BTV NEWS

សម្តេចធិបតី ណែនាំឱ្យក្រសួងស្ថាប័នពាក់ព័ន្ធត្រៀមឆ្លើយតបជាមួយបាតុភូតធម្មជាតិ El Niño ដែលកម្ពុជាកំពុងទទួលរងឥទ្ធិពល

សម្ដេចធិបតីណែនាំអាជ្ញាធរពាក់ព័ន្ធគ្រប់លំដាប់ថ្នាក់ ត្រួតពិនិត្យ និងគ្រប់គ្រងឱ្យបានចំពោះទំនិញគេចពន្ធ និងខូចគុណភាព ហើយត្រូវសហការគ្នាចាត់វិធានការឱ្យបានច្បាស់លាស់

សម្ដេចធិបតីក្រើនរំឭកអាជ្ញាធរពាក់ព័ន្ធគ្រប់លំដាប់ថ្នាក់ត្រូវបន្តបង្ក្រាប Online Scams មិនត្រូវបន្ធូរដៃឡើយ

សម្ដេចតេជោ ហ៊ុន សែន អញ្ជើញជួបពិភាក្សាទ្វេភាគីជាមួយ ឯកឧត្តម លី ឈាង នាយករដ្ឋមន្ត្រីចិន

ព័ត៌មានសំខាន់ៗ

សម្តេចតេជោ ហ៊ុន សែន អញ្ជើញសម្ពោធដាក់ឱ្យប្រើប្រាស់ផ្លូវ លេខ១៤៦B តភ្ជាប់ទៅផ្លូវលេខ១៤៨ ក្នុងខេត្តព្រះសីហនុ

ព្រះសីហនុ៖ សម្ដេចតេជោ ហ៊ុន សែន នាយករដ្ឋមន្ត្រី បានអញ្ជើញជាអធិបតីសម្ពោធដាក់ឲ្យប្រើប្រាស់ផ្លូវលេខ ១៤៦B តភ្ជាប់ទៅផ្លូវលេខ១៤៨ ក្នុងខេត្តព្រះសីហនុ នៅព្រឹកថ្ងៃទី២២ ខែធ្នូ ឆ្នាំ២០២២នេះ។ផ្លូវដែលត្រូវសម្ពោធដាក់ឲ្យប្រើប្រាស់នៅពេលនេះ តភ្ជាប់រវាងស្រុកព្រៃនប់ ទៅក្រុងព្រះសីហនុ មានប្រវែងសរុបជាង ៤៣គីឡូម៉ែត្រ ត្រូវបានស្ថាបនា និងកែលំអរឡើងវិញរួចរាល់ជាស្ថាពរ ក្រោមកញ្ចប់ថវិកាជាតិប្រមាណ ៧៦លានដុល្លារអាមេរិក។ផ្លូវជាចំណងដៃថ្មីរបស់រាជរដ្ឋាភិបាលជូនពលរដ្ឋខេត្តព្រះសីហនុ មានពីរខ្សែតភ្ជាប់គ្នា ដែល១ខ្សែមានឈ្មោះថាផ្លូវលេខ១៤៦B ឬហៅថា វិថីសុវត្ថិភាពសម្តេចព្រះសង្ឃរាជ ទេព វង្ស ចាប់ពីចំណុចបំបែកផ្លូវជាតិលេខ៤ ត្រង់គីឡូម៉ែត្រលេខ ១៧៨+១៦៥ ស្ថិតនៅភូមិវាលធំ ឃុំវាលរេញ ស្រុកព្រៃនប់ ទៅដល់រង្វង់មូលស្ទឹងហាវ ស្ថិតនៅភូមិ១ ឃុំអូរត្រេះ ស្រុកស្ទឹងហាវ។១ខ្សែទៀតមានឈ្មោះផ្លូវលេខ១៤៨ ឬហៅថា តីរវិថីសម្តេចតេជោ ហ៊ុន សែន (តីរវិថី គឺវិថីស្ថិតនៅបណ្តោយតាមឆ្នេរ) បន្តពីរង្វង់មូលស្ទឹងហាវ ដល់ចំណុចប្រសព្វផ្លូវជាតិលេខ៤ ត្រង់គីឡូម៉ែត្រលេខ ២២៥+៥៥០ កំពង់ផែស្វយ័តក្រុងព្រះសីហនុ។ផ្លូវទាំងពីរខ្សែនេះ គឺជាខ្សែផ្លូវវាងក្រុងតភ្ជាប់គ្នា ដ៏មានសក្តានុពល ដោយតភ្ជាប់ពីទីប្រជុំជនទៅជាយក្រុង ទៅកាន់តំបន់ទេសចរណ៍ និងឆ្នេរធម្មជាតិ ព្រមទាំងតភ្ជាប់ជាមួយផ្លូវជាតិលេខ៤ ផ្លូវល្បឿនលឿនភ្នំពេញ-ក្រុងព្រះសីហនុ និងផ្លូវទាំង ៣៧ខ្សែ នៅក្រុងព្រះសីហនុ ខេត្តព្រះសីហនុផងដែរ។ ផ្លូវនេះគឺដើរតួនាទីយ៉ាងសំខាន់ដល់ការដឹកជញ្ជូន ការធ្វើដំណើរ និងបម្រើវិស័យទេសចរណ៍ផងដែរ៕

ប្រមុខសហភាពអឺរ៉ុបព្រមព្រៀងដាក់ទណ្ឌកម្មបន្ថែមទៀតលើរុស្ស៊ី និងផ្តល់មូលនិធិដល់អ៊ុយក្រែន

អឺរ៉ុប៖ បណ្តាមេដឹកនាំសហភាពអឺរ៉ុបបានបញ្ចប់កិច្ចប្រជុំកំពូលចុងក្រោយនៃឆ្នាំ២០២២ កាលពីសប្តាហ៍កន្លងទៅនេះ ដោយមានកិច្ចព្រមព្រៀងមួយដើម្បីផ្តល់ហិរញ្ញប្បទានចំនួន ១៨ពាន់លានអឺរ៉ូដល់ប្រទេសអ៊ុយក្រែននៅឆ្នាំក្រោយ និងដាក់ទណ្ឌកម្មបន្ថែមទៀតលើប្រទេសរុស្ស៊ី ខណៈសហភាពអឺរ៉ុបក៏បានរៀបចំដើម្បីទប់តម្លៃឧស្ម័នធម្មជាតិ និងជំរុញការទប់ទល់ឧស្សហកម្មរបស់ខ្លួន។ ប្រទេសប៉ូឡូញបានដកការជំទាស់ចុងក្រោយ ចំពោះពន្ធសាជីវកម្មអប្បបរមាជាសកល ដោយបានដាក់ចេញកញ្ចប់នៃកិច្ចព្រមព្រៀងដែលពាក់ព័ន្ធ រួមមានប្រាក់កម្ចីដល់អ៊ុយក្រែនដែលត្រូវបានឈ្លានពានដោយរុស្ស៊ី រយៈពេលឈានចូល ១០ខែមកនេះ។ មេដឹកនាំសហភាពអឺរ៉ុបបានព្រមព្រៀងលើកញ្ចប់ទណ្ឌកម្មទី៩ ដាក់លើទីក្រុងមូស្គូ សម្រាប់ការធ្វើសង្គ្រាមនៅអ៊ុយក្រែនចូលទៅក្នុងបញ្ជីខ្មៅនូវបុគ្គលជិត ២០០នាក់បន្ថែមទៀត និងរារាំងការវិនិយោគនៅក្នុងឧស្សាហកម្មរុករករ៉ែរបស់រុស្ស៊ីក្នុងចំណោមទណ្ឌកម្មដទៃទៀត។សេចក្តីសម្រេចដែលតម្រូវឱ្យមានការឯកភាពគ្នាត្រូវបានធ្វើឡើង បន្ទាប់ពីប្រទេសប៉ូឡូញ និងប្រទេសលីទុយអានីបានព្រមានថា ការលើកលែងដែលបានស្នើសុំសម្រាប់សន្តិសុខស្បៀង តាមពិតអាចផ្តល់ផលប្រយោជន៍ដល់ក្រុមអ្នកមានរបស់រុស្ស៊ីនៅក្នុងការធ្វើពាណិជ្ជកម្មជី។ ដោយការកាត់បន្ថយថាមពលកម្តៅនៅក្នុងអគារសហភាពអឺរ៉ុប ជាផ្នែកមួយនៃវិធានការដើម្បីសន្សំថាមពល មេដឹកនាំមួយចំនួនត្រូវបានគេមើលឃើញញ័រខ្លួនដណ្តប់ដោយអាវធំ ខណៈមេដឹកនាំជួបប្រជុំដើម្បីពិភាក្សាអំពីការឆ្លើយតប ចំពោះច្បាប់កាត់បន្ថយអតិផរណារបស់សហរដ្ឋអាមេរិក៕អត្ថបទ៖ ប៊ុនថន

UN ថ្កោលទោសការផ្អាកនិស្សិតស្រីនៅសាកលវិទ្យាល័យរបស់ក្រុមតាលីបង់

អាហ្វហ្គានីស្ថាន៖ ក្រសួងអប់រំថ្នាក់ឧត្តមសិក្សាដែលគ្រប់គ្រង ដោយក្រុមតាលីបង់របស់ប្រទេសអាហ្វហ្គានីស្ថាន កាលពីថ្ងៃអង្គារបានផ្អាកការចូលរៀនរបស់និស្សិតស្រីនៅសកលវិទ្យាល័យ រហូតដល់មានការជូនដំណឹងបន្ថែម ដែលបណ្តាលឲ្យមានការថ្កោលទោសយ៉ាងខ្លាំងពីសហរដ្ឋអាមេរិក អង់គ្លេស និងអង្គការសហប្រជាជាតិ។ លិខិតមួយច្បាប់ដែលត្រូវបានបញ្ជាក់ ដោយអ្នកនាំពាក្យរបស់ក្រសួងអប់រំថ្នាក់ឧត្តមសិក្សា បានណែនាំដល់សាកលវិទ្យាល័យរដ្ឋ និងឯកជននៅប្រទេសអាហ្វហ្គានីស្ថាន ឱ្យផ្អាកការចូលរៀនរបស់និស្សិតស្រីជាបន្ទាន់ ស្របតាមសេចក្តីសម្រេចរបស់គណៈរដ្ឋមន្ត្រី។ សេចក្តីប្រកាសរបស់រដ្ឋបាលក្រុមតាលីបង់ ដែលពុំត្រូវបានទទួលស្គាល់ជាអន្តរជាតិនោះបានធ្វើឡើង ខណៈក្រុមប្រឹក្សាសន្តិសុខអង្គការសហប្រជាជាតិ បានជួបប្រជុំគ្នានៅទីក្រុងញូវយ៉កស្តីពីប្រទេសអាហ្វហ្គានីស្ថាន។ រដ្ឋាភិបាលបរទេស រួមមានទាំងសហរដ្ឋអាមេរិកបាននិយាយថា ការផ្លាស់ប្តូរគោលនយោបាយស្តីពីការអប់រំរបស់ស្ត្រីគឺចាំបាច់ មុនពេលដែលអាចត្រូវពិចារណាទទួលស្គាល់ជាផ្លូវការ នូវរដ្ឋបាលគ្រប់គ្រងដោយក្រុមតាលីបង់ដែលជាទិសដៅត្រូវដាក់ទណ្ឌកម្មយ៉ាងធ្ងន់ធ្ងរ។ ឯកអគ្គរដ្ឋទូតរងប្រចាំអង្គការសហប្រជាជាតិរបស់សហរដ្ឋអាមេរិកលោក Robert Wood ដែលបានចាត់ទុកចំណាត់ការនេះថា ជាការមិនអាចជឿទុកចិត្តបាន បាននិយាយថា សហរដ្ឋអាមេរិកបាននិយាយម្តងហើយម្តងទៀតថា ភាពស្របច្បាប់ និងការគាំទ្រដែលក្រុមតាលីបង់ស្វែងរកពីសហគមន៍អន្តរជាតិ ចាប់ផ្តើមជាមួយនឹងភាពស្របច្បាប់ដែលពួកគេទទួលបានពីប្រជាជនអាហ្វហ្គានីស្ថាន តាមរយៈសកម្មភាពរបស់ក្រុមនេះ។ លោក Barbara Woodward ឯកអគ្គរដ្ឋទូតប្រចាំអង្គការសហប្រជាជាតិរបស់ចក្រភពអង់គ្លេសបានមាននិយាយថា បើគ្មានប្រព័ន្ធយុត្តិធម៌ ភាពត្រឹមត្រូវ និងសិទ្ធិទទួលបានការអប់រំនោះទេ ប្រទេសអាហ្វហ្គានីស្ថានពុំអាចពឹងផ្អែកលើខ្លួនឯង និងធ្វើឲ្យរីកចម្រើនបានឡើយ៕អត្ថបទ៖ ប៊ុនថន

ថៃព្យាយាមស្វែងរកទាហានម៉ារីនបាត់ខ្លួនពីនាវាដែលលិច ខណៈរកឃើញសាកសព ៦នាក់

ថៃ៖ កងទ័ពជើងទឹករបស់ប្រទេសថៃបានរកឃើញសាកសពទាហានម៉ារីន ៦នាក់កាលពីថ្ងៃអង្គារ បន្ទាប់ពីនាវាចម្បាំងធន់តូចមួយគ្រឿងបានលិចកាលពីចុងសប្តាហ៍។ ក្រុមយោធាបានព្យាយាមស្វែងរកអ្នកនៅរស់ដោយបានបញ្ជូនឧទ្ធម្ភាគចក្រ នាវាចម្បាំង និងយានដ្រូនដើម្បីស្វែងរកនៅជិតឆ្នេរសមុទ្រភាគកណ្តាលរបស់ខ្លួន។ ទាហានម៉ារីនជាង ១០នាក់នៅតែពុំទាន់បានរកឃើញនៅឡើយ ដោយអ្នកបាត់ខ្លួនទាំងនេះមួយចំនួនគ្មានអាវពោងការពារជីវិតឡើយ។ ជុំវិញឧបទ្ទវហេតុនេះ នាវាដែលបានលិចមានអាវពោងការពារមិនគ្រប់គ្រាន់ សម្រាប់ទាហានម៉ារីនជិះលើនាវាដើម្បីចូលរួមបេសកកម្មនៅឆ្នេរ Sairee ដែលបញ្ហាទាំងអស់នេះនឹងត្រូវស៊ើបអង្កេត។ មនុស្សរាប់សិបនាក់ត្រូវបានបង្ខំឱ្យបោះបង់ចោលនាវា HTMS Sukhothai កាលពីល្ងាចថ្ងៃអាទិត្យ បន្ទាប់ពីនាវាត្រូវបានបោកបក់ដោយរលកធំៗ និងមានខ្យល់បក់ខ្លាំង។នាវាចម្បាំងដែលផលិតដោយសហរដ្ឋអាមេរិកបានប្រើប្រាស់ចាប់តាំងពីឆ្នាំ១៩៨៧ បានដឹកបុគ្គលិកយោធាចំនួន ១០៥នាក់ដែលភាគច្រើនត្រូវបានជួយសង្គ្រោះមុនពេលនាវាលិច។ ប៉ុន្តែមនុស្សច្រើននាក់បានបោះបង់ចោលនាវាដោយការបណ្តែតខ្លួន និងមួយចំនួនមានអាវពោងការពារជីវិត។ នាវានេះមានបញ្ហាម៉ាស៊ីន មុនពេលនាវាបានលិចចម្ងាយប្រហែល ២០ម៉ាយក្នុងសមុទ្រពីខេត្ត Prachuap Khiri Khan៕អត្ថបទ៖ ប៊ុនថន

លោក Zelensky នឹងធ្វើទស្សនកិច្ចនៅអាមេរិក ជាការធ្វើដំណើរដំបូងទៅបរទេសចាប់តាំងពីសង្គ្រាមចាប់ផ្តើម

អ៊ុយក្រែន៖ ប្រព័ន្ធផ្សព្វផ្សាយសហរដ្ឋអាមេរិកបានរាយការណ៍ថា ប្រធានាធិបតីអ៊ុយក្រែនលោក Volodymyr Zelensky នឹងធ្វើទស្សនកិច្ចមកកាន់ទីក្រុងវ៉ាស៊ីនតោននៅថ្ងៃពុធនេះ សម្រាប់ជំនួបដែលអាចធ្វើទៅបានជាមួយប្រធានាធិបតីលោក Joe Biden និងថ្លែងសុន្ទរកថាទៅកាន់សភា។ នេះគឺជាដំណើរទស្សនកិច្ចលើកដំបូងរបស់លោក Zelenskyy ទៅបរទេសចាប់តាំងពីប្រទេសរុស្ស៊ីបានវាយលុកលើអ៊ុយក្រែនក្នុងខែកុម្ភៈ។ យោងតាមសេចក្តីការណ៍បានឱ្យដឹងថា ជំនួបនៅសេតវិមានដ៏មានសក្តានុពលអាចបង្ហាញពីសេចក្តីប្រកាសដែលរំពឹងទុកពីលោក Joe Biden អំពីកញ្ចប់ជំនួយសព្វាវុធថ្មីសម្រាប់ទីក្រុង Kyiv រួមទាំងមីស៊ីលផាតទ្រីយ៉ូត (Patriot) ផងដែរ។ ប្រធានសភាលោកស្រី Nancy Pelosi បានប្រាប់សមាជិកសភានៅក្នុងលិខិតមួយច្បាប់កាលពីថ្ងៃអង្គារថា សមាជិកសភាគួរតែចូលរួម។ លោកស្រីបានសរសេរដោយគ្មានការពន្យល់ថា សូមមានវត្តមានសម្រាប់ការផ្តោតជាពិសេសលើលទ្ធិប្រជាធិបតេយ្យនៅយប់ថ្ងៃពុធ។ លោក Zelensky ដែលបានដឹកនាំដោយគ្មានការសម្រាករយៈពេល ១០ខែនៃសង្គ្រាមដ៏ឃោរឃៅជាមួយកងកម្លាំងរុស្ស៊ី បាននិយាយជាញឹកញាប់ទៅកាន់មេដឹកនាំ និងអ្នកគាំទ្រជុំវិញពិភពលោក ប៉ុន្តែគ្រាន់តែសន្ទនាតាមទូរស័ព្ទ និងសន្និសីទវីដេអូប៉ុណ្ណោះ។ ការធ្វើដំណើរដែលបានគ្រោងទុករបស់លោកទទួលស្គាល់ថា សហរដ្ឋអាមេរិកគឺជាអ្នកគាំទ្រដ៏សំខាន់បំផុតនៃកិច្ចខិតខំប្រឹងប្រែងក្នុងសង្គ្រាម ដោយបានផ្តល់ជំនួយសរុបប្រមាណ ៥០ពាន់លានដុល្លាររួចហើយ រួមទាំងជំនួយផ្នែកសន្តិសុខចំនួន ២០ពាន់លានដុល្លារ។ កាលពីថ្ងៃអង្គារលោក Zelensky បានចុះទៅសួរសុខទុក្ខកងទ័ពអ៊ុយក្រែននៅទីក្រុង Bakhmut ដែលពេលនេះជាចំណុចកណ្តាលនៃការប្រយុទ្ធគ្នា ជាកន្លែងដែលលោកបានចាត់ទុកទីក្រុងដែលរងការវាយលុកដោយសង្គ្រាមនេះថាជាសមរភូមិមុខ។ ដំណើរទស្សនកិច្ចដោយមិនបានប្រកាសជាមុននេះ ធ្វើឡើងខណៈវិមានក្រឹមឡាំងបានប្រកាសថា លោក Vladimir Putin នឹងជួបមន្ត្រីយោធាជាន់ខ្ពស់នៅថ្ងៃពុធនេះ ដើម្បីថ្លឹងថ្លែងការវាយលុកពេញលេញរបស់រុស្ស៊ី មកលើអ៊ុយក្រែនរហូតមកដល់ពេលនេះ និងកំណត់គោលដៅសម្រាប់ឆ្នាំក្រោយ បន្ទាប់ពីបរាជ័យនៅក្នុងសមរភូមិជាបន្តបន្ទាប់៕អត្ថបទ៖ ប៊ុនថន

ប្រធានាធិបតីអាមេរិកលោក Joe Biden អះអាងថា កិច្ចព្រមព្រៀងនុយក្លេអ៊ែរអ៊ីរ៉ង់ស្លាប់ហើយ

អាមេរិក៖ លោកប្រធានាធិបតីអាមេរិក Joe Biden បាននិយាយនៅក្នុងវីដេអូដែលត្រូវបានផ្សព្វផ្សាយ យ៉ាងទូលំទូលាយនៅលើបណ្ដាញសង្គមថា កិច្ចព្រមព្រៀងនុយក្លេអ៊ែរអ៊ីរ៉ង់ស្លាប់ហើយ។ សេតវិមានមិនបានបញ្ជាក់ពីភាពភាពត្រឹមត្រូវនៃវីដេអូនោះ ដែលបានបង្កឲ្យមានមន្ទិលពីអនាគតនៃកិច្ចព្រមព្រៀងនុយក្លេអ៊ែររបស់អ៊ីរ៉ង់ ដែលត្រូវបានគេស្គាល់ថាជាកិច្ចព្រមព្រៀងផែនការសកម្មភាពចម្រុះគ្រប់ជ្រុងជ្រាយ។ កិច្ចព្រមព្រៀងដែលបានជាប់គាំងក្នុងឆ្នាំ២០១៥ រវាងអ៊ីរ៉ង់ ចិន បារាំង អាល្លឺម៉ង់ រុស្ស៊ី អង់គ្លេស អាមេរិក និងសហភាពអឺរ៉ុប ជាកិច្ចព្រមព្រៀងដ៏សំខាន់លើកលែងទណ្ឌកម្មសេដ្ឋកិច្ចលើសេដ្ឋកិច្ចរបស់អ៊ីរ៉ង់ ជាថ្នូរនឹងកម្មវិធីនុយក្លេអ៊ែររបស់ទីក្រុងតេអេរ៉ង់។ វីដេអូដែលត្រូវបានចែករំលែកមិនបានបញ្ជាក់ពីកាលបរិច្ឆេទ ឬទីតាំងច្បាស់លាស់ទេ។ សារព័ត៌មាន AFP បានរាយការណ៍ពីរូបភាពឆ្លើយឆ្លង ទៅកាន់ការជួបជុំមួយធ្វើឡើងដោយលោក Biden ដែលបានបង្កើតឡើងកាលពីដើមខែវិច្ឆិកាក្នុងរដ្ឋ California។ សេតវិមានបានបញ្ជាក់កាលពីថ្ងៃអង្គារថា ការស្រោចស្រង់កិច្ចព្រមព្រៀងនុយក្លេអ៊ែរអ៊ីរ៉ង់មិនមែនជាបញ្ហាសំខាន់ ដែលយើងត្រូវផ្ដោតការយកចិត្តទុកដាក់នៅពេលនេះទេ ក្រោយលោកប្រធានាធិបតី Joe Biden បានហៅកិច្ចព្រមព្រៀងផែនការសកម្មភាពចម្រុះគ្រប់ជ្រុងជ្រាយថា បានស្លាប់បាត់ហើយនៅតាមបណ្ដាញសង្គម៕អត្ថបទ៖ សុខមាន

លោក Emmanuel Macron បញ្ជាក់ពីការផ្ដល់ការធានាសន្តិសុខជាថ្មីដល់រុស្ស៊ី ដើម្បីបញ្ចប់ជម្លោះជាមួយអ៊ុយក្រែន

បារាំង៖ លោកប្រធានាធិបតីបារាំង Emmanuel Macron បានបញ្ជាក់ជាថ្មីពីជំនឿចិត្តរបស់លោកថា ជម្លោះនៅក្នុងប្រទេសអ៊ុយក្រែននឹងត្រូវបានដោះស្រាយ តាមរយៈការចរចាដោយជៀសមិនផុត ហើយថា ពិសេសលោកខាងលិច និងសម្ព័ន្ធយោធាណាតូ នឹងត្រូវតែផ្ដល់ការធានាសន្តិសុខមិនមែនសម្រាប់តែទីក្រុង Kiev ប៉ុណ្ណោះទេគឺទីក្រុង Moscow ផងដែរដើម្បីធានាបានសន្តិភាពយូរអង្វែង។ កាលពីថ្ងៃអង្គារ ទី២០ ខែធ្នូសប្ដាហ៍នេះលោក Macron បាននិយាយនៅក្នុងបទសម្ភាសន៍ជាមួយប្រព័ន្ធផ្សព្វផ្សាយ TF1 និង LCI ថា ថ្ងៃនៃសន្តិភាពនឹងត្រូវបានដោះស្រាយតាមរយៈការពិភាក្សា។ ជាលើកដំបូង និងអាទិភាពមុនគេបង្អស់សម្រាប់ការធានាដល់អ៊ុយក្រែនសម្រាប់បូរណភាពទឹកដីរបស់ខ្លួន និងសម្រាប់សន្តិសុខស្ថិតឋេររបស់ខ្លួន។ ប៉ុន្តែក៏ត្រូវតែមានសម្រាប់រុស្ស៊ីផងដែរ ជាយន្តការដែលនឹងនាំទៅរកបទឈប់បាញ់ និងសន្ធិសញ្ញាសន្តិភាព។មេដឹកនាំបារាំងរូបនេះបានបញ្ចេញទស្សនៈជាលើកដំបូង នៃការផ្ដល់ការធានសន្តិសុខឲ្យរុស្ស៊ីកាលពីដើមខែនេះ ដោយលើកឡើងថា មួយក្នុងចំណោមចំណុចសំខាន់ៗជាច្រើន ដែលសម្ព័ន្ធយោធាណាតូត្រូវតែដោះស្រាយគឺក្ដីកង្វល់របស់រុស្ស៊ី ដែលថា ប្លុកយោធានេះបានរំកិលខ្លួនចូលទៅជិតមាត់ទ្វារផ្ទះរបស់ខ្លួន និងការដាក់ពង្រាយអាវុធដែលអាចគំរាមកំហែងដល់រុស្ស៊ី។ ការអត្ថាធិប្បាយរបស់លោកបានបង្កឲ្យមានការរិះគន់ជាច្រើន មិនត្រឹមតែពីទីក្រុង Kiev ប៉ុណ្ណោះទេ ថែមទាំងពីបណ្ដាមេដឹកនាំសហភាពអឺរ៉ុបដូចជាប៉ូឡូញ ស្លូវ៉ាគី និងរដ្ឋនៅតំបន់បាល់ទិកផងដែរ៕អត្ថបទ៖ សុខមាន

ពិភពលោកបារម្ភពីរលកថ្មីនៃការផ្ទុះវីរុស COVID-19 របស់ចិន និងរកមធ្យោបាយជួយលោក Xi Jinping

ចិន៖ ក្រុមមន្ត្រី និងអ្នកជំនាញសុខភាពសកលនៅខាងក្រៅប្រទេសចិន កំពុងតាមដានយ៉ាងអន្ទះសារអំពីការឆ្លងរាលដាលវីរុស COVID-19 ដែលកំពុងកើនឡើងនៅក្នុងប្រទេសនេះ ដោយបារម្ភថាប្រជាជន ១.៤ពាន់លាននាក់ពុំត្រូវបានចាក់វ៉ាក់សាំងគ្រប់គ្រាន់ និងអាចថា ពុំមានសម្ភារៈសុខាភិបាលដើម្បីព្យាបាលរលកនៃអ្នកជំងឺ ដែលគេរំពឹងថានឹងមានមនុស្សជាង ១លាននាក់ស្លាប់រហូតដល់ឆ្នាំ២០២៣។ ប្រទេសចិនត្រូវបានរាយការណ៍អ្នកស្លាប់ដោយសារវីរុសនេះចំនួន ៥នាក់ផ្សេងទៀតកាលពីថ្ងៃអង្គារ ក្រោយមានអ្នកស្លាប់ ២នាក់កាលពីថ្មីៗនេះ ដែលមានអ្នកស្លាប់ដំបូងត្រូវបានរាយការណ៍ក្នុងពេលប៉ុន្មានសប្ដាហ៍នេះ។ ក្រុមមន្ត្រីសហរដ្ឋអាមេរិក និងសហភាពអឺរ៉ុបកំពុងព្យាយាមរកមធ្យោបាយថា តើពួកគេអាចជួយសម្រាលវិបត្តិដែលពួកគេបារម្ភថានឹងប៉ះពាល់ដល់សេដ្ឋកិច្ចសកល និងការរអាក់រអួលខ្សែរសង្វាក់ផ្គត់ផ្គង់សាជីវកម្ម ដែលធ្វើឲ្យមានការព្រួយបារម្ភដោយសារតែការផ្ទុះឡើងថ្មីៗនៃវីរុសម្លែងខ្លួនដោយរបៀបណា។ កាលពីថ្ងៃអង្គារ សហរដ្ឋអាមេរិកបានស្នើសុំផ្ដល់វ៉ាក់សាំងឲ្យប្រទេសចិន ដើម្បីទប់ស្កាត់ការហក់ឡើងនៃវីរុស COVID-19 ដោយនិយាយថា ការទប់ស្កាត់ការផ្ទុះរាលដាលវីរុសនេះ គឺជាផលប្រយោជន៍របស់ពិភពលោក។ អ្នកជំនាញផ្នែកសុខភាពមកពីប្រទេសក្រៅប្រទេសចិន ដែលបានព្យាយាមតាមរយៈរលករបស់ខ្លួននិយាយថា ការរៀបចំប្រព័ន្ធថែទាំសុខភាពជាមុន ការប្រមូលទិន្នន័យត្រឹមត្រូវ និងចែករំលែក និងការទំនាក់ទំនងបើកចំហ សុទ្ធតែមានសារៈសំខាន់ក្នុងការប្រយុទ្ធប្រឆាំងនឹងការឆ្លងវីរុស COVID-19។ ពួកគេនិយាយថា ធាតុទាំងនោះទំនងដូចជាខ្វះខាតក្នុងប្រទេសចិន៕អត្ថបទ៖ សុខមាន

មេដឹកនាំអឺរ៉ុបខាងជើងសន្យាបន្តគាំទ្រដល់អ៊ុយក្រែន

អឺរ៉ុបខាងជើង៖ មេដឹកនាំនៃបណ្តាប្រទេសអឺរ៉ុបខាងជើងចំនួន ១០ប្រទេសបាននិយាយថា ពួកគេនឹងបន្តការគាំទ្រដល់អ៊ុយក្រែនប្រឆាំងការឈ្លានពានរបស់រុស្ស៊ី ខណៈមេដឹកនាំទាំងនេះបានចាប់ផ្តើមកិច្ចប្រជុំនៃកងកម្លាំងបេសកកម្មរួម ដឹកនាំដោយចក្រភពអង់គ្លេស (JEF) នៅទីក្រុង Riga។ ប្រធានាធិបតីអ៊ុយក្រែនលោក Volodymyr Zelenskiy បានស្នើឱ្យមេដឹកនាំនៅក្នុងសុន្ទរកថាតាមវីដេអូមួយ ឲ្យផ្គត់ផ្គង់ប្រព័ន្ធសព្វាវុធឲ្យបានច្រើនដើម្បីជួយបញ្ចប់ជម្លោះដ៏ឃោរឃៅរបស់អឺរ៉ុប ចាប់តាំងពីសង្គ្រាមលោកលើកទី២ ឱ្យបានឆាប់។ នាយករដ្ឋមន្ត្រីអង់គ្លេសលោក Rishi Sunak បានស្វាគមន៍លោក Zelenskiy សម្រាប់ការដាក់ចេញនូវជំនួយបន្ថែមទៀតដែលដោយអ៊ុយក្រែនត្រូវការ ហើយបាននិយាយថា មេដឹកនាំនឹងពិភាក្សាអំពីវិធីដើម្បីផ្តល់ជំនួយ។ ថ្លែងនៅមុនពេលកិច្ចប្រជុំ រដ្ឋមន្ត្រីការពារជាតិហូឡង់លោក Kajsa Ollongren បាននិយាយថា ការគាំទ្រពីប្រទេសទាំង ១០ នឹងមានជាដរាបណាសម្រាប់តម្រូវការរបស់អ៊ុយក្រែន។ កិច្ចប្រជុំនៃកងកម្លាំងបេសកកម្មរួមដឹកនាំដោយចក្រភពអង់គ្លេស ត្រូវបានរៀបចំដើម្បីឆ្លើយតបយ៉ាងឆាប់រហ័សចំពោះវិបត្តិនៅអឺរ៉ុបខាងជើង ហើយត្រូវបានបង្កើតឡើងដោយប្រទេសដាណឺម៉ាក អេស្តូនី ហ្វាំងឡង់ អ៊ីស្លង់ ឡាតវី លីទុយអានី ហូឡង់ ន័រវេស ស៊ុយអែត និងចក្រភពអង់គ្លេស៕អត្ថបទ៖ ប៊ុនថន

ក្រសួងការបរទេសអាមេរិកនិយាយថា ចំនួនអ្នកស្លាប់ដោយជំងឺ COVID-19 នៅចិនគឺជាក្តីបារម្ភសម្រាប់ពិភពលោក

អាមេរិក៖ អ្នកនាំពាក្យក្រសួងការបរទេសអាមេរិកលោក Ned Price បាននិយាយកាលពីថ្ងៃចន្ទថា សហរដ្ឋអាមេរិកសង្ឃឹមថា ប្រទេសចិនអាចដោះស្រាយការផ្ទុះឡើងជំងឺ COVID-19 នាពេលបច្ចុប្បន្ននេះ ខណៈចំនួនអ្នកស្លាប់ដោយសារជំងឺនេះគឺជាក្តីបារម្ភសម្រាប់ពិភពលោកទាំងមូល ដោយសារតែទំហំសេដ្ឋកិច្ចរបស់ប្រទេសចិន។ ក្នុងអំឡុងសន្និសីទសារព័ត៌មានលោក Price បាននិយាយថា ភាពខ្លាំងរបស់ប្រទេសចិនក្នុងការប្រយុទ្ធប្រឆាំងជំងឺ COVID-19 គឺល្អប្រសើរសម្រាប់ពិភពលោកទាំងមូល។ ប្រទេសចិនបានរាយការណ៍ពីចំនួនអ្នកស្លាប់ដែលទាក់ទងនឹងជំងឺ COVID-19 លើកដំបូងរបស់ខ្លួនកាលពីថ្ងៃចន្ទ ក្នុងពេលមានការកើនឡើងការសង្ស័យលើចំនួនផ្លូវការ ដែលកំពុងប្រមូលចំនួនអ្នកឆ្លងជំងឺនៅក្នុងទីក្រុង បន្ទាប់ពីរដ្ឋាភិបាលបានបន្ធូរបន្ថយការគ្រប់គ្រងប្រឆាំងវីរុសនេះយ៉ាងតឹងរ៉ឹង។ចំនួនអ្នកស្លាប់ ២នាក់កាលពីថ្ងៃចន្ទគឺជាករណីដំបូង ដែលត្រូវបានរាយការណ៍ដោយគណៈកម្មការសុខភាពជាតិ ចាប់តាំងពីថ្ងៃទី៣ ខែធ្នូ មានរយៈពេលជាច្រើនថ្ងៃមុនពេលទីក្រុងប៉េកាំងបានប្រកាសថា ខ្លួនកំពុងដកចេញវិធានការទប់ស្កាត់ ដែលបានទប់ស្កាត់ករណីឆ្លងវីរុសយ៉ាងទូលំទូលាយក្នុងរយៈពេល ៣ឆ្នាំមកនេះ ប៉ុន្តែបានបណ្តាលឱ្យមានការតវ៉ាលើវិធានការបិទខ្ទប់រីករាលដាលកាលពីខែមុន៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

រុស្ស៊ីនឹងពង្រីកការនាំចេញបច្ចេកវិទ្យាថាមពលទៅកាន់ប្រទេស BRICS

ក្រុមជំនួយពិភពលោកចូលរួមប្រតិបត្តិការសង្រ្គោះនៅវេណេស៊ុយអេឡា ក្រោយការរញ្ជួយដីសម្លាប់មនុស្ស ២៣៥នាក់

ផ្លូវជនបទជាសរសៃឈាមជំរុញដល់ដំណើរអន្តរកម្មសេដ្ឋកិច្ចនៅមូលដ្ឋាន

មេដឹកនាំអាមេរិកឡាទីន រួបរួមគ្នាគាំទ្រប្រទេសវ៉េណេស៊ុយអេឡា ក្រោយការរញ្ជួយដីដ៏មហន្តរាយ

អូស្ត្រាលី ពិចារណាលើការអនុវត្តបម្រាមបណ្តាញផ្សព្វផ្សាយសង្គមសម្រាប់ក្មេងជំទង់កាន់តែតឹងរ៉ឹង

ក្រសួងការងារ ផ្ដល់ឱកាសការងារ ៥ពាន់កន្លែង និងផ្សព្វផ្សាយការបណ្តុះបណ្តាលជំនាញបច្ចេកទេស ដល់អតីតពលករ និងយុវជននៅស្រុកអូររាំងឪ ខេត្តត្បូងឃ្មុំ

អង្គការលើកលែងទោសអន្តរជាតិ ជំរុញឱ្យសហគមន៍អន្តរជាតិប្រមូលជំនួយបន្ទាន់សម្រាប់វ៉េណេស៊ុយអេឡា

អារ៉ាប៊ីសាអ៊ូឌីត ផ្អាកការធ្វើដំណើរទៅប្រទេសអាហ្វ្រិកចំនួន៣ ដោយសារក្តីបារម្ភពីជំងឺអេបូឡា

គម្រោងអភិវឌ្ឍន៍ធនធានទឹកស្ទឹងឃ្លៀច ស្ថិតនៅផ្នែកខាងលើនៃស្ទឹងព្រែកត្នោត ក្នុងភូមិសាស្ត្រខេត្តកំពង់ស្ពឺ អាចស្តុកទឹកបានប្រមាណ ១១៥លានម៉ែត្រគូប ជួយធានាសន្តិសុខទឹក និងកាត់បន្ថយគ្រោះទឹកជំនន់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សម្តេចតេជោ ហ៊ុន សែន អញ្ជើញសម្ពោធដាក់ឱ្យប្រើប្រាស់ផ្លូវ លេខ១៤៦B តភ្ជាប់ទៅផ្លូវលេខ១៤៨ ក្នុងខេត្តព្រះសីហនុ

ប្រមុខសហភាពអឺរ៉ុបព្រមព្រៀងដាក់ទណ្ឌកម្មបន្ថែមទៀតលើរុស្ស៊ី និងផ្តល់មូលនិធិដល់អ៊ុយក្រែន

UN ថ្កោលទោសការផ្អាកនិស្សិតស្រីនៅសាកលវិទ្យាល័យរបស់ក្រុមតាលីបង់

ថៃព្យាយាមស្វែងរកទាហានម៉ារីនបាត់ខ្លួនពីនាវាដែលលិច ខណៈរកឃើញសាកសព ៦នាក់

លោក Zelensky នឹងធ្វើទស្សនកិច្ចនៅអាមេរិក ជាការធ្វើដំណើរដំបូងទៅបរទេសចាប់តាំងពីសង្គ្រាមចាប់ផ្តើម

ប្រធានាធិបតីអាមេរិកលោក Joe Biden អះអាងថា កិច្ចព្រមព្រៀងនុយក្លេអ៊ែរអ៊ីរ៉ង់ស្លាប់ហើយ

លោក Emmanuel Macron បញ្ជាក់ពីការផ្ដល់ការធានាសន្តិសុខជាថ្មីដល់រុស្ស៊ី ដើម្បីបញ្ចប់ជម្លោះជាមួយអ៊ុយក្រែន

ពិភពលោកបារម្ភពីរលកថ្មីនៃការផ្ទុះវីរុស COVID-19 របស់ចិន និងរកមធ្យោបាយជួយលោក Xi Jinping

មេដឹកនាំអឺរ៉ុបខាងជើងសន្យាបន្តគាំទ្រដល់អ៊ុយក្រែន

ក្រសួងការបរទេសអាមេរិកនិយាយថា ចំនួនអ្នកស្លាប់ដោយជំងឺ COVID-19 នៅចិនគឺជាក្តីបារម្ភសម្រាប់ពិភពលោក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សម្តេចតេជោ ហ៊ុន សែន អញ្ជើញសម្ពោធដាក់ឱ្យប្រើប្រាស់ផ្លូវ លេខ១៤៦B តភ្ជាប់ទៅផ្លូវលេខ១៤៨ ក្នុងខេត្តព្រះសីហនុ

ប្រមុខ​សហភាព​អឺរ៉ុប​ព្រមព្រៀង​ដាក់ទណ្ឌកម្ម​បន្ថែមទៀត​លើ​រុស្ស៊ី និង​ផ្តល់​មូលនិធិ​ដល់​អ៊ុយ​ក្រែ​ន​

UN ថ្កោលទោស​ការផ្អាក​និស្សិត​ស្រី​នៅ​សាកលវិទ្យាល័យ​របស់​ក្រុម​តា​លី​បង់​

ថៃ​ព្យាយាម​ស្វែងរក​ទាហាន​ម៉ា​រី​ន​បាត់​ខ្លួន​ពី​នាវា​ដែល​លិច ​ខណៈ​រកឃើញ​សាកសព ​៦​នាក់​

លោក Zelensky នឹងធ្វើ​ទស្សនកិច្ច​នៅ​អាមេរិក ជាការ​ធ្វើដំណើរ​ដំបូង​ទៅ​បរទេស​ចាប់តាំងពី​សង្គ្រាម​ចាប់ផ្តើម

ប្រធានាធិបតី​អាមេរិក​លោក Joe Biden អះអាងថា កិច្ចព្រមព្រៀង​នុយក្លេអ៊ែរ​អ៊ីរ៉ង់​ស្លាប់​ហើយ​

ពិភពលោក​បារម្ភ​ពី​រលក​ថ្មី​នៃ​ការ​ផ្ទុះ​វីរុស COVID-19 របស់​ចិន និង​រក​មធ្យោបាយ​ជួយ​លោក Xi Jinping

មេដឹកនាំ​អឺរ៉ុប​ខាងជើង​សន្យា​បន្ត​គាំទ្រ​ដល់​អ៊ុយ​ក្រែ​ន​

ក្រសួងការបរទេស​អាមេរិក​និយាយថា ចំនួន​អ្នកស្លាប់​ដោយ​ជំងឺ COVID-19 នៅ​ចិន​គឺជា​ក្តីបារម្ភ​សម្រាប់​ពិភពលោក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ប្រមុខសហភាពអឺរ៉ុបព្រមព្រៀងដាក់ទណ្ឌកម្មបន្ថែមទៀតលើរុស្ស៊ី និងផ្តល់មូលនិធិដល់អ៊ុយក្រែន

UN ថ្កោលទោសការផ្អាកនិស្សិតស្រីនៅសាកលវិទ្យាល័យរបស់ក្រុមតាលីបង់

ថៃព្យាយាមស្វែងរកទាហានម៉ារីនបាត់ខ្លួនពីនាវាដែលលិច ខណៈរកឃើញសាកសព ៦នាក់

លោក Zelensky នឹងធ្វើទស្សនកិច្ចនៅអាមេរិក ជាការធ្វើដំណើរដំបូងទៅបរទេសចាប់តាំងពីសង្គ្រាមចាប់ផ្តើម

ប្រធានាធិបតីអាមេរិកលោក Joe Biden អះអាងថា កិច្ចព្រមព្រៀងនុយក្លេអ៊ែរអ៊ីរ៉ង់ស្លាប់ហើយ

ពិភពលោកបារម្ភពីរលកថ្មីនៃការផ្ទុះវីរុស COVID-19 របស់ចិន និងរកមធ្យោបាយជួយលោក Xi Jinping

មេដឹកនាំអឺរ៉ុបខាងជើងសន្យាបន្តគាំទ្រដល់អ៊ុយក្រែន

ក្រសួងការបរទេសអាមេរិកនិយាយថា ចំនួនអ្នកស្លាប់ដោយជំងឺ COVID-19 នៅចិនគឺជាក្តីបារម្ភសម្រាប់ពិភពលោក