នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្តេចធិបតី ណែនាំឱ្យក្រសួងស្ថាប័នពាក់ព័ន្ធត្រៀមឆ្លើយតបជាមួយបាតុភូតធម្មជាតិ El Niño ដែលកម្ពុជា​កំពុងទទួលរងឥទ្ធិពល
សម្ដេច​ធិបតីណែនាំអាជ្ញាធរពាក់ព័ន្ធគ្រប់លំដាប់ថ្នាក់ ត្រួតពិនិត្យ និងគ្រប់គ្រងឱ្យបានចំពោះទំនិញគេចពន្ធ និងខូចគុណភាព ហើយត្រូវសហការគ្នាចាត់វិធានការឱ្យបានច្បាស់លាស់
សម្ដេច​ធិបតីក្រើនរំឭកអាជ្ញាធរពាក់ព័ន្ធគ្រប់លំដាប់ថ្នាក់ត្រូវបន្តបង្ក្រាប Online Scams មិនត្រូវបន្ធូរដៃឡើយ
សម្ដេចតេជោ ហ៊ុន សែន អញ្ជើញជួបពិភាក្សាទ្វេភាគីជាមួយ ឯកឧត្តម លី ឈាង នាយករដ្ឋមន្ត្រីចិន

ព័ត៌មានសំខាន់ៗ

សម្តេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត អញ្ជើញជាអធិបតីបិទព្រឹត្តិការណ៍ស៊ីហ្គេមលើកទី៣២

2023/05/17 06:48:15 pm        774
Facebook Telegram Linkin
ភ្នំពេញ៖ នៅល្ងាចថ្ងៃទី១៧ ខែឧសភា ឆ្នាំ ២០២៣នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន បានអញ្ជើញជាអធិបតីភាពដ៏ខ្ពង់ខ្ពស់នៅក្នុងពិធីបិទព្រឹត្តិការណ៍ Sea Games លើកទី៣២ ដែលកម្ពុជាបានធ្វើជាម្ចាស់។ ពិធីបិទព្រឹត្តិការណ៍ស៊ីហ្គេមនេះ ធ្វើឡើងនៅពហុកីឡាដ្ឋានជាតិមរតកតេជោ។ ពិធីបិទការប្រកួតស៊ីហ្គេមដ៏មហោឡារិកនៅកម្ពុជានេះ មានការអញ្ជើញចូលរួមពី ថ្នាក់ដឹកនាំកីឡាជាតិ អន្តរជាតិ ប្រតិភូកីឡាទាំង១១ប្រទេស ព្រមទាំងភ្ញៀវជាតិ អន្តរ ជាតិ មហាជនសរុបប្រមាណជាង ៦ម៉ឺននាក់។ ព្រឹត្តិការណ៍បិទស៊ីហ្គេមនេះ បានប្រព្រឹត្តទៅជាមួយរបៀបវារៈជាច្រើនរួមមាន៖ ការអុជកាំជ្រួចអបអរសាទរ, សិល្បៈចម្រៀងកីឡា, ទស្សនីយភាពមហាព្រលឹងក្បាច់គុនល្បុក្កតោ, ដង្ហែក្បួនប្រតិភូកីឡាអាស៊ីអាគ្នេយ៍ និងអ្នកស្ម័គ្រចិត្ត, បង្ហូតចុះទង់សហព័ន្ធកីឡាអាស៊ីអាគ្នេយ៍, ប្រគល់ទង់សហព័ន្ធកីឡាអាស៊ីអាគ្នេយ៍ដល់ប្រទេសថៃ ជាម្ចាស់ផ្ទះបន្ទាប់, ទស្សនីយភាពសម្តែង និងវីដេអូផ្សព្វផ្សាយរបស់ប្រទេសថៃ, សិល្បៈចម្រៀង «VICTORY FOR ALL», សិល្បៈចម្រៀង «CAMBODIAN PRIDE»។កម្មវិធីបិទព្រឹត្តិការណ៍ស៊ីហ្គេមនេះ ក៏មានពិធីប្រគល់ទង់ស៊ីហ្គេមទៅឲ្យព្រះរាជាណាចក្រថៃ សម្រាប់រៀបចំព្រឹត្តិការណ៍ស៊ីហ្គេមលើកទី៣៣ នៅឆ្នាំ២០២៥ ខាងមុខផងដែរ បន្តពីព្រះរាជាណាចក្រកម្ពុជាយើង។ សម្តេចតេជោ ហ៊ុន សែន ពិតជារីករាយយ៉ាងក្រៃលែងចំពោះ កម្ពុជាដែលបានទទួលធ្វើជាម្ចាស់ផ្ទះនៃព្រឹត្តិការណ៍ស៊ីហ្គេមឆ្នាំ ២០២៣ នេះ។ សម្ដេចតេជោបានមានប្រសាសន៍ថា ថ្ងៃនេះ យើងពិតជាបានយល់នូវអ្វីដែលហៅថា កីឡារស់នៅក្នុងសន្តិភាព។ បើសិនជាចង់ឱ្យមានកីឡាបែបនេះ ត្រូវតែរួមជាមួយរាជរដ្ឋាភិបាល ការពារសន្តិភាពឱ្យបានគង់វង្ស។ សម្តេចតេជោនាយករដ្ឋមន្ត្រីបានមានប្រសាសន៍ទៀតថា ក្នុងនាមម្ចាស់ផ្ទះ កម្ពុជាបានខិតខំប្រឹងអស់លទ្ធភាព ក្នុងការបម្រើសេវា ស្នាក់នៅ ហូបចុក និងដំណើរការប្រកួតប្រព្រឹត្តទៅបានដោយរលូន។សម្តេចតេជោនាយករដ្ឋមន្ត្រីបានថ្លែងអំណរគុណដល់អត្តពលិកទាំងអស់ ដែលបានចូលរួមប្រកួតស៊ីហ្គេម នៅកម្ពុជា និងបានថ្លែងអំណរគុណដល់ រដ្ឋាភិបាលបណ្តាប្រទេសអាស៊ានទាំងអស់ ដែលបានបញ្ជូនប្រតិភូកីឡា មកចូលរួមប្រកួតនៅកម្ពុជា។ សម្តេចតេជោ ហ៊ុន សែន ក៏សូមឧទ្ធិសសមិទ្ធផលសម្រេចបាននៅកម្ពុជាពេលនេះ ជាចំណែកមួយនៃជោគជ័យក្របខណ្ឌស្មារតីសាមគ្គីភាពរបស់អាស៊ាន។ សម្តេចតេជោបន្តទៀតថា តាំងពីចាប់ផ្តើមរហូតដល់បញ្ចប់ពេលនេះ យើងធ្វើបានសម្រេចជោគជ័យហើយ។ សម្តេចតេជោសូមអរគុណសម្តេចពិជ័យសេនា ទៀ បាញ់ ចំពោះការដឹកនាំព្រឹត្តិការណ៍នេះប្រកបដោយភាពជោគជ័យ។ សម្តេចតេជោ ហ៊ុន សែន ក៏បានថ្លែងអំណរព្រះគុណព្រះមហាក្សត្រ និងសម្តេចម៉ែ ដែលព្រះអង្គគាំទ្រដល់ការប្រកួតស៊ីហ្គេម និងថ្លែងអំណរព្រះគុណព្រះបរមរតកោដ្ឋ ដែលបានបន្សល់ទុកនូវកេរមរតក សម្រាប់ភាពជោគជ័យស៊ីហ្គេមឆ្នាំ២០២៣នេះ។ សម្តេចតេជោ ក៏បានថ្លែងអំណរគុណដល់រដ្ឋាភិបាល និងប្រជាជនចិន ដែលបានជួយកសាងពហុកីឡដ្ឋានជាតិមរតកតេជោ ដែលប្រើប្រាស់នៅពេលនេះ និងតកូនចៅជំនាន់ក្រោយៗទៀត។ ក្នុងពិធីបិទព្រឹត្តិការណ៍ស៊ីហ្គេមនេះផងដែរ សម្តេចតេជោ ហ៊ុន សែន ក៏សូមអធ្យាស្រ័យចំពោះប្រជាជនកម្ពុជា និងមិត្តភ័ក្រ្តអាស៊ាន ប្រសិនបើមានកំហុសឆ្គងដោយអចេតនា សម្តេចនឹងទទួលយកសម្រាប់ការកែលម្អ នាពេលខាងមុខ។មុននឹងបញ្ចប់ សម្តេចតេជោ ហ៊ុន សែន បានអញ្ជើញប្រកាសបិទព្រឹត្តិការណ៍ស៊ីហ្គេម លើកទី៣២ ដែលកម្ពុជាធ្វើជាម្ចាស់ផ្ទះ ចាប់ពីពេលនេះតទៅ៕

សម្តេចតេជោ ហ៊ុន សែន៖ កាលស៊ីហ្គេមលើកទី២០ឆ្នាំ១៩៩៩ កម្ពុជាចំណាត់ថ្នាក់លេខ១០ ជាមួយនឹង០មេដាយ

2023/05/17 11:21:54 am        456
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី តាមរយៈសារតេឡេក្រាម នៅព្រឹកថ្ងៃទី១៧ ខែឧសភានេះ បានបញ្ជាក់ថា «កាលពីសុីហ្គេមលើកទី២០ ឆ្នាំ១៩៩៩ កម្ពុជា ស្ថិតនៅចំណាត់ថ្នាក់លេខ១០ជាមួយនឹង០មេដាយ»។សម្តេចបន្តថា សុីហ្គេមលើកទី៣២ ឆ្នាំ២០២៣ កម្ពុជាទទួលបានមេដាយសរុប ២៨២ ដោយឈរលំដាប់ទី៤ខាងមេដាយមាស និងឈរលំដាប់ទី៣ខាងមេដាយច្រើន (សូមមើលតារាងប្រៀបធៀប)។សម្តេចបញ្ជាក់ថា «នេះជាសមិទ្ធិផលរបស់ប្រជាជាតិទាំងមូល ដែលប្រឹងងើបឈរឡើងក្នុងការកសាងជាតិនិយាយជារួម និងក្នុងវិស័យកីឡានិយាយដោយឡែក»៕

ក្រសួងរតនាគារអាមេរិក កំណត់កាលបរិច្ឆេទការខកខានសងបំណុលនៅថ្ងៃទី១ខែមិថុនាបើពុំមានការដំឡើងកម្រិតបំណុល

2023/05/16 09:23:59 am        337
Facebook Telegram Linkin
អាមេរិក៖ ក្រសួងរតនាគារសហរដ្ឋអាមេរិកបាននិយាយកាលពីថ្ងៃចន្ទថា ខ្លួននៅតែរំពឹងថានឹងអាចទូទាត់ការចំណាយរបស់រដ្ឋាភិបាលអាមេរិកត្រឹមថ្ងៃទី១ខែមិថុនាបើពុំមានការបង្កើនកម្រិតបំណុលដោយរក្សាសម្ពាធលើសមាជិកសភារបស់គណបក្សសាធារណនិងសេតវិមានដើម្បីសម្រេចបានកិច្ចព្រមព្រៀងមួយ។នៅក្នុងលិខិតលើកទី២របស់ខ្លួនផ្ញើទៅកាន់សភាក្នុងរយៈពេល២សប្ដាហ៍ រដ្ឋមន្ត្រីក្រសួងរតនាគារលោកស្រី Janet Yellen បានបញ្ជាក់ថា ទីភ្នាក់ងារនេះទំនងជានឹងមិនអាចបំពេញកាតព្វកិច្ចចំណាយរបស់រដ្ឋាភិបាលសហរដ្ឋអាមេរិកទាំងអស់បានទេ នៅដើមខែមិថុនា ដែលនាំឲ្យមានការខកខានការសងបំណុលលើកដំបូងមិនធ្លាប់មានរបស់សហរដ្ឋអាមេរិក ។លោកស្រីនិយាយថាការកម្រិតអតិបរមាបំណុល អាចក្លាយជាពេលកំណត់នៅថ្ងៃទី១ខែមិថនា។ការបរិច្ឆេទថ្មីនេះ ឆ្លុះបញ្ចាំងពីទិន្នន័យបន្ថែមទៀតលើប្រាក់ចំណូល និងការចំណាយដែលត្រូវបានទទួល ចាប់តាំងពីពេលជូនដំណឹងដល់សភារបស់លោកស្រី Yellen កាលពីថ្ងៃទី១ខែឧសភាថា ក្រសួងរតនាគារទំនងជានឹងអស់សាច់ប្រាក់ក្នុងការទូទាត់ការចំណាយរបស់រដ្ឋាភិបាល នៅដើមខែមិថុនា ហើយឆាប់បំផុតនៅថ្ងៃទី១ខែមិថុនា។លោកស្រី Yellen បាននិយាយថាកាលបរិច្ឆេទពិតប្រាកដដែលរតនាគារដកវិធានការវិសាមញ្ញ អាចត្រូវការរយៈពេលច្រើនថ្ងៃឬសប្តាហ៍ យូរជាងការប៉ាន់ប្រមាណទាំងនេះ។លោកស្រី បាននិយាយថានឹងផ្តល់ព័ត៌មានវិត្តន៍ថ្មីៗបន្ថែមដល់សភានៅសប្តាហ៍ក្រោយ នៅពេលមានព័ត៌មានបន្ថែមទៀត។ ប្រធានាធិបតីសហរដ្ឋអាមេរិកលោក Joe Biden កាលពីថ្ងៃចន្ទបាននិយាយថា លោកនឹងជួបជាមួយប្រធានសភាអាមេរិកមកពីគណបក្សសាធារណរដ្ឋលោក Kevin McCarthy សម្រាប់កិច្ចពិភាក្សាអំពីបញ្ហាបំណុលនៅថ្ងៃអង្គារនេះ មុនពេលធ្វើដំណើរទៅកាន់ប្រទេសជប៉ុននៅថ្ងៃពុធសម្រាប់កិច្ចប្រជុំកំពូលមេដឹកនាំប្រទេស G7 ជាការធ្វើដំណើរដែលនឹងចំណាយពេលប្រហែលមួយសប្តាហ៍។ចំណែកលោក McCarthy បាននិយាយថាមិនមានការរីកចម្រើនក្នុងការចរចារយៈពេលយូរនៅកម្រិតបុគ្គលិកពេញមួយចុងសប្តាហ៍នេះទេ៕

លោក Biden មានសុទិដ្ឋិនិយមលើការពិភាក្សាអំពីបំណុលជាមួយគណបក្ស Republican ខណៈការខកខានសងបំណុលជិតចូលមកដល់

2023/05/15 12:42:33 pm        437
Facebook Telegram Linkin
អាមេរិក៖ ប្រធានាធិបតីអាមេរិកលោក Joe Biden បានថ្លែង កាលពីថ្ងៃអាទិត្យ (ទី១៤ ឧសភា) ថា លោកនៅតែមាន «សុទិដ្ឋិនិយម» អំពីការស្វែងរកកិច្ចព្រមព្រៀងជាមួយគូប្រជែងខាងគណបក្ស Republican ដើម្បីបង្កើនការកម្រិតបំណុលរបស់សហរដ្ឋអាមេរិក និងបញ្ចៀសការខកខានសងបំណុល ដែលរដ្ឋបាលរបស់លោកបានព្រមានថា នឹងបង្កឱ្យមានផលវិបាកដ៏មហន្តរាយ។សមាជិកសភាមកពីគណបក្ស Republican កំពុងទាមទារឱ្យមានការកាត់បន្ថយថវិកាជាថ្នូរនឹងការដកការរឹតត្បិតលើការខ្ចីប្រាក់របស់សហរដ្ឋអាមេរិក ខណៈដែលសេតវិមានបានទទូចអស់រយៈពេលជាច្រើនខែមកហើយថាសមត្ថភាពដោះស្រាយបំណុលរបស់ប្រទេស មិនគួរយកឡើងសម្រាប់ការចរចាទេ។ទន្ទឹមនឹងនោះ សំឡេងប្រកាសអាសន្ន កំពុងរោទ៍ឡើង ជុំវិញលទ្ធភាពនៃការខាកខានសងបំណុលជាលើកដំបូងរបស់សហរដ្ឋអាមេរិក ជាមួយនឹងភាពមិនច្បាស់លាស់អំពីកាលបរិច្ឆេទពិតប្រាកដ ដែលរដ្ឋាភិបាលនឹងលែងមានលទ្ធភាពសងបំណុលរបស់ខ្លួន។ភាគីទាំង២ នៅតែស្ថិតក្នុងផ្លូវទ័លច្រក បើទោះជាមានការព្រមានជាច្រើនសប្តាហ៍ពីមន្ត្រីរដ្ឋាភិបាល និងធនាគារិកដែលថា ការខកខានសងបំណុលអាចនាំមកនូវផលវិបាកដ៏ធ្ងន់ធ្ងរ ដោយក្នុងនោះរួមទាំងវិបត្តិសេដ្ឋកិច្ច ដែលអាចកើតមាន និងទំនងជាមានការរាលដាលផ្នែកហិរញ្ញវត្ថុសកលទៀតផង។តែយ៉ាងណាក៏ដោយ ក៏លោក Biden បាននិយាយកាលពីថ្ងៃអាទិត្យថា លោកគិតថាលោកនឹងអាចឈានដល់កិច្ចព្រមព្រៀងមួយនៅទីបំផុត ដោយលោកបានប្រាប់អ្នកសារព័ត៌មាន ក្នុងរដ្ឋ Delaware ថា៖ «ខ្ញុំនៅតែមានសុទិដ្ឋិនិយម ពីព្រោះខ្ញុំជាអ្នកសុទិដ្ឋិនិយមពីកំណើត តែខ្ញុំពិតជាគិតថា មានចេតនាមួយរបស់ពួកគេ ក៏ដូចជារបស់ពួកយើង ក្នុងការឈានដល់កិច្ចព្រមព្រៀង។ ខ្ញុំគិតថា យើងនឹងអាចធ្វើបាន»។កិច្ចពិភាក្សាជុំថ្មីដែលត្រូវបានរំពឹងទុកយ៉ាងខ្លាំងស្ដីពីការកម្រិតអតិបរិមាបំណុល រវាងលោក Biden និងមេដឹកនាំគណបក្ស Republican រួមទាំងប្រធានសភាលោក Kevin McCarthy ត្រូវបានពន្យារពេលពីថ្ងៃសុក្រ រហូតដល់សប្តាហ៍នេះ៕

គណបក្សប្រឆាំងពីររបស់ប្រទេសថៃ នាំមុខប្រកៀកប្រកិតគ្នាក្នុងការបោះឆ្នោតសកល ខណៈការរាប់សន្លឹកឆ្នោតនៅតែបន្ត

2023/05/15 08:20:51 am        471
Facebook Telegram Linkin
ថៃ៖ គណបក្សប្រឆាំងថៃចំនួន២ កំពុងប្រជែងគ្នាយ៉ាងប្រកៀកប្រកិតក្នុងការប្រកាសជ័យជម្នះ កាលពីយប់ថ្ងៃអាទិត្យទី១៤ឧសភា ខណៈចំនួនសន្លឹកឆ្នោតដែលត្រូវបានរាប់ បានធ្វើឲ្យគណបក្សទាំងពីរ មានសំឡេងប្រកៀកប្រកិតគ្នាក្នុងការប្រជែងដឹកនាំរដ្ឋាភិបាលថ្មី។ ការបោះឆ្នោតកាលពីថ្ងៃអាទិត្យនាំឲ្យគបក្សបោះជំហានទៅមុខឬ Move Forward និងគណបក្ស ភើថៃ (Pheu Thai)របស់គ្រួសារមហាសេដ្ឋី Shinawatra នាំមុខលើគណបក្សកាន់អំណាចដែលត្រូវបានគាំទ្រដោយ អ្នកបន្តវេនពីក្រុមអ្នកមានទ្រព្យសម្បត្តិ ក្រុមអភិរក្សនិយម និងក្រុមឧត្ដមសេនីយ៍ដ៏មានឥទ្ធិពលលើស្ថាប័នសំខាន់ក្នុងភាពចលាចលរយៈពេល២ទសវត្សន៍កន្លងទៅនៅក្នុងប្រទេសមានសេដ្ឋកិច្ចធំបំផុតទី២នៅអាស៊ី-អាគ្នេយ៍មួយនេះ។ ថ្លែងបន្ទាប់ពីការរាប់សន្លឹកឆ្នោតបាន៥០% លោកស្រី Paetongtarn Shinawatra ជាបេក្ខជននាយករដ្ឋមន្ត្រីសម្រាប់គណបក្ស Pheu Thai  បាននិយាយថា  លោកស្រីសប្បាយចិត្តជំនួសគណបក្សបោះជំហានទៅមុខ។លោកស្រី បានប្រាប់ក្រុមអ្នកសារព័ត៌មានថា សំឡេងរបស់ប្រជាជនគឺសំខាន់បំផុត ។គណបក្សបោះជំហានទៅមុខ បានមើលឃើញការកើនខ្លាំងក្នុងការស្ទង់មតិ និងកំពុងវិនិយោគលើយុវជន រួមទាំងចំនួនអ្នកបោះឆ្នោតលើកដំបូងចំនួន៣,៣លាននាក់ ដែលបានចេញទៅបោះឆ្នោតក្នុងកម្លាំងជំរុញរបៀបវារៈរំដោះជាតិរបស់ខ្លួន រួមទាំងរំលាយភាពជាប់គាំង ធ្វើឲ្យតួនាទីនយោបាយរបស់យោធាចុះខ្សោយ និងការធ្វើវិសោធនកម្មច្បាប់ដ៏តឹងរ៉ឹងលើការប្រមាថព្រះមហាក្សត្រ ដែលក្រុមអ្នករិះគន់និយាយថា ត្រូវបានប្រើដើម្បីដាក់សម្ពាធលើក្រុមប្រឆាំង។មេដឹកនាំគណបក្សបោះជំហានទៅមុខ លោក ភីថា លឹមចារឺនរ៉ាត់ (Pita Limjaroenrat ) នៅក្នុងសន្និសីទសារព័ត៌មាន បានច្រានចោលការចងសម្ព័ន្ធភាពជាមួយបណ្ដាគណបក្សគាំទ្រដោយយោធា ដែលលោកបានព្យាករណ៍ថា មិនអាចបន្តកាន់តំណែងទៀតបានឡើយ៕

ព្រឹកស្អែក សម្ដេចតេជោ ហ៊ុនសែន នឹងអញ្ជើញជាអធិបតីក្នុងពិធីប្រគល់សញ្ញាបត្រជូនដល់និស្សិតជ័យលាភី នៃគ្រឹះស្ថានឧត្តមសិក្សាកសិកម្មចំនួន៣

2023/05/14 09:34:41 pm        410
Facebook Telegram Linkin
ភ្នំពេញ ៖ នៅព្រឹកថ្ងៃចន្ទ ១១រោច ខែពិសាខ ឆ្នាំថោះ បញ្ចស័ក ព.ស. ២៥៦៧ ត្រូវនឹង ថ្ងៃទី១៥ ខែឧសភា ឆ្នាំ២០២៣ ស្អែកនេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នឹងអញ្ជើញជាអធិបតីភាពដ៏ខ្ពង់ខ្ពស់នៅក្នុងពិធីប្រគល់សញ្ញាបត្រជូនដល់និស្សិតជ័យលាភី នៃសាកលវិទ្យាល័យភូមិន្ទកសិកម្ម,វិទ្យាស្ថានជាតិកសិកម្មព្រែកលៀប និងវិទ្យាស្ថានជាតិកសិកម្មកំពង់ចាម ដែលពិធីនេះធ្វើឡើងនៅមជ្ឈមណ្ឌលកោះពេជ្រ។ និស្សិតជ័យលាភីនៃគ្រឹះស្ថានឧត្តមសិក្សាកសិកម្មទាំងបី មានចំនួនសរុប ៣ ២៧៩នាក់ (នារី ១ ៣១៩នាក់ ស្មើនឹងជាង៤០%) ដែលបានបញ្ចប់ការសិក្សាតាមជំនាញរបស់ខ្លួនដោយជោគជ័យ ក្នុងឆ្នាំ២០១៩, ២០២០, ២០២១ និងឆ្នាំ២០២២ ក្នុងនោះ មកពីសាកលវិទ្យាល័យភូមិន្ទកសិកម្ម ចំនួន ២ ៤៣៣នាក់, វិទ្យាស្ថានជាតិកសិកម្ម ព្រែកលៀបចំនួន ៥៣១នាក់ និងនិស្សិតវិទ្យាស្ថាន​ជាតិកសិកម្មកំពង់ចាមចំនួន ៣១៥នាក់។ សញ្ញាបត្រដែលនិស្សិតជ័យលាភីនឹងត្រូវទទួលបាន មានចំនួន ៥កម្រិតផ្សេងគ្នាគឺ ថ្នាក់បរិញ្ញាបត្ររង ចំនួន ៣០១នាក់, ថ្នាក់បរិញ្ញាបត្រ ចំនួន ២ ៨៤៨នាក់, ថ្នាក់បរិញ្ញាបត្រជាន់ខ្ពស់ ចំនួន ៦៦នាក់ (នារី ២៤នាក់), ថ្នាក់បសុវេជ្ជបណ្ឌិត ចំនួន ៥៦នាក់ (នារី ២០នាក់) និងថ្នាក់បណ្ឌិត ចំនួន ៨នាក់ (នារី ១នាក់)។ ក្នុងចំណោមនិស្សិតជ័យលាភីទាំងអស់ មាននិស្សិត​អាហារូបករណ៍ចំនួន ១០៧៧នាក់ (នារី ៤៩៩នាក់ ស្មើនឹងជាង ៤៦%)។គិតចាប់ពីឆ្នាំ១៩៨៤ មកដល់ឆ្នាំ២០២២កន្លងទៅ គ្រឹះស្ថានឧត្តមសិក្សាកសិកម្មទាំងបីបណ្តុះ បណ្តាលបានធនធានមនុស្សចំនួន ៣០ ៣៥៤ នាក់ (នារី ៧ ៨១៥ នាក់) ហើយក្នុងរយៈពេល៤ឆ្នាំ​ចុងក្រោយនេះ ជាមធ្យម គ្រឹះស្ថានទាំងបីបណ្តុះបណ្តាលបានធនធានមនុស្សជាង ៨០០នាក់ ក្នុងមួយឆ្នាំ សម្រាប់ វិស័យកសិកម្ម។ជាមួយនឹងលទ្ធផលខាងលើនេះ គ្រឹះស្ថានឧត្តមសិក្សាទាំងបីបាននិងកំពុងអនុវត្តកម្មវិធីកំណែទម្រង់ ជាបន្តបន្ទាប់ ជាពិសេស ការជំរុញអនុវត្តយុទ្ធសាស្រ្ត១០ឆ្នាំថ្មី២០២១-២០៣០ ដែលត្រូវ​បាន​ដាក់​ឱ្យ​អនុវត្តដោយក្រសួងកសិកម្ម រុក្ខាប្រមាញ់ និងនេសាទ កាលពីឆ្នាំ២០២១កន្លងទៅ ដើម្បីជំរុញការអភិវឌ្ឍវិស័យកសិកម្ម ស្របតាមគោលនយោបាយ និងយុទ្ធសាស្រ្តចតុកោណ​របស់រាជរដ្ឋាភិបាល៕​

សម្ដេចតេជោបង្ហាញសម្លេងក្រុមមេដឹកនាំគណបក្សភ្លើងទៀនដែលរៀបចំផែនការចង់ផ្ដួលរំលំរាជរដ្ឋាភិបាល

2023/05/14 12:13:18 am        449
Facebook Telegram Linkin
ភ្នំពេញៈ សម្ដេចតេជោ ហ៊ុន សែន នាយករដ្ឋមន្រ្ដីនៃកម្ពុជា នាយប់ថ្ងៃទី១៤ ខែឧសភា ឆ្នាំ២០២៣នេះ បានបង្ហាញសារសំឡេង មេដឹកនាំ គណបក្សភ្លើងទៀន លោក ជា ប៉ូច ដែលកំពុងរៀបចំផែនការផ្ដួលរំលំរាជរដ្ឋាភិបាល ខណៈគណបក្សនេះបានចេញសារគំរាមបង្កចលាចលទូទាំងប្រទេស ក្រោមហេតុផល តស៊ូមតិ។ យោងតាមសាររបស់សម្ដេចតេជោ បានបញ្ជាក់ថា៖«ថ្ងៃនេះជាមួយ និងសារគំរាមបង្កចលាចលទូរទាំងប្រទេសក្រោមហេតុផលតស៊ូមតិ ដោយសេចក្តីប្រកាសព័ត៌មានផង និង ដោយការប្រកាសរបស់ រ៉ុង ឈុន ផង។ ខ្ញុំក៍ទទួលបានលិខិតរបស់ប្រធានគណបក្ស ភ្លើងទៀន សុំជួបសំដែងការគួរសមដែលនាំមកដោយ ជា ប៉ូច ។សម្ដេចតេជោ ចោទសួរថា តើ ភ្លើង ទៀង ចង់បានអ្វីពិតប្រាកដ បានជាបញ្ជូនសារដ៍ច្របូកច្របល់បែបនេះ? បង្កចលាចលមុនការបោះឆ្នោត? បំផ្លាញ ការបោះឆ្នោត? សម្ដេចបញ្ជាក់ថា ពហិការមិនចូលរួមការបោះឆ្នោត តែទម្លាក់កំហុសឲ្យ គ.ជ.ប ឬ ក្រុមប្រឹក្សាធម្មនុញ្ញក្នុងករណីស្ថាប័នទាំងពីរបដិសេដ្ឋមិនឲ្យចុះឈ្មោបោះឆ្នោត ដែលវាជាកំហុសរបស់គណបក្សផ្ទាល់។សម្រាប់លិខិតសុំជួបបែរជាប្រើ ជា ប៉ូច ដែលជាមនុស្សទើបបានប្តេជ្ញាចិត្តផ្តួលរំលំខ្ញុំប្រហែល ២ ខែមុននេះទៅវិញ។ សម្ដេចតេជោក៏បានបង្ហាញ សំឡេង ជា ប៉ូច ដែលបាននិយាយ និងផ្សព្វ ផ្សាយកន្លងមកផងដែរ។ សម្ដេចបញ្ជាក់ថា ៖«ខ្ញុំក៍ចង់បានការពន្យល់ពី ជា ប៉ូច តើរបៀបទម្លាក់ខ្ញុំដោយវិធីណា?»។ អាស្រ័យដោយភាពមិនច្បាស់លាស់ និងដោយជាប់រវល់ផង ខ្ញុំ សូមកំណត់យក ម៉ោង ៩ ថ្ងៃ៣០ ខែកក្កដា ឆ្នាំ ២០២៣ នៅវិមាន សន្តិភាព គឺជួបគ្នាក្រោយការបោះឆ្នោត»៕

សម្ដេចតេជោបញ្ជាឱ្យសមត្ថកិច្ចត្រៀមអនុវត្តវិធានការច្បាប់ចំពោះមេដឹកនាំគណបក្សភ្លើងទៀនដែលប៉ុនប៉ងប្រមូលផ្ដុំបង្កចលាចល

2023/05/13 04:27:24 pm        598
Facebook Telegram Linkin
ភ្នំពេញៈ សម្ដេចតេជោ ហ៊ុន សែន នាយករដ្ឋមន្រ្ដី ​នៃកម្ពុជា ​នារសៀល​ថ្ងៃទី១៣​ ខែឧសភា ​ឆ្នាំ ២០២៣​នេះ​ បាន ប្រកាស​អនុវត្ត​វិធានកា​រ​ផ្លូវ​ច្បាប់​ចំពោះ​ក្រុម​មេដឹក​នាំ​គណបក្សភ្លើងទៀន​ ដែល​មាន​គម្រោង​ប្រមូល​ផ្ដុំបក្សពួក ​បង្ក​ភាព​ចលាចល​ ដល់​សន្ដិសុខ​ សុវត្ថិភាព​ និង​ស្ថេរភាព​នយោបាយ ​នៅ​ក្នុង​អំឡុង​ ពេល​កម្ពុជា ​កំពុង ប្រារព្ធ​ព្រឹត្តិការណ៍​ស៊ីហ្គេម​លើកទី៣២។សម្ដេច​តេជោ​បញ្ជា​ឱ្យ​សមត្ថកិច្ច​ពាក់ព័ន្ធ​ត្រៀម​លក្ខណៈ​គ្រប់​បែបយ៉ាង​ដើម្បី​អនុវត្ត​វិធាន​ការ​ច្បាប់​ចំពោះ​ទង្វើខុស​ច្បាប់​នានា​ដែល​ក្រុម​មេ​ដឹកនាំ​គណ​បក្សភ្លើង​ទៀន​បង្កឡើង។

បានត្រឹមរូបថត! សម្តេចតេជោ ហ៊ុន សែន ស្វែងរកនាឡិកា ដែលសម្តេចដូរជាមួយសម្តេច ជា ស៊ីម

2023/05/12 07:32:59 pm        653
Facebook Telegram Linkin
ភ្នំពេញ៖ សម្តេចតេជោ ហ៊ុន សែន បានបង្ហោះសារ និងរូបថតពីអតីតកាល តាមតេឡេក្រាម នៅរាត្រីថ្ងៃទី១២ ខែឧសភានេះដោយបញ្ជាក់ថា “ខ្ញុំបានខិតខំស្វែងរកនាឡិកា ដែលខ្ញុំពាក់តាំងពីមុនសង្គ្រាមឆ្នាំ១៩៧០ ហើយ​មកដូរជាមួយបងជា សុីមក្នុងឆ្នាំ១៩៨២។ ​ម្សិលមុិញខ្ញុំបាន​ទទួលពីបណ្តាញ​សង្គមនូវរូប​ថត៣សន្លឹក​ដែល​ថតក្នុង១៩៧៩”។សម្តេចតេជោ ហ៊ុន សែន បញ្ជាក់ថា នៅក្នុងរូបថតនេះមាននាឡិកា​ដែលពាក់នៅដៃ​សម្តេចនេះហើយ​ជានាឡិកាដែល​សម្តេចកំពុងស្វែងរក។ នាឡិកានេះមានប្រវត្តិវែងឆ្ងាយតាំងពីសម្តេចនៅជាក្មេងវត្ត។ប្រហែលចុងឆ្នាំ១៩៦៩ ឬដើម​ឆ្នាំ១៩៧០​ដោយសារព្រះសង្ឃស្តីបន្ទោសរឿងយកចង្ហាន់យឺត សម្តេចសម្រេចបោកកូនជ្រូកយកប្រាក់​សន្សំបានប្រាក់​ជាង៥០០០រៀលយកទៅទិញនាឡិកាម៉ាកទីតូនីមួយគ្រឿង។ប្រហែលដើមខែមីនា១៩៧០ សម្តេចបានយកនាឡិកានេះទៅប្តូរជា​មួយហាងនាឡិកា​នៅស្រុកមេមត់ដោយ​យក​ម៉ាកទីតូនី​ដែលមានតម្លៃខ្ពស់ជាងរហូតដល់៨៧០០រៀលលុយជំនាន់នោះ​(មាសមួយ​ដំឡឹងតម្លៃ៣២០០រៀល)។ដូចនេះនាឡិកានេះមានតម្លៃស្មើនិងជាង ២ដំឡឹងមាស នាពេលនោះ។នាឡិកានេះបានជួយសម្តេចច្រើនមិនឲ្យលោកស្តីបន្ទោសរឿងយកចង្ហាន់យឺតពិសេសបំរើការក្នុងកងទ័ព​រហូតជា​រដ្ឋក្រសួការបរទេស​១៩៧៩.១៩៨០ និងជាឧបនាយករដ្ឋមន្ត្រីរដ្ឋមន្ត្រីការបរទេស១៩៨១.១៩៨២ មុនពេលប្តូរនាឡិកានេះជាមួយសម្តេចជា សុីម ក្នុងឆ្នាំ១៩៨២៕

អ្នកការទូតជាន់ខ្ពស់របស់ចិន និងទីប្រឹក្សាសន្តិសុខជាតិអាមេរិក ជួបពិភាក្សាគ្នា ក្នុងន័យស្ថាបនា នៅក្រុងវីយែន

2023/05/12 11:15:42 am        200
Facebook Telegram Linkin
ចិន៖ មន្ត្រីជាន់ខ្ពស់របស់ចិន និងសហរដ្ឋអាមេរិក បានជួបពិភាក្សាគ្នា ប្រកបដោយភាពស្មោះត្រង់ និងក្នុងន័យស្ថាបនា ស្តីពីទំនាក់ទំនងទ្វេភាគី នៅទីក្រុងវីយែន ប្រទេសអូទ្រីស ក្នុងរយៈពេល ២-៣ថ្ងៃកន្លងមកនេះ។យោងតាមសេចក្តីថ្លែងការណ៍ ដែលចេញផ្សាយដោយក្រសួងការបរទេសចិន កាលពីថ្ងៃព្រហស្បតិ៍ បានឲ្យដឹងថា លោក Wang Yi ប្រធានការិយាល័យគណៈកម្មការកិច្ចការបរទេសនៃគណៈកម្មាធិការមជ្ឈិមបក្សកុម្មុយនីស្តចិន (CPC) និងទីប្រឹក្សាសន្តិសុខជាតិអាមេរិក លោក Jake Sullivan បានជួបកិច្ចពិភាក្សាគ្នាដោយត្រង់ទៅត្រង់មក ស៊ីជម្រៅ ស្មោះត្រង់ និងស្ថាបនា ស្តីពីទំនាក់ទំនងទ្វេភាគី កាលពីថ្ងៃពុធ និងថ្ងៃព្រហស្បតិ៍។សេចក្តីថ្លែងការណ៍នោះ បានបន្ថែមថា ភាគីទាំង២ បានពិភាក្សាគ្នាលើការលុបបំបាត់ចោលនូវឧបសគ្គ នៅក្នុងទំនាក់ទំនងចិន-អាមេរិក និងស្ដារឲ្យមានស្ថិរភាពឡើងវិញនូវទំនាក់ទំនង ដែលកាន់តែអាក្រក់នេះ។លោក Wang ដែលជាសមាជិកការិយាល័យនយោបាយនៃគណៈកម្មាធិការមជ្ឈិមបក្ស CPC ផងនោះ បានពន្យល់យ៉ាងលម្អិតនូវជំហរដ៏រឹងមាំរបស់ប្រទេសចិន ចំពោះបញ្ហាកោះតៃវ៉ាន់។ភាគីទាំង២ ក៏បានផ្លាស់ប្តូរទស្សនៈគ្នាអំពីស្ថានភាព ក្នុងតំបន់អាស៊ី-ប៉ាស៊ីហ្វិក អ៊ុយក្រែន និងបញ្ហាអន្តរជាតិ និងតំបន់ផ្សេងទៀត ដែលមានផលប្រយោជន៍រួម។ ភាគីទាំង២ បានឯកភាពបន្តប្រើប្រាស់ឲ្យបានល្អនូវបណ្តាញទំនាក់ទំនងយុទ្ធសាស្ត្រនេះ។សេចក្ដីថ្លែងការណ៍សង្ខេបខ្លីៗផ្សព្វផ្សាយដោយសេតវិមាន បានពិពណ៌នាកិច្ចពិភាក្សាទ្វេភាគីនេះថា មានភាពស្មោះត្រង់ មានអត្ថន័យជ្រាលជ្រៅ និងប្រកបដោយការស្ថាបនា៕

បណ្ដាញសង្គម

ព័ត៌មានថ្មីៗ

ប្រធានគណៈប្រចាំការនៃគណៈអចិន្ត្រៃយ៍យុវជនគណបក្សប្រជាជនកម្ពុជាថ្នាក់កណ្ដាល និងលេខាទី១ នៃគណៈកម្មាធិការមជ្ឈិមសម្ព័ន្ធយុវជនកុម្មុយនីស្តចិនចុះអនុស្សរណៈស្ដីពីកិច្ចសហប្រតិបត្តិការជាមួយគ្នា
06/26/2026 08:06 PM
Facebook Telegram Linkin
កសិដ្ឋានចិញ្ចឹមសត្វគោ និងជ្រូកនៅប្រទេសបែលហ្ស៊ិក កំពុងជួបការលំបាក ដោយសាររលកកម្តៅ
06/26/2026 08:06 PM
Facebook Telegram Linkin
នយោបាយឈ្នះ-ឈ្នះនាំឱ្យកម្ពុជាសម្រេចបានសន្តិភាព និងការអភិវឌ្ឍដូចសព្វថ្ងៃ
06/26/2026 08:06 PM
Facebook Telegram Linkin
អ៊ីរ៉ង់៖ ការឆ្លងកាត់ច្រកសមុទ្រ Hormuz មិនត្រូវបានធានាទេ បើគ្មាន​ការសម្របសម្រួលជាមួយ​ទីក្រុងតេអេរ៉ង់
06/26/2026 08:06 PM
Facebook Telegram Linkin
ប្រធានាធិបតីជិតឡើងកាន់អំណាចកូឡុំប៊ី ចេញឱសានវាទដល់ក្រុមឧក្រិដ្ឋកម្មប្រដាប់អាវុធ
06/26/2026 08:06 PM
Facebook Telegram Linkin
មន្ត្រីជាន់ខ្ពស់៖ លីបង់ទាមទារឲ្យ​អ៊ីស្រាអែលដកទ័ពទាំងស្រុង ក្នុងកិច្ចព្រមព្រៀងណាមួយ នៅទីក្រុងវ៉ាស៊ីនតោន
06/26/2026 08:06 PM
Facebook Telegram Linkin
កម្ពុជា ប្តេជ្ញាធ្វើការងារជិតស្និទ្ធជាមួយចិន ដើម្បីពង្រីកបន្ថែមទាំងវិសាលភាព និងភាពស៊ីជម្រៅនៃទំនាក់ទំនងទ្វេភាគី
06/26/2026 08:06 PM
Facebook Telegram Linkin
រញ្ជួយដីកម្រិត ៦,៥រ៉ិចទ័រ វាយប្រហារកោះ នៅ​ភាគខាងត្បូងនៃ​ប្រទេស​ហ្វីលីពីន
06/26/2026 08:06 PM
Facebook Telegram Linkin
UN ជំរុញឲ្យមានសេចក្តីថ្លៃថ្នូរសម្រាប់ជនអន្តោប្រវេសន៍ ក្រោយតុលាការអាមេរិកសម្រេចលើជនអន្តោប្រវេសន៍ហៃទី និងស៊ីរី
06/26/2026 08:06 PM
Facebook Telegram Linkin
អ៊ីស្រាអែលទម្លាក់ខិត្តប័ណ្ណ នៅ​ទីក្រុងរបស់​លីបង់ ដោយបញ្ជាឲ្យ​ប្រជាជនចាកចេញ
06/26/2026 08:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.