BTV NEWS

សម្តេចធិបតី ណែនាំឱ្យក្រសួងស្ថាប័នពាក់ព័ន្ធត្រៀមឆ្លើយតបជាមួយបាតុភូតធម្មជាតិ El Niño ដែលកម្ពុជាកំពុងទទួលរងឥទ្ធិពល

សម្ដេចធិបតីណែនាំអាជ្ញាធរពាក់ព័ន្ធគ្រប់លំដាប់ថ្នាក់ ត្រួតពិនិត្យ និងគ្រប់គ្រងឱ្យបានចំពោះទំនិញគេចពន្ធ និងខូចគុណភាព ហើយត្រូវសហការគ្នាចាត់វិធានការឱ្យបានច្បាស់លាស់

សម្ដេចធិបតីក្រើនរំឭកអាជ្ញាធរពាក់ព័ន្ធគ្រប់លំដាប់ថ្នាក់ត្រូវបន្តបង្ក្រាប Online Scams មិនត្រូវបន្ធូរដៃឡើយ

សម្ដេចតេជោ ហ៊ុន សែន អញ្ជើញជួបពិភាក្សាទ្វេភាគីជាមួយ ឯកឧត្តម លី ឈាង នាយករដ្ឋមន្ត្រីចិន

ព័ត៌មានសំខាន់ៗ

ក្រសួងសុខាភិបាលប្រកាសចាក់វ៉ាក់សាំងដូសទី៤-៥ ដល់កុមារ និងដូសទី៦ ដល់មន្រ្តីជួរមុខ អាជ្ញាធរ និងប្រជាជនទូទៅ

ភ្នំពេញ៖ គណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស នៃក្រសួងសុខាភិបាលប្រកាសពីការចាក់វ៉ាក់សាំងកូវីដ-១៩ ដូសទី៤ ដល់កុមារអាយុ ៣ឆ្នាំ ដល់ក្រោម ៥ឆ្នាំ ការចាក់វ៉ាក់សាំងកូវីដ-១៩ដូសទី៥ ដល់កុមារអាយុ ៥ឆ្នាំ ដល់ក្រោម ១២ឆ្នាំ និងដូសទី៦ ដល់មន្រ្តីជួរមុខ អាជ្ញាធរ និងប្រជាជនទូទៅ តាមគោលការណ៍ស្ម័គ្រចិត្ត៕

ក្រុមរុករក និងសង្គ្រោះករណីឆាបឆេះអគារកាស៊ីណូនៅប៉ោយប៉ែតរកឃើញសាកសព ១១នាក់បន្ថែមទៀតនៅព្រឹកនេះ

Update៖ គិតត្រឹមម៉ោងជាង ១០ព្រឹក ថ្ងៃទី៣០ ខែធ្នូនេះ ក្រុមអ្នករុករក កម្ពុជា-ថៃ បានរកឃើញសាកសពជនរងគ្រោះក្នុងករណីឆាបឆេះអគារកាស៊ីណូ នៅក្រុងប៉ោយប៉ែត ខេត្តបន្ទាយមានជ័យចំនួន ១១នាក់ទៀត ។ ដូចនេះសាកសពកើនដល់ជាង ២០នាក់ហើយ ។ ក្រុមអ្នករុករក នៅតែបន្តប្រតិបត្តិការដោយភាពសស្រាក់សស្រាំបំផុត។

តំបន់ជាច្រើនរបស់អ៊ុយក្រែនគ្មានអគ្គិសនីប្រើប្រាស់ ក្រោយរុស្ស៊ីបាញ់ស្រោចមីស៊ីលជាង ១២០គ្រាប់

អ៊ុយក្រែន៖ មួយថ្ងៃក្រោយការបាញ់ស្រោចដោយមីស៊ីលរបស់រុស្ស៊ីលើអ៊ុយក្រែន ប្រធានាធិបតីអ៊ុយក្រែនលោក Volodymyr Zelenskyy បានទទួលស្គាល់ថា តំបន់ភាគច្រើនកំពុងប៉ះពាល់ធ្ងន់ធ្ងរដោយគ្មានអគ្គិសនីប្រើប្រាស់ ប៉ុន្តែលោកថា ការខូចខាតនឹងមានវិសាលភាពធំធេង បើគ្មានប្រព័ន្ធការពារដែនអាកាសទេនោះ។ ក្នុងសុន្ទរកថាតាមវីដេអូកាលពីយប់ថ្ងៃព្រហស្បតិ៍ លោក Zelenskyy បាននិយាយថា ទីបញ្ជាការទ័ពអាកាសនៅភាគកណ្ដាល ភាគខាងត្បូង ភាគខាងកើត និងខាងលិចរបស់អ៊ុយក្រែនបានកម្ទេចមីស៊ីលចំនួន ៥៤គ្រាប់ និងយានដ្រូន ១១គ្រឿងរបស់រុស្ស៊ីអំឡុងការវាយប្រហារមួយ ក្នុងចំណោមការវាយប្រហារតាមអាកាសធំបំផុតរបស់រុស្ស៊ី ចាប់តាំងពីសង្គ្រាមចាប់ផ្ដើមកាលពីថ្ងៃទី២៤ ខែកុម្ភៈ។ លោក Zelenskyy និយាយថា តំបន់នានាដែលដាច់ចរន្តថាមពលធ្ងន់ធ្ងរបំផុតរួមមានរដ្ឋធានី Kyiv, ទីក្រុង Odesa និងទីក្រុង Kherson នៅភាគខាងត្បូង និងតំបន់ជុំវិញជាច្រើនទៀត ក៏ដូចជាតំបន់ជុំវិញទីក្រុង Lviv ជិតព្រំដែនភាគខាងលិចប្រទេសប៉ូឡូញ។ ស៊ីរ៉ែនប្រកាសអាសន្នការវាយប្រហារតាមអាកាស ត្រូវបានរោទ៍ទូទាំងប្រទេសអ៊ុយក្រែនរយៈពេល ៥ម៉ោងនៅក្នុងរដ្ឋធានី Kyiv។ ក្រុមមន្ត្រីអ៊ុយក្រែននិយាយថា រុស្ស៊ីបានបាញ់មីស៊ីលជាង ១២០គ្រាប់កាលពីថ្ងៃព្រហស្បតិ៍៕ អត្ថបទ៖ សុខមាន

សហភាពអឺរ៉ុបរៀបចំកិច្ចប្រជុំយុទ្ធសាស្ត្រ ខណៈក្ដីបារម្ភកើនឡើងខ្លាំងជុំវិញករណីឆ្លង COVID-19 ហក់ឡើងខ្ពស់របស់ចិន

អឺរ៉ុប៖ គណៈកម្មការអឺរ៉ុបបានជួបប្រជុំគ្នាកាលពីថ្ងៃព្រហស្បតិ៍ ដើម្បីពិភាក្សាពីយុទ្ធសាស្ត្ររបស់ប្លុកដ៏ធំមួយនេះ ដែលបានប្រឈមនឹងករណីឆ្លងវីរុសរាតត្បាតសកល Covid-19 របស់ប្រទេសចិន។ ខណៈប្រទេសបារាំងនិយាយថា ខ្លួនគ្មានផែនការដាក់ចេញការត្រួតពិនិត្យសុខភាព លើអ្នកដំណើររបស់ចិននៅពេលបច្ចុប្បន្ននេះទេ រដ្ឋាភិបាលនេះបានណែនាំដល់អាកាសយានដ្ឋាន និងក្រុមហ៊ុនអាកាសចរណ៍ទាំងឡាយរៀបចំការធ្វើតេស្ត។ ក្រុមអ្នកតំណាងថ្នាក់រដ្ឋមន្ត្រីសុខភាពទាំង ២៧ប្រទេសរបស់សហភាពអឺរ៉ុបបានមានជំនួបកាលពីថ្ងៃព្រហស្បតិ៍នៅក្នុងទីក្រុងព្រុចសែល ដើម្បីពិភាក្សាពីវិធានការនានាដែលអាចធ្វើទៅបាន សម្រាប់យុទ្ធសាស្ត្រដែលត្រូវបានសម្របសម្រួល ដោយមើលឃើញពីស្ថានភាពនៃជំងឺរាតត្បាតសកលនៅក្នុងប្រទេសចិន។ មន្ទីរពេទ្យនានាទូទាំងប្រទេសចិនត្រូវបានរាយការណ៍ថា បានផ្ទុកអ្នកជំងឺច្រើនលើសចំណុះដោយសារតែការកើនឡើងករណីឆ្លងដ៏ច្រើនបំផុត ក្រោយការសម្រេចចិត្តរបស់ទីក្រុងប៉េកាំងក្នុងការបន្ធូរបន្ថយ គោលនយោបាយគ្មានវីរុស Covid របស់ខ្លួននៅខែនេះ រួមទាំងការដកចេញបម្រាមធ្វើដំណើរចេញទៅបរទេស។ នៅសប្ដាហ៍នេះទីក្រុងប៉េកាំងបាននិយាយថា ខ្លួននឹងបញ្ចប់ការដាក់ឲ្យនៅដាច់ដោយឡែកជាកាតព្វកិច្ច លើការមកដល់របស់អ្នកដំណើរ ដែលជំរុញឲ្យមនុស្សជាច្រើននៅក្នុងប្រទេសចិន រៀបគម្រោងធ្វើដំណើរទៅក្រៅប្រទេស៕អត្ថបទ៖ សុខមាន

ប្រសាសន៍សំខាន់ៗសម្ដេចតេជោ ហ៊ុន សែន ក្នុងពិធីបើកការដ្ឋានស្តារ និងលើកកម្រិតគុណភាពផ្លូវជាតិលេខ៣១ និងលេខ៣៣

នៅព្រឹកថ្ងៃទី៣០ ខែធ្នូ ឆ្នាំ២០២២នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងឯកឧត្តម វ៉ាង វិនធៀន ឯកអគ្គរដ្ឋទូតចិនប្រចាំកម្ពុជា បានអញ្ជើញធ្វើជាសហធិបតីក្នុងពិធីបើកការដ្ឋានស្តារ និងលើកកម្រិតគុណភាពផ្លូវពីរខ្សែគឺផ្លូវជាតិលេខ៣១ និង៣៣ ស្ថិតក្នុងភូមិសាស្ត្រខេត្តកំពត និងខេត្តកែប។ខាងក្រោមនេះជាប្រសាសន៍សំខាន់ៗរបស់សម្ដេចតេជោ៖-សម្តេចតេជោ ហ៊ុន សែន ប្រកាសពីជោគជ័យ នៃការគាំទ្ររបស់ប្រជាពលរដ្ឋខេត្តកែប និងខេត្តកំពត បោះឆ្នោតជូនគណបក្សប្រជាជនកម្ពុជា ក្នុងពេលបោះឆ្នោតជ្រើសរើសក្រុមប្រឹក្សាឃុំ-សង្កាត់ ឆ្នាំ២០២២។-សម្ដេចតេជោ សង្ឃឹមជឿជាក់ថា ប្រជាពលរដ្ឋនៅខេត្តទាំងពីរនេះ នៅតែបន្តបោះឆ្នោតគាំទ្រគណបក្សប្រជាជនកម្ពុជានាពេលបន្តបន្ទាប់។- សម្តេចតេជោហ៊ុន សែន បានបញ្ជាក់ថា ការស្តារ និងលើកកម្ពស់គុណភាពផ្លូវជាតិទាំងពីរខ្សែនេះ នឹងក្លាយជាវឌ្ឍនភាពថ្មីមួយបន្ថែមទៀត សម្រាប់ប្រជាពលរដ្ឋខេត្តកែប និងកំពត និងការធ្វើដំណើររបស់ប្រជាពលរដ្ឋ ក្នុងក្របខណ្ឌទូទាំងប្រទេស។- សម្តេចតេជោ ហ៊ុន សែន បានប្រកាសថា មិនត្រឹមតែផ្លូវជាតិទាំងពីខ្សែនេះទេ កម្ពុជានៅមានគម្រោង និងបានសម្ពោធគម្រោងស្តារ និងលើកម្ពស់គុណភាពផ្លូវជាច្រើនខ្សែ ដែលមានប្រវែងរាប់ពាន់គីឡូម៉ែត្ររួចមកហើយ ដែលនេះបានបង្ហាញពីចូលរួមរបស់មិត្តចិន ក្នុងការជួយដល់វិស័យហេដ្ឋារចនាសម្ព័ន្ធតភ្ជាប់នៅកម្ពុជា។- សម្តេចតេជោ ហ៊ុន សែន បានប្រកាសច្រានចោលឥណទានពីដៃគូអភិវឌ្ឍន៍មួយ ដោយសារតែម្ចាស់លុយនោះផ្តល់ជូនកម្ពុជាក្នុងគម្រោងផ្សេង ខណៈដែលកម្ពុជាត្រូវការគម្រោងផ្សេង និងចាំបាច់។- សម្តេចតេជោ ហ៊ុន សែន បញ្ជាក់ថា នៅលើពិភពលោកនេះ គ្មានប្រទេសណាមួយអាចបញ្ចប់សង្គ្រាមតាមបែបកម្ពុជាបានឡើយទេ គឺបញ្ចប់សង្គ្រាមតាម«នយោបាយឈ្នះ ឈ្នះ» ដែលគ្រប់ភាគីទាំងអស់ នៃជម្លោះប្រដាប់អាវុធ «ឈ្នះទាំងអស់គ្នា»។- សម្តេចតេជោ ហ៊ុន សែន បានរំលឹកពីប្រវត្តិជូរចត់ នៃដំណើរបញ្ចប់ជម្លោះប្រដាប់អាវុធនៅកម្ពុជា ដែលកាលណោះ មានបរទេសខ្លះ បានរិះគន់ និងគាំទ្រខ្មែរក្រហមប្រឆាំងរដ្ឋាភិបាលក្រុងភ្នំពេញ។-សម្តេចតេជោថា ដោយស្មារតីខ្មែរតែមួយ កម្ពុជា បានបញ្ចប់សង្គ្រាមជម្លោះប្រដាប់អាវុធទាំងស្រុងនៅឆ្នាំ១៩៩៨ តាមរយៈនយោបាយឈ្នះ ឈ្នះ។- សម្តេចតេជោ ហ៊ុន សែន បានបញ្ជាក់ថា «កត្តាសុខសន្តិភាព» គឺជាមរកតដ៏មានសារៈសំខាន់បំផុត សម្រាប់កម្ពុជា ដែលមរកតដ៏សំខាន់នេះ ត្រូវរួមគ្នាថែរក្សាឱ្យបានជានិច្ចនិរន្ត។- សម្តេចតេជោ ហ៊ុន សែន បានប្រកាសពីការទម្លុះទម្លាយ ក្នុងពេលវត្តមានជំនាញការ និងកងទ័ពវៀតណាមនៅកម្ពុជា ដើម្បីឯកភាពផ្ទៃក្នុង និងសេដ្ឋកិច្ចឯកជនកម្ពុជា ក្នុងនោះជំនាញការវៀតណាមបានដកចេញពីកម្ពុជានៅឆ្នាំ១៩៨៨ ហើយកងទ័ពវៀតណាមដកចេញនៅឆ្នាំ១៩៨៩។- សម្តេចតេជោ ហ៊ុន សែន ប្រកាសសុំការអធ្យាស្រ័យពីប្រជាពលរដ្ឋរស់នៅតាមសងខាងផ្លូវជាតិលេខ៣១-៣៣ និងប្រជាពលរដ្ឋធ្វើដំណើរពេលការដ្ឋានបានចាប់ផ្តើម ដែលនឹងមានផលប៉ះពាល់ខ្លះជៀសមិនរួច តែនៅពេលរួចរាល់ផ្លូវនេះ នឹងផ្តល់អត្ថប្រយោជន៍រាប់មិនអស់ដល់ប្រជាពលរដ្ឋ និងសង្គមជាតិ។- សម្តេចតេជោ ហ៊ុន សែន បានប្រកាសចូលរួមសោកស្តាយ និងរំលែកមរណទុក្ខ ដល់ក្រុមគ្រួសារជនរងគ្រោះ ដែលបានស្លាប់ និងរបួស ក្នុងហេតុការណ៍ឆេះអគារកាស៊ីណូ នៅក្រុងប៉ោយប៉ែត ខេត្តបន្ទាយមានជ័យ កាលពីរាត្រីថ្ងៃទី២៨ឈានចូលព្រឹកថ្ងៃទី២៩ ខែធ្នូ ឆ្នាំ២០២២។- សម្តេចតេជោ ហ៊ុន សែន ប្រកាសដាក់ចេញវិធានការ និងសម្ភារៈឧបករណ៍ ដើម្បីត្រៀមបង្ការបម្រើឱ្យការអន្តរាគមន៍ និងពន្លត់អគ្គិភ័យ តាមអគារដែលកំពស់ខ្ពស់ៗពិបាកក្នុងការជួយសង្គ្រោះ និងអន្តរាគមន៍។- សម្តេចតេជោ ហ៊ុន សែន បានប្រកាសអំពាវនាវដល់ប្រជាពលរដ្ឋ និងដាក់ចេញវិធានការចាក់វ៉ាក់សាំងបង្ការជំងឺកូវីដ-១៩ និងវិធានការទប់ស្កាត់ការឆ្លងរីករាលដាលជំងឺកូវីដ-១៩។-សម្តេចតេជោ ហ៊ុន សែន បញ្ជាក់ថា «វ៉ាក់សាំងកូវីដ-១៩ គឺជាជម្រើសដ៏ល្អបំផុត ដែលនឹងជួយយើង កាត់បន្ថយការឆ្លងរីករាលដាលជំងឺកូវីដ-១៩ ឬការឆ្លងហើយ តែមិននាំដល់ករណីធ្ងន់ធ្ងរ ឬស្លាប់»។- សម្តេចតេជោ ហ៊ុន សែន បានប្រកាសចាក់វ៉ាក់សាំងដល់កុមារ និងប្រជាពលរដ្ឋទូទៅ ដោយ៖ ទី១- ការចាក់វ៉ាក់សាំង ដូសទី៤ ដល់កុមារចាប់ពីអាយុ៣ ដល់ក្រោម ៥ឆ្នាំ ទី២-ចាក់វ៉ាក់សាំងដូសទី៥ ដល់កុមារអាយុ ៥ដល់ក្រោម ១២ឆ្នាំ និងទី៣-ចាក់ដូសទី៦ ដល់មន្ត្រីរាជការជួរមុខ អាជ្ញាធរ និងប្រជាពលរដ្ឋទូទៅ។- សម្តេចតេជោ ហ៊ុន សែន ប្រកាសដាក់ចេញគោលការណ៍ចាក់វ៉ាក់សាំងកូវីដ-១៩ ដល់កុមារ និងប្រជាពលរដ្ឋទូទៅ គឺត្រូវធ្វើឡើងរយៈពេល ៦ខែម្តង បន្ទាប់ពីដំណើរការចាក់ដូសចុងក្រោយ ដើម្បីសហគមនាគមន៍កម្ពុជារឹងមាំ ទប់នឹងករណីឆ្លងកូវីដ-១៩ជាថ្មី។- សម្តេចតេជោ ហ៊ុន សែន បានបញ្ជាក់ថា នៅសល់តែប៉ុន្មានម៉ោងទៀតតែប៉ុណ្ណោះ នឹងដាច់ឆ្នាំ២០២២ ហើយឆ្នាំ២០២៣ គឺជាឆ្នាំដែលមន្ត្រីរាជការ កងកម្លាំងអាដាប់អាវុធគ្រប់លំដាប់ ត្រូវឡើងប្រាក់ខែហើយ។- សម្តេចតេជោ ហ៊ុន សែន បានប្រកាសថា លោកបណ្ឌិត សុខ ទូច គ្រប់គ្រងមន្ត្រីរាជការ និងបុគ្គលិក នៃរាជបណ្ឌិត្យសភាកម្ពុជាខ្លួនឯងមិនបាន មកស្នើឱ្យរាជរដ្ឋាភិបាលកុំបើកប្រាក់បៀវត្សរ៍តាមប្រព័ន្ធធនាគារ ទៅជាបើកតាមគោលការណ៍ចាស់(ប្រាក់សុទ្ធដោយផ្ទាល់)។- សម្តេចតេជោ ហ៊ុន សែន បានប្រកាសដល់ប្រជាពលរដ្ឋ និងមន្ត្រីរាជការគ្រប់ជាន់ថ្នាក់ថា រាជរដ្ឋាភិបាលកម្ពុជាមានកំណែទម្រង់ធំណាស់រឿងបើកប្រាក់បៀវត្សរ៍តាមប្រព័ន្ធធនាគារនេះ ហើយបានចំណេញធំណាស់ដល់ជាតិ និងពេលវេលាសម្រាប់អ្នកប្រើប្រាស់សេវារដ្ឋ។- សម្តេចតេជោ ហ៊ុន សែន កោតសរសើរដល់ឯកឧត្តម ម៉ៅ ធនិន អភិបាលខេត្តកំពត ដែលបានប្រឹងប្រែងដោះស្រាយវិវាទដីធ្លី និងវិវាទផ្សេងៗរបស់ប្រជាពលរដ្ឋក្នុងដែនសមត្ថកិច្ចរបស់ខ្លួនដោយការសម្របសម្រួលក្រៅប្រព័ន្ធតុលាការ ហើយសម្តេចបានលើកទឹកចិត្តដល់អភិបាលខេត្តកំពតបន្តសកម្មភាពនោះជានិច្ចដរាប។- សម្តេចតេជោ ហ៊ុន សែន បានប្រកាសជាឱឡារិកថា គណបក្សប្រជាជនកម្ពុជា មិនធ្វើឱ្យប្រជាជនកម្ពុជា ខលបំណង ដោយសារភាពគ្មានទំនួលខុសត្រូវនោះទេ។-សង្កថាសម្ដេចតេជោ ហ៊ុន សែន ចប់នៅវេលាម៉ោង៩ និង៣២ នាទី

សម្ដេចតេជោ ហ៊ុន សែន អញ្ជើញជាអធិបតីបើកការដ្ឋានស្តារ និងលើកកម្រិតគុណភាព ផ្លូវជាតិលេខ៣១ និង៣៣

កំពត៖ នៅព្រឹកថ្ងៃទី៣០ ខែធ្នូ ឆ្នាំ២០២២នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងឯកឧត្តម វ៉ាង វិនធៀន ឯកអគ្គរដ្ឋទូតចិនប្រចាំនៅកម្ពុជា បានអញ្ជើញធ្វើជាសហធិបតីបើកការដ្ឋានស្តារ និងលើកកម្រិតគុណភាពផ្លូវពីរខ្សែទៀតស្ថិតក្នុងភូមិសាស្ត្រខេត្តកំពត និងខេត្តកែប។ផ្លូវដែលត្រូវបើកការដ្ឋានស្តារ និងលើកកម្ពស់គុណភាពជាថ្មីនេះ រួមមាន៖ ផ្លូវជាតិលេខ៣១ និងផ្លូវជាតិលេខ៣៣។ ផ្លូវជាតិលេខ៣១ មានប្រវែងសរុបជិត ៥៤គីឡូម៉ែត្រ ចាប់ពីបែកគុស (ចំណុច ប្រសព្វផ្លូវជាតិលេខ៣) ទៅដល់ទីរួមស្រុកកំពង់ត្រាច (ចំណុចតភ្ជាប់ផ្លូវជាតិលេខ៣៣)។ ផ្លូវនេះត្រូវស្ដារ និងលើកកម្រិតគុណភាពជាប្រភេទផ្លូវក្រាលបេតុងកៅស៊ូ (AC) មានកម្រាស់ ៧សង់ទីម៉ែត្រ និងពង្រីកទទឹងតួផ្លូវរហូតដល់ ១២ម៉ែត្រ។ គម្រោងនេះ នឹងរួមបញ្ចូលនូវការសាងសង់ស្ពានថ្មី ចំនួន ១កន្លែង ទទឹង ១២ម៉ែត្រ និងជួសជុលស្ពានដែលមានស្រាប់ចំនួន ២កន្លែង ប្រវែងសរុប ៤០ម៉ែត្រ និងដាក់លូគ្រប់ប្រភេទចំនួន ១៤៤កន្លែង ផងដែរ។ដោយឡែកផ្លូវជាតិលេខ៣៣ មានប្រវែងសរុបជិត ៥៣គីឡូម៉ែត្រ ចាប់ពីក្រុងកំពត (ចំណុចប្រសព្វផ្លូវជាតិលេខ៣) ដល់ច្រកលក (ព្រំដែនកម្ពុជា-វៀតណាម) រួមទាំងផ្លូវតភ្ជាប់ ក្នុងក្រុងកំពត (ផ្លូវក្រុងលេខ ៧០៩)។ ផ្លូវនេះ នឹងត្រូវស្ដារ និងលើកកម្រិតគុណភាពជាប្រភេទផ្លូវ ក្រាលបេតុងកៅស៊ូ (AC) មានកម្រាស់ ៥សង់ទីម៉ែត្រ និងកម្រាស់ ៧សង់ទីម៉ែត្រ ព្រមទាំងពង្រីកទទឹងតួផ្លូវរហូតដល់ ១២ម៉ែត្រ និងមានកំណាត់ផ្លូវចំនួន ៤ទីតាំង នឹងត្រូវពង្រីកជា ៤គន្លង (២គន្លងទៅ ២គន្លងមក) ប្រវែងសរុប ១,៤៣១ម៉ែត្រ និង ១ទីតាំងទៀត នឹងត្រូវពង្រីកជា ៦គន្លង (៣គន្លងទៅ ៣គន្លងមក) ប្រវែង ៤៨០ម៉ែត្រ។ គម្រោងនេះ នឹងរួមបញ្ចូលនូវការសាងសង់ស្ពានថ្មីចំនួន ១កន្លែង ប្រវែង ៩០ម៉ែត្រ ទទឹង ១២ម៉ែត្រ ស្របជាមួយនឹងស្ពានចាស់ និងជួសជុលកែលម្អស្ពាន ដែលមានស្រាប់ចំនួន ២កន្លែង ប្រវែងសរុប ៦៥ម៉ែត្រ ព្រមទាំងដាក់លូគ្រប់ប្រភេទចំនួន ១៣៤កន្លែង៕

សម្តេចតេជោ ហ៊ុន សែន ប្រកាសយុទ្ធនាការចាក់វ៉ាក់សាំងកូវីដ-១៩ ដូសទី៤-៥ដល់កុមារ និងដូសទី៦ ដល់មន្ត្រីរាជការជួរមុខ អាជ្ញាធរ និងប្រជាពលរដ្ឋទូទៅ

ភ្នំពេញ៖ សម្តេចតេជោ ហ៊ុន សែន បានប្រកាសចេញវិធានការជាក់លាក់លើយុទ្ធនាការចាក់វ៉ាក់សាំងបង្ការជំងឺកូវីដ-១៩ និងវិធានការទប់ស្កាត់ការឆ្លងរីករាលដាលជំងឺកូវីដ-១៩ ខណៈដែលករណីឆ្លងប្រចាំថ្ងៃ នៃជំងឺកូវីដ-១៩ មានការកើនឡើង។យោងតាមសារពិសេសសម្តេចតេជោ ហ៊ុន សែន នៅរាត្រីថ្ងៃទី២៩ ខែធ្នូនេះ សម្តេចតេជោ ហ៊ុន សែន ប្រកាសថា វ៉ាក់សាំងកូវីដ-១៩ គឺជាជម្រើសដ៏ល្អបំផុត ដែលនឹងជួយយើង កាត់បន្ថយការឆ្លងរីករាលដាលជំងឺកូវីដ-១៩ ឬការឆ្លងហើយ តែមិននាំដល់ករណីធ្ងន់ធ្ងរ ឬស្លាប់។សម្តេចបានប្រកាសសម្រេច ៖ ទី១- ការចាក់វ៉ាក់សាំងកូវីដ-១៩ ដូសទី៤ ដល់កុមារចាប់ពីអាយុ៣ ដល់ក្រោម ៥ឆ្នាំ ទី២-ដំណើរការចាក់វ៉ាក់សាំងកូវីដ-១៩ដូសទី៥ ដល់កុមារអាយុ ៥ដល់ក្រោម ១២ឆ្នាំ និងទី៣-ការចាក់វ៉ាក់សាំងកូវីដ-១៩ដូសទី៦ ជូនមន្ត្រីរាជការជួរមុខ អាជ្ញាធរ និងប្រជាពលរដ្ឋទូទៅ។សម្តេចតេជោ ហ៊ុន សែន បានប្រកាសឯកភាពលើគោលការណ៍ការស្នើឡើងពីរបៀបចាក់វ៉ាក់សាំងកូវីដ-១៩ គឺត្រូវធ្វើឡើងរយៈពេល ៦ខែម្តង បន្ទាប់ពីដំណើរការចាក់ដូសចុងក្រោយ ដែលត្រូវបានទទួល ដើម្បីសហគមនាគមន៍កម្ពុជាបានរឹងមាំទប់នឹងករណីឆ្លងកូវីដ-១៩ជាថ្មី។សម្តេចប្រកាសអំពាវនាវសារជាថ្មីឡើងវិញដល់ប្រជាពលរដ្ឋ ដែលមិនទាន់ទទួលបានវ៉ាក់សាំងកូវីដ-១៩ដូសជំរុញទី៣ សូមមេត្តារួសរាន់ទៅចាក់ ហើយអ្នកដែលទទួលបានដូសទី៣ហើយ សូមបន្តទៅចាក់ដូសទី៤ និងដូសបន្តបន្ទាប់តាមពេលវេលា និងទីកន្លែងដែលបានត្រៀមទុក។ សម្តេចតេជោ ហ៊ុន សែន បានប្រកាសថា កង្វល់ធំរបស់យើងនាពេលនេះ មិនមែនយើងខ្វះវ៉ាក់សាំងកូវីដ-១៩ចាក់ជូនប្រជាពលរដ្ឋដោយឥតគិតថ្លៃនោះទេ បញ្ហាស្ថិតនៅត្រង់ថា “ប្រជាពលរដ្ឋមួយចំនួន មិនមកទទួលវ៉ាក់សាំងទៅវិញទេ”។សម្តេចតេជោ ហ៊ុន សែន បញ្ជាក់ថា ពេលនេះវ៉ាក់សាំងកូវីដ-១៩ ប្រមាណ៧លានដូស កំពុងស្តុកទុកក្នុងឃ្លាំងរក្សាវ៉ាក់សាំង នេះមិនរាប់បញ្ចូលវ៉ាក់សាំងជាង ២០លានដូសដែលកម្ពុជាបញ្ជាទិញ នឹងដឹកជាបន្តបន្ទាប់មកកម្ពុជានោះឡើយ។ “ដូច្នេះយើងមានវ៉ាក់សាំងគ្រប់គ្រាន់ចាក់ជូនប្រជាពលរដ្ឋ”៕

អាមេរិក អឺរ៉ុប និង NATO ជំរុញឱ្យមានការអត់ធ្មត់ ខណៈច្រកព្រំដែនប្រទេសស៊ែប៊ី-កូសូវ៉ូបិទ

កូសូវ៉ូ៖ សហរដ្ឋអាមេរិក សម្ព័ន្ធយោធាណាតូ និងសហភាពអឺរ៉ុបបានជំរុញឱ្យមានការអត់ធ្មត់ខ្លាំងនៅភាគខាងជើងសាធារណៈរដ្ឋកូសូវ៉ូ ខណៈអាជ្ញាធរបានបិទច្រកឆ្លងកាត់នៅព្រំដែនទីបីកាលពីថ្ងៃពុធ ហើយភាពតានតឹងបានកើនឡើងជាមួយប្រជាជនស៊ែប៊ីក្នុងតំបន់ជុំវិញឯករាជ្យភាពឆ្នាំ២០០៨។អស់រយៈពេលជាង ២០ឆ្នាំមកហើយ ប្រទេសកូសូវ៉ូគឺជាប្រភពនៃភាពតានតឹងរវាងប្រទេសលោកខាងលិច ដែលគាំទ្រឯករាជ្យភាពរបស់ប្រទេសនេះ ហើយរុស្ស៊ីបានគាំទ្រប្រទេសស៊ែប៊ីក្នុងកិច្ចខិតខំប្រឹងប្រែងរបស់ខ្លួន ដើម្បីរារាំងសមាជិកភាពរបស់កូសូវ៉ូពីអង្គការអន្តរជាតិ រួមទាំងអង្គការសហប្រជាជាតិ។ សហភាពអឺរ៉ុប និងសហរដ្ឋអាមេរិកបាននិយាយនៅក្នុងសេចក្តីថ្លែងការណ៍រួមថា យើងអំពាវនាវឱ្យអ្នកគ្រប់គ្នាអនុវត្តការអត់ធ្មត់ខ្លាំង មានចំណាត់ការបន្ទាន់ ដើម្បីកាត់បន្ថយស្ថានការណ៍ដោយគ្មានលក្ខខណ្ឌ និងជៀសវាងពីការបង្កហេតុ ការគំរាមកំហែង ឬការបំភិតបំភ័យ។បេសកកម្មរបស់សម្ព័ន្ធយោធាណាតូនៅកូសូវ៉ូបាននិយាយថា ខ្លួនគាំទ្រការសន្ទនារវាងភាគីទាំងអស់ដើម្បីកាត់បន្ថយភាពតានតឹង ដែលរួមមានទាំងការបិទផ្លូវរបស់ប្រទេសស៊ែប៊ីដោយរថយន្តដឹកទំនិញ និងរថយន្តធុនធ្ងន់ផ្សេងទៀត និងការប៉ះទង្គិចគ្នាដោយហិង្សាជាមួយនគរបាល។ ប្រទេសស៊ែប៊ីបានដាក់កងទ័ពរបស់ខ្លួនលើការប្រុងប្រយ័ត្នខ្ពស់បំផុតកាលពីថ្ងៃចន្ទ។ ចំណែកវិមានក្រឹមឡាំងវិញបានបដិសេធការអះអាងរបស់ប្រទេសកូសូវ៉ូថា រុស្ស៊ីកំពុងផ្តល់ឥទ្ធិពលដល់ប្រទេសស៊ែប៊ីដើម្បីធ្វើឱ្យមានអស្ថិរភាពប្រទេសកូសូវ៉ូ ដោយនិយាយថា ស៊ែប៊ីកំពុងការពារសិទ្ធិជនជាតិភាគតិចស៊ែប៊ី៕អត្ថបទ៖ ប៊ុនថន

ការវាយប្រហាររបស់រុស្សីធ្វើឲ្យបុគ្គលិកមន្ទីរពេទ្យសម្ភពទីក្រុង Kherson និងម្តាយតក់ស្លុត

អ៊ុយក្រែន៖ ម្តាយទើបសម្រាលកូន និងបុគ្គលិកនៃមន្ទីរពេទ្យសម្ភពនៅទីក្រុង Kherson តក់ស្លុតកាលពីថ្ងៃពុធ បន្ទាប់ពីអ្វីដែលនាយសេនាធិការរងរបស់ប្រធានាធិបតីអ៊ុយក្រែនបានចាត់ទុកថា ជាការបាញ់ផ្លោងរបស់រុស្ស៊ីមកលើអគារសម្ភពមន្ទីរពេទ្យ។ លោក Kyrylo Tymoshenko នាយសេនាធិការរងរបស់លោក Zelenskiy បាននិយាយនៅលើបណ្តាញ Telegram ថា គ្មាននរណាម្នាក់រងរបួសនោះទេ ហើយបុគ្គលិក និងអ្នកជំងឺត្រូវបានផ្លាស់ប្តូរទៅកាន់ទីជម្រកបណ្តោះអាសន្ន។ ប្រធានមន្ទីរពេទ្យសម្ភពបានបញ្ជាក់ប្រាប់សារព័ត៌មានរ៉យទ័រថា ស្ត្រីមានផ្ទៃពោះត្រូវបានគេនាំទៅកាន់ទីជម្រកគេចពីគ្រាប់បែក។ លោកស្រី Leonid Remyha និយាយថា បន្ទាប់ពីការវាយប្រហារ ការផ្ទុះជាច្រើនបានចាប់ផ្តើម យើងក៏បានផ្លាស់ប្តូរស្ត្រីមានផ្ទៃពោះភ្លាមៗទៅកាន់ជាន់ក្រោមដី។ ផ្នែកមួយចំនួននៃអគារមើលទៅរងការបំផ្លាញខ្លាំង ដោយទ្វារ និងបង្អួចបានបាក់បែក។ លោកស្រី Tymoshenko បានឱ្យដឹងថា នៅពេលផ្ទុះនោះមានស្ត្រី ៥នាក់ដែលទើបសម្រាលកូន និងបុគ្គលិកច្រើននាក់នៅក្នុងមន្ទីរពេទ្យ។ ស្ត្រីម្នាក់ក្នុងចំណោមស្ត្រីទាំង ៥នាក់បានទទួលការវះកាត់កន្លះម៉ោងមុនពេលការវាយប្រហារ។ យោធាអ៊ុយក្រែននិយាយថា កងកម្លាំងរុស្ស៊ីបានបង្កើនការវាយប្រហារដោយកាំភ្លើងត្បាល់ និងកាំភ្លើងធំទៅលើទីក្រុង Kherson ដែលទើបរំដោះបាននៅភាគខាងត្បូងប្រទេសអ៊ុយក្រែនកាលពីថ្ងៃពុធ ខណៈដែលកំពុងដាក់សម្ពាធឥតឈប់ឈរនៅសមរភូមិក្នុងតំបន់ភាគខាងកើតប្រទេស។ នាយសេនាធិការកងកម្លាំងប្រដាប់អាវុធអ៊ុយក្រែន និយាយនៅក្នុងរបាយការណ៍របស់ខ្លួនថា ប្រទេសរុស្ស៊ីបានបាញ់មីស៊ីលចំនួន ៣៣គ្រាប់ទៅកាន់គោលដៅស៊ីវិលក្នុងទីក្រុង Kherson ក្នុងរយៈពេល ២៤ម៉ោងរហូតដល់ថ្ងៃពុធ។ កងកម្លាំងរុស្ស៊ីបានបោះបង់ចោលទីក្រុង Kherson កាលពីខែមុន ដែលទីក្រុងនេះមានទីតាំងនៅតាមដងទន្លេ Dnipro និងបម្រើជាច្រកចូលទៅកាន់តំបន់គ្រីមៀភ្ជាប់ឧបសម្ព័ន្ធរបស់រុស្ស៊ី ដែលមានសារៈសំខាន់ជាយុទ្ធសាស្ត្រ។ អ៊ុយក្រែននិយាយថា ការវាយប្រហាររបស់រុស្ស៊ីបណ្តាលឲ្យមនុស្សយ៉ាងហោចណាស់ ១០នាក់ស្លាប់ និងរបួស ៥៨នាក់នៅក្នុងទីក្រុង Kherson កាលពីថ្ងៃសៅរ៍សប្តាហ៍មុន៕អត្ថបទ៖ ប៊ុនថន

រដ្ឋបាលលោក Joe Biden គំរាមក្រុមហ៊ុនអាកាសចរណ៍ដោយសារការលុបចោលជើងហោះហើរ ខណៈមានព្យុះព្រិល

អាមេរិក៖ ប្រធានាធិបតីអាមេរិកលោក Joe Biden បានគំរាមឲ្យក្រុមហ៊ុនអាកាសចរណ៍នានាចេញមុខទទួលខុសត្រូវ ជុំវិញការពន្យារពេល និងលុបចោលជើងហោះហើរ ស្របពេលរដ្ឋមន្ត្រីដឹកជញ្ជូនលោក Pete Buttigieg បានលើកឡើងចំឈ្មោះក្រុមហ៊ុន Southwest Airlines។ ទោះជាយ៉ាងណាក៏ដោយរដ្ឋបាលរបស់លោក Biden ត្រូវបានចោទប្រកាន់ថាបានរួមចំណែកដល់បញ្ហានេះ។ ដោយមានជាងពាក់កណ្តាលនៃទ្វីបអាមេរិកដែលរងផលប៉ះពាល់ ដោយព្យុះស៊ីក្លូនរដូវរងាដ៏ធ្ងន់ធ្ងរ យ៉ាងហោចណាស់ជើងហោះហើរចំនួន ៣.១០០ ត្រូវបានលុបចោលនៅទូទាំងប្រទេសកាលពីថ្ងៃអាទិត្យ និងជើងហោះហើរ ចំនួន ៦ .៨០០បន្ថែមទៀតត្រូវបានពន្យារពេល។ ការពន្យារពេល និងការលុបចោលជើងហោះហើរនៅតែមានចំនួនរាប់ពាន់កាលពីថ្ងៃចន្ទ ប៉ុន្តែគិតត្រឹមថ្ងៃពុធ ក្រុមហ៊ុនអាកាសចរណ៍មួយនៅតែតស៊ូ ជាពិសេសក្នុងការបន្តសេវាកម្មធម្មតានោះគឺក្រុមហ៊ុន Southwest ដែលជាក្រុមហ៊ុនអាកាសចរណ៍មានតម្លៃទាប។ យោងតាមក្រុមហ៊ុន FlightAware ដែលជាគេហទំព័រតាមដានជើងហោះហើរ ជើងហោះហើររបស់ក្រុមហ៊ុនអាកាសចរណ៍ Southwest ប្រមាណ ២.៥០៩ជើង ឬ ៦២ % នៃសេវាកម្មដែលបានគ្រោងទុករបស់ក្រុមហ៊ុនអាកាសចរណ៍ ត្រូវបានលុបចោលកាលពីរសៀលថ្ងៃពុធ។ ក្រុមហ៊ុនអាកាសចរណ៍នេះបានលុបចោលជើងហោះហើរជាង ១៤.៥០០ជើងចាប់តាំងពីថ្ងៃសុក្រសប្ដាហ៍មុនមក។ គិតមកដល់ថ្ងៃព្រហស្បតិ៍នេះ ចំនួនអ្នកស្លាប់ដោយសារព្យុះព្រិលនៅក្នុងរដ្ឋចំនួន៨ របស់សហរដ្ឋអាមេរិកបានកើនឡើងដល់ ៦២នាក់៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ប្រធានគណៈប្រចាំការនៃគណៈអចិន្ត្រៃយ៍យុវជនគណបក្សប្រជាជនកម្ពុជាថ្នាក់កណ្ដាល និងលេខាទី១ នៃគណៈកម្មាធិការមជ្ឈិមសម្ព័ន្ធយុវជនកុម្មុយនីស្តចិនចុះអនុស្សរណៈស្ដីពីកិច្ចសហប្រតិបត្តិការជាមួយគ្នា

កសិដ្ឋានចិញ្ចឹមសត្វគោ និងជ្រូកនៅប្រទេសបែលហ្ស៊ិក កំពុងជួបការលំបាក ដោយសាររលកកម្តៅ

នយោបាយឈ្នះ-ឈ្នះនាំឱ្យកម្ពុជាសម្រេចបានសន្តិភាព និងការអភិវឌ្ឍដូចសព្វថ្ងៃ

អ៊ីរ៉ង់៖ ការឆ្លងកាត់ច្រកសមុទ្រ Hormuz មិនត្រូវបានធានាទេ បើគ្មានការសម្របសម្រួលជាមួយទីក្រុងតេអេរ៉ង់

ប្រធានាធិបតីជិតឡើងកាន់អំណាចកូឡុំប៊ី ចេញឱសានវាទដល់ក្រុមឧក្រិដ្ឋកម្មប្រដាប់អាវុធ

មន្ត្រីជាន់ខ្ពស់៖ លីបង់ទាមទារឲ្យអ៊ីស្រាអែលដកទ័ពទាំងស្រុង ក្នុងកិច្ចព្រមព្រៀងណាមួយ នៅទីក្រុងវ៉ាស៊ីនតោន

កម្ពុជា ប្តេជ្ញាធ្វើការងារជិតស្និទ្ធជាមួយចិន ដើម្បីពង្រីកបន្ថែមទាំងវិសាលភាព និងភាពស៊ីជម្រៅនៃទំនាក់ទំនងទ្វេភាគី

រញ្ជួយដីកម្រិត ៦,៥រ៉ិចទ័រ វាយប្រហារកោះ នៅភាគខាងត្បូងនៃប្រទេសហ្វីលីពីន

UN ជំរុញឲ្យមានសេចក្តីថ្លៃថ្នូរសម្រាប់ជនអន្តោប្រវេសន៍ ក្រោយតុលាការអាមេរិកសម្រេចលើជនអន្តោប្រវេសន៍ហៃទី និងស៊ីរី

អ៊ីស្រាអែលទម្លាក់ខិត្តប័ណ្ណ នៅទីក្រុងរបស់លីបង់ ដោយបញ្ជាឲ្យប្រជាជនចាកចេញ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ក្រសួងសុខាភិបាលប្រកាសចាក់វ៉ាក់សាំងដូសទី៤-៥ ដល់កុមារ និងដូសទី៦ ដល់មន្រ្តីជួរមុខ អាជ្ញាធរ និងប្រជាជនទូទៅ

ក្រុមរុករក និងសង្គ្រោះករណីឆាបឆេះអគារកាស៊ីណូនៅប៉ោយប៉ែតរកឃើញសាកសព ១១នាក់បន្ថែមទៀតនៅព្រឹកនេះ

តំបន់ជាច្រើនរបស់អ៊ុយក្រែនគ្មានអគ្គិសនីប្រើប្រាស់ ក្រោយរុស្ស៊ីបាញ់ស្រោចមីស៊ីលជាង ១២០គ្រាប់

សហភាពអឺរ៉ុបរៀបចំកិច្ចប្រជុំយុទ្ធសាស្ត្រ ខណៈក្ដីបារម្ភកើនឡើងខ្លាំងជុំវិញករណីឆ្លង COVID-19 ហក់ឡើងខ្ពស់របស់ចិន

ប្រសាសន៍សំខាន់ៗសម្ដេចតេជោ ហ៊ុន សែន ក្នុងពិធីបើកការដ្ឋានស្តារ និងលើកកម្រិតគុណភាពផ្លូវជាតិលេខ៣១ និងលេខ៣៣

សម្ដេចតេជោ ហ៊ុន សែន អញ្ជើញជាអធិបតីបើកការដ្ឋានស្តារ និងលើកកម្រិតគុណភាព ផ្លូវជាតិលេខ៣១ និង៣៣

អាមេរិក អឺរ៉ុប និង NATO ជំរុញឱ្យមានការអត់ធ្មត់ ខណៈច្រកព្រំដែនប្រទេសស៊ែប៊ី-កូសូវ៉ូបិទ

ការវាយប្រហាររបស់រុស្សីធ្វើឲ្យបុគ្គលិកមន្ទីរពេទ្យសម្ភពទីក្រុង Kherson និងម្តាយតក់ស្លុត

រដ្ឋបាលលោក Joe Biden គំរាមក្រុមហ៊ុនអាកាសចរណ៍ដោយសារការលុបចោលជើងហោះហើរ ខណៈមានព្យុះព្រិល

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ក្រសួងសុខាភិបាលប្រកាសចាក់វ៉ាក់សាំងដូសទី៤-៥ ដល់កុមារ និងដូសទី៦ ដល់មន្រ្តីជួរមុខ អាជ្ញាធរ និងប្រជាជនទូទៅ

ក្រុមរុករក និងសង្គ្រោះករណីឆាបឆេះអគារកាស៊ីណូនៅប៉ោយប៉ែតរកឃើញសាកសព ១១នាក់បន្ថែមទៀតនៅព្រឹកនេះ

សម្ដេចតេជោ ហ៊ុន សែន អញ្ជើញជាអធិបតីបើកការដ្ឋានស្តារ និងលើកកម្រិតគុណភាព ផ្លូវជាតិលេខ៣១ និង៣៣

អាមេរិក អឺរ៉ុប និង ​NATO ជំរុញឱ្យមាន​ការអត់ធ្មត់ ខណៈ​ច្រកព្រំដែន​ប្រទេស​ស៊ែ​ប៊ី​-​កូ​សូ​វ៉ូ​បិទ​

ការវាយប្រហារ​របស់​រុស្សី​ធ្វើ​ឲ្យ​បុគ្គលិក​មន្ទីរពេទ្យ​សម្ភព​ទីក្រុង ​Kherson និង​ម្តាយ​តក់ស្លុត

រដ្ឋបាល​លោក Joe Biden គំរាម​ក្រុមហ៊ុន​អាកាសចរណ៍​ដោយសារ​ការលុបចោល​ជើង​ហោះហើរ ខណៈ​មាន​ព្យុះ​ព្រិល​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អាមេរិក អឺរ៉ុប និង NATO ជំរុញឱ្យមានការអត់ធ្មត់ ខណៈច្រកព្រំដែនប្រទេសស៊ែប៊ី-កូសូវ៉ូបិទ

ការវាយប្រហាររបស់រុស្សីធ្វើឲ្យបុគ្គលិកមន្ទីរពេទ្យសម្ភពទីក្រុង Kherson និងម្តាយតក់ស្លុត

រដ្ឋបាលលោក Joe Biden គំរាមក្រុមហ៊ុនអាកាសចរណ៍ដោយសារការលុបចោលជើងហោះហើរ ខណៈមានព្យុះព្រិល