BTV NEWS

មន្ត្រីក្រសួងកសិកម្មពិនិត្យការប្រមូលទិញ និងការវេចខ្ចប់ផ្លែមៀនប៉ៃលិន សម្រាប់នាំចេញទៅប្រទេសចិន

កិច្ចប្រជុំកំពូលសេដ្ឋកិច្ច GCET រំពឹងទាក់ទាញវិនិយោគិនកាន់តែកើនឡើងថែមទៀត មកបណ្តាក់ទុននៅកម្ពុជា

ADB អនុម័តប្រាក់កម្ចីចំនួន ៥០លានដុល្លារ ដើម្បីជំរុញពាណិជ្ជកម្ម និងសមត្ថភាពប្រកួតប្រជែងនៅកម្ពុជា

រដ្ឋមន្ត្រីក្រសួងកសិកម្ម ណែនាំប្រធានមន្ទីរកសិកម្មរាជធានីភ្នំពេញត្រូវមានសាមគ្គីភាពផ្ទៃក្នុង និងអនុវត្តភារៈកិច្ចប្រកបដោយប្រសិទ្ធិភាព

សេដ្ឋកិច្ច និង កសិកម្ម

កំណើនវិស័យទេសចរណ៍ និងវិស័យចម្បងៗរបស់កម្ពុជាកំពុងគាំទ្រសេដ្ឋកិច្ចជាតិឱ្យងើបឡើងវិញ

វិស័យចម្បងៗនៅក្នុងសកម្មភាពសេដ្ឋកិច្ច បានកើនឡើងវិញក្នុងល្បឿនខុសៗគ្នា ដោយបានជំរុញឱ្យសេដ្ឋកិច្ចរបស់កម្ពុជាបន្តងើបឡើងវិញជាបន្តៗ ក្នុងនោះមានវិស័យទេសចរណ៍កំពុងបន្តងើបឡើងវិញ ខណៈវិស័យសំណង់ និងអចលនទ្រព្យ នៅមានកំណើនតិចតួចនៅឡើយ។ធនាគារជាតិនៃកម្ពុជា បានបង្ហាញរបាយការណ៍ប្រចាំឆមាសទី១ និងទិសដៅការងារឆមាសទី២ ឆ្នាំ២០២៤ ក្នុងនោះសម្រាប់ ស្ថានភាពម៉ាក្រូសេដ្ឋកិច្ចកម្ពុជា ក្នុងរយៈពេល ៦ ខែ ឆ្នាំ ២០២៤នេះ ក្នុងនោះវិស័យកម្មន្តសាលត្រូវបានប៉ាន់ស្មានថាមានកំណើន ៧,៣% ដែលគាំទ្រជាចម្បងដោយផលិតផលកម្មន្តសាលសម្រាប់ការនាំចេញ (កើន ៧,៧%) ក្នុងនោះផលិតផលកាត់ដេរ សម្រាប់នាំចេញ កើន ១៧% ខណៈដែលផលិតផលមិនមែនកាត់ដេរថយ-៨%។ ចំណែកឯផលិតផលកម្មន្តសាលសម្រាប់បម្រើទីផ្សារក្នុងស្រុក មានកំណើន ៦,៤%។ ចំណែកវិស័យសេវាកម្មក្នុងរយៈនេះ វិស័យទេសចរណ៍បន្តទទួលបានកំណើនល្អ ដែលឆ្លុះបញ្ចាំងតាមរយៈកំណើនទាំងភ្ញៀវអន្តរជាតិ និងទេសចរក្នុងស្រុក។ ភាពប្រសើរឡើងនៃសេដ្ឋកិច្ចក្នុងតំបន់ និងសកល រួមជាមួយការកសាងហេដ្ឋារចនាសម្ព័ន្ធផ្លូវថ្នល់ និងអាកាសយានដ្ឋាន អន្តរជាតិ គួបផ្សំនឹងការតភ្ជាប់ជើងហោះហើរត្រង់ជាមួយនឹងប្រទេសនានា បានរួមចំណែកទាក់ទាញភ្ញៀវអន្តរជាតិឱ្យកើនដល់ប្រមាណ ៣,១ លាននាក់ (កើន ២១,២%) ទាបជាងកម្រិតគ្រាដូចគ្នាមុនវិបត្តិកូវីដ-១៩បន្តិច ដោយក្នុងនោះ ភ្ញៀវថៃបន្តឈរនៅ លំដាប់ទី១ នៃភ្ញៀវអន្តរជាតិដែលមកកម្សាន្តនៅប្រទេសកម្ពុជា (សមាមាត្រ ៣០%), វៀតណាម (២០%) និងចិន (១២%)។យ៉ាងណាមិញ ភ្ញៀវអន្តរជាតិដែលចូលមកតាមផ្លូវអាកាស មានប្រមាណ ៣៨% នៃភ្ញៀវអន្តរជាតិសរុប (៧០% គ្រាដូចគ្នា ឆ្នាំ២០១៩) និង ៦២% តាមផ្លូវគោក និងផ្លូវទឹក (៣០% គ្រាដូចគ្នាឆ្នាំ២០១៩)។ ទន្ទឹមនេះ ទេសចរក្នុងស្រុកបន្ដកើនដល់ប្រមាណ ៩,៧ លាននាក់ (កើន ៦,៧%) ក្នុងនោះតំបន់ឆ្នេរបន្តទទួលទេសចរច្រើនជាងគេ មានសមាមាត្រប្រមាណ ៥១% នៃទេសចរក្នុងស្រុកសរុប ខណៈរាជធានីភ្នំពេញឈរនៅលំដាប់ទី២ (២២%) ខេត្តសៀមរាប ឈរនៅលំដាប់ទី៣ (១៥%) និងតំបន់អេកូ ទេសចរឈក្នុងលំដាប់ទី ៤ មាន (៣%)។ ចំណូលនៃវិស័យទេសចរណ៍អន្តរជាតិ ត្រូវបានប៉ាន់ស្មានថា ទទួលបានប្រមាណ ១,៧ ប៊ីលានដុល្លារអាមេរិក ដែលបានកើនឡើង ៧% ធៀបនឹងឆមាសដូចគ្នាឆ្នាំមុន ។ចំពោះវិស័យកសិកម្ម៖ វិស័យកសិកម្មបន្តមានវឌ្ឍនភាពល្អ ដែលជាចម្បងគាំទ្រដោយផលស្រូវរដូវប្រាំង បានកើនឡើង ២១% ធៀបនឹងគ្រោះដូចគ្នាឆ្នាំមុន ដល់ ៣,៨ លានតោន ដោយសារភាពអំណោយផលនៃទីផ្សារ។ យ៉ាងណាមិញផ្ទៃដីដាំដុះស្រូវរដូវវស្សា បានថមថយបន្តិច -០,៦% មក ១,៧ លានហិកតា ដែលជាចម្បងបណ្ដាលមកពីការអូសបន្លាយនៃភ្លៀងធ្លាក់នៅដើមរដូវវស្សា។ផលកៅស៊ូបន្តទទួលបានកំណើនទាបប្រមាណ ១% ដល់ជាង ១៤០ ពាន់តោន ដែលអាចបណ្តាលមកពីកត្តាអាកាសធាតុ ខណៈតម្លៃ កៅស៊ូក្នុងមួយតោនជាមធ្យម បានងើបឡើងចាប់ពីដើមឆ្នាំ២០២៤ ដល់ ១ ៥០២ ដុល្លារអាមេរិក ក្នុងមួយតោន ដែលបានកើន ១១,៧% ដោយសារកំណើនតម្រូវការខាងក្រៅ។ដោយឡែក វិស័យសំណង់ វិស័យនេះត្រូវបានប៉ាន់ស្មានថា មានកំណើនទាបដែលគាំទ្រដោយគម្រោងអភិវឌ្ឍន៍សាធារណៈសំខាន់ៗដូចជា ផ្លូវ ស្ពាន និងអាកាសយានដ្ឋាន។ ការនាំចូលសម្ភារ និងបរិក្ខារសំណង់បន្តកើនឡើងគួរឱ្យកត់ សម្គាល់ ២២,១% ធៀបនឹង កំណើន ០,៤%នៅគ្រាដូចគ្នាឆ្នាំមុន។ តម្លៃគម្រោងសំណង់ទទួលបានការអនុម័តបានថយចុះ -២៣%“ ដែលក្នុងនោះសំណង់លំនៅឋាន (សមាមាត្រ ៤៦,៦%) ត្រូវបានប៉ាន់ស្មានថាថយចុះ -១៤,៩% និងសំណង់ផ្សេងៗ(៤៤,៧%) ថយចុះ -៣២,៩% ខណៈដែលសំណង់សាធារណៈ (៨,៧%) កើន ២,៧%៕ អត្ថបទ៖ សុន រ៉ាឌី

ក្រុមហ៊ុនថៃធំៗលំដាប់អន្តរជាតិ កំពុងចូលមកវិនិយោគលើវិស័យជាច្រើននៅកម្ពុជា

ក្រុមហ៊ុនខ្នាតអន្តរជាតិប្រចាំប្រទេសថៃ បានកំពុងចាប់អារម្មណ៍ និងបានហូរចូលកម្ពុជាជាបណ្តើរៗ ដោយបានវិនិយោគលើវិស័យ ធំៗជាច្រើន ខណៈកម្ពុជាបានផ្តល់ទំនុកចិត្តខ្ពស់ លើបរិយាកាសវិនិយោគ ការធ្វើអាជីវកម្ម ពាណិជ្ជកម្ម ប្រកបដោយបរិយាប័ន្ន។លោកស្រី ជីរ៉ាណាន់ វង្សមង្គល ប្រធានសមាគមពាណិជ្ជកម្មថៃប្រចាំនៅកម្ពុជា លើកឡើងនៅក្នុងបទសម្ភាសន៍ជាមួយភ្នាក់ងារព័ត៌មាន ស្តីពីបរិយាកាសវិនិយោគនៅកម្ពុជា នេះថា កម្ពុជា-ថៃគឺជាប្រទេសដែលមានកិច្ចសហប្រតិបត្តិការយ៉ាងល្អ និងរវាងរាជរដ្ឋាភិ បាល និងរាជរដ្ឋាភិបាល ជាពិសេសការធ្វើទ្វេភាគីពាណិជ្ជកម្ម និងការវិនិយោគជាដើម, ដោយក្នុងនោះកម្ពុជា គឺជាប្រទេសមួយដែល មានការអភិវឌ្ឍន៍រីកចម្រើនស្ទើរគ្រប់វិស័យ និងជាប្រទេសផ្តល់ភាពអំណោយផលគ្រប់បែបយ៉ាង ដល់បរិយាកាសវិនិយោគ និងការធ្វើ ធុរកិច្ចផ្សេងៗ។លោកស្រី បន្តថា ដោយមើលឃើញពីសក្តានុពលទាំងនោះ វិនិយោគិនថៃបានមកបណ្តាក់ទុននៅកម្ពុជាជាបន្តបន្ទាប់ ជាក់ ស្តែងមកដល់បច្ចុប្បន្ននេះ ឃើញថា មានក្រុមហ៊ុនថ្មីៗចូលមកវិនិយោគនៅកម្ពុជាជាច្រើនដូចជា ការវិនិយោគលើផ្នែកភោជនីយដ្ឋាន, វិស័យដឹកជញ្ជូន, ក្នុងក្រុមហ៊ុន TCC Group ដែលវិនិយោគនៅកម្ពុជាកន្លងមក បច្ចុប្បន្នបានកំពុងជំរុញវិនិយោគបន្ថែម នៃការបង្កើត រោងចក្រផលិតស្រាបៀរ និងរោងចក្រផលិតទឹកដោះគោ និងមានក្រុមហ៊ុនថៃផ្សេងៗ កំពុងចាប់អារម្មណ៍ និងមានទំនុកចិត្តខ្ពស់ អំពី បរិយាកាសវិនិយោគនៅកម្ពុជាផងដែរ។ជុំវិញការទទួលបានគម្រោងវិនិយោគនេះ បើយោងតាមសេចក្តីប្រកាសព័ត៌មាន របស់ក្រុមប្រឹក្សាអភិវឌ្ឍន៍កម្ពុជា នៅក្នុងឆមាសទី១ ឆ្នាំ ២០២៤ នេះ កម្ពុជាទទួលបានគម្រោងវិនិយោគថ្មី ដែលអនុម័តដោយក្រុមប្រឹក្សាអភិវឌ្ឍន៍កម្ពុជា មានចំនួន ១៩០ គម្រោង មាន ទុនវិនិយោគសរុប ៣,២ ពាន់លានដុល្លារអាមេរិក ក្នុងនោះការវិនិយោគលើវិស័យឧស្សាហកម្ម មានចំនួនជាង ១ ៨០០ លានដុល្លារ, ទេសចរណ៍ជាង ៥៨៨ លានដុល្លារ, កសិកម្ម និងកសិឧស្សាហកម្មជាង ៧២ លានដុល្លារ, ហេដ្ឋារចនាសម្ព័ន្ធ និងផ្សេងៗ ជាង ៧៥៣ លានដុល្លារផងដែរ៕ អត្ថបទ៖ សុន រ៉ាឌី

ក្រសួងទេសចរណ៍សហការជាមួយ ជីប ម៉ុង នាំយក Gumball3000 មកកម្ពុជាក្នុងពេលឆាប់ៗ

ភ្នំពេញ ៖ ព្រឹត្តិការណ៍អន្តរជាតិដ៍ធំ GUMBALL3000 ដែលនឹងប្រមូលផ្ដុំកំពូលរថយន្តទំនើបៗរាប់រយគ្រឿង អ្នកបើកបរសុទ្ធសឹងជា ជនមានឥទ្ធិពល មហាសេដ្ឋីលំដាប់កំពូល និងតារានិងកីឡាករលំដាប់ពិភពលោកជាច្រើនរូប នឹងមានវត្តមាននៅក្នុងព្រះរាជាណា ចក្រកម្ពុជានាខែកញ្ញាខាងមុខនេះ។ឧកញ៉ា លាង ពៅ (ភីធើរ) សមាជិកក្រុមប្រឹក្សាភិបាលក្រុមហ៊ុន ជីប ម៉ុង លើកឡើងក្នុងសន្និសីទព័ត៌មាន ស្តីពី ព្រឹត្តិការណ៍ GUMBALL3000 ថ្ងៃទី ២១ ខែ កក្កដា ឆ្នាំ ២០២៤ នេះថា ព្រឹត្តិការណ៍ GUMBALL3000 នឹងក្លាយជាព្រឹត្តិការណ៍ ដ៏ធំថ្នាក់ជាតិមួយក្នុងឆ្នាំ២០២៤ ហើយក្រុមហ៊ុន ជីប ម៉ុង ត្រូវបានជ្រើសរើសជាដៃគូសហការផ្លូវការក្នុងប្រទេសកម្ពុជាតែមួយគត់ ដោយមានការជ្រោមជ្រែងពីក្រសួងទេសចរណ៍ក៏ដូចជាស្ថាប័នពាក់ព័ន្ធនានា។ GUMBALL3000 សម្រេចចិត្តចាប់ដៃជាមួយក្រុមហ៊ុន ជីប ម៉ុង ដោយសារបានយល់ច្បាស់ និងជឿជាក់លើកេរ្តិ៍ឈ្មោះ និងកិត្តិសព្ទរបស់ក្រុមហ៊ុន ជីប ម៉ុង ក្នុងទីផ្សារកម្ពុជា ជាក្រុមហ៊ុនដែលមានមូលដ្ឋានគ្រិះរឹងមាំ មានបទពិសោធន៍ក្នុងការរៀបចំ ព្រឹត្តិការណ៍ធំៗ អាចធ្វើការផ្សព្វផ្សាយពីព្រឹត្តិការណ៍នេះឲ្យកាន់តែបានទូលំទូលាយផងដែរ និងធ្វើឲ្យព្រឹត្តិការណ៍នេះទទួលបាន ជោគជ័យ។ ជាងនេះទៅទៀតហេដ្ឋារចនាសម្ព័ន្ធពាណិជ្ជកម្មដ៏សម្បូរបែបរបស់ក្រុមហ៊ុន ជីប ម៉ុង នឹងផ្តល់ភាពងាយស្រួលក្នុងការ រៀបចំទទួលស្វាគមន៍ភ្ញៀវអន្តរជាតិ ដែលសុទ្ធសឹងជាជនមានឥទ្ធិពល មហាសេដ្ឋីលំដាប់កំពូល តារាល្បីៗ និងកីឡាករលំដាប់ពិភព លោកជាច្រើនរូប សំដៅយ៉ាងណាផ្តល់បទពិសោធន៍នៃការស្នាក់នៅរបស់ពួកគេក្នុងប្រទេសកម្ពុជា ប្រកបដោយភាពរីករាយ និង អនុស្សាវរីយ៍មិនអាចបំភ្លេចបាន។ការនាំយកនូវព្រឹត្តិការណ៍ GUMBALL3000 មានក្នុងគោលបំណងចំនួន៤សំខាន់ៗគឺ៖ ១.ការជំរុញវិស័យទេសចរណ៍នៅ កម្ពុជា និងកេរ្តិ៍ឈ្មោះរបស់ប្រទេសទៅកាន់ពិភពលោក, ២.ការចូលរួមចំណែកក្នុងសប្បុរសធម៍ដ៍ធំទៅមន្ទីរពេទ្យកុមារអង្គរ ខេត្ត សៀមរាប, ៣.ការបើកឱកាសរវាងអ្នកវិនិយោគទុនឯកជនបរទេស និងនៅក្នុងស្រុកបានជួបគ្នា, និង ៤. ការបង្កើតកំណត់ត្រាពិភព លោកហ្គីណេស ” ការចូលរួមចតឡានច្រើនជាងគេនៅមុខប្រាសាទអង្គរវត្ត” ។ ដោយឡែកសម្រាប់លោកអ្នកដែលជាអ្នកគាំទ្រ រថយន្តទំនើបៗ អាចចុះឈ្មោះចូលរួមនូវក្នុងព្រឹត្តិការណ៍ដ៏ធំមួយនេះបានផងដែរ, ការចូលរួមរបស់លោកអ្នក ជាចំណែកមួយក្នុង ការជួយទៅកុមារកម្ពុជា និងការបង្កើតនូវប្រវត្តិសាស្រ្តសម្រាប់ប្រទេសកម្ពុជា៕អត្ថបទ៖ សុន រ៉ាឌី

ADB ព្យាករកំណើនសេដ្ឋកិច្ចសម្រាប់ប្រទេសកំពុងអភិវឌ្ឍនៅអាស៊ី និងប៉ាស៊ីហ្វិកក្នុងឆ្នាំនេះដល់ ៥%

ធនាគារអភិវឌ្ឍន៍អាស៊ី (ADB) បានបង្កើនការព្យាករកំណើនសេដ្ឋកិច្ចរបស់ខ្លួន សម្រាប់ប្រទេសកំពុងអភិវឌ្ឍនៅអាស៊ី និង ប៉ាស៊ីហ្វិកក្នុងឆ្នាំនេះដល់ ៥ ភាគរយ ដោយសារការកើនឡើងនៃការនាំចេញក្នុងតំបន់ ជាមួយនឹងតម្រូវការក្នុងស្រុកដែលធន់ ខណៈ អតិផរណាត្រូវបានព្យាករថា នឹងធ្លាក់ចុះមកនៅត្រឹម ២,៩ ភាគរយ ។ធនាគារអភិវឌ្ឍន៍អាស៊ី (ADB)បានបង្កើនការព្យាករកំណើនសេដ្ឋកិច្ចរបស់ខ្លួន សម្រាប់ប្រទេសកំពុងអភិវឌ្ឍនៅអាស៊ី និង ប៉ាស៊ីហ្វិកនៅឆ្នាំនេះ ដល់ ៥ ភាគរយ ដែលការព្យាករពីមុនមានត្រឹម ៤,៩ ភាគរយ ដោយសារការកើនឡើងនៃការនាំចេញក្នុង តំបន់ ជាមួយនឹងតម្រូវការក្នុងស្រុកដែលធន់, ខណៈអតិផរណាត្រូវបានព្យាករថា នឹងធ្លាក់ចុះមកនៅត្រឹម ២,៩ ភាគរយ នៅឆ្នាំនេះ ស្របពេលតម្លៃអាហារពិភពលោក និងផលប៉ះពាល់នៃអត្រាការប្រាក់ខ្ពស់មានការថមថយ នេះបើយោងតាមរបាយការណ៍ចុង ក្រោយ នៃទស្សនវិស័យអភិវឌ្ឍន៍អាស៊ី ដែលចេញផ្សាយនៅថ្ងៃម្សិលមិញនេះ។ជុំវិញបញ្ហានេះ, លោក Albert Park ប្រធានសេដ្ឋវិទូរបស់ ADB លើកឡើងថា ភាគច្រើននៃប្រទេសនៅអាស៊ី និងប៉ាស៊ី ហ្វិក កំពុងមើលឃើញកំណើនសេដ្ឋកិច្ចខ្ពស់ជាងកាលពីឆមាសទីពីរនៃឆ្នាំមុន។ មូលដ្ឋានគ្រឹះនៃតំបន់នៅតែរឹងមាំ ប៉ុន្តែអ្នកបង្កើត គោលនយោបាយនៅតែត្រូវយកចិត្តទុកដាក់ លើហានិភ័យមួយចំនួនអាចប៉ះពាល់ដល់ទស្សនវិស័យនេះរួមមាន៖ ភាពមិនច្បាស់ លាស់ទាក់ទងនឹងលទ្ធផលបោះឆ្នោតនៅក្នុងប្រទេសសេដ្ឋកិច្ចធំៗ ការសម្រេចលើចិត្តអត្រាការប្រាក់ និងភាពតានតឹងភូមិសាស្ត នយោបាយ។ ខណៈពេលដែលអតិផរណាកំពុងថយទៅរកកម្រិតមុន មានការរាតត្បាតនៅក្នុងតំបន់ទាំងមូល សម្ពាធតម្លៃនៅតែ កើនឡើងនៅក្នុងប្រទេសមួយចំនួន។ អតិផរណាម្ហូបអាហារនៅតែមានកម្រិតខ្ពស់ នៅអាស៊ីខាងត្បូង អាស៊ីអាគ្នេយ៍ និងប៉ាស៊ីហ្វិក ដែលមួយផ្នែកដោយសារអាកាសធាតុមិនល្អ និងការរឹតបន្តឹងការនាំចេញអាហារនៅក្នុងប្រទេសមួយចំនួន។ចំណែកសាធារណៈរដ្ឋប្រជាមានិតចិន ដែលជាសេដ្ឋកិច្ចធំបំផុតក្នុងតំបន់ ត្រូវបានរក្សានៅ ៤,៨ ភាគរយនៅឆ្នាំនេះ, ខណៈ ទស្សនវិស័យសម្រាប់ប្រទេសឥណ្ឌា ដែលជាសេដ្ឋកិច្ចរីកលូតលាស់លឿនបំផុតក្នុងតំបន់ ក៏មិនផ្លាស់ប្ដូរដែរ ក្នុងអត្រា ៧ ភាគរយ សម្រាប់ឆ្នាំសារពើពន្ធ ២០២៤ នេះដែរ ។ ចំពោះតំបន់អាស៊ីអាគ្នេយ៍វិញ ការព្យាករកំណើនត្រូវបានរក្សានៅកម្រិត ៤,៦ ភាគរយ នៅឆ្នាំនេះ ខណៈមានភាពប្រសើរឡើងយ៉ាងខ្លាំងទាំងតម្រូវការក្នុងស្រុក និងពីខាងក្រៅ។ ទស្សនវិស័យឆ្នាំនេះសម្រាប់ Caucasus (តំបន់ព្រំដែនរវាងអឺរ៉ុបប៉ែកអាគ្នេយ៍ និងអាស៊ីខាងលិច) និងអាស៊ីកណ្ដាល នឹងកើនឡើងដល់ ៤,៥ ភាគរយ ពីការព្យាករពីមុន ៤,៣ ភាគរយ ដែលជំរុញខ្លះដោយកំណើនខ្លាំងជាងការរំពឹងទុកនៅ អាស៊ែបៃហ្សង់ និងសាធារណរដ្ឋកៀហ្ស៊ីស៊ី។ ជុំវិញបញ្ហានេះ, ធនាគារអភិវឌ្ឍន៍អាស៊ី ប្តេជ្ញាថានឹងសម្រេចឱ្យបាននូវវិបុលភាព បរិយាប័ន្ន ភាពធន់ និងនិរន្តរភាព ក្នុង តំបន់អាស៊ីនិងប៉ាស៊ីហ្វិក ស្របជាមួយនឹងការខិតខំប្រឹងប្រែង ដើម្បីលុបបំបាត់ភាពក្រីក្រខ្លាំង។ បង្កើតឡើងនៅឆ្នាំ ១៩៦៦ ធនាគារ នេះត្រូវបានគ្រប់គ្រងដោយសមាជិកចំនួន ៦៨ ប្រទេស ដែលក្នុងនោះមាន៤៩ ប្រទេស មកពីតំបន់ខាងលើនេះ៕ អត្ថបទ៖ សុន រ៉ាឌី

វិស័យឯកជនចាត់ទុកការរៀបចំក្របខណ្ឌដឹកជញ្ជូនតាមផ្លូវទឹកជាការពង្រីកដំណើរសេដ្ឋកិច្ចរយៈពេលវែង

វិស័យឯកជនគាំទ្រការបង្កើតក្របខណ្ឌនៃការអភិវឌ្ឍ និងការគ្រប់គ្រងអាជីវកម្មកំពង់ផែទន្លេ និងការតភ្ជាប់បណ្តាញប្រព័ន្ធដឹក ជញ្ជូនតាមផ្លូវទឹកទន្លេជាមួយផ្លូវសមុទ្រ ដែលជាផ្លូវសំខាន់ ដឹកជញ្ជូនបានច្រើន និងបានឆ្ងាយ ជាពិសេសគឺជាការពង្រីកនៅក្នុងដំណើរ សេដ្ឋកិច្ចរយៈពេលវែងរបស់កម្ពុជា។លោក ជា ចាន់ដារ៉ា ប្រធានសមាគមពាណិជ្ជករដឹកជញ្ជូននិងខ្សែច្រវ៉ាក់ផ្គត់ផ្គង់នៅកម្ពុជា លើកឡើងក្នុងកិច្ចសម្ភាសន៍ជាមួយ BTV ស្តីពីការក្របខណ្ឌនៃការអភិវឌ្ឍ និងការគ្រប់គ្រងអាជីវកម្មកំពង់ផែទន្លេ និងការតភ្ជាប់បណ្តាញប្រព័ន្ធដឹក ជញ្ជូនតាមផ្លូវទឹក ទន្លេជាមួយផ្លូវសមុទ្រនៅកម្ពុជា នេះថា ជុំវិញការដឹកជញ្ជូនតាមផ្លូវទឹកនេះ ពិតជាមានសារៈសំខាន់ណាស់ និងបានកំពុងអនុវត្ត ពាសពេញពិភពលោក ព្រោះការដឹកជញ្ជូនតាមផ្លូវទឹក គឺដឹកបានច្រើន និងបានឆ្ងាយ ហើយមិនរងការប៉ះពាល់ដល់ការខូចខាត់ រចនាសម្ព័ន្ធផ្លូវថ្នល់។លោកបន្តថា ខណៈដែលកម្ពុជាកំពុងធ្វើពាណិជ្ជកម្មមានកំណើនល្អប្រសើរពីមួយឆ្នាំទៅមួយឆ្នាំ ជាពិសេសការកំពុងមាន កំណើននៃការនាំចេញ និងស្របពេលកម្ពុជាបាននិងកំពុងរៀបចំនៃការជីកព្រែកហ្វូណនតេជោនេះ ដូច្នេះការដាក់ចេញក្របខណ្ឌ នៃការអភិវឌ្ឍ និងការគ្រប់គ្រងអាជីវកម្មកំពង់ផែទន្លេ និងការតភ្ជាប់បណ្តាញប្រព័ន្ធដឹកជញ្ជូនតាមផ្លូវទឹកទន្លេជាមួយផ្លូវសមុទ្រនៅកម្ពុជា ពិតជាមានសារៈសំខាន់ណាស់ ដើម្បីជំរុញការគ្រប់គ្រងអាជីវកម្មកំពង់ផែទន្លេ ក៏ដូចជាបណ្តាញដឹកជញ្ជូនតាមផ្លូវទឹកឲ្យ ស្របតាមស្តង់ដារ ដើម្បីជំរុញការដឹកជញ្ជូនឱ្យបានកាន់តែល្អប្រសើរ ក៏ដូចជាការស្រូបយកវិនិយោគិនបន្ថែម ដើម្បីបង្កើតទំនុកចិត្ត តាមរយៈនៃការដឹកជញ្ជូននេះ។ សូមបញ្ជាក់ថា នៅថ្ងៃ ១៦ កក្កដា នេះ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈកម្មាធិការគោលនយោបាយសេដ្ឋកិច្ច និងហិរញ្ញវត្ថុ បើកកិច្ចប្រជុំ ដើម្បីពិនិត្យ និងពិភាក្សាលើ សេចក្តីព្រាង (ក្របខណ្ឌនៃការអភិវឌ្ឍនិងការគ្រប់គ្រងអាជីវកម្មកំពង់ផែទន្លេ និងការតភ្ជាប់បណ្តាញ ប្រព័ន្ធដឹកជញ្ជូនតាមផ្លូវទឹក ទន្លេជាមួយផ្លូវសមុទ្រនៅកម្ពុជា) ដែលក្របខណ្ឌនេះ មានគោលបំណងពង្រីក និងបង្កើនការប្រើប្រាស់ប្រព័ន្ធដឹកជញ្ជូនតាមផ្លូវ ទឹកទន្លេ តាមរយៈការធ្វើឱ្យប្រសើរឡើងនូវហេដ្ឋារចនាសម្ព័ន្ធដឹកជញ្ជូនតាមផ្លូវទឹក លើកកម្ពស់ប្រសិទ្ធភាពសេវាកំពង់ផែ ដោយការ ប្រើប្រាស់បច្ចេកវិទ្យាទំនើប និងការកាត់បន្ថយចំណាយឡូជីស្ទិក សំដៅរួមចំណែកទ្រទ្រង់ចីរភាពនៃកំណើនសេដ្ឋកិច្ចកម្ពុជាក្នុងរយៈ ពេលវែង និងបង្កើនសមត្ថភាពប្រកួតប្រជែងក្នុងតំបន់ និងសកល៕ អត្ថបទ៖ សុន រ៉ាឌី

កម្ពុជាចូលរួមពិព័រណ៍ការតាំងបង្ហាញផលិតផលម៉ាកសម្គាល់ភូមិសាស្រ្តីទំនិញនៅប្រទេសស្វីស

ឯកឧត្តម អ៊ុក ប្រជា រដ្ឋលេខាធិការក្រសួងពាណិជ្ជកម្ម បានដឹកនាំគណៈប្រតិភូកម្ពុជា ចូលរួមការពិព័រណ៍តាំងបង្ហាញផលិតផលម៉ាកសម្គាល់ភូមិសាស្ត្រទំនិញ ក្នុងមហាសន្និបាតលើកទី៦៥ របស់អង្គការកម្មសិទ្ធិបញ្ញាពិភពលោក ដែល ប្រព្រឹត្តទៅនៅថ្ងៃទី១៥ ខែកក្កដា ឆ្នាំ២០២៤ នៅទីក្រុងហ្សឺណែវ ប្រទេសស្វ៊ីស និងមានសមាជិកអង្គការ WIPO ចូលរួមប្រមាណ ១៨០ប្រទេស។យោងតាមក្រសួងពាណិជ្ជកម្ម ក្នុងអំឡុងពេលមហាសន្និបាតខាងលើនេះ គណៈប្រតិភូកម្ពុជា បានសហការ និងសម្របសម្រួល ដោយស្ថានបេសកកម្ម អចិន្ត្រៃយ៍កម្ពុជាប្រចាំអង្គការពាណិជ្ជកម្មពិភពលោក និងអង្គការអន្តរជាតិពាក់ព័ន្ធនឹងវិស័យសេដ្ឋកិច្ច-ពាណិជ្ជកម្ម ប្រចាំទីក្រុងហ្សឺណែវ បានបង្ហាញអំពីការអភិវឌ្ឍផលិតផលម៉ាកសម្គាល់ភូមិសាស្រ្ត ក៏ដូចជាតាំងបង្ហាញផលិតផលម៉ាក សម្គាល់ភូមិសាស្រ្តកម្ពុជាក្នុងព្រឹត្តិការណ៍នេះ រួមមាន៖ ម្រេចកំពត ស្ករត្នោតកំពង់ស្ពឺ ផ្កាអំបិលកំពត-កែប ទឹកឃ្មុំព្រៃមណ្ឌលគីរី ព្រមទាំងបានផ្ដល់អាហារជូនអ្នកចូលរួមភ្លក់រសជាតិម្រេចកំពតជ្រក់ ស្កត្នោតកំពង់ស្ពឺ និងទឹកឃ្មុំព្រៃមណ្ឌលគីរី ផងដែរ។ប្រភពដដែល បានបន្ថែមថា ក្នុងឱកាសនោះ ឯកឧត្តមរដ្ឋលេខាធិការ បានសម្ដែងនូវការប្តេជ្ញាចិត្ត ក្នុងការបន្តចូលរួមជាមួយនឹងអង្គការ WIPO ក្នុងនាមជាសមាជិក និងបន្តលើកកម្ពស់ម៉ាកសម្គាល់ភូមិសាស្ត្រទំនិញកម្ពុជាលើឆាកអន្តរជាតិ ព្រមទាំងបន្តកិច្ចសហប្រតិបត្តិការឱ្យកាន់តែជិតស្និទ្ធជាមួយស្ថាប័នពាក់ព័ន្ធបន្ថែមទៀត។សូមជម្រាបជូនថា ការដាក់បង្ហាញផលិតផលម៉ាកសម្គាល់ភូមិសាស្ត្រកម្ពុជាក្នុងព្រឹត្តិការណ៍នេះ ពិតជាមានសារៈសំខាន់ណាស់ក្នុងការលើកស្ទួយកេរ្តិ៍ឈ្មោះកម្ពុជាលើឆាកអន្តរជាតិ ព្រមទាំងបានផ្សព្វផ្សាយ និងលើកកម្ពស់ផលិតផលម៉ាកសម្គាល់ភូមិសាស្ត្រទំនិញកម្ពុជា ធ្វើឱ្យដៃគូអន្តរជាតិ និងបណ្តាប្រទេសជាច្រើនមានការចាប់អារម្មណ៍ និងយកចិត្តទុកដាក់លើផលិតផលម៉ាកសម្គាល់ភូមិសាស្រ្តកម្ពុជាផងដែរ៕

បច្ចុប្បន្នក្រុមហ៊ុនដែលមានអាជ្ញាបណ្ណនិងទទួលស្គាល់ការធ្វើអាជីវកម្មក្នុងវិស័យមូលបត្រមានចំនួន១៣០ក្រុមហ៊ុន

ភ្នំពេញ ៖ គិតក្នុងរយៈពេលជាងមួយទស្សវត្សរ៍កន្លងមកនេះ កម្ពុជាបានផ្តល់អាជ្ញាបណ្ណ ការអនុញ្ញាត និងការទទួលស្គាល់ដល់ក្រុមហ៊ុនធ្វើអាជីវកម្ម និងផ្តល់សេវាក្នុងវិស័យមូលបត្រចំនួន ១៣០ក្រុមហ៊ុន។ ក្នុងនោះ មានក្រុមហ៊ុនចំនួន២៣ បោះផ្សាយលក់មូលបត្រ និងចុះបញ្ជីលក់មូលបត្រនៅផ្សារមូលបត្រកម្ពុជា ដែលបានប្រមូលសាច់ប្រាក់ចំនួន ៣៨៩លានដុល្លារអាមេរិក។ ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយក នៃនិយ័តករមូលបត្រកម្ពុជា នៅថ្ងៃទី១៣ កក្កដា ឆ្នាំ២០២៤នេះ បានមានប្រសាសន៍ប្រាប់ព័ត៌មាន ប៊ីធីវី ឲ្យដឹងថា ក្នុងចំណោមក្រុមហ៊ុនទាំង២៣ មានក្រុមហ៊ុនចំនួន១១ បានបោះផ្សាយលក់មូលបត្រកម្មសិទ្ធិ និងក្រុមហ៊ុនចំនួន១២ បានបោះផ្សាយលក់សញ្ញាបណ្ណ ដោយរួមបញ្ចូលទាំងសញ្ញាបណ្ណបៃតង និងសញ្ញា-បណ្ណចីរភាព។ ឯកឧត្តម បានបន្ថែមថា ដើម្បីជំរញឲ្យវិស័យនេះកាន់តែល្អប្រសើរឡើងថែមទៀត ការលើកកម្ពស់ការយល់ដឹង និងការអភិវឌ្ឍធនធានមនុស្ស គឺជាការងារអាទិភាពមួយក្នុងចំណោមការងារអាទិភាពផ្សេងទៀត ដែលបានកំណត់ ព្រោះថាវិស័យមូលបត្រ នឹងមិនអាចរីកចម្រើនបានលឿននោះទេ ប្រសិនបើការយល់ដឹងពីវិស័យនេះនៅមានកម្រិតទាបនៅឡើយ។ ការលើកកម្ពស់ការយល់ដឹងពីវិស័យមូលបត្រ ត្រូវបានកំណត់យ៉ាងច្បាស់នៅក្នុង “ផែនការយុទ្ធសាស្ត្រជាតិ”។ឯកឧត្តមអគ្គនាយក លើកឡើងបន្ថែមទៀតថា ក្រោមកិច្ចខិតខំប្រឹងប្រែងក្នុងការកសាងនូវហេដ្ឋារចនាសម្ព័ន្ធទីផ្សារដែល រឹងមាំនាពេលនេះ និយ័តករមូលបត្រកម្ពុជា ក៏មានការទទួលស្គាល់កម្មវិធីសិក្សាសម្រាប់ការបណ្តុះបណ្តាលអភិបាលនៅក្នុងវិស័យមូលបត្រផងដែរ សម្រាប់គ្រឹះស្ថានណាដែលមានចំណាប់អារម្មណ៍គឺអាចដាក់ពាក្យស្នើសុំបានពីនិយ័តករមូលបត្រកម្ពុជា។ ការដាក់ចេញឱ្យមានបណ្តុះបណ្តាលអភិបាលនៅក្នុងវិស័យមូលបត្រនៅកម្ពុជា នឹងជួយពង្រឹងបន្ថែមនូវអភិបាលកិច្ចសាជីវកម្មនៅក្នុងទីផ្សារ ហើយក៏ជាកត្តាមួយនៅក្នុងការពង្រឹងទំនុកចិត្តនៅក្នុងទីផ្សារហើយអាចទាក់ទាញវិនិយោគិនបរទេសកាន់តែច្រើនចូលមកទីផ្សារកម្ពុជា។ សូមបញ្ជាក់ថា គិតត្រឹមត្រីមាសទី២ ឆ្នាំ២០២៤ ទំហំមូលធនូបនីយកម្មទីផ្សារសរុបមានតម្លៃប្រហែល ១១,២២ ប៊ីលានរៀល ស្មើនឹងប្រមាណ ២.៧៣ពាន់លានដុល្លារអាមេរិក ឬស្មើនឹង ៨,៧៥% ធៀបនឹងផលិតផលក្នុងស្រុកសរុប។ ចំពោះទំហំជួញដូរភាគហ៊ុនសរុបមានចំនួន ១០,៥៩លានភាគហ៊ុន និងតម្លៃនៃការជួញដូរមូលបត្រសរុបមាន ៥៣,០៣ ប៊ីលានរៀល ឬប្រហែល ១២,៩០ លានដុល្លារអាមេរិក ដែលមានទំហំជួញដូរប្រចាំថ្ងៃជាមធ្យម ១៧៩.៤៤១ ភាគហ៊ុន ខណៈដែលតម្លៃជួញដូរប្រចាំ ថ្ងៃជាមធ្យមប្រមាណ ៨៩៨,៧៧ លានរៀល ឬប្រហែល ២១៨,៦៧៩ ដុល្លារអាមេរិក និងចំនួនលេខអត្តសញ្ញាណវិនិយោគិន ដែលបានផ្តល់មានចំនួនជាង ៥ម៉ឺន៕អត្ថបទ ៖ ឈិត បូរ៉ាវី

ក្រសួងពាណិជ្ជកម្មពិភាក្សាជាមួយតំណាងក្រុមហ៊ុន Amazon ដើម្បីជំរុញការដាក់លក់ផលិតផលខ្មែរនៅលើថ្នាល Amazon E-Commerce

លោកជំទាវ ជា រដ្ឋា រដ្ឋលេខាធិការក្រសួងពាណិជ្ជកម្ម កាលពីរសៀលថ្ងៃទី៥ ខែកក្កដា ឆ្នាំ២០២៤ បានដឹកនាំក្រុមការងារចូលរួមកិច្ចប្រជុំជាមួយលោក Darren Ong អនុប្រធានជាន់ខ្ពស់ផ្នែកគោលនយោបាយសាធារណៈនៃក្រុមហ៊ុន Amazon និងលោកស្រី Chann Sokros តំណាងស្ថានទូតអាម៉េរិកប្រចាំនៅកម្ពុជា ដើម្បីពិភាក្សាអំពីលទ្ធភាពជំរុញការដាក់លក់ផលិតផលខ្មែរនៅលើថ្នាល Amazon E-Commerce។នៅក្នុងជំនួប លោកជំទាវរដ្ឋលេខាធិការ បានលើកឡើងពីសារៈសំខាន់ នៃកិច្ចសហប្រតិបត្តិការជាមួយក្រុមហ៊ុន Amazon ដើម្បីបើកផ្លូវដល់សហគ្រិន និងពាណិជ្ជករកម្ពុជា អាចដាក់ទំនិញរបស់ខ្លួននៅក្នុងគេហទំព័រ Amazon.com ដែលជាទីផ្សារអនឡាញដ៏ធំបំផុតរបស់ពិភពលោក និងបានគូសបញ្ជាក់ពីការប្តេជ្ញាចិត្តយ៉ាងមុតមាំរបស់ក្រសួងពាណិជ្ជកម្ម ចំពោះការធ្វើបរិវត្តកម្មវិស័យពាណិជ្ជកម្មតាមប្រព័ន្ធអេឡិចត្រូនិក ស្របតាមយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាល។សូមបញ្ជាក់ដែរថា វិស័យពាណិជ្ជកម្មតាមប្រព័ន្ធអេឡិចត្រូនិក ឬ e-Commerce របស់កម្ពុជា ត្រូវបានគេព្យាករណ៍ថានឹងមានកំណើនដល់ ១,១២៥ លានដុល្លារ នៅឆ្នាំ២០២៤ (កើនឡើងប្រមាណជាង ១០% រៀងរាល់ឆ្នាំ) ហើយតាមរយៈកិច្ចសហប្រតិបត្តិការជាមួយក្រុមហ៊ុន Amazon នឹងជួយបង្កើតប្រព័ន្ធអេកូថ្មី សម្រាប់ធានាដល់ការលូតលាស់នៃវិស័យដ៏មានសក្តានុពលមួយនេះ សំដៅចូលរួមលើកកម្ពស់ការអភិវឌ្ឍសេដ្ឋកិច្ចឌីជីថល និងនវានុវត្តន៍ (ការបង្កើតថ្មី) ប្រកបដោយស្មារតីទទួលខុសត្រូវ៕

ប្រទេសកម្ពុជាមានសក្តាពលកំណើនយុវជនពេញកម្លាំងច្រើនសម្រាប់ជំរុញកំណើនសេដ្ឋកិច្ចជាតិ

នៅថ្ងៃទី១១ ខែកក្កដានេះ គឺថ្ងៃទិវាប្រជាជនពិភពលោក លើកទី៣៥ ឆ្នាំ២០២៤។ តាមរយៈទិវានេះ មន្ត្រីជាន់ខ្ពស់ក្រសួងផែនការបានអះអាងថា មកបច្ចុប្បន្នកម្ពុជា កំពុងមានសក្តានុពល មានកំណើនយុវជនពេញកម្លាំងការងារគ្រប់គ្រាន់ ក្នុងផ្គត់ផ្គងទីផ្សារការងារ និងការជំរុញកំណើនសេដ្ឋកិច្ចជាតិនៅឆ្នាំបន្តបន្ទាប់ខាងមុខ។ឯកឧត្តម បណ្ឌិត ប៉ូច ប៊ុណ្ណាក់ រដ្ឋលេខាធិការក្រសួងផែនការ ថ្លែងប្រាប់ BTV នៅថ្ងៃទី១១ ខែកក្កដានេះថា មកដល់ឆ្នាំ២០២៤នេះ កម្ពុជាមានប្រជាជនសរុប ១៧លាន៣សែននាក់ ក្នុងនោះមានប្រជាជនស្ថិតក្នុងវ័យធ្វើការ អាយុ ១៥ដល់៦៤ឆ្នាំ មានប្រមាណ ១១លាន៥សែននាក់ ស្មើនឹង ៦៦.៣% ក្នុងនោះមានយុវជនពេញកម្លាំងធ្វើការងារមួយចំនួនគឺបាននិងកំពុងធ្វើការងារសេដ្ឋកិច្ចនៅក្នុងប្រព័ន្ធ និងខ្លះធ្វើការងារនៅក្នុងផែ្នកសេដ្ឋកិច្ចក្រៅប្រព័ន្ធបង្កើតប្រាក់ចំណូលដោយខ្លួនឯង។ឯកឧត្តមថែ្លងថា ជារួមបច្ចុប្បន្នកម្ពុជា មិនមានបញ្ហាកង្វះពលកម្មការងារនោះទេ ហើយដើម្បីបង្កើនសក្តាពលពលកម្មទីផ្សារការងារនៅកម្ពុជា បច្ចុប្បន្នប្រមុខថ្នាក់ដឹកនាំរាជរដ្ឋាភិបាលកម្ពុជា បាននិងកំពុងបង្កើនការអភិវឌ្ឍធនធានមនុស្ស អនុវត្តគោលនយោបាយផ្តល់អាហារូបករណ៍បណ្តុះបណ្តាលជំនាញវិជ្ជាជីវៈ និងបច្ចេកទេសជូនយុវជន១លាន៥សែននាក់ ដើម្បីជំរុញការផ្លាស់ប្តូរប្រជាជនពីការធ្វើការងារ ដោយប្រើប្រាស់កម្លាំងទៅប្រើប្រាស់សមត្ថភាពជំនាញវិជ្ជាជីវៈដើម្បីធ្វើការងារវិញ។ឯកឧត្តម បន្តថា កម្ពុជា ចាប់ពីឆ្នាំ២០២៤នេះ រហូតឆ្នាំ២០៤៥ នឹងបន្តមានកំណើនយុវជនពេញកម្លាំងធ្វើការងារ ប្រមាណជិត១៥លាននាក់ ពោលគឺមានកំណើនប្រមាណ១.២% ហើយតាមរយៈអនុវត្តគោលនយោបាយជាយុទ្ធសាស្ត្រជាច្រើន របស់រាជរដ្ឋាភិបាលកម្ពុជាបច្ចុប្បន្ននឹងធ្វើឲ្យកម្ពុជា មានសក្តានុពលកាន់តែខ្លាំងលើការមានយុវជនពេញកម្លាំងធ្វើការងារដោយមានជំនាញវិជ្ជាជីវៈ និងការជំរុញសេដ្ឋកិច្ចកម្ពុជា មានកំណើនល្អប្រសើរ និងស្របពេលកម្ពុជាកំពុងរៀបចំខ្លួនចាកចេញជាផ្លូវការពីប្រទេសអភិវឌ្ឍន៍តិចតួច នៅឆ្នាំ២០២៩ខាងមុខនេះ៕ អត្ថបទ ស៊ុម សុខជា

វេទិកាកម្ពុជា-បារាំង ជាការពង្រឹងផ្នែកសេដ្ឋកិច្ច និងការផ្តល់ផលប្រយោជន៍ដល់ក្រុមហ៊ុនប្រទេសទាំងពីរ

បារាំងចាត់ទុកវេទិកាលើកទី ២ គឺជាឱកាសពិសេសមួយសម្រាប់ក្រុមហ៊ុន អ្នកជំនាញ និងអ្នកដែលចាប់អារម្មណ៍លើការអភិវឌ្ឍន៍ សេដ្ឋកិច្ច ដើម្បីស្វែងរកឱកាសនៅប្រទេសកម្ពុជាបន្ថែម និងក៏ជាការពង្រឹងទំនាក់ទំនងសេដ្ឋកិច្ចកម្ពុជា-បារាំង និងការផ្តល់ផលប្រយោជន៍ ដល់ក្រុមហ៊ុននៃប្រទេសទាំងពីរ។វេទិកាធុរកិច្ចបារាំង-កម្ពុជាលើកទី២ ដែលបានប្រព្រឹត្តទៅពីថ្ងៃទី៨ ដល់ថ្ងៃទី១០ ខែកក្កដា ឆ្នាំ២០២៤ នេះ គឺជាវេទិកាធុរកិច្ច ដែលប្រមូលផ្តុំសមាជិកសហគមន៍ធុរកិច្ចបារាំងនៅកម្ពុជា ក៏ដូចជាតំណាងក្រុមហ៊ុនបារាំង ដែលកំពុងប្រតិបត្តិការនៅក្នុងតំបន់ គឺមាន បំណងចង់ស្វែងយល់ឱ្យស៊ីជម្រៅអំពីទីផ្សារកម្ពុជា ក្នុងនោះវិស័យជាច្រើននឹងត្រូវបានលើកឡើងរួមមាន៖ វិស័យសំណង់ និងហេដ្ឋារចនាសម្ព័ន្ធ, បច្ចេកវិទ្យាឌីជីថល, ការថែទាំសុខភាព, ថាមពល, ការធ្វើផែនការទីក្រុងទេសចរណ៍, ភស្តុភារនិងដឹកជញ្ជូន, កសិកម្ម និងកសិ-ម្ហូបអាហារ, ព្រមទាំងការអភិវឌ្ឍន៍ប្រកបដោយចីរភាព និងបរិស្ថាន។ជាក់ស្តែងនៅថ្ងៃទី ២ ម្សិលមិញនេះ ធុរកិច្ចបារាំង បានពិភាក្សា និងលើកឡើងនូវប្រធានបទជាច្រើន ដោយបានពិគ្រោះគ្នា យ៉ាងផុលផុស ជាពិសេសលើវិស័យឧស្សាហកម្ម ។ ក្រៅពីនេះធុរកិច្ចបារាំង ក៏បានលើកឡើងលើបញ្ហាទេសចរ និងបានបង្ហាញថា កម្ពុជាកំពុងទាក់ទាញ ដោយមានការចាប់អារម្មណ៍ពីភ្ញៀវទេសចរបរទេស មកទស្សនាប្រាសាទអង្គរវត្ត និងតំបន់ឆ្នេរនៅតាមមាត់ សមុទ្រដ៏អស្ចារ្យរបស់កម្ពុជាផងដែរ។ដោយឡែកថ្ងៃទីបី ដែលជាថ្ងៃចុងក្រោយនេះ, វេទិកានេះ នឹងរៀបចំឡើងនៅខេត្តព្រះសីហនុ ដើម្បីផ្តល់ឱកាសដល់អ្នកចូលរួម ក្នុងការស្វែងរកទីតាំងសេដ្ឋកិច្ចសំខាន់ៗ ជាពិសេសឱកាសវិនិយោគ ដោយក្នុងវេទិការនោះ, ធុរកិច្ចនឹងជួបជាមួយតំណាងរដ្ឋាភិបាល ដើម្បីទទួលបាននូវពុទ្ធិផ្សេងៗ។ ទាក់ទិនវេទិកាធុរកិច្ចបារាំង-កម្ពុជាឆ្នាំនេះផងដែរ ការរៀបចំឡើង គឺមានគោលបំណងជាកាតលីករ សម្រាប់កិច្ចសហប្រតិបត្តិការសេដ្ឋកិច្ចទ្វេភាគីជំរុញអភិវឌ្ឍន៍ថ្មីៗបន្ថែម ដែលផ្តល់ផលប្រយោជន៍ដល់ការអភិវឌ្ឍន៍ ប្រកបដោយចីរភាព នៃប្រទេសទាំងពីរ។សូមបញ្ជាក់ថា នៅក្នុងវេទិកានេះដែរ ក៏បានលើកឡើងពីទំហំពាណិជ្ជកម្មរវាងបារាំង និងកម្ពុជា ដោយបានឈានដល់ ១ ៣៦៣ លានអឺរ៉ូ ក្នុងឆ្នាំ ២០២៣ ។ បច្ចុប្បន្នបារាំងគឺជាដៃគូពាណិជ្ជកម្មនៅអឺរ៉ុបដ៏ធំទីពីររបស់កម្ពុជាផងដែរ បន្ទាប់ពីប្រទេសអាល្លឺម៉ង់។ ចំណែកទាក់ទង់ការនាំចេញវិញ បារាំងបាននាំចូលមកកម្ពុជាក្នុងឆ្នាំ២០២៣ មានការកើនឡើងគួរឱ្យកត់សម្គាល់ក្នុងរង្វង់ ៣១ ភាគរយ បើធៀបនឹងឆ្នាំ ២០២២ ដោយការនាំចេញភាគច្រើនមាន ផលិតផលកសិកម្ម ឱសថ និងផលិតផលលោហធាតុ និង លោហធាតុ។ ទន្ទឹមនឹងនេះដែរ ការនាំចូលរបស់បារាំងពីកម្ពុជា បានកើនឡើងដល់ ១ ១៩២ លានអឺរ៉ូ ក្នុងឆ្នាំ ២០២៣ វិស័យនាំចូល ជាចម្បងមាន៖ វាយនភណ្ឌ ផលិតផលកសិ-អាហារ និងកង់ជាដើម។ ចំណែកការវិនិយោគ មានភាគហ៊ុនឈានដល់ប្រមាណ ៥៦០ លានអឺរ៉ូ សម្រាប់ការវិនិយោគរបស់បារាំងនៅកម្ពុជា ក្នុងនោះមាន វិស័យសំណង់ កសិឧស្សាហកម្ម និងសេវាកម្ម។ តួលេខទាំងនេះ បានបង្ហាញពីភាពស្វាហាប់ នៃទំនាក់ទំនងសេដ្ឋកិច្ចបារាំង-កម្ពុជា ដែលផ្តល់ផលប្រយោជន៍ដល់ក្រុមហ៊ុននៃប្រទេសទាំងពីរ និងក៏ជា រួមចំណែកដល់ការអភិវឌ្ឍន៍សេដ្ឋកិច្ចរបស់កម្ពុជាផងដែរ៕ អត្ថបទ៖ សុន រ៉ាឌី

បណ្ដាញសង្គម

ព័ត៌មានថ្មីៗ

ស.ស.យ.ក. គ្រោងរៀបចំព្រឹត្តិការណ៍ «សាទរកម្ពុជា» ចំរាត្រីឆ្លងឆ្នាំសកល ចូលឆ្នាំ២០២៥

ព្រិលធ្លាក់ច្រើនបំផុតជាប់កំណត់ត្រាក្នុងខែវិច្ឆិកា កើតមាននៅទីក្រុងសេអ៊ូលប្រទេសកូរ៉េខាងត្បូង

វិនិយោគិន៖ការដាក់ទណ្ឌកម្មរបស់អាមេរិកប្រឆាំងនឹងធនាគារ Gazprombank នាំឲ្យថាមពលឡើងថ្លៃនៅអឺរ៉ុប

ពលរដ្ឋនៅទីក្រុងTyre នាំគ្នាអបអរសាទរ ពេលដែលបទឈប់បាញ់រវាងអ៊ីស្រាអែល និងក្រុមហេសបូឡា ចូលជាធរមាន

ពលរដ្ឋជម្លៀសខ្លួននៅទីក្រុង Sidon វិលត្រឡប់ទៅកាន់ភូមិនៅតំបន់ភាគខាងត្បូងលីបង់ ក្រោយមានបទឈប់បាញ់

យន្តហោះទម្លាក់គ្រាប់បែកអាមេរិកត្រូវបានស្ទាក់ដោយយន្តហោះរុស្ស៊ី នៅជិតទីក្រុង Kaliningrad

លោក Elon Musk ៖ យានដ្រូន នឹងជំនួសយន្តហោះចម្បាំង នៅក្នុងសង្គ្រាមនាពេលអនាគត

ទីក្រុង Tinzaouaten របស់ម៉ាលី រងផលប៉ះពាល់ដោយសារជំងឺ និងការវាយប្រហារដោយយានដ្រូន

វិមានក្រឹមឡាំង៖ លោក Putin នឹងពិភាក្សាពីទំនាក់ទំនងថាមពល អំឡុងទស្សនកិច្ច នៅកាហ្សាក់ស្ថាន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សេដ្ឋកិច្ច និង កសិកម្ម

កំណើនវិស័យទេសចរណ៍ និងវិស័យចម្បងៗរបស់កម្ពុជាកំពុងគាំទ្រសេដ្ឋកិច្ចជាតិឱ្យងើបឡើងវិញ

ក្រុមហ៊ុនថៃធំៗលំដាប់អន្តរជាតិ កំពុងចូលមកវិនិយោគលើវិស័យជាច្រើននៅកម្ពុជា

ក្រសួងទេសចរណ៍សហការជាមួយ ជីប ម៉ុង នាំយក Gumball3000 មកកម្ពុជាក្នុងពេលឆាប់ៗ

ADB ព្យាករកំណើនសេដ្ឋកិច្ចសម្រាប់ប្រទេសកំពុងអភិវឌ្ឍនៅអាស៊ី និងប៉ាស៊ីហ្វិកក្នុងឆ្នាំនេះដល់ ៥%

វិស័យឯកជនចាត់ទុកការរៀបចំក្របខណ្ឌដឹកជញ្ជូនតាមផ្លូវទឹកជាការពង្រីកដំណើរសេដ្ឋកិច្ចរយៈពេលវែង

កម្ពុជាចូលរួមពិព័រណ៍ការតាំងបង្ហាញផលិតផលម៉ាកសម្គាល់ភូមិសាស្រ្តីទំនិញនៅប្រទេសស្វីស

ក្រសួងពាណិជ្ជកម្មពិភាក្សាជាមួយតំណាងក្រុមហ៊ុន Amazon ដើម្បីជំរុញការដាក់លក់ផលិតផលខ្មែរនៅលើថ្នាល Amazon E-Commerce

ប្រទេសកម្ពុជាមានសក្តាពលកំណើនយុវជនពេញកម្លាំងច្រើនសម្រាប់ជំរុញកំណើនសេដ្ឋកិច្ចជាតិ

វេទិកាកម្ពុជា-បារាំង ជាការពង្រឹងផ្នែកសេដ្ឋកិច្ច និងការផ្តល់ផលប្រយោជន៍ដល់ក្រុមហ៊ុនប្រទេសទាំងពីរ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សេដ្ឋកិច្ច និង កសិកម្ម

កំណើនវិស័យទេសចរណ៍ និងវិស័យចម្បងៗរបស់កម្ពុជា​កំពុងគាំទ្រ​សេដ្ឋកិច្ចជាតិ​ឱ្យងើប​ឡើងវិញ

ក្រុមហ៊ុនថៃធំៗលំដាប់អន្តរជាតិ កំពុងចូលមកវិនិយោគលើវិស័យជាច្រើននៅកម្ពុជា

ក្រសួងទេសចរណ៍សហការជាមួយ ជីប ម៉ុង នាំយក Gumball3000 មកកម្ពុជាក្នុងពេលឆាប់ៗ

ADB ព្យាករកំណើនសេដ្ឋកិច្ចសម្រាប់ប្រទេសកំពុងអភិវឌ្ឍនៅអាស៊ី និងប៉ាស៊ីហ្វិកក្នុងឆ្នាំនេះដល់ ៥%

វិស័យឯកជនចាត់ទុកការរៀបចំក្របខណ្ឌដឹកជញ្ជូនតាមផ្លូវទឹកជាការពង្រីកដំណើរសេដ្ឋកិច្ចរយៈពេលវែង

កម្ពុជាចូលរួមពិព័រណ៍ការតាំងបង្ហាញផលិតផលម៉ាកសម្គាល់ភូមិសាស្រ្តីទំនិញនៅប្រទេសស្វីស

ក្រសួងពាណិជ្ជកម្មពិភាក្សាជាមួយតំណាងក្រុមហ៊ុន Amazon ដើម្បីជំរុញការដាក់លក់​ផលិតផលខ្មែរនៅលើថ្នាល Amazon E-Commerce

ប្រទេសកម្ពុជាមានសក្តាពលកំណើនយុវជនពេញកម្លាំងច្រើនសម្រាប់ជំរុញកំណើនសេដ្ឋកិច្ចជាតិ

វេទិកាកម្ពុជា-បារាំង ជាការពង្រឹងផ្នែកសេដ្ឋកិច្ច និងការផ្តល់ផលប្រយោជន៍​ដល់ក្រុមហ៊ុន​ប្រទេស​ទាំងពីរ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កំណើនវិស័យទេសចរណ៍ និងវិស័យចម្បងៗរបស់កម្ពុជាកំពុងគាំទ្រសេដ្ឋកិច្ចជាតិឱ្យងើបឡើងវិញ

ក្រសួងពាណិជ្ជកម្មពិភាក្សាជាមួយតំណាងក្រុមហ៊ុន Amazon ដើម្បីជំរុញការដាក់លក់ផលិតផលខ្មែរនៅលើថ្នាល Amazon E-Commerce

វេទិកាកម្ពុជា-បារាំង ជាការពង្រឹងផ្នែកសេដ្ឋកិច្ច និងការផ្តល់ផលប្រយោជន៍ដល់ក្រុមហ៊ុនប្រទេសទាំងពីរ