នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
រដ្ឋបាលខេត្តកំពតត្រៀមទុរេនទុំ ២តោន សម្រាប់ទទួលទេសចរចូលរួមព្រឹត្តិការណ៍ «មរតកផ្លែឈើ និងនំចំណីកំពត»
មន្ត្រីជំនាញ ស្នើដល់កសិករ សហគមន៍ និងអ្នកពាក់ព័ន្ធរួមគ្នាលើកកម្ពស់វិស័យកសិកម្មខេត្តកែប
អ្នកដាំទុរេនស្រុកចម្ការលើ​ចង់ឲ្យអ្នកលក់ប្រកាន់ភាពស្មោះត្រង់លើអតិថិជន
កសិករនៅឃុំត្រពាំងរូង កំពុងទទួលបានការគាំទ្រពីអតិថិជនក្នុងស្រុកលើទិន្នផលទុរេន

សេដ្ឋកិច្ច និង កសិកម្ម

សហជីពគ្រោងស្នើបន្ថែម២០ដុល្លារលើប្រាក់ឈ្នួលអប្បបរមាឆ្នាំ២០២៣ សម្រាប់កម្មករកាត់ដេរ

2022/08/10 01:35:24 pm        563
Facebook Telegram Linkin
ភ្នំពេញ៖ ភាគីតំណាងឲ្យកម្មករនិយោជិត បានឲ្យដឹងថា ក្នុងកិច្ចចចារប្រាក់ឈ្នួលអប្បបរមា​សម្រាប់​ឆ្នាំ​២០២៣ខាងមុខ សហជីព ​គ្រោងនឹងស្នើសុំបន្ថែម​ ២០ដុល្លារ ​លើប្រាក់ខែគោល ដោយ​ក្រុមសហជីពបានជួបប្រជុំគ្នាដើម្បីពិនិត្យ និងពិភាក្សាអំពីជីវភាពរស់នៅរបស់កម្មករនិយោជិត។លោក អាត់ ធន់ ប្រធាន​សហភាពការងារកម្ពុជា ​នៅព្រឹកថ្ងៃទី១០ សីហា ឆ្នាំ២០២២នេះ បាន​ឲ្យ​ទូរទស្សន៍ព័ត៌មាន ​ប៊ីធីវីដឹងថា សហជីពបានប្រជុំ កាលពីថ្ងៃទី៤ សីហាកន្លងទៅ ដោយបាន​កំណត់​តួលេខក្រៅផ្លូវការមួយហើយ។ ប៉ុន្តែសហជីបត្រូវការផ្ទៀងផ្ទាត់ព័ត៌មាន ឬ​ទិន្នន័យពីក្រុមប្រឹក្សា​ជាតិ​ប្រាក់ឈ្នួលទៀត និងក្រសួងសេដ្ឋកិច្ច និងហិរញ្ញវត្ថុទៀត ដើម្បីអាច​បញ្ចេញ​តួលេខ​ចុងក្រោយបាន។ លោក បានបន្ថែមថា បច្ចុបន្នប្រាក់ឈ្នួលអប្បបរមារបស់កម្មករក្នុងវិស័យកាត់ដេរចំនួន ១៩៤ដុល្លារ ប៉ុន្ដែប្រាក់ឈ្នួលទាំងនេះ​ មិនទាន់បានបំពេញតម្រូវការរស់នៅឱ្យបានល្អប្រសើរនៅឡើយទេ បើផ្អែក​ទៅលើការចំណាយប្រចាំថ្ងៃរបស់កម្មករនិយោជិត​ ដោយជាមធ្យមរហូតដល់ទៅ ២៩៧ដុល្លារ​ ក្នុងមួយខែ។សូមជម្រាបជូនថា នៅព្រឹកថ្ងៃទី១៥ ខែសីហាខាងមុខនេះ ក្រសួងការងារ និងបណ្តុះបណ្តាល​វិជ្ជាជីវៈ ​នឹងបើកកិច្ចប្រជុំក្រុមប្រឹក្សាជាតិប្រាក់ឈ្នួលអប្បបរមា ​អាណត្តិទី២ លើកទី២ ស្តីពីការ​កំណត់ប្រាក់ឈ្នួលអប្បបរមាសម្រាប់កម្មករនិយោជិតផ្នែកវាយនភណ្ឌ ​កាត់ដេរ ​ផលិតស្បែកជើង និងផលិតផលិតផលធ្វើដំណើរ ​និងកាបូប សម្រាប់ឆ្នាំ២០២៣៕អត្ថបទ៖ បូរ៉ាវី

ផលិតផលសូត្រខ្មែរតម្បាញដោយដៃ រំពឹងនឹងមានទីផ្សានាំចេញ បន្ទាប់ពីវិបត្តិជំងឺកូវីដ-១៩ ធូរស្រាល

2022/08/10 01:03:00 pm        1282
Facebook Telegram Linkin
ភ្នំពេញ៖ ផលិតផលសូត្រខ្មែរតម្បាញដោយដៃ កំពុងទទួលបានការគាំទ្រពីក្រសួងស្ថាប័ន ប្រជាពលរដ្ឋដែលជាអ្នកប្រើប្រាស់ ​និងមានអតិថិជនក្រៅប្រទេស​បាន​កុម្ម៉ង់​បញ្ជាជាទិញជាច្រើន ដោយរំពឹងថា ផលិតផលនេះ ​នឹងអាចមានទីផ្សារនាំចេញបន្ទាប់ពីវិបត្តិជំងឺកូវីដ ១៩ ​បានធូរស្រាល។លោកស្រី ចេន សុភាព ស្ថាបនិកសហគ្រាសកីតម្បាញខ្មែរ ​លើកឡើងថា កីតម្បាញខ្មែរ​បាន​តម្បាញ​ចេញជាផលិតផលមួយចំនួនដូចជា ស៊ឹងខ្មែរ ហូល ផាមួង ក្រម៉ា និងការផលិតជា​សំលៀកបំពាក់​ជាដើម​ ដែល​ផលិតផលទាំងនេះ សុទ្ធសឹង​តម្បាញដោយដៃ និងមានការរចនា​កែច្នៃ​ខ្ពស់។លោកស្រី បន្តថា ផលិតផលតម្បាញខ្មែរ ទទួលបានការគាំទ្រពីប្រជាពលរដ្ឋក្នុងស្រុកជាច្រើន និង​ពី​ក្រសួងស្ថាប័ន​មួយចំនួន ​ដោយមានការ​កុម្ម៉ង់​បញ្ជាទិញ ដែលជាផ្នែកមួយក្នុងការចូលរួម​លើក​កម្ពស់​ផលិតផលសូត្រខ្មែរ។ចំពោះការនាំចេញផលិតផលសូត្រ ប្រទេសនីមួយៗ​មានតម្រូវការផលិតផលនេះផ្សេងៗគ្នា ដើម្បី​ជម្រុញការនាំចេញសូត្របាន ​អ្នកផលិតគួរត្រូវសិក្សាទីផ្សារគោលដៅដែលនាំចេញ ​ឲ្យបានច្បាស់ នោះផលិតផល​របស់ពួកគេនឹងមាននិរន្តរភាពបម្រើទីផ្សារនាំចេញ ​ហើយរំពឹងថា ផលិតផល​តម្បាញសូត្រខ្មែរ ​នឹងអាចនាំចេញទៅកាន់ទីផ្សារ​បរទេសតាមការរំពឹងទុក។ជុំវិញការអភិវឌ្ឍន៍អាជីវកម្មនេះ,លោក ហោ ចាន់រដ្ឋា អ្នកស្រាវជ្រាវភាពជាអ្នកដឹកនាំ ​ថ្លែងថា បច្ចុប្បន្ន​កម្ពុជា​មានម្ចាស់អាជីវកម្មច្រើន​ ក្លាយជាអ្នកដឹកនាំ ​និងជាសហគ្រិនរួចហើយ នឹងបានកំពុង​អភិវឌ្ឍន៍នូវមុខរបររបស់ពួកគាត់ឆ្ពោះទៅរកការីកចម្រើន ​ដើម្បីរួមគ្នាកសាងសង្គម និង​សេដ្ឋកិច្ចឲ្យកាន់តែរីកចម្រើន។សូមបញ្ជាក់ថា កម្ពុជាមានសក្តានុពលលើ​វិស័យ​ផលិតកម្មសូត្រ ​ដែលខ្មែរបានប្រតិបត្តិជាប្រពៃណី អំពីការ​ផលិតហូល-ផាមួង ពីសូត្រជាច្រើនសតវត្សមកហើយដូចជា ​នៅខេត្តតាកែវ ​បន្ទាយមានជ័យ សៀមរាប និងកំពង់ធំ៕ អត្ថបទ៖ សុន រ៉ាឌី

ក្រុមហ៊ុន EnerCam នឹងចុះកិច្ចព្រមព្រៀងស្វែងរុករកប្រេងកាតជាមួយរាជរដ្ឋាភិបាលឆាប់ៗនេះ

2022/08/10 12:17:24 pm        500
Facebook Telegram Linkin
ភ្នំពេញ៖ រាជរដ្ឋាភិបាល និងក្រុមហ៊ុន EnerCam Resources មកពីប្រទេសកាណាដា នឹងចុះកិច្ចព្រមព្រៀងស្វែងរុករកប្រេងកាតនៅតំបន់ដែនគោក ដើម្បីសិក្សាស្វែងរុករកធនធានប្រេងកាតជាលើកដំបូងនៅកម្ពុជា។ឯកឧត្តម ជៀប សួរ អគ្គនាយកនៃអគ្គនាយកដ្ឋានប្រេងកាត លើកឡើងនៅក្នុងសន្និសីទសារព័ត៌មានស្តីពី សមិទ្ធផលសម្រេចបានរយៈពេល៥ឆ្នាំកន្លងមក របស់ក្រសួងរ៉ែ និងថាមពល នៅទីស្តីការគណៈរដ្ឋមន្រ្តី នៅថ្ងៃទី ៩ ខែសីហា ឆ្នាំ ២០២២ នេះថា ទាក់ទងនិងការសិក្សាស្រាវជ្រាវប្រេងកាតនៅកម្ពុជា សម្រាប់នៅដែនគោកមាន ១៩ ប្លុក ដែលបាន​កំណត់ជាតំបន់សិក្សាស្រាវជ្រាវរកធនធានប្រេងកាត, រហូតមកដល់ពេលនេះ ក្រសួងមិន​ទាន់បានរកឃើញថា មានធនធានប្រេងកាតដែលមានលក្ខណៈពាណិជ្ជកម្មនៅតំបន់​ណាមួយ​នៅឡើយ។ឯកឧត្តម បន្តថា ជុំវិញការសិក្សារុករកប្រេងកាតតំបន់ដែនគោកនេះ កន្លងមក​មាន​ក្រុមហ៊ុន​ចុះសិក្សាជា​បន្តបន្ទាប់ ក្នុងនោះទើបតែ ​មានក្រុមហ៊ុន EnerCam Resources មកពី​ប្រទេសកាណាដា ​ដែលនឹងចុះកិច្ចព្រមព្រៀមជាមួយក្រសួងរ៉ែ ​និងថាមពល នៅតំបន់​ប្រេងកាតប្លុក ទី៨ ក្នុងពេល​ឆាប់ៗ​ខាងមុខ ដើម្បីចាប់ផ្តើមធ្វើការសិក្សា ស្វែងរុករកធនធាន​ប្រេងកាត​ដំបូងរបស់ខ្លួន នៅលើផ្ទៃក្រឡាប្រមាណ ៥ ០០០ គីឡូម៉ែត្រការ៉េ ដែលមានទីតាំងនៅបាសាំង កំពង់សោម នៅភាគអាគ្នេយ៍នៃប្រទេសកម្ពុជា។ឯកឧត្តម ជៀប សួរ បានបង្ហាញឲ្យដឹងថា បច្ចុប្បន្នមានក្រុមហ៊ុនចំនួន ៥ មកពីប្រទេសផ្សេងៗគ្នាដូចជា៖ ប្រទេសចិន ម៉ាឡេស៊ី កាហ្សាក់ស្តង់ កាណាដា និងមកពីប្រទេសថៃជាដើម បានកំពុងចាប់អារម្មណ៍អំពីការវិនិយោគលើវិស័យប្រេងកាតនៅកម្ពុជា ដោយស្ថិតនៅក្នុងការពិនិត្យជំហានដំបូងនៅឡើយ លើគម្រោងសិក្សាលទ្ធភាព​នៃការវិនិយោគ​ប្រេងកាតនៅប្លុក A និងប្លុកប្រេងកាតផ្សេងៗទៀតរបស់កម្ពុជាផងដែរ។សូមបញ្ជាក់ថា កម្ពុជាមានតំបន់ប្លុកប្រេងកាតសម្រាប់ធ្វើការសិក្សាស្រាវជ្រាវ ទាំងនៅដែនសមុទ្រ និងដែនគោក ​សរុបមានចំនួន ២៥ កន្លែង ​សម្រាប់ដែនសមុទ្រមានចំនួន ៦ ប្លុក និងនៅដែនគោក មានចំនួន ១៩ ប្លុក៕អត្ថបទ៖ សុន រ៉ាឌី

កំពង់ផែទេសចរណ៍អន្តរជាតិខេត្តកំពតសាងសង់រួចរាល់ហើយ គ្រោងសម្ពោធមុនបុណ្យសមុទ្រមកដល់

2022/08/09 04:24:56 pm        1507
Facebook Telegram Linkin
កំពត៖ មន្ត្រីក្រសួងទេសចរណ៍ បានឱ្យដឹងថា ការសាងសង់កំពង់ផែទេសចរណ៍អន្តរជាតិខេត្តកំពត បានរួចរាល់មួយរយភាគរយហើយ។ បច្ចុប្បន្នក្រសួង កំពុងរៀបចំឯកសារជ្រើសរើសក្រុមហ៊ុន​ប្រតិបត្តិ និងថែទាំកំពង់ផែ ដើម្បីឈានទៅសម្ពោធដាក់ឲ្យប្រើប្រាស់ជាផ្លូវការ នៅមុនពេលបុណ្យ​សមុទ្រនៅខេត្តព្រះសីហនុ ឆ្នាំ២០២២ ។ឯកឧត្តម សុខ សុគុណ អគ្គនាយករងអភិវឌ្ឍន៍ទេសចរណ៍ ​នៃក្រសួងទេសចរណ៍​ និងជាប្រធាន ចាត់ចែង​គម្រោង GMS TIIG No.3194-CAM បានប្រាប់ឲ្យដឹង នៅថ្ងៃទី៨ ខែសីហា ​ឆ្នាំ២០២២នេះថា ការស្ថាបនាកំពង់ផែទេសចរណ៍អន្តរជាតិខេត្តកំពត ​ស្ថិតក្រោមហិរញ្ញប្បទាន ​របស់ធនាគារADB ជាផ្នែកមួយនៃគម្រោងអភិវឌ្ឍន៍ហេដ្ឋារចនាសម្ព័ន្ធទេសចរណ៍សម្រាប់ការរីក​ចម្រើនប្រកប​ដោយ​ចីរភាព នៅក្នុងមហាអនុតំបន់មេគង្គ(GMS)។ គម្រោងនេះ បានចាប់ផ្តើម បើកការដ្ឋានសាងសង់នៅថ្ងៃទី៨ ខែសីហា ឆ្នាំ២០១៨ អនុវត្តដោយ​អង្គភាព​គ្រប់គ្រងគម្រោង ​របស់ក្រសួងសាធារណការ និងដឹកជញ្ជូន។ឯកឧត្តម បានបញ្ជាក់ថា មកដល់ពេលនេះ ការសាងសង់កំពង់ផែទេសចរណ៍អន្តរជាតិ ​ត្រូវបាន បញ្ចប់​រួចរាល់១០០ភាគរយហើយ ​នៅសល់តែការងារបោសសម្អាតបរិវេណក្រៅអគារបន្តិចបន្តួច។ឯកឧត្តម ​បានបញ្ជាក់បន្ថែមថា ​បច្ចុប្បន្ន ក្រសួងកំពុងរៀបចំឯកសារជ្រើសរើសក្រុមហ៊ុនប្រតិបត្តិ និងថែទាំកំពង់ផែ ​ហើយបើតាមប្រសាសន៍របស់ថ្នាក់ដឹកនាំ ​កំពង់ផែទេសចរណ៍អន្តរជាតិខេត្តកំពត គ្រោងដាក់សម្ពោធឲ្យប្រើប្រាស់ជាផ្លូវការ ​នៅមុនបុណ្យសមុទ្រនៅខេត្តព្រះសីហនុ ឆ្នាំ២០២២នេះ ចូលមកដល់។ឯកឧត្តម បានបញ្ជាក់ថា​ ក្រោយពេលកំពង់ផែទេសចរណ៍អន្តរជាតិដាក់ឲ្យដឹងណើរការ ភ្ញៀវ​ទេសចរ​អន្តរជាតិតាមនាវា ​នឹងតម្រង់ឆ្ពោះមកកាន់ខេត្តកំពត​ ពេលនោះ កំពង់ផែទេសចរណ៍​អន្តរជាតិនេះ ​នឹងក្លាយជាច្រកសមុទ្រអន្តរជាតិសម្រាប់ភ្ញៀវទេសចរដ៏សំខាន់ និងដំបូងគេ​បង្អស់របស់កម្ពុជា ដែលតភ្ជាប់ឆ្នេរសមុទ្រភាគខាងត្បូងប្រទេសកម្ពុជា ពីខេត្តកំពត ទៅកាន់ពិភពលោក ។ ក្រសួងថា កំពង់ផែនេះ អាចមានសមត្ថភាពទទួលអ្នកដំណើរ ​និងអ្នកទេសចរអន្តរជាតិ បាន ប្រមាណ ១លាននាក់ក្នុងមួយឆ្នាំ។ កំពង់ផែនេះនឹងជួយលើកស្ទួយ វិស័យទេសចរណ៍របស់​កម្ពុជា​ឲ្យងើប ឡើងវិញ ជាពិសេសរមណីយដ្ឋាននានាក្នុងខេត្តកំពត និងទិសដៅតំបន់​ឆ្នេរផ្សេងទៀត ៕ អត្ថបទ៖ អន សារឹម

ផលិតកាបូប និងផលិតផលធ្វើដំណើរកម្ពុជានាំចេញទៅសហរដ្ឋអាមេរិកកើនឡើង ៦០ភាគរយ

2022/08/09 01:10:11 pm        830
Facebook Telegram Linkin
ភ្នំពេញ៖​ ការនាំចេញផលិតផលកាបូប និងផលិតធ្វើដំណើរ របស់កម្ពុជា ទៅកាន់ទីផ្សារសហរដ្ឋអាមេរិកមានទឹកប្រាក់សរុប ៨០២លានដុល្លារ ក្នុងឆមាសទី១ កើនឡើង ៥៩ភាគរយ ធៀបនឹងរយៈពេលដូចគ្នា​កាលពីឆ្នាំមុន។តួលេខនេះ​ ត្រូវបានបង្ហាញដោយ លោកឧកញ៉ា លី ឃុនថៃ ប្រធានកិត្តិយសមាគម​ផលិតផល​ធ្វើដំណើរ និងស្បែកនៅកម្ពុជា ថ្លែងលើកឡើងក្នុងកិច្ចសម្ភាសន៍ជាមួយក្រុមព័ត៌មាន នៅក្នុងពិធីសម្ពោធជាផ្លូវការសមាគមផលិតផលធ្វើដំណើរ និងស្បែកនៅកម្ពុជា ថ្ងៃទី៦ ខែសីហានេះ ។ផលិតកាបូប និងវ៉ាលីធ្វើដំណើរ ត្រូវបាននាំចេញទៅកាន់ទីផ្សារសហរដ្ឋអាមេរិក នៅក្រោមប្រព័ន្ធ​អនុគ្រោះពាណិជ្ជកម្ម (GSP) ។ ប៉ុន្តែប្រព័ន្ធអនុគ្រោះនេះ បានអស់សុពលភាពកាលពីចុងឆ្នាំ២០២១ ដែលបច្ចុប្បន្ន អាមេរិកកំពុងពិភាក្សា​ លើការបន្តសុពលភាពប្រព័ន្ធ GSP នេះ។ប្រព័ន្ធអនុគ្រោះពាណិជ្ជកម្ម គឺជាប្រព័ន្ធមួយដែលប្រទេសអ្នកមាន ផ្តល់ឲ្យសម្រាប់ប្រទេស​មាន​ការអភិវឌ្ឍន៍តិចតួច ​ក្នុងនោះយើងទទួលបានដោយសារប្រទេសយើងមានការអភិវឌ្ឍ​តិចតួច តែមិនមែន​ទីផ្សារធំៗទាំងនោះ​ បានផ្តល់គ្រប់មុខទំនិញនោះឡើយ។ ការនាំចេញ​សំលៀកបំពាក់​របស់​កម្ពុជា​ចូលទៅទីផ្សារអាមេរិក គឺមិនទទួលបាន​ការអនុគ្រោះ​ពាណិជ្ជកម្មនោះទេ ដោយការនាំចូលផលិតផលនេះ ​បានបង់ពន្ធក្នុងរង្វង់ប្រមាណ ១២ ទៅ ១៩% ដោយក្នុងនោះកម្ពុជា​ទទួលបានភាពអនុគ្រោះពាណិជ្ជកម្ម តែកាបូប ​ផលិតផលធ្វើដំណើរប៉ុណ្ណោះ បច្ចុប្បន្ន​ផលិតទាំងនោះ បានកំពុងចូលរួមចំណែកដល់ការបង្កើន​ទំហំ​ពាណិជ្ជកម្មរវាង​កម្ពុជា​អាមេរិក ដូច្នេះប្រព័ន្ធ GSP ក៏បានរួមចំណែកយ៉ាងច្រើនដល់ការនាំចេញទំនិញរបស់កម្ពុជាផងដែរ។លោកឧកញ៉ា លី ឃុនថៃ មានប្រសាសន៍ថា ​ការនាំចេញទៅកាន់ទីផ្សារសហរដ្ឋអាមេរិកមាន​កំណើន​ខ្ពស់ជាងគេ ​នៅក្នុងចំណោមទីផ្សារសំខាន់ៗដ៏ទៃទៀត ​ដោយកម្ពុជារំពឹងថា អាមេរិក​គឺ​ជាទីផ្សារ​សក្តានុពល​សម្រាប់ការនាំចេញរបស់កម្ពុជា​ ក្នុងពេលបច្ចុប្បន្ន និងអនាគត៕ អត្ថបទ៖ ស៊ុន រ៉ាឌី 

ការនាំចេញផលិតកសិកម្មឆ្នាំនេះ រំពឹងសម្រេចតាមការគ្រោងទុករបស់រាជរដ្ឋាភិបាល

2022/08/09 01:02:52 pm        598
Facebook Telegram Linkin
ភ្នំពេញ៖ វិស័យឯកជន រំពឹងថា ការនាំចេញកសិផលរបស់កម្ពុជាក្នុងឆ្នាំ ២០២២ នេះ នឹងអាចសម្រេចតាមកាគ្រោងទុករបស់រាជរដ្ឋាភិបាល ដោយសារកំលាំងផលិតក្នុងវិស័យកសិកម្ម​នៅក្នុងស្រុកបន្តអភិវឌ្ឍន៍រឹងមាំ ជាពិសេសរាជរដ្ឋាភិបាលបានគ្រប់គ្រងបង្កើត​នូវបរិយាកាស​នៃការ​នាំចេញ។ឯកឧត្តមបណ្ឌិត តាន់ មុនីវណ្ណ អគ្គនាយករងក្រុមហ៊ុន ម៉ុង រិទ្ធីគ្រុប និងជាអនុប្រធាន​សភាពាណិជ្ជ​កម្ម​កម្ពុជា លើកឡើង នៅថ្ងៃទី ៨ ខែសីហា ឆ្នាំ ២០២២ នេះថា នៅក្នុងវិបត្តិជំងឺកូវីដ ១៩ នេះ រាជ​រដ្ឋាភិបាលបានគ្រប់គ្រងបានយ៉ាងល្អ ដែលជាចំណុចវិជ្ជមានល្អ ដល់ការដាំដុះ កែច្នៃ និងនាំចេញ ក្នុងនោះចំពោះអ្នកប្រកបរបរក្នុងវិស័យកសិកម្ម ​ទាំងក្រុមហ៊ុន និងទាំងកសិករ គួរប្រមូលផ្តុំគ្នា ដើម្បី​ជម្រុញការនាំចេញដោយស្របច្បាប់ ​គឺធ្វើឱ្យកម្ពុជាអាចមានគោលដៅ និងទីផ្សារនាំចេញ​ច្បាស់​លាស់​ប្រការទាំងនេះជាការលើកកម្ពស់ដល់កសិករខ្មែរ មានទឹកចិត្តដាំដុះបម្រើទីផ្សារនាំចេញ។ តាមរបាយការណ៍គយ និងរដ្ឋាករកម្ពុជា ​ការនាំចេញកសិផលរបស់កម្ពុជាមានចំនួន ១ ៧៤១ លានដុល្លារ​អាមេរិក ក្នុងរយៈពេល ៦ខែ ​ឆ្នាំ២០២២ កើនឡើងជាង ​១៦០ លានដុល្លារអាមេរិក ស្មើជាង ​១០% ដែលក្នុងនោះស្រូវនាំចេញមានតម្លៃជាង ៣៦៨ លានដុល្លារអាមេរិក, អង្ករមានតម្លៃ ២០៤ ​លានដុល្លារអាមេរិក, កៅស៊ូជាង ១៨១ លានដុល្លារអាមេរិក, និងកសិផលផ្សេងទៀតមានតម្លៃ​ជាង ៥២៣ លានដុល្លារអាមេរិកផងដែរ។សូមបញ្ជាក់ថា ពាក់ព័ន្ធវិស័យកសិកម្ម ក្រសួងសេដ្ឋកិច្ច និងហិរញ្ញវត្ថុ ព្យាករថា នឹងបន្តសម្រេច​បាន​កំណើនក្នុងរង្វង់ ០,៧% ក្នុងឆ្នាំ ២០២២ និង ១,១% ក្នុងឆ្នាំ ២០២៣ ដោយសារកំណើនរឹងមាំ​នៃអនុវិស័យចិញ្ចឹមសត្វ និងអនុវិស័យដំណាំ ស្របពេលដែលអនុវិស័យនេសាទ​រំពឹងថា​នឹង​បន្តងើបឡើងវិញសន្សឹមៗ ៕អត្ថបទ៖ សុន រ៉ាឌី

ទីផ្សារសហរដ្ឋអាមេរិក កំពុងស្រូបយកសក្តានុពលផលិតផលធ្វើដំណើរ និងការបូប

2022/08/08 03:50:03 pm        587
Facebook Telegram Linkin
​ភ្នំពេញ៖ ទីផ្សារសហរដ្ឋអាមេរិកកំពុងស្រូបយកផលិតផលធ្វើដំណើរ ការបូប និងផលិតផលពីស្បែក ខណៈផលិតផលមួយចំនួននូវទទួលបានការអនុពាណិជ្ជកម្ម (GSP) និងកំពុងមានការគាំទ្រពីអ្នកប្រើប្រាស់ ហើយយើងរំពឹងថា ចំនួននេះនឹងមានកំណើននាំចេញកាន់តែល្អថែមទៀត។លោកឧកញ៉ា លី ឃុនថៃ ប្រធានកិត្តិយសមាគមផលិតផលធ្វើដំណើរ និងស្បែកនៅកម្ពុជា ថ្លែងលើក​ឡើងក្នុងកិច្ចសម្ភាសន៍ជាមួយក្រុមព័ត៌មាន នៅក្នុងពិធីសម្ពោធជាផ្លូវការ​សមាគម​ផលិត​ផល​ធ្វើដំណើរ និងស្បែកនៅកម្ពុជា ថ្ងៃទី៦ ខែសីហាឆ្នាំ២០២២ នេះថា ក្រោមការ​ដឹកនាំ​ដ៏ឈ្លាសវៃ របស់សម្តេចតេជោ ហ៊ុន សែន នាយករដ្ឋមន្ត្រី បានធ្វើឲ្យប្រទេសកម្ពុជា​មានការរីកចម្រើន​លើ​គ្រប់វិស័យ ដោយបានផ្តល់ឱកាសការងារ ​និងជីវភាពរស់នៅល្អប្រសើរឡើងជាលំដាប់ ដល់ប្រជាពលរដ្ឋកម្ពុជាទូទាំងប្រទេស។ជាក់ស្តែងទោះបីជាមានផលប៉ះពាល់ដោយសារជំងឺរាតត្បាតកូវីដ-១៩ ក៏ការវិនិយោគនៅប្រទេស​កម្ពុជា​នៅមានស្ថេរភាព ​និងកំណើនគួរឲ្យកត់សម្គាល់ ​ដែល​លទ្ធផលវិជ្ជមានទាំងនេះ បានសរ​បញ្ជាក់​ឲ្យឃើញពីកិច្ចខិតខំប្រឹងប្រែងយ៉ាងសស្រាក់សស្រាំរបស់​រាជរដ្ឋាភិបាល ក្នុងការ​កសាង​ទំនុកចិត្តជូនអ្នកវិនិយោគបរទេស និងក្នុងស្រុក ​ដោយបានផ្តល់ការងារជូនកម្មករ​កម្មការិនី ក្នុង​ប្រទេសកម្ពុជារាប់សែននាក់។លោកឧកញ៉ា បន្តថា ជុំវិញបរិយាកាសអំណោយផលទាំងការវិនិយោគ​ និងការនាំចេញ ជាក់ស្តែង​គិតត្រឹមឆមាសទី ១ ដើមឆ្នាំ២០២២ នេះ ទិន្នន័យនៃការនាំចេញកាបូប​ និងផលិតផលធ្វើដំណើរ ទៅកាន់ទីផ្សារបរទេស ​មានតម្លៃសរុបប្រមាណជាង ៨០២ លានដុល្លាអាមេរិក ​កើនឡើងប្រមាណ ៥៩,៤៨% បើធៀបរយៈពេលដូចគ្នាទៅឆ្នាំ ២០២១ ក្នុងនោះការនាំចេញទៅកាន់ទីផ្សារ​សហរដ្ឋ​អាមេរិកមានកំណើនខ្ពស់ជាងគេ​ នៅក្នុងចំណោមទីផ្សារសំខាន់ៗដ៏ទៃទៀត​ ដោយយើងរំពឹងថា អាមេរិកគឺជាទីផ្សារសក្តានុពលសម្រាប់ការនាំចេញរបស់កម្ពុជា ​ក្នុងពេលបច្ចុប្បន្ននិងអនាគត់៕អត្ថបទ៖ សុន រ៉ាឌី

សេដ្ឋកិច្ចកម្ពុជាកំពុងងើបឡើងវិញក្នុងអត្រាកំណើនខ្ពស់ ទោះជួបវិបត្តិធំៗពីរជាប់គ្នាក៏ដោយ

2022/08/06 03:30:50 pm        911
Facebook Telegram Linkin
កែប៖ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានបញ្ជាក់ថា កម្ពុជាក្រោមការដឹកនាំដ៏ឈ្លាសវៃរបស់សម្តេចតេជោ មាន​លទ្ធភាព​គ្រប់គ្រាន់​ក្នុងធ្វើឲ្យសេដ្ឋកិច្ចប្រទេសងើបឡើងវិញដោយខ្លួនឯង ក្នុងអត្រាកំណើនជាង៥% នៅឆ្នាំ២០២២ ហើយតាមការព្យាករណ៍នៅឆ្នាំ២០២៣ កំណើនសេដ្ឋកិច្ចនឹងកើនឡើង ៦% ទោះជួបវិបត្តកូវីដ១៩ និងសង្គ្រាមរុស្ស៊ី និងអ៊ុយគ្រែនក៏ដោយ។ថ្លែងនៅក្នុងពិធីសម្ភោជាផ្លូវការ អគារសាខា​ពន្ធដារ​ ខេត្តកែប នៅរសៀលថ្ងៃទី៥ ខែសីហា ឆ្នាំ២០២២ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ​បានមានប្រសាសន៍ថា វិបត្តិកូវីដ១៩ បានធ្វើឲ្យប៉ះពាល់ដល់​សេដ្ឋកិច្ចពិភពលោក​យ៉ាងខ្លាំង ក្នុងនោះកម្ពុជា ក៏បានប៉ះពាល់​ធ្ងន់ធ្ងរ​មិនធ្លាប់មានផងដែរ កំណើនសេដ្ឋកិច្ចបានធ្លាក់​ទៅ​កំណើនអវិជ្ជមាន រហូតដល់ (ដក) - ៣,១% ។តែទោះជាយ៉ាងក្តី បើប្រៀបធៀបផលប៉ះពាល់ជាមួយបណ្តាប្រទេសផ្សេងៗលើពិភព​លោក កម្ពុជា​នៅ​មានកម្រិតទាប ហើយបច្ចុប្បន្ន​ក្រោមការដឹកនាំដ៏ឈ្លាសវៃរបស់​សម្តេច​អគ្គមហា​សេនា​បតី​តេជោ ហ៊ុន សែន ដែលលោកមានចក្ខុវិស័យ និងទស្សនៈគំនិតវែងឆ្លាយ ក្នុងភាពជាមេដឹកនាំគំរូ បាន​ប្រែក្លាយឧបសគ្គ និងបញ្ហាប្រឈម ​ឲ្យទៅជាឧកាស និងអាចទ្រសភាពការបានទាន់ពេលវេលា ។ ឯកឧត្តមបណ្ឌិតសភាចារ្យ បានបញ្ជាក់ថា បច្ចុប្បន្នតាមការវាយតម្លៃ ​សេដ្ឋកិច្ចកម្ពុជាកំពុងតែងើប​ឡើងវិញ ក្នុងអត្រាកំណើនខ្ពស់ ដោយគ្មានការពឹងពាក់ពីប្រទេសជិតខាងនោះទេ។ ពិសេសជាងនេះទៅទៀត ទោះជួបវិបត្តិថ្មី សង្គ្រាម រុស្ស៊ី និងអ៊ុយគ្រែនក្តី ក៏កម្ពុជាអាចមាន​លទ្ធភាព​គ្រប់គ្រាន់ ក្នុងការធ្វើឲ្យកំណើនសេដ្ឋកិច្ចខ្លួន ​ងើបឡើងវិញក្នុងកំណើនខ្ពស់បានដែរ៕អត្ថបទ អន សារឹម

ខេត្តកំពតបន្ថែមសេវាទេសចរណ៍ ខណៈដែលវិស័យនេះ ចាប់ផ្តើមងើបឡើងវិញជាបណ្តើរៗ

2022/08/05 02:11:39 pm        1027
Facebook Telegram Linkin
កំពត៖ ប្រធានមន្ទីរទេសចរណ៍ខេត្តកំពត បានបញ្ជាក់ថា ក្រោយស្ថានភាពការឆ្លងជំងឺកូវីដ-១៩ល្អប្រសើរ សកម្មភាពវិស័យទេសចរណ៍ក្នុងខេត្តកំពត ចាប់ផ្តើមងើបឡើងវិញជាបណ្តើរៗ ។ បច្ចុប្បន្ន ក្នុង១សប្តាហ៍ មានភ្ញៀវក្នុងរង្វង់ ៣ម៉ឺននាក់ ទៅលេងខេត្តកំពត ហើយសេវាទេសចរណ៍ ត្រូវបានរៀបចំបន្ថែមច្រើន ព្រោះ សេវករ រំពឹងថា ភ្ញៀវទេសចរ នឹងកាន់តែមកកម្សាន្ត​ច្រើន​បន្ថែម​ទៀត។ប្រធានមន្ទីរទេសចរណ៍ខេត្តកំពត លោក សយ ស៊ីណុល បានឲ្យដឹងថា អំឡុងពេលរីករាលដាល ជំងឺកូវីដ-១៩ ​វិស័យទេសចរណ៍ខេត្ត បានធ្លាក់ចុះស្ទើរស្មើសូន្យ ​ប៉ុន្តែសកម្មភាពអភិវឌ្ឍន៍វិស័យនេះ នៅតែបន្ត។ បច្ចុប្បន្ន ខេត្តកំពត មានរមណីយដ្ឋានទេសចរណ៍ចំនួន២១កន្លែង សហគមន៍​ទេសចរណ៍ ចំនួន០៤ កន្លែង គោលដៅទាក់ទាញទេសចរណ៍ ចំនួន០៤កនែ្លង និងបោះតង់ ចំនួន០៥។ ក្នុងនោះ មានរមណីយ ដ្ឋានវប្បធម៌-ប្រវត្តិសាស្ត្រ ០៥កន្លែង, វប្បធម៌ ០២កន្លែង, ធម្មជាតិ ១៤កន្លែង។ រមណីយដ្ឋានទេសចរណ៍ កើនឡើងចំនួន០៤កន្លែង។ ចំណែកសេវាស្នាក់នៅ ក៏មានការកើនឡើងដែរ ពិសេសបន្ទប់បឹងហ្គាឡូ ដែល កាលពី២០១៩ មានចំនួន៤០០បន្ទប់ ឥឡូវកើនដល់៩០០បន្ទប់ ​ហើយបន្ទប់សណ្ឋាគារ ក៏កើនផងដែរ។ លោកបានបញ្ជាក់ថា សកម្មភាពវិស័យទេសចរណ៍ នៅក្នុង៦ខែដើមឆ្នាំនេះ ទទួលបានភ្ញៀវ ជាង ១លាននាក់ ។ ម្ចាស់បឹងហ្គាឡូស្ពានរថភ្លើង បានឲ្យដឹងថា កន្លែងរបស់លោក ​ចាប់ផ្តើមមានភ្ញៀវចូលសម្រាក ច្រើនឡើងវិញ ​ហើយលោកបានបន្ថែមសេវារមួយចំនួន​ ដូចជាគ្រោងបើកម្ហូបអាហារ ហាងកាហ្វេ សេវា ជួលម៉ូតូទឹក និងទូកទេសចរណ៍ ជាដើម ។ ខេត្តកំពត មានតំបន់ទាក់ទាញទេសចរ ៤តំបន់ផងដែរ គឺតំបន់ចំការម្រេច តំបន់ស្រែអំបិល តំបន់ដងព្រែក និងតំបន់បោះតង់នៅខាងលិចក្រុងកំពត៕អត្ថបទ៖ អន សារឹម

សហព័ន្ធស្រូវអង្ករកម្ពុជា រំពឹងថា ការនាំចេញអង្ករកម្ពុជា នឹងមានកំណើនកើនឡើងខ្ពស់​នៅ​ចុង​ឆ្នាំនេះ

2022/08/05 01:57:44 pm        1074
Facebook Telegram Linkin
ភ្នំពេញ៖ ប្រធានសហព័ន្ធស្រូវអង្ករកម្ពុជា រំពឹងការនាំចេញអង្ករនៅចុងឆ្នាំនេះ នឹងមានកំណើន​កើនឡើងខ្ពស់ អាចនឹងសម្រេចតាមផែនការ ​ខណៈតម្លៃប្រេងត្រូវបានព្យាករណ៍នឹងបន្តធ្លាក់ចុះ ស្របពេល​ កម្ពុជាកំពុងពង្រីកទីផ្សារថ្មីៗបន្ថែម។លោកឧកញ៉ា សុង សារ៉ន ប្រធានសហព័ន្ធស្រូវអង្ករកម្ពុជា បានថ្លែងក្នុងកិច្ចសម្ភាសន៍​ជាមួយ​ភ្នាក់ងារ​អ្នកយកព័ត៌មានថា ក្នុងដំណាក់កាលកន្លងមកនេះ ​ការជួញដូរ ​ការនាំចេញទីផ្សារអង្ករ និង​ចំណីអាហារមានការប្រែប្រួល ​ដោយសារវិបត្តិសង្រ្គាមរុស្សី-អ៊ុយក្រែន ជាក់ស្តែងមួយឆមាស​កន្លងមកនេះ ​មានការជួបបញ្ហាប្រឈម​នឹងការដឹកជញ្ជូន ដោយសារការហក់ឡើងខ្ពស់​នៃថ្លៃ​ដឹកជញ្ជូន។លោកឧកញ៉ា បន្តថា ជុំវិញការនាំចេញអង្ករនេះ ​សហព័ន្ធស្រូវអង្ករកម្ពុជា រំពឹងថា ​ចាប់ពីខែនេះ រហូតដល់ខែ ធ្នូ ឆ្នាំ២០២២ ​ការនាំចេញអង្កររបស់កម្ពុជា ​នឹងមានកំណើនងើបឡើងវិញ អាចឆ្លើយ​តប​តាមផែនការកំណត់របស់សហព័ន្ធ ​ខណៈដែលទីផ្សារប្រទេសនីមួយៗ​មានតម្រូវការ លើ​ប្រភេទអង្ករមួយចំនួនរបស់កម្ពុជាបន្ថែម ។ចំណែកទាក់ទងផែនការរបស់សហព័ន្ធស្រូវអង្ករកម្ពុជាវិញ, នៅក្នុងឆ្នាំ ២០២២ នេះ សហព័ន្ធ​ស្រូវអង្ករ​ បានកំណត់ផែនការសកម្មភាពនៃការនាំចេញអង្ករឲ្យបានចន្លោះពី ​៧៥ ទៅ ៨០ ម៉ឺនតោន ដែលចាត់ទុកជាការបើកទំព័រថ្មីក្នុងឆ្នាំ ​២០២២ ​ជាឆ្នាំស្តារស្ថានភាពឱ្យមានកំណើន បន្ទាប់ពី​កម្ពុជា​បានជួប​ឧបសគ្គមួយចំនួន​ នៃការនាំចេញអង្ករនាពេលកន្លងមក ៕អត្ថបទ៖ សុន រ៉ាឌី

បណ្ដាញសង្គម

ព័ត៌មានថ្មីៗ

អាមេរិកប្រាប់អឺរ៉ុប និងកាណាដាឱ្យបង្កើនកងកម្លាំងអាកាស និងជើងទឹករបស់ណាតូ ខណៈទីក្រុងវ៉ាស៊ីនតោនកាត់បន្ថយការចំណាយ
06/04/2026 09:06 AM
Facebook Telegram Linkin
ក្រុមហេសបូឡា បាញ់រ៉ុក្កែតទៅលើអ៊ីស្រាអែល ជាការសាកល្បងកិច្ចព្រមព្រៀងសម្របសម្រួលដោយអាមេរិក
06/04/2026 09:06 AM
Facebook Telegram Linkin
លោក Netanyahu និយាយសម្រាលពីជម្លោះជាមួយលោក Trump ដោយមេដឹកនាំទាំងពីរយល់ស្របលើការរំសាយអាវុធក្រុមហេសបូឡា
06/04/2026 09:06 AM
Facebook Telegram Linkin
លោក គីម ជុងអ៊ុន មេដឹកនាំកូរ៉េខាងជើង ប្តេជ្ញាថានឹងបង្កើនទ្វេដងកងកម្លាំងនុយក្លេអ៊ែរ
06/04/2026 09:06 AM
Facebook Telegram Linkin
អ៊ីស្រាអែល និងលីបង់ យល់ព្រមអនុវត្តបទឈប់បាញ់ អាស្រ័យលើការបញ្ឈប់ការវាយប្រហាររបស់ក្រុមហេសបូឡា
06/04/2026 09:06 AM
Facebook Telegram Linkin
ក្នុងរយៈពេល៥ខែដើមឆ្នាំ២០២៦ ក្រសួងបរិស្ថានបានចុះល្បាត និងបង្រ្កាបបទល្មើសធនធានធម្មជាតិបានចំនួន ៨៩៦ករណី និងបានឃាត់ខ្លួនជនល្មើសបញ្ជូនទៅតុលាការចំនួន៤៣នាក់
06/04/2026 09:06 AM
Facebook Telegram Linkin
អ្នកជំនាញការអាដហុកអាយស៊ីស៊ីអង្គរ-សំបូរព្រៃគុក បន្តចុះពិនិត្យការដ្ឋានជួសជុលមួយចំនួន នៅអតីតរាជធានី ក្រុងអង្គរធំ
06/04/2026 08:06 AM
Facebook Telegram Linkin
រដ្ឋមន្ត្រីការបរទេសអ៊ីរ៉ងថាការចរចាគ្មានមានវឌ្ឍនភាព តែលោក Trump ថាកិច្ចព្រមព្រៀងជិតដល់ហើយ
06/04/2026 08:06 AM
Facebook Telegram Linkin
កម្ពុជាប្តេជ្ញាចិត្តក្នុងការធ្វើការជិតស្និទ្ធជាមួយប្រទេសសមាជិកអាស៊ាន និងសហរដ្ឋអាម៉េរិកដើម្បីលើកកម្ពស់ភាពជាដៃគូ និងផលប្រយោជន៍រួម
06/04/2026 08:06 AM
Facebook Telegram Linkin
អាល្លឺម៉ង់គាំទ្រកម្ពុជាលើវិធីសាស្ត្រដោះស្រាយជម្លោះព្រំដែនដោយសន្តិវិធី ខណៈសភាទាំងពីរប្តេជ្ញាពង្រីកកិច្ចសហប្រតិបត្តិការឱ្យកាន់តែស៊ីជម្រៅ តាមរយៈការផ្លាស់ប្ដូរទស្សនកិច្ចទៅវិញទៅមក
06/04/2026 07:06 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.