នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រតិបត្តិការការទូទាត់តាម QR Code នៅកម្ពុជា កំពុងពេញនិយមសម្រាប់អ្នកប្រើប្រាស់
ឯកឧត្តម ឌិត ទីណា លើកទឹកចិត្តសហគមន៍ និងក្រុមហ៊ុន​បន្តស្មារតី​សាមគ្គីភាព ដើម្បី​ទទួល​ផល​ចំណេញ​ទាំងអស់គ្នាថែមទៀត
កម្ពុជា និងកូរ៉េ រួមគ្នាជំរុញការកាត់បន្ថយឧស្ម័ន​ផ្ទះកញ្ចក់​តាមរយៈ​ការ​វិនិយោគ​មធ្យោបាយ​ដឹកជញ្ជូន​-អគ្គិសនី ឆ្ពោះទៅគោលដៅអព្យាក្រឹតកាបូនឆ្នាំ២០៥០
កសិករខេត្តកំពង់ធំជិតពីររយគ្រួសារទទួលផលចំណេញច្រើនក្រោយចងក្រងជាសហគមន៍កសិកម្មទំនើប

សេដ្ឋកិច្ច និង កសិកម្ម

អគ្គនាយកដ្ឋានពន្ធដារ រំពឹងការប្រមូលចំណូលសម្រេចតាមផែនការក្នុងឆ្នាំ២០២២

2022/02/23 12:25:45 pm        399
Facebook Telegram Linkin
ភ្នំពេញ៖ មន្រ្តីជាន់ខ្ពស់អគ្គនាយកដ្ឋានពន្ធដារ រំពឹងថា នៅក្នុងឆ្នាំ ២០២២ នេះ ការប្រមូលចំណូលផ្ទៃក្នុងរបស់អគ្គនាយកដ្ឋានពន្ធដារ នឹងអនុវត្តការប្រមូលចំណូលមានលក្ខណៈល្អប្រសើរ និងអាចឈានទៅសម្រេបានតាមផែនការ ដោយសារសេដ្ឋកិច្ចគ្រប់ប្រភេទទាំងអស់ត្រូវបានបើកឡើងវិញ។ឯកឧត្តម គង់ វិបុល ប្រតិភូរាជរដ្ឋាភិបាលទទួលបន្ទុកជាអគ្គនាយក នៃអគ្គនាយកដ្ឋានពន្ធដារ លើកឡើង​ក្នុងកិច្ចសម្ភាសន៍ជាមួយភ្នាក់ងារអ្នកយកព័ត៌មាន នៅក្នុងពិធីបើកសម្ពោធ​អគារ​ការិយាល័យ និងឃ្លាំងអគ្គនាយកដ្ឋានពន្ធដារ ​ស្ថិតនៅសង្កាត់គោករកា ​ខណ្ឌព្រែកព្នៅ ​នៅថ្ងៃទី ២២ ខែកុម្ភៈ ឆ្នាំ២០២២ នេះថា នៅក្នុងឆ្នាំ ២០២១ កន្លងមកនេះ កម្ពុជារងនូវការប៉ះពាល់ខ្លាំង ធ្វើ​ឱ្យ​សកម្មភាព​សេដ្ឋកិច្ចបិទ​ស្ទើគ្រប់កន្លែង ​ប៉ុន្តែ​ការ​ប្រមូល​ចំណូលពន្ធនៅក្នុងឆ្នាំ ២០២១ បាន​អនុវត្តន៍​ល្អប្រសើរ ​សម្រេចបានប្រមាណជាង ​១២៤ភាគរយ នៃផែនការច្បាប់។ ចំពោះការឈានទៅសម្រេចលើសផែនការចំណូលពន្ធនេះ អគ្គនាកយដ្ឋានពន្ធដារ បានរៀបចំ​នូវ​ប្រព័ន្ធ​ប្រព័ន្ធ​គ្រប់គ្រង់ ​និងបាន​ដាក់​លិខិត​ប្រកាស​អនឡាញ E-Filling, ការដាក់លិខិតប្រកាស​តាម​ប្រព័ន្ធ​អេឡិចត្រូនិច​ និងការបង់ពន្ធតាមអេឡិចត្រូនិច E-payment ជាដើម ដែលផ្តល់លទ្ធភាព​ដល់​អ្នក​ជាប់ពន្ធ បង់ពន្ធបានយ៉ាងស្រួល។ឯកឧត្តមបន្តឲ្យដឹងថា នៅក្នុងខែ មករា ឆ្នាំ ២០២២ នេះ អគ្គនាយកដ្ឋានអនុវត្តន៍ការប្រមូលចំណូល​បាន​ប្រមាណ ២៨៥ លានដុល្លារអាមេរិក កើនឡើងប្រមាណ ៥៥ លានដុល្លារអាមេរិក បើធៀប​ទៅ​ច្បាប់​គ្រប់​គ្រងហិរញ្ញវត្ថុ។ឯកឧត្តមមានសុទិដ្ឋិនិយមថា នៅក្នុងឆ្នាំ ២០២២ នេះ ការប្រមូលចំណូលផ្ទៃក្នុង របស់​អគ្គ​នាយក​ដ្ឋាន​ពន្ធដារ នឹងមាន​លក្ខណៈល្អប្រសើរ ហើយនឹងអាចឈានសម្រេចបានតាមផែន​ការរបស់​រាជរដ្ឋាភិបាល។សូមបញ្ជាក់ថា៖ នៅក្នុងឆ្នាំ២០២២ នេះ រាជរដ្ឋាភិបាល គ្រោងបង្កើនចំណូលចរន្តថ្នាក់ជាតិក្នុងរង្វង់​ប្រមាណ​ជាង ២២ ពាន់ប៊ីលានរៀល ​ត្រូវប្រមាណជិត ​១៨ភាគរយ ​នៃផ.ស.ស ​កើន​ឡើងជាង ១២ភាគរយ ​បើធៀបទៅច្បាប់ថវិការឆ្នាំ​ ២០២១។ ​ក្នុងនោះចំណូលពន្ធដារ ត្រូវបានគ្រោងប្រមាណជិត ១០ ពាន់ប៊ីលានរៀល ត្រូវជិត ៨ភាគរយ នៃ​ផ.ស.ស ​បានលើកឡើងជាង ​២២ភាគរយ​ បើធៀប​នឹងច្បាប់​ថវិកាឆ្នាំ ​២០២១៕អត្ថបទ៖ សុន រ៉ាឌី

កម្ពុជាកំពុងមានសេដ្ឋកិច្ចរីកចំរើនគួរឲ្យកត់សម្គាល់ ទាមទារការ​គិតគូរ​កសាង​ប្រព័ន្ធ​បង្ហូរទឹកកខ្វក់

2022/02/22 01:35:35 pm        1030
Facebook Telegram Linkin
​ភ្នំពេញ៖ ឯកអគ្គរាជទូតជប៉ុនប្រចាំកម្ពុជា លោក មីកាមិ ម៉ាសាហ៊ីរុ បានលើកឡើងថា ប្រទេសកម្ពុជា កំពុងមានសេដ្ឋកិច្ចរីកចំរើនគួរឲ្យកត់សម្គាល់ ខណៈការដ្ឋានសាងសង់ស្ថានីយប្រព្រឹត្តកម្មទឹកកខ្វក់បឹងជើងឯកនាពេលនេះ នឹងប្រើប្រាស់បច្ចេកវិទ្យាទំនើបៗរបស់ជប៉ុន។ឯកអគ្គរាជទូតជប៉ុនប្រចាំកម្ពុជា លោក មីកាមិ ម៉ាសាហ៊ីរុ លើកឡើងបែបនេះ ក្នុងពិធីបើកការដ្ឋាន​សាងសង់​ស្ថានីយប្រព្រឹត្តកម្មទឹកកខ្វក់បឹងជើងឯក ​លើផ្ទៃដីទំហំ ៣ហិកតា ស្ថិតនៅ​ភូមិព្រែកតាគង់១ ​សង្កាត់ចាក់អង្រែលើ ​ខណ្ឌមានជ័យ ​រាជធានីភ្នំពេញ។ឯកអគ្គរាជទូតជប៉ុនប្រចាំកម្ពុជា លោក មីកាមិ ម៉ាសាហ៊ីរុ ​មានប្រសាសន៍ថា​ ប្រទេសកម្ពុជា កំពុង​មានការអភិវឌ្ឍសេដ្ឋកិច្ចគួរឱ្យកត់សម្គាល់ ​ហើយស្របពេល​នៃការអភិវឌ្ឍនេះ យើងមិនអាច​ជៀសផុត​ពី​ការកើនឡើងនូវទឹកកខ្វក់ ​និងកាកសំណល់ ​ជាពិសេសនៅក្នុងតំបន់ទីក្រុង។​ ឯកអគ្គរាជទូតជប៉ុនប្រចាំកម្ពុជា​ លោក មីកាមិ ម៉ាសាហ៊ីរុ បន្តថា​ ពេលនេះ ​ប្រព័ន្ធបង្ហូរទឹកកខ្វក់​គឺ​ជាហេដ្ឋារចនសម្ព័ន្ធដ៏សំខាន់មិនអាចខ្វះ​បានសម្រាប់ទីក្រុងទាំងអស់​ ប៉ុន្តែវាមិន​ងាយស្រួលទេ​ ក្នុង​ការធានា​បាននូវទីតាំងសម្រាប់សាងសង់រោងចក្រប្រព្រឹត្តកម្មទឹកកខ្វក់ នៅក្នុងទីក្រុងដែល​កំពុង​មានការអភិវឌ្ឍ និងការពង្រីក។ បន្ថែមពីលើនេះ ​ប្រទេសជប៉ុន ក៏បានផ្តល់ជំនួយបច្ចេកទេស​ តាមរយៈអ្នកជំនាញ​ជប៉ុន មកជួយ​បណ្តុះបណ្តាល​លើប្រព័ន្ធគ្រប់គ្រងប្រព័ន្ធប្រព្រឹត្តកម្មទឹកកខ្វក់ ដើម្បីធានា​ដល់​ដំណើរ​ការ​មាន​ប្រសិទ្ធភាព៕ អត្ថបទ៖ វណ្ណៈ 

កម្ពុជាត្រៀមថវិកាជាង ១០០លានដុល្លារ សម្រាប់ចំណាយការរៀបចំប្រជុំអាស៊ាន និងការបោះឆ្នោតខាងមុខ

2022/02/21 12:16:34 pm        543
Facebook Telegram Linkin
ភ្នំពេញ៖ រាជរដ្ឋាភិបាលត្រៀមថវិកាសម្រាប់ចំណាយប្រមាណ ៤០ ទៅ៥០លានដុល្លារអាមរិក សម្រាប់ការរៀបចំកិច្ចប្រជុំអាស៊ាន និងកិច្ចប្រជុំពាក់ព័ន្ធនានា និង ៧០លានដុល្លារ អាមេរិកផ្សេងទៀត សម្រាប់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ ។ឯកឧត្ដម វង្សី វិស្សុត រដ្ឋមន្រ្ដីប្រតិភូអមនាយករដ្ឋមន្រ្ដី និងជារដ្ឋលេខាធិការប្រចាំការក្រសួង​សេដ្ឋកិច្ច និងហិរញ្ញវត្ថុ ​លើកឡើង​ក្នុងវេទិកាសាធារណៈស្ដីពី ​“ការគ្រប់គ្រងម៉ាក្រូសេដ្ឋកិច្ច និង​ច្បាប់​ថវិកា​ឆ្នាំ២០២២ នៅថ្ងៃទី ១៨ខែកុម្ភៈ ឆ្នាំ ២០២២ នៅសណ្ឋាគារសូហ្វីតែ ភូគីត្រាថា នៅក្នុងឆ្នាំ ២០២២ នេះ ក្រៅពីការទប់ស្កាត់​ និងការចាក់វ៉ាក់សំាងបង្ការ ​ជម្រុញស្តារអភិវឌ្ឍន៍​សេដ្ឋកិច្ចកម្ពុជា រាជរដ្ឋាភិបាល ​ត្រូវអនុវត្តចំនួន២គឺកម្ពុជាត្រូវធ្វើជាប្រធានអាស៊ាន និងការរៀបចំបោះឆ្នោត​ក្រុម​ប្រឹក្សា​ឃុំសង្កាត់។ឯកឧត្ដម បន្តថា រាជរដ្ឋាភិបាលគ្រោង​ត្រៀម​ថវិកា​សម្រាប់ការរៀបចំកិច្ច​ប្រជុំ​អាស៊ាន នឹង​គ្រោង​ចំណាយ​សម្រាប់ការបោះឆ្នោតជ្រើសរើស​ក្រុមប្រឹក្សាឃុំ ​សង្កាត់ ​ដែល​គិត​ថវិកា​សរុប គ្រោង​ចំណាយ​ប្រមាណជាង ១០០ ​លានដុល្លាអាមេរិក។ឯកឧត្ដម វង្សី វិស្សុត បញ្ជាក់ថា ឆ្នាំ២០២០ រាជរដ្ឋាភិបាល ចំណាយថវិកា ២៤៦ លានដុល្លារ​ប៉ុណ្ណោះ ។ចំណែកនៅឆ្នាំ ២០២១ រាជរដ្ឋាភិបាលបានចំណាយក្នុងរង្វង់ប្រមាណ ៨០០ លានដុល្លារ តែ​អនុវត្តជាក់ស្តែង ​រាជរដ្ឋាភិបាលចំណាយអស់ ១ ៣៨១​ លានដុល្លារអាមេរិក នៃប្រាក់​សន្សំ​របស់រដ្ឋ, ខណៈនៅក្នុងឆ្នាំ ២០២២ នេះ ​រាជរដ្ឋាភិបាលគ្រោងនឹង​ចំណាយ​ថវិកាក្នុងរង្វង់ ៥០០ លានដុល្លារអាមេរិក។ឯកឧត្ដម បន្តថា នៅក្នុងស្ថានភាពនៃការរីករាលជំងឺកូវីដ ​១៩​ មានប្រទេសជាច្រើន បាន​ខ្ចីថវិកា​ពីរ​ដៃគូផ្សេងៗ​ ដែលធ្វើឲ្យបំណុលនៃប្រទេសទាំងនោះកើនឡើងខ្ពស់ ខណៈដែលកម្ពុជា​នៅ​ក្នុង​វិបត្តិ​ជម្ងឺកូវីដ ១៩​ នេះផងដែរ។ ការកម្ចីប្រាក់ពី​ដៃ​គូរគឺ​ការ​អនុវត្តការ​កម្ចី​ជា​ធម្មតា ដោយមិនមាន​បង្កើន​ប្រាក់​កម្ចី​សម្រាប់យកមកទប់ស្កាត់​ក្នុង​វិបត្តិនេះឡើយ៕អត្ថបទ៖ សុន រ៉ាឌី

ក្រុមហ៊ុនចម្រាញ់រ៉ែមាស នៅខេត្តមណ្ឌលគីរី បង់សូយសារចំនួន ២,៥លានដុល្លារអាមេរិក

2022/02/21 11:52:15 am        760
Facebook Telegram Linkin
មណ្ឌលគីរី៖ ក្រុមហ៊ុន រឺនីសង់ Renaissance បង់សូយសារលើអាជីវកម្មរ៉ែមាសនៅខេត្តមណ្ឌលគីរី ចូលថវិការដ្ឋ ដោយមិនទាន់គិតមូលដ្ឋានអត្រាពន្ធ បានចំនួនជាង ២,៥លានដុល្លារអាមេរិករួច ។ឯកឧត្តម នេត មុន្នី ប្រតិភូរាជរដ្ឋាភិបាលទទួលបន្ទុកជាអគ្គនាយក នៃអគ្គនាយកដ្ឋានទ្រព្យសម្បត្តិរដ្ឋ និងចំណូលមិនមែនសារពើពន្ធ នៃក្រសួងសេដ្ឋកិច្ច និងហិរញ្ញវត្ថុ ថ្លែងលើកឡើងនៅក្នុងវេទិកាសាធារណៈស្ដីពី “ការគ្រប់គ្រងម៉ាក្រូសេដ្ឋកិច្ច និងច្បាប់​ថវិកា​ឆ្នាំ២០២២ តាមវីដេអូ Zoom នៅថ្ងៃទី ១៨ ខែកុម្ភៈ កន្លងមកថា ក្រុមហ៊ុនដែលកំពុងស្វែងរុករក និង​ធ្វើអាជីវកម្មរ៉ែ មានចំនួន ៧ ក្រុមហ៊ុន នៅលើគម្រោងផ្សេងៗគ្នា គិតមកដល់ពេលនេះ ក្រសួងសេដ្ឋកិច្ច និងហិរញ្ញវត្ថុ ប្រមូលចំណូល សរុបបានប្រមាណជា ១៤ លានដុល្លាអាមេរិក ដែលក្នុងនោះ ៥ លានដុល្លារអាមេរិក គឺចំណូលពន្ធដារ និងពន្ធគយ។ឯកឧត្តម បន្តថា តាមរយៈនៃការប្រមូលចំណូលក្រុមហ៊ុនខាងលើនេះ, ចំពោះក្រុមហ៊ុនដែល​រំពឹង​ប្រមូល​ចំណូលបានច្រើន​ មាន​សក្តានុពល គឺក្រុមហ៊ុន រឺនីសង់ (Renaissance) ដោយជាក់ស្តែង​គិតមកដល់ថ្ងៃទី៧ ​ខែកុម្ភៈ ឆ្នាំ ២០២២ ប្រតិបត្តិការអាជីវកម្មចម្រាញ់រ៉ែមាស ​របស់ក្រុមហ៊ុននេះ ចម្រាញ់​មាសបានចំនួន ១ ៧៥១ គីឡូក្រាម ​​ក្នុងនោះ​ក្រុមហ៊ុន រឺនីសង់ បានបង់សូយសារ​ចូល​ថវិការរដ្ឋ ​មានចំនួន ២,៥​ លានដុល្លាអាមេរិករួចហើយ​ នៅលើគម្រោងអនុវត្តផែនការបង់សូយសារ ប្រមាណ ៤,២ លានដុល្លារអាមេរិក​ ត្រូវប្រមាណ ២ ៨៣៤ គីឡូក្រាម ក្នុងមួយឆ្នាំ ។សូមបញ្ជាក់ថា៖ ក្រុមហ៊ុន រឺនីសង់ (Renaissance) ត្រូវបានក្រសួងរ៉ែ និងថាមពល ផ្តល់​អាជ្ញាប័ណ្ណ​ក្នុង​ការរុករក និង​ធ្វើ​អាជីវកម្មរ៉ែ ពីឆ្នាំ ២០១៨ ដល់ ២០៣៣ នៅលើទំហំ​ដីស្វែង​រុកប្រមាណ​ ១ ១០០ ហិកតា ស្ថិតនៅក្នុងតំបន់អូរខ្វាវ ​ក្នុងស្រុកកែវសីមា ​ខេត្តមណ្ឌលគីរី ​នេះគឺជាក្រុមហ៊ុនទី១ ខ្នាតអន្ដរជាតិ ​ដែលបានចាប់ផ្ដើមបើក​សម្ពោធដាក់ឲ្យ​ដំណើរការ​ជាផ្លូវការ​ លើ​ប្រតិបត្តិការអាជីវកម្ម និង​រោងចក្រ​ចម្រាញ់​រ៉ែមាស​ កាល​ពីថ្ងៃទី ២១ ខែមិថុនា ឆ្នាំ២០២១ និងជាក្រុមហ៊ុន​ផលិតមាស​ជា​លើក​ដំបូង​នៅប្រទេសកម្ពុជា៕ អត្ថបទ៖ សុន រ៉ាឌី

អ្នកជំនាញទេសចរណ៍ សាទរលើការជំរុញចលនាធ្វើដំណើរផ្ទៃក្នុងនិងបើកច្រករបៀងអាស៊ាន

2022/02/18 01:22:29 pm        300
Facebook Telegram Linkin
ភ្នំពេញ៖ នៅក្នុងកិច្ចប្រជុំចង្អៀតរដ្ឋមន្ត្រីការបរទេសអាស៊ាន ដែលកម្ពុជាធ្វើម្ចាស់ផ្ទះ ថ្ងៃទី១៧ខែកុម្ភៈម្សិលមិញនេះ គឺបានផ្តោតពិភាក្សាខ្លាំងលើកការជំរុញបើកចរាចរណ៍ក្របខ័ណ្ឌផ្ទៃក្នុងរបស់អាស៊ាន ដើម្បីជំរុញកំណើនទេសចរណ៍សេដ្ឋកិច្ចអាស៊ានឡើងវិញ។សម្រាប់កិច្ចពិភាក្សានេះ គឺជាការងារដែលបណ្តាអ្នកវិនិយោគទេសចរអាស៊ានចង់បាន ហើយសម្រាប់ប្រទេសដែលមិនទាន់បើកប្រទេសទាំងស្រុង គួរត្រូវបើកច្រករបៀង ដើម្បីជំរុញចលនាការធ្វើដំណើរផ្ទៃក្នុងអាស៊ានឲ្យមានភាពរស់រវើក។ លោក ធួន ស៊ីណាន ប្រធានសមាគន៍ទីភ្នាក់ងារទេសចរណ៍អាស៊ីប៉ាស៊ីហ្វិចប្រចាំនៅកម្ពុជា បាន​ថ្លែងថា បណ្តាប្រទេសនៅក្នុងតំបន់អាស៊ាន​គួរត្រូវ​បើក​ចរាចរណ៍​ប្រទេសវិញអោយបាន​ទូលំទូលាយ ហើយមិនគួរត្រូវខ្លាចរអានោះទេ ដោយសារបណ្តាប្រទេសនីមួយៗ​សុទ្ធតែមានច្បាប់​សុខាភិបាល​គ្រប់គ្រង​ហានិភ័យ​ពីការរាតត្បាតមេរោគកូវីដ១៩ ​និងអាស៊ាន​ក៏​មាន​គោលការណ៍​ណែនាំអាស៊ាន​ស្តីពីសុវត្ថិភាព ​និងអនាម័យសម្រាប់អ្នកបម្រើការងារ​ និង​សហគមន៍​ក្នុង​ឧស្សាហកម្មទេសចរណ៍ និង​មាន​គោលការណ៍នានាទៀត ​ដែល​អាច​ជំរុញ​ការធនាសុវត្ថិភាពអាស៊ានបាន។បើតាមបណ្ឌិត គី សេរិវឌ្ឍន៍ អ្នកវិភាគសេដ្ឋកិច្ច នៃរាជបណ្ឌិតរាជបណ្ឌិតសភាកម្ពុជា ថ្លែងថា ជាក់​ស្តែងអាស៊ាន មកដល់ដំណាក់កាលនេះ ​គួរតែត្រូវបើកអោយបានទូលំទូលាយឡើងវិញ ដើម្បី​លើកកំពស់វិស័យទេសចរណ៍ ​អាជីវកម្ម ​និងការនាំចេញ​របស់អាស៊ាន​ក៏ដូចកម្ពុជា និង​បណ្តាប្រទេស​ក្នុង​តំបន់អាស៊ាន។បើតាមឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងកិច្ច​សហប្រតិបត្តិការ​អន្តរជាតិ ​បានថ្លែងថា នៅក្នុងកិច្ចប្រជុំចង្អៀត​រដ្ឋមន្ត្រីការ​បរទេសអាស៊ាន​ដែល​កម្ពុជា​ធ្វើជាម្ចាស់ផ្ទះរៀបចំនៅថ្ងៃម្សិលមិញនេះ​ រដ្ឋមន្ត្រីការបរទេសអាស៊ាន​ បាន​ផ្តោតការ​ពិភាក្សា​ខ្លាំងការ​ជំរុញ​បើក​ចរាចរណ៍ការធ្វើដំណើរ​ឡើងវិញ នៅ​ក្នុងក្របខ័ណ្ឌផ្ទៃក្នុង​អាស៊ាន ខណៈដើម្បី​ជំរុញ​សេដ្ឋកិច្ច​អោយរស់ឡើងវិញ ខណៈប្រទេសជាច្រើនក្នុងតំបន់អាស៊ាន ត្រូវការកំណើន​សេដ្ឋកិច្ច​តាម​រយៈវិស័យទេសចរណ៍ ​និងការធ្វើការដំណើរប្រកបអាជីវកម្មនៃបណ្តាអ្នកវិនិយោគ​នានា​ក្នុង​តំបន់អាស៊ាន។បើតាមលោក ទ្រី ឈីវ ប្រធាន​នាយកដ្ឋានសហប្រតិបត្តិការអន្តរជាតិ​ និងអាស៊ាន​នៃ​ក្រសួង​ទេសចរណ៍ ថ្លែងថា ​នៅខណៈដែលកម្ពុជា ​កំពុងធ្វើជាប្រធានអាស៊ាន គឺយើងបាន​នឹងកំពុងផ្តោត​ជំរុញ​ខ្លាំង​អោយ​បណ្តា​ប្រទេសក្នុង​តំបន់អាស៊ាន​ពង្រីក​ការ​អនុវត្តគោលនយោបាយក្របខ័ណ្ឌរៀបចំ​បើក​ច្រករបៀងធ្វើដំណើរអាស៊ាន ​ដោយត្រូវ​អនុវត្តពង្រីក​អោយ​ដល់ការធ្វើដំណើរនៃអ្នកទេសចរ​ទូទៅនានាទៀត ដែលមាន​ការ​ចាក់​វ៉ាក់សាំង​​ការពារកូវីដកូវីដ១៩។សូមបញ្ជាក់ថា បច្ចុប្បន្នប្រទេសកម្ពុជា​ បានប្រកាសបើកពេញលេញរួចហើយ​ ខណៈ ហ្វីលីពីន ថៃ ឡាវ ឥណ្ឌូនេស៊ី បានបើកមិនទាន់ពេញលេញ ​ដោយឡែក​វៀតណាម ​សឹង្ហបុរី ប្រ៊ុយណេ​ ជាដើម កំពុងរៀបចំការ​បន្ធូរបន្ថយ​បើកប្រទេស​ និង​ការ​បន្ធូរបន្ថយ​ការ​ធ្វើចត្តាឡីស័ក៕ អត្ថបទ ស៊ុម សុខជា

កម្ពុជាអាចជាគំរូ និងជាកន្លែងដកពិសោធន៍សម្រាប់ប្រទេសផ្សេងៗនៃការអន្តរគមន៍សេដ្ឋកិច្ច និងសង្គម

2022/02/18 01:07:04 pm        605
Facebook Telegram Linkin
ភ្នំពេញ៖ កម្ពុជាអាចជាប្រទេសគំរូ និងជាកន្លែងដកពិសោធន៍សម្រាប់ប្រទេសផ្សេងទៀត ជាពិសេសសម្រាប់ប្រទេសកំពុងអភិវឌ្ឍន៍ ក៏ដូចជាការគ្រប់គ្រងសេដ្ឋកិច្ច តាមរយៈនៃការធ្វើអន្តរាគមន៍សេដ្ឋកិច្ច និងសង្គម នៅក្នុងរយៈពេលដែលមានវិបត្តិនេះ ។ឯកឧត្តម វង្សី វិស្សុត រដ្ឋមន្ត្រីប្រតិភូអមនាយករដ្ឋមន្ត្រី និងជារដ្ឋលេខាធិការប្រចាំការ នៃក្រសួង​សេដ្ឋកិច្ច និងហិរញ្ញវត្ថុ ​បានលើកឡើងក្នុវេលទិការសាធារណៈ​ ស្តីពីការគ្រប់គ្រងម៉ាក្រូសេដ្ឋកិច្ច និង​ច្បាប់ថវិកាឆ្នាំ២០២២ នៅថ្ងៃទី១៨ខែកុម្ភៈ ឆ្នាំ២០២២នេះថា ពាក់ព័ន្ធវិស័យសេដ្ឋកិច្ច ក្នុងនោះ​សម្រាប់​សេដ្ឋកិច្ចកម្ពុជា ឆ្នាំ២០២២ នឹងត្រឡប់ទៅដូចមុននៃការរីករាលដាលជម្ងឺកូវីដ ១៩ ពេញ​លេញ ​គឺកម្ពុជាឡើងក្នុង​និន្នាការ​ប្រទេសអ្នកមាន ​ខណៈកម្ពុជាបានអន្តរាគមន៍ក្នុងវិស័យ​សេដ្ឋកិច្ច ធុរកិច្ច ក៏ដូចសង្គមជាយន្តការមួយបានសម្របសម្រួលជាកញ្ចប់។ជុំវិញកំណើនសេដ្ឋកិច្ចនេះ ឯកឧត្តម ថ្លែងបន្តថា ថ្មីៗនេះ បើតាមការបញ្ជាក់ពីនាយកប្រចាំតំបន់​របស់​ធនាគារពិភពលោក ​ដែលបានទស្សនកិច្ចនៅកម្ពុជា ​បានវាយតម្លៃថា​ កម្ពុជាអាចជាប្រទេសគំរូ និងជាកន្លែងដកពិសោធន៍​សម្រាប់ប្រទេសផ្សេងទៀត ​ជាពិសេសសម្រាប់ប្រទេសកំពុង​អភិវឌ្ឍន៍ ក៏ដូចជា​ការគ្រប់គ្រងសេដ្ឋកិច្ច ​តាមរយៈការធ្វើអន្តរគមន៍សេដ្ឋកិច្ច ​និងសង្គម ក្នុងរយៈពេល​មាន​វិបត្តិនេះ។ ក្នុងនោះផងដែរ ក្នុងថ្មីៗនេះ ​ទស្សនាវត្តីរបស់ជប៉ុន​ ជា​ទស្សនាវត្តីល្បីមួយ ​បានធ្វើការចាត់ថ្នាក់​កម្ពុជា ​ទាក់ទងនឹងសូចនាករនៃការងើបឡើងវិញនៃសេដ្ឋកិច្ច​ ទាក់ទងកូវី១៩ ​នេះ ​កម្ពុជាជាប់លេខ ២ ក្នុងចំណោមប្រទេស ១២០ ក្នុងពិភពលោក បន្ទាប់ពីតៃវ៉ាន ។ឯកឧត្តម វង្សី វិស្សុត ​បញ្ជាក់ថា ក្នុងដំណើរវិវត្ត២ឆ្នាំ ​របស់កម្ពុជាកន្លងមកនេះ កម្ពុជា​មាន​លក្ខណៈ​ពិសេសមួយ ក្នុងនោះបើយើងសង្កេតមើលទៅប្រទេសក្រីក្រ ​ចាក់វ៉ាក់សាំងបានទាប ប៉ុន្តែកម្ពុជា​ចាក់​វ៉ាក់សំាង​បានខ្ពស់ជាងគេក្នុងពិភពលោក​ និងបានចាក់វ៉ាក់សំាង​ដូស​ជម្រុញ​បានច្រើនផងដែរ, កម្ពុជា​បានគ្រប់គ្រងជំងឺកូវីដ១៩ បានល្អ ​ជាមួយការចាក់វ៉ាក់សំាង,និងកម្ពុជា​គឺ​ជាប្រទេសទី ១ ដែល​បានបើកសេដ្ឋកិច្ច​ចំហរមុនគេបង្អស់ក្នុងពិភពលោក ។ ជុំវិញកំណើនសេដ្ឋកិច្ចនេះ នៅពេលផ្ទុះឡើងនៃការរីករាលដាលជំងឺកូវីដ១៩ មក គឺធ្វើឲ្យកំណើន​សេដ្ឋកិច្ចកម្ពុជា ដែល​ធ្លាក់ចុះក្នុងឆ្នាំ ២០២០ ក្នុងអត្រា -៣,១%, បានកើនមក ​៣% នៅក្នុងឆ្នាំ ២០២១ នឹងនៅក្នុងឆ្នាំ ​២០២២ នេះ យើងរំពឹងថា នឹងកើនដល់ ​៥,៦% ហើយនៅក្នុងឆ្នាំ ២០២៣ អាច​នឹង​កើន​ដល់ ៦,៥% នឹងនៅឆ្នាំ ២០២៤ ​សេដ្ឋកិច្ចកម្ពុជាត្រូវបានរំពឹងកើនដល់ ​៧% ដូចដើម ដូចពេល​ដែល​មិន​ទាន់​មានវិបត្តិជម្ងឺកូវីដ ១៩ កើតឡើង៕អត្ថបទ៖ សុន រ៉ាឌី

កម្ពុជា រំពឹងថា សេដ្ឋកិច្ចនឹងងើបឡើងវិញដល់ ៧ភាគរយនៅឆ្នាំ២០២៤ ដូចស្ថានភាព​មុន​វិបត្តិកូវីដ

2022/02/18 03:25:21 am        599
Facebook Telegram Linkin
ភ្នំពេញ៖ រាជរដ្ឋាភិបាលកម្ពុជា រំពឹងថា នៅឆ្នាំ ២០២៤ ខាងមុខ កំណើនសេដ្ឋកិច្ចនៅកម្ពុជា នឹងងើបឡើងវិញដល់ខ្ទង់ ៧ ភាគរយ ដូចស្ថានភាពសេដ្ឋកិច្ចនៅមុនវិបត្តិកូវីដ១៩។ការរំពឹងទុកនេះ ត្រូវបានប្រកាសឲ្យដឹងដោយឯកឧត្តម វង្សី វិស្សុត រដ្ឋលេខាធិការប្រចាំការនៃក្រសួងសេដ្ឋកិច្ច និងហិរញ្ញវត្ថុ នៅក្នុងវេទិកាស្តីពី ការគ្រប់គ្រងម៉ាក្រូសេដ្ឋកិច្ច និងច្បាប់ថវិកាឆ្នាំ២០២២ នៅសណ្ឋាគារសូហ្វីតែលភ្នំពេញ។ឯកឧត្តម វង្សី វិស្សុត បញ្ជាក់ថា កាលពីឆ្នាំ២០២១ សេដ្ឋកិច្ចកម្ពុជាងើបឡើងវិញ ៣ ភាគរយ និង​នៅឆ្នាំ ២០២២ នេះ រំពឹងថា នឹងកើនឡើងដល់ ៥, ៦ភាគរយ ព្រមទាំងនៅឆ្នាំ ២០២៣ រំពឹងថា នឹងកើនឡើង ៦,៥ ភាគរយ ខណៈនៅឆ្នាំ ២០២៤ ស្ថានភាពសេដ្ឋកិច្ចនឹងវិលមករកស្ថានភាពដើមដូចមុន មានវិបត្តិកូវីដ ១៩ វិញ។

ការនាំចេញ-នាំចូលរវាងកម្ពុជា និងកូរ៉េ មានតម្លៃទឹកប្រាក់ជិត ១១០លានដុល្លារ ក្នុងខែមករា

2022/02/17 11:42:58 am        419
Facebook Telegram Linkin
ភ្នំពេញ៖ ទំហំពាណិជ្ជកម្មទ្វេភាគីកម្ពុជា-កូរ៉េ ក្នុងរយៈពេល១ខែដើមឆ្នាំ២០២២ មានតម្លៃប្រមាណជាង១០៨ លានដុល្លារ កើនឡើង ២៧,៧ ភាគរយ បើធៀបនឹងរយៈពេលដូចគ្នាឆ្នាំ ២០២១។យោងតាមទិន្នន័យពីសមាគមពាណិជ្ជកម្មអន្តរជាតិកូរ៉េ ការនាំចេញនាំចូលទំនិញរវាងកម្ពុជា-កូរ៉េ ក្នុងខែមករា ដើមឆ្នាំ ២០២២ មានតម្លៃសរុប ១០៨ លានដុល្លារ កើនឡើង២៧,៧ភាគរយ ធៀបនឹង​រយៈពេលដូចគ្នា​ឆ្នាំ២០២០។ ​ក្នុងនោះការនាំចេញពីកម្ពុជា ​មានទឹកប្រាក់ ៣០លានដុល្លារ កើនឡើង ១ភាគរយ ធៀបនឹងរយៈពេលដូចគ្នាកាលពីឆ្នាំមុន។ ​ដោយឡែកការនាំចូលពីប្រទេសកូរ៉េ មាន​ទឹកប្រាក់ ៧៨ លានដុល្លារ ​កើនឡើង ៤៩ ភាគរយ ​ធៀបនឹងពីចំនួន​ជាង៥៦ ​លានដុល្លារ កាលពីខែមករាឆ្នាំមុន។ទំនិញសំខាន់ៗដែលកម្ពុជា នាំទៅកាន់កូរ៉េខាងត្បូង រួម​មាន​សំលៀកបំពាក់​ ស្បែកជើង ផលិតផល​ធ្វើដំណើរ​ភេសជ្ជៈ គ្រឿង​បន្លាស់​អេឡិចត្រូនិក​ កៅស៊ូ ថ្នាំពេទ្យ ​និងផលិតផលកសិកម្ម ហើយកម្ពុជា​នាំចូលមកវិញរួមមាន ​យានយន្ត គ្រឿង​អេឡិចត្រូនិក ​សម្ភារៈ​ផ្ទះបាយ ​ភេសជ្ជៈ ថ្នាំពេទ្យ និង​ផលិតផលប្លាស្ទិក។ប្រទេសទាំងពីរ ​បានសម្រេចកិច្ចព្រមព្រៀងពាណិជ្ជកម្មសេរីទ្វេភាគីកាលពី​ខែតុលាឆ្នាំមុន ដោយ​រំពឹងថា ​កិច្ចព្រមព្រៀង​ពាណិជ្ជកម្មសេរីនេះ ​នឹងចូលជាធរមាននៅពេលឆាប់ៗ​ខាងមុខ។សម្រាប់កម្ពុជា​កិច្ចព្រមព្រៀងពាណិជ្ជកម្មសេរីកម្ពុជា-កូរ៉េ ត្រូវបានប្រកាសដោយព្រះរាជក្រិត្យកាល​ពី​ដើមខែកុម្ភៈកន្លង​​ទៅ។ ដោយឡែកភាគីកូរ៉េ​ បាននិងកំពុងពន្លឿននីតិវិធីនីតិបញ្ញាតិ្តដើម្បីពិភាក្សា និង​ផ្តល់​សច្ចាប័ន​ទៅ​លើ​កិច្ចព្រមព្រៀង​ពាណិជ្ជកម្មសេរីកម្ពុជាកូរ៉េ។ក្នុងជំនួបជាមួយ​សម្តេចតេជោ ហ៊ុន សែន នាយករដ្ឋមន្រ្តីកម្ពុជា កាលពីសប្តាហ៍កន្លងទៅ ក្នុង​ទីក្រុងសេអ៊ូល ​ប្រធានាធិបតីកូរ៉េ ឯកឧត្តម Moon Jae-In ​មានប្រសាសន៍ថា កម្ពុជា​គឺជា​អាទិភាព​សម្រាប់កូរ៉េ ​ជាពិសេសពាក់ព័ន្ធនឹងការចុះហត្ថលេខានៃកិច្ចព្រមព្រៀង​ពាណិជ្ជកម្មសេរី កម្ពុជា​គឺ​ជា​ប្រទេសទី១ ហើយ​ ដែលកូរ៉េបានចុះហត្ថលេខាជាមួយ​។ឯកឧត្តម បញ្ជាក់ថា ​ចំពោះកិច្ចព្រមព្រៀងពាណិជ្ជកម្មសេរីនេះ ​ប្រទេសកូរ៉េបានបញ្ចប់នីតិវិធីហើយ ហើយ​កំពុង​តែបញ្ជូន​ទៅរដ្ឋសភាសាធារណរដ្ឋកូរ៉េ ​ដើម្បី​ផ្ដល់​សច្ចាប័ន ​ដូច្នេះ​នីតិវិធីគឺ​បាន​និង​កំពុង​បន្តនៅឡើយ។ឯកឧត្តមប្រធានាធិបតីថ្លែងថា ​ប្រទេសទាំង២ ​បានធ្វើការយ៉ាង​ជិតស្និទ្ធ​ជា​មួយ​នឹងគ្នា ជាពិសេស​នៅពេលកម្ពុជាមានច្បាប់វិនិយោគថ្មីដែលគួរឱ្យទាក់ទាញថែមទៀត ​កូរ៉េនឹងបន្តធ្វើការជាមួយកម្ពុជា ដោយនឹង​ជំរុញ​ឱ្យវិនិយោគិនកូរ៉េ​មក​វិនិយោគ​នៅកម្ពុជា​កាន់តែច្រើន​ ខណៈបច្ចុប្បន្នមាន​ក្រុមហ៊ុន​កូរ៉េ​ប្រមាណ ៣០០ក្រុមហ៊ុន ​កំពុងតែវិនិយោគនៅកម្ពុជា​។កាលពីឆ្នាំ២០២១ ទំហំពាណិជ្ជកម្មទ្វេភាគីរវាងកម្ពុជា ​និងកូរ៉េខាងត្បូងមានចំនួន ៩​៦៥ ​លានដុល្លារ កើនឡើង ៩ភាគរយធៀបនឹងឆ្នាំ​ ២០២០​ ក្នុងនោះ​ការ​នាំ​ចេញរបស់កម្ពុជា​ មានតម្លៃជាង ៣៤១ លាន​ដុល្លារ កើន​ឡើង ៧,៤៕អត្ថបទ៖ វណ្ណៈ

តម្លៃ​ប្រេងឥន្ធនៈ ​នៅកម្ពុជាហក់ឡើង ៤៧០០រៀល ក្នុងមួយលីត្រ

2022/02/17 11:23:35 am        493
Facebook Telegram Linkin
ភ្នំពេញ៖ ក្រសួងពាណិជ្ជកម្មកម្ពុជា បានឲ្យដឹងថា រយៈពេល២សប្តាហ៍ក្រោយនេះ ពោលគិតចាប់ពីថ្ងៃទី១៦ ដល់ថ្ងៃទី២៨ ខែកុម្ភៈ ឆ្នាំ២០២២នេះ តម្លៃលក់រាយប្រេងឥន្ធនៈនៅកម្ពុជា បានហក់ឡើងចំនួន២០០រៀល នៅក្នុង១លីត្រ។នៅក្នុងសេចក្តីជូនដំណឹង ស្តីពីថ្លៃលក់រាយប្រេងឥន្ធនៈនៅតាមស្ថានីយ ដែលទូរទស្សន៍ព័ត៌មាន ប៊ីធីវី ទទួលបាននៅថ្ងៃទី១៦ ខែកុម្ភៈ ក្រសួងពាណិជ្ជកម្ម ​បានលើកឡើងថា ផ្អែក​តាម​តម្លៃមធ្យមប្រេងឥន្ធនៈលើទីផ្សារអន្តរជាតិ ថ្លៃលក់រាយប្រេងឥន្ធនៈចាប់ពីថ្ងៃទី១៦ ​ដល់២៨ ​ខែកុម្ភៈ នឹងត្រូវលក់ ៤ ៨៦០រៀល ក្នុង១លីត្រ​ សម្រាប់ប្រេងសាំងធម្មតា EA92 និង ៤ ៦១០រៀល ក្នុង១លីត្រ ​សម្រាប់ប្រេងម៉ាស៊ូត។ ដូច្នេះថ្លៃលក់រាយនៅកម្ពុជាក្នុងរយៈពេលដូចគ្នាខាងលើ សម្រាប់ប្រេងសាំងធម្មតាដែលនឹងត្រូវដាក់លក់រាយនៅកម្ពុជាក្នុងតម្លៃ ៤ ៧០០រៀល ក្នុង១លីត្រ និងប្រេងម៉ាស៊ូតថ្លៃ ៤ ៤៥០រៀល ក្នុង១លីត្រ។ ខណៈពីរសប្តាហ៍កន្លងទៅក្នុងខែកុម្ភៈនេះ សម្រាប់ប្រេងសាំងធម្មតាដាក់លក់ ៤ ៥០០រៀល ក្នុង១លីត្រ ​និងប្រេងម៉ាស៊ូតថ្លៃ ៤ ២៥០រៀល ក្នុង១លីត្រ។នៅក្នុងសេចក្តីជូនដំណឹងដដែល ​បានឲ្យដឹងទៀតថា​ ដើម្បីជួយសម្រួលដល់ជីវភាពរបស់ប្រជាជន និង​ដោយមានការរួមចំណែកពីក្រុមហ៊ុនចែកចាយប្រេងឥន្ធនៈនៅ​កម្ពុជា សម្តេច​នាយករដ្ឋមន្រ្តីតេជោ ហ៊ុន សែន នៅតែបន្ត និងសម្រេចបញ្ចុះតម្លៃលក់រាយ​ប្រេងឥន្ធនៈនៅ​កម្ពុជា​ចំនួន ៤សេនដុល្លារដដែល​ នៅក្នុង១លីត្រ។ ជាមួយគ្នានេះ ក្រសួងពាណិជ្ជកម្ម បានអះអាងថា ​ការកំណត់ថ្លៃលក់រាយប្រេងឥន្ធនៈនៅកម្ពុជា ក្រសួង​គ្រាន់​តែស្រង់​តម្លៃឡើង-ចុះ នៃប្រេងតាម​ទីផ្សារអន្តរជាតិមក​គណនា​តាម​ប្រកាស​ដូច​មាន​ក្នុង​ឯកសារតែប៉ុណ្ណោះ៕អត្ថបទ៖ ឈិត បូរ៉ាវី

កម្ពុជា និងហុងគ្រី បើកជំនួបធុរកិច្ចទ្វេភាគីលើកទី១ តាមប្រព័ន្ធអនឡាញ

2022/02/16 01:59:44 pm        539
Facebook Telegram Linkin
ភ្នំពេញ៖ ក្រសួងពាណិជ្ជកម្ម បានរៀបចំជំនួបធុរកិច្ចទ្វេភាគីរវាងកម្ពុជា និងប្រទេសហុងគ្រី ដើម្បីផ្សព្វផ្សាយសក្តានុពលវិនិយោគ និងពង្រឹងកិច្ចសហប្រតិបត្តិការរវាងប្រទេសទាំងពីរ ទៅលើវិស័យសក្តានុពលសំខាន់ៗ។ជំនួបធុរកិច្ចកម្ពុជា-ហុងគ្រី លើកទី១ ត្រូវបានធ្វើឡើងកាលពីថ្ងៃទី១៥ ខែកុម្ភៈ តាមប្រព័ន្ធអនឡាញ ក្រោមមូលបទ “ការតភ្ជាប់ធុរកិច្ចកម្ពុជា-ហុងគ្រី៖ គន្លឹះក្នុងការជំរុញភាពជាដៃគូសេដ្ឋកិច្ច សម្រាប់ការស្តារសេដ្ឋកិច្ចដែលធន់នឹងវិបត្តិជំងឺរាតត្បាតសកលកូវីដ-១៩” ។ជំនួបធុរកិច្ចនេះ ប្រព្រឹត្តទៅក្រោមអធិបតីភាពរបស់ ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្មកម្ពុជា​ និងមានការអញ្ជើញចូលរួមដោយផ្ទាល់ពី ​មន្ត្រីជាន់ខ្ពស់ វិនិយោគិន និងធុរជនប្រមាណ៧០ នាក់។អ្នកឧកញ៉ា គិត ម៉េង ​ប្រធានសភាពាណិជ្ជកម្មកម្ពុជា ​បានអញ្ជើញ​ចូលរួម​និង​ថ្លែង​សុន្ទរកថា​ស្វាគមន៍​ក្នុងជំនួបធុរកិច្ចកម្ពុជា-ហុងគ្រី លើកទី១ ​តាម​ប្រព័ន្ធអនឡាញ​ក្រោមមូលបទ “ការតភ្ជាប់ធុរកិច្ចកម្ពុជា-ហុងគ្រី៖ ​គន្លឹះក្នុងការជំរុញភាពជា​ដៃ​គូសេដ្ឋកិច្ច ​សម្រាប់​ការ​ស្តារ​សេដ្ឋកិច្ច​ដែលធន់​នឹង​វិបត្តិជំងឺ​រាតត្បាត​សកល​កូវីដ-១៩” ។អ្នកឧកញ៉ា គិត ម៉េង មាន​ប្រសាសន៍​ថ្លែង​អំណរ​គុណចំពោះ​ ថ្នាក់ដឹកនាំ​ក្រសួងពាណិជ្ជកម្ម ​កម្ពុជា និង​ក្រសួងការបរទេស ​និង​ពាណិជ្ជកម្ម ​ហុងគ្រី ​ដែល​បានរៀបចំជំនួបធុរកិច្ច​ដ៏មាន​សារៈសំខាន់​មួយ​នេះ​ ក្នុងការចូលរួមចំណែកពង្រឹងកិច្ចសហប្រតិបត្តការរវាងប្រទេសទាំងពីរ ទៅលើវិស័យ​សក្តានុពល​សំខាន់ៗរួមមាន ៖ កសិកម្ម និងកសិ- ឧស្សាហកម្ម ធារាសាស្ត្រ និងឧស្សាហកម្មវិស័យ​បរិស្ថាន ​សុវត្ថិភាព​ម្ហូបអាហារ ​សេវាកម្មទេសចរណ៍​ បច្ចេកវិទ្យា វេជ្ជសាស្ត្រ និង ឱសថ និង​កម្មន្តសាល​និង​កាត់ដេរ​សំលៀកបំពាក់។ក្នុងឱកាសនៃជំនួបពាណិជ្ជកម្មនេះ ភាគីកម្ពុជា​ និងហុងគ្រី ជជែកពិភាក្សាអំពីគោលនយោបាយ​លើក​ទឹកចិត្តចំពោះការវិនិយោគ ​ស្ថានភាពបច្ចុប្បន្នក៏ដូចជា​តម្រូវការនានាក្នុងវិស័យ ​កសិកម្ម ការ​កែច្នៃ​និងសុវត្ថិភាពម្ហូបអាហារ​ សេវាកម្មទេសចរណ៍ ​ធនធាន​ទឹក​និងឧស្សាហកម្មក្នុងវិស័យបរិស្ថាន កម្មន្តសាល​និង​កាត់ដេរ​សំលៀកបំពាក់ និង​បច្ចេកវិទ្យាវេជ្ជសាស្ត្រនិងឱសថ។ វិនិយោគិន ​និងធុរជន​ នៃប្រទេសទាំងពីរ ​បានស្វែងយល់ពីទិដ្ឋភាព​ សក្ដានុពល និងស្ថានភាព​នៃការ​វិនិយោគនៃប្រទេសទាំងពីរ ព្រមទាំង​បាន​ពិភាក្សាអំពីលទ្ធភាពក្នុងការ​សហការវិនិយោគ និង​ធ្វើ​ធុរកិច្ចរួមគ្នា​នាពេលអនាគត។សូមបញ្ជាក់ថា ​ចាប់ពីឆ្នាំ ២០១៧ ដល់ឆ្នាំ ២០២០ ​ទំហំ​ពាណិជ្ជកម្មទ្វេភាគីរវាងកម្ពុជា ​និង​ហុងគ្រី សម្រេច​បាន​ទំហំទឹកប្រាក់សរុបជាង ​១៦ លានដុល្លារ ​ខណៈពេញមួយឆ្នាំ ២០២០ ទំហំ​ពាណិជ្ជកម្ម​សរុបរវាងកម្ពុជា ​និងហុងគ្រី មានជាង ៤ លានដុល្លារ៕ អត្ថបទ៖ វណ្ណៈ

បណ្ដាញសង្គម

ព័ត៌មានថ្មីៗ

ឯកឧត្តម ឌិត ទីណា បន្តសួរសុខទុក្ខប្រជាពលរដ្ឋជម្លៀសពីតំបន់ព្រំដែនអូរបីជាន់
07/26/2025 06:07 PM
Facebook Telegram Linkin
ក្រុមយុវជននាំគ្នារៀបចំចម្អិនម្ហូបជូនជនភៀសសឹក ដែលគេចពីតំបន់សមរភូមិវាយប្រហាររបស់កងទ័ពថៃ ក្នុងខេត្តឧត្តរមានជ័យ
07/26/2025 06:07 PM
Facebook Telegram Linkin
សិក្ខាកាមវគ្គអប់រំនយោបាយកម្រិត១វគ្គជំនាន់៨១របស់គណបក្សប្រជាជនកម្ពុជានាំយកអំណោយចែកជូននគរបាលការពារបេតិកភណ្ឌប្រាសាទព្រះវិហារ
07/26/2025 05:07 PM
Facebook Telegram Linkin
ប្រធាន IAEA ត្រូវលើកទឹកចិត្តដោយការសម្រេចចិត្តរបស់អ៊ីរ៉ង់ ឲ្យមកទស្សនកិច្ចប្រទេសនេះ នៅប៉ុន្មាន សប្តាហ៍ខាងមុខ
07/26/2025 05:07 PM
Facebook Telegram Linkin
មនុស្សយ៉ាងតិច ៨នាក់ បានស្លាប់ និង ១៣នាក់ បានរងរបួស នៅក្នុងការវាយប្រហារ «ភេរវកម្ម» នៅភាគអាគ្នេយ៍អ៊ីរ៉ង់
07/26/2025 05:07 PM
Facebook Telegram Linkin
ខ្មែរជួយខ្មែរ៖ ក្រសួងកសិកម្ម បន្តនាំយកបន្លែចំនួន ៣តោនបន្ថែមទៀតជូនប្រជាពលរដ្ឋនៅជំរុំភៀសសឹកខេត្តឧត្ដរមានជ័យ
07/26/2025 05:07 PM
Facebook Telegram Linkin
ប្រជាជនប៉ាឡេស្ទីនដែលបានភៀសខ្លួន ប្រឈមនឹងការបំភិតបំភ័យ និងការវាយប្រហារជាថ្មី នៅពេលទៅទទួលជំនួយ
07/26/2025 05:07 PM
Facebook Telegram Linkin
អ្នកនាំពាក្យក្រសួងការពារជាតិបានផ្តាំទៅភាគីថៃថាកម្ពុជាមិនទាន់មានការចាំបាច់ត្រូវប្រើប្រាស់មីស៊ីល PHL -03នោះទេ
07/26/2025 05:07 PM
Facebook Telegram Linkin
ទាហាន១០នាក់ ត្រូវបានសម្លាប់ ខណៈកងកម្លាំងយេម៉ែន បានប៉ះទង្គិចជាមួយក្រុមហ៊ួទី នៅខេត្ត Saada
07/26/2025 04:07 PM
Facebook Telegram Linkin
នគរបាលប្រឆាំងភេរវកម្ម កំពុងស៊ើបអង្កេតលើករណីផ្ទុះអគារផ្ទះល្វែងមួយ នៅប្រទេសក្រិក
07/26/2025 04:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.