BTV NEWS

សម្តេចធិបតី ណែនាំឱ្យក្រសួងស្ថាប័នពាក់ព័ន្ធត្រៀមឆ្លើយតបជាមួយបាតុភូតធម្មជាតិ El Niño ដែលកម្ពុជាកំពុងទទួលរងឥទ្ធិពល

សម្ដេចធិបតីណែនាំអាជ្ញាធរពាក់ព័ន្ធគ្រប់លំដាប់ថ្នាក់ ត្រួតពិនិត្យ និងគ្រប់គ្រងឱ្យបានចំពោះទំនិញគេចពន្ធ និងខូចគុណភាព ហើយត្រូវសហការគ្នាចាត់វិធានការឱ្យបានច្បាស់លាស់

សម្ដេចធិបតីក្រើនរំឭកអាជ្ញាធរពាក់ព័ន្ធគ្រប់លំដាប់ថ្នាក់ត្រូវបន្តបង្ក្រាប Online Scams មិនត្រូវបន្ធូរដៃឡើយ

សម្ដេចតេជោ ហ៊ុន សែន អញ្ជើញជួបពិភាក្សាទ្វេភាគីជាមួយ ឯកឧត្តម លី ឈាង នាយករដ្ឋមន្ត្រីចិន

ព័ត៌មានសំខាន់ៗ

អាស៊ី-អាគ្នេយ៍នឹងក្លាយជាអ្នកទទួលផលដ៏ច្រើនបំផុតពីការទទួលយកអ្នកដំណើរចេញពីប្រទេសចិន

ចិន៖ ប្រទេសដែលមានសេដ្ឋកិច្ចពឹងផ្អែកលើវិស័យទេសចរណ៍នៅអាស៊ី-អាគ្នេយ៍នឹងក្លាយជាអ្នកទទួលផលនាំមុខគេ ដោយសារការលុបបម្រាមធ្វើដំណើររបស់ប្រទេសចិន ខណៈពួកគេពុំបានតម្រូវឲ្យមានការធ្វើតេស្តរកវីរុស COVID-19 មុនពេលចូលក្នុងប្រទេសរបស់ខ្លួន ខុសពីតំបន់អឺរ៉ុប ជប៉ុន និងសហរដ្ឋអាមេរិកដែលបានដាក់លើភ្ញៀវទេសចរចិន។ ស្របពេលវីរុសបានឆ្លងរាលដាលពេញទូទាំងប្រទេសដែលមានប្រជាជន ១.៤ពាន់លាននាក់ ប្រទេសដែលមានសេដ្ឋកិច្ចធំជាងគេបំផុតទី២ របស់ពិភពលោកមួយនេះនឹងបើកព្រំដែនរបស់ខ្លួននៅថ្ងៃអាទិត្យ ទី៨ ខែមករា ជាវិធានការមួយដែលនឹងបញ្ចេញរលកនៃអ្នកដំណើរទៅក្រៅប្រទេសសម្រាប់ដំណើរកម្សាន្ត ក្រោយការរឹតត្បិតមិនឲ្យពលរដ្ឋចិនចេញក្រៅប្រទេសរយៈពេល ៣ឆ្នាំ។ ខណៈប្រទេសអូស្ត្រាលី ចក្រភពអង់គ្លេស ឥណ្ឌា ជប៉ុន និងសហរដ្ឋអាមេរិកស្ថិតក្នុងចំណោមបណ្ដាប្រទេសដែលតម្រូវមានលទ្ធផលតេស្តអវិជ្ជមានវីរុស COVID-19 ចេញមកពីប្រទេសចិន បណ្ដាប្រទេសនៅអាស៊ី-អាគ្នេយ៍ចាប់ពីប្រទេសកម្ពុជារហូតដល់ឥណ្ឌូនេស៊ី និងសិង្ហបុរីបានច្រានចោលវិធានការទាំងនោះ។ តំបន់នេះគឺជាជង្រុកនៃសេដ្ឋកិច្ចដែលពឹងផ្អែកលើវិស័យទេសចរណ៍ជាច្រើន ក្នុងអំឡុងពេលដែលជនជាតិចិនធ្លាប់បង្កើតថ្ងៃឈប់សម្រាកភាគច្រើនទៅកាន់ឋានសួគ៌មាត់សមុទ្រ ផ្សារទំនើប និងកាស៊ីណូ ដែលបានទទួលរងផលប៉ះពាល់ធ្ងន់ធ្ងរដោយសារអវត្តមានរបស់ពួកគេ ក្នុងរយៈពេលប៉ុន្មានឆ្នាំចុងក្រោយនេះ៕អត្ថបទ៖ សុខមាន

លោក Biden និយាយថា លោក Putin កំពុងព្យាយាមបញ្ចូលអុកស៊ីហ្សែនដោយប្រើសំណើបទឈប់បាញ់

អាមេរិក៖ លោកប្រធានាធិបតីអាមេរិក Joe Biden បានលើកឡើងថា ការប្រឹងប្រែងរបស់លោក Vladimir Putin នៅអ៊ុយក្រែនបន្ទាប់ពីសង្គ្រាមរយៈពេល ១០ខែ និងការបាត់បង់ជីវិតមនុស្សរាប់ពាន់នាក់ បានជំរុញឲ្យប្រធានាធិបតីរុស្ស៊ីផ្ដល់បទឈប់បាញ់រយៈពេល ៣៦ម៉ោង ដោយនិយាយថា មេដឹកនាំរុស្ស៊ីកំពុងព្យាយាមស្វែងរកអុកស៊ីហ្សែនជំនួយដង្ហើម។ អ៊ុយក្រែនបានច្រានចោលបទឈប់បាញ់ដែលផ្ដល់ដោយរុស្ស៊ី នៅថ្ងៃបុណ្យណូអែលតាមនិកាយអ៊ុតូដុកដោយនិយាយថា គ្មានបទឈប់បាញ់ណាមួយកើតឡើង ល្គឹកណារុស្ស៊ីដកកងទ័ពចេញពីទឹកដីអ៊ុយក្រែន។ ពេលត្រូវបានសួរអំពីសំណើបទឈប់បាញ់ លោក Biden បានប្រាប់ក្រុមអ្នកសារព័ត៌មាននៅសេតវិមានថា ខ្ញុំស្ទាក់ស្ទើរក្នុងការឆ្លើយតបទៅនឹងសម្ដីរបស់លោក Putin។ ខ្ញុំដឹងថា វាជារឿងគួរឲ្យចាប់អារម្មណ៍ ដែលលោកមានបំណងទម្លាក់គ្រាប់បែកលើមន្ទីរពេទ្យ មណ្ឌលថែទាំងកុមារ និងព្រះវិហារនៅថ្ងៃទី២៥ និងថ្ងៃឆ្លងឆ្នាំសកល។ ខ្ញុំចង់បានន័យថា ខ្ញុំគិតថា លោក Putin កំពុងព្យាយាមស្វែងរកអុកស៊ីហ្សែន និងដកឃ្លានៅក្នុងសមរភូមិប្រយុទ្ធ៕ អត្ថបទ៖ សុខមាន

លោកជំទាវ ឱ វណ្ណឌីន អំពាវនាវឲ្យបញ្ឈប់ការផ្សព្វផ្សាយ ចែករំលែកព័ត៌មាន គ្មានប្រភព និងគ្មានការបញ្ជាក់ច្បាស់លាស់ពាក់ព័ន្ធការរីករាលដាលមេរោគ

ភ្នំពេញ៖ លោកជំទាវ ឱ វណ្ណឌីន អ្នកនាំពាក្យក្រសួងសុខាភិបាលប្រកាសឲ្យបញ្ឈប់ការផ្សាយព័ត៌មានដែលមិនទាន់មានការពន្យល់ណាមួយ ពីមន្ត្រីជំនាញ ឬប្រភពច្បាស់លាស់ កុំអោយមានការភាន់ច្រឡំ។លោកជំទាវបញ្ជាក់តាមសារ Telegramថា XBB variant មានរោគសញ្ញាប្រហាក់ប្រហែលនឹងជំងឺផ្តាសាយធំដូចយេីងបានដឹងរួចមកហេីយៗគ្រប់តែប្រភេទវីរុស ទោះជាអូមីក្រុងក្តី ដែលតាក្តី ឫប្រភេទផ្សេងៗទៀតក្តី បេីខ្វះនូវការការពារ វាអាចឆ្លងគ្រប់ពេលវេលា គ្រប់កាល:ទេស: និងគ្រប់ទីកន្លែង ហេីយក៏អាចវិវត្តន៍ទៅធ្ងន់ធ្ងរបានដែរ ជាពិសេសអ្នកមានជំងឺប្រចាំកាយ និងមនុស្សវ័យចាស់ជាដេីម។លោកជំទាវបន្តថា “វាមានលទ្ធភាពឆ្លងលឿនជាងប្រភេទមុនៗ ក៏ប៉ុន្តែវ៉ាក់សាំងកូវីដ-១៩ ដូសជំរុញបន្តបន្ទាប់ នៅតែជួយកាត់បន្ថយបានច្រើនលើអត្រាឈឺធ្ងន់ធ្ងរ អត្រាស្លាប់ និងអត្រាចូលសម្រាកពេទ្យ។ ដូច្នេះ សូមចូលរួមចាក់វ៉ាក់សាំងកូវីដ-១៩ ដូសជំរុញបន្តបន្ទាប់ទៀត និងបន្តប្រុងប្រយ័ត្នដោយអនុវត្តន៍វិធានការ ៣ការពារ ៣កុំ”៕

អ៊ុយក្រែននិយាយថា រុស្ស៊ីមានគម្រោងកេណ្ឌកម្លាំងថ្មីដើម្បីពន្យារពេលបរាជ័យ

អ៊ុយក្រែន៖ លោកប្រធានាធិបតីអ៊ុយក្រែន Volodymyr Zelenskyy បាននិយាយថា រុស្ស៊ីកំពុងមានគម្រោងប្រមូលទាហានបន្ថែមទៀតសម្រាប់ការវាយលុកថ្មី ទាំងដែលទីក្រុង Moscow នៅពេលនេះកំពុងប្រឈមការរិះគន់យ៉ាងខ្លាំងបំផុតនៅក្នុងប្រទេសលើសង្គ្រាម ក្នុងការវាយប្រហារកាលពីថ្ងៃឆ្លងឆ្នាំសកលដែលបានសម្លាប់ទាហានកេណ្ឌថ្មីជិត ៩០នាក់។ ទីក្រុង Kyiv បាននិយាយជាច្រើនសប្ដាហ៍មកហើយថា លោកប្រធានាធិបតីរុស្ស៊ី Vladimir Putin មានផែនការបញ្ជាឲ្យកេណ្ឌកម្លាំងដ៏ច្រើនបន្ថែមទៀត និងបិទព្រំដែនដើម្បីរារាំងក្រុមបុរសៗកុំឲ្យគេចចេញពីការកេណ្ឌទ័ព។ លោក Zelenskyy បាននិយាយនៅក្នុងសុន្ទរកថាតាមវីដេអូពេលយប់កាលពីថ្ងៃអង្គារថា យើងប្រាកដក្នុងចិត្តណាស់ថា មេដឹកនាំរុស្ស៊ីបច្ចុប្បន្ននឹងប្រើអ្វីគ្រប់យ៉ាងដែលពួកគេនៅសេសសល់ និងអ្នកទាំងអស់គ្នាដែលគេអាចប្រមូលមកបានដើម្បីបង្វែរទិសដៅសង្គ្រាម យ៉ាងហោចណាស់ក៏ពន្យារពេលដល់ការបរាជ័យរបស់ពួកគេដែរ។ យើងត្រូវតែបង្អាក់សេណារីយ៉ូមួយនេះរបស់រុស្ស៊ី ហើយរាល់ការប៉ុនប៉ងបើកការវាយប្រហារថ្មីៗ ណាមួយរបស់ពួកគេត្រូវតែបរាជ័យ៕អត្ថបទ៖ សុខមាន

លោក Putin បញ្ជូនចេញនាវាចម្បាំងបំពាក់ដោយមីស៊ីលតម្រង់គោលដៅល្បឿនលឿនជាងសំឡេងថ្មី

រុស្ស៊ី៖ នាវាចម្បាំងបំពាក់ដោយមីស៊ីល Zircon ល្បឿនលឿនជាងសំឡេង បានចាកចេញពីមូលដ្ឋានកងទ័ពជើងទឹកប្រទេសរុស្ស៊ី។ ប្រធានាធិបតីរុស្ស៊ីលោក Vladimir Putin កាលពីថ្ងៃពុធបានបញ្ជូននាវាចម្បាំងមួយគ្រឿង ទៅកាន់មហាសមុទ្រអាត្លង់ទិកបំពាក់មីស៊ីល Zircon ដែលមានល្បឿនលឿនជាងសំឡេង។ នៅក្នុងសន្និសីទវីដេអូមួយជាមួយរដ្ឋមន្ត្រីការពារជាតិលោក Sergei Shoigu និងលោក Igor Krokhmal មេបញ្ជាការនាវាចម្បាំង លោក Putin បាននិយាយថា នាវានេះត្រូវបានបំពាក់ដោយអាវុធល្បឿនលឿនជាងសំឡេង Zircon។ នាវាចម្បាំងនេះត្រូវបានបញ្ជូនទៅកាន់មហាសមុទ្រអាត្លង់ទិក ជាសញ្ញាមួយទៅកាន់ប្រទេសលោកខាងលិចថា រុស្ស៊ីនឹងមិនចុះចាញ់ចំពោះអ្វីដែលទីក្រុងមូស្គូបានចាត់ទុកថាជា «ប្រតិបត្តិការសឹកពិសេស» របស់ខ្លួននៅអ៊ុយក្រែនឡើយ។ ក្រសួងការពារជាតិរុស្ស៊ី ក្រោយមកបានបញ្ចេញវីដេអូដែលខ្លួននិយាយថា ជានាវាចម្បាំងបំពាក់ដោយមីស៊ីល Zircon មានល្បឿនលឿនជាងសំឡេង ចាកចេញពីមូលដ្ឋានទ័ពជើងទឹករុស្ស៊ីនៅទីក្រុង Severomorsk ភាគខាងជើងក្នុងតំបន់ Murmansk។ ប្រទេសរុស្ស៊ី ចិន និងសហរដ្ឋអាមេរិកកំពុងស្ថិតក្នុងការប្រជែងគ្នា ដើម្បីផលិតអាវុធល្បឿនលឿនជាងសំឡេង ដែលត្រូវបានគេមើលឃើញថា ជាមធ្យោបាយមួយដើម្បីដណ្តើមយកប្រៀបលើសត្រូវណាមួយ ដោយសារតែល្បឿនរបស់អាវុធលើសពីល្បឿនសំឡេងប្រាំដង និងអាចបត់បែនក្នុងសមយុទ្ធបាន។ លោក Putin និយាយថា លើកនេះនាវាចម្បាំងត្រូវបានបំពាក់ដោយ ប្រព័ន្ធមីស៊ីលលឿនជាងសំឡេងចុងក្រោយបង្អស់គឺមីស៊ីល Zircon។ លោកប្រាកដថា សព្វាវុធដ៏មានឥទ្ធិពលបែបនេះនឹងការពាររុស្ស៊ីយ៉ាងមានទំនុកចិត្ត ពីការគំរាមកំហែងពីខាងក្រៅដ៏មានសក្តានុពល។ លោក Putin និយាយថា សព្វាវុធទាំងនោះគ្មានគូប្រៀប។ រយៈពេលជាង ១០ខែចាប់តាំងពីលោក Putin បានបញ្ជូនកងទ័ពចូលទៅកាន់ប្រទេសអ៊ុយក្រែន នៅពុំទាន់មើលឃើញទីបញ្ចប់ចំពោះ «ប្រតិបត្តិការសឹកពិសេស» ដែលបានធ្លាក់ចូលទៅក្នុងសមរភូមិកាំភ្លើងធំរដូវរងា ដែលបានបណ្តាលឲ្យជនស៊ីវិលស្លាប់ និងធ្វើឱ្យទាហានរាប់ម៉ឺននាក់ស្លាប់ និងរងរបួសទាំងសងខាង៕អត្ថបទ៖ ប៊ុនថន

WHO៖ ទិន្នន័យ COVID-19 របស់ប្រទេសចិនបង្ហាញករណីកើនឡើង និងអ្នកស្លាប់តិច

ចិន៖ មន្ត្រីជាន់ខ្ពស់អង្គការសុខភាពពិភពលោកបាននិយាយកាលពីថ្ងៃពុធថា ទិន្នន័យវីរុស COVID-19 របស់ប្រទេសចិនមិនបានផ្តល់រូបភាពត្រឹមត្រូវនៃស្ថានភាពនៅទីនោះទេ ហើយបង្ហាញចំនួនអ្នកចូលសម្រាកព្យាបាលនៅមន្ទីរពេទ្យ និងអ្នកស្លាប់ដោយសារជំងឺនេះតិច។ ការអត្ថាធិប្បាយនេះបានធ្វើឡើង ខណៈទីភ្នាក់ងារអង្គការសហប្រជាជាតិត្រៀមជួប ជាមួយអ្នកវិទ្យាសាស្ត្រចិនម្តងទៀតនៅថ្ងៃព្រហស្បតិ៍នេះ ជាផ្នែកមួយនៃការពិភាក្សាកាន់តែទូលំទូលាយក្នុងចំណោមរដ្ឋជាសមាជិក ស្តីពីស្ថានភាពជំងឺ Covid-19 សកល។ លោក Mike Ryan នាយកផ្នែកសង្គ្រោះបន្ទាន់របស់អង្គការសុខភាពពិភពលោក បាននិយាយនៅក្នុងសន្និសីទសារព័ត៌មានថា យើងជឿថា ចំនួនបច្ចុប្បន្នដែលត្រូវបានផ្សព្វផ្សាយពីប្រទេសចិនបង្ហាញពីផលប៉ះពាល់ពិតតិចបំផុតនៃជំងឺនេះ ទាក់ទងនឹងការចូលសម្រាកនៅមន្ទីរពេទ្យ ស្ថានភាពនៃការចូលព្យាបាលនៅផ្នែកសង្គ្រោះបន្ទាន់ ជាពិសេសទាក់ទងនឹងចំនួនអ្នកស្លាប់។ អគ្គនាយកអង្គការសុខភាពពិភពលោកលោក Tedros Adhanom Ghebreyesus បានថ្លែងសារជាថ្មីថា អង្គការសុខភាពពិភពលោកមានការព្រួយបារម្ភអំពីការកើនឡើងករណីឆ្លងវីរុស COVID-19 នៅក្នុងប្រទេសចិន ហើយបានជំរុញទីក្រុងប៉េកាំងជាថ្មីម្តងទៀតឱ្យផ្តល់ទិន្នន័យយ៉ាងឆាប់រហ័ស និងទៀងទាត់ស្តីពីការសម្រាកព្យាបាលនៅមន្ទីរពេទ្យ និងចំនួនអ្នកស្លាប់នៅទីនោះ។ លោកនិយាយនៅក្នុងសន្និសីទសារព័ត៌មានថា យើងបន្តស្នើសុំប្រទេសចិនសម្រាប់ទិន្នន័យរហ័ស ទៀងទាត់ និងគួរឱ្យទុកចិត្តបន្ថែមទៀតលើការចូលសម្រាកព្យាបាលនៅមន្ទីរពេទ្យ និងចំនួនអ្នកស្លាប់។ អង្គការសុខភាពពិភពលោកមានការព្រួយបារម្ភអំពីហានិភ័យដល់អាយុជីវិតនៅក្នុងប្រទេសចិន ហើយបានបញ្ជាក់សារជាថ្មីអំពីសារៈសំខាន់នៃការចាក់វ៉ាក់សាំង រួមទាំងវ៉ាក់សាំងដូសជំរុញ ដើម្បីការពារប្រឆាំងការចូលសម្រាកនៅមន្ទីរពេទ្យ ជំងឺធ្ងន់ធ្ងរ និងការស្លាប់៕អត្ថបទ៖ ប៊ុនថន

មេដឹកនាំកូរ៉េខាងត្បូងព្រមានបញ្ចប់សន្ធិសញ្ញាយោធា ក្រោយកូរ៉េខាងជើងបង្ហោះយានដ្រូនចូលទឹកដីខ្លួន

កូរ៉េខាងត្បូង៖ សារព័ត៌មាន Reuters បានរាយការណ៍ដោយសំអាងប្រភពពីអ្នកនាំពាក្យប្រធានាធិបតីកូរ៉េខាងត្បូងថា ប្រធានាធិបតីកូរ៉េខាងត្បូងលោក Yoon Suk-yeol បាននិយាយកាលពីថ្ងៃពុធថា លោកនឹងពិចារណាផ្អាកសន្ធិសញ្ញាយោធាអន្តរកូរ៉េឆ្នាំ២០១៨ បើកូរ៉េខាងជើងបំពានដែនអាកាសរបស់ខ្លួនទៀត។ សារព័ត៌មាន Reuters បានដកស្រង់សម្ដីរបស់លោក Kim Eun-hye អ្នកនាំពាក្យរបស់លោកប្រធានាធិបតី Yoon Suk-yeol ដោយនិយាយថា លោក Yoon បានធ្វើអត្ថាធិប្បាយបែបនេះ ក្រោយថ្លែងពីវិធានការតបលើយានដ្រូនរបស់កូរ៉េខាងជើង ដែលបានហោះឆ្លងចូលកូរ៉េខាងត្បូងកាលពីសប្ដាហ៍មុន ដោយអំពាវនាវឲ្យចាត់វិធានការតបឲ្យបានច្រើនតាមលទ្ធភាពដែលហួសពីកម្រិតសមាមាត្រ។ លោក Kim បានប្រាប់សន្និសីទសារព័ត៌មានថា អំឡុងជំនួបនោះលោកបានណែនាំការិយាល័យសន្តិសុខជាតិ ឲ្យពិចារណាផ្អាកសុពលភាពនៃកិច្ចព្រមព្រៀងយោធា ប្រសិនកូរ៉េខាងជើងបង្កើតសកម្មភាពបង្ករឿងផ្សេងទៀតដោយឈ្លានពានចូលទឹកដីរបស់យើង។ កិច្ចព្រមព្រៀងឆ្នាំ២០១៨ បានធ្វើឡើងនៅក្រៅជំនួបកំពូលរវាងលោក Kim Jong Un និងអតីតប្រធានាធិបតីកូរ៉េខាងត្បូងលោក Moon Jae-in ដោយអំពានាវឲ្យមានបទឈប់បាញ់ និងបញ្ឈប់ទង្វើអរិភាពទាំងអស់ បង្កើតតំបន់គ្មានការហោះហើរជុំវិញព្រំដែន និងការបោសសម្អាតគ្រាប់មីន និងប៉ុស្តិ៍យាមកាមនៅក្នុងតំបន់គ្មានយោធាដែលមានការរឹតបន្តឹងយ៉ាងខ្លាំង។ រដ្ឋាភិបាលពុំបានបញ្ជាក់ទេថា មានមីនប៉ុន្មានគ្រាប់ និងប៉ុស្តិ៍យាមកាមប៉ុន្មានកន្លែងត្រូវបានដោះ និងរុះរើចេញ៕អត្ថបទ៖ សុខមាន

សហភាពអឺរ៉ុបជំរុញយ៉ាងទទូចឲ្យធ្វើតេស្តរកវីរុស COVID-19 លើអ្នកដំណើរជនជាតិចិន

អឺរ៉ុប៖ ក្រុមមន្ត្រីសហភាពអឺរ៉ុបបានជំរុញយ៉ាងទទូចថា គ្រប់រដ្ឋជាសមាជិកទាំងអស់ត្រូវតែតម្រូវឲ្យមានលទ្ធផលតេស្តអវិជ្ជមាននៃវីរុស Covid-19 ពីគ្រប់អ្នកដំណើរជនជាតិចិន មុនពេលអនុញ្ញាតឲ្យពួកគេធ្វើដំណើរចូលទឹកនេះ។ ការធ្វើដំណើរទាំងចេញ និងចូលរបស់ប្រទេសចិនកាន់តែងាយស្រួលកាលពីថ្ងៃអាទិត្យ ជាផ្នែកមួយនៃការលុបបំបាត់ចោលគោលនយោបាយគ្មានវីរុស Covid ឬ "zero-Covid"។ បច្ចុប្បន្នប្រទេសចិនកំពុងមើលឃើញករណីឆ្លងវីរុស Covid ហក់ឡើងខ្ពស់ ស្របពេលមានរបាយការណ៍នានា ស្ដីពីការផ្ទុកអ្នកជំងឺនៅមន្ទីរពេទ្យលើសចំនួនកំណត់ និងការបូជាសពកាន់តែច្រើន។ ប្រទេសជាសមាជិកសហភាពអឺរ៉ុបមួយចំនួន បានដាក់ចេញវិធានការធ្វើតេស្តរួចទៅហើយ ទោះបីជាមានការណែនាំកាលពីពេលថ្មីៗនេះថា ការធ្វើតេស្តនេះមិនអាចយកជាការបានក៏ដោយ។ អនុសាសន៍កាលពីថ្ងៃពុធស្តីពីលទ្ធផលតេស្តអវិជ្ជមាន បានមកពីក្រុមឆ្លើយតបវិបត្តិនយោបាយសមាហរណកម្មរបស់សហភាពអឺរ៉ុប (IPCR) ដែលជាស្ថាប័នដែលបង្កើតឡើងដោយមន្ត្រីមកពីរដ្ឋាភិបាលទាំង 27 របស់សហភាពអឺរ៉ុប។ ការជំរុញនេះកើតឡើងមួយថ្ងៃបន្ទាប់ពីគណៈកម្មការអឺរ៉ុប ដែលជាស្ថាប័នប្រតិបត្តិនៃសហភាពអឺរ៉ុបបាននិយាយថា ភាគច្រើននៃរដ្ឋជាសមាជិកចំនួនបានអនុគ្រោះ ដល់ការរឹតបន្តឹងលើការមកដល់របស់ជនជាតិចិន។ ការរឹតត្បិតលើការធ្វើដំណើរទៅដល់របស់ជនជាតិចិន ក្នុងវិធានការទប់ស្កាត់ការឆ្លងរាលដាលវីរុស COVID-19 បានធ្វើឲ្យចិនផ្ទុះកំហឹង និងប្ដេជ្ញាឆ្លើយតបលើបណ្ដាប្រទេសទាំងនោះវិញ៕អត្ថបទ៖ សុខមាន

សភាសហរដ្ឋអាមេរិកស្ថិតក្នុងភាពវឹកវរ ក្រោយលោក Kevin McCarthy ចាញ់ការបោះឆ្នោតប្រធានសភា

អាមេរិក៖ មេដឹកនាំក្រុមសាធារណរដ្ឋលោក Kevin McCarthy ទទួលរងបរាជ័យម្តងហើយម្តងទៀត ក្នុងការប៉ុនប៉ងរបស់លោកក្លាយជាប្រធានសភាតំណាងរាស្ត្រសហរដ្ឋអាមេរិក។ សភាលើកវារកាលដោយគ្មានប្រធានកាលពីយប់ថ្ងៃអង្គារ គឺជាលើកដំបូងចាប់តាំងពីឆ្នាំ១៩២៣ ដែលពួកគេមិនអាចជ្រើសរើសមេដឹកនាំបាន ក្រោយការបោះឆ្នោតជុំដំបូង។ ការចាប់ផ្តើមសភាថ្មីត្រូវបានគេសន្មតថា ជាជ័យជំនះមួយសម្រាប់គណបក្សសាធារណរដ្ឋ ខណៈដែលពួកគេគ្រប់គ្រងសភា បន្ទាប់ពីការបោះឆ្នោតកាលពីខែវិច្ឆិកាកន្លងទៅ តែផ្ទុយទៅវិញលោក McCarthy ប្រឈមនឹងការបះបោរពីជួរគណបក្សខ្លួនឯងទៅវិញ ហើយនឹងបង្កើតប្រវត្តិសាស្ត្រសម្រាប់ហេតុផលខុស។ សមាជិកសភាមកពីរដ្ឋ California រូបនេះបានចាញ់ការបោះឆ្នោត ៣លើកជាប់ៗគ្នាសម្រាប់តំណែងប្រធានសភាមកទល់នឹងពេលនេះ ហើយគេនៅពុំទាន់ដឹងច្បាស់នោះទេថា តើអ្វីទៅជាផ្លូវអាចឆ្ពោះទៅរកជ័យជំនះរបស់លោក ពេលដែលសភាវិលត្រឡប់មកជួបជុំគ្នាវិញនៅថ្ងៃពុធនេះ ដើម្បីព្យាយាមសាកល្បងម្តងទៀត។ ពួកគេនៅតែបន្តបោះឆ្នោតបែបនេះរហូតដល់នរណាម្នាក់ឈ្នះសំឡេងភាគច្រើន៕អត្ថបទ៖ សារ៉ាត់

យ៉ាងហោច ៧០ភាគរយនៃពលរដ្ឋ ២៥លាននាក់នៅទីក្រុងសៀងហៃអាចបានឆ្លងជំងឺ COVID-19

សៀងហៃ៖ គ្រូពេទ្យម្នាក់នៅមន្ទីរពេទ្យក្រុងសៀងហៃ បង្ហើបឲ្យដឹងពីគ្រោះអាសន្ននៃការហក់ឡើងខ្ពស់ករណីឆ្លងជំងឺ COVID-19 នៅក្នុងប្រទេសចិន ខណៈដែលលោកប៉ាន់ប្រមាណថា យ៉ាងហោច ៧០ភាគរយនៃពលរដ្ឋក្នុងទីក្រុងមួយនេះបានឆ្លងវីរុស។ លោក Chen Erzhen គឺជាអនុប្រធានមន្ទីរពេទ្យ Ruijin និងជាសមាជិកគណៈក្រុមប្រឹក្សាយោបល់អ្នកជំនាញជំងឺ COVID-19 របស់ទីក្រុងសៀងហៃបានប៉ាន់ប្រមាណថា យ៉ាងហោច ៧០ភាគរយនៃប្រជាពលរដ្ឋ ២៥លាននាក់រស់នៅក្នុងទីក្រុងមួយនេះបានឆ្លងវីរុស បន្ទាប់ពីដកចេញគោលនយោបាយជំងឺ COVID-19 កម្រិតសូន្យនៅប្រទេសចិន។ លោកបាននិយាយប្រាប់កាសែតរដ្ឋចិន People’s Daily ថា បច្ចុប្បន្នការរីករាលដាលឆ្លងវីរុសនៅក្នុងទីក្រុងសៀងហៃមានទំហំធំធេងខ្លាំងណាស់ ហើយវាអាចនឹងឈានដល់ចំនួន ៧០ភាគរយនៃពលរដ្ឋ ពោលគឺជាចំនួនច្រើនជាង ២០ ទៅ ៣០ដងនៃករណីឆ្លងកាលពីខែមេសា និងខែឧសភា។ លោកបន្តថា មន្ទីរពេទ្យរបស់លោកទទួលអ្នកសង្គ្រោះបន្ទាន់រហូតដល់ ១.៦០០នាក់ក្នុង ១ថ្ងៃៗ ពោលគឺកើនឡើងទ្វេដងច្រើនជាងមុនពេលដកចេញវិធានការរឹតត្បិត ហើយរថយន្តគិលានសង្គ្រោះជាង ១០០គ្រឿងធ្វើដំណើរមកដល់មន្ទីរពេទ្យជារៀងរាល់ថ្ងៃ ខណៈដែលពាក់កណ្ដាលនៃអ្នកជំងឺរងហានិភ័យខ្ពស់មានវ័យលើសពី ៦៥ឆ្នាំ៕អត្ថបទ៖ សារ៉ាត់

បណ្ដាញសង្គម

ព័ត៌មានថ្មីៗ

ចំនួនអ្នកស្លាប់កើនឡើងដល់ជាង៩0០នាក់ក្នុងរញ្ជួយដីនៅវ៉េណេស៊ុយអេឡា ខណៈគ្រួសារជាច្រើនអន្ទះសាររង់ចាំព័ត៌មាន

ប្រធានគណៈប្រចាំការនៃគណៈអចិន្ត្រៃយ៍យុវជនគណបក្សប្រជាជនកម្ពុជាថ្នាក់កណ្ដាល និងលេខាទី១ នៃគណៈកម្មាធិការមជ្ឈិមសម្ព័ន្ធយុវជនកុម្មុយនីស្តចិនចុះអនុស្សរណៈស្ដីពីកិច្ចសហប្រតិបត្តិការជាមួយគ្នា

កសិដ្ឋានចិញ្ចឹមសត្វគោ និងជ្រូកនៅប្រទេសបែលហ្ស៊ិក កំពុងជួបការលំបាក ដោយសាររលកកម្តៅ

នយោបាយឈ្នះ-ឈ្នះនាំឱ្យកម្ពុជាសម្រេចបានសន្តិភាព និងការអភិវឌ្ឍដូចសព្វថ្ងៃ

អ៊ីរ៉ង់៖ ការឆ្លងកាត់ច្រកសមុទ្រ Hormuz មិនត្រូវបានធានាទេ បើគ្មានការសម្របសម្រួលជាមួយទីក្រុងតេអេរ៉ង់

ប្រធានាធិបតីជិតឡើងកាន់អំណាចកូឡុំប៊ី ចេញឱសានវាទដល់ក្រុមឧក្រិដ្ឋកម្មប្រដាប់អាវុធ

មន្ត្រីជាន់ខ្ពស់៖ លីបង់ទាមទារឲ្យអ៊ីស្រាអែលដកទ័ពទាំងស្រុង ក្នុងកិច្ចព្រមព្រៀងណាមួយ នៅទីក្រុងវ៉ាស៊ីនតោន

កម្ពុជា ប្តេជ្ញាធ្វើការងារជិតស្និទ្ធជាមួយចិន ដើម្បីពង្រីកបន្ថែមទាំងវិសាលភាព និងភាពស៊ីជម្រៅនៃទំនាក់ទំនងទ្វេភាគី

រញ្ជួយដីកម្រិត ៦,៥រ៉ិចទ័រ វាយប្រហារកោះ នៅភាគខាងត្បូងនៃប្រទេសហ្វីលីពីន

UN ជំរុញឲ្យមានសេចក្តីថ្លៃថ្នូរសម្រាប់ជនអន្តោប្រវេសន៍ ក្រោយតុលាការអាមេរិកសម្រេចលើជនអន្តោប្រវេសន៍ហៃទី និងស៊ីរី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អាស៊ី-អាគ្នេយ៍នឹងក្លាយជាអ្នកទទួលផលដ៏ច្រើនបំផុតពីការទទួលយកអ្នកដំណើរចេញពីប្រទេសចិន

លោក Biden និយាយថា លោក Putin កំពុងព្យាយាមបញ្ចូលអុកស៊ីហ្សែនដោយប្រើសំណើបទឈប់បាញ់

អ៊ុយក្រែននិយាយថា រុស្ស៊ីមានគម្រោងកេណ្ឌកម្លាំងថ្មីដើម្បីពន្យារពេលបរាជ័យ

លោក Putin បញ្ជូនចេញនាវាចម្បាំងបំពាក់ដោយមីស៊ីលតម្រង់គោលដៅល្បឿនលឿនជាងសំឡេងថ្មី

WHO៖ ទិន្នន័យ COVID-19 របស់ប្រទេសចិនបង្ហាញករណីកើនឡើង និងអ្នកស្លាប់តិច

មេដឹកនាំកូរ៉េខាងត្បូងព្រមានបញ្ចប់សន្ធិសញ្ញាយោធា ក្រោយកូរ៉េខាងជើងបង្ហោះយានដ្រូនចូលទឹកដីខ្លួន

សហភាពអឺរ៉ុបជំរុញយ៉ាងទទូចឲ្យធ្វើតេស្តរកវីរុស COVID-19 លើអ្នកដំណើរជនជាតិចិន

សភាសហរដ្ឋអាមេរិកស្ថិតក្នុងភាពវឹកវរ ក្រោយលោក Kevin McCarthy ចាញ់ការបោះឆ្នោតប្រធានសភា

យ៉ាងហោច ៧០ភាគរយនៃពលរដ្ឋ ២៥លាននាក់នៅទីក្រុងសៀងហៃអាចបានឆ្លងជំងឺ COVID-19

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

អាស៊ី​-​អាគ្នេយ៍​នឹង​ក្លាយជា​អ្នកទទួលផល​ដ៏​ច្រើន​បំផុត​ពី​ការទទួលយក​អ្នកដំណើរ​ចេញពី​ប្រទេស​ចិន

លោក Biden និយាយថា លោក Putin កំពុង​ព្យាយាម​បញ្ចូល​អុកស៊ីហ្សែន​ដោយ​ប្រើ​សំណើ​បទ​ឈប់​បាញ់

អ៊ុយ​ក្រែ​ន​និយាយថា រុស្ស៊ី​មាន​គម្រោង​កេណ្ឌ​កម្លាំង​ថ្មី​ដើម្បី​ពន្យារពេល​បរាជ័យ

លោក Putin បញ្ជូន​ចេញ​នាវាចម្បាំង​បំពាក់​ដោយ​មី​ស៊ី​ល​តម្រង់​គោលដៅ​ល្បឿន​លឿន​ជាង​សំឡេង​ថ្មី

WHO៖ ទិន្នន័យ COVID-19 របស់​ប្រទេស​ចិន​បង្ហាញ​ករណី​កើនឡើង និង​អ្នកស្លាប់​តិច

សហភាព​អឺរ៉ុប​ជំរុញ​យ៉ាងទទូច​ឲ្យ​ធ្វើតេស្តរ​កវី​រុស COVID-19 លើ​អ្នកដំណើរ​ជនជាតិ​ចិន

សភា​សហរដ្ឋអាមេរិក​ស្ថិត​ក្នុង​ភាព​វឹកវរ ក្រោយ​លោក Kevin McCarthy​ ចាញ់​ការបោះឆ្នោត​ប្រធាន​សភា

យ៉ាង​ហោច ៧០​ភាគរយ​នៃ​ពលរដ្ឋ ២៥​លាន​នាក់​នៅ​ទីក្រុង​សៀង​ហៃ​អាច​បាន​ឆ្លង​ជំងឺ COVID-19

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អាស៊ី-អាគ្នេយ៍នឹងក្លាយជាអ្នកទទួលផលដ៏ច្រើនបំផុតពីការទទួលយកអ្នកដំណើរចេញពីប្រទេសចិន

លោក Biden និយាយថា លោក Putin កំពុងព្យាយាមបញ្ចូលអុកស៊ីហ្សែនដោយប្រើសំណើបទឈប់បាញ់

អ៊ុយក្រែននិយាយថា រុស្ស៊ីមានគម្រោងកេណ្ឌកម្លាំងថ្មីដើម្បីពន្យារពេលបរាជ័យ

លោក Putin បញ្ជូនចេញនាវាចម្បាំងបំពាក់ដោយមីស៊ីលតម្រង់គោលដៅល្បឿនលឿនជាងសំឡេងថ្មី

WHO៖ ទិន្នន័យ COVID-19 របស់ប្រទេសចិនបង្ហាញករណីកើនឡើង និងអ្នកស្លាប់តិច

សហភាពអឺរ៉ុបជំរុញយ៉ាងទទូចឲ្យធ្វើតេស្តរកវីរុស COVID-19 លើអ្នកដំណើរជនជាតិចិន

សភាសហរដ្ឋអាមេរិកស្ថិតក្នុងភាពវឹកវរ ក្រោយលោក Kevin McCarthy ចាញ់ការបោះឆ្នោតប្រធានសភា

យ៉ាងហោច ៧០ភាគរយនៃពលរដ្ឋ ២៥លាននាក់នៅទីក្រុងសៀងហៃអាចបានឆ្លងជំងឺ COVID-19