយ្យ ​ហើយការកែទម្រង់នេះ គឺ មិន​ប៉ះពាល់ដល់ «សិទ្ធិបោះឆ្នោត» ឡើយ៕អត្ថបទ សេក ឧត្តម

សកម្មភាពអាជីវកម្មតាមបណ្តាផ្សារដំណើរការជាធម្មតា ក្នុងអំឡុងពេលយុទ្ធនាការបោះឆ្នោត

2023/07/03 11:32:26 am        153
Facebook Telegram Linkin
ភ្នំពេញ៖ ខណៈការបោះឆ្នោតជ្រើសរើសតំណាងរាស្រ្តនីតិកាលទី៧ នឹងឈានដល់នាថ្ងៃទី២៣ ខែកក្កដាខាងមុខនេះ ទាំងអាជីវករ និងប្រជាពលរដ្ឋ លើកឡើងថា ​សកម្មភាពទិញ និងលក់របស់ នៅតែបន្តជាធម្មតា ​ដោយមិនមានការព្រួយបារម្ភ ភ័យខ្លាច​ឬទិញស្តុកទុកច្រើនដូចអាណត្តិមុនៗ​ឡើយ។ក្រុមអាជីករផ្សារ និងប្រជាពលរដ្ឋរស់នៅតំបន់ច្បារអំពៅ នៅក្នុងកិច្ចសម្ភាសន៍​ជាមួយ​ទូរទស្សន៍​ព័ត៌មាន ប៊ីធីវី នាព្រឹកថ្ងៃទី៣ ខែកក្កដានេះ ​បានប្រាប់ឲ្យដឹងថា សព្វថ្ងៃនេះ សកម្មភាពទូទៅទាំង​ការទិញ និងលក់របស់ពួកគាត់​ មិនឃើញ​មានខុសប្រក្រតីអ្វីនោះទេ​ ហើយក៏គ្មានការខ្វះខាតទាំង​ម្ហូបអាហារ ​និងសម្ភារៈប្រើប្រាស់ប្រចាំថ្ងៃ។ ពួកគាត់ បានឲ្យដឹងទៀតថា ដោយសារប្រទេសមានភាព​សម្បូរសប្បាយ ​និង​រីកចម្រើនជាងមុន ធ្វើ​ឲ្យការរស់នៅលែងមានការព្រួយបារម្ភ ​ឬភិតភ័យថា ​ខ្វះខាតទៀតឡើយ ឲ្យតែមានប្រាក់​ចំណូលទៀងទាត់​ និងអាចប្រកបអាជីវកម្មដូចសព្វថ្ងៃនេះ។ លោក គួច ចំណាន ប្រធានគណៈកម្មការផ្សារច្បារអំពៅ ​បានឲ្យដឹងថា ទាំងអាជីវករ និង​ប្រជាពលរដ្ឋចេញចូលផ្សារ ​មានសកម្មភាពដូចសព្វដង​ ហើយតម្លៃទំនិញទៀតសោត ក៏មិនមានការប្រែប្រួលផងដែរ។ លោក បានបន្តថា និយាយដល់ការបោះឆ្នោត កាលពីអាណត្តិមុនៗ ប្រជាពលរដ្ឋពិតជាបាន​ទិញស្បៀងអាហារដើម្បីត្រៀមទុកហូបប្រចាំថ្ងៃ ​ប៉ុន្តែមកដល់បច្ចុប្បន្ននេះ សកម្មភាពទាំងនោះ លែងមានតទៅទៀតហើយ ​ដោយសារ ប្រទេសជាតិមានសុខសន្តិភាពពេញលេញ។សូមបញ្ជាក់ថា ​ការបោះឆ្នោតជ្រើសរើសតំណាងរាស្រអាណត្តិទី៧​ នឹងចាប់ផ្តើមនៅថ្ងៃអាទិត្យទី២៣ ខែកក្កដា ឆ្នាំ២០២៣ ​ដោយមានគណបក្សចំនួន១៨ ចូលរួមប្រកួតប្រជែង៕អត្ថបទ៖ ឈិត បូរ៉ាវី

ព្រឹកនេះឆាណែលតេឡេក្រាមសម្ដេចតេជោ មានអ្នកគាំទ្រកើនឡើងដល់ចំនួន ៨៨៨៨៨៨ នាក់

2023/07/03 11:07:50 am        1302
Facebook Telegram Linkin
ភ្នំពេញ៖ ឆាណែលតេឡេក្រាមផ្លូវការរបស់សម្ដេចអគ្គមហាសេនាបតីជោ ហ៊ុន សែន នាយករដ្ឋមន្រ្ដីនៃកម្ពុជា មានប្រជាពលរដ្ឋ និងមហាជនចូលគាំទ្រ (subscribe) រហូតដល់ចំនួន ៨៨៨៨៨៨នាក់ ត្រឹមម៉ោង ១០ និង៣៨ នាទីព្រឹកថ្ងៃទី៣ ខែកក្កដា ឆ្នាំ២០២៣នេះ ខណៈនៅលើពិភព​លោក​មានតែឆាណែលតេឡេក្រាមរបស់ប្រធានាធិបតីប្រទេសអ៊ុយក្រែន​លោក Volodymyr Zelenskyy មានអ្នកគាំទ្រជាង ៩០ ម៉ឺននាក់។សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា កាលពីថ្ងៃទី២៩ ខែមិថុនា ឆ្នាំ២០២៣នេះ​បាន​ប្រកាសយកបណ្ដាញតេឡេក្រាម (telegram) ផ្លូវការរបស់សម្ដេច​ជា​បណ្ដាញផ្សព្វផ្សាយផ្លូវការចំបង​លើការផ្សាយចេញនូវព័ត៌មាន ​និងការផ្សាយផ្ទាល់ផងដែរ។សម្តេចតេជោ មានប្រសាសន៍ថា ការយកបណ្ដាញតេឡេក្រាម​ជា​បណ្ដាញផ្សព្វផ្សាយ​ផ្លូវការ​ចំបង​បែបនេះដោយសារសម្ដេចពិនិត្យឃើញថា ​ការប្រើប្រាស់ ​បណ្តាញទំនាក់ទំនងសង្គម ​តេឡេក្រាម មានប្រសិទ្ធភាពខ្ពស់ជាង​ប្រៀបធៀបជាមួយ Facebook ហើយផ្ដល់ភាព​ងាយ​ស្រួល​ដល់សម្ដេច​ក្នុងការ​ធ្វើទំនាក់ ទំនងជាមួយប្រជាជន ​នៅពេល​សម្ដេចធ្វើដំណើរទៅប្រទេសមួយចំនួនដែលមិន​អនុញាតឱ្យប្រើ Facebook។សូមជម្រាបថា បណ្ដាញតេឡេក្រាមផ្លូវការរបស់សម្ដេចតេជោ ​ហ៊ុន សែន នាយករដ្ឋមន្រ្ដីនៃកម្ពុជា​បានផ្សព្វផ្សាយនូវសកម្មភាពផ្ទាល់របស់សម្ដេចតេជោ។ ​ក្រៅពីនេះ ​ក៏បានចែករំលែកនូវព័ត៌មានពិត និងផ្លូវការពីប្រព័ន្ធផ្សាព្វផ្សាយដែលទុកចិត្តបានជាច្រើនរួមនឹងផ្សាយផ្ទាល់​នូវខ្សែភាពយន្តភាគរឿង៖ «កូនប្រុសក្រោមពន្លឺព្រះចន្ទពេញបូណ៍មី»ផងដែរ៕ អត្ថបទ៖វ៉ន ដារ៉ា

ឯកឧត្តម ឱម យ៉ិនទៀង រំលឹកដល់សមាជិកាត្រូវប្រកាន់ខ្ជាប់នូវក្រមសីលធម៌ និងសុជីវធម៌ពេលកំពុងធ្វើយុទ្ធនាការឃោសនាបោះឆ្នោត

2023/07/03 10:49:28 am        227
Facebook Telegram Linkin
ភ្នំពេញ៖ ឯកឧត្តម ឱម យ៉ិនទៀង អនុប្រធាន ក្រុមការងារចុះជួយរាជធានីភ្នំពេញ និងជាប្រធាន​ក្រុមការងារចុះមូលដ្ឋានខណ្ឌទួលគោក រាជធានីភ្នំពេញ នៅល្ងាចថ្ងៃទី២នៃយុទ្ធនាការ​ឃោសនា​រកសំឡេងឆ្នោតបានរំលឹកដល់សមាជិក-សមាជិកា​បក្សនៅខណ្ឌទួលគោកទាំងអស់​គប្បី​ប្រកាន់ខ្ជាប់នៅក្រមសីលធម៌ ​និងសុជីវធម៌ ពេលធ្វើយុទ្ធនាការបោះឆ្នោតដែលបានកំពុង​ប្រព្រឹត្តនាពេលនេះ។ជាមួយនឹងការរំលឹកដល់សមាជិក-សមាជិកាគណបក្សឲ្យប្រកាន់ខ្ជាប់ ចំពោះក្រមសីលធម៌ និង ស្របទៅតាមការណែនាំរបស់គណៈកម្មាធិការជាតិរៀបចំការបោះឆ្នោត (គជប)នោះ ឯកឧត្តម ឱម យ៉ិនទៀង ក៏បានរំលឹកបន្ថែមទៀតអំពីគោលនយោបាយគណបក្សប្រជាជនកម្ពុជា ដោយ​ឯកឧត្តម បានបញ្ជាក់ថា គណបក្សប្រជាជនកម្ពុជា ដែលមានសម្តេចតេជោ ហ៊ុន សែន នាយករដ្ឋ​មន្រ្តី​នៃកម្ពុជា និងជាប្រធានគណបក្ស គឺនៅជាមួយបងប្អូនប្រជាពលរដ្ឋគ្រប់ពេលវេលា និងគ្រប់​កាលៈទេសៈទាំងអស់ ហើយមានតែគណបក្សប្រជាជនកម្ពុជាមួយគត់ដែលមាន​គោលនយោបាយ​ច្បាស់លាស់ និងស័ក្តិសមបំផុតក្នុងការដឹកនាំនាវាកម្ពុជាឆ្ពោះទៅកាន់ការអភិវឌ្ឍរីកចម្រើន តាំងពីដើមរហូតមកដល់សព្វថ្ងៃនេះ។ឯកឧត្តមប្រធានក្រុមការងារក៏ បានអំពាវនាវដល់បងប្អូនប្រជាពលរដ្ឋក៏ដូចជាសមាជិក-សមាជិកា​គណបក្សទាំងអស់នៅក្នុងខណ្ឌទូលគោកនេះ សូមអញ្ជើញ​ទៅបោះឆ្នោតឲ្យបានគ្រប់ៗគ្នាផងដែរ​ដើម្បីឲ្យក្លាយទៅជាពលរដ្ឋល្អ ​ហើយគប្បីបោះឆ្នោតដើម្បីការពារសន្តិភាព ដោយធ្វើការគូសត្រូវ​គិតឲ្យត្រូវ គាំទ្រឲ្យត្រូវ ​ចំពោះលេខរៀងទី១៨ ខណៈគូសត្រូវលេខរៀងទី១៨ គឺដើម្បីបន្តអភិវឌ្ឍន៍​ប្រទេសជាតិលើគ្រប់វិស័យទាំងអស់ផងដែរ។សូមបញ្ជាក់ថា ក្រោយធ្វើយុទ្ធនាការឃោសនារកសំឡេងឆ្នោត ឯកឧត្តម ឱម យ៉ិនទៀង ក៏បានរៀបចំកម្មវិធីសប្បាយដល់សមាជិក-សមាជិកា​ទាំងអស់នៅខណ្ឌទួលគោកនេះផងដែរ ៕

អ៊ុយក្រែន រាយការណ៍ការវាយប្រហាររបស់រុស្ស៊ី នៅភាគខាងកើត ខណៈរុលទៅមុខក្នុងភាគខាងត្បូង

2023/07/03 10:46:43 am        229
Facebook Telegram Linkin
អ៊ុយក្រែន៖ អនុរដ្ឋមន្ត្រីការពារជាតិអ៊ុយក្រែន បាននិយាយកាលពីថ្ងៃអាទិត្យថា កងកម្លាំងរបស់ខ្លួន កំពុងទប់ទល់នឹងការវាយលុករបស់រុស្ស៊ី នៅក្នុងតំបន់នានាភាគខាងកើតនៃសមរភូមិជួរមុខ និងប្រឈមស្ថានភាពលំបាក ជាច្រើននៅភាគខាងឦសាន ប៉ុន្តែកំពុងវាយរុលទៅមុខជិតទីក្រុង បាកមូត (Bakhmut)ដែលរងការបំផ្លិចបំផ្លាញ និងនៅក្នុងភាគខាងត្បូង ។កងកម្លាំងរុស្ស៊ីនៅសមរភូមិជួរមុខ បាននិយាយថា កងកម្លាំងរបស់ទីក្រុងមូស្គូ បានវាយបណ្ដេញការវាយប្រហាររបស់អ៊ុយក្រែន ជិតភូមិនានាជុំវិញទីក្រុងបាកមូត និងនៅក្នុងតំបន់មួយចំនួន នៅភាគខាងត្បូង ពិសេសទីក្រុងយុទ្ធសាស្ត្រតំបន់ភ្នំ វូលៀ (Vuhlear) ។ ពួកគេក៏បានរាយការណ៍ពីភាពជោគជ័យផងដែរចំពោះការទប់ទល់បានពីការវាយលុករបស់ទាហានអ៊ុយក្រែន នៅភាគឦសាន ។ សារព័ត៌មាន Reuters មិនអាចបញ្ជាក់បានទេពីសមរភូមិប្រយុទ្ធទាំងនេះទេ ។ ចំណែក លោកប្រធានាធិបតី អ៊ុយក្រែន Volodymyr Zelenskiy បានផ្ដល់រង្វាន់ដល់កងទ័ព នៅក្នុងកំពង់ផែ អូដេសា (Odesa) និងបានប្ដេជ្ញាថា សត្រូវ នឹងពុំមានផ្លូវបង្ហាញពីលក្ខខណ្ឌរបង្គាប់បញ្ជារបស់ខ្លួនក្នុងសមុទ្រខ្មៅទេ។  យោធារបស់អ៊ុយក្រែន បានប្រយុទ្ធតបតក្នុងការវាយបកដើម្បីដណ្ដើមតំបន់នានាមកវិញ នៅក្នុងភាគខាងកើត និងខាងត្បូង ដែលរុស្ស៊ី បានដណ្ដើមកាន់កាប់រយៈពេល១៦ខែមកនេះ ។ ការវាយរុលទៅមុខដំណាក់កាលដំបូងរបស់អ៊ុយក្រែនបានផ្ដោតលើការដណ្ដើមយកមកវិញនូវភូមិជាច្រើនក្នុងភាគខាងត្បូង។  អនុរដ្ឋមន្ត្រីការពារជាតិអ៊ុយក្រែន លោកស្រី ហានណា ម៉ាលីយ៉ា (Hanna Maliar) បាននិយាយថា គ្រប់ទីកន្លែងក្នុងភាគខាងកើតសុទ្ធតែជាចំណុចក្តៅដោយការប្រយុទ្ធគ្នាយ៉ាងខ្លាំង ខណៈកងកម្លាំងរុស្ស៊ី កំពុងវាយរុលទៅមុខជិតទីក្រុងមួយចំនួន ដែលមានស្ថានភាពយ៉ាប់យ៉ឺន ដូចជា ទីក្រុង អាវឌីវកា (Avdiivka) និង ទីក្រុង ម៉ារីយីនកា (Maryinka) ក្នុងតំបន់ដូណេត (Donetsk)៕

ប្រធានសភា Duma ៖ អ្នកប្រយុទ្ធក្រុមហ៊ុន Wagner ច្រើននាក់បានយល់ព្រមចុះហត្ថលេខាជាមួយក្រសួងការពារជាតិរុស្ស៊ី

2023/07/03 10:29:39 am        221
Facebook Telegram Linkin
រុស្ស៊ី៖ ប្រធានសភាជាន់ទាបរបស់ប្រទេសរុស្ស៊ីបាននិយាយថា អ្នកប្រយុទ្ធច្រើននាក់នៃក្រុមទាហានស៊ីឈ្នួលក្រុមហ៊ុន Wagner បានយល់ព្រមចុះហត្ថលេខាលើកិច្ចសន្យាជាមួយក្រសួងការពារជាតិរបស់ប្រទេស។ ក្រសួង បានជំរុញឱ្យអ្នកប្រយុទ្ធចុះហត្ថលេខាលើកិច្ចសន្យាកាលពីថ្ងៃសៅរ៍។ ប្រធានសភា រដ្ឋ លោក Vyacheslav Volodin បានសរសេរនៅក្នុងការបង្ហោះតាមប្រព័ន្ធផ្សព្វផ្សាយសង្គមកាលពីថ្ងៃអាទិត្យថា តាមដែលលោកដឹង ពួកគេភាគច្រើនបានយល់ព្រមចុះហត្ថលេខា។ រឿងនេះកើតឡើង បន្ទាប់ពីប្រធានាធិបតីប្រទេសបេឡារុស លោក Alexander Lukashenko តាមដែលត្រូវបានគេរាយការណ៍ថា បានផ្តល់ដល់អ្នកប្រយុទ្ធក្រុមហ៊ុនទាហានស៊ីឈ្នួល Wagner ឱ្យប្រើប្រាស់ជំរំនៅក្នុងប្រទេសរបស់លោក។ ទន្ទឹមនឹងនេះ កងកម្លាំងប្រទេសអ៊ុយក្រែន និងរុស្ស៊ី ទំនងជាត្រូវបានជាប់នៅក្នុងការប្រយុទ្ធគ្នាខ្លាំងជាថ្មីម្តងទៀតលើការគ្រប់គ្រងទីក្រុង Bakhmut ក្នុងតំបន់ភាគខាងកើតតំបន់ Donetsk ។អនុរដ្ឋមន្ត្រីក្រសួងការពារជាតិអ៊ុយក្រែនលោកស្រី Hanna Maliar បាននិយាយនៅលើបណ្តាញផ្សព្វផ្សាយសង្គមកាលពីថ្ងៃអាទិត្យថា កងកម្លាំងអ៊ុយក្រែនបានទទួលជោគជ័យដោយផ្នែកក្នុងការរុលទៅមុខនៅតំបន់ភាគខាងត្បូងទីក្រុង Bakhmut ។ ប៉ុន្តែលោកស្រី បាននិយាយថា រុស្ស៊ីបានផ្ទេរកងទ័ពទៅកាន់ភាគខាងជើងទីក្រុង និងប្រយុទ្ធបន្តនៅទីនោះ។ កាលពីខែឧសភា ភាគីរុស្ស៊ីបានអះអាងថាខ្លួនបានគ្រប់គ្រងទីក្រុង Bakhmut បានពេញលេញ។ ការិយាល័យប្រធានាធិបតីអ៊ុយក្រែន បាននិយាយថា ប្រធានាធិបតី លោក Volodymyr Zelenskyy បានធ្វើទស្សនាតំបន់ភាគខាងត្បូងទីក្រុង Odesa កាលពីថ្ងៃអាទិត្យ ដើម្បីប្រារព្ធទិវាកងទ័ពជើងទឹករបស់ប្រទេស។ តាមសេចក្តីរាយការណ៍បានឲ្យដឹងថាថា លោកត្រូវបានរាយការណ៍សង្ខេបជូនដោយមេបញ្ជាការកងទ័ពជើងទឹកអំពីប្រតិបត្តិការនៅក្នុងសមុទ្រខ្មៅ និងអំពីសមត្ថភាពវាយប្រហារដោយមីស៊ីលរបស់យោធារុស្ស៊ីពីសមុទ្រ។ លោក Zelenskyy បាននិយាយនៅក្នុងសុន្ទរកថា ថា លោកមានទំនុកចិត្តថាអ៊ុយក្រែន នឹងដណ្តើមបានមកវិញនូវអ្វីៗគ្រប់យ៉ាង ដែលត្រូវបានគ្រប់គ្រងបណ្តោះអាសន្នដោយរុស្ស៊ី។

ពលរដ្ឋបាឡេស្ទីន ដុតកង់ឡាន បន្ទាប់ពីអ៊ីស្រាអែលវាយប្រហារទៅលើទីក្រុងចេនីនបណ្តាលឱ្យមនុស្សស្លាប់

2023/07/03 10:26:41 am        196
Facebook Telegram Linkin
ប៉ាឡេស្ទីន៖ យោធាអ៊ីស្រាអែល បាននិយាយថា ខ្លួនបានវាយប្រហារទៅលើមណ្ឌលទីបញ្ជាការសម្រាប់យុទ្ធជនសកម្មប្រយុទ្ធនៅទីក្រុងចេនីននៃតំបន់វេសបែង (West Bank) ជាការវាយប្រហារមួយនៅព្រឹកថ្ងៃចន្ទនេះ ដែលអ្នកស្រុក បាននិយាយថា បណ្តាលឱ្យមនុស្សយ៉ាងតិចម្នាក់ បានស្លាប់ និងទាក់ទិននឹងមីស៊ីល១គ្រាប់ ដែលត្រូវបានបាញ់ចេញពីដែនអាកាស។  យោធាអ៊ីស្រាអែល បាននិយាយទៀតថា ខ្លួនបានវាយប្រហារទៅលើមជ្ឈមណ្ឌលប្រតិបត្តិការរួមមួយកន្លែងដែលបម្រើជាមណ្ឌលទីបញ្ជាការសម្រាប់យុទ្ធជនមកពីកងពលតូចនៅទីក្រុងចេនីន ជាកងប្រដាប់អាវុធមួយ ដែលមានអ្នកយុទ្ធមកពីក្រុមសកម្មប្រយុទ្ធផ្សេងទៀត។កាលពីខែមុន អ៊ីស្រាអែល បានសម្លាប់ខ្មាន់កាំភ្លើងសកម្មប្រយុទ្ធ៣នាក់ នៅជិតទីក្រុងចេនីន នៅក្នុងការវាយប្រហារដោយយន្តហោះដ្រូនទី១ នៅតំបន់វេសបែង តាំងពីឆ្នាំ២០០៦ ខណៈដែលអំពើហិង្សានៅទូទាំងតំបន់បានកើនឡើង។ អ៊ីស្រាអែល បានបដិសេធមិនបញ្ជាក់ថាតើការវាយប្រហារនៅថ្ងៃចន្ទនេះទាក់ទិននឹងដ្រូនដែរឬយ៉ាងណា? ក្រសួងសុខាភិបាលប៉ាឡេស្ទីន បានឱ្យដឹងថា មនុស្សម្នាក់ បានស្លាប់ និងម្នាក់ផ្សេងទៀត បានរងរបួស នៅក្នុងការវាយប្រហារនោះ។ អ្នកស្រុក បាននិយាយថា មីស៊ីល១គ្រាប់ដែលត្រូវបានគេបាញ់ចេញពីដែនអាកាសនោះ បានត្រូវចំលំនៅឋានមួយខ្នង ហើយផ្សែងបានហុយចេញពីបំណែកផ្ទះនោះ។ យោធា បាននិយាយថា គោលដៅនោះ ដើរតួជាមជ្ឈមណ្ឌលពិនិត្យ និងឈ្លបយកការណ៍ដ៏ទំនើបមួយ និងជាទីកន្លែងរក្សាទុកអាវុធ និងគ្រឿងផ្ទុះព្រមទាំងជាមជ្ឈមណ្ឌលសម្របសម្រួល និងទំនាក់ទំនងសម្រាប់យុទ្ធជនសកម្មប្រយុទ្ធ៕

បណ្ដាញសង្គម

ព័ត៌មានថ្មីៗ

លោក Ramiro Valdes ដែលស្ថិតក្នុងចំណោមឥស្សរជនបដិវត្តន៍នៅរស់ចុងក្រោយរបស់គុយបា បានទទួលមរណភាព
06/22/2026 03:06 PM
Facebook Telegram Linkin
កាកបាទក្រហមកម្ពុជា បើកយុទ្ធនាការបរិច្ចាគឈាមដ៏ធំក្រោមប្រធានបទ «តំណក់ឈាមមនុស្សធម៌! ផ្តល់ឈាមសង្គ្រោះជីវិត»
06/22/2026 02:06 PM
Facebook Telegram Linkin
ក្រសួងការងារ បើកវគ្គបណ្តុះបណ្តាលរយៈពេល ៣ថ្ងៃ ដើម្បីពង្រឹងសមត្ថភាពជនបង្គោលយេនឌ័ររបស់ក្រសួង
06/22/2026 02:06 PM
Facebook Telegram Linkin
ជប៉ុន​​ផ្ដល់ឥណទានសម្បទានប្រមាណ ១៦២.៧ លានដុល្លារអាម៉េរិក ដើម្បីអនុវត្តគម្រោង​ស្តារឡើងវិញនូវប្រព័ន្ធស្រោចស្រព និងប្រព័ន្ធដោះទឹកភាគនិរតីរាជធានីភ្នំពេញ
06/22/2026 02:06 PM
Facebook Telegram Linkin
រដ្ឋសភាអនុម័តសេចក្តីព្រាងច្បាប់ស្តីពីវិសោធនកម្មច្បាប់ស្តីពីផ្លូវថ្នល់ ដែលបានធ្វើវិសោធនកម្មចំនួន ១៥ មាត្រា លើច្បាប់ស្តីពីផ្លូវថ្នល់ដើម្បីឆ្លើយតបតាមការអភិវឌ្ឍសង្គម-សេដ្ឋកិច្ច
06/22/2026 02:06 PM
Facebook Telegram Linkin
មន្រ្ដីជំនាញ៖ការសិក្សារំហូរទេសចរជាយុទ្ធសាស្រ្តពីអ្នកជំនាញរួមចំណែកយ៉ាងសំខាន់ក្នុងការអភិវឌ្ឍន៍វិស័យទេសចរណ៍ខេត្តបាត់ដំបង
06/22/2026 02:06 PM
Facebook Telegram Linkin
ភាគីថៃជូនដំណឹងជាផ្លូវការមកកម្ពុជា​អំពីការ​ជ្រើសរើស​អ្នកផ្សះផ្សាចំនួនពីររូបរួចហើយ ដើម្បីចូលរួម​ក្នុង​យន្តការផ្សះផ្សាដោយបង្ខំ​ ក្រោម​អនុសញ្ញា UNCLOS
06/22/2026 01:06 PM
Facebook Telegram Linkin
បាល់ទាត់ពិភពលោក ២០២៦៖ ជាងកាត់សក់នៅ LA ផ្តល់សេវាកាត់សក់ឥតគិតថ្លៃ ស្វាគមន៍អ្នកគាំទ្របាល់ទាត់
06/22/2026 01:06 PM
Facebook Telegram Linkin
ភ្ញៀវទេសចររាប់ម៉ឺននាក់ទៅលេងកម្សាន្តទឹកដីស្រុកសំឡូត ខេត្តបាត់ដំបង ក្នុងរដូវកាលបៃតង និងជារដូវកាលប្រមូលផលផ្លែឈើ
06/22/2026 01:06 PM
Facebook Telegram Linkin
សហគ្រិនក្នុងស្រុក​ បង្ហាញក្ដីរីករាយ​ ខណៈសន្ទុះគាំទ្រផលិតផលខ្មែរពីពលរដ្ឋបន្តមានការ​កើនឡើង
06/22/2026 01:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.