នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
អតីតសកម្មជនគណបក្សប្រឆាំងចំនួន ៨៧នាក់ ចូលរួមជីវភាព​នយោបាយ​ជាមួយ​គណបក្ស​ប្រជាជន​កម្ពុជា នៅក្នុងស្រុកស្អាង និងស្រុកកោះធំ
ក្រុមការងារគណបក្សចុះមូលដ្ឋានស្រុកលើកដែកណែនាំយុវជនរក្សាជាកម្លាំងសាមគ្គី
ប្រធានក្រុមការងារចុះមូលដ្ឋាន៖ បក្សប្រជាជនប្រកាន់ខ្ជាប់នូវឧត្តមគតិស្នេហាជាតិ និងការអភិវឌ្ឍ
សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក

នយោបាយ​ និង ការអភិវឌ្ឍន៍

គណបក្សនយោបាយនានាត្រៀមរួចរាល់ដំណើរការឃោសនាបោះឆ្នោតនាចុងសប្តាហ៍នេះ

2023/06/26 01:00:16 pm        292
Facebook Telegram Linkin
ភ្នំពេញ៖ នៅថ្ងៃទី១ កក្កដាខាងមុខ គណបក្សនយោបាយនានាដែលបានចុះឈ្មោះចូលរួមប្រកួតប្រជែងការបោះឆ្នោតជ្រើសរើស​តំណាងរាស្រ្ត នឹងចាប់ផ្តើមការឃោសនារបស់ខ្លួននៅតាមបណ្តារាជធានី-ខេត្ត។ ឯកឧត្តម សុខ ឥសាន អ្នកនាំពាក្យគណប្រជាជនកម្ពុជា ​បានឲ្យដឹងនៅថ្ងៃទី២៦ ខែមិថុនានេះថា ក្នុងនាមគណបក្សប្រជាជនកម្ពុជា ​បានត្រៀមលក្ខណៈសម្រាប់ការឃោសនាបោះឆ្នោតរួចរាល់ និងសមាជិក ​សាមជិកាចូលរួរាប់ម៉ឺននាក់នៅទូទាំងប្រទេស ក្រោយពិធីមិន្ទិញដែលរៀបចំដ៏ធំ​នៅរាជធានីភ្នំពេញ។ ឯកឧត្តមបន្តថា ក្នុងចំណោមទីតាំងទាំងអស់ គឺមានតែទីតាំង​បរិវេណមជ្ឈមណ្ឌល​ពិព័រណ៍​កោះពេជ្យ ក្នុងរាជធានីភ្នំពេញប៉ុណ្ណោះដែលរៀបចំធំជាងគេ ​និងមានសមាជិក សមាជិកាចូលរួមចន្លោះពី ៥ទៅ៦ម៉ឺននាក់។ ចំណែក លោក ញឿន រ៉ាដែន អ្នកនាំពាក្យគណបក្ស ហ៊្វុនស៊ិនប៉ិច បានឲ្យដឹងថា គណបក្សរបស់ខ្លួន​នឹងចាប់ផ្តើមការឃោសនានៅថ្ងៃទី២ ​កក្កដា តាមដងវិថីសំខាន់ៗ​ក្នុងរាជធានី​ឲ្យស្របតាមតាមការណែនាំរបស់ គ.ជ.ប និងអាជ្ញាធរ។ សូមជម្រាបថា ការឃោសនាបោះឆ្នោតជ្រើសតាំងតំណាងរាស្រ្ត ​នីតិកាលទី៧ មានរយៈពេល២១ថ្ងៃ ពីថ្ងៃទី១ កក្កដា ​ដល់ថ្ងៃទី២១ ខែកក្កដា ​និងមានគណបក្សនយោបាយចំនួន១៨ នឹងចូលរួមការ​ឃោសនា​បោះឆ្នោតរកសំឡេងគាំទ្រពីប្រជាពលរដ្ឋ ​ខណៈអំឡុងការឃោសនាបោះឆ្នោតនេះ គ.ជ.ប អនុញ្ញាត​ការជួបជុំ​ ឬហែក្បួនទ្រង់ទ្រាយធំ​ ចំនួន៤ដងតែប៉ុណ្ណោះ៕អត្ថបទ សេក ឧត្តម 

ស្ត្រីម្នាក់បានរងរបួសយ៉ាងធ្ងន់ធ្ងរនៅទីស្នាក់ការបក្សប្រឆាំងសៀរ៉ាឡេអូន ក្រោយការបោះឆ្នោត

2023/06/26 12:31:30 pm        111
Facebook Telegram Linkin
សៀរ៉ាឡេអូន៖ អ្នកយកព័ត៌មានរបស់ទីភ្នាក់ងារសារព័ត៌មាន Reuters នៅកន្លែងកើតហេតុ បានរាយការណ៍ថា ស្ត្រីម្នាក់បានរងរបួសយ៉ាងធ្ងន់ធ្ងរ និងសន្លប់ស្ដូកស្ដឹង នៅក្នុងទីស្នាក់ការគណបក្សប្រឆាំងរបស់ប្រទេសសៀរ៉ាឡេអូន កាលពីថ្ងៃអាទិត្យ (ទី២៥ មិថុនា) ខណៈដែលនគរបាលបានឡោមព័ទ្ធអគារ ក្នុងអំឡុងសន្និសីទសារព័ត៌មាន ដែលកើតឡើងមួយថ្ងៃបន្ទាប់ពីការបោះឆ្នោតប្រធានាធិបតី។ជនរងគ្រោះដែលសារព័ត៌មាន Reuters មិនអាចកំណត់អត្តសញ្ញាណបានភ្លាមៗនោះ បានរងរបួសយ៉ាងធ្ងន់ធ្ងរនៅជុំវិញកញ្ចឹងក និងជីពចរមិនលោត។ អ្នកយកព័ត៌មានបានឲ្យដឹងថា បង្អួចបន្ទប់ ដែលគេរកឃើញស្ត្រីនោះមានរន្ធដែលមានទំហំប៉ុនកណ្តាប់ដៃ។ គេនៅមិនទាន់ដឹងច្បាស់ទេថា មានអ្វីកើតឡើងនៅខាងក្រៅសន្និសីទ ឬអ្វីដែលបានកើតឡើងឲ្យពិតប្រាកដចំពោះស្ត្រីនោះ ខណៈសាក្សីពីររូប ដែលនៅខាងក្នុងអគារបានប្រាប់ទីភ្នាក់ងារព័ត៌មាន Reuters ថា ពួកគេបានឭស្នូរកាំភ្លើង។របួសរបស់ស្ត្រីនេះ ហាក់ដូចជាបានកើតឡើងនៅពេលដែលយ៉ាងហោចណាស់សមាជិកកងកម្លាំងសន្តិសុខ ២០០នាក់ បានឡោមព័ទ្ធទីស្នាក់ការកណ្តាលនៃគណបក្សសភាប្រជាជន (APC) ដែលប្រធានរបស់គណបក្សនេះគឺលោក Samura Kamara ត្រូវបានគេមើលឃើញថា ជាគូប្រជែងដ៏សំខាន់ក្នុងការផ្តួលប្រធានាធិបតីលោក Julius Maada Bio។ពាក់ព័ន្ធនឹងហេតុការណ៍នេះ មន្ត្រីនគរបាលមិនបានឆ្លើយតបនឹងសំណើសុំការអត្ថាធិប្បាយនោះឡើយ។ សម្រាប់ការបោះឆ្នោតនេះ មានភាពតានតឹងខ្លាំង ខណៈដែល គណបក្សសភាប្រជាជន(APC) បាននិយាយថា តំណាងការបោះឆ្នោតរបស់ពួកគេ ទទួលរងវាយប្រហារ និងបំភិតបំភ័យ ក្នុងស្រុកចំនួនបី នៅថ្ងៃបោះឆ្នោត៕

រុស្ស៊ីស្ទាក់ចាប់មីស៊ីលតាកទិកអ៊ុយក្រែន ខណៈអ៊ុយក្រែនវាយប្រហារប៉ុស្តិ៍ទីបញ្ជាការរុស្ស៊ី

2023/06/26 12:22:07 pm        148
Facebook Telegram Linkin
រុស្ស៊ី៖ រុស្ស៊ី កាលពីថ្ងៃអាទិត្យបាននិយាយថា កងកម្លាំងប្រដាប់អាវុធរបស់ខ្លួនបានស្ទាក់ចាប់មីស៊ីលតាកទិកដែលបាញ់ដោយអ៊ុយក្រែន ខណៈអ៊ុយក្រែនបាននិយាយថា កងកម្លាំងរបស់ខ្លួនបានវាយប្រហារប៉ុស្តិ៍ទីបញ្ជាការរបស់រុស្ស៊ី។នៅក្នុងសន្និសីទសារព័ត៌មានប្រចាំថ្ងៃ ក្រសួងការពារជាតិរុស្ស៊ី បានរាយការណ៍ថា កងកម្លាំងរបស់ខ្លួនបានវាយរុញច្រានការវាយប្រហាររបស់អ៊ុយក្រែនជាច្រើនពីទិសដៅផ្សេងៗគ្នា រួមមាន ទីក្រុង Donetsk, Krasny Liman, Zaporizhzhia, Kupyansk និងទីក្រុង Kherson។ កងកម្លាំងរុស្ស៊ី បានបំផ្លាញឃ្លាំងគ្រាប់រំសេវរបស់អ៊ុយក្រែនជាច្រើនកន្លែង និងគោលដៅផ្សេងទៀត។បន្ថែមលើនេះ កងទ័ពអាកាសរុស្ស៊ីបានស្ទាក់ចាប់មីស៊ីលតាកទិក OTR-21 Tochka ការវាយប្រហារ ដោយជើងទម្របាញ់គ្រាប់រ៉ូកែតHIMARS និងយានដ្រូន UAV មួយចំនួន ដែលបានបាញ់ដោយភាគីអ៊ុយក្រែន ខណៈត្រូវបានរាយការណ៍ដោយក្រសួង។កាលពីថ្ងៃអាទិត្យ នាយសេនាធិការនៃកងកម្លាំងប្រដាប់អាវុធអ៊ុយក្រែន (UAF) បាននិយាយថា កងកម្លាំងរុស្ស៊ីនៅតែផ្តោតទៅលើទីក្រុង Krasny Liman, Bakhmut និងទីក្រុង Mar'inka និងកន្លែងមួយចំនួនផ្សេងទៀត។ កងកម្លាំងអ៊ុយក្រែន បានវាយប្រហារលើគោលដៅយោធារុស្ស៊ី រួមទាំងប៉ុស្តិ៍ទីបញ្ជាការ ឃ្លាំងគ្រាប់រំសេវ និងប្រព័ន្ធសង្គ្រាមអេឡិចត្រូនិក។ នាយសេនាធិការ បាននិយាយថា លើសពីនេះ ពួកគេបានបើកការវាយប្រហារតាមដែនអាកាសដោយដាក់គោលដៅលើជំរំរបស់រុស្ស៊ី និងស្ទាក់ចាប់មីស៊ីល និងយានដ្រូន UAV របស់រុស្ស៊ី៕

មនុស្សរាប់ពាន់នាក់តវ៉ាប្រឆាំងមូលដ្ឋានទ័ពអាកាស Ramstein របស់សម្ព័ន្ធយោធាណាតូនៅអាល្លឺម៉ង់

2023/06/26 12:15:11 pm        120
Facebook Telegram Linkin
អាល្លឺម៉ង់៖ ក្រុមបាតុករប្រឆាំងសង្គ្រាមជាង ១.៥០០នាក់បានប្រមូលផ្តុំគ្នា និងបោះជំរំនៅជិតមូលដ្ឋានទ័ពអាកាស Ramstein (រ៉ាមស្តាញ) របស់សម្ព័ន្ធយោធាណាតូ ដើម្បីអំពាវនាវឱ្យមានសន្តិភាព និងទាមទារឱ្យយោធាសហរដ្ឋអាមេរិកដកថយចេញពីប្រទេសអាល្លឺម៉ង់។ព្រឹត្តិការណ៍ដែលមានរយៈពេលចាប់ពីថ្ងៃទី ១៨ដល់ថ្ងៃទី ២៥ ខែមិថុនា បានផ្តោតលើតួនាទីរបស់មូលដ្ឋាន Ramstein ក្នុងវិបត្តិនៅអ៊ុយក្រែន ដែលក្រុមអ្នកតវ៉ាជឿថាបានរួមចំណែកដល់ការកើនឡើងភាពតានតឹង។ លោក Schneider (ស្នាយឌើ) អ្នករៀបចំព្រឹត្តិការណ៍បាននិយាយថា ពិតណាស់ ពួកគេមានការជួបប្រជុំគ្នាម្តងក្នុងមួយខែ ខ្ញុំគិតថា ពួកគេមានកិច្ចប្រជុំជាមួយរដ្ឋមន្ត្រីមកពីទូទាំងទ្វីបអឺរ៉ុប សហរដ្ឋអាមេរិក ហើយពួកគេកំពុងរៀបចំផែនការពីរបៀបគាំទ្រប្រទេសអ៊ុយក្រែន។ ពេលនេះដោយមានការបញ្ជូនអាវុធទៅកាន់ប្រទេសអ៊ុយក្រែន យើងគិតថាវាមានគ្រោះថ្នាក់ខ្លាំង។ មូលដ្ឋានទ័ពអាកាស Ramstein ត្រូវបានសាងសង់ឡើងក្នុងឆ្នាំ ១៩៥១។ ដោយដឹកនាំដោយសហរដ្ឋអាមេរិក មូលដ្ឋាននេះផ្តល់ការគាំទ្រជាសំខាន់សម្រាប់ប្រតិបត្តិការយោធារបស់សម្ព័ន្ធយោធាណាតូនៅអឺរ៉ុប និងអាហ្វ្រិក។មូលដ្ឋានទ័ពអាកាសនេះក៏មានតួនាទីយ៉ាងសំខាន់ក្នុងការបញ្ជូនសញ្ញាយានដ្រូនទាំងអស់សម្រាប់សហរដ្ឋអាមេរិក។ ចាប់តាំងពីឆ្នាំ ២០០៩ ដល់ឆ្នាំ ២០១៥ សហរដ្ឋអាមេរិកបានបើកការវាយប្រហារចំនួន៤៧៣លើក នៅខាងក្រៅតំបន់សង្រ្គាមក្នុងប្រទេសអាហ្វហ្គានីស្ថាន អ៊ីរ៉ាក់ និងស៊ីរី ដែលភាគច្រើនជាការវាយប្រហារដោយយានដ្រូន បណ្តាលឱ្យមានជនស៊ីវិលស្លាប់យ៉ាងច្រើន។ របាយការណ៍បានបង្ហាញថាជនស៊ីវិល ២៨ នាក់បានស្លាប់ជាមធ្យមនៅក្នុងការវាយប្រហារដោយយានដ្រូនមួយលើកៗ។ បច្ចុប្បន្នមានបុគ្គលិកយោធាប្រមាណ ១៥.០០០នាក់ និងបុគ្គលិកស៊ីវិល ៣០.០០០នាក់នៅមូលដ្ឋានទ័ពអាកាស។ មូលដ្ឋានទ័ពអាកាស Ramstein គឺជាមូលដ្ឋានទ័ពធំបំផុតរបស់សហរដ្ឋអាមេរិកនៅក្រៅប្រទេស។ វាត្រូវបានគេជឿថា មូលដ្ឋានទ័ពអាកាសនេះ មានក្បាលគ្រាប់នុយក្លេអ៊ែររបស់សហរដ្ឋអាមេរិក។ ក្រុមបាតុករអាល្លឺម៉ង់មានការព្រួយបារម្ភថា នៅពេលមួយមួយ មូលដ្ឋានទ័ពអាកាសនឹងស្ថិតនៅក្រោមការវាយប្រហារ ដែលប្រជាជនក្នុងតំបន់នឹងត្រូវធ្លាក់ចូលទៅក្នុងទីជ្រៅនៃសង្គ្រាម៕

អូស្ត្រាលីនឹងផ្តល់កញ្ចប់ជំនួយ ៧៤ លានដុល្លារដល់អ៊ុយក្រែន

2023/06/26 12:10:40 pm        78
Facebook Telegram Linkin
អូស្ត្រាលី៖ នាយករដ្ឋមន្ដ្រីលោក Anthony Albanese បាននិយាយនៅថ្ងៃចន្ទនេះថា រដ្ឋាភិបាលអូស្ត្រាលីនឹងផ្តល់កញ្ចប់ថវិកាថ្មីចំនួន ១១០ លានដុល្លារអូស្ត្រាលី (៧៣,៥៤ លានដុល្លារ) ដល់ប្រទេសអ៊ុយក្រែន ដើម្បីការពារប្រឆាំងការវាយលុករបស់រុស្ស៊ី។ កញ្ចប់ជំនួយនេះ រួមមានរថយន្តយោធាចំនួន ៧០ គ្រឿង ក្នុងនោះមានរថពាសដែក២៨គ្រឿង រថយន្តប្រតិបត្តិការពិសេស១៤គ្រឿង រថយន្តដឹកទំនិញធុនមធ្យម ២៨គ្រឿង និងរថយន្តសណ្តោង១៤គ្រឿង។ លោក Albanese បាននិយាយថា ប្រទេសអូស្ត្រាលី មិនផ្លាស់ប្តូរក្នុងការសម្រេចចិត្តរបស់យើងដើម្បីថ្កោលទោស និងប្រឆាំងសកម្មភាពរបស់រុស្ស៊ី និងដើម្បីជួយអ៊ុយក្រែនឱ្យទទួលបានជ័យជំនះនោះទេ។សេចក្តីថ្លែងការណ៍បាននិយាយថា ប្រទេសអូស្ត្រាលី នឹងបន្ថែមពេលការមិនបង់ពន្ធសម្រាប់ទំនិញដែលនាំចូលពីអ៊ុយក្រែនសម្រាប់រយៈពេល ១២ ខែទៀត ដើម្បីគាំទ្រដល់ការស្តារឡើងវិញ និងឱកាសពាណិជ្ជកម្មរបស់ខ្លួន។ ការប្តេជ្ញាចិត្តបន្ថែមពេលនេះ បានបណ្តាលឲ្យការរួមចំណែកសរុបរបស់ប្រទេសអូស្ត្រាលីក្នុងការជួយដល់ប្រទេសអ៊ុយក្រែនឈានដល់ ៧៩០លានដុល្លារអូស្ត្រាលី រួមទាំងជំនួយយោធាចំនួន៦១០ លានដុល្លារអូស្ត្រាលី។ លោក Albanese បាននិយាយបន្ថែមថា កញ្ចប់ជំនួយថ្មីនេះ ត្រូវបានរៀបចំមុនពេលមានព័ត៌មានថា ទាហានស៊ីឈ្នួលរុស្ស៊ីបានចូលគ្រប់គ្រងទីក្រុង Rostov របស់រុស្ស៊ីក្នុងរយៈពេលខ្លីកាលពីថ្ងៃសៅរ៍ ជាបញ្ហាប្រឈមដ៏ធំបំផុតមួយចំពោះការកាន់អំណាចរបស់ប្រធានាធិបតី លោកVladimir Putin ចាប់តាំងពីសង្រ្គាមបានចាប់ផ្តើមកាលពីឆ្នាំមុន៕

ភ្លៀងធ្លាក់ខ្លាំង បណ្តាលឱ្យមានទឹកជំនន់នៅទូទាំងប្រទេសឈីលី ខណៈការជួយសង្គ្រោះកំពុងធ្វើឡើង

2023/06/26 12:07:33 pm        90
Facebook Telegram Linkin
ឈីលី៖ ភ្លៀងធ្លាក់ខ្លាំងបានវាយលុកមកលើប្រទេសឈីលី រយៈពេលជាច្រើនថ្ងៃចាប់តាំងពីថ្ងៃពុធ ដែលបណ្តាលឱ្យមានទឹកជំនន់ បំណាក់ដី និងគ្រោះមហន្តរាយផ្សេងទៀតនៅក្នុងតំបន់ភាគកណ្តាល និងភាគខាងត្បូង ហើយបានបណ្តាលឱ្យមនុស្សជាង៤០០នាក់ បាត់បង់លំនៅឋាន និងប្រជាជនប្រហែល៣៧.០០០ នាក់ គ្មានអគ្គិសនីប្រើប្រាស់។ បន្ថែមលើនេះ ផ្នែកមួយចំនួននៅរដ្ឋធានី Santiago បានជួបប្រទះការដាច់ទឹក និងការបិទសាលារៀន ដោយសារតែភ្លៀងធ្លាក់ខ្លាំង និងបណ្តាលមកពីទឹកជំនន់។ រដ្ឋាភិបាលឈីលី បានចេញការប្រកាសអាសន្នពណ៌ក្រហមសម្រាប់ខេត្ត San Felipe និង Los Andes ក្នុងតំបន់ Valparaiso ជាតំបន់មានប្រជាជនច្រើនបំផុតទីពីរនៅក្នុងប្រទេស បន្ទាប់ពីតំបន់ទីក្រុង Santiago នៅភាគអាគ្នេយ៍។ ខេត្តទាំងពីរ បានរងផលប៉ះពាល់យ៉ាងខ្លាំងដោយទឹកជំនន់ ដែលកំពុងជំរុញឱ្យអង្គភាពសេវាបង្ការនិងឆ្លើយតបគ្រោះមហន្តរាយជាតិប្រទេសឈីលី ចេញបញ្ជាជម្លៀសប្រជាជនដែលរស់នៅក្បែរតំបន់ទឹកជំនន់។ពលរដ្ឋដែលរងផលប៉ះពាល់មកពីទីក្រុង Santiago បាននិយាយថា ទឹកទន្លេ បានហូរប្រៀបច្រាំង។ ទឹកជំនន់នៅពេលយប់បានបំផ្លាញអ្វីៗគ្រប់យ៉ាង ហើយមានសំរាមច្រើនកកជាប់គ្រប់ទីកន្លែង។ អ្វីៗទាំងអស់ស្ថិតនៅរាយប៉ាយ និងគ្មានសណ្តាប់ធ្នាប់។ រដ្ឋាភិបាលក្នុងតំបន់ San Diego កំពុងរៀបចំផ្នែកពាក់ព័ន្ធ ដើម្បីសម្អាតផ្លូវ និងផ្តល់ទីជម្រកថ្មីដល់គ្រួសារដែលរងផលប៉ះពាល់ដោយភ្លៀងធ្លាក់ខ្លាំង។ មនុស្សជិត៦០០នាក់ បានមករស់នៅក្នុងទីជម្រកក្នុងតំបន់ និងមនុស្ស ៦៧ នាក់បានរងរបួស។ បច្ចុប្បន្ន យើងមានមនុស្ស២.៥០០នាក់ ដែលរស់នៅដាច់ស្រយាលនៅផ្នែកលើតំបន់ជ្រលងភ្នំ Maipo ។ លោក Claudio Orrego អភិបាលតំបន់ទីក្រុង Santiago បាននិយាយថារថយន្តបានរុញចេញកម្ទេចកម្ទីនៅតាមដងផ្លូវ ហើយក្រសួងសាធារណការរបស់ប្រទេសឈីលីកំពុងធ្វើការនៅតំបន់នោះ។

យន្តហោះចម្បាំងរុស្ស៊ីត្រូវបានគេនិយាយថា នឹងបង្កើនការវាយប្រហារលើតំបន់ហ៊ុមព័ទ្ធក្រុមឧទ្ទាមស៊ីរី

2023/06/26 12:04:07 pm        88
Facebook Telegram Linkin
ស៊ីរី៖ សាក្សី និងក្រុមអ្នកជួយសង្គ្រោះ បាននិយាយថា យន្តហោះប្រយុទ្ធរបស់រុស្ស៊ីបានទម្លាក់គ្រាប់បែកមកលើភូមិ និងទីប្រជុំជននានានៅក្បែរទីក្រុង Idlib ភាគពាយ័ព្យប្រទេសស៊ីរី កាលពីថ្ងៃអាទិត្យ បណ្តាលឲ្យ ជនស៊ីវិលយ៉ាងតិច ៩ នាក់ស្លាប់ និងរាប់សិបនាក់រងរបួសនៅក្នុងការផ្ទុះឡើងអំពើហឹង្សាដ៏ធំ នៅក្នុងមូលដ្ឋានក្រុមប្រឆាំងចុងក្រោយរបស់ប្រទេសនេះ។ ក្រុមឆ្លើយតបគ្រាអាសន្នមួកស (White Helmets) ដែលគាំទ្រដោយប្រទេសលោកខាងលិច បាននិយាយថា យន្តហោះចម្បាំងហោះហើរក្នុងរយៈកម្ពស់ខ្ពស់ ដែលមជ្ឈមណ្ឌលតាមដានបាននិយាយថា ជាយន្តហោះចម្បាំង Sukhoi របស់រុស្ស៊ី បានទម្លាក់គ្រាប់បែកមកលើទីផ្សារបន្លែក្នុងទីក្រុង Jisr al-Shughour ខណៈទីផ្សារមានមនុស្សកកកុញដោយមានអ្នកដើរទិញឥវ៉ាន់នៅមុនពិធីបុណ្យ Eid របស់ពលរដ្ឋមូស្លីម ដែលបានបណ្តាលឱ្យមនុស្សយ៉ាងតិចប្រាំបួននាក់ស្លាប់ និង ៣០ នាក់រងរបួស។ក្រុមមួកស បានបង្ហោះវីដេអូនៃប្រតិបត្តិការជួយសង្គ្រោះរបស់ក្រុមនេះ នៅទីតាំងទម្លាក់គ្រាប់បែក។សាក្សី និងក្រុមអ្នកជួយសង្គ្រោះបាននិយាយថា យន្តហោះចម្បាំងបានវាយប្រហារលើភូមិនានានៅតំបន់ភ្នំ Jabal al Zawya និងជាយក្រុង Idlib ភាគខាងលិច បានធ្លាក់នៅក្នុងតំបន់ទ្រនាប់ ដែលត្រូវបានកំណត់ដោយរុស្ស៊ី និងទួរគី ដោយបានបញ្ចប់ការប្រយុទ្ធគ្នាទ្រង់ទ្រាយធំកាលពីជិត ៥ ឆ្នាំមុន។ពុំមានការអត្ថាធិប្បាយភ្លាមៗទទួលបានពីរុស្ស៊ី ឬសម្ព័ន្ធមិត្តរបស់ខ្លួននៅក្នុងកងទ័ពស៊ីរី ដែលកាំភ្លើងធំបានបាញ់ផ្លោងលើក្រុមឧទ្ទាម ក្នុងអំឡុងពេលផ្ទុះឡើងការប្រយុទ្ធគ្នាកន្លងមក ដែលទីក្រុងដាម៉ាស និងរុស្ស៊ី បាននិយាយថា ពួកគេផ្តោតតែលើក្រុមបះបោរប៉ុណ្ណោះ ហើយបានបដិសេធការវាយប្រហារដោយមិនរើសអើងលើជនស៊ីវិលនៅតំបន់ជនបទភាគខាងលិចទីក្រុងអាឡិបប៉ូ៕

នគរបាលស៊ើបអង្កេតនិយ័តករឱសថឥណ្ឌូនេស៊ី ករណីស៊ីរ៉ូរ៉ូក្អកដែលពាក់ព័ន្ធនឹងការស្លាប់កុមារជាង ២០០នាក់

2023/06/26 11:57:31 am        116
Facebook Telegram Linkin
ឥណ្ឌូនេស៊ី៖ អធិការនគរបាលជាន់ខ្ពស់ ២រូប និយាយប្រាប់ទីភ្នាក់ងារព័ត៌មានរ៉យទ័រថា ក្រុមនគរបាលឥណ្ឌូនេស៊ី កំពុង បើកការស៊ើបអង្កេតបឋមចំពោះករណីថាតើមានការជាប់ពាក់ព័ន្ធណាមួយដែរឬទេនៅនិយ័តករឱសថប្រទេសមួយនេះ ដែលអាចមានការប្រព្រឹត្តបទឧក្រិដ្ឋ ទាក់ទិននឹងការស្លាប់របស់កុមារជាង ២០០នាក់នៅទូទាំងប្រទេស។   ទីភ្នាក់ងារនគរបាលត្រួតពិនិត្យចំណីអាហារ និងឱសថឥណ្ឌូនេស៊ី (BPOM) ស្ថិតក្រោមការពិនិត្យពិច្ច័យចុង ក្រោយគេ ស្របពេលដែលបណ្តារដ្ឋជាច្រើន ព្យាយាមឲ្យទទួលខុសត្រូវចំពោះស៊ីរ៉ូក្អកមានផ្ទុកមេរោគដែលពាក់ព័ន្ធនឹងការស្លាប់របស់កុមារកាន់រាប់សិបនាក់ផ្សេងទៀតនៅក្នុងប្រទេសហ្កំប៊ី និងអ៊ូសបេកគីស្ថាន កាលពីឆ្នាំមុន ។  អង្គការសុខភាពពិភពលោក(WHO) កំពុងធ្វើការជាមួយប្រទេសជាច្រើន ដើម្បីស៊ើបអង្កេតលើខ្សែសង្វាក់ផ្គត់ផ្គង់ឱសថសកលសម្រាប់ស៊ីរ៉ូបែបនេះ ។  កាលពីឆ្នាំមុន ក្រុមនគរបាល បានចាប់ខ្លួន និងចោទប្រកាន់មនុស្ស ៨នាក់ នៅក្រុមហ៊ុនឥណ្ឌូនេស៊ី ដែលបាននាំចេញ និងចែកចាយវត្ថុធាតុដើមដល់ក្រុមហ៊ុនផលិតឱសថ ដែលស៊ីរ៉ូមក្អករបស់ពួកគេ ត្រូវបានរកឃើញមានផ្ទុកសារធាតុគីមីពុលកម្រិតឧស្សាហកម្ម ជាជាងធាតុផ្សំស្របច្បាប់ ។ លោក Andika Urrasyidin ដែលជាអ្នកស៊ើបអង្កេតរបស់គនគរបាលឈានមុខគេក្នុងករណីនេះ និយាយប្រាប់ទីភ្នាក់ងារព័ត៌មានរ៉យទ័រថា ក្រុមនគរបាលបានទូរស័ព្ទទៅកាន់ក្រុមមន្រ្តីជាច្រើននាក់របស់ទីភ្នាក់ងារ BPOM ដើម្បីសាកសួរព័ត៌មាន ហើយការស៊ើបអង្កេត កំពុងធ្វើឡើង ៕

កូដកម្មរបស់ Starbucks កើតឡើងពីកំហឹងនឹងការរើការតុបតែងហាងមោទនភាពអ្នកស្រឡាញ់ភេទដូចគ្នា

2023/06/26 11:53:32 am        127
Facebook Telegram Linkin
អាមេរិក៖ បុគ្គលិកការងារ នៅហាងរាប់សិបកន្លែងរបស់ក្រុមហ៊ុន Starbucks សហរដ្ឋអាមេរិក បានធ្វើកូដកម្ម កាលពីថ្ងៃអាទិត្យ ដើម្បីបង្ហាញពីការខឹងសម្បាបស់ពួកគេ ជុំវិញការចោទប្រកាន់ដោយសហជីពតំណាងបុគ្គលិកហាងកាហ្វេ ដែលថា អ្នកគ្រប់គ្រងនៅហាងកាហ្វេជាច្រើន នៅសហរដ្ឋអាមេរិក បានដកទង់ឥន្ទធនូ និងការតុបតែងលម្អ ដែលអបអរដល់ខែមោទនភាពអ្នកស្រឡាញ់ភេទដូចគ្នា (LGBTQ+ Pride Month)។បុគ្គលិករបស់ក្រុមហ៊ុន Starbucks ប្រមាណជារាប់សិបនាក់ បានជ្រើសរើសធ្វើកូដកម្ម នៅខាងក្រៅទីតាំង Astor Place នៃទីក្រុងញូវយ៉ក នៅផ្នែកខាងក្រោមនៃទីក្រុង Manhattan កាលពីរសៀលថ្ងៃអាទិត្យ នៅក្បែរផ្លូវនៃក្បួនដង្ហែមោទនភាពអ្នកស្រឡាញ់ភេទដូចគ្នារបស់ទីក្រុងនេះ ដោយការស្រែកថា «ក្រុងញូវយ៉កគឺជាទីក្រុងសហជីព! ធ្វើកូដកម្ម! បិទហាងចោលទៅ!»។សមាជិកសហជីពបានចែកខិតប័ណ្ណ និងនិយាយទៅកាន់អ្នកដំណើរអំពីសកម្មភាពនេះ ខណៈដែលអតិថិជនមួយចំនួន បានជ្រើសរើសមិនចូលរួមគាំទ្រការធ្វើកូដកម្មនេះ។ ដោយការដង្ហែក្បួនមោទនភាពអ្នកស្រឡាញ់ភេទដូចគ្នា កំពុងដំណើរការនៅទីក្រុងញូវយ៉ក សាន់ហ្វ្រាន់ស៊ីស្កូ ឈីកាហ្គោ និងទីក្រុងស៊ីអាតថល ដែលជាកន្លែងកកើតក្រុមហ៊ុន Starbucks បុគ្គលិកហាងកាហ្វេ និងនយោជិតផ្សេងទៀត នៅក្នុងអជីវកម្មផ្គត់ផ្គង់កាហ្វេនេះ បាននិយាយថា ពួកគេមិនពេញចិត្តនឹងជម្លោះនេះទេ។យ៉ាងណាក្ដី ក្រុមហ៊ុន Starbucks បានបដិសេធថា ក្រុមហ៊ុនបានផ្លាស់ប្តូរការផ្សព្វផ្សាយនេះ ដោយចោទប្រកាន់ថា ជា «ការអះអាងមិនពិត» នៅក្នុងលិខិតចុះថ្ងៃទី១៤ ខែមិថុនា ទៅកាន់លោក Lynne Fox ដែលជាប្រធានអង្គការ Workers United International និងបានឃើញដោយសារព័ត៌មាន Reuters។សូមបញ្ជាក់ថា មានការអំពាវនាវឲ្យធ្វើកូដកម្ម ដែលកើតឡើងប៉ុន្មានថ្ងៃ បន្ទាប់ពីសហជីព បាននិយាយថា ក្រុមហ៊ុន Starbucks បានរើការតុបតែង និងទម្លាក់ទង់តំណាងឲ្យអ្នកស្រលាញ់ភេទដូចគ្នា ក្នុងហាងមួយចំនួន ដែលទង្វើនោះ បានបង្កទៅជាបញ្ហាមួយ ដែលត្រូវបានយកមកជជែកគ្នាដោយបុគ្គលិកមួយចំនួន នៅលើបណ្ដាញសង្គម៕

ប្រជាជនកាតេម៉ាឡាបោះឆ្នោតជ្រើសរើសប្រធានាធិបតីថ្មី បន្ទាប់ពីយុទ្ធនាការប្រកបដោយការបែកបាក់

2023/06/26 11:49:35 am        81
Facebook Telegram Linkin
កាតេម៉ាឡា៖ ប្រជាជនកាតេម៉ាឡា កាលពីថ្ងៃអាទិត្យ (ទី២៥ ខែមិថុនា) បាន និងកំពុងនាំគ្នាទៅបោះឆ្នោត នៅក្នុងការបោះឆ្នោតជ្រើសរើសប្រធានាធិបតី ដែលមានការប្រកួតប្រជែងគ្នាយ៉ាងក្តៅគគុក ហើយការបោះឆ្នោតនេះ កំពុងតែក្ដោបទៅដោយក្តីបារម្ភពីអំពើពុករលួយ និងការចំណាយនៃការរស់នៅប្រចាំថ្ងៃ ដោយសំឡេងឆ្នោតគាំទ្រ នាពេលនេះ ត្រៀមនឹងផ្ដល់លទ្ធផល សម្រាប់ការប្រកួតប្រជែងជុំទីពីរ នៅក្នុងខែសីហា។ប្រជាជនកាតេម៉ាឡាជាច្រើន បានសម្តែងការខកចិត្ត សម្រាប់ការជ្រើសរើសប្រធានាធិបតីរបស់ពួកគេ បន្ទាប់ពីបេក្ខជនគណបក្សប្រឆាំង៣នាក់ ត្រូវបានអាជ្ញាធរដកចេញ។ គេរំពឹងថា នឹងមានសន្លឹកឆ្នោតជាច្រើនដែលមិនយកជាបានការ ហើយអ្នកជំនាញបានលើកឡើងថា ការរំពឹងនោះ អាចកាត់បន្ថយចំនួនអ្នកទៅចូលរួមបោះឆ្នោត។អតីតស្ត្រីទីមួយ លោកស្រី Sandra Torres មកពីគណបក្សរួបរួមក្តីសង្ឃឹមរបស់ជាតិ (UNE) ត្រូវបានគេរំពឹងថា នឹងឈ្នះជុំទីមួយ ប៉ុន្តែត្រូវបានគេរំពឹងថា នឹងមិនបានសំឡេងជាង ៥០ភាគរយបូកមួយ ដើម្បីទទួលបានជ័យជម្នះទាំងស្រុងនៅក្នុងការប្រកួតប្រជែង ដែលភាពយុត្តិធម៌ ស្ថិតនៅក្រោមការត្រួតពិនិត្យជាអន្តរជាតិនោះទេ។ ស្ត្រីអ្នកជំនួញវ័យ៦៧ឆ្នាំ មិនជោគជ័យនោះឡើយ ក្នុងការស្វែងរកតំណែងប្រធានាធិបតីចំនួនពីរលើកកាលពីមុន ដោយទទួលបានសំឡេងគាំទ្រលំដាប់ទី២។ លោកស្រីបានចងសម្ព័ន្ធភាពជាមួយគណបក្ស Vamos (Let's Go) ដែលគ្រប់គ្រងសភានីតិបញ្ញត្តិបច្ចុប្បន្ន។លោកស្រីកំពុងប្រកួតប្រជែងទល់នឹងបេក្ខជនជាង ២០នាក់ផ្សេងទៀត ដោយក្នុងនោះរួមទាំងលោក Edmond Mulet ដែលជាអ្នកការទូតអាជីព និងលោកស្រី Zury Rios ដែលជាកូនស្រីរបស់មេដឹកនាំផ្តាច់ការលោក Efrain Rios Montt។ លោក Mulet វ័យ ៧២ឆ្នាំ ជាមួយនឹងគណបក្សនិយមកណ្តាល Cabal (Spot On) កំពុងធ្វើយុទ្ធនាការដោយការសន្យាធ្វើឲ្យសេដ្ឋកិច្ចរីកចម្រើន និងការវិនិយោគលើការថែទាំសុខភាព ការអប់រំ និងសន្តិសុខកាន់តែប្រសើរជាងមុន។ប្រជាជនកាតេម៉ាឡាប្រហែល ៩,២លាននាក់ មានសិទ្ធិទៅទម្លាក់សំឡេងគាំទ្ររបស់ពួកគេ ក្នុងហិបឆ្នោត ដើម្បីជ្រើសរើសប្រធានាធិបតី និងអនុប្រធានាធិបតីថ្មីរបស់ប្រទេសនេះ ក៏ដូចជាតំណាងរាស្ត្រចំនួន ១៦០រូប នៅក្នុងសភា។ លើសពីនេះទៀត នៅមានមុខតំណែងនៅមូលដ្ឋានរាប់រយកន្លែង ដើម្បីឲ្យប្រកួតប្រជែងផងដែរ ក៏ដូចជាអាសនៈចំនួន ២០ នៅក្នុងសភាអាមេរិកកណ្តាល។ មជ្ឈមណ្ឌលបោះឆ្នោតដែលបើកនៅម៉ោង ៧ ព្រឹក (ត្រូវនឹងម៉ោង១៣:០០ ម៉ោងសកល) គ្រោងនឹងបិទនៅម៉ោង ៦ល្ងាច (ត្រូវនឹងម៉ោង ០០:០០ ម៉ោងសកល នៅថ្ងៃចន្ទ)៕

បណ្ដាញសង្គម

ព័ត៌មានថ្មីៗ

ក.ប.ប. រកឃើញថា ហាងយីហោ «ចរណៃ» ពិតជាបានធ្វើធុរកិច្ចដែលបង្កឱ្យអ្នកប្រើប្រាស់មានភាពភាន់ច្រលំរវាងផលិតផលត្រីសាម៉ុន និងត្រីត្រោត ដែលអំពើនេះ គឺល្មើសនឹងច្បាប់ស្តីពីសុវត្ថិភាពម្ហូបអាហារជាធរមាន
06/23/2026 08:06 AM
Facebook Telegram Linkin
ឱកាសការងារជាង ៤ ពាន់កន្លែង នឹងត្រូវផ្ដល់ជូនក្នុងវេទិកាការងារ និងឱកាសកម្មសិក្សាការងាររបស់ NEA នៅសាកលវិទ្យាល័យជាតិគ្រប់គ្រង
06/23/2026 07:06 AM
Facebook Telegram Linkin
ក្រសួងបរិស្ថានជំរុញការចែកកូនឈើជូនប្រជាពលរដ្ឋ តាមរយៈយុទ្ធនាការ «ពន្លកបៃតង» ឆ្នាំ២០២៦ នៅមុខទីស្តីការក្រសួងបរិស្ថាន ចាប់ពីថ្ងៃទី១០-១៣ ខែកក្កដា ឆ្នាំ២០២៦
06/23/2026 07:06 AM
Facebook Telegram Linkin
តំណាងអចិន្ត្រៃយ័កម្ពុជាប្រចាំ អ.ស.ប៖ ពលករទេសន្តរប្រវេសក៍កម្ពុជា បានប្រឈមនឹងការស្អប់ខ្ពើម និងវោហាសាស្ត្ររើសអើងពីសំណាក់ថៃ
06/23/2026 07:06 AM
Facebook Telegram Linkin
មនុស្ស ៣នាក់ស្លាប់ នៅប្រទេសបារាំង ខណៈសីតុណ្ហភាពកើនឡើងជាង ៤០អង្សាសេ អំឡុងរលកកម្តៅនៅអឺរ៉ុប
06/22/2026 08:06 PM
Facebook Telegram Linkin
តំបន់គ្រីមៀ ផ្អាកការបោះជំរំរដូវក្តៅរបស់ក្មេងៗ ខណៈការវាយប្រហាររបស់អ៊ុយក្រែនធ្វើឲ្យជួបកង្វះខាតប្រេង
06/22/2026 08:06 PM
Facebook Telegram Linkin
អ្នកការទូតជាន់ខ្ពស់​របស់ចិន ជួបអនុប្រធានសន្តិសុខអ៊ីរ៉ង់ ក្រោយកិច្ច​​ពិភាក្សាជាមួយ​អាមេរិក នៅ​ស្វីស​
06/22/2026 08:06 PM
Facebook Telegram Linkin
វិមានក្រឹមឡាំង ចោទប្រកាន់អ៊ុយក្រែនថា បាន​គំរាមកំហែងដល់អធិបតេយ្យភាពរបស់បេឡារុស
06/22/2026 08:06 PM
Facebook Telegram Linkin
អតីតរដ្ឋមន្រ្តីដឹកជញ្ជូនអេស្ប៉ាញ ត្រូវបានកាត់ទោសឲ្យជាប់ពន្ធនាគាររយៈពេល ២៤ឆ្នាំ ក្នុងករណីពុករលួយ
06/22/2026 08:06 PM
Facebook Telegram Linkin
កងទ័ពស៊ូដង់ទទួលយកអ្នករត់ចោលជួររបស់កងកម្លាំង RSF នៅ Darfur បង្កការខឹងសម្បារនៅក្នុងចំណោមពលរដ្ឋ
06/22/2026 08:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.