BTV NEWS

កម្ពុជា សម្ពោធដាក់ឱ្យប្រើប្រាស់យុទ្ធសាស្រ្តពង្រីក និងពិពិធកម្មទីផ្សានាំចេញអង្ករ ២០២៥-២០៣០

ក្រុមការងារអន្តរក្រសួង (ត្រី-វិស័យ) អញ្ជើញចុះជួបសហគមន៍មូលដ្ឋាន សម្រាប់អនុវត្តអន្តរាគមន៍អន្តរវិស័យកសិកម្ម-ទឹក-ជនបទ

ឯកឧត្តម ស៊ុន ចាន់ថុល អញ្ជើញបើកកម្មវិធីផ្សព្វផ្សាយនិងបណ្តុះបណ្តាលអំពី នីតិវិធីនៃការចុះបញ្ជីគម្រោងវិនិយោគតាមប្រព័ន្ធគ្រប់គ្រងគម្រោងវិនិយោគកម្ពុជា cdcIPM និងការប្រើប្រាស់ហត្ថលេខា និងត្រាអេឡិចត្រូនិក (e-Signature & e-Stamp)

រយៈពេល៧ខែ, កម្ពុជានាំចេញទំនិញទៅសហរដ្ឋអាមេរិក មានទឹកប្រាក់ជិត ៧ពាន់លានដុល្លារ

សេដ្ឋកិច្ច និង កសិកម្ម

អង់គ្លេសវិនិយោគ៤ពាន់លានដុល្លារក្នុងគម្រោងនាវាមុជទឹក AUKUS ដើរដោយថាមពលនុយក្លេអ៊ែរ

យោងតាមមន្ត្រីរដ្ឋាភិបាល បានឲ្យដឹងថា ចក្រភពអង់គ្លេស បានចុះហត្ថលេខាលើកិច្ចសន្យាមានតម្លៃ៤ពាន់លានផោន ស្មើនឹង៤,៨ពាន់លានដុល្លារអាមេរិក ដើម្បីផ្តល់ហិរញ្ញវត្ថុដំណាក់កាលថ្មីនៃគម្រោងនាវាមុជទឹកវាយប្រហារជំនាន់ថ្មី SSN-AUKUS។ កិច្ចព្រមព្រៀង ដែលជាប់ពាក់ព័ន្ធជាមួយប្រព័ន្ធ BAE នៃក្រុមហ៊ុនជាច្រើនរបស់ចក្រភពអង់គ្លេស មាន Rolls-Royce និង Babcock ជាផ្នែកនៃសម្ព័ន្ធមិត្តយោធា AUKUS រវាងសហរដ្ឋអាមេរិក អូស្ត្រាលី និងចក្រភពអង់គ្លេសដើម្បីទប់ទល់ប្រទេសចិននៅក្នុងតំបន់អាស៊ី-ប៉ាស៊ីហ្វិក។ រដ្ឋមន្ត្រីការពារជាតិអង់គ្លេស លោក Grant Shapps បាននិយាយនៅក្នុងសន្និសីទប្រចាំឆ្នាំរបស់គណបក្សអភិរក្សនិយម ក្នុងទីក្រុង Manchester ថា នាវាមុជទឹកនេះ នឹងផ្តល់អំណាចដល់កងទ័ពជើងទឹកភូមិន្ទ(Royal Navy) ដើម្បីរក្សាអត្ថប្រយោជន៍ជាយុទ្ធសាស្ត្រនៅក្រោមសមុទ្រ។ មេដឹកនាំ AUKUS បានបង្ហាញកគម្រោងនាវាមុជទឹករួមគ្នា កាលពិខែមីនា ក្នុងកិច្ចព្រមព្រៀងមួយ ដែលនឹងមើលឃើញថាប្រទេសអូស្ត្រាលី ជំនួសនាវាមុជទឹកដើរដោយថាមពលប្រេងម៉ាស៊ូតរបស់ខ្លួន ជាមួយនាវាមុជទឹកដើរដោយថាមពលនុយក្លេអ៊ែរ ដែលមានការបំបាំងកាយកាន់តែអស្ចារ្យ និងមានវង់បាញ់ពីចម្ងាយ។ ផែនការនេះជាប់ពាក់ព័ន្ធជាមួយប្រទេសអូស្ត្រាលី ដែលកំពុងទិញនាវាមុជទឹកដើរដោយថាមពលនុយក្លេអ៊ែរសហរដ្ឋអាមេរិក ហើយក្រោយមកផលិតគំរូថ្មីជាមួយសហរដ្ឋអាមេរិក និងបច្ចេកវិទ្យាចក្រភពអង់គ្លេស។ នាយករដ្ឋមន្ត្រីអង់គ្លេសលោក Rishi Sunak បានកោតសរសើរផែនការនេះ ថាជា កិច្ចព្រមព្រៀងការពារជាតិពហុភាគីសំខាន់បំផុតសម្រាប់គ្រប់ជំនាន់។ ក្រុមហ៊ុនផលិតយុទ្ធោបករណ៍របស់ចក្រភពអង់គ្លេសបាន និយាយថាការវិនិយោគនេះនឹងក្តោបលើការងារអភិវឌ្ឍន៍រហូតដល់ឆ្នាំ២០២៨ និងមានការជ្រើសរើសមនុស្សបន្ថែមជាង៥.០០០នាក់ នៅការដ្ឋាន Barrow-in-Furness របស់ខ្លួននៅអង់គ្លេសភាគខាងជើង។ គំរូដំបូងនៃនាវាមុជទឹកនេះ នឹងកំណត់ពេលផ្តល់ឲ្យនៅចុងទសវត្សរ៍ឆ្នាំ២០៣០។ នាវាមុជទឹកដើរដោយថាមពលនុយក្លេអ៊ែរ ពិបាកប្រទះឃើញ ដែលអាចធ្វើដំណើរក្នុងចម្ងាយដ៏អស្ចារ្យ រយៈពេលយូរ និងអាចបំពាក់មីស៊ីលតម្រង់គោលដៅទំនើប។

បច្ចេកវិទ្យាកំពុងរុញឱ្យមានភាពប្រសើរឡើង នៃខ្សែចង្វាក់តម្លៃ ការប្រកួតប្រជែង និងបង្កើតនវានុវត្ដន៍

ភ្នំពេញ៖ អ្នកជំនាញក្នុងវិស័យហិរញ្ញវត្ថុ លើកឡើងថា វិបត្ដិជំងឺកូវីដ-១៩ បានបន្សាំបច្ចេកវិទ្យាជាមួយការរស់នៅ និងការធ្វើពាណិជ្ជកម្ម ស្របពេលដែល បច្ចេកវិទ្យាទាំងនេះបានជំរុញឱ្យមានភាពប្រសើរឡើង នៃខ្សែចង្វាក់តម្លៃ ការលើកកម្ពស់ការប្រកួតប្រជែង និងការបង្កើតនូវនវានុវត្ដន៍ថ្មីៗ។ លោក ហេង បូមករា អគ្គនាយករងត្រួតពិនិត្យទី១ ធនាគារជាតិនៃកម្ពុជា លើកឡើងក្នុងកម្មវិធីវេទិកាស្ដីពីវិស័យធនាគារឆ្នាំ២០២៣ នៅថ្ងៃទី ២៨ ខែ កញ្ញា ឆ្នាំ ២០២៣ នេះថា នៅពេលវិបត្ដិកូវីដ-១៩ បានផ្ទុះឡើង សេដ្ឋវិទូ និងអ្នកជំនាញសង្ឃឹមថា វត្ដមានវ៉ាក់សាំង កូវីដ-១៩ នឹងធ្វើឱ្យសេដ្ឋកិច្ចពិភពលោកមានភាពល្អប្រសើរ និងអាចងើបឡើងវិញដូចកាលមុនឆ្នាំ ២០២០, ប៉ុន្តែក្ដីសង្ឃឹមនេះហាក់ មានភាពស្រពេចស្រពិល ដោយហេតុតែសេដ្ឋកិច្ចពិភពលោកមានសភាពស្រួចស្រាល បើទោះជាវិបត្ដិកូវីដ-១៩ ហាក់រសាត់ចេញក៏ ដោយ។តែទោះបីយ៉ាងណា, វិបត្ដិកូវីដ-១៩ គឺជាសមាសភាពមួយ ក្នុងការបន្សាំបច្ចេកវិទ្យាជាមួយការរស់នៅ និងការធ្វើពាណិជ្ជកម្ម ស្របពេលដែលបច្ចេកវិទ្យាទាំងនេះបានជំរុញឱ្យមានភាពប្រសើរឡើង នៃខ្សែចង្វាក់តម្លៃ ការលើកកម្ពស់ការប្រកួតប្រជែង និងការ បង្កើតនវានុវត្ដន៍ថ្មីៗបន្ថែម ដែលជាឈ្នាន់ដើម្បីធ្វើឱ្យប្រសើរឡើងនៃជីវភាពរស់នៅ តាមរយៈការបង្កើនឱកាសការងារ ការបង្កើនលទ្ធភាព ទទួលបានការអប់រំនិងស្វ័យសិក្សា និងការគាំទ្រដល់សហគ្រាសធុនតូច និងមធ្យម រួមទាំងការបង្កើនភាពអង់អាចរបស់ស្ត្រីផងដែរ។លោក ហេង បូមករា បន្តថា ក្នុងបរិបទនេះ ការកាត់បន្ថយផលប៉ះពាល់ពីឥទ្ធិពលសេដ្ឋកិច្ចពិភពលោក និងការកែប្រែឧបសគ្គ ទៅជាកាលានុវត្ដភាព នឹងនាំមកនូវការធានាបាននៃកំណើនសេដ្ឋកិច្ចប្រកបដោយចីរភា និងភាពរឹងមាំ ក៏ដូចជាឆ្លើយតបទៅ នឹងការ ផ្លាស់ប្ដូរនិម្មាបនកម្មសេដ្ឋកិច្ច និងពាណិជ្ជកម្មអន្តរជាតិនាពេលអនាគត។ ទោះបីកំណើនសេដ្ឋកិច្ចកម្ពុជាបានធ្លាក់ចុះ ក្នុងឆ្នាំ២០២០ ប៉ុន្តែកំណើននេះបានចាប់ផ្ដើមវិជ្ជមានមកវិញ ជាមួយអត្រា ៣% ក្នុងឆ្នាំ ២០២១ ៥.២% ក្នុងឆ្នាំ ២០២២ និងរំពឹង ថាមានកំណើនប្រមាណ ៥.៦% ក្នុងឆ្នាំ២០២៣។ ការណ៍នេះបានសរបញ្ជាក់អំពីវឌ្ឍនភាពល្អ ដែលគាំទ្រជាចម្បង ដោយកំណើន ខ្ពស់នៃវិស័យទេសចរណ៍ និងវឌ្ឍនភាពល្អនៃវិស័យកសិកម្ម ស្របពេលដែលវិស័យសំណង់ ហាក់បានបង្ហាញនូវសញ្ញាងើបឡើងវិញ៕អត្ថបទ៖ សុន រ៉ាឌី

កម្មករកម្មការិនី សម្តែងការអរគុណរដ្ឋាភិបាលចំពោះការដំឡើងប្រាក់ឈ្នួលបន្ថែមសម្រាប់ឆ្នាំ ២០២៤

ភ្នំពេញ៖ ក្រុមកម្មករកម្មការិនីរោងចក្រកាត់ដេរ នៅរាជធានីភ្នំពេញ បានបង្ហាញអារម្មណ៍សប្បាយរីករាយ និងសម្តែងការអរគុណជូនដល់ថ្នាក់ដឹកនាំនៃរាជរដ្ឋាភិបាលកម្ពុជា ក៏ដូចជាភាគីសហជីព និងនិយោជក ដែលបានគិតគូរ និងដំឡើងប្រាក់ឈ្នួលអប្បបរមាបន្តទៀតនៅឆ្នាំ២០២៤ ថែមទាំងអះអាងថា នឹងខិតខំបំពេញការងារឲ្យកាន់តែល្អប្រសើរទៅមុខបន្តទៀត។ក្នុងកិច្ចសម្ភាសជាមួយទូរទស្សន៍ព័ត៌មាន ប៊ីធីវី នៅព្រឹកថ្ងៃទី២៩ ខែកញ្ញា ឆ្នាំ២០២៣ កម្មករនិយោជិតនៃរោងចក្រកាត់ដេរសំលៀកបំពាក់ ជាវៃ ស្ថិតនៅតំបន់វេងស្រេង បាននិយាយស្រដៀងគ្នាថា ការចចារដំឡើងប្រាក់ឈ្នួលឆ្នាំនេះ ពិតជាដំណឹងល្អ ព្រោះអាចដំឡើងបានថែមទៀត ទោះបីជាចំនួនមិនច្រើននិងសមបំណង ប៉ុន្តែពិតជាអស្ចារ្យ ព្រោះថាតួលេខឃើញថាកើនថែមទៀត គ្រាដែលរោងចក្រ សហគ្រាសមួយចំនួន បានបិទ និងព្យួរការងារ ដោយសារវិបត្តិសេដ្ឋកិច្ចសាកល។កម្មករ កម្មការិនី បានសន្យាថា ដើម្បីជាការឆ្លើយតប ចំពោះការយកចិត្តទុកដាក់ក្នុងការចចារដំឡើងប្រាក់ឈ្នួលអប្បបរមា និងដើម្បីទាក់ទាញអ្នកវិនិយោគិនមកបណ្តាក់ទុនបន្ថែមនៅកម្ពុជា ក៏ដូចជាអូសទាញការបញ្ជាទិញក្នុងតម្លៃខ្ពស់ ពួកគាត់នឹងខិតខំប្រឹងប្រែងយ៉ាងណាបំពេញការងារឲ្យអស់លទ្ធភាព។សូមបញ្ជាក់ថា ក្រោយពីឆ្លងកាត់ការពិភាក្សាគ្នាក្នុងការកំណត់ប្រាក់ឈ្នួលអប្បបរមារបស់កម្មករនិយោជិតផ្នែកវិស័យវាយនភណ្ឌ កាត់ដេរ ផលិតស្បែកជើង និងផលិតផលិតផលធ្វើដំណើរនិងកាបូប ក្រុមប្រឹក្សាជាតិប្រាក់ឈ្នួលអប្បបរមា បានសម្រេចលទ្ធផលផ្លូវការចំនួន ២០២ដុល្លារ ដោយមានការបន្ថែមពីរាជរដ្ឋាភិបាលចំនួន ២ដុល្លារទៀត សរុបគឺចំនួន ២០៤ ដុល្លារ ដែលដាក់ឲ្យអនុវត្តចាប់ពីខែមករា ឆ្នាំ២០២៤ តទៅ៕អត្ថបទ៖ ឈិត បូរ៉ាវី

អគ្គនាយកដ្ឋានពន្ធដារ សម្រេចលើកលែងទណ្ឌកម្មរដ្ឋបាល (ពន្ធបន្ថែម និងការប្រាក់) ចំពោះពន្ធលើអចលនទ្រព្យ និងពន្ធលើដីធ្លីមិនបានប្រើប្រាស់

ភ្នំពេញ៖ អគ្គនាយកដ្ឋានពន្ធដារ នៃក្រសួងសេដ្ឋកិច្ច និងហិរញ្ញវត្ថុ នៅថ្ងៃទី១៨ ខែកញ្ញានេះ បានចេញសេចក្តីជូនដំណឹងសម្រេចលើកលែងទណ្ឌកម្មរដ្ឋបាល (ពន្ធបន្ថែម និងការប្រាក់) ចំពោះពន្ធលើអចលនទ្រព្យ និងពន្ធលើដីធ្លីមិនបានប្រើប្រាស់។

នាយករដ្ឋមន្ត្រីអង់គ្លេសបញ្ចុះបញ្ចូលលោកScholzឲ្យគាំទ្រការលក់យន្តហោះចម្បាំងក្នុងតម្លៃចំនួន៥ពាន់លានផោនទៅឲ្យអារ៉ាប៊ីសាអ៊ូឌីត

នាយករដ្ឋមន្ត្រីអង់គ្លេស លោក រីស៊ី ស៊ុនណាក់ (Rishi Sunak) កំពុងបញ្ចុះបញ្ចូលទីក្រុងប៊ែរឡាំងឲ្យយល់ព្រលក់យន្តហោះចម្បាំងTyphoon ទៅឲ្យប្រទេសអារ៉ាប៊ីសាអ៊ូឌីត មុនពេលដំណើរទស្សនកិច្ចរបស់លោក Mohammed bin Salman ទៅកាន់ចក្រភពអង់គ្លេស។លោកនាយករដ្ឋមន្រ្តីផ្ទាល់ បានជំរុញលោកអូឡាហ្វ សូល ( Olaf Scholz) អធិការបតីអាល្លឺម៉ង់ឲ្យផ្តល់ភ្លើងខៀវដល់កិច្ចព្រមព្រៀងការពារជាតិដែលមានតម្លៃយ៉ាងហោចណាស់ ៥ពាន់លានផោន។យន្តហោះចម្បាំង Typhoon ត្រូវបានរចនាឡើង ផលិត និងថែទាំដោយប្រព័ន្ធ BAE (ប្រព័ន្ធអវកាសរបស់ចក្រភពអង់គ្លេស) ដែលផ្តល់ការងារដល់មនុស្ស ៥.០០០នាក់ នៅក្នុងកម្មវិធីនេះ នៅតំបន់Lancashire។ទោះបីជាយ៉ាងណាក៏ដោយ ប្រភពការពារជាតិ បានប្រាប់សារព័ត៌មាន The Telegraphថា វាអាចទៅរួចដែលថា ប្រទេសអាល្លឺម៉ង់អាច«បំផ្លាញ»កិច្ចព្រមព្រៀងអន្តររដ្ឋាភិបាល ដែលបានព្រមព្រៀងគ្នា ក្នុងខែ មីនា ឆ្នាំ២០១៨ ដើម្បីលក់យន្តហោះពហុតួនាទីចំនួន៤៨គ្រឿងទៅឲ្យប្រទេសនៅមជ្ឈិមបូព៌ា ដែលស្មើនឹង១២ភាគរយនៃប្រាក់ចំណូលរបស់BAE។

សារព័ត៌មានជប៉ុន NHK កោតសសើរពីការរីកចម្រើនប្រព័ន្ធទូទាត់ឌីជីថលនៅកម្ពុជា

ភ្នំពេញ៖ ស្ថាប័នព័ត៌មានដ៏ធំមួយរបស់ប្រទេសជប៉ុន NHK WORLD-JAPAN បានរៀបចំអត្ថបទវិភាគយ៉ាងស៊ីជម្រៅមួយស្តីពីការរីកចម្រើននៃបច្ចេកវិទ្យាហិរញ្ញវត្ថុនៅកម្ពុជា និងបានរំលេចពីឆន្ទៈដ៏មោះមុត របស់ថ្នាក់ដឹកនាំធនាគារជាតិនៃកម្ពុជា ក្នុងការអភិវឌ្ឍប្រព័ន្ធទូទាត់សងប្រាក់ឌីជីថល និងការលើកកម្ពស់ការប្រើប្រាស់ប្រាក់រៀល។ សារព័ត៌មាន NHK បានជួបសម្ភាសលោកជំទាវបណ្ឌិត ជា សិរី អគ្គទេសាភិបាលធនាគារជាតិ និងបានធ្វើសេចក្តីរាយការណ៍ថា លោកជំទាវមានភាពប៉ិនប្រសប់ក្នុងការគ្រប់គ្រងនយោបាយរូបិយវត្ថុ និងជាអ្នកត្រួសត្រាយផ្លូវដ៏សំខាន់ក្នុងការបង្កើតឧបករណ៍ហិរញ្ញវត្ថុនានា ដោយប្រើប្រាស់បច្ចេកវិទ្យាទំនើប។ ជាក់ស្តែង លោកជំទាវ ជា សិរី បានសហការជាមួយក្រុមហ៊ុនបច្ចេកវិទ្យាហិរញ្ញវត្ថុជប៉ុន Soramitsu ដើម្បីបង្កើតប្រព័ន្ធទូទាត់បាគង និងបានដាក់ឱ្យដំណើរការដោយជោគជ័យនៅឆ្នាំ ២០២០ ដែលបានធ្វើឱ្យកម្ពុជាក្លាយជាប្រទេសដំបូងគេក្នុងតំបន់អាស៊ីដាក់ឱ្យប្រើប្រាស់ប្រព័ន្ធទូទាត់សងប្រាក់ដែលប្រើប្រាស់បច្ចេកវិទ្យាប្លុកឆែន ។ ប្រព័ន្ធបាគងនេះបានជួយសម្រួលដល់ការផ្ទេរប្រាក់ពីធនាគារមួយទៅធនាគារមួយទៀតដោយងាយស្រួល ឆាប់រហ័ស និងសុវត្ថិភាព ដែលបានសម្រួលដល់ការរស់នៅប្រចាំថ្ងៃ និងការទូទាត់នានាក្នុងប្រតិបត្តិការអាជីវកម្មរបស់ប្រជាជនទាំងក្នុងទីក្រុង និងតំបន់ជនបទ។ សារព័ត៌មាន NHK ក៏បានសម្ភាសជាមួយប្រជាពលរដ្ឋកម្ពុជាជាច្រើននៅតាមតំបន់ផ្សេងៗគ្នា ជាពិសេសតំបន់ដាច់ស្រយាលដែលមិនទទួលបានសេវាហិរញ្ញវត្ថុផ្លូវការពីមុនមក។ ប្រជាកសិករ អាជីវករតាមផ្សារ និងអ្នកលក់ដូរតូបតូចៗ បានស្គាល់ពីប្រព័ន្ធបាគង និងព្យាយាមប្រើប្រាស់ប្រព័ន្ធទូទាត់សងប្រាក់ឌីជីថលនេះ ដោយសារតែប្រព័ន្ធនេះបានបង្កភាពងាយស្រួលដល់ការធ្វើអាជីវកម្មរបស់ពួកគេ ចំណេញពេលវេលា និងសុវត្ថិភាព។ជារួម សារព័ត៌មានជប៉ុន NHK បានកោតសសើរពីការរីកចម្រើនយ៉ាងឆាប់រហ័សនៃប្រព័ន្ធទូទាត់សងប្រាក់ឌីជីថលនៅកម្ពុជា និងចក្ខុវិស័យការងារច្បាស់លាស់របស់លោកជំទាវ ជា សិរី ក្នុងការអភិវឌ្ឍ បច្ចេកវិទ្យាហិរញ្ញវត្ថុ និងលើកកម្ពស់ការប្រើប្រាស់ប្រាក់រៀល។ ការវិវត្តនេះ បានធ្វើឱ្យការរស់នៅរបស់ប្រជាជនមានភាពងាយស្រួល និងសម្រួលដល់ការធ្វើអាជីវកម្ម និងការអភិវឌ្ឍសេដ្ឋកិច្ចប្រកបដោយបរិយាបន្ន និងប្រសិទ្ធភាព៕

ឯកឧត្តមទេសរដ្ឋមន្រ្តី លី ធុជ ជួបពិភាក្សាការងារជាមួយអគ្គនាយកកម្មវិធីពហុការងារពាណិជ្ជកម្ម និងសេដ្ឋកិច្ច

(ឆុងឈីង, ចិន)៖ ក្នុងនាមរាជរដ្ឋាភិបាល ឯកឧត្តម បណ្ឌិត លី ធុជ ទេសរដ្ឋមន្រ្តីទទួលបន្ទុកបេសកកម្មពិសេស និងជាប្រធានគណៈកម្មាធិការជាតិអេស្កាប់ នៅថ្ងៃទី២៦ ខែកញ្ញា ឆ្នាំ២០២៣ បានជួបពិភាក្សាការងារជាមួយ លោក Hu Kaiqiang អគ្គនាយកកម្មវិធីពហុការងារពាណិជ្ជកម្ម និងសេដ្ឋកិច្ច សម្រាប់ប្រទេសនៃអង្គការប្រតិបត្តិការសៀងហៃ (Trade and Economic Multifunctional Platform for Shanghai Cooperation Organization_SCO Countries) ដែលប្រព្រឹត្តិទៅនៅទីស្នាក់ការក្នុងទីក្រុងឆុងឈីង សាធារណរដ្ឋប្រជាមានិតចិន ក្នុងនោះក៏មានការចូលរួមផងដែរពីតំណាងរដ្ឋាភិបាលប្រជាជនក្រុងឆុងឈីង និងគណៈកម្មាធិការអប់រំក្រុងឆុងឈីង។ ក្នុងជំនួបទ្វេភាគី ក្នុងនាមរាជរដ្ឋាភិបាល ឯកឧត្តមទេសរដ្ឋមន្រ្តី បានវាយតម្លៃខ្ពស់ចំពោះកម្មវិធីពហុការងារពាណិជ្ជកម្ម និងសេដ្ឋកិច្ចសម្រាប់ប្រទេសនៃអង្គការប្រតិបត្តិការសៀងហៃ ដែលបានបង្ហាញអំពីទស្សនវិស័យរួម គោលដៅរួម តួនាទី និងសកម្មភាពសំខាន់ៗនានា ក្នុងការចូលរួមលើកកម្ពស់ដល់ការអភិវឌ្ឍ និងការថែរក្សាសន្តិភាពសម្រាប់ប្រទេសក្នុងតំបន់ និងពិភពលោក។ឮតាមរយៈកម្មវិធីនេះ ប្រទេសចិន ក៏ដូចបណ្តាប្រទេសនៃអង្គការប្រតិបត្តិការសៀងហៃ នឹងក្លាយជាដៃគូមួយយ៉ាងសំខាន់ក្នុងការចូលរួមផ្តល់នូវការគាំទ្រ និងកិច្ចសហប្រតិបត្តិការដល់កិច្ចការអភិវឌ្ឍនៅកម្ពុជាផងដែរ។ទន្ទឹមនឹងនោះ ឯកឧត្តម ទេសរដ្ឋមន្រ្តី ក៏បានលើកឡើងអំពីចំណងមិត្តភាពជាប្រវត្តិសាស្រ្តរវាងកម្ពុជា និងចិន ហើយតាមរយៈទំនាក់ទំនងនេះ និងការបង្កើតនូវគំនិតផ្តួចផ្តើមខ្សែក្រវាត់និងផ្លូវរបស់ចិន កម្ពុជា គឺជាប្រទេសមួយដែលបានទទួលផលប្រយោជន៍យ៉ាងច្រើនសម្រាប់ការអភិវឌ្ឍសេដ្ឋកិច្ច-សង្គម។ ក្នុងនាមរដ្ឋាភិបាល និងប្រជាជនកម្ពុជា ឯកឧត្តមបណ្ឌិត បានសម្តែងនូវអំណរគុណយ៉ាងជ្រាលជ្រៅជូនមហាមិត្តចិន ដែលតែងតែផ្តល់ការគាំទ្រ និងចូលរួមដល់ការអភិវឌ្ឍនៅកម្ពុជាលើគ្រប់វិស័យ ហើយកម្ពុជាមានមោទនភាពក្នុងការចូលរួមជាមួយប្រទេសចិនផងដែរ។ក្នុងនាម សម្តេចធិបតី ហ៊ុន ម៉ាណែត នាយករដ្ឋមន្រ្តី ឯកឧត្តមទេសរដ្ឋមន្រ្តី បានអញ្ជើញលោក Hu Kaiqiang ដឹកនាំគណៈប្រតិភូ និងអ្នកវិនិយោគចិន ក៏ដូចជាបណ្តាប្រទេសនៃអង្គការប្រតិបត្តិការសៀងហៃ មកស្វែងយល់អំពីសក្តានុពល និងឱកាសវិនិយោគនៅកម្ពុជាតាមពេលវេលាសមស្របណាមួយ៕

ការលើកឡើងថា រាជរដ្ឋាភិបាលដែលដឹកនាំដោយ សម្តេចធិបតី ហ៊ុន ម៉ាណែត បានបង្កើតពន្ធថ្មី ឬដំឡើងអត្រាពន្ធ គឺពុំឆ្លុះបញ្ចាំងពីការពិតនោះទេ

អគ្គនាយកដ្ឋានពន្ធដារ នៃក្រសួងសេដ្ឋកិច្ច និងហិរញ្ញវត្ថុ បានគូសបញ្ជាក់ក្នុងសេចក្ដីបំភ្លឺថាការលើកឡើងថា រាជរដ្ឋាភិបាល នីតិកាលទី៧ នៃរដ្ឋសភា ដែលដឹកនាំដោយ សម្តេចមហាបវរធិបតី ហ៊ុន ម៉ាណែត បានបង្កើតពន្ធថ្មី ឬដំឡើងអត្រាពន្ធ គឺពុំឆ្លុះបញ្ចាំងពីការពិតនោះទេ។អគ្គនាយកដ្ឋានពន្ធដារ នៃក្រសួងសេដ្ឋកិច្ច និងហិរញ្ញវត្ថុ បានចេញសេចក្ដីបំភ្លឺ៥ ទំព័រ ដើម្បីឆ្លើយតបនឹងការលើកឡើង តាមបណ្តាញសង្គមមួយចំនួនដោយភាន់ច្រឡំ ឬក្នុងចេតនាបំភាន់ មួលបង្កាច់ និងចោទប្រកាន់ ដែលពុំបានឆ្លុះបញ្ចាំងអំពីកិច្ចខិតខំប្រឹងប្រែងចូលរួមចំណែកយ៉ាងសស្រាក់សស្រាំរបស់អគ្គនាយកដ្ឋានពន្ធដារ។អគ្គនាយកដ្ឋានពន្ធដារ បានអះអាងអំពីទំនួលខុសត្រូវខ្ពស់ចំពោះជាតិ ក្នុងការអនុវត្តតួនាទីភារកិច្ចលើការងារគ្រប់គ្រងប្រមូលចំណូលពន្ធស្របតាមច្បាប់ ស្តីពីសារពើពន្ធ និងបានជម្រាបសាធារណជនជ្រាបថា កន្លងមកអគ្គនាយកដ្ឋានពន្ធដា តែងប្រកាន់ខ្ជាប់នូវគោលការណ៍ពង្រឹងអភិបាលកិច្ចល្អ និងជាស្ថាប័នរាជរដ្ឋាភិបាលមួយ៕

អ្នកឈ្នះឆ្នោតរបស់ប៉ូឡូញ នឹងប្រឈមមុខជាមួយអតិផរណា និងហានិភ័យថវិការដ្ឋ

នៅមុនការបោះឆ្នោតរបស់ប្រទេសប៉ូឡូញ នៅថ្ងៃទី១៥ ខែតុលា ខាងមុខនេះ គណបក្សច្បាប់ និងយុត្តិធម៌ (PiS) ដែលកំពុងកាន់អំណាច និងគូប្រជែងរបស់ខ្លួន កំពុងប្រជែងគ្នាដើម្បីយកឈ្នះគ្នាទៅវិញទៅមក ជាមួយនឹងការសន្យានៃការចំណាយដ៏សប្បុរស។ ប៉ុន្តែអ្នកណាក៏ដោយដែលឈ្នះការបោះឆ្នោតនោះ នឹងត្រូវជ្រើសរើសគោលនយោបាយ ដែលប្រថុយប្រថាននឹងអតិផរណាក្នុងប្រទេស និងធ្វើឱ្យថវិការដ្ឋមានភាពតានតឹងផងដែរ។សេដ្ឋកិច្ចរបស់ប្រទេសប៉ូឡូញ ដែលជាប្រទេសធំជាងគេក្នុងចំណោមអតីតកុម្មុយនិស្ត ដែលបានចូលរួមជាមួយសហភាពអឺរ៉ុប ចាប់តាំងពីការរាតត្បាតនៃជំងឺកូវីដ-១៩ មក មានការកើនឡើងរយៈពេលពីរឆ្នាំនៃការវិនិយោគបរទេស ដោយសារក្រុមហ៊ុនទាញយកអត្ថប្រយោជន៍ពីកម្លាំងពលកម្មជំនាញ ប៉ុន្តែនៅតែមានតម្លៃថោក។ ទោះជាយ៉ាងនេះក្ដី ទីភ្នាក់ងារវាយតម្លៃឥណទាន និងក្រុមអ្នកវិភាគជឿថា ការសន្យានៃការចំណាយសង្គមខ្ពស់ នឹងពិបាកនឹងត្រលប់មកវិញណាស់ ដោយបង្កើនសំណួរកាន់តែស៊ីជម្រៅអំពីវិបត្តិហិរញ្ញវត្ថុសាធារណៈក្នុងប្រទេសមួយនេះបន្ថែមទៀត។ហើយការប្រញាប់ប្រញាល់របស់ធនាគារជាតិនៃប្រទេសប៉ូឡូញ ក្នុងការកាត់បន្ថយអត្រាការប្រាក់ចម្បងរបស់ខ្លួន ចំនួន០,៧៥ភាគរយ ច្រើនជាងការរំពឹងទុកមុនការបោះឆ្នោត បានធ្វើឱ្យមានការព្រួយបារម្ភថា ធនាគារផ្តោតសំខាន់លើកំណើនសេដ្ឋកិច្ច ជាជាងសម្ពាធអតិផរណានៅក្នុងប្រទេស៕

ទំនិញម៉ិកស៊ិកដែលមានតម្លៃ១ពាន់លានដុល្លារ ជាប់នៅព្រំដែនអាមេរិក ចំពេលមានការត្រួតពិនិត្យអន្តោប្រវេសន៍

ពាណិជ្ជកម្មឆ្លងព្រំដែនអាមេរិក-ម៉ិកស៊ិក បានធ្លាក់ចុះក្នុងសប្តាហ៍មុន ខណៈដែលអាជ្ញាធរអាមេរិកបានបិទច្រកឆ្លងកាត់និងដាក់ការត្រួតពិនិត្យសន្តិសុខបន្ថែម ចំពេលមានការកើនឡើងនៃជនអន្តោប្រវេសន៍ ដែលបង្កឲ្យមានការព្រួយបារម្ភ នៅក្នុងប្រទេសម៉ិកស៊ិក។លោកម៉ានូអែល សូតេឡូ (Manuel Sotelo) ប្រធានសមាគមដឹកជញ្ជូន Ciudad Juarez ដែលជាមជ្ឈមណ្ឌលផលិតកម្មធំមួយ នៅទូទាំងទីក្រុងអែលប៉ាសូ (El Paso) រដ្ឋតិចសាស បាននិយាយថារថយន្តសណ្តោងប្រហែល ៨.000 គ្រឿងដែលផ្ទុកទំនិញមានតម្លៃប្រហែល មួយពាន់លានដុល្លារ ត្រូវជាប់គាំង នៅខាងប្រទេសម៉ិកស៊ិក កាលពីសប្តាហ៍មុន។លោកសូតេឡូ បានប្រាប់សារព័ត៌មានរ៉យទ័រកាលពីថ្ងៃចន្ទថា ក្រុមហ៊ុនមួយចំនួន កំពុងបញ្ជូនទំនិញតាមច្រកចូលក្នុងរដ្ឋញូវម៉ិកស៊ីកូ ( New Mexico) និងរដ្ឋអារីហ្សូណា (Arizona) ដើម្បីជៀសវាងការរង់ចាំយូរនៅព្រំដែនរដ្ឋតិចសាស។ការពន្យារពេលនេះ បានបង្ខំឲ្យក្រុមហ៊ុនផលិតរថយន្តជិះលើទឹកកក និងរថយន្តសម្រាប់ជិះឡើងភ្នំរបស់កាណាដា ផ្អាកការផលិត នៅថ្ងៃចន្ទ និងថ្ងៃអង្គារ នៅរោងចក្រចំនួនបីនៅទីក្រុង Ciudad Juarez ដែលមានបុគ្គលិកប្រហែល ៩.០០០នាក់។

បណ្ដាញសង្គម

ព័ត៌មានថ្មីៗ

ដាណឺម៉ាក បញ្ជាក់ថា ខ្លួនមិនច្រានចោលលទ្ធភាពនៃការទទួលស្គាល់ភាពជារដ្ឋរបស់ប៉ាឡេស្ទីនឡើយ

ប្រធានាធិបតីងហ្វាំងឡង់ រំពឹងថា លោក Trump នឹងអស់ការអត់ធ្មត់ជាមួយរុស្ស៊ី

អ៊ីរ៉ង់ប្តេជ្ញាចាត់វិធានការតបតវិញ បន្ទាប់ពីអូស្ត្រាលីបណ្តេញបេសកជន

គ្រោះទុរ្ភិក្សត្រូវបានប្រកាសនៅទីក្រុងហ្កាហ្សា ខណៈភាពអត់ឃ្លានកើតមានឡើង

កសិករប៉ាគីស្ថានជាប់បំណុល និងប្រឈមវិបត្តិទឹកជំនន់បង្កឡើងដោយបម្រែបម្រួលអាកាសធាតុ

អេស្ប៉ាញប្រកាសតំបន់អាសន្នដែលរងការឆាបឆេះដោយសារភ្លើងឆេះព្រៃ

UN៖ មនុស្សម្នាក់ក្នុងចំណោម ៤នាក់ ជួបកង្វះទឹកផឹកស្អាតសុវត្ថិភាពនៅទូទាំងពិភពលោក

ជនប៉ាឡេស្ទីនប៉ះទង្គិចជាមួយកងទ័ពអ៊ីស្រាអែល អំឡុងការវាយឆ្មក់ទីក្រុង Ramallah តំបន់វ៉េសប៊ែង

ឯកឧត្តមឧបនាយករដ្ឋមន្ត្រី ហ៊ុន ម៉ានី ផ្តល់អនុសាសន៍ ចំនួន៤ ជូនដល់សិក្ខាសាលាឌីជីថលូបនីយកម្មក្នុងរដ្ឋបាលសាធារណៈ

យុទ្ធនាការថ្ងៃទី៩ ដើម្បីជំរុញការផ្តល់ឱកាសការងារជូនដល់ពលករខ្មែរទើបត្រឡប់មកពីប្រទេសថៃ ក្រុមការងារក្រសួងការងារបានចុះទៅដល់រោងចក្រ សហគ្រាសចំនួន ១៤៣៥

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877