BTV NEWS

សម្ដេចតេជោ ហ៊ុន សែន អញ្ជើញចូលក្រាបថ្វាយបង្គុំគាល់ព្រះករុណាព្រះមហាក្សត្រ និងសម្តេចព្រះមហាក្សត្រី

សម្តេចតេជោអញ្ជើញជួបពិភាក្សាការងារជាមួយប្រធានគណៈកម្មាធិការអចិន្ត្រៃយ៍នៃសភាតំណាងប្រជាជនចិន

សម្តេចតេជោ ហ៊ុន សែន ដឹកនាំគណៈប្រតិភូជាន់ខ្ពស់ អញ្ជើញទៅបំពេញទស្សនកិច្ចផ្លូវការ នៅប្រទេសចិន នាព្រឹកថ្ងៃនេះ

លោកជំទាវបណ្ឌិត ពេជ ចន្ទមុន្នី អញ្ជើញចូលរួមពិធីប្រគល់-ទទួលថវិកាបរិច្ចាគពីគណៈសង្ឃនាយកកម្ពុជាចំនួន ១៦០លានរៀលជូនមូលនិធិគន្ធបុប្ផា

ព័ត៌មានសំខាន់ៗ

បំផ្ទុះគ្រាប់បែកវាយប្រហារនគរបាលប៉ាគីស្ថានការពារក្រុមចាក់វ៉ាក់សាំងបណ្តាលឲ្យមនុស្ស ៤នាក់ស្លាប់

ប៉ាគីស្ថាន៖ នគរបាលប៉ាគីស្ថានបាននិយាយថា អ្នកបំផ្ទុះគ្រាប់បែកអត្តឃាតរបស់ក្រុមតាលីបង់ប៉ាគីស្ថានម្នាក់ បានវាយប្រហារក្រុមនគរបាលការពារក្រុមចាក់វ៉ាក់សាំងបង្ការជំងឺគ្រុនស្វិតដៃជើង នៅភាគនិរតីប្រទេសប៉ាគីស្ថានកាលពីថ្ងៃពុធបណ្តាលឲ្យមនុស្ស ៤នាក់ស្លាប់ និងជាង ៣០នាក់រងរបួស រយៈពេលត្រឹមតែពីរថ្ងៃបន្ទាប់ពីក្រុមសកម្មប្រយុទ្ធបានបញ្ចប់បទឈប់បាញ់។ ក្រុម Tehreek-e-Taliban Pakistan (TTP) បានអះអាងទទួលខុសត្រូវចំពោះការវាយប្រហារនៅជិតក្រុង Quetta ខេត្ត Balochistan នៅក្នុងសេចក្តីថ្លែងការណ៍មួយដែលទទួលបានដោយសារព័ត៌មាន Reuters។ មន្ត្រីនគរបាលម្នាក់បាននិយាយថា ជនរងគ្រោះដោយការបំផ្ទុះគ្រាប់បែកអត្តឃាតរួមមាននគរបាលម្នាក់ ម្នាក់ស្ត្រី និងកុមារម្នាក់ ហើយអ្នករបួសមួយចំនួនស្ថិតក្នុងស្ថានភាពធ្ងន់ធ្ងរ។ មន្ត្រីនិយាយថា អ្នករងរបួសម្នាក់បានស្លាប់នៅមន្ទីរពេទ្យ ហើយមន្ត្រីនគរបាល ១៥នាក់ស្ថិតក្នុងចំណោមអ្នករបួស។ក្រុមសកម្មប្រយុទ្ធអ៊ីស្លាមនិយមនៅក្នុងប្រទេសប៉ាគីស្ថាន ជាញឹកញាប់បានកំណត់គោលដៅលើក្រុមចាក់វ៉ាក់សាំងបង្ការជំងឺស្វិតដៃជើង ដោយបានផ្សព្វផ្សាយពាក្យចចាមអារ៉ាមថា កិច្ចខិតខំប្រឹងប្រែងចាក់វ៉ាក់សាំងបង្ការគឺជាឧបករណ៍របស់ប្រទេសលោកខាងលិច ដើម្បីស៊ើបការណ៍លើពួកគេ និងធ្វើឱ្យប្រជាជនមូស្លីមមិនអាចមានកូនបាន៕អត្ថបទ៖ ប៊ុនថន

ពលរដ្ឋក្រុងប៉េកាំងគាំទ្រក្រុមបាតុករ ទាមទារវិធានការខុសៗគ្នា ខណៈក្រុងក្វាងចូវបន្ធូរបន្ថយការទប់ស្កាត់ COVID-19

ចិន៖ ប្រជាជនទីក្រុងប៉េកាំងកាលពីថ្ងៃពុធបានបង្ហាញការគាំទ្រ និងការយល់ដឹងចំពោះការតវ៉ាប្រឆាំងវិធានការរឹតត្បិតតាមអំពើចិត្ត ដែលបានធ្វើឡើងប៉ុន្មានថ្ងៃកន្លងទៅនេះនៅទីក្រុងជាច្រើនក្នុងប្រទេសចិន។ ពលរដ្ឋម្នាក់បាននិយាយថា ដោយមើលឃើញពួកគេកំពុងប្រយុទ្ធ ដើម្បីសេរីភាពគឺជាការបំផុសគំនិតយ៉ាងខ្លាំង ខណៈប្រជាជនផ្សេងទៀតបាននិយាយថា វិធានការបិទខ្ទប់មួយចំនួនគឺមិនចាំបាច់នោះទេ ហើយមិនចាំបាច់ដាក់ឱ្យធ្វើចត្តាឡីស័កក្នុងសង្កាត់ជិតខាងទាំងមូលនោះទេ។ ការតវ៉ានៅប្រទេសចិនដីគោកត្រូវបានបង្កឡើងដោយសារមានអគ្គិភ័យនៅក្នុងតំបន់ Xinjiang របស់ប្រទេសចិនកាលពីសប្តាហ៍មុនបណ្តាលឲ្យមនុស្ស 10នាក់ស្លាប់ដែលបានជាប់នៅក្នុងលំនៅឋានរបស់ពួកគេ។ គោលការណ៍ដ៏តឹងរ៉ឹងមានបំណងលុបបំបាត់វីរុស COVID-19 ដោយវិធានការបិទខ្ទប់ និងការដាក់ឱ្យធ្វើចត្តាឡីស័កបានក្លាយទៅជាការខកចិត្តភ្លាមៗ។ គោលការណ៍នេះបានទប់ស្កាត់ចំនួនអ្នកស្លាប់របស់ប្រទេសចិន ឲ្យនៅទាបច្រើនជាងប្រទេសដទៃទៀត ប៉ុន្តែវាបានកើតឡើងដោយការចំណាយពេលនៃការបង្ខាំង ឲ្យនៅក្នុងលំនៅឋានសម្រាប់មនុស្សច្រើនលាននាក់ និងធ្វើឲ្យប៉ះពាល់ដល់សេដ្ឋកិច្ចនៃប្រទេសធំបំផុតទី២ របស់ពិភពលោក។ជាមួយគ្នានេះ អាជ្ញាធរនៅទីក្រុងក្វាងចូវ (Guangzhou) ប្រទេសចិនបានបន្ធូរបន្ថយវិធានការរឹតត្បិតជំងឺ COVID-19 មួយថ្ងៃបន្ទាប់ពីក្រុមបាតុករនៅក្នុងទីក្រុងភាគខាងត្បូងបានប៉ះទង្គិចជាមួយនគរបាល ក្នុងពេលមានការតវ៉ាប្រឆាំងវិធានការតឹងរ៉ឹងរបស់ទីក្រុងប៉េកាំងដើម្បីគ្រប់គ្រងវីរុសឆ្លង។ ចិនបានដាក់វិធានការបិទខ្ទប់យ៉ាងទូលំទូលាយ និងការរឹតត្បិតការធ្វើដំណើរ ហើយបានធ្វើតេស្តទ្រង់ទ្រាយធំ ជាផ្នែកមួយនៃគោលនយោបាយគ្មានវីរុសកូវីដ-១៩ «Zero-COVID-19» របស់ខ្លួនដែលកំពុងធ្វើឲ្យមានកំហឹងកើនឡើង។ វិធានការរឹតត្បិតលើវីរុស Covid-19 ត្រូវបានបន្ធូរបន្ថយដោយផ្នែកភាគច្រើនលើពិភពលោក៕អត្ថបទ៖ ប៊ុនថន

ចិនឈានដល់ដំណាក់កាល និងបេសកកម្មថ្មីក្នុងការគ្រប់គ្រងការឆ្លងវីរុស COVID-19 ក្រោយការតវ៉ា

ចិន៖ សារព័ត៌មាន Xinhua បានរាយការណ៍ថា មន្ត្រីជាន់ខ្ពស់រដ្ឋាភិបាលចិនទទួលបន្ទុកការឆ្លើយតបវីរុស COVID-19 បានប្រាប់ក្រុមមន្ត្រីសុខាភិបាលកាលពីថ្ងៃពុធថា ប្រទេសនេះប្រឈមដំណាក់កាល និងបេសកកម្មថ្មីក្នុងការគ្រប់គ្រងវីរុសរាតត្បាតសកល ដោយចង្អុលបង្ហាញពីការកែសម្រួលចំពោះយុទ្ធសាស្ត្រគ្មានការឆ្លងរាលដាលវីរុសឬ “zero-Covid” របស់ទីក្រុងប៉េកាំង ដែលបានបង្កឲ្យមានការតវ៉ាជាច្រើនថ្ងៃនៅទូទាំងប្រទេស។ យោងតាមសារព័ត៌មាន Xinhua លោកស្រីឧបនាយករដ្ឋមន្ត្រីចិន Sun Chunlan បាននិយាយកាលពីថ្ងៃពុធថា ស្របពេលដែលមានករណីឆ្លងវីរុសបម្លែងខ្លួនថ្មី Omicron កើនឡើង អត្រាអ្នកចាក់វ៉ាក់សាំងកំពុងកើនឡើង ហើយបទពិសោធន៍នៃការគ្រប់គ្រងការផ្ទុះរាលដាល និងការទប់ស្កាត់ក៏កើនឡើងដែរ ចំណាត់ការទប់ស្កាត់ការឆ្លងរាលដាលវីរុសរាតត្បាតសកលរបស់ចិន ប្រឈមនឹងដំណាក់កាល និងបេសកកម្មថ្មី។ សារព័ត៌មាន Xinhua បានរាយការណ៍ថា សុន្ទរកថារបស់លោកស្រីពុំបាននិយាយពីវិធានការគ្មានការឆ្លងរាលដាលវីរុស COVID-19 ទេ ខណៈមួយថ្ងៃបន្ទាប់ពីគណៈកម្មការសុខាភិបាលចិនបាននិយាយថា ការកែតម្រូវវិធានការទប់ស្កាត់ការឆ្លងរាលដាលវីរុសនាពេលបច្ចុប្បន្នកំពុងត្រូវបានអនុវត្តន៍ ហើយរដ្ឋាភិបាលក្នុងតំបន់គួរតែឆ្លើយតប និងដោះស្រាយការទាមទារនានាឲ្យបានសមហេតុផលតាមលំដាប់លំដោយ។ វិធានការបិទខ្ទប់នៅក្នុងស្រុកចំនួន៤ គឺស្រុក Liwan, Baiyun, Tianhe និងស្រុក Haizhu ត្រូវបានដកចេញ ខណៈវិធានការបិទខ្ទប់មួយចំនួននៅតែបន្តអនុវត្តន៍ក្នុងតំបន់ជាច្រើន ដែលចាត់ទុកជាតំបន់មានហានិភ័យខ្ពស់៕អត្ថបទ៖ សុខមាន

មានការវាយប្រយុទ្ធគ្នាដ៏ខ្លាំងក្លាបំផុតនៅភាគខាងកើត ខណៈណាតូព្យាយាមស្វែងរកការគាំទ្រប្រឆាំងរុស្ស៊ី

អ៊ុយក្រែន៖ កងកម្លាំងអ៊ុយក្រែនបានបាញ់ប្រព័ន្ធរ៉ូកែតពហុជំនាញ Bureviy ទៅលើគោលដៅមួយក្នុងតំបន់ Donetsk។ រដ្ឋមន្ត្រីការបរទេសអ៊ុយក្រែនលោក Dmytro Kuleba បាននិយាយកាលពីថ្ងៃពុធថា ប្រទេសរបស់លោកត្រូវការប្រព័ន្ធការពារមីស៊ីល Patriot ផលិតដោយសហរដ្ឋអាមេរិក ដើម្បីការពារហេដ្ឋារចនាសម្ព័ន្ធស៊ីវិលរបស់ខ្លួន ដែលរងការវាយប្រហារដ៏ខ្លាំងក្លាដោយរុស្ស៊ីនៅដើមរដូវរងានេះ។ មេបញ្ជាការកងទ័ពអ៊ុយក្រែនបាននិយាយក្នុងសេចក្ដីថ្លែងការណ៍កាលពីយប់ថ្ងៃពុធថា នៅក្នុងតំបន់ Donetsk ភាគខាងកើតអ៊ុយក្រែន ដែលជាទីតាំងនៃសមរភូមិប្រយុទ្ធក៏ក្ដៅបំផុត កងកម្លាំងរុស្ស៊ីបានព្យាយាមរុលទៅមុខបន្ថែមទៀត និងបានបាញ់ស្រោចលើទីប្រជុំជនមួយចំនួនរួមទាំងទីក្រុង Bakhmut និងក្បែរទីក្រុង Soledar និង Opytne។ នៅឯជំនួបថ្នាក់រដ្ឋមន្ត្រីការបរទេសរបស់សម្ព័ន្ធយោធាណាតូកាលពីថ្ងៃពុធវិញ អគ្គលេខាធិការអង្គការណាតូលោក Jens Stoltenberg និងក្រុមរដ្ឋមន្ត្រីបាននិយាយថា សម្ព័ន្ធមិត្តបានប្ដេជ្ញាជួយប្រទេសម៉ុលដូវ៉ា ហ្ស៊កហ្ស៊ី និងបូស្នី-ហ៊ើហ្សិនហ្គូវីណា (Bosnia-Herzegovina) ខណៈពួកគេប្រឈមសម្ពាធពីរុស្ស៊ី។ចំណែកអ្នកនាំពាក្យក្រសួងការបរទេសរុស្ស៊ីលោកស្រី Maria Zakharova បាននិយាយថា លទ្ធផលបង្ហាញថា សម្ព័ន្ធណាតូពិតជាមិនចាប់អារម្មណ៍លើសេចក្ដីសម្រេចខាងនយោបាយ និងការទូតក្នុងប្រទេសអ៊ុយក្រែនឡើយ៕អត្ថបទ៖ សុខមាន

ពិធីដង្ហែអដ្ឋិធាតុយុទ្ធជនកម្លាំងប្រដាប់អាវុធសាមគ្គីសង្គ្រោះជាតិកម្ពុជា ៤៩ រូប ពីទឹកដីវៀតណាមមកកម្ពុជា

ត្បូងឃ្មុំ៖ នៅព្រឹកថ្ងៃទី០១ ខែធ្នូ ឆ្នាំ២០២២នេះ កម្ពុជា-វៀតណាម បានរៀបចំធ្វើពិធីប្រគល់ និងទទួលអដ្ឋិធាតុយុទ្ធជនកម្លាំងប្រដាប់អាវុធសាមគ្គីសង្គ្រោះជាតិកម្ពុជា ៤៩រូប ធ្វើមាតុភូមិនិវត្តន៍ពីប្រទេសវៀតណាម មកកាន់ប្រទេសកម្ពុជា។ ពិធីនេះ ធ្វើឡើងនៅតំបន់ប្រវត្តិសាស្រ្តយោធាតេជោកោះថ្ម X១៦ ស្ថិតនៅឃុំទន្លូង ស្រុកមេមត់ ខេត្តត្បូងឃ្មុំ នៅព្រឹកថ្ងៃទី ក្រោមអធិបតីនាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមេរភូមិន្ទ និងលោកអនុប្រធានអចិន្ត្រៃយ៍គណៈកម្មការជំនាញរបស់រដ្ឋាភិបាលវៀតណាម។បន្ទាប់ពីធ្វើពិធីប្រគល់ និងទទួលរួច កម្ពុជាបានធ្វើពិធីដង្ហែអដ្ឋិធាតុយុទ្ធជនកម្លាំងប្រដាប់អាវុធសាមគ្គីសង្គ្រោះជាតិកម្ពុជា ៤៩ រូប ពីទឹកដីវៀតណាមចូលមកតំបន់ប្រវត្តិសាស្រ្តយោធាតេជោកោះថ្ម X១៦។

ដំណឹងល្អ..! រយៈ១០ថ្ងៃក្នុងខែធ្នូនេះ ប្រេងសាំងធម្មតាតម្លៃ ៤.២០០រៀល/លីត្រ(ចុះ ១៥០រៀល) និងប្រេងម៉ាស៊ូតតម្លៃ ៤.៦៥០រៀល/លីត្រ (ចុះ ៣៥០រៀល)

ភ្នំពេញ៖ ក្រសួងពាណិជ្ជកម្មប្រកាសពីតម្លៃលក់រាយប្រេងឥន្ធនៈ តាមស្ថានីយនានាទូទាំងប្រទេស ចាប់ពីថ្ងៃទី០១-១០ ខែធ្នូ ឆ្នាំ២០២២ ដោយប្រេងសាំងធម្មតាត្រូវលក់តម្លៃ ៤.២០០រៀល/លីត្រ(ចុះ ១៥០រៀល) និងប្រេងម៉ាស៊ូតត្រូវលក់តម្លៃ ៤.៦៥០រៀល/លីត្រ (ចុះ ៣៥០រៀល)៕

អាមេរិកនិយាយថា សម្ព័ន្ធណាតូព្រួយបារម្ភពីការបង្កើនសមត្ថភាពយោធាដោយស្ងាត់ៗរបស់ចិន

អាមេរិក៖ ប្រមុខទូតអាមេរិកលោក Antony Blinken និយាយថា សម្ព័ន្ធណាតូព្រួយបារម្ភពីការបង្កើនសមត្ថភាពខាងយោធាដ៏ឆាប់រហ័ស និងស្ងាត់ៗ និងកិច្ចសហប្រតិបត្តិការរបស់ប្រទេសចិនជាមួយរុស្ស៊ី ព្រមទាំងបានពិភាក្សាពីមធ្យោបាយដ៏ជាក់លាក់នានា ដើម្បីដោះស្រាយបញ្ហាប្រឈមបង្កឡើងដោយទីក្រុងប៉េកាំងកាលពីថ្ងៃពុធ។ លោក Blinken បានប្រាប់សន្និសីទសារព័ត៌មាន បន្ទាប់ពីជំនួបថ្នាក់រដ្ឋមន្ត្រីការបរទេសមកពីសម្ព័ន្ធការពារជាតិលោកខាងលិចរយៈពេល ២ថ្ងៃថា សមាជិកនៃសម្ព័ន្ធយោធារបស់យើងនៅតែមានក្ដីបារម្ភ អំពីគោលនយោបាយរបស់ប្រទេសចិន ទាក់ទងនឹងការបង្កើនសមត្ថភាពខាងយោធាដ៏ឆាប់រហ័ស និងស្ងាត់ៗ រួមទាំងកិច្ចសហប្រតិបត្តិការរបស់ប្រទេសនេះជាមួយរុស្ស៊ី។ ការអត្ថាធិប្បាយរបស់លោក Blinken មានឡើងបន្ទាប់ពីទីក្រុង Moscow និយាយថា យន្តហោះចម្បាំងយុទ្ធសាស្ត្ររបស់រុស្ស៊ី និងចិន រួមទាំងយន្តហោះទម្លាក់គ្រាប់បែក Tupolev-95 "Bear" ជាច្រើនគ្រឿង បានធ្វើសកម្មភាពល្បាតរួមគ្នាលើសមុទ្រជប៉ុន និងសមុទ្រចិនខាងកើត ហើយសម្ព័ន្ធមិត្តរបស់សហរដ្ឋអាមេរិកគឺកូរ៉េខាងត្បូងបាននិយាយថា ខ្លួនបានដឹងថា យន្តហោះចម្បាំងទាំងនោះមាន ២គ្រឿងជារបស់ចិន និង ៦គ្រឿងជារបស់រុស្ស៊ី បានហោះចូលក្នុងតំបន់ការពារដែនអាកាសរបស់ខ្លួន។ចិន និងរុស្ស៊ីបានធ្វើឲ្យសហរដ្ឋអាមេរិក និងសម្ព័ន្ធមិត្តរបស់ខ្លួនព្រួយបារម្ភ ដោយការប្រកាសពីទំនាក់ទំនងភាពជាដៃគូយុទ្ធសាស្ត្រគ្មានដែនកំណត់កាលពីខែកុម្ភៈ ប៉ុន្មានថ្ងៃមុនរុស្ស៊ីបើកការវាយលុកចូលអ៊ុយក្រែន៕ អត្ថបទ៖ សុខមាន

សម្តេចប្រធានព្រឹទ្ធសភា អនុញ្ញាតឲ្យគណៈប្រតិភូបេសកកម្មសុឆន្ទៈ នៃសភាប្រើភាសាបារាំង ចូលជួបសម្តែងការគួរសម

ភ្នំពេញ៖ សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា បានអនុញ្ញាតឲ្យឯកឧត្តម Christophe-André Frassa ប្រធានគណៈកម្មការនយោបាយនៃសភាប្រើភាសាបារាំង (APF) ចូលជួបសម្តែងការគួរសម នាព្រឹកថ្ងៃទី០១ ខែធ្នូ ឆ្នាំ២០២២ នៅវិមានព្រឹទ្ធសភា ក្នុងឱកាសដែលឯកឧត្តមដឹកនាំគណៈប្រតិភូបេសកកម្មសុឆន្ទៈនៃសភាប្រើភាសាបារាំង (APF) បំពេញទស្សនកិច្ចការងារនៅព្រះរាជាណាចក្រកម្ពុជា៕

ប្រមុខការពារជាតិនិយាយថា រុស្ស៊ីគួរតែប្រើអាវុធទំនើបនៅក្នុងសង្គ្រាមអ៊ុយក្រែន

រុស្ស៊ី៖ រដ្ឋមន្ត្រីការពារជាតិរុស្ស៊ីបាននិយាយកាលពីថ្ងៃពុធថា កងម្លាំងប្រដាប់អាវុធគួរតែប្រើប្រព័ន្ធអាវុធទំនើបថ្មីនៅក្នុងជម្លោះអ៊ុយក្រែន។ លោក Sergei Shoigu បាននិយាយនៅកិច្ចប្រជុំឧត្ដមសេនីយ៍ជាន់ខ្ពស់របស់ក្រសួងការពារជាតិថា វាចាំបាច់ក្នុងការបន្តទំនើបកម្មអាវុធ និងការបង្កើតប្រព័ន្ធអាវុធទំនើបដែលអាចទុកចិត្តបាន អំឡុងប្រតិបត្តិការសឹកពិសេសនេះ។ លោក Shoigu ដែលជាមនុស្សជំនិតបំផុតម្នាក់ ក្នុងចំណោមមនុស្សជាច្រើនរបស់លោកប្រធានាធិបតី Vladimir Putin ពុំបានបញ្ជាក់ច្បាស់ទេថា អាវុធទំនើបណាមួយដែលនឹងត្រូវប្រើ ទោះបីជាលោកបាននិយាយថា លោកចង់ពិភាក្សាជាមួយក្រុមឧត្ដមសេនីយ៍ពីមធ្យោបាយថ្មីនៃការបង្កើនសមត្ថភាពកាំភ្លើងធំ និងការវាយប្រហារដោយមីស៊ីលក៏ដោយ។លោក Shoigu បាននិយាយថា មធ្យោបាយថ្មីៗនៃការប្រើប្រាស់អាវុធទាំងនោះក្នុងសមរភូមិប្រយុទ្ធ នឹងត្រូវបានសាក ល្បង។ នៅក្នុងប្រទេសអ៊ុយក្រែនលោក Shoigu បាននិយាយថា អាវុធសម្រាប់បាញ់កម្ទេចអាវុធរបស់សត្រូវ នឹងត្រូវបានពង្រឹងដោយប្រើប្រព័ន្ធរ៉ូកែតរយៈចម្ងាយឆ្ងាយដូចជា Tornado-S និងប្រព័ន្ធកាំភ្លើងធំដែលមានសមត្ថភាពខ្ពស់"Malka"។ លោកថា ផែនការនេះអាចកម្ទេចរ៉ូកែត និងប្រព័ន្ធកាំភ្លើងធំប្រកបដោយប្រសិទ្ធភាព៕ អត្ថបទ៖ សុខមាន

សម្ដេចតេជោ ហ៊ុន សែន ច្រានចោលការចោទប្រកាន់ថា កម្ពុជាស៊ីសំណូកពីក្រុមហ៊ុន និងស៊ីប្រាក់ជំនួយ

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី បានច្រានចោលនូវការចោទប្រកាន់នានា ដែលចោទថា កម្ពុជាមានអំពើពុករលួយ ស៊ីប្រាក់សំណូកសូកប៉ាន់ពីក្រុមហ៊ុន ជាថ្នូរនឹងអ្វីមួយ ហើយស៊ីប្រាក់ជំនួយពីបរទេស ។ ក្នុងឱកាសអញ្ជើញជាអធិបតីភាពក្នុងពិធីខួប១០+១ឆ្នាំ នៃប្រតិបត្តិការរបស់ក្រុមហ៊ុនមីនេបៀ (ខេមបូឌា) ខូអិលធីឌី នាថ្ងៃទី១ ខែធ្នូ ឆ្នាំ២០២២ សម្ដេចតេជោ ហ៊ុន សែន មានប្រសាសន៍ថា អ្នកនិយាយចេះតែនិយាយ គេថាកម្ពុជានឹងមានពុករលួយ ក្រុមហ៊ុនអីក៏ត្រូវតែយកលុយដែរ ត្រូវបង់ប៉ុណ្ណេះប៉ុណ្ណោះ ជាថ្នូរនឹងធ្វើអ្វីនៅកម្ពុជា ។ សម្ដេចតេជោ បានបន្តថា ចំណែកអ្នកខ្លះថាកម្ពុជាស៊ីជំនួយលុយពីបរទេស ដោយសម្ដេចបានជំរុញអ្នកទាំងនោះ ទៅសាក់សួរក្រុមហ៊ុនជប៉ុន និងទូតជប៉ុនបាន ពាក់ព័ន្ធនឹងការវិនិយោគ និងការផ្ដល់ជំនួយមកកម្ពុជានេះ ។ តែយ៉ាងណាជាមួយគ្នានេះ សម្ដេចតេជោនាយករដ្ឋមន្ត្រី បានជំរុញទៅមន្ត្រី ត្រូវខិតខំធ្វើការងារ ពាក់ព័ន្ធនឹងការសម្របសម្រួលធ្វើបែបបទផ្សេងៗ បង្កើតទំនុកចិត្តដល់វិនិយោទុន ដើម្បីមកធ្វើការវិនិយោគនៅកម្ពុជាឲ្យកាន់តែច្រើន ដែលអាចជួយបង្កើតការងារ ដល់ពលរដ្ឋបានធ្វើ ពិសេសកែប្រែនូវណុចខ្វះខាតផ្សេងៗ ៕ (អត្ថបទ៖បាន សុខរិទ្ធិ)

បណ្ដាញសង្គម

ព័ត៌មានថ្មីៗ

អាជ្ញាធរស៊ូដង់បោសសម្អាតរថយន្តរងការបំផ្លិចបំផ្លាញ និងត្រូវបានគេលួចរាប់ពាន់គ្រឿងចេញពីផ្លូវនៅទីក្រុង Khartoum

ប៉ាឡេស្ទីនរិះគន់ការជំរុញរបស់អ៊ីស្រាអែល ដើម្បីគ្រប់គ្រងទីតាំងបុរាណនៅតំបន់វ៉េសប៊ែង

រដ្ឋមន្រ្តីអាកាសធាតុស៊ុយអែតនាំទារករបស់លោកស្រីមកចូលរួមជំនួបសហភាពអឺរ៉ុប

តម្លៃប្រេងវិលត្រឡប់មករកកម្រិតមុនសង្រ្គាមអ៊ីរ៉ង់វិញ ខណៈការផ្គត់ផ្គង់កើនឡើងពីមជ្ឈិមបូព៌ា

រថយន្តបើកបុកចូលហ្វូងអ្នកគាំទ្របាល់ទាត់ម៉ិកស៊ិក នៅទីក្រុង Cabo San Lucas ដោយមានអ្នករបួសជាច្រើននាក់

កងកម្លាំងឆ្មាំបដិវត្តន៍អ៊ីរ៉ង់ បញ្ជាក់ថា អ៊ីស្រាអែលត្រូវតែដកទ័ពចេញពីលីបង់ទាំងស្រុង

កុងហ្គោចេញនីតិវិធីចត្តាឡីស័ក ចំពោះអ្នកធ្វើដំណើរមកពីតំបន់រងប៉ះពាល់ដោយជំងឺ Ebola

កិច្ចព្រមព្រៀងពាណិជ្ជកម្ម រវាង EU និងអាមេរិក នឹងចូលជាធរមានមុនថ្ងៃកំណត់របស់លោក Trump

លោក Trump លើកឡើងថា មេដឹកនាំអ៊ុយក្រែន កំពុងធ្វើបាន «ល្អ» ក្នុងការតទល់នឹងរុស្ស៊ី

ដាណឺម៉ាកអនុម័តការដាក់ពង្រាយបេសកកម្ម នៅច្រកសមុទ្រ Hormuz

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

បំផ្ទុះគ្រាប់បែកវាយប្រហារនគរបាលប៉ាគីស្ថានការពារក្រុមចាក់វ៉ាក់សាំងបណ្តាលឲ្យមនុស្ស ៤នាក់ស្លាប់

ពលរដ្ឋក្រុងប៉េកាំងគាំទ្រក្រុមបាតុករ ទាមទារវិធានការខុសៗគ្នា ខណៈក្រុងក្វាងចូវបន្ធូរបន្ថយការទប់ស្កាត់ COVID-19

ចិនឈានដល់ដំណាក់កាល និងបេសកកម្មថ្មីក្នុងការគ្រប់គ្រងការឆ្លងវីរុស COVID-19 ក្រោយការតវ៉ា

មានការវាយប្រយុទ្ធគ្នាដ៏ខ្លាំងក្លាបំផុតនៅភាគខាងកើត ខណៈណាតូព្យាយាមស្វែងរកការគាំទ្រប្រឆាំងរុស្ស៊ី

ពិធីដង្ហែអដ្ឋិធាតុយុទ្ធជនកម្លាំងប្រដាប់អាវុធសាមគ្គីសង្គ្រោះជាតិកម្ពុជា ៤៩ រូប ពីទឹកដីវៀតណាមមកកម្ពុជា

អាមេរិកនិយាយថា សម្ព័ន្ធណាតូព្រួយបារម្ភពីការបង្កើនសមត្ថភាពយោធាដោយស្ងាត់ៗរបស់ចិន

សម្តេចប្រធានព្រឹទ្ធសភា អនុញ្ញាតឲ្យគណៈប្រតិភូបេសកកម្មសុឆន្ទៈ នៃសភាប្រើភាសាបារាំង ចូលជួបសម្តែងការគួរសម

ប្រមុខការពារជាតិនិយាយថា រុស្ស៊ីគួរតែប្រើអាវុធទំនើបនៅក្នុងសង្គ្រាមអ៊ុយក្រែន

សម្ដេចតេជោ ហ៊ុន សែន ច្រានចោលការចោទប្រកាន់ថា កម្ពុជាស៊ីសំណូកពីក្រុមហ៊ុន និងស៊ីប្រាក់ជំនួយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ចិន​ឈាន​ដល់​ដំណាក់កាល​ និង​បេសកកម្ម​ថ្មី​ក្នុង​ការ​គ្រប់គ្រង​ការ​ឆ្លង​វីរុស ​COVID-19 ក្រោយ​ការ​តវ៉ា​

ពិធីដង្ហែអដ្ឋិធាតុយុទ្ធជនកម្លាំងប្រដាប់អាវុធសាមគ្គីសង្គ្រោះជាតិកម្ពុជា ៤៩ រូប ពីទឹកដីវៀតណាមមកកម្ពុជា

អាមេរិក​និយាយថា សម្ព័ន្ធ​ណា​តូ​ព្រួយបារម្ភ​ពី​ការបង្កើន​សមត្ថភាព​យោធា​ដោយ​ស្ងាត់​ៗ​របស់​ចិន​

សម្តេចប្រធានព្រឹទ្ធសភា អនុញ្ញាតឲ្យគណៈប្រតិភូបេសកកម្មសុឆន្ទៈ នៃសភាប្រើភាសាបារាំង ចូលជួបសម្តែងការគួរសម

ប្រមុខ​ការពារជាតិ​និយាយថា រុស្ស៊ី​គួរតែ​ប្រើ​អាវុធ​ទំនើប​នៅក្នុង​សង្គ្រាម​អ៊ុយ​ក្រែ​ន​

សម្ដេចតេជោ ហ៊ុន សែន ច្រានចោលការចោទប្រកាន់ថា កម្ពុជាស៊ីសំណូកពីក្រុមហ៊ុន និងស៊ីប្រាក់ជំនួយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ចិនឈានដល់ដំណាក់កាល និងបេសកកម្មថ្មីក្នុងការគ្រប់គ្រងការឆ្លងវីរុស COVID-19 ក្រោយការតវ៉ា

អាមេរិកនិយាយថា សម្ព័ន្ធណាតូព្រួយបារម្ភពីការបង្កើនសមត្ថភាពយោធាដោយស្ងាត់ៗរបស់ចិន

ប្រមុខការពារជាតិនិយាយថា រុស្ស៊ីគួរតែប្រើអាវុធទំនើបនៅក្នុងសង្គ្រាមអ៊ុយក្រែន