BTV NEWS

សម្ដេចតេជោ ហ៊ុន សែន អញ្ជើញចូលក្រាបថ្វាយបង្គុំគាល់ព្រះករុណាព្រះមហាក្សត្រ និងសម្តេចព្រះមហាក្សត្រី

សម្តេចតេជោអញ្ជើញជួបពិភាក្សាការងារជាមួយប្រធានគណៈកម្មាធិការអចិន្ត្រៃយ៍នៃសភាតំណាងប្រជាជនចិន

សម្តេចតេជោ ហ៊ុន សែន ដឹកនាំគណៈប្រតិភូជាន់ខ្ពស់ អញ្ជើញទៅបំពេញទស្សនកិច្ចផ្លូវការ នៅប្រទេសចិន នាព្រឹកថ្ងៃនេះ

លោកជំទាវបណ្ឌិត ពេជ ចន្ទមុន្នី អញ្ជើញចូលរួមពិធីប្រគល់-ទទួលថវិកាបរិច្ចាគពីគណៈសង្ឃនាយកកម្ពុជាចំនួន ១៦០លានរៀលជូនមូលនិធិគន្ធបុប្ផា

ព័ត៌មានសំខាន់ៗ

សហភាពអឺរ៉ុបនិយាយថា កងទ័ពអ៊ុយក្រែន ១០ម៉ឺននាក់បានស្លាប់ក្នុងជម្លោះជាមួយរុស្ស៊ី

អឺរ៉ុប៖ ប្រធានគណៈកម្មការសហភាពអឺរ៉ុបលោកស្រី Ursula von der Leyen បានបង្ហាញការប៉ាន់ប្រមាណចំនួនកងទ័ពសរុបរបស់អ៊ុយក្រែន ដែលបានបាត់បង់ក្នុងជម្លោះជាមួយប្រទេសរុស្ស៊ី។ លោកស្រី von der Leyen កាលពីថ្ងៃពុធម្សិលមិញបានអះអាងថា កងកម្លាំងយោធាអ៊ុយក្រែនជាង ១០០.០០០នាក់បានស្លាប់ ខណៈបន្ថែមថា ជនស៊ីវិលប្រមាណ ២០.០០០នាក់ក៏ត្រូវបានបាត់បង់ជីវិតផងដែរ ក្នុងអំឡុងការវាយប្រយុទ្ធគ្នាដែលនៅតែបន្តរហូតមកដល់សព្វថ្ងៃ ចាប់តាំងពីការវាយលុកកាលពីថ្ងទី២៤ ខែកុម្ភៈ។ ប្រមុខគណៈកម្មការអឺរ៉ុបរូបនេះពុំបានបង្ហាញពីប្រភពថា ព័ត៌មាននេះទទួលបានពីណានោះទេ។ កាលពីចុងខែកញ្ញា លោក Sergey Shoigu រដ្ឋមន្ត្រីការពារជាតិរុស្ស៊ីបាននិយាយថា មកទល់នឹងពេលនេះអ៊ុយក្រែនបានបាត់បង់កងទ័ពជាង ៦១.០០០នាក់ខ្ពស់ជាង ១០ដងនៃចំនួនកងទ័ពរុស្ស៊ីដែលបានស្លាប់។លោកស្រីក៏បាននិយាយផងដែរថា រចនាសម្ព័ន្ធពិសេសនឹងត្រូវបានបង្កើតឡើងដោយសហភាពអឺរ៉ុបដើម្បីរៀបចំ និងវិនិយោគថវិកាចំនួន ៣០០ពាន់លានអឺរ៉ុបជិត ៣១១ពាន់លានដុល្លារអាមេរិក លើប្រាក់បម្រុងនៅក្នុងធនាគារកណ្ដាលរបស់រុស្ស៊ី និង ១៩ពាន់លានអឺរ៉ូនៃទ្រព្យសម្បត្តិរបស់មហាសេដ្ឋីធុរកិច្ចរុស្ស៊ី ដែលសហភាពអឺរ៉ុបបានបង្កកបន្ទាប់ពីផ្ទុះជម្លោះ។ គម្រោងនេះនឹងត្រូវប្រើប្រាក់បានមកពីសកម្មភាពទាំងនោះ ក្នុងការកសាងឡើងវិញ និងជួយដល់ប្រទេសអ៊ុយក្រែន៕ អត្ថបទ៖ សុខមាន

ប្រសាសន៍សំខាន់ៗសម្ដេចតេជោ ហ៊ុន សែន ក្នុងពិធីអបអរសាទរ ខួប១១ឆ្នាំ នៃប្រតិបត្តិការរបស់ក្រុមហ៊ុនមីនីបៀ Minebea(Cambodia)

នៅព្រឹកថ្ងៃទី១ ខែធ្នូ ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតីភាពដ៏ខ្ពង់ខ្ពស់ប្រារព្ធពិធីអបអរសាទរ ខួប ១១ឆ្នាំ នៃប្រតិបត្តិការរបស់ក្រុមហ៊ុន មីនីបៀ Minebea(Cambodia) របស់ជប៉ុននៅក្នុងប្រទេសកម្ពុជា។ក្រុមហ៊ុនមីនីបៀ ជាក្រុមហ៊ុនដ៏ធំមួយរបស់ជប៉ុន ដែលបានវិនិយោគនៅក្នុងប្រទេសកម្ពុជាក្នុងឆ្នាំ២០១០ ដោយផលិតជាម៉ូទ័រសម្រាប់នាំចេញទៅលក់នៅក្រៅប្រទេស។ បច្ចុប្បន្នក្រុមហ៊ុនមានផលិតអំពូល LED និងសម្ភារៈក្មេងលេងកម្សាន្តផងដែរ។ក្រុមហ៊ុនធ្លាប់បានបញ្ជាក់ថា នៅឆ្នាំ២០១៩ ទុនវិនិយោគរបស់ក្រុមហ៊ុននៅកម្ពុជា មានរហូតដល់ទៅ ៤០០លានដុល្លារអាមេរិក និងផ្តល់ការងារជូនពលរដ្ឋខ្មែរបានជាង ៦ពាន់នាក់។ បច្ចុប្បន្នក្រុមហ៊ុននេះ បានដាក់ទុនវិនិយោគសរុបរហូតដល់ ១,១២៤ពាន់លានយេន ស្មើនឹងជាង ៨ពាន់លានដុល្លារ នៅ ៩៥កន្លែងទូទាំងពិភពលោក។ខាងក្រោមនេះជាប្រសាសន៍សំខាន់ៗរបស់សម្ដេចតេជោ៖- សម្តេចតេជោ ហ៊ុន សែន បានប្រកាសថា សម្តេចធ្លាប់ត្រូវបានគេផ្តល់យោបល់អោយបដិសេដក្រុមមីនីបៀរបស់ជប៉ុន ដោយគេបញ្ជាក់ថា ក្រុមហ៊ុននោះជាក្រុមហ៊ុនតូច និងមិនមានសក្តានុពល។- សម្តេចតេជោ ហ៊ុន សែន ប្រកាសថា រាជរដ្ឋាភិបាល គាំពារការវិនិយោគបរទេសនៅប្រទេសកម្ពុជា មិនមែនសំដៅតែទៅលើក្រុមជប៉ុននោះឡើយ ដែលសកម្មភាពទាំងនេះ គឺជាគោលនយោបាយ ដើម្បីទាក់ទាញវិនិយោគិននៅកម្ពុជាកាន់តែមានចំនួនច្រើន។- សម្តេចតេជោ ហ៊ុន សែន បានប្រកាសថា កម្ពុជាត្រូវការការវិនយោគពីក្រៅប្រទេស មិនថា ក្រុមហ៊ុននោះតូច ឬក៏ធំនោះឡើយ។ សម្តេចតេជោ ហ៊ុន សែន បញ្ជាក់ថា «ត្រីណាមកមុន យើងនឹងចាប់ទទួលទានមុន, ត្រីណាមកក្រោយ យើងទទួលទានពេលក្រោយ»។- សម្តេចតេជោ ហ៊ុន សែន ប្រកាសពីគោលនយោបាយជាតិ ដើម្បីប្រយុទ្ធនឹងជំងឺកូវីដ-១៩ តាមរយៈគោលនយោបាយចាក់វ៉ាក់សាំងកូវីដ-១៩លើប្រជាពលរដ្ឋដោយមិនគិតថ្លៃ និងវិធានការនានា តាមការណែនាំរបស់ក្រសួងសុខាភិបាល ព្រមទាំងវិធានការ ៣ការពារ និង៣ កុំផងដែរ។- សម្តេចតេជោ ហ៊ុន សែន ប្រកាសថា បញ្ហាកូវីដ-១៩ ប្រភេទ«អូមីក្រុង» បានឆ្លងរីករាលដាលគ្រប់ស្រទាប់មហាជនទាំងអស់ មិនថាអ្នកធំ ឬអ្នកតូច ,អ្នកមាន ឬអ្នកក្រនោះឡើយ។ សម្តេចតេជោ ហ៊ុន សែនប្រកាសថា «អ្វីដែលយើងឈ្នះកូវីដ-១៩ គឺគោលនយោបាយចាក់វ៉ាក់សាំងស្រោចទៅលើប្រជាពលរដ្ឋ»។- សម្តេចតេជោ ហ៊ុន សែន ប្រកាសដល់អភិបាលរាជធានីខេត្ត ស្រុក ខណ្ឌទាំងអស់ទូទាំងប្រទេស សូមគិតអោយបានដិតដល់ទៅលើការប្រើប្រាស់បរិក្ខាអគ្គិសនីវៃឆ្លាត ដើម្បីប្រសិទ្ធភាព នៃការប្រើប្រាស់ និងភាពសន្សំសំចៃខ្ពស់។- សម្តេចតេជោ ហ៊ុន សែន ប្រកាសថា ការវិនិយោគនៅកម្ពុជា កត្តាធំបំផុត គឺកត្តាសុខសន្តិភាព។ «គ្មាននរណា ឬបរទេសណាវិនិយោគក្រោមគ្រាប់បែក គ្រាប់ផ្លោងនោះទេ»។- សម្តេចតេជោ ហ៊ុន សែន ប្រកាសថា នៅឆ្នាំ២០២៣ខាងមុខនេះ គឺជាឆ្នាំសំខាន់រវាងកម្ពុជា-ជប៉ុន។ សម្តេចប្រកាសថា សម្តេចមានមោទនភាពយ៉ាងខ្លាំង ដែលបានធ្វើការ និងភាពជាដៃគូជាមួយជប៉ុន។-សម្តេចតេជោ ហ៊ុន សែន នាយករដ្ឋមន្ត្រីបានថ្លែងថា ក្រុមហ៊ុន Toyota នឹងដំឡើងរោងចក្រនៅក្នុងតំបន់សេដ្ឋកិច្ចពិសេសភ្នំពេញ ក្នុងពេលឆាប់ៗខាងមុខនេះ ដែលសមិទ្ធិផលទាំងអស់នេះ បានកើតឡើងជាបន្តបន្ទាប់ ដោយសារកត្តាសុខសន្តិភាព និងភាពអំណោយផលនៃការវិនិយោគនៅកម្ពុជា។សង្កថាសម្តេចតេជោ ហ៊ុន សែន ចប់នៅវេលាម៉ោង ០៩ និង០០នាទី

ស្ថានទូតជប៉ុនចូលរួមសាទរគុនល្បុក្កតោខ្មែរចុះក្នុងបញ្ជីបេតិកភណ្ឌពិភពលោក

ភ្នំពេញ៖ ស្ថានទូតជប៉ុននាព្រឹកថ្ងៃទី ១ ធ្នូ ២០២២ នេះ បានសម្ដែងការសាទរ និងកោតសរសើរដែលរាជរដ្ឋាភិបាលកម្ពុជា ព្រមទាំងភាគីពាក់ព័ន្ធបានខិតខំ ក្នុងការអភិរក្ស និងលើកតម្លៃនៃគុនល្បុក្កតោក្នុងការចុះបញ្ជីបេតិកភណ្ឌវប្បធម៌អរូបីនៃមនុស្សជាតិរបស់អង្គការយូណេស្កូ។ តាមរយៈទំព័រហ្វេសប៊ុកផ្លូវការរបស់ស្ថានទូតជប៉ុនប្រចាំនៅកម្ពុជា បានខ្លឹមសារដូចខាងក្រោមនេះ៖ «ស្ថានទូតជប៉ុនយើងខ្ញុំ សូមចូលរួមអបអរសាទរការចុះ “គុនល្បុក្កតោ” ក្នុងបញ្ជីតំណាងនៃបេតិកភណ្ឌវប្បធម៌អរូបីនៃមនុស្សជាតិរបស់អង្គការយូណេស្កូ នៅថ្ងៃទី២៩ ខែវិច្ឆិកា ឆ្នាំ២០២២ ជាមួយប្រជាជនកម្ពុជា។ យើងខ្ញុំសូមកោតសរសើរការខិតខំប្រឹងប្រែងរបស់រាជរដ្ឋាភិបាលកម្ពុជា ព្រមទាំងសហគមន៍ គ្រូគុន សិស្សគុនល្បុក្កតោទាំងអស់ ក្នុងកិច្ចការអភិរក្ស លើកតម្លៃ និងផ្សព្វផ្សាយគុនល្បុក្កតាក្នុងការចុះបញ្ជីនេះ» ៕

សម្តេចតេជោ ហ៊ុន សែន ៖ក្រុមហ៊ុន Toyota នឹងដំឡើងរោងចក្រនៅក្នុងតំបន់សេដ្ឋកិច្ចពិសេសភ្នំពេញក្នុងពេលឆាប់ៗខាងមុខនេះ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីបានថ្លែងថា ក្រុមហ៊ុន Toyota នឹងដំឡើងរោងចក្រនៅក្នុងតំបន់សេដ្ឋកិច្ចពិសេសភ្នំពេញ ក្នុងពេលឆាប់ៗខាងមុខនេះ ដែលសមិទ្ធិផលទាំងអស់នេះ បានកើតឡើងជាបន្តបន្ទាប់ ដោយសារកត្តាសុខសន្តិភាព និងភាពអំណោយផលនៃការវិនិយោគនៅកម្ពុជា។ថ្លែងក្នុងពិធីពិធីអបអរសាទរខួប ១១ឆ្នាំ នៃប្រតិបត្តិការរបស់ក្រុមហ៊ុនមីនីបៀ Minebea(Cambodia) របស់ជប៉ុននៅក្នុងប្រទេសកម្ពុជា នាព្រឹកថ្ងៃទី០១ ខែធ្នូ ឆ្នាំ២០២២នេះ សម្តេចតេជោ ហ៊ុន សែន បញ្ជាក់ថា នៅឆ្នាំ២០២៣ខាងមុខនេះ គឺជាឆ្នាំសំខាន់រវាងកម្ពុជា-ជប៉ុន។ សម្តេចប្រកាសថា សម្តេចមានមោទនភាពយ៉ាងខ្លាំង ដែលបានធ្វើការ និងភាពជាដៃគូជាមួយជប៉ុន។សម្តេចតេជោ ហ៊ុន សែន ប្រកាសថា ការវិនិយោគនៅកម្ពុជា កត្តាធំបំផុត គឺកត្តាសុខសន្តិភាព។ «គ្មាននរណា ឬបរទេសណាវិនិយោគក្រោមគ្រាប់បែក គ្រាប់ផ្លោងនោះទេ»៕

សម្តេចតេជោ ហ៊ុន សែន អញ្ជើញជាអធិបតីប្រារព្ធខួប១១ឆ្នាំ នៃប្រតិបត្តិការរបស់ក្រុមហ៊ុន មីនីបៀ(Minebea) របស់ជប៉ុននៅកម្ពុជា

ភ្នំពេញ៖ នៅព្រឹកថ្ងៃទី១ ខែធ្នូ ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជាអធិបតីប្រារព្ធពិធីអបអរសាទរខួប១១ឆ្នាំនៃប្រតិបត្តិការរបស់ក្រុមហ៊ុនមីនីបៀ Minebea(Cambodia) របស់ជប៉ុននៅក្នុងប្រទេសកម្ពុជា។ក្រុមហ៊ុនមីនីបៀ ជាក្រុមហ៊ុនដ៏ធំមួយរបស់ជប៉ុន ដែលបានវិនិយោគនៅក្នុងប្រទេសកម្ពុជាក្នុងឆ្នាំ២០១០ ដោយផលិតជាម៉ូទ័រសម្រាប់នាំចេញទៅលក់នៅក្រៅប្រទេស។បច្ចុប្បន្នក្រុមហ៊ុនមានផលិតអំពូល LED និងសម្ភារៈក្មេងលេងកម្សាន្តផងដែរ។ក្រុមហ៊ុនធ្លាប់បានបញ្ជាក់ថា នៅឆ្នាំ២០១៩ ទុនវិនិយោគរបស់ក្រុមហ៊ុននៅកម្ពុជា មានរហូតដល់ទៅ ៤០០លានដុល្លារអាមេរិក និងផ្តល់ការងារជូនពលរដ្ឋខ្មែរបានជាង ៦ពាន់នាក់។បច្ចុប្បន្នក្រុមហ៊ុននេះ បានដាក់ទុនវិនិយោគសរុបរហូតដល់ ១,១២៤ពាន់លានយេន ស្មើនឹងជាង ៨ពាន់លានដុល្លារ នៅ ៩៥កន្លែងទូទាំងពិភពលោក។មុននឹងដំណើរការប្រតិបត្តិការនៅក្នុងប្រទេសកម្ពុជា សម្តេចតេជោ ហ៊ុន សែន បានធ្វើការបញ្ចុះបញ្ចូលយ៉ាងខ្លាំងលើថ្នាក់ដឹកនាំក្រុមហ៊ុនមួយនេះ ឱ្យមកវិនិយោគនៅកម្ពុជា ខណៈក្រុមហ៊ុនកំពុងមានការវិនិយោគ នៅក្នុងប្រទេសថៃរួចទៅហើយនោះ។ មិនត្រឹមតែប្រឹងប្រែងបញ្ចុះបញ្ចូល ឱ្យក្រុមហ៊ុនមួយនេះ ឱ្យមកវិនិយោគនៅកម្ពុជាប៉ុណ្ណោះទេ សម្តេចតេជោក៏បានរក្សាជំហរយ៉ាងរឹងមាំការពារការវិនិយោគរបស់ក្រុមហ៊ុនផងដែរ។មកដល់ពេលបច្ចុប្បន្នក្រុមហ៊ុនមីនីបៀ បានដំណើរការ និងចម្រើនលូតលាស់យ៉ាងខ្លាំងក្នុងប្រតិបត្តិការរបស់ខ្លួននៅកម្ពុជា ហើយបានផ្តល់ប្រយោជន៍ផ្នែកសេដ្ឋកិច្ចសម្រាប់ជាតិកម្ពុជា និងផ្តល់ការងារជាច្រើនកន្លែងសម្រាប់ពលរដ្ឋកម្ពុជា ជាមួយប្រាក់ឈ្នួល និងលក្ខខណ្ឌការងារយ៉ាងល្អប្រសើរ៕

ព្រឹកស្អែក សម្តេចតេជោ ហ៊ុន សែន នឹងអញ្ជើញជាអធិបតីប្រារព្ធខួប១១ឆ្នាំ នៃប្រតិបត្តិការរបស់ក្រុមហ៊ុន មីនីបៀ(Minebea) របស់ជប៉ុននៅកម្ពុជា

ភ្នំពេញ : នៅព្រឹក ថ្ងៃព្រហស្បតិ៍ ៨កើត ខែមិគសិរ ឆ្នាំខាល ចត្វាស័ក ព.ស. ២៥៦៦ ត្រូវនឹង ថ្ងៃទី១ ខែធ្នូ ឆ្នាំ២០២២ ស្អែកនេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នឹងអញ្ជើញជាអធិបតីប្រារព្ធពិធីអបអរសាទរខួប១១ឆ្នាំនៃប្រតិបត្តិការរបស់ក្រុមហ៊ុនមីនីបៀ Minebea(Cambodia) របស់ជប៉ុន នៅក្នុងប្រទេសកម្ពុជា។ក្រុមហ៊ុនមីនីបៀ ជាក្រុមហ៊ុនដ៏ធំមួយរបស់ជប៉ុន ដែលបានវិនិយោគនៅក្នុងប្រទេសកម្ពុជាក្នុងឆ្នាំ២០១០ ដោយផលិតជាម៉ូទ័រសម្រាប់នាំចេញទៅលក់នៅក្រៅប្រទេស។ បច្ចុប្បន្នក្រុមហ៊ុនមានផលិតអំពូល LED និងសម្ភារៈក្មេងលេងកម្សាន្តផងដែរ។ក្រុមហ៊ុនធ្លាប់បានបញ្ជាក់ថា នៅឆ្នាំ២០១៩ ទុនវិនិយោគរបស់ក្រុមហ៊ុននៅកម្ពុជា មានរហូតដល់ទៅ ៤០០លានដុល្លារអាមេរិក និងផ្តល់ការងារជូនពលរដ្ឋខ្មែរបានជាង ៦ពាន់នាក់។បច្ចុប្បន្នក្រុមហ៊ុននេះ បានដាក់ទុនវិនិយោគសរុបរហូតដល់ ១,១២៤ពាន់លានយេន ស្មើនឹងជាង ៨ពាន់លានដុល្លារ នៅ ៩៥កន្លែងទូទាំងពិភពលោក។មុននឹងដំណើរការប្រតិបត្តិការនៅក្នុងប្រទេសកម្ពុជា សម្តេចតេជោ ហ៊ុន សែន បានធ្វើការបញ្ចុះបញ្ចូលយ៉ាងខ្លាំងលើថ្នាក់ដឹកនាំក្រុមហ៊ុនមួយនេះ ឱ្យមកវិនិយោគនៅកម្ពុជា ខណៈក្រុមហ៊ុនកំពុងមានការវិនិយោគ នៅក្នុងប្រទេសថៃរួចទៅហើយនោះ។ មិនត្រឹមតែប្រឹងប្រែងបញ្ចុះបញ្ចូល ឱ្យក្រុមហ៊ុនមួយនេះ ឱ្យមកវិនិយោគនៅកម្ពុជាប៉ុណ្ណោះទេ សម្តេចតេជោក៏បានរក្សាជំហរយ៉ាងរឹងមាំការពារការវិនិយោគរបស់ក្រុមហ៊ុនផងដែរ។មកដល់ពេលបច្ចុប្បន្នក្រុមហ៊ុនមីនីបៀ បានដំណើរការ និងចម្រើនលូតលាស់យ៉ាងខ្លាំងក្នុងប្រតិបត្តិការរបស់ខ្លួននៅកម្ពុជា ហើយបានផ្តល់ប្រយោជន៍ផ្នែកសេដ្ឋកិច្ចសម្រាប់ជាតិកម្ពុជា និងផ្តល់ការងារជាច្រើនកន្លែងសម្រាប់ពលរដ្ឋកម្ពុជា ជាមួយប្រាក់ឈ្នួល និងលក្ខខណ្ឌការងារយ៉ាងល្អប្រសើរ។គេហទំព័រ Facebook សម្ដេចតេជោនាយករដ្ឋមន្ត្រី នឹងផ្សាយផ្ទាល់(Live)ពិធីនេះ នៅម៉ោង 7:00នាទីព្រឹក ពីតំបន់សេដ្ឋកិច្ចពិសេសភ្នំពេញ៕

សម្តេចតេជោ ហ៊ុន សែន អញ្ជើញ ជាអធិបតីបិទ ការប្រកួតកីឡាជាតិលើក៣ និង កីឡា ជន ពិការជាតិលើកទី១

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីបិទ ការប្រកួតកីឡាជាតិលើកទី៣ និងកីឡាជនពិការជាតិ លើកទី១ នៅពហុកីឡដ្ឋាន ជាតិមរតកតេជោ នាល្ងាចថ្ងៃទី៣០ ខែវិច្ឆិកា ឆ្នាំ២០២២នេះ។គួរបញ្ជាក់ថា ពិធីបើក ព្រឹត្តិការណ៍កីឡាជាតិលើកទី៣ និង កីឡាជនពិការជាតិលើកទី១ បានធ្វើឡើងកាលពីល្ងាច ថ្ងៃទី២១ ខែវិច្ឆិកា ឆ្នាំ២០២២ ក្រោមអធិបតីភាពសម្តេចតេជោនាយករដ្ឋមន្ត្រី។ការ ប្រកួតកីឡាជាតិលើក ទី៣ មានកីឡា៣៨ ប្រភេទ និង កីឡា ប៉ារ៉ាហ្គេម ឬកីឡាជនពិការជាតិ មាន៧ប្រភេទ ដោយមានកីឡាករកីឡាការិនីចូលរួម ប្រកួតប្រជែង មក ពីរាជធានី-ខេត្ត និង ក្រសួង ចំនួន២៨។ការ ប្រកួត ចាប់ផ្តើមពីថ្ងៃ ទី១៩-៣០ ខែវិច្ឆិកា ឆ្នាំ២០២២ ។ ពិធីបិទព្រឹត្តិការណ៍កីឡាជាតិ និងកីឡាជនពិការនាល្ងាចនេះ មានការអញ្ជើញចូលរួមពីមហាជនយ៉ាងច្រើនកុះករ ព្រមទាំងមានកម្មវិធីសំខាន់ៗ និងទាក់ទាញជាច្រើនទៀតផងដែរ៕

មន្ទីរបញ្ចកោណព្រួយបារម្ភពីស្ថិរភាពក្នុងតំបន់ បន្ទាប់ពីរបាយការណ៍ស្តីពីការរីកសាយនុយក្លេអ៊ែររបស់ចិន

អាមេរិក៖ យោងតាមរបាយការណ៍ដែលចេញផ្សាយ ដោយមន្ទីរបញ្ចកោណកាលពីថ្ងៃអង្គារបានឱ្យដឹងថា ប្រទេសចិនទំនងជានឹងស្តុកទុកក្បាលគ្រាប់នុយក្លេអ៊ែរចំនួន ១,៥០០គ្រាប់នៅត្រឹមឆ្នាំ២០៣៥ ប្រសិនបើប្រទេសនេះបន្តជាមួយនឹងល្បឿននៃការបង្កើតនុយក្លេអ៊ែរនាពេលបច្ចុប្បន្ន។ នៅពេលសួរអំពីជំហររបស់ប្រទេសចិនទាក់ទងនឹងរបាយការណ៍នេះ អ្នកនាំពាក្យមន្ទីរបញ្ចកោណលោក Pat Ryder បាននិយាយថា ការរីកសាយនុយក្លេអ៊ែរកាន់តែច្រើននាំឲ្យមានការព្រួយបារម្ភកាន់តែច្រើន និងនាំមកនូវកត្តាបង្កអស្ថិរភាពដល់តំបន់។ ក្នុងអំឡុងសន្និសីទព័ត៌មាននៅមន្ទីរបញ្ចកោណលោក Ryder បាននិយាយទៅកាន់ក្រុមអ្នកសារព័ត៌មានពីការវាយតម្លៃចុងក្រោយ អធិប្បាយអំពីបញ្ហាប្រឈមរបស់ក្រសួងការពារជាតិ និងលើកឡើងពីទិសដៅយុទ្ធសាស្ត្រយោធារបស់ប្រទេសចិន។ តួលេខនេះបានបញ្ជាក់អំពីការព្រួយបារម្ភរបស់សហរដ្ឋអាមេរិកកាន់តែខ្លាំងឡើង អំពីចេតនារបស់ចិនសម្រាប់ការពង្រីកឃ្លាំងអាវុធនុយក្លេអ៊ែររបស់ខ្លួន ទោះបីជាការព្យាករណ៍ពុំបានបង្ហាញថា ចិនកំពុងពន្លឿនការអភិវឌ្ឍន៍ក្បាលគ្រាប់នុយក្លេអ៊ែរ ដែលលឿនស្រាប់រួចទៅហើយក៏ដោយ។របាយការណ៍ដែលផ្តោតចម្បងសំខាន់លើសកម្មភាពក្នុងឆ្នាំ២០២១ បាននិយាយថា បច្ចុប្បន្នចិនមានស្តុកទុកក្បាលគ្រាប់នុយក្លេអ៊ែរជាង ៤០០គ្រាប់។ មន្ត្រីរូបនេះបាននិយាយថា ការព្យាករណ៍របស់មន្ទីរបញ្ចកោណសម្រាប់ឃ្លាំងអាវុធស្តុកក្បាលគ្រាប់នុយក្លេអ៊ែររបស់ចិននឹងមានចំនួន ១០០០គ្រាប់នៅឆ្នាំ២០៣០ ដែលនៅតែពុំមានការប្រែប្រួលនោះទេ ដោយបញ្ជាក់ថា ការព្យាករណ៍សម្រាប់ឆ្នាំ២០៣៥ ដោយផ្អែកលើល្បឿននៃការពង្រីកឃ្លាំងអាវុធក៏ពុំមានការប្រែប្រួលដែរ។ ចិននិយាយថា ឃ្លាំងអាវុធរបស់ខ្លួនពុំបានកើនឡើងដូចឃ្លាំងអាវុធរបស់សហរដ្ឋអាមេរិក និងរុស្ស៊ីនោះទេ និងបាននិយាយថា ខ្លួនត្រៀមខ្លួនចូលតុចរចា ប៉ុន្តែលុះត្រាតែក្រុងវ៉ាស៊ីនតោនកាត់បន្ថយឃ្លាំងអាវុធនុយក្លេអ៊ែរឲ្យនៅកម្រិតស្មើនឹងចិន៕អត្ថបទ៖ ប៊ុនថន

NATO បង្កើនជំនួយដល់អ៊ុយក្រែន ខណៈលោក Zelenskiy និយាយថា រុស្ស៊ីព្យាយាមរុលចូលតំបន់ Donbas

អឺរ៉ុប៖ អង្គការ NATO បានសន្យាជំរុញការគាំទ្ររបស់ខ្លួនដល់អ៊ុយក្រែន ដោយបានប្រកាសកាលពីថ្ងៃអង្គារថា ខ្លួននឹងជួយទីក្រុង Kyiv កសាងហេដ្ឋារចនាសម្ព័ន្ធថាមពលឡើងវិញ ដែលរងការបំផ្លាញយ៉ាងខ្លាំងដោយការបាញ់ផ្លោងរបស់រុស្ស៊ី។ ការសន្យាធ្វើឡើងបន្ទាប់ពីប្រធានអង្គការ NATO បាននិយាយថា ទីក្រុងមូស្គូកំពុងប្រើប្រាស់អាកាសធាតុត្រជាក់ក្នុងរដូវរងាជា «អាវុធសង្គ្រាម»។ រុស្ស៊ីកំពុងប្រើប្រាស់មីស៊ីលដ៏ឃោរឃៅ និងការវាយប្រហារដោយយានដ្រូនលើហេដ្ឋារចនាសម្ព័ន្ធថាមពល ដើម្បីធ្វើឱ្យអ៊ុយក្រែនជួបភាពត្រជាក់ និងងងឹតក្នុងរដូវរងានេះ។ រុស្ស៊ីបាននឹងកំពុងវាយប្រហារយ៉ាងខ្លាំងលើបណ្ដាញអគ្គិសនីរបស់អ៊ុយក្រែន ស្ទើររាល់សប្តាហ៍ចាប់តាំងពីខែតុលាមក។ ទីក្រុង Kyiv និយាយថា វាជាយុទ្ធនាការដោយចេតនាដើម្បីធ្វើឲ្យជនស៊ីវិលរងទុក្ខលំបាក ហើយចាត់ទុកសកម្មភាពនេះថាជាឧក្រិដ្ឋកម្មសង្គ្រាម។ រដ្ឋមន្ត្រីការបរទេសអង់គ្លេសលោក James Cleverly បានចោទប្រកាន់លោក Putin ពីការព្យាយាមធ្វើឲ្យប្រជាជនអ៊ុយក្រែនរងការត្រជាក់ខ្លាំង។ប៉ុន្តែលោកមិនគិតថា វានឹងទទួលបានជោគជ័យនោះទេ ព្រោះប្រជាជនអ៊ុយក្រែនបានបង្ហាញពីភាពធន់ដ៏ច្រើន ហើយយើងនឹងបន្តជួយពួកគេក្នុងរយៈពេលច្រើនខែដ៏លំបាកនេះ។ ប្រធានាធិបតីអ៊ុយក្រែនលោក Volodymyr Zelenskiy បាននិយាយថា ស្ថានភាពនៅព្រំដែននៅតែលំបាក ដោយកងកម្លាំងរុស្ស៊ីព្យាយាមរុលចូលទៅកាន់តំបន់ Donbas និងទីក្រុង Kharkiv។ ទោះបីជាមានការបាត់បង់យ៉ាងធំធេងក៏ដោយ ក៏អ្នកឈ្លានពាននៅតែព្យាយាមរុលចូលទៅកាន់តំបន់ Donetsk ទទួលបានទីតាំងនៅតំបន់ Luhansk ហើយឆ្ពោះទៅទីក្រុង Kharkiv៕អត្ថបទ៖ ប៊ុនថន

រុស្ស៊ីស្ដីបន្ទោសអាមេរិកចំពោះការផ្អាកការចរចាគ្រប់គ្រងអាវុធនុយក្លេអ៊ែរ

រុស្ស៊ី៖ ប្រទេសរុស្ស៊ីបាននិយាយថា ខ្លួនបានផ្អាកការចរចាសម្រាប់សន្ធិសញ្ញាគ្រប់គ្រងការសាយភាយអាវុធនុយក្លេអ៊ែរ New START ព្រោះសហរដ្ឋអាមេរិកបានបរាជ័យក្នុងការទទួលស្គាល់ចំណុចអាទិភាពរបស់រុស្ស៊ី។ ប្រទេសទាំង២ បានគ្រោងចាប់ផ្ដើមជំនួបចរចាក្នុងទីក្រុងគែរ (Cairo) កាលពីថ្ងៃអង្គារក្នុងគោលបំណងបន្តការត្រួតពិនិត្យឡើងវិញ ក្រោមសន្ធិសញ្ញាទ្វេភាគី។ ទោះយ៉ាងណាកាលពីថ្ងៃចន្ទ ក្រសួងការបរទេសអាមេរិកបានប្រកាសថា រុស្ស៊ីបានផ្អាកការសន្ទនាទាំងនោះហើយ។ អនុរដ្ឋមន្ត្រីការបរទេសរុស្ស៊ីលោក Sergey Ryabkov កាលពីថ្ងៃអង្គារបាននិយាយថា វានឹងលំបាកក្នុងការចាប់ផ្ដើមការពិភាក្សានៅចុងឆ្នាំនេះ។ លោកបានប្រាប់ក្រុមអ្នកសារព័ត៌មានថា សហរដ្ឋអាមេរិកមិនត្រឹមតែបង្ហាញពីកង្វះខាតនៃបំណងប្រាថ្នាកត់ចំណាំពីសញ្ញាផ្សេងៗ ការទទួលស្គាល់ និងចំណុចអាទិភាពរបស់យើងប៉ុណ្ណោះទេ ថែមទាំងបានបង្ហាញគំនិតផ្ទុយគ្នាទៀតផង។កាលពីថ្មីៗនេះរដ្ឋាភិបាលអាមេរិកបាននិយាយថា ការចរចានានាត្រូវបានផ្ដោតលើការពិភាក្សាពីការរីកសាយភាយអាវុធនុយក្លេអ៊ែរ មិនមែនជាបញ្ហាជាប់ពាក់ព័ន្ធនឹងអ៊ុយក្រែននោះទេ។ ចំណែកក្រុមអ្នកឃ្លាំមើលសកម្មភាពនេះនិយាយថា រុស្ស៊ីអាចកំពុងស្វែងរកការចរចាជាមួយសហរដ្ឋអាមេរិក លើបញ្ហាជាច្រើនលើសពីសន្ធិសញ្ញានុយក្លេអ៊ែរទៅទៀត៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

អាជ្ញាធរស៊ូដង់បោសសម្អាតរថយន្តរងការបំផ្លិចបំផ្លាញ និងត្រូវបានគេលួចរាប់ពាន់គ្រឿងចេញពីផ្លូវនៅទីក្រុង Khartoum

ប៉ាឡេស្ទីនរិះគន់ការជំរុញរបស់អ៊ីស្រាអែល ដើម្បីគ្រប់គ្រងទីតាំងបុរាណនៅតំបន់វ៉េសប៊ែង

រដ្ឋមន្រ្តីអាកាសធាតុស៊ុយអែតនាំទារករបស់លោកស្រីមកចូលរួមជំនួបសហភាពអឺរ៉ុប

តម្លៃប្រេងវិលត្រឡប់មករកកម្រិតមុនសង្រ្គាមអ៊ីរ៉ង់វិញ ខណៈការផ្គត់ផ្គង់កើនឡើងពីមជ្ឈិមបូព៌ា

រថយន្តបើកបុកចូលហ្វូងអ្នកគាំទ្របាល់ទាត់ម៉ិកស៊ិក នៅទីក្រុង Cabo San Lucas ដោយមានអ្នករបួសជាច្រើននាក់

កងកម្លាំងឆ្មាំបដិវត្តន៍អ៊ីរ៉ង់ បញ្ជាក់ថា អ៊ីស្រាអែលត្រូវតែដកទ័ពចេញពីលីបង់ទាំងស្រុង

កុងហ្គោចេញនីតិវិធីចត្តាឡីស័ក ចំពោះអ្នកធ្វើដំណើរមកពីតំបន់រងប៉ះពាល់ដោយជំងឺ Ebola

កិច្ចព្រមព្រៀងពាណិជ្ជកម្ម រវាង EU និងអាមេរិក នឹងចូលជាធរមានមុនថ្ងៃកំណត់របស់លោក Trump

លោក Trump លើកឡើងថា មេដឹកនាំអ៊ុយក្រែន កំពុងធ្វើបាន «ល្អ» ក្នុងការតទល់នឹងរុស្ស៊ី

ដាណឺម៉ាកអនុម័តការដាក់ពង្រាយបេសកកម្ម នៅច្រកសមុទ្រ Hormuz

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សហភាពអឺរ៉ុបនិយាយថា កងទ័ពអ៊ុយក្រែន ១០ម៉ឺននាក់បានស្លាប់ក្នុងជម្លោះជាមួយរុស្ស៊ី

ស្ថានទូតជប៉ុនចូលរួមសាទរគុនល្បុក្កតោខ្មែរចុះក្នុងបញ្ជីបេតិកភណ្ឌពិភពលោក

សម្តេចតេជោ ហ៊ុន សែន អញ្ជើញ ជាអធិបតីបិទ ការប្រកួតកីឡាជាតិលើក៣ និង កីឡា ជន ពិការជាតិលើកទី១

មន្ទីរបញ្ចកោណព្រួយបារម្ភពីស្ថិរភាពក្នុងតំបន់ បន្ទាប់ពីរបាយការណ៍ស្តីពីការរីកសាយនុយក្លេអ៊ែររបស់ចិន

NATO បង្កើនជំនួយដល់អ៊ុយក្រែន ខណៈលោក Zelenskiy និយាយថា រុស្ស៊ីព្យាយាមរុលចូលតំបន់ Donbas

រុស្ស៊ីស្ដីបន្ទោសអាមេរិកចំពោះការផ្អាកការចរចាគ្រប់គ្រងអាវុធនុយក្លេអ៊ែរ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សហភាព​អឺរ៉ុប​និយាយថា កងទ័ព​អ៊ុយ​ក្រែ​ន ១០​ម៉ឺន​នាក់​បាន​ស្លាប់​ក្នុង​ជម្លោះ​ជាមួយ​រុស្ស៊ី​

ស្ថានទូតជប៉ុនចូលរួមសាទរគុនល្បុក្កតោខ្មែរចុះក្នុងបញ្ជីបេតិកភណ្ឌពិភពលោក

សម្តេចតេជោ ហ៊ុន សែន អញ្ជើញ ជាអធិបតីបិទ ការប្រកួតកីឡាជាតិលើក៣ និង កីឡា ជន ពិការជាតិលើកទី១

NATO បង្កើន​ជំនួយ​ដល់​អ៊ុយ​ក្រែ​ន ខណៈ​លោក Zelenskiy និយាយ​ថា ​រុស្ស៊ី​ព្យាយាម​រុល​ចូល​តំបន់ Donbas

រុស្ស៊ី​ស្ដីបន្ទោស​អាមេរិក​ចំពោះ​ការ​ផ្អាក​ការចរចា​គ្រប់គ្រង​អាវុធ​នុយក្លេអ៊ែរ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សហភាពអឺរ៉ុបនិយាយថា កងទ័ពអ៊ុយក្រែន ១០ម៉ឺននាក់បានស្លាប់ក្នុងជម្លោះជាមួយរុស្ស៊ី

NATO បង្កើនជំនួយដល់អ៊ុយក្រែន ខណៈលោក Zelenskiy និយាយថា រុស្ស៊ីព្យាយាមរុលចូលតំបន់ Donbas

រុស្ស៊ីស្ដីបន្ទោសអាមេរិកចំពោះការផ្អាកការចរចាគ្រប់គ្រងអាវុធនុយក្លេអ៊ែរ