BTV NEWS

សម្ដេចធិបតី ហ៊ុន ម៉ាណែត៖ អាទិភាពរបស់រាជរដ្ឋាភិបាល គឺ ប្រទេសជាតិ,ប្រជាជន, ទឹកដី និង ឯករាជ្យភាពជាតិ

សម្ដេចធិបតី៖ យុទ្ធនាការកម្ចាត់ Online Scams ប៉ុន្មានខែចុងក្រោយនេះ បានស្ដារមុខមាត់កម្ពុជាមកវិញ

សម្ដេចធិបតី៖ កម្ពុជាជាសមាជិក WTO មិនអាចហាមឃាត់ការនាំចូលទំនិញពីប្រទេសដទៃបានទេ

សម្ដេចធិបតី៖ ឆ្នាំ២០២៩ កម្ពុជានឹងចាកចេញពីប្រទេសអភិវឌ្ឍន៍តិចតួចបន្តដំណើរទៅកាន់ប្រទេសអភិវឌ្ឍន៍

ព័ត៌មានសំខាន់ៗ

ចំនួនអ្នកស្លាប់ដោយសារព្យុះនៅសហរដ្ឋអាមេរិកបានកើនឡើងដល់ ៣២នាក់

អាមេរិក៖ យោងតាមក្រុមមន្ត្រី និងរបាយការណ៍របស់សារព័ត៌មាននានា ចំនួនអ្នកស្លាប់ដោយសារព្យុះដ៏ខ្លាំងក្លាដែលបានបោកបក់ បង្កឡើងដោយព្យុះកួចជាច្រើនមេនៅក្នុងភាគខាងត្បូង និងតំបន់ Midwest របស់សហរដ្ឋអាមេរិកបានកើនឡើងដល់ ៣២នាក់កាលពីចុងសប្ដាហ៍នេះ។ យោងតាមការិយាល័យនគរបាលក្រុង Memphis នៅក្នុងទីក្រុង Memphis រដ្ឋ Tennessee កុមារ ២នាក់ និងយុវជនម្នាក់ត្រូវបានរកឃើញស្លាប់កាលពីថ្ងៃសៅរ៍ ទី១មេសា បន្ទាប់ពីខ្យល់បោកបក់ខ្លាំងរបស់ព្យុះនេះបានវាយផ្ដួលរំលើងដើមឈើសង្កត់លើលំនៅឋានមួយចំនួន។ យោងតាមសារព័ត៌មានក្នុងស្រុកនៅក្នុងតំបន់ McNairy របស់រដ្ឋនេះ ក្រុមមន្ត្រីបានរាយការណ៍ថា មនុស្ស ២នាក់បន្ថែមទៀតបានស្លាប់ ក្នុងនោះមនុស្សស្លាប់ចំនួន ៧នាក់ត្រូវបានរាយការណ៍កាលពីព្រឹកថ្ងៃសៅរ៍។ យោងតាមនាយកដ្ឋានធនធានធម្មជាតិរបស់រដ្ឋ សាកសពប្ដីប្រពន្ធ ២នាក់ត្រូវបានរកឃើញនៅកន្លែងបោះជំរំក្នុងឧទ្យាន McCormick's Creek State ក្នុងតំបន់ Owen County នៃរដ្ឋ Indiana។ ចំណែកអ្នកស្លាប់ ១៥នាក់ផ្សេងទៀតដោយសារព្យុះដែលបង្កឡើងដោយព្យុះកួចនេះ នៅក្នុងតំបន់មួយចំនួនត្រូវបានរាយការណ៍នៅក្នុងរដ្ឋ Arkansas Illinois Indiana Delaware Mississippi និងរដ្ឋ Alabama។ មនុស្សជាច្រើនបានរងរបួស និងអគារជាច្រើនផ្សេងទៀតត្រូវបានខូចខាត ឬរងការបំផ្លិចបំផ្លាញ។ ប្រធានាធិបតីអាមេរិកលោក Joe Biden បានប្រកាសពីគ្រោះមហន្តរាយដ៏ធំនៅក្នុងរដ្ឋ Arkansas កាលពីថ្ងៃអាទិត្យ ដោយបញ្ជាឲ្យផ្ដល់ជំនួយសហព័ន្ធដើម្បីជួយស្រោចស្រង់ពីគ្រោះធម្មជាតិនេះ៕អត្ថបទ៖ សុខមាន

ប្រធានគណៈកម្មាធិការនាយកស្ដីទី បក្សប្រជាធិបតេយ្យមូលដ្ឋាន សុំចូលរួមជាមួយបក្សប្រជាជន

ភ្នំពេញ៖ “ មុននេះបន្តិចខ្ញុំបានទទួលលិខិតពីបណ្ឌិត សាម អ៊ីន ស្នើសុំចូលរួមជីវភាពជាមួយគណបក្សប្រជាជនកម្ពុជា”។ “ក្នុងនាមគណបក្សប្រជាជនកម្ពុជា ខ្ញុំសូមស្វាគមន៍យ៉ាងកក់ក្តៅចំពោះបណ្ឌិត សាម អ៊ីន ដើម្បីចូលរួមជាមួយគណបក្សប្រជាជនកម្ពុជា”។ នេះបើតាមសាររបស់សម្ដេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងជានាយករដ្ឋមន្ត្រី ផ្សព្វផ្សាយនៅក្នុងប្រព័ន្ធតេលេក្រាមផ្ទា ល់របស់សម្ដេច។សាររបស់សម្ដេចតេជោដដែលបន្តថា ក្នុងនាមរាជរដ្ឋាភិបាលខ្ញុំនឹងស្នើសុំព្រះរាជ្យក្រឹត្យតែងតាំងបណ្ឌិ ត សាម អ៊ីន ជារដ្ឋលេខាធិការក្រសួងបរិស្ថាន ដើម្បីឱ្យស្របតាមជំនាញដែលគាត់មាន និងអាចធ្វើបាន។បណ្ឌិត សាម អ៊ីន គឺជាអតីតប្រធានគណៈកម្មាធិការនាយកស្ដីទី របស់គណបក្សប្រជាធិបតេយ្យមូលដ្ឋាន។ បណ្ឌិត សាម អ៊ីន នៅថ្ងៃទី២ ខែមេសា ឆ្នាំ២០២៣ បានប្រកាសលាលែងពីតំណែង រួមទាំងជា សមាជិកភាពរបស់គណបក្សប្រជាធិបតេយ្យមូលដ្ឋាន ហៅកាត់ថា GDP។ការប្រកាសលាលែងពីតំណែង និងសមាជិកភាពរបស់បក្ស GDP ត្រូវបានបណ្ឌិត សាម អ៊ីន ផ្សព្វផ្សាយឱ្យដឹងតាមរយៈបណ្ដា ញសង្គមហ្វេសប៊ុកផ្ទាល់របស់លោក៕ ដោយ៖ គង់ ឌិន

ពិភពលោកប្រតិកម្មទៅនឹងការចោទប្រកាន់លើលោក Donald Trump

ពិភពលោក៖ ព័ត៌មានពីការចោទប្រកាន់លើអតីតប្រធានាធិបតីសហរដ្ឋអាមេរិកលោក Donald Trump ដោយគណៈវិនិច្ឆ័យធំនៅទីក្រុងញូវយ៉កបានផ្ទុះឡើងជុំវិញពិភពលោក។ សូមតាមដានអ្វីដែលប្រព័ន្ធផ្សព្វផ្សាយពិភពលោក និងឥស្សរជនសំខាន់ៗនៅជុំវិញពិភពលោកកំពុងនិយាយ។ នៅក្នុងកាសែតជាភាសាអ៊ីតាលី la Repubblica លោក Paolo Mastrolilli និពន្ធនាយកបានគូសបញ្ជាក់អំពីអ្វីដែលអាចនឹងកើតមាននៅក្នុងថ្ងៃខាងមុខ ដែលនាំទៅដល់ការចុះចាញ់ដែលរំពឹងទុករបស់លោក Trump ចំពោះនគរបាល។ លោកសួរថា តើសហរដ្ឋអាមេរិករៀបនឹងទទួលរងនូវរលកនៃអំពើហិង្សាឬទេថា តើគណបក្សសាធារណរដ្ឋនឹងប្រមូលផ្តុំគ្នានៅក្រោយបេក្ខជនផ្សេងទៀត សម្រាប់ការបោះឆ្នោតប្រធានាធិបតីឆ្នាំ២០២៤ ឬទេ។ សម្រាប់សារព័ត៌មាន The Guardian បាននិយាយថា មេធាវីរបស់ទីក្រុងញូវយ៉កលោក Lloyd Green បានរៀបរាប់អំពីបណ្តឹង និងដំណើរការផ្លូវច្បាប់ដែលប្រឈមមុខនឹងលោក Trump ប៉ុន្តែសំណួរសួរថា តើការចោទប្រកាន់នេះពិតជាធ្វើឱ្យលោកប៉ះពាល់ដល់ក្រសែភ្នែកអ្នកបោះឆ្នោតដែរឬទេ។ លោក Piotr Smolar អ្នកឆ្លើយឆ្លងព័ត៌មានទីក្រុង Washington របស់សារព័ត៌មាន Le Monde បានសរសេរថា លោក Trump នឹងថយចុះក្នុងប្រវត្តិសាស្ត្រសម្រាប់ការចោទប្រកាន់របស់លោក ប៉ុន្តែវានឹងស្ថិតក្នុងរបៀបមួយដែលអតីតប្រធានាធិបតីទំនងជាចង់បញ្ចៀស។ សារព័ត៌មាន The Economist បានរាយការណ៍ថា ការចោទប្រកាន់នឹងក្លាយជាការបញ្ចប់អាជីពសម្រាប់អ្នកនយោបាយម្នាក់ផ្សេងទៀត។ សម្រាប់លោក Trump វាអាចធ្វើអោយសកម្មនូវចលនាមួយ ដែលក្នុងរយៈពេលប៉ុន្មានខែថ្មីៗនេះហាក់ដូចជាកំពុងធ្លាក់ចុះ។ ប៉ុន្តែសារព័ត៌មានសួរថា តើការចោទប្រកាន់នេះជាចំណាត់ការត្រឹមត្រូវដែរឬទេ ដោយសារករណីនេះគឺជារឿងថ្មីហើយប្លែក និងគ្មានការសាកល្បង។ ប្រធានាធិបតីប្រទេស El Salvador លោក Nayib Bukele គឺជាមេដឹកនាំពិភពលោកដំបូងគេ ដែលប្រតិកម្មទៅនឹងការចោទប្រកាន់ដ៏សំខាន់នេះ។ លោក Bukele បានសរសេរនៅលើបណ្តាញ Twitter ថា ចូរស្រមៃមើលថា តើរឿងនេះកើតឡើងចំពោះបេក្ខជនប្រធានាធិបតីនាំមុខគេ របស់គណបក្សប្រឆាំងនៅទីនេះ ឬទេក្នុងប្រទេស El Salvador៕អត្ថបទ៖ ប៊ុនថន

ពិធីក្រុងពាលីសម្ពោធឆ្លងមហាចេតិយ សម្រាប់តម្កល់អដ្ឋិធាតុយុទ្ធជនកងកម្លាំងប្រដាប់អាវុធសាមគ្គីសង្រ្គោះជាតិកម្ពុជា ៤៩រូបនៅ X 16

ត្បូងឃ្មុំ៖ នៅតំបន់ប្រវត្តិសាស្ត្រយោធាតេជោកោះថ្ម X-16 ស្ថិតនៅភូមិកោះថ្ម ឃុំទន្លូង ស្រុកមេមត់ ខេត្តត្បូងឃ្មុំ ឯកឧត្តមនាយឧត្ដមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស និងជាប្រធានក្រុមការងារសាងសង់សមិទ្ធផលតំបន់ប្រវត្តិសាស្ត្រយោធា X 16 នៅរសៀលថ្ងៃសៅរិ៍ទី១ ខែមេសា ឆ្នាំ២០២៣ នេះបានរៀបចំពិធីក្រុងពាលីសម្ពោធឆ្លងមហាចេតិយសម្រាប់តម្កល់អដ្ឋិធាតុយុទ្ធជនកងកម្លាំងប្រដាប់អាវុធ សាមគ្គីសង្រ្គោះជាតិកម្ពុជា ៤៩រូប។ កម្មវិធីសម្ពោធឆ្លងជាផ្លូវការនឹងរៀបចំឡេីងនៅថ្ងៃទី០២ ខែមេសា ឆ្នាំ២០២៣ ស្អែកនេះ ក្រោមអធិបតីភាព សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ តំណាងដ៏ខ្ពង់ខ្ពស់សម្តេចតេជោ ហ៊ុន សែន នាយករដ្ឋមន្ត្រី។

UN៖ មនុស្សរាប់ពាន់លាននាក់ចាំបាច់ត្រូវបញ្ចៀសភាពវឹកវរ និងភាពអត់ឃ្លាន

UN៖ ប្រធានកម្មវិធីស្បៀងអាហារពិភពលោករបស់អង្គការសហប្រជាជាតិ ដែលទទួលបានរង្វាន់ណូបែលបានព្រមានកាលពីថ្ងៃសុក្រថា ប្រសិនបើគ្មានទឹកប្រាក់រាប់ពាន់លានដុល្លារបន្ថែមទៀត ដើម្បីផ្តល់ជំនួយដល់អ្នកអត់ឃ្លាននោះទេ ពិភពលោកនឹងមើលឃើញការធ្វើអន្តោប្រវេសន៍ដ៏ច្រើន ប្រទេសមានអស្ថិរភាព និងការស្រេកឃ្លានរបស់កុមារ និងមនុស្សពេញវ័យក្នុងរយៈពេល ១២ ទៅ ១៨ខែខាងមុខ។ លោក David Beasley បានសរសើរចំពោះមូលនិធិដែលកើនឡើងពីសហរដ្ឋអាមេរិក និងប្រទេសអាល្លឺម៉ង់កាលពីឆ្នាំមុន ហើយបានជំរុញឲ្យប្រទេសចិន បណ្តាប្រទេសឈូងសមុទ្រ មហាសេដ្ឋី និងប្រទេសដទៃទៀតឱ្យបង្កើនពេលវេលា។ នៅក្នុងបទសម្ភាសន៍ មុនពេលដែលលោកប្រគល់តួនាទី របស់អង្គការមនុស្សធម៌ដ៏ធំបំផុតរបស់ពិភពលោក ទៅឲ្យឯកអគ្គរដ្ឋទូតសហរដ្ឋអាមេរិកលោក Cindy McCain នៅសប្តាហ៍ក្រោយ អតីតអភិបាលរដ្ឋ South Carolina បាននិយាយថា លោកមានការព្រួយបារម្ភខ្លាំងដែលកម្មវិធីស្បៀងអាហារពិភពលោក(WFP) នឹងមិនរៃអង្គាសប្រាក់បានប្រហែល ២៣ពាន់លានដុល្លារដែលខ្លួនត្រូវការនៅឆ្នាំនេះដើម្បីជួយនោះទេ តាមការប៉ាន់ប្រមាណមនុស្ស ៣៥០លាននាក់នៅក្នុងប្រទេសចំនួន ៤៩ ដែលត្រូវការស្បៀងអាហារយ៉ាងខ្លាំងនៅដំណាក់កាលនេះ។ លោកបាននិយាយថា កម្មវិធីស្បៀងអាហារពិភពលោក (WFP) គឺស្ថិតនៅក្នុងវិបត្តិស្រដៀងគ្នាកាលពីឆ្នាំមុន ប៉ុន្តែជាភ័ព្វសំណាងដែលលោកអាចបញ្ចុះបញ្ចូលសហរដ្ឋអាមេរិក ឱ្យបង្កើនមូលនិធិពីប្រហែល ៣.៥ពាន់លានដុល្លាររហូតដល់ ៧.៤ពាន់លានដុល្លារ ហើយប្រទេសអាល្លឺម៉ង់បង្កើនការរួមចំណែករបស់ខ្លួនពី ៣៥០លានដុល្លារកាលពីប៉ុន្មានឆ្នាំមុនដល់ ១.៧ពាន់លានដុល្លារអាមេរិក ប៉ុន្តែលោកមិនគិតថា ប្រទេសទាំងពីរនេះនឹងធ្វើវាម្តងទៀតនៅឆ្នាំនេះនោះទេ។ លោកនិយាយថា ប្រទេសផ្សេងទៀតចាំបាច់ត្រូវបង្កើននៅពេលនេះ ដោយចាប់ផ្តើមពីប្រទេសចិនដែលជាប្រទេសមហាអំណាចសេដ្ឋកិច្ចទីពីររបស់ពិភពលោក ដែលបានផ្តល់ឱ្យកម្មវិធីស្បៀងអាហារពិភពលោកត្រឹមតែ ១១លានដុល្លារកាលពីឆ្នាំមុន៕អត្ថបទ៖ ប៊ុនថន

ការចោទប្រកាន់លើលោក Trump បង្កហានិភ័យនយោបាយសម្រាប់លោក Biden

អាមេរិក៖ លោក Joe Biden បាននិយាយម្តងហើយម្តងទៀតថា លោកនឹងប្រឈមតតាំងជាមួយលោក Donald Trump ម្តងទៀតនៅឆ្នាំ២០២៤ ប៉ុន្តែការចោទប្រកាន់លើអតីតគូប្រជែង និងអាចជាអនាគតគូប្រជែងរបស់លោក បានបើកប្រអប់ថ្មីចំពោះហានិភ័យនយោបាយសម្រាប់គណបក្សប្រជាធិបតេយ្យ។ កាលពីថ្ងៃសុក្រ លោក Biden បានឈប់ដើម្បីថ្លែងទៅកាន់អ្នកសារព័ត៌មាន នៅពេលដែលលោកចាកចេញសម្រាប់ដំណើរចុះពិនិត្យ ដើម្បីស្ទង់មើលការខូចខាតដោយព្យុះកួចដ៏មានឥទ្ធិពលនៅក្នុងរដ្ឋ Mississippi។ លោកបានឆ្លើយទៅនឹងសំណួរជាច្រើនដែលបានស្រែកសួរ ប៉ុន្តែលោកមិនបាននិយាយអំពីការចោទប្រកាន់របស់លោក Trump នោះទេ។ សេតវិមានមិនបានចេញសេចក្តីថ្លែងការណ៍ជាផ្លូវការនោះទេ ចាប់តាំងពីការបង្ហាញកាលពីថ្ងៃព្រហស្បតិ៍ថា លោក Trump នឹងក្លាយជាអតីតប្រធានាធិបតីដំបូងគេដែលពុំធ្លាប់មាន ដែលត្រូវប្រឈមមុខនឹងបទចោទប្រកាន់ពីបទព្រហ្មទណ្ឌ ជុំវិញការចំណាយប្រាក់បំបិទមាត់ដល់តារាភាពយន្តអាសអាភាស ក្នុងអំឡុងពេលបោះឆ្នោតឆ្នាំ២០១៦។ លោក Trump បានអះអាងភ្លាមៗថា ការចោទប្រកាន់នេះគឺជាការធ្វើទុក្ខបុកម្នេញផ្នែកនយោបាយ និងជាការជ្រៀតជ្រែកក្នុងការបោះឆ្នោត និងបានចោទប្រកាន់មេធាវីទីក្រុង Manhattan លោក Alvin Bragg ពីការធ្វើការងារដ៏ស្មោកគ្រោករបស់លោក Joe Biden។ លោកស្រី Psaki អតីតអ្នកនាំពាក្យសេតវិមានបានណែនាំសេតវិមានឱ្យនៅស្ងៀម ហើយកុំចូលទៅក្នុងនយោបាយចំពោះរឿងនេះ។ លោក Biden អាយុ ៨០ឆ្នាំជឿជាក់ថា នៅក្នុងការប្រកួតប្រជែងជាមួយលោក Trump ដែលមានអាយុ ៧៦ឆ្នាំ គណបក្សប្រជាធិបតេយ្យនឹងទទួលជ័យជំនះម្តងទៀត ហើយអាយុរបស់លោកនឹងពុំមែនជាឧបសគ្គនោះទេ។ លោក Biden និយាយកាលពីពេលថ្មីៗនេះអំពី លោក Trump ដែលគណបក្សប្រជាធិបតេយ្យបានចាញ់កាលពីឆ្នាំ២០២០ ថា នៅក្នុងការបោះឆ្នោតលើកក្រោយលោកនឹងមានសំណាង ប្រសិនបើខ្ញុំមានអ្នកដ៏ដែលនោះឈរឈ្មោះប្រជែងជាមួយលោក៕អត្ថបទ៖ ប៊ុនថន

អ្នកវិភាគ៖ រដ្ឋអាជ្ញាប្រឈមឧបសគ្គនៅក្នុងសំណុំរឿង «លុយបំបិទមាត់» របស់លោក Trump

អាមេរិក៖ ចំណាត់ការជាប្រវត្តិសាស្ត្រដែលរដ្ឋអាជ្ញាបានធ្វើឡើង កាលពីថ្ងៃព្រហស្បតិ៍ ទី៣០ ខែមីនា ដោយដាក់ការចោទប្រកាន់បទព្រហ្មទណ្ឌលើលោក Donald Trump ជាលើកដំបូង ជាការចោទប្រកាន់មួយដែលបានដាក់ទៅលើអតីតប្រធានាធិបតីសហរដ្ឋអាមេរិក។ អ្នកវិភាគនិយាយថា សេចក្តីសម្រេចរបស់មេធាវីទីក្រុង Manhattan លោក Alvin Bragg ក្នុងការចោទប្រកាន់លោក Trump សម្រាប់ការចំណាយប្រាក់ ដើម្បីបំបិទមាត់ឲ្យតារាភាពយន្តអាសអាភាសនាង Stormy Daniels កាលពីឆ្នាំ២០១៦ នឹងបង្ហាញពីឧបសគ្គដាច់ដោយឡែកផ្សេងទៀត សម្រាប់រដ្ឋអាជ្ញា ដែលនឹងរុករកក្នុងទឹកដែលពុំមានគំនូសតាង ដោយផ្តល់ឱ្យមេធាវីរបស់លោក Trump នូវឱកាសដើម្បីអះអាងចំណុចសំខាន់ៗចំពោះសំណុំរឿងលើលោក Trump។ លោក Trump និងអ្នកគាំទ្ររបស់លោកបានចោទប្រកាន់រួចហើយថា ការចោទប្រកាន់នេះគឺជាហេតុផលនយោបាយ ជាការចោទប្រកាន់ដែលពួកគេអាចធ្វើម្តងទៀតនៅចំពោះមុខចៅក្រម។ លោក David Alan Sklansky សាស្ត្រាចារ្យច្បាប់បាននិយាយថា វាអាចមានការចោទប្រកាន់ប្រភេទនេះនៅក្នុងតុលាការ ព្រោះវាពុំមាននៅក្នុងរដ្ឋធម្មនុញ្ញ សម្រាប់រដ្ឋអាជ្ញាក្នុងការចោទប្រកាន់ដោយផ្អែកលើគណបក្សនយោបាយរបស់ចុងចោទ។ លោក Sklansky បាននិយាយថា ដើម្បីទទួលបានជោគជ័យ មេធាវីការពារក្តីចាំបាច់ត្រូវបញ្ចុះបញ្ចូលចៅក្រមថា ការចោទប្រកាន់លើលោក Trump គឺជារឿងមួយដែលរដ្ឋអាជ្ញាបានជ្រើសរើសមិនប្តឹងចុងចោទដែលមានមុខតំណែងស្រដៀងគ្នា ដែលនឹងជាបន្ទុកដ៏លំបាកសម្រាប់លោក Trump ក្នុងការបំពេញក្នុងសំណុំរឿងនេះ។ លោក Sklansky បាននិយាយថា ច្បាប់នៅទីក្រុងញូវយ៉កធ្វើឱ្យវាក្លាយជាបទព្រហ្មទណ្ឌ ក្នុងការក្លែងបន្លំកំណត់ត្រាពាណិជ្ជកម្ម ដើម្បីបន្ថែម ឬលាក់បាំងបទឧក្រិដ្ឋមួយផ្សេងទៀត។ ការចំណាយប្រាក់ចំនួន ១៣០,០០០ដុល្លារជាអ្វីដែលគេហៅថា ប្រាក់បំបិទមាត់ ដោយមេធាវីរបស់លោក Trump នៅពេលនោះគឺលោក Michael Cohen យកទៅឲ្យនាង Daniels បានស្ថិតនៅក្រោមការស៊ើបអង្កេតអស់រយៈពេលជាច្រើនឆ្នាំមកហើយ មុនពេលការចោទប្រកាន់កាលពីថ្ងៃព្រហស្បតិ៍ ដែលមេធាវី និងជាអតីតរដ្ឋអាជ្ញាលោក Sarah Krissoff ជឿថា អាចផ្តល់ឱ្យមេធាវីការពារក្តីរបស់លោក Trump បើកការស៊ើបអង្កេតកាត់បន្ថយសក្ខីកម្មសាក្សី៕អត្ថបទ៖ ប៊ុនថន

មន្ត្រីគណបក្សសាធារណរដ្ឋផ្ទុះកំហឹង និងប្រញាប់ប្រញាល់ការពារលោក Donald Trump

អាមេរិក៖ ក្រុមមេដឹកនាំគណបក្សសាធារណរដ្ឋនៅក្នុងសភា បានខឹងសម្បារទៅនឹងថ្ងៃដ៏ក្រៀមក្រំមិនធ្លាប់មានក្នុងប្រវត្តិសាស្ត្ររបស់សហរដ្ឋអាមេរិក។ សារព័ត៌មានអភិរក្សនិយមមួយចំនួនបានអំពាវនាវឲ្យមានចំណាត់ការ សម្រាប់មូលដ្ឋានរបស់គណបក្សនេះ។ អ្នកគាំទ្រដ៏លេចធ្លោម្នាក់របស់លោក Donald Trump បានលើកឡើងថា ការលាបពណ៌លើអតីតប្រធានាធិបតីអាចជាការរារាំងយុទ្ធនាការបោះឆ្នោតឆ្នាំ២០២៤។ សូម្បីតែ Ron DeSantis អភិបាលរដ្ឋ Florida ដែលត្រូវបានគេមើលឃើញយ៉ាងទូលំទូលាយថា ជាគូប្រជែងចម្បងរបស់ប្រធានាធិបតីដ៏មានសក្ដានុពលនាំមុខគេរបស់លោក Trump បានប្រញាប់ប្រញាល់ថ្កោលទោសរដ្ឋអាជ្ញាដែលបាននាំយកសំណុំរឿងទៅកាន់តំបន់ Manhattan ដែលនាំឲ្យមានការចោទប្រកាន់ជាប្រវត្តិសាស្ត្ររបស់អតីតប្រធានាធិបតីកាលពីថ្ងៃព្រហស្បតិ៍។ ខណៈមិនបញ្ចេញឈ្មោះលោក Trump លោក DeSantis បាននិយាយថា រដ្ឋ Florida នឹងមិនដើរតួនាទីក្នុងការធ្វើបត្យាប័នលោកទេ។ ទាំងថ្នាក់លើ និងថ្នាក់ក្រោមក្នុងគណបក្សសាធារណរដ្ឋ កំហឹង និងការចោទប្រកាន់ដ៏អំពើអយុត្តិធម៌ បានហូរចេញពីទាំងក្រុមអ្នកគាំទ្រ ទាំងក្រុមអ្នករិះគន់លើអតីតប្រធានាធិបតីរូបនេះ សូម្បីតែមុនពេលបញ្ចេញការចោទប្រកាន់នេះ។ អតីតអនុប្រធានាធិបតីលោក Mike Pence បានប្រាប់ទូរទស្សន៍ CNN ថា ការចោទប្រកាន់មិនធ្លាប់មានលើអតីតប្រធានាធិបតីអាមេរិក លើយុទ្ធនាការបញ្ហាហិរញ្ញវត្ថុគឺជារឿងគួរឲ្យខឹង៕អត្ថបទ៖ សុខមាន

អ្នកសារព័ត៌មាន និងនគរបាលប្រមូលផ្ដុំនៅខាងក្រៅការិយាល័យរដ្ឋអាជ្ញាតំបន់ Manhattan ក្រោយការចោទប្រកាន់លោក Trump

អាមេរិក៖ ក្រុមអ្នកសារព័ត៌មាន និងមន្ត្រីនគរបាលបានប្រមូលផ្ដុំយ៉ាងកុះករ បន្ទាប់ពីលោក Donald Trump ត្រូវបានចោទប្រកាន់ដោយក្រុមមេធាវី Manhattan បន្ទាប់ពីការស៊ើបអង្កេតករណីបង់ប្រាក់បិទមាត់តារាភាពយន្តអាសអាភាសនាង Stormy Daniels។ការចោទប្រកាន់ដែលកើតចេញពីការស៊ើបអង្កេតដឹកនាំដោយមេធាវីតំបន់ Manhattan នៃគណបក្សប្រជាធិបតេយ្យលោក Alvin Bragg មានឡើង ខណៈលោក Trump ព្យាយាមស្វែងរកការតែងតាំងនៅគណបក្សសាធារណរដ្ឋ ដើម្បីប្រកួតប្រជែងដំណែងប្រធានាធិបតីជាថ្មីនៅឆ្នាំ២០២៤។ ការចោទប្រកាន់នេះបានកើតឡើងភ្លាមៗ បន្ទាប់ពីលោក Trump បានអំពាវនាវឲ្យក្រុមអ្នកគាំទ្រផ្ដល់ប្រាក់សម្រាប់ការការពារខាងផ្លូវច្បាប់។យោងតាមយុទ្ធនាការរបស់លោក លោក Trump រៃអង្គាសបានប្រាក់ជាង ២លានដុល្លារអាមេរិកចាប់តាំងពីលោកបានព្យាករណ៍ខុសកាលថ្ងៃទី១៨មីនាថា លោកនឹងត្រូវបានចាប់ខ្លួនក្នុងពេល ៤ថ្ងៃក្រោយ។ ការិយាល័យរបស់លោក Bragg បាននិយាយថា ខ្លួនបានទំនាក់ទំនងទៅកាន់មេធាវីរបស់លោក Trump ហើយ ដើម្បីសម្របស្រួលឲ្យមានការប្រគល់ខ្លួន។ បុគ្គលិកដែលដឹងបញ្ហានេះបាននិយាយថា វាទំនងនឹងកើតឡើងនៅដើមសប្ដាហ៍ក្រោយ៕អត្ថបទ៖ សុខមាន

អ្នកស្លាប់កើនឡើងដល់ ៣៥នាក់ និងរបួស ១៦នាក់ក្នុងគ្រោះថ្នាក់បាក់អណ្ដូងជណ្ដើរវិលនៅឥណ្ឌា

ឥណ្ឌា៖ មន្ត្រីរដ្ឋាភិបាលតំបន់បាននិយាយនៅថ្ងៃសុក្រ ទី៣១ ខែមីនានេះថា អ្នកស្លាប់បានកើនឡើងដល់ ៣៥នាក់ និង ១៦នាក់ផ្សេងទៀតបានរងរបួស បន្ទាប់ពីបាក់ដំបូលនៃអណ្ដូងជណ្ដើរវិលមួយកន្លែងនៅភាគកណ្តាលប្រទេសឥណ្ឌា។ ឧបទ្ទវហេតុនេះបានកើតឡើង ខណៈអ្នកធ្វើពិធីបួងសួងបានមកប្រមូលផ្តុំគ្នានៅវត្តមួយក្នុងក្រុង Indore ដើម្បីប្រារព្ធពិធីបុណ្យសាសនាហិណ្ឌូ Ram Navami កាលពីថ្ងៃព្រហស្បតិ៍។ លោក Ilayaraja T មន្ត្រីជាន់ខ្ពស់រដ្ឋាភិបាលតំបន់បាននិយាយថា យើងបានជួយសង្គ្រោះមនុស្ស ១៨នាក់ ហើយ ៣៥នាក់ត្រូវបានរកឃើញថាស្លាប់ និង ១៦នាក់បានរងរបួស។ ប្រព័ន្ធផ្សព្វផ្សាយក្នុងស្រុកបានរាយការណ៍ថា យ៉ាងហោចណាស់ទាហាន និងបុគ្គលិកសង្គ្រោះ ៧៥នាក់បានធ្វើការពេញមួយថ្ងៃ ដើម្បីយកកម្ទេចកម្ទីចេញដោយប្រើប្រាស់ខ្សែពួរ និងជណ្ដើរ ដើម្បីទាញយកអ្នកដែលបានធ្លាក់ចូលទៅក្នុងអណ្ដូងនោះ៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

មន្ត្រីជាន់ខ្ពស់ក្រសួងការងារ៖ បច្ចុប្បន្ន ការងារ និងសាលារៀន រត់រកមនុស្សដល់មូលដ្ឋាន ហើយការធ្វើការងារក្នុងស្រុកជួយកសាងសេដ្ឋកិច្ចជាតិ

តំបន់គ្រីមៀប្រកាសស្ថានភាពគ្រាអាសន្ន បន្ទាប់ពីអ៊ុយក្រែនវាយប្រហារបណ្តាញថាមពល

លោក Zelenskyy៖ មីស៊ីល Flamingo បានវាយប្រហារដោយជោគជ័យ លើរោងចក្រយោធាដ៏សំខាន់របស់រុស្ស៊ី

អ៊ីរ៉ង់ថ្កោលទោសការវាយប្រហាររបស់អាមេរិក ដោយចោទប្រកាន់ថា រំលោភលើកិច្ចព្រមព្រៀងសន្តិភាព

មនុស្សយ៉ាងតិច ២នាក់ស្លាប់ ខណៈកោះតៃវ៉ាន់ជូនដំណឹងថ្មី អំពីភ្លៀងធ្លាក់ខ្លាំង ក្រោយមានទឹកជំនន់គ្រប់ទីកន្លែង

ទីក្រុងសេអ៊ូល បញ្ជាក់ថា យន្តហោះយោធាចិន និងរុស្ស៊ី ចូលទៅក្នុងតំបន់ការពារដែនអាកាសរបស់ខ្លួន

អ្នកគាំទ្រក្រុមហេសបូឡា ចេញមកតាមដងផ្លូវទីក្រុងបេរូត ដើម្បីតវ៉ាកិច្ចព្រមព្រៀងជាមួយអ៊ីស្រាអែល

អ្នកការទូតជាន់ខ្ពស់ប៉ាគីស្ថាន និងអ៊ីរ៉ង់ បញ្ជាក់ពីការប្តេជ្ញាចិត្ត ចំពោះសន្តិភាពក្នុងតំបន់ ក្រោយមានការវាយប្រហារថ្មី

លោក Trump បង្ហាញលិខិតឆ្លងដែនសហរដ្ឋអាមេរិកថ្មីដែលមានរូបភាពរបស់លោក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ចំនួនអ្នកស្លាប់ដោយសារព្យុះនៅសហរដ្ឋអាមេរិកបានកើនឡើងដល់ ៣២នាក់

ប្រធានគណៈកម្មាធិការនាយកស្ដីទី បក្សប្រជាធិបតេយ្យមូលដ្ឋាន សុំចូលរួមជាមួយបក្សប្រជាជន

ពិភពលោកប្រតិកម្មទៅនឹងការចោទប្រកាន់លើលោក Donald Trump

UN៖ មនុស្សរាប់ពាន់លាននាក់ចាំបាច់ត្រូវបញ្ចៀសភាពវឹកវរ និងភាពអត់ឃ្លាន

ការចោទប្រកាន់លើលោក Trump បង្កហានិភ័យនយោបាយសម្រាប់លោក Biden

អ្នកវិភាគ៖ រដ្ឋអាជ្ញាប្រឈមឧបសគ្គនៅក្នុងសំណុំរឿង «លុយបំបិទមាត់» របស់លោក Trump

មន្ត្រីគណបក្សសាធារណរដ្ឋផ្ទុះកំហឹង និងប្រញាប់ប្រញាល់ការពារលោក Donald Trump

អ្នកសារព័ត៌មាន និងនគរបាលប្រមូលផ្ដុំនៅខាងក្រៅការិយាល័យរដ្ឋអាជ្ញាតំបន់ Manhattan ក្រោយការចោទប្រកាន់លោក Trump

អ្នកស្លាប់កើនឡើងដល់ ៣៥នាក់ និងរបួស ១៦នាក់ក្នុងគ្រោះថ្នាក់បាក់អណ្ដូងជណ្ដើរវិលនៅឥណ្ឌា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ចំនួន​អ្នកស្លាប់​ដោយសារ​ព្យុះ​នៅ​សហរដ្ឋអាមេរិកបាន​កើន​ឡើងដល់ ​៣២​នាក់​

ប្រធានគណៈកម្មាធិការនាយកស្ដីទី បក្សប្រជាធិបតេយ្យមូលដ្ឋាន សុំចូលរួមជាមួយបក្សប្រជាជន

ពិភពលោក​ប្រតិកម្ម​ទៅនឹង​ការចោទប្រកាន់​លើ​លោក Donald Trump

UN៖ មនុស្ស​រាប់ពាន់​លាន​នាក់​ចាំបាច់​ត្រូវ​បញ្ចៀស​ភាពវឹកវរ និង​ភាពអត់ឃ្លាន

ការចោទប្រកាន់​លើ​លោក Trump បង្ក​ហានិភ័យ​នយោបាយ​សម្រាប់​លោក Biden

អ្នកវិភាគ​៖ រដ្ឋអាជ្ញា​ប្រឈម​ឧបសគ្គ​នៅក្នុង​សំណុំរឿង «​លុយ​បំបិទមាត់​» របស់លោក Trump

មន្ត្រី​គណបក្ស​សាធារណរដ្ឋ​ផ្ទុះ​កំហឹង​ និង​ប្រញាប់ប្រញាល់​ការពារ​លោក Donald Trump

អ្នកស្លាប់​កើនឡើង​ដល់ ​៣៥​នាក់ និង​របួស ​១៦​នាក់​ក្នុង​គ្រោះថ្នាក់​បាក់​អណ្ដូង​ជណ្ដើរ​វិល​នៅ​ឥណ្ឌា​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ចំនួនអ្នកស្លាប់ដោយសារព្យុះនៅសហរដ្ឋអាមេរិកបានកើនឡើងដល់ ៣២នាក់

ពិភពលោកប្រតិកម្មទៅនឹងការចោទប្រកាន់លើលោក Donald Trump

UN៖ មនុស្សរាប់ពាន់លាននាក់ចាំបាច់ត្រូវបញ្ចៀសភាពវឹកវរ និងភាពអត់ឃ្លាន

ការចោទប្រកាន់លើលោក Trump បង្កហានិភ័យនយោបាយសម្រាប់លោក Biden

អ្នកវិភាគ៖ រដ្ឋអាជ្ញាប្រឈមឧបសគ្គនៅក្នុងសំណុំរឿង «លុយបំបិទមាត់» របស់លោក Trump

មន្ត្រីគណបក្សសាធារណរដ្ឋផ្ទុះកំហឹង និងប្រញាប់ប្រញាល់ការពារលោក Donald Trump

អ្នកស្លាប់កើនឡើងដល់ ៣៥នាក់ និងរបួស ១៦នាក់ក្នុងគ្រោះថ្នាក់បាក់អណ្ដូងជណ្ដើរវិលនៅឥណ្ឌា