BTV NEWS

សម្ដេចធិបតី ហ៊ុន ម៉ាណែត៖ អាទិភាពរបស់រាជរដ្ឋាភិបាល គឺ ប្រទេសជាតិ,ប្រជាជន, ទឹកដី និង ឯករាជ្យភាពជាតិ

សម្ដេចធិបតី៖ យុទ្ធនាការកម្ចាត់ Online Scams ប៉ុន្មានខែចុងក្រោយនេះ បានស្ដារមុខមាត់កម្ពុជាមកវិញ

សម្ដេចធិបតី៖ កម្ពុជាជាសមាជិក WTO មិនអាចហាមឃាត់ការនាំចូលទំនិញពីប្រទេសដទៃបានទេ

សម្ដេចធិបតី៖ ឆ្នាំ២០២៩ កម្ពុជានឹងចាកចេញពីប្រទេសអភិវឌ្ឍន៍តិចតួចបន្តដំណើរទៅកាន់ប្រទេសអភិវឌ្ឍន៍

ព័ត៌មានសំខាន់ៗ

អតីតអនុប្រធានាធិបតីឥណ្ឌូណេស៊ី កោតសរសើរពីសុខដុមភាពសាសនានៅកម្ពុជា

ភ្នំពេញ៖ អតីតអនុប្រធានាធិបតីឥណ្ឌូណេស៊ី បានថ្លែងកោតសរសើរអំពីសុខដុមភាពសាសនានៅកម្ពុជា នៅចំពោះមុខសម្ដេចតេជោ ហ៊ុន សែន នាយករដ្ឋមន្ត្រីថា សម្ដេចតេជោពិតជាបានគ្រប់គ្រង និងដឹកនាំធ្វើឱ្យមានសុខដុមភាពខាងសាសនាបានយ៉ាងល្អជាទីបំផុត។នេះការលើកឡើងរបស់ឯកឧត្តមបណ្ឌិត Jusuf Kalla អតីតអនុប្រធានាធិបតីឥណ្ឌូណេស៊ី ប្រធានកាកបាទក្រហមឥណ្ឌូនេស៊ី ប្រធានអង្គការអ្នកប្រជាធិបតេយ្យនិយមកណ្ដាលអាស៊ីប៉ាស៊ីហ្វិក(CAPDI) និងជាប្រធានគណៈកម្មាធិការគ្រប់គ្រងវិហារឥស្លាមឥណ្ឌូនេស៊ី ក្នុងពេលដែលឯកឧត្តមត្រូវបានសម្ដេចតេជោ ហ៊ុន សែន អនុញ្ញាតឲ្យចូលជួបសំដែងការគួរសម និងពិភាក្សាការងារ នៅវិមានសន្តិភាព នាព្រឹកថ្ងៃទី២៨មីនានេះ។ឯកឧត្តម Jusuf Kalla បានសម្ដែងនូវការគោរពជូនដល់សម្ដេចតេជោ ចំពោះការដឹកនាំដ៏ឈ្លាសវៃដែលបាននាំកម្ពុជាមកនូវសុខសន្តិភាព ស្ថិរភាព ជាពិសេសនាំមកនូវសុខដុមបនីយកម្មរវាងសាសនា។ឯកឧត្តមJusuf Kalla បានបញ្ជាក់គោរពជូនសម្ដេចតេជោថា ឯកឧត្តមបាននាំសាសនិកអ៊ីស្លាមមកកម្ពុជាចំនួនជាង១០០នាក់ មកចូលរួមស្រាយបួស ហើយអ្វីដែលឯកឧត្តមបានឃើញកាលពីម្សិលមិញគឺជាសុខដុមភាពនិងសាមគ្គីភាពយ៉ាងល្អបំផុតរវាងសាសនានៅក្នុងព្រះរាជាណាចក្រកម្ពុជា។ជាការឆ្លើយតប សម្ដេចតេជោ ហ៊ុន សែន បានថ្លែងអំណរគុណជូនចំពោះឯកឧត្តមដែលបានដឹកនាំសាសនិកអ៊ីស្លាមមកចូលរួមស្រាយបួសនៅកម្ពុជា។សម្ដេច បានជម្រាបជូនឯកឧត្តម ថាកម្ពុជារៀបចំកម្មវិធីស្រាយបួសនេះ ជារៀងរាល់ឆ្នាំហើយសាសនានៅកម្ពុជាគឺមានសុខដុមភាពណាស់ទាំងរវាងសាសនាឥស្លាម សាសនាគ្រឹះ និងសាសនាព្រះពុទ្ធ៕

មនុស្ស ៦នាក់រួមទាំងកុមារ ៣នាក់បានស្លាប់ក្នុងហេតុការណ៍បាញ់ប្រហារក្នុងសាលារៀននៅអាមេរិក

អាមេរិក៖ ស្នងការនគរបាលក្រុងណាស្វីល (Nashville) រដ្ឋធិនណេស៊ី (Tennessee) សហរដ្ឋអាមេរិកបាននិយាយថា ខ្មាន់កាំភ្លើងម្នាក់ប្រដាប់ដោយអាវុធធុនធ្ងន់ បានចូលទៅក្នុងសាលារៀនគ្រឹស្តសាសនាមួយកន្លែងកាលពីព្រឹកថ្ងៃចន្ទ និងបានបាញ់សម្លាប់កុមារអាយុ ៩ឆ្នាំចំនួន ៣នាក់ និងបុគ្គលិក ៣នាក់ មុនពេលត្រូវបាននគរបាលបាញ់សម្លាប់។ ស្នងការនគរបាលក្រុងណាស្វីសលោក John Drake បាននិយាយនៅឯសន្និសីទសារព័ត៌មានមួយថា ខ្មាន់កាំភ្លើងដែលជាស្ត្រីវ័យ ២៨ឆ្នាំ និងរស់នៅក្នុងតំបន់ណាស្វីសធ្លាប់ជាសិស្សនៅសាលានេះ ទោះបីជាគេពុំដឹងច្បាស់ថានៅពេលណាក៏ដោយ។ ខ្មាន់កាំភ្លើងដែលបានបាញ់សម្លាប់កុមារ ៣នាក់ និងបុគ្គលិក ៣នាក់នៅសាលាណាស្វីលកាលពីថ្ងៃចន្ទ ត្រូវបានកំណត់អត្តសញ្ញាណថាជាអតីតសិស្សនៅសាលានេះ ដែលនគរបាលបាននិយាយថា ទំនងជាបានសរសេរប្រកាសអំពីការវាយប្រហារ និងគូសផែនទីនៃបរិវេណសាលានេះដែរ។ ខ្មាន់កាំភ្លើងដែលត្រូវបានគេកំណត់អត្តសញ្ញាណមានឈ្មោះថា Audrey E. Hale ត្រូវបានបាញ់សម្លាប់ដោយមន្ត្រីនគរបាល ដែលបានឆ្លើយតបទៅនឹងការបាញ់ប្រហារនៅសាលារៀនខូវិនណិន (Covenant School) ជាសាលាគ្រឹស្តសាសនាឯកជនតូចមួយដែលនៅជាប់នឹងព្រះវិហារ និងទទួលកុមារចាប់ពីថ្នាក់មត្តេយ្យសិក្សាដល់ថ្នាក់ទី៦៕អត្ថបទ៖ សុខមាន

ទីផ្សារភាគហ៊ុនអាស៊ីមានការឡើងចុះខុសគ្នានៅពេលបិទបញ្ចប់ការជួញដូរ

អន្តរជាតិ៖ ភាគហ៊ុនអាស៊ីបានបិទការជួញដូរដែលមានការឡើងចុះចម្រុះគ្នាកាលពីថ្ងៃចន្ទ ខណៈការព្រួយបារម្ភនៅតែបន្ដកើតមានអំពីវិបត្ដិធនាគារសកល បានដាក់សម្ពាធទៅលើភាគហ៊ុនហិរញ្ញវត្ថុដែលរារាំងដល់ការកើនឡើង។សេដ្ឋកិច្ចវិទូជាន់ខ្ពស់នៅឯទីផ្សារមូលបត្រ ACY security Clifford Bennett បាននិយាយថា ទំនុកចិត្តលើសេវាធនាគារនៅពេលនេះស្ថិតក្នុងសភាពប្រែប្រួលជាបន្តបន្ទាប់។ តារាសន្ទស្សន៍ភាគរហ៊ុននៃក្រុមហ៊ុន Nikkei របស់ជប៉ុនបានហក់ឡើងលើកដំបូងក្នុងរយៈពេល ៣ថ្ងៃនៃការបើកជួញដូរ និងបានបិទការជួញដូរក្នុងកំណើន ០.៣៣%។ ចំណែកតារាងសន្ទស្សន៍ផ្សារហ៊ុនកូរ៉េខាងត្បូង KOSPI បានបង្ហាញការខាតបង់នៅថ្ងៃទី២ ដោយបានធ្លាក់ចុះ ៥,៧៤ពិន្ទុ ឬស្មើ ៩,២៤% ខណៈវិនិយោគិននៅរក្សាជំហរប្រយ័ត្នប្រយែងពាក់ព័ន្ធនឹងហានិភ័យ ក្នុងប្រព័ន្ធសេវាធនាគារសកល។ ចំណែកតារាងសន្ទស្សន៍ហុងកុង Hang Seng បានធ្លាក់ចុះ ១,៨%។ ចំណែកតារាងសន្ទស្សន៍ផ្សារភាគហ៊ុន Hang Seng China Enterprises បានធ្លាក់ចុះ ២,២%។

សម្តេចតេជោ ហ៊ុន សែន និងនាយករដ្ឋមន្ត្រីម៉ាឡេស៊ី អញ្ជើញស្រាយបួសខែរ៉ាម៉ាឌននៃសាសនាឥស្លាមកម្ពុជាលើកទី៧

ភ្នំពេញ៖ នៅមជ្ឈមណ្ឌលសន្និបាត និងពិព័រណ៌អន្តរជាតិជ្រោយចង្វា នាល្ងាចថ្ងៃទី២៧មីនានេះ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងឯកឧត្តម ដាតុ ស៊េរី អាន់វ៉ា ប៊ីន អុីប្រាហ៊ីម នាយករដ្ឋមន្ត្រីម៉ាឡេស៊ី បានអញ្ជើញស្រាយបួសខែរ៉ាម៉ាឌន នៃសាសនាឥស្លាមកម្ពុជាលើកទី៧ បន្ទាប់ពីខកខានដោយសារវិបត្តិកូវីដ១៩ នៅឆ្នាំ២០២០ ដល់២០២២។ឯកឧត្តមបណ្ឌិត អូស្មាន ហាស្សាន់ ទេសរដ្ឋមន្ត្រីទទួលបន្ទុកបេសកកម្មពិសេស បានគោរពរាយការណ៍ដោយបញ្ជាក់ថា ឆ្នាំនេះគឺជាឆ្នាំទី៧ហើយដែលមានបងប្អូនសាសនិកខ្មែរឥស្លាម ៦ពាន់ ១០០នាក់ មកចូលរួម បន្ទាប់ពីសម្ដេចតេជោ បានសម្រេចរៀបចំឲ្យមានកម្មវិធីអាហារស្រាយបួសថ្នាក់ជាតិតាំងពីឆ្នាំ២០១៤ មកដែលជាកម្មវិធីមួយមិនធ្លាប់មាននៅក្នុងព្រះរាជាណាចក្រកម្ពុជាតែត្រូវបានខកខាននៅឆ្នាំ២០២០ ដល់២០២២ ដោយសារវិបត្តិ កូវីដ-១៩។បន្ទាប់ពីតំណាងអង្គការសហប្រតិបត្តិការឥស្លាមIOC និងឯកឧត្តមនាយករដ្ឋមន្ត្រីម៉ាឡេស៊ី បង្ហាញចំណាប់អារម្មណ៍រីករាយដែលបានចូលរួមក្នុងកម្មវិធីស្រាយបួសនេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជាជាមួយនឹងការរំលឹកពីការខិតខំលះបង់ប្រែក្លាយកម្ពុជាពីការបែកបាក់ជាតិដោយសារការល្មោភអំណាចការផ្លាស់ប្ដូររដ្ឋាភិបាលដោយប្រើប្រាស់កម្លាំង ការខ្វះសាមគ្គីភាពផ្ទៃក្នុង សម្តេចលះបង់គ្រប់បែបយ៉ាងបានធ្វើឱ្យមានឯកភាពជាតិតាមរយៈការអនុវត្តនយោបាយឈ្នះ-ឈ្នះ ដោយឈរលើមូលដ្ឋាននៃស្មារតីសាមគ្គីជាតិនិងឯកភាពជាតិក្នុងគោលដៅបង្រួបបង្រួមកម្លាំងប្រជាជាតិទាំងមូលជាធ្លាប់មួយក្រោមបាវចនា ជាតិ សាសនា ព្រះមហាក្សត្រ នោះរាជរដ្ឋាភិបាលកម្ពុជាបានបញ្ចប់សង្គ្រាមរ៉ាំរ៉ៃដោយពុំមានការបង្ហូរឈាមជាតិសាសន៍ឯងសំដៅស្ដារឡើងវិញនិងរក្សាបាននូវសុខសន្តិភាពជូនប្រជាជនដែលការណ៍នេះ គឺជាបុរេលក្ខខណ្ឌសម្រាប់អភិវឌ្ឍន៍ប្រទេសជាតិលើគ្រប់វិស័យ។សម្ដេចបានគូសបញ្ជាក់ថាសុខសន្តិភាពដែលយើងខិតខំរកបានយ៉ាងលំបាកកំពុងបានខិតខំថែរក្សាការពារទោះក្នុងតម្លៃណាក៏ដោយហើយសុខសន្តិភាពនេះកំពុងផ្ដល់ផ្លែផ្កាជាច្រើនដល់ប្រជាជនកម្ពុជាគ្រប់រូបរួមទាំងបងប្អូនសាសនិកខ្មែរឥស្លាមផងដែរ។ជាក់ស្ដែងការណ៍ដែលគេល្បីថាពីមុនកម្ពុជាជាវាលពិឃាត ជាតំបន់អសន្តិសុខ ជាចំការមីនដែលមានការភ័យខ្លាចគ្រប់គ្នា ឥឡូវនេះបានក្លាយជាកោះសន្តិភាពនិងជាតំបន់ទេសចរណ៍ប្រកបដោយប្រជាប្រិយភាព។សម្ដេចបន្តថា កម្ពុជាពីមុនដែលជាប្រទេសអនថយខាងសេដ្ឋកិច្ចគ្របដណ្ដប់ដោយភាពក្រីក្រនិងមានអសន្តិសុខស្បៀង ឥឡូវបានក្លាយទៅជាប្រទេសនាំចេញស្បៀងនិងសម្រេចបានកំណើនសេដ្ឋកិច្ចខ្ពស់។កម្ពុជាដែលពីមុនជាប្រទេសរងការហ៊ុព័ទ្ធ និងឯកោទាំងខាងនយោបាយនិងសេដ្ឋកិច្ច ឥឡូវបានក្លាយជាប្រទេសមួយដែលកំពុងសមាហរណកម្មខ្លួនយ៉ាងសកម្ម ជាប្រទេសដែលកំពុងដើរតួនាទីយ៉ាងសកម្មក្នុងគ្រប់កិច្ចការតំបន់និងនៅលើឆាកអន្តរជាតិ។លើសពីនេះសិទ្ធិ និងសេចក្តីថ្លៃថ្នូររបស់ប្រជាជនកម្ពុជាត្រូវបានធានា លើកកម្ពស់ជំនឿនិងសុខដុមនីយកម្មសាសនានៅក្នុងប្រទេសកម្ពុជាតាមរយៈការផ្ដល់លក្ខណៈងាយស្រួលដល់សាសនិកសាសនាគ្រប់រូបក្នុងការប្រតិបត្តិជំនឿសាសនានិងការប្រឆាំងដាច់ខាតចំពោះការរើសអើងពូជសាសន៍និងសាសនា។ជាលទ្ធផល ជម្លោះឬសង្គ្រាមសាសនាពុំធ្លាប់កើតមានក្នុងប្រវត្តិសាស្ត្រកម្ពុជានោះឡើយហើយកម្ពុជាត្រូវបានទទួលស្គាល់និងទទួលបានការកោតសរសើរពីគ្រប់មជ្ឈដ្ឋានជាតិនិងអន្តរជាតិចំពោះសុខដុមភាព ជំនឿសាសនាដែលកម្ពុជាសម្រេចបានជាមួយនឹងការថែរក្សានូវសុខឧត្តមភាពដ៏ប្រពៃ៕

អាជ្ញាធរអាមេរិកបារម្ភថា អាចមានព្យុះកាន់តែច្រើនថែមទៀត ក្រោយព្យុះកួចសម្លាប់មនុស្ស ២៦នាក់នៅរដ្ឋ Mississippi

អាមេរិក៖ អភិបាលរដ្ឋ Mississippi បានព្រមានថា អាចនឹងមានអាកាសធាតុអាប់អួខ្លាំងបន្ថែមទៀតកំពុងសំដៅមកកាន់រដ្ឋ Mississippi របស់សហរដ្ឋអាមេរិក ក្រោយព្យុះកួចដែលបានសម្លាប់មនុស្ស ២៦នាក់។ លោកអភិបាលរដ្ឋ Tate Reeves បាននិយាយថា បញ្ហាប្រឈមធ្ងន់ធ្ងរនៅតែមាននៅក្នុងតំបន់នានានៃរដ្ឋមួយនេះ។ មនុស្សរាប់រយនាក់បានភៀសខ្លួនចេញ ក្រោយព្យុះកំបុតត្បូងបានបោកបក់ពាសពេញរដ្ឋ Mississippi និង Alabama កាលពីយប់ថ្ងៃសុក្រ។ ព្យុះកំណាចកាលពីថ្ងៃសុក្រគឺជាព្យុះដ៏សាហាវបំផុតមិនធ្លាប់មាននៅក្នុងរដ្ឋ Mississippi ក្នុងរយៈពេលជាង ១០ឆ្នាំមកនេះ។ មនុស្សយ៉ាងហោចណាស់ ២៥នាក់បានស្លាប់នៅក្នុងរដ្ឋមួយនេះ ខណៈដែលម្នាក់ផ្សេងទៀតត្រូវបានបញ្ជាក់ថាបានស្លាប់នៅក្នុងរដ្ឋជិតខាងគឺរដ្ឋ Alabama។ លោកប្រធានាធិបតី Joe Biden បានប្រកាសដាក់រដ្ឋក្នុងគ្រាអាសន្ន និងបានបញ្ជូនធនធានសហព័ន្ធដើម្បីជួយដល់ការងារជួយសង្គ្រោះ និងការឆ្លើយតបនៅក្នុងទីក្រុងតូចៗមួយចំនួនដែលរងការប៉ះពាល់ធ្ងន់ធ្ងរជាងគេបំផុត៕អត្ថបទ៖ សុខមាន

សម្តេចតេជោ ហ៊ុន សែន និងនាយករដ្ឋមន្ត្រីម៉ាឡេស៊ី អញ្ជើញធ្វើសន្និសីទសារព័ត៌មានរួមគ្នា

ភ្នំពេញ៖ នៅវេលាម៉ោងជាង១២ ថ្ងៃទី២៧ ខែមីនា ឆ្នាំ២០២៣នេះ សម្តេចតេជោ ហ៊ុន សែន នាយករដ្ឋមន្ត្រី និងឯកឧត្តម ដាតុ ស៊េរី អាន់វ៉ា ប៊ីន អ៊ីប្រាហ៊ី នាយករដ្ឋមន្ត្រីម៉ាឡេស៊ី បានអញ្ជើញជាអធិបតីភាព ក្នុងពិធីចុះហត្ថលេខាលើគំនិតផ្តួចផ្តើមនៃកិច្ចសហប្រតិបត្តិការមួយចំនួន និងធ្វើសន្និសីទសារព័ត៌មានរួមគ្នា ។គួរបញ្ជាក់ថា នាយករដ្ឋមន្ត្រីម៉ាឡេស៊ី ឯកឧត្តម ដាតុ ស៊េរី អាន់វ៉ា ប៊ីន អ៊ីប្រាហ៊ី ចាប់ផ្តើមបំពេញទស្សនកិច្ចផ្លូវការនៅកម្ពុជានាព្រឹកថ្ងៃទី ២៧ ខែមីនា ឆ្នាំ២០២៣នេះ តបតាមការអញ្ជើញរបស់សម្តេចតេជោ ហ៊ុន សែន នាយករដ្ឋមន្ត្រី។នាយករដ្ឋមន្ត្រីប្រទេសទាំងពីរ មានជំនួបទ្វេភាគីដើម្បីរិះរករបៀប និងវិធីសាស្ត្រថ្មីៗ សំដៅធ្វើឱ្យកាន់តែស៊ីជម្រៅបន្ថែមទៀត នូវទំនាក់ទំនងទ្វេភាគីដ៏យូរលង់ ដែលគ្របដណ្ដប់លើកិច្ចសហប្រតិបត្តិការ គ្រប់វិស័យ ដូចជា៖ នយោបាយ សន្តិសុខ សេដ្ឋកិច្ច សង្គម និងវប្បធម៌....។នាយករដ្ឋមន្ត្រីទាំងពីរ ក៏បានផ្លាស់ប្តូរទស្សនៈគ្នា ទៅវិញទៅមកលើបញ្ហាអនុតំបន់ តំបន់ និងអន្តរជាតិ ដែលជាផលប្រយោជន៍ និងក្តីបារម្ភរួមផងដែរ៕

បាតុកម្មបណ្ដាលឲ្យបណ្ដាញដឹកជញ្ជូនសាធារណៈរបស់អាល្លឺម៉ង់ត្រូវបញ្ឈប់

អាល្លឺម៉ង់៖ បណ្ដាញដឹកជញ្ជូនរបស់ប្រទេសអាល្លឺម៉ង់កំពុងស្ថិតក្នុងភាពជាប់គាំងនៅថ្ងៃចន្ទនេះ ខណៈសហជីពធំបំផុតចំនួនពីររបស់ប្រទេសនេះធ្វើកូដកម្ម។ បុគ្គលិកនៅអាកាសយានដ្ឋាន កំពង់ផែ ផ្លូវរថភ្លើង រថយន្តក្រុង និងរថភ្លើងក្រោមដីបានចេញពីកន្លែងធ្វើការភ្លាមៗ ក្រោយពាក់កណ្តាលអធ្រាត្រដើម្បីឈប់សម្រាក ២៤ម៉ោង។ សហជីពកំពុងទាមទារប្រាក់ឈ្នួលខ្ពស់ដើម្បីជួយដល់សមាជិករបស់ពួកគេ ទប់ទល់ការកើនឡើងការចំណាយសម្រាប់ជីវភាពរស់នៅនៅទូទាំងប្រទេស។ មានកូដកម្មដើរចេញពីការងារជាក្រុមតូចៗជាច្រើនក្នុងវិស័យសេវាសាធារណៈផ្សេងទៀត ប៉ុន្តែនៅថ្ងៃចន្ទនេះនឹងជាកូដកម្មធំបំផុត ក្នុងរយៈពេលច្រើនទសវត្សរ៍កន្លងទៅនៅក្នុងប្រទេសនេះ។ សហជីពទាំងពីរដែលចូលរួមក្នុងកូដកម្ម ស្ថិតក្នុងចំណោមសហជីពធំបំផុតក្នុងប្រទេសអាល្លឺម៉ង់។ សហជីព Verdi តំណាងឱ្យបុគ្គលិកប្រហែល ២.៥លាននាក់នៅទូទាំងវិស័យសាធារណៈ រួមមានវិស័យដឹកជញ្ជូនសាធារណៈ និងនៅអាកាសយានដ្ឋាន។ សហជីព EVG តំណាងឱ្យបុគ្គលិកប្រហែល ២៣០,០០០ នៅក្រុមហ៊ុនអយស្ម័យយាន Deutsche Bahn ជាប្រតិបត្តិករផ្លូវរថភ្លើងជាតិរបស់ប្រទេសអាល្លឺម៉ង់ និងក្រុមហ៊ុនរថយន្តក្រុងផ្សេងទៀត។ ពួកគេសង្ឃឹមថា វានឹងបង្កើនសម្ពាធលើនិយោជក មុនពេលការចរចាប្រាក់ឈ្នួលជុំមួយផ្សេងទៀតនៅថ្ងៃចន្ទនេះ។ លោក Frank Werneke ប្រធានសហជីព Verdi បានចាត់ទុកការដំឡើងប្រាក់ឈ្នួលថា ជាបញ្ហានៃការរស់រានមានជីវិតសម្រាប់បុគ្គលិកជាច្រើនពាន់នាក់។ នៅអាកាសយានដ្ឋានទីក្រុង Munich កាលពីថ្ងៃអាទិត្យ ជើងហោះហើរជាច្រើនត្រូវបានរំខានដោយការធ្វើកូដកម្មដើរចេញពីការងារ។ សមាគមអាកាសយានដ្ឋានប្រទេសអាល្លឺម៉ង់បាននិយាយថា អ្នកដំណើរតាមផ្លូវអាកាសប្រមាណ ៣៨០,០០០នាក់ត្រូវរងផលប៉ះពាល់ដោយការធ្វើកូដកម្ម ប៉ុន្តែបាននិយាយថា វាលើសពីវិធានការដែលចង់បាន និងអាចទទួលយកបាន។ តំណាងនិយោជកមួយចំនួនបានព្រមានថា សហជីពកំពុងធ្វើការទាមទារមិនសមហេតុផល ដែលបង្កហានីភ័យបំផ្លាញដល់សាធារណជន។ ទោះជាយ៉ាងណា សហជីពមួយចំនួនបានទទួលជោគជ័យក្នុងការទទួលបានការដំឡើងប្រាក់ឈ្នួល រួមទាំងបុគ្គលិកប្រៃសណីយ៍ដែលទទួលបានការដំឡើងប្រាក់ឈ្នួល ១១.៥% កាលពីដើមខែមីនា៕អត្ថបទ៖ ប៊ុនថន

សម្តេចតេជោ ហ៊ុន សែន អញ្ជើញបដិសណ្ឋារកិច្ចផ្លូវការ និងជួបទ្វេភាគីជាមួយនាយករដ្ឋមន្ត្រីម៉ាឡេស៊ី

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៅវេលាម៉ោងជាង១១ ព្រឹកថ្ងៃទី២៧ ខែមីនា ឆ្នាំ២០២៣នេះ បានអញ្ជើញបដិសណ្ឋារកិច្ចផ្លូវការ និងជួបទ្វេភាគីជាមួយឯកឧត្តម ដាតុ ស៊េរី អាន់វ៉ា ប៊ីន អ៊ីប្រាហ៊ី នាយករដ្ឋមន្ត្រីម៉ាឡេស៊ី នៅវិមានសន្តិភាព។គួរបញ្ជាក់ថា នាយករដ្ឋមន្ត្រីម៉ាឡេស៊ី ឯកឧត្តម ដាតុ ស៊េរី អាន់វ៉ា ប៊ីន អ៊ីប្រាហ៊ី ចាប់ផ្តើមបំពេញទស្សនកិច្ចផ្លូវការនៅកម្ពុជានាព្រឹកថ្ងៃទី ២៧ ខែមីនា ឆ្នាំ២០២៣នេះ តបតាមការអញ្ជើញរបស់សម្តេចតេជោ ហ៊ុន សែន នាយករដ្ឋមន្ត្រី។នាយករដ្ឋមន្ត្រីប្រទេសទាំងពីរ មានជំនួបទ្វេភាគីដើម្បីរិះរករបៀប និងវិធីសាស្ត្រថ្មីៗ សំដៅធ្វើឱ្យកាន់តែស៊ីជម្រៅបន្ថែមទៀត នូវទំនាក់ទំនងទ្វេភាគីដ៏យូរលង់ ដែលគ្របដណ្ដប់លើកិច្ចសហប្រតិបត្តិការ គ្រប់វិស័យ ដូចជា៖ នយោបាយ សន្តិសុខ សេដ្ឋកិច្ច សង្គម និងវប្បធម៌....។នាយករដ្ឋមន្ត្រីទាំងពីរ ក៏នឹងផ្លាស់ប្តូរទស្សនៈគ្ នាទៅវិញទៅមកលើបញ្ហាអនុតំបន់ តំបន់ និងអន្តរជាតិ ដែលជាផលប្រយោជន៍ និងក្តីបារម្ភរួមផងដែរ។បន្ទាប់ពីជំនួប នាយករដ្ឋមន្ត្រីទាំងពីរ នឹងអញ្ជើញធ្វើជាអធិបតីភាពក្នុងពិធីចុះហត្ថលេខាលើគំនិតផ្តួចផ្តើមនៃកិច្ចសហប្រតិបត្តិការមួយចំនួន និងធ្វើសន្និសីទសារព័ត៌មានរួមគ្នា៕

នាយករដ្ឋមន្ត្រីបារាំងស្នើឲ្យជួបបក្សប្រឆាំង និងសហជីពក្នុងពេលមានវិបត្តិសោធននិវត្តន៍

បារាំង៖ នាយករដ្ឋមន្ត្រីបារាំងផ្តល់សំណើជួបបក្សប្រឆាំង និងសហជីពក្នុងពេលមានវិបត្តិសោធននិវត្តន៍ ការិយាល័យនាយករដ្ឋមន្ត្រីបាននិយាយកាលពីថ្ងៃអាទិត្យថា នាយករដ្ឋមន្ត្រីបារាំងលោកស្រី Elisabeth Borne មានផែនការជួបជាមួយមេដឹកនាំបក្សប្រឆាំង និងសហជីព ក្នុងក្តីសង្ឃឹមពីការបញ្ចប់ការតវ៉ាជាច្រើនសប្តាហ៍មកនេះប្រឆាំងច្បាប់សោធននិវត្តន៍ថ្មី។ ក្រុមបាតុកម្មប្រឆាំងកំណែទម្រង់សោធននិវត្តន៍ ដែលនឹងដំឡើងអាយុចូលនិវត្តន៍ ២ឆ្នាំបន្ថែមបានប្រែទៅជាអំពើហិង្សា បន្ទាប់ពីរដ្ឋាភិបាលបានជំរុញសេចក្តីស្នើច្បាប់នេះ ឆ្លងសភាក្នុងខែនេះដោយគ្មានការបោះឆ្នោត។ ប្រធានាធិបតីលោក Emmanuel Macron បានដាក់ចេញការលុបចោល ឬផ្អាកច្បាប់នេះ ដោយប្រគល់ភារកិច្ចឱ្យនាយករដ្ឋមន្ត្រីរបស់លោកក្នុងការស្វែងរកការគាំទ្រថ្មីនៅក្នុងសភា បន្ទាប់ពីរដ្ឋាភិបាលបរាជ័យក្នុងការស្វែងរកសំឡេងគ្រប់គ្រាន់ សម្រាប់សេចក្តីស្នើច្បាប់នេះ។ ការិយាល័យលោកស្រីនាយករដ្ឋមន្ត្រីនិយាយថា លោកស្រី Borne នឹងជួបជាមួយមេដឹកនាំគណបក្សនយោបាយ ហើយមានគោលបំណងចាប់ផ្តើមការពិភាក្សាឡើងវិញ ជាមួយសហជីពនានាជុំវិញបញ្ហាការងារ ដោយមិននិយាយអំពីសេចក្តីស្នើច្បាប់សោធននិវត្តន៍នោះទេ។ លោកស្រីនាយករដ្ឋមន្ត្រីបាននិយាយនៅក្នុងបទសម្ភាសន៍ជាមួយសារព័ត៌មានថា កិច្ចប្រជុំជាមួយគណបក្សប្រឆាំង និងមេដឹកនាំសហជីពនឹងធ្វើឡើងក្នុងសប្តាហ៍ដែលចាប់ផ្តើមពីថ្ងៃទី៣ ខែមេសា។ សារព័ត៌មាន AFP បានរាយការណ៍ថា លោកស្រីបានសន្យាថានឹងមិនប្រើអំណាចរដ្ឋធម្មនុញ្ញ ដើម្បីអនុម័តច្បាប់ដោយគ្មានការបោះឆ្នោតម្តងទៀតនោះទេ លើកលែងតែលើសេចក្តីស្នើច្បាប់ថវិកា។ សហជីពបានកំណត់ពេលថ្ងៃទី១០ នៃការតវ៉ានៅទូទាំងប្រទេសប្រឆាំងច្បាប់សោធននិវត្តន៍នៅថ្ងៃអង្គារ បន្ទាប់ពីថ្ងៃមុននៃការធ្វើសកម្មភាពកាលពីថ្ងៃព្រហស្បតិ៍សប្តាហ៍មុន បានមើលឃើញការប៉ះទង្គិចគ្នាដោយហិង្សាខ្លាំងបំផុតជាមួយនគរបាល។ ប្រធានសហជីព CFDT លោក Laurent Berger កាលពីសប្តាហ៍មុនបានស្នើឱ្យលោក Macron ផ្អាកច្បាប់រយៈពេលប្រាំមួយខែ ដើម្បីស្វែងរកការសម្របសម្រួលដែលអាចធ្វើទៅបាន៕អត្ថបទ៖ ប៊ុនថន

ទឹកប្រាក់ជិត ១០០ពាន់លានដុល្លារ ត្រូវបានដកចេញពីធនាគារពាណិជ្ជរបស់សហរដ្ឋអាមេរិក

អាមេរិក៖ ទិន្នន័យចុងក្រោយពីធនាគារកណ្តាលបានបង្ហាញថា ទឹកប្រាក់សរុបចំនួន ៩៨.៤ ពាន់លានដុល្លារត្រូវបានដកចេញដោយម្ចាស់ប្រាក់បញ្ញើរបស់សហរដ្ឋអាមេរិក ក្នុងមួយសប្តាហ៍ដោយសារតែលែងសូវមានទំនុកចិត្តលើប្រព័ន្ធធនាគាររបស់ប្រទេសនេះ។ការដកប្រាក់ដ៏គំហុកភាគច្រើន កើតមានឡើងនៅតាមធនាគារតូចៗ។យោងទៅតាមទិន្នន័យរបស់ប្រព័ន្ធធនាគារកណ្តាលបានឲ្យដឹងថា សម្រាប់សប្តាហ៍ដែលបានបញ្ចប់នៅថ្ងៃទី ១៥ ខែមីនា ស្ថាប័នហិរញ្ញវត្ថុធំៗ បានមើលឃើញប្រាក់បញ្ញើរបស់ពួកគេកើនឡើង ខណៈធនាគារតូចៗបានសង្កេតឃើញលំហូរចេញលើសពី ១២០ ពាន់លានដុល្លារ ។ ធនាគារកណ្តាល បានដំឡើងអត្រាការប្រាក់រហូតដល់៩ ដងជាប់ៗគ្នា ហើយវិធានការរឹតត្បិតបរិមាណបាននាំមកនូវវិបត្តិដល់វិស័យធនាគារនៅសហរដ្ឋអាមេរិក និងអឺរ៉ុប៕

បណ្ដាញសង្គម

ព័ត៌មានថ្មីៗ

សមត្ថកិច្ចចុះត្រួតពិនិត្យពីរទីតាំងនៅក្រុងប៉ោយប៉ែតរកឃើញជនជាតិឥណ្ឌូនេស៊ីចំនូន៨១នាក់រស់នៅប្រមូលផ្តុំ

សម្ដេចព្រះមហាសង្ឃរាជ បួរ គ្រី យាងបើកកម្មវិធីការពារនិក្ខេបបទ និងប្រឡងបញ្ចប់ថ្នាក់បរិញ្ញាបត្រជាន់ខ្ពស់ នៅពុទ្ធិកសាកលវិទ្យាល័យព្រះសីហមុនីរាជា

សម្តេចកិត្តិសង្គហបណ្ឌិត ម៉ែន សំអន អញ្ជើញប្រគេនទៀនព្រះវស្សា និងទេយ្យវត្ថុដល់ព្រះសង្ឃចំនួន ៥វត្ត នៅខេត្តក្រចេះ

សម្ដេចធិបតី អញ្ជើញត្រួតពិនិត្យ និងសួរសុខទុក្ខយោធិនក្នុងអង្គភាពបញ្ជាការដ្ឋានជាតិកម្លាំងពិសេសប្រឆាំងភេរវកម្ម

មូលនិធិគន្ធបុប្ផាកម្ពុជា រៀបចំស្ដង់ទទួលថវិកាបរិច្ចាគ ក្នុងយុទ្ធនាការ “១ម៉ឺនរៀល ១ម៉ឺននាក់” ឆ្នាំ២០២៦ នៅផ្លូវថ្មើរជើងចតុមុខ

ឯកឧត្តមបណ្ឌិត អ៊ាង សុផល្លែត អញ្ជើញជាអធិបតីប្រកាសសមាជិកថ្មី របស់គណបក្សប្រជាជនកម្ពុជាប្រចាំខេត្តត្បូងឃ្មុំចំនួនជាង២ពាន់នាក់

ជនជាតិចិន១៧០នាក់ពាក់ ព័ន្ធករណីឆបោកតាមប្រព័ន្ធបច្ចេកវិទ្យាត្រូវបានបណ្ដេញចេញពីកម្ពុជា

អ្នកទេសចរប្រៀបប្រដូច ទឹកដីជីផាត ខេត្តកោះកុង ជាឋានសួគ៌សម្រាប់អ្នកទេសចរ ចូលចិត្តដើរលេងកម្សាន្តមិនចេះរីងស្ងួត

មេបញ្ជាការកងទ័ពជើងទឹក៖ កងទ័ពជើងទឹកបន្តអនុវត្តជាប់ជានិច្ចនូវការងារហ្វឹកហ្វឺន បំប៉នជំនាញដើម្បីលើក កម្ពស់សមត្ថភាពរបស់យោធិន

អនុប្រធានទី១អាជ្ញាធរមីន អំពាវនាវដល់ប្រទេសទាំងអស់ រើសយកភាពជាដៃគូ និងកិច្ចសហប្រតិបត្តិការជាជាងការប្រឈមមុខដាក់គ្នា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877