BTV NEWS

សម្ដេចធិបតី ហ៊ុន ម៉ាណែត៖ អាទិភាពរបស់រាជរដ្ឋាភិបាល គឺ ប្រទេសជាតិ,ប្រជាជន, ទឹកដី និង ឯករាជ្យភាពជាតិ

សម្ដេចធិបតី៖ យុទ្ធនាការកម្ចាត់ Online Scams ប៉ុន្មានខែចុងក្រោយនេះ បានស្ដារមុខមាត់កម្ពុជាមកវិញ

សម្ដេចធិបតី៖ កម្ពុជាជាសមាជិក WTO មិនអាចហាមឃាត់ការនាំចូលទំនិញពីប្រទេសដទៃបានទេ

សម្ដេចធិបតី៖ ឆ្នាំ២០២៩ កម្ពុជានឹងចាកចេញពីប្រទេសអភិវឌ្ឍន៍តិចតួចបន្តដំណើរទៅកាន់ប្រទេសអភិវឌ្ឍន៍

ព័ត៌មានសំខាន់ៗ

អាមេរិក NATO និងសហភាពអឺរ៉ុបប្តេជ្ញាជួយប្រទេសទួរគី និងស៊ីរី បន្ទាប់ពីការរញ្ជួយដី

អាមេរិក៖ ប្រធានាធិបតីសហរដ្ឋអាមេរិកលោក Joe Biden បានប្តេជ្ញាគាំទ្រយ៉ាងពេញលេញពីរដ្ឋាភិបាលសហរដ្ឋអាមេរិកក្នុងការជួយប្រទេសទួរគី និងស៊ីរី បន្ទាប់ពីរញ្ជួយដីដែលបានវាយប្រហារប្រទេសទាំងពីរកាលពីថ្ងៃចន្ទ។ ខណៈធ្វើដំណើរទៅសួរសុខទុក្ខកម្មករនៅរដ្ឋ Wisconsin កាលពីថ្ងៃពុធ លោក Biden បាននិយាយថា លោកបានសន្ទនាតាមទូរស័ព្ទជាមួយប្រធានាធិបតីទួរគីលោក Tayyip Erdogan ដើម្បីផ្តល់កិច្ចខិតខំជួយសង្គ្រោះ និងផ្តល់ជំនួយបន្ទាន់ រួមជាមួយសម្ព័ន្ធយោធាណាតូ។ សម្រាប់ប្រទេសស៊ីរី លោក Biden បាននិយាយថា ជំនួយកំពុងត្រូវបានបញ្ជូនទៅគ្រប់តំបន់ដោយមិនគិតថា អ្នកណាគ្រប់គ្រងទឹកដីនោះទេ។ ការរញ្ជួយដីដ៏មានឥទ្ធិពលបានធ្វើឲ្យរញ្ជួយប្រទេសទួរគី និងស៊ីរីកាលពីព្រឹកព្រលឹមថ្ងៃចន្ទ ដោយអគាររាប់រយបានបាក់រលំ ហើយចំនួនអ្នកស្លាប់រួមបញ្ចូលគ្នានៅទូទាំងប្រទេសទាំង២ បានកើនឡើងលើសពី ១៥,០០០នាក់។ ប្រធានាធិបតីទួរគីលោក Tayyip Erdogan កាលពីថ្ងៃពុធបានសារភាពថា មានបញ្ហាមួយចំនួនក្នុងការឆ្លើយតបដំបូងរបស់រដ្ឋាភិបាលរបស់លោក ចំពោះការរញ្ជួយដីដ៏ខ្លាំងក្លានៅភាគខាងត្បូងប្រទេសទួរគី ក្នុងពេលមានការខឹងសម្បារពីអ្នកដែលបាត់បង់លំនៅឋាន និងមានការខកចិត្តចំពោះជំនួយមកដល់យឺតពីក្រុមជួយសង្គ្រោះ។ គណៈកម្មការអឺរ៉ុបបាននិយាយកាលពីថ្ងៃពុធថា ប្រទេសស៊ីរីបានស្នើសុំជំនួយពីសហភាពអឺរ៉ុប ២ថ្ងៃបន្ទាប់ពីការរញ្ជួយដី។ សហភាពអឺរ៉ុបនិយាយថា ខ្លួននឹងផ្តល់ជំនួយសង្គ្រោះបន្ទាន់បន្ថែមដល់ប្រទេសទាំងពីរ និងជំនួយមនុស្សធម៌សង្គ្រោះបន្ទាន់ដែលមានតម្លៃ ៦.៥លានអឺរ៉ូ ឬ 7លានដុល្លារនៅក្នុងប្រតិបត្តិការស្វែងរក និងជួយសង្គ្រោះដ៏ធំបំផុតមិនធ្លាប់មានតាម រយៈយន្តការការពារជនស៊ីវិលរបស់ខ្លួន៕អត្ថបទ៖ ប៊ុនថន

សម្តេចតេជោ ហ៊ុន សែន អញ្ជើញដឹកនាំគណៈប្រតិភូទៅដល់ប្រទេសចិនប្រកបដោយសុវត្ថិភាព

ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នៅវេលាម៉ោង១៣ និង២០នាទី ម៉ោងនៅប្រទេសចិន ត្រូវនឹងម៉ោង១២និង២០នាទី ម៉ោងនៅកម្ពុជា ថ្ងៃទី០៩ ខែកុម្ភៈ ឆ្នាំ២០២៣នេះ បានដឹកនាំគណៈប្រតិភូជាន់ខ្ពស់នៃរាជរដ្ឋាភិបាលកម្ពុជា អញ្ជើញទៅដល់ប្រទេសចិនប្រកបដោយសុវត្ថិភាពហើយ ដើម្បីបំពេញទស្សនកិច្ចជាផ្លូវការនៅសាធារណៈរដ្ឋប្រជាមានិតចិន ពីថ្ងៃទី៩ ដល់ថ្ងៃទី១១ ខែកុម្ភៈ ឆ្នាំ២០២៣។វត្តមាននៃការអញ្ជើញដល់របស់ សម្ដេចតេជោនាយករដ្ឋមន្ត្រីត្រូវបានទទួលការធ្វើគារវកិច្ចស្វាគមន៍យ៉ាងកក់ក្តៅជាទីបំផុតពីសំណាក់ថ្នាក់ដឹកនាំនៃសាធារណរដ្ឋប្រជាមានិតចិន ឯកអគ្គរាជទូតកម្ពុជា ប្រចាំនៅសាធារណរដ្ឋប្រជាមានិតចិន និងថ្នាក់ដឹកនាំសំខាន់ៗជាច្រើនទៀត។ តាមកម្មវិធីដែលបានគ្រោងទុក ក្នុងដំណើរទស្សនកិច្ចនៅប្រទេសចិននាពេលនេះ សម្តេចតេជោនាយករដ្ឋមន្ត្រី នឹងជួបសម្តែងការគួរសមដាច់ដោយឡែកជាមួយ ឯកឧត្តម ស៊ី ជីនពីង ប្រធានាធិបតីចិន និង ឯកឧត្តម លី ជាន ស៊ូ ប្រធានសភាតំណាងប្រជាជនចិន។ សម្តេចតេជោ ក៏នឹងមានជំនួបទ្វេភាគីជាមួយ ឯកឧត្តម លី ខឺឈាង នាយករដ្ឋមន្ត្រីចិន ដើម្បីផ្លាស់ប្តូរទស្សនៈ និងពិភាក្សាអំពីចំណង និងកិច្ចសហប្រតិបត្តិការទ្វេភាគី ព្រមទាំងបញ្ហាដែលជាប្រយោជន៍ និងកង្វល់រួមក្នុងតំបន់ និងអន្តរជាតិផងដែរ។ ក្រោយជំនួបសម្តេចតេជោ និងលោក លី ខឺឈាង នឹងអញ្ជើញធ្វើជាអធិបតី ក្នុងពិធីចុះហត្ថលេខាលើឯកសារកិច្ចសហប្រតិបត្តិការមួយចំនួនផងដែរ។ដំណើរទស្សនកិច្ចរបស់សម្តេចតេជោនាយករដ្ឋមន្ត្រី ទៅកាន់ប្រទេសចិននាពេលនេះ នឹងផ្តល់កាលានុវត្តភាពដល់រដ្ឋាភិបាលទាំងពីរ ដើម្បីជំរុញកិច្ចសហ ប្រតិបត្តិការភាពជាដៃគូយុទ្ធសាស្ត្រគ្រប់ជ្រុងជ្រោយ និងធ្វើឱ្យកាន់តែស៊ីជម្រៅ នូវការកសាងសហគមន៍វាសនារួមកម្ពុជា-ចិន ដើម្បីផលប្រយោជន៍ទៅវិញទៅមក សម្រាប់ប្រជាជន និងប្រជាជាតិទាំងពីរ៕

បងស្រីការពារប្អូនប្រុសពីធូលីអំឡុងរង់ចាំការជួយសង្គ្រោះរយៈពេល ៣៦ម៉ោងក្រោយការរញ្ជួយដីនៅភាគខាងជើងស៊ីរី

ស៊ីរី៖ ក្មេង ២នាក់ដែលជាប់នៅចន្លោះបេតុងក្នុងផ្ទះរបស់ពួកគេ នៅភាគខាងជើងស៊ីរីត្រូវបានជួយសង្គ្រោះ រយៈពេលជាង ៣៦ម៉ោងក្រោយការរញ្ជួយដីកាលពីថ្ងៃចន្ទ ដែលបានធ្វើឲ្យគ្រួសាររបស់ពួកគេជាប់ខ្លួនក្រោមគំនរបាក់បែក។នៅក្នុងវីដេអូដែលថតបាន ឃើញបងស្រីនិយាយខ្សាវៗប្រាប់ក្រុមអ្នកជួយសង្គ្រោះថា យកខ្ញុំចេញពីទីនេះ ខ្ញុំនឹងធ្វើគ្រប់យ៉ាងដើម្បីអ្នក។ នាងបន្តថា ខ្ញុំនឹងធ្វើជាអ្នកបម្រើរបស់អ្នក ខណៈអ្នកជួយសង្គ្រោះម្នាក់ឆ្លើយថា ទេ ទេ។ ក្មេងស្រីម្នាក់នេះមានឈ្មោះ Mariam ហើយនាងច្បូតសក់របស់នាងគ្របលើក្បាលប្អូនប្រុស ពេលដែលពួកគេជាប់ក្រោមគំនរបាក់បែក។ នាងអាចកម្រើកដៃម្ខាងបានដើម្បីគ្របមុខប្អូនប្រុសការពារធូលីហុយចូល។ ក្មេងទាំង ២បានជាប់ខ្លួនក្រោមគំនរបាក់បែកផ្ទះរបស់ពួកគេក្នុងភូមិ Besnaya-Bseineh ស្ថិតនៅទីក្រុង Haram ភាគខាងជើងប្រទេសស៊ីរី។លោក Mustafa Zuhir Al-Sayed ដែលជាឪពុករបស់ក្មេងទាំង ២ និយាយថា កូនប្រុសប្អូនមានឈ្មោះ Ilaaf គឺជាឈ្មោះអ៊ីស្លាម មានន័យថា ការពារ។ លោក Al-Sayed និយាយថា ភរិយារបស់លោក និងកូន ៣នាក់កំពុងលង់លក់នៅព្រឹកថ្ងៃចន្ទពេលដែលកើតមានការរញ្ជួយកម្រិត ៧.៨រ៉ិចទ័រ ដែលជាការរញ្ជួយដីខ្លាំងក្លាបំផុតអង្រួនតំបន់មួយនេះ ក្នុងរយៈពេលជាង ១សតវត្សរ៍។ លោកបន្តថា ផែនដីចាប់ផ្ដើមរញ្ជួយ ហើយគំនរបាក់បែកចាប់ផ្តើមធ្លាក់លើក្បាលរបស់ពួកយើង ហើយពួកយើងបានជាប់ក្រោមគំនរបាក់បែកអស់រយៈពេល ២ថ្ងៃ៕អត្ថបទ៖ សារ៉ាត់

កុមារពីរនាក់ស្លាប់ និង ៦នាក់របួស បន្ទាប់ពីរថយន្តក្រុងបុកចូលមណ្ឌលថែទាំកុមារពេលថ្ងៃនៅកាណាដា

កាណាដា៖ នគរបាលនិយាយថា កុមារពីរនាក់បានស្លាប់ និង ៦នាក់ផ្សេងទៀតបានរងរបួស បន្ទាប់ពីរថយន្តក្រុងមួយគ្រឿងបានបើកបុកចូល ទៅក្នុងមជ្ឈមណ្ឌលថែទាំកុមារពេលថ្ងៃមួយកន្លែងនៅជាយក្រុង Laval ទីក្រុង Montreal កាលពីថ្ងៃពុធ។ អ្នកនាំពាក្យនគរបាលបានបញ្ជាក់ថា អ្នកបើកបររថយន្តក្រុងអាយុ ៥១ឆ្នាំ ជាបុគ្គលិកប្រព័ន្ធដឹកជញ្ជូនសាធារណៈរបស់ក្រុង Laval ត្រូវបានចាប់ខ្លួនពីបទមនុស្សឃាត និងការបើកបរមិនប្រុងប្រយ័ត្ន។ នគរបាលបានបដិសេធមិនផ្តល់ព័ត៌មានលម្អិតបន្ថែមនោះទេ ខណៈកំពុងស៊ើបអង្កេត និងសាកសួរអ្នកបើកបរ ដែលនគរបាលនិយាយថា អ្នកបើកបរបានបម្រើការឲ្យប្រព័ន្ធដឹកជញ្ជូនសាធារណៈរយៈពេល ១០ឆ្នាំ ហើយពុំមានកំណត់ត្រាឧក្រិដ្ឋកម្មនោះទេ។ ឧបទ្ទវហេតុនេះបានកើតឡើងនៅម៉ោងប្រហែល ៨:៣០នាទីព្រឹកម៉ោងក្នុងតំបន់ នៅពេលដែលក្មេងៗជាធម្មតាត្រូវបានឪពុកម្តាយរបស់ពួកគេ នាំយកមកដាក់នៅមជ្ឈមណ្ឌលថែទាំកុមារពេលថ្ងៃ។ យោងតាមក្រុមហ៊ុនសាជីវកម្មផ្សព្វផ្សាយកាណាដា (Canadian Broadcasting Corp) បានឲ្យដឹងថា ក្មេងប្រហែល ៨០នាក់មានអាយុក្រោម ៥ឆ្នាំស្ថិតនៅមជ្ឈមណ្ឌលថែទាំកុមារនេះ។ នាយករដ្ឋមន្ត្រីកាណាដាលោក Justin Trudeau បានចូលរួមរំលែកទុក្ខដល់ក្រុមគ្រួសារកុមារស្លាប់ បន្ទាប់ពីឧបទ្ទវហេតុនេះ៕អត្ថបទ៖ ប៊ុនថន

ប្រធានាធិបតីអ៊ុយក្រែនប្រាប់មេដឹកនាំបារាំង និងអាល្លឺម៉ង់ឲ្យផ្តល់សព្វាវុធដែលអាចផ្លាស់ប្តូរទិសដៅសង្គ្រាម

បារាំង៖ លោកប្រធានាធិបតីអ៊ុយក្រែន Volodymyr Zelenskyy បាននិយាយកាលពីថ្ងៃពុធ ទី៨កុម្ភៈ អំឡុងដំណើរទស្សនកិច្ចទៅកាន់ទីក្រុងប៉ារីសប្រទេសបារាំង ក្រោយចាកចេញពីអង់គ្លេសថា ប្រទេសបារាំង និងអាល្លឺម៉ង់មានឱកាសក្លាយជាអ្នកផ្លាស់ប្ដូរទិសដៅសង្គ្រាមនៅក្នុងសង្គ្រាមប្រឆាំងរុស្ស៊ី ដោយកុំស្ទាក់ស្ទើរក្នុងការផ្ដល់អាវុធធុនធ្ងន់ និងយន្តហោះចម្បាំងទំនើបៗឲ្យទៅអ៊ុយក្រែនឲ្យសោះ។ លោក Zelenskyy បានទៅដល់ទីក្រុងប៉ារីស សម្រាប់ការពិសាអាហារការងារជាមួយលោកប្រធានាធិបតីបារាំង Emmanuel Macron និងអធិការបតីអាល្លឺម៉ង់លោក Olaf Scholz ក្រោយការពិភាក្សានៅក្នុងចក្រភពអង់គ្លេសកាលពីព្រឹកថ្ងៃពុធ ជាទីដែលលោកបានជំរុញដល់ក្រុមសម្ព័ន្ធមិត្តលោកខាងលិច ឲ្យផ្ដល់ស្លាបនៃសេរីភាពឲ្យអ៊ុយក្រែន ដោយការបញ្ជូនយន្តហោះចម្បាំងដើម្បីជួយប្រឆាំងនឹងរុស្ស៊ី។ លោកត្រូវបន្តដំណើរទៅកាន់ទីក្រុង Brussels នៅថ្ងៃព្រហស្បតិ៍នេះ ជាទីដែលលោកត្រូវចូលរួមកិច្ចប្រជុំកំពូលជាមួយដឹកនាំអឺរ៉ុប។ លោក Zelenskyy និយាយថា យើងមានពេលវេលាតិចតួចណាស់។ នៅពេលនេះខ្ញុំកំពុងនិយាយពីអាវុធដែលចាំបាច់សម្រាប់សន្តិភាព និងបញ្ឈប់សង្គ្រាមដែលបង្កឡើងដោយរុស្ស៊ី។ បារាំង និងអាល្លឺម៉ង់មានឥទ្ធិពលក្លាយជាអ្នកផ្លាស់ប្ដូរទិសដៅសង្គ្រាម ហើយនេះជាអ្វីដែលខ្ញុំមើលឃើញការពិភាក្សារបស់យើងនៅថ្ងៃនេះ។ មិនយូរទៀតទេ យើងនឹងទទួលបានអាវុធធុនធ្ងន់រយៈចម្ងាយឆ្ងាយ ហើយអ្នកបើកបរយន្តហោះរបស់យើងនឹងទទួលបានយន្តហោះទំនើប ដែលនឹងបញ្ចប់ការឈ្លានពានរបស់រុស្ស៊ីកាន់តែឆាប់រហ័ស៕អត្ថបទ៖ សុខមាន

ឯកឧត្តម ហ៊ុន ម៉ានី សោកស្ដាយចំពោះជនអាក្រក់គ្មានសាសនានៅក្រៅប្រទេស ឆ្លៀតឱកាសគ្រួសារឯកឧត្តមកំពុងមានទុក្ខមកប្រមាថដើម្បីកេងចំណេញនយោបាយ

ភ្នំពេញ៖ ៖ឯកឧត្តម ហ៊ុន ម៉ានី បង្ហាញការហួសចិត្ត និងសោកស្ដាយ ចំពោះក្រុមជនអាក្រក់នៅក្រៅប្រទេស ដែលគ្មានសីលធម៌ វប្បធម៌ និងសាសនា នៅក្នុងខ្លួន ឆ្លៀតឱកាសដែលគ្រួសារឯកឧត្ដមកំពុងមានទុក្ខធ្វើពិធីបុណ្យសព មកធ្វើការប្រមាថ និងកេងចំណេញនយោបាយទៅវិញ។ ឯកឧត្ដម ហ៊ុន ម៉ានី បានសរសេរនៅលើបណ្ដាញសង្គមហ្វេសប៊ុកផ្លូវការនាថ្ងៃទី៩ ខែកុម្ភៈនេះថា កាលដែលគ្រួសាររបស់ជនអាក្រក់នៅក្រៅប្រទេសមានទុក្ខ ឯកឧត្ដម បានតំណងឱ្យក្រុមគ្រួសារ ទៅចូលរួមគោរពវិញ្ញាណខន្ធ និងរំលែកទុក្ខ។ ប៉ុន្ដែក្នុងអំឡុពេលគ្រួសារឯកឧត្ដមមានទុក្ខ បែរជាក្រុមជនអាក្រក់នៅក្រៅប្រទេសបានយកឱកាសនេះប្រមាថដើម្បីតែកេញចំណេញនយោបាយទៅវិញ។ ឯកឧត្ដមបានសរសេរថា៖«ពេលគ្រួសារគេមានទុក្ខ ខ្ញុំតំណាងអោយក្រុមគ្រួសារខ្ញុំ ចូលរួមគោរពវិញ្ញាណក្ខន្ធ និងរំលែកទុក្ខ។ តែពេលក្រុមគ្រួសារខ្ញុំមានទុក្ខ គេប្រមាថ និងយកចំណេញនយោបាយ។ វប្បធម៌ សីលធម៌ សាសនា និងទំនៀមទម្លាប់ប្រពៃណី ជាអ្វីដែលក្រុមគ្រួសារខ្ញុំប្រកាន់ខ្ជាប់ មិនមែនអ្វីៗសុទ្ធតែនយោបាយនោះទេ»។ទាក់ទងនឹងការប្រមាថ និងការឆ្លៀតឱកាសដោយគ្មានសីលធម៌របស់ជនអាក្រក់ នៅក្រៅប្រទេសនេះសម្ដេចតេជោ ហ៊ុន សែន នាយករដ្ឋមន្រ្ដីនៃកម្ពុជា ក៏បានសរសេរលើហ្វេសប៊ុក ប្រាប់ទៅក្រុមជនអាក្រក់ទាំងនោះឱ្យរក្សាខ្លួនជាមនុស្ស និងខិតខំរក្សាសុខភាពជាជាងមករករឿងគ្រួសាររបស់សម្ដេច។ សម្ដេចតេជោបានសរសេរថា៖ខ្ញុំចង់ប្រាប់ទៅជនអាក្រក់ថា បើមេរបស់អ្នកអាក្រក់សូមអ្នករក្សាខ្លួនជាមនុស្សនិង ខិតខំរក្សាសុខភាពរបស់អ្នកជាជាងមករករឿងគ្រួសារខ្ញុំ»។ សម្ដេចតេជោ ចាត់ទុកការប្រមាថ និងឆ្លៀតឱកាសរបស់ក្រុមជនអាក្រក់ក្រៅប្រទេសនេះ ពិតជាអាក្រក់កែមិនបានទាំងមេទាំងកូនដែលគ្មានសារជាតិជាមនុស្សសោះឡើយ៕

អាមេរិកផ្តោតលើការផ្តល់ជំនួយសង្គ្រោះគ្រោះរញ្ជួយដីនៅទួរគី និងស៊ីរី ខណៈ USAID កំពុងផ្គត់ផ្គង់

អាមេរិក៖ រដ្ឋមន្ត្រីការបរទេសសហរដ្ឋអាមេរិកលោក Antony Blinken កាលពីថ្ងៃអង្គារបាននិយាយថា សហរដ្ឋអាមេរិកផ្តោតលើការផ្តល់ជំនួយ និងកិច្ចខិតខំប្រឹងប្រែងជួយសង្គ្រោះនៅក្នុងប្រទេសទួរគី បន្ទាប់ពីគ្រោះរញ្ជួយដីដ៏មានឥទ្ធិពលបណ្តាលឲ្យមនុស្សរាប់ពាន់នាក់ស្លាប់នៅទូទាំងតំបន់ប្រទេសទួរគី និងប្រទេសជិតខាងស៊ីរី។ លោក Blinken អ្នកការទូតកំពូលរបស់រដ្ឋបាលលោក Joe Biden បានសន្ទនាជាមួយរដ្ឋមន្ត្រីការបរទេសទួរគីលោក Mevlut Cavusoglu តាមទូរស័ព្ទដើម្បីផ្តល់ជំនួយក្នុងប្រតិបត្តិការសង្គ្រោះ និងសា្តរឡើងវិញ។ នៅពេលដែលទំហំនៃគ្រោះមហន្តរាយកាន់តែច្បាស់លាស់ ចំនួនអ្នកស្លាប់ទំនងជាកើនឡើង ខណៈមន្ត្រីអង្គការសហប្រជាជាតិម្នាក់បាននិយាយថា កុមាររាប់ពាន់នាក់អាចស្ថិតក្នុងចំណោមអ្នកស្លាប់។ ក្រុមឆ្លើយតបជំនួយគ្រោះមហន្តរាយរបស់ទីភ្នាក់ងារសម្រាប់ការអភិវឌ្ឍន៍អន្តរជាតិសហរដ្ឋអាមេរិក (USAID) បានឡើងលើយន្តហោះ C-17 Globemaster III ឆ្ពោះទៅកាន់ប្រទេសទួរគីដើម្បីជួយក្នុងកិច្ចខិតខំប្រឹងប្រែងសង្គ្រោះ បន្ទាប់ពីរញ្ជួយដីដ៏ខ្លាំងវាយប្រហារប្រទេសទួរគី និងស៊ីរី។ សមាជិកកងទ័ពអាកាសមកពីកងពលធំទី៤៣៦ បានជួយទុកដាក់គ្រឿងផ្គត់ផ្គង់ជាច្រើននៅលើយន្តហោះ របស់កងទ័ពអាកាសសហរដ្ឋអាមេរិកដើម្បីជួយក្នុងប្រតិបត្តិការសង្គ្រោះ។ អ្នកគ្រប់គ្រងទីភ្នាក់ងារអង្គការ USAID លោកស្រី Samantha Power បានចូលរួមរំលែកទុក្ខដល់ប្រជាជនស៊ីរី និងទួរគី និងបាននិយាយថា សហរដ្ឋអាមេរិកបានប្តេជ្ញាចិត្តគាំទ្រកិច្ចខិតខំប្រឹងប្រែងសង្គ្រោះពីការរញ្ជួយដីនេះក្នុងស្ថានភាពបន្ទាន់៕អត្ថបទ៖ ប៊ុនថន

អ៊ុយក្រែននិយាយថា រុស្ស៊ីស៊ូទ្រាំនឹងថ្ងៃមានមនុស្សស្លាប់ច្រើនបំផុត ខណៈការប្រយុទ្ធកាន់តែខ្លាំងឡើង

អ៊ុយក្រែន៖ យោធាអ៊ុយក្រែននិយាយថា រយៈពេល ២៤ម៉ោងមុនគឺជាសង្គ្រាមដែលមានមនុស្សស្លាប់ច្រើនបំផុតសម្រាប់កងទ័ពរុស្ស៊ី ចាប់តាំងពីទីក្រុងមូស្គូបានបើកការវាយលុករបស់ខ្លួន ដែលនឹងឈានចូលដល់ខួប ១ឆ្នាំនៅថ្ងៃទី២៤ ខែកុម្ភៈខាងមុខនេះ។ អ៊ុយក្រែនបានបង្កើនចំនួនទាហានរុស្ស៊ីដែលបានស្លាប់រហូតដល់ ១,០៣០នាក់ពេញមួយយប់។ សារព័ត៌មានរ៉យទ័រពុំអាចផ្ទៀងផ្ទាត់របាយការណ៍នោះបានទេ ហើយរុស្ស៊ីក៏បានអះអាងថាបានសម្លាប់ទាហានអ៊ុយក្រែនយ៉ាងច្រើនក្នុងប៉ុន្មានសប្តាហ៍ថ្មីៗនេះ។ ចំនួននៃការបាត់បង់ជីវិតពីភាគីណាមួយត្រូវបានគេមើលឃើញថា ជាការរាយការណ៍មិនគួរឱ្យទុកចិត្តបាន។ ប៉ុន្តែការអះអាងរបស់ក្រុងគីវដែលថា ការប្រយុទ្ធគ្នាមានមនុស្សស្លាប់ច្រើនបំផុតរហូតមកដល់ពេលនេះ គឺសមស្របទៅនឹងការរៀបរាប់ពីភាគីទាំងសងខាងនៃយុទ្ធនាការ ដែលកំពុងកើនឡើងសង្គ្រាមដ៏ខ្លាំង។ នៅទីនេះ ទាហានអ៊ុយក្រែននៅក្នុងតំបន់ Donetsk ត្រូវបានគេមើលឃើញថា កំពុងដំណើរការប្រព័ន្ធរ៉ុក្កែត Grad សម័យសូវៀត។ ការប្រយុទ្ធគ្នានៅភាគខាងកើតកើតមានឡើង ក្នុងពេលមានសេចក្តីរាយការណ៍ពីភាពគ្មានរបៀបរៀបរយក្នុងទីក្រុង Kyiv។ ប្រធានាធិបតីលោក Volodymyr Zelenskyy ក្នុងប៉ុន្មានសប្តាហ៍ថ្មីៗនេះបានបណ្តេញចេញមន្ត្រីជាន់ខ្ពស់មួយចំនួន នៅក្នុងវិធានការដែលត្រូវបានគេមើលឃើញថា ជាកិច្ចខិតខំប្រឹងប្រែងដើម្បីបង្ហាញសម្ព័ន្ធមិត្តប្រទេសលោកខាងលិចថា លោកនឹងបំបាត់អំពើពុករលួយ ហើយបង្ហាញខ្លួនឯងថា ជាអ្នកទទួលការងារដែលអាចទុកចិត្តបានសម្រាប់ជំនួយយោធាជាច្រើនពាន់លានដុល្លារ៕អត្ថបទ៖ ប៊ុនថន

កម្ពុជាផ្តល់ជំនួយមនុស្សធម៌មួយសែនដុល្លារអាមេរិកដល់តួកគី ដើម្បីប្រតិបត្តិការសង្គ្រោះករណីរញ្ជួយដីដ៏កំណាច បណ្តាលឱ្យមានអ្នកស្លាប់រាប់ពាន់នាក់ និងរបួសរាប់ម៉ឺននាក់

ភ្នំពេញ៖ កម្ពុជាប្រកាសផ្តល់ជំនួយមនុស្សធម៌ចំនួនមួយសែនដុល្លារអាមេរិក ដល់តួកគី បន្ទាប់ពីប្រទេសនេះរងនូវសោកនាថកម្មដោយគ្រោះរញ្ជួយដីដ៏កំណាច បណ្តាលឱ្យមានអ្នកស្លាប់រាប់ពាន់នាក់ និងរបួសរាប់ម៉ឺននាក់។

នគរបាលបាញ់ឧស្ម័នបង្ហូរទឹកភ្នែកលើក្រុមអ្នកតវ៉ាកំណែទម្រង់អាយុចូលនិវត្តន៍នៅក្រុងប៉ារីស

បារាំង៖ បាតុកររាប់ពាន់នាក់បានចេញដើរធ្វើបាតុកម្ម ក្នុងទីក្រុងប៉ារីសប្រទេសបារាំងកាលពីថ្ងៃអង្គារ ដើម្បីអំពាវនាវឱ្យមានការដកចេញកំណែទម្រង់អាយុចូលនិវត្តន៍របស់រដ្ឋាភិបាល ដែលនឹងបង្កើនអាយុចូលនិវត្តន៍សម្រាប់បុគ្គលិកនៅប្រទេសបារាំង។ ការចេញដើរធ្វើបាតុកម្មពីពហុវិស័យកាលពីថ្ងៃអង្គារ បានកើតឡើងមួយថ្ងៃបន្ទាប់ពីច្បាប់កំណែទម្រង់អាយុចូលនិវត្តន៍ បានចាប់ផ្តើមការអនុម័តដ៏ចម្រូងចម្រាស់របស់ខ្លួនតាមរយៈសភា និងជាការសាកល្បងសមត្ថភាពរបស់លោក Macron ក្នុងការអនុម័តការផ្លាស់ប្តូរដោយគ្មានសំឡេងភាគច្រើននៅក្នុងរដ្ឋសភា។ នៅក្នុងទីក្រុងប៉ារីស សហជីព និងអ្នកគាំទ្រផ្សេងទៀតរាប់ម៉ឺននាក់បានមកប្រមូលផ្តុំគ្នា នៅមុខសាលល្ខោនអូប៉េរ៉ាដ៏ល្បីល្បាញក្នុងរដ្ឋធានី បន្ទាប់មកបានចេញដើរដង្ហែ និងស្រែកពាក្យផ្សេងៗ។ រដ្ឋាភិបាលនិយាយថា ពលរដ្ឋត្រូវតែធ្វើការរយៈពេលពីរឆ្នាំបន្ថែមទៀត ដែលមានន័យថាត្រូវធ្វើការរហូតដល់អាយុ ៦៤ឆ្នាំពីអាយុ ៦២ឆ្នាំនៃអាយុចូលនិវត្តន៍ពីពេលមុន ដើម្បីរក្សាថវិកានៃប្រព័ន្ធសោធននិវត្តន៍ដ៏សប្បុរសបំផុតរបស់ពិភពលោក។ ការស្ទង់មតិបង្ហាញថា ប្រជាជនបារាំងចំណាយពេលច្រើនឆ្នាំក្នុងការចូលនិវត្តន៍ ក្នុងចំណោមប្រទេសអង្គការកិច្ចសហប្រតិបត្តិការសេដ្ឋកិច្ច និងអភិវឌ្ឍន៍ (OECD) ដែលជាអត្ថប្រយោជន៍ដ៏គួរឱ្យពេញចិត្តដែលភាគច្រើនស្ទាក់ស្ទើរក្នុងការបោះបង់។ ទិន្នន័យបានបង្ហាញថា ការចូលរួមធ្វើបាតុកម្មកាលពីថ្ងៃអង្គារបានថយចុះកាលពីមួយសប្តាហ៍មុន ប៉ុន្តែរដ្ឋាភិបាលនឹងបន្តឃ្លាំមើលការតវ៉ាតាមដងផ្លូវដើម្បីវាយតម្លៃថា តើការប្រឆាំងជាសាធារណៈនៅតែមានភាពខ្លាំងប៉ុណ្ណា។ នគរបាលបានបាញ់ឧស្ម័នបង្ហូរទឹកភ្នែក នៅក្នុងការប៉ះទង្គិចគ្នាមួយចំនួនរវាងក្រុមបាតុករ និងមន្ត្រីនៅក្នុងការតវ៉ាកំណែទម្រង់នៅទីក្រុងប៉ារីស៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

អាជ្ញាធរខេត្តកំពង់ស្ពឺ សម្ពោធផ្លូវបេតុងក្រាលកៅស៊ូលើខ្នងភ្នំឧទ្យានជាតិសុរាម្រិតកុសមៈគីរីរម្យ ដើម្បីលើកកម្ពស់វិស័យទេសចណ៍

ក្រុមប្រឹក្សាធម្មនុញ្ញប្រគល់ស្តម្ភរដ្ឋធម្មនុញ្ញចម្លង ដើម្បីតម្កល់នៅសាលារាជធានី-ខេត្ត សម្រាប់ប្រារព្ធពិធីគោរពរដ្ឋធម្មនុញ្ញ

មន្រ្ដីជាន់ខ្ពស់ក្រសួងអភិវឌ្ឍន៍ជនបទ ដឹកនាំកិច្ចប្រជុំបូកសរុបលទ្ធផលការងារប្រចាំឆមាសទី១ ឆ្នាំ២០២៦ និងលើកទិសដៅបន្ត របស់មន្ទីរអភិវឌ្ឃន៍ជនបទខេត្តកំពត

រដ្ឋាភិបាលកម្ពុជាបង្កើតក្រុមការងារអន្តរក្រសួង ដើម្បីទាក់ទាញភ្ញៀវទេសចរអន្តរជាតិមកទស្សនាកម្ពុជា

ក្រសួងផែនការ សាងសង់អគារវិទ្យាស្ថានជាតិស្ថិតិថ្មី ដែលជាការវិនិយោគលើអនាគតប្រព័ន្ធស្ថិតិជាតិ

អ៊ីស្រាអែល សម្លាប់ពលរដ្ឋប៉ាឡេស្ទីនច្រើននាក់នៅហ្កាហ្សា ខណៈការវាយប្រហារលើជំរំតង់នៅតែបន្ត

ក្រសួងបរិស្ថាន៖ កម្ពុជានៅតែបន្តហាមឃាត់ការនាំចូលសំណល់អេឡិចត្រូនិក (e-waste) ដើម្បីការពារបរិស្ថាន ធនធានធម្មជាតិ និងសុខភាពសាធារណៈ

មេដឹកនាំរុស្ស៊ី និងបេឡារុស តាមសេចក្តីរាយការណ៍ថា ពិភាក្សាអំពីកិច្ចសហប្រតិបត្តិការសេដ្ឋកិច្ច និងសន្តិសុខ

អ៊ីរ៉ង់ ចេញការព្រមានខ្លាំងៗទៅកាន់ប្រទេសបារ៉ែនថានឹងវាយប្រហារប្រទេសនេះប្រសិនបើបង្កហេតុ

មជ្ឈមណ្ឌលគ្រប់គ្រងនិងបង្ការជំងឺអាហ្វ្រិក និងអង្គការ WHO ដាក់ឱ្យដំណើរការវេទិការរួមមួយគាំទ្រដល់ការឆ្លើយតបជំងឺអេបូឡានៅអាហ្វ្រិក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អាមេរិក NATO និងសហភាពអឺរ៉ុបប្តេជ្ញាជួយប្រទេសទួរគី និងស៊ីរី បន្ទាប់ពីការរញ្ជួយដី

សម្តេចតេជោ ហ៊ុន សែន អញ្ជើញដឹកនាំគណៈប្រតិភូទៅដល់ប្រទេសចិនប្រកបដោយសុវត្ថិភាព

បងស្រីការពារប្អូនប្រុសពីធូលីអំឡុងរង់ចាំការជួយសង្គ្រោះរយៈពេល ៣៦ម៉ោងក្រោយការរញ្ជួយដីនៅភាគខាងជើងស៊ីរី

កុមារពីរនាក់ស្លាប់ និង ៦នាក់របួស បន្ទាប់ពីរថយន្តក្រុងបុកចូលមណ្ឌលថែទាំកុមារពេលថ្ងៃនៅកាណាដា

អាមេរិកផ្តោតលើការផ្តល់ជំនួយសង្គ្រោះគ្រោះរញ្ជួយដីនៅទួរគី និងស៊ីរី ខណៈ USAID កំពុងផ្គត់ផ្គង់

អ៊ុយក្រែននិយាយថា រុស្ស៊ីស៊ូទ្រាំនឹងថ្ងៃមានមនុស្សស្លាប់ច្រើនបំផុត ខណៈការប្រយុទ្ធកាន់តែខ្លាំងឡើង

នគរបាលបាញ់ឧស្ម័នបង្ហូរទឹកភ្នែកលើក្រុមអ្នកតវ៉ាកំណែទម្រង់អាយុចូលនិវត្តន៍នៅក្រុងប៉ារីស

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

អាមេរិក NATO និង​សហភាពអឺរ៉ុប​ប្តេជ្ញា​ជួយ​ប្រទេស​ទួរគី​ និង​ស៊ី​រី បន្ទាប់ពី​ការរញ្ជួយ​ដី​

សម្តេចតេជោ ហ៊ុន សែន អញ្ជើញដឹកនាំគណៈប្រតិភូទៅដល់ប្រទេសចិនប្រកបដោយសុវត្ថិភាព

អាមេរិក​ផ្តោតលើ​ការផ្តល់​ជំនួយ​សង្គ្រោះ​គ្រោះ​រញ្ជួយ​ដី​នៅ​ទួរគី និង​ស៊ី​រី ខណៈ USAID កំពុង​ផ្គត់ផ្គង់​

នគរបាល​បាញ់​ឧស្ម័ន​បង្ហូរទឹកភ្នែក​លើ​ក្រុមអ្នកតវ៉ា​កំណែទម្រង់​អាយុ​ចូលនិវត្តន៍​នៅ​ក្រុងប៉ារីស

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អាមេរិក NATO និងសហភាពអឺរ៉ុបប្តេជ្ញាជួយប្រទេសទួរគី និងស៊ីរី បន្ទាប់ពីការរញ្ជួយដី

អាមេរិកផ្តោតលើការផ្តល់ជំនួយសង្គ្រោះគ្រោះរញ្ជួយដីនៅទួរគី និងស៊ីរី ខណៈ USAID កំពុងផ្គត់ផ្គង់

នគរបាលបាញ់ឧស្ម័នបង្ហូរទឹកភ្នែកលើក្រុមអ្នកតវ៉ាកំណែទម្រង់អាយុចូលនិវត្តន៍នៅក្រុងប៉ារីស