BTV NEWS

សម្ដេចធិបតី ហ៊ុន ម៉ាណែត៖ អាទិភាពរបស់រាជរដ្ឋាភិបាល គឺ ប្រទេសជាតិ,ប្រជាជន, ទឹកដី និង ឯករាជ្យភាពជាតិ

សម្ដេចធិបតី៖ យុទ្ធនាការកម្ចាត់ Online Scams ប៉ុន្មានខែចុងក្រោយនេះ បានស្ដារមុខមាត់កម្ពុជាមកវិញ

សម្ដេចធិបតី៖ កម្ពុជាជាសមាជិក WTO មិនអាចហាមឃាត់ការនាំចូលទំនិញពីប្រទេសដទៃបានទេ

សម្ដេចធិបតី៖ ឆ្នាំ២០២៩ កម្ពុជានឹងចាកចេញពីប្រទេសអភិវឌ្ឍន៍តិចតួចបន្តដំណើរទៅកាន់ប្រទេសអភិវឌ្ឍន៍

ព័ត៌មានសំខាន់ៗ

ការបង្ហាញខ្លួននៅតុលាការរបស់លោក Trump លុបលើព័ត៌មានផ្សេងទៀតនៅសហរដ្ឋអាមេរិក និងកាណាដា

អាមេរិក៖ ការផ្សាយព័ត៌មានពេលល្ងាចរបស់សហរដ្ឋអាមេរិក និងប្រទេសកាណាដាបាននាំមុខជាមួយនឹងរឿងរ៉ាវនៃការឡើងបង្ហាញរបស់ខ្លួនអតីតប្រធានាធិបតី Donald Trump នៅតុលាការដែលបង្កើតជារឿងប្រវត្តិសាស្ត្រកាលពីថ្ងៃអង្គារ ទី៤ ខែមេសា។ លោក Trump បានផ្តល់ចម្លើយពីភាពគ្មានទោសចំពោះបទឧក្រិដ្ឋចំនួន ៣៤ករណីនៃការក្លែងបន្លំឯកសារពាណិជ្ជកម្ម ខណៈរដ្ឋអាជ្ញាបានចោទប្រកាន់លោកពីបទបង់ប្រាក់ទៅឱ្យស្ត្រី ២នាក់មុនការបោះឆ្នោតនៅសហរដ្ឋអាមេរិកឆ្នាំ ២០១៦ ដើម្បីបិទការផ្សព្វផ្សាយអំពីទំនាក់ទំនងផ្លូវភេទរបស់ពួកគេជាមួយលោក។ ការចោទប្រកាន់នេះផ្តោតលើការបង់ប្រាក់បិទមាត់ទៅឲ្យតារាភាពយន្តអាសអាភាសនាង Stormy Daniels។ នាងអះអាងថាមានទំនាក់ទំនងផ្លូវភេទជាមួយលោក Trump ដែលលោកបានបដិសេធ។ រដ្ឋអាជ្ញាបានពិពណ៌នាលម្អិតអំពីការបង់ប្រាក់ដែលត្រូវបានចោទប្រកាន់ផ្សេងទៀត ដើម្បីបិទរឿងរ៉ាវដែលជះឥទ្ធិពលអាក្រក់ដែលរឿងមួយពាក់ព័ន្ធនឹងអ្នកបើកទ្វារ និងមួយទៀតពាក់ព័ន្ធនឹងអតីតតារាម៉ូឌែលទស្សនាវដ្តី Playboy ម្នាក់។ ចៅក្រមលោក Juan Merchan មិនបានចេញសេចក្តីបង្គាប់ហាមឃាត់លើលោក Trump នោះទេ ប៉ុន្តែបានស្នើឱ្យភាគីទាំង២ យកចិត្តទុកដាក់លើពាក្យសម្តី និងវោហារសាស្ត្ររបស់ពួកគេ។ ខណៈការក្លែងបន្លំឯកសារពាណិជ្ជកម្មនៅទីក្រុងញូវយ៉កលើពាណិជ្ជកម្មផ្ទាល់ខ្លួន គឺជាបទល្មើសមជ្ឈិមដែលត្រូវផ្តន្ទាទោសឲ្យជាប់ពន្ធនាគារមិនលើសពីមួយឆ្នាំ វាត្រូវបានបង្កើនទៅជាបទឧក្រិដ្ឋដែលមានទោសរហូតដល់ ៤ឆ្នាំ នៅពេលដែលត្រូវបានធ្វើដើម្បីជំរុញ ឬលាក់បាំងបទឧក្រិដ្ឋផ្សេងទៀតដូចជាការរំលោភច្បាប់បោះឆ្នោតជាដើម៕អត្ថបទ៖ សុខមាន

លោក Trump ត្រឡប់មករដ្ឋ Florida វិញ បន្ទាប់ពីការនាំខ្លួនឡើងតុលាការនៅញូវយ៉ក

អាមេរិក៖ អតីតប្រធានាធិបតីសហរដ្ឋអាមេរិកលោក Donald Trump បានមកដល់រដ្ឋ Florida វិញកាលពីថ្ងៃអង្គារ បន្ទាប់ពីត្រូវបានចោទប្រកាន់ពីបទក្លែងបន្លំឯកសារពាណិជ្ជកម្មនៅក្នុងទីក្រុងញូវយ៉ក។ លោក Trump បានផ្តល់ចម្លើយពីភាពគ្មានទោសកំហុសចំពោះបទឧក្រិដ្ឋចំនួន ៣៤ករណីនៃការក្លែងបន្លំឯកសារពាណិជ្ជកម្មនៅក្នុងពេលវេលាជាប្រវត្តិសាស្ត្រសម្រាប់សហរដ្ឋអាមេរិក។ចុងចោទលោក Donald Trump កាលពីថ្ងៃអង្គារ ទី៤ ខែមេសាបានបដិសេធចោលកំហុសទាំងអស់ ខណៈរដ្ឋអាជ្ញាបានចោទប្រកាន់លោកពីបទបង់ប្រាក់ទៅឱ្យស្ត្រី ២នាក់មុនការបោះឆ្នោតនៅសហរដ្ឋអាមេរិកកាលពីឆ្នាំ២០១៦ ដើម្បីបំបិទមាត់មិនឲ្យផ្សព្វផ្សាយពីទំនាក់ទំនងផ្លូវភេទរបស់ពួកគេជាមួយលោក។ នៅក្នុងការបង្ហោះតាមប្រព័ន្ធផ្សព្វផ្សាយសង្គមលើកដំបូងរបស់លោក Trump ចាប់តាំងពីការចូលបង្ហាញខ្លួននៅតុលាការនៅតំបន់ Manhattan កាលពីព្រឹកថ្ងៃអង្គារ អតីតប្រធានាធិបតីសហរដ្ឋអាមេរិករូបនេះបានសរសេរនៅលើបណ្តាញសង្គមរបស់លោក Truth Social ថា សវនាការនេះពិតជាភ្ញាក់ផ្អើលដល់មនុស្សជាច្រើនក្នុងរឿងមិនគួរមានការភ្ញាក់ផ្អើល ដូច្នេះគ្មានរឿងក្តីអ្វីទាំងអស់។ ស្ទើរតែគ្រប់អ្នកជំនាញច្បាប់បាននិយាយថា ពុំមានករណីណាមួយនៅទីនេះនោះទេ។ ពុំមានអ្វីដែលធ្វើខុសច្បាប់នោះឡើយ។ លោក Trump អាយុ ៧៦ឆ្នាំបាននិយាយថា «ពុំមានកំហុសនោះទេ» នៅពេលត្រូវបានគេសួរ។ លោក Trump មិនបាននិយាយអ្វីឡើយ ខណៈលោកចូលទៅក្នុងបន្ទប់សវនាការ ឬពេលដែលលោកចាកចេញមកវិញប្រហែលមួយម៉ោងក្រោយមក៕អត្ថបទ៖ ប៊ុនថន

សម្តេចតេជោ អំពាវនាវឲ្យជនរួមជាតិគ្រប់រូបរួមគ្នាទិញ និងគាំទ្រផលិតផលខ្មែរដើម្បីបង្កើតការងារដល់ពលរដ្ឋខ្មែរ

ភ្នំពេញ÷ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងជាប្រធានកិត្តិយសគណៈកម្មាធិការជាតិចលនាភូមិ មួយផលិតផលមួយ បានអំពាវនាវជាថ្មីម្តងទៀតឲ្យបងប្អូនប្រជាជនកម្ពុជាគ្រប់រូបចូលរួមគាំទ្រ និងទិញផលិតផលខ្មែរយកទៅប្រើប្រាស់ឲ្យបានច្រើន ដើម្បីធ្វើយ៉ាងណាបង្កើតការងារដល់ពលរដ្ឋខ្មែរខ្លួនឯងឲ្យបានកាន់តែច្រើនបន្ថែមទៀត ខណៈរាជរដ្ឋាភិបាលកំពុងជំរុញគុណភាពផលិតផលខ្មែរនេះឲ្យបានកាន់តែល្អក្នុងគោលបំណងបង្កើនតម្លៃ ដើម្បីឆ្លើយតបទៅនឹងតម្រូវការទីផ្សារក្នុងប្រទេស និងក្រៅប្រទេស។ក្នុងសារិខិតរបស់សម្តេចតេជោ នាយប់ថ្ងៃទី៤ ខែមេសា ឆ្នាំ២០២៣នេះ ដើម្បីអបអរសាទរទិវាជាតិលើកកម្ពស់ការប្រើប្រាស់ផលិតផលខ្មែរ លើកទី៦ឆ្នាំ២០២៣ ក្រោមវិធានបទ«រួមគ្នាទិញផលិតផលខ្មែរ គឺបង្កើតការងារជូនពលរដ្ឋខ្មែរ» សម្តេចតេជោ នាយករដ្ឋមន្រ្តីបានលើកឡើងថា ដើម្បីឲ្យផលិតផលខ្មែរកាន់តែរីកចំរើនបន្ថែមទៀតនោះ ភាគីពាក់ព័ន្ធទាំងអស់ទាំងក្នុងជូររាជរដ្ឋាភិបាល អង្គការសង្គមស៊ីវិល និងវិស័យឯកជន ត្រូវបន្តសហការគ្នាដើម្បីជំរុញចលនាភូមិមួយផលិតផលមួយ ក្នុងការចងក្រងបណ្តាញ សមាជិកចលនាភូមិមួយផលិតផលមួយឲ្យបានទូលំទូលាយ និងគៀរគដៃគូនានាសហការគ្នារៀបចំឲ្យមាន ព្រឹត្តិការណ៍តាំងបង្ហាញ និងលក់ ទិញផលិតផលខ្មែរ តាមទីកន្លែងដែលមានសក្តានុពលទូទាំងប្រទេស។នៅក្នុងសារលិខិត សម្តេចតេជោ ហ៊ុន សែន នាយករដ្ឋមន្រ្តីបានប្រកាសផងដែរថា ទិវាជាតិលើកកម្ពស់ការប្រើប្រាស់ផលិតផលខ្មែរ លើកទី៦ នឹងរៀបចំនៅខេត្តស្វាយរៀង ចាប់ពីថ្ងៃទី ដល់ថ្ងៃទី១៣ ខែមេសា ឆ្នាំ២០២៣នេះ ខណៈការដែលរាជរដ្ឋាភិបាលឲ្យមានការរៀបចំនូវកម្មវិធីនេះ គឺដើម្បីជំរុញឲ្យព្រឹត្តិការណ៍នេះក្លាយទៅជាសំឡេងស្គរ ទូងដាស់ស្មារតីបងប្អូនប្រជាពលរដ្ឋកម្ពុជាគ្រប់រូបឲ្យខិតខំផលិត និងប្រើប្រាស់ផលិតខ្មែរឲ្យបានកាន់តែច្រើនខ្លាំងឡើងបន្ថែមទៀតផងដែរ។សម្តេចតេជោ ហ៊ុន សែន ក៏បានលើកឡើងផងដែរថា ទិវាជាតិលើកកម្ពស់ការប្រើប្រាស់ផលិតផលខ្មែរ លើកទី៦ ឆ្នាំ២០២៣នេះ ត្រូវបានរៀបចំដើម្បីផ្សព្វផ្សាយដល់ក្រសួងស្ថាប័ន និងដៃគូពាក់ព័ន្ធ ព្រមទាំងប្រជាពលរដ្ឋទាំងអស់រួមគ្នាផលិត កែច្នៃប្រើប្រាស់ និងទិញផលិតផលខ្មែរ ជាពិសេសក្នុងឱកាសនៃពិធីបុណ្យចូលឆ្នាំប្រពៃណីជាតិរបស់យើងនាថ្ងៃទី១៤ ខែមេសា ឆ្នាំ២០២៣ខាងមុខនេះ សម្រាប់ជាការរួមគ្នាកសាងកម្លាំងសេដ្ឋកិច្ចកម្ពុជាឲ្យកាន់តែមានសន្ទុះខ្លាំងក្លាថែមទៀត ក្រោមបរិយាកាសដ៏អំណោយផល នៃម្លប់សន្តិភាពផងដែរ។ក្នុងសារលិខិតនេះដែរ សម្តេចតេជោ ហ៊ុន សែន នាយករដ្ឋមន្រ្តី ក៏បានលើកឡើងផងដែរថា ពេលវេលាប្រមាណសាមសិបឆ្នាំមុន ដែលរាជរដ្ឋាភិបាលបានហែលឆ្លងស្ថានភាពដ៏លំបាកលំបិនមួយ ដែលស្ថានភាពពេលនោះគឺដៃម្ខាងត្រូវខិតខំបញ្ចប់សង្រ្គាម ស្វែងរកសុខសន្តិភាព និងដៃម្ខាងទៀតគឹប្រឹងកសាង ស្តារឡើងវិញ និងអភិវឌ្ឍប្រទេសរហូតឈានដល់ការសម្រេចបាននូវការការបញ្ចប់សង្រ្គាមបានទាំងស្រុងក្រោម«នយោបាយ ឈ្នះ ឈ្នះ» ដែលនាំឲ្យប្រទេសជាតិយើងឆ្ពោះទៅរកការអភិវឌ្ឍលើគ្រប់វិស័យ។ សម្តេចតេជោ បានបញ្ជាក់បន្ថែមទៀតថា«សន្តិភាព និងការអភិវឌ្ឍ គឺជាចំណងទំនាក់ទំនងគ្នាដែល មិនអាចកាត់ផ្តាច់បាន។ ដូច្នេះយើងត្រូវរួមគ្នាបន្តថែរក្សាសុខសន្តិភាពដើម្បីរួមសហការគ្នាជំរុញល្បឿននៃការអភិវឌ្ឍ ដោយទាញយកសក្តានុពលនៃសន្តិភាពនេះឲ្យបានអស់លទ្ធភាពផងដែរ៕អត្ថបទ÷ បាន ចក់

សម្ដេចតេជោ ហ៊ុន សែន អញ្ជើញចូលរួមក្នុងពិធីលៀងសាយភោជន៍ រៀបចំដោយនាយករដ្ឋមន្ត្រីឡាវ

ឡាវ៖ នៅរាត្រីថ្ងៃទី៤ ខែមេសា ឆ្នាំ២០២៣ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញចូលរួមក្នុងពិធីលៀងសាយភោជន៍ ដែលរៀបចំដោយឯកឧត្តម Sonexay Siphandone នាយករដ្ឋមន្រ្តី នៃសាធារណរដ្ឋប្រជាធិបតេយ្យប្រជាមានិតឡាវ។ នេះជាពិធីលៀងសាយភោជន៍ពេលរាត្រីជាមហាកិត្តិយសដ៏ខ្ពង់ខ្ពស់បំផុត ជូនសម្តេច ឯកឧត្តម លោកជំទាវ ប្រមុខរដ្ឋាភិបាល និងថ្នាក់ដឹកនាំ នៃបណ្តាប្រទេសមេគង្គ ដែលបានអញ្ជើញចូលរួមក្នុងកិច្ចប្រជុំកំពូលមេគង្គលើកទី៤ នៅរដ្ឋធានីវៀងចន្ទន៍ នៃសាធារណរដ្ឋប្រជាធិបតេយ្យប្រជាមានិតឡាវ។ ប្រមុខរដ្ឋាភិបាល និងថ្នាក់ដឹកនាំ នៃបណ្តាប្រទេសមេគង្គ ត្រូវបានការធ្វើគារវកិច្ចស្វាគមន៍យ៉ាងស្និទ្ធស្នាលពី ឯកឧត្តម Sonexay Siphandone នាយករដ្ឋមន្រ្តីឡាវ មុនពិធីលៀងសាយភោជន៍ពេលរាត្រីចាប់ផ្តើម។ថ្លែងសុន្ទរកថាក្នុងពិធីលៀងសាយភោជន៍ពេលរាត្រី ឯកឧត្តម Sonexay Siphandone នាយករដ្ឋមន្រ្តីឡាវ មានប្រសាសន៍ថា ក្នុងនាមរដ្ឋាភិបាល និងប្រជាជនឡាវ ឯកឧត្តមសូមសំដែងនូវការស្វាគមន៍យ៉ាងស្និទ្ធស្នាលរ៉ាក់ទាក់បំផុត ជូនចំពោះសម្តេច ឯកឧត្តម លោកជំទាវ ប្រមុខរដ្ឋាភិបាល និងថ្នាក់ដឹកនាំនៃប្រទេសមេគង្គ ក៏ដូចជាដៃគូអភិវឌ្ឍន៍ទាំងអស់របស់ គណៈកម្មការទន្លេមេគង្គ ដែលបានចំណាយពេលវេលាដ៏មានតម្លៃបំផុត អញ្ជើញមកចូលរួមកិច្ចប្រជុំកំពូលមេគង្គលើកទី៤ នៅរដ្ឋធានីវៀងច័ន្ទដ៏ស្រស់បំព្រង។ ឯកឧត្តមនាយករដ្ឋមន្រ្តីឡាវ មានប្រសាសន៍បន្តថា កិច្ចប្រជុំរបស់យើងនៅថ្ងៃទី៥មេសាស្អែក គឺពិតមានតម្លៃខ្លាំងណាស់ ដើម្បីពិនិត្យឡើងវិញអំពីវឌ្ឍនភាព និងសមិទ្ធផលសំខាន់ៗ ដែលគណៈកម្មការទន្លេមេគង្គសម្រេចបាន តាមរយៈការលើកកម្ពស់កិច្ចខិតខំប្រឹងប្រែងរួមគ្នា និងភាពជាដៃគូឆ្ពោះទៅសម្រេចបាន នូវគោលដៅអភិវឌ្ឍន៍ប្រកបដោយចីរភាពក្នុងអាងទន្លេមេគង្គ ចាប់តាំងពីកិច្ចប្រជុំកំពូលគណៈកម្មការទន្លេមេគង្គលើកទី៣ កាលពីឆ្នាំ២០១៨ នៅប្រទេសកម្ពុជា។ ឯកឧត្តមនាយករដ្ឋមន្រ្តីឡាវ ក៏បានចាត់ទុកថា កិច្ចប្រជុំរបស់យើងក៏នឹងពិភាក្សាអំពីបញ្ហាប្រឈម ដែលកំពុងកើតមាននៅក្នុងអាងទន្លេមេគង្គ និងកំណត់ទិសដៅយុទ្ធសាស្ត្រនាពេលអនាគត ដើម្បីរួមគ្នាដោះស្រាយបញ្ហាប្រឈមក្នុងអាងទន្លេមេគង្គ ឱ្យកាន់តែមានប្រសិទ្ធភាព ព្រមទាំងបន្តជំរុញកិច្ចសហប្រតិបត្តិការ និងភាពជាដៃគូក្នុងតំបន់ សម្រាប់ចីរភាពទន្លេមេគង្គ។ឯកឧត្តមនាយករដ្ឋមន្រ្តីឡាវ ក៏បានប្រសិទ្ធពរជ័យបវរមហាប្រសើរ ជូនសម្តេច ឯកឧត្តម លោកជំទាវ សូមមានសុខភាពល្អបរិបូរណ៍ មាំមួន បញ្ញាញាណភ្លឺថ្លា ក្នុងឱកាសនៃការស្នាក់អាស្រ័យនៅរដ្ឋធានីវៀងចន្ទន៍ ពិសេសការចូលរួមពិភាក្សាគ្នាលើ មូលបទ នវានុវត្តន៍ និងកិច្ចសហប្រតិបត្តិការសម្រាប់អាងទន្លេមេគង្គ ដែលមានសន្តិសុខទឹក ប្រកបដោយចីរភាព ក្នុងកិច្ចប្រជុំកំពូលមេគង្គលើកទី៤ ដើម្បីបម្រើឲ្យឧត្តមប្រយោជន៍រួម នៃបណ្តាប្រទេសមេគង្គ ពិសេសដើម្បីបម្រើដល់ផលប្រយោជន៍របស់ប្រជាពលរដ្ឋទាំងអស់៕

គ្រូបង្រៀននៅអង់គ្លេសច្រានចោលការផ្តល់ប្រាក់ឈ្នួលពីរដ្ឋាភិបាលដោយប្រកាសធ្វើកូដកម្មបន្ថែមទៀត

អង់គ្លេស៖ ក្រុមគ្រូបង្រៀននៅក្នុងប្រទេសអង់គ្លេសបានច្រានចោលយ៉ាងដាច់ខាត នូវការផ្តល់ប្រាក់ឈ្នួលពីរដ្ឋាភិបាលអង់គ្លេសក្នុងគោលបំណងបញ្ចប់កូដកម្មរំខានជាបន្តបន្ទាប់។ សហជីពរបស់ពួកគេបាននិយាយកាលពីថ្ងៃចន្ទ ទី៣ មេសា ដោយប្រកាសពីការដើរចេញពីការងារពីរថ្ងៃបន្ថែមទៀត។ សហជីពអប់រំជាតិដែលជាសហជីពអប់រំធំបំផុតរបស់អង់គ្លេសបាននិយាយថា ៩៨% នៃគ្រូបង្រៀនដែលបានបោះឆ្នោត ក្រោយការណែនាំរបស់ខ្លួនក្នុងការទាត់ចោលការផ្ដល់ប្រាក់ឈ្នួលបុគ្គលចំនួន ១.០០០ផោនតែមួយលើកនៅឆ្នាំនេះ និងការដំឡើងប្រាក់ឈ្នួលមធ្យម ៤.៥% នៅក្នុងឆ្នាំហិរញ្ញវត្ថុបន្ទាប់។ អគ្គលេខាធិការនៃសហជីពអប់រំជាតិលោកស្រី Mary Bousted និងលោក Kevin Courtney បាននិយាយនៅក្នុងសេចក្ដីថ្លែងការណ៍ថា ការច្រានចោលយ៉ាងដាច់ខាតចំពោះការផ្ដល់ឲ្យរបស់រដ្ឋាភិបាល គួរតែទុករដ្ឋមន្ត្រីអប់រំលោកស្រី Gillian Keegan ដោយមិនបាច់សង្ស័យទេថា លោកស្រីនឹងត្រូវវិលត្រឡប់មកតុចរចាដោយនាំមកជាមួយនូវសំណើកាន់តែប្រសើរជាច្រើន។ គ្រូបង្រៀនរាប់ពាន់នាក់ទូទាំងចក្រភពអង់គ្លេសបានចេញធ្វើកូដកម្មនៅឆ្នាំនេះ ទាមទារប្រាក់ឈ្នួលលើសពីការចំណាយក្នុងពេលមានអតិផរណាហក់ឡើងខ្ពស់ ដោយបិទទ្វារថ្នាក់រៀន និងដាក់សម្ពាធបន្ថែមលើលោកនាយករដ្ឋមន្ត្រី Rishi Sunak ដើម្បីជួយដោះស្រាយជម្លោះ។ សហជីពនេះនិយាយថា គ្រូបង្រៀននឹងចេញធ្វើកូដកម្ម ២ថ្ងៃបន្ថែមទៀតនៅថ្ងៃទី២៧ ខែមេសា និងថ្ងៃទី២ ខែឧសភា៕អត្ថបទ៖ សុខមាន

ការរញ្ជួយដីកម្រិត ៦.៩រ៉ិចទ័របានអង្រួនតំបន់ឆ្នេរភាគខាងកើតរុស្ស៊ី ប៉ុន្តែគ្មានរលកយក្សស៊ូណាមិកើតឡើងនោះទេ

រុស្ស៊ី៖ ការរញ្ជួយដីកម្រិត ៦.៩រ៉ិចទ័របានអង្រួនតំបន់ឆ្នេរភាគខាងកើតប្រទេសរុស្ស៊ីកាលពីថ្ងៃចន្ទ ប៉ុន្តែក្រសួងសង្គ្រោះបន្ទាន់រុស្ស៊ីនិយាយថា គ្មានរលកយក្សស៊ូណាមិកើតឡើងនោះទេ ហើយក៏គ្មានគ្រោះថ្នាក់ភ្លាមៗ ឬការខូចខាតនោះដែរ។ យោងតាមការអះអាងរបស់ក្រសួងសង្គ្រោះបន្ទាន់បានឲ្យដឹងថា ការរញ្ជួយដីនេះកើតឡើងនៅចម្ងាយប្រហែល ៤៤គីឡូម៉ែត្រភាគខាងត្បូងតំបន់ Petropavlovsk-Kamchatsky ស្ថិតតាមបណ្ដោយឆ្នេរសមុទ្រប៉ាស៊ីហ្វិកក្នុងជម្រៅដី ១០០គីឡូម៉ែត្រ។ រូបភាពវីដេអូឃ្លីបពីឧបទ្វីប Kamchatka ស្ថិតនៅចម្ងាយប្រហែល ៦.៨០០គីឡូម៉ែត្រភាគខាងកើតទីក្រុងម៉ូស្គូ ឃើញស្នាមប្រេះនៅលើជញ្ជាំងអគារ និងដបបែកនៅក្នុងផ្សារទំនើប បន្ទាប់ពីធ្លាក់ដោយសាររញ្ជួយដី ប៉ុន្តែមិនមានការខូចខាតហេដ្ឋារចនាសម្ព័ន្ធសំខាន់ៗនោះទេ។ ក្រសួងសង្គ្រោះបន្ទាន់និយាយថា ក្រុមជួយសង្គ្រោះ និងក្រុមភ្នាក់ងារពន្លត់អគ្គិភ័យកំពុងពិនិត្យអគារ។ ក្រុមសាក្សីបានសារភាពថា ពួកគេខ្លាច។ ឪពុកម្តាយព្យាយាមនាំកូនៗរបស់ពួកគេទៅកាន់ទីសុវត្ថិភាព ខណៈដែលម្ចាស់សត្វចិញ្ចឹមព្រួយបារម្ភពីសត្វរបស់ពួកគេ។ ពលរដ្ឋមួយរូបរស់នៅឧបទ្វីប Petropavlovsk និងសុំមិនបញ្ចេញឈ្មោះរបស់នាងនិយាយថា អ្នកខ្លះប្រៀបធៀបការរញ្ជួយដីកាលពីថ្ងៃចន្ទនៅឧបទ្វីបរុស្ស៊ី ទៅនឹងការរញ្ជួយដ៏គ្រោះថ្នាក់ដែលបានបំផ្លិចបំផ្លាញប្រទេសទួរគីកាលពីដើមឆ្នាំនេះ៕អត្ថបទ៖ សារ៉ាត់

បំណាក់ដីនៅប្រទេសកុងហ្គោភាគខាងកើតបណ្តាលឲ្យមនុស្សយ៉ាងហោចណាស់ ២១នាក់ស្លាប់

កុងហ្គោ៖ រដ្ឋាភិបាលខេត្ត និងមន្ត្រីក្នុងតំបន់បាននិយាយកាលពីថ្ងៃចន្ទថា មនុស្សយ៉ាងហោចណាស់ ២១នាក់បានស្លាប់ និងច្រើននាក់ផ្សេងទៀតកំពុងបាត់ខ្លួន បន្ទាប់ពីមានមហន្តរាយបំណាក់ដីនៅភាគខាងកើតសាធារណរដ្ឋប្រជាធិបតេយ្យកុងហ្គោ។ លោក Voltaire Batundi អ្នកដឹកនាំសង្គមស៊ីវិលនៅតំបន់ Masisi បាននិយាយថា សាកសពស្ត្រី ៨នាក់ និងកុមារ ១៣នាក់ត្រូវបានរកឃើញ បន្ទាប់ពីបំណាក់ដីបានវាយប្រហារទន្លេមួយក្នុងតំបន់ Bolowa កាលពីថ្ងៃអាទិត្យ ខណៈអ្នកទាំងនេះកំពុងបោកគក់សំលៀកបំពាក់ និងលាងសម្អាតឧបករណ៍ផ្ទះបាយ។ ពលរដ្ឋនិយាយថា នៅម៉ោងប្រហែល ១១.៣០នាទីព្រឹកបំណាក់ដីបានកើតឡើង ស្ត្រី និងកុមារកំពុងបោកគក់សំលៀកបំពាក់ដែលពួកគេទាំងអស់ត្រូវបានកប់ គ្មាននរណាម្នាក់ចេញមកក្រៅរួចនោះទេ។ រហូតមកដល់ពេលនេះ យើងទាញយកបានសាកសព ២១នាក់មានស្ត្រី ៧នាក់ និងកុមារ ១៤នាក់។ នោះហើយជារបៀបដែលគ្រោះមហន្តរាយបានកើតឡើងកាលពីម្សិលមិញ យើងគ្មានជំនួយនោះទេក្រៅពីក្រុមយុវជននៅក្នុងភូមិ និងមកពីភូមិនានាដែលនៅជិតខាង៕អត្ថបទ៖ ប៊ុនថន

សម្ព័ន្ធយោធាណាតូនិយាយថា ហ្វាំងឡង់នឹងចូលជាសមាជិក NATO នៅថ្ងៃអង្គារនេះ

អឺរ៉ុប៖ អគ្គលេខាធិការសម្ព័ន្ធយោធាណាតូលោក Jens Stoltenberg បាននិយាយថា ប្រទេសហ្វាំងឡង់នឹងក្លាយជាសមាជិកទី៣១ របស់សម្ព័ន្ធយោធាដ៏ធំបំផុតរបស់ពិភពលោកនៅថ្ងៃអង្គារនេះ ដោយជំរុញឱ្យមានការព្រមានពីប្រទេសរុស្ស៊ីថា ខ្លួននឹងពង្រឹងការការពាររបស់ខ្លួនជាការឆ្លើយតប។ លោក Stoltenberg បាននិយាយនៅទីក្រុងប្រ៊ុចសែលថា នេះគឺជាសប្តាហ៍ប្រវត្តិសាស្ត្រ។ ចាប់ពីថ្ងៃអង្គារនេះ ប្រទេសហ្វាំងឡង់នឹងក្លាយជាសមាជិកពេញលេញរបស់សម្ព័ន្ធយោធានេះ។ លោកនិយាយថា លោកសង្ឃឹមថា ប្រទេសស៊ុយអែតដែលបានដាក់ពាក្យស្នើសុំចូលជាសមាជិក ក្នុងពេលតែមួយជាមួយប្រទេសហ្វាំងឡង់ដែរនោះ ក៏នឹងអាចចូលរួមជាសមាជិកសម្ព័ន្ធយោធាណាតូក្នុងរយៈពេលប៉ុន្មានខែខាងមុខនេះ។ អតីតនាយករដ្ឋមន្ត្រីន័រវេសបាននិយាយថា យើងនឹងលើកទង់ជាតិប្រទេសហ្វាំងឡង់ជាលើកដំបូងនៅទីនេះ នៅទីស្នាក់ការសម្ព័ន្ធយោធាណាតូ។ វានឹងក្លាយជាថ្ងៃដ៏ប្រសើរសម្រាប់សន្តិសុខរបស់ប្រទេសហ្វាំងឡង់ សម្រាប់សន្តិសុខប្រទេសនៅអឺរ៉ុបខាងជើង និងសម្រាប់ប្រទេសសម្ព័ន្ធណាតូទាំងអស់។ លោក Stoltenberg និយាយថា ទួរគីដែលជាប្រទេសចុងក្រោយរបស់សម្ព័ន្ធយោធា NATO ដែលបានផ្តល់សច្ចាប័នលើសមាជិកភាពរបស់ហ្វាំងឡង់ នឹងប្រគល់ឯកសារផ្លូវការរបស់ខ្លួនទៅឱ្យរដ្ឋមន្ត្រីការបរទេសសហរដ្ឋអាមេរិកលោក Antony Blinken នៅថ្ងៃអង្គារនេះ។ ប្រធានាធិបតីហ្វាំងឡង់លោក Sauli Niinistö និយាយនៅក្នុងសេចក្តីថ្លែងការណ៍ថា វាគឺជាពេលវេលាប្រវត្តិសាស្ត្រមួយសម្រាប់ពួកយើង។ សម្រាប់ប្រទេសហ្វាំងឡង់ គោលបំណងដ៏សំខាន់បំផុតនៅក្នុងកិច្ចប្រជុំគឺដើម្បីបញ្ជាក់ពីការគាំទ្ររបស់ណាតូចំពោះអ៊ុយក្រែន ខណៈរុស្ស៊ីបន្តការវាយលុកដោយខុសច្បាប់របស់ខ្លួន។ អនុរដ្ឋមន្ត្រីការបរទេសរុស្ស៊ីលោក Alexander Grushko បាននិយាយថា ទីក្រុងមូស្គូនឹងឆ្លើយតបចំពោះប្រទេសហ្វាំងឡង់ ដែលក្លាយជាសមាជិកណាតូដោយការពង្រឹងការការពាររបស់ខ្លួន។ លោក Grushko បាននិយាយថា យើងនឹងពង្រឹងសក្តានុពលយោធារបស់យើងនៅភាគខាងលិច និងនៅភាគពាយ័ព្យ។ ក្នុងករណីមានការដាក់ពង្រាយកងកម្លាំងរបស់សម្ព័ន្ធយោធាណាតូផ្សេងទៀត នៅលើទឹកដីប្រទេសហ្វាំងឡង់ យើងមានចំណាត់ការបន្ថែមទៀតដើម្បីធានាបានសន្តិសុខយោធារបស់រុស្ស៊ី៕អត្ថបទ៖ ប៊ុនថន

សម្ដេចតេជោ ហ៊ុន សែន ដឹកនាំគណៈប្រតិភូជាន់ខ្ពស់នៃរាជរដ្ឋាភិបាលធ្វើដំណើរទៅដល់ប្រទេសឡាវហើយ

ភ្នំពេញ៖ នៅវេលាម៉ោង១០និង២០នាទី ព្រឹកថ្ងៃទី៤ ខែមេសា ឆ្នាំ២០២៤នេះ សម្ដេចតេជោ ហ៊ុន សែន នាយករដ្ឋមន្ត្រី បានដឹកនាំគណៈប្រតិភូជាន់ខ្ពស់នៃរាជរដ្ឋាភិបាលកម្ពុជាធ្វើដំណើរទៅដល់ទីក្រុងវៀងច័ន្ទ ប្រទេសឡាវហើយ ដើម្បីចូលរួមកិច្ចប្រជុំកំពូលគណៈកម្មការទន្លេមេគង្គលើកទី៤ ក្រោមមូលបទ “នវានុវត្តន៍ និងកិច្ចសហប្រតិបត្តិការសម្រាប់អាងទន្លេមេគង្គ ដែលមានសន្តិសុខទឹក និងប្រកបដោយចីរភាព” ។វត្តមានសម្តេចតេជោនាយករដ្ឋមន្រ្តី ត្រូវបានការធ្វើគារវកិច្ចស្វាគមន៍យ៉ាងស្និទ្ធស្នាលរាក់ទាក់ ពីសំណាក់ឥស្សរជនជាន់ខ្ពស់រដ្ឋាភិបាលឡាវ ឯកឧត្តម លោកជំទាវ ជាឥស្សរជនការទូត របស់ព្រះរាជាណាចក្រកម្ពុជា ប្រចាំសាធារណរដ្ឋប្រជាធិបតេយ្យប្រជាមានិតឡាវ ជាច្រើនរូប។ តាមកម្មវិធីដែលគ្រោងទុក នៅព្រឹកថ្ងៃទី៥ ខែមេសា ឆ្នាំ២០២៣ស្អែកនេះ សម្តេចតេជោនាយករដ្ឋមន្រ្តី នឹងអញ្ជើញទទួលទានអាហារពេលព្រឹកការងារជាមួយ ឯកឧត្តមនាយករដ្ឋមន្រ្តីឡាវ វៀតណាម មុននឹងអញ្ជើញចូលរួមកិច្ចប្រជុំកំពូលគណៈកម្មការទន្លេមេគង្គលើកទី៤ ក្រោមមូលបទ “នវានុវត្តន៍ និង កិច្ចសហប្រតិបត្តិការសម្រាប់អាងទន្លេមេគង្គ ដែលមានសន្តិសុខទឹក និងប្រកបដោយចីរភាព”៕

ការស្ទង់មតិរបស់ទូរទស្សន៍ CNN៖ ពលរដ្ឋអាមេរិកភាគច្រើនគាំទ្រឲ្យមានការចោទប្រកាន់លោក Trump

អាមេរិក៖ ចំនួន ៦០% នៃជនជាតិអាមេរិកបានយល់ព្រមលើការចោទប្រកាន់លើអតីតប្រធានាធិបតី Donald Trump នេះបើយោងតាមការស្ទង់មតិថ្មីពីទូរទស្សន៍ CNN ដែលធ្វើឡើងដោយក្រុមហ៊ុន SQL Server Reporting Services(SSRS) បន្ទាប់ពីព័ត៌មានដែលថា គណៈវិនិច្ឆ័យនៅទីក្រុងញូវយ៉កបានបោះឆ្នោតឲ្យចោទប្រកាន់រូបលោក ទាក់ទងនឹងការបង់ប្រាក់បំបិទមាត់ឲ្យទៅតារាភាពយន្តអាសអាភាសនាង Stormy Daniels។ប្រហែល ៣ភាគ៤ នៃជនជាតិអាមេរិកនិយាយថា នយោបាយយ៉ាងហោចណាស់មានតួនាទីមួយចំនួនក្នុងការសម្រេចចិត្តចោទប្រកាន់លោក Trump រួមទាំង ៥២% ដែលបាននិយាយថា វាដើរតួយ៉ាងសំខាន់។ ក្រុមអ្នកឯករាជ្យភាគច្រើនតម្រង់ជួរគាំទ្រការចោទប្រកាន់នេះដោយមាន ៦២% យល់ព្រម និង ៣៨% មិនយល់ព្រម។ គណបក្សប្រជាធិបតេយ្យគឺស្ទើរតែទាំងស្រុងគាំទ្រចំពោះការចោទប្រកាន់ដោយមាន ៩៤% យល់ព្រម រួមទាំង ៧១% ដែលគាំទ្រយ៉ាងខ្លាំងចំពោះការចោទប្រកាន់នេះ ជាមួយគ្នានោះក្រុមមកពីគណបក្សសាធារណរដ្ឋមិនសូវរួបរួមក្នុងការប្រឆាំងចំនួន ៧៩% មិនយល់ព្រម និង ៥៤% មិនគាំទ្រទាំងស្រុង។ ខណៈការបង្ហាញទស្សនៈលើការចោទប្រកាន់ត្រូវបានបំបែកតាមជួរគណបក្ស ការស្ទង់មតិបានរកឃើញថា ភាគច្រើននៅទូទាំងប្រជាសាស្ត្រសំខាន់ៗ ដែលមានការបែកបាក់គ្នាទាំងអស់យល់ព្រមលើការសម្រេចចិត្ត ក្នុងការចោទប្រកាន់អតីតប្រធានាធិបតី។នោះរួមបញ្ចូលយេនឌ័រ ៦២% នៃស្ត្រី ៥៨% នៃបុរស ក្រុមរើសអើងពូជសាសន៍ និងជនជាតិភាគតិច ៨២% នៃមនុស្សពេញវ័យស្បែកខ្មៅ ៧១% នៃមនុស្សពេញវ័យនិយាយភាសាអេស្ប៉ាញ មនុស្សពេញវ័យស្បែកស ៥១% មនុស្សវ័យចំណាស់ ៦៩% ក្រោមអាយុ ៣៥ឆ្នាំ ៦២% អាយុ ៣៥ដល់ ៤៩ឆ្នាំមាន ៥៣% អាយុចាប់ពី ៥០ដល់ ៦៤ឆ្នាំ ៥៤%។ ទូរទស្សន៍ CNN បានរាយការណ៍ថា អតីតប្រធានាធិបតីរូបនេះប្រឈមនឹងបទចោទប្រកាន់ជាង ៣០ករណីទាក់ទងនឹងការក្លែងបន្លំអាជីវកម្ម ប៉ុន្តែការចោទប្រកាន់នៅតែស្ថិតក្រោមការបិទបាំង ហើយការចោទប្រកាន់មិនត្រូវបានបង្ហាញសាធារណៈ នៅពេលនៃការស្ទង់មតិនោះទេ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

មន្ត្រីជាន់ខ្ពស់ក្រសួងការងារ៖ បច្ចុប្បន្ន ការងារ និងសាលារៀន រត់រកមនុស្សដល់មូលដ្ឋាន ហើយការធ្វើការងារក្នុងស្រុកជួយកសាងសេដ្ឋកិច្ចជាតិ

តំបន់គ្រីមៀប្រកាសស្ថានភាពគ្រាអាសន្ន បន្ទាប់ពីអ៊ុយក្រែនវាយប្រហារបណ្តាញថាមពល

លោក Zelenskyy៖ មីស៊ីល Flamingo បានវាយប្រហារដោយជោគជ័យ លើរោងចក្រយោធាដ៏សំខាន់របស់រុស្ស៊ី

អ៊ីរ៉ង់ថ្កោលទោសការវាយប្រហាររបស់អាមេរិក ដោយចោទប្រកាន់ថា រំលោភលើកិច្ចព្រមព្រៀងសន្តិភាព

មនុស្សយ៉ាងតិច ២នាក់ស្លាប់ ខណៈកោះតៃវ៉ាន់ជូនដំណឹងថ្មី អំពីភ្លៀងធ្លាក់ខ្លាំង ក្រោយមានទឹកជំនន់គ្រប់ទីកន្លែង

ទីក្រុងសេអ៊ូល បញ្ជាក់ថា យន្តហោះយោធាចិន និងរុស្ស៊ី ចូលទៅក្នុងតំបន់ការពារដែនអាកាសរបស់ខ្លួន

អ្នកគាំទ្រក្រុមហេសបូឡា ចេញមកតាមដងផ្លូវទីក្រុងបេរូត ដើម្បីតវ៉ាកិច្ចព្រមព្រៀងជាមួយអ៊ីស្រាអែល

អ្នកការទូតជាន់ខ្ពស់ប៉ាគីស្ថាន និងអ៊ីរ៉ង់ បញ្ជាក់ពីការប្តេជ្ញាចិត្ត ចំពោះសន្តិភាពក្នុងតំបន់ ក្រោយមានការវាយប្រហារថ្មី

លោក Trump បង្ហាញលិខិតឆ្លងដែនសហរដ្ឋអាមេរិកថ្មីដែលមានរូបភាពរបស់លោក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ការបង្ហាញខ្លួននៅតុលាការរបស់លោក Trump លុបលើព័ត៌មានផ្សេងទៀតនៅសហរដ្ឋអាមេរិក និងកាណាដា

លោក Trump ត្រឡប់មករដ្ឋ Florida វិញ បន្ទាប់ពីការនាំខ្លួនឡើងតុលាការនៅញូវយ៉ក

សម្ដេចតេជោ ហ៊ុន សែន អញ្ជើញចូលរួមក្នុងពិធីលៀងសាយភោជន៍ រៀបចំដោយនាយករដ្ឋមន្ត្រីឡាវ

គ្រូបង្រៀននៅអង់គ្លេសច្រានចោលការផ្តល់ប្រាក់ឈ្នួលពីរដ្ឋាភិបាលដោយប្រកាសធ្វើកូដកម្មបន្ថែមទៀត

ការរញ្ជួយដីកម្រិត ៦.៩រ៉ិចទ័របានអង្រួនតំបន់ឆ្នេរភាគខាងកើតរុស្ស៊ី ប៉ុន្តែគ្មានរលកយក្សស៊ូណាមិកើតឡើងនោះទេ

បំណាក់ដីនៅប្រទេសកុងហ្គោភាគខាងកើតបណ្តាលឲ្យមនុស្សយ៉ាងហោចណាស់ ២១នាក់ស្លាប់

សម្ព័ន្ធយោធាណាតូនិយាយថា ហ្វាំងឡង់នឹងចូលជាសមាជិក NATO នៅថ្ងៃអង្គារនេះ

សម្ដេចតេជោ ហ៊ុន សែន ដឹកនាំគណៈប្រតិភូជាន់ខ្ពស់នៃរាជរដ្ឋាភិបាលធ្វើដំណើរទៅដល់ប្រទេសឡាវហើយ

ការស្ទង់មតិរបស់ទូរទស្សន៍ CNN៖ ពលរដ្ឋអាមេរិកភាគច្រើនគាំទ្រឲ្យមានការចោទប្រកាន់លោក Trump

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ការបង្ហាញ​ខ្លួន​នៅ​តុលាការ​របស់លោក Trump លុប​លើ​ព័ត៌មាន​ផ្សេងទៀត​នៅ​សហរដ្ឋអាមេរិក និង​កាណាដា​

លោក Trump ត្រឡប់មក​រដ្ឋ Florida វិញ​ បន្ទាប់ពី​ការនាំ​ខ្លួន​ឡើង​តុលាការ​នៅ​ញូវយ៉ក

សម្ដេចតេជោ ហ៊ុន សែន អញ្ជើញចូលរួមក្នុងពិធីលៀងសាយភោជន៍ រៀបចំដោយនាយករដ្ឋមន្ត្រីឡាវ

បំណាក់​ដី​នៅ​ប្រទេស​កុង​ហ្គោ​ភាគ​ខាងកើត​បណ្តាល​ឲ្យ​មនុស្ស​យ៉ាងហោចណាស់ ២១​នាក់​ស្លាប់

សម្ព័ន្ធ​យោធា​ណា​តូ​និយាយថា ហ្វាំ​ង​ឡង់​នឹង​ចូល​ជា​សមាជិក NATO នៅ​ថ្ងៃ​អង្គារ​នេះ​

សម្ដេចតេជោ ហ៊ុន សែន ដឹកនាំគណៈប្រតិភូជាន់ខ្ពស់នៃរាជរដ្ឋាភិបាលធ្វើដំណើរទៅដល់ប្រទេសឡាវហើយ

ការស្ទង់មតិ​របស់​ទូរទស្សន៍ CNN៖ ពលរដ្ឋ​អាមេរិក​ភាគច្រើន​គាំទ្រ​ឲ្យ​មានការ​ចោទប្រកាន់​លោក Trump

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ការបង្ហាញខ្លួននៅតុលាការរបស់លោក Trump លុបលើព័ត៌មានផ្សេងទៀតនៅសហរដ្ឋអាមេរិក និងកាណាដា

លោក Trump ត្រឡប់មករដ្ឋ Florida វិញ បន្ទាប់ពីការនាំខ្លួនឡើងតុលាការនៅញូវយ៉ក

បំណាក់ដីនៅប្រទេសកុងហ្គោភាគខាងកើតបណ្តាលឲ្យមនុស្សយ៉ាងហោចណាស់ ២១នាក់ស្លាប់

សម្ព័ន្ធយោធាណាតូនិយាយថា ហ្វាំងឡង់នឹងចូលជាសមាជិក NATO នៅថ្ងៃអង្គារនេះ

ការស្ទង់មតិរបស់ទូរទស្សន៍ CNN៖ ពលរដ្ឋអាមេរិកភាគច្រើនគាំទ្រឲ្យមានការចោទប្រកាន់លោក Trump