BTV NEWS

អតីតសកម្មជនគណបក្សប្រឆាំងចំនួន ៨៧នាក់ ចូលរួមជីវភាពនយោបាយជាមួយគណបក្សប្រជាជនកម្ពុជា នៅក្នុងស្រុកស្អាង និងស្រុកកោះធំ

ក្រុមការងារគណបក្សចុះមូលដ្ឋានស្រុកលើកដែកណែនាំយុវជនរក្សាជាកម្លាំងសាមគ្គី

ប្រធានក្រុមការងារចុះមូលដ្ឋាន៖ បក្សប្រជាជនប្រកាន់ខ្ជាប់នូវឧត្តមគតិស្នេហាជាតិ និងការអភិវឌ្ឍ

សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក

នយោបាយ និង ការអភិវឌ្ឍន៍

សម្តេចតេជោ៖ រដ្ឋធម្មនុញ្ញ ឬច្បាប់ណាក៏ដោយ មិនបានកំណត់ឲ្យរាជរដ្ឋាភិបាល ទៅពិគ្រោះជាមួយសង្គមស៊ីវិលនោះទេ

ពោធិ៍សាត់៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានថ្លែងថា រដ្ឋធម្មនុញ្ញ ឬច្បាប់ណាក៏ដោយនៅកម្ពុជា មិនបានកំណត់ថា ឲ្យរាជរដ្ឋាភិបាលធ្វើការពិគ្រោះយោបល់ ជាមួយក្រុមអង្គការសង្គមស៊ីវិលនោះទេ ខណៈសង្គមស៊ីវិលមួយក្តាប់តូចដែលស៊ីលុយពីបរទេសហើយលើកបន្តុបខ្លួនឯងថា តំណាងឲ្យអ្នកនេះអ្នកនោះ ចេញសេចក្ដីថ្លែងការណ៍ប្រឆាំងនឹងរាជរដ្ឋាភិបាល ក្រោយរាជរដ្ឋាភិបាលធ្វើច្បាប់អ្វីមួយនោះ។ថ្លែងក្នុងឱកាសអញ្ជើញចុះជួបសំណេះសំណាលជាមួយកម្មករនិយោជិតតាមរោងចក្រសហគ្រាសនានា នៅស្រុកក្រគរ ខេត្តពោធិ៍សាត់ នាព្រឹកថ្ងៃទី៣០ ខែមិថុនា ឆ្នាំ២០២៣នេះ សម្តេចតេជោ ហ៊ុន សែន បានសង្កត់ធ្ងន់ថា «ក្រុមពួកលោកឯងកុំចង់ធ្វើជាអង្គការក្រៅរាជរដ្ឋាភិបាលចាត់តាំងគ្នាឯងបីបួននាក់ រួចមកធ្វើជាអ្នករារាំងមន្រ្តីជាប់ឆ្នោត ចេញពីសភា និងព្រឹទ្ធសភា ខណៈមន្រ្តីជាប់ឆ្នោតនេះ គឺតំណាងឲ្យប្រជាពលរដ្ឋ។ ពួកអ្នកឯងស៊ីលុយបរទេសគ្រាន់តែតំណាងឲ្យមនុស្សប៉ុន្មាននាក់ ដែលពួកក្រុមអ្នកឯងតែងតាំងគ្នាឯងទេ តែមកចេញជាសេចក្តីថ្លែងការណ៍ ហើយមានអ្នកខ្លះទៀតគិតថាធ្វើហ្នឹងខុសនីតិវិធី (ធ្វើវិសោធនកម្មច្បាប់ ស្តីពីការបោះឆ្នោត) ដោយមិនបានពិគ្រោះជាមួយសង្គមស៊ីវិល អញ្ចឹងទេខ្ញុំគ្រាន់ តែប្រាប់អ្នកឯងថា រដ្ឋធម្មនុញ្ញ ឬច្បាប់ណាក៏ដោយមិនបានកំណត់ថាឲ្យរាជរដ្ឋាភិបាលទៅពិគ្រោះជាមួយ សង្គមស៊ីវិលនោះទេ….ឲ្យស្គាល់ច្បាប់ហើយសូមកុំព្រហើន។ការលើកឡើងរបស់សម្តេចតេជោ ប្រមុខរាជរដ្ឋាភិបាលនេះ គឺចង់ចំអកឲ្យក្រុមអង្គការក្រៅរាជរដ្ឋាភិបាលមួយក្តាប់តូច ដែលតែងតែលើកបន្តុបខ្លួនឯងថា តំណាងឲ្យអ្នកនេះអ្នកនោះប៉ុន្មាននាក់ ហើយចេញសេចក្តីថ្លែងការណ៍ជំទាស់ ក្រោយរដ្ឋសភាអនុម័តទាំងស្រុង ចំពោះសេចក្តីព្រាងច្បាប់ ស្តីពីវិសោធនកម្មច្បាប់បោះឆ្នោតថ្មី កាលពីកន្លងទៅថ្មីៗនេះ។ សម្តេចតេជោ បានលើកឡើងថា ការធ្វើវិសោធនកម្មច្បាប់បោះឆ្នោតនេះ គឺដើម្បីការពារដំណើរការ នៃការបោះឆ្នោតពីផែនការ ឬឧបាយកល និងនយោបាយនានា ក្នុងការប៉ុនប៉ងបំផ្លាញការបោះឆ្នោត មិនមែនជាការកាត់សិទ្ធិរបស់បងប្អូនប្រជាពលរដ្ឋនោះទេ គឺធ្វើឡើងដើម្បីការពារនូវភាពសុខសាន្តរបស់បង ប្អូនប្រជាពលរដ្ឋ និងដំណើរការអនុវត្តសិទ្ធិរបស់ប្រជាពលរដ្ឋតែប៉ុណ្ណោះ៕អត្ថបទ៖ បាន ចក់

ឯកឧត្តមនេត សាវឿន អំពាវនាវអាជ្ញាធរ និងលោកគ្រូអ្នកគ្រូបន្តអប់រំសិស្សានុសិស្សអំពីផលប៉ះពាល់គ្រឿងញៀន

ព្រៃវែង៖ ក្នុងឱកាសអញ្ជើញសម្ពោធដាក់ឲ្យប្រើប្រាស់សាលាបឋមសិក្សា នេត សាវឿន មានជ័យ នៅស្រុកកញ្ជ្រៀច ខេត្តព្រៃវែង នាថ្ងៃទី៣០ខែមិថុនា ឆ្នាំ២០២៣នេះ ឯកឧត្តម នេត សាវឿន ប្រធានក្រុមការងាររាជរដ្ឋាភិបាលចុះមូលដ្ឋាន ស្រុកស្វាយអន្ទរ និងស្រុកកញ្ជ្រៀច បានណែនាំដល់អាជ្ញាធរ និងលោកគ្រូ អ្នកគ្រូបន្តអប់រំ ដល់សិស្សានុសិស្សឲ្យបានជាប្រចាំទាក់ទងនិងផលប៉ះពាល់គ្រឿងញៀន ខណៈគ្រឿងញៀននេះនឹងនាំឲ្យ មានហានិភ័យខ្ពស់ចំពោះអនាគតយុវជន និងសង្គមជាតិ។ឯកឧត្តម បានថ្លែងថា«ក្នុងនាំអាណាព្យាបាល ត្រូវសហការគ្នាឲ្យបានល្អជាមួយ អាជ្ញាធរ កម្លាំងមានសមត្ថកិច្ច លោកគ្រូ អ្នកគ្រូ ដោយអប់រំពន្យល់ណែនាំដល់សិស្សានុសិស្ស អំពីផលប៉ះពាល់ដោយសារគ្រឿងញៀន យល់ដឹងអំពីល្បិចនៃការញុះញង់អូសទាញរបស់ជនខិលខូច ជៀសវាងធ្លាក់ចូលអន្ទាក់គ្រឿងញៀន ហើយយុវជនផ្ទាល់ត្រូវនិយាយថាទេចំពោះគ្រឿងញៀនកុំចង់ដឹងកុំចង់សាក និងកុំពាក់ព័ន្ធទាំងអស់»។ដោយឡែក ពាក់ព័ន្ធការងារចរាចរណ៍វិញ ឯកឧត្តម នេត សាវឿន ក៏មិនភ្លេចណែនាំដល់សិស្សានុសិស្ស និងប្រជាពលរដ្ឋទាំងអស់ ត្រូវចូលរួមគោរពច្បាប់ចរាចរណ៍ទាំងអស់គ្នា ដោយបើកបរត្រូវប្រកាន់ស្ដាំ ជិះម៉ូតូត្រូវពាក់មួកសុវត្ថិភាព ហើយបើកបររថយន្ដត្រូវពាក់ខ្សែក្រវាត់ ហើយនិងមិនត្រូវបើកបរហួសល្បឿនកំណត់។ សម្រាប់អាណាព្យាបាល ត្រូវចូលរួមជួយអប់រំកូនចៅរបស់ខ្លួនមុនចេញពីផ្ទះ ឬសាលារៀនត្រូវក្រើនរំលឹកជាប្រចាំឲ្យគោរពច្បាប់ចរាចរណ៍នេះផងដែរ ខណៈចរាណ៍នេះបានស្លាប់មនុស្សក្នុងមួយថ្ងៃៗជា មធ្យមពី៤ទៅ៥នាក់។ក្នុងឱកាសឱកាសនោះដែរ ឯកឧត្តម នេត សាវឿន ក្នុងនាមអគ្គស្នងការនគរបាលជាតិ បានជំរុញក៏ដូចជាដាក់ចេញនូវបទបញ្ជាឲ្យអាជ្ញាធរគ្រប់លំដាប់ថ្នាក់ កងកម្លាំងមានសមត្ថកិច្ច និងប្រជាការពារ ត្រូវរួមគ្នាបន្ដខិតខំអនុវត្ដនូវគោលនយោបាយភូមិ ឃុំសង្កាត់ មានសុវត្ថិភាព របស់រាជរដ្ឋាភិបាលឲ្យកាន់តែមានប្រសិទ្ធភាពបន្ថែមទៀត សំដៅរក្សាសន្ដិសុខ សណ្ដាប់ធ្នាប់ លុបបំបាត់ក្មេងទំនើង និងទប់ស្កាត់បទល្មើសនានា។ មួយវិញទៀត នៅពេលដល់ម៉ោងសិស្សានុសិស្សចេញពីរៀន ត្រូវជួយសម្រួលចរាចរណ៍ឲ្យបានល្អនៅតាមសាលារៀនផងដែរ៕អត្ថបទ៖ បានចក់

នូវ៉ែលហ្សេឡង់គ្រប់គ្រងទំនាក់ទំនងចិនដោយប្រុងប្រយ័ត្ន ដើម្បីជៀសវាងជាប់ក្នុងការប្រជែងគ្នា

នូវ៉ែលហ្សេឡង់៖ នូវ៉ែលហ្សេឡង់កំពុងគ្រប់គ្រងទំនាក់ទំនងរបស់ខ្លួនជាមួយចិនយ៉ាងប្រុងប្រយ័ត្ន ហើយត្រូវតែជៀសវាងការទាញចេញពី “សសរស្តម្ភ និងបញ្ហាពេលក្រោយ” ស្របពេលមានការប្រកួតប្រជែងយុទ្ធសាស្ត្ររវាងចិន និងសហរដ្ឋអាមេរិក នេះបើតាមរដ្ឋមន្ត្រីការបរទេសរបស់ប្រទេសប៉ាស៊ីហ្វិកមួយនេះគឺលោកស្រី Nanaia Mahuta (ណាណៃឣា ម៉ាហ៊ូថា) បានប្រាប់សារព័ត៌មាន រ៉យទ័រ ក្នុងបទសម្ភាសន៍មួយនៅថ្ងៃសុក្រ (៣០ មិថុនា) ។ការអត្ថាធិប្បាយរបស់លោកលោកស្រី ម៉ាហ៊ូថា ធ្វើឡើងនៅពេលដែលនាយករដ្ឋមន្ត្រីនូវ៉ែលហ្សេឡង់លោក Chris Hipkins ជិតដល់ទីបញ្ចប់នៃដំណើរទស្សនកិច្ចរយៈពេលប្រាំមួយថ្ងៃទៅកាន់ប្រទេសចិន ដឹកនាំគណៈប្រតិភូពាណិជ្ជកម្ម ដែលរួមមានកិច្ចប្រជុំជាមួយលោកប្រធានាធិបតីចិន Xi Jinping និងនាយករដ្ឋមន្ត្រី Li Qiang ដែលផ្តោតលើភាពជាដៃគូសេដ្ឋកិច្ច និងពាណិជ្ជកម្ម។លោកស្រី Mahuta បាននិយាយថា "យើងគ្រប់គ្រងយ៉ាងប្រុងប្រយ័ត្នចំពោះទំនាក់ទំនងដ៏ស្មុគស្មាញរបស់ប្រទេសចិន " ។លោកស្រីបាននិយាយកាន់តែទូលំទូលាយថា គោលនយោបាយការបរទេស និងបញ្ហាប្រឈមភូមិសាស្ត្រនយោបាយកាន់តែស្មុគស្មាញ រួមទាំងផលប៉ះពាល់នៃបម្រែបម្រួលអាកាសធាតុលើប្រទេសនានា សង្គ្រាមនៅអ៊ុយក្រែន និងចំនួនជនភៀសខ្លួនដ៏ច្រើនដែលចាំបាច់ត្រូវតាំងទីលំនៅថ្មីផងដែរ៕

ប៉ាគីស្ថាន និងមូលនិធិ IMF ឈានដល់កិច្ចព្រមព្រៀងកម្រិតបុគ្គលិក ដើម្បីបញ្ចេញមូលនិធិដែលជាប់គាំង

ប៉ាគីស្ថាន៖ មូលនិធិរូបិយវត្ថុអន្តរជាតិ (IMF) បានឈានដល់កិច្ចព្រមព្រៀងកម្រិតបុគ្គលិកជាមួយប៉ាគីស្ថានលើកិច្ចព្រមព្រៀងឈរដោយទំហំទឹកប្រាក់ចំនួន៣ពាន់លានដុល្លារ ជាការសម្រេចដែលរង់ចាំជាយូរមកហើយដោយប្រទេសអាស៊ីខាងត្បូងមួយនេះ ដែលកំពុងតែមានកំណើនយ៉ាងខ្លាំងនៅលើបញ្ហាបំណុល។កិច្ចព្រមព្រៀងដែលស្ថិតក្រោមការយល់ព្រមពីក្រុមប្រឹក្សាមូលនិធិ IMF ធ្វើឡើងបន្ទាប់ពីការពន្យារពេលរយៈពេលប្រាំបីខែ និងផ្តល់ភាពធូរស្រាលខ្លះដល់ប្រទេសប៉ាគីស្ថានដែលកំពុងប្រយុទ្ធនឹងការថ្លឹងថ្លែងដ៏ហ្មត់ចត់នៃវិបត្តិការចំណាយ ព្រមទាំងការធ្លាក់ចុះនៃទុនបំរុងប្តូរប្រាក់បរទេស។ធនាគារកណ្តាលរបស់ប្រទេសប៉ាគីស្ថានបានដំឡើងអត្រាការប្រាក់គោល១% កើនរហូតដល់២២% នៅក្នុងកិច្ចប្រជុំបន្ទាន់មួយកាលពីថ្ងៃចន្ទ (២៦ មិថុនា) មួយថ្ងៃបន្ទាប់ពីប្រទេសនេះបានកែប្រែថវិការបស់ខ្លួនសម្រាប់ឆ្នាំសារពើពន្ធចាប់ពីថ្ងៃទី ១ ខែកក្កដា ក្នុងការដេញថ្លៃដើម្បីជួយសង្គ្រោះកម្មវិធីមូលនិធិ IMF៕

ក្បួនរថយន្តមេដឹកនាំប្រឆាំងឥណ្ឌាទៅកាន់រដ្ឋមានជម្លោះ Manipurត្រូវបានបញ្ឈប់ដោយក្រុមនគរបាលក្នុងស្រុក

ឥណ្ឌា៖ កាលពីថ្ងៃព្រហស្បតិ៍ម្សិលមិញ មេដឹកនាំប្រឆាំងឥណ្ឌា លោក Rahul Gandhiត្រូវបានបញ្ឈប់ដោយក្រុមនគរបាលក្នុងស្រុក ដែលបានបាញ់ឧស្ម័នបង្ហូរទឹកភ្នែកនៅជិតក្បួនរថយន្តរបស់លោក ពេលដែលមេដឹកនាំគណបក្សសភាម្នាក់នេះ ស្ថិតនៅតាមផ្លូវទៅកាន់រដ្ឋភាគឦសាន Manipur ដែលកំពុងកើតអំពើហិង្សា ។ គួរឲ្យដឹងថា មនុស្សយ៉ាងហោច ៨០នាក់ ត្រូវបានសម្លាប់ និងមនុស្សជាង ៤ម៉ឺននាក់ បានរត់ភៀសខ្លួនចេញពីផ្ទះសម្បែងរបស់ពួកគេ ចាប់តាំងពីការប៉ះទង្គិចគ្នាផ្ទុះឡើងនៅរដ្ឋ Manipurកាលពីដើមខែឧសភាកន្លងទៅ រវាងក្រុមជនជាតិភាគតិច ។ ឧបទ្ទេវហេតុហិង្សា និងការលួចដុតផ្ទះសម្បែងជាបន្តបន្ទាប់ នៅតែកើតឡើង បើទោះបីជាមានវត្តមានដ៏ច្រើនរបស់កងកម្លាំងសន្តិសុខក៏ដោយនៅតំបន់មួយចំនួនក្នុងរដ្ឋដាច់ស្រយាលមួយនេះ ដែលជាប់ព្រំដែនជាមួយសហមីយ៉ាន់ម៉ា ។ លោក Gandhi កំពុងធ្វើដំណើរទៅកាន់ស្រុក Churachandpurគឺជាស្រុកមួយក្នុងចំណោមស្រុកជាច្រើនទៀត ដែលរងផលប៉ះពាល់ខ្លាំងបំផុតដោយសារអំពើហិង្សា ពេលដែលកងកម្លាំងសន្តិសុខ បានបញ្ឈប់ក្បួនរថយន្តរបស់លោកនៅទីក្រុង Bishnupur ដែលមានចម្ងាយប្រហែល ២០គ.មពីទីក្រុង Imphal ដោយសារពួកលើកឡើងពីក្តីកង្វល់សន្តិសុខ ។ ឧស្ម័នបង្ហូរទឹកភ្នែក ត្រូវបានបាញ់ដើម្បីបំបែកហ្វូងមនុស្សដែលចាប់ផ្តើមជួបជុំគ្នានៅទីនោះ ។ សូមបញ្ជាក់ថា អំពើហិង្សារវាងក្រុមជនជាតិភាគតិច Kuki ដែលភាគច្រើនរស់នៅតាមតំបន់ភ្នំ និងក្រុមជនជាតិភាគតិច Meiteis ដែលជាសហគមន៍នៅតាមតំបន់វាលទំនាប បានផ្ទុះឡើងកាលពីថ្ងៃទី ៣ ខែឧសភា ដោយសារតែការមិនសប្បាយចិត្តចំពោះអត្ថប្រយោជន៍សេដ្ឋកិច្ច និងកូតាក្នុងការងាររដ្ឋ ហើយនិងការអប់រំដែលបម្រុងទុកសម្រាប់ប្រជាជនរស់នៅតំបន់ភ្នំ ៕

សម្តេចតេជោ ព្រមានបិទបិទហ្វេសប៊ុកចោល ប្រសិនបើក្រុមប្រឆាំងនៅតែឌឺដងដាក់សម្តេច

ពោធិ៍សាត់៖ សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា បានព្រមានបិទហ្វេសប៊ុកនៅកម្ពុជា ប្រសិនបើ ក្រុមប្រឆាំងបន្តផ្គើន និងឌឺដងឲ្យសម្តេច ក្រោយសម្តេចប្រកាសឈប់ប្រើហ្វេសប៊ុក ហើយសម្តេចបាន លើកឡើងទៀតថា ប្រសិនបើបិទហ្វេសប៊ុក ពួកប្រឆាំងនឹងដាច់ទំនាក់ទំនងជាមួយអ្នកក្នុងស្រុក។ក្នុងឱកាសអញ្ជើញជួបសំណេះសំណាលជាមួយកម្មករ និយោជិត បម្រើការងារនៅតាមរោងចក្រ សហគ្រាសនានា នៅស្រុកក្រគរ ខេត្តពោធិ៍សាត់ នាព្រឹកថ្ងៃទី៣០ ខែមិថុនា ឆ្នាំ២០២៣នេះ សម្តេចតេជោ ហ៊ុន សែន បានថ្លែងថា ក្រុមប្រឆាំង កំពុងសប្បាយចិត្ត ខណៈដែលសម្តេច បានប្រកាសឈប់ប្រើប្រាស់ បណ្តាញសង្គមហ្វេសប៊ុក តែសម្តេចបានព្រមានអំពីការផ្តាច់ទំនាក់ទំនងតាមរយៈបណ្តាញសង្គមនេះ ប្រសិនបើពួកប្រឆាំងផ្គើន ។ ប៉ុន្តែទោះជាយ៉ាងណា សម្តេចមិនចង់ឲ្យមានផលប៉ះពាល់ដល់ប្រជាពលរដ្ឋ នោះដែរ ។សម្តេចតេជោ ហ៊ុន សែន ក៏បានណែនាំដល់ប្រជាពលរដ្ឋ ក៏ដូចជាកម្មករ-កម្មការិនីទាំងអស់ គប្បី ទាញយកកម្មវិធីផ្សេងៗ ដូចជា Telegram. WhatsApp Online និងបណ្តាញសង្គមផ្សេងៗក្រៅពីហ្វេស ប៊ុក ដើម្បីផ្តល់ភាពងាយស្រួលក្នុងការទាក់ទងគ្នាប្រសិនបើហ្វេសប៊ុកមានបញ្ហានោះ ។ សម្ដេចតេជោ បាន សម្រេចឈប់ប្រើប្រាស់បណ្ដាញសង្គមហ្វេសប៊ុក ដោយសារតែសង្កេតឃើញថា មានការក្លែងបន្លំគណនី របស់សម្ដេចច្រើន ៕អត្ថបទ៖ បាន ចក់

ក្រុមអ្នកវិទ្យាសាស្រ្តរកឃើញថាចក្រវាឡត្រូវបានយោលយោគដោយរលកទំនាញ

អាមេរិក៖ កាលពីថ្ងៃព្រហស្បតិ៍ម្សិលមិញ ក្រុមអ្នកវិទ្យាសាស្រ្តបានបង្ហាញភស្តុតាងថា រលកទំនាញ ដែលជារលកវិមាត្រនៃពេលវេលាអវកាសត្រូវបានព្យាករណ៍ដោយរូបវិទូ Albert Einsteinកាលពីរយៈពេលជាង ១សតវត្សរ៍មុន កំពុងតែជ្រាបចូលទៅក្នុងចក្រវាឡ ក្នុងប្រេកង់ទាប បង្កើតបានជាសំឡេងផ្នែកខាងក្រោយនៃចក្រវាឡ ។ ការរកឃើញថ្មីនេះ បង្ហាញថា ចក្រវាឡត្រូវបានយោលយោគដោយសាររលកទំនាញទាំងនេះ ដែលយោលទៅយោលមកអស់រយៈពេលជាច្រើនឆ្នាំមកហើយ ឬអស់រយៈពេលយូរជាងនេះ ហើយវាទំនងជាមានដើមកំណើតដំបូងពីប្រហោងខ្មៅដ៏ធំសម្បើមចំនួន ២ដែលវិលជាមួយគ្នា មុនពេលត្របាញ់ចូលគ្នាតែមួយ ។ លោក Michele Vallisneri គឺជាអ្នកស្រាវជ្រាវជាន់ខ្ពស់នៅមន្ទីរពិសោធន៍ Jet Propulsion របស់អង្គការណាសា និយាយថា ការរកឃើញថ្មីបង្ហាញលើកដំបូងពីផ្នែកយឺតជាងគេនៃចក្រវាឡ ។ លោករំពឹងថា ចំណេះដឹងមួយនេះ នឹងឈានទៅរករបកគំហើញមួយទៀតដែលលោកសង្ឃឹមថា នឹងធ្វើឲ្យក្រុមអ្នកវិទ្យាសាស្រ្តភ្ញាក់ផ្អើល ។ ផ្កាយ Pulsar គឺជាស្នូលដ៏ក្រាស់បំផុតនៃផ្កាយផ្ទុះដែលវិលលឿនដូចម៉ាស៊ីនទឹកក្រឡុកនោះ គឺសំខាន់ខ្លាំងណាស់នៅក្នុងការស្រាវជ្រាវថ្មីនេះ ។ ផ្កាយ Pulsar ចំនួន ៦៨ដួង ត្រូវបានប្រើប្រាស់ក្នុងការប្រមូលភស្តុតាង ។ ក្រុមអ្នកស្រាវជ្រាវ បានរៀបរាប់ថា ផ្នែកខាងក្រោយនៃរលកទំនាញចក្រវាឡ ស្មើនឹងឮសំឡេងមនុស្សដ៏ច្រើនមួយក្រុមជជែកគ្នានៅក្នុងពិធីជប់លៀង ដោយពុំអាចបែងចែកថាជាសំឡេងរបស់នរណាម្នាក់បានឡើយ ៕

ក្រុមការងាររាជរដ្ឋាភិបាល ចុះមូលដ្ឋានខណ្ឌទួលគោក បើកការដ្ឋានជួសជុលផ្លូវ៣ខ្សែជូនប្រជាពលរដ្ឋ

ភ្នំពេញ៖ ឯកឧត្តមកិត្តិនីតិកោសលបណ្ឌិត ឱម យ៉ិនទៀង ទេសរដ្ឋមន្រ្តី ប្រធានក្រុមការងាររាជរដ្ឋាភិបាលចុះមូល ដ្ឋានខណ្ឌទួលគោក រាជធានីភ្នំពេញ នៅថ្ងៃទី៣០ ខែមិថុនានេះ បានអញ្ជើញជាអធិបតីភាពក្នុងពិធីបើក ការដ្ឋានជួសជុលផ្លូវ៣ខ្សែ ប្រវែងជាង៩០០ម៉ែត្រ ស្ថិតនៅសង្កាត់បឹងសាឡាង ។ឯកឧត្តម ឱម យ៉ិនទៀង បានមានប្រសាសន៍ឱ្យដឹងថា ការបើកការដ្ឋានជួសជុសផ្លូវនេះ គឺដើម្បី ឆ្លើយតបទៅនឹងតម្រូវការរបស់ប្រជាពលរដ្ឋនៅក្នុងមូលដ្ឋាន សម្រាប់កាត់បន្ថយការលំបាកក្នុងការធ្វើដំណើរ ។ឯកឧត្តម បានបន្តថា ក្រោមការដឹកនាំដោយគតិបណ្ឌិតរបស់សម្តេចតេជោ ហ៊ុន សែន នាយករដ្ឋ មន្រ្តីកម្ពុជា បានធ្វើការអភិវឌ្ឍប្រទេសជាតិឱ្យរីកចម្រើនគ្រប់វិស័យ តាមរយៈការអនុវត្តគោលនយោបាយ ឈ្នះ ឈ្នះ និងយុទ្ធសាស្រ្តចតុកោណដំណាក់កាលទី៤ របស់រាជរដ្ឋាភិបាល ដើម្បីធានាបាននូវស្ថិរភាព សង្គម សុខសន្តិភាព និងអធិបតេយ្យជាតិជាដើម។ប្រជាពលរដ្ឋ បានលើកឡើងដែរថា បច្ចុប្បន្ន ក្នុងមូលដ្ឋានសង្កាត់បឹងសាឡាង មានអភិវឌ្ឍន៍រីក ចម្រើនជាងមុន ពលរដ្ឋរស់នៅសុខស្រួល ក្រោមម្លប់សន្តិភាព។ ពួកគេប្ដេជ្ញាបន្តគាំទ្រការដឹកនាំ របស់គណបក្សប្រជាជនកម្ពុជា ដើម្បីធានានិរន្តរភាពសុខសន្តិភាព និងការអភិវឌ្ឍរីកចម្រើនទៅមុខ ។រាជរដ្ឋាភិបាលក្រោមការដឹកនាំពីគណបក្សប្រជាជនកម្ពុជា តែងតែយកចិត្តទុកដាក់ពីសុខទុក្ខ ប្រជាពលរដ្ឋគ្រប់កាលៈទេសៈ។ ដោយការមើលឃើញប្រការទាំងនេះ ទើបប្រជាពលរដ្ឋខ្មែរ ផ្តល់ទំនុកចិត្ត បោះឆ្នោតគាំទ្រគណបក្សប្រជាជនកម្ពុជា ដឹកនាំរាជរដ្ឋាភិបាលក្នុងរយៈពេល៦អាណត្តិកន្លងមកហើយ ហើយនឹងបន្តគាំទ្រនៅអាណត្តិនេះ និងអាណត្តិក្រោយៗទៀតផងដែរ៕ អត្ថបទ៖ ទូច សោភ័ណ

ប្រជាជនអាមេរិកជាង ១០០លាននាក់ គ្រោះថ្នាក់រាលដាលផ្សែងចំហេះព្រៃពីកាណាដា

អាមេរិក៖ ប្រជាជនអាមេរិក ជិតមួយភាគបី ជួបប្រទះគុណភាពខ្យល់មិនល្អកាលពីថ្ងៃព្រហស្បតិ៍ ខណៈផ្សែងពីចំហេះព្រៃពីប្រទេសកាណាដា អូសបន្លាយពេល បានរាលដាលនៅពាសពេញផ្ទៃមេឃនៅភាគខាងលិច និងភាគខាងកើត ដែលបណ្តាលមានសុខភាពមិនល្អ ហើយនៅកន្លែងមួយចំនួនស្ថិតក្នុងស្ថានភាពគ្រោះថ្នាក់។អង្គភាពសេវាអាកាសធាតុជាតិបាននិយាយថា ការព្រមានពីគុណភាពខ្យល់បានចូលជាធរមាន រហូតដល់ពាក់កណ្តាលអធ្រាត្រសម្រាប់តំបន់ភាគច្រើននៅសហរដ្ឋអាមេរិក ដែលបានលាតសន្ធឹងចាប់ពីរដ្ឋ Wisconsin និងភាគខាងជើងរដ្ឋ Illinois រហូតដល់រដ្ឋ Michigan និងលាតសន្ធឹងចូលទៅក្នុងទីក្រុង New York និងតំបន់ East Coast។ប្រជាជនអាមេរិកជាង ១០០ លាននាក់ ត្រូវបានជំរុញឱ្យកំណត់សកម្មភាពនៅខាងក្រៅលំនៅឋានរយៈពេលយូរ ហើយប្រសិនបើចាំបាច់ សូមពាក់ម៉ាស់ ប្រសិនបើពួកគេមានជំងឺសួត ឬផ្លូវដង្ហើម។ កុមារ និងមនុស្សចាស់ក៏ត្រូវបានណែនាំឱ្យកាត់បន្ថយ ឬចៀសវាងសកម្មភាពដែលនឿយហត់។ ប្រជាជនដែលរស់នៅក្នុងទីក្រុងធំៗរបស់សហរដ្ឋអាមេរិកដូចជា ទីក្រុងញូវយ៉ក ឈីកាហ្គោ និងហ្វីឡាដែលហ្វៀ អាចមើលឃើញផ្ទៃមេឃស្រអាប់ និងមានក្លិនឆ្ងៀមអុសឆេះពេញមួយថ្ងៃ។អភិបាលក្រុងញូវយ៉ក លោក Eric Adams បាននិយាយនៅលើបណ្តាញ Twitter កាលពីថ្ងៃព្រហស្បតិ៍ ថា សូមមានការប្រុងប្រយ័ត្នជាមូន ។ ប្រសិនបើអ្នកមានស្ថានភាពសុខភាព រួមមានលក្ខខណ្ឌផ្លូវដង្ហើម ដូចជាជំងឺហឺត សូមកាត់បន្ថយពេលវេលារបស់អ្នកនៅខាងក្រៅ៕

បណ្តាប្រទេសមូស្លីម ប្រតិកម្មយ៉ាងខ្លាំងចំពោះការដុតគម្ពីរគូរ៉ាននៅស៊ុយអែត

ឥស្លាម ៖ ប្រទេសកាន់សាសនាឥស្លាម បានប្រតិកម្មយ៉ាងខ្លាំងចំពោះការដុតគម្ពីរគូរ៉ាន ដោយបុរសម្នាក់នៅក្នុងការជួបជុំមួយក្នុងរដ្ឋធានី ស្តុកខូម(Stockholm) ប្រទេសស៊ុយអែតកាលពីថ្ងៃពុធ។ នៅរដ្ឋធានី Baghdad ប្រទេសអ៊ីរ៉ាក់ ក្រុមអ្នកតវ៉ាបានសម្រុកចូលស្ថានទូតស៊ុយអែត កាលពីថ្ងៃព្រហស្បតិ៍។ រដ្ឋាភិបាលប្រទេសម៉ារ៉ុក បានកោះហៅឯកអគ្គរដ្ឋទូតរបស់ខ្លួនប្រចាំប្រទេសស៊ុយអែតត្រឡប់មកវិញ។ ប្រធានាធិបតីទួរគីលោក Recep Tayyip Erdogan បាននិយាយនៅក្នុងសុន្ទរកថាតាមទូរទស្សន៍ថា អ្នកទាំងឡាយណាដែលប្រព្រឹត្តបទឧក្រិដ្ឋនេះ ដែលអនុញ្ញាតឱ្យទង្វើនេះស្ថិតនៅក្រោមសេរីភាពនៃការគិតក្លែងក្លាយ នឹងមិនសម្រេចបានគោលដៅរបស់ពួកគេឡើយ។ប្រទេសស៊ុយអែតបានដាក់ពាក្យស្នើសុំចូលជាសមាជិកសម្ព័ន្ធយោធាណាតូ ប៉ុន្តែប្រទេសទួរគីដែលជាសមាជិក នៅពុំទាន់អនុម័តឲ្យចូលជាសមាជិករបស់ក្រុង Stockholm នៅឡើយ។ ទីក្រុងអង់ការ៉ាអះអាងថា ស៊ុយអែតគាំទ្រក្រុមសកម្មប្រយុទ្ធឃឺដ ដែលមានបំណងផ្តាច់ខ្លួនពីប្រទេសទួរគី។ ប្រទេសទាំងពីរមានផែនការជួបពិភាក្សាគ្នានៅសប្តាហ៍ក្រោយ។ ប៉ុន្តែប្រទេសគី មិនបន្ទន់ជំហររបស់ខ្លួននោះទេបន្ទាប់ពីមានឧបទ្ទវហេតុនេះកើតឡើង។ សារព័ត៌មានរ៉យទ័រ បានរាយការណ៍ថាសភាប្រទេសហុងគ្រីបានសម្រេច ពន្យារពេលការបោះឆ្នោតលើការផ្តល់សច្ចាប័នលើសមាជិកភាពសម្ព័ន្ធយោធាណាតូរបស់ប្រទេសស៊ុយអែត រហូតដល់សប្តាហ៍ក្រោយ ឬសប្តាហ៍ក្រោយៗទៀត។ ប្រទេសហុងគ្រីក៏ជាសមាជិកសម្ព័ន្ធណាតូផងដែរ។ស៊ុយអែត ចង់ចូលរួមជាមួយសម្ព័ន្ធភាពយោធានេះ មុនពេលកិច្ចប្រជុំកំពូលបន្ទាប់របស់ខ្លួន ដែលគ្រោងនឹងចាប់ផ្តើមនៅថ្ងៃទី ១១ ខែកក្កដា។ ប៉ុន្តែការវិវឌ្ឍន៍ចុងក្រោយបំផុតនេះ បានធ្វើឱ្យស្ថានភាពកាន់តែលំបាកសម្រាប់ប្រទេសនៅអារ៉ុបខាងជើងមួយនេះ។

បណ្ដាញសង្គម

ព័ត៌មានថ្មីៗ

ទីក្រុងមូស្គូបាញ់ទម្លាក់យានដ្រូនក្រុងគីវជាង ៨០គ្រឿង ខណៈការវាយប្រហាររុស្ស៊ីសម្លាប់មនុស្ស ៦នាក់នៅអ៊ុយក្រែន

ទីភ្នាក់ងារប្រឆាំងអំពើពុករលួយម៉ាឡេស៊ី បើកការស៊ើបអង្កតករណីផ្ទេរដំរីទៅកាន់សួនសត្វជប៉ុន

ប្រភព៖ ឥណ្ឌាកំពុងចរចាលក់មីស៊ីលល្បឿនលឿនជាងសំឡេង BrahMos ទៅអារ៉ាប់រួម

EU វាយតម្លៃឡើងវិញពីកិច្ចប្រជុំជាមួយអង់គ្លេស នៅខែកក្កដា ក្រោយលោក Starmer ប្រកាសចុះចេញពីតំណែង

លោក Vance៖ អ៊ីរ៉ង់នឹងអនុញ្ញាតឲ្យអធិការកិច្ចនុយក្លេអ៊ែររបស់ UN ចូលប្រទេសវិញ

សាជីវកម្ម DFC និងក្រុមហ៊ុន OCIC ចុះហត្ថលេខាផ្តល់ហិរញ្ញប្បទានយុទ្ធសាស្ត្រចំនួន ១០០លានដុល្លារអាម៉េរិក សម្រាប់អាកាសយានដ្ឋានអន្តរជាតិតេជោ

វៀតណាមគាំទ្រដំណោះស្រាយដោយសន្តិវិធីលើបញ្ហាព្រំដែនកម្ពុជា-ថៃ និងបន្តពង្រឹងកិច្ចសហប្រតិបត្តិការយោធាជាមួយកម្ពុជា

ចិនបញ្ជាក់ថា នាវាផ្ទុកយន្តហោះ Liaoning បញ្ចប់សមយុទ្ធជាង ៤០ថ្ងៃ

លោក Zelensky៖ អ៊ុយក្រែននឹងសម្រេចថា តើអ្នកណាតំណាងឲ្យអឺរ៉ុប នៅក្នុងកិច្ចចរចាជាមួយរុស្ស៊ី

អ៊ីរ៉ង់ បញ្ជាក់ថា បានធ្វើ «ការពិភាក្សាខ្លីៗ» ជាមួយសហរដ្ឋអាមេរិក ជុំវិញបញ្ហានុយក្លេអ៊ែរ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ​ និង ការអភិវឌ្ឍន៍

សម្តេចតេជោ៖ រដ្ឋធម្មនុញ្ញ​ ឬច្បាប់ណាក៏ដោយ មិនបានកំណត់ឲ្យរាជរដ្ឋាភិបាល ទៅពិគ្រោះជាមួយសង្គមស៊ីវិលនោះទេ