នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រតិបត្តិការការទូទាត់តាម QR Code នៅកម្ពុជា កំពុងពេញនិយមសម្រាប់អ្នកប្រើប្រាស់
ឯកឧត្តម ឌិត ទីណា លើកទឹកចិត្តសហគមន៍ និងក្រុមហ៊ុន​បន្តស្មារតី​សាមគ្គីភាព ដើម្បី​ទទួល​ផល​ចំណេញ​ទាំងអស់គ្នាថែមទៀត
កម្ពុជា និងកូរ៉េ រួមគ្នាជំរុញការកាត់បន្ថយឧស្ម័ន​ផ្ទះកញ្ចក់​តាមរយៈ​ការ​វិនិយោគ​មធ្យោបាយ​ដឹកជញ្ជូន​-អគ្គិសនី ឆ្ពោះទៅគោលដៅអព្យាក្រឹតកាបូនឆ្នាំ២០៥០
កសិករខេត្តកំពង់ធំជិតពីររយគ្រួសារទទួលផលចំណេញច្រើនក្រោយចងក្រងជាសហគមន៍កសិកម្មទំនើប

សេដ្ឋកិច្ច និង កសិកម្ម

ធនាគារពិភពលោកបង្ហាញគន្លឹះមួយចំនួនដល់កម្ពុជា ដើម្បីស្តារសេដ្ឋកិច្ចឡើងវិញ

2022/02/01 12:37:10 pm        391
Facebook Telegram Linkin
ភ្នំពេញ៖ ធនាគារពិភពលោក៖ កម្ពុជាអាចស្តារសេដ្ឋកិច្ចឱ្យមានកំណើនទៀងទាត់ឡើងវិញ បានតាមរយៈការបង្កើនផលិតភាពរបស់ក្រុមហ៊ុន និងពលករ, ពង្រីកពិពិធភាពក្នុងផ្នែកនាំចេញ និងចាត់វិធានការនានាឈានទៅជំរុញការវិនិយោគក្នុងស្រុកថែមទៀត។នៅក្នុងជំនួយស្មារតីមួយ ស្តីពីស្ថានភាពសេដ្ឋកិច្ចរបស់កម្ពុជា កាលពីថ្ងៃទី៣១ ខែមករា ឆ្នាំ២០២២កន្លងទៅ ធនាគារពិភពលោក បានលើកឡើងបន្តថា កម្ពុជាធ្លាប់សម្រេចបានកំណើន​សេដ្ឋកិច្ច​ក្នុងអត្រាជាមធ្យម ៧,៧ភាគរយក្នុងមួយឆ្នាំ ចាប់ពីឆ្នាំ១៩៩៥ ដល់ឆ្នាំ២០១៩ ប៉ុន្តែអត្រានេះ បានស្រុតចុះយ៉ាងគំហុកអស់ចំនួនជាង ១០ភាគរយ ធ្វើឱ្យទំហំសេដ្ឋកិច្ចរួមមាឌអស់ ឬដក ៣,១ភាគរយ ក្នុងឆ្នាំ២០២០ មុននឹងរើបឡើងវិញសន្សឹមៗរហូតបានកំណើន ២,២ភាគរយ​នា​ដំណាច់​ឆ្នាំកន្លងទៅ។ លោកស្រី ម៉ារីយ៉ាម សាលីម (Maryam Salim) ប្រធានគ្រប់គ្រង​នៃធនាគារពិភពលោកប្រចាំ​ប្រទេស​កម្ពុជា មានប្រសាសន៍ថា ការងាកទៅរកគន្លងផ្លូវឆ្ពោះទៅមានកំណើនដោយចរីភាពវិញ ចាំបាច់​ត្រូវការ​របៀប​វារៈកែទម្រង់ប្រកប​ដោយ​មហិច្ឆតា​មួយ ​ដែល​ផ្តោតការយកចិត្តទុកដាក់លើការបង្កើន​សមត្ថភាព​របស់ក្រុមហ៊ុន​ពលករ ​និង​ក្រុមគ្រួសារនៅកម្ពុជា,ពង្រឹង​បទប្បញ្ញត្តិ ដើម្បីឆ្លើយតប​ទៅ​នឹង​សកម្មភាពបំភ្លៃលើទីផ្សារ​ និងកែលម្អបរិយាកាសធ្វើធុរកិច្ច និងការវិនិយោគថែមទៀតទៅលើហេដ្ឋា​រចនាសម្ព័ន្ធដែលទ្រទ្រង់ដល់កំណើនប្រកបដោយគុណភាព។ លោកស្រីបន្តថា ចំណាត់ការគោលនយោបាយរយៈពេលខ្លី និងមធ្យមមួយចំនួន អាច​មាន​ប្រយោជន៍​ដល់​យុទ្ធសាស្ត្រាស្តារសេដ្ឋកិច្ច ដែលនឹងអនុញ្ញាត​ឱ្យកម្ពុជាអាចកសាងសេដ្ឋកិច្ច​បាន​មកវិញកាន់តែរឹងមាំថែមទៀត​នៅក្រោយសម័យ​មានវិបត្តិកូវីដ-១៩។ធនាគារពិភពលោក បានបញ្ជាក់ថា កម្ពុជាមានជម្រើសច្រើនសម្រាប់ដោះស្រាយ​បញ្ហាខ្វះពិពិធកម្ម​ក្នុងសេដ្ឋកិច្ច និងសម្រាប់កសាងឡើងវិញ ឱ្យកាន់តែប្រសើរជាងមុន។ ការវិនិយោគទៅលើធនធានមនុស្ស,ការធ្វើឱ្យការបែងចែកធនធានឱ្យកាន់ តែមានប្រសិទ្ធផល តាមរយៈការកែលម្អសមត្ថភាពស្ថាប័នទីផ្សារ និងការបង្កើនការគ្រប់គ្រងការវិនិយោគ​សាធារណៈទាំង​អស់នេះស្ថិតក្នុងចំណោមជម្រើសដែលអាចជួយជំរុញផលិតភាពក្នុងសេដ្ឋកិច្ច។ ការបង្កើនការរួមចំណែករបស់ខ្លួនទៅក្នុងខ្សែច្រវាក់តម្លៃសាកល, ការបង្កើតតម្លៃបន្ថែម​ក្នុង​វិស័យ​កសិកម្ម និងការពង្រីកភាព​ប្រកួតប្រជែង​នៅក្នុងវិស័យសេវាកម្ម ​ក៏នឹងអាចជួយធ្វើឱ្យ ការនាំចេញ​កាន់តែមានភាពសម្បូវបែបផងដែរ។ សូមបញ្ជាក់ថា ក្នុងប៉ុន្មានឆ្នាំកន្លងទៅថ្មីៗនេ ផលិតផលចំនួន ៥មុខ រួមមានវិស័យកាត់ដេរ, ស្បែកជើង, អង្ករ, ដំឡូងមី និងទេសចរណ៍ មានទំហំ ៨០ភាគរយ នៃទំហំនាំចេញសរុបរបស់កម្ពុជា ប៉ុន្តែនៅក្នុងនោះមានទីផ្សារធំតែ២ប៉ុណ្ណោះគឺសហភាពអឺរ៉ុប ​និងសហរដ្ឋអាមេរិក ​ដែលស្រូបយក ៦៩ភាគរយ នៃ​បរិមាណទំនិញនាំចេញទាំងនោះ៕អត្ថបទ៖ បូរ៉ាវី

អគ្គនាយកដ្ឋានពន្ធដារ ចាប់ផ្តើមត្រួតពិនិត្យការបង់ពន្ធលើមធ្យោបាយដឹកជញ្ជូន

2022/02/01 12:20:29 pm        732
Facebook Telegram Linkin
ភ្នំពេញ៖ ក្រុមការងារចម្រុះរាជធានី-ខេត្ត ដឹកនាំដោយមន្ត្រីពន្ធដារ ចាប់ផ្តើមចុះត្រួតពិនិត្យការប្រកាសបង់ពន្ធលើមធ្យោបាយដឹកជញ្ជូន និងយានជំនិះគ្រប់ប្រភេទប្រចាំ ឆ្នាំ២០២១ នៅតាមគោលដៅមួយចំនួនលើកំណាត់ផ្លូវសំខាន់ៗ ចាប់ពីថ្ងៃទី០១ ខែកុម្ភៈ ឆ្នាំ២០២២ នេះតទៅ ។អគ្គនាកយដ្ឋានពន្ធដារ ប្រកាសជូនដំណឹងស្តីពីការចុះត្រួតពិនិត្យការប្រកាសបង់ពន្ធលើមធ្យោបាយ​ដឹកជញ្ជូន និងយានជំនិះគ្រប់ប្រភេទប្រចាំឆ្នាំ២០២១ នៃក្រុមការងារចម្រុះរាជធានី-ខេត្ត ដឹកនាំ​ដោយ​មន្ត្រីពន្ធដារ រួមសហការជាមួយ អាជ្ញាធរមានសមត្ថកិច្ចថ្នាក់ក្រោមជាតិ នឹងចុះត្រួតពិនិត្យ​ការប្រកាស​បង់ពន្ធ​លើមធ្យោបាយដឹកជញ្ជូន និងយានជំនិះគ្រប់ប្រភេទប្រចាំឆ្នាំ២០២១ នៅ​តាមគោលដៅមួយចំនួនលើកំណាត់ផ្លូវសំខាន់ៗនៃរាជធានី-ខេត្ត ចាប់ពីថ្ងៃទី ០១ ខែកុម្ភៈ ឆ្នាំ២០២២ នេះតទៅ ។ក្នុងករណីម្ចាស់យានយន្តខកខានមិនបានប្រកាសបង់ពន្ធលើមធ្យោបាយដឹកជញ្ជូន និងយានជំនិះ​គ្រប់ប្រភេទ​ប្រចាំឆ្នាំ២០២១ កន្លងទៅ សូមរួសរាន់ទៅប្រកាសបង់ពន្ធ និងបង់ប្រាក់ពិន័យតាមច្បាប់​ជាធរមាននៅអគ្គនាយកដ្ឋានពន្ធដារ ឬនៅតាមសាខាពន្ធដារខេត្ត-ខណ្ឌ, នៅធនាគារកាណាឌីយ៉ា, ធនាគារអេស៊ីលីដា, ធនាគារវឌ្ឍនៈ, ធនាគារ កម្ពុជាសាធារណៈ, ធនាគារ ជេត្រាស់ រ៉ូយ៉ាល់, ធនាគារស្ថាបនា, ធនាគារប្រៃសណីយ៍កម្ពុជា, ធនាគារវឌ្ឍនៈអាស៊ីចំកាត់ (ABA)។អគ្គនាយកដ្ឋានពន្ធដារ បញ្ជាក់ថា អ្នកបង់ពន្ធក៏អាចបង់តាមរយៈកម្មវិធី “GDT Taxpayer App” ដែលអាចទាញយកចេញពី App Store ចំពោះ iOS ឬ Play Store និង Android សម្រាប់យានយន្តដែលធ្លាប់បានប្រកាសបង់ពន្ធលើមធ្យោបាយដឹកជញ្ជូន និងយានជំនិះគ្រប់ប្រភេទ កន្លងមក។ តាមរយៈសេចក្តីជូនដំណឹងនេះ អគ្គនាយកដ្ឋានពន្ធដារមានក្តីសង្ឃឹម និងជឿជាក់យ៉ាងមុតមាំថា ម្ចាស់យានយន្តទាំងអស់ នឹងយកចិត្តទុកដាក់គោរពកាតព្វកិច្ចសារពើពន្ធ និងរួសរាន់​ទៅប្រកាស​បង់ពន្ធបានគ្រប់ៗគ្នា និងបានទាន់ពេលវេលា ស្របតាម បទប្បញ្ញត្តិនៃច្បាប់ ដើម្បីចៀសវាង​នូវ​ក្រុមការងារចម្រុះ រួមសហការជាមួយអាជ្ញាធរមានសមត្ថកិច្ចថ្នាក់ក្រោមជាតិ ធ្វើការ ឃាត់យាន​យន្តតាមដងផ្លូវតម្រូវឱ្យបង់ប្រាក់ពន្ធ ​ដែលនាំឱ្យខកខានពេលវេលា ​និង​កកស្ទះ​ចរាចរណ៍​ធ្វើដំណើរ ដែលអាចកើតមាននូវបាតុភាពអសកម្មដោយប្រការណាមួយជាយថាហេតុ ៕អត្ថបទ៖ សុន រ៉ាឌី

កម្ពុជាជំរុញវិនិយោគិនជប៉ុន លើគម្រោងអភិវឌ្ឍន៍ថាមពលកាបូនទាប និង​ហេដ្ឋា​រចនា​សម្ព័ន្ធ​ថាមពល

2022/01/28 02:16:09 pm        513
Facebook Telegram Linkin
ភ្នំពេញ៖ ក្រសួងរ៉ែ និងថាមពល ទាក់ទាញវិនិយោគិនជប៉ុន ពិចារណា លើគម្រោងវិនិយោគថាមពលស្អាត ឬថាមពលបច្ចេកកាបូនទាប និងគម្រោងវិនិយោគលើការកសាងហេដ្ឋារចនាសម្ព័ន្ធវិស័យថាមពលនៅកម្ពុជា។នេះជាការលើកឡើងរបស់ឯកឧត្តម ស៊ុយ សែម រដ្ឋមន្រ្តីក្រសួងរ៉ែនិងថាមពល ក្នុងជំនួបជាមួយនឹង ឯកឧត្តម មិកកាមិ ម៉ាសាហ៊ីរ៉ូ (Mikami Masahiro) ឯកអគ្គរាជទូតវិសាមញ្ញ និងពេញសមត្ថភាព​នៃ​ជប៉ុនប្រចាំនៅកម្ពុជាកាលពីថ្ងៃម្សិលមិញ។ក្នុងជំនួបខាងលើនេះ​ ឯកឧត្តម ស៊ុយ សែម បញ្ជាក់ពីជំហរនៃបង្កើនការប្រើប្រាស់ប្រភពថាមពល​កកើត​ឡើងវិញ​ និងប្រភពថាមពលផ្សេងទៀត ដែលមិនគ្រោះថ្នាក់ដល់បរិស្ថាន និងការមិនរៀប​ចំ​គម្រោងអភិវឌ្ឍរោងចក្រអគ្គិសនីប្រើធ្យូងថ្មថ្មីបន្ថែមទៀតទេ ក្រៅពីគម្រោងដែលបានសម្រេចរួច​ហើយ​តាំងពីឆ្នាំ២០១៩។បន្ថែមពីនេះ ឯកឧត្តមរដ្ឋមន្ត្រី ក៏បានលើកឡើងអំពីការវិនិយោគរបស់ក្រុមហ៊ុនថាមពលជប៉ុន​នៅ​កម្ពុជាផងដែរ គឺ​គម្រោង​វិនិយោគបន្ថែមម៉ាស៊ីន​ផលិត​អគ្គិសនី​ដើរដោយ​ធ្យូង​ថ្មអានុភាព 135MW ខេត្តព្រះសីហនុ​ និងការផ្តត់ផ្គង់នាឡិកាស្ទង់អគ្គិសនី ក៏ដូចជាគម្រោងបណ្តុះបណ្តាលបច្ចេកទេស​ដែល​ជា​ជំនួយ​ពីភាគីជប៉ុនផងដែរ។ឯកឧត្តមរដ្ឋមន្ត្រី បានស្នើសុំឱ្យឯកឧត្តមឯកអគ្គរាជទូត ជួយផ្សព្វផ្សាយនិងគៀងគរក្រុមហ៊ុន​វិនិយោគ​ជប៉ុន មកកម្ពុជាបន្ថែមទៀតលើគម្រោងអភិវឌ្ឍន៍រោងចក្រអគិ្គសនី និង​គម្រោង​ខ្សែ​បណ្តាញ​បញ្ជូន​អគិ្គសនី ​ក៏ដូចជាបន្តផ្តល់ជំនួយបច្ចេកទេស និងគម្រោងបណ្តុះបណ្តាលបន្ថែមទៀត​ជូនក្រសួង។ជាការឆ្លើយតប​ឯកឧត្តមឯកអគ្គរាជទូត ​មានប្រសាសន៍ថា ស្ថានទូតជប៉ុន មានបំណងស្វែងយល់​អំពី​គម្រោង​អន្តរកាលថាមពល ​និងអព្យាក្រឹត្យកាបូនកម្ពុជា ការបង្កើនការប្រើប្រាស់ប្រភពថាមពល​កកើតឡើងវិញ និងប្រភពថាមពលផ្សេងទៀត​ ដែលមិនគ្រោះថ្នាក់ដល់បរិស្ថាន ជាមួយ​នឹង​ការ​រៀបចំ​គោល​នយោបាយ និងការអភិវឌ្ឍគម្រោងស្តីពីប្រសិទ្ធភាពថាមពល៕ អត្ថបទ៖ វណ្ណៈ

រោងចក្រដំឡើងរថយន្តយីយោ Ford នឹងបើកដំណើរក្នុងខែមេសាខាងមុខ

2022/01/28 01:46:12 pm        18
Facebook Telegram Linkin
ភ្នំពេញ៖ រោងចក្រផ្គុំ និងដំឡើងរថយន្ត យីហោ Ford របស់ក្រុមហ៊ុន RMA Automotive (Cambodia) មានទីតាំងនៅខេត្តពោធិ៍សាត់ នឹងបើកដំណើរការ នៅក្នុងខែមេសា ខាងមុខនេះ ខណៈបច្ចុប្បន្នគម្រោងនៃការរៀបចំបានប្រព្រឹត្តទៅដោយរលូន ទៅតាមផែនការដែលបានគ្រោងទុក។លោក ងន សាំង អគ្គនាយកក្រុមហ៊ុន RMA AUTOMOTIVE (CAMBODIA) បានថ្លែងលើកឡើង​ក្នុង​កិច្ចសម្ភាសន៍ជាមួយភ្នាក់ងារអ្នកយកព័ត៌មាន នៅថ្ងៃទី ២៧ ខែមករា ឆ្នាំ២០២២នេះថា គិតមក​ដល់ពេលនេះ ក្រុមហ៊ុនបានសាងសង់សម្រេចបាន ៨០% រួចហើយ នៅក្នុងឃុំស្នាអន្សា ស្រុកក្រគរ ខេត្តពោធិ៍សាត់ ដោយបច្ចុប្បន្នគម្រោងនេះ បានកំពុងសាងសង់ និងរៀបចំឧបករណ៍នៃការផ្គុំ តម្លើង ដោយប្រព្រឹត្តទៅដោយរលូន តាមផែនការដែលបានគ្រោងទុក នឹងឈានទៅបើកដាក់ឲ្យដំណើរការ​ជាផ្លូវការ នៅក្នុងខែ មេសា ឆ្នាំ ២០២២ ខាងមុខនេះ។លោក ងន សាំង បន្តថា ជុំវិញកិច្ចដំណើរនេះ ចំពោះផ្នែកធនធានមនុស្ស គិតមកដល់ពេលនេះ​ក្រុមហ៊ុន​បាន​ជ្រើសរើស​បុគ្គិលជំនាញ, បុគ្គលិក​ និងកម្មករបម្រើការងារទូទៅ ដោយបាន​បណ្តុះ​បណ្តាល​ជំនាញជូនពួគគាត់ស្ទើរចប់ ១០០%។ ក្រុមហ៊ុន​នឹង​ដំឡើង​រថយន្តពីរម៉ូដែល នៅក្នុងផែនការដំឡើង​ចំនួន ៤ ៥០០ គ្រឿង ដើម្បីឆ្លើយតប​ទៅ​នឹងតម្រូវការប្រើប្រាស់ក្នុងស្រុក ។ លោក បានលើកឡើងបន្តថា ជុំវិញការផ្គុំ និងដំឡើង​រថយន្ត កម្ពុជានឹងទទួលបាន​អត្ថប្រយោជន៍​ជាច្រើនដូចជា៖ លំហូរនៃបច្ចេកវិទ្យាថ្មីៗចូលមកកម្ពុជាសម្រាប់បម្រើការងារទីផ្សារក្នុង ស្រុក ការស្រូបយកវិនិយោគិនថ្មីៗបន្ថែម។ ជាក់ស្តែងមកដល់ពេលនេះ មានក្រុមហ៊ុនផ្សេងៗជាច្រើន មកទំនាក់ទំនងក្នុងការបង្កើតរោងចក្រសម្រាប់ផ្គត់ផ្គង់សម្ភារៈផ្សេងៗ ទៅឲ្យក្រុមហ៊ុន FORD សម្រាប់ការផ្គុំ និងដំឡើង និងសម្រាប់ទីផ្សារនាំចេញរបស់ក្រុមហ៊ុនទាំង នោះផងដែរ។ សូមបញ្ជាក់ថា៖ ជុំវិញការប្រើប្រាស់យានយន្តនៅកម្ពុជា បើតាមរបាយការណ៍ក្រសួងសាធារណការ និងដឹកជញ្ជូនបង្ហាញឲ្យដឹងថាកំណើនរថយន្ត ​និងទោចក្រយានយន្ត ដែលចរាចរណ៍នៅ​តាមដងផ្លូវ​នាពេលបច្ចុប្បន្ន ធៀបនឹងឆ្នាំ១៩៩៨ ចំនួនរថយន្ត មានការកើនឡើងប្រមាណពី ៦,៥ ម៉ឺនគ្រឿង រហូតដល់ ៩២ ម៉ឺនគ្រឿង ចំណែកចំនួនទោចក្រយានយន្តវិញ កើនឡើងប្រមាណពី ២០ ម៉ឺនគ្រឿង រហូតដល់ ៥,២ លានគ្រឿង៕ អត្ថបទ៖ សុន រ៉ាឌី

ក្រុមហ៊ុនកសិកម្មនៅខេត្តក្រចេះ ត្រូវការកម្លាំងពលកម្ម២ម៉ឺននាក់ សម្រាប់​វេចខ្ចប់​ទំនិញ​នាំ​ចេញ​ទៅ​ចិន

2022/01/27 01:20:55 pm        395
Facebook Telegram Linkin
ក្រចេះ៖ ឯកឧត្តមបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ កាលពីកន្លងទៅនេះ បានដឹកនាំគណៈប្រតិភូ អញ្ជើញចុះទស្សនកិច្ចពីដំណើរការខ្សែច្រវ៉ាក់ប្រមូលផល និងវេចខ្ចប់នាំចេញ, ចុះសួរសុខទុក្ខកម្មករ និងជំរុញការអនុវត្តគោលនយោបាយជាតិស្តីពីមុខរបរ និងការងារ នៅក្រុមហ៊ុន ថាហ្រ្គីកូ (THAGRICO) នៅខេត្តក្រចេះ។ក្រសួងការងារ និងបណ្តុះបណ្តាលវិជ្ជាជីវៈ កាលពីរាត្រីទី២៦ មករា ឆ្នាំ២០២២កន្លងទៅ បានឲ្យដឹងថា ក្រុមហ៊ុន ថាហ្រ្គីកូ ជាក្រុមហ៊ុនកសិកម្មដ៏ធំមួយវិនិយោគដោយជនជាតិវៀតណាម មានទីតាំងស្ថិតនៅស្រុកស្នួល ខេត្តក្រចេះ ហើយបច្ចុប្បន្ននេះ ក្រុមហ៊ុនកំពុងប្រឈមនឹងកង្វះខាត​កម្លាំងពលកម្មចំនួនប្រមាណ ២ម៉ឺននាក់ ដើម្បីដំណើរការអាជីវកម្មផលិតកម្ម និងការវេចខ្ចប់​ផលិតផល​នាំចេញទៅលក់នៅប្រទេសចិន។តាមការលើកឡើងរបស់តំណាងក្រុមហ៊ុន បានឲ្យដឹងថា ក្រុមហ៊ុនចាប់ផ្ដើមដំណើរការនៅ​ក្នុង​ឆ្នាំ២០១៩។ ផលិតផលកសិកម្មរបស់ក្រុមហ៊ុន រួមមាន៖ ចេក ស្វាយ ខ្នុរ។ ផលិតផលទាំងនេះត្រូវ​បាននាំចេញទៅកាន់ទីផ្សារប្រទេសចិនជាចម្បង។ នៅឆ្នាំ២០២១ ក្រុមហ៊ុន​បាននាំចេញផ្លែឈើ​គ្រប់ប្រភេទចំនួន២០ម៉ឺន ៨ពាន់តោន និងនាំចេញចំនួន ១ម៉ឺនកុងតឺន័រ។ចំពោះប្រាក់ចំណូលរបស់កម្មករវិញទទួលបានចាប់ពី ២៤០ ដល់ ៣០០ដុល្លារ ក្នុងមួយខែ។ជាការឆ្លើយតបសំណើរខាងលើនេះ ឯកឧត្តមបណ្ឌិត អ៊ិត សំហេង បានផ្តល់ណែនាំដល់មន្ទីរការងារ​ខេត្តក្រចេះ ​និងមន្ទីរការងារមួយចំនួនទៀតនៅក្បែរគ្នា ជួយផ្សព្វផ្សាយជ្រើសរើសកម្លាំង​ពលកម្មឲ្យបានគ្រប់តាមតម្រូវការ ក្នុងន័យនេះ ឯកឧត្តមរដ្ឋមន្ត្រី បានស្នើទៅខាងក្រុមហ៊ុនវិញ សូមជួយបណ្តុះបណ្តាល​សមត្ថភាពបន្ថែមដល់កម្មករ ​តាមរយៈធ្វើការបណ្តើរនិងរៀនបណ្តើរ។ មួយវិញទៀតសម្រាប់កម្លាំងពលកម្មជំនាញបរទេស ដែលមានកូតាលើសពី ១០ភាគរយ ក្រុមហ៊ុន​ត្រូវដាក់​សំណើសុំមកក្រសួង ​ដោយបញ្ជាក់ឱ្យបានលម្អិតនូវជំនាញ ឯកទេស វិជ្ជាជីវៈជនបរទេស ដែលមានតម្រូវការ និងមូលហេតុដែលបណ្ដាលឱ្យមាន​តម្រូវ​ការ​ប្រើប្រាស់​ហត្ថពលកម្មបរទេស​លើចំនួន ១០%នេះ។ ទន្ទឹមនេះ ឯកឧត្តម បានឲ្យក្រុមហ៊ុន​អនុវត្តទៅតាម​លក្ខខណ្ឌ​ការងារ ​និងច្បាប់ស្តីពីការងារ​របស់កម្ពុជា​ឲ្យបានល្អប្រសើរ​ ដើម្បីកាត់បន្ថយបាននូវជម្លោះការងារ ឈានទៅរក​សុខដុមនីយកម្ម​ទំនាក់ទំនង​វិជ្ជាជីវៈរវាងកម្មករ និងក្រុមហ៊ុន។ នៅក្នុងឱកាសនេះ ឯកឧត្តមរដ្ឋមន្រ្តីបានវាយតម្លៃខ្ពស់ចំពោះការវិនិយោគរបស់​ក្រុមហ៊ុនមួយនេះ​នៅក្នុងប្រទេសកម្ពុជា ​ជាពិសេសក្នុងតំបន់អភិវឌ្ឍន៍ត្រីកោណ (កម្ពុជា វៀតណាម ឡាវ) ដែលកាល​ពីអតីតកាល ​តំបន់នេះជាតំបន់សង្រ្គាមបង្ហូរឈាមមួយ លុះមកដល់បច្ចុប្បន្ននេះបានប្រែក្លាយ​ជា​តំបន់សន្តិភាព ដែលបានផ្តល់កម្លាំងពលកម្មដល់ប្រជាជននៅក្នុងខេត្តឲ្យមានការងារធ្វើ និង​អាចដោះស្រាយ​នូវជីវភាពបានប្រសើរមួយកម្រិត៕អត្ថបទ៖ ឈិត បូរ៉ាវី 

ក្រុមហ៊ុនជប៉ុន បង្ហាញគម្រោងវិនិយោគវិស័យសូត្រ និងផលិតផលកែច្នៃសូត្រនៅកម្ពុជា

2022/01/27 01:09:21 pm        1069
Facebook Telegram Linkin
ភ្នំពេញ៖ ក្រុមហ៊ុនជប៉ុន iL BRiLLE បានបង្ហាញគម្រោងវិនិយោគលើផលិតកម្មសូត្រខ្មែរ តាមរយៈការបង្កើត Cambodian Golden Silk ដើម្បីផលិតសូត្រសម្រាប់បម្រើឲ្យវិស័យវាយនភ័ណ្ឌ និងជាពិសេសកែច្នៃផលិតផលសូត្រនេះ ទៅជាសារធាតុប្រូតេអីន សម្រាប់យកទៅបម្រើឲ្យវិស័យគ្រឿងសំអាង ដែលកំពុងពេញនិយមសម្រាប់ស្រ្តីជនជាតិជប៉ុន និងទីផ្សារក្នុងតំបន់ នាពេលបច្ចុប្បន្ន។ឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ កាលពីរសៀលថ្ងៃទី២៦ ខែមករា ឆ្នាំ២០២២នេះ បានអនុញ្ញាតឲ្យលោកនាយកក្រុមហ៊ុនជប៉ុន iL BRiLLE ដឹកនាំដោយ ឯកឧត្តម Takahashi អតីតអគ្គរដ្ឋទូតជប៉ុនប្រចាំនៅកម្ពុជា និងសហការីចូលជួបសម្តែងការគួរសម និងជម្រាបជូនអំពីគម្រោងបង្កើតក្រុមការងារ " Cambodian Golden Silk (CGS)" នៅកម្ពុជានាពេលអនាគត។នៅក្នុងជំនួបនេះ ភាគីជប៉ុនបានជម្រាបជូនឯកឧត្តមរដ្ឋមន្រ្តីជ្រាបដោយសង្ខេបថា ដោយយល់​ឃើញ​កម្ពុជា​មាន​សក្តានុពល​លើវិស័យផលិតកម្មសូត្រ ហើយដែលជនជាតិខ្មែរ​បាន​ប្រតិបត្តិ​ជា​ប្រពៃណីអំពីការផលិតហូល-ផាមួងពីសូត្រ ​ជាច្រើន​សតវត្ស​មកហើយ ​ដូចជា​នៅខេត្តតាកែវ បន្ទាយមានជ័យ សៀមរាប និងកំពង់ធំ​ ប៉ុន្តែនៅប៉ុន្មានឆ្នាំចុងក្រោយនេះ ផលិតកម្មសូត្រខ្មែរ​ត្រូវបានធ្លាក់ចុះ។ភាគីជប៉ុនបានលើកថា Cambodian Golden Silk និងផ្តល់អត្ថប្រយោជន៍​យ៉ាងច្រើនជូន​ដល់ស្រ្តី​តម្បាញ​នៅតាមជនបទដែល​ជា​ប្រភពផលិតហូល-ផាមួងមានការងារធ្វើ, ជួយលើកកម្ពស់តម្លៃ​បន្ថែម​តាមរយៈការកែច្នៃផលិតសូត្រទៅជាសារធាតុប្រូតេអីនបម្រើឲ្យវិស័យគ្រឿងសំអាង, បង្កើតមជ្ឈមណ្ឌបង្កាត់​ ភ្ញាស់ដង្កូវនាងពូជល្អៗ​ ផ្តល់​ទិន្នផល​ខ្ពស់រួចផ្សព្វផ្សាយ​ជូនអ្នកចិញ្ចឹម និងស្នើសុំអង្គការ UNESCO ចុះបញ្ជីសូត្រជា​មរតកវប្បធម៌ខ្មែរ។ឯកឧត្តម វេង សាខុន ​មានប្រសាសន៍ថា គម្រោងវិនិយោគនេះ វានឹងជួយកសាងកំលាំងផលិតសូត្រ​ខ្មែរ​ឡើងវិញ ដើម្បីបម្រើទីផ្សារសូត្រក្នុងស្រុក ​កាត់បន្ថយការនាំចូល​ ធ្វើឲ្យសិប្បកម្មតម្បាញហូល-ផាមួងដំណើរការប្រកបដោយ​និរន្តរភាព ​ពលរដ្ឋនៅមូលដ្ឋានមានការងារធ្វើ កាត់​បន្ថយ​ការធ្វើ​ចំណាក​ស្រុក ប្រើប្រាស់ឲ្យអស់លទ្ធភាពវត្ថុធាតុដើម​ផលិតចេញពីសូត្រខ្មែរ ​ដើម្បីបង្កើន​តម្លៃបន្ថែម និង​លើកកម្ពស់ប្រពៃណីវប្បធម៌ត្បាញហូល-ផាមួង​ដែល​ជាមរតករបស់បុព្វបុរសខ្មែរ និង​ជា​ពិសេស​ណែនាំ​ឲ្យ​បរទេស​បាន​ស្គាល់ពីតម្លៃ​សូត្រខ្មែរតាមរយ:ផលិតផលនានា​ដែល​ផលិត​ចេញ​ពីសូត្រ៕ អត្ថបទ៖ បូរ៉ាវី

ផលិតកម្មដំណាំកម្ពុជាឆ្នាំ២០២១ សម្រេចបានជាង ៣៥លានតោន មានតម្លៃប្រមាណ ១០ពាន់លានដុល្លារ

2022/01/27 12:29:46 pm        753
Facebook Telegram Linkin
ភ្នំពេញ៖ សម្រាប់វិស័យកសិកម្មនៅកម្ពុជាក្នុងឆ្នាំ២០២១ ទោះមានវិបត្តិកូវីដ-១៩យ៉ាងណាក្ដី កម្ពុជានៅតែអាចរក្សាកំណើនទាំងការផលិត និងការនាំចេញ។ ជាក់ស្ដែង កម្ពុជាសម្រេចបានផលិតកម្មដំណាំជាង ៣៥លានតោន ដោយមានតម្លៃតាមការប៉ានស្មានសរុបជាង ១០ពាន់លានដុល្លារ។ពាក់ព័ន្ធនឹងវិស័យកសិកម្មក្នុងឆ្នាំ ២០២១កន្លងទៅនេះ គឺកម្ពុជាសម្រេចបានលទ្ធផលយ៉ាងល្អប្រសើរ ទាំងការផលិត ការនាំចេញ និងតម្លៃសរុបទៅលើផលិតកម្មដំណាំដែលផលិតបាន។ នេះជាការបញ្ជាក់របស់ ឯកឧត្តម ងិន ឆាយ ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គនាយកនៃអគ្គនាយកដ្ឋានកសិកម្ម ក្នុងឱកាសកិច្ចប្រជុំបូកសរុបលទ្ធផលការងារអនុវិស័យដំណាំកសិកម្មឆ្នាំ ២០២១ និងលើកទិសដៅឆ្នាំ ២០២២។ឯកឧត្តម បានបញ្ជាក់ថា កម្ពុជាមានកំណើនផលិតកម្មដំណាំពីជាង ២៩លានតោន នៅឆ្នាំ២០២០ ដល់ជាង ៣៥លានតោន នៅឆ្នាំ២០២១ ពោលគឺបានកើនឡើងជាង២០% ក្នុងនោះ ផលិតកម្មដំណាំស្រូវបានកើនឡើង ១១,៦% ផលិតកម្មដំណាំសាកវប្បកម្មបានកើនឡើង១៦,៥% និងផលិតកម្មដំណាំឧស្សាហកម្មបានកើនឡើង៣៤,៥% រីឯការនាំចេញផលិតផលកសិកម្មក៏បាន​កើនឡើង​យ៉ាង​ប្រសើរពី ៤,៨៧លានតោន ដល់ ៧,៩៨លានតោនគឺ ៦៤%។ ជាមួយគ្នានេះតាមការប៉ាន់ស្មានទំហំទឹកប្រាក់ដែលទទួលបានពីផលិតកម្មដំណាំឆ្នាំ២០២១ មាន​ប្រមាណ ១០ពាន់លានដុល្លារអាមេរិកដែលមានការកើនឡើងចំនួន២៤,៨២%។ពាក់ព័ន្ធនឹងកំណើនផលិតកម្មកសិកម្មដែលសម្រេចបានក្នុងឆ្នាំ ២០២១កន្លងទៅនេះ ​ឯកឧត្តម វេង សាខុន រដ្ឋមន្រីក្រសួងកសិកម្ម បានលើកឡើងដែរថា ​ក្នុងបរិបទកូវីដ-១៩នេះ ក្រសួងកសិកម្ម បាន​ខិតខំ​បំពេញ​កាតព្វកិច្ចរបស់​ខ្លួន​យ៉ាងសកម្ម សំដៅប្រែក្លាយកសិកម្មកម្ពុជា​ឱ្យក្លាយជាកសិកម្មទំនើប​មាន​លក្ខណៈប្រកួតប្រជែង​ បរិយាប័ន្ន ​ធន់នឹងការប្រែប្រួលអាកាសធាតុ និងនិរន្តរភាព សំដៅបង្កើន​ប្រាក់​ចំណូលគ្រួសារកសិករតាមអភិក្រមនិងវិសាលភាពថ្មី ដោយត្រូវប្រែក្លាយវិស័យនេះ​ពី​ដំណាក់កាល​នៃការអភិវឌ្ឍតាមបែប​យថាផល​ឈានទៅរកដំណាក់កាលថ្មី ដែលផ្តោតលើ​ប្រពល​វប្បកម្ម ព្រមទាំងលើកកម្ពស់ពិពិធភាវូប-នីយកម្មដំណាំដែលមានសក្តានុពល​ប្រកប​ដោយភាព​វៃឆ្លាត ​មានផលចំណេញ​ខ្ពស់ក្នុងបរិបទនៃតម្រូវការទីផ្សារទាំងក្នុង និងក្រៅប្រទេសប្រកបដោយ​គុណភាព និងសុវត្ថិភាព ក៏ដូចជាការទាក់ទាញវិនិយោគិនផងដែរ។យ៉ាងណាម៉ិញ​កម្ពុជាក្នុងពេលបច្ចុប្បន្ននេះ​ ពុំទាន់មានទាន់អាចសម្រេច ទាន់អាចសម្រេចនូវគោល​ដៅ​នាំចេញអង្ករមួយលានតោនក្នុងមួយឆ្នាំនៅឡើយទេ ​ដោយសារតែមានដៃគូប្រជែងដ៏ខ្លាំងដូចជា​ប្រទេសវៀតណាម​ក្នុងមួយឆ្នាំនាំចេញប្រមាណប្រាំលានតោន ប្រទេសថៃប្រមាណប្រាំមួយ​លានតោន ​ឥណ្ឌាក៏ជាប្រទេសនាំចេញអង្ករដ៏ធំមួយផងដែរ៕ អត្ថបទ៖ គឹមហុក 

ចិញ្ចឹមត្រីអណ្ដែង ​និងដាំបន្លែលក្ខណៈគ្រួសារបែបធម្មជាតិ ​ជួយ​សន្សំសំចៃជីវភាព​និង​មាន​សុខភាព​ល្អ

2022/01/26 04:01:46 pm        688
Facebook Telegram Linkin
កំពង់ឆ្នាំង៖ កសិករខ្លះនៅក្នុងភូមិបឹងលាជ ឃុំសេដ្ឋី ស្រុកសាមគ្គីមានជ័យ ខេត្តកំពង់ឆ្នាំង បានប្រាប់ពីវិធីសន្សំសំចៃការចំណាយប្រចាំ និងមានសុខភាពល្អសម្រាប់ក្រុមគ្រួសារ គឺការដាំបន្លែ និងចិញ្ចឹមត្រី ជាលក្ខណៈគ្រួសារតាមបែបធម្មជាតិ។កសិករម្នាក់ឈ្មោះ ចក់ ធឿន រស់នៅភូមិបឹងលាជ ឃុំសេដ្ឋី ស្រុកសាមគ្គីមានជ័យ ខេត្តកំពង់ឆ្នាំង បានឱ្យដឹងថា រយៈពេល៦ឆ្នាំមកហើយ ដែលលោកបានចាប់យកមុខរបរចិញ្ចឹមត្រីអណ្ដែង​ជា​លក្ខណៈគ្រួសារ ក្នុងស្រះប្លាស្ទិកតែពីរកូនស្រះតូចៗតែប៉ុណ្ណោះ អាចផ្គត់ផ្គង់ជីវភាពគ្រួសារបាន​ពេញមួយឆ្នាំគួបផ្សំ នឹងការដាំដុះបន្លែ និងចិញ្ចឹមមាន់ខ្លះទៀត គឺមិនបាច់ទៅរកទិញត្រីសាច់នៅ​ទីផ្សារឡើយ​ញឹកញាប់ឡើយ។កសិកររូបនេះ បានឲ្យដឹងទៀតថា ការចិញ្ចឹមត្រីអណ្ដែងក្នុងស្រះប្លាស្ទិក តាមបែបធម្មជាតិ​ចំណាយ​ពេលប្រមាណបីខែ គឺនៅពេលដែលត្រី ចំនួនចាប់ពី៥ទៅ៧ក្បាល ​មានទម្ងន់មួយគីឡូក្រាម អាច ចាប់លក់បានហើយ និងបានថ្លៃពី៨ពាន់ ទៅ១ម៉ឺនរៀល ក្នុងមួយគីឡូក្រាម។ ដោយឡែក ការចិញ្ចឹមត្រីដោយឱ្យចំណីផលិត គឺពិតជាឆាប់ធំធាត់ជាងពិតមែន​ តែសាច់ត្រី មិនសូវ​មាន​រសជាតិទេ និងមិនមានសុវត្ថិភាពចំពោះសុខភាពនោះឡើយ ។កសិករ ចក់ ធឿន បានអំពាវនាវដល់ប្រជាកសិករទាំងឡាយ កុំទុកដីឱ្យនៅទំនេរ ​សូម​សាកល្បង ចិញ្ចឹមត្រីអណ្តែងក្នុងស្រះប្លាស្ទិក ​ពិតមិនលំបាកឡើយ ​ដែល​អាច​ផ្គត់ផ្គង់​ជីវភាព​ប្រចាំថ្ងៃបានល្អ ជាពិសេសការបរិភោគត្រីឱ្យចំណីធម្មជាតិ ​និង​បន្លែ​សុវត្ថិភាព គឺ​ពិតជា​ផ្តល់​សុខភាព​ល្អ​ដល់​ក្រុម​គ្រួសារ​យ៉ាងពិតប្រាកដ៕ អត្ថបទ៖ ហុង វាស្នា

ចំនួន​វិនិយោគិនបរទេស ចូលមកវិនិយោគ​នៅ​កម្ពុជា​ រំពឹង​ថា​កើន​ឡើង​ក្នុងឆ្នាំនេះ

2022/01/26 02:49:48 pm        643
Facebook Telegram Linkin
ភ្នំពេញ៖ វិស័យឯកជនរំពឹងថា បន្ទាប់ពីចូលឆ្នាំចិននេះរួច វិនិយោគិនចិនជាច្រើន រួមជាមួយវិនិយោគិនប្រទេស ផ្សេងៗទៀត នឹងចូលមក កម្ពុជាដើម្បីសិក្សាស្វែងយល់ និងបោះទុនវិនិយោគបន្ថែមទៀត ដើម្បីផលិតបម្រើ ទីផ្សារនាំចេញ ស្របពេលដែលកម្ពុជា បានទប់ស្កាត់ការប្រយុទ្ធប្រឆាំងនិងជំងឺកូវីដ១៩ មានភាពល្អប្រសើរ។លោកឧកញ៉ា លឹម ហេង អនុប្រធានសភាពពាណិជ្ជកម្មកម្ពុជា ថ្លែង​លើកឡើងក្នុងកិច្ច​សម្ភាសន៍​តាមរយៈទូរស័ព្ទជាមួយភ្នាក់ងារអ្នកយកព័ត៌មាន BTV ​នៅថ្ងៃទី ២៥ ខែ មករា ឆ្នាំ ២០២១ នេះ បាន​លើកឡើង​ពីការខិតខំប្រឹងប្រែង​របស់រាជរដ្ឋាភិបាល​ ក្នុងការទាក់ទាញអ្នកវិនិយោគ ជាពិសេស​ការលើកកម្ពស់ដល់ឱកាសវិនិយោគ ​ស្របពេលដែលកម្ពុជា​បានចុះកិច្ចព្រមព្រៀងពាណិជ្ជកម្មសេរី និងការកែលម្អច្បាប់ស្តីពីការ វិនិយោគជាដើម​ នឹងធ្វើឲ្យកម្ពុជាទទួលបានអត្ថប្រយោជន៍ ក្នុងការ​ស្រូប​យកវិនិយោគិនថ្មីៗកាន់តែច្រើនបន្ថែមទៀត។លោកឧកញ៉ា បន្តថា ចំពោះវិស័យឯកជនក៏ជាសេនាធិការរបស់រាជរដ្ឋាភិបាល យ៉ាងសំខាន់ ជាក់ស្តែងនាពេល កន្លងមកក៏ដូចបច្ចុប្បន្ន ​សភាពពាណិជ្ជកម្មកម្ពុជាបានរៀបចំសិក្ខាសាលា និងការទំនាក់ទំនង​ជាមួយ ​ដៃគូវិនិយោគ ​ក្រៅប្រទេសជាច្រើន នឹងស្របពេលដែលកម្ពុជាបាន​ទប់ស្កាត់ការប្រយុទ្ធប្រឆាំង និងជំងឺកូវីដ១៩ ​មានភាពល្អប្រសើរបន្ថែមទៀតនោះ។ លោកឧកញ៉ារំពឹងថា ​កម្ពុជា​អាចស្រូបយក​វិនិយោគិន​កាន់​តែច្រើន​នៅក្នុងឆ្នាំនេះ និង​ឆ្នាំ​ជាបន្តបន្ទាប់។ចំណែកលោក វ៉ា វីរៈ នាយកក្រុមហ៊ុន Century 21 ​លើកឡើងថា ​នៅក្នុងឆ្នាំ​២០២២ នេះ បន្ទាប់​ពីរាជរដ្ឋាភិបាលបានទប់ស្កាត់ ​និងការប្រយុទ្ធប្រឆាំង ​និងជំងឺកូវីដ១៩ ​បានល្អប្រសើរ ជា​ពិសេស​កម្ពុជា​លែង​មានអត្រា ​អ្នកស្លាប់ដោយជម្ងឺកូវីដ១៩​ កម្ពុជា​គឺជាប្រទេសមួយ លើការទាក់ទាញ​វិនិយោគិន​បរទេស ចូលមកវិនិយោគ​បន្ថែមទៀត ​ខណៈដែលប្រទេសមួយចំនួន នៅកំពុងបន្ត​នៃការរីករាលជម្ងឺកូវីដ១៩ ​នេះនៅឡើយ។ឯកឧត្តម ឡុង ឌីម៉ង់ អ្នកនាំពាក្យនិងជាអភិបាលរងខេត្តព្រះសីហនុ ​បានថ្លែងឲ្យដឹងថា បន្ទាប់​ពី​រាជរដ្ឋាភិបាលបាន​គ្រប់គ្រង​រោគរាតត្បាត​កូវីដ១៩ ​បានល្អប្រសើរ ​និងមានទំនុកចិត្ត, បច្ចុប្បន្ន​វិនិយោគិន​បរទេស​ជាពិសេសអ្នក​ វិនិយោគចិន ​បានចុះមកសិក្សា និងស្វែងរកទីតាំង​វិនិយោគ​ជា​បណ្តើរៗហើយ ក្នុងនោះក៏មានអ្នកវិនិយោគ ​មួយចំនួន​បានបើកអាជីវកម្ម​រោងចក្រ សហគ្រាស​ជាបណ្តើរៗផងដែរ៕អត្ថបទ៖ សុន រ៉ាឌី

ដើមឆ្នាំ២០២២ ខេត្តកំពង់ឆ្នាំងប្រមូលផលនេសាទ បានជាង៣ម៉ឺនតោន

2022/01/26 12:42:33 pm        598
Facebook Telegram Linkin
កំពង់ឆ្នាំង៖ ឯកឧត្តម ស៊ុន សុវណ្ណារិទ្ធ អភិបាលខេត្តកំពង់ឆ្នាំង លើកឡើងថា នៅដើមឆ្នាំ២០២២នេះ ខេត្តកំពង់ឆ្នាំង ប្រមូលផលនេសាទបានជាង ៣ម៉ឺនតោន បានកើនឡើងជាង ២ពាន់តោន ធៀបនឹងរយៈពេលដូចគ្នាកាលពីឆ្នាំ២០២១។ក្នុងសន្និសីទសារព័ត៌មានស្តីពី វឌ្ឍនភាពមូលដ្ឋានឃុំសង្កាត់ និងទិសដៅការងារបន្ត ក្នុង​ខេត្តកំពង់ឆ្នាំង កាលពីថ្ងៃទី២៥ ខែមករា ឆ្នាំ២០២២ នាទីស្ដីការគណៈរដ្ឋមន្ត្រី ឯកឧត្តម ស៊ុន សុវណ្ណារិទ្ធ មានប្រសាសន៍ថា ការប្រមូលផលនេសាទ នៅក្នុងដែននេសាទបានជាង ១៨ ០០០តោន តាមវាលស្រែជាង ២ ១០០តោន និងនៅក្នុងវារីវប្បកម្មបានជិត ១ម៉ឺនតោន គិតរយៈពេលដូចគ្នា កាលពីឆ្នាំកន្លងទៅ កើនឡើង២ ៥២០តោន ។ឯកឧត្តម បានបន្តថា សម្រាប់ការចិញ្ចឹមតាមបែបវារីវប្បកម្ម មានគោលដៅ ចិញ្ចឹមយក​ជា​កសិទេសចរណ៍​ ដោយនៅកន្លែងចិញ្ចឹមត្រី​ ឬនៅវាលស្រែ​ មានជីកស្រះធំៗ កន្លែងអាហារដ្ឋាន ឬភោជនីយដ្ឋាន អាចឲ្យភ្ញៀវអង្គុយកម្សាន្ត ឬទៅស្ទួចត្រីជាដើម ។ក្នុងឱកាសនោះ ឯកឧត្តម ស៊ុន សុវណ្ណារិទ្ធ បានបញ្ជាក់ថា ពាក់ព័ន្ធនឹងការចិញ្ចឹមត្រីនេះ ដោយ​សាមានពលរដ្ឋខ្លះចិញ្ចឹមតាមបែ ​ហើយប្រើប្រាស់ឈើច្រើន​ ត្រូវការកាប់ឈើ ដែល​វាប៉ះពាល់​ដល់បរិស្ថាន ទើបអាជ្ញាធរខេត្តសហការជាមួយដៃគូ ​បណ្ដុះបណ្ដាលពលរដ្ឋ​ ឲ្យចិញ្ចឹមត្រីតាមបែប ប្រព័ន្ធអ៊ីយូ (EU) ​ប្រើប្រាស់បច្ចេកទេសទំនើប ដែលប្រទេសជាច្រើនកំពុងអនុវត្តវិធីសាស្ត្រចិញ្ចឹម​បែបនេះ ​ដោយវាទទួលបានទិន្នផលល្អ​ និងកាត់បន្ថយពេលវេលាចិញ្ចឹមផងដែរ ។គួរបញ្ជាក់ថា ខេត្តកំពង់ឆ្នាំង ជាខេត្តមួយជាប់នឹងបឹងទន្លេសាប ​ហើយសម្បូរត្រីទឹកសាប​​ ដោយ​ក្នុងមួយឆ្នាំៗខេត្តមួយនេះ ​ប្រមូលបានផលនេសាទជាច្រើនម៉ឺនតោន ​ដែល​ផលនេសាទទាំងនោះ សម្រាប់​ផ្គត់ផ្គង់​ក្នុងខេត្ត ​និងនាំចេញទៅក្រៅ៕ អត្ថបទ បាន សុខរិទ្ធិ

បណ្ដាញសង្គម

ព័ត៌មានថ្មីៗ

សម្តេចរដ្ឋសភាធិបតី ឃួន សុដារី រួមប្រធានសភាស្រ្តី មកពី៣០ប្រទេស បានជួបជុំនៅទីក្រុងហ្សឺណែវ ប្រទេសស្វីស ក្នុងក្របខ័ណ្ឌកិចហចប្រជុំ កិច្ចប្រជុំកំពូលប្រធានសភាស្រ្តីលើកទី១៥
07/28/2025 08:07 AM
Facebook Telegram Linkin
ទាហានសៀមនៅបន្តបាញ់ស្រោចមកកម្ពុជាដូចជាភ្លៀងរលឹមទោះថ្ងៃនេះរាជរដ្ឋាភិបាលកម្ពុជានិងសៀមជួបគ្នាដើម្បីកំណត់ការឈប់បាញ់ក្តី
07/28/2025 08:07 AM
Facebook Telegram Linkin
ការចោទប្រកាន់របស់សៀមថា កម្ពុជាប្រើមីស៊ីលPHL-03 គឺដើម្បីយកលេសប្រើអាវុធឃោឃៅវាយប្រហារមកលើកម្ពុជាប៉ុណ្ណោះ
07/28/2025 08:07 AM
Facebook Telegram Linkin
សម្តេចធិបតី៖បំណងនៃកិច្ចប្រជុំស្អែកជាមួយនាយករដ្ឋមន្រ្តីស្តីទីរបស់ថៃ គឺដើម្បីសម្រេចឲ្យមានបទឈប់បាញ់គ្នា
07/27/2025 11:07 PM
Facebook Telegram Linkin
សាលាបឋមសិក្សាស្ថាពរខេត្តព្រះវិហារ ទទួលអំណោយមួយចំនួនពីសប្បុរសជន
07/27/2025 10:07 PM
Facebook Telegram Linkin
ច្ចសន្ទនាតាមទូរស័ព្ទរបស់ ឯកឧត្តម Marco Rubio រដ្ឋមន្ត្រីក្រសួងការបរទេសអាមេរិក និងឯកឧត្តម ប្រាក់ សុខុន ឧបនាយករដ្ឋមន្ត្រី និង​រដ្ឋមន្ត្រី​ក្រសួងការបរទេស​កម្ពុជា
07/27/2025 10:07 PM
Facebook Telegram Linkin
គណៈប្រតិភូសភាកម្ពុជា ដឹកនាំដោយសម្តេចរដ្ឋសភាធិបតី ឃួន សុដារី អញ្ជើញដល់ទីក្រុងហ្សឺណែវ ប្រទេសស្វីស ដោសុវត្ថិភាព ក្នុងការចូលរួមកិច្ចប្រជុំកំពូលប្រធានសភាស្រ្តីលើកទី១៥ និងសន្និសីទប្រធានសភាពិភពលោក លើកទី៦
07/27/2025 09:07 PM
Facebook Telegram Linkin
ឯកឧត្តម ឌិត ទីណា ស្វាគមន៍ពលករដែលបន្តចាកចេញពីប្រទេសថៃមកកម្ពុជាវិញ
07/27/2025 07:07 PM
Facebook Telegram Linkin
ក្រុមការងារមន្ទីរបរិស្ថានខេត្តព្រះវិហារ កំពុងរៀបចំអនាម័យបរិស្ថាន នៅតាមមណ្ឌលសុវត្ថិភាពជនភៀសសឹកដែលរដ្ឋបាលខេត្ត បានរៀបចំទទួលទាំង ១១កន្លែង
07/27/2025 06:07 PM
Facebook Telegram Linkin
ពលរដ្ឋខ្មែររាប់ម៉ឺននាក់ ចេញធ្វើបាតុកម្មទាមទារបញ្ឈប់ការឈ្លានពានភាគីថៃ និងលើកទឹកចិត្តវីរកងទ័ពជួរមុខកម្ពុជា
07/27/2025 06:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.