BTV NEWS

សម្ដេចធិបតី ហ៊ុន ម៉ាណែត៖ អាទិភាពរបស់រាជរដ្ឋាភិបាល គឺ ប្រទេសជាតិ,ប្រជាជន, ទឹកដី និង ឯករាជ្យភាពជាតិ

សម្ដេចធិបតី៖ យុទ្ធនាការកម្ចាត់ Online Scams ប៉ុន្មានខែចុងក្រោយនេះ បានស្ដារមុខមាត់កម្ពុជាមកវិញ

សម្ដេចធិបតី៖ កម្ពុជាជាសមាជិក WTO មិនអាចហាមឃាត់ការនាំចូលទំនិញពីប្រទេសដទៃបានទេ

សម្ដេចធិបតី៖ ឆ្នាំ២០២៩ កម្ពុជានឹងចាកចេញពីប្រទេសអភិវឌ្ឍន៍តិចតួចបន្តដំណើរទៅកាន់ប្រទេសអភិវឌ្ឍន៍

ព័ត៌មានសំខាន់ៗ

សម្តេចតេជោ ហ៊ុន សែនសោកសង្រេងចំពោះមរណភាពមនុស្សចុងក្រោយជំនាន់ឪពុកម្តាយសម្តេចមានជម្មាយុ១០២ឆ្នាំ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៅរសៀលថ្ងៃទី៣០ ខែមីនា ឆ្នាំ២០២៣នេះ បានសរសេរលើបណ្តាញសង្គមFacebook ដោយសម្តែងក្តីសោកសង្រេងចំពោះមរណភាពមនុស្សចុងក្រោយ ជំនាន់ឪពុក-ម្តាយសម្តេច ដែលមានជម្មាយុ ១០២ឆ្នាំ។ សម្តេចតេជោ ហ៊ុន សែន បញ្ជាក់ថា“ប្អូនប្រុសម្តាយខ្ញុំឈ្មោះឌី បូ បានទទួលមរណភាព កាលពីម៉ោង១១ និង៤៥នាទី ថ្ងៃទី៣០ ខែមីនា ឆ្នាំ២០២៣នេះ ក្នុងជន្មាយុ១០២ឆ្នាំ”។ សម្តេចតេជោ ហ៊ុន សែន បញ្ជាក់ថា ល្ងាចថ្ងៃទី៣១ ខែមីនាស្អែកនេះ សម្តេចនឹងទៅដុតធូបដើម្បីគោរពវិញ្ញាណក្ខន្ធ និងជូនដំណើរចុងក្រោយចំពោះមរណភាពលោកពូសម្តេច៕

មនុស្សច្រើននាក់ត្រូវបានបារម្ភថាបានស្លាប់ បន្ទាប់ពីឧទ្ធម្ភាគចក្រពីរគ្រឿងរបស់កងទ័ពអាមេរិកធ្លាក់អំឡុងពេលហ្វឹកហាត់

អាមេរិក៖ ឧទ្ធម្ភាគចក្រ Black Hawk ពីរគ្រឿងរបស់កងទ័ពសហរដ្ឋអាមេរិកបានធ្លាក់ អំឡុងពេលបេសកកម្មហ្វឹកហាត់នៅរដ្ឋ Kentucky កាលពីយប់ថ្ងៃពុធ។ អភិបាលរដ្ឋ Kentucky លោក Andy Beshear បាននិយាយនៅលើបណ្តាញ Twitter ថា ចំនួនអ្នកស្លាប់ក្នុងឧបត្តិហេតុត្រូវបានរំពឹងទុក ហើយនគរបាលរដ្ឋ Kentucky និងផ្នែកគ្រប់គ្រងគ្រាអាសន្នរដ្ឋកំពុងឆ្លើយតបចំពោះគ្រោះថ្នាក់នេះ។ ស្ថានីយវិទ្យុក្នុងតំបន់រាយការណ៍ថា ទាហានអាមេរិកម្នាក់នៅកន្លែងកើតហេតុបានបញ្ជាក់ថា មានអ្នកស្លាប់ជាច្រើននាក់។

សម្តេចតេជោ ហ៊ុន សែន នឹងអញ្ជើញប្រគល់វិញ្ញាបនបត្រ និងសញ្ញាបត្រជូនសិក្ខាកាម និងនិស្សិតវិទ្យាស្ថានជាតិពាណិជ្ជសាស្ត្រជាង ៦ពាន់នាក់ នៅព្រឹកស្អែកនេះ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នឹងអញ្ជើញជាអធិបតីក្នុងពិធីប្រគល់វិញ្ញាបនបត្រ និងសញ្ញាបត្រជូនដល់សិក្ខាកាម និងនិស្សិតវិទ្យាស្ថានជាតិពាណិជ្ជសាស្ត្រជាង ៦ពាន់នាក់ នៅមជ្ឈមណ្ឌលសន្និបាត និងពិព័រណ៍កោះពេជ្រ នៅព្រឹកថ្ងៃទី៣០ ខែមីនាស្អែកនេះ។ សិក្ខាកាម និងនិស្សិតដែលទទួលវិញ្ញាបនបត្រ និងសញ្ញាបត្រនេះ មានចំនួនសរុបចំនួន ៦,០៥១នាក់ ស្រី ៣,៨៩៥នាក់។ វិទ្យាស្ថានជាតិពាណិជ្ជសាស្ដ្រ ត្រូវបានបង្កើតឡើងក្នុងឆ្នាំ១៩៧៩ មានឈ្មោះថា «សាលាបច្ចេកទេសពាណិជ្ជកម្មមជ្ឈិម» ស្ថិតក្រោមឱវាទក្រសួងពាណិជ្ជកម្ម។ នៅឆ្នាំ១៩៨៥ ត្រូវបានប្ដូរឈ្មោះមកជាសាលាមធ្យមសិក្សាឯកទេសពាណិជ្ជកម្ម។ នៅឆ្នាំ១៩៩៤ ត្រូវបានផ្ទេរមកនៅក្រោមការគ្រប់គ្រងរបស់ក្រសួងអប់រំ យុវជន និងកីឡា ហើយនៅឆ្នាំ២០០១ បានប្តូរឈ្មោះមកជា វិទ្យាស្ថានជាតិពាណិជ្ជសាស្ដ្រ។ចាប់ពីឆ្នាំ២០០៤ វិទ្យាស្ថានជាតិពាណិជ្ជសាស្រ្ត ត្រូវបានផ្ទេរមកស្ថិតនៅក្រោមការគ្រប់គ្រងរបស់ក្រសួងការងារ និងបណ្តុះបណ្តាលវិជ្ជាជីវៈ។ វិទ្យាស្ថាននេះ មានភារកិច្ចបណ្តុះបណ្តាលសិក្ខាកាម សិស្ស និស្សិត លើផ្នែកធុរកិច្ច និងសេវាកម្ម ចាប់ពីរយៈពេលខ្លី រហូតដល់រយៈពេលវែង ទាំងនិស្សិតអាហារូបករណ៍របស់រដ្ឋ និងនិស្សិតបង់ថ្លៃសិក្សា។ វិទ្យាស្ថានមានគណៈគ្រប់គ្រងសាស្រ្តាចារ្យ និងបុគ្គលិកខ្មែរ-បរទេសជាប់កិច្ចសន្យា សរុបចំនួន ១៤៥នាក់ ស្រី ៣៧នាក់ ដែលក្នុងនោះមានកម្រិតថ្នាក់បណ្ឌិតចំនួន០៣នាក់ ស្រី ១នាក់ កម្រិតថ្នាក់បរិញ្ញាបត្រជាន់ខ្ពស់ចំនួន ៩០នាក់ ស្រី ១៧នាក់ កម្រិតថ្នាក់បរិញ្ញាបត្រ/វិស្វករ ចំនួន ២២នាក់ ស្រី ៦នាក់ និងកម្រិតក្រោមបរិញ្ញាបត្រ ចំនួន ៣០នាក់ ស្រី១៣នាក់។ចាប់តាំងពីឆ្នាំ១៩៨៥ ដល់បច្ចុប្បន្ន វិទ្យាស្ថានបានបណ្តុះបណ្តាលសិក្ខាកាម សិស្ស និស្សិត បានសរុបចំនួន ២៣,៨៨៣នាក់ នារី ១០,១៦៣នាក់។ ក្នុងនោះមាននិស្សិតអាហារូបករណ៍របស់សម្តេចតេជោមានចំនួន ៨៣០នាក់។ សិស្ស និស្សិតកំពុងសិក្សាមានសរុបចំនួន ៥,០៦១នាក់ នារី ៣,៤៦៨នាក់។ សិក្ខាកាម សិស្ស និស្សិត ដែលបានបញ្ចប់ការសិក្សាទទួលបានការងារធ្វើ ៩៩,៣៦ភាគរយ៕

អ្នកស្លាប់ក្នុងអំពើហិង្សាដោយកាំភ្លើងនៅអាមេរិកលើសពី ៩,៨០០នាក់ក្នុងឆ្នាំ២០២៣

អាមេរិក៖ យោងតាមបណ្ណាសារជាតិនៃអំពើហិង្សាដោយកាំភ្លើងបានឲ្យដឹងថា រហូតមកដល់ពេលនេះមានការបាញ់ប្រហារទ្រង់ទ្រាយធំចំនួន ១២៩លើកនៅសហរដ្ឋអាមេរិកក្នុងឆ្នាំ២០២៣។ កាលពីថ្ងៃចន្ទ ជនរងគ្រោះ ៦នាក់រួមមានកុមារ ៣នាក់ ហើយអ្នកបាញ់ប្រហារត្រូវបានគេកំណត់អត្តសញ្ញាណ បន្ទាប់ពីការបាញ់រះនៅសាលាបឋមសិក្សាមួយកន្លែងក្នុងទីក្រុង Nashville រដ្ឋ Tennessee សហរដ្ឋអាមេរិក ជាការបាញ់ប្រហារទ្រង់ទ្រាយធំលើកទី១២៩ របស់ប្រទេសនេះក្នុងឆ្នាំ២០២៣។ ការបាញ់ប្រហារទ្រង់ទ្រាយធំមួយត្រូវបានគេកំណត់ថា ជាឧប្បត្តិហេតុដែលមានជនរងគ្រោះ ៤នាក់ ឬច្រើននាក់ត្រូវបានបាញ់សម្លាប់។ ការបាញ់ប្រហារទាំងនេះបានបណ្តាលឱ្យមនុស្សស្លាប់ ១៩៣នាក់ និងរងរបួស ៤៩៣នាក់។ អំពើហិង្សាដោយកាំភ្លើងជាសរុបបណ្ដាលឲ្យមនុស្ស ៩,៨៧០នាក់ស្លាប់នៅសហរដ្ឋអាមេរិកគិតត្រឹមថ្ងៃចន្ទ រួមមានទាំងក្មេងជំទង់ និងកុមារចំនួន ៣៩៨នាក់។ យោងតាមមជ្ឈមណ្ឌលគ្រប់គ្រង និងបង្ការជំងឺបានឲ្យដឹងថា អំពើហិង្សាដោយអាវុធបានកើនលើសពីគ្រោះថ្នាក់ចរាចរណ៍ ខណៈជាមូលហេតុនាំមុខគេនៃការស្លាប់របស់កុមារអាមេរិកនៅឆ្នាំ២០២០។ កាលពីឆ្នាំ២០២១ មានកុមារជាង ៣,៥៩៧នាក់បានស្លាប់ដោយអាវុធ៕អត្ថបទ៖ ប៊ុនថន

ជនអន្តោប្រវេសន៍ដែលមានកំហឹងតវ៉ាចំពោះហេតុការណ៍អគ្គិភ័យនៅម៉ិកស៊ិកបណ្តាលឲ្យមនុស្សជិត ៤០នាក់ស្លាប់

ម៉ិកស៊ិក៖ ជនអន្តោប្រវេសន៍ និងសកម្មជនបានទាមទាររកយុត្តិធម៌កាលពីថ្ងៃអង្គារ ឲ្យជនអន្តោប្រវេសន៍យ៉ាងតិច ៤០នាក់ដែលបានស្លាប់នៅក្នុងគ្រោះអគ្គិភ័យ នៅក្នុងមណ្ឌលឃុំឃាំងជនអន្តោប្រវេសន៍ក្នុងទីក្រុង Ciudad Juarez ភាគខាងជើងប្រទេសម៉ិកស៊ិក។ ក្រុមមន្ត្រីបាននិយាយកាលពីថ្ងៃអង្គារថា ជនអន្តោប្រវេសន៍ដែលមានកំហឹង និងសកម្មជនគាំទ្រការធ្វើអន្តោប្រវេសន៍ បានប្រមូលផ្តុំគ្នានៅខាងក្រៅស្ថានីយអន្តោប្រវេសន៍ក្នុងទីក្រុង Ciudad Juarez ជាកន្លែងដែលជនអន្តោប្រវេសន៍មកពីអាមេរិកកណ្តាល និងខាងត្បូងបានស្លាប់ បន្ទាប់ពីអគ្គិភ័យបានឆាបឆេះកាលពីល្ងាចថ្ងៃចន្ទ ទី២៧ ខែមីនា ដែលទំនងជាបណ្តាលមកពីការតវ៉ាជុំវិញការនិរទេស។ ពួកគេនៅទីនោះរយៈពេលមួយខែ។ ពួកគេបានស្រែកដោយភាពស្រេកឃ្លាន ដោយសារតែក្រុមមន្ត្រីមិនបានផ្តល់អាហារដល់ពួកគេ។ ជនអន្តោប្រវេសន៍មកពីប្រទេសវេណេហ្ស៊ុយអេឡា ដែលបានចូលរួមការតវ៉ាបាននិយាយថា វាមិនយុត្តិធម៌នោះទេ។ រដ្ឋមន្ត្រីការបរទេសប្រទេសអាមេរិកកណ្តាល លោក Mario Bucaro បាននិយាយកាលពីថ្ងៃអង្គារថា យ៉ាងហោចណាស់ជនរងគ្រោះ ២៨នាក់ក្នុងចំណោមជនរងគ្រោះដែលបានស្លាប់គឺមកពីប្រទេសហ្គាតេម៉ាឡា ហើយយោងតាមអនុរដ្ឋមន្ត្រីការបរទេសរបស់ប្រទេសនេះបានឲ្យដឹងថា ១៣នាក់ទៀតផ្សេងទៀតជាជនជាតិហុងឌុយរ៉ាស។ វិទ្យាស្ថានទេសន្តរប្រវេសន៍ជាតិម៉ិកស៊ិក (INM) បាននិយាយថា ក្រៅពីមនុស្ស ៤០នាក់ដែលបានស្លាប់ មនុស្ស ២៨នាក់ផ្សេងទៀតត្រូវបានបញ្ជូនទៅកាន់មន្ទីរពេទ្យ បន្ទាប់ពីបានរងរបួសនៅក្នុងអគ្គិភ័យនេះ ដែលមន្ត្រីបាននិយាយថា មនុស្សទាំងអស់សុទ្ធតែជាបុរសពេញវ័យ។ ប្រធានាធិបតីម៉ិកស៊ិកលោក Andres Manuel Lopez Obrador បាននិយាយថា អាជ្ញាធរជឿថា អគ្គិភ័យនៅក្នុងទីក្រុងទល់មុខទីក្រុង El Paso រដ្ឋតិចសាស់បានផ្ទុះឡើងនៅម៉ោង ៩ និង៣០នាទីយប់ម៉ោងក្នុងតំបន់ ខណៈជនអន្តោប្រវេសន៍មួយចំនួនបានដុតពូកក្នុងការតវ៉ា បន្ទាប់ពីបានដឹងថា ពួកគេនឹងត្រូវនិរទេស។ អគ្គិភ័យជាគ្រោះមហន្តរាយធ្ងន់ធ្ងរបំផុតដែលបានកើតឡើងនៅប្រទេសនេះ ក្នុងរយៈពេលច្រើនឆ្នាំមកនេះបានកើតឡើង ខណៈសហរដ្ឋអាមេរិក និងម៉ិកស៊ិកកំពុងប្រយុទ្ធ ដើម្បីទប់ស្កាត់កម្រិតកើនឡើងខ្ពស់នៃការឆ្លងកាត់ព្រំដែន៕អត្ថបទ៖ ប៊ុនថន

លោក Biden៖ ផែនការដាក់អាវុធនុយក្លេអ៊ែរតាក់ទិកនៅបេឡារុសរបស់លោក Putin ជាការនិយាយដ៏គ្រោះថ្នាក់

អាមេរិក៖ ប្រធានាធិបតីសហរដ្ឋអាមេរិកលោក Joe Biden កាលពីថ្ងៃអង្គារបាននិយាយថា លោកមានការព្រួយបារម្ភអំពីលទ្ធភាពដែលថា រុស្ស៊ីនឹងបញ្ជូនអាវុធនុយក្លេអ៊ែរតាក់ទិកទៅកាន់ប្រទេសបេឡារុស។ លោក Biden បានថ្លែងទៅកាន់អ្នកសារព័ត៌មាននៅសេតវិមានថា «ពួកគេពុំទាន់បានធ្វើរឿងនោះនៅឡើយទេ» ប៉ុន្តែលោកបាននិយាយថា នោះជាការនិយាយដ៏គ្រោះថ្នាក់ដែលលោក Putin កំពុងប្រើ ហើយវាជារឿងគួរឱ្យព្រួយបារម្ភ។ ប្រធានាធិបតីរុស្ស៊ីលោក វ្ល៉ាឌីមៀ ពូទីន កាលពីថ្ងៃសៅរ៍ ទី២៥ ខែមីនាបាននិយាយថា រុស្ស៊ីមានកិច្ចព្រមព្រៀងជាមួយប្រទេសជិតខាងបេឡារុស ដើម្បីដាក់មូលដ្ឋានអាវុធនុយក្លេអ៊ែរតាក់ទិកនៅលើទឹកដីរបស់ប្រទេសនេះ។ ប្រទេសបេឡារុសកាលពីថ្ងៃអង្គារបានអះអាងថា ខ្លួននឹងទទួលអាវុធនុយក្លេអ៊ែរតាក់ទិករបស់រុស្ស៊ី ដោយនិយាយថា ការសម្រេចចិត្តនេះគឺជាការឆ្លើយតបទៅនឹងសម្ពាធជាច្រើនឆ្នាំមកហើយ របស់ប្រទេសលោកខាងលិចរួមមានទាំងការដាក់ទណ្ឌកម្ម និងអ្វីដែលខ្លួនបាននិយាយថា ជាការបង្កើនយោធាដោយសមាជិកសម្ព័ន្ធយោធាណាតូនៅជិតព្រំដែនរបស់ខ្លួន។ ទោះបីជាលោក Putin មិនបាននិយាយថា ការដាក់ពង្រាយនឹងធ្វើឡើងនៅពេលណាក៏ដោយ ក៏ការប្រកាសនេះទំនងជាត្រួសត្រាយផ្លូវ សម្រាប់ការដាក់ពង្រាយអាវុធនុយក្លេអ៊ែរលើកដំបូងរបស់ទីក្រុងមូស្គូ នៅខាងក្រៅព្រំដែនរបស់ខ្លួនចាប់តាំងពីការដួលរលំសហភាពសូវៀតឆ្នាំ១៩៩១៕អត្ថបទ៖ ប៊ុនថន

ការដុតបំពក់ភ្លើង ការប៉ះទង្គិចគ្នា និងការបាញ់ឧស្ម័នបង្ហៀរទឹកភ្នែកកើតមានឡើងទូទាំងប្រទេស ខណៈការតវ៉ាប្រឆាំងកំណែទម្រង់របស់លោក Macron នៅតែបន្ត

បារាំង៖ ក្រុមអ្នកតវ៉ាអាវខ្មៅនៅក្នុងទីក្រុងប៉ារីសកាលពីថ្ងៃអង្គារ ទី២៨មីនា បានដុតបំពក់ធុងសំរាម និងគប់វត្ថុផ្សេងៗលើនគរបាលដែលបានវាយបកទៅលើពួកគេ និងបានបាញ់ឧស្ម័នបង្ហៀរទឹកភ្នែកលើក្បួនតវ៉ាប្រឆាំងលោកប្រធានាធិបតី Emmanuel Macron និងច្បាប់កំណែទម្រង់គ្មានការគាំទ្រច្រើនលើសលប់។ កាលពីព្រឹកថ្ងៃអង្គាររដ្ឋាភិបាលបានទាត់ចោលការទាមទាររបស់សហជីពឲ្យផ្អាក និងពិចារណាឡើងវិញពីច្បាប់កំណែទម្រង់ដែលដំឡើងអាយុចូលនិវត្តន៍ពី ៦២ ដល់ ៦៤ឆ្នាំ នាំឲ្យក្រុមមេដឹកនាំសហជីពផ្ទុះកំហឹងដោយនិយាយថា រដ្ឋាភិបាលត្រូវតែស្វែងរកដំណោះស្រាយចាកចេញពីវិបត្តិនេះ។ ការតវ៉ាដោយស្ងប់ស្ងាត់នានាបានវិលទៅកាន់តាមដងផ្លូវនានា នៃរដ្ឋធានីរបស់ប្រទេសបារាំងជាថ្មីកាលពីថ្ងៃអង្គារ ទី២៨ មីនា មួយថ្ងៃក្រោយការប្រឈមដាក់គ្នារវាងក្រុមបាតុករ និងនគរបាល។ រដ្ឋមន្ត្រីក្រសួងមហាផ្ទៃបារាំងកាលពីថ្ងៃអង្គារ បានប្រកាសពីការចាប់ផ្តើមដំណើរការរំលាយក្រុមឆ្វេងនិយម ដែលបានជួយរៀបចំការតវ៉ាដ៏ចលាចលកាលពីចុងសប្តាហ៍មុន ប្រឆាំងនឹងគម្រោងអាងស្តុកទឹកនៅភាគខាងលិចប្រទេសបារាំង។ មនុស្សរាប់លាននាក់បានកំពុងតវ៉ា និងចូលរួមសកម្មភាពកូដកម្មចាប់តាំងពីពាក់កណ្ដាលខែមករាមក ដើម្បីបង្ហាញការជំទាស់របស់ពួកគេចំពោះសំណើកំណែទម្រង់នេះ។ សហជីពនានាបាននិយាយថា ការតវ៉ាទូទាំងប្រទេសនាពេលខាងមុខនឹងធ្វើឡើងនៅថ្ងៃទី៦ ខែមេសា៕អត្ថបទ៖ សុខមាន

សម្តេចតេជោសរសើរភាពវៃឆ្លាតភរិយារបស់លោក ស៊ីណន មិនរត់ពឹងបរទេសឱ្យជួយស្វាមី

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានកោតសរសើរចំពោះទឹកចិត្ត និងភាពវៃឆ្លាតភរិយារបស់លោក យឹម ស៊ីណន ដែលបានទទូចសូមការសណ្តោសប្រណីពីសម្តេច ហើយមិនរត់ទៅពឹងបរទេសឱ្យជួយស្វាមីរបស់ខ្លួន។ក្រោយពីស្វាមីបានត្រឡប់មកដល់ផ្ទះវិញ អ្នកស្រី សុផាត មករា បានបង្ហោះសារលើទំព័រហ្វេសប៊ុក ដោយសម្តែងនូវការគោរពដឹងគុណយ៉ាងជ្រាលជ្រៅជូនចំពោះសម្តេចតេជោ ដែលបានផ្តល់ក្តីមេត្តាសណ្តោសប្រណីចំពោះស្វាមីរបស់ខ្លួន។អ្នកស្រី សុផាត មករា បានសរសេរថា «សូមគោរពសម្តេចពុកជាទីគោរព ប្តីរបស់កូនបានមកដល់ផ្ទះវិញហេីយ។ ពេលនេះ គាត់បានជួបកូនៗគាត់វិញហេីយ កូនសូមក្រាបថ្វាយបង្គំថ្លែងអំណរគុណ ដល់សម្តេចពុក ដែលលោកបានសណ្តោសប្រណី អាណិតអាសូរដល់គ្រួសារដ៏កម្សត់មួយនេះ កូនស្រីនិ ងក្រុមគ្រួសារទាំងអស់ សូមថ្លែងអំណរគុណដល់ សម្តេចពុក និង សូមជូនពរសម្តេចពុក ទទួលបានសុខភាពល្អ រឹងមាំ គង់ជាម្លប់ដ៏ត្រជាក់ដល់កូនចៅ»។តបនៅក្នុងសារនេះ សម្តេចតេជោ ហ៊ុន សែន បានមានប្រសាសន៍ថា លោក យឹម ស៊ីណន ពិតជាសំណាងណាស់ ដែលមានភរិយាដ៏ល្អ។ សម្តេចតេជោ ក៏បានសរសើរភរិយារបស់លោក ស៊ីណន ថា ពេលស្វាមីមានបញ្ហាផ្លូវច្បាប់ គឺមិនបានស្រែករកនរណាជួយក្រៅពីរកសម្តេច។សម្ដេចតេជោ បញ្ជាក់ថា ជាពិសេស ប្រពន្ធ យឹម ស៊ីណន មិនបានរត់រកបរទេស ដាក់គំនៀបរាជរដ្ឋាភិបាល ជាថ្នូរនឹងសេរីភាពរបស់ស្វាមី។សម្តេចតេជោ បានគូសបញ្ជាក់បែបនេះ «សុីណន កូនពិតជាមានសំណាងណាស់ដែ លមានភរិយាដ៏ល្អ។ ពេលកូនមានបញ្ហាខាងផ្លូវច្បាប់កូនស្រីមិនបានស្រែករកនរណាជួយក្រៅពីស្រែករកសម្តេចពុកជួយនោះឡើយ»៕

សម្តេចតេជោ ហ៊ុន សែន ដឹកនាំកិច្ចប្រជុំប្រចាំឆ្នាំជាមួយប្រព័ន្ធអង្គការសហប្រជាជាតិប្រចាំកម្ពុជា

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជាអញ្ជើញជាអធិបតីដឹកនាំកិច្ចប្រជុំប្រចាំឆ្នាំជាមួយប្រព័ន្ធអង្គការសហប្រជាជាតិប្រចាំប្រទេសកម្ពុជានៅវិមានសន្តិភាពទីស្ដីការនាយករដ្ឋមន្ត្រី នារសៀលថ្ងៃទី២៨ខែមីនា។ឯកឧត្តម អ៊ាង សុផល្លែត ជំនួយការផ្ទាល់សម្តេចតេជោបាន ប្រាប់ ដល់ក្រុមអ្នកសារព័ត៌មានថា កិច្ចសវនាការប្រចាំឆ្នាំ ២០២៣រវាងសម្ដេចតេជោ ហ៊ុន សែន នាយករដ្ឋមន្ត្រីកម្ពុជាជាមួយប្រព័ន្ធអង្គការសហប្រជាជាតិដឹកនាំដោយលោក ចូសេហ្វ សូយ័រ បានផ្ដោតការយកចិត្តទុកដាក់ទៅលើប្រធានបទចំនួនពីរ ទី១.គឺការពង្រឹងប្រព័ន្ធសុខាភិបាលប្រកបដោយភាពធន់ឆ្ពោះទៅការគ្របដណ្ដប់សុខភាពជាសកលដែលក្នុងនោះបែងចែកជាពីរ ទីមួយគឺទិសដៅអាទិភាពរបស់រាជរដ្ឋាភិ បាលក្នុងការពង្រឹងប្រព័ន្ធសុខាភិបាលប្រកបដោយភាពធន់ ដើម្បីឈានឆ្ពោះទៅការគ្របដណ្ដប់សុខភាពជាសកលនិងទី ២.ការគាំទ្ររបស់អង្គការសហប្រជាជាតិដល់ទិសដៅអាទិភាពរបស់រាជរដ្ឋាភិបាលក្នុងការពង្រឹងប្រព័ន្ធសុខាភិបាលប្រកបដោយភាពធន់ ដើម្បីឈានឆ្ពោះទៅការគ្របដណ្ដប់សុខភាពជាសកល។ប្រធានបទទីពីរ គឺការពង្រឹងប្រព័ន្ធគាំពារសង្គម ក្នុងនោះ ក៏បែងចែកជាពីផ្នែកដែរ ផ្នែកទី១ គឺទិសដៅជាអាទិភាពរបស់រាជរដ្ឋាភិបាលក្នុងការអភិវឌ្ឍន៍និងការពង្រីកការគ្របដណ្ដប់នៃប្រព័ន្ធគាំពារសង្គមដែលគាំពារប្រជាពលរដ្ឋគ្រប់រូបនៅកម្ពុជា ជាពិសេសប្រជាពលរដ្ឋក្រីក្រនិងជនងាយរងគ្រោះដោយហានិភ័យនិងវិបត្តិផ្សេងៗ និងទី២.ការគាំទ្ររបស់អង្គការសហប្រជាជាតិដល់ទិសដៅអាទិភាពរបស់រាជរដ្ឋាភិបាលដើម្បីអភិវឌ្ឍន៍បន្ថែមទៀតនូវប្រព័ន្ធគាំពារសង្គម។ពាក់ព័ន្ធនឹងកិច្ចពិភាក្សាលើប្រធានបទទាំងពីរខាងលើនេះសម្ដេចតេជោ បានធ្វើការសន្និដ្ឋានថា៖ប្រព័ន្ធអង្គការសហប្រជាជាតិបានប្រកាន់ខ្ជាប់នៅភាពទន់ភ្លន់និងបត់បែនតាមសភាពការណ៍ក្នុងការអនុវត្ត U NDAFតាមរយៈការដាក់ឲ្យអនុវត្តក្របខណ្ឌឆ្លើយតបសង្គម-សេដ្ឋកិច្ច និងបានពិនិត្យកែសម្រួលមូលធននិងគោលដៅអន្តរាគមន៍ឡើងវិញសំដៅគាំទ្ររាជរដ្ឋាភិបាលក្នុងការកាត់បន្ថយផលប៉ះពាល់នៃជំងឺរាតត្បាតមកលើក្រុមងាយរងគ្រោះបំផុត។ទន្ទឹមនេះក៏បានគៀងគរនូវធនធានថ្មីបន្ថែមសម្រាប់គាំទ្ររាជរដ្ឋាភិបាលក្នុងការឆ្លើយតបនិងតម្រូវការផ្នែកសុខភាព និងការស្ដារសង្គមសេដ្ឋកិច្ចឡើងវិញ ហើយអ្វីដែលគួរឱ្យអបអរសាទរនិងកោតសរសើរនោះ គឺការសម្រេចបាននូវវឌ្ឍនភាពជាវិជ្ជមានលើលទ្ធផលរំពឹងទុកជាយុទ្ធសាស្ត្រទាំងប្រាំរបស់UNDAFនៅក្នុងកាលៈទេសៈដ៏សែនលំបាក។ទាំងនេះអាចបញ្ជាក់បានពីកិច្ចប្រឹងប្រែងអនុវត្តរួមគ្នារវាងភ្នាក់ងារទាំងអស់នៃប្រព័ន្ធអង្គការសហប្រជាជាតិនិងកិច្ចសហការដ៏ល្អប្រពៃក្នុងភាពជាដៃគូរឹងមាំនិងយូរអង្វែងជាមួយក្រសួងនិងស្ថាប័ននានារបស់រាជរដ្ឋាភិបាល។រីឯការរៀបចំក្របខណ្ឌកិច្ចសហប្រតិបត្តិការការអភិវឌ្ឍប្រកបដោយចីរភាពនៃប្រព័ន្ធអង្គការសហប្រជាជាតិឆ្នាំ២០២៤ -២០២៨ក៏មានវឌ្ឍនភាពដ៏ល្អប្រសើរតាមរយៈកិច្ចពិគ្រោះយោបល់ភាពជាដៃគូប្រកបដោយបរិយាប័ន្ន។សម្ដេចតេជោក៏បានលើកទឹកចិត្តឱ្យភាគីពាក់ព័ន្ធបន្តកិច្ចសហការដើម្បីឈានទៅបញ្ចប់ក្របខ័ណ្ឌកិច្ចសហប្រតិបត្តិការអភិវឌ្ឍន៍ប្រកបដោយចីរភាពនៃប្រព័ន្ធអង្គការសហប្រជាជាតិនេះតាមការគ្រោងទុកនាខែឧសភាឆ្នាំ ២០២៣ សម្រាប់ជាក្របខណ្ឌកិច្ចសហប្រតិបត្តិការសំខាន់សម្រាប់រយៈពេល ៥ ឆ្នាំខាងមុខឆ្នាំ ២០២៤ -២០២៨។សម្ដេចតេជោបានស្នើឲ្យភ្នាក់ងារពាក់ព័ន្ធនៃប្រព័ន្ធអង្គការសហប្រជាជាតិបន្តរៀបចំកម្មវិធីយុទ្ធសាស្ត្ររៀងៗខ្លួនតាមយន្តការកិច្ចពិគ្រោះយោបល់ដែលមានស្រាប់។រាជរដ្ឋាភិបាលនិងផ្ដល់ការគាំទ្រជាផ្លូវការលើឯកសារទាំងនេះសម្រាប់ជាមូលដ្ឋានក្នុងការពិនិត្យនិងអនុម័តក្នុងអង្គប្រជុំរបស់ក្រុមប្រឹក្សាប្រតិបត្តិ។ចំពោះប្រធានបទស្ដីពីការពង្រឹងប្រព័ន្ធសុខាភិបាលប្រកបដោយភាពធន់ឆ្ពោះទៅការគ្របដណ្ដប់សុខភាពជាសកលនិងពង្រីកប្រព័ន្ធគាំពារសង្គម កិច្ចពិភាក្សាបានបង្កើនការយល់ដឹងរួមគ្នាអំពីវឌ្ឍនភាពបញ្ហាប្រឈមគោលដៅជាយុទ្ធសាស្ត្ររបស់រាជរដ្ឋាភិបាលក្នុងវិស័យអាទិភាពទាំងពីរនេះដែលជាមូលដ្ឋានស្នូលនៃការអភិវឌ្ឍន៍ធនធានមនុស្សហើយដែលនឹងត្រូវរំលេចចេញលំអិតក្នុងយុទ្ធសាស្ត្របច្ចកោណដំណាក់កាលទីមួយ។លើសពីនេះ សម្ដេចតេជោបានសម្ដែងសេចក្តីរីករាយចំពោះការប្ដេជ្ញាចិត្តរបស់ប្រព័ន្ធអង្គការសហប្រជាជាតិដែលបន្តគាំទ្ររាជរដ្ឋាភិបាលក្នុងការពង្រឹងប្រព័ន្ធសុខាភិបាលប្រកបដោយភាពធន់ឆ្ពោះទៅការគ្រប់ដណ្ដប់សុខភាពជាសកលនិងពង្រីកប្រព័ន្ធគាំពារសង្គមក្នុងគោលដៅបន្តអភិវឌ្ឍន៍សង្គមសេដ្ឋកិច្ចកម្ពុជាប្រកបដោយភាពធន់ចីរភាពនិងបរិយាប័ន្ន។

រុស្ស៊ីបាញ់មីស៊ីលប្រឆាំងនាវាល្បឿនលឿនជាងសំឡេងដាក់គោលដៅសិប្បនិមិត្តនៅក្នុងសមុទ្រជប៉ុន

រុស្ស៊ី៖ ក្រសួងការពារជាតិរុស្ស៊ីបាននិយាយថា កងទ័ពជើងទឹករុស្ស៊ីបានបាញ់សាកល្បងមីស៊ីលប្រឆាំងនាវាល្បឿនលឿនជាងសំឡេង ទៅកាន់គោលដៅសិប្បនិមិត្តនៅសមុទ្រជប៉ុន។ ក្រសួងនិយាយនៅថ្ងៃអង្គារនេះថា នាវាពីរគ្រឿងបានបាញ់ប្រហារដោយមីស៊ីលទៅលើនាវាចម្បាំង ប្រដូចនឹងគោលដៅសត្រូវមានទីតាំងចម្ងាយប្រហែល ១០០គីឡូម៉ែត្រ។ មីស៊ីលស៊ីបគោលដៅល្បឿនលឿនជាងសំឡេង Moskit ចំនួនពីរគ្រឿងដែលមានសមត្ថភាពបំពាក់ក្បាលគ្រាប់ធម្មតា និងក្បាលគ្រាប់នុយក្លេអ៊ែរបានបាញ់ចំគោលដៅដោយជោគជ័យ។ ក្រសួងនិយាយនៅក្នុងសេចក្តីថ្លែងការណ៍លើគណនី Telegram របស់ខ្លួននៅថ្ងៃអង្គារនេះថា នៅក្នុងដែនទឹកសមុទ្រជប៉ុន នាវាបំពាក់មីស៊ីលរបស់កងនាវាតំបន់ប៉ាស៊ីហ្វិកបានបាញ់មីស៊ីលស៊ីបគោលដៅ Moskit ទៅកាន់គោលដៅរបស់សត្រូវនៅសមុទ្រ។ ក្រសួងនិយាយថា គោលដៅដែលស្ថិតនៅចម្ងាយប្រហែល ១០០គីឡូម៉ែត្រត្រូវបានវាយប្រហារដោយជោគជ័យ ដោយការបាញ់ចំពីមីស៊ីលស៊ីបគោលដៅ Moskit ចំនួនពីរគ្រាប់។ មីស៊ីល P-270 Moskit ដែលសម្ព័ន្ធយោធាណាតូរាយការណ៍មានឈ្មោះ SS-N-22 Sunburn ជាមីស៊ីលស៊ីបគោលដៅល្បឿនលឿនជាងសំឡេងមធ្យម ដែលមានប្រភពដើមនៅសូវៀត ហើយមានសមត្ថភាពបំផ្លាញនាវាក្នុងរយៈចម្ងាយរហូតដល់ ១២០គីឡូម៉ែត្រ។ សមយុទ្ធបាញ់មីស៊ីលរបស់កងទ័ពជើងទឹករុស្ស៊ីធ្វើឡើងមួយសប្តាហ៍ បន្ទាប់ពីយន្តហោះទម្លាក់គ្រាប់បែកយុទ្ធសាស្ត្ររុស្ស៊ី ២គ្រឿងដែលមានសមត្ថភាពផ្ទុកអាវុធនុយក្លេអ៊ែរ បានហោះនៅលើសមុទ្រជប៉ុនរយៈពេលជាងប្រាំពីរម៉ោង ជាអ្វីដែលទីក្រុងមូស្គូបាននិយាយថា ជាការហោះហើរដែលបានគ្រោងទុក។ រដ្ឋមន្ត្រីការបរទេសជប៉ុនលោក Yoshimasa Hayashi បាននិយាយថា ប្រទេសរបស់លោកនឹងរក្សាការប្រុងប្រយ័ត្នចំពោះប្រតិបត្តិការយោធារបស់ទីក្រុងមូស្គូ ខណៈលោកនិយាយថា ពុំមានការរាយការណ៍ពីការខូចខាតណាមួយឡើយ បន្ទាប់ពីការបាញ់មីស៊ីលនោះ៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

មន្ត្រីជាន់ខ្ពស់ក្រសួងការងារ៖ បច្ចុប្បន្ន ការងារ និងសាលារៀន រត់រកមនុស្សដល់មូលដ្ឋាន ហើយការធ្វើការងារក្នុងស្រុកជួយកសាងសេដ្ឋកិច្ចជាតិ

តំបន់គ្រីមៀប្រកាសស្ថានភាពគ្រាអាសន្ន បន្ទាប់ពីអ៊ុយក្រែនវាយប្រហារបណ្តាញថាមពល

លោក Zelenskyy៖ មីស៊ីល Flamingo បានវាយប្រហារដោយជោគជ័យ លើរោងចក្រយោធាដ៏សំខាន់របស់រុស្ស៊ី

អ៊ីរ៉ង់ថ្កោលទោសការវាយប្រហាររបស់អាមេរិក ដោយចោទប្រកាន់ថា រំលោភលើកិច្ចព្រមព្រៀងសន្តិភាព

មនុស្សយ៉ាងតិច ២នាក់ស្លាប់ ខណៈកោះតៃវ៉ាន់ជូនដំណឹងថ្មី អំពីភ្លៀងធ្លាក់ខ្លាំង ក្រោយមានទឹកជំនន់គ្រប់ទីកន្លែង

ទីក្រុងសេអ៊ូល បញ្ជាក់ថា យន្តហោះយោធាចិន និងរុស្ស៊ី ចូលទៅក្នុងតំបន់ការពារដែនអាកាសរបស់ខ្លួន

អ្នកគាំទ្រក្រុមហេសបូឡា ចេញមកតាមដងផ្លូវទីក្រុងបេរូត ដើម្បីតវ៉ាកិច្ចព្រមព្រៀងជាមួយអ៊ីស្រាអែល

អ្នកការទូតជាន់ខ្ពស់ប៉ាគីស្ថាន និងអ៊ីរ៉ង់ បញ្ជាក់ពីការប្តេជ្ញាចិត្ត ចំពោះសន្តិភាពក្នុងតំបន់ ក្រោយមានការវាយប្រហារថ្មី

លោក Trump បង្ហាញលិខិតឆ្លងដែនសហរដ្ឋអាមេរិកថ្មីដែលមានរូបភាពរបស់លោក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សម្តេចតេជោ ហ៊ុន សែនសោកសង្រេងចំពោះមរណភាពមនុស្សចុងក្រោយជំនាន់ឪពុកម្តាយសម្តេចមានជម្មាយុ១០២ឆ្នាំ

អ្នកស្លាប់ក្នុងអំពើហិង្សាដោយកាំភ្លើងនៅអាមេរិកលើសពី ៩,៨០០នាក់ក្នុងឆ្នាំ២០២៣

ជនអន្តោប្រវេសន៍ដែលមានកំហឹងតវ៉ាចំពោះហេតុការណ៍អគ្គិភ័យនៅម៉ិកស៊ិកបណ្តាលឲ្យមនុស្សជិត ៤០នាក់ស្លាប់

លោក Biden៖ ផែនការដាក់អាវុធនុយក្លេអ៊ែរតាក់ទិកនៅបេឡារុសរបស់លោក Putin ជាការនិយាយដ៏គ្រោះថ្នាក់

សម្តេចតេជោសរសើរភាពវៃឆ្លាតភរិយារបស់លោក ស៊ីណន មិនរត់ពឹងបរទេសឱ្យជួយស្វាមី

សម្តេចតេជោ ហ៊ុន សែន ដឹកនាំកិច្ចប្រជុំប្រចាំឆ្នាំជាមួយប្រព័ន្ធអង្គការសហប្រជាជាតិប្រចាំកម្ពុជា

រុស្ស៊ីបាញ់មីស៊ីលប្រឆាំងនាវាល្បឿនលឿនជាងសំឡេងដាក់គោលដៅសិប្បនិមិត្តនៅក្នុងសមុទ្រជប៉ុន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សម្តេចតេជោ ហ៊ុន សែនសោកសង្រេងចំពោះមរណភាពមនុស្សចុងក្រោយជំនាន់ឪពុកម្តាយសម្តេចមានជម្មាយុ១០២ឆ្នាំ

អ្នកស្លាប់​ក្នុង​អំពើហិង្សា​ដោយ​កាំភ្លើង​នៅ​អាមេរិក​លើស​ពី ​៩,៨០០​នាក់​ក្នុង​ឆ្នាំ​២០២៣

លោក Biden៖ ផែនការ​ដាក់​អាវុធនុយក្លេអ៊ែរ​តាក់​ទិ​កនៅ​បេឡា​រុស​របស់លោក Putin ជាការ​និយាយ​ដ៏​គ្រោះថ្នាក់

សម្តេចតេជោសរសើរភាពវៃឆ្លាតភរិយារបស់លោក ស៊ីណន មិនរត់ពឹងបរទេសឱ្យជួយស្វាមី

សម្តេចតេជោ ហ៊ុន សែន ដឹកនាំកិច្ចប្រជុំប្រចាំឆ្នាំជាមួយប្រព័ន្ធអង្គការសហប្រជាជាតិប្រចាំកម្ពុជា

រុស្ស៊ី​បាញ់​មី​ស៊ី​ល​ប្រឆាំង​នាវា​ល្បឿន​លឿន​ជាង​សំឡេង​ដាក់​គោលដៅ​សិប្បនិមិត្ត​នៅក្នុង​សមុទ្រ​ជប៉ុន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អ្នកស្លាប់ក្នុងអំពើហិង្សាដោយកាំភ្លើងនៅអាមេរិកលើសពី ៩,៨០០នាក់ក្នុងឆ្នាំ២០២៣

លោក Biden៖ ផែនការដាក់អាវុធនុយក្លេអ៊ែរតាក់ទិកនៅបេឡារុសរបស់លោក Putin ជាការនិយាយដ៏គ្រោះថ្នាក់

រុស្ស៊ីបាញ់មីស៊ីលប្រឆាំងនាវាល្បឿនលឿនជាងសំឡេងដាក់គោលដៅសិប្បនិមិត្តនៅក្នុងសមុទ្រជប៉ុន