BTV NEWS

ព្រះករុណាព្រះមហាក្សត្រ និងសម្ដេចព្រះមហាក្សត្រីនឹងយាងនិវត្តន៍មកកាន់មាតុប្រទេសវិញក្នុងពេលឆាប់ៗក្រោយព្រះរាជសុខភាពមានភាពប្រសើរឡើងវិញ

សម្ដេចធិបតី ហ៊ុន ម៉ាណែត៖ អាទិភាពរបស់រាជរដ្ឋាភិបាល គឺ ប្រទេសជាតិ,ប្រជាជន, ទឹកដី និង ឯករាជ្យភាពជាតិ

សម្ដេចធិបតី៖ យុទ្ធនាការកម្ចាត់ Online Scams ប៉ុន្មានខែចុងក្រោយនេះ បានស្ដារមុខមាត់កម្ពុជាមកវិញ

សម្ដេចធិបតី៖ កម្ពុជាជាសមាជិក WTO មិនអាចហាមឃាត់ការនាំចូលទំនិញពីប្រទេសដទៃបានទេ

ព័ត៌មានសំខាន់ៗ

ប្រមុខថាមពលនុយក្លេអ៊ែរព្រមានពីគ្រោះថ្នាក់នៃការដាច់ចរន្តអគ្គិសនីនៅរោងចក្រថាមពលនៅអ៊ុយក្រែន

អ៊ុយក្រែន៖ បន្ទាប់ពីការដាច់ចរន្តអគ្គិសនីមួយទៀតនៅរោងចក្រថាមពលនុយក្លេអ៊ែរ Zaporizhzhia (ZNPP) ក្នុងប្រទេសអ៊ុយក្រែន ប្រធានអង្គការឃ្លាំមើលនុយក្លេអ៊ែររបស់អង្គការសហប្រជាជាតិ បានអំពាវនាវឲ្យមានតំបន់ការពារដោយនិយាយថា លោកមានការភ្ញាក់ផ្អើលចំពោះភាពមិនសប្បាយចិត្ត របស់អង្គការដែលលោកដឹកនាំគឺទីភ្នាក់ងារថាមពលអាតូមិកអន្តរជាតិ (IAEA)។ កងកម្លាំងរុស្ស៊ីបានបាញ់ស្រោចដោយមីស៊ីលជាង ៨០គ្រាប់ រួមទាំងមីស៊ីលល្បឿនលឿនជាងសំឡេងដ៏កម្រទៅលើទីក្រុងនានារបស់អ៊ុយក្រែន ខណៈមនុស្សកំពុងលង់លក់ក្នុងដំណេកកាលពីយប់ថ្ងៃព្រហស្បតិ៍ ដោយបានសម្លាប់មនុស្សយ៉ាងហោចណាស់ ៩នាក់ និងបានកាត់ផ្ដាច់ចរន្តអគ្គិសនី និងបង្ខំឲ្យរោងចក្រថាមពលនុយក្លេអ៊ែរធំបំផុតរបស់អឺរ៉ុបមួយនេះដាច់ភ្លើងជាលើកទី៦ ចាប់តាំងពីទីក្រុង Moscow បានបើកការវាយលុកកាលពីថ្ងៃទី២៤ ខែកុម្ភៈ ឆ្នាំ២០២២មក។ មកទល់នឹងពេលនេះ រោងចក្រថាមពលនុយក្លេអ៊ែរ Zaporizhzhia ត្រូវបានតភ្ជាប់ចរន្តអគ្គិសនីឡើងវិញ ខណៈអង្គការសហប្រជាជាតិព្រមានថា ថ្ងៃសំណាងរបស់យើងនឹងត្រូវរលាយបាត់។ លោក Rafael Grossi បានប្រាប់ក្រុមប្រឹក្សានាយកទីភ្នាក់ងារ IAEA នៅក្នុងកិច្ចប្រជុំមួយកាលពីថ្ងៃព្រហស្បតិ៍ថា ពេលវេលាចុងក្រោយដែលថាមពលអគ្គិសនីទាំងអស់បានដាច់នៅរោងចក្រនោះគឺកាលពីថ្ងៃទី២៣ ខែវិច្ឆិកា ឆ្នាំ២០២២។ លោកថា តើអ្វីដែលយើងកំពុងធ្វើគឺដើម្បីទប់ស្កាត់កុំឲ្យបញ្ហានេះកើតឡើង? យើងគឺជាទីភ្នាក់ងារឃ្លាំមើលនុយក្លេអ៊ែរ IAEA យើងមានតួនាទីត្រូវថែរក្សាសុវត្ថិភាពនុយក្លេអ៊ែរ៕អត្ថបទ៖ សុខមាន

កូរ៉េខាងជើងបាញ់មីស៊ីលជាការបញ្ចេញកំហឹងលើល្បែងសង្គ្រាមរបស់អាមេរិក និងកូរ៉េខាងត្បូង

កូរ៉េខាងជើង៖ មេដឹកនាំកូរ៉េខាងជើងលោក Kim Jong Un បានពិនិត្យមើលសមយុទ្ធគ្រាប់ពិតដោយផ្ទាល់ ជាទីដែលយោធារបស់លោកបានបាញ់មីស៊ីល ដែលគេសង្ស័យថាជាមីស៊ីលបាលីស្ទីករយៈចម្ងាយខ្លី ក្រោយប្អូនស្រីរបស់លោកគំរាមអាមេរិកពីផលវិបាកធ្ងន់ធ្ងរ បើនៅតែដំណើរការសមយុទ្ធរួមគ្នាជាមួយកូរ៉េខាងត្បូង។ ទីភ្នាក់ងារសារព័ត៌មានកណ្ដាលផ្លូវការកូរ៉េខាងជើង KCNA បាននិយាយនៅថ្ងៃសុក្រនេះថា ការបាញ់មីស៊ីលកាលពីថ្ងៃព្រហស្បតិ៍ដែលហៅថា ជាសមយុទ្ធវាយប្រហារនេះគឺក្នុងគោលបំណងទប់ទល់ការវាយប្រហារ និងវាយបករាល់ការវាយប្រហារណាមួយមកលើប្រទេសរបស់ខ្លួន។ លោក Kim និយាយថា សមយុទ្ធទាំងនេះគឺជាការរម្លឹកថា ទាហានរបស់លោកត្រូវតែត្រៀមលក្ខណៈជានិច្ច ក្នុងករណីមានការផ្ទុះសង្គ្រាមដ៏ពិតប្រាកដភ្លាមៗពីសត្រូវ។ យោធាកូរ៉េខាងត្បូងអះអាងថា ទីក្រុងព្យុងយ៉ាងបានបាញ់មីស៊ីលបាលីស្ទីករយៈចម្ងាយខ្លី ១គ្រាប់ចូលទៅដែនទឹកភាគខាងលិចរបស់ខ្លួន ស្របពេលដែលកងកម្លាំងសហរដ្ឋអាមេរិក និងកូរ៉េខាងត្បូងត្រៀមសម្រាប់សមយុទ្ធយោធារួមគ្នាធំបំផុតក្នុងពេលប៉ុន្មានឆ្នាំមកនេះ។ នាយសេនាធិការចម្រុះកូរ៉េខាងត្បូងបានអះអាងថា មីស៊ីលនោះបានហោះចេញពីតំបន់មួយក្បែរទីក្រុងឆ្នេរសមុទ្រ Nampo និងមិនទាន់មានការវាយតម្លៃភ្លាមៗនៅឡើយទេថា តើមីស៊ីលនោះហោះបានឆ្ងាយប៉ុណ្ណា ឬជាក់លាក់យ៉ាងណាជាទីដែលគ្រាប់នោះបានធ្លាក់៕អត្ថបទ៖ សុខមាន

ទស្សនារូបភាព សម្តេចតេជោ ហ៊ុន សែន អញ្ជើញទស្សនាតាមស្តង់ពិព័រណ៍ក្នុងពិធីបុណ្យទន្លេលើកទី៧

កំពង់ធំ៖ នៅថ្ងៃទី៩ ខែមីនា ឆ្នាំ២០២៣ សម្តេចតេជោ ហ៊ុន សែន នាយករដ្ឋមន្រ្តី បានអញ្ជើញជាអធិបតីភាពដ៏ខ្ពង់ខ្ពស់ ក្នុងពិធីបើកបុណ្យទន្លេលើកទី៧ ធ្វើឡើងក្នុងក្រុងស្ទឹងសែន ខេត្តកំពង់ធំ ដែលមានរយៈពេល ៣ថ្ងៃពីថ្ងៃទី៨ ដល់ថ្ងៃទី១០ ខែមីនា ឆ្នាំ២០២៣។ ពិធីបុណ្យទន្លេលើកទី៧ នាឆ្នាំនេះ ធ្វើឡើងក្រោមប្រធានបទ «ទន្លេរបស់យើង ដើម្បីបច្ចុប្បន្ន និងអនាគត»។ ពិព័រណ៍បុណ្យទន្លេលើកទី៧ មានការតាំងពិព័រណ៍សមិទ្ធផល មហោស្រពម្ហូបអាហារ និងភេសជ្ជៈ ពិព័រណ៍កសិទេសចរណ៍ ផលិតផលសហគ្រាសធុនតូច និងមធ្យម ផលិតផលខ្មែរ ផលិតផលកសិកម្ម និងផលិតផលរបស់សហគមន៍ សរុបចំនួន ៣០០ស្តង់។ ការរៀបចំពិព័រណ៍នេះ គឺជាការរួមចំណែកមួយក្នុងការប្រើប្រាស់ឱ្យអស់លទ្ធភាព នៃវិស័យទេសចរណ៍ ដែលត្រូវបានចាត់ទុកថាជាការនាំចេញនៅនឹងកន្លែង ក្នុងការគាំទ្រដល់ការអភិវឌ្ឍវិស័យកសិកម្ម ពិសេសបង្កើតឱកាសការងារសម្រាប់កសិករ សិប្បករ និងអ្នកផលិតតាមរយៈទីផ្សារទេសចរណ៍៕ អត្ថបទ៖ ឧត្ដម

សម្តេចតេជោ ហ៊ុន សែន អញ្ជើញជាអធិបតីបើកជាផ្លូវការពិធីបុណ្យទន្លេលើកទី៧ នៅកំពង់ធំ

ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានអញ្ជើញជាអធិបតីបើកជាផ្លូវការពិធីបុណ្យទន្លេលើកទី៧ ដែលប្រារព្ធធ្វើនៅចំណុចសួនច្បារស្ទឹងសែនខេត្តកំពង់ធំក្រោមប្រធានបទ “ទន្លេរបស់យើងដើម្បី បច្ចុប្បន្ន និងអនាគត” នៅល្ងាចថ្ងៃទី៩ ខែមីនា ឆ្នាំ២០២៣នេះ។ការប្រារព្ធពិធីបុណ្យទន្លេជាប្រចាំឆ្នាំនេះ គឺមានគោលបំណងជំរុញលើកតម្លៃ និងផ្សព្វផ្សាយសក្កានុពលទេសចរណ៍ខេត្តតាមដងទន្លេ ជាពិសេសលើកទឹកចិត្តដល់ប្រជាជននៅតាមបណ្តាខេត្តទាំងអស់ដែលនៅតាមដងទន្លេឱ្យចូលរួមយ៉ាងសកម្មក្នុងការងារអភិវឌ្ឍន៍ទេសចរណ៍សហគមន៍ ។ពិធីបុណ្យទន្លេ បានផ្តល់ជូនសកម្មភាពសំខាន់ៗដូចជាផ្សព្វផ្សាយផ្ទាល់នូវការសម្តែងទស្សនីយភាព សិល្បៈ ព្រមទាំងបង្ហាញនូវផលិតផលទេសចរណ៍ គម្រោងអភិវឌ្ឍន៍ទេសចរណ៍ខេត្តតាមដងទន្លេ និងការតាំងពិពរណ៍ផលិតផលទេសចរណ៍ក្នុងស្រុក, សកម្មភាពកីឡាដោយមានការចូលរួមពីសំណាក់ កីឡាករ និងកីឡាការនីជាតិអន្តរជាតិផងដែរ។៕

ប្រមុខចារកម្មអាមេរិកនិយាយថា ទំនាក់ទំនងចិន-រុស្ស៊ីបន្តកាន់តែស៊ីជម្រៅ

អាមេរិក៖ ប្រមុខទីភ្នាក់ងារស៊ើបការណ៍សម្ងាត់របស់សហរដ្ឋអាមេរិកកាលពីថ្ងៃពុធបានអះអាងថា ប្រទេសចិននឹងពង្រីកកិច្ចសហប្រតិបត្តិការរបស់ខ្លួនជាមួយប្រទេសរុស្ស៊ី ក្នុងកិច្ចខិតខំប្រឹងប្រែងដើម្បីប្រកួតប្រជែងជាមួយសហរដ្ឋអាមេរិក ទោះបីជាមានការថ្កោលទោសជាអន្តរជាតិ ចំពោះសង្គ្រាមរបស់ទីក្រុងមូស្គូនៅអ៊ុយក្រែនក៏ដោយ។ នាយកទីភ្នាក់ងារស៊ើបការណ៍សម្ងាត់ជាតិលោកស្រី Avril Haines និយាយថា យើងពុំបានមើលឃើញពួកគេក្លាយជាសម្ព័ន្ធមិត្ត តាមរបៀបដែលយើងស្ថិតនៅក្នុងសម្ព័ន្ធយោធា NATO នោះទេ ប៉ុន្តែយើងមើលឃើញថាមានការកើនឡើងនៅគ្រប់វិស័យទាំងអស់។ ក្នុងរយៈពេលប៉ុន្មានសប្តាហ៍ថ្មីៗនេះ សហរដ្ឋអាមេរិកបានព្រមានចិនជាសាធារណៈប្រឆាំងការផ្តល់សព្វាវុធដល់ប្រទេសរុស្ស៊ី ខណៈកងកម្លាំងរបស់រុស្ស៊ីបានបង្កើនការវាយលុកនៅភាគខាងកើតប្រទេសអ៊ុយក្រែន។ ប៉ុន្តែទីក្រុងប៉េកាំងបានបដិសេធថា ពុំបានពិចារណាលើការបញ្ជូនជំនួយទៅកាន់ទីក្រុងមូស្គូនោះទេ។ លោកស្រី Haines និយាយទៅកាន់គណៈកម្មាធិការស៊ើបការណ៍របស់ព្រឹទ្ធសភាថា អង្គភាពសេវាចារកម្មរបស់សហរដ្ឋអាមេរិកកំពុងតាមដានយ៉ាងដិតដល់ ចំពោះសញ្ញាដែលប្រទេសចិនអាចផ្តល់ឲ្យដោយផ្ទាល់ ប៉ុន្តែពុំមែនជាសាធារណៈដែលកំពុងតែគាំទ្ររុស្ស៊ី។ យើងឃើញពួកគេផ្តល់ជំនួយដល់រុស្ស៊ីក្នុងបរិបទនៃជម្លោះ ប៉ុន្តែពុំបានធ្វើវាជាសាធារណៈឡើយ ខណៈដែលអាចនឹងកើតឡើង។ លោកស្រី Haines បាននិយាយថា ប្រធានាធិបតីចិនលោក Xi Jinping បានចាត់ទុកសហរដ្ឋអាមេរិកជាគូប្រជែង ក្នុងការសម្រេចបាននូវគោលបំណងក្នុងតំបន់របស់លោក។ លោក Xi Jinping បានដាក់កំហុសលើប្រទេសលោកខាងលិច ចំពោះផលវិបាកផ្នែកសេដ្ឋកិច្ចរបស់ប្រទេសចិននៅក្នុងសុន្ទរកថាកាលពីថ្ងៃចន្ទ ដែលក្នុងនោះលោកបានចោទប្រកាន់សហរដ្ឋអាមេរិកថា បានដឹកនាំកិច្ចខិតខំប្រឹងប្រែងជាអន្តរជាតិដើម្បីទប់ស្កាត់ប្រទេសចិន។ ទោះបីជាកាលពីពេលថ្មីៗនេះលោក Xi បានរិះគន់យ៉ាងខ្លាំងចំពោះសហរដ្ឋអាមេរិកក៏ដោយ លោកស្រី Haines បាននិយាយថា ចារកម្មរបស់សហរដ្ឋអាមេរិកនៅតែអះអាងថា ទីក្រុងប៉េកាំងជឿថា ខ្លួនទទួលបានផលប្រយោជន៍ពីទំនាក់ទំនងស្ថិរភាពជាមួយទីក្រុងវ៉ាស៊ីនតោន៕អត្ថបទ៖ ប៊ុនថន

អ៊ុយក្រែនបង្កើនការវាយបកលើទីក្រុង Bakhmut ខណៈរុស្ស៊ីអះអាងគ្រប់គ្រងទីក្រុងនេះដោយផ្នែក

អ៊ុយក្រែន៖ យោធាអ៊ុយក្រែនបាននិយាយថា ខ្លួនបានត្រៀមវាយបកទប់ទល់ការវាយប្រហាររបស់រុស្ស៊ីលើទីក្រុង Bakhmut ទោះបីជារុស្ស៊ីបានអះអាងគ្រប់គ្រងលើដែនដីទីក្រុងនេះពាក់កណ្ដាលហើយក៏ដោយ។ មួយក្នុងចំណោមសមរភូមិដ៏ក្ដៅគគុកជាច្រើន រយៈពេលជាងមួយឆ្នាំមកនេះក្រុមអ្នកស្នេហាជាតិអ៊ុយក្រែន ដែលកាលពីសប្ដាហ៍មុនទំនងជាបានត្រៀមចាកចេញពីទីក្រុង Bakhmut នៅតែបន្តវាយបកវិញនៅឡើយកាលពីថ្ងៃពុធ ទី៨ មីនា។ មេបញ្ជាការកងប្រដាប់អាវុធអ៊ុយក្រែនបាននិយាយនៅលើបណ្ដាញសង្គម Facebook ថា សត្រូវនៅតែបន្តការវាយប្រហារ និងពុំមានសញ្ញាផ្អាកការវាយសម្រុកលើទីក្រុង Bakhmut ទេ។ ក្រុមអ្នកស្នេហាជាតិរបស់យើងបានវាយប្រហារបកវិញលើទីក្រុងនេះ និងកំពុងឡោមព័ទ្ធសហគមន៍មួយចំនួន។ លោកប្រធានាធិបតីអ៊ុយក្រែន Volodymyr Zelenskiy បាននិយាយនៅក្នុងសុន្ទរកថាតាមវីដេអូពេលយប់ ទាក់ទងនឹងសមរភូមិដណ្ដើមទីក្រុង Bakhmut និងការឡោមព័ទ្ធតំបន់ Donbas ថា នេះគឺជាអាទិភាពដំបូងរបស់យើង។ ទីក្រុង Kyiv និយាយថា ការបរាជ័យរបស់រុស្ស៊ីអាចកំណត់ពីស្ថានភាពនៃសង្គ្រាម ខណៈអ៊ុយក្រែនបានរំពឹងទុកថា នឹងបើកការវាយបកវិញនៅពេលអាកាសធាតុប្រសើរជាងនេះ និងនៅពេលដែលខ្លួនទទួលបានជំនួយយោធាបន្ថែមទៀតពីលោកខាងលិច រួមទាំងរថក្រោះប្រយុទ្ធធុនធ្ងន់។ មន្ត្រីអ៊ុយក្រែននិយាយថា រុស្ស៊ីបានបើកការវាយប្រហារជាបន្តបន្ទាប់ដោយមីស៊ីលនៅទូទាំងប្រទេសអ៊ុយក្រែន ដែលបានប៉ះចំអគារលំនៅឋាន និងហេដ្ឋារចនាសម្ព័ន្ធជាច្រើននៅក្នុងទីក្រុង Kharkiv និងទីក្រុង Odesa៕អត្ថបទ៖ សុខមាន

បាតុកម្មនៅថ្ងៃទិវាសិទ្ធិនារីអន្តរជាតិស្វែងរកសិទ្ធិស្មើគ្នានៅទូទាំងពិភពលោក

ពិភពលោក៖ ការប្រមូលផ្តុំគ្នាប្រារព្ធទិវាសិទ្ធិនារីអន្តរជាតិ បានធ្វើឡើងនៅជុំវិញពិភពលោកកាលពីថ្ងៃពុធ។ បន្ទាប់ពីមួយឆ្នាំដែលក្មេងស្រីនៅក្នុងប្រទេសអាហ្វហ្គានីស្ថាន ត្រូវបានហាមឃាត់មិនឱ្យទទួលបានការអប់រំ ការតវ៉ាសិទ្ធិស្ត្រីទ្រង់ទ្រាយធំបានផ្ទុះឡើងនៅក្នុងប្រទេសអ៊ីរ៉ង់។ បាតុកម្មក៏ត្រូវបានធ្វើឡើងនៅទីក្រុងប៉ារីស ទីក្រុងប៊ែរឡាំង បេរូត ហ្សាកាតា សិង្ហបុរី និងទីក្រុងផ្សេងទៀត។ នៅសហរដ្ឋអាមេរិកការរំលូតកូន និងសិទ្ធិបន្តពូជគឺស្ថិតនៅក្នុងរបៀបវារៈ សម្រាប់ការប្រមូលផ្តុំគ្នាជាអន្តរជាតិកាលពីថ្ងៃពុធ ដែលមានរយៈពេល ៩ខែបន្ទាប់ពីតុលាការកំពូលរបស់សហរដ្ឋអាមេរិកបានលុបចោលសេចក្តីសម្រេច ដោយបានទទួលស្គាល់សិទ្ធិតាមរដ្ឋធម្មនុញ្ញរបស់ស្ត្រីក្នុងការរំលូតកូន។ ទន្ទឹមនឹងនេះ ស្ត្រីបានចេញដើរធ្វើបាតុកម្មនៅតាមដងផ្លូវដែលមាននៅក្នុងទីក្រុងកាប៊ុល រហូតដល់ទីក្រុងម៉ាឌ្រីដ ដើម្បីប្រារព្ធទិវាសិទ្ធិនារីអន្តរជាតិ និងក្រោកឈរឡើងដើម្បីទាមទារសិទ្ធិដែលកំពុងមានការរំលោភបំពានកាន់តែខ្លាំង។ នៅរដ្ឋធានីប្រទេសអាមេរិកឡាទីន មនុស្សរាប់ពាន់នាក់ស្លៀកពាក់ពណ៌ស្វាយបានចេញធ្វើបាតុកម្មហែក្បួនតាមដងផ្លូវ ដើម្បីប្រារព្ធទិវានារីអន្តរជាតិ ដោយរិះគន់អំពើហិង្សាលើស្ត្រី ការធ្វើអត្តឃាត គម្លាតប្រាក់ខែ ព្រមទាំងការរើសអើងជាតិសាសន៍។ នៅទីក្រុងប្រទេសម៉ិកស៊ិក ស្ត្រីបានបើកបររថយន្តដង្ហែតាមដងផ្លូវធ្វើបាតុកម្មទៅកាន់ទីលាន Zocalo។ រីឯនៅក្នុងប្រទេសវ៉េណេស៊ុយអេឡា ដែលរងគ្រោះដោយអតិផរណា ស្ត្រីបានទាមទារប្រាក់បៀវត្សរ៍ប្រសើរជាងមុន។ នៅក្នុងប្រទេសប៉េរូ ស្ត្រីជនជាតិដើមភាគតិចបានចេញធ្វើបាតុកម្មដង្ហែក្បួនក្នុងរដ្ឋធានី Lima ទាមទារឱ្យបញ្ចប់ការរើសអើងជាតិសាសន៍ និងការបណ្តេញប្រធានាធិបតីលោកស្រី Dina Boluarte បន្ទាប់ពីមានការតវ៉ាប្រឆាំងរដ្ឋាភិបាលអស់រយៈពេលជាងបីខែ ដែលបានបណ្តាលឲ្យមនុស្សច្រើននាក់ស្លាប់៕អត្ថបទ៖ ប៊ុនថន

អង្គការសហប្រជាជាតិព្រមានកាត់ជំនួយជុំវិញការបង្ក្រាបលើសិទ្ធិស្ត្រីរបស់ក្រុមតាលីបង់

អាហ្វហ្គានីស្ថាន៖ បេសកជនពិសេសរបស់អង្គការសហប្រជាជាតិប្រចាំប្រទេសអាហ្វហ្គានីស្ថាន បានព្រមានកាលពីថ្ងៃពុធ ទី៨ ខែមីនាថា ការបង្ក្រាបរបស់រដ្ឋបាលក្រុមតាលីបង់លើសិទ្ធិស្ត្រី ទំនងជានាំឱ្យមានការកាត់ជំនួយ និងមូលនិធិអភិវឌ្ឍន៍នៅក្នុងប្រទេសនេះ ជាកន្លែងដែលស្ត្រីព្រួយបារម្ភថានឹងត្រូវបានកាត់ផ្តាច់ចេញពីជីវិតសាធារណៈ ដូចជាការស្លាប់ដោយអំពើហិង្សាជាដើម។ លោកស្រី Roza Otunbayeva និយាយថា អង្គការសហប្រជាជាតិបានធ្វើការអំពាវនាវរកជំនួយច្រើនបំផុត សម្រាប់ប្រទេសនេះតែមួយគត់ដែលពុំធ្លាប់មានពីមុនមក ដោយស្នើសុំជំនួយ ៤.៦ពាន់លានដុល្លារក្នុងឆ្នាំ២០២៣ ដើម្បីផ្តល់ជំនួយទៅឲ្យអាហ្វហ្គានីស្ថាន ជាប្រទេសដែលប្រជាជនពីរភាគបីប្រហែល ២៨លាននាក់ត្រូវការជំនួយដើម្បីរស់។ ប៉ុន្តែលោកស្រីបាននិយាយទៅកាន់ក្រុមប្រឹក្សាសន្តិសុខអង្គការសហប្រជាជាតិថា ការផ្តល់ជំនួយនេះត្រូវប្រឈមនឹងហានិភ័យរបស់រដ្ឋបាលក្រុមតាលីបង់ ហាមឃាត់ស្ត្រីមិនឱ្យចូលរៀននៅវិទ្យាល័យ និងសាកលវិទ្យាល័យ មិនឲ្យទៅលេងកំសាន្តនៅសួនឧទ្យាន និងមិនឲ្យប្រើការនៅក្នុងក្រុមអង្គការផ្តល់ជំនួយ។ ស្ត្រីក៏មិនត្រូវបានអនុញ្ញាតឱ្យចាកចេញពីលំនៅឋានដោយគ្មានសាច់ញាតិជាបុរសដែរ ហើយត្រូវបិទបាំងមុខ។ លោកស្រី Otunbayeva និយាយថា ខណៈស្ត្រីអាហ្វហ្គានីស្ថានមួយចំនួនបាននិយាយថា ដំបូងឡើយពួកគេស្វាគមន៍ក្រុមតាលីបង់ដែលឡើងកាន់អំណាច ព្រោះវាបានបញ្ចប់សង្គ្រាម ប៉ុន្តែពួកគេបានចាប់ផ្តើមបាត់បង់ក្តីសង្ឃឹមយ៉ាងឆាប់រហ័ស។ លោកស្រី Lana Nusseibeh ឯកអគ្គរដ្ឋទូតប្រទេសអារ៉ាប់រួមនិយាយថា ក្រុមតាលីបង់បានដកហូតសិទ្ធស្ត្រី និងក្មេងស្រីជាប្រព័ន្ធនូវសិទ្ធិមនុស្សជាមូលដ្ឋាន។ ការសម្រេចទាំងនេះពុំមានជាប់ពាក់ព័ន្ធជាមួយសាសនាឥស្លាម ឬវប្បធម៌អាហ្វហ្គានីស្ថាននោះទេ ហើយប្រឈមនឹងការបន្ថែមភាពឯកោពីអន្តរជាតិរបស់ប្រទេសនេះបន្ថែមទៀត៕អត្ថបទ៖ ប៊ុនថន

ចិនព្រមានថា ខ្លួននឹងចាត់វិធានការកាន់តែក្ដៅ បើមេដឹកនាំកោះតៃវ៉ាន់ទៅជួបប្រធានសភាអាមេរិក

ចិន៖ ប្រទេសចិនបានព្រមានកោះតៃវ៉ាន់ថា ខ្លួននឹងចាត់វិធានការឆ្លើយតបកាន់តែក្ដៅថែមទៀត ជាងសមយុទ្ធយោធាដ៏ធំបំផុតមិនធ្លាប់មានកាលពីរដូវក្ដៅឆ្នាំមុន ប្រសិនបើមេដឹកនាំរបស់កោះនេះជួបអ្នកនយោបាយជាន់ខ្ពស់អាមេរិក តាមគម្រោងនៅខែក្រោយមែននោះ។ ប្រធានសភាអាមេរិកលោក Kevin McCarthy គ្រោងនឹងជួបពិភាក្សាជាមួយលោកស្រី Tsai Ing-wen មេដឹកនាំកោះតៃវ៉ាន់នៅក្នុងរដ្ឋ California នៅខែមេសា នៅពេលដែលលោកស្រីគ្រោងថ្លែងនៅបណ្ណាល័យប្រធានាធិបតី Ronald Reagan ខណៈធ្វើដំណើរទៅកាន់អាមេរិកកណ្ដាលសម្រាប់ដំណើរផ្លូវការ។ ការមន្ទិលជុំវិញលទ្ធភាពដំណើរទស្សនកិច្ចរបស់លោក McCarthy ទៅកាន់កោះតៃវ៉ាន់ បានធ្វើឲ្យទីក្រុងប៉េកាំងដែលបានអះអាងសិទ្ធិលើកោះមួយនេះថា ជាដែនដីរបសខ្លួនផ្ទុះកំហឹង។ យ៉ាងណាជំនួបនេះទំនងជាត្រូវបានរៀបចំនៅក្នុងសហរដ្ឋអាមេរិកវិញ ដែលមានសេចក្ដីរាយការណ៍ថា ដើម្បីបញ្ចៀសភាពតានតឹងបន្ថែមទៀតជាមួយប្រទេសចិន។ ប៉ុន្តែលោក McCarthy ពុំបានច្រានចោលដំណើរទៅកាន់កោះតៃវ៉ាន់នៅឆ្នាំនេះទេ។ នៅពេលត្រូវបានអ្នកសារព័ត៌មានសួរកាលពីថ្ងៃអង្គារថា តើនៅពេលណា លោកថា ប្រទេសចិនមិនអាចប្រាប់លោកថា លោកត្រូវទៅពេលណា និងកន្លែងណាបានឡើយ។ សារព័ត៌មានរដ្ឋចិនបានព្រមានកាលពីថ្ងពុធថា ជំនួបបែបនេះមិនថាកើតឡើងនៅទីណា នឹងត្រូវបានចាត់ទុកជាការប្រឈមដាក់គ្នាធ្ងន់ធ្ងរពីទីក្រុងប៉េកាំង។ សារព័ត៌មានរដ្ឋចិនដដែលបាននិយាយកាលពីថ្ងៃពុធថា ទង្វើរបស់ McCarthy នឹងបង្កឲ្យមានភាពតានតឹងថ្មីដោយជៀសមិនផុតនៅទូទាំងច្រកសមុទ្រតៃវ៉ាន់ ហើយវិធានការឆ្លើយអាចធ្ងន់ធ្ងរជាងកាលពីមុន អំឡុងអតីតប្រធានសភាអាមេរិកលោកស្រី Nancy Pelosi ទៅកាន់កោះនេះកាលពីឆ្នាំមុន៕អត្ថបទ៖ សុខមាន

ក្រុមបាតុករប៉ះទង្គិចជាមួយនគរបាលនៅហ្សកហ្ស៊ីនៅថ្ងៃទី២ ជុំវិញច្បាប់ភ្នាក់ងារបរទេសថ្មី

ហ្សកហ្ស៊ី៖ មនុស្សរាប់ពាន់នាក់បានតវ៉ាឈានដល់ថ្ងៃទី២ ជាប់គ្នានៅក្នុងរដ្ឋធានីទូប៊ូលីហ្ស៊ី (Tbilisi) របស់ប្រទេសហ្សកហ្ស៊ីកាលពីថ្ងៃពុធ ដោយបានប្រមូលផ្ដុំគ្នានៅខាងក្រៅសភាប្រឆាំងទៅនឹងច្បាប់ភ្នាក់ងារថ្មី ដែលក្រុមអ្នករិះគន់និយាយថា ផ្ដល់សញ្ញាឲ្យមានការផ្លាស់ប្ដូរទៅជារបបផ្ដាច់ការ។ ខណៈដែលពេលយប់ចូលមកដល់ នគរបាលបានប្រើកាណុងបាញ់ទឹក និងគ្រាប់បែកផ្សែងដើម្បីរុញមនុស្សជាច្រើនឲ្យត្រឡប់ក្រោយ បន្ទាប់ពីពួកគេបានទម្លាយរនាំងដែកនៅខាងមុខអគាររដ្ឋសភា។ ក្រុមតំណាងរាស្ត្រកាលពីថ្ងៃអង្គារបានអនុម័តអំណានដំបូងនៃសេចក្ដីស្នើច្បាប់ ដែលតម្រូវឲ្យអង្គការនានាដែលទទួលបានមូលនិធិជាង ២០% ពីបរទេសត្រូវចុះបញ្ជីជាភ្នាក់ងារច្បាប់ បើពុំនោះនឹងត្រូវផាកពិន័យធ្ងន់ធ្ងរ។ ក្រសួងមហាផ្ទៃបាននិយាយថា មនុស្សចំនួន ៧៧នាក់ត្រូវបានឃុំខ្លួនក្រោយការតវ៉ាដែលបានចាប់ផ្ដើមកាលពីថ្ងៃអង្គារ នៅពេលដែលក្រុមតំណាងរាស្ត្របានអនុម័តអំណានដំបូងនៃច្បាប់នោះ។ នគរបាលរាប់ពាន់នាក់ភាគច្រើនប្រដាប់ដោយខែការពារកុប្បកម្ម បានឡោមព័ទ្ធតាមដងផ្លូវជុំវិញអគាររដ្ឋសភាដើម្បីបំបែកក្រុមអ្នកតវ៉ា។ ក្រុមអ្នកតវ៉ាបានចាប់ផ្ដើមបាតុកម្មកាលពីរសៀលថ្ងៃពុធ ដោយដើរក្បួននៅកណ្ដាលរដ្ឋធានីដើម្បីអបអរទិវាសិទ្ធិនារីអន្តរជាតិ ដែលជាថ្ងៃឈប់សម្រាកជាសាធារណរបស់ប្រទេសនេះ និងពិភពលោកទាំងមូល។ គណបក្ស Georgian Dream ដែលជាគណបក្សកាន់អំណាចបាននិយាយថា វាត្រូវបានយកគំរូតាមច្បាប់របស់សហរដ្ឋអាមេរិកដែលមានតាំងពីទសវត្សរ៍ឆ្នាំ១៩៣០។ ក្រុមអ្នករិះគន់ រួមទាំងលោកប្រធានាធិបតី Salome Zourabichvili និយាយថា វាជាការរំលឹកដល់ច្បាប់របស់រុស្ស៊ី ដែលវិមានក្រឹមឡាំងបានប្រើប្រាស់យ៉ាងទូលំទូលាយ ដើម្បីបង្ក្រាបលើក្រុមប្រឆាំង និងអាចប៉ះពាល់ដល់ឱកាសរបស់ហ្សកហ្ស៊ីនៃសមាជិកភាពរបស់សហភាពអឺរ៉ុប៕ អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

លោក PUTIN កោះប្រជុំមន្ត្រីរដ្ឋាភិបាល និងក្រុមហ៊ុនប្រេងធំៗរបស់រុស្ស៊ីស្តីពីស្ថានភាពប្រេងឥន្ធនៈ

ចិនបន្ថែមអង្គភាពជប៉ុនចំនួន ២០ ទៅក្នុងបញ្ជីខ្មៅ សម្រាប់ការនាំចេញ

អូស្ត្រាលីនឹងបង្កើនការផាកពិន័យទ្វេដងសម្រាប់Facebook និង Instagram ជុំវិញគណនីប្រព័ន្ធផ្សព្វផ្សាយសង្គមរបស់កុមារ

អ៊ីស្រាអែល វាយប្រហារអ្វីដែលខ្លួននិយាយថាជាមូលដ្ឋានក្រុមហេសបូឡានៅភាគខាងត្បូងប្រទេសលីបង់

សហភាពអឺរ៉ុបកំពុងពិភាក្សាអំពីប្រាក់កម្ចីថ្មីចំនួន ៣០-៤៥ ពាន់លានអឺរ៉ូបដល់អ៊ុយក្រែន បន្ទាប់ពីឆ្នាំ ២០២៧

កងទ័ពអ៊ីស្រាអែលវាយប្រហារមជ្ឈមណ្ឌលបញ្ជាការហេសបូឡាចំនួនបី ដើម្បីឆ្លើយតបទៅនឹងការរំលោភលើបទឈប់បាញ់

ប៉ូឡូញ៖ ការចរចាលើមូលដ្ឋានយោធាអចិន្ត្រៃយ៍របស់សហរដ្ឋអាមេរិក ចូលដល់ «ដំណាក់កាលបន្ទាប់»

កូរ៉េខាងត្បូងសហការយ៉ាងជិតស្និទ្ធជាមួយអាមេរិក ក្រោយបង្ហាញព័ត៌មានយឺត អំពីការបាញ់មីស៊ីលរបស់កូរ៉េខាងជើង

ភាគហ៊ុនប្រែប្រួល ហើយប្រេងឡើងថ្លៃ ខណៈអាមេរិក និងអ៊ីរ៉ង់ បញ្ឈប់ការវាយប្រហារថ្មី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ប្រមុខថាមពលនុយក្លេអ៊ែរព្រមានពីគ្រោះថ្នាក់នៃការដាច់ចរន្តអគ្គិសនីនៅរោងចក្រថាមពលនៅអ៊ុយក្រែន

កូរ៉េខាងជើងបាញ់មីស៊ីលជាការបញ្ចេញកំហឹងលើល្បែងសង្គ្រាមរបស់អាមេរិក និងកូរ៉េខាងត្បូង

ទស្សនារូបភាព សម្តេចតេជោ ហ៊ុន សែន អញ្ជើញទស្សនាតាមស្តង់ពិព័រណ៍ក្នុងពិធីបុណ្យទន្លេលើកទី៧

សម្តេចតេជោ ហ៊ុន សែន អញ្ជើញជាអធិបតីបើកជាផ្លូវការពិធីបុណ្យទន្លេលើកទី៧ នៅកំពង់ធំ

ប្រមុខចារកម្មអាមេរិកនិយាយថា ទំនាក់ទំនងចិន-រុស្ស៊ីបន្តកាន់តែស៊ីជម្រៅ

អ៊ុយក្រែនបង្កើនការវាយបកលើទីក្រុង Bakhmut ខណៈរុស្ស៊ីអះអាងគ្រប់គ្រងទីក្រុងនេះដោយផ្នែក

បាតុកម្មនៅថ្ងៃទិវាសិទ្ធិនារីអន្តរជាតិស្វែងរកសិទ្ធិស្មើគ្នានៅទូទាំងពិភពលោក

អង្គការសហប្រជាជាតិព្រមានកាត់ជំនួយជុំវិញការបង្ក្រាបលើសិទ្ធិស្ត្រីរបស់ក្រុមតាលីបង់

ចិនព្រមានថា ខ្លួននឹងចាត់វិធានការកាន់តែក្ដៅ បើមេដឹកនាំកោះតៃវ៉ាន់ទៅជួបប្រធានសភាអាមេរិក

ក្រុមបាតុករប៉ះទង្គិចជាមួយនគរបាលនៅហ្សកហ្ស៊ីនៅថ្ងៃទី២ ជុំវិញច្បាប់ភ្នាក់ងារបរទេសថ្មី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

កូរ៉េខាងជើង​បាញ់​មី​ស៊ី​ល​ជាការ​បញ្ចេញ​កំហឹង​លើ​ល្បែង​សង្គ្រាម​របស់​អាមេរិក និង​កូរ៉េខាងត្បូង

ទស្សនារូបភាព សម្តេចតេជោ ហ៊ុន សែន អញ្ជើញទស្សនាតាមស្តង់ពិព័រណ៍ក្នុងពិធីបុណ្យទន្លេលើកទី៧

សម្តេចតេជោ ហ៊ុន សែន អញ្ជើញជាអធិបតីបើកជាផ្លូវការពិធីបុណ្យទន្លេលើកទី៧ នៅកំពង់ធំ

ប្រមុខ​ចារកម្ម​អាមេរិកនិយាយថា ​ទំនាក់ទំនង​ចិន​-​រុស្ស៊ី​បន្ត​កាន់តែ​ស៊ីជម្រៅ

​អ៊ុយ​ក្រែ​ន​បង្កើន​ការ​វាយបក​លើ​ទីក្រុង Bakhmut ខណៈ​រុស្ស៊ី​អះអាង​គ្រប់គ្រង​ទីក្រុង​នេះ​ដោយ​ផ្នែក​

បាតុកម្ម​នៅ​ថ្ងៃ​ទិវា​សិទ្ធិ​នារី​អន្តរជាតិ​ស្វែងរក​សិទ្ធិ​ស្មើគ្នា​នៅ​ទូទាំង​ពិភពលោក​

អង្គការសហប្រជាជាតិ​ព្រមាន​កាត់​ជំនួយ​ជុំវិញ​ការបង្ក្រាប​លើ​សិទ្ធិ​ស្ត្រី​របស់​ក្រុម​តា​លី​បង់​

ចិន​ព្រមាន​ថា ​ខ្លួន​នឹង​ចាត់វិធានការ​កាន់តែ​ក្ដៅ បើ​មេដឹកនាំកោះ​តៃវ៉ាន់​ទៅ​ជួប​ប្រធាន​សភា​អាមេរិក​

ក្រុមបាតុករ​ប៉ះទង្គិច​ជាមួយ​នគរបាលនៅ​ហ្ស​ក​ហ្ស៊ីនៅ​ថ្ងៃទី​២ ជុំវិញ​ច្បាប់​ភ្នាក់ងារ​បរទេស​ថ្មី​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កូរ៉េខាងជើងបាញ់មីស៊ីលជាការបញ្ចេញកំហឹងលើល្បែងសង្គ្រាមរបស់អាមេរិក និងកូរ៉េខាងត្បូង

ប្រមុខចារកម្មអាមេរិកនិយាយថា ទំនាក់ទំនងចិន-រុស្ស៊ីបន្តកាន់តែស៊ីជម្រៅ

អ៊ុយក្រែនបង្កើនការវាយបកលើទីក្រុង Bakhmut ខណៈរុស្ស៊ីអះអាងគ្រប់គ្រងទីក្រុងនេះដោយផ្នែក

បាតុកម្មនៅថ្ងៃទិវាសិទ្ធិនារីអន្តរជាតិស្វែងរកសិទ្ធិស្មើគ្នានៅទូទាំងពិភពលោក

អង្គការសហប្រជាជាតិព្រមានកាត់ជំនួយជុំវិញការបង្ក្រាបលើសិទ្ធិស្ត្រីរបស់ក្រុមតាលីបង់

ចិនព្រមានថា ខ្លួននឹងចាត់វិធានការកាន់តែក្ដៅ បើមេដឹកនាំកោះតៃវ៉ាន់ទៅជួបប្រធានសភាអាមេរិក

ក្រុមបាតុករប៉ះទង្គិចជាមួយនគរបាលនៅហ្សកហ្ស៊ីនៅថ្ងៃទី២ ជុំវិញច្បាប់ភ្នាក់ងារបរទេសថ្មី