BTV NEWS

សម្ដេចធិបតី ហ៊ុន ម៉ាណែត៖ អាទិភាពរបស់រាជរដ្ឋាភិបាល គឺ ប្រទេសជាតិ,ប្រជាជន, ទឹកដី និង ឯករាជ្យភាពជាតិ

សម្ដេចធិបតី៖ យុទ្ធនាការកម្ចាត់ Online Scams ប៉ុន្មានខែចុងក្រោយនេះ បានស្ដារមុខមាត់កម្ពុជាមកវិញ

សម្ដេចធិបតី៖ កម្ពុជាជាសមាជិក WTO មិនអាចហាមឃាត់ការនាំចូលទំនិញពីប្រទេសដទៃបានទេ

សម្ដេចធិបតី៖ ឆ្នាំ២០២៩ កម្ពុជានឹងចាកចេញពីប្រទេសអភិវឌ្ឍន៍តិចតួចបន្តដំណើរទៅកាន់ប្រទេសអភិវឌ្ឍន៍

ព័ត៌មានសំខាន់ៗ

មនុស្សជាង ១០នាក់របួស និងបាត់ខ្លួនក្នុងហេតុការណ៍បាក់រលំអគារនៅទីក្រុងម៉ាកសី ប្រទេសបារាំង

បារាំង៖ មនុស្ស ៥នាក់រងរបួស និង ៨នាក់បាត់ខ្លួន ក្រោយការផ្ទុះដែលធ្វើឲ្យអគារអ័បផាតមិនមួយបាក់រាបដល់ដីនៅក្នុងទីក្រុងម៉ាកសី (Marseille) ភាគខាងត្បូងប្រទេសបារាំង។ មូលហេតុនៃការផ្ទុះមិនត្រូវបានគេដឹងនៅឡើយទេ។ ការផ្ទុះនេះបានបំផ្លិចបំផ្លាញអគារនេះភ្លាមៗ បន្ទាប់ពីយប់ជ្រៅរំលងអធ្រាត្រ ហើយប្លុកផ្ទះល្វែងក្បែរខាងបានដួលរលំប៉ុន្មានម៉ោងក្រោយ។ ចំណែកអភិបាលក្រុងនេះលោក Benoit Payan និយាយថា ហេតុការណ៍នេះទំនងជាមានមនុស្សស្លាប់។ មនុស្សជិត ២០០នាក់ត្រូវបានជម្លៀសចេញពីអគារក្បែរៗនោះ។ ក្រុមអ្នកពន្លត់អគ្គិភ័យជាង ១០០នាក់ត្រូវបានបញ្ជូនទៅពន្លត់អណ្ដាតភ្លើង ក្រោយការផ្ទុះ។ អគ្គិភ័យបានឆេះស្ទើរពេញមួយថ្ងៃអាទិត្យម្សិលមិញ ហើយក្រុមអាជ្ញាធរបានព្រមានថា អណ្ដាតភ្លើងអាចបន្តជាច្រើនម៉ោងទៀត ទោះបីកម្លាំងនៃការឆាបឆេះបានធូរស្រាលកាលពីល្ងាចថ្ងៃអាទិត្យហើយក៏ដោយ។ អគ្គិភ័យនេះបានរារាំងការស្វែងរកមនុស្សបាត់ខ្លួន ដែលក្រុមរដ្ឋអាជ្ញារបស់ទីក្រុងនេះនិយាយថា រួមទាំងមនុស្សវ័យក្មេង ២នាក់ និងមនុស្សដែលគេបានដឹងអាយុពិតប្រាកដមួយចំនួនទៀត។ លោក Payan បាននិយាយថា យើងត្រូវតែត្រៀមទទួលយកជនរងគ្រោះថែមទៀត ហើយរដ្ឋមន្ត្រីក្រសួងមហាផ្ទៃលោក Gerald Darmanin ដែលបានធ្វើដំណើរទៅកាន់ទីក្រុងនោះកាលពីថ្ងៃអាទិត្យបានប្រាប់សារព័ត៌មានថា លោកពុំបានដឹងទេថា តើអ្នកកំពុងបាត់ខ្លួនទាំងនោះនៅមានជីវិត ឬបានស្លាប់ហើយ៕អត្ថបទ៖ សុខមាន

លោក Zelenskyy ថ្កោលទោសការវាយប្រហាររបស់រុស្ស៊ីនៅថ្ងៃបុណ្យនិកាយអថូដុកថ្ងៃអាទិត្យ

អ៊ុយក្រែន៖ លោកប្រធានាធិបតីអ៊ុយក្រែន Volodymyr Zelenskyy បានថ្កោលទោសការវាយប្រហាររបស់រុស្ស៊ី អំឡុងពិធីបុណ្យនិកាយអថូដុកផាមថ្ងៃអាទិត្យ (Orthodox Palm Sunday) នៅវិហារ រួមទាំងការវាយប្រហារដែលបានសម្លាប់បុរសវ័យ ៥០ឆ្នាំម្នាក់ និងកូនស្រីវ័យ ១១ឆ្នាំរបស់គាត់។ លោក Zelenskyy បាននិយាយនៅក្នុងសុន្ទរកថាតាមវីដេអូពេលយប់ថា នេះគឺជារបៀបដែលរដ្ឋភេរវកម្មប្រារព្ធពិធីបុណ្យផាមថ្ងៃអាទិត្យ។ នេះគឺជារបៀបដែលរុស្ស៊ីដាក់ខ្លួនឯងឲ្យឯកាកាន់តែខ្លាំងពីពិភពលោក។ ក្រុមអង្គភាពផ្ដល់សេវាសង្គ្រោះបន្ទាន់អ៊ុយក្រែនបាននិយាយថា បុរសម្នាក់ និងកូនស្រីបានស្លាប់ ក្រោយកងកម្លាំងរុស្ស៊ីវាយប្រហារលើអគារលំនៅឋានមួយនៅក្នុងទីក្រុង Zaporizhzhia ភាគអាគ្នេយ៍។ ស្ត្រីម្នាក់ត្រូវគេជឿថាជាប្រពន្ធ និងជាម្ដាយជនរងគ្រោះត្រូវបានរកឃើញស្លាប់ក្រោមកម្ទេចថ្មនៃការវាយប្រហារនោះ។ ក្រសួងការពារជាតិរុស្ស៊ីបាននិយាយថា ខ្លួនបានកម្ទេចចោលឥន្ធនៈប្រមាណ ៧ម៉ឺនតោនជិតតំបន់ Zaporizhzhia ព្រមទាំងឃ្លាំងស្តុកមីស៊ីល គ្រាប់រំសេវ និងកាំភ្លើងធំនៅក្នុងតំបន់ Zaporizhia និង Donetsk។ ការអត្ថាធិប្បាយរបស់លោក Zelenskyy បានកើតមានឡើង ស្របពេលដែលយោធារបស់អ៊ុយក្រែនបានរាយការណ៍ថា រុស្ស៊ីបើកការវាយប្រហារទូទាំងសមរភូមិមុខ ដោយផ្ដោតការវាយប្រយុទ្ធគ្នាខ្លាំងបំផុតនៅទីក្រុងនានាភាគខាងកើតដូចជា Bakhmut និង Avdiivka ជាដើម៕អត្ថបទ៖ សុខមាន

ព្រះមហាក្សត្រ ប្រោសព្រះរាជទានគោរមងារ «សម្ដេច» ដល់លោកជំទាវកិត្តិសង្គហបណ្ឌិត ម៉ែន សំអន

ព្រះករុណា ព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា បានចេញព្រះរាជក្រឹត្យ ប្រោសព្រះរាជទានគោរមងារដល់លោកជំទាវកិត្តិសង្គហបណ្ឌិត ម៉ែន សំអន ជាសម្ដេចកិត្តិសង្គហបណ្ឌិត ម៉ែន សំអន។

សម្តេចតេជោ ហ៊ុន សែន ប្រកាសឧបត្ថម្ភថវិកា២ ម៉ឺនដុល្លារ និងផ្តល់សញ្ញាតិខ្មែរដល់កីឡាករប្រដាល់ជនជាតិប្រេស៊ីល Thiago Teixeira

ភ្នំពេញ៖ សម្តេចតេជោ ហ៊ុន សែន នៅមុននេះបន្តិច តាមរយៈតេឡេក្រាម បានប្រកាសផ្តល់ប្រកាសឧបត្ថម្ភថវិកា លើកទឹកចិត្ត ដល់កីឡាករប្រដាល់ Thiago Teixeira សញ្ជាតិប្រេស៊ីល នូវថវិកាចំនួន ២០,០០០ដុល្លារអាមេរិក(ពីរម៉ឺនដុល្លារ)។សម្តេចតេជោ ហ៊ុន សែន បញ្ជាក់ថា «មួយវិញទៀត ប្រសិនបើមិនខុសទាស់ផ្នែកផ្លូវច្បាប់ណាមួយរបស់ប្រេស៊ីលទេ ខ្ញុំនឹងស្នើទៅព្រះមហាក្សត្រ ដើម្បីផ្តល់សញ្ជាតិខ្មែរជូនកីឡាករ Thiago»៕

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងពិធីសំណេះសំណាលជាមួយ អាចារ្យ អាចារិនី ទូទាំងប្រទេសលើកទី៨

ភ្នំពេញ៖ នៅព្រឹកថ្ងៃទី០៨ ខែមេសា ឆ្នាំ២០២៣នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បាបអញ្ជើញសំណេះសំណាលជាមួយ អាចារ្យ អាចារិនី ទូទាំងប្រទេសលើកទី៨ នៅមជ្ឍមណ្ឌលកោះពេជ្រ។ខាងក្រោមនេះជាប្រសាសន៍សំខាន់ៗរបស់សម្ដេចតេជោ ហ៊ុន សែន៖- សម្តេចតេជោ ហ៊ុន សែន មានប្រសាសន៍ថា កន្លងមកសម្តេចធ្លាប់បានលើកឡើងពីស្ថានភាពខ្វះអាចារ្យ សម្រាប់សកម្មភាពពិធីនានា បម្រើឱ្យប្រពៃណី វប្បធម៌ខ្មែរ តាមទម្រង់មួយជាក់លាក់ តែពេលនេះស្ថានភាពកង្វះអាចារ្យមានល្អប្រសើរ។- សម្តេចតេជោ ហ៊ុន សែន បញ្ជាក់ថា សាសនាបានស្លាប់ រួមទាំងការស្លាប់របស់ប្រជាពលរដ្ឋផងដែរ ក្នុងសម័យប៉ុលពត ក្នុងនោះទីអារាមសាសនា ក៏ត្រូវបានកម្ទេចចោលគ្មានសល់ តែស្ថានភាពនេះ បានរួចរស់ឡើងវិញដោយស្មារតី នៃថ្ងៃជ័យជំនះ ៧មករា។- សម្តេចតេជោ ហ៊ុន សែន បញ្ជាក់ថា វាជារឿងពិតមួយមិនអាចប្រកែកបាន នៅពេលអាណាចក្រជួបប្រទះគ្រោះមហន្តរាយ ផ្នែកពុទ្ធចក្រក៏រងគ្រោះផងដែរ ដូចជាករណីរដ្ឋប្រហារឆ្នាំ១៩៧០-១៩៧៥ និងពីឆ្នាំ១៩៧៥ នៃរបបកម្ពុជាប្រជាធិបតេយ្យប៉ុលពត។- សម្តេចតេជោ ហ៊ុន សែន បញ្ជាក់ថា ពេលដែលប្រជាពលរដ្ឋមានជីវភាពធូរធា ប្រជាកសិករបង្កបង្កើនផលបានល្អប្រសើរ ទីវត្តអារាមក៏រីកចម្រើន ហើយចង្ហាន់បិណ្ឌបាត្ររបស់ព្រះសង្ឃ ក៏សំបូរពោរពាសដែរ ដែលចំណុចនេះហើយ គឺជាអ្វីដែលយើងតែងលើកឡើងថា«ពុទ្ធសាសនាផ្សារភ្ជាប់នឹងសង្គម ឬសាសនា និងរដ្ឋ»។- សម្តេចតេជោ ហ៊ុន សែន បញ្ជាក់ថា គ្រប់សាសនាទាំងអស់ សុទ្ធតែបង្រៀនឱ្យប្រជាពលរដ្ឋប្រព្រឹត្តិអំពើល្អ។ សាសនា គឺផ្នែកមួយដ៏សំខាន់ មិនអាចខ្វះបាននៅក្នុងសង្គម។- សម្តេចតេជោ ហ៊ុន សែន បញ្ជាក់ថា អាចារ្យ អាចារិនី មានសារៈសំខាន់ណាស់ ក្នុងវិស័យព្រះពុទ្ធសាសនា។ អាចារ្យ អាចារិនី គឺជាចាស់ទុំ សម្រាប់រៀបចំក្នុងពិធីជាប្រពៃណីរបស់ខ្មែរ តាមទម្រង់មួយដែលបានកំណត់ និងបន្តទៅជំនាន់ក្រោយៗទៀត។- សម្តេចតេជោ ហ៊ុន សែន បានផ្តាំផ្ញើដល់ អាចារ្យ អាចារិនី ក្នុងពិធីមង្គលការ ត្រូវសម្របសម្រួលជាមួយម្ចាស់ដើមការ ជៀសវាងការខ្វែងគំនិតគ្នាក្នុងពិធីមង្គលការ។ ក្នុងករណីម្ចាស់ដើមការ តម្រូវឱ្យអាចារ្យធ្វើតាមប្រពៃណីភូមិឋានគាត់ ត្រូវតែសម្របសម្រួលតាមនោះ។- សម្តេចតេជោ ហ៊ុន សែន បញ្ជាក់ថា ក្នុងជីវិតនយោបាយរបស់សម្តេចតែងតែជោគជ័យជារៀងរហូតមក តែសម្តេចមិនទាន់ប្រកាសថា «ខ្លួនជាគ្រូជោគជ័យទេ» ហើយក៏មិនទាន់អាចទៅបង្រៀនអ្នកដទៃពីភាពជោគជ័យនោះដែរ។- សម្តេចតេជោ ហ៊ុន សែន ប្រកាសលើកទឹកឱ្យបន្តមានការបង្ហាត់បង្រៀន បណ្តុះផ្នត់គំនិតវិជ្ជមាន និងជោគជ័យ ដល់ស្រទាប់មហាជនខ្មែរ តែក៏ត្រូវជៀសវាងនូវពាក្យពេចន៍ខ្លះៗដែលមានភាពរសើប និងបង្កបញ្ហាដល់សង្គម។- សម្តេចតេជោ ហ៊ុន សែន ប្រកាសទៅបុគ្គលពាល ជ្រកក្រោមព្រះពុទ្ធសាសនា ហៅ«អាខ្មៅ» រកឱ្យឃើញជុំរិញការចោទប្រកាន់ទៅលោក ជេម សុក ហៅសុខសុគន្ធ ថាបានទទួលលុយចំនួន ១០ម៉ឺនដុល្លារអាមេរិកពីសម្តេចតេជោ ហ៊ុន សែន ។ ...[]បើសុំទោស រួចខ្លួន បើមិនសុំទោសទេ សម្តេចនៅហៅ«អាខ្មៅ»ជារៀងរហូត។- សម្តេចតេជោ ហ៊ុន សែន ប្រកាសឱ្យមានការប្រុងប្រយ័ត្នជាប់ជានិច្ចចំពោះឧបាយកលទុច្ចរិតរបស់បុគ្គលប្រឆាំងមួយចំនួនតូច ដែលចញ្ចឹមចិត្ត និងមានបំណងបង្កមហន្តរាយដល់សង្គម និងបំផ្លាញសុខសន្តិភាព។- សម្តេចតេជោ ហ៊ុន សែន ប្រកាសថា នាពេលបច្ចុប្បន្ននេះ ទោះកម្ពុជាជួបនឹងវិបត្តិសេដ្ឋកិច្ច ប្រជាពលរដ្ឋជួបការលំបាកបន្តិចមែន តែគ្មានប្រជាពលរដ្ឋណាម្នាក់ស្លាប់ដោយអត់បាយ និងគ្មានការគិតគូរពីរដ្ឋអំណាចគ្រប់ជាន់ថ្នាក់នោះទេ។- សម្តេចតេជោ ហ៊ុន សែន ថ្លែងអំណរគុណដល់ប្រជាពលរដ្ឋដែលនៅតែទុកចិត្ត និងជឿជាក់លើការដឹកនាំរបស់គណបក្សប្រជាជនកម្ពុជា។- សម្តេចតេជោ ហ៊ុន សែន សង្ឃឹមជឿជាក់ថា ប្រជាពលរដ្ឋ នៅតែជឿជាក់ និងបោះឆ្នោតជូនគណបក្សប្រជាជនកម្ពុជាគ្រប់ការបោះឆ្នោតទាំងអស់។- សម្តេចតេជោ ហ៊ុន សែន ប្រកាសឱ្យរួមគ្នាការពារសន្តិភាព សន្តិសុខ សណ្តាប់ធ្នាប់ និងរបៀបរៀបរយសង្គម ដើម្បីកម្ពុជាឆ្ពោះទៅកាន់វឌ្ឍនភាពលើគ្រប់វិស័យបន្ថែមទៀត។- សម្តេចតេជោ ហ៊ុន សែន ប្រកាសថា នៅសល់តែរយៈពេលជាង ២០ថ្ងៃទៀតប៉ុណ្ណោះ កម្ពុជា នឹងឈានទៅដល់ភាពជាម្ចាស់ផ្ទះរៀបចំកីឡាស៊ីហ្គេម និងអាស៊ានប៉ារ៉ាហ្គេម ក្រោមមូលបទ«កីឡាក្រោមម្លប់ នៃសុខសន្តិភាព»...[] បើគ្មានសន្តិភាពទៀត យើងមិនអាចរៀបចំព្រឹត្តិការណ៍កីឡាធំៗទាំងនេះបានឡើយ។- សម្តេចតេជោ ហ៊ុន សែន បញ្ជាក់ថា សន្តិភាពអាចរក្សាបាន តាមតែរយៈតួនាទីរបស់គណបក្សប្រជាជនកម្ពុជាតែប៉ុណ្ណោះ។-សម្តេចតេជោបញ្ជាក់ថា «គណបក្សផ្សេងៗ គ្មានបក្សណាអាចរក្សា ការពារសុខសន្តិភាពបានឡើយ...[]បក្សខ្លះនៅផ្ទះស្លឹកសោះ តែសន្យាធ្វើផ្ទះឱ្យគេ..»។- សម្តេចតេជោ ហ៊ុន សែន ជំរុញឲ្យគ្រប់ផ្នែកពាក់ព័ន្ធរួមគ្នាផ្សព្វផ្សាយ បញ្ជ្រាប ខ្លឹមសារ អប់រំ គោលនយោបាយភូមិ-ឃុំ-សង្កាត់មានសុវត្ថិភាពរួមមាន៖ គ្រឿងញៀន ល្បែងស៊ីសង ... និងសុវត្ថិភាពចរាចរណ៍ឱ្យបានទូលំទូលាយ ដើម្បីកាត់បន្ថយអត្រាស្លាប់ និងរបួសឱ្យស្ថិតនៅក្នុងកម្រិតតិចតួចបំផុត។- សម្តេចតេជោ ហ៊ុន សែន បញ្ជាក់បន្ថែមដល់ធនាគារ និងមីក្រូហិរញ្ញវត្ថុ ឱ្យមានការយោគយល់ខ្ពស់ដល់ប្រជាពល ដែលមិនមានលទ្ធភាពពិតប្រាកដ ដើម្បីសងបំណុលត្រលប់ទៅវិញ ក្នុងកាលៈទេសៈលំបាកក្រោយវិបត្តិ នៃជំងឺកូវីដ-១៩ និងវិបត្តិសេដ្ឋកិច្ចនាពេលបច្ចុប្បន្ន។- សម្តេចតេជោ ហ៊ុន សែន អំពាវនាវដល់ធនាគារ និងគ្រឹះស្ថានមីក្រូហិរញ្ញវត្ថុទាំងអស់ ឱ្យអនុវត្តចំណាត់ការតាមផ្លូវច្បាប់ដោយគ្មានការលើកលែង ចំពោះបក្សនយោបាយ ឬបុគ្គលណាក៏ដោយ ដែលញុះញង់ និងឃោសនាប្រជាពលរដ្ឋ មិនឱ្យសងត្រឡប់ ឬចេញមកនិយាយបំផុសចលនាមិនឱ្យសងបំណុល។- សម្តេចតេជោ ហ៊ុន សែន បានជំរុញឱ្យ«គ្រូជោគជ័យ»ប្រឹងប្រែងរៀនសូត្រពីរបៀបនិយាយឡើងវិញ និងសិក្សាអក្សរសាស្ត្រខ្មែរឱ្យបានច្បាស់លាស់ មុននឹងនិយាយ ឬធ្វើបទបង្ហាញផ្សេងៗ។- សម្តេចតេជោបានផ្តល់ទស្សនៈថា «ចង់និយាយឱ្យគេស្តាប់ ត្រូវមើលឱ្យច្បាស់ថានរណាកំពុងនៅពីមុខ ឬកំពុងស្តាប់យើង»។- សម្តេចតេជោ ហ៊ុន សែន បានបញ្ជាក់ថា នៅលើលោកនេះគ្មាននរនាចេះអស់នោះទេ ឬដឹងសព្វគ្រប់ទេ ដោយសម្តេចចាត់ទុកមនុស្សទាំងអស់ជាគ្រូរបស់សម្តេច ឱ្យតែពួកគេចេះជាង ឬមានគំនិតថ្មីជាងសម្តេច ដែលអាចឱ្យសម្តេចរៀនសូត្របាន។សង្កថាសម្តេចតេជោ ហ៊ុន សែន ចប់នៅវេលាម៉ោង០៩ និង៤៧នាទី

សម្តេចតេជោ ហ៊ុន សែន អញ្ជើញពិធីសំណេះសំណាលជាមួយ អាចារ្យ អាចារិនី ទូទាំងប្រទេសលើកទី៨

ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅព្រឹកថ្ងៃទី០៨ ខែមេសា ឆ្នាំ២០២៣នេះ បានអញ្ជើញសំណេះសំណាលជាមួយ អាចារ្យ អាចារិនី ទូទាំងប្រទេសលើកទី៨ នៅមជ្ឍមណ្ឌលកោះពេជ្រ។ព័ត៌មានលម្អិតBTV នឹងផ្សាយជាបន្តបន្ទាប់..!

កម្ពុជា ត្រូវបានអង្គការសហប្រជាជាតិបញ្ចូលជាសមាជិក UNAIDS

ភ្នំពេញ÷ កម្ពុជាមានមោទនភាព ដោយត្រូវបានក្រុមប្រឹក្សាសេដ្ឋកិច្ចនិងសង្គម អង្គការសហប្រជាជាតិ បោះឆ្នោ តទទួលស្គាល់ និងបញ្ចូលប្រទេសកម្ពុជាជាសមាជិកនៃក្រុមប្រឹក្សាសម្របសម្រួលកម្មវិធីរបស់អង្គការ UNAIDS កាលពីថ្ងៃទី៥ ខែមេសា ឆ្នាំ២០២៣ កន្លងទៅនេះ នៅទីក្រុងញូវយ៉ក។ នេះបើតាមសេចក្ដីប្រ កាសព័ត៌មានរបស់សម័យប្រជុំពេញអង្គគណៈរដ្ឋមន្ត្រី ចេញនៅល្ងាចថ្ងៃទី៧ ខែមេសា ឆ្នាំ២០២៣។ក្រៅពីបង្ហាញនូវមោទកភាពនេះ កិច្ចប្រជុំពេញអង្គគណៈរដ្ឋមន្ត្រី ក៏បានឱ្យដឹងដែរថា រាជរដ្ឋាភិបាលដែ លដឹកនាំដោយគណបក្សប្រជាជនកម្ពុជា បន្តស្វាគមន៍ដល់សកម្មជន សមាជិក នៃបណ្ដាគណបក្សន យោបាយនានា មកចូលរួមជីវភាពនយោបាយជាមួយគណបក្សប្រជាជនកម្ពុជា ក្នុងស្មារតីសាមគ្គីជាតិ ដើម្បីថែរក្សាការពារសន្តិភាព និងអភិវឌ្ឍព្រះរាជាណាចក្រកម្ពុជា។ក្នុងពេលដឹកនាំកិច្ចប្រជុំពេញអង្គគណៈរដ្ឋមន្ត្រីនៅថ្ងៃនេះដែរ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី បានជូនពរដល់ជនរួមជាតិខ្មែរគ្រប់រូបទាំងក្នុង និងក្រៅប្រទេស មន្ត្រីរាជការ នាយទាហាន ពលទាហាន នាយនគរបាល ពលនគរបាល ក្មួយៗសិស្សានុសិស្ស និស្សិត យុវជន កម្មករ និយោជិត ធុរជន និងវិនិយោគិនដែលបាននិងកំពុងប្រកបធុរកិច្ចនៅលើទឹកដីកម្ពុជា ក្នុងឱកាសបុ ណ្យចូលឆ្នាំថ្មីប្រពៃណីខ្មែរ ឆ្នាំថោះ បញ្ចស័ក ព.ស.២៥៦៧ ដែលនឹងឈានចូលនាពេលខាងមុខ សូមទទួលបាននូវជោគជ័យ សិរីសួស្ដី ជ័យមង្គល និងវិបុលសុខ ជារៀងដរាបតទៅ៕ដោយ៖ គង់ ឌិន

រដ្ឋាភិបាលឱ្យជំនាញពាក់ព័ន្ធសហការសិក្សាគម្រោងតភ្ជាប់ហេដ្ឋារចនាសម្ព័ន្ធរវាងកម្ពុជា និងឡាវ

ភ្នំពេញៈ រាជរដ្ឋាភិបាល ប្រគល់ភារកិច្ចជូនក្រសួងសាធារណការនិងដឹកជញ្ជូន អាជ្ញាធរជាតិទទួលបន្ទុកកិច្ចការព្រំដែន រដ្ឋបាលខេត្តព្រះវិហារ និងរដ្ឋបាលខេត្តរតនគិរី ត្រូវសហការសិក្សាលើគម្រោងកសាងហេដ្ឋារ ចនាសម្ព័ន្ធតភ្ជាប់រវាងកម្ពុជា និងសាធារណរដ្ឋប្រជាធិបតេយ្យប្រជាមានិតឡាវ នៅតំបន់ទន្លេរពៅ ខេត្តព្រះវិហារ និងនៅតំបន់កន្ទុយនាគ ខេត្តរតនគិរី។ នេះបើតាមសេចក្ដីប្រកាសព័ត៌មានរបស់សម័យប្រជុំពេញអង្គគណៈរដ្ឋមន្ត្រី ចេញនៅល្ងាចថ្ងៃទី៧ ខែមេសា ឆ្នាំ២០២៣។ក្នុងកិច្ចប្រជុំនេះដែរ រាជរដ្ឋាភិបាលក៏អំពាវនាវដល់ប្រជាជនចូលរួមទប់ស្កាត់ និងកាត់បន្ថយអត្រាស្លាប់និងរបួសដោយសារគ្រោះថ្នាក់ចរាចរណ៍ទូទាំងប្រទេសឱ្យមកនៅកម្រិតទាបបំផុត។ ក្រសួង ស្ថាប័ន សមត្ថកិច្ចពាក់ព័ន្ធ ត្រូវជំរុញការផ្សព្វផ្សាយនិងបញ្ជ្រាបខ្លឹមសារអប់រំពាក់ព័ន្ធនឹងសុវត្ថិភាពចរាចរណ៍ឱ្យបានទូលំទូលាយ និងតាមវេទិកាសាធារណៈនានា ពិសេសការអនុវត្តសុវត្ថិភាពចរាចរណ៍នៅក្នុងគោ លនយោបាយភូមិ-ឃុំ-សង្កាត់មានសុវត្ថិភាព។រាជរដ្ឋាភិបាលក៏បានស្នើដល់រដ្ឋបាលថ្នាក់ក្រោមជាតិ កងកម្លាំងប្រដាប់អាវុធ និងអាជ្ញាធរមានសមត្ថកិច្ចពាក់ព័ន្ធ ត្រូវបន្តការយកចិត្តទុកដាក់ខ្ពស់ និងត្រូវបង្កើនកិច្ចសហប្រតិបត្តិការទប់ស្កាត់និងបង្ក្រាបឱ្យកាន់តែមានប្រសិទ្ធភាពនូវរាល់បទល្មើសពាក់ព័ន្ធនឹងការកាប់ទន្ទ្រានព្រៃឈើ ការគេចវេះពន្ធឆ្លងដែន ការរត់ពន្ធគ្រឿងញៀន និងការជួញដូរ និងរត់ពន្ធមនុស្សជាដើម។ក្រសួង ស្ថាប័នមានសមត្ថកិច្ច និងអាជ្ញាធរពាក់ព័ន្ធ ត្រូវយកចិត្តទុកដាក់លើបញ្ហាកម្ចីធនាគារនិងមីក្រូហិរញ្ញវត្ថុ ដោយត្រូវបញ្ចៀសនូវរាល់ការរឹបអូសទ្រព្យសម្បត្តិ និងការចាប់ចងប្រជាពលរដ្ឋដែលបានជា ប់កម្ចីឥណទានធនាគារនិងគ្រឹះស្ថានមីក្រូហិរញ្ញវត្ថុនានា ហើយមិនមានលទ្ធភាពពិតប្រាកដដើម្បីសងបំណុលវិញ ក្នុងកាលៈទេសៈលំបាកក្រោយវិបត្តិនៃជំងឺកូវីដ-១៩ និងវិបត្តិសេដ្ឋកិច្ចនាពេលបច្ចុប្បន្ន។ ដោយឡែក ធនាគារ និងគ្រឹះស្ថានមីក្រូហិរញ្ញវត្ថុទាំងអស់ត្រូវបានលើកទឹកចិត្តឱ្យអនុវត្តចំណាត់ការតាមផ្លូវច្បាប់ ចំពោះបុគ្គលដែលញុះញង់ និងឃោសនាមិនឱ្យសងត្រឡប់ ឬចេញមកនិយាយបំផុសចលនាមិនឱ្យសងបំណុល។រាជរដ្ឋាភិបាល បានណែនាំដល់ក្រសួង ស្ថាប័ន រដ្ឋបាលថ្នាក់ក្រោមជាតិ បងកម្លាំងមានសមត្ថកិច្ចពាក់ព័ន្ធ ត្រូវរៀបចំនិងត្រៀមខ្លួនរួចជាស្រេច ក្នុងនាមជាម្ចាស់ផ្ទះនៃព្រឹត្តិការណ៍ប្រកួតកីឡាស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ ឆ្នាំ២០២៣ នេះ ឱ្យប្រព្រឹត្តទៅដោយរលូននិងជោគជ័យ ពិសេស ត្រូវខិតខំធានាការពារសន្តិសុខ សណ្ដាប់ធ្នាប់សាធារណៈជូនគណៈប្រតិភូជាន់ខ្ពស់នៃបណ្ដាប្រទេសជាសមាជិក ប្រតិភូកីឡា គ្រូបង្វឹក កីឡាករ ឱ្យបានល្អប្រសើរ។សេចក្ដីប្រកាសព័ត៌មានដដែលឱ្យដឹងទៀតថា ក្នុងបរិបទថ្មីនៃសណ្តាប់ធ្នាប់តំបន់ និងពិភពលោក, កម្ពុជាបន្តអនុវត្តគោលនយោបាយការបរទេស ដែលរក្សាទំនាក់ទំនងការទូតល្អជាមួយបណ្ដាប្រទេសជិតខាង និងបណ្ដាប្រទេសនានាក្នុងតំបន់និងពិភពលោក ដោយការពារផលប្រយោជន៍ស្នូលរបស់កម្ពុជា អនុលោមតាមរដ្ឋធម្មនុញ្ញ ធានាអធិបតេយ្យភាព បូរណភាពទឹកដី ឯករាជ្យ សន្តិភាព និងការអភិវឌ្ឍសេដ្ឋកិច្ច-សង្គម ៕ ដោយ៖ គង់ ឌិន

សម្តេចតេជោ ហ៊ុន សែន អំពាវនាវឲ្យរួមគ្នាទប់ស្កាត់ និងកាត់បន្ថយអត្រាស្លាប់ និងរបួសដោយគ្រោះថ្នាក់ចរាចរណ៍

ភ្នំពេញ៖ សម្តេចតេជោ ហ៊ុន សែន អំពាវនាវដល់ប្រជាជនចូលរួម ទប់ស្កាត់ និងកាត់បន្ថយអត្រាស្លាប់និងរបួសដោយសារគ្រោះថ្នាក់ចរាចរណ៍ទូទាំងប្រទេសឱ្យមកនៅកម្រិតទាបបំផុត។ថ្លែងក្នុងសម័យប្រជុំពេញអង្គគណៈរដ្ឋមន្ត្រី នៅព្រឹកថ្ងៃសុក្រទី៧ ខែមេសា ឆ្នាំ២០២៣ នៅវិមានសន្តិភាព សម្តេចតេជោ ហ៊ុន សែន ជំរុញឲ្យក្រសួង ស្ថាប័ន សមត្ថកិច្ច ពាក់ព័ន្ធ ត្រូវជំរុញការផ្សព្វផ្សាយនិងបញ្ជ្រាប ខ្លឹមសារ អប់រំ ពាក់ព័ន្ធសុវត្ថិភាពចរាចរណ៍ឱ្យបានទូលំ ទូលាយ និងតាមវេទិកាសាធារណៈនានា ពិសេសការអនុវត្តសុវត្ថិភាពចរាចរណ៍នៅក្នុងគោលនយោបាយភូមិ-ឃុំ-សង្កាត់មានសុវត្ថិភាព៕

ចៅក្រមតុលាការកំពូលអាមេរិកលោក Clarence Thomas ទទួលសំណូកការចំណាយដំណើរកម្សាន្តពីអ្នកផ្ដល់ជំនួយគណបក្សសាធារណរដ្ឋ

អាមេរិក៖ សារព័ត៌មានបានរាយការណ៍កាលពីថ្ងៃព្រហស្បតិ៍ថា ចៅក្រមតុលាការកំពូលខាងអភិរក្សនិយមសហរដ្ឋអាមេរិកលោក Clarence Thomas បានទទួលសំណូកជាច្រើនទសវត្សរ៍ នៃការធ្វើដំណើរកម្សាន្តចំណាយប្រាក់យ៉ាងច្រើនពីធុរជនទីក្រុង Dallas ម្នាក់ដោយពុំបានលាតត្រដាងជាសាធារណៈ ទោះបីជាច្បាប់សហព័ន្ធតម្រូវឲ្យបង្ហាញអំណោយទាំងអស់ក៏ដោយ ដែលជំរុញឲ្យព្រឹទ្ធសភាគ្របគ្រងដោយគណបក្សប្រជាធិបតេយ្យ អំពាវនាវឲ្យមានការស៊ើបអង្កេត។ របាយការណ៍ចេញដោយសារព័ត៌មាន ProPublica រកឃើញថា លោក Thomas បានធ្វើដំណើរកម្សាន្តវិស្សមកាលជាច្រើនលើកជាមួយមហាសេដ្ឋីអចលនទ្រព្យ និងជាអ្នកឧបត្ថម្ភមកពីគណបក្សសាធារណរដ្ឋគឺលោក Harlan Crow រួមទាំងយន្តហោះឯកជន និងនាវាប្រណីតរបស់លោកនៅក្នុងសហរដ្ឋអាមេរិក និងជុំវិញពិភពលោក។ សារព័ត៌មាននេះបាននិយាយថា អំណោយដែលលោកទទួលបានជាញឹកញាប់មិនត្រូវបានគេដឹងទេ នៅក្នុងប្រវត្តិសាស្ត្រទំនើបក្នុងតុលាការកំពូលសហរដ្ឋអាមេរិក។ លោក Thomas និងប្រធានចៅក្រមលោក John Roberts ពុំបានឆ្លើយតបភ្លាមៗទេចំពោះសំណើសុំការអត្ថាធិប្បាយ។ របាយការណ៍នេះបានចោទជាសំណួរថ្មីៗ ជុំវិញទំនាស់ផលប្រយោជន៍ដ៏ធំពាក់ព័ន្ធនឹងចៅក្រម និងតុលាការកំពូល ដែលបានរងការរិះគន់កាន់តែខ្លាំងចំពោះកង្វះក្រមសីលធម៌ផ្លូវការរបស់ខ្លួន។ លោក Crow បានប្រាប់សារព័ត៌មាន ProPublica នៅក្នុងសេចក្ដីថ្លែងការណ៍មួយថា លោក និងភរិយារបស់លោកជាមិត្តភ័ក្ដិជាមួយលោក Thomas និងភរិយា ចាប់តាំងពីឆ្នាំ១៩៩៦ មកម្ល៉េះមិនដែលព្យាយាមស្វែងរកការប្រើឥទ្ធិពលលើចៅក្រម Thomas សម្រាប់ផ្លូវច្បាប់ ឬបញ្ហានយោបាយណាមួយឡើយ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

លោក Zelenskyy៖ មីស៊ីល Flamingo បានវាយប្រហារដោយជោគជ័យ លើរោងចក្រយោធាដ៏សំខាន់របស់រុស្ស៊ី

អ៊ីរ៉ង់ថ្កោលទោសការវាយប្រហាររបស់អាមេរិក ដោយចោទប្រកាន់ថា រំលោភលើកិច្ចព្រមព្រៀងសន្តិភាព

មនុស្សយ៉ាងតិច ២នាក់ស្លាប់ ខណៈកោះតៃវ៉ាន់ជូនដំណឹងថ្មី អំពីភ្លៀងធ្លាក់ខ្លាំង ក្រោយមានទឹកជំនន់គ្រប់ទីកន្លែង

ទីក្រុងសេអ៊ូល បញ្ជាក់ថា យន្តហោះយោធាចិន និងរុស្ស៊ី ចូលទៅក្នុងតំបន់ការពារដែនអាកាសរបស់ខ្លួន

អ្នកគាំទ្រក្រុមហេសបូឡា ចេញមកតាមដងផ្លូវទីក្រុងបេរូត ដើម្បីតវ៉ាកិច្ចព្រមព្រៀងជាមួយអ៊ីស្រាអែល

អ្នកការទូតជាន់ខ្ពស់ប៉ាគីស្ថាន និងអ៊ីរ៉ង់ បញ្ជាក់ពីការប្តេជ្ញាចិត្ត ចំពោះសន្តិភាពក្នុងតំបន់ ក្រោយមានការវាយប្រហារថ្មី

លោក Trump បង្ហាញលិខិតឆ្លងដែនសហរដ្ឋអាមេរិកថ្មីដែលមានរូបភាពរបស់លោក

មន្ត្រីសុខាភិបាល៖ ជំងឺគ្រុនឈាម នៅស្រីលង្កា ឈានដល់កម្រិតរាតត្បាត ខណៈការឆ្លងលើស ៥០.០០០ករណី

សមាជិកសភាអ៊ីរ៉ង់៖ ការវាយប្រហាររបស់អាមេរិក អំឡុងការចរចា នឹងនាំឱ្យមាន «ការថយក្រោយ និងការសោកស្តាយ»

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

មនុស្សជាង ១០នាក់របួស និងបាត់ខ្លួនក្នុងហេតុការណ៍បាក់រលំអគារនៅទីក្រុងម៉ាកសី ប្រទេសបារាំង

លោក Zelenskyy ថ្កោលទោសការវាយប្រហាររបស់រុស្ស៊ីនៅថ្ងៃបុណ្យនិកាយអថូដុកថ្ងៃអាទិត្យ

ព្រះមហាក្សត្រ ប្រោសព្រះរាជទានគោរមងារ «សម្ដេច» ដល់លោកជំទាវកិត្តិសង្គហបណ្ឌិត ម៉ែន សំអន

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងពិធីសំណេះសំណាលជាមួយ អាចារ្យ អាចារិនី ទូទាំងប្រទេសលើកទី៨

សម្តេចតេជោ ហ៊ុន សែន អញ្ជើញពិធីសំណេះសំណាលជាមួយ អាចារ្យ អាចារិនី ទូទាំងប្រទេសលើកទី៨

កម្ពុជា ត្រូវបានអង្គការសហប្រជាជាតិបញ្ចូលជាសមាជិក UNAIDS

រដ្ឋាភិបាលឱ្យជំនាញពាក់ព័ន្ធសហការសិក្សាគម្រោងតភ្ជាប់ហេដ្ឋារចនាសម្ព័ន្ធរវាងកម្ពុជា និងឡាវ

សម្តេចតេជោ ហ៊ុន សែន អំពាវនាវឲ្យរួមគ្នាទប់ស្កាត់ និងកាត់បន្ថយអត្រាស្លាប់ និងរបួសដោយគ្រោះថ្នាក់ចរាចរណ៍

ចៅក្រមតុលាការកំពូលអាមេរិកលោក Clarence Thomas ទទួលសំណូកការចំណាយដំណើរកម្សាន្តពីអ្នកផ្ដល់ជំនួយគណបក្សសាធារណរដ្ឋ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

លោក Zelenskyy ថ្កោលទោស​ការវាយប្រហា​រ​របស់​រុស្ស៊ីនៅ​ថ្ងៃបុណ្យ​និកាយ​អ​ថូ​ដុក​ថ្ងៃអាទិត្យ​

ព្រះមហាក្សត្រ ប្រោសព្រះរាជទានគោរមងារ «សម្ដេច» ដល់លោកជំទាវកិត្តិសង្គហបណ្ឌិត ម៉ែន សំអន

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងពិធីសំណេះសំណាលជាមួយ អាចារ្យ អាចារិនី ទូទាំងប្រទេសលើកទី៨

សម្តេចតេជោ ហ៊ុន សែន អញ្ជើញពិធីសំណេះសំណាលជាមួយ អាចារ្យ អាចារិនី ទូទាំងប្រទេសលើកទី៨

កម្ពុជា ត្រូវបានអង្គការសហប្រជាជាតិបញ្ចូលជាសមាជិក UNAIDS

រដ្ឋាភិបាលឱ្យជំនាញពាក់ព័ន្ធសហការសិក្សាគម្រោងតភ្ជាប់ហេដ្ឋារចនាសម្ព័ន្ធរវាងកម្ពុជា និងឡាវ

សម្តេចតេជោ ហ៊ុន សែន អំពាវនាវឲ្យរួមគ្នាទប់ស្កាត់ និងកាត់បន្ថយអត្រាស្លាប់ និងរបួសដោយគ្រោះថ្នាក់ចរាចរណ៍

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

លោក Zelenskyy ថ្កោលទោសការវាយប្រហាររបស់រុស្ស៊ីនៅថ្ងៃបុណ្យនិកាយអថូដុកថ្ងៃអាទិត្យ