នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចតេជោ ហ៊ុន សែន អញ្ជើញចូលក្រាបថ្វាយបង្គុំគាល់ព្រះករុណាព្រះមហាក្សត្រ និងសម្តេចព្រះមហាក្សត្រី
សម្តេចតេជោអញ្ជើញជួបពិភាក្សាការងារជាមួយប្រធានគណៈកម្មាធិការអចិន្ត្រៃយ៍នៃសភាតំណាងប្រជាជនចិន
សម្តេចតេជោ ហ៊ុន សែន ដឹកនាំគណៈប្រតិភូជាន់ខ្ពស់ អញ្ជើញទៅបំពេញទស្សនកិច្ចផ្លូវការ នៅប្រទេសចិន នាព្រឹកថ្ងៃនេះ
លោកជំទាវបណ្ឌិត ពេជ ចន្ទមុន្នី អញ្ជើញចូលរួមពិធីប្រគល់-ទទួលថវិកាបរិច្ចាគពីគណៈសង្ឃនាយកកម្ពុជាចំនួន ១៦០លានរៀលជូនមូលនិធិគន្ធបុប្ផា

ព័ត៌មានសំខាន់ៗ

ឯកឧត្តម ជា សុមេធី អញ្ជើញបើកវិញ្ញាសារប្រឡងបាក់ឌុបនៅខេត្តព្រៃវែង

2022/12/05 09:09:37 am        293
Facebook Telegram Linkin
ព្រៃវែង៖ ឯកឧត្តម ជា សុមេធី អភិបាល នៃគណៈអភិបាកលខេត្តព្រៃវែង បានអញ្ជើញបើកវិញ្ញាសារប្រឡងបាក់ឌុបនៅខេត្តព្រៃវែង នៅព្រឹកថ្ងៃទី០៥ ខែធ្នូ ឆ្នាំ២០២២នេះ។ឯកឧត្តមបានជូនពរដល់ក្មួយៗបេក្ខជន-បេក្ខនារីត្រូវប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា ២០២១-២០២២ ដែលនឹងប្រព្រឹត្តទៅនៅថ្ងៃទី៥-៦ ខែធ្នូ ឆ្នាំ២០២២ទាំងអស់ បានប្រឡងជាប់ និងទទួលបាននិទ្ទេសល្អគ្រប់ៗគ្នា។សូមបញ្ជាក់ថា ការប្រឡងឆ្នាំ២០២២នេះ រាជរដ្ឋាភិបាលកម្ពុជាជាពិសេស សារាចរណែនាំរបស់ក្រសួងអប់រំ យុវជន និងកីឡា ដោយសហការណ៍ជាមួយមន្ត្រីសុខាភិបាលនូវវិធានសុខាភិបាល ៣ការពារនិង៣កុំ ជាមួយអង្គភាពប្រឆាំងអំពើពុករលួយ និងការចូលរួមសម្របសម្រួលពីយុវជនស្ម័គ្រចិត្ត កម្លាំងនគរបាល និងកងរាជអាវុធហត្ថផងដែរ។ឯកឧត្តមបញ្ជាក់ថា បេក្ខជនប្រឡងសញ្ញាបត្រមធ្យមសិក្សាទុតិយភូមិ(បាក់ឌុប) ឆ្នាំសិក្សា២០២១-២០២២ ត្រូវប្រឹងប្រែងឱ្យអស់សមត្ថភាពដែលបានសិក្សាកន្លងមក ដើម្បីទទួលបានជោគជ័យទាំងអស់គ្នា ហើយឈានទៅបន្តការសិក្សានៅថ្នាក់មហាវិទ្យាល័យបន្ថែមទៀត និងមានឱកាសយកចំណេះវិជ្ជាទាំងអស់នេះទៅបម្រើប្រយោជន៍សង្គមនិងប្រទេសជាតិ ដើម្បីតបស្នងចំពោះប្រមុខរាជរដ្ឋាភិបាលសម្ដេចតេជោ ហ៊ុន សែន ដែលបានយកចិត្តទុកដាក់ខិតខំអភិវឌ្ឍន៍ហេដ្ឋារចនាសម្ព័ន្ធអប់រំ ក្នុងការបណ្ដុះ បណ្ដាលធនធានមនុស្សដ៏មានសក្ដានុពលនេះ សំដៅការកសាង និងអភិវឌ្ឍន៍ប្រទេសជាតិឱ្យបានកាន់តែរីកចម្រើនទៅថ្ងៃអនាគតបន្ថែមទៀត៕

សកម្មភាពគណៈមេប្រយោគទូទាំងប្រទេសប្រចាំការសម្រាប់ការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖០៥ ធ្នូ ២០២២

2022/12/05 09:01:43 am        299
Facebook Telegram Linkin
ភ្នំពេញ៖ ក្រសួងអប់រំ យុវជន និងកីឡា ប្រកាសថា គណៈមេប្រយោគ ទូទាំង ប្រទេស ប្រចាំការ កំពុង មាន ភាព មមាញឹក ក្នុង ការ បំពេញ ការងារ ដើម្បី ទំនាក់ទំនង ជាមួយ គណៈមេប្រយោគ ទូទាំង ប្រទេស ប្រចាំ មណ្ឌល រាជធានី ខេត្ត ប្រមូល ព័ត៌មានឆ្លើយតបសំណួរ និងដោះស្រាយបញ្ហាបច្ចេកទេសព្រមទាំងផ្សព្វផ្សាយព័ត៌មាននានាអំពីដំណើរការប្រឡងសញ្ញាបត្រមធ្យម សិក្សា ទុតិយភូមិឲ្យទាន់ពេលវេលាតាមរយៈគេហទំព័រ និងទំព័របណ្ដាញសង្គមហ្វេកប៊ុកផ្លូវការក្រសួង អប់រំ យុវជន និង កីឡា។ គួរ កត់ សំគាល់ ផង ដែរ ថា សម្រាប់ដំណើរការសំណេរនៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ០៥ ធ្នូ ២០២២ មានបេក្ខជនសរុបចំនួន១២៨ ១៣៥នាក់ ស្រី៦៨ ៧៧១នាក់ មាន២២១មណ្ឌល ដែលត្រូវជា៥១៧៤បន្ទប់ និងមានការចូលរួមដោយគណៈមេប្រយោគ និងគណៈកម្មការនានា ចូលរួមក្នុងដំណើរនោះប្រឡងសរុបចំនួន១៧ ២៤០ នាក់ ជំនួយការអប្បមាទដែលជាគរុសិស្ស និងគរុនិស្សិត ចំនួន២៧៥៦នាក់។ អង្គភាពប្រឆាំងអំពើពុករលួយ បានឯកភាពចូលរួមសង្កេតការណ៍ ដោយបានចាត់ថ្នាក់ដឹកនាំ និងមន្រ្តីចំនួន៣៥០នាក់ និងអ្នកសង្កេតការណ៍រាជធានី ខេត្តចំនួន២៧០០នាក់៕

សកម្មភាពអ្នកសារព័ត៌មានក្នុងដំណើរការបើកស្រោមវិញ្ញាសានៃការប្រឡងសញ្ញាបត្រមធ្យមសិក្សាទុតិយភូមិ

2022/12/05 08:55:56 am        474
Facebook Telegram Linkin
ភ្នំពេញ៖ អ្នកសារព័ត៌មានមកពីអង្គភាពនានា បានចូលរួមយកព័ត៌មាន និងធ្វើបទសម្ភាសន៍ ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា រួមជាមួយវត្តមានឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា ឯកឧត្តម ឃាង សេង អនុប្រធានអង្គភាពប្រឆាំងអំពើពុករលួយ និងឯកឧត្តម នួន ផារ័ត្ន អភិបាលរងនៃគណៈអភិបាលរាជធានីភ្នំពេញ ដែលបានអញ្ជើញបើកហឹបរិញ្ញាសាដោយផ្ទាល់ក្នុងដំណើរការសំណេរនៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖០៥ ធ្នូ ២០២២ នៅមណ្ឌលប្រឡងវិទ្យាល័យ ព្រះស៊ីសុវត្ថិ។ សូមជម្រាបថា ដើម្បីធានាឱ្យការប្រឡងប្រព្រឹត្តទៅដោយរលូន ដោយគោរពតាមគោលការណ៍ច្បាប់ យុត្តិធម៌ តម្លាភាព និងលទ្ធផលទទួលយកបាន ក្រសួងអប់រំ យុវជន និងកីឡា បានពង្រឹងកិច្ចសហការជាមួយក្រសួងស្ថាប័នដូចជា ក្រសួងមហាផ្ទៃ ក្រសួងសុខាភិបាល កងរាជអាវុធហត្ថលើផ្ទៃប្រទេស អង្គភាពប្រឆាំងអំពើពុករលួយ សហភាពសហព័ន្ធយុវជនកម្ពុជា និងអគ្គីសនីកម្ពុជា។ សម្រាប់ការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ០៥ ធ្នូ ២០២២ មានបេក្ខជនចុះឈ្មោះប្រឡងសរុប ១២៨ ១៣៤នាក់ ស្រី ៦៨ ៧៧១នាក់ មណ្ឌលប្រឡងសរុប ២២១មណ្ឌល ត្រូវជា ៥ ១៧៤បន្ទប់ និងមានការចូលរួមដោយគណៈមេប្រយោគ និងគណៈកម្មការនានា ចូលរួមក្នុងដំណើរនោះប្រឡងសរុបចំនួន ២៧ ៧៥៣ នាក់។ ក្រសួងអប់រំ យុវជន និងកីឡា គ្រោងនឹងប្រកាសលទ្ធផលប្រឡងនៅថ្ងៃទី២៧ ខែធ្នូ ឆ្នាំ២០២២ សម្រាប់រាជធានីភ្នំពេញ និងខេត្តកណ្ដាល និងថ្ងៃទី២៨ ខែធ្នូ ឆ្នាំ២០២២ សម្រាប់ខេត្តផ្សេងទៀត ព្រមទាំងមានផ្សាយនៅលើទំព័រហ្វេសប៊ុកផ្លូវការក្រសួងអប់រំ យុវជន និងកីឡា៕

សម្តេចតេជោ ហ៊ុន សែន អញ្ជើញជួបសំណេះសំណាល ជាមួយមន្ត្រីគណបក្សប្រជាជនកម្ពុជាខេត្តកណ្ដាលជាង៣ពាន់នាក់

2022/12/03 12:52:44 pm        690
Facebook Telegram Linkin
ភ្នំពេញ ៖ នៅព្រឹកថ្ងៃសៅរ៍ ទី០៣ ខែធ្នូឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា បានអញ្ជើញជួបសំណេះសំណាល​ជាមួយ​មន្ត្រីគណបក្សប្រជាជនកម្ពុជា​ចំនួន៣,៤៥៧នាក់ នៃខេត្តកណ្ដាល​ ដែលពិធីនេះបានធ្វើឡើងនៅវិមាន៧មករា។ តាមការឲ្យដឹង ពីឯកឧត្តម ម៉ៅ ភិរុណ សមាជិកគណៈកម្មាធិការកណ្តាលគណបក្សប្រជាជនកម្ពុជា និងជា​ប្រធានគណៈកម្មាធិការគណបក្សខេត្តបានអោយដឹងថា ការអញ្ជើញសំណេះសំណាលរបស់សម្ដេចតេជោនាពេលនេះ គឺបានបង្ហាញឱ្យឃើញពីការយកចិត្តទុកដាក់ខ្ពស់ ចំពោះសុខទុក្ខ សមាជិក សមាជិកាគណបក្សប្រជាជនកម្ពុជា​ក្នុងខេត្តកណ្ដាលទាំងមូល។ ឯកឧត្តមក៏បានជម្រាបសម្តេចតេជោ និងអង្គពិធីអំពីសភាពការណ៍រួមរបស់ ខេត្តកណ្ដាល រួមមានការងារសន្តិសុខ សណ្តាប់សាធារណៈ របាយការណ៍ពាក់ព័ន្ធមន្ត្រីរាជការ និងការងារអភិវឌ្ឍនៅខេត្តកណ្ដាល។ ពាក់ព័ន្ធការងារសន្តិសុខ និងសណ្តាប់ធ្នាប់សាធារណៈ ឯកឧត្តម ម៉ៅ ភិរុណ បានគូសបញ្ជាក់ថា អាជ្ញាធរខេត្តកណ្តាល​បានយកចិត្តទុកដាក់ រក្សា ការពារ និងពង្រឹងជាប្រចាំហើយជារួម ធានាបាននូវសន្តិសុខ និងសុវត្ថិភាព​ល្អប្រសើរជូនប្រជាពលរដ្ឋ។ ទន្ទឹមនេះ រដ្ឋបាលគ្រប់ថ្នាក់ក្នុងខេត្តកណ្ដាល បាននឹងកំពុងចូលរួមសហការក្នុងការបង្កលក្ខណៈល្អប្រសើរ ។ សម្តេចតេជោ ហ៊ុន សែន បានបង្ហាញនូវក្តីរីករាយ ដែលបានជួបសំណេះសំណាលជាមួយ សមាជិក សមាជិកាគណបក្ស ថ្នាក់ភូមិ ឃុំ សង្កាត់ ចំណុះឱ្យខេត្តកណ្ដាល នៅក្នុងថ្ងៃនេះ។ សម្តេចតេជោ ហ៊ុន សែន បានថ្លែងអបអរសាទរចំពោះក្រុមប្រឹក្សាឃុំ/សង្កាត់ ក្នុងខេត្តកណ្ដាលទាំងអស់ ដែលទទួលបានការគាំទ្រពីប្រជាពលរដ្ឋ តាមរយៈការបោះឆ្នោត ឃុំ សង្កាត់ កន្លងទៅនេះ។ សម្តេចតេជោ ហ៊ុន សែន ក៏បានកោតសរសើរ និងវាយតម្លៃខ្ពស់ចំពោះមន្ត្រីរាជការ និងកងកម្លាំងប្រដាប់អាវុធទាំងអស់ ដែលបានប្រឹងប្រែងរក្សា​ស្ថិរភាពនយោបាយ សន្តិសុខ សណ្ដាប់ធ្នាប់សង្គមបានល្អ ការរួមគ្នាទប់ស្កាត់ការរីករាលដាលជំងឺកូវីដ១៩ ទប់ស្កាត់បាននូវ​ទង្វើបង្កចលាចលនានាក្នុងសង្គម។ នៅក្នុងពិធីសំណេះសំណាលនេះដែរ សម្ដេចតេជោ ក៏បានលើកឡើងនូវសមិទ្ធិផលធំៗមួយ​ចំនួនគួរអោយ​កត់សម្គាល់របស់​រាជរដ្ឋាភិបាល ដែលដឹកនាំដោយគណបក្សប្រជាជនកម្ពុជាបានធ្វើរួមាន ការក្សាបានស្ថិរភាពនយោបាយ សន្តិសុខ សណ្ដាប់ធ្នាប់សង្គម ភាពជោគជ័យនៃការប្រយុទ្ធទប់ស្កាត់ជម្ងឺកូវីដ១៩ ជាពិសេសគឺការដាក់ចេញ​នូវយុទ្ធសាស្ត្រវ៉ាក់សាំង​ស្រោចជូន​ប្រជាពលរដ្ឋដែលបាន​បង្កើតភាពស៊ាំបានយ៉ាងល្អ ការរក្សាកំណើនសេដ្ឋកិច្ច ការគ្រប់គ្រងដោះស្រាយ​ឆ្លើយតបទៅនឹង​គ្រោះមហន្តរាយបានទាន់ពេលវេលា។ ភាពជោគជ័យយ៉ាងត្រចះត្រចង់ក្នុងនាមជាម្ចាស់ផ្ទះនៃការរៀបចំកិច្ចប្រជុំកំពូលអាស៊ាន២០២២នៅកម្ពុជា ។ សម្តេចតេជោ ហ៊ុន សែន បានក្រើនរំលឹកដល់ សមាជិក សមាជិកា គណបក្សទាំងអស់ដែលមានតួនាទីក្នុង​រាជរដ្ឋាភិបាល​ត្រូវបន្តយកចិត្តទុកដាក់បំពេញតួនាទីភារកិច្ចបម្រើជាតិ និងប្រជាជន ជាពិសេសបន្តយកចិត្តទុកដាក់រក្សា សន្តិសុខ សណ្ដាប់ធ្នាប់ សង្គម ដោយអនុវត្តគោលនយោបាយភូមិ ឃុំ មានសុវត្ថិភាព រួមមាន ការបង្ក្រាបនូវបទល្មើសផ្សេងៗ ដូចជា ចោរឆក់ ចោរប្លន់ និងការជួញដូរគ្រឿងញៀនជាដើម ដើម្បីផ្តល់ភាពកក់ក្តៅ និងធានាដល់សុវត្ថិភាពនៃការរស់នៅ របស់ប្រជាពលរដ្ឋ។ ទន្ទឹមនេះ ត្រូវយកចិត្តទុកដាក់ផ្តល់នូវសេវាសាធារណៈ រួមមានសេវាតម្រូវការចាំបាច់ទាំងឡាយ និងសេវាសំណូមពរនានា ជូនប្រជាពលរដ្ឋ អោយបានលឿន និងមានប្រសិទ្ធិភាព ហើយត្រូវខិតខំបំបាត់អោយអស់នូវភាពអសកម្មនានា។ អាជ្ញាធរត្រូវយកចិត្តទុក ដាក់ដោះស្រាយជម្លោះដីធ្លីជូនប្រជាពលរដ្ឋអោយបានរហ័ស និងមានប្រសិទ្ធិភាព ផ្តល់នូវសេវាចាំបាច់នានាជូនប្រជាពលរដ្ឋឱ្យបាន​លឿន រហ័ស ចៀសវាងបង្កនូវបញ្ហានានា។ ត្រូវរួមគ្នាបន្តការទប់ស្កាត់ជម្ងឺកូវីដ១៩ និងជម្ងឺរាតត្បាតនានា និងលើក​ទឹក​ចិត្ត​អោយ​អាជ្ញាធរព្យាយាម​ដោះស្រាយបញ្ហាជម្លោះរបស់ប្រជាពលរដ្ឋតាមបែបក្រៅប្រព័ន្ធតុលាការ។ សម្តេចតេជោ ហ៊ុន សែន ក៏បានកោតសរសើរដល់ ថ្នាក់ដឹកនាំ សមាជិក សមាជិកាគណបក្សទាំងអស់ ដែលបានរួមសហការគ្នា ធ្វើកិច្ចការអភិវឌ្ឍនៅក្នុងខេត្តកណ្ដាលបានយ៉ាងល្អ ទទួលបាននូវការការរីកចម្រើនជាបន្តបន្ទាប់មក៕

រាជរដ្ឋាភិបាលកំពុងយកចិត្តទុកដាក់ខ្លាំងចំពោះជនពិការខណៈសព្វថ្ងៃជនពិការជិតមួយម៉ឺននាក់កំពុងធ្វើការក្នុងស្ថាប័នរដ្ឋនិងឯកជន

2022/12/03 09:26:32 am        164
Facebook Telegram Linkin
ភ្នំពេញ : សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងជាប្រធានកិត្តិយសក្រុមប្រឹក្សាសកម្មភាពជនពិការបានថ្លែងថា នាពេលបច្ចុប្បន្ននេះ រាជរដ្ឋាភិបាលបានកំពុងយកចិត្តទុកដាក់កាន់តែខ្លាំងចំពោះជនពិការភាព ខណៈសព្វថ្ងៃមានជនពិការភាពជិតមួយម៉ឺននាក់បាននិងកំពុងបម្រើការក្នុងស្ថាប័នរដ្ឋ និងវិស័យឯកជនទូទាំងប្រទេស ដោយតួលេខនេះបានសបញ្ជាក់ឲ្យឃើញថាជនពិការនៅកម្ពុជាកាន់តែមានសមត្ថភាពច្រើនឡើងៗពីមួយឆ្នាំទៅមួយឆ្នាំ។តាមរយៈសាលិខិត ផ្ញើជូនដល់បងប្អូនជនរួមជាតិក្នុង ក្នុងឱកាសទិវាជនមានពិការភាព កម្ពុជាលើកទី២៤ និងទិវាជនមានពិការភាពអន្តរជាតិលើកទី៤០ ក្រោមប្រធានបទ «ពិការភាពទាំងអស់មិន អាចកំណត់ដោយការមើលនឹងភ្នែកនោះទេ» នាថ្ងៃទី៣ ខែធ្នូ ឆ្នាំ២០២២នេះ សម្តេចតេជោ ហ៊ុន សែន បានបញ្ជាក់ថា «បច្ចុប្បន្នជនមានពិការភាពត្រូវបានយកចិត្តទុកដាក់ពីគ្រប់មជ្ឈដ្ឋាន។ ក្នុងឆ្នាំ២០២២ ជនមានពិការភាពចូល បម្រើការងារក្នុងក្រសួងស្ថាប័នរដ្ឋចំនួន៣៧ មានចំនួន៣ ៧៤៨នាក់ ក្នុងនោះស្រ្តីមានពិការភាពចំនួន៨៦២នាក់ ជនមានពិការភាពកម្រិតធ្ងន់ចំនួន ២២៦០នាក់ បើគិតជាភាគរយ ២,០១% កើនលើសឆ្នាំ២០២១»។ដោយឡែក វិស័យឯកជនរួមមាន ធនាគារ គ្រឹះស្ថានមីក្រូហិរញ្ញវត្ថុ សណ្ឋាគារ និងរោងចក្រ បានចុះបញ្ជីកា និងទទួលបានវិញ្ញាបនបត្រលើការអនុវត្តច្បាប់ ស្ដីពីកិច្ចការពារនិងលើកកម្ពស់សិទ្ធិជនពិការទូទាំងប្រទេសមានចំនួន២៩១ គ្រឹះស្ថាន រោងចក្រ សហគ្រាស ដែលមានជនមានពិការភាពចូលបម្រើការងារ ចំនួន៥ ៨៣៩នាក់ ស្រ្តីមានពិការភាព ៣,៨៣៦នាក់ សរុបទាំងស្ថាប័នរដ្ឋ និងវិស័យឯកជនទូទាំងប្រទេសមានចំនួនជនមានពិការភាព ៩៥៨៧នាក់កំពុងបម្រើការងារ។សម្តេចតេជោ ហ៊ុន សែន នាយករដ្ឋមន្រ្តី ក៏បានបញ្ជាក់ផងដែរថា «នាយកដ្ឋានសុខុមាលភាពជនពិការ នៃក្រសួងសង្គមកិច្ច អតីតយុទ្ធជន និងយុវនីតិសម្បទា បាននឹងកំពុងដំណើរអនុវត្តកម្មវិធីកំណត់អត្តសញ្ញាណពិការភាពតាមគំរូសង្គម និងសិទ្ធិជាមូលដ្ឋាន នៅទូទាំងប្រទេស គោលបំណងផ្តល់បណ្ណសំគាល់ពិការភាពជូនជនមានពិការភាពយកទៅប្រើប្រាស់ ក៏ដូចជាបង្កលក្ខណៈងាយស្រួលដល់ជនមានពិការភាព ក្នុងការទទួលបានអត្ថប្រយោជន៍ពីប្រព័ន្ធគាំពារសង្គម និងសេវាសង្គមប្រកបដោយសមធម៌ និងបរិយាបន្ន ដោយគិតត្រឹម ថ្ងៃទី១ ខែវិច្ឆិកា ឆ្នាំ២០២២នេះ បានសម្ភាសន៍ជនមានពិការភាពសរុបចំនួន ២៥៣ ២៥៧នាក់ (ស្រី ១១៩,៥៦១នាក់)»។ជាមួយគ្នានោះ សម្តេចតេជោបានបន្ថែមទៀតថា រាជរដ្ឋាភិបាលនឹងបន្តយកចិត្តទុកដាក់និងប្ដេជ្ញាចិត្តខ្ពស់ក្នុងការលើកកម្ពស់សិទ្ធិជនមានពិការភាព និងសូមលើកទឹកចិត្តឱ្យបងប្អូនជនរួមជាតិយើងទាំងអស់រួមគ្នាបន្តលើកស្ទួយសុខុមាលភាពជនមានពិការភាព ឱ្យកាន់តែប្រសើឡើង ដើម្បីជាឧត្តមប្រយោជន៍របស់វិស័យពិការភាពនៅកម្ពុជាផងដែរ៕

អ៊ុយ​ក្រែ​ន​និយាយថា រុស្ស៊ី​ប្រើប្រាស់​មី​ស៊ី​ល​បំពាក់​ក្បាល​គ្រាប់​នុយក្លេអ៊ែរ​ស្អុយ ​ដើម្បី​រំខាន​ដល់​ការ​ការពារ​ដែនអាកាស​

2022/12/02 02:48:34 pm        632
Facebook Telegram Linkin
​អ៊ុយ​ក្រែ​ន៖ យោធា​​អ៊ុយ​ក្រែ​ន​និយាយថា ខ្លួន​បាន​រកឃើញ​បំណែក​មី​ស៊ី​ល​បំពាក់​ក្បាល​គ្រាប់​នុយក្លេអ៊ែរ​បាញ់​ដោយ​រុស្ស៊ី​ ដែលមាន​ក្បាល​គ្រាប់​មិនអាច​ផ្ទុះ​នៅ​ភាគ​ខាងលិច​ប្រទេស​អ៊ុយ​ក្រែ​ន ហើយ​គោលបំណង​ជាក់ស្តែង​របស់​ពួកគេ​គឺ​ដើម្បី​ធ្វើ​ឲ្យ​រំខាន​ដល់​ការការពារ​ដែនអាកាស​។​ ​លោក Mykola Danyliuk អ្នកតំណាង​អង្គភាព​ស្រាវជ្រាវ​របស់​កងកម្លាំង​ប្រដាប់អាវុធ​អ៊ុយ​ក្រែ​ន ​បាន​និយាយ​ក្នុង​សន្និសីទ​សារព័ត៌មាន​ថា បំណែក​មី​ស៊ី​ល​ដែល​បាន​ធ្លា​ក់នៅ​តំបន់​ភាគ​ខាងលិច​ទីក្រុង Lviv និង Khmelnytskyi កាលពី​ថ្ងៃទី​31 ខែតុលា ត្រូវបាន​គេ​កំណត់ថា​ ជា​ផ្នែក​មី​ស៊ី​ល​តម្រង់​គោលដៅ Kh-55​។ មី​ស៊ី​ល Kh-55 ត្រូវបាន​ផលិតឡើង​ដោយ​សហភាពសូវៀត​ក្នុង​ទសវត្សរ៍​ឆ្នាំ​1970 សម្រាប់​ប្រើប្រាស់​លើ​គោលដៅ​យុទ្ធសាស្ត្រ​។ វា​ត្រូវបាន​បម្រុង​ទុកជា​ចម្បង​ដើម្បី​ផ្ទុក​ក្បាល​គ្រាប់​នុយក្លេអ៊ែរ និង​ត្រូវបាន​បាញ់​ចេញពី​យន្តហោះ​ទម្លាក់​គ្រាប់បែក​។​ ​មន្ត្រី​រូបនេះ​បាន​និយាយថា ការសាកល្បង​លើ​បំណែក​ពុំបាន​បង្ហាញ​ពី​កម្រិត​ខុស​ប្រក្រតី​នៃ​វិទ្យុសកម្មនោះទេ​។ ក្រសួងការពារជាតិ​រុស្ស៊ីពុំបាន​ឆ្លើយតប​ភ្លាមៗ ​ចំពោះ​សំណើសុំ​ការអត្ថាធិប្បាយ​នោះទេ​។​លោក Danyliuk និយាយថា មី​ស៊ី​ល​ត្រូវបាន​បំពាក់​ដោយ​ក្បាល​គ្រាប់​ដែល​មិន​ផ្ទុះ ដែល​ក្បាល​គ្រាប់​មួយ​ក្នុងចំណោម​នោះ​ត្រូវបាន​ដាក់តាំង​បង្ហាញ​ នៅលើ​វេទិកា​នៃ​មជ្ឈមណ្ឌល​សន្និសីទ​ក្នុង​ទីក្រុង Kyiv ជា​កន្លែង​ដែល​លោក​កំពុង​រៀបចំ​សន្និសីទ​សារព័ត៌មាន​។ ​លោក Danyliuk និយាយថា ​មី​ស៊ី​ល Kh-55 ពុំ​ត្រូវបាន​ប្រើប្រាស់​ដោយ​រុស្ស៊ី​ក្នុងប្រទេស​អ៊ុយ​ក្រែ​ន​មុន​ថ្ងៃទី31 ខែតុលា​នោះទេ​។ ទោះបីជា​ដូច្នេះមី​ស៊ី​ល​នេះ​បានបង្ហាញ​ពី​កម្រិត​នៃ​គ្រោះថ្នាក់ ​ដោយសារតែ​ថាមពល​កម្លាំង​ចលនា និង​ឥន្ធនៈ​របស់​វា​។ នេះ​គឺជា​ភស្តុតាង​ដោយ​ការប៉ះពាល់​នៃ​មី​ស៊ី​ល Kh-55 ធ្លាក់ចូល​ទៅក្នុង​អគារ​លំនៅឋាន​មួយ ហើយ​ការប្រើប្រាស់​មី​ស៊ី​ល​ប្រភេទ​នេះគឺមាន​បំណង​ធ្វើ​ឲ្យ​រំខាន​ការយកចិត្តទុកដាក់ ​នៃ​ប្រព័ន្ធ​ការពារ​ដែនអាកាស​រប​ស់អ៊ុយ​ក្រែ​ន៕អត្ថបទ៖ ប៊ុនថន

លិខិត​បង្កប់​គ្រឿងផ្ទុះ​ទី​៦​ ត្រូវបាន​រកឃើញ​នៅ​ស្ថានទូត​អាមេរិក​នៅ​ទីក្រុង​ម៉ា​ឌ្រី​ដ

2022/12/02 02:29:42 pm        507
Facebook Telegram Linkin
​អេស្ប៉ាញ៖ នគរបាល​និយាយថា ស្ថានទូត​អាមេរិក​ក្នុង​ទីក្រុង​ម៉ា​ឌ្រី​ដ ប្រទេស​អេស្ប៉ាញ កាលពី​ថ្ងៃ​ព្រហស្បតិ៍បាន​ស្ទាក់​ចាប់បាន​កញ្ចប់​មួយ​គួរឱ្យ​សង្ស័យ ដែលមាន​រូបរាង​ដូច​ទៅនឹង​លិខិត​បង្កប់​គ្រឿងផ្ទុះ​ចំនួន ៥ ដែល​ត្រូវបាន​រកឃើញ​នៅក្នុង​ប្រទេស​អេ​ស្ប៉ា​ញ​។ ​​កញ្ចប់​នេះ​ត្រូវបាន​រកឃើញ​នៅ​ស្ថានទូត​អាមេរិក​ដោយ​មន្ត្រី​សន្តិសុខ ហើយ​ក្រោយមក​ត្រូវបាន​បំផ្ទុះ​ក្រោម​ការគ្រប់គ្រង​ដោយ​នគរបាល​។ ប្រទេស​អេស្បាញបាន​រឹតបន្តឹង​សន្តិសុខ​នៅ​ជុំវិញ​អគារ​សាធារណៈ បន្ទាប់ពី​កញ្ចប់​ទីមួយ​ត្រូវបាន​ផ្ញើរ​ទៅកាន់​នាយករដ្ឋមន្ត្រីលោក Pedro Sanchez កាលពី​ថ្ងៃទី24 ខែវិច្ឆិកា ហើយ​កាលពី​ថ្ងៃ​ពុធកញ្ចប់​ទី​ពីរបាន​ផ្ញើ​ទៅកាន់​ឯកអគ្គរដ្ឋទូត​អ៊ុយ​ក្រែ​ន​ប្រចាំ​ប្រទេស​អេ​ស្ប៉ា​ញ ដែល​បាន​ផ្ទុះ​បណ្តាល​ឲ្យ​មន្ត្រី​សន្តិសុខ​ម្នាក់​រងរបួស​ស្រាល​។ ពេលនេះ​សន្តិសុខ​ត្រូវបាន​បង្កើន​នៅ​ជុំវិញ​ស្ថានទូត​។​ ​កាលពី​យប់​ថ្ងៃ​ពុធ ក្រុមហ៊ុន Instalaza ជា​ក្រុមហ៊ុន​ផលិត​សព្វាវុធ​នៅ​ទីក្រុង Zaragoza ភាគ​ឦសាន​ប្រទេស​អេ​ស្ប៉ា​ញដែល​បាន​បញ្ជូន​រ៉ុក្កែត C90 ជាង ១,០០០គ្រឿង​ឲ្យ​ប្រទេស​អ៊ុយ​ក្រែ​ន បានទទួល​កញ្ចប់​មាន​ផ្ទុក​គ្រឿងផ្ទុះ​មួយ​ផ្សេងទៀត ហើយ​កាលពី​ថ្ងៃ​ព្រហស្បតិ៍មូលដ្ឋាន​ទ័ពអាកាស​ដែល​បំពាក់​ផ្កាយរណប​អឺរ៉ុប ក្រសួងការពារជាតិ​អេ​ស្ប៉ា​ញ និង​ស្ថានទូត​អាមេរិក​បានទទួល​កញ្ចប់​លិខិត​បង្កប់​គ្រឿងផ្ទុះ​ដូចគ្នានេះ​។បន្ទាប់ពី​ទទួលបាន​កញ្ចប់​លិខិត​មាន​គ្រឿងផ្ទុះ​ចូលទៅ​ស្ថានទូត​អ៊ុយ​ក្រែ​ន​បាន​បំផ្ទុះ រដ្ឋមន្ត្រីការបរទេស​អ៊ុយ​ក្រែ​ន លោក Dmytro Kuleba បាន​បញ្ជា​ឱ្យ​ស្ថានទូត​ទាំងអស់​របស់​ទីក្រុង Kyiv នៅ​បរទេស​ពង្រឹង​សន្តិសុខ​ជាបន្ទាន់​។​ ​ឯកអគ្គរដ្ឋទូត​អ៊ុយ​ក្រែ​ន​ប្រចាំ​ប្រទេស​អេស្បាញលោក Serhii Pohoreltsev ទំនងជា​ដាក់​កំហុស​លើ​រុស្ស៊ី​។ លោក​បាន​និយាយ​ទៅកាន់​ស្ថានីយ​ទូរទស្សន៍​អេ​ស្ប៉ា​ញ TVE ថា យើង​ទទួលបាន​ការណែនាំ​ពី​ក្រសួង​នៅ​ប្រទេស​អ៊ុយ​ក្រែ​ន ​ដែល​បានផ្តល់​ឱ្យនូវ​ស្ថានភាព​ត្រូវ​ត្រៀមលក្ខណៈ​សម្រាប់​ឧប្បត្តិហេតុ​ណាមួយ ជា​សកម្មភាព​របស់​រុស្ស៊ី​នៅ​ខាងក្រៅ​ប្រទេស​៕អត្ថបទ៖ ប៊ុនថន

លោក Joe Biden ត្រៀម​ជួប​លោក Putin លុះត្រាតែ​រុស្ស៊ី​មានបំណង​បញ្ចប់សង្គ្រាម​

2022/12/02 12:39:41 pm        309
Facebook Telegram Linkin
​អាមេរិក៖ ប្រធានាធិបតី​សហរដ្ឋអាមេរិក​លោក Joe Biden បាន​និយាយថា លោក​ពុំមាន​ផែនការ​ភ្លាមៗ​ដើម្បី​ទាក់ទងលោក Vladimir Putin នោះទេ ប៉ុន្តែ​លោក​បាន​ត្រៀមលក្ខណៈ​ដើម្បី​ពិភាក្សា​ជាមួយ​ប្រធានាធិបតី​រុស្ស៊ី ប្រសិនបើ​លោក​បង្ហាញ​ចំណាប់អារម្មណ៍​ក្នុង​ការ​បញ្ចប់​សង្គ្រាម​នៅ​អ៊ុយ​ក្រែ​ន និង​មានការ​ពិភាក្សា​ជាមួយ​សម្ព័ន្ធ​ណា​តូ​។ លោក​និយាយ​ថា លោក​ត្រៀមខ្លួន​ដើម្បី​ពិភាក្សា​ជាមួយ​លោក Putin ប្រសិនបើ​ការពិត លោក​ចាប់អារម្មណ៍​ថា លោក​សម្រេចចិត្ត​ស្វែងរក​វិធី​ដើម្បី​បញ្ចប់​សង្គ្រាម​។​ ​លោក Biden បាន​ថ្លែង​ដូច្នេះ​កាលពី​ថ្ងៃ​ព្រហស្បតិ៍ក្នុង​សន្និសីទ​សារព័ត៌​មាននៅ​សេត​វិមាន ​បន្ទាប់ពី​បាន​ពិភាក្សា​ជាមួយ​សម​ភាគី​បារាំងលោក Emmanuel Macron​។ មេដឹកនាំ​ទាំងពីរ​បាន​សន្យា​សាមគ្គីភាព​ជាមួយ​អ៊ុយ​ក្រែ​ន​ប្រឆាំង​សង្គ្រាម​របស់​រុស្ស៊ី ហើយ​ប្តេជ្ញា​ថា​នឹង​ធ្វើការ​រួមគ្នា​ដើម្បី​ដោះ​ស្រាយ​ការលំបាក​ផ្នែក​សេដ្ឋកិច្ច​ដែល​ជម្លោះ​បាន​នាំមក​។ លោក Biden បានដាក់​ទំនួល​ខុសត្រូវ​លើ​ការបញ្ចប់​សង្គ្រាម ដែល​បានចាប់ផ្តើម​ដោយ​ការវាយលុក​របស់​រុស្ស៊ី​លើ​អ៊ុយ​ក្រែ​ន​កាលពី​ខែកុម្ភៈ ដោយ​ផ្តោត​ត្រង់ៗ​លើលោក Putin​។ មាន​វិធី​មួយ​សម្រាប់​បញ្ចប់សង្គ្រាម​នេះគឺជា​វិធី​សម​ហេតុផល ដែល​លោក Putin អាច​ដក​កងទ័ព​ចេញពី​អ៊ុយ​ក្រែ​ន ប៉ុន្តែ​វា​ទំនងជាលោក​នឹង​ពុំ​ធ្វើ​ដូច្នេះ​នោះទេ​។​​លោក Macron បាន​និយាយថា ប្រទេស​ទាំងពីរ​មាន​ទំនួល​ខុសត្រូវ​រួមគ្នា ដើម្បី​ការពារ​លទ្ធិ​ប្រជាធិបតេយ្យ​សម្រាប់​ភាគី​ទាំងសងខាង ហើយ​ប្រឈមមុខ​នឹង​ផលវិបាក​ដោយផ្ទាល់ និង​ដោយ​ប្រយោល​នៃ​សង្គ្រាម​នៅ​អ៊ុយ​ក្រែ​ន​ជាមួយគ្នា​។​ ​ខណៈ​មេដឹកនាំ​បាន​ជួបគ្នា ទីប្រឹក្សា​ប្រធានាធិបតី​អ៊ុយ​ក្រែ​ន​បាន​និយាយថា កងកម្លាំងប្រដាប់អាវុធ​របស់​ប្រទេស​នេះ​បាន​បាត់បង់​ទាហាន​ចន្លោះ​ពី ១០,០០០​ទៅ ១៣,០០០នាក់​នៅក្នុង​សង្គ្រាម​រហូត​មកដល់​ពេលនេះ​។ នៅ​ទីក្រុង Kherson កាលពី​ថ្ងៃ​ព្រហស្បតិ៍ ទាហាន​អ៊ុយ​ក្រែ​ន​បាន​ដើរល្បាត​នៅ​ជិត​ប្លុក​លំនៅឋាន​ ដែល​រង​ការខូចខាត​ធ្ងន់ធ្ងរដោយ​ការបាញ់​ផ្លោង​របស់​រុស្ស៊ី ខណៈ​ពលរដ្ឋ​បាន​បញ្ចេញ​កំហឹង​របស់​ពួកគេ៕អត្ថបទ៖ ប៊ុនថន

ការផ្ដល់​លទ្ធផល​តេស្ត​វីរុស COVID-19 ខុស​នៅ​ចិន បង្កើន​ក្ដីបារម្ភ​ថា ជំងឺ​រាតត្បាត​សកល​អាច​នឹងមិន​បញ្ចប់

2022/12/02 12:21:58 pm        271
Facebook Telegram Linkin
​ចិន៖ ការមិន​ពេញចិត្ត​ក្នុងចំណោម​អ្នកស្រុកចំពោះ​វិធានការ​គ្រប់គ្រង​វីរុស​ Covid-19 ក្នុង​ប្រទេស​ចិនគឺ​ផ្ដោត​សំខាន់ទៅលើ​តម្រូវការ​ធ្វើតេស្ត​វីរុស និង​ចំណុច​សំខាន់​នៃ​រឿង​នេះ​ទើប​ធ្វើ​ឲ្យ​មានការ​ផ្ទុះ​កំហឹង។​ ​យោងតាម​ការបកប្រែ​ចេញពី​ភាសា​ចិន​របស់​សារព័ត៌មាន CNBC ដោយមាន​ការ​ផ្សព្វផ្សាយ​ច្រើន​នៅលើ​បណ្ដាញ​សង្គម​វៃ​ប៉ូ (Weibo) ជា​ផ្នែក​មួយ​នៃ version របស់​ Twitter នៅ​ចិន​កាលពី​ព្រឹក​ថ្ងៃ​អង្គារ​ដោយ​សរសេរ​ថា ប្រសិនបើ​ការធ្វើ​តេស្តរ​កវី​រុស​ខុស​ឥត​ឈប់​បែបនេះ ជំងឺ​រាតត្បាត​សកល​នេះ​អាច​នឹង​គ្មាន​ថ្ងៃ​បញ្ចប់​ឡើយ។ ​ដោយ​សរសេរ​បន្តថា វា​សំដៅ​ដល់​មាតិកា​ព័ត៌មាន​នៃ​ទស្សនៈ​ដែល​ត្រូវ​បាន​គេ​លុបចោល​ ពេលនេះ​ចេញពី​ប្រព័ន្ធ​ផ្សព្វផ្សាយ​ដែល​ត្រូវបាន​ត្រួតពិនិត្យ​ឡើងវិញ​ដោយសារ​ព័ត៌មាន People’s Daily ជា​កាសែត​របស់​គណបក្ស​កុំម្មុយនីស្ត​ចិន។អត្ថបទ​នេះ​បាន​បញ្ចេញ​ឧទាហរណ៍​មួយ​ចំនួន​នៃ​លទ្ធផល​ខុស​ ក្នុង​ការ​ធ្វើតេស្តរ​កវី​រុស​នៅ​ទូទាំង​ប្រទេស​ក្នុងឆ្នាំនេះរួមទាំង​នៅ​ទីក្រុង Shanghai និង Beijing​។ ​អត្ថបទ​នេះបាន​ព្រមាន​ថា ​ការរាយការណ៍​ក្លែងក្លាយ​ពី​លទ្ធផល​ធ្វើតេស្ត​រក​មេរោគ​ទីបំផុត​ ធ្វើ​ឲ្យ​មាន​ការឆ្លង​រាលដាល​កាន់តែខ្លាំង ដែល​នាំទៅរក​ការធ្វើ​តេស្ត​ជាច្រើន​ជុំ​ទៀត ហើយ​វិធាន​ការបិទ​ខ្ទប់​ជាច្រើន​ខែ​ទំរាំ​បិទ​បញ្ចប់​៕អត្ថបទ៖ សុខមាន

ពិធីឈាបនកិច្ចអដ្ឋិធាតុយុទ្ធជនកងកម្លាំងប្រដាប់អាវុធសាមគ្គីសង្គ្រោះជាតិកម្ពុជាទាំង៤៩ រូបក្រោយធ្វេីមាតុភូមិនិវត្តន៍

2022/12/02 12:16:04 pm        530
Facebook Telegram Linkin
នៅថ្ងៃទី ២ ខែធ្នូ ឆ្នាំ ២០២២ នេះ អដ្ឋិធាតុនៃយុទ្ធជនកងកម្លាំងប្រដាប់អាវុធសាមគ្គីសង្គ្រោះជាតិកម្ពុជា ត្រូវបូជាតាមបែបប្រពៃណីព្រះពុទ្ធសាសនារួចរាល់ហេីយ បន្ទាប់ពីធ្វេីមាតុភូមិនិវត្តន៍កាលពីថ្ងៃម្សិលមិញ។ពិធីបូជាអដ្ឋិធាតុយុទ្ធជនកងកម្លាំងប្រដាប់អាវុធសាមគ្គីសង្គ្រោះជាតិកម្ពុជាទាំង ៤៩ រូប ធ្វេីឡេីងនៅតំបន់ប្រវត្តិសាស្រ្តយោធាតេជោកោះថ្មX១៦ ក្នុងឃុំទន្លូង ស្រុកមេមត់ ខេត្តត្បូងឃ្មុំ នៅព្រឹកថ្ងៃទី ២ ខែធ្នូ ឆ្នាំ ២០២២ ក្រោមអធិបតីភាពឯកឧត្តមឧបនាយករដ្ឋមន្រ្តី ជា សុផារ៉ា រដ្ឋមន្រ្តីក្រសួងដែនដីនគរូបនីយកម្មនិងសំណង់ និងជាអនុប្រធានគណៈកម្មការអន្តរក្រសួង តំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន។អដ្ឋិធាតុយុទ្ធជនកងកម្លាំងប្រដាប់អាវុធសាមគ្គីសង្គ្រោះជាតិកម្ពុជាទាំង៤៩ រូប ដែលពលីក្នុងសម័យសង្គ្រាម ហេីយបានតម្កល់នៅក្នុងខេត្តដុងណាយ ប្រទេសវៀតណាមអស់រយៈពេលជាង ៤៥ ឆ្នាំ បានធ្វេីមាតុភូមិនិវត្តន៍មកដល់កម្ពុជា ក្នុងតំបន់ប្រវត្តិសាស្រ្តយោធាតេជោកោះថ្មX១៦ កាលពីថ្ងៃទី ១ ខែធ្នូ ឆ្នាំ២០២២ ដោយមានការទទួលពីនាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ។បន្ទាប់ពីអដ្ឋិធាតុយុទ្ធជនកងកម្លាំងប្រដាប់អាវុធសាមគ្គីសង្គ្រោះជាតិកម្ពុជាទាំង៤៩ រូប ត្រូវបានធ្វេីពិធីបូជាចប់ អដ្ឋិធាតុយុទ្ធជនទាំងនោះ ត្រូវបានដង្ហែយកទៅតម្កល់បណ្តោះអាសន្ននៅក្នុងអគារមិត្តភាពកម្ពុជា-វៀតណាម ក្នុងបរិវេណនៃតំបន់ប្រវត្តិសាស្រ្តយោធាតេជោកោះថ្មX១៦ ដោយសារប្រាង្គចេតិយតម្កល់អដ្ឋិធាតុកំពុងសាងសង់។ ក្រោយពីប្រាង្គចេតិយសាងសង់រួចរាល់នៅខែមីនា ឆ្នាំ ២០២៣ អដ្ឋិធាតុយុទ្ធជនកងកម្លាំងប្រដាប់អាវុធសាមគ្គីសង្គ្រោះជាតិកម្ពុជាទាំង៤៩ រូបនោះ នឹងត្រូវដង្ហែទៅតម្កល់ក្នុងចេតិយ សម្រាប់គោរពដឹងគុណ៕

បណ្ដាញសង្គម

ព័ត៌មានថ្មីៗ

អាជ្ញាធរស៊ូដង់បោសសម្អាតរថយន្តរងការបំផ្លិចបំផ្លាញ និងត្រូវបានគេលួចរាប់ពាន់គ្រឿងចេញពីផ្លូវនៅទីក្រុង Khartoum
06/25/2026 09:06 PM
Facebook Telegram Linkin
ប៉ាឡេស្ទីនរិះគន់ការជំរុញរបស់អ៊ីស្រាអែល ដើម្បីគ្រប់គ្រងទីតាំងបុរាណនៅតំបន់វ៉េសប៊ែង
06/25/2026 09:06 PM
Facebook Telegram Linkin
រដ្ឋមន្រ្តីអាកាសធាតុស៊ុយអែតនាំទារករបស់លោកស្រីមកចូលរួមជំនួបសហភាពអឺរ៉ុប
06/25/2026 09:06 PM
Facebook Telegram Linkin
តម្លៃប្រេងវិលត្រឡប់មករកកម្រិតមុនសង្រ្គាមអ៊ីរ៉ង់វិញ ខណៈការផ្គត់ផ្គង់កើនឡើងពីមជ្ឈិមបូព៌ា
06/25/2026 09:06 PM
Facebook Telegram Linkin
រថយន្តបើក​បុក​ចូល​ហ្វូងអ្នកគាំទ្របាល់ទាត់ម៉ិកស៊ិក នៅទីក្រុង​​​ Cabo San Lucas ដោយមាន​អ្នករបួស​ជាច្រើន​នាក់​
06/25/2026 08:06 PM
Facebook Telegram Linkin
កងកម្លាំងឆ្មាំបដិវត្តន៍អ៊ីរ៉ង់ បញ្ជាក់​ថា អ៊ីស្រាអែលត្រូវតែដកទ័ព​ចេញពីលីបង់ទាំងស្រុង
06/25/2026 08:06 PM
Facebook Telegram Linkin
កុងហ្គោចេញ​នីតិវិធី​ចត្តាឡីស័ក ចំពោះ​អ្នកធ្វើដំណើរមកពីតំបន់រងប៉ះពាល់ដោយជំងឺ Ebola
06/25/2026 08:06 PM
Facebook Telegram Linkin
កិច្ចព្រមព្រៀងពាណិជ្ជកម្ម រវាង EU និង​អាមេរិក នឹងចូលជាធរមានមុនថ្ងៃ​កំណត់របស់លោក Trump
06/25/2026 08:06 PM
Facebook Telegram Linkin
លោក Trump លើក​ឡើង​ថា មេដឹកនាំ​អ៊ុយក្រែន កំពុងធ្វើបាន «ល្អ» ក្នុង​ការតទល់នឹង​រុស្ស៊ី
06/25/2026 08:06 PM
Facebook Telegram Linkin
ដាណឺម៉ាកអនុម័តការដាក់ពង្រាយបេសកកម្ម នៅ​ច្រកសមុទ្រ Hormuz
06/25/2026 08:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.