BTV NEWS

សម្តេចធិបតី ណែនាំឱ្យក្រសួងស្ថាប័នពាក់ព័ន្ធត្រៀមឆ្លើយតបជាមួយបាតុភូតធម្មជាតិ El Niño ដែលកម្ពុជាកំពុងទទួលរងឥទ្ធិពល

សម្ដេចធិបតីណែនាំអាជ្ញាធរពាក់ព័ន្ធគ្រប់លំដាប់ថ្នាក់ ត្រួតពិនិត្យ និងគ្រប់គ្រងឱ្យបានចំពោះទំនិញគេចពន្ធ និងខូចគុណភាព ហើយត្រូវសហការគ្នាចាត់វិធានការឱ្យបានច្បាស់លាស់

សម្ដេចធិបតីក្រើនរំឭកអាជ្ញាធរពាក់ព័ន្ធគ្រប់លំដាប់ថ្នាក់ត្រូវបន្តបង្ក្រាប Online Scams មិនត្រូវបន្ធូរដៃឡើយ

សម្ដេចតេជោ ហ៊ុន សែន អញ្ជើញជួបពិភាក្សាទ្វេភាគីជាមួយ ឯកឧត្តម លី ឈាង នាយករដ្ឋមន្ត្រីចិន

ព័ត៌មានសំខាន់ៗ

ព្រឹកនេះ សម្តេចតេជោ ហ៊ុន សែន នឹងអញ្ជើញអបអរសាទរខួបលើកទី៤៤ នៃថ្ងៃជ័យជម្នះ ៧មករា

ភ្នំពេញ៖ នៅព្រឹក ថ្ងៃសៅរ៍ ១រោច ខែបុស្ស ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី៧ ខែមករា ឆ្នាំ២០២៣ នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា នឹងអញ្ជើញចូលរួមអបអរសាទរថ្ងៃជ័យជម្នះ៧មករា លើកទី៤៤ឆ្នាំ (៧ មករា ១៩៧៩-៧ មករា ២០២៣)យ៉ាងមហោឡារិក នៅមជ្ឈមណ្ឌលកោះពេជ្រ។ ពិធីអបអរសាទរខួបអនុស្សាវរីយ៍លើកទី៤៤ ទិវាជ័យជម្នះ ៧មករា នេះ នឹងមានការអញ្ជើញចូលរួមពីមន្រ្តីជាន់ខ្ពស់ជាច្រើនរូបរបស់គណបក្សប្រជាជនកម្ពុជា ព្រមទាំងមានការអញ្ជើញចូលរួមពីថ្នាក់ដឹកនាំ មន្ត្រីរាជការ ស្ថាប័នតាមក្រសួងនានា ភ្ញៀវជាតិ អន្តរជាតិ មន្ត្រីអង្គទូត សិស្សានុសិស្ស និងប្រជាពលរដ្ឋរាប់ម៉ឺននាក់ផងដែរ។ គួររំលឹកដែរថា កាលពី៤៤មុន ប្រជាពលរដ្ឋខ្មែរគ្រប់រូប រួមទាំងកុមារតូចៗត្រូវរស់នៅក្រោមការបង្ខិតបង្ខំអោយធ្វើការលើសកម្លាំង គ្មានថ្ងៃឈប់សម្រាក អាហារមិនគ្រប់គ្រាន់ គ្មានមន្ទីរពេទ្យ គ្មានសាលារៀន គ្មានវត្តអារាម ហើយសិទ្ធិសេរីភាពទាំងអស់របស់ពលរដ្ឋមិនមានឡើយ។ ប៉ុន្តែក្រោយពីប្រទេសជាតិត្រូវបានរំដោះ នៅថ្ងៃទី៧ ខែមករា ឆ្នាំ១៩៧៩ ក្រោមការដឹកនាំរបស់គណបក្សប្រជាជនកម្ពុជា ប្រជាពលរដ្ឋមានសិទ្ធិសេរីភាពពេញលេញឡើងវិញ ហើយប្រទេសជាតិទាំងមូលមានសុខសន្តិភាព និងការអភិវឌ្ឍន៍រីកចម្រើនគ្រប់វិស័យមកទល់សព្វថ្ងៃនេះ ក្រោមការដឹកនាំដ៏ឈ្លាសវៃ របស់សម្តេចតេជោ ហ៊ុន សែន ជានាយករដ្ឋមន្រ្តី និងជាប្រធានគណបក្សប្រជាជនកម្ពុជា៕

សម្ដេចតេជោ ហ៊ុន សែន ផ្ញើសារអបអរសាទរខួបអនុស្សាវរីយ៍លើកទី៤៤ នៃថ្ងៃជ័យជំនះ៧ មករា

ភ្នំពេញ៖ នៅព្រឹកថ្ងៃទី០៧ ខែមករា ឆ្នាំ២០២២៣នេះ តាមរយៈសារតាមបណ្តាញសង្គមFacebook សម្តេចតេជោ ហ៊ុន សែន បានមានប្រសាសន៍ថា នៅថ្ងៃទី៧ ខែមករា ឆ្នាំ២០២៣ នេះ គឺជាខួបលេីកទី៤៤ឆ្នាំ (៧ មករា ១៩៧៩-៧ មករា ២០២៣) ដែលកម្ពុជាត្រូវបានសង្គ្រោះ និងរំដោះចេញផុតពីរបបកម្ពុជាប្រជាធិបតេយ្យ ឬ ហៅថារបបប្រល័យពូជសាសន៍ ប៉ុល ពត ដែលបានធ្វើអោយកម្ពុជាក្លាយជាវាលពិឃាតដ៏ខ្មៅងងឹតអស់រយៈពេល៣ឆ្នាំ ៨ខែ និង២០ថ្ងៃ ។ គួររំលឹកដែរថា កាលពី៤៤មុន ប្រជាពលរដ្ឋខ្មែរគ្រប់រូប រួមទាំងកុមារតូចៗត្រូវរស់នៅក្រោមការបង្ខិតបង្ខំអោយធ្វើការលើសកម្លាំង គ្មានថ្ងៃឈប់សម្រាក អាហារមិនគ្រប់គ្រាន់ គ្មានមន្ទីរពេទ្យ គ្មានសាលារៀន គ្មានវត្តអារាម ហើយសិទ្ធិសេរីភាពទាំងអស់របស់ពលរដ្ឋមិនមានឡើយ។ ប៉ុន្តែក្រោយពីប្រទេសជាតិត្រូវបានរំដោះ នៅថ្ងៃទី៧ ខែមករា ឆ្នាំ១៩៧៩ ក្រោមការដឹកនាំរបស់គណបក្សប្រជាជនកម្ពុជា ប្រជាពលរដ្ឋមានសិទ្ធិសេរីភាពពេញលេញឡើងវិញ ហើយប្រទេសជាតិទាំងមូលមានសុខសន្តិភាព និងការអភិវឌ្ឍន៍រីកចម្រើនគ្រប់វិស័យមកទល់សព្វថ្ងៃនេះ ក្រោមការដឹកនាំដ៏ឈ្លាសវៃ របស់សម្តេចតេជោ ហ៊ុន សែន ជានាយករដ្ឋមន្រ្តី និងជាប្រធានគណបក្សប្រជាជនកម្ពុជា។សូមឱ្យស្មារតី៧មករា ស្ថិតនៅក្នុងក្រអៅបេះដូងប្រជាពលរដ្ឋគ្រប់ៗរូប និងជានិមិត្តរូបនៃសាមគ្គីជាតិ និងមហាគ្រួសារខ្មែរជាអមតៈ ក្រោមម្លប់សុខសន្តិភាពជានិច្ចនិរន្ត៍៕

កម្ពុជាប្រារព្ធខួបលើកទី៤៤ ទិវាជ័យជំនះ ៧មករា (៧ មករា ១៩៧៩ - ៧ មករា ២០២៣)

ភ្នំពេញ៖ នៅព្រឹកថ្ងៃតី០៧ ខែមករា ឆ្នាំ២០២៣នេះ កម្ពុជា ប្រារព្ធខួបលើកទី៤៤ ទិវាជ័យជំនះ ៧មករា (៧ មករា ១៩៧៩ - ៧ មករា ២០២៣)។នៅព្រឹកនេះផងដែរ BTV កំពុងផ្សាយព្រឹត្តិការណ៍ដ៏សំខាន់នេះhttps://fb.watch/hUq21noC6z/

ប្រទេសចិនច្រានចោលការខ្វះតម្លាភាពក្នុងការរាយការណ៍ទិន្នន័យអំពីវីរុស COVID-19

ចិន៖ ប្រទេសចិនបានច្រានចោលការព្រួយបារម្ភ អំពីរបៀបដែលខ្លួនរាយការណ៍អំពីចំនួនករណីឆ្លងវីរុស Covid-19 បច្ចុប្បន្នដែលកំពុងកើតឡើងលើប្រជាជនរបស់ខ្លួន។ ការច្រានចោលនេះធ្វើឡើង បន្ទាប់ពីអង្គការសុខភាពពិភពលោកបាននិយាយថា ទីក្រុងប៉េកាំងបានបន្ទាបផលប៉ះពាល់ នៃការកើនឡើងករណីឆ្លងវីរុសកាលពីពេលថ្មីៗនេះ។ អ្នកនាំពាក្យក្រសួងការបរទេសចិនលោកស្រី Mao Ning បាននិយាយថា ប្រទេសចិនតែងតែរក្សាទំនាក់ទំនងជិតស្និទ្ធជាមួយអង្គការសុខភាពពិភពលោក ហើយបានចែករំលែកព័ត៌មាន និងទិន្នន័យដែលពាក់ព័ន្ធ ស្របតាមគោលការណ៍បានទាន់ពេលវេលា ការបើកចំហ និងមានតម្លាភាព។ ប៉ុន្តែមន្ត្រីអង្គការសុខភាពពិភពលោកបាននិយាយកាលពីថ្ងៃពុធថា ទីក្រុងប៉េកាំងពុំបានផ្តល់ភាពត្រឹមត្រូវនោះទេ ជុំវិញចំនួនអ្នកចូលសម្រាកនៅមន្ទីរពេទ្យ និងចំនួនអ្នកស្លាប់។ មន្ត្រីអង្គការសហប្រជាជាតិនិយាយថា ការកំណត់ចំនួនរបស់ទីក្រុងប៉េកាំងនៃអ្នកស្លាប់ដែលទាក់ទងនឹងជំងឺ COVID-19 គឺតិចពេក។អគ្គនាយកលោក Tedros Adhanom Ghebreyesus បាននិយាយថា យើងបន្តស្នើសុំប្រទេសចិនសម្រាប់ទិន្នន័យរហ័ស ទៀងទាត់ និងគួរឱ្យទុកចិត្តបន្ថែមទៀតលើការចូលសម្រាកព្យាបាលនៅមន្ទីរពេទ្យ ខណៈអង្គការសុខភាពពិភពលោក(WHO) មានការព្រួយបារម្ភអំពីហានិភ័យដល់អាយុជីវិតនៅក្នុងប្រទេសចិន។ កាលពីថ្ងៃពុធ ប្រទេសចិនបានរាយការណ៍ករណីថ្មីជាង ៩០០០ករណី ប៉ុន្តែចំនួនជាក់ស្តែងត្រូវបានគេជឿថាមានចំនួនខ្ពស់ជាងនេះ។ ប្រទេសនេះបានបញ្ចប់ការធ្វើតេស្ត PCR ទ្រង់ទ្រាយធំកាលពីខែមុន នៅពេលដែលប្រទេសនេះបានកែប្រែគោលនយោបាយ «គ្មាន-COVID» របស់ខ្លួន៕អត្ថបទ៖ ប៊ុនថន

ប្រមុខអង្គការសហប្រជាជាតិនិយាយថា ការចរចាសន្តិភាពអ៊ុយក្រែន-រុស្ស៊ីនៅវែងឆ្ងាយទៀត

UN៖ អគ្គលេខាធិការអង្គការសហប្រជាជាតិលោក Antonio Guterres បាននិយាយកាលពីថ្ងៃព្រហស្បតិ៍ថា សន្តិភាពនៅក្នុងប្រទេសអ៊ុយក្រែនដែលហែកហួរដោយសង្គ្រាមនៅតែមិនទាន់មកដល់នោះទេ ហើយការពិភាក្សារវាងទីក្រុងមូស្គូ និងទីក្រុង Kyiv ដើម្បីនាំយកជម្លោះឲ្យឈានដល់ទីបញ្ចប់នៅមិនទាន់អាចធ្វើទៅបាននៅឡើយទេ។ ថ្លែងទៅកាន់ប្រព័ន្ធផ្សព្វផ្សាយនៅក្នុងព្រឹត្តិការណ៍មួយក្នុងប្រទេសព័រទុយហ្គាល់ ដែលលោកបានទទួលរង្វាន់ពីសាកលវិទ្យាល័យមួយ លោក Guterres និយាយថា ការសំខាន់នាពេលបច្ចុប្បន្នគឺធ្វើអ្វីៗគ្រប់យ៉ាង ដើម្បីកាត់បន្ថយផលប៉ះពាល់នៃសង្គ្រាម។ ការអត្ថាធិប្បាយរបស់លោក Guterres បានធ្វើឡើងបន្ទាប់ពីប្រធានាធិបតីទួរគីលោក Tayyip Erdogan បានប្រាប់ប្រធានាធិបតីអ៊ុយក្រែនលោក Volodymyr Zelenskyy កាលពីថ្ងៃព្រហស្បតិ៍ថា ទីក្រុងអង់ការ៉ា បានត្រៀមខ្លួនរួចជាស្រេចក្នុងការទទួលយកភារកិច្ចសម្របសម្រួល ដើម្បីទទួលបានសន្តិភាពរវាងប្រទេសទាំងពីរ។ នៅពេលត្រូវបានសួរដោយសារព័ត៌មាន Reuters អំពីការផ្តល់ឲ្យរបស់លោក Erdogan លោក Guterres បាននិយាយថា លោកជឿថា ពេលវេលាសម្រាប់ការចរចាសន្តិភាពពិតប្រាកដគឺនៅវែងឆ្ងាយនៅឡើយ។ ប៉ុន្តែលោកបាននិយាយថា សន្តិភាពត្រូវតែមកដល់នៅថ្ងៃណាមួយ ហើយនឹងត្រូវផ្អែកលើធម្មនុញ្ញរបស់អង្គការសហប្រជាជាតិ និងច្បាប់អន្តរជាតិ។ ប្រធានាធិបតីអ៊ុយក្រែនលោក Volodymyr Zelenskyy បាននិយាយថា រុស្ស៊ីកំពុងស្វែងរកបទឈប់បាញ់ដើម្បីប្រើជាការបិទបាំង ដើម្បីបញ្ឈប់ការរុលទៅមុខរបស់អ៊ុយក្រែននៅក្នុងតំបន់ Donbas ភាគខាងកើត និងនាំយកមនុស្ស និងយុទ្ធោបករណ៍មកបន្ថែមទៀត។ ប្រធានាធិបតីរុស្ស៊ីលោក វ្ល៉ាឌីមៀ ពូទីន បានអំពាវនាវកាលពីថ្ងៃព្រហស្បតិ៍សម្រាប់បទឈប់បាញ់រយៈពេល ៣៦ម៉ោងក្នុងប្រទេសអ៊ុយក្រែនដើម្បីប្រារព្ធពិធីបុណ្យណូអែល ជាចំណាត់ការមួយដែលត្រូវបានច្រានចោលដោយទីក្រុង Kyiv ដែលបាននិយាយថា មិនអាចមានបទឈប់បាញ់នោះទេ រហូតដល់រុស្ស៊ីដកកងទ័ពចេញពីទឹកដីដែលខ្លួនចូលគ្រប់គ្រង៕អត្ថបទ៖ ប៊ុនថន

អ៊ុយក្រែនទាត់ចោលបទឈប់បាញ់ក្នុងឱកាសបុណ្យណូអែលរយៈពេលខ្លី ៣៦ម៉ោងរបស់រុស្ស៊ីថាជាពុតត្បុត

រុស្ស៊ី៖ លោកប្រធានាធិបតីរុស្ស៊ី Vladimir Putin កាលពីថ្ងៃព្រហស្បតិ៍ ទី៥ ខែមករា បានបញ្ជាឲ្យមានបទឈប់បាញ់រយៈពេល ៣៦ម៉ោងនៅក្នុងប្រទេសអ៊ុយក្រែនអំឡុងឱកាសបុណ្យណូអែល ជាសកម្មភាពមួយដែលត្រូវបានទាត់ចោលភ្លាមៗដោយទីក្រុង Kyiv និងសម្ព័ន្ធមិត្ត ដោយលើកឡើងថា លោក Putin គ្មានបំណងស្វែងរកសន្តិភាពបញ្ចប់សង្គ្រាមទេ គ្រាន់តែចង់មានពេលវេលាសម្រាក និងមានបំណងបញ្ឈប់ការវាយលុករបស់អ៊ុយក្រែនប៉ុណ្ណោះ។ ការណែនាំរបស់លោក Putin ដល់ទាហានរបស់លោកត្រូវបានប្រកាសឡើងប៉ុន្មានថ្ងៃ បន្ទាប់ពីទីក្រុង Moscow បានរងការវាយប្រហារដ៏ធ្ងន់ធ្ងរដែលបានបាត់បង់ជីវិតទាហានកេណ្ឌថ្មីជិត ៩០នាក់នៅក្នុងប្រទេសអ៊ុយក្រែន ខណៈក្រុមអ្នកគាំទ្ររបស់អ៊ុយក្រែនប្ដេជ្ញាបញ្ជូនរថយន្តយោធា និងប្រព័ន្ធការពារដែនអាកាសប៉ាទ្រីយ៉ូតលើកទី២ ជាជំនួយទៅកាន់ទីក្រុង Kyiv។ ប្រទេសទាំង២ នឹងប្រារព្ធពិធីបុណ្យអ៊ុតូដុកណូអែល (Orthodox Christmas) ហើយបទបញ្ជារបស់មេដឹកនាំរុស្ស៊ីមានឡើង ក្រោយការអំពាវនាវឲ្យមានបទឈប់បាញ់ពីប្រធានាធិបតីទួរគី Recep Tayyip Erdogan និងប្រមុខព្រះវិហារនិកាយអ៊ុតូដុកលោក Patriarch Kirill ដែលជាអ្នកគាំទ្រដ៏រឹងមាំរបស់លោក Putin។ វិមានក្រឹមឡាំងបាននិយាយនៅក្នុងសេចក្ដីថ្លែងការណ៍ថា ដោយគោរពដល់ការអំពាវនាវរបស់ប្រមុខនិកាយអ៊ុតូដុកលោក Patriarch Kirill ខ្ញុំបានណែនាំដល់រដ្ឋមន្ត្រីការពារជាតិសហព័ន្ធរុស្ស៊ី ឲ្យអនុវត្តន៍បទឈប់បាញ់នៅទូទាំងខ្សែបន្ទាត់ទំនាក់ទំនងរវាងភាគីទាំង២ នៅអ៊ុយក្រែន។ វិមានក្រឹមឡាំងបាននិយាយថា បុណ្យណូអែលនឹងចាប់ផ្ដើមនៅពេលថ្ងៃត្រង់ថ្ងៃសុក្រ ទី៦ មករា និងបញ្ចប់នៅថ្ងៃសៅរ៍សប្ដាហ៍នេះ៕អត្ថបទ៖ សុខមាន

បន្ទប់សង្គ្រោះបន្ទាន់នៅក្រុងសៀងហៃពេញហៀរ ខណៈអ្នកជំនាញនិយាយថា អាចមានអ្នកស្លាប់មួយលាននាក់

សៀងហៃ៖ នៅមន្ទីរពេទ្យមួយកន្លែងនៅជាយក្រុងសៀងហៃ អ្នកជំងឺនៅលើគ្រែត្រូវបានដាក់តម្រៀបជួរតាមច្រករបៀងនៅកន្លែងព្យាបាលសង្គ្រោះបន្ទាន់ និងនៅកន្លែងរងចាំកាលពីថ្ងៃព្រហស្បតិ៍ ដែលភាគច្រើននៃអ្នកជំងឺជាមនុស្សចាស់ជរា ហើយអ្នកជំងឺមួយចំនួនដកដង្ហើមដោយមានជំនួយអុកស៊ីហ្សែន។ សេចក្តីជូនដំណឹងនៅលើក្តារប្រកាសមួយបានណែនាំថា អ្នកជំងឺនឹងត្រូវរង់ចាំជាមធ្យម ៥ម៉ោងដើម្បីទទួលបានការពិនិត្យ។ នេះបានក្លាយជាទិដ្ឋភាពទូទៅមួយនៅទូទាំងមន្ទីរពេទ្យរបស់ប្រទេសចិន ដែលបន្ទប់សង្គ្រោះបន្ទាន់បានពេញហៀររហូតដល់ក្រៅ ហើយអ្នកជំងឺកំពុងតម្រង់ជួរជាច្រើនម៉ោងដើម្បីទទួលការព្យាបាល។ នាយកផ្នែកសង្គ្រោះបន្ទាន់អង្គការសុខភាពពិភពលោកលោក Mike Ryan បាននិយាយកាលពីថ្ងៃពុធថា ចំនួនករណីនៅប្រទេសចិនបានបង្ហាញចំនួនតិចបំផុតនៃអ្នកជំងឺចូលសម្រាកនៅមន្ទីរពេទ្យ អ្នកជំងឺនៅក្នុងផ្នែកសង្គ្រោះបន្ទាន់ និងចំនួនអ្នកស្លាប់។ ប្រទេសចិនបានការពារវិធានការដោះស្រាយជំងឺ COVID-19 របស់ខ្លួន និងបាននិយាយថា ស្ថានភាពជំងឺរាតត្បាតរបស់ប្រទេសនេះគឺអាចគ្រប់គ្រងបាន។ មន្ត្រីសុខាភិបាលប្រទេសចិនបាននិយាយថា មានតែអ្នកស្លាប់ដោយសារតែជំងឺរលាកសួត និងជំងឺផ្លូវដង្ហើមសម្រាប់អ្នកជំងឺដែលមានវីរុសនេះប៉ុណ្ណោះ ខណៈការកំណត់របស់អង្គការសុខភាពពិភពលោក(WHO) និយាយថា «តិចពេក»។ លោក Benjamin Cowling អ្នកឯកទេសជំងឺឆ្លងនៃសាកលវិទ្យាល័យក្រុងហុងកុងបាននិយាយថា ការព្យាករណ៍ដោយអ្នកជំនាញជំងឺអន្តរជាតិនៃអ្នកស្លាប់ទាក់ទងនឹងជំងឺ COVID-19 នៅក្នុងប្រទេសចិនមានយ៉ាងហោចណាស់ ១លាននាក់ក្នុងឆ្នាំនេះគឺអាចកើតមានឡើងបាន ហើយការស្លាប់អាចត្រូវបានបញ្ចៀសប្រសិនបើមានការត្រៀមរៀបចំបានប្រសើរ។ លោក Cowling និយាយថា កម្រិតខ្ពស់បំផុតនៃជំងឺ COVID-19 អាចនឹងឆ្លងកាត់ផុតនៅក្នុងទីក្រុងធំៗរបស់ប្រទេសចិន ប៉ុន្តែមានការព្រួយបារម្ភអំពីផលប៉ះពាល់ដែលអាចកើតមាននៅក្នុងតំបន់ជនបទ នៅពេលដែលថ្ងៃឈប់សម្រាកនៃពិធីបុណ្យនិទាឃរដូវឈានចូលនៅចុងខែនេះ៕អត្ថបទ៖ ប៊ុនថន

ស.ស.យ.ក រៀបចំពិធីគោរពវិញ្ញាណក្ខន្ធដល់ជនរងគ្រោះក្នុងរបបខ្មែរក្រហម

ភ្នំពេញ៖ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា (ស.ស.យ.ក) នៅព្រឹកថ្ងៃទី៦ ខែមករា ឆ្នាំ២០២៣នេះ បានដឹកនាំក្រុមគ្រួសារ ស.ស.យ.ក រួមទាំងសិស្សានុសិស្ស និងអ្នកពាក់ព័ន្ធមួយចំនួនទៀត ប្រមាណជា២០០នាក់ អញ្ចើញចូលរួមគោរពវិញ្ញាណក្ខន្ធដល់ជនរងគ្រោះ និងអតីតយុទ្ធជន យុទ្ធនារី ដែលបានបាត់បង់ជីវិត នៅក្នុងរបបកម្ពុជាប្រជាធិបតេយ្យ ឫហៅថា របបប្រល័យពូជសាសន៍ ដែលដឹកនាំដោយពួកខ្មែរក្រហម ស្ថិតនៅមជ្ឈមណ្ឌលប្រល័យពូជសាសន៍ជើងឯក រាជធានីភ្នំពេញ។នៅក្នុងឱកាសនោះ ឯកឧត្តម ហ៊ុន ម៉ានី បានថ្លែងថា ថ្ងៃនេះ ក៏ដូចជារៀងរាល់ឆ្នាំ ក្រុមគ្រួសារសហភាពសហព័ន្ធយុវជនកម្ពុជា តែងមកជួបជុំគ្នានៅមជ្ឈមណ្ឌលប្រល័យពូជសាសន៍ជើងឯក ដើម្បីរៀបចំពិធីគោរពវិញ្ញាណក្ខន្ធដល់ជនរងគ្រោះ ដែលបានបាត់បង់ជីវិតក្នុងរបបយង់ឃ្នង ៣ ឆ្នាំ ៨ខែ ២០ថ្ងៃ។ ទោះបីពួកយើងបានរស់នៅសុខសាន្តក្នុងសន្តិភាព ភាពសំបូរសប្បាយនាពេលបច្ចុប្បន្ន តែយើងមិនបានភ្លេច ហើយនឹងមិនបំភ្លេចអ្វី ដែលជាសោកនាដកម្ម និងដែលប្រទេសជាតិដ៏កំសត់ របស់យើងបានឆ្លងកាត់នោះដែរ។ ស្មារតីនៃការចងចាំ និងភាពឈឺចាប់ក្នុងអតីតកាល បានបង្រៀនយើងអំពីប្រវត្តិសាស្រ្តដែលត្រូវធ្វើការកត់សម្គាល់ ដើម្បីមិនឱ្យកើតឡើងសារជាថ្មី។ មេរៀននេះក៏បានឆ្លុះបញ្ចាំងពីស្មារតីនៃក្តីសង្ឃឹមមួយ ដែលបានប្រែក្លាយទៅជាកម្លាំងដ៏មហិមាក្នុងការផ្តួលរំលំរបបប្រល័យពូជសាសន៍ រហូតបានជ័យជម្នះក្នុងថ្ងៃ ៧ មករា ១៩៧៩។ជាមួយគ្នានេះ លោកតាលោកយាយ ដែលធ្លាប់ឆ្លងកាត់ក្នុងរបបកម្ពុជាប្រជាធិបតេយ្យ លើកឡើងថា កាលពីសម័យនោះ រស់នៅដូចសត្វធាតុប្រើកំលាំងធ្វើពលកម្ម ហូបចុកមិនគ្រប់គ្រាន់ និងការធ្វើទារុណកម្មជាដើម។ ក្រៅពីនេះ ពួកគាត់បន្តថា បច្ចុប្បន្នប្រទេសជាតិមានសុខសន្តិភាពពេញបូរិណ៍ រស់នៅមានភាពសុខស្រួល មិនពិបាកដូចសម័យប៉ុលពតនោះទេ ទាំងនេះគឺដោយសារមានគណបក្សប្រជាជកម្ពុជា ជាអ្នករំដោះប្រជាពលខ្មែរពីសម័យកាលដ៏ខ្មៅងងឹត។សម្រាប់យុវជន បានលើកឡើងដែរថា ក្នុងនាមជាយុវជនជំនាន់ក្រោយ ប្តេជ្ញាចិត្តចូលថែរក្សាសន្តិភាពដែលកម្ពុជានាពេលបច្ចុប្បន្ន និងទៅអនាគត ហើយដាច់ខាតមិនឱ្យក្រុមអគិតណាមួយមកបំភ្លេចជាដាច់ខាត។ លើសពីនេះ ពួកគាត់បានបង្ហាញអារម្មណ៍ក្តុកក្តួល ពេលមកគោរពវិញ្ញាណក្ខន្ធដល់ជនរងគ្រោះក្នុងរបបកម្ពុជាប្រជាធិបតេយ្យ ស្ថិតនៅមជ្ឈមណ្ឌលប្រល័យពូជសាសន៍ជើងឯកផងដែរ។ការគោរពវិញ្ញាណក្ខន្ធ ជនរងគ្រោះដែលបានបាត់បង់ជីវិត នៅមជ្ឈមណ្ឌលប្រល័យពូជសាសន៍ជើងឯក ដែលរៀបចំដោយ ស.ស.យ.ក ធ្វើឡើងក្នុងគោលបំណងបណ្ដុះស្មារតី យុវជនខ្មែរជំនាន់ក្រោយ ឱ្យចេះស្រឡាញ់ជាតិ មាតុភូមិ ស្រឡាញ់សន្តិភាព និងចេះសាមគ្គីគ្នាជាធ្លុងមួយ នៅគ្រប់កាលៈទេសៈ ជាពិសេសស្គាល់ច្បាស់ ពីប្រវត្តិសាស្ត្រដ៏ជូរចត់ ដែលបានកើតឡើង ចំពោះប្រជាជនកម្ពុជានៅក្នុងរបបប្រល័យពូជសាសន៍៕ អត្ថបទ៖ទូច សោភ័ណ

ស្វីសរង់ចាំយ៉ាងអន្ទះសាចង់ឲ្យក្រុមអ្នកទេសចរចិនវិលត្រឡប់មកប្រទេសខ្លួនវិញ ខណៈថៃគ្មានផែនការរឹតត្បិតលើអ្នកដំណើរចិន

ស្វីស៖ ប្រទេសស្វីសកំពុងរង់ចាំស្វាគមន៍យ៉ាងកក់ក្ដៅ ចំពោះភ្ញៀវទេសចរមកពីប្រទេសចិន បន្ទាប់ពីប្រទេសនេះបង្កើនគោលនយោបាយទប់ស្កាត់វីរុស COVID-19 របស់ខ្លួនកាន់តែមានប្រសិទ្ធភាពបន្ថែមទៀត។ យោងតាមគោលនយោបាយទប់ស្កាត់វីរុស COVID-19 ដែលត្រូវបានកែសម្រួលថ្មីៗ ពលរដ្ឋចិនត្រូវបានអនុញ្ញាតឲ្យធ្វើដំណើរចេញទៅបរទេស។ ទោះបីជាបណ្ដាប្រទេសជាង ១០ កំពុងអនុវត្តវិធានការចាំបាច់មុនចូលក្នុងប្រទេសរបស់ខ្លួន ដើម្បីទប់ស្កាត់ការឆ្លងរាលដាលវីរុស COVID-19 លើអ្នកដំណើរជនជាតិចិន ប្រទេសស្វីសបាននិយាយថា ខ្លួនពុំមានផែនការបែបនោះទេ។ ក្រុមអាជ្ញាធរសុខភាពសាធារណៈស្វីសបានសង្កត់ធ្ងន់ថា ស្ថានភាពបច្ចុប្បន្ននៃវីរុស COVID-19 នៅក្នុងប្រទេសចិនពុំបានគំរាមកំហែងដល់ប្រព័ន្ធសុខភាពស្វីសទេ ទោះបីជាប្រទេសស្វីសនៅតែកំពុងតាមដានសម្រាប់ការសម្រេចចិត្តនៅកម្រិតអឺរ៉ុប។ ប្រធានក្រុមហ៊ុនទេសចរ Greater China of Switzerland Tourism លោកស្រី Daniela Chiani បាននិយាយថា យើងត្រូវតែស្វាគមន៍ចំពោះការវិលត្រឡប់មកវិញរបស់អ្នកដំណើរទេសចរចិន។ ដោយយោងទៅលើភាពធូរស្រាលនៃទីផ្សារសេដ្ឋកិច្ចចិន Greater China យើងគិតថា យើងនៅតែត្រូវរក្សាភាពអត់ធ្មត់បន្តិច។ យើងរំពឹងថានឹងទទួលបានកំណើនភ្ញៀវទេសចរចិន ៤៣% នៅឆ្នាំ២០២៣ នេះ ហើយនៅឆ្នាំ២០២៤ អាចនឹងទទួលបានប្រមាណ ៨០%។ ចំណែកប្រទេសថៃវិញក៏បាននិយាយផងដែរកាលពីថ្ងៃព្រហស្បតិ៍ថា ប្រទេសនេះនឹងពុំចាំបាច់អនុវត្តន៍វិធានការរឹតត្បិតនៃវីរុស COVID-19 ដូចជាការធ្វើតេស្តពេលមកដល់ ឬដាក់ឲ្យនៅដាច់ដោយឡែកលើការមកដល់របស់អ្នកដំណើរមកពីចិនទេ៕អត្ថបទ៖ សុខមាន

ភាពជាប់គាំងនៅសភាសហរដ្ឋអាមេរិកនៅតែបន្ត បន្ទាប់ពីការបោះឆ្នោតលើកទី១១ បានបរាជ័យ

អាមេរិក៖ សមាជិកសភាលោក Kevin McCarthy តំណាងរាស្ត្រមកពីរដ្ឋ California នៃគណបក្សសាធារណរដ្ឋមិនអាចយកឈ្នះលើក្រុមប្រឆាំងដែលមានសមាជិក ២០នាក់ ឬច្រើនជាងនេះនៃគណបក្សរបស់លោកខ្លួនឯង ដើម្បីក្លាយជាប្រធានសភាសហរដ្ឋអាមេរិកនោះទេ។ សូម្បីតែបន្ទាប់ពីការកោះហៅជុំទី១១ ក្នុងរយៈពេល ៣ថ្ងៃក៏ដោយកាលពីល្ងាចថ្ងៃព្រហស្បតិ៍ លោកនៅតែខ្វះសំឡេងភាគច្រើន ២១៨ ដែលត្រូវការសម្រាប់ការកាន់តំណែងនេះ។ លោក Kevin McCarthy បានបរាជ័យក្នុងការបោះឆ្នោតជុំទី១១ ដើម្បីជំនួសតំណែងប្រធានសភាអាមេរិកលោកស្រី Nancy Pelosi មកពីគណបក្សប្រជាធិបតេយ្យ។ ដោយប្រឈមនឹងការបះបោរពីក្នុងបក្សរបស់លោក ក្នុងទម្រង់នៃការជ្រើសរើសដោយសេរីទៅលើសមាជិកសភាគាំទ្រលោក Trump លោក McCarthy អាចទទួលបានសំឡេងគាំទ្រត្រឹមតែ ២០០នាក់ប៉ុណ្ណោះនៅក្នុងការប្រកួតប្រជែងចុងក្រោយនេះ ទោះបីជាបានធ្វើសម្បទានបន្ថែមដល់ក្រុមអ្នកប្រឆាំង ចាប់តាំងពីការបោះឆ្នោតបរាជ័យជាច្រើនលើកកាលពីថ្ងៃពុធក៏ដោយ។ បន្ថែមពីលើការសន្យាថា សមាជិកជាច្រើនទៀតនៃរបៀបជ្រើសរើសទៅតាមការសម្រេចចិត្តរៀងៗខ្លួន នឹងអាចបម្រើក្នុងគណៈកម្មាធិការច្បាប់ លោកបានយល់ព្រមក្នុងការបោះឆ្នោតលើការកំណត់អាណត្តិរបស់សភា ដែលជាការផ្លាស់ប្តូរដ៏ធំនៅក្នុងសភាចាស់ជាងគេទី៣ ក្នុងប្រវត្តិសាស្ត្រអាមេរិក ហើយបានសន្យាថានឹងបង្កលក្ខណៈកាន់តែងាយស្រួល សម្រាប់អ្នកតំណាងក្នុងការដកប្រធានសភាចេញ អ្នកណាក៏ដោយដែលទីបញ្ចប់អាចតម្រូវទៅតាមលក្ខខណ្ឌនោះ៕ អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

អឺរ៉ុប ស្ថិតក្នុងការព្រមានខ្ពស់ ខណៈរលកកម្ដៅខ្លាំង នឹងរំកិលទៅទិសខាងកើត និងខាងត្បូង

សហរដ្ឋអាមេរិក វាយប្រហារលើអ៊ីរ៉ង់ក្នុងការឆ្លើយតបទៅនឹងការវាយប្រហារលើនាវាដឹកទំនិញ

ប្រទេសវ៉េណេស៊ុយអេឡា ជួបប្រទះរញ្ជួយដីថ្មីមួយកម្រិត ៤.៩ រ៉ិចទ័រ ប៉ុន្មានថ្ងៃបន្ទាប់ពីការរញ្ជួយដីធំៗ២លើក

ចំនួនអ្នកស្លាប់កើនឡើងដល់ជាង៩0០នាក់ក្នុងរញ្ជួយដីនៅវ៉េណេស៊ុយអេឡា ខណៈគ្រួសារជាច្រើនអន្ទះសាររង់ចាំព័ត៌មាន

ប្រធានគណៈប្រចាំការនៃគណៈអចិន្ត្រៃយ៍យុវជនគណបក្សប្រជាជនកម្ពុជាថ្នាក់កណ្ដាល និងលេខាទី១ នៃគណៈកម្មាធិការមជ្ឈិមសម្ព័ន្ធយុវជនកុម្មុយនីស្តចិនចុះអនុស្សរណៈស្ដីពីកិច្ចសហប្រតិបត្តិការជាមួយគ្នា

កសិដ្ឋានចិញ្ចឹមសត្វគោ និងជ្រូកនៅប្រទេសបែលហ្ស៊ិក កំពុងជួបការលំបាក ដោយសាររលកកម្តៅ

នយោបាយឈ្នះ-ឈ្នះនាំឱ្យកម្ពុជាសម្រេចបានសន្តិភាព និងការអភិវឌ្ឍដូចសព្វថ្ងៃ

អ៊ីរ៉ង់៖ ការឆ្លងកាត់ច្រកសមុទ្រ Hormuz មិនត្រូវបានធានាទេ បើគ្មានការសម្របសម្រួលជាមួយទីក្រុងតេអេរ៉ង់

ប្រធានាធិបតីជិតឡើងកាន់អំណាចកូឡុំប៊ី ចេញឱសានវាទដល់ក្រុមឧក្រិដ្ឋកម្មប្រដាប់អាវុធ

មន្ត្រីជាន់ខ្ពស់៖ លីបង់ទាមទារឲ្យអ៊ីស្រាអែលដកទ័ពទាំងស្រុង ក្នុងកិច្ចព្រមព្រៀងណាមួយ នៅទីក្រុងវ៉ាស៊ីនតោន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ព្រឹកនេះ សម្តេចតេជោ ហ៊ុន សែន នឹងអញ្ជើញអបអរសាទរខួបលើកទី៤៤ នៃថ្ងៃជ័យជម្នះ ៧មករា

សម្ដេចតេជោ ហ៊ុន សែន ផ្ញើសារអបអរសាទរខួបអនុស្សាវរីយ៍លើកទី៤៤ នៃថ្ងៃជ័យជំនះ៧ មករា

កម្ពុជាប្រារព្ធខួបលើកទី៤៤ ទិវាជ័យជំនះ ៧មករា (៧ មករា ១៩៧៩ - ៧ មករា ២០២៣)

ប្រទេសចិនច្រានចោលការខ្វះតម្លាភាពក្នុងការរាយការណ៍ទិន្នន័យអំពីវីរុស COVID-19

ប្រមុខអង្គការសហប្រជាជាតិនិយាយថា ការចរចាសន្តិភាពអ៊ុយក្រែន-រុស្ស៊ីនៅវែងឆ្ងាយទៀត

អ៊ុយក្រែនទាត់ចោលបទឈប់បាញ់ក្នុងឱកាសបុណ្យណូអែលរយៈពេលខ្លី ៣៦ម៉ោងរបស់រុស្ស៊ីថាជាពុតត្បុត

បន្ទប់សង្គ្រោះបន្ទាន់នៅក្រុងសៀងហៃពេញហៀរ ខណៈអ្នកជំនាញនិយាយថា អាចមានអ្នកស្លាប់មួយលាននាក់

ស.ស.យ.ក រៀបចំពិធីគោរពវិញ្ញាណក្ខន្ធដល់ជនរងគ្រោះក្នុងរបបខ្មែរក្រហម

ភាពជាប់គាំងនៅសភាសហរដ្ឋអាមេរិកនៅតែបន្ត បន្ទាប់ពីការបោះឆ្នោតលើកទី១១ បានបរាជ័យ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ព្រឹកនេះ សម្តេចតេជោ ហ៊ុន សែន នឹងអញ្ជើញអបអរសាទរខួបលើកទី៤៤ នៃថ្ងៃជ័យជម្នះ ៧មករា

សម្ដេចតេជោ ហ៊ុន សែន ផ្ញើសារអបអរសាទរខួបអនុស្សាវរីយ៍លើកទី៤៤ នៃថ្ងៃជ័យជំនះ៧ មករា

កម្ពុជាប្រារព្ធខួបលើកទី៤៤ ទិវាជ័យជំនះ ៧មករា (៧ មករា ១៩៧៩ - ៧ មករា ២០២៣)

ប្រទេស​ចិន​ច្រាន​ចោល​ការ​ខ្វះ​តម្លាភាព​ក្នុង​ការ​រាយការណ៍​ទិន្នន័យ​អំពី​វីរុស COVID-19

ប្រមុខ​អង្គការសហប្រជាជាតិ​និយាយ​ថា​ ការចរចា​សន្តិភាព​អ៊ុយ​ក្រែ​ន​-​រុស្ស៊ី​នៅ​វែងឆ្ងាយ​ទៀត

បន្ទប់សង្គ្រោះបន្ទាន់​នៅ​ក្រុង​សៀង​ហៃ​ពេញ​ហៀរ ខណៈ​អ្នកជំនាញ​និយាយថា អាចមាន​អ្នកស្លាប់​មួយ​លាន​នាក់

ស.ស.យ.ក រៀបចំពិធីគោរពវិញ្ញាណក្ខន្ធដល់ជនរងគ្រោះក្នុងរបបខ្មែរក្រហម

ភាពជាប់គាំង​នៅ​សភា​សហរដ្ឋអាមេរិក​នៅតែ​បន្ត​ បន្ទាប់ពី​ការបោះឆ្នោត​លើក​ទី​១១ ​បាន​បរាជ័យ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ប្រទេសចិនច្រានចោលការខ្វះតម្លាភាពក្នុងការរាយការណ៍ទិន្នន័យអំពីវីរុស COVID-19

ប្រមុខអង្គការសហប្រជាជាតិនិយាយថា ការចរចាសន្តិភាពអ៊ុយក្រែន-រុស្ស៊ីនៅវែងឆ្ងាយទៀត

បន្ទប់សង្គ្រោះបន្ទាន់នៅក្រុងសៀងហៃពេញហៀរ ខណៈអ្នកជំនាញនិយាយថា អាចមានអ្នកស្លាប់មួយលាននាក់

ភាពជាប់គាំងនៅសភាសហរដ្ឋអាមេរិកនៅតែបន្ត បន្ទាប់ពីការបោះឆ្នោតលើកទី១១ បានបរាជ័យ